МАКРОН

Макрон бара построга контрола на криптовалутите за спречување тероризам

Францускиот претседател Емануел Макрон повика на построга регулација на криптовалутите со цел да се спречи нивна злоупотреба за финансирање тероризам и организиран криминал.Според него, недостатокот на контрола врз криптопазарот создава финансиски „див Запад“ и им овозможува на криминалните мрежи полесно да ги сокриваат нелегалните трансакции.„Некогаш постоеше финансиски свет кој беше целосно нерегулиран. Постепено воведовме правила за одржливост, ликвидност и транспарентност за да можеме да ги следиме нелегалните текови и финансирањето незаконски активности“, изјави Макрон.Тој предупреди дека без јасни правила, државите ризикуваат несвесно да станат соучесници во финансирање терористички активности и организиран криминал.Покрај регулацијата на криптовалутите, францускиот претседател нагласи дека во борбата против тероризмот е неопходна и координирана меѓународна акција, како и економска и политичка стабилизација на кризичните региони.„Секојпат кога ќе биде поразена некоја терористичка група, ако не следуваат економски развој и политичка нормализација, тие повторно се враќаат бидејќи нудат неформални економски можности“, порача Макрон.

Свет | пред 3 дена

(Видео) Макрон прекина говори на самит во Најроби: „Ова е непочитување“

Францускиот претседател Емануел Макрон накратко ја прекина програмата на самитот Africa Forward во Најроби за да ги укори дел од учесниците поради бучава за време на говорите.Макрон се искачи на сцената и побара од присутните да покажат почит кон говорниците, оценувајќи дека ваквото однесување е несоодветно за дискусии посветени на културата и младите.„Извинете. Еј, еј. Жал ми е, но невозможно е да се зборува за култура и да имаме инспиративни луѓе кои држат говор додека има толкава бучава. Тоа е целосно непочитување“, порача Макрон.Тој додаде дека оние што сакаат да разговараат за други теми можат да го напуштат просторот или да користат посебни простории за билатерални средби.„Ако сакате да останете тука, слушајте ги луѓето и сите ќе играме по истите правила“, рече францускиот претседател, по што дел од публиката реагираше со аплауз, а редот во салата беше воспоставен.Самитот Africa Forward е заедничка иницијатива на Емануел Макрон и кенискиот претседател Вилијам Руто и има цел да ги редефинира односите меѓу Франција и африканските држави преку соработка во економијата, иновациите, инвестициите и глобалното управување.На форумот учествуваат африкански лидери, претставници на Африканска Унија, меѓународни финансиски институции, инвеститори и претставници на бизнис и креативниот сектор. Организаторите најавуваат повеќе од 1.500 учесници од Африка и Франција.

Свет | пред 1 седмица

(Видео) Макрон ја прекина бучавата на форумот: „Или слушајте, или излезете“

Необична сцена се случи за време на самитот „Африка напред“ во Најроби, на кој учествуваше и францускиот претседател Емануел Макрон.Самитот беше посветен на прашања поврзани со меѓународната застапеност на западноафриканските земји и нивната улога во глобалните дискусии.Макрон учествуваше на пленарните сесии заедно со повеќе од 30 африкански лидери, а отвори и деловен форум во рамките на настанот.За време на панелот „Африка напред: Создавање во движење“, францускиот претседател ненадејно стана од публиката, го зеде микрофонот и ги прекори присутните поради гласното зборување и нарушувањето на дискусијата.„Ова е целосен недостаток на почит. Ако сакате да имате билатерални разговори или да дискутирате за нешто друго, тогаш одете во посебни простории или излезете надвор. Ако сакате да останете, тогаш ги слушаме говорниците и ги почитуваме правилата“, изјави Макрон.По неговата реакција, публиката го поздрави со аплауз, по што тој се врати на своето место.

Свет | пред 1 седмица

Франција никогаш не планирала да испрати воени бродови во Ормутскиот теснец, вели Макрон

Францускиот претседател Емануел Макрон изјави дека Франција никогаш не разгледувала распоредување воени бродови во Ормутски теснец, туку исклучиво безбедносна мисија во координација со Иран.На прес-конференција во Најроби, Макрон нагласи дека Париз се противи на „секаква блокада, без оглед од која страна доаѓа“, мислејќи и на американските и на иранските активности во регионот.„Никогаш не станало збор за распоредување бродови, но подготвени сме“, изјави Макрон.Неговата реакција следува откако Иран се закани со „одлучен и непосреден одговор“ доколку Франција и Обединето Кралство испратат поморски сили во регионот, по најавите за можна меѓународна безбедносна мисија.Макрон објасни дека е формирана ад хок мисија предводена од Велика Британија, во која учествуваат околу 50 држави и меѓународни организации.„Во соработка со Иран и со цел намалување на тензиите со сите земји во регионот и со Соединетите Американски Држави, сакаме да обезбедиме продолжување на поморскиот сообраќај веднаш штом условите ќе го дозволат тоа“, рече францускиот претседател.Тој нагласи дека приоритет е обезбедување непречен транспорт на храна, ѓубрива и енергенси низ Ормускиот Теснец, кој претставува една од најважните светски поморски рути за извоз на нафта и гас од Блискиот Исток.Според Макрон, блокадата на теснецот веќе има сериозни последици врз светската економија, а особено врз африканските земји.„Целиот африкански континент моментално страда поради блокадата“, изјави тој.Минатата недела Франција соопшти дека нејзиниот носач на авиони Шарл де Гол поминал низ Суецки Канал за да биде подготвен доколку безбедносната мисија биде активирана во иднина.

Свет | пред 1 седмица

(Видео) Макрон запеа во Ереван – пијано, тапани и француска шансона

Претседателот на Франција, Емануел Макрон, ја изведе песната „La Bohème“ од Шарл Азнавур за време на државна вечера во Ереван, каде што престојуваше заедно со претседателот и премиерот на Ерменија.Мал музички момент се случи за време на вечерата, кога Макрон го зеде микрофонот и ја отпеа познатата шансона, која ги симболизира блиските врски меѓу Франција и Ерменија, пренесува телевизијата BFM.Во изведбата учествуваа и ерменскиот претседател Вахагн Хачатуријан, кој свиреше пијано, додека премиерот Никол Пашинјан симболично се приклучи свирејќи на тапани во импровизираниот настап.Макрон и претходно јавно ја изведувал „La Bohème“, во Елисејската палата во 2023 година за време на вечера со познати личности од светот на модата и музиката.Францускиот претседател престојува во Ерменија во рамки на Самитот на Европската политичка заедница, а неговата посета вклучува и државен дел од програмата во земјата која има изразени франкофонски врски.За време на посетата, Макрон го истакна „посебниот однос“ меѓу Франција и Ерменија, потсетувајќи на историските врски, вклучувајќи го прифаќањето на ерменските бегалци во Марсеј и помошта по земјотресот во 1988 година.Тој, исто така, ја нагласи долгогодишната поддршка на Франција за Ерменија во конфликтите со Азербејџан по распадот на СССР.Макрон и Пашинјан треба да потпишат стратешко партнерство кое ќе ја зајакне одбранбената и економската соработка меѓу двете земји.

Свет | пред 2 седмици

Макрон до Трамп: Европа може да се брани сама, тоа го покажа Кипар

Францускиот претседател Емануел Макрон испрати јасна порака до Доналд Трамп дека Европа има капацитет самостојно да се брани, повикувајќи се на неодамнешната воена поддршка за Кипар како доказ дека европските механизми функционираат и без директна улога на САД.Во изјава дадена за време на неговата посета на Грција, Макрон нагласи дека клаузулата за заемна помош од договорите на Европска Унија не е формалност, туку реален безбедносен инструмент кој веќе бил активиран.„Што се однесува до членот 42, став 7, тоа не се само зборови на хартија. Нам тоа ни е целосно јасно. Тука нема место за различни толкувања или било каква двосмисленост“, изјави Макрон.Тој ја посочи интервенцијата на неколку европски држави кои испратиле воена помош на Кипар по нападот со беспилотно летало врз британска воздухопловна база на 28 февруари, оценувајќи го тој потег како доказ дека европската одбрана може да функционира и без директна поддршка од НАТО.Макрон отиде и чекор понатаму, тврдејќи дека европската одбранбена клаузула е „посилна“ од членот 5 на НАТО, кој предвидува колективна одбрана во случај на напад врз некоја членка. Според него, сѐ понеизвесната политика на САД под водство на Трамп го довела во прашање кредибилитетот на Алијансата.„Сега се појави сомнеж во тој член, а него на маса не го ставија Европејците, туку американскиот претседател“, рече Макрон.Во меѓувреме, претседателот на Европскиот совет Антонио Кошта потврди дека Европската Унија веќе работи на конкретни механизми за примена на клаузулата за заемна помош, вклучително и подготовка на практични насоки за нејзино активирање.Грчкиот премиер Киријакос Мицотакис ја поддржа оваа позиција, оценувајќи дека испраќањето борбени авиони и поморска поддршка за Кипар претставува пресврт во безбедносната политика на Унијата.„Она што го направивме на Кипар беше пресврт“, изјави Мицотакис.Тој додаде дека е време европските земји сериозно да го сфатат овој механизам, кој досега бил во сенка на НАТО, но во новите геополитички околности добива сѐ поголемо значење.Изјавите доаѓаат во момент на засилени тензии меѓу европските сојузници и Вашингтон, особено по критиките на Трамп кон НАТО и неговото незадоволство од поддршката на Алијансата во однос на нападите врз Иран, што дополнително ги зголеми сомнежите во стабилноста на трансатлантските безбедносни гаранции.

Свет | пред 3 седмици

Макрон се повлекува од политиката

Францускиот претседател Емануел Макрон изјави дека нема да остане во политиката откако ќе му заврши мандатот во Елисејската палата во 2027 година, по два претседателски мандати.За време на дискусија со студенти во Никозија, францускиот претседател Емануел Макрон рече дека пред да стане претседател не бил активен во политиката и дека нема да се врати во неа по завршувањето на мандатот.Тој, исто така, се осврна на предизвиците од неговиот последен мандат, истакнувајќи дека најтешката задача била балансирањето на постигнатите резултати со недовршените реформи

Свет | пред 4 седмици

Макрон го поддржа примирјето на Израел и Хезболах, но повикува на претпазливост

Францускиот претседател Емануел Макрон изрази целосна поддршка за десетдневниот прекин на огнот меѓу Израел и Хезболах во Либан, но истовремено предупреди дека ситуацијата останува нестабилна и бара зголемена претпазливост.Во објава на социјалните мрежи, тој наведе дека постои сериозна загриженост оти примирјето веќе може да биде нарушено поради продолжување на воените операции, повикувајќи на заштита на цивилното население од двете страни на границата.Макрон нагласи дека Хезболах треба да се откаже од оружјето, додека Израел мора да го почитува суверенитетот на Либан и да ги прекине воените дејства.Во меѓувреме, во Париз е најавен виртуелен состанок со учество на околу 40 држави, на кој ќе претседаваат Макрон и британскиот премиер Кир Стармер, со цел формирање мултилатерална мисија за обезбедување безбеден поморски премин низ Ормускиот теснец.

Свет | пред 1 месец

Макрон го предупреди Израел: „Се обидуваат да ги заплашат француските војници“

Францускиот претседател Емануел Макрон изјави дека е „од витално значење“ двонеделното примирје меѓу САД и Иран да се прошири и на израелските напади врз Либан, оценувајќи дека состојбата во земјата е критична.Макрон, во пресрет на состанок на францускиот Совет за одбрана во средата, порача дека нападите и присуството на израелските сили во јужен Либан не претставуваат решение и повика на политички разговори меѓу Тел Авив и Бејрут, во обид да се намалат тензиите и да се спречи натамошна ескалација.Во изјавите, Франција дополнително го обвини Израел дека се обидува да ги „заплаши“ француските војници кои учествуваат во мировната мисија на Обединетите нации во регионот. Париз во изминатиот период повеќепати ги осудуваше нападите врз Либан, кој го смета за еден од најблиските партнери на Франција на Блискиот Исток.Напнатоста се зголеми по повеќекратните израелски удари врз Либан, кои следеа по нападите на Хезболах поврзан со Иран во март. Според либанските власти, во израелската офанзива загинале повеќе од 1.500 луѓе.Во меѓувреме, останува неизвесно дали примирјето меѓу Вашингтон и Техеран ќе биде продолжено и дали ќе се префрли и на либанскиот фронт. Иако пакистанскиот премиер Шехбаз Шариф најави дека прекинот на огнот би можел да има поширок опфат, израелскиот премиер Бенјамин Нетанјаху порача дека примирјето „не го вклучува Либан“.

Свет | пред 1 месец

Макрон и јужнокорејскиот претседател подготвуваат план за безбедноста во Ормускиот теснец

Францускиот претседател Емануел Макрон и јужнокорејскиот претседател Ли Џе Мјунг најавија соработка за изнаоѓање решение со кое повторно би се обезбедила безбедна пловидба низ Ормускиот теснец – една од најважните светски поморски рути за транспорт на енергенси.Двајцата лидери ја соопштија оваа иницијатива на заедничка прес-конференција во Сеул, за време на првата официјална посета на Макрон на Јужна Кореја.Иницијативата доаѓа во период на зголемена загриженост за безбедноста на пловидбата во регионот, откако во последните недели ескалираа конфликтите и нападите на Блискиот Исток. Ормускиот теснец е клучна точка за светската трговија со нафта и течен природен гас, а секое нарушување на сообраќајот таму директно влијае врз цените на енергенсите и глобалната енергетска стабилност.Во меѓувреме, Велика Британија организираше виртуелен состанок со претставници на околу 40 држави со цел да се разгледа координиран меѓународен одговор на кризата и можностите за гарантирање слободна и безбедна пловидба низ овој стратешки поморски премин.Меѓународната заедница стравува дека евентуално затворање или долготрајна блокада на Ормускиот теснец би можело сериозно да ја наруши глобалната енергетска снабденост и дополнително да ги зголеми цените на нафтата на светските пазари.

Свет | пред 1 месец

Макрон му возврати на Трамп со ладна порака: „Не заслужува одговор“

Францускиот претседател Емануел Макрон денеска ги отфрли коментарите на американскиот претседател Доналд Трамп за неговиот приватен живот, оценувајќи дека тие „не заслужуваат одговор“.Реагирајќи на новинарско прашање за изјавите на Трамп дека „сопругата на Макрон лошо се однесува кон него“ и дека францускиот претседател „едвај се опоравува од удар во вилица“, Макрон рече дека ваквите зборови „не се ниту елегантни ниту примерни“.Во Франција следуваа и политички реакции. Претседателката на францускиот парламент Жаел Брон-Пиве оцени дека коментарите се непримерни и дека во момент кога се отвораат теми со глобални последици, јавниот дискурс се спушта на лични навреди.„Во моментов разговараме за иднината на светот. Во Иран се случува нешто што има последици врз животите на милиони луѓе, луѓе умираат на бојното поле, а имаме претседател кој се смее и им се потсмева на другите“, порача Брон-Пиве.Осуда пристигна и од левицата. Пратеникот на „Непокорена Франција“, Мануел Бомпар, нагласи дека и покрај неговите несогласувања со Макрон, ваквиот начин на говор за него и неговата сопруга е „апсолутно неприфатлив“.Според наводите, Трамп ваквите квалификации ги изнел во обраќање, тврдејќи дека од Макрон побарал француска помош преку испраќање бродови за отворање на Ормускиот Проток, но дека француската страна одбила. Трамп тврдеше дека Макрон одговорил оти Франција може да прати бродови „кога ќе се добие војната“, на што тој реагирал дека помошта не му треба по завршувањето на конфликтот.Во продолжение на тензиите, Макрон повторил дека Франција „не била консултирана“ за почнувањето на војната на САД и Израел против Иран и дека „не учествува“ во неа.

Свет | пред 1 месец

Макрон со критика до Трамп: „Европа барем е предвидлива“

Францускиот претседател Емануел Макрон упати индиректна критика кон американскиот претседател Доналд Трамп, нагласувајќи дека Европа, за разлика од некои други партнери, нуди стабилност и предвидливост.Говорејќи пред бизнисмени и инвеститори во Токио, Макрон истакна дека Европа можеби делува побавно, но останува сигурен и конзистентен партнер.„Свесен сум дека Европа понекогаш може да се доживува како континент кој е побавен од другите“, изјави Макрон.Тој потенцираше дека токму таа предвидливост е клучна вредност во меѓународните односи.„Но предвидливоста има своја вредност и тоа го покажавме сите овие години, а би се осмелил да кажам и во последните недели: ние сме таму каде што знаете дека ќе бидеме“, изјави Макрон.Францускиот претседател во своето обраќање предупреди и на ризиците од соработка со партнери кои, како што рече, не се доследни во своите одлуки.„Не знаете дали и задутре ќе бидат на таа позиција и дали веќе утре ќе донесат одлука што може да ви наштети, а притоа ни да ве известат“, изјави Макрон.Изјавите доаѓаат во контекст на актуелните тензии поврзани со конфликтот на Блискиот Исток и критиките што претходно ги упати Трамп кон Франција, оценувајќи дека Париз бил „многу некорисен“ во текот на војната со Иран.

Свет | пред 1 месец

Трамп удри по Франција: „Многу некорисни, Америка ќе памети“

Американскиот претседател Доналд Трамп жестоко ја критикуваше Франција откако Париз одби да дозволи прелет на американски и сојузнички авиони кои транспортираат воена опрема за Израел.Во објава на социјалната мрежа Truth Social, Трамп го оцени потегот како „МНОГУ НЕКОРИСЕН“, додавајќи дека САД „ќе го запаметат“ однесувањето на Франција во контекст на операциите против Иран.„Франција не дозволи прелет на авиони натоварени со воена опрема за Израел. Франција беше МНОГУ НЕКОРИСНА... САД ќе го запаметат тоа“, напиша Трамп.Оваа реакција доаѓа во период на засилени тензии меѓу Соединетите Американски Држави и дел од европските сојузници, кои сè поотворено се дистанцираат од воените операции против Иран.Франција претходно одлучи да не дозволи користење на својот воздушен простор за мисии поврзани со конфликтот, повикувајќи се на меѓународното право и ризикот од дополнителна ескалација во регионот.Во меѓувреме, војната меѓу САД, Израел и Иран влегува во вториот месец, со напади врз воена и енергетска инфраструктура, како и растечки притисок врз глобалните безбедносни и економски текови.

Свет | пред 1 месец

Макрон: Војната со Иран нема да ја одврати Франција од поддршката за Украина

Францускиот претседател Емануел Макрон изјави дека војната против Иран нема да го одвлече вниманието на Париз од поддршката за Украина, нагласувајќи дека Франција ќе остане посветена и покрај ескалацијата на конфликтот меѓу Израел и САД со Иран.„Остануваме на курсот“, напиша Макрон на платформата Икс, додавајќи дека Франција нема да се откаже од поддршката за Украина, каде што, како што истакна, сè уште трае руската агресија.Неговата изјава следува откако француската морнарица пресретна нафтен танкер поврзан со таканаречената руска „флота во сенка“ во западниот дел на Средоземното Море.Според официјални лица, постоело сомнение дека бродот, кој пловел од Мурманск, оперирал под лажно знаме, по што француските сили се качиле на него.

Свет | пред 2 месеци

Макрон бара „демократски штит“ против мешање во изборите

Претседателот на Франција, Емануел Макрон, денес ја повика Европската унија да се мобилизира против мешањето во изборите, особено на социјалните мрежи и во дигиталната сфера, и да воспостави т.н. „демократски штит“ за заштита на европските демократии.Макрон при пристигнувањето во Брисел на самитот на Европската унија нагласи дека Европејците мора да преземат мерки за да ги заштитат демократиите од надворешно мешање и манипулации со информации, пренесува Фигаро.Тој предложи во рамки на европската регулатива Законот за дигитални услуги (DSA) да се донесат насоки кои би им овозможиле на земјите-членки на ЕУ да „наметнуваат обврски на дигиталните платформи“.Макрон како пример ја наведе Словенија, каде што, како што рече, словенечкиот премиер Роберт Голоб бил „жртва на карактеристично мешање“ од странски држави и ширење лажни информации во предизборната кампања.Париз сака платформите како што се социјалните мрежи да проценуваат „системски ризици во изборниот период“ и да ги намалуваат тие ризици поврзани со лажни профили, нелегална содржина, вештачки генерирана или изменета содржина, како и политичко рекламирање, наведува Фигаро.Исто така, Франција бара платформите да бидат обврзани да „спречат вирусно ширење на алгоритми и манипулации за време на изборниот процес“, додава францускиот весник.

Свет | пред 2 месеци

Макрон: Франција би можела да се приклучи на придружбата на бродови во Ормускиот теснец откако ситуацијата ќе се смири

Францускиот претседател Емануел Макрон го одби повикот за итна воена акција за повторно отворање на Ормускиот теснец, клучната светска рута за транспорт на нафта. Сепак, тој истакна дека Франција би можела да се приклучи на меѓународна мисија за придружба на бродови откако борбите во регионот ќе се смируваат, пренесува Euronews.На почетокот на седницата на Советот за одбрана во Париз, Макрон нагласи дека учество на Франција во „операции за отворање или ослободување на Ормускиот теснец“ е исклучено поради тековните борби. Протокот низ теснецот, преку кој се транспортира околу 20% од светската нафта, беше нарушен од Иран по нападите што на 28 февруари ги започнаа САД и Израел. „Ние не сме страна во конфликтот“, подвлече Макрон, практично одбивајќи го повикот на американскиот претседател Доналд Трамп за посилен меѓународен ангажман.Сепак, Макрон остави отворена можност Франција да се приклучи на меѓународни напори за осигурување на поморскиот сообраќај „по смирување на ситуацијата, односно по прекин на главните бомбардирања“. Тој додаде дека Франција е подготвена со други земји да преземе одговорност за систем за придружба на трговски бродови кои пловат низ теснецот.Елизејската палата соопшти дека Макрон за вторник попладне свикал нова седница на Советот за одбрана и национална безбедност за да се процени развојот на настаните во Иран и поширокиот регион. Претседателот повтори дека улогата на Франција е строго одбранбена: „Франција не го избра овој војна. Ние не учествуваме во него. Нашиот став е исклучиво одбранбен. Целите ни се јасни: да ги заштитиме нашите граѓани, нашите дипломатски и воени претставништва и нашите интереси во регионот“.Кризата во Ормускиот теснец предизвика глобална загриженост на енергетските пазари и меѓу бродарските компании, бидејќи нарушувањата на оваа рута ја загрозуваат снабденоста со нафта. Белата куќа соопшти дека нафтените танкери, иако во мал број, повторно почнале да минуваат низ теснецот.

Свет | пред 2 месеци

Пезешкијан разговараше со Макрон: Иран ќе го брани својот територијален интегритет

Иранскиот претседател Масуд Пезешкијан изјави за време на разговор со францускиот претседател Емануел Макрон дека Иран ќе го брани својот територијален интегритет и националната безбедност и дека „не се двоуми“ да им се спротивстави на агресорите.Како што денеска пренесе иранската телевизија Прес ТВ, Пезешкијан во разговорот доцна синоќа детално му ги објаснил на Макрон размерите на тековната американска и израелска агресија врз Иран, за која рекол дека е незаконска, и нагласил дека агресорите продолжуваат со напади врз различни цели, вклучително и врз цивилни центри.Тој особено ги спомнал неодамнешните напади врз два ирански острова, Харг и Абу Муса, нагласувајќи дека тие напади биле извршени од територијата на одредени земји од Персискиот Залив.„Овие напади се извршени со користење на територијата на некои земји од Персискиот Залив. Ставањето на земјата и објектите на располагање на Америка за брутални напади врз Иран е спротивно на меѓународното право и на принципот на добрососедство“, истакнал Пезешкијан.Тој додал дека, иако Иран никогаш не се стремел кон тензии или судир, неговиот одговор на агресијата ќе биде решителен.Пезешкијан го критикувал деструктивниот пристап на одредени европски земји во поддршката, како што навел, на злосторствата на израелскиот режим и на Соединетите Американски Држави во регионот и ги повикал да се придржуваат до меѓународното право и владеењето на правото на глобално ниво.Францускиот претседател Макрон синоќа, по разговорот со Пезешкијан, на платформата Икс објави дека до иранскиот претседател упатил повик Иран веднаш да ги прекине неприфатливите напади што ги спроведува врз земјите во блискоисточниот регион, директно или преку свои посредници, вклучително и Либан и Ирак.„Го потсетив дека Франција дејствува во строго одбранбена рамка, со цел да ги заштити своите интереси, регионалните партнери и слободата на пловидба и дека е неприфатливо нашата земја да биде цел“, изјавил Макрон.

Свет | пред 2 месеци

Зеленски пристигна во Париз: Следува средба со Макрон

Претседателот на Украина, Володимир Зеленски, пристигна во Париз, каде што треба да се сретне со францускиот претседател Емануел Макрон, соопшти портпаролот на украинскиот претседател, Сергиј Никифоров.Тој напомена дека програмата на посетата вклучува разговори меѓу претседателите на Украина и Франција, а Зеленски ќе се сретне и со студенти, пренесува Укринформ.Како што беше претходно најавено, двајцата претседатели ќе разговараат за актуелната состојба во Украина, поддршката од Франција и европските партнери во помошта за Киев, како и за начините за зголемување на притисокот врз Русија, вклучително и борбата против таканаречената руска „сенковита флота“, пренесе Укринформ.На средбата соговорниците ќе разменат мислења и за условите за постигнување праведен и траен мир.

Свет | пред 2 месеци

Макрон повика на воздржаност од Израел и Хезболах

Францускиот претседател Емануел Макрон повика на воздржаност од Израел и од движењето Хезболах поради зголемувањето на бројот на раселени лица во Либан.Во објава на социјалната мрежа Икс, Макрон соопшти дека Франција испраќа 60 тони итна хуманитарна помош за населението погодено од борбите, во координација со Обединетите нации и хуманитарни организации.Тој го повика Хезболах да престане со нападите од територијата на Либан кон Израел и да го предаде оружјето на либанската армија.Во исто време, Макрон нагласи дека Израел мора да го почитува суверенитетот на Либан и да покаже воздржаност, додавајќи дека Израелците и Либанците имаат „исто право да живеат во мир и безбедност“.

Свет | пред 2 месеци

Прва реакција од Париз: Макрон за новите царини на Трамп

Францускиот претседател Емануел Макрон ја коментираше одлуката на Врховниот суд на САД со која беше поставена пречка за царинската политика на американскиот претседател Доналд Трамп, оценувајќи дека е „добро“ што во САД постојат механизми на проверка и рамнотежа на власта.Говорејќи за време на посетата на земјоделски саем во Париз, Макрон ја нагласи важноста на владеењето на правото и институционалните механизми во демократските системи.„Добро е што во демократиите постојат власт и противтежа на власта. Тоа треба да се поздрави“, изјави францускиот претседател.Во однос на најавата на Трамп за воведување глобална царинска стапка од 15 отсто, Макрон посочи дека Франција внимателно ќе ја анализира новонастанатата ситуација.„Ќе ги проучиме точните последици, што може да се направи и ќе се приспособиме“, рече тој.Макрон додаде дека „најправичните можни правила подразбираат заемност, а не трпење еднострани одлуки“. Според него, доколку новите мерки придонесат за смирување на состојбата, тоа е позитивно, но приоритет треба да биде намалување на меѓународните тензии и продолжување со модернизацијата на националните економии.

Свет | пред 3 месеци

Трамп посакува колапс на ЕУ, вели Макрон

Францускиот претседател Емануел Макрон испрати низа остри и предупредувачки пораки во неколку интервјуа со влијателни западни медиуми, оценувајќи дека Европа е во длабока геополитичка и геоекономска криза, со сè поизразени надворешни притисоци и внатрешни слабости кои, како што тврди, го загрозуваат самиот опстанок на Европската Унија како уникатен проект.Во интервју за „Фајненшл тајмс“, Макрон изјави дека американскиот претседател Доналд Трамп сака да ја „распадне Европската Унија“, оценувајќи дека сегашната американска администрација се однесува како „отворено антиевропска“, дека ја „презира“ Европската Унија и дека нејзината стратешка цел е да го ослабне европското единство.Макрон предупреди дека Европа не смее да ја прифати улогата на пасивен набљудувач ако притисокот од Вашингтон продолжи или се засили. „Ако отворено нè нападнат, не мислам дека треба да ги наведнеме главите или да се обидеме да постигнеме договор“, рече францускиот претседател, додавајќи дека политиката на ублажување на тензиите што Унијата ја спроведува со месеци очигледно не дава резултати.Дополнителна тежина на предупредувањата на Макрон дава неговата проценка изразена во интервју за „Економист“, во кое тој изјави дека Европа е во „вонредна состојба“, и геополитички и геоекономски. Според него, Европската Унија мора итно да инвестира во сопствената економија и да ги отстрани внатрешните пречки за раст, бидејќи во спротивно ќе биде „смачкана“ помеѓу американската технолошка доминација и масовниот увоз од Кина.Макрон нагласи дека прашањето за конкурентноста стана клучно егзистенцијално прашање за Унијата, особено пред самитот на ЕУ закажан за 12 февруари, каде што економската сила и развојниот потенцијал на Европа ќе бидат во фокусот на дискусиите на европските лидери.Во исто време, во интервју за „Зидејце Цајтунг“, францускиот претседател ја отвори темата за односите со Русија, предлагајќи им на некои европски лидери да продолжат со директниот дијалог со Москва, за да Европа избегне зависност од трети страни во разговорите за завршување на војната во Украина.Макрон потсети дека географската положба на Европа нема да се промени, „без разлика дали ни се допаѓа Русија или не“, и дека таа е трајно „пред нашата врата“. Токму поради оваа причина, како што наведе, предложил продолжување на комуникацијата, иако, според него, некои европски земји сè уште се двоумеле да го преземат тој чекор.Според Макрон, Париз веќе го обновил дијалогот со Москва на „техничко ниво“, со очекување дека Европската Унија ќе изгради унифициран и организиран пристап кон контактите со Русија во иднина. „Не треба да има премногу соговорници; потребни се мандат и јасна репрезентација“, истакна тој, додавајќи дека мора да има простор за продолжување на дијалогот.„Зошто? Затоа што денот кога ќе дојде мирот, тој мир ќе биде европски мир“, заклучи Макрон, јасно ставајќи до знаење дека, и покрај војната и длабоките политички поделби, Европа не може да си дозволи трајно отсуство на стратешка комуникација со Русија.Сите овие пораки, доставени во краток временски период, укажуваат дека францускиот претседател се обидува да отвори широка дебата за идната позиција на Европа во брзо менувачкиот свет – свет во кој, како што предупредува, Унијата повеќе нема луксуз на неодлучност, ниту пак потпирање на политичките и економските центри на моќ на другите луѓе.

Свет | пред 3 месеци

Франција стои зад обидот за пуч во Буркина Фасо и активности во Сахара–Сахел, тврди Русија

Руската служба за надворешно разузнавање соопшти дека Франција планира и спроведува неоколонијални пучеви ширум Африка, наведувајќи дека Париз стои зад обидот за државен удар во Буркина Фасо и активно работи на дестабилизација на регионот Сахара–Сахел.Руската служба за надворешно разузнавање известила дека Франција планира неоколонијални пучеви во Африка.Како што се наведува во извештајот, Франција била вмешана во обидот за пуч во Буркина Фасо на 3 јануари, а Париз ќе продолжи да дестабилизира земји во регионот Сахара–Сахел, пренесува TASS. Службата наведува дека Франција „жешко бара можности за политичка одмазда“ во Африка и дека францускиот претседател Емануел Макрон овластил свои разузнавачки агенции да покренат план за елиминација на „непосакувани лидери“.Според наводите на Службата, Франција истражува опции за соборување на новиот претседател на Мадагаскар, а исто така преминала и на директна поддршка на терористи од различен вид, кои стануваат нејзини главни сојузници на африканскиот континент.

Свет | пред 3 месеци

Макрон: Гренланд не е на продажба и нема да биде отуѓен

Францускиот претседател Емануел Макрон денеска се обрати на гренландски и дански јазик за да ја изрази поддршката на островот по разговорите со данската премиерка Мете Фредериксен и премиерот на Гренланд, Јенс Фредерик Нилсен, пренесуваат „Политика“ и „Фигаро“.„Гренланд не е на продажба и нема да биде отуѓен. Гренланѓаните ќе одлучат за својата иднина“, изјави Макрон на гренландски, додека на дански истакна дека „Франција ќе продолжи да стои покрај Кралството Данска“.Претседателот ја оцени како „стратешки повик за будење за цела Европа“ неодамнешната изјава на американскиот претседател Доналд Трамп за можноста Гренланд да стане дел од САД. Макрон додаде дека Франција „била вчера, е денес и ќе биде утре“ на страната на Данска и Гренланд.Премиерката Фредериксен му се заблагодари на Макрон за заштитата на заедничките вредности и го пофали „конкретниот придонес“ на Франција во зајакнувањето на безбедноста на Арктикот. Премиерот на Гренланд, Нилсен, истакна дека Франција била покрај Гренланд „во исклучително тешка ситуација“ и дека тоа нема да се заборави.

Свет | пред 3 месеци

(Видео) Стармер се пошегува со Макрон поради очилата за сонце, со реплика од филмот Топ Ган

Британскиот премиер Кир Стармер се пошегува на сметка на францускиот претседател Емануел Макрон за време на еден комичен настап во Лондон.Стармер на сцената стави пилотски очила за сонце, кои станаа препознатлив симбол на Макрон откако ги носеше минатата недела во Давос поради проблем со окото.Настанот се одржа во театарот „Dushess“, во рамки на емисијата „The Political Party Live“, каде премиерот учествуваше во интервју пред публика.Стармер го сподели видеото на својот TikTok профил, при што го означи и самиот Макрон, со коментар „Talk to me, Goose“, позната реплика од филмот Top Gun, која го популаризира токму овој стил на очила за сонце.Потегот на британскиот премиер предизвика смеа кај публиката, а тој додаде дека дури би размислил за носење такви очила и на идни средби. Сепак, се пошегува дека му се потребни неговите обични очила, бидејќи без нив не би можел ништо да види во парламентот.Макрон минатата недела ја изненади јавноста појавувајќи се на Светскиот економски форум во Швајцарија со очила за сонце, а француските медиуми подоцна известија дека ги носел за да го прикрие црвенилото на окото предизвикано од пукање на капилари.

Свет | пред 3 месеци

Франција заплени танкер со руска нафта

Францускиот претседател Емануел Макрон соопшти дека француската морнарица запленила танкер со нафта кој пристигнувал од Русија.„Француската морнарица утрово се качи на танкер со нафта кој доаѓал од Русија, под меѓународни санкции и за кој постоеше сомневање дека пловел под лажно знаме. Операцијата беше спроведена во Средоземното Море“, напиша Макрон на социјалната мрежа Икс.Макрон нагласи дека операцијата е изведена со поддршка на неколку сојузници, во согласност со Конвенцијата на Обединетите нации за правото на морето, и порача дека Франција нема да толерира никакво прекршување на законот. По проверката на документацијата, потврдени биле сомневањата за невалидноста на знамето под кое пловел бродот.Јавниот обвинител во Марсеј добил извештај за случајот, а танкерот, под придружба, бил пренасочен кон сидриште за дополнителни проверки. Францускиот претседател ја опиша акцијата како дел од борбата против таканаречената „флота во сенка“, преку која Русија транспортира нафта и покрај западните санкции.Макрон изјави дека оваа флота придонесува за финансирање на војната во Украина, наведувајќи дека руските транспортни бродови обезбедуваат приходи од десетици милијарди евра, покривајќи околу 40 отсто од руските воени напори. Според неговата проценка, меѓу 600 и 1.000 бродови учествуваат во ваквиот начин на транспорт.Тој додаде дека Франција, заедно со другите западни земји, активно работи на сузбивање на оваа практика и на обезбедување ефикасна примена на санкциите.

Свет | пред 4 месеци