НИКОЛОСКИ

Николоски за влез на „Рајанер“ во Македонија: Условите кои ги поставуваат се невозможни, пристапот е уценувачки

На вицепремиерот и министер за транспорт Александар Николоски му беше поставено прашање дали постои можност за влез на нискобуџетната авиокомпанија „Рајанер“ на македонскиот пазар, на што тој одговори дека не смета оти условите што ги бара компанијата се добри или одржливи за државата и домашниот авио-сектор.„Не мислам дека е добро решение за македонскиот пазар затоа што условите кои ги поставуваат се невозможни. Ние во моментов даваме субвенции 9 евра за скопски аеродром, 12 евра за охридски аеродром, што се едни од повисоките субвенции што може да ги најдете на пазарот, и не случајно 28 нови дестинации се отворени за помалку од 2 години откако е избрана оваа влада.Барањето на Рајанер е 25 евра субвенција по седиште, што е повеќе од 2,5 пати за скопскиот аеродром. Барањето е приоритетно да се опслужуваат дневните авиони. Барањето е да не се користат никакви услуги на скопскиот и охридскиот аеродром.Дури и скали сопствени имаат во рамки на авионите. Барањето е да ги откажеме дел од дестинациите коишто сега ги работат други авиокомпании. Мислам дека тоа е уценувачки пристап. Не знам дали пратите, најголемиот удар во авиоиндустријата се случува токму од нив, целосно ја затворија сопствената база во Солун, со што солунскиот аеродром е пред колапс. Ја затворија сопствената база во Виена и во овој период на криза на Блискиот Исток, тоа е компанија со најмногу откажани летови.За разлика од авиокомпаниите кои што се кај нас, тоа се стабилни компании. Од нискобуџетните ги имаме Виз Ер и Изи Џет, се работи за компании коишто дури и во криза растат. Виз Ер веќе ќе го донесе седмиот авион на скопскиот аеродром, го користат скопскиот аеродром како база, а веќе почнуваат да прават база и на охридскиот аеродром“, вели Николоски.

Македонија | пред 3 дена

Николоски: Доброто планирање е клучно за реализација на капиталните инвестициин, до сега во министерството реализиравме 75 %

Вицепремиерот и министерот за транспорт, Александар Николоски, изјави дека Министерството за транспорт досега реализирало околу 75 проценти од средствата предвидени за капитални проекти, што, според него, е резултат на добро буџетско планирање.„Многу сум задоволен од реализацијата на буџетот во Министерството за транспорт. Во делот на капиталните расходи сме некаде 75 проценти реализација, што е резултат на едно добро планирање што го направивме минатата година“, изјави Николоски.Тој додаде дека очекува слична динамика и во следната година, а доколку има простор во буџетот, како што рече, Министерството е подготвено да реализира и дополнителни средства.„Доколку има простор во буџетот, ние со тимот во Министерството сме подготвени да консумираме поголем буџет“, истакна вицепремиерот.

Македонија | пред 6 дена

(Видео) Николоски: Автопатот Охрид–Кичево влегува во финалната фаза

Министерот за транспорт Александар Николоски соопшти дека градежните активности на автопатот Охрид–Кичево влегуваат во последната финална фаза.Тој објави дека интензивно се работи на преостанатиот дел од делницата и оцени дека во изминатите две години е реализиран значителен напредок во изградбата.„Наскоро македонските граѓани ќе возат по овој автопат“, порача Александар Николоски.Автопатот Охрид–Кичево е еден од најголемите инфраструктурни проекти во земјата и треба да ја подобри патната поврзаност меѓу западниот дел на државата и главниот град.

Настани | пред 1 седмица

Николоски: Автопатот Охрид-Кичево ќе биде завршен до крајот на 2026 година

Вицепремиерот и министер за транспорт Александар Николоски изјави дека изградбата на автопатот Охрид-Кичево силно напредува и дека проектот ќе биде завршен кон крајот на 2026 година, согласно предвидените рокови.Тој посочи дека проблемот со свлечиштата, кој со години ја блокираше изградбата на автопатот, се решава со, како што наведе, „најголемиот инженерски потфат во овој регион“ – изградба на таканаречени галерии.„Со вкупно 14 галерии на целата траса создаваме безбеден автопат, автопат кој треба да биде сржта на економијата на западниот дел од земјата“, истакна Николоски.Според него, со реализацијата на проектот се гради модерна и безбедна патна инфраструктура што ќе има значајно економско влијание за регионот.

Македонија | пред 1 седмица

Николоски: „Нема проблем со керозин, имаме резерви за 90 дена“

Проблем со снабдување со керозин нема, имаме резерви за 90 дена иако законски мора да имаме за 60 дена. И покрај кризата отвораме 5 нови дестинации од охридскиот и скопскиот аеродром, истакна вицепремиерот Николоски во гостувањето во поткастот „Ноќно студио“.„Со керозин покрај тоа што се снабдуваат скопскиот и охридскиот аеродром, се снабдува целосно аеродромот во Приштина и делумно аеродромот во Ниш. Успеавме Скопје да го направиме центар на четири аеродроми кој што прават снабдување од тука. Имаме резерви на керозин за 90 дена, законски е 60 дена, така што немама никаков проблем со снабдување.Дури во услови кога се најавуваат откажување на летови, ние во тек на месец јуни планираме 5 нови дестинации од скопскиот и охридскиот аеродром. Аустриа ерлајнс ќе почне да лета Виена до Охрид за прв пат. Визер ќе лета од Охрид до Краков и до Вроцлав и имаме две одлични туристички дестинации од скопскиот аеродром, едната е Палермо- Сицилија, другата е Алгеро-Сардинија", истакна Николоски.

Македонија | пред 1 седмица

Автопатот Охрид–Кичево ќе биде готов до крајот на годинава или почетокот на следната, вели Николоски

Автопатот Охрид-Кичево, кој е еден од најдолгите и најконтроверзни инфраструктурни проекти во државата, ќе биде целосно завршен до крајот на оваа или почетокот на следната година. Иако финансиерот не одби за дополнителни средства, со премиерот и министерката за финансии најдовме решение преку синдициран заем од домашните комерцијални банки, истакна вицепремиерот и министер за транспорт, Александар Николоски, во гостувањето во поткастот „Ноќно студио“. Според него, проектот бил оставен во целосен застој, а Владата затекнала состојба без ниту еден метар асфалт и со сериозни проблеми во реализацијата и финансирањето.„Ако тргнувате од Кичево, тогаш на крајот на оваа година или почетокот на следната година, автопатот ќе биде завршен. Кога бевме изгласани како Влада имаше нула метри асфалт", истакна Николоски, додавајќи дека активната работа на терен започнала дури од октомври 2024 година.Тој посочи дека за година и половина биле реализирани повеќе активности отколку во целиот претходен период и потенцира дека Владата се соочила со сериозни проблеми со финансирањето од страна на ЕКСИМ Банка.„Реков дека за проблемите ќе зборувам кога ќе го завршиме, но морам да споменам еден проблем со кој што се соочивме, а тоа е дека имавме класична опструкција од финансиерот на проектот. Имено, овој проект кога е договаран, е договорен да се финансира со кредит од кинеската "Ексим Банка". Имајќи предвид дека ние ги зголемивме активностите, побаравме оваа банка да ослободи средства во вредност од 175 милиони евра и за истото бевме одбиени. Најдоа образложение преку допис од претходната влада, дека не се потребни дополнителни средства. Точно, затоа што тогаш не се работело и не биле потребни. Затоа заедно со премиерот и министерката за финансии, ние веќе имавме сработено сценарио, а тоа е финансирањето да го обезбедат домашните комерцијални банки. Така што ова беше еден голем удар за проектот, но не дозволивме да се почувствува во реализацијата", истакна Николоски.Во однос на цената, тој нагласи дека проценетата вредност изнесува 13,5 милиони евра по километар, што според вицепремиерот сè уште го прави најевтиниот автопат што моментално се гради во Македонија и регионот.

Македонија | пред 1 седмица

Николоски: Следната година очекувам да се вози по една лента на автопатот Прилеп-Битола

Изградбата на автопатот Прилеп-Битола се одвива со силна динамика. Веќе следната година едната страна од автопатот ќе биде целосно завршена и граѓаните ќе можат да возат по нов асфалт, додека комплетното автопатско решение се очекува да биде финализирано до 2029 година, истакна вицепремиерот и министер за транспорт Александар Николоски во гостувањето во поткастот „Ноќно студио“.„Автопатот Прилеп-Битола од една страна е нешто што е дамнешна желба. Од друга страна, веќе влезе во паневропските коридори. Тој коридор кога ќе биде завршен и од македонска и од грчка страна, ќе го скрати патувањето помеѓу Скопје и Атина за некаде до 3 часа, што многу ќе значи за економијата и за бизнисот. Едната страна од автопатот ќе биде целосно завршена веќе следната година, а комплетното автопатско решение, заедно со сите споредни инфраструктурни објекти како: клучки, натпатници и споредни патишта, се очекува да биде финализирано до 2029 година“, истакна вицепремиерот Николоски.Според него, новиот автопат ќе биде значајна алтернатива на Коридорот 10-д и ќе овозможи побрзо поврзување меѓу Скопје и Атина.

Македонија | пред 1 седмица

Николоски: Лани градевме за 90% повеќе на автопатите, годинава очекувам да зголемиме за дополнителни 70%

Отворивме фронт за работа на автопатските делници што ги гради конзорциумот "Бехтел и Енка" за 90 % во 2025 споредено со 2024 година. За оваа година очекувам нов раст од 70 % споредбено со 2025, истакна заменик претседателот на Владата и министер за транспорт, Александар Николоски, во гостувањето во поткастот „Ноќно студио“, нагласувајќи дека проектот се движи со очекуваната динамика."Сега, со оглед на тоа дека завршните сметки се готови, можете да видите дека Бехтел има 90% раст кога ќе ги споредите 2024 со 2025 година, што значи дека она што го кажуваме во јавност, дека ние им ги отворивме фронтовите за работа и им ги овозможивме сите услови да работат, се покажува на дело, а оваа година очекувам дека ќе имаат некаде 70% раст, во споредба со минатата. Значи, проектот расте, како што треба да расте, се обидуваме да ги надминеме слабостите од минатото. Ние наследивме проект кој што имаше 0 % експропријација, нула дислокација на водови и каде што освен потпишување на договори немаше никакви активности на терен" истакна Николоски.Тој информираше дека веќе се работи на делниците Прилеп-Битола, Тетово-Гостивар и Гостивар-Букојчани, додека реализацијата на автопатската делница Требеништа-Ќафасан, ќе зависи од процедурите и одлуките поврзани со УНЕСКО."Почнавме со активности на терен и на Прилеп-Битола и на Тетово-Гостивар и на Гостивар-Букојчани, ситуацијата на Требеништа-Ќафасан зависи од УНЕСКО, но и таму имаме решенија доколку добиеме зелено светло", посочи вицепремиерот Николоски.

Македонија | пред 1 седмица

Николоски: Автопатот Охрид–Кичево ќе се заврши на време, „лажни се тврдењата за милијарда евра“

Министерот за транспорт и врски, Александар Николоски, ги отфрли тврдењата дека изградбата на автопатот Охрид–Кичево ќе чини милијарда евра и дека нема да биде завршена, оценувајќи ги како „невистини, лаги и манипулации“.„Самопрогласени ‘синдикални лидери’ шират невистини, лаги и манипулации за изградбата на автопатот Охрид–Кичево. Ќе чинел милијарда евра, никогаш немало да се заврши и слични небулози. Без ниеден факт! Нула!!!“, напиша Николоски.Тој апелираше, како што вели, да не се „замајува народот“, нагласувајќи дека проектот ќе биде реализиран во предвидениот рок.„За нивна жал, а за среќа на народот, автопатот ќе се заврши во предвидениот рок“, посочи министерот.Во објавата, Николоски ја критикуваше претходната власт, наведувајќи дека во изминатите години не бил направен значаен напредок.„Точно е дека Владата на СДСМ и ДУИ, по која очигледно жалат, камче не стави 7 години, ама точно е дека оваа Влада на Христијан Мицкоски работи деноноќно“, наведе тој.Како аргумент за динамиката на активностите, Николоски посочи дека и во недела навечер се одржуваат состаноци поврзани со проектот.„Потврда за тоа е што во моментов си заминувам од Министерството за транспорт, во недела во 21 часот. Последен состанок беше за автопатот Охрид–Кичево. Ќе го завршиме навреме и сите ќе му се радуваме“, додаде министерот.

Македонија | пред 2 седмици

Пуштена клучката кај Требеништа - Николоски најави нов автопат кон Ќафасан

Министерот за транспорт Александар Николоски изјави дека пуштањето во сообраќај на клучката кај Требеништа претставува прв конкретен чекор кон реализација на идниот автопат од Требеништа до Ќафасан, нагласувајќи дека со тоа државата создава предуслови за долгорочен инфраструктурен развој.„Од вчера во сообраќај ја ставивме клучката кај Требеништа. Тоа е клучка од која треба да почнува новиот автопат од Требеништа до Ќафасан и тоа е најдобар доказ дека оваа влада е посветена да го изгради и тој автопат. Во спротивно, не би ја граделе таа клучка и не би ги трошеле парите таму.Оттука е проектиран и автопат за Битола, кој не е реално да го изгради оваа влада во овој мандат, но можеби некоја идна влада ќе се реши да гради и автопат кој би одел од Требеништа преку едно тунелско поврзување Косел–Ресен и Битола. Така што, за идните генерации оставаме подготвена документација, но и подготвен терен; треба буквално само да се направи спојка тука и во иднина некои други генерации да го изградат и тој автопат“, изјави Николоски.

Македонија | пред 2 седмици

Николоски: Со општина Прилеп работиме на изградба на обиколница. Прилеп е во фокусот на Владата, реализираме големи инфраструктурни проекти

Општина Прилеп работи на проектирање на обиколница на градот, по што Владата ќе ја преземе обврската за нејзино финансирање и изградба, изјави министерот за транспорт Александар Николоски при денешната посета на Прилеп.Тој, заедно со градоначалникот Борче Јовчески, изврши увид во реконструкцијата на улицата „Кеј 1-ви Мај“, проект што се реализира преку Министерството за транспорт во соработка со Светска банка.Николоски најави засилена поддршка од Владата за реализација на инфраструктурни проекти во Прилеп, посочувајќи дека во наредниот период ќе се работи и на улицата „11 Октомври“, како и на мерки за смирување на сообраќајот со цел зголемување на безбедноста.„Најважен проект е обиколницата на градот, за која општината веќе работи на проектирање. По неговото завршување, Владата ќе преземе обврска да обезбеди средства и изведувач за реализација“, истакна Николоски.Тој додаде дека се реализираат и други крупни инфраструктурни зафати во регионот, меѓу кои експресниот пат Градско–Дреново–Фариш, како и автопатската делница Прилеп–Битола, со што Прилеп останува во фокусот на владините инвестиции.Градоначалникот Јовчески најави забрзување на тековните проекти и нови инвестиции во општината, вклучително и изградба на нови паркинг-места, со цел подобрување на урбаното живеење и поттикнување на локалниот економски развој.

Македонија | пред 3 седмици

Коридор 8 втор најзначаен безбедносен коридор во НАТО, вели Николоски

Вицепремиерот Александар Николоски изјави дека Коридор 8 добива сè поголемо стратешко значење, нагласувајќи дека Европската унија го препознала како еден од клучните безбедносни правци во рамки на НАТО.„ЕУ многу се заинтересирани за Коридор 8. Го прогласија за втор најзначен безбедносен коридор во НАТО Алијансата, затоа што почнува во Италија преку Драч, Тирана, Охридското езеро, Скопје, Деве Баир, Софија, Бургас и Врана и завршува во Одеса и е многу значаен во овие глобални случувања“, изјави Николоски.Тој посочи дека паралелно со Коридор 8, значајна улога има и Коридор 10, кој, според него, претставува најдолгиот и највитален транспортен правец во регионот.„Додека коридор 10 е најдолгиот и највитален коридор, започнува во пристаништето Пиреа и завршува во Хелсинки, така што многу се заинтересирани за двата коридори“, рече Николоски.Вицепремиерот нагласи дека Македонија има специфична геостратешка предност бидејќи двата паневропски коридори се вкрстуваат на нејзина територија.„Ние имаме среќа што двата пан европски коридори се сечат источно од Скопје, а третиот европски коридор 4 поминува паралелно со нас во Бугарија, така што имаме уникатна положба и се обидуваме да ја искористиме“, изјави тој.Според Николоски, целта е оваа позиција да се претвори во конкретна економска корист за граѓаните.„Оваа географска позиција сакаме да ја искористиме и да донесе економски бенефит за граѓаните и подобар живот на граѓаните“, додаде Николоски.

Свет | пред 3 седмици

Николоски: Над 70 % раст во авиосообраќајот споредено со Владата на Заев

Вицепремиерот и министер за транспорт Николоски во поткастот на порталот Курир истакна дека Владата силно работи на развој на ависообраќајот каде се воведени 28 нови дестинации и силен раст од 30 % на бројот на патници во првиот квартал од годината.“ Тоа е една стратегија која работевме многу во 2024 година. Забележавме дека авиосообраќајот опаѓа многу, се намалува бројот на патници некаде околу 2,5 милиони патници. Создадовме концпет кој не е лесен, разговараме со бројни компании, ги замолував Македонија да ја стават како дестинација. Да не заборавиме дека Македонија нема излез на море, но денеска имаме 28 нови дестинации откако оваа Влада е избрана. Бројот на патници оваа година ќе помине 3, 5 милиони, а во 2027 година очекувам да помине 4 милиони патници, што е некаде за 70% раст. Оваа година скопскиот аеродром е во силен пораст на територија на поранешна Југославија со 30 % раст во првите три месеци, а охридскиот е со 20 % раст, а со завршувањето на надградбата и реконструкцијата на охридскиот аеродром уште повеќе ќе имаме раст” – изјави вицепремиерот Николоски.

Македонија | пред 3 седмици

Николоски: Имаме рекордна реализација на капитални инвестиции од 74 % во првите четири месеци

Вицепремиерот Николоски изјави дека Министерството за транспорт има одлична реализација на капиталните инвестиции, дури 74 % што покажува одлична динамика на изградба на капиталните проекти.“ Оваа година сме на некаде 74 % реализација на капитални инвестиции. Ние за четири месеци сме на 74 % реализација што значи ни остануваат уште 26 % за останатите осум месеци. Ќе имаме ребаланс на буџетот, ќе замолам доколку може да имаме дополнителни средства за да реализираме нови проекти надвор од овие предвидените имајќи превид дека 3/4 од буџетот за капитални инвестиции го потрошивме. На ниво на Влада исто така бројката поминува над 36 % така што сум многу горд на овие проекти” – истакна Николоски во поткастот на пораталот Курир.

Македонија | пред 3 седмици

До крај на годината завршува Кичево–Охрид, следува поврзување со Бугарија, најави Николоски

Инфраструктурата е приоритет број еден на Владата и се работи интензивно на повеќе крупни проекти низ државата, изјави вицепремиерот и министер за транспорт Александар Николоски во интервју за поткаст.Тој посочи дека веќе се реализирани значајни проекти како реконструкцијата на граничниот премин Деве Баир, пуштањето во функција на обиколницата на Крива Паланка, како и експресниот пат од Крива Паланка до Страцин. Следен чекор, според него, е изградбата на делницата Страцин–Романовце со поддршка од Европската Унија во рамки на Планот за раст.Николоски нагласи дека се гради автопатската мрежа на Коридор 8, вклучително и делниците Тетово–Гостивар и Гостивар–Букојчани, додека за потегот Букојчани–Кичево е во тек постапка за избор на изведувач со Европската банка за обнова и развој. Автопатот Кичево–Охрид, како што истакна, е во завршна фаза, со 34 километри веќе пуштени во употреба, а целосно завршување се очекува до крајот на годината.Како предизвик го посочи делот Струга–Ќафасан, каде трасата ќе се усогласува со барањата на УНЕСКО, при што договор се очекува во јуни.Во делот на железничката инфраструктура, Николоски информира дека веќе е ставена во функција делницата Куманово–Бељаковце, додека се работи на продолжението до Крива Паланка. Во подготовка е и најтешката делница долга 24 километри, за која наскоро ќе биде објавен тендер за изградба, со цел конечно железничко поврзување со Бугарија.„Заеднички ќе го градиме тунелот и по многу децении ќе ги поврземе Скопје и Софија“, изјави Николоски.Тој најави и реконструкција на пругата Скопје–Кичево, како и изградба на обиколница за товарни возови околу главниот град со цел намалување на загадувањето. Паралелно се работи и на проектот „Градски воз“.Според Николоски, станува збор за мега-инвестиции вредни околу 2 милијарди евра за западната железничка врска, а заедно со проектите на Коридор 10, вкупната вредност на железничките инвестиции може да достигне до 5 милијарди евра.

Македонија | пред 3 седмици

Николоски: Силни инвестиции во Коридор 8 и Коридор 10

Вицепремиерот и министер за транспорт Александар Николоски денеска се обрати на 20. конференција на Јадранско-Јонската иницијатива, при што ги презентираше активностите и приоритетите на Министерството за транспорт во делот на инфраструктурните проекти.Во објава на својот фејсбук профил, Николоски наведе дека во рамки на конференцијата зборувал за инвестициите во стратешки проекти, меѓу кои ја истакнал изградбата на брзата железничка пруга на Коридорот 10, како и динамиката на реализација на автопатските делници.Тој посочи дека интензивно се работи на Коридорот 8, како и на поврзувањето на Прилеп и Битола преку Коридорот 10-д, нагласувајќи дека Македонија останува посветена на реализација на капитални инфраструктурни инвестиции.„Македонија е силно посветена на изградбата на стратешки инфраструктурни проекти и модерни транспортни коридори со кои ќе придонесеме за економски напредок на државата и регионот“, навел Николоски во објавата, додавајќи дека тоа е и клучна цел на Стратегијата за Јадранско-Јонскиот регион.Тој потенцира дека подобрата инфраструктура значи и посилна економија.

Македонија | пред 3 седмици

Николоски: ЕУ целосно не подржува за реализација на големите инфраструктурни проекти, заедно градиме автопатшта и железница

Во соопштение од Министерството за транспорт се наведува дека државата покажува капацитет за реализација на големи инфраструктурни проекти, при што во фокус е Коридорот 8, каде се инвестираат околу 5 милијарди евра во патна и железничка инфраструктура. Според соопштението, на работен состанок било истакнато дека проектите се одвиваат со добра динамика и дека се најавуваат нови вложувања, како и целосна доизградба и модернизација на коридорот.Како што се наведува во соопштението, состанокот бил организиран во соработка со Делегацијата на Европската Унија, а на него се обратиле и претставници на меѓународни финансиски институции, како и директори на железничките претпријатија и ЈП за државни патишта.Во соопштението се пренесува дека вицепремиерот Александар Николоски посочил оти Коридорот 8 е витален и од НАТО е означен како втор најзначаен безбедносен коридор. Во делот на патната инфраструктура се наведува дека се завршени или пуштени во употреба реконструкцијата на граничниот премин Деве Баир, обиколницата на Крива Паланка и експресниот пат Страцин–Крива Паланка, додека се работи на автопатските делници Тетово–Гостивар, Гостивар–Букојчани и Охрид–Кичево, како и на избор на изведувач за Кичево–Букојчани. Се најавува и експресен пат Куманово–Страцин во рамки на Планот за раст со поддршка од ЕУ, со цел поврзување од границата со Албанија до границата со Бугарија. Во соопштението се додава дека граничниот премин Ќафасан е реконструиран и ставен во функција, а се планира и негова втора фаза на проширување, при што се разгледуваат и трасите во контекст на УНЕСКО.Во делот на железницата, се наведува дека наскоро ќе биде распишан тендер за изградба на третата фаза од пругата кон Бугарија, од Крива Паланка до заедничкиот тунел, а веќе е отворен тендер за надзор. Според соопштението, се очекува и тендер за изградба, по што во текот на летото би започнале градежни активности. Воедно се најавува реконструкција на пругата од Скопје преку Јегуновце, Тетово и Гостивар до Кичево, како и потреба од регионален пристап за пругата кон Албанија.Во соопштението се пренесува и став дека е потребна координација со соседните земји за целосна функционалност на Коридорот 8.

Македонија | пред 3 седмици

Николоски: Скопскиот и охридскиот аеродром лидери во регионот, раст на патници и нови линии

Македонските аеродроми бележат значителен раст и остануваат меѓу водечките во регионот, тврди министерот за транспорт Александар Николоски, повикувајќи се на податоци и анализи од меѓународни извори.Според него, Меѓународниот аеродром Скопје има раст од 32 проценти во однос на истиот период лани, што го позиционира како лидер во регионот, оценка која, како што посочува, ја пренесува и специјализираниот авио-портал „Екс-Ју авиејшн њуз“.Во првите месеци од годинава, двата аеродроми – во Скопје и Охрид – бележат зголемување од околу 30 проценти на бројот на патници и околу 20 проценти по број на операции, што, според Николоски, е резултат на владините политики за развој на авиосообраќајот.Министерот посочува дека од почетокот на годината се воведени нови авиолинии од Скопје кон Неапол и Будимпешта, како и од Охрид кон Милано и Братислава. Во јули се очекува старт на нови линии од Охрид кон Катовице и Вроцлав, како и од Скопје кон Палермо и Алгеро.„За речиси две години воведовме 24 нови авиолинии кон европските центри, што е рекордна бројка“, вели Николоски.Тој најавува и продолжување на инвестициите, со проект за реконструкција, надградба и проширување на аеродромот „Св. Апостол Павле“ во Охрид, со цел зголемување на капацитетите.Според проекциите на Министерството, годинава се очекува бројот на патници да надмине 3,5 милиони, а следната година да достигне до 4 милиони.И покрај глобалните предизвици, особено конфликтот на Блискиот Исток кој довел до намалување на околу 6.000 седишта од планираните, Николоски уверува дека авиосообраќајот во земјава се одвива стабилно и без прекини.

Македонија | пред 1 месец

Модернизација во Пошта: нови пикапи и комби возила за подобра ефикасност

Набавивме 100 товарни возила за потребите на Македонска пошта од кои 90 се пикапи и 10 комби за да може пошта нормално и без проблеми да ја извршува својата основна функција. Од претпријатие кое претходните Влади сакаа да го приватизираат, нашите цели се да создадеме профитабилна и конкуретна пошта, која ќе понуди најквалитетни услуги на пазарот, истакна заменик претседателот на Владата и министер за транспорт Александар Николоски.Тој заедно со претседателот на Владата, Христијан Мицкоски и директорот на Македонска пошта, Орхан Куртиши, ги промовираа новите возила.“Драго ми е што после подолго време доаѓаат добри вести за Македонска пошта. Да потсетам, ова беше институција од која што предходната Влада беше откажана. Ова беше институција за која што се спремаа фезибилити студии за продажба и за приватизација. Како резултат на тоа, претходниот Генерален секретар на Владата беше правосилно осуден, а за други се водат судски постапки.Сега работите се менуваат и времињата се менуваат. Го гледате првиот голем чекор, а тоа е како да подобриме начинот на фунционирање на Пошта. Тој е преку една сериозна поддршка од Владата, каде што се набавени 100 возила, од коишто 90 се мали комерцијални возила или популарно наречени пикапи, а 10 се големи комерцијални возила или комби. Малите возила се со носивост од 750 кг, додека големите се со носивост од 1.800 кг и ќе помогнат многу во забрзувањето на доставувањето на пратките, што е основната дејност на Пошта.Она што сум особено горд е што од проценета вредност од 130 милиони денари без ДДВ, на електронска аукција цената се намали за цели 25 милиони денари, што значи дека заштедивме некаде над 400.000 евра само при оваа јавна набавка. Финалната цена е 104 милиони денари без ДДВ, што прави да ова е најефтина набавка на овој тип на возила реализирани во државата, некаде просечно доаѓа около 15-16.000 евра по возило, што е далеку најефтино од она што може да се најде на пазарот. Имајќи предвид дека возниот парк на Македонска пошта е застарен, оваа набавка на возила е неопходна и заради извршување на основната дејност на Акционерското друштво, а тоа е давање на универзална поштенска услуга. И нашата цел е во идниот период да го зголемуваме квалитетот, работиме заедно со раководството на Пошта на подобрување на ефикасноста во испораката на услугите и намалување на трошоците за 15 %, како и подобрување на индикаторот за профитабилност за дополнителни 15 %. Во следниот период очекуваме да се набави софтвер за Македонска пошта, како и сортирка која што во регионот воопшто ја немаи ќе значи дека Поштата ќе е најмодерна поштенска институција во целиот регион. Она што исто така е значајно и е за поздравување е дека Македонска пошта, без разлика што пазарот е либерализиран, е единствената институција која што врши универзална услуга,  што значи без разлика дали се работи за најголема пратка или за најмало писмо, кое што од Скопје треба да стигне во најмалото село во Македонија, тоа го прави Пошта и тоа е за поздравување. Тоа не секогаш може да е профитабилно и најчесто не е профитабилно, најголем дел од државите во Европа го имаат решено со субвенции кои што директно Владата ги дава на државните пошти, ние се уште гледаме да Македонска пошта со своите приходи опстојува и работи. Сигурен сум дека со овие инвестиции кои што ги правиме, како и со инвестициите кои што доаѓаат во следниот период, ќе продолжат добро да работат, ќе продолжат добро да функционираат” -изјави вицепремиерот Николоски.

Македонија | пред 1 месец

Скопје добива градски воз и нови автобуси од септември

Скопје од септември треба да ја добие првата делница од проектот за Градски воз, кој ќе сообраќа на релација од Зелениково до Транспортниот центар, како и првите 30 нови автобуси, доколку успешно заврши тендерската постапка, најави вицепремиерот и министер за транспорт Александар Николоски.Тој во гостување во емисијата „Само интервју“ посочи дека тендерот за набавка на автобуси е затворен и во тек е законскиот рок за прием на евентуални понуди по пошта.„Тендерот за набавка на нови автобуси траеше до понеделникот, согласно закон мораме да почекаме дали нешто ќе стигне по пошта и веднаш по завршување на Велигденските празници ќе влеземе во евалуација. Согласно закон она што можам да го кажам до овој момент е дека имаме четири понуди“, изјави Николоски.Доколку постапката заврши успешно и се избере најповолна понуда, првите 30 автобуси се очекува да пристигнат во септември.Тендерот предвидува набавка на вкупно 150 електрични автобуси, од кои 100 се наменети за Скопје, а останатите за другите општини низ државата.

Македонија | пред 1 месец

Николоски: Имаме најниски цени на горивата во регионот

Го намаливме ДДВ-то најмногу во целиот регион, а потоа интервениравме и со акцизата што позитивно влијаеше имајќи предвид дека целокупната инфлација во март оваа година споредена со март минатата година е само 0,7 %. Има одредени шпекулативни однесувања на пазарот со цените и во вторник на редовната седница на Влада ќе ги гледаме извештаите на Министертвото за економија и на таа основа ќе преземеме мерки, истакна вицепремиерот Александар Николоски во емисијата “Само Интервју” на Тв Канал 5. “Она што огледаме e одредени шпекулативни однесувања, затоа што никој не може да ме убеди дека наеднаш цените растат од ден за ден. Имавме такви, на пример во битуменот. Тоа е најкарактеристично каде што битуменот порасна скоро за 100% само за еден месец. И затоа го задолживме Министерството за економија заедно со Државниот пазарен инспекторат да направат споредба на цени и квантитативно да ги споредат и во вторник на редовната седница на Влада ќе ги гледаме извештаите и на таа основа ќе преземеме мерки. Може ќе треба да одиме покрај со оваа политика на олеснувања и со рестриктивна политика односно оние кои што ја злоупотребуваат ситуацијата да бидат казнети” – истакна вицепремиерот Николоски.Тој ги спореди цените на горивата во регионот и додаде дека Македонија има најниски цени на горивата по интервенциите на Владата.“ Во делот на оние цени кои што се поврзани со берзата, како на пример бензинот и нафтата, тука апсолутно презедовме мерки, знаете дека имаме најевтини цени на супер, безоловен и дизел во целиот регион и всушност само тоа што е зголемен конзумот на овие производи за три пати од страна на граѓани кои што доаѓаат надвор од Македонија, на пример во пограничните места со Грција, покажува дека навистина ова што го говориме е така и всушност цените се најниски”-додаде Николоски.Доколку продолжи кризата, тој најави преземање на дополнтелни мерки.

Македонија | пред 1 месец

Николоски: Дали Арбен Таравари се уште е во заложништво од скандалот со Ѓока?

Односите со Албанија се одлични и ќе останат такви. Но дали вашиот претседател Таравари со скандалот “Ѓока” барал помош од премиерот Еди Рама, па бил упатен да бара помош од Али Ахмети и со тоа Ве паркираа во коалиција со ДУИ, тоа е прашањето на кое треба Вие да одговорите, му порача вицепремиерот Николоски, на пратеникот Халил Снопче, на седницата за пратенички прашања.Вицепремиерот Николоски, од собраниската говорница потенцира дека чудно е што Алијанса на Албанците повторно го конкретизира случајот со Илир Мета во Македонија и му порача на пратеникот Снопче да не биде користен за манипулации. “ Кога зборував со случајот на Илир Мета, чудесно е што сите провладини медиуми во Албанија напишаа колумни со исти тези против мене кои што сега вие ги кажавте. Чудесно е вие имате исто мислење со сите провладини медиуми во Албанија.  Односите со Албанија се одлични, такви биле,  такви се и такви ќе останат. Но ме зачудува после две три недели пак ја отварате темава.Но би Ве прашал дали е вистина дека откако вашиот претседател  Арбен Таравари западна во проблеми со случајот “Ѓока”, отишол кај премиерот на Албанија, Еди Рама да бара помош и премиерот Рама му рекол: Jас можам да ти помогнам, но повеќе од мене може да ти помогне Али Ахмети и така Ве паркираа во коалиција со Али Ахмети.Исто така, ако на ова во Албанија има некој што да каже слободно нека каже, нека не Ве користат вас како “прокси”  навистина непријатна улога Ви дале. Знам дека скандалот со Ѓока е огромен, но функцијава која Ви ја даваат е крајно непријатна. Со пријатели вака не се постапува.   И третата работа што ја кажувам е лична. Илир Мета ми е пријател, сум бил кај него неколку пати сам и фамилијарно,  сме се дружеле и ќе се дружиме. И кога бил во зенитот на поличката моќ и денес кога веројатно ги доживува најтешките моменти во политичкиот живот. Јас не се окажувам многу лесно од пријателите. Ме знаат сите пријатели во ВМРО – ДПМНЕ,  чесно е да го подржувам, а нека им служи на чест на тие кои наредија да го тепаат на автопат и случајно да има камери и да снимаат и еве две години да го држат во притвор. Тоа само во едноумието се случуваше во времето на Тито и во времето на Енвер Хоџа” – му одговори вицепремиерот Николоски на пратникот Халил Снопче.

Македонија | пред 1 месец

(Видео) Ќе излезат многу работи за Мијалков во наредниот период, убеден сум, вели Николоски

Вицепремиерот и министер за транспорт Александар Николоски изјави дека во наредниот период јавноста ќе дознае нови информации поврзани со Сашо Мијалков, но нагласи дека истрагата е исклучиво во надлежност на обвинителството.Тој претходно побара Обвинителството да го испита потеклото на имотот на поранешниот директор на УБК, од каде му одговориле дека постапуваат врз основа на докази, а не по повици.„Прибирањето докази е работа на обвинителството, не моја, и немам намера да се мешам. Но убеден сум дека во следниот период ќе излезат многу работи што ќе бидат интересни за јавноста“, изјави Николоски.

Настани | пред 1 месец

Николоски: Проектот Градски воз напредува одлично

До месец јуни првата линија од Градски воз од Зелениково преку Драчево, Кисела Вода, Аеродром до железичка станица Скопје ќе биде завршена, а со почетокот на школската година во септември ќе ја пуштиме во сообраќај. За останатите две линии тендер ќе распишеме оваа година со што ќе го скратиме рокот за една година и до 2027 година Градскиот воз комплетно на трите линии ќе биде завршен, истакна вицепремиерот и министер за транспорт Александар Николоски.Вицепремиерот, заедно со градоначалникот на Град Скопје, Орце Ѓорѓиевски и директорите на двете железнички претпријатија извршија увид во рехабилитацијата и реконструкцијата на првата линија.Вицепремиерот Николоски истакна дека со набавката на новите автобуси, идејата е  да се комбинира транспортот така што фрекфренцијата на Градски воз да биде на еден час“ Динамиката е добра. Ветивме дека ќе биде завршена првата линија до јуни и првата линија ќе биде завршена до јуни. Сакам да почнеме да ја навикнуваме јавноста дека се завршуваат проектите во предвиден рок. И како што гледате, проектите кои што ова Влада ги почна завршуваат во предвидениот рок и се движат во добра динамика, затоа што пред да ги започнеме проектите имаме еден многу сериозен процес на планирање за тоа како ќе се излезе на терен и како ќе се почне да се работи и навистина да се испорачува она што се ветува. До денес прогресот на првата линија која што оди од Зелениково преку Драчево, Ново Лисиче, Кисела Вода, Аеродром и Нова железничка станица е 65 %, што е согласно динамичкиот план и очекуваме до јуни месец да истата биде завршена. По тоа следува еден период на тестирање и нашата цел е на 1 септември со почеток од новата школска година да почне да функционира градски воз на линија Зелениково, Драчево, Ново Лисиче, Аеродром, Нова железничка станица, што сум уверен ќе помогне многу во растаретување на сообраќајот и сообраќајниот метеж во град Скопје а исто така во очекувања на зимата и во намалување на загадувањето. За таа цел со Железници Транспорт интензивно работиме на обезбедување на дополнителни гарнитури на возови, затоа што ќе се зголеми сообраќајот и тоа проект кој што го работиме” -изјави вицепремиерот Николоски и додаде:“Jaвното претријатие Железничка инфраструктура доста напредува со проектирањето на другите две линии и работата оди побрзо од што беше планирано и очекувано. Очекуваме во текот на оваа година да се распише јавен повик односно тендер за двете делници заедно, што значи дека ќе го скратиме рокот на комплетно завршување на проектот Градски воз до крајот на 2027 година и ќе имаме три линии функционални.  Во добра соработка со ЈСП ќе значи едно целосно растеретување на сообраќајот во градот. Ако на тоа се надоврзе и проектот БРТ  веќе мислам дека во 2029 година ќе имаме целосно нова сообраќајна инфраструктура” – изјави Николоски.Директорот на ЈП Железничка инфраструктура Синиша Ивановски истакна дека во овој момент се работи на замена на дрвените прагови кои се заменуваат со бетонски прагови со  цел да да се достигне проектирана брзина до 90 км на час, како и реконструкција на патните премини.Градоначалникот на Град Скопје, Ѓорѓиевски истакна дека со проекот Градски воз, набавката на новите 100 автобуси и проектот за БРТ, значително ќе се подобри квалитетот на сообраќајниот транспорт во Скопје.

Македонија | пред 1 месец

Цената во Скопје ќе биде над 5.000 евра метар квадратен, ако продолжи да не се носи ДУП, вели Николоски

Вицепремиерот и министер за транспорт Александар Николоски, излезе со предупредување дека одлуката на граѓаните да не се носат детални урбанистички планови може сериозно да влијае врз цените на становите во Скопје. Тој истакна дека без планирана урбанизација, цените на недвижностите ќе продолжат да растат и може да достигнат над 5.000 евра за метар квадратен.„Јас ви гарантирам дека доколку продолжи да не се носат детални урбанистички планови, цената во Скопје ќе биде над 5.000 евра метар квадратен. Лесно е сега некој што ме гледа да рече – нека си живеат во нивните градови, ама не сакаат да живеат, сакаат да живеат во Скопје. Ако сакаат да живеат во Скопје и доаѓаат тука, ние мораме да имаме можност да имаат што да купат. Ако немаат што да купат, ќе купуваат овие кои ќе имаат најмногу пари, и тоа ќе го ништува животот на овие кои сега живеат во Скопје“, рече Николоски.Според него, одлуките за урбанистичко планирање не се само технички формалности, туку директно влијаат врз пристапноста на пазарот на недвижности за просечниот граѓанин и со тоа врз квалитетот на животот во главниот град.

Македонија | пред 1 месец