ВРЕМЕНСКА ПРОГНОЗА

Врнежлива пролет, можни излевања на реки и свлечишта

Динамична пролет со нестабилни и врнежливи периоди во првата половина и потопол период со зачестени грмотевични бури во втората половина, предвидуваат професорите Владо Спиридонов и Ивица Милевски од Природно-математичкиот факултет во Скопје.По најавеното заладување со врнежи од дожд и снег на планините и можен утрински мраз во некои пониски делови од државата, двајцата професори веќе во втората половина од месецов, односно за Велигденските празници, очекуваат стабилизација на времето, но на крајот на април повторно да биде променливо со можни врнежи и грмежи.Во нивната анализа за МИА, за временските услови, хидролошките ризици и можните гео-непогоди оваа пролет се посочува дека во мај температурите ќе бидат еден до два степена над просекот, но поради зголемената водена пара во атмосферата, периодите на стабилно и топло време ќе бидат прекинати од краткотрајни, но интензивни нестабилности.Периодот од 7 до 14 април се очекува да се задржат пониски температури од просечните за овој период. Врнежите исто така бележат позитивно отстапување за овој период. Од половината на месецот, вклучувајќи ги и Велигденските празници, постепено подобрување на временската слика, со повеќе сончеви периоди и температури во рамките на просечните. Сличен тренд ќе бележат и врнежите со таа разлика што во седмицата од 14-21 април за нијанса повеќе врнежи во југозападниот дел додека наредниот седмодневен циклус во југоисточните делови. За периодот на месец мај - до почетокот на летото (21 јуни), се предвидуваат температури од 1 до 2 °C повисоки од просечните, со врнежи во рамките на просечните вредности, се вели во анализата.Во јуни се очекува понатамошно загревање и зголемена атмосферска нестабилност, со можност за силни невремиња, град и ненадејни поплави.Повисоките температурни аномалии за мај и јуни, укажуваат на постепено загревање на Европскиот континент, што поради зголемената водена пара во атмосферата како резултат на климатските промени, ќе создаде услови за интензивирање на конвективните процеси. Ова ќе доведе до развој на грмежни бури, кои понекогаш можат да бидат поорганизирани грмотевични групации (кластери), линии на нестабилност во средни размери, управувани од синоптичко-динамички системи и да создадат неповолни временски појави, како ненадејни поплави, силни ветрови, молњи и појава на град со потенцијално големи деструктивни влијанија, се нагласува во анализата.Двајцата професори укажуваат дека поради променливиот карактер на времето и можните хидролошки ризици, неопходна е зголемена подготвеност на институциите и јавноста за навремено реагирање на потенцијалните неповолни временски појави.Продолжените врнежи што ја зафатија државата во изминатите денови, како и прогнозираните до крајот на април и во месец мај значително ќе ја заситат почвата со влага, создавајќи „вишок на водена маса“. Во таа смисла, наредните недели, граѓаните, локалните и централните власти треба да бидат подготвени за зголемен ризик од поплави, свлечишта, одрони, засипување на патишта со нанос и други непогоди, се наведува во анализата.Зголемено површинско задржување и појава на речни поплави, се очекува особено во рамничарските, котлински делови. Такви се речните долини на Вардар (Долни Полог, Катлановско, Велешко, Гевгелиско-Валандовско), Пчиња (особено низводно од Пелинце), Крива Река (помеѓу Крива Паланка и с. Ранковце), Брегалница (со некои нејзини притоки како Желевица, Злетовска Река низводно од с.Злетово и др.), Струмица, Црна Река низ Пелагонија и сл.Со оглед на прогнозите за дополнителни врнежи, веќе во наредните денови се очекува поплавување кое се очекува да биде од слаб, до умерен карактер. Воедно, вештачките акумулации, кои претходно беа значително испразнети, ќе се наполнат, а можно е и значително зголемување на нивото на Охридското Езеро, велат двајцата проферори.Продолжителните врнежи кои во одредени периоди и делови на државата ќе имаат пороен карактер, според Спиридонов и Милевскии, ќе го зголемат ризикот од свлечишта и одрони, особено на стрмните падини и поголемите засеци на патиштата.Во западниот дел на државата пак, на стрмните планински страни и кон нивните подножја, до средината на април, можни се појави на снежни и комбинирани (снежно-одронски) лавини. Најранливи се стрмните терени со нестабилна подлога, неотпорни карпи (шкрилци, песочници, глини) и претходно активни свлечишта. Особено критични точки се патните правци: Маврово-Дебар-Струга, Охрид-Ресен-Битола, Струмица-Берово-Делчево, Скопје-Велес, Куманово-Кратово, Кочани-Делчево, Крива Паланка-Деве Баир, како и долж засеците на повеќе локални патишта, посочуваат професорите за МИА.Според Спиридонов и Милевски, неопходни се навремени превентивни и мерки за заштита, како што се перманентна проценка на ризикот од поплави, согласно краткорочните и среднорочните прогнози за врнежите и состојбата на теренот, редовна комуникација и координација меѓу институциите и соодветните научно-истражувачки институции, превентивни активности од ЦУК, ДЗС и локалните власти, изработка на национален катастар на ризични подрачја и развој на ГИС систем со детален мониторинг и сценарија за потенцијални природни непогоди.

Македонија | пред 11 месец

Какво време ќе имаме до крајот на денов

Територијата на Македонија се наоѓа во поле на висок воздушен притисок (Антициклон), но и на многу ладна воздушна маса која доаѓа од Русија кон нашата територија, и истата ја чувствуваме многу повеќе во ноќните и во утринските часови, кога температурите се исклучителни ниски.До крајот на денешниот ден ќе имаме сончево време и без облачност. Ќе дува слаб до умерен ветер од источен и од североисточен правец.Што се однесува до скопскиот регион, исто така времето ќе биде сончево со слаб до умерен ветер од северен и од североисточен правец.Температурите денес ќе се искачуваат во интервалот од 1 до 8 степени. Во Скопје и околината температурата денес ќе се искачи до околу 8 степени.Исклучително ладно и ведро време имаме ова утро, па така најладно со -14 степени ова утро е во Берово. Инаку, буквално насекаде во нашата Македонија ова утро се мерат температури под нулата.

Македонија | пред 1 година

Снег ќе го покрие речиси целиот Балкан, a од среда и Македонија, најавува метео-прогнозер

„Почнувајќи од 20 Ноември (среда) целиот Балкански Полуостров, вклучувајќи ја и нашата Македонија ќе бидат зафатени од моќен циклон кој ќе биде со центар токму над Балканот, но и над Италија и истиот ќе условува обилни врнежи, најпрвин од дожд, а потоа од снег“, најавува метео-прогнозерот Славчо Попоски и додава:„Сето ова ќе биде проследено со бурен ветер, кој понекаде ќе достигнува брзина од над 80/90 км/час, локално и со брзина дури и од над 100 км/час.Снег ќе го поркие речиси целиот Балкан следната седмица, а што се однесува до Македонија, истиот ќе го има особено на повисоките места и на планините, но од средината на седмицата, поточно од четврток 21.11.2024 повремен снег ќе има понекаде и на пониските места, особено во западните и во северните предели. Можно е помало формирање на снежна покривка и во пониските места во Македонија.Во следните мои метео објави следува нова и по потреба обновена метео анализа токму околу оваа огромна промена на времето која не очекува во текот на новата седмица“.

Свет | пред 1 година

На Балканот пристигнува вистинска зима која ќе донесе снег од над 30 сантиметри

Според најновото денешно ажурирање на Европскиот метеоролошки модел (ECMWF), почнувајќи од 2 Ноември, па во деновите потоа, територијата на целиот Балкан ќе биде зафатен од многу ладен бран кој ќе се спушти од северот и од североистокот на Европскиот Континент.Во ваква ситуација, над Италија и јужен Јадран ќе се формира секундарен циклонски систем кој во склоп со ладниот воздух во многу предели од Балканот ќе ги донесе првите снегулки во многу градови за оваа сезона.Во поголем дел од Балканот барем со информациите кои располагам моментално ќе се формира и снежна покривка (од 5 до 10 cм, додека локално, и најпогодена од овој снежен бран би била погодена Босна и Херцеговина каде се очекува од 15 до 20 cm снег во градовите, а над 30 cm снег на планинските места).Со овој ладен бран очекуваме и минусни температури, па така со ова го очекуваме и првиот сериозен мраз за оваа сезона.НАПОМЕНА од Попоски: Состојбата околу ова постојано ќе ја следам, и секако навремено ќе ве информирам околу секоја ново – настаната временска состојба. Ако ова остане вака, а моделите се искрено упорни за сериозно зимско сценарио на самиот почеток од Ноември на Балканот, да се спремаме за невообичаенбо ниски температури за првата декада од Ноември, и  за многу рано пристигнување на зимата оваа година.

Свет | пред 1 година

Предупредување: Утре изутрина поради ниските температури, можна е појава на мраз и на слана

Поради влијанието на студената воздушна маса која се спушти од север кон Балканот и во Македонија, но и поради целосното разведрување, утре (вторник) во утринските часови ќе биде особено студено, па така минималните температури ќе се спуштаат во интервалот од -2 до 6 степени во најтоплите југоисточни предели од државава.Поради ваквата состојба, на повеќе места во Македонија, особено во повисоките населени места, во Беровскиот регион,како и на планините е можна појава на слана и на мраз. Токму поради ова, апелираме земјоделците навремено да ги заштита своите земјоделски култури.Инаку до среда температурите преку ден ќе бележат тенденција на постепен но не многу голем пораст, додека од четврток следува нова поголема промена на времето, пониски температури и пообилни врнежи од дожд.

Македонија | пред 1 година

Ни следува нагло и големо заладување на времето и силен северен ветер (над 60 км/час)

Поради спуштање на значително постудена воздушна маса од север, денес (недела) и тоа од попладневните и вечерните часови температурите нагло и значително ќе опаднат, на повеќе места за околу, па и за повеќе од 10 степени, додека во северните предели тие ќе опаднат дури за повеќе од 15 степени. Во текот на денов ќе има и повремени локални врнежи од дожд, локално проследени со појава на грмежи.Ќе започне да дува засилен до силен ветер од северен правец кој ќе се задржи и во текот на ноќта кон утрешниот ден (понеделник), како и во понеделник преку целиот ден. Најизразен ветерот ќе биде Долж Повардарието (над 60 км/час). Поради заладувањето, денес (недела) не се исклучува можноста на највисоките планински места да има провејување и на слаб снег.Денес температурите ќе се искачуваат во интервалот од 18 до 26 степени, и тие дополнително ќе опаднат од попладневните часови па натаму. Утре (понеделник) наутро температурите ќе бидат доста пониски и ќе се спуштаат во интервалот од 3 до 14 степени.Најстуден ден ќе биде утрешниот, кога максималните дневни температури на воздухот ќе се искачуваат во интервалот од 10 до 18 степени.Особено студени утра и тоа поради разведрувањето ќе имаме во вторник и среда, и тие ќе се спуштаат во интервалот од -2 до 8 степени, па така на повеќе места е можна појава на слана и на мраз.Од вторник температурите ќе бележат тенденција на постепен пораст, а од утре (понеделник) до среда времето ќе биде стабилно и суво, а нов бран на пообилни врнежи од дожд ќе има од четврток.НАПОМЕНА: Овие нагли и големи промени на времето, особено лоши ќе влијаат врз метеопатите.

Македонија | пред 1 година

Денес и утре нѐ очекува многу сонце и стабилно време

Под влијание на топла воздушна маса од југ, односно од северните предели на Африка, во текот на денешниот ден, како и утре (сабота) времето во Македонија ќе биде стабилно, суво и сончево со појава на сосема мала облачност. Ќе дува слаб до умерен ветер од јужен и од југозападен правец.И во Скопскиот регион ќе имаме слично време, односно стабилно, суво и сончево. Ќе дува слаб до умерен ветер од јужен и од југоисточен правец.Што се однесува до температурите, тие ќе се искачуваат во интервалот од 27 до 33 степени, во Скопје максималната тењмпература ќе се искачи до околу 32 степени.

Македонија | пред 1 година

До сабота ќе имаме летни температури, додека од недела ќе имаме нагла и голема промена ма времето

До сабота ќе може да уживаме во релативно високите температури на воздухот, а од денес до сабота ќе биде претежно стабилно, суво и со многу сончеви периоди. Температурите насекаде ќе надминуваат 20 степени, понекаде тие ќе надминат и 25 степени, додека во централните и во југоисточните предели тие се очекува да надминат и 30 степени, односно, да достигнат некаде до околу 32, 33 степени.Веќе во недела, како и во понеделник, и тоа под влијание на силен ладен Атмосферски фронт од север во Македонија ќе има нагла и голема промена на времето, проследена со повремени локални врнежи од дожд и грмежи, особено во недела, додека во понеделник ќе биде претежно суво. Сето ова ќе биде проследено со засилен, а особено Долж Повардарието, повремено силен ветер од северен правец (над 60 км/час).Што се однесува до температурите, тие во недела дсоцна попладне и во текот на ноќта кон понеделник, како и во понеделник ќе опаднат за околу 10 степени во споредба со сегашните, а особено во северните предели тие ќе опаднат дури и за 15 степени за кратко време. Па така, особено свежо ќе биде во понеделник, кога наутро температурите ќе се спуштаат во интервалот од 3 до 11, а максималните дневни ќе се искачуваат во интервалот само од 12 до 20 степени.Уште постудено утро ќе имаме во вторник, кога минималните температури на воздухот ќе се спуштаат во интервалот од 1 до 9 степени, а особено на високите и на планинските места тие би можеле да бидат и уште пониски. Токму поради ова, не се исклучува можноста и за појава на слана и на утрински мраз.

Македонија | пред 1 година

Денес ќе имаме променлив и топол ден: Локално ќе има појава на пороен дожд и грмежи

Во текот на денешниот ден (среда) од запад и од северозапад над нашата Македонија ќе поминува облачна воздушна маса, што значи дека повторно очекуваме повеќе облачност, но и покрај ова ќе има и повремени сончеви периоди. Ќе дува слаб до умерен ветер претежно од југозападен правец, и особено во Пелагониско истиот повремено ќе засилува на интензитет.Особено во попладневните часови, и тоа претежно во северните и во северозападните предели од државава ќе има локална појава на пороен дожд и грмежи. И во Скопскиот регион денес (среда) времето ќе биде променливо облачно со сончеви периоди. Ќе дува слаб до умерен ветер од јужен правец, додека во попладневните часови во делови од регионот ќе има услови за краткотраен пороен дожд проследен со ретки грмежи.Што се однесува до температурите, тие ќе се искачуваат во интервалот од 23 до 30 степени. Во Скопје максималната дневна температура денес ќе се искачи до околу 28 степени.

Македонија | пред 1 година

Продолжуваат високите температури: Сепак денес и утре ќе има повеќе облачност и краткотраен локален дожд

Денес (вторник), како и утре (среда) територијата на нашата Македонија ќе се наоѓа во предниот дел на висинскиот циклонски систем кој ќе биде со центар некаде над Средоземјето. Во ваква ситуација кај нас ќе има нешто повеќе облачност, а локално се очекува и појава на повремен дожд, а има услови и за појава на грмежи.Ќе дува слаб до умерен ветер од јужен и од југоисточен правец, и истиот особено Долж Повардарието повремено ќе засилува на интензитет.И во Скопскиот регион времето ќе биде променливо облачно со сончеви периоди, а во делови од регионот ќе има услови за повремен дожд, а има услови и за ретки грмежи. Ќе дува слаб до умерен ветер од југоисточен правец, и истиот повремено ќе засилува на интензитет.Што се однесува до температурите, тие ќе се искачуваат во интервалот од 21 до 29 степени. Во Скопје температурата ќе се искачи до околу 28, 29 степени.

Македонија | пред 1 година

Подгответе се: Следува мини лето во Македонија – температурата ќе надмине 30 степени

Во периодот кој што ни следува, односно новата седмица ни носи мини лето, па така температурите, како наутро, така и преку ден ќе бидат во значителен пораст, а особено топло ќе биде преку ден кога температурите насекаде ќе надминуваат 20 степени, а во централните и во југоисточните предели тие ќе надминат и 25 степени.Во вториот дел од седмицата и за време на следниот викенд во погоре споменатите предели температурите се очекува да надминат и 30 степени.Времето ќе биде претежно стабилно и суво со многу сончеви периоди. Исклучок ќе биде денот вторник и тоа во попладневните и во вечерните часови кога во западните предели ќе има локален дожд и услови за појава на грмежи. Локални врнежи се очекуваат и во среда, а потоа од четврток ќе продолжи периодот на стабилно и суво време.Да на поменам, промената на времето која се очекува во вторник попладне, како и во среда, нема да биде многу голема и ќе биде краткотрајна. Што значи дека пред нас е период на многу потопло време, во кое секако дека ќе можеме да уживаме.

Македонија | пред 1 година

По доста жешкото и сушно лето, започнува есен

По доста жешкото и сушно лето, денеска, 22 септември (267. ден во годината), во Македонија и на северната хемисфера, календарски почнува есента. о првиот ден од есента денот и ноќта на целата Земјина топка ќе траат еднакво, со тоа што на северната хемисфера ќе биде есенска рамноденица (еквиноциум), а на јужната пролетна рамноденица (таму почнува пролетта).Есента ќе заврши на 21 декември. Тогаш на северната полутопка ќе почне зимата и овој ден е познат како зимски солстициум или зимска краткоденица. Значи од утре, постепено до 21 декември ноќта ќе се зголемува до максималните 15 часа, а денот ќе се намалува до само 9 часа. Во исто време, додека на северната хемисфера почнува есента, на јужната почнува пролетта и таму ноќите ќе стануваат пократки од деновите исто така до 21 декември, до 11 часот и 2 минути.

Македонија | пред 1 година

До крајот на месец септември нѐ очекува “Мини Лето” и повисоки температури

По долгиот период на невообичаено студено време за месец септември, кое беше проследено со чести врнежи, па дури истото го донесе и првиот снег за оваа сезона на највисоките планински врвови во Македонија, во периодот од 23 септември, па се до 30 септември, ни следува период на значително потопло време преку ден и со температури кои повторно ќе бидат малку над просекот за овој период од годината.Секако, токму ова ќе биде и проследено со претежно стабилно и суво време со многу сончеви периоди. Краткотрајна промена на времето очекуваме вечерта на 24 септември, и во среда (25 септември), кога од запад над нашата територија ќе помине еден влажен воздушен бран кој ќе ни донесе повремени врнежи од дожд, но сепак, веќе како што кажав сето ова ќе биде краткотрајно, па така од четврток повторно времето ќе се стабилизира и ќе имаме многу сончеви периоди.Наутро температурите ќе се спуштаат во интервалот од 8 до 15 степени, а само во почетокот на следната седмица ќе биде значително постудено кога температурите, особено во Беровскиот регион и на високите планински места наутро ќе се спуштаат и под 5 степени.Преку ден во текот на следната седмица како што напоменав, ќе биде многу потопло за разлика од сега, кога температурите насекаде ќе надминуваат 20 степени, додека во централните и во југоисточните предели тие, особено во втората половина од следната седмица, како и за време на следниот викенд ќе се искачат и над 30 степени, односно до околу 33 степени.Се на се, следната седмица можете да уживате во “Мини Летото” кое се очекува кај нас, и секако барем според она што можам моментално да го кажам, тоа ќе продолжи и во првата седмица од месец Октомври.Мора да напоменам дека, во делови од Централна и Западна Европа во истиот период кога кај нас очекуваме “Мини Лето”, повторно очекуваме потпросечни температури и многу почести и пообилни врнежи. Исто така повеќе врнежи во тој период ќе има на северен Балкан, како и Долж Јадранското приморје.

Македонија | пред 1 година

Следуваат нови врнежи во Македонија, проследени со грмежи

Под влијание на веќе споменатата циклонска активност со центар на Југоисточна Европа, која секако влијае на времето и во нашата Македонија, денес во попладневните часови, преку ноќта кон утрешниот ден (петок), како и утре преку ден кај нас ќе има нови повремени врнежи од дожд на повеќе места, и тие ќе бидат со променлив интензитет.Локално пак ќе се развиваат конвективни грмотевични облаци од кои се очекуваат поројни врнежи од дожд, грмежи и засилување на ветерот во зоната на нестабилност. Не се исклучува можноста, локално процесите да бидат поинтензивни и во форма на невреме, проследено со обилен пороен дожд за кратко време, силен ветер, електрични празнења и со услови за појава на град.И во Скопскиот регион денес попладне и навечер, како и утре (петок) ќе има појава на повремен локален дожд. Во делови од регионот врнежите ќе бидат поројни и со услови за појава на грмежи, како и со засилување на ветерот во зоната на нестабилност.Апелираме, во случај на појава на невреме и на електрични празнења, да не се претстојува на отворен простор и под осамени дрвја.Што се однесува до температурите, тие ќе се искачуваат во интервалот од 17 до 24 степени, во Скопје максималната температура ќе се искачи до околу 24 степени.

Македонија | пред 1 година

Големиот циклон кој ја зафати Европа, сега доаѓа и во Македонија: За среќа, нема место за паника, нема да има поплави кај нас

Големиот циклонски систем кој ја зафати Централна и Источна Европа и направи многу проблеми во тој дел, а поради големите поплави однесе и многу човечки животи, истиот сега се наоѓа над нашиот дел од Европскиот Континент, односно над југоисточна Европа, условуваќи многу нестабилно време со чести врнежи, но за среќа големи поплави и проблеми со врнежите кај нас во Македонија не се очекуваат.Сепак, и покрај ова, утре (четврток) како и во петок во попладневните часови овој циклонски систем во нашата Македонија ќе условува повремени локални врнежи од дожд со променлив интензитет. Локално пак ќе се развиваат конвективни грмотевични облаци од кои се очекуваат поројни врнежи од дожд, грмежи и засилување на ветерот во зоната на нестабилност. И во Скопскиот регион утре (четврток), како и во петок во попладневните часови ќе има појава на повремен локален дожд, додека во делови од регионот можни се поројни врнежи од дожд, проследени со грмежи како и со засилување на ветерот.Не се исклучува можноста, локално процесите да бидат поинтензивни и во форма на невреме, проследено со обилен пороен дожд, силен ветер, електрични празнења и со услови за појава на град. Но како што кажав, штети и некои големи поплави кај нас за среќа не се очекуваат. Секако мора да напоменам, доколку падне поголемо количество на воден талог за кратко време, поради тоа што очекуваме локален развој на грмотевични конвективни облаци, можно е да дојде и до локални поројни поплавувања, но тоа би било многу далеку од она што се случи во Централна и во Источна Европа, што значи место за паника од големи поплави во Македонија нема.Што се однесува до температурите, тие ќе се искачуваат во интервалот од 18 до 25 степени., Во Скопје утре (четврток) како и во петок температурата ќе се искачи до околу 24 степени.

Македонија | пред 1 година

Потпросечните температури за септември продолжуваат: Следуваат нови локални врнежи проследени со грмежи и со ветер

Циклонската активност која не зафати, останува да влијае на времето кај нас се до крајот на оваа седмица, и истата ќе условува потпросечни температури за овој период од годината.Од денес (вторник) во попладневните часови, па се до крајот на седмицава ќе има повремени локални врнежи од дожд со променлив интензитет. Локално ќе се развиваат и конвективни грмотевични облаци, од кои се очекува појава на пороен дожд, грмежи и засилување на ветерот во зоната на нестабилност. Не се исклучува можноста и за ретка појава на град.И во Скопскиот регион од денес (вторник) попладне, па во деновите потоа ќе има појава на повремен локален дожд. Во делови од регионот тој ќе биде пороен и проследен со грмежи, како и со засилување на ветерот.Да напоменам дека за време на оваа нова серија на врнежи, локално повторно ќе наврне позначително количество на воден талог (над 25 л/м2).Температурите ќе се искачуваат во интервалот од 16 до 24 степени, додека наутро тие на многу места ќе се спуштаат и под 10 степени, понекаде дури и под 5 степени, додека на високите планински места не се исклучува можноста тие да се спуштат и до близу 0 степени, со што е можна и појава на првиот мраз за оваа сезона.

Македонија | пред 1 година

Падна првиот снег на Шар Планина: Денешното утро донесе температура од само 2 степени

Денешното утро донесе температура од само 2 степени, и тоа на Попова Шапка, каде во текот на ноќта провеа и првиот снег за оваа сезона. На високите предели од Шар Планина ова утро беше формирана и снежна покривка, а тоа можеше да се забележи од камерите на Ski Macedonia.Од градовите најстудено ова утро беше во Крушево, каде во 8 часот утринава беше измерена температура од само 6 степени.

Македонија | пред 1 година

Ладниот бран од север полека доаѓа и значително ќе ги спушти температурите

По краткотрајната стабилизација на времето која ја имавме во текот на вчерашниот ден, денес (петок) под влијание на нов влажен бран од запад во Македонија ќе има нови врнежи од дожд, локално поројни и проследени со грмежи како и со засилен ветер. Локално повторно ќе наврне позначително количество на воден талог (над 20 л/м2).Локално пак се можни поинтензивни атмосферски процеси, во форма на невреме, проследено со обилен пороен дожд, силен ветер, електрични празнења и со услови за појава на град. Исто така, денес и утре (сабота) повремено ќе дува засилен ветер од јужен и од југозападен правец (повремено и локално со брзина од над 70 км/час).Апелираме во случај на појава на невреме и на електрични празнења во текот на денешниот ден, да не се претстојува на отворен простор и под осамени дрвја.И во Скопскиот регион денес очекуваме нови врнежи од дожд, повремено проследени со засилен ветер од јужен правец. Во делови од котлината врнежите ќе бидат поројни и со услови за појава на грмежи.И за време на викендот ќе има повремени локални врнежи од дожд, повеќе застапени во западните предели.Што се однесува до температурите, тие ќе бидат во позначително опаѓање, особено од недела кога максималните дневни температури ќе бидат значително потпросечни за овој период од годината, и ќе се искачуваат во интервалот само од 15 до 23 степени.Повремени локални врнежи од дожд ќе има и во текот на следната седмица. Температурите и понатаму ќе бидат невообичаено ниски за месец септември, и тоа поради продор на многу поладен воздух од север. Не се исклучува можноста за време на овој период, на највисоките планински места во Македонија (над 2000 м.н.в) да провее и првиот снег за оваа сезона.Исто така, особено на планинските и на високите места во Македонија од недела можна е и појавата на првите утрински мразеви за ова сезона, што значи дека очекуваме многу постудени утра со температури кои на многу места ќе се спуштаат под 10 степени, понекаде и под 5 степени.

Македонија | пред 1 година

Предупредување: Доаѓа ладен бран, нови обилни врнежи и силен ветер

По краткотрајната стабилизација на времето која ја имаме, веќе од утре (петок) влегуваме во нов подолг период на променливо време со чести врнежи, додека поради продор на многу поладен воздух од север, температурите дополнително ќе опаднат и ќе бидат невообичаено ниски за овој период од годината.Утре (петок) од запад ќе се прошират нови врнежи од дожд, локално поројни и проследени со грмежи како и со засилен ветер. Локално се можни поинтензивни атмосферски процеси во форма на невреме. Утре (петок), како и во сабота ќе дува повремено засилен ветер од јужен и од југозападен правец (повремено и локално со брзина од над 70 км/час).Во сабота и во недела ќе има појава на повремен локален дожд, додека во текот на следната седмица и тоа под влијание на серија влажни воздушни бранови повремено ќе имаме пообилни врнежи од дожд. Поради падот на температурите, за време на викендот, како и во текот на следната седмица, не се исклучува можноста на највисоките планински места (над 2000 м.н.в) да има провејување и на првите снегулки за оваа сезона.И во Скопскиот регион утре (петок) се очекуваат нови врнежи од дожд, а ќе дува и засилен јужен ветер. Во делови од котлината врнежите ќе бидат поројни со услови за појава на грмежи. Во сабота и недела во делови од котлината ќе има услови за краткотраен дожд, а во текот на следната седмица повремено ќе има пообилни врнежи од дожд.Што се однесува до температурите, тие наутро, но и преку ден ќе бидат невообичаено ниски за овој дел од годината. Наутро на многу места тие ќе се спуштаат под 10 степени, понекаде и под 5 степени, а особено на повисоките и на високите планински места тие ќе се спуштаат и до околу, па дури и под нулата. Не се исклучува можноста за време на викендот, како и во текот на следната седмица во Македонија да се појави и првиот утрински мраз за оваа сезона, особено на високите и на планинските места.Максималните дневни температури пак , од викендов, па и во текот на следната седмица ќе се искачуваат во интервалот претежно од 15 до 23 степени.

Македонија | пред 1 година

Следува краткотрајно стабилизирање на времето, од петок нови врнежи, а од викендот дополнително заладување

По обилните врнежи кои ја зафатија нашата држава, од следните часови, како и утре (четврток) ќе имаме краткотрајно стабилизирање на времето. Од петок, па во деновите потоа под влијание на нов влажен бран од запад ќе имаме нови повремени врнежи од дожд, локално поројни и проследени со грмежи како и со засилен ветер.Нестабилното време и со почести врнежи ќе го имаме и во текот на следната седмица.Поради продор на многу поладен воздух од север, од викендот, па во текот на следната седмица температурите ќе бидат невообичаено ниски за овој период од годината, па така наутро не се исклучува можноста за појава и на првиот мраз за оваа сезона, особено на повисоките и на планинските места во Македонија.Поради падот на температурите на воздухот, на високите планини (над 2000 м.н.в) го очекуваме и првиот снег за оваа сезона, што значи дека ја очекуваме и првата мала снежна покривка на високите планини, особено во западната половина од државава.Што се однесува до температурите, тие од викендот ќе бидат многу пониски од сегашните и преку ден ќе се искачуваат во интервалот само од 14 до 22 степени.Првиот снег со овој ладен продор од север го очекуваме и на многу планински места ширум Балканскиот Полуостров, што значи дека грејната сезона оваа година ќе ни започне многу порано.

Македонија | пред 1 година

Во следните часови продолжуваат обилните врнежи во Македонија: Можно е локално невреме

Циклонот од Средоземјето, преку Јадранот пристигна и во Македонија. До крајот на денешниот ден насекаде во Македонија овој циклонски систем ќе услови пообилните врнежи од дожд да продолжат. Локално ќе наврне позначително количество на воден талог (над 30 л/м2).Локално можни се поинтензивни атмосферски процеси и во форма на невреме, проследено со обилен пороен дожд за кратко време, силен ветер, силни грмежи и електрични празнења и со појава на град. Апелираме во случај на појава на невреме да не се претстојува на отворен простор и под осамени дрвја.И во Скопскиот регион продолжуваат врнежите од дожд. Во делови од котлината тие ќе бидат поројни и проследени со грмежи, како и со засилен ветер.Што се однесува до температурите, тие денес ќе бидат значително пониски за разлика од оние кои ги имавме до вчера, и максималните дневни температури денес ќе се искачуваат во интервалот од 18 до 24 степени.На следниот линк можете да ја следите алатката за рано предупредување од невреме “НОТАС”, и истата е од голема корист за секој граѓанин https://nothas.finki.ukim.mk/

Македонија | пред 1 година

Првиот голем бран на врнежи пристигнува: Вечерва и утре ќе има обилни врнежи од дожд, грмежи и локално невреме

Првиот бран на врнежи и тоа поврзан со Средоземниот циклон, кој полека ќе се преместува над Јадранот, ни пристигнуваат денес попладне и навечер, како и утре (вторник). Врнежи од дожд ќе има насекаде во Македонија, локално проследени со грмежи и со засилен ветер, најпрвин од јужен и од југоисточен правец, а утре (вторник) од северен правец.Локално процесите ќе бидат поинтензивни и во форма на невреме, проследено со обилен пороен дожд, силен ветер, силни грмежи и електрични празнења и со услови за појава на град. И во Скопскиот регион денес попладне  и навечер, како и утре (вторник) ќе започнат врнежи од дожд. Во делови од котлината тие ќе бидат поројни и проследени со грмежи и со засилен ветер. И во делови од Скопскиот регион ќе има услови за појава на невреме.Апелираме во случај на појава на невреме  и на силни електрични празнења, да не се претстојува на отворен простор  и под осамени дрвја.Што се однесува до температурите, тие позначително ќе опаднат, особено утре (вторник) кога максималните дневни температури ќе се искачуваат во интервалот од 18 до 24 степени.Да напоменам дела за време на овој прв бран на врнежи, локално ќе наврне значително количество на воден талог (над 30 л/м2).

Македонија | пред 1 година

Од понеделник доаѓа вистинска есен на Балканот и во Македонија, ќе ни треба и потопла облека

Почнувајќи од Понеделник (9.9.2024), па речиси во текот на целата наредна седмица територијата на нашата Македонија ќе потпадне под влијание на циклонска активност со центар над Средоземјето.Во ваква ситуација времето ќе биде многу променливо со повремени врнежи од дожд со променлив интензитет. На повеќе места ќе има и развој на конвективни грмотевични облаци од кои се очекуваат поројни врнежи од дожд, грмежи и засилен ветер. Локално процесите ќе бидат поинтензивни и во форма на невреме, проследено со обилен пороен дожд, силен ветер, силни грмежи и електрични празнења и со појава на град.За време на оваа циклонска активност, на повеќе места ќе наврне позначително количество на воден талог (над 25 л/м2) локално и над 30 л/м2, со што се можни и локални поплавувања.И во Скопскиот регион од понеделник (9.9.2024) па во деновите потоа ќе има честа појава на врнежи од дожд, грмежи и повремено засилен ветер. Во делови од котлината ќе има услови и за појава на невреме, проследено со обилен пороен дожд, силен ветер, силни грмежи и електрични празнења и со појава на град.Ветерот кој го очекуваме во текот на следната седмица повремено ќе биде со брзина и од над 60 км/час и претежно од северен правец, особено кон крајот на работната седмица и за време на следниот викенд.Апелираме во случај на појава на невреме и на електрични празнења да не се претстојува на отворен простор и под осамени дрвја.Што се однесува до температурите, тие во текот на следната работна недела ќе бидат значително пониски од сегашните и максималните дневни температури ќе се искачуваат во интервалот од 24 до 31 степени, меѓутоа за време на следниот викенд тие ќе бидат уште пониски и ќе се искачуваат во интервалот само од 19 до 26 степени, а утринските ќе бидат во интервалот од 6 до 14 степени, додека на планинските и на повисоките места ќе бидат и уште пониски.Со оваа голема промена на времето која ја очекуваме следната седмица, дефинитивно му кажуваме збогум на долгото и тропско лето во Македонија, но и на целиот Балкански Полуостров.

Македонија | пред 1 година

Толку од летото: Од понеделник доаѓа вистинска есен на Балканот и во Македонија, ќе ни треба и потопла облека

Почнувајќи од Понеделник (9.9.2024), па речиси во текот на целата наредна седмица територијата на нашата Македонија ќе потпадне под влијание на циклонска активност со центар над Средоземјето.Во ваква ситуација времето ќе биде многу променливо со повремени врнежи од дожд со променлив интензитет. На повеќе места ќе има и развој на конвективни грмотевични облаци од кои се очекуваат поројни врнежи од дожд, грмежи и засилен ветер. Локално процесите ќе бидат поинтензивни и во форма на невреме, проследено со обилен пороен дожд, силен ветер, силни грмежи и електрични празнења и со појава на град.За време на оваа циклонска активност, на повеќе места ќе наврне позначително количество на воден талог (над 25 л/м2) локално и над 30 л/м2, со што се можни и локални поплавувања.И во Скопскиот регион од понеделник (9.9.2024) па во деновите потоа ќе има честа појава на врнежи од дожд, грмежи и повремено засилен ветер. Во делови од котлината ќе има услови и за појава на невреме, проследено со обилен пороен дожд, силен ветер, силни грмежи и електрични празнења и со појава на град.Ветерот кој го очекуваме во текот на следната седмица повремено ќе биде со брзина и од над 60 км/час и претежно од северен правец, особено кон крајот на работната седмица и за време на следниот викенд.Апелираме во случај на појава на невреме и на електрични празнења да не се претстојува на отворен простор и под осамени дрвја.Што се однесува до температурите, тие во текот на следната работна недела ќе бидат значително пониски од сегашните и максималните дневни температури ќе се искачуваат во интервалот од 24 до 31 степени, меѓутоа за време на следниот викенд тие ќе бидат уште пониски и ќе се искачуваат во интервалот само од 19 до 26 степени, а утринските ќе бидат во интервалот од 6 до 14 степени, додека на планинските и на повисоките места ќе бидат и уште пониски.Со оваа голема промена на времето која ја очекуваме следната седмица, дефинитивно му кажуваме збогум на долгото и тропско лето во Македонија, но и на целиот Балкански Полуостров.

Македонија | пред 1 година

Следната седмица ни доаѓаат обилни дождови, голем пад на температурите, па дури и можност за снег на највисоките места

Почнувајќи од 9.9.2024 (Понеделник), па во текот на целата наредна седмица ќе имаме чести и пообилни врнежи од дожд, проследени со грмежи како и со повремено силен ветер. Сето ова ќе биде поради формирањето на циклонски систем над Средоземјето, и истиот ќе влијае на времето насекаде на балканот, вклучувајќи ја и Македонија. Во поголем дел од регионот се очекува да наврне поголемо количество на воден талог, со што можни се и локални поплавувања, а температурите следната седмица ќе бидат значително потпросечни за овој дел од годината, што значи дека и тоа како следната седмица ќе ги почиувствуваме првите знаци на есента.Со оваа промена, поради големиот пад на температурите, на Европските Алпи ги очекуваме и првите обилни врнежи од снег. Можеби звучи чудно, поради тоа што сеуште е многу рано, но моменталните излези на прогностичките материјали со кои располагаме дури цртаат дека следната седмица ќе има и прво провејување на снег на високите планински места во регионот, па дури и во Македонија.

Македонија | пред 1 година