Најнови вести

1 нед.

(Видео) Македонска страница на Фејсбук вмешана во политички скандал во Словенија: објавени аудиоснимки од разговори меѓу високи функционери

Политички скандал деновиве ја потресува Словенија, откако на Фејсбук страница администрирана од Македонија беа објавени аудиоснимки од наводни разговори меѓу високи владини функционери, проследени со сериозни обвинувања за корупција и политички манипулации.Страницата „Maske padajo #nismofejk“ објавила повеќе снимки кои се тврди дека ги содржат разговорите на членови на владејачката партија „Гибање Слобода“. Администраторите тврдат дека располагаат со стотици такви разговори, кои постепено ги објавуваат на интернет.Некои снимки, според словенечките медиуми, прикажуваат поранешната генерален секретар Весна Вуковиќ како разговара со партиски функционери за кадровски решенија, внатрешни прашања и односите во владата. Во друг дел, министерката за инфраструктура Аленка Братушек се споменува во контекст на наводни неправилности околу железничкиот проект Дивача–Копер. Исто така, се зборува и за притисоци врз институции и конфликти во владејачката структура.Во една од снимките се спомнува и претседателката на словенечкиот парламент Уршка Клакоќар Зупанчиќ, при што се тврди дека примала дополнителни исплати преку партијата, што таа јавно го негира, оценувајќи ги наводите како „целосна лага и измислица“.Словенечката полиција веќе ја истражува автентичноста на снимките и проверува дали при нивното создавање или објавување е сторено кривично дело, вклучително и можноста разговорите да биле нелегално снимени или обработени со вештачка интелигенција.Од владејачката партија тврдат дека станува збор за црна кампања и не ја исклучуваат можноста снимките да се обработени или генерирани со помош на вештачка интелигенција.Скандалот предизвика силни реакции во Словенија, каде јавноста и медиумите бараат одговор дали снимките претставуваат вистински разговори од врвот на власта или се дел од внимателно режирана дискредитација. Иако страницата е лоцирана во Македонија, тоа не значи дека содржините мора да се создадени тука, туку само дека страницата е регистрирана на македонска територија.

Свет | пред 1 седмица

1 нед.

Ѓорѓиевски: Соработката меѓу институциите, локалната власт и академската заедница е клучна за одржливи политики

Градоначалникот на Град Скопје, Орце Ѓорѓиевски, присуствуваше на редовното годишно собрание на Македонската академија на науките и уметностите (МАНУ), кое се одржа на покана на претседателот на Академијата, академик д-р Живко Попов.На собранието беа презентирани визии и проекти насочени кон планирањето на идниот развој на државата, при што беше истакната значајната улога на академската заедница во креирањето научно засновани политики и долгорочни решенија за општествениот развој.Ѓорѓиевски истакна дека соработката меѓу институциите, локалната самоуправа и академската заедница е од исклучително значење за креирање одржливи политики, особено во областите на безбедноста, инфраструктурата и системската подготвеност за предизвиците со кои се соочува општеството.Тој потенцираше дека Град Скопје останува отворен за продлабочување на соработката со МАНУ, со цел преку заедничко знаење, експертиза и визија да се придонесе кон подобар развој и посигурна иднина за граѓаните.

Скопје | пред 1 седмица

1 нед.

Охриѓанец ги тепал неговата невенчана сопруга и нивното малолетно дете

На 10.03.2026 во 23:15 часот во Охрид, полициски службеници од СВР Охрид го лишија од слобода О.Л.(44) од Охрид по претходна пријава дека, во семејниот дом физички ги нападнал неговата невенчана сопруга и нивното малолетно дете.По целосно документирање на настанот, против него ќе биде поднесена соодветна пријава.

Македонија | пред 1 седмица

1 нед.

Јас нема да попуштам на притисок, ќе одам до крај во оваа работа, им порача министерот Љутков на колегите кои бараат кривично да одговара

Министерот за култура Зоран Љутков на денешната прес-конференција изјави дека Министерството во повеќе наврати побарало дијалог со Синдикатот на културата, но дека разговорите завршиле без договор. Тој посочи дека биле одржани два состанока со претставниците на синдикатот, при што, според него, наместо разговор за унапредување на правата на културните работници и нов колективен договор, се инсистирало Министерството да признае грешка во пресметката на платите, прашање кое во моментов се разгледува на суд.Овдека го имам документот, којшто им е даден. И во тој документ стои дека ова решение е возможно. Но, како и сè друго, се разбира дека можеле да се надминат проблемите. Како и сè друго, синдикатот за култура на Република Македонија не преговара со институцијата Министерство за култура. Пред малку го слушнав и пресот каде што таа изјави дека никогаш не било побарано од страна на Министерството за култура да се оствари дијалог. Еве, ги имам преписките овде и сите барања. Овдека не гледам дека имаше и еден новинар којшто беше присутен како лично, значи како лично, пред него се јавувам на претседателката и барам да се сретнеме на дијалог, а тоа беше на прес-конференцијата претходната година на Охридско лето во Охрид, и каде што се договоривме дека ќе продолжиме со дијалог. Потоа, следеше, еве го документот каде што го барам, потоа следеше и мејл којшто беше испратен до СКРМ и одржавме два состаноци коишто беа неуспешни. Значи, не отворивме дијалог за унапредувањето на правата на културните работници, да го отвориме колективниот договор. Туку се инсистираше ние да признаеме грешка во пресметките на платите, вели Љутков.Тој изјави дека тие се на суд за пресметките на платите, и сè додека не заврши процесот на судење, нема да коментира судски пресуди.Додека трае целиот процес, ние можеме да продолжиме со дијалогот, да разговараме за другите проблеми. Бидејќи овој колективен договор е истечен веќе неколку години. Ние мораме да преговараме, да се унапредат правата и на другите. Не само како што си ги напишале правата на одредена група на луѓе. Каде се правата на актерите? На балетаните? Каде е бенефицираниот стаж? Зошто не е ставен во колективниот договор за балетските играчи? Зошто теренски додатоци не се обезбедени за актерите, за музичарите? Зошто само за одредена група? За тоа треба да разговараме. Да ги отвориме работите внатре, а не да се гледа тесниот интерес внатре во синдикатот и да се делува политички и да се врши притисок врз судии. Бидејќи, како што знаете, тие судските пресуди ги добиваат 10-15 дена пред да бидат донесени. Од каде ги добиваат тие судски пресуди? Така да, дијалог постоеше од наша страна. Побаравме, одржавме два состаноци. Но, не најдовме заедничко решение. Како што не најдовме заедничко решение, уште на самиот почеток, бидејќи тие доаѓаат во кабинетот кај мене со ултиматум. Јас под притисок и со ултиматум не функционирам. Ако претходен министер во 2023 година потпаднал врз такво влијание и донел погрешно решение и паднал под притисок од која причина, не знам, јас тоа нема да го направам. И ќе одам до крај во оваа работа“, изјави Љутков.

Македонија | пред 1 седмица

1 нед.

Вистинската победа е во контролата – Mozzart ја потврдува својата општествена одговорност

Mozzart ја продолжува својата мисија за промовирање на одговорно кладење – затоа што вистинската победа е во контролата, а не во ризикот. Во изминатиот период компанијата реализираше бројни активности: печатење на брошури за одговорно кладење, подготовка на информативни ПР текстови и едукативни содржини, а во план се и нови иницијативи кои ќе ја поттикнат јавноста да ја гледа играта како забава, а не како начин за заработка.Одговорноста е привилегија која нè прави победници – не само на теренот, туку и во животот. Постави мерка, почитувај ја, уживај во спортот, но не дозволувај да те повлече во нешто што не е игра. Играј одговорно, биди победник,“ порача познатиот водител Димитар Атанасовски во рекламата на Mozzart за одговорно кладeње.Кампањата беше дополнета со електронска брошура објавена на официјалниот сајт на компанијата.Кампањата носи јасни пораки: Игри на среќа се забава, а не извор на приходи. Играчите треба да имаат контрола врз времето и парите што ги вложуваат. Важно е да се постави лимит и да се почитува. Губитокот е дел од играта – не треба да се надоместува со нови вложувања. Одговорноста е твојата најголема добивка.Mozzart предупредува дека неконтролираното учество може да доведе до проблеми со здравјето, финансиската стабилност и меѓучовечките односи.Затоа компанијата ги охрабрува сите играчи да бидат свесни за ризиците и да користат стратегии со низок ризик.Со оваа иницијатива Mozzart уште еднаш ја потврдува својата општествена одговорност и посветеност кон создавање безбедна средина за сите љубители на игрите на среќа.Информирај се, постави граници и играј одговорно – затоа што вистинската победа е во контролата.

Македонија | пред 1 седмица

1 нед.

Љутков: Тврдењата за злоупотреба на службената положба се неосновани и неточни, синдикатот бара незаконска пресметка на платите

Денес Синдикатот на културата објави дека поднел кривична пријава против министерот Зоран Љутков за злоупотреба на сопствената положба и овластување и повреда на права од работен однос.Министерот Зоран Љутков ја нарече срамна прес-конференцијата на Синдикатот на културата и изјави дека тврдењата против него се неточни и паушални.Сакам недвосмислено да нагласам дека како министер, секогаш стојам на страната на учесниците во културата и се залагам за заштита на нивните права. Никогаш не сум постапувал самоволно, ниту сум ускратил законски загарантирани работнички права. Сите одлуки што ги носам се во согласност на законските рамки и со принципот на еднаков третман за сите вработени во културниот сектор. Тврдењата за злоупотреба на службената положба се целосно неосновани и неточни. Ниту во еден момент не сум попречил остварување на никакво работничко право загарантирано со Устав и со закон. Напротив, мојата обврска е да обезбедам систем каде што правилата важат еднакво за сите, без привилегии и без исклучоци“, вели Љутков.Тој изјави дека во Македонија, се применува општ колективен договор за јавен сектор, а вработените во културата имаат и грански колективен договор кој со утврдена пресметка на плата.Општиот колективен договор предвидел покачување на платите во јавниот сектор за 10% од месец септември 2023 година. Во таа смисла, заради усогласување од страна на Министерството за култура, било понудено склучување анекс на колективниот договор што синдикатот го одбил. Денеска на прес-конференција слушнавме дека такво нешто не било понудено. Јас го имам овде кај мене документот. Па сега синдикатот тужи за пресметка на плати според начин кој доведува вработените во културата да имаат повисока минимална плата за пресметка на платата од објавената минимална плата во согласност со закон во државата. За да биде појасно, во 2025 година минималната плата во јавниот сектор на Република Македонија за пресметка на основната бруто плата изнесуваше 36.037 денари, а барањето на синдикатот за култура беше пресметката на основната бруто плата да се прави на износ од 39.641 денар, којшто ги прави во поповолна ситуација од сите други останати во јавниот сектор и што е спротивно на минималната плата објавена согласност со закон. Значи, синдикатот барал незаконски да се пресметуваат плати. Минималната плата на сите вработени во државата е иста, таа е уредена со закон и јавно се објавува секоја година. Ако со покачувањето на минималната плата во 2025 година сите вработени во јавниот сектор добија покачување во нето износ од 1.800 денари, вработените од установите во областа на културата добија покачување во нето износ од 1.800 денари за најниското работно место до 4.390 денари за највисокото работно место“, вели Љутков.

Македонија | пред 1 седмица

1 нед.

Финансиските друштва под надзор: Министерството наложи отстранување на измамнички реклами со „0% камата“

Министерството за финансии во реализиран надзор над работењето на финансиските друштва констатираше одредени измамнички трговски практики коишто се однесуваат, маѓу другото на рекламирањето на финансиските услуги и други дејствија од финансиските друштва, спротивно на Законот за заштита на потрошувачите.При надзорот констатирани се рекламирање со 0% камата, иако во договорот за кредит биле предвидени други дополнителни трошоци. Исто така, констатирани се неправилности коишто се однесуваат на рекламирање на финансиски услуги под брендови без да се наведе финансиското друштво коешто ја нуди конкретната услуга, потоа користење повеќе веб страни од страна на исто финансиско друштво, како и користење назив на друштвото во деловните простории различен од називот утврден во дозволата за работа на финансиското друштво.Министерството за финансии на сите финансиски друштва кај коишто утврди неправилности им наложи да ги отстранат сите реклами и натписи во деловните простории коишто би можеле да ги доведат граѓаните во заблуда. Во спротивно Министерството за финансии ќе ги преземе расположливите мерки во насока на заштита на граѓаните како корисници на финансиските услуги.Имено, во насока на усогласување со законските одредби, финансиските друштва се должни да го користат исклучиво називот согласно дозволата за работа издадена од Министерството за финансии, како и користење една веб страна, која јасно укажува за кое финансиско друштво станува збор. Согласно Законот за заштита на потрошувачите одредена трговска практика се смета како измамничка доколку во содржината изостануваат битни инфромации што на потрошувачот му се потребни за да донесе правилна одлука“, информираат од Министрството за финансии.

Македонија | пред 1 седмица

1 нед.

Алиу: Органодарителството е врвен чин на човечка солидарност

Министерот за здравство, Азир Алиу денеска ја посети Клиниката на нефрологија по повод одбележување Светски ден на бубрегот, кој годинава се одбележува под мотото „Здрави бубрези за сите – се грижиме за пациентите и ја заштитуваме планетата“.Хроничната бубрежна болест претставува сериозен глобален здравствен предизвик, а најчести причини за оштетување на бубрезите се дијабетесот и покачениот крвен притисок.Министерството за здравство дава силна поддршка за органодарителството и во континуитет работиме на подигнување на свесноста за значењето на овој врвен чин на хуманост. По тој повод, во соработка со граѓанскиот сектор, досега се одржаа трибини во Охрид и Битола, а на 27 март ќе се одржи и трибина во Штип. Целта на трибините е преку учество на лекари-експерти во областа на трансплантација, пациенти, донори и претставници на верските заедници, да се отвори јавна дискусија за значењето на органодарителството, медицинските факти, законските аспекти, како и за животните приказни на пациентите кои чекаат или веќе добиле трансплантација, посочи министерот Алиу.Министерството за здравство секоја година спроведува и Програма за обезбедување средства за третман на пациенти со дијализа, со која се опфатени лица на хемодијализа без здравствено осигурување, набавка на вакцини против хепатит Б, како и едукативни активности за превенција.Во нашата држава околу 85% од пациентите со терминална бубрежна слабост се третираат со хемодијализа, додека околу 15% со трансплантација на бубрег. Во оваа прилика беше упатен апел за подигнување на свесноста за значењето на трансплантацијата, како чин што спасува живот и претставува највисок израз на човечка солидарност.

Македонија | пред 1 седмица

1 нед.

37 странски лекари и експерти ќе учествуваат на меѓународната конференција на Владата за трагедијата во Кочани

Портпаролката на Владата, Марија Митева, на денешната прес-конференција објави дека Владата ќе организира меѓународна конференција на 14 март, посветена на трагедијата во Кочани, со цел да се анализира одговорот на институциите, здравствените експерти и меѓународните партнери, како и да се предложат системски решенија за подобра подготвеност при кризни ситуации.Пред нас е за жал одбележувањето на годишнината од трагедијата во Кочани. Настан којшто и тогаш, како и денес, го нуди и го буди истото чувство на болка и длабока одговорност. Тоа беше ден кога времето застана за многу семејства, но истовремено беше и момент кој ја покажа силата на солидарноста. Во најтешките часови се мобилизираа здравствените работници, институциите, службите, локалната заедница. Државата реагираше, а и нашите партнери покажаа дека солидарноста не е само принцип, туку е конкретна поддршка кога е најпотребна. Во тие најтешки часови, благодарение на координираниот одговор од страна на државата и поддршката од европските и регионалните здравствени системи, беа спасени човечки животи и беше овозможен третман за најтешко повредените. За владата една година подоцна, целта не е само сеќавање. Целта е да покажеме одговорност и создавање на систем кој ќе биде уште посилен по организиран и подготвен да одговори на кризни ситуации. Токму затоа сакам да ја информирам јавноста за организирањето на меѓународната конференција, институционални и клинички аспекти и решенија по пожарот во Кочани, една година потоа. Кога ќе се одржи на 14 март и ќе обедини претставници на институциите, здравствени експерти, меѓународни организации и хуманитарни партнери. Конференцијата има за цел да се направи една сеопфатна анализа на одговорот на трагедијата, од првична интервенција и спасување животи, до долгорочниот третман, рехабилитацијата и системските решенија за иднината. Посебна вредност на оваа конференција е и присуството на 37 лекари и медицински експерти од странство, кои во најтешките денови по трагедијата во Кочани директно учествуваа во лекувањето на пациентите. На покана од наша страна како држава, во Скопје ќе пристигнат доктори од клиники и здравствени центри од повеќе европски земји. Токму оние институции кои ги отворија своите врати кога и беше најпотребно на Македонија. Нашата присуство на оваа конференција претставува можност, искуствата од заедничката работа да се претворат во знаење, протоколи, но и системски решенија кои ќе придонесат за подобра подготвеност на здравствените системи во иднина. Настанот ќе започне со свечено институционално отварање по кое ќе следи и комеморативен момент, како потсетник дека зад секоја трагедија стојат човечки приказни. Во рамки на конференцијата ќе се одржат и повеќе тематски панели, посветени на повеќе аспекти“, изјави Митева.Таа додаде дека Владата останува доследна на ветувањето: дека поддршката за жртвите, повредените, нивните семејства, но и за здравствениот систем нема да биде еднократна, туку континуирана и системска.Од првиот ден беше превземена обврска дека државата ќе стои зад процесот на лекување, рехабилитација и закрепнување, но и дека трагедијата ќе биде претворена во поттик за подобрување на институционалните капацитети и подготвеноста на системот. Тоа ветување денес се реализира преку конкретни мерки, соработка со домашни и меѓународни партнери, и постојано унапредување на здравствените и кризно-менаџерски механизми“, изјави Митева.

Македонија | пред 1 седмица

1 нед.

Нов асфалт до и околу црквата „Св.Архангел“ во Ново Село, Ѓорче Петров

Завршени се градежните работи за асфалтирање на улици во делот до и околу црквата „Св. Архангел“ во Ново Село во Општина Ѓорче Петров, со што се подобрува локалната инфраструктура и пристапот за жителите во оваа населба.Во рамки на проектот, асфалтирани се седум краци со вкупна должина од околу два километри нов асфалт. Со реализацијата на овој зафат, првпат се уредува поголем дел од овој простор, кој претходно беше со неуредена и каллива подлога.Со новата инфраструктура се овозможува подобар пристап до домовите на жителите, побезбедно движење за сите учесници во сообраќајот, како и поквалитетни услови за живот во овој дел од населбата.Активностите за подобрување на локалната инфраструктура ќе продолжат и во наредниот период, со цел унапредување на условите за живот на граѓаните“, информираат од Општина Ѓорче Петров.

Скопје | пред 1 седмица

1 нед.

Пазарна за една недела изврши 492 надзори, изречени 89 казни во вредност од над 2,9 милиони денари

Во периодот од 2 до 8 март 2026 година, Државниот пазарен инспекторат изврши вкупно 492 инспекциски надзори низ целата територија на државата. По спроведените контроли, издадени се 89 прекршочни платни налози во вкупна вредност од над 2.944.525 денари.Најголем број платни налози се издадени по Законот за финансиска дисциплина – 50, по Закон за угостителска дејност – 8, по Закон за трговија – 13, како и по Законот за метрологија и инспекциски надзор – по 4 платни налози. За останатите закони, во некои случаи беа изречени опомени или не беа утврдени прекршоци.Инспекторатот истакнува дека надзорите се спроведуваат континуирано и во согласност со законите и плановите за работа, а дополнително се постапува и по пријави од граѓани и институции. Во наредниот период, врз основа на изречените 20 опомени, ќе следуваат контролни надзори. Целта е да се обезбеди доследно почитување на законската регулатива и заштита на правата на граѓаните“, информираат од ДПИ.

Македонија | пред 1 седмица

1 нед.

Кузеска: ВМРО ги излажа граѓаните и за платите и за акцизите за гориво

ВМРО за се лаже. Погледнете ја оваа вест зад мене. Кога ВМРО беше опозиција бараа, ветуваа намалување на акцизите за горивата. Ја добија довербата од граѓаните, и ги излажаа граѓаните, вели Богданка Кузеска - портпаролка на СДСМ.„Денеска кога се власт, кога можат да ја намалат акцизата, да ги намалт цените, одбиваат.Иако на светските берзи цената на нафтата се намалува граѓаните на Македонија плаќаат поскапо гориво.Сите земји во регионот воведоа мерки за ограничување на цените на бензините само владата на Мицкоски не.Очигледно Мицкоски намерно профитира на грбот на народот.Мицкоски вели најефитно гориво имало во Макеоднија.А што е со платите? Па проблем е што платите се најниски во Европа и куповната моќ на македонските граѓани е на дното.Тоа е проблемот, нискиот стандард и ниските плати.Да слушнеме сега уште еден став од ВМРО како опозиција.Значи, иако признаваат дека СДСМ ја покачи минималната плата, за ВМРО тоа не било доволно, продуктивноста била проблем.Повторно излажаа.Сега се власт, владата на Мицкоски одбива да ја покачи минималната плата на 600 евра.Излегува Мицкоски и вели хистерија е барањето за поголема плата.Со часовници од 60.000 евра, вредни колку 150 минимални плати, Мицкоски ги прави хистерични работниците затоа што бараат 600 евра плата.Не е хистерија да се бара достоинствена плата, тоа е борба за достоинствен животЧасовници од 60.000 евра, е тоа е хистерија.Сега граѓаните многу добро знаат, Мицкоски и ВМРО лажат за се“, вели Кузеска.

Македонија | пред 1 седмица

1 нед.

МАНУ одржа редовно годишно собрание: усвоени програма и финансиски планови за 2026 година

Денес во Свечената сала на МАНУ, се одржа Редовното годишно собрание на МАНУ, во чии рамки, традиционално, се дава отчет за сработеното и се донесуваат базичните документи за работа на МАНУ.На седницата, акад. Живко Попов, претседател на МАНУ, поднесе опсежно и содржајно експозе во духот на актуелниот институционален и општествен контекст, а акад. Александар Димовски, секретар на МАНУ, имаше јасно структурирано и аргументирано излагање за финансискиот извештај на МАНУ за 2025 година и за финансиските планови на МАНУ во 2026 година.На седницата беа донесени: Програмата за работа на Македонската академија на науките и уметностите во 2026 година, годишните сметки на МАНУ за 2025 година по одделни сметки и финансиските планови на МАНУ за 2026 година по одделни сметки, а беше усвоен и Извештајот за работата на Македонската академија на науките и уметностите во 2025 година.Редовното годишно собрание и оваа година беше проследено со голем интерес од владините претставници, претставниците на локалната самоуправа, верските претставници, претставниците на дипломатскиот кор и од претставници од научноистражувачката и уметничката сфера, како и од пошироката јавност, со што повторно може да се констатира дека дејствувањето на најистакнатата и највисока стожерна институција во научната и уметничката сфера, од посебно општествено значење за Републиката, и понатаму останува во фокусот на општествените случувања“, информираат од МАНУ.

Македонија | пред 1 седмица

1 нед.

Уставниот суд денеска расправа за проектот „Сејф сити“

На денешната 7. седница на Уставниот суд ќе се дискутира и за предметите поврзани со популарно наречениот проект „Safe city", или „Безбеден град", кои произлегуваат од одредбите на Законот за прекршоците.На дневниот ред се оспоруваат член 28 став 8, член 29 став 4, членовите 48-а, 48-б, 48-в, 48-г и член 83 став 8, кои се однесуваат на автоматското евидентирање и процесирање на сообраќајни прекршоци, како и на начинот на достава и прифаќање или неприфаќање на одговорност за сторен прекршок.Трите иницијативи доаѓаат од различни подносители: Зијадин Села, Илире Даути и Елми Азири; Или Пачуку; и Алијанса на Албанците преку Арбен Таравари. Претходно беше соопштено дека ќе се разгледуваат заедно, што сега е потврдено и во официјалниот дневен ред на Судот.Клучните приговори се насочени кон повеќе точки: обврската граѓаните да имаат телефонски број и електронска адреса за да примаат известувања, употребата на јазиците во електронската комуникација, како и нерамномерната примена на системот само во Скопје, Тетово и Куманово, што според подносителите може да ја загрози еднаквоста на граѓаните. Во некои иницијативи се оспорува и нејасната и временски неограничена „пилот фаза“.

Македонија | пред 1 седмица

1 нед.

Ресторан, спа, фитнес и салон за убавина во Тетово краделе струја од тајна шахта – штета над 56.000 евра

Екипата на Електродистрибуција откри тешка кражба на електрична енергија во станбено-деловен објект на ул. „Браќа Миладинови“ во Тетово, кој функционира како ресторан, спа центар, фитнес и салон за убавина.Според соопштението на компанијата, контролите откриле дека во објектот била поставена специјално изработена тајна подземна шахта која овозможувала противправно користење на електрична енергија. Дополнително, констатирано е директно неовластено приклучување на нисконапонски кабелски вод.По утврдувањето на неправилностите, тимот за откривање на неовластено користење презел повеќе мерки: составен е Записник за случајот, поднесена е Пријава до МВР според член 235-а од Кривичниот законик за неовластено преземање на електрична енергија, а изготвена е и фактура за надомест на штета во износ од 3.459.428 денари, што претставува над 56.000 евра.Од Електродистрибуција посочуваат дека ваквите активности се дел од редовните контроли со цел заштита на потрошувачите и справување со кражбите на електрична енергија.

Македонија | пред 1 седмица

1 нед.

Се реконструираат јавните пешачки површини кај ТЦ „Три бисери“ во Аеродром

Општина Аеродром започна со реализација на уште еден значаен и капитален инфраструктурен проект – целосна реконструкција на пешачките површини кај ТЦ „Три бисери“, простор што секојдневно го користат голем број наши сограѓани.Со овој проект ќе се уредат околу 4.000 квадратни метри јавен простор, на потегот покрај бул. „Јане Сандански“ – од зграда број 7 до зграда број 11.При тоа, старите и дотраени павер-елементи се заменуваат со нови и современи, со што овој фреквентен дел од Аеродром ќе добие модерен и уреден изглед. По неколку децении, конечно се создаваат услови за поголема безбедност и поквалитетен јавен простор за жителите, но и за сите посетители на трговскиот центар.Инвестицијата во вредност од 17,2 милиони денари се реализира со поддршка од Владата и претставува уште еден чекор кон системско подобрување на инфраструктурата и урбаниот изглед на нашата општина.Продолжуваме посветено да инвестираме во проекти што го подобруваат секојдневието на граѓаните и го разубавуваат Аеродром.

Скопје | пред 1 седмица

1 нед.

Ѓорѓиевски: Болката од Холокаустот сè уште живее во сеќавањето на градот

Денес со тешко срце се сеќаваме на нашите 7.144 сограѓани македонски Евреи, кои на овој ден беа насилно одземени од своите домови, од своите семејства и од своето Скопје, испратени кон сигурна смрт во логорот Треблинка, вели градоначалникот на Скопје, Орце Ѓорѓиевски.„Ова е болка што сè уште живее во сеќавањето на нашиот град.Тие беа наши соседи, пријатели, еснафи - луѓе што со својата работа, култура и дух го градеа животот на Скопје.Еден ден исчезнаа, а зад нив остана тишина што трае со децении. Трагедијата на Холокаустот е вечна опомена за човештвото и доказ колку ниско може да падне човекот кога омразата ќе стане идеологија, а злото политика.Затоа нашата должност е да паметиме.Да ја чуваме вистината.И никогаш да не дозволиме темнината повторно да се врати.Скопје никогаш нема да ги заборави своите сограѓани.Нека е вечен споменот на жртвите“, додава Ѓорѓиевски.

Скопје | пред 1 седмица

1 нед.

Петрушевски: СДС и Филипче без извинување за дезинформациите за мигрантите, продолжуваат со истата реторика

И покрај демантите и јасните факти, СДС и Филипче наместо да се извинат за невистините што ги пласираа во јавноста за наводни мигранти во Македонија, продолжуваат со истата реторика и обвинувања, вели Бране Петрушевски, пратеник на ВМРО-ДПМНЕ.„Дури и по реакцијата и демантот од британскиот амбасадор во врска со наводите за мигрантски кампови во Македонија, СДС останува на истите позиции, повторувајќи ги истите тврдења како да очекува дека со нивното постојано повторување тие ќе станат вистина.Во меѓувреме, од СДС се обидуваат да ги убедат граѓаните дека никогаш не зборувале за мигрантски кампови, иако токму тие претходно тврдеа дека Македонија се претвора во голем мигрантски камп и црна точка на Европа. И за ова извинување нема.Почитувани,Наместо одговорност и извинување за неточните информации, јавноста повторно е сведок на манипулации и политичка деструкција.Очигледно е дека ваквиот пристап не им носи резултати, поради тоа што СДС денес е третопласирана партија со околу 130.000 освоени гласови“, додава Петрушевски.

Македонија | пред 1 седмица

1 нед.

Синдикатот на културата поднесе кривична до Љутков: Кога функцијата ќе удри во глава, тогаш законот мора да приземји

На денешната прес-конференција на претставниците на Синдикатот на културата, пред Основното јавно обвинителство соопштија дека поднеле кривична пријава до министерот за култура Зоран Љутков за злоупотреба на сопствената положба и овластување и повреда на права од работен однос.Секако оваа кривична пријава ја поднесуваме со жалење, не затоа што се сомневаме во нејзината оправданост, туку затоа што станува збор за човек кој до неодамна беше и еден од нас, колега, член на синдикатот и соучесник во борбата за правата на културните работници. Денес, од позиција на министер, за жал, стои на спротивната страна од оваа борба. Министерот кој до вчера беше дел од синдикалната борба за работнички права, денес е симбол на нивното кршење.Министерот Љутков направи нешто што во правна држава не смееше да се направи. Со насоки пратени по мејл и упатство што сам го изготви и сам го потпиша, се обиде да ги поткопа правата на вработените во културата и да ги девалвира колективните договори. Упатство или мејл не е закон, а министер не е над закон. Упатството што го изготви министерот Зоран Љутков со иницијатива го поднесовме до Уставниот суд, со која бараме истото веднаш да се стави вон сила и да се поништи поради неуставност“, велат од Синдикатот на културата.Од синдикатот додаваат дека има повеќе од 800 тужби од вработените во културата против институциите и државата.Сведоци сме денес на над 50 судски пресуди во корист на синдикатот, од кои 8 се правосилни. Кога министерот не ги почитува законите и се става над нив, единственото место каде што може да се бара правдата е ова обвинителство, кое треба да го потсети дека никој не е над законите. Затоа денес сме овде и со целосна одговорност ја објавуваме кривичната пријава против министерот Зоран Љутков. Основниот суд во Битола повторно ја потврди првостепената пресуда, со што правдата уште еднаш излезе на виделина. Останува да видиме дали апелациониот судија во јавноста повторно ќе се обиде да ја поништи оваа пресуда повикувајќи се на наводен недостаток од економско вештачење во статусно-тужбено барање. Воедно, јавноста очекува и одговор дали Судскиот совет конечно ќе постапи по претставката што Синдикатот на култура ја поднесе против истиот овој апелационен судија.Со своите постапки, министерот Љутков ги доведе и директорите на институциите од културата во исклучително незавидна и правно ризична позиција, туркајќи ги да постапуваат по негови упатства, иако тие беа во спротивност со законите, одлуките на управните одбори во институциите и сега последно со судските одлуки.Поради тоа Синдикатот подготви и денес ќе поднесе кривични пријави и против директорите на институциите од културата за повреда на правата од работен однос. Важно е да се нагласи дека директорите на институциите беа претходно писмено предупредени од Синдикатот, дека доколку постапат по незаконските налози и ги прекршат правата на вработените, ќе следуваат кривични пријави. Наместо тоа, тие избраа да продолжат по погрешниот пат и сега следствено ќе мораат да се соочат со правните последици од таквите одлуки“, велат од Синдикатот.Тие директно му се обратија и на министерот Љутков дека сето ова можело да се избегне доколку се почитувале законите и колективните договори.Требаше само да се почитуваат судските пресуди. Требаше само да се слушнат луѓето со кои до вчера работевте. Требаше само да се сетите дека утре повторно ќе седите со нас, а не над нас. Требаше само малку помалку суета и малку помалку самоувереност во сопствената безгрешност. Ништо повеќе. Но кога функцијата ќе удри во глава, тогаш законот мора да приземји. Мора да потсети дека никој не е над него. Инаку, зашто ни се законите? Затоа сме денес овде. Не затоа што гориме од желба да поднесуваме кривични пријави, туку затоа што имаме должност да ги браниме правата на работниците во културата, права што се стекнувани со години, труд и борба, права кои да потсетиме и вие ги уживавте пред да станете министер“, додаваат од Синдикатот.

Македонија | пред 1 седмица

1 нед.

Албанец со податоци од сопругата од која се разведувал се обидел да земе кредит

На 10.03.2026 во 13:20 часот на ул.„Браќа Ѓиноски“ во Гостивар, полициски службеници од ОВР Гостивар го лишиле од слобода Ф.Л. (30) од Република Албанија затоа што ги злоупотребил личните податоци на неговата 35-годишна сопруга, со која се во бракоразводна постапка, и се обидел да подигне кредит од финансиско друштво без нејзина согласност.По целосно документирање на настанот, против него ќе следува соодветен поднесок.

Македонија | пред 1 седмица

1 нед.

Изгорено тело пронајдено по пожар во куќа во Тетово

На 11.03.2026 во 08:56 часот во СВР Тетово, од Територијалната противпожарна единица Тетово е пријавено дека на ул.„Вон Вардарска“ во Тетово настанал пожар во куќа.Пожарот е локализиран, по што е забележано дека во внатрешноста има едно починато лице.Се преземаат мерки за расчистување на случајот.

Македонија | пред 1 седмица

1 нед.

Приведен Албанец во Гостивар кој нелегално работел на објект без дозвола

На 10.03.2026 во периодот од 11:00 до 14:00 часот на подрачјето на Гостивар, полициски службеници од ОВР Гостивар извршиле контрола на објекти во градба.Притоа, при извршената контрола било констатирано дека објектот во изградба на ул.„137“ не поседува одобрение од општина Гостивар, а бил затекнат и Е.В.(38) од Албанија, кој не поседува дозвола за работа, односно го злоупотребил туристичкиот престој.Се преземаат мерки за расчистување на случајот.

Македонија | пред 1 седмица

1 нед.

(Видео) Намалена казната за смртното прегазување на Слободан кој поминуваше пешачки кај МНТ: Филиповиќ осудена на 2,5 години затвор

Две години и шест месеци затвор ѝ изрече судот на Гордана Филиповиќ, која со незастанување на пешачки премин и возење со поголема брзина од дозволената го усмрти 76-годишниот Слободан Ангеловски кај мостот „Гоце Делчев“, наспроти Македонскиот народен театар.Несреќата се случи во 2022 година, а предметот се судеше по вторпат откако Апелацискиот суд ја укина претходната пресуда. Пресудата ја соопшти судијката Лидија Петровска.Со првата пресуда Филиповиќ беше осудена на три години затвор, но со новата одлука казната е намалена на две години и шест месеци.Синот на загинатиот пешак, Столе Ангеловски, изрази силно незадоволство од пресудата и оцени дека казната е премногу ниска.„Максимално сум разочаран од судството во Македонија. Две години и шест месеци за обвинетата која направила сериозни прекршоци – брзо возење и незастанување на пешачки. Судството не е на два процента, туку е на минус 20 проценти. Ова е шокантна и некоректна пресуда“, изјави Ангеловски.Адвокатот на осудената, Владимир Туфегџиќ, најави жалба до Апелацискиот суд, посочувајќи дека делото не било сторено со умисла, туку од небрежност.„Обвинетата не го сторила делото со умисла, туку станува збор за небрежно дело, на што упатуваат и ставовите и правната пракса во пресудите на Врховниот суд. Во жалбата ќе ги изнесеме нашите аргументи“, изјави Туфегџиќ.

Македонија | пред 1 седмица

1 нед.

244497752_222960099809695_4013329667676755550_n

ДУИ: Да се воведат максимални цени или да се утврдат ограничени маржи, за да се спречат злоупотреби со цените

Животниот стандард на семејствата во државата секојдневно се влошува поради растот на цените и поради отсуството на институционална реакција. Наместо да се преземат мерки за заштита на граѓаните, Владата и Министерството за економија, предводено од претставници на ВЛЕН, покажуваат целосен недостаток на интерес и капацитет за справување со оваа состојба, вели Синан Вејсели од ДУИ.„ДУИ предложи јасна мерка – зголемување на минималната плата и линеарно зголемување на останатите плати, како најправеден начин за заштита на животниот стандард на граѓаните. Овој предлог не беше прифатен. Како резултат, илјадници семејства денес се соочуваат со сè повисоки цени, додека нивните приходи остануваат исти.Состојбата станува уште потешка во овој период кога семејствата имаат зголемени трошоци. Се наоѓаме во месецот Рамазан и пред празниците Бајрам и Велигден, период кога на граѓаните им е повеќе од потребна ценовна стабилност и поддршка од институциите. За жал, Министерството за економија се однесува како оваа криза воопшто да не постои.ДУИ не останува само на критика. Ние предлагаме конкретни мерки што можат веднаш да се применат за да се олесни товарот врз семејствата.Прво, да се воведат максимални цени за основните прехранбени производи или да се утврдат ограничени трговски маржи, со цел да се спречат злоупотреби со цените.Второ, минималната плата да се зголеми за најмалку 3500 денари, почнувајќи од месец март, наместо симболичното зголемување од 1600 денари што е предвидено во моментот.Трето, привремено да се намали ДДВ-то за основните прехранбени производи за период од три месеци, со цел веднаш да се намалат цените на пазарот.Четврто, да се направи ревизија на царинските податоци за увозот на овошје и зеленчук, имајќи предвид дека земјата во голема мера зависи од увоз и дека евентуалните манипулации во овој сектор директно влијаат врз цените за граѓаните.Петто, да се зголемат контролите од надлежните инспекторати на пазарот со цел да се спречат шпекулации и злоупотреби со цените.Воедно, апелираме до Регулаторната комисија за енергетика почесто да ги разгледува цените на нафтените деривати, најмалку двапати неделно, имајќи предвид дека на меѓународните берзи веќе има значително намалување на цените. Секое доцнење во рефлектирањето на овие промени на домашниот пазар претставува дополнителен товар за граѓаните и за бизнисите.Граѓаните имаат потреба од конкретни мерки, а не од институционална тишина. Владата треба веднаш да преземе чекори за заштита на животниот стандард на семејствата“, се вели во соопштението.

Македонија | пред 1 седмица

1 нед.

Се скарал со сопругата, па и се заканувал на мајка и на социјални мрежи

На 10.03.2026 во 22:30 часот, полициски службеници од ОВР Гостивар го лишиле од слобода Ј.З. (27) од с.Долна Бањица, гостиварско, постапувајќи по претходна пријава од неговата сопруга 26-годишна сопруга дека, поради меѓусебно недоразбирање, упатувал закани на нејзината мајка на социјална мрежа.По целосно документирање на случајот, ќе следува соодветна пријава.

Македонија | пред 1 седмица