МВР

Лажна дојава за бомба во „Сити Мол“ во Скопје, полицијата утврди дека заканата е неоснована

Лажна е дојавата за наводно поставени експлозивни направи во трговскиот центар „Сити Мол“ во Скопје, соопшти Министерството за внатрешни работи.Денеска, 25 април 2026 година, на електронската адреса на МВР пристигнала порака со закана дека во објектот се поставени бомби. Веднаш по пријавата, полициски службеници презеле мерки и извршиле проверка во и околу трговскиот центар.По деталните активности на терен, утврдено е дека станува збор за лажна дојава и дека не постои никаква експлозивна закана. Од МВР нагласуваат дека случајот се расчистува и се преземаат понатамошни мерки за идентификување на испраќачот на пораката.

Скопје | пред 1 месец

17 возачи лишени од слобода за безобѕирно управување возила, eден предизвика сообраќајна незгода

Според информации од Министерство за внатрешни работи, во текот на изминатото деноноќие на територијата на целата држава биле лишени од слобода 17 возачи поради безобѕирно управување со моторни возила.Од нив, деветмина управувале без возачка дозвола, тројца возеле под дејство на алкохол, еден возач од Делчево управувал мотоцикл без дозвола, додека двајца од Скопје управувале со активна забрана за возење. Дополнително, уште двајца скопјани возеле без регистарски ознаки и без возачка дозвола.Еден возач од Скопје, кај кого било утврдено присуство на алкохол, предизвикал сообраќајна незгода откако изгубил контрола над возилото и удрил во канделабра.По целосно документирање на случаите, ќе бидат поднесени соодветни пријави.Од МВР апелираат до сите учесници во сообраќајот да ги почитуваат правилата и прописите, да не управуваат возила без дозвола, под дејство на алкохол или додека им е изречена забрана за управување.

Македонија | пред 1 месец

Скопјанец извршил обљуба на 13 годишно девојче, па ја фотографирал - изречен е притвор

СВР Скопје поднесе кривична пријава против Ј.М. (58) од Скопје поради основано сомнение дека сторил кривично дело „силување на дете кое не наполнило 15 години“, казниво по член 188 став 1 од Кривичниот законик.„Имено, истиот на 15.04.2026 година во Скопје извршил обљуба врз 13 годишно девојче од Скопје и истиот ја фотографирал. По преземени мерки од страна на полициски службеници од Единицата за насилен криминал – Одделение за крвни и сексуални деликти при СВР Скопје, лицето е лишено од слобода и од него се одземени мобилен телефон и патничко моторно возило “мерцедес”“, велат од МВР.Од страна на судија на претходна постапка на пријавениот одредена му е мерка притвор.

Скопје | пред 1 месец

Хаос при апсење во Чаир: Група луѓе застанала на пат на полицијата, па тие пукале во воздух

Вистинска драма се одвивала вчера попладне во скопската општина Чаир, каде тројца полициски службеници биле спречени да приведат осомничено лице, по што биле принудени да испукаат предупредувачки куршуми во воздух.Според информациите од Министерството за внатрешни работи, инцидентот се случил на 23 април околу 18:45 часот, кога полицајците преземале службени дејствија за приведување на лице барано поради сомнение за сторено кривично дело.Во тој момент, како што наведуваат од МВР, група од десетина лица се вмешала и активно ги спречувала полициските службеници во извршување на задачата.„Бидејќи лицата се оглушувале на наредбите, од страна на полициските службеници во воздух се испукани предупредувачки куршуми“, информираат од полицијата.Од МВР додаваат дека се преземаат мерки за целосно расчистување на случајот и утврдување на сите околности.

Скопје | пред 1 месец

(Фото) Разбиeна мрежа за нелегален ботокс: уапсени 14 лица, има пријави за 19, а запленето е и лускузно “порше” - позната шемата

Министерството за внатрешни работи соопшти детали за обемната полициска акција спроведена на 23.04.2026 година, во која се сузбиени организирани криминални групи инволвирани во нелегален увоз и дистрибуција на медицински средства што се користат при естетски зафати.Акцијата е реализирана од Одделот за сузбивање на организиран и сериозен криминал, под раководство на јавен обвинител од ОЈО ГОКК. Во рамките на истата, врз основа на судски наредби од Основниот кривичен суд, извршени се претреси на повеќе локации во Скопје, Струмица и Битола.При акцијата лишени од слобода се 14 лица, меѓу кои доктори вработени во скопските клиники, сопственици на дерматолошки ординации, како и лица кои организирале транспорт и продажба на нелегално внесени медицински лекови и помагала, без одобрение од надлежен орган, без упатства и декларации.При претресите се пронајдени и одземени поголеми количини медицински препарати – филери, ботокс и хијалурон, како и 39.285 евра, 2.490 швајцарски франци и 26.000 денари. Одземено е и патничко возило „порше“, поголема количина парфеми со декларации, мобилни телефони и тревкаста материја.Денеска, 24.04.2026 година, Единицата за финансиски криминал при Секторот за криминалистички истраги поднесе кривична пријава до ОЈО ГОКК против 19 физички лица и шест правни лица.Дел од пријавените се товарат за кривични дела „повреда на права од индустриска сопственост и неовластена употреба на туѓа фирма“ и „злосторничко здружување“, додека други се гонат и за „примање поткуп“. Во пријавата се опфатени лица со иницијали Н.А. (43), С.К. (46), А.К. (41), М.Ѓ. (47), Ѓ.С. (32), С.М.С. (31), В.С. (49), како и В.А. (61), Р.Т.Ѓ. (53), Н.К. (42), А.К. (45), Д.Ф. (44), М.И.В. (38), А.Т. (27), С.Ф. (36), К.А. (53), О.Д. (65) и С.А. (40). Пријавен е и А.М. (38), кој се товари и за примање поткуп.Според истрагата, во текот на 2026 година, дел од осомничените формирале злосторничко здружување кое делувало на подрачјето на Скопје и околината, а подоцна се проширило и во Источна Македонија. Во мрежата биле вклучени и правни лица од Скопје и Битола.Со цел да стекнат противправна имотна корист од големи размери, тие набавувале фалсификувани медицински лекови и помагала, меѓу кои ботокс, од Србија, Кореја и Турција. Препаратите биле нелегално внесувани во државата, складирани, дистрибуирани и продавани, а дел од нив биле и аплицирани врз лица при естетски зафати.Иако биле свесни дека станува збор за лекови и медицински помагала кои не се увезени согласно законските прописи и немаат одобрение од МАЛМЕД, осомничените продолжиле со нивна употреба, со што, според МВР, предизвикале општа опасност по здравјето на граѓаните.Дополнително, пријавениот А.М., во својство на царински службеник, во два наврати примил поткуп за да овозможи нелегален влез на стоката без да биде извршена царинска контрола на две пратки со лекови.Истрагата продолжува, а надлежните институции најавуваат дополнителни мерки и постапки во зависност од доказите што ќе бидат обезбедени.

Македонија | пред 1 месец

Маж од Дихово приведен во Битола по омаловажување на полиција

Во Битола, полициски службеници лишиле од слобода 51-годишен маж од село Дихово, откако, според МВР, упатувал навреди и омаловажувања кон полициски службеници.На 23.04.2026 во 19:30 часот на улица „Генерал Васко Карангелевски“ во Битола, полициски службеници од СВР Битола го лишија од слобода С.Н.(51) од село Дихово, битолско, затоа што ги омаловажувал полициските службеници.По документирање на настанот ќе следува соодветен поднесок.

Македонија | пред 1 месец

Инцидент во Новаци: оштетен дворен имот во село Добромири

Во полицијата во Новаци е пријавен инцидент во кој е оштетен имот во двор на жител од селото Добромири, информираат од Министерството за внатрешни работи. Се преземаат мерки за расчистување на случајот.На 23.04.2026 во 16:00 часот во ПО Новаци, А.Т.(50) од село Добромири, општина Новаци, пријавил дека Д.А. од истото село со употреба на остар предмет му оштетил предмети во дворот.Се преземаат мерки за целосно расчистување на настанот.

Македонија | пред 1 месец

Сообраќајна несреќа во Битола: едно лице тешко повредено

Во сообраќајна несреќа што се случи на 23.04.2026 година во Битола, едно лице се здоби со тешки телесни повреди, а друго со полесни, информираат од СВР Битола. На местото на настанот бил извршен увид.На 23.04.2026 во 13:40 часот во СВР Битола е пријавено дека на улица „Карпош“ во Битола се случила сообраќајна несреќа помеѓу патничко возило „фолксваген пасат“ со битолски регистарски ознаки, управувано од М.Х.(43) од Битола и патничко возило „опел астра“ со битолски регистарски ознаки, управувано од М.И.(60) од село Будаково, општина Могила.Во несреќата со тешки телесни повреди се здобил возачот на „опел астра“, додека со телесни повреди се здобил возачот на „фолксваген пасат“. Повредите се констатирани во Клиничка болница Битола.Извршен е увид од увидна екипа на СВР Битола.

Македонија | пред 1 месец

Двајца возачи уапсени во Прилеп: еден пијан, друг без дозвола

Во текот на 23.04.2026 година, полициските службеници од повеќе подрачни единици на Министерството за внатрешни работи лишија од слобода двајца возачи во Прилеп и околината, поради управување возила под дејство на алкохол и без возачка дозвола. Во двата случаи се преземаат мерки за целосно документирање на настаните, по што ќе следуваат соодветни пријави.На 23.04.2026 во 12:10 часот полициски службеници од ОВР Прилеп на булевар „Гоце Делчев“ во Прилеп го лишија од слобода Т.Ј.(63) од Прилеп. При контрола на патниот сообраќај, било запрено патничко возило „форд“ со прилепски регистарски ознаки, управувано од Т.Ј., при што било констатирано дека возачот управувал под дејство на алкохол. Со алкотест му биле измерени 1,68 промили алкохол во крвта. Лицето е задржано во полициска станица, а по целосно документирање на случајот ќе следува соодветна пријава по член 297-а од Кривичниот законик – „безобѕирно управување со моторно возило“.Истовремено, на 23.04.2026 во 12:00 часот, на регионалниот пат Прилеп – Македонски Брод, во село Ропотово, полициски службеници од ПО Ропотово го лишија од слобода С.М.(38) од село Црнилиште, општина Долнени. При контрола на сообраќајот било запрено возило „голф“ без регистарски ознаки, управувано од С.М., при што било утврдено дека возачот нема возачка дозвола. Тој е задржан во полициска станица, а по целосно документирање на случајот ќе следува соодветна пријава по член 297-а од Кривичниот законик – „безобѕирно управување со моторно возило“.

Македонија | пред 1 месец

Уапсено лице во Македонски Брод – превезувал бесправно исечено дрво

На 23.04.2026 година во 15:00 часот, полициски службеници од ОВР Македонски Брод, на местото викано „Барбарас“, го лишиле од слобода И.М. (68) од с. Дебреште, општина Дебреште.При контрола на патниот сообраќај, полициските службеници забележале возило „рено“ со скопски регистарски ознаки, управувано од И.М., во кое била затекната бесправно пресечена дрвна маса.По даден знак за запирање, возачот не ги почитувал наредбите на полицијата и продолжил да се движи со зголемена брзина, приближувајќи се кон службеното возило. Во тој момент, еден полициски службеник испукал предупредувачки истрел во воздух.И.М. бил приведен во Полициската станица Македонски Брод, а по целосно документирање на случајот ќе биде поднесена соодветна пријава.

Македонија | пред 1 месец

Пријава за закани со остар предмет меѓу колеги

Полицијата информира дека е пријавен нов инцидент на работно место во битолскиот регион, при што се истражуваат наводи за закани со остар предмет меѓу две лица.На 23.04.2026 година во 12:15 часот во СВР Битола, Ј.Т. (34) од село Лавци, битолско, пријавил дека на плац во Битола, додека извршувал работни задачи, негов колега му се заканувал со остар предмет, информираат од полицијата.Од СВР Битола наведуваат дека се преземаат мерки за целосно расчистување на настанот и утврдување на околностите.

Македонија | пред 1 месец

Деветмина возеле без возачка дозвола – акција на МВР низ државата

Во текот на изминатото деноноќие, на територијата на целата држава, полициските службеници лишиле од слобода 11 возачи поради безобѕирно управување возило, информираат од Министерството за внатрешни работи.Од нив, девет лица управувале возила без возачка дозвола – тројца во Скопје, по двајца во Тетово и Струга, а по еден во Прилеп и Куманово.Дополнително, еден возач во Прилеп бил затекнат како управува возило под дејство на алкохол, додека еден возач во Скопје управувал возило и покрај изречена активна мерка забрана за управување.По целосно документирање на случаите, против сите ќе бидат поднесени соодветни кривични пријави.Од МВР апелираат до сите учесници во сообраќајот да ги почитуваат правилата и прописите, да не управуваат возила без положен возачки испит, под дејство на алкохол или со активни забрани за возење, со цел зголемување на безбедноста во сообраќајот.

Македонија | пред 1 месец

Серија пријави за семејно насилство – МВР со детали за случаите

Министерството за внатрешни работи информира дека во последното деноноќие се евидентирани четири случаи на семејно насилство на подрачјето на Скопје и Делчево, при што едно лице е лишено од слобода.Во првиот случај, на 23.04.2026 околу 16:30 часот во СВР Скопје, С.Д. (29) од Скопје пријавила дека на подрачјето на Карпош била физички нападната од нејзиниот партнер Е.Р. (35) од Скопје. Во исто време, Е.Р. пријавил дека бил нападнат од С.Д., при што, според неговата изјава, таа употребила и тврд предмет. По целосно документирање на случајот ќе следува соодветен поднесок.Во вториот случај, на 23.04.2026 во 15:30 часот во СВР Скопје, 61-годишен маж пријавил дека на 22.04.2026 во домот на подрачјето на Аеродром бил физички нападнат од неговата партнерка К.П. и нејзиниот син П.П.. Се преземаат мерки за расчистување на случајот.Во третиот случај, на 24.04.2026 во 03:40 часот во СВР Скопје, 20-годишна жена пријавила дека околу 00:10 часот на подрачјето на Центар била физички нападната од нејзиниот партнер О.В. (18) од Скопје. Лицето е приведено во Полициската станица Центар, а по целосно расчистување на случајот ќе следува соодветен поднесок.Во четвртиот случај, на 23.04.2026 во 20:20 часот во ОВР Делчево, 57-годишен маж пријавил дека неговиот зет за ќерка М.Б. од Делчево ја избркал неговата ќерка од домот и не ѝ дозволил да го земе нивното бебе. За случајот се известени јавен обвинител и Центарот за социјални работи Делчево, а се преземаат мерки за негово расчистување.

Македонија | пред 1 месец

На Долно Блаце приведен скопјанец по меѓународна потерница на Интерпол

Министерството за внатрешни работи информира дека на 23.04.2026 година во 08:30 часот на Граничниот премин Долно Блаце, на влез во државата, полициски службеници го лишиле од слобода Ф.А. (40) од Скопје.При извршена гранична контрола било констатирано дека лицето евидира со мерка „апси“ по барање на Интерпол.Ф.А. е предаден на полициски службеници од Полициската станица Чаир за понатамошна постапка.

Македонија | пред 1 месец

Во Штип уапсен маж по тешка кражба и напад врз сопственикот

Министерството за внатрешни работи информира дека на 22.04.2026 година во 13:40 часот во Штип, полициски службеници од СВР Штип го лишиле од слобода Т.С. (31) од Штип, постапувајќи по претходна пријава за сторено кривично дело.Според МВР, Т.С. се сомничи дека извршил тешка кражба во куќа во сопственост на Е.Ш. (22), при што одзел пари, а сопственикот го нападнал со тврди предмети.По наредба на јавен обвинител, против него е поднесена кривична пријава по брза постапка до Основното јавно обвинителство Штип. По завршување на постапката, лицето ќе биде изведено пред судија на претходна постапка во Основниот суд Штип.

Македонија | пред 1 месец

Низа сообраќајни несреќи во текот на еден ден – повредени повеќе лица низ државата

Во текот на 23.04.2026 година, на повеќе локации во земјава се регистрирани сообраќајни несреќи, како и еден инцидент со лишување од слобода, соопшти Министерството за внатрешни работи. Во сите случаи се извршени увидни дејствија од страна на надлежните полициски служби.На 23.04.2026 во 23:50 часот, во СВР Тетово е пријавено дека на регионалниот пат Гостивар – с. Градец, во с. Дебреше, се случила сообраќајна несреќа помеѓу патничко возило „опел“ со скопски регистарски ознаки, управувано од Н.А.(20) од с. Врањовце и патничко возило „нисан“ со гостиварски регистарски ознаки, управувано од Х.И.(32) од с. Добридол. Во несреќата со тешки телесни повреди се здобил Х.И., а со телесни повреди Н.А. и сопатничката С.У., констатирани во Гостивар и Тетово. Извршен е увид од ОВР Гостивар.На 23.04.2026 во 12:30 часот, во СВР Скопје е пријавено дека на ул. „Ѓорче Петров“ се случила несреќа помеѓу „рено клио“, управувано од С.М.(61) од с. Сарај, мотоцикл управуван од А.А.(43) од Скопје и две паркирани возила „шкода“. Мотоциклистот се здобил со тешки телесни повреди, констатирани во Комплекс клиники „Мајка Тереза“.На 23.04.2026 во 13:20 часот, на скопската обиколница, се случила несреќа помеѓу товарно возило „ман“ управувано од М.Л.(42) од с. Ќојлија, товарно возило „мерцедес“ управувано од А.Е.(40) од с. Студеничани и патничко возило „мицубиши“ со романски регистарски ознаки, управувано од М.Д.Б.(38). Повредени се двајцата возачи на товарните возила и сопатникот Р.И.(50).На 23.04.2026 во 15:00 часот, во Македонски Брод, полициски службеници го лишија од слобода И.М.(68) од с. Дебреште, кај кого во возило „рено“ била пронајдена бесправно исечена дрвна маса. При обид за запирање, возачот не застанал, по што било испукана предупредувачка истрела во воздух. По приведувањето ќе следува соодветен поднесок.На 23.04.2026 во 13:40 часот, во СВР Битола е пријавена несреќа на ул. „Карпош“ помеѓу „фолксваген пасат“ управуван од М.Х.(43) и „опел астра“ управуван од М.И.(60). Со тешки телесни повреди се здобил возачот на „опел астра“, а возачот на „пасат“ е полесно повреден.

Македонија | пред 1 месец

Дрога пронајдена во Кочани и Гази Баба – поднесени кривични пријави

Полицијата во повеќе градови спроведе активности насочени кон сузбивање на недозволената трговија со наркотични дроги, при што се поднесени кривични пријави и е извршено лишување од слобода на едно лице.ОВР Кочани поднесе кривична пријава против С.М.(27) од Кочани и М.Ц.(22) од с. Облешево поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурзори“.На 03.05.2025, полициски службеници извршиле претрес во домот и други простории кај пријавените, при што била пронајдена и одземена марихуана.Исто така, на 23.04.2026, на подрачјето на Гази Баба во Скопје, полициски службеници од СВР Скопје го лишија од слобода С.Ј.(26) од Скопје, кај кого била пронајдена и одземена марихуана.По целосно документирање на случајот, ќе следува соодветен поднесок.

Македонија | пред 1 месец

Тошковски од Атина: Заеднички и координиран одговор на криминалот и тероризмот – зајакната соработка со Грција

Министерот за внатрешни работи Панче Тошковски денеска во Атина учествуваше на министерскиот состанок на Акаба процес посветен на борбата против организираниот криминал и тероризмот на Балканот, информираат од МВР. Тој се обрати на сесијата за идентификување на заканите и нивната меѓусебна поврзаност, стои во соопштението од Министерството.Во своето обраќање, Тошковски нагласи дека безбедносната реалност во регионот значително се менува, при што организираниот криминал, трговијата со дрога и тероризмот сè повеќе функционираат како единствена, хибридна закана. Според него, овие појави не можат повеќе да се третираат одвоено, туку бараат координиран и заеднички одговор, како што наведуваат од Министерството во соопштението.Министерот посочи дека станува збор за транснационални закани кои директно ја поврзуваат безбедноста на државите, нагласувајќи ја потребата од зајакнување на регионалната и меѓународната соработка, размена на информации и координација меѓу безбедносните и разузнавачките служби, стои во соопштението.Во рамки на посетата, Тошковски оствари билатерална средба со министерот за заштита на граѓаните на Грција, Михалис Крисохоидис, на која е потврдена подготвеноста за унапредување на соработката меѓу двете земји. Разговарано е за борбата против организираниот криминал, трговијата со дрога и нелегалната миграција, како и за унапредување на оперативната координација.Министрите се осврнаа и на предизвиците од имплементацијата на системот за влез/излез на ЕУ (ЕЕС), со акцент на намалување на времето на чекање на граничните премини во пресрет на туристичката сезона. Дополнително, станува збор и за усогласување на билатералниот договор за борба против криминалот и протоколот за реадмисија, стои во соопштението.На средбата се разменети информации за актуелната состојба со нелегалната миграција, при што е нагласена потребата од сеопфатен и координиран регионален пристап. Двајцата министри ја потврдија заедничката определба за продлабочување на соработката и зајакнување на безбедноста, стои во соопштението од Министерството.Воедно, по покана на Тошковски, Крисохоидис ќе ја посети земјава со цел дополнително унапредување на соработката, особено во борбата против организираниот криминал, стои во соопштението.

Македонија | пред 1 месец

Несреќа на патот Гостивар–Градец: Едно лице тешко повредено

На 23.04.2026 година во 23:50 часот во СВР Тетово било пријавено дека на регионалниот пат Гостивар – село Градец, во село Дебреше, се случила сообраќајна несреќа помеѓу две патнички возила, стои во соопштение на МВР.Според соопштението на МВР, несреќата се случила меѓу патничко возило „опел“ со скопски регистарски ознаки, управувано од Н.А. (20) од село Врањовце, и патничко возило „нисан“ со гостиварски регистарски ознаки, управувано од Х.И. (32) од село Добридол.Во несреќата со тешки телесни повреди се здобил возачот Х.И., констатирани во Ургентниот центар Гостивар, додека со телесни повреди се здобиле возачот на возилото „опел“ и неговата сопатничка С.У., констатирани во Клиничката болница Тетово, стои во соопштението на МВР.Увид на местото на несреќата извршила увидна екипа од ОВР Гостивар, информираат од МВР.

Македонија | пред 1 месец

Приведени двајца малолетници за безобѕирно управување со мотоцикли

На 23.04.2026 година во 18:45 часот на улица „Маршал Тито“ во Тетово, полициски службеници од Полициската станица за безбедност во патниот сообраќај Тетово лишиле од слобода две малолетни лица, стои во соопштение на МВР.Според соопштението на МВР, лицата се сомничат за сторено кривично дело по член 297-а од Кривичниот законик – „безобѕирно управување со моторно возило“. Станува збор за 17-годишник од село Горно Палчиште, кој управувал мотоцикл со тетовски регистарски ознаки без положен возачки испит, како и 16-годишник од Тетово, кој исто така управувал мотоцикл без возачка дозвола.Од МВР информираат дека двата мотоцикли се одземени, а за настанот е известен јавен обвинител.По целосно документирање на случаите ќе бидат поднесени соодветни пријави, стои во соопштението на МВР.

Македонија | пред 1 месец

Во Тетово откриени документи поврзани со фалсификување исправи

Полициски службеници од СВР Тетово на 23.04.2026 година во 10:00 часот, врз основа на судска наредба, извршиле претрес во домот и помошните простории на А.Ј. (78) во Тетово, стои во соопштение на СВР Тетово.Според соопштението на СВР Тетово, претресот е спроведен во врска со сомнение за сторено кривично дело „посебни случаи на фалсификување исправи“ казниво по член 379 од Кривичниот законик.При претресот биле пронајдени и одземени документи кои се поврзани со кривичното дело, стои во соопштението на СВР Тетово.По целосно документирање на случајот, против лицето ќе биде поднесен соодветен поднесок, информираат од СВР Тетово.

Македонија | пред 1 месец

МВР потврди: Еден работник загина во несреќата во Кисела Вода, тројца повредени

Министерството за внатрешни работи соопшти нови детали за трагедијата што утринава се случи на градилиште на улицата „Козјак“ во скопската населба Кисела Вода.Според МВР, настанот бил пријавен во 08:17 часот во СВР Скопје, кога било дојавено дека при ископ на темели со земја се затрупани работници.Во несреќата биле затрупани четворица работници. Тројца од нив се извлечени и со возило на Итна медицинска помош се пренесени во Комплексот клиники „Мајка Тереза“.Еден од работниците бил пронајден без знаци на живот, а смртта ја констатирал лекар од Итната медицинска помош.Од МВР информираат дека се преземаат мерки за расчистување на случајот и утврдување на околностите под кои дошло до несреќата.

Македонија | пред 1 месец

(Видео) Несреќата во Кисела Вода добива црн биланс: Загинат работник, лекари се борат за тројца кои се на Ургентен

Тешки последици по утринската несреќа во скопската населба Кисела Вода, каде тројца градежни работници беа затрупани при ископ на темели на градилиште на улицата „Козјак“.Според неофицијални информации до кои дојде „Скопје1“, едно лице им подлегнало на повредите, додека тројцата повредени се во тешка состојба и се хоспитализирани на Ургентниот центар, каде лекарите се борат за нивните животи. Загинатиот е на возраст од околу 32 години.Претходно, Центарот за управување со кризи информираше дека првиот повик за несреќата бил примен во 08:14 часот, по што веднаш биле алармирани сите надлежни служби. Само четири минути подоцна, лекар од Итната медицинска помош побарал дополнителна асистенција од Бригадата за противпожарна заштита за извлекување на затрупаните работници.Министерството за внатрешни работи соопшти дека настанот бил пријавен во 08:17 часот, по што започнала спасувачката операција. Во акцијата беа вклучени екипи на полицијата, Итната медицинска помош, пожарникарите и Центарот за управување со кризи.Причините за несреќата се утврдуваат, а се очекуваат и официјални информации за состојбата на повредените и околностите под кои дошло до трагедијата.

Македонија | пред 1 месец

Трагедија во Кисела Вода: Работници затрупани на градилиште, двајца се извлечени, еден работник сè уште под земја

Голема трагедија се случи утринава во скопската населба Кисела Вода, каде тројца градежни работници биле затрупани при ископ на темели на градилиште на улицата „Козјак“.Според информациите од Министерството за внатрешни работи, настанот бил пријавен во 08:17 часот во СВР Скопје. При ископот, работниците биле затрупани со земја, по што веднаш била активирана спасувачка акција.Двајца од затрупаните работници се извлечени и со возило на Итна медицинска помош се пренесени во Комплексот клиники „Мајка Тереза“. Нивната здравствена состојба засега не е официјално соопштена.Третиот работник сè уште е под урнатата земја, а на терен се ангажирани екипи на Центарот за управување со кризи и Бригадата за противпожарна заштита, кои работат на негово извлекување.Спасувачката акција е во тек, а надлежните институции преземаат мерки за расчистување на случајот и утврдување на причините за несреќата.

Македонија | пред 1 месец

Уапсен криумчар на мигранти кај Богородица, пронајдени пет лица од Виетнам

Лишен од слобода криумчар на мигранти во близина на границата со Грција, пронајдени пет лица од ВиетнамНа 23.04.2026 околу 02:30 часот, во близина на граничната линија со Грција, во атар на село Богородица, полициски службеници од Полициската станица за граничен премин и граничен надзор Богородица го лишија од слобода У.Ш. (48) од Скопје.Тој се сомничи дека со патничко возило „тојота корола“ со италијански регистарски ознаки превезувал пет лица мигранти, сите државјани на Виетнам.По насока на јавен обвинител, лицето е задржано во полициска станица и против него ќе биде поднесена соодветна пријава. Мигрантите се згрижени во Прифатно-транзитниот центар „Винојуг“ во Гевгелија.

Македонија | пред 1 месец