ВМРО-ДПМНЕ

Петрушевски: СДС е еднакво на ССМ, денешниот протест е измама, а не борба за работнички права

Пратеникот од ВМРО-ДПМНЕ, Бране Петрушевски, обвини дека зад денешните работнички протести стои СДСМ, а не Сојуз на синдикатите на Македонија, тврдејќи дека партиски луѓе ја организирале мобилизацијата на работниците од повеќе градови низ државата.Според Петрушевски, јавноста можела јасно да види дека наместо синдикатот, зад организацијата на протестите стојат структури поврзани со СДСМ, кои ги организирале работниците да дојдат на протест во Скопје.Тој наведе дека во Тетово и поширокиот регион работниците ги организирал Мирослав Павловски, за кого рече дека е истакнат член на СДСМ. Според него, работниците од Струмица и околината ги организирал Бранко Георгиев, поранешен раководител во струмичкото јавно претпријатие „Комуналец“ во период кога на власт била СДСМ.Петрушевски тврди дека работниците од Куманово и кумановскиот регион ги организирал Оливер Трајковски, за кого рече дека води штаб на СДСМ во Куманово и е вработен во јавното претпријатие „Чистота и зеленило“.„И сите овие, како и други од СДСМ кои се во организацијата на денешниот протест, наместо да ја зајакнуваат партијата која се движи кон пропаст, решиле да организираат протести на ССМ“, рече Петрушевски.Тој додаде дека барањата на работниците се легитимни и дека тие имаат право да бараат нивно исполнување, но оцени дека начинот на кој се организирани протестите не претставува синдикална активност и вистинска борба за работничките права.Според него, примерите од организацијата на протестот покажуваат дека постои „знак на равенство“ меѓу ССМ и СДСМ.Петрушевски истакна дека ВМРО-ДПМНЕ се грижи за граѓаните, но оцени дека, како што рече, „она што го прават СДСМ и ССМ е измама“.

Македонија | пред 2 месеци

Стојаноски: Усогласување на минимална плата ќе се изврши преку социјален дијалог помеѓу синдикатите и работодавачите

„Минималната плата ќе порасне така како што ќе се договарат работодавачите и работниците, со оглед на тоа дека Владата во овој дијалог ги има испочитувано во крај своите права или обврски кон оние на коишто е работодавач, бидејќи 99% од државната управа има склучено колективни договори со Владата“, истакна Бојан Стојаноски, пратеник од редовите на ВМРО-ДПМНЕ во гостување во емисијата Топ Тема на Телма телевизија.Стојаноски нагласи дека усогласувањето на минималната плата потребно е да се изврши преку социјален дијалог, да се договарат синдикатите и работодавачите на двопартитен дијалог, потенцирајќи дека Владата ќе ја поддржи одлуката.„За нас, ете и за мене лично, оној став дека најдобрата плата е таа која што ќе биде реално исплатена, е едноставно најдобра плата, бидејќи на крајот од денот работниците треба таа плата и да ја примат. Ние можеме тука да лецитираме со бројки коишто сметаме дека можеби се примамливи, но на крајот од денот треба да гарантираме дека тоа коешто ќе го кажеме, носиме одговорност и дека ќе биде исплатено“, рече пратеникот Стојаноски.

Македонија | пред 2 месеци

ВМРО-ДПМНЕ: Пустош, уништени рудници, и празни акумулации оставија СДС во РЕК Битола, немаат легитимитет да говорат за енергетиката

Пустош во РЕК Битола, девастација на РЕК Осломеј, уништени рудници, запуштена рударска механизација и празни акумулации, беше наследството од СДС. При преземањето на компанијата, ЕСМ е затекната во исклучително тешка финансиска состојба со производствена цена од 140 евра за мегават-час, загуби од повеќе од 130 милиони евра и доспеани, неплатени обврски кон деловни партнери над 80 милиони евра, велат од ВМРО-ДПМНЕ во реакција на соопштението на СДСМ,„Се уште се расфрлаат со пофалби дека успешно менаџирале и работеле со добивка, која всушност е целосна лага. Средствата што ги добивале од Владата ги прикажувале како приход на компанијата, а всушност работеле со огромни загуби. Ова е реалната слика што ја оставија претходниците кои директно ја загрозија стабилноста на целиот енергетски систем и како држава станавме зависни од увозен јаглен. Таквата девастација на стратешки најважната компанија интензивно се санира.СДС нема никаков легитимитет да ја коментира енергетиката. Потценува докажани и стручни кадри, а во нивно време директори на комбинатот беа Васко Ковачевски и Пеце Матевски.Против раководствата кои ја управувале компанијата во периодот од август 2017 до август 2024 поднесени се пријави до надлежните институции, и веруваме дека сите до еден ќе одговараат за своите злосторства во АД ЕСМ.И да не заборавиме, освен уништување на една од најголемите државни компании, во седум години владеење од 2017 до 2024 година, СДС не успеа да изгради ниту еден нов капацитет за производство на електрична енергија“, се вели во соопштението.

Македонија | пред 2 месеци

ВМРО-ДПМНЕ: Документи и докази за организација и логистика на протестите на ССМ  водат директно до СДС

окументите и доказите кои излегоа во јавноста за организацијата и логистиката на протестите на ССМ водат директно до СДС. ССМ го покажа вистиснкото лице дека не е независен синдикат, туку само продолжена рака на партиските интереси на СДС. Се оди до таму што луѓе од СДС се директно вклучени во организација на саботниот протест или ССМ се претопи во СДС, вели ВМРО-ДПМНЕ„ССМ е контролирано и координирано од партијата СДС, а тоа ги вклучува и логистиката и организацијата на протестите.Документите кои пристигнаа до нас се доказ дека одговорен за организирање на луѓе и превоз од Струмица и струмичкиот регион е Бранко Георгиев. Георгиев е поранешен раководител во ЈПКД Комуналец Струмица во време на СДС.Превозот, организацијата и кампањата на ССМ е директно поддржана од партиската инфраструктура на СДС. Бранко Георгиев кој е партиски теренец на СДС сега е главен за теренски активности на ССМ.Целата партиска логистика на СДС за Струмица и струмичкиот регион сега е ССМ.ССМ наместо да биде независна организација што ги штити правата на работниците, се претвори во партиска испостава на СДС.ССМ наместо да делува автономно и во интерес на работниците, функционира како продолжена рака на партиските структури на СДС, со активности, организација и логистика кои се совпаѓаат со партиските интереси.Синдикатите треба да бидат глас на работниците, а не инструмент на политички партии. ССМ како синдикална организација е ставена во служба на партиска агенда на СДС, и со тоа ја губи својата основна улога и довербата на членството.Пред очите на целокупната јавност ќе бидат објавени сите лица од СДС кои го имаат превземано ССМ“, се вели во соопштението.

Македонија | пред 2 месеци

ВМРО-ДПМНЕ: Битиќи призна дека СДС нема да биде конкурентна за следните избори

СДС како грамофонска плоча истата приказна ја вртат секој ден постојано фабрикуваат, шират лаги и манипулации. Грaмофонската плоча кај СДС врти, приказната им е иста во секое соопштение или прес-конференција само довербата кај народот им исчезнува, велат од владејачката ВМРО-ДПМНЕ.„Институциите ги демантираат секој ден, ама СДС си тера по свое како грамофонска плоча што се врти и ја повторува истата приказна.Венко Филипче и СДС лажеа дека никогаш не говореле за мигрантски кампови во Македонија а самиот Филипче кажа дека Македонија станува голем мигрантски камп и црна точка во Европа. Денес 4 месеци подоцна нема ниту договори, ниту преговори, ниту пак планови за отворање мигрантски кампови во Македонија. Ова беше потврдено и од највисоките државни институции, како и од меѓународни претставници. Филипче и неговите лаги беа демантирани и разобличени од претседателот на Владата, претседателот на државата, министерот за надворешни работи и британскиот амбасадор.Секојдневни деманти од институциите, а СДС упорно со истите лаги. Уште една лага на СДС падна во вода, и кога Антикорупциска пресече, дека нема судир на интереси кај Томовски во случајот со фирмата Сити аутсорсинг но од СДС продолжија со спинови.Тоа е доказ за дното каде што се СДС, трета партија  со 130 илјади гласа без консолидирани структури. Самиот Битиќи ги демантира Филипче и СДС и во емисија каде кажа дека СДС не е консолидирана. Битиќи призна дека СДС нема да биде конкурентна за следните избори.Наместо извинување за лагите СДС продолжува да конструира приказни и измислува теми во кој никој не верува. На Македонија и е неопходна консолидирана и конструктивна опозиција која ќе биде коректор на власта а не фабрика за лаги и неодговорно однесување со намалена улога во демократските механизми“, се вели во соопштението.

Македонија | пред 2 месеци

Пренџов: Целта на работната група за Изборниот законик е да се дојде до подобар и поквалитетен изборен процес преку консензус на сите политички партии

Љупчо Пренџов, пратеник од ВМРО-ДПМНЕ, беше гостин во емисијата Топ тема на телевизија Телма, каде говореше на повеќе теми, меѓу кои и темата за Изборниот законик, за што истакна дека целта на работната група, во која има претставници од сите политички партии, а се одвива во рамки на Министерството за правда е да се има подобар изборен модел како и подобар изборен закон.,,Од стручен аспект, како политиколог, сакам да кажам дека не постои идеален изборен модел, така да не постои идеален изборен законик и секоја држава во зависност од својот историски развој определува кој е најдобриот изборен модел во тој период“, истакна Пренџов.Тој вели дека дали ќе има нов изборен законик или само измени ќе зависи од обемот на промените, односно дали тие ќе надминат една третина од постојниот закон.,,Изборниот модел е техника за избор на пратеници на градоначалници, советници и Претседател на државата. Она кое што е добро е тоа што на речиси на две години до следните парламентарни избори, се разговара на темата на нов изборен законик, дали ќе биде нов или ќе бидат измени во Изборниот законик зависи од тоа дали ќе се  промени повеќе од 1/3 или ќе се промени помалку од 1/3, ако е помалку тогаш има измени и дополнувања, доколку е повеќе, тогаш одиме со нов изборен законик“, кажа Пренџов.Пренџов потенцираше дека под успех од она кое што го имаат како брифинзи од работната група, за изборниот законик и за процентот на измени во изборниот законик се подразбира, како што вели тој, за колку работи политичките партии имаат консезнус.,,Влегуваме со добра волја, со позитивна енергија, се со цел да имаме еден подобар изборен модел, подобар изборен закон, да ги слушнеме сите мислења, и за прв пат после многу долгу време, не се прави во очи на некои избори, туку се прави, народски кажано, натенане, на две години пред изборите, дека тоа е работна група од која што има од сите политички партии, со која што претседава министерот за правда, се одвива во рамки на Министерството за правда. Треба да му дадеме шанса и на крајот да видеме што ќе се случи со истиот“, рече Пренџов.

Македонија | пред 2 месеци

ВМРО-ДПМНЕ: Затворањето на постмониторинг дијалогот со СЕ е јасна потврда за посветеноста на Владата на патот кон ЕУ, за разлика од СДС само што се сликаа во авионот

ВМРО-ДПМНЕ со реакција на ставовите на Андреј Жерновски обвини дека СДСМ е „најголем непријател на државата“ и главен кочничар на евроинтегративниот процес на Македонија.„Поголем непријател на државата од СДС на Зоран Заев и Венко Филипче, нема“, наведуваат од ВМРО-ДПМНЕ во соопштението, додавајќи дека државата низ историјата „најмногу патела од своите внатрешни непријатели и предавници“.Од партијата тврдат дека поранешната власт направила сериозни отстапки за да остане на власт. „Сменија устав, име на држава, потпишаа предавнички договори, само и само да се дограбат до власт и останат ден повеќе“, стои во реакцијата.Во соопштението се наведува и дека токму владеењето на СДСМ, според ВМРО-ДПМНЕ, било пречка за напредокот кон Европската Унија. „Најголемите кочничари на евроинтегративниот пат на државата се токму СДС и нивното криминално владеење“, тврдат од партијата.Во реакцијата се споменува и прашањето за руско влијание во земјата. „Ако Жерновски заборавил да го потсетиме, руското влијание во државата продре единствено преку власта на СДС, Заев и Филипче“, се наведува во соопштението.Од ВМРО-ДПМНЕ посочуваат дека актуелната влада работи на реформската агенда и усогласување на законодавството со европските стандарди и дека останува посветена на интеграцијата на земјата во Европската Унија „со исполнување на Копенхашките критериуми и зачуван национален идентитет“.

Македонија | пред 2 месеци

ВМРО-ДПМНЕ: ДКСК ги демантираше лагите на СДСМ, нема судир на интереси кај Томовски во случајот со фирмата Сити аутсорсинг

СДС и кажувањата на раководството предводено од Венко Филипче се демантирани секој ден. И тоа демантирани се од релевантни изјави, релевантни институции. Но, на СДС како да не им се слуша, и секој ден оттаму повторуваат само лаги, вели владејачката ВМРО-ДПМНЕ.„Конкретно, Државната комисија за борба против корупцијата ги демантираше нивните лаги што се однесуваат на Ивица Томовски. Антикорупциската комисија не утврди судир на интереси кај директорот на владината Служба за општи и заеднички работи Томовски со фирмата Сити аутсорсинг. СДС тврдеше дека е на неговиот татко и дека добила 161 тендер од различни државни институции во вкупна вредност од 5,3 милиони евра.Но, и оваа лага падна во вода.Ама како да му доаѓа памет на раководството на СДС предводено од Филипче кој е доследен ученик на Зоран Заев, лик кој е основач на политиката на кражба за народот со цел луксузно да живее.Лагите се една од многуте причини што СДС се движи кон пропаст и невиден пад на доверба која ја имаше некогаш оваа партија“, се вели во соопштението.

Македонија | пред 2 месеци

ВМРО-ДПМНЕ: Колку повеќе спинови пласира СДС толку поочигледна е нивната политичка слабост и немоќ

СДС е изгубен во сопствениот ПР и секојдневно ја губи довербата на граѓаните. Политичката криза во СДС се продлабочува дополнително и со ПР конфузијата која владее во партијата. СДС тоне во сопствениот ПР на лаги, манипулации и деструкција што дополнително допринесува за падот на довербата кај граѓаните, велат од ВМРО-ДПМНЕ.„СДС и Филипче се обидоа да стекнат политички поен плус ширејќи лаги за наводни мигранти во Македонија но беа демантирани од сите релевантни институции. Филипче и СДС беа демантирани и од британскиот амбасадор, но сепак продолжија со лагите и измислиците.Венко Филипче и СДС лажеа дека никогаш не говореле за мигрантски кампови во Македонија, а самиот Филипче кажа дека Македонија станува голем мигрантски камп и црна точка во Европа.Колку повеќе спинови пласира СДС толку поочигледна е нивната политичка слабост и немоќ. СДС нема стратегија ниту за партијата, ниту пак за државата. СДС на чело со Филипче, а под менторство на Заев се сведе на трета партија во државата на ниво од 130.000 гласа.СДС и Филипче имаат конзистентна пракса на креирање спинови, испраќаат контрадикторни пораки каде меѓусебно партиските функционери се демантираат, во отсуство на аргументи извртуваат факти или пак селективно ги презентираат и на тој начин ја деградираат јавната дебата во државата.Наместо да се извинат на граѓаните СДС и Филипче шират лаги и ја трујат јавната дебата предводени од српските ПР агенции на чело со Башановиќ.На Македонија и е потребна конструктивна опозиција со конкретна визија и проекти, а не партија која шири страв и сее паника“, се вели во соопштението.

Македонија | пред 2 месеци

Петковска: Измените во Кривичниот законик се во насока на подобра заштита на ранливите групи

„Законите се солидни како што кажав, меѓутоа законот е делотворен онолку колку што е делотворна неговата имплементација. Во таа насока потребна е институционална координација, синхронизирано делување на сите институции коишто се засегнати, до кои се адресираат пријавите, правилна и навремена проценка на ризик“, истакна Лидија Петковска, пратеник од редовите на ВМРО-ДПМНЕ во гостување во емисијата „Директно“ на Телма телевизија.Петковска нагласи дека измените на КЗ се токму во насока на подобра заштита на ранливите групи. Таа исто така додаде дека и мисијата на ОБСЕ изразила пофалба за Националната стратегија 2026-2033 година, потенцирајќи дека ќе се продолжи со работа интензивно и во периодот што следува.„Ние имаме квалитетни закони, сега направивме измена на Кривичен законик, се во насока на подобра заштита на жените жртви на насилство и на ранливите групи. Во Министерството за внатрешни работи веќе се организираше тркалезна маса, исто така и во Министерството за социјална политика, демографија и млади. Кога велам тркалезна маса, значи дека на една маса седнуваат сите чинители коишто можат да влијаат врз намалување на овие штетни појави. Како што се претставници од Министерството за правда, Министерството за внатрешни работи, Министерството за социјална политика, демографија и млади, граѓанскиот сектор, оние практичари како што спомнав и претходно коишто точно знаат кои законски измени се потребни и законските измени ќе ги направиме. Најлесно е да смените закон, меѓутоа законот ако не може да биде имплементиран во пракса, ако нема доволно буџетски средства тогаш имаме само закон на хартија. Исто така мисијата на ОБСЕ изрази пофалба за Националната стратегија 2026-2033, така што се работи и ќе се работи интензивно во периодот што следува“, рече Петковска.

Македонија | пред 2 месеци

ВМРО-ДПМНЕ со реакција: СДС школа за лаги без конкуренција, барем јавно да се извинат на граѓаните откако сите лаги им пукнаа како меур од сапуница

Откако сите лаги им се распрскаа како меур од сапуница, СДС и Богданка Кузеска без трошка срам продолжуваат да лажат. Не е ни чудно тоа за нив, да имаше школа за лажење, дефинитивно немаше да имаат конкуренција, затоа што само од СДС можат со рака на срце да се колнат дека ја сакаат државата, а од друга страна ја распродаваат, вели ВМРО-ДПМНЕ во реакцијата на прес-конференцијата на портпаролката на СДСМ Богданка Кузеска„Еден од еклатантните примери за безочно лажење е менторот на Венко Филипче, Зоран Заев, кој дури и во децата и своите предци се колнеше дека нема да го смени името кога ќе дојде на власт.За жал, голем дел од граѓаните поверуваа на лагите на Заев и СДС и не само што до смени името, туку заедно со неговиот чувар на фотелјата во СДС, Венко Филипче и ги распродаваа националните и стратешки интереси, државата ја опљачкаа, а граѓаните ги осиромашија.Со најголемата лага „нема правда, нема мир“ СДС ја искористи таканаречената Шарена револуција, за да дојде на власт и да инсталира свои послушници во правосудството, кои прво Заев го ослободија од вина за примањето поткуп, па после со Филипче и останатите да ги заштитат од седумгодишниот криминал и пљачка на Македонија.Лажеа и за загадениот воздух, на цел глас дерејќи се Заев и компанија од СДС на предизборен митинг во Аеродром, дека ајро немало и дека по победата ќе го исчистеле, за што не само што со прст не мрднале, туку сега да гледаме дека со набавките на сомнителен квалитет на мазут свесно ги труеле граѓаните.Една од поновите лаги на СДС и Венко Филипче, која се распрсна на сите страни, беше лажењето и свесното ширење хистерија дека во државава ќе се градат мигрантски кампови, за што дури и британскиот амбасадор требаше да ги демантира и целосно да им ја разоткрие лагата.Долга е листата на лаги на СДС, Филипче и Заев и наместо да се извинат тие повторно продолжуваат со нивната најдобро научена школа, лажењето во кое им нема рамен.Наместо бесцелните прес-конференции, добро би било Кузеска во име на сите предавства и лаги на сите досегашни и актуелно раководство јавно да им се извини на граѓаните“, се вели во реакцијата.

Македонија | пред 2 месеци

ВМРО-ДПМНЕ: Пропадна обидот на СДС да креира хистерија, Филипче ширеше паника за мигранти но реалноста го демантира 

СДС на чело со Филипче и Заев имаат една единствена стратегија а тоа се ширење лаги, паника и манипулации со цел да се дефокусира јавноста од неуспесите на СДС и политичкиот хаос во кој се наоѓаат, велат од владејчката ВМРО-ДПМНЕ.„СДС и Филипче со месеци наназад пласираа невистини дека наводно се подготвуваат договори за отворање мигрантски кампови во Република Македонија и дека државата ќе стане место за мигранти во Европа. Со таквите неодговорни изјави СДС свесно се обидуваа да создадат страв и несигурност кај граѓаните.Денес, скоро 4 месеци подоцна нема ниту договори, ниту преговори, ниту пак планови за отворање мигрантски кампови во Македонија. Ова беше потврдено и од највисоките државни институции, како и од меѓународни претставници. Филипче и неговите лаги беа демантирани и разобличени од претседателот на Владата,  претседателот на државата, министерот за надворешни работи и британскиот амбасадор.СДС и Венко Филипче уште еднаш се фатени во лага. Наместо да се извинат на граѓаните за ширењето паника, тие продолжуваат со истата деструктивна политика, да измислуваат теми, да шират страв и да ја трујат јавната дебата предводени од српските пр агенции на Башановиќ.ВМРО-ДПМНЕ нема да дозволи Македонија повторно да биде жртва на неодговорните политики и лажни наративи на СДС какви што гледавме во минатото.  Приоритет на ВМРО-ДПМНЕ останува стабилноста, безбедноста и заштитата на националните интереси.Граѓаните заслужуваат вистина, а не лаги. Заслужуваат одговорна политика, а не политичари кои за ситни политички поени се подготвени да ја вознемируваат целата јавност.Затоа СДС и Венко Филипче треба да одговорат пред граѓаните за лагите што со месеци ги пласираа. Македонија нема да биде заложник на СДС, на нивната политика на манипулации и деструкција“, се вели во соопштението.

Македонија | пред 2 месеци

Петрушевски: Филипче предлага мерки кои ВМРО-ДПМНЕ ги предложи во 2022 година, Владата работи да имаме најевтини енергенси во регионот

Пратеникот од ВМРО-ДПМНЕ, Бране Петрушевски, реагираше на денешната прес-конференција на претседателот на СДСМ, Венко Филипче, оценувајќи дека предлага мерки кои, според него, ВМРО-ДПМНЕ ги предложила уште во 2022 година.„Неинвентивниот Венко Филипче денес на прес-конференција предлага мерки кои ние ги предложивме уште во 2022 година, кога бевме опозиција, а неговата влада одбиваше дури и да ги слушне“, напиша Петрушевски.Тој посочи дека мерките кои денес ги бара Филипче, според него, биле воведени уште во 2022 година со измена на член 92 од Законот за акцизите.„Она што денес Филипче го бара, уште во 2022 година, по силниот наш притисок, се воведе преку измена на член 92 од Законот за акцизите и се овозможи намалување на акцизата кога цените на горивата на светските берзи нагло растат“, наведе Петрушевски.Според него, тогашната влада на СДСМ планирала и нова „еколошка“ такса која дополнително ќе ја зголемела цената на горивата, но, како што тврди, ВМРО-ДПМНЕ како опозиција успеала да го блокира тој закон.„Врвот на лицемерието на Филипче и СДСМ е тоа што како власт го зголемија ДДВ за голем број прехранбени производи, за денес од опозиција наводно да бараат намалување“, додава Петрушевски.Тој оцени дека актуелната влада работи граѓаните да имаат меѓу најевтините енергенси во регионот и да се ублажи ценовниот шок и покрај притисоците од глобалните движења на цените.

Македонија | пред 2 месеци

ВМРО-ДПМНЕ му возврати на Филипче: Совети од човек кој сакаше да заработи на вакцини не ни требаат

ВМРО-ДПМНЕ остро реагираше на предлозите на претседателот на СДСМ, Венко Филипче, за економски мерки поради растот на цените на горивата, оценувајќи дека тој нема кредибилитет да дава совети за управување со кризи.Од партијата велат дека Филипче, како поранешен министер за здравство во време на ковид-кризата, наместо да се фокусира на набавка на заштитна опрема, договарал провизии за вакцини.„Експертот за кризи, хирургот на Заев, Филипче, човекот кој во време на ковид кризата, наместо набавка на ракавици, каљачи, маски и така натаму, договараше провизии за вакцини, нема кредибилитет да дели совети како треба да се постапи“, се наведува во реакцијата на ВМРО-ДПМНЕ.Од владејачката партија додаваат дека Владата работи на справување со последиците од кризата, без тоа, како што велат, да се најавува помпезно во јавноста.„Изгледа Венко живее во некој свој свет, во којшто е само тој со Заев, Башановиќ и уште двајца-тројца, па нема кој да му каже дека Владата си ја врши својата работа без тоа да биде помпезно најавувано во јавноста, како во нивно време“, стои во реакцијата.Од ВМРО-ДПМНЕ посочуваат дека дел од мерките кои Филипче ги предлага веќе биле разгледувани како можни чекори за ублажување на ефектите од евентуалната економска криза.„Филипче и СДС нека не се грижат, не одиме по нивните стапки. Совети од експерт за крадење во време на кризи, не бараме“, додаваат од партијата.

Македонија | пред 2 месеци

ВМРО-ДПМНЕ: Инвестициите кои спаѓаат во портфолиото на ТИР зоните ќе отворат нови 5.000 работни места

Инвестициите кои се веќе започнати или се во процес на договарање државна помош, а спаѓаат во портфолиото на ТИР зоните, достигнуваат околу 650 милиони евра. Овие 17 инвестиции ќе отворат до 5.000 нови работни места,а и ќе придонесат значително за економскиот развој и намалување на невработеноста во земјава, велат од ВМРО-ДПМНЕ.„Во 2025 година, македонската економија забележа реален раст од 3,5%, што, според податоците на Еуростат, ја рангира меѓу петте најбрзо растечки економии во Европа по Ирска, Малта, Кипар и Полска, а и пред останатите земји во регионот.Номиналниот раст на македонската економија достигна историски рекордни 8,2%, што е продолжение на континуираниот раст од 2024 година, кога економијата забележа 3%. За следната година се очекува буџетски дефицит под 3,5%, како и реален економски раст од околу 4%.Ова покажува дека кога се има јасна визија, одговорен пристап и конкретни чекори има резултати.Секоја нова инвестиција и секое ново работно место се доказ дека Владата работи во интерес на граѓаните и ја поттикнува економската стабилност и развој.А бројките зборуваат.За време на СДС и ДУИ, или 28 квартали конкретно, реалниот раст на македонската економија беше 2%.Лошите политики на СДС и ДУИ ја успорија продуктивноста и ја блокираа можноста за развој.Владата предводена од ВМРО-ДПМНЕ со јасна стратегија и решителни политики ја потврдува својата посветеност кон граѓаните“, се вели во соопштението.

Македонија | пред 2 месеци

ВМРО-ДПМНЕ: Целта на Владата е да има енергенси по најевтини цени во регионот

Граѓаните многу добро се сеќаваат каква беше реалноста за време на СДС кога несигурноста беше секојдневие, велат од ВМРО-ДПМНЕ.„Случувањата на Блискиот Исток ја прават состојбата на енергетските пазари динамична, со цени кои варираат од час во час.Владата неуморно работи да обезбеди енергетска стабилност.Целта е Македонија да има енергенси по најевтини цени во регионот, дури и покрај глобалните притисоци кои укажуваат на можни поскапувања.  На пример, во соседните држави цените се повисоки за 40, 50, па дури и 60 проценти.Затоа Владата одржа средба со претставници на нафтената индустрија, со цел да се координираат мерки и да се преземат сите можни чекори.Опозицијата пак, од друга страна, се служи со празни флоскули и се занимава со се освен со тоа што треба, но не е неочекувано затоа што од нивната пракса досега се гледа дека не им е јасно, ниту пак покажале дека знаат да се справат со криза.Пример лидерот на СДС, Венко Филипче, покажа и докажа дека не му е баш гајле за граѓаните, кога се обидуваше да профитира со вакцините против ковид и се обиде да врши набавка на истите преку компанија за јужно овошје по три пати поскапа цена, кога ги примора граѓаните да одат и да се вакцинираат во соседни земји, па правеше шоу на граница за 5.000 вакцини.СДС беа последни во регионот што обезбедија заштита на народот.Јасна е разликата“, се вели во соопштението.

Македонија | пред 2 месеци

(Видео) Семејната трагедија во Карпош, СДСМ ја претвори во политичка платформа, никој нема право на тоа, вели Мицкоски

Премиерот и претседател на ВМРО-ДПМНЕ, Христијан Мицкоски, реагираше на прес-конференцијата на претседателката на Форумот на жени на СДСМ, оценувајќи дека трагедијата во скопската населба Карпош се користи за дневнополитички напади.Мицкоски изјави дека на прес-конференцијата претседателката на Форумот на жени на СДСМ била опкружена со млади жени со црвено обоени дланки, што, според него, требало да асоцира на Шарената револуција, но и на трагедијата во која животот го загубија мајка и нејзината ќерка.„Во пресрет на 8 март, претседателката на Форумот на жени на СДСМ одржа прес-конференција опкружена со млади дами кои со црвени обоени дланки сакаат да нѐ потсетат на Шарената револуција, а да нѐ потсетат и на трагедијата во Карпош, каде животот го загубија мајка и нејзината ќерка. Ова беше повод за дневнополитички напади. Никој нема право семејна трагедија да ја претвори во сцена за политички поени, особено не во денови кога целото општество треба да зборува за достоинството и безбедноста на жените“, рече Мицкоски.Тој додаде дека начинот на кој СДСМ настапува во јавноста во последните денови, според него, наликува на затворен круг кој постојано ги повторува истите наративи и напади.„Кога една политичка структура функционира така и репродуцира исти приказни, станува јасно дека проблемот не е само политички. Сериозно сме загрижени за состојбата во која се наоѓа врвот на СДСМ. Гледаме паника и очајнички обиди трагедијата да ја претворат во политичка платформа“, изјави Мицкоски.Премиерот посочи дека државата се соочува со сложени глобални околности и повика на одговорно политичко однесување.„Живееме во тешки историски времиња. Сакам да им се заблагодарам на граѓаните кои ја даваат својата поддршка и ги одбиваат овие хистерични обиди од СДСМ. Економиите се под притисок, стабилноста на многу држави е на тест. Во вакви времиња државите мора да бидат одговорни, а најмалку што ни треба е паника“, додаде Мицкоски.

Македонија | пред 2 месеци

ВМРО-ДПМНЕ: Филипче ширеше паника за мигранти, демантиран од британскиот амбасадор

ВМРО-ДПМНЕ обвини дека СДСМ и нејзиниот лидер Венко Филипче во изминатиот период ширеле паника во јавноста со, како што велат, „измислени теми“, меѓу кои и наводите за можен прием на мигранти од Велика Британија во Македонија.Од владејачката партија велат дека ваквите тврдења биле демантирани од релевантните институции, а дополнителен демант, како што наведуваат, стигнал и од британскиот амбасадор во земјава, Метју Лосон.Според ВМРО-ДПМНЕ, амбасадорот Лосон изјавил дека владата на Велика Британија нема ниту намера, ниту пак водела преговори за решение кое би подразбирало испраќање мигранти во Северна Македонија.„Лосон особено нагласи дека таков договор не постои и никогаш не постоел“, се наведува во соопштението.Од ВМРО-ДПМНЕ оценуваат дека со ова, како што велат, се разобличува „фабрикувана приказна“ на СДСМ која имала за цел да внесе страв и да ја манипулира јавноста. Партијата додава дека, според нив, опозицијата повторно се служи со методи на ширење лажни вести и дезинформации.

Македонија | пред 2 месеци

ВМРО-ДПМНЕ со критики до СДСМ: Сценографијата на Шукова копирана од Србија

ВМРО-ДПМНЕ обвини дека СДСМ ја користи последната трагедија во земјата за политичка промоција, реагирајќи на прес-конференцијата на претседателката на Форумот на жени на СДСМ, Каја Шукова.Според владејачката партија, настапот на Шукова претставувал копирање на кампањи кои веќе биле видени во регионот, оценувајќи дека станува збор за обид трагедијата да се искористи за привлекување внимание во јавноста.„СДС покажа дека повеќе не е политичка партија туку постепено се претвора во шоу за имитација. На вчерашната прес-конференција Каја Шукова копираше кампањи кои се веќе видени во регионот и се обиде последната трагедија во земјата да ја искористи како повод за внимание“, се наведува во реакцијата на ВМРО-ДПМНЕ.Од партијата посочуваат дека сценографијата и пораките биле преземени од настани во Србија, додавајќи дека тоа, според нив, покажува недостаток на автентичност, идеи и визија во СДСМ.Во соопштението се додава дека темата за насилството врз жените е премногу сериозна за, како што велат од ВМРО-ДПМНЕ, да се користи за политички перформанси во пресрет на 8 Март.„Жените во Македонија заслужуваат повеќе од некреативен и ископиран ПР и сценарија преземени од други земји“, наведуваат од ВМРО-ДПМНЕ.

Македонија | пред 2 месеци

ВМРО-ДПМНЕ: Паниката во врвот на СДСМ преминува во политичка хистерија

ВМРО-ДПМНЕ соопшти дека однесувањето на функционерите на СДСМ, како што наведуваат, сè повеќе наликува на „политичка хистерија“, обвинувајќи ја опозициската партија дека се обидува да создаде вештачка атмосфера на хаос во јавноста.Според владејачката партија, настапите на претставниците на СДСМ се координирани и исполнети со исти пораки и напади.„Начинот на кој почнаа да се однесуваат функционерите на СДС сè повеќе наликува на секта, а не на политичка партија. Исти фрази, исти напади, исти координирани настапи и очајнички обиди да се создаде вештачка атмосфера на хаос во јавноста“, се наведува во соопштението.Од ВМРО-ДПМНЕ оценуваат дека наместо аргументи и политички ставови, од прес-конференциите на СДСМ излегуваат, како што велат, нервоза и паника.„Стравот од сопствениот политички крај и одговорноста за пустошот што го оставија зад себе ги тера да реагираат нервозно и очајно да се обидуваат секоја трагедија да ја претворат во политички циркус“, велат од партијата.Во соопштението се додава дека ВМРО-ДПМНЕ ги отфрла, како што наведуваат, обидите трагедиите да се злоупотребуваат за дневнополитички напади.„Македонија заслужува сериозна политика, а не политичка хистерија и очајни настапи од една партија која очигледно не може да се помири со сопствениот пораз“, се наведува во реакцијата на ВМРО-ДПМНЕ.

Македонија | пред 2 месеци

Политиките на Заев и Филипче ја приближиле државата кон недемократски режими, вели ВМРО-ДПМНЕ

ВМРО-ДПМНЕ ја обвини СДСМ дека за време на нивното владеење ја оддалечиле државата од демократските стандарди и ја приближиле кон, како што велат, недемократските модели на владеење.Според партијата, политиките на СДСМ, предводена од Зоран Заев и Венко Филипче, наместо да ја приближат државата кон демократскиот свет, ја насочиле кон, како што наведуваат, модел сличен на владеењето во Русија и Белорусија.„За нив политиката и водењето на државата не подразбираше владеење и спроведување мерки за општото добро, туку механизмот на власта го користеа за лично богатење“, се наведува во соопштението.Од ВМРО-ДПМНЕ тврдат дека за време на владеењето на СДСМ биле отворени вратите за лица поврзани со, како што велат, структури блиски до руската политика, посочувајќи ги имињата на Олександр Онишченко и Борче Марковски.Според партијата, едниот бил осуден во Украина на 15 години затвор за криминал и перење пари, додека другиот се соочува со постапка пред македонските правосудни органи.„Во времето на власта на СДСМ само вакви криминални ликови успеваа, благодарение на политики кои не беа во интерес на Македонија и кои ѝ нанесоа сериозен удар и на национално и на меѓународно ниво“, велат од ВМРО-ДПМНЕ.Оттаму додаваат дека со заминувањето на Заев и Филипче во опозиција завршила, како што велат, политиката на СДСМ за остварување на лукративни цели.Од ВМРО-ДПМНЕ посочуваат дека нивната политика е насочена кон соработка со демократските партнери како Европската Унија, САД и Обединетото Кралство, со цел, како што наведуваат, зачувување на интегритетот на државата и националното достоинство.

Македонија | пред 2 месеци

СДСМ чека Мицкоски и ВМРО-ДПМНЕ да го вратат името и ја тргнат „северна“ кои тие го сменија

СДСМ ја повика власта предводена од ВМРО-ДПМНЕ и премиерот Христијан Мицкоски да објасни зошто не го исполнила ветувањето за враќање на уставното име на државата и поништување на Преспанскиот договор.Од опозициската партија велат дека власта избегнува да даде одговори за, како што наведуваат, низа прашања поврзани со тендери вредни 100 милиони евра, минималната плата, како и за наводни врски со криминални структури.„Нема одговор од ВМРО за криминалните тендери вредни 100 милиони евра, нема одговори зошто не се покачува минималната плата, нема одговори за дилот со Груби, за пет тони дрога преку граница, за врските со Адамовиќ и криминалецот Симе“, наведуваат од СДСМ.Според нив, темата за името повторно се отвора со цел, како што велат, да се сврти вниманието од други прашања.„Секогаш кога немаат одговори, кујните на ВМРО прават дефокус со нови црни кампањи. Наместо лажни кампањи, нека излезат пред граѓаните и нека одговорат зошто досега не го вратија името“, велат од СДСМ.Оттаму потсетуваат дека Мицкоски и ВМРО-ДПМНЕ со години ветувале дека ќе го поништат Преспанскиот договор и дека тој „не е завршена работа“.„Еве две години Мицкоски е апсолутна власт во државата. Има мнозинство во Собранието од 58 пратеници, а со поддршка од други партии има и двотретинско мнозинство. Зошто тогаш досега не го вратија името како што ветуваа пред граѓаните?“, прашуваат од СДСМ.

Македонија | пред 2 месеци

ВМРО-ДПМНЕ: Жерновски успеа само да биде измеќар на двоецот Заев Филипче

Тоа што еден предавник и корумпиран политичар може како зло да го нанесе на својата држава, не можат потоа 1000 чесни, добронамерни и паметни да го исправат, вели ВМРО-ДПМНЕ како реакција на прес-конференцијата на Андреј Жерновски од СДСМ.“Што се однесува до Жерновски и неговите површни напади, кој е 30 години во политиката и по ништо квалитетно и добро не го памти народ, освен што сега во негов стил одбира да е измеќар на двоецот Филипче Заев, и чиј дедо бил бугарски кмет и ја разбираме неговата предиспозиција за предавства и затоа темите за припадност и идентитет му се туѓи, би констатирале дека не постои глупост и промашај на лидер чија пудлица тој избира да биде во одреден момент што не може да го оправда и да му даде романтична и исправна димензија, зашто тоа всушност е како овој арогантен политичар функционира цел живот. Со менување ставови, партии, мислења, љубов кон лидери. Ќе почекаме да му пројде љубовта кон двоецот Заев Филипче и кон СДС, и тогаш можеби ќе се префрли во друга партија или ќе докажува лојалност кон друг лидер, ќе кажува нешто сосема трето, но убедени сме дека ни тогаш нема да сфати дека не постои цена која може да оправда предавство“, се вели во реакцијата.

Македонија | пред 2 месеци

ВМРО-ДПМНЕ: Во Македонија се случува градежен бум, градежна офанзива има на секој агол од државата

Во Македонија се случува градежен бум. Градежна офанзива има на секој агол од државата, се градат улици, патишта, автопатишта, градинки, училишта, вели ВМРО-ДПМНЕ.„Интензивната работа и засиленото темпо за реализација на капиталните инвестиции, како на локално, така и на централно ниво, ги дава своите резултати. Тоа, првично го запре слободниот пад на економија, која по периодот на стабилизација, сега веќе почна периодот на раст.Тоа овозможи македонската економија да бележи стабилни стапки на раст на БДП од во просек 3,5% шест квартали по ред.Најголем придонес во овој раст има токму градежништвото, кое во последниот квартал од минатата година забележа раст од високи 14,6 проценти. Градежништвото има највисока стапка на раст меѓу сите економски сектори и јасно покажува дека инвестициите и инфраструктурата се двигател на економската активност.Градежништвото е еден од секторите со најголем мултипликативен ефект, што значи дека имаме повеќе градилишта и инфраструктурни проекти, за кои се ангажираат подизведувачи, надзорни и проектантски куќи, добавувачи.Кога расте градежништвото, расте и економската активност на повеќе стопански сектори, како транспортот, производството на материјали, трговијата, услугите, а со тоа расте и вработеноста.Растот на градежниот сектор повлекува повеќе сектори во економијата, значи повеќе работа за градежните компании и повеќе ангажман за домашното стопанство и индустрија.Затоа, за владата предводена од ВМРО-ДПМНЕ е многу важно овој тренд да продолжи и дополнително да се засилува, за што и активно работи на тоа.Според податоците на Министерството за финансии, во првите два месеца од 2026 година реализацијата на капиталните инвестиции бележи троцифрен раст, што е значително зголемување во однос на истиот период минатата година.По растот од 3,8% на БДП и 14,6% во градежништвото во последниот квартал од 2025, во првите два месеци од 2026 бележиме и трицифрен раст, односно скок од 179,7% во реализацијата на капиталните инвестиции.Економскиот мотор на Македонија не застанува, туку продолжува со уште позасилено темпо, што ќе значи повеќе инвестиции во патишта, инфраструктура и објекти, повеќе економска активност и повеќе можности за работа за компаниите.Целта на владата предводена од ВМРО-ДПМНЕ е економски раст кој се темели на инвестиции, инфраструктура и реална економска активност“, се вели во соопштението.

Македонија | пред 2 месеци

ВМРО-ДПМНЕ: Ако Глигоров одбил 100 милиони долари за промена на името, тогаш Заев и Филипче да одговорат колку пари земале тие за продажбата на името

Ако Kиро Глигоров одбил 100 милиони долари за промена на името на државата како што стои во документите на ЦИА, тогаш се поставува прашањето колку пари земале Зоран Заев и неговиот ученик и другар Венко Филипче за промената на името, поточно за завршување на таа работа, вели ВМРО-ДПМНЕ.„Прашањето следи логично по последните објави на документи на ЦИА.Дополнително, има ситуација кога говори дека Зоран Заев и Венко Филипче по седумте години власт енормно и необјасниво многу се збогатиле.Тоа се гледа од тоа што првиот купува удели во авио компании, а вториот има златна виза во Дубаи.Ова логично прашање заслужува одговор од неколку аспекти. Прво, станува збор за прашање од важност за државата и граѓаните, второ, ако земале пари тоа се нелегални активности.Граѓаните заслужуваат одговор на ова логично прашање кое се отвори по објава на документи на ЦИА во кои се вели дека Глигоров одбил понуда да земе пари. Значи ако Глигоров одбил, а истото прашање го затворија Заев и Филипче, тие треба да одговорат за колку пари сториле предавство“, се вели во соопштението.

Македонија | пред 2 месеци