Автомобил „Хонда“ излета од автопатот кај Неготино – повредени три лица, меѓу нив и дете

Синоќа, околу 23:10 часот, на автопатот Демир Капија – Неготино, кај местото викано „Јела“, се случила тешка сообраќајна несреќа во која патничко возило „Хонда“ со кумановски регистарски таблички излетало од коловозот, информираат од Министерството за внатрешни работи.Возилото го управувала 32-годишната И.П. од Куманово, а во несреќата со тешки телесни повреди се здобиле нејзината сопатничка В.П. (58) од Куманово и малолетен сопатник од Скопје. Возачката И.П. се здобила со телесни повреди, кои ѝ биле констатирани во Комплексот клиники „Мајка Тереза“ во Скопје и во Општата болница Кавадарци.По наредба на јавен обвинител, увид на местото на несреќата извршила увидна екипа на ОВР Неготино, која ги истражува околностите под кои дошло до излетувањето на возилото.

Македонија | пред 3 месеци

Уапсени 13 лица во Скопје

Во координирана акција спроведена на 11 и 12 октомври 2025 година, полициски службеници од СВР Скопје на различни локации во главниот град лишија од слобода 13 лица поради поседување и трговија со наркотични средства, соопштија од Министерството за внатрешни работи.Приведените се Б.И. (49), Ѓ.П. (30), Љ.Ш. (40), А.Х. (34), Е.Н. (40), С.Х. (23), М.К.П. (38), Н.М. (32), Г.П. (35), Џ.И. (30) – сите од Скопје, П.М. (24) од село Брњарци – скопско и К.С. (23) од Охрид со престој во Скопје.При претресите кај нив биле пронајдени и одземени бела прашкаста материја, марихуана, семки од марихуана и дробилка, потврдуваат од полицијата.Од МВР информираат дека се работи за повеќе одделни случаи, но дека акцијата е дел од континуирана операција за спречување на нелегална трговија со дрога во скопскиот регион.„По целосно документирање на случаите, против лицата ќе бидат поднесени соодветни поднесоци“, велат од Министерството за внатрешни работи.

Скопје | пред 3 месеци

САД ѝ помагаат на Украина во напади врз руските енергетски постројки, објави Financial Times

САД во изминатите неколку месеци ѝ даваат директна поддршка на Украина во изведувањето на далекуметни напади врз руските енергетски капацитети, со цел да се ослабне економијата на Владимир Путин и да се создаде притисок за преговори, објави Financial Times, повикувајќи се на украински и американски извори.Според весникот, Вашингтон споделува разузнавачки податоци што ѝ овозможуваат на Украина да ги погоди најважните цели – рафинерии и складишта за гориво длабоко во руската територија. Нападите, кои се интензивирале од средината на летото, довеле до раст на цените на енергенсите во Русија, а Москва била принудена да го намали извозот на дизел и да започне увоз на гориво.Американските разузнавачки служби, според извештајот, ѝ обезбедуваат на Украина информации за рути на летање, временски прозорци и слабости во противвоздушната одбрана, со што се зголемува прецизноста и успешноста на нападите.Иако официјално Вашингтон тврди дека Киев сам ги избира целите, други извори наведуваат дека САД во одредени случаи го одредуваат приоритетот на мети, користејќи ги украинските дронови како инструмент за „подривање на руската економија“.Трамп и Зеленски во јули: телефонски разговор што го сменил курсотПромената на американската позиција, според Financial Times, дошла по телефонскиот разговор меѓу Доналд Трамп и Володимир Зеленски во јули. Трамп наводно прашал дали Украина може да ја нападне Москва доколку САД ѝ обезбедат далекуметно оружје. Според два извора, американскиот претседател тогаш „сигнализирал поддршка“ за стратегијата со која Русија „треба да ја почувствува болката“.Подоцна, од Белата куќа појасниле дека Трамп „само поставувал прашање, а не поттикнувал на нови убиства“.Украинските дронови стануваат пософистицираниУкраинскиот претседател Володимир Зеленски избегна да коментира конкретно за улогата на американските служби, но потврди дека соработката со САД постои, пред сè во делот на противвоздушната одбрана и техничките подобрувања.„Нашите дронови и ракети стануваат подобри – имаат повеќе намени и произведуваме сè повеќе,“ изјави Зеленски, наведувајќи дека дроновите Fire Point и Liutyi биле предводници во неодамнешните масовни напади, во кои учествувале и до 300 беспилотни летала во една операција.Најголемиот удар, според украинската Служба за безбедност (СБУ), бил врз нафтената рафинерија Башнефт-УНПЗ во Уфа, 1400 километри од Украина – објект што директно ја снабдува руската армија.Москва признава, но обвинуваПортпаролот на Кремљ, Дмитриј Песков, изјави дека е „очигледно“ оти САД и НАТО редовно ѝ доставуваат разузнавачки податоци на Украина. Од Белата куќа, пак, одговорија дека „војната никогаш немаше да се случи под Трампово претседателство“ и дека сегашниот ангажман има за цел да ја заврши што е можно побрзо.Според проценките на западни извори, досега се погодени најмалку 16 од 38 руски рафинерии, што ја намалило производствената моќ на Русија за околу 20 проценти.Зеленски најави дека кампањата ќе продолжи, со цел – како што рече – „да се уништи воениот и економскиот потенцијал на агресорот“.

Свет | пред 3 месеци

(Видео) Се пукаше по победaта: Ова беше атмосферата во Приштина по победата на Албанија над Србија

Албанската фудбалска репрезентација синоќа ја победи Србија со 1:0, со што ги исфрли источните соседи од борбата за директен пласман на Светското првенство наредната година.Поразот предизвика разочарување меѓу илјадници српски навивачи, а тренерот Драган Стојковиќ – Пикси по натпреварот поднесе оставка.Додека во Србија владееше шок, победата на Албанија беше прославена со огромна еуфорија во Косово, особено во Приштина, каде натпреварот се следеше на плоштадите и во преполни кафулиња.По последниот свиреж на судијата, голем број граѓани излегоа на улиците за да ја прослават историската победа. Според порталот Veriu, на плоштадот „Захир Пајазити“ дошло и до инцидент, кога еден маж извлекол пиштол и испукал неколку куршуми во воздух.Полицијата веднаш реагирала и го привела осомничениот, кој со своите постапки ја загрозил безбедноста на присутните.Снимките од славјето и пукањето брзо се проширија на социјалните мрежи, а косовската полиција соопшти дека ќе преземе мерки против сите кои со оружје го нарушиле јавниот ред и мир.

Свет | пред 3 месеци

(Видео) Sвездено небо среде концертот на Слаткаристика и Тони Зен за загинатите во Кочани

Тони Зен и Слаткаристика на големиот концерт во СЦ „Борис Трајковски“ одаддоа почит за загинатите во страотниот пожар во Кочани. Тие испратија поддршка за повредените и сочувство за загинатите.„Светиме за вас, држете се. Ова е наша почит, наш респект, за оние кои настрадаа во Кочани. Да не се повтори“, рече Тони Зен, на што Слаткаристика порача: „Никогаш“.По ова следуваше нивниот хит „Сите сме исти“. Присутните во салата направија ѕвездено небо во чест на Кочани.Концертот го организираше Прагма продукција.

Магазин | пред 3 месеци

Разбиена мрежа за криумчарење луксузни автомобили: три лица под истрага, двајца вработени во МВР осомничени за фалсификати

Основното јавно обвинителство Скопје поведе постапка против три лица осомничени за криумчарење и фалсификување исправи, кои, според обвинителството, биле дел од поширока криминална мрежа за внес на луксузни автомобили од странство со лажни документи и преправени податоци.Од Обвинителството велат дека дел од учесниците во оваа шема веќе биле обвинети и осудени, а дел од предметите се преземени од Обвинителството во Бугарија, бидејќи се работи за нивни државјани.Според истрагата, првиот осомничен во март 2022 година, преку граничниот премин Деве Баир, организирал криумчарење на автомобил „Тојота ЦХР“, вреден 22.500 евра, кој бил предмет на меѓународна потрага. За возилото користел лажни таблички и документи, изготвени од лице кое веќе е осудено во поврзан случај.Втората осомничена во август 2021 година поттикнала двајца бугарски државјани да пренесат „Лексус НХ300Х“ вреден 15.000 евра, исто така под меѓународна потрага. Таа го презела возилото со фиктивен договор за купопродажба, а потоа го регистрирала со фалсификувани бугарски таблички и документи.Третиот осомничен, управител на фирма, избегнувајќи ја царинската контрола, од Бугарија во Македонија внел „Ланд Ровер – Рејнџ Ровер Евок“ вреден 17.340 евра. Возилото било со преправен број на шасија, а за него биле издадени целосно лажни документи со кои била добиена сообраќајна дозвола.Покрај тоа, обвинителството поведе постапка и против две службени лица од МВР, осомничени дека помагале во фалсификувањето и издавањето на сообраќајните дозволи за возилата што биле нелегално внесени во земјава.Јавниот обвинител предложил мерка притвор за тројцата главни осомничени, а за едниот кој во моментов е надвор од државата, притворот ќе се активира веднаш по неговото пронаоѓање и лишување од слобода.

Македонија | пред 3 месеци

Хамас: Нема да учествуваме на потпишувањето на мировниот договор во Египет

Палестинското движење Хамас соопшти дека нема да учествува на официјалното потпишување на мировниот договор во Египет, чија цел е да се стави крај на војната во Појасот Газа.„Хамас нема да учествува во процесот на потпишување. Присутни ќе бидат само посредниците, заедно со американски и израелски претставници,“ изјавија извори од организацијата.Покрај САД и Египет, и Катар помогна во посредувањето меѓу завојуваните страни. Израел и Хамас досега не одржале директни преговори за запирање на конфликтот.Американскиот претседател Доналд Трамп планира да отпатува во Египет во недела, каде што треба да присуствува на официјалното потпишување на мировниот договор меѓу Израел и Хамас.Според соопштението на египетското претседателство, во понеделник во летувалиштето Шарм ел Шеик ќе се одржи Самит за мир, на кој ќе учествуваат државници од повеќе од 20 земји, со цел ставање крај на војната во Газа.Самитот следува по постигнувањето на прекин на огнот и договорот за ослободување на израелските заложници, што беше дел од американскиот мировен план кој го иницираше администрацијата на Трамп.Американскиот и египетскиот претседател, Доналд Трамп и Абдел Фатах ел-Сиси, ќе копретседаваат со состанокот. Според египетските власти, целта е воспоставување на траен мир и стабилност на Блискиот Исток.Сè уште не се објавени сите имиња на учесниците, но своето присуство веќе го потврдиле францускиот претседател Емануел Макрон, генералниот секретар на ОН Антонио Гутереш, британскиот премиер Кир Стармер и претседателот на Европскиот совет Антонио Кошта.Покана добил и германскиот канцелар Фридрих Мерц, а според медиумските извештаи, се очекува да присуствуваат и турскиот претседател, како и премиерите на Шпанија и Пакистан, заедно со кралот на Бахреин.

Свет | пред 3 месеци

Дали 90 милиони денари од тендерот за ремонти на Марковски завршиле кај Заев и Филипче, праша Манасиевски

„Властa на СДС плаќала 2,5 пати повеќе на Марковски Компани, 4.000 денари за еден час ископ, а само пред една година 1.500. Кога велиме дека криминалот на Марковски Компани и СДС се гледа од авион, токму  на ова мислиме“, вели Валентин Манасиевски, член на ЦК на ВМРО-ДПМНЕ  и додава:Имено, на 17.07.2024 година, РЕК Битола склучува договор од 208 милиони денари за ремонтни активности во комбинатот, а цената за 1 час такви активности е 3.947 денари. Ист ваков договор Марковски Компани имал и претходната година, но тогаш чинел 1.516 денари час за ремонтни активности.Доколку РЕК Битола не го местеле тендерот за Марковски Компани и останела цената од 2023, или истата за малку се покачела, државата ќе заштедела 90 милиони денари. И тоа е само од еден тендер.90 милиони денари е разликата во цени од 2024 во однос на 2023. Ако се земе предвид дека и во 2023 година Марковски Компани не работела со загуба, туку со профит, се доаѓа до очигледниот заклучок дека овие 90 милиони денари завршиле на нечии приватни сметки.Дали овие 90 милиони денари завршиле кај Заев и Филипче, па сега така здушно го бранат преку свои судии и инсталации во судството газдата на Марковски Компани од притвор?Грабежот кој Марковски Компани го направил во РЕК и ЕСМ не е можен без врвот на власта на СДС. А за тоа ќе зборуваме и во наредните денови.Стотици милиони евра народни пари се испумпани преку Марковски Компани. Газдата на фирмата, кој сега СДС го штити преку своите судии, мора да каже каде завршиле овие огромни милиони. СДС не може вечно да бега. Одговорност ќе има.

Македонија | пред 3 месеци

Родителите на загинатите од „Пулс“ најавија блокади: Не прифаќаме судење што ќе трае 15 години

Дел од семејствата на загинатите во дискотеката „Пулс“, сметаат дека изјавите на адвокатите дека судењето на обвинетите ќе трае и до 15 години, е обид за одолговлекување. Тие бараат судовите да се екипираат, а порачаа и дека немаат намера да чекаат 15 години за вистината. Од недела (утре), велат дека ќе блокираат секојдневно една од сообраќајниците во Кочани.„Зборовите звучат како обид да се подготви јавноста за бавно одолговлекување и заборавање. Ние тоа нема да го дозовлиме. Нашите деца не се бројки, туку се човечки животи. Секој ден без правда е нова рана за нас. Бараме, баравме и пак бараме, итна и конкретна акција од институциите, да се зголеми капацитетот со дополнителни судии и соработници за да не се одолговлекува процесот“, рече Габриела Наунова, мајка на загинатата Надица Наунова.На крајот, порача дека ќе бидат на улица додека не почне судењето.„Животот на едно дете, вреди повеќе од нечии интереси и адвокатски игри“, додаде Наунова во име на де од семејствата.

Македонија | пред 3 месеци

(Видео) Митко Јанчев за првпат: „Беа со пиштоли вперени во мене, бараа да легнам, излегуваа од грмушки“

Градоначалникот на Кавадарци и кандидат за нов мандат, Митко Јанчев, за првпат детално раскажа за своето апсење во 2017 година на патарината кон Скопје, во екот на номинациите за градоначалници во времето на Никола Груевски, a кога владееше Зоран Заев.Во емисијата „Претрес со Ландов“, Јанчев опиша сцена која, како што рече, повеќе личела на филм отколку на полициска постапка.„Тоа беше за номинацијата на градоначалници во Борис Трајковски, во времето на Груевски. Кога пристигнувавме во Скопје, уште на самиот влез кај Ченто ни се приклучи едно цивилно возило, а потоа уште едно. На одредена локација нѐ присилно стопренаа – две возила напред, две позади, и десетина луѓе со пиштоли и пушки излегоа од грмушките. Викаа „дигај раце“, „отвори прозори“. Тоа беше апсење, вистински напад,“ изјави Јанчев.Тој додаде дека не прифатил да легне на земја, иако му било наредено.„Бараа да легнам. Не легнав. Им реков: ако треба да легнам, еднаш се легнува – нема потреба да станувам повеќе,“ рече тој, додавајќи дека не им било објаснето зошто се приведени.Според Јанчев, вооружените лица извршиле незаконски претрес на возилото, додека тој бил држен под нишан.„Имаше човек со камера кој снима. Ми рекоа да го оставам телефонот, и еден од нив, кој беше очигледно командир, ми рече со солзи на очи: ‘Ако излезе пријава, јас ќе останам без леб’. Јас само му одговорив – зошто ја срамите униформата и државата?“Според него, акцијата била монтирана од тогашните структури во МВР, поврзани со Алфите и УБК.„Им било најавено дека ќе помине мерцедес со високо ризична група, вооружана и со наркотични средства. Тоа беше нивната ‘информација’. Сè беше лажно, сценарио за компромитација,“ рече Јанчев.Тој нагласи дека, иако добил повици од дипломатски претставништва за да го пријави случајот, свесно одбил – затоа што не сакал „невини полицајци да страдаат поради политички наредби“.„Портпаролот на МВР тогаш излезе со изјава дека ‘мерцедесот со кандидатот за градоначалник не застанал на стоп-знак’, и дека затоа бил застанат со сила. Тоа беше покритие. Сè друго беше политичка наредба, класична демонстрација на сила,“ заврши Јанчев.Цел „Претрес“ е тука:

Македонија | пред 3 месеци

Мицкоски: Се здружиле Венко, Али и Димче за власт и за привилегии и поради патолошката омраза кон ВМРО-ДПМНЕ

Секоја кампања е можност да поразговараме за она што е важно за државата, пред сè, и тоа што е важно за граѓаните, но истовремено и да испратиме политички пораки кои се многу важни, затоа што врз основа на тие политички пораки ние ја определуваме траекторијата по која се движи државата. А, од друга страна, граѓаните ќе можат да разберат за тоа кои се плановите на Владата, кои се проектите, политиките и реформите кои ги планира, вели претседателот на ВМРО-ДПМНЕ, Христијан Мицкоски на денешниот народен митинг во рамките на кампањата за локалните избори со слоган „Вистинскиот избор! Со твојот човек! За твоето место! За твојата иднина!“.Мицкоски спомена неколку значајни работи и тоа, дека прво на овие избори мора сите да имаме јасна претстава кои се опциите коишто ги имаме пред нас.„Едната опција е коалицијата којашто се здружи на основа на два принципа. Првиот е желбата за власт по секоја цена, без разлика на нивните политички и човечки разлики. Нивната желба за власт и привилегии коишто ги уживаа и безмилосно ги користеа е основна за да тие се здружат, а второстепена е патолошката омраза кон ВМРО-ДПМНЕ. Тоа е коалицијата која ја предводи СДСМ, а после СДСМ се редат ДУИ и политичката партија Левица. Значи се здружиле Венко, Али и Димче за власт и поради патолошката омраза кон ВМРО-ДПМНЕ“, истакна Мицкоски.Тој посочи дека втората опција е коалицијата којашто ја предводи ВМРО-ДПМНЕ, тоа се двете опции со коишто ние се соочуваме на овие избори како граѓани и како гласачи.Мицкоски додаде дека секој којшто мисли дека има трета, четврта опција се лаже, затоа што тоа не постои.„Секој глас којшто ќе отиде за некоја трета, четврта само е глас фрлен за бадијала, односно му служи на овој којшто не и мисли добро ниту на Македонија, ниту пак на Демир Хисар“, рече Мицкоски.Тој додаде дека оваа непринципиелна коалиција меѓу СДСМ-ДУИ-Левица, е формирана врз основа на овие два принципи, потсетувајќи на една реплика којашто ја имаше тогашниот претседател на владата и на СДСМ во македонското Собрание, кој гледајќи кон тогаш пратеникот и претседател на Левица, му рече „Нели се договоривме, за време на изборната кампања, јас да ти обезбедам ресурси и се што ти е потребно, ти да работиш против ВМРО-ДПМНЕ и Мицкоски, а потоа после изборите, доколку освоиш пратеник да направиме коалиција и на тој начин да ја спасиме Македонија од ВМРО-ДПМНЕ и од Мицкоски“.Мицкоски додаде дека тоа е целата вистина што треба граѓаните во Македонија да ја знаат, а е поврзана со Левица која е во полуформална, а некаде и формална коалиција со политичките партии СДСМ и ДУИ.

Македонија | пред 3 месеци

„Со вакво хоби, ни маче не треба да му оди на преглед“

Снимката на која поранешниот директор на Клиниката за неврологија, Игор Кузмановски, се гледа како консумира бела прашкаста материја, и понатаму предизвикува лавина реакции во јавноста и на социјалните мрежи.Иако Кузмановски се извини и истакна дека снимката е стара и направена пред неговото именување за директор, дел од јавноста смета дека скандалот отвори многу подлабоки прашања за состојбата во здравствениот систем и професионалните стандарди.Меѓу најкоментираните реакции на социјалните мрежи се и оние од јавни личности.Водителката и инфлуенсерка Миа Костова саркастично коментираше дека јавноста „погрешно го персонализира проблемот“.„Пресмешно е дека докторов со белото ви е партиски шмркач. Пресмешно е дека стварно мислите дека белото иде со партија и дека е исклучок. Да земете да тестирате, нема да ви се верува кој сè лечи, работи, функционира исто ко директорот на Неврологија. Проблемот е подлабок од видеото што ви излезе“, напиша Костова, додавајќи дека „одговорност ќе има дури кога три доктори ќе бидат негативни на тест“.Таа додаде и дека „изненаденоста на јавноста е пофрапантна од самиот скандал“.Сличен став изрази и Ина Многуфина, која оцени дека смената на Кузмановски од директорската функција е недоволна мерка:„Сега после вчерашниот скандал можеме да сфатиме дека докторов е сосема ок да лечи пациенти, ама не смее да е директор. Значи, поголема штета ќе напраи како директор? Озбилно? Лиценца треба да му се земе. Со вакво хоби ни маче не треба да прегледа. Големата работа, го смениле од директор...“, напиша таа, додавајќи дека „прашањето е дали е работоспособен и дали треба да продолжи да лекува луѓе“.Во меѓувреме, министерот за здравство Азир Алиу донесе решение за разрешување на Кузмановски, нагласувајќи дека „јавниот углед и довербата во институциите мора да се заштитат“.Објавата на снимката го отвори и прашањето за контрола на медицинскиот кадар, употребата на психоактивни супстанции и улогата на Лекарската комора во вакви случаи.

Коментари | пред 3 месеци

Муцунски: Нема договор со Велика Британија за прифаќање мигранти – шпекулациите се штетни и неосновани

Министерот за надворешни работи Тимчо Муцунски категорично ги отфрли шпекулациите дека Владата или Министерството воделе разговори со Обединетото Кралство за прифаќање мигранти.„Во целост ја отфрлам дезинформацијата дека Владата или Министерството за надворешни работи и надворешна трговија разговарале или склучиле било каков договор со Обединетото Кралство за прифаќање мигранти. Такво нешто не постои – ниту како иницијатива, ниту како политичка намера,“ напиша Муцунски.Тој оцени дека ваквите тврдења се „неосновани, штетни и исклучиво насочени кон дневнополитички поени“, повикувајќи ги сите политички субјекти да се држат до фактите и да покажат „минимум одговорност“.„Ваквите изјави, за жал, се израз на целосно непознавање на состојбите и на тековните дипломатски ангажмани на државата. Со Обединетото Кралство имаме стратешко партнерство засновано на заемна доверба, политичка, економска и безбедносна соработка, а не на шпекулации и сензационализам,“ порача министерот.Реакцијата на Муцунски следи по изјавата на лидерот на опозициската СДСМ, Венко Филипче, кој праша дали Владата разговара за евентуално прифаќање мигранти по примерот на договорите што Лондон ги склучува со трети земји.

Македонија | пред 3 месеци

(Видео) Оваа генерација ја има последната шанса, после кој нема поправен, ќе победиме за сите идни генерации, вели Мицкоски на „11 Октомври“

Премиерот и лидер на ВМРО-ДПМНЕ, Христијан Мицкоски, на свеченоста по повод Денот на народното востание – 11 Октомври, испрати порака за единство, отпор и обновување на вредностите врз кои е изградена современата македонска држава.„Поробени, но никогаш покорени — тоа е реченицата што го симболизира духот на генерациите кои ја почнале борбата за слобода. Во таа мисла е содржан пркосот и упорноста што ја водеше Македонија низ сите историски предизвици“, рече Мицкоски.Тој истакна дека денешната генерација ја има „последната шанса за исправка на неправдите“, додавајќи дека државата мора да изгради функционален систем ослободен од политички влијанија и корупција.„Судството и обвинителството мора да се ослободат од канџите на политиката. Или има правда – или нас нема. Не станува збор за реваншизам, туку за почеток на нов систем во кој законот ќе важи подеднакво за сите,“ порача премиерот.Говорејќи за надворешната политика, Мицкоски повтори дека Владата ќе продолжи со европската агенда, но „без нови отстапки на штета на македонскиот народ“.„Да за Европската Унија, но не по цена на уцени и билатерални услови. Очекуваме ЕУ јасно да гарантира дека македонскиот јазик, култура и идентитет се неприкосновени,“ истакна тој, додавајќи дека од источниот сосед очекува „европска зрелост и почитување на меѓународното право“.Во обраќањето, Мицкоски повика на општествена мобилизација и „суштински дијалог“ со сите општествени чинители – академици, млади, професори и работници.„Не зборувам за лидерски средби со фотографии и празни изјави. Зборувам за искрен дијалог за иднината на државата, во кој ќе учествуваат сите – Македонци, Албанци, Турци, Срби, Роми, Власи, Бошњаци, христијани и муслимани. Македонија е една и мора да остане наша заедничка татковина,“ нагласи тој.Премиерот најави и нови инвестиции и економски проекти, нагласувајќи дека „најважната борба е борбата за стандардот и животот на луѓето“.Говорот го заврши со порака за обединување:„Ова е генерацијата што ја продолжува борбата започната на 11 октомври – борбата за достоинство, правда и слобода. Чекориме по вистинската патека – патеката на работа, знаење и љубов кон татковината. Нека ни е честит празникот, Бог да ја благослови Македонија!“

Македонија | пред 3 месеци

(Видео) Детали за вооружениот грабеж во Гостивар: украдени 18 килограми злато вредно 1,8 милиони евра

Четворица маскирани и вооружени разбојници вчера вечер извршиле филмски грабеж во златарница во центарот на Гостивар, одземајќи приближно 18 килограми злато во вредност од околу 1,8 милиони евра.Според информациите од Министерството за внатрешни работи, разбојниците, вооружени со автоматско оружје, влегле во златарницата во близина на малиот пазар околу 18:45 часот и со закана по живот ја принудиле персоната да им го предаде златниот накит. Станува збор за златарница во сопственост на С.Ж. од Гостивар.По извршувањето на грабежот, сторителите побегнале со патничко возило „БМВ Х3“ без регистарски таблички. Само половина час подоцна, околу 19:00 часот, полицијата пронашла опожарено возило со ист опис на регионалниот пат Мавровска крстосница – село Маврово.Пожарот бил изгаснат од Територијалната противпожарна единица – Гостивар, а при увидот во возилото е пронајдена автоматска пушка со бајонет, што укажува дека станува збор за добро подготвена и организирана група.Возилото е пренесено во кругот на Полициското одделение за безбедност на патниот сообраќај во Гостивар, по наредба на јавен обвинител, кој ја координира истрагата.Од Министерството за внатрешни работи информираат дека се преземаат интензивни мерки за пронаоѓање на сторителите и целосно расчистување на случајот, кој предизвика големо внимание во јавноста поради дрскиот начин на извршување и високата вредност на украденото злато.

Македонија | пред 3 месеци

Малолетник натепан па удрен со возило во Сарај, скопјанец пријавил обљуба врз неговата ќерка, маж претепан од жена - низа инциденти пријавени во МВР

Во изминатите два дена, во Секторот за внатрешни работи – Скопје биле пријавени повеќе случаи на насилство и кривични дела, меѓу кои семејно насилство, обљуба на малолетничка и физички напади на различни локации низ градот.Според информациите од Министерството за внатрешни работи, 54-годишен скопјанец пријавил дека на 9 октомври вечерта бил физички нападнат во својот семеен дом од сопругата, на возраст од 53 години, која употребила различни предмети при нападот. По целосно документирање на случајот, ќе биде поднесен соодветен поднесок.Во друг случај, 46-годишен маж од скопско пријавил дека во мај годинава, 18-годишен скопјанец извршил обљуба врз неговата малолетна ќерка. Полицијата презема мерки за целосно расчистување на случајот, по што ќе следува кривична пријава.Околу 2:10 часот утрово, 24-годишен скопјанец пријавил дека бил физички нападнат пред ноќен клуб во центарот на градот. Напаѓачот, според пријавата, бил едно лице чии идентитет и мотиви се предмет на истрага.Дополнително, малолетник од село Сарај пријавил дека бил физички нападнат пред средно училиште во општината од 18-годишен жител на Глумово и уште едно лице, при што еден од нив користел тврд предмет. Подоцна, според пријавата, истите лица со патничко возило „Сеат Леон“ го удриле малолетникот пред трговски центар во Сарај.Од Министерството за внатрешни работи информираат дека за сите случаи се преземаат мерки за нивно целосно расчистување и санкционирање на сторителите.

Скопје | пред 3 месеци

Тетовец пријави измама: исплатил 64.000 евра по лажен договор за купопродажба

Педесет и едногодишен жител на тетовско село пријавил во полицијата дека бил измамен од две лица – С.Р. и Б.Р. – за износ од 64.000 евра.Според информациите од Министерството за внатрешни работи, оштетениот, по претходно склучен преддоговор кај адвокат, на 16 јуни 2021 година им ја уплатил целата договорена сума на сметката на второпријавената Б.Р. Сепак, по извршената исплата, пријавените не се појавиле за склучување на конечниот договор за купопродажба, како што било претходно договорено, по што оштетениот сфатил дека бил измамен.„Се преземаат мерки за целосно расчистување на случајот, по што ќе следува соодветна пријава“, соопштија од Министерството за внатрешни работи.

Македонија | пред 3 месеци

Mалолетничка натепана во Карпош, снимката објавена на социјални мрежи

Триесет и деветгодишен жител на село Бардовци пријавил во СВР Скопје дека неговата малолетна ќерка била физички нападната од две други малолетнички на игралиште во скопската општина Карпош.Според пријавата, инцидентот се случил на 9 октомври околу 13 часот, а нападот бил снимен со мобилен телефон и потоа објавен на социјалните мрежи.„На 10.10.2025 година во 15:00 часот во СВР Скопје, Д.М. (39) од с. Бардовци, скопско, пријави дека неговата малолетна ќерка била физички нападната од две малолетнички на игралиште на подрачјето на Карпош. Настанот бил снимен и споделен на социјалните мрежи. По целосно документирање на случајот ќе следува соодветна пријава“, соопштија од Министерството за внатрешни работи.

Скопје | пред 3 месеци

Муцунски да одговори дали во Македонија ќе се носат мигранти по договор со Британија?, праша Филипче

Претседателот на СДСМ Венко Филипче денеска одговарајќи на новинарско прашање по написи во британските медиуми го повика министерот за надворешни работи Тимчо Муцински да одговори дали разговараат за носење мигранти во Македонија.„Го прочитав текстот, го видов во медиумите. тука многу сериозно владата треба да излезе и да каже разговараат или преговараат за таква работа. Со оглед на шпекулациите и написите во многу сериозни светски политички часописи. Треба министерот Тимчо Муцински да каже дали разговараат за тоа да мигранти се носат во нашата земја“, изјави Филипче.Дополнително, Филипче праша дали изградбата на споменатите мигрантски кампови во медиумите имаат некаква врска со заемот од 7 милијарди евра кои ги зема владата пред неколку месеци.„Министерт Муцунски исто така треба да каже, има ли тоа врска некаква со тој пакет со заемот 7 милијарди евра? Има ли некаква врска? Условена ли е владата за тие пари да го направи тоа? Очекувам министерот да во текот на денешниот ден, утре најкасно, да информира јавноста за тоа дали се зборува со Велика Британија за лоцирање на мигранти во нашата земја“, рече Филипче.Претседателот Филипче пред новинарите исто така рече дека СДСМ подолго време наназад  ги следи публикациите кои излегуваат во британските часописи каде веќе се укажува на тенденциите, британската влада тука во Македонија но и во регионот на Балканот и околните земји да лоцираат места за изградба на мигрански кампови но тое сега е на ниво на шпекулации и за тоа мора да им одговор од владата.

Македонија | пред 3 месеци

По 67.000 жртви, Газа конечно здивна – но мирот е сè уште неизвесен

Илјадници Палестинци денес пеш, со автомобили и колички се движат по крајбрежјето на Појасот Газа кон своите уништени домови на север, по започнувањето на примирјето меѓу Израел и палестинското движење Хамас. Израелските сили се повлекоа од поголем дел од урбаните области, во рамки на првата фаза од договорот постигнат со посредство на САД, со кој се очекува прекин на војната што трае речиси две години и која однесе десетици илјади животи.„Ова е чувство што не може да се опише, слава му на Бога“, изјави Набила Басал додека пешачеше со својата ќерка која била повредена во нападите. „Среќни сме што војната заврши, а страдањето конечно престана.“Договорот предвидува Хамас во рок од 72 часа да ги ослободи сите израелски заложници, живи и починати. Според израелските медиуми, семејствата на заложниците со нетрпение очекуваат вести од своите најблиски.„Чекаме да се врати нашиот син и сите заложници“, изјави Хагаи Ангрест, татко на еден од 20-те Израелци за кои се верува дека сè уште се живи.По ослободувањето на заложниците, Израел ќе пушти 250 Палестинци осудени на долги затворски казни и дополнителни 1.700 лица кои беа притворени за време на конфликтот. Во Газа секојдневно влегуваат стотици камиони со храна, лекови и хуманитарна помош, што претставува најголема испорака од почетокот на војната.Американскиот претседател Доналд Трамп оцени дека примирјето е голем чекор напред и изрази уверување дека двете страни ќе го почитуваат договорот.„Сите се уморни од борбите. Постојат разлики, но има консензус за основните точки“, изјави Трамп во Белата куќа.Тој најави дека во понеделник ќе пристигне во Израел, каде ќе се обрати во парламентот – Кнесетот. Со тоа, Трамп ќе стане првиот американски претседател кој ќе говори во израелскиот парламент по Џорџ Буш во 2008 година. Потоа ќе го посети и Египет, каде што ќе се одржат состаноци со блискоисточни лидери за постконфликтната обнова на Газа.Според американски дипломатски извори, ова е прва конкретна фаза од „планот за мир во 20 точки“ што администрацијата на Трамп го претстави како рамка за долгорочно решение на израелско-палестинскиот конфликт. Планот предвидува разоружување на Хамас, создавање на меѓународни безбедносни сили и воспоставување нови управувачки структури во Газа. Иако примирјето носи надеж, експертите предупредуваат дека вистинскиот тест ќе биде неговото одржување и воспоставување на траен мир по години на насилство и уништување.

Свет | пред 3 месеци

Филипче: Власта сака да поставува свои судии и обвинители, затоа ниту еден реформски закон не е поднесен

Претседателот на СДСМ, д-р Венко Филипче, во одговор на новинарско прашање предупреди дека Владата на ВМРО-ДПМНЕ свесно го кочи реформскиот процес во судството, и тоа со јасна цел – политички да влијае врз поставувањето на судии и обвинители.Како што кажа Филипче, наместо суштинска реформа на судството, граѓаните се сведоци на континуирани обиди за манипулации од страна на власта. Тој потсети дека реформите во правосудниот систем се јасно дефинирани во реформската агенда, подготвена од  Владата на СДСМ, а потпишана од сегашната влада на ВМРО-ДПМНЕ.„Во таа реформска агенда има 12 закони кои што се однесуваат на многу аспекти на судството. Тие закони, реформски закони, и значат суштинско зајакнување на нашиот правосуден систем. Во тие закони се наоѓа Закон за јавно обвинителство, Судски совет, за плати на судии, за движење на судски предмети и така натаму. И таа реформска агенда е поврзана со буџетот. Оваа година, до месец јуни, требаше да се донесат седум од тие закони, дополнително до крајот на 2025 година уште пет. До сега во Собранието на тие 12 закони не е поднесен ниту еден. Тоа не го прави оваа власт“, потенцира Филипче.Тој ги отфрли обвинувањата што доаѓаат од власта како „спинови“ со цел да се одврати вниманието од вистинскиот проблем, избегнување на реформи во судството.„Сите спинови, сите обвинувања за некаква блискост со судии итн се само изговор да не се направи вистинска реформа во судството. Ако не се направат тие реформи во судството, кои што како стратегија се донесени со Европската унија, тоа остава простор, а видовме дека ВМРО-ДПМНЕ тоа го практикува, да се интервенира во судството, да се поставуваат свои судии, свои обвинители“, предупреди Филипче.Во одговорот Филипче потсети на  конкретни примери на непотизам и партизација во правосудството  од страна на власта.„Видовме во изминатите години, се постави сопруга на еден градоначалник на ВМРО-ДПМНЕ, роднина на еден нивен коалициски партнер. Јасно е што треба да се направи за да се реформира судскиот систем“, рече претседателот на СДСМ, Венко Филипче.

Македонија | пред 3 месеци

Вучиќ: Србија е под огромен притисок

Српскиот претседател Александар Вучиќ предупреди дека американските санкции кон Нафтната индустрија на Србија (НИС) може да доведат до сериозни последици за енергетската стабилност на земјата. Во интервју за белградскиот Информер, Вучиќ рече дека ситуацијата е „се потешка“, но повика граѓаните да не паничат, нагласувајќи дека државата има доволни резерви на гориво – барем во краток рок.„Имаме дизел што денес се троши. Проблемот ќе настане кога рафинеријата во Панчево ќе престане да работи. Апелиравме на руската страна, ги молевме Американците, и успеавме да издржиме осум месеци,“ изјави Вучиќ, додавајќи дека Србија нема алтернатива за оваа рафинерија.Тој објасни дека доколку производството запре, ќе бидат потребни две до четири недели за повторно активирање, а прекин во пумпањето домашна нафта може да ја блокира индустријата со месеци.„Немаме друга рафинерија. Мораме што побрзо да изградиме нова – ќе бараме помош од Кина,“ додаде Вучиќ.Вучиќ потврди дека Русија ѝ понудила на Србија само краткорочен договор за испорака на гас до Нова година, иако Белград очекувал тригодишен договор уште пролетта.„Тоа е за нас разочарувачка вест. Бевме повеќе од фер и лојални партнери во секој поглед. Србија се откажуваше од арбитражи и други механизми само за да го зачува пријателството со Русија,“ рече Вучиќ.Тој тврди дека Москва со овој потег испраќа политичка порака – дека во случај Србија да преземе мерки за национализација на НИС, Русија може да го прекине снабдувањето со гас на 31 декември.„Не можев да им ветам на Американците дека ќе национализирам. Ако нешто ветам – морам да го исполнам,“ изјави Вучиќ, додавајќи дека Србија мора внимателно да „вади жешки костени од оган“.Српскиот претседател уверува дека државата има подготвен план за стабилизирање на пазарот и дека граѓаните нема да почувствуваат недостиг од гориво во следните неколку месеци.„Немаме редици на пумпите. Народот знае дека нивниот претседател зборува вистина. Имаме гориво за два до три месеца, но тоа нè чини повеќе од 300 милиони евра,“ изјави Вучиќ, додавајќи дека веќе се работи на увоз на дополнителни деривати.Сепак, тој предупреди дека по четири до пет месеци, Србија би можела да се соочи со сериозни проблеми ако не се најде трајно решение.„Ќе ги потрошиме сите резерви – но што потоа?“ запраша Вучиќ.Вучиќ нагласи дека геополитичките околности се сè потешки и дека Србија мора да води „прагматична и внимателна политика“ за да избегне директно вклучување во глобални конфликти.„Србија нема да учествува во војни и судири. Плаќаме доволно висока цена и вака. Но ќе ја зачуваме земјата. Знаеме како се управува со криза – од ковид, поплави, миграции, па до енергетски шокови. Ова можеби е најтешкиот предизвик, но решение ќе најдеме,“ изјави Вучиќ.

Свет | пред 3 месеци

Трамп постигна дипломатска победа со примирјето во Газа – но патот до траен мир е полн со предизвици

Американскиот претседател Доналд Трамп недвосмислено постигна дипломатска победа со посредувањето во постигнувањето примирје меѓу Израел и Хамас, но, според дипломатите и аналитичарите, патот до траен мир на Блискиот Исток е исполнет со бројни неизвесности и ризици.По повеќе од две години крвав конфликт, договорот кој го постигнаа двете страни со посредство на САД се смета за историски исчекор, но и за тест за издржливост на новата американска администрација. Израелската војска соопшти дека вчера утрото го прекинала огнот во Појасот Газа, во исчекување на ослободувањето на израелските заложници во следните 72 часа, како што предвидува договорот.Трамп, кој следната недела треба да отпатува на турнеја низ регионот – во Египет и Израел – овој потег го нарече „почеток на нова ера на мир“.„Секој договор меѓу Израелците и Палестинците, особено оној кој се постигнува индиректно, е исклучително достигнување“, изјави за AFP поранешниот американски дипломат Арон Дејвид Милер, долгогодишен посредник во блискоисточните мировни преговори.Милер нагласи дека Трамп направил нешто што ниту еден претседател пред него не го сторил – вршел директен притисок врз израелскиот премиер Бенјамин Нетанјаху во прашање кое овој го сметал за клучно за својата политика.И покрај тоа, Милер предупреди дека пред администрацијата стои „цела вселена од сложености и детали“ што треба да се доразработат во втората фаза на договорот, вклучително и прашањето дали и како Хамас ќе се согласи на разоружување по двегодишниот разорен судир.Во дипломатските кругови во Вашингтон преовладува оценката дека Трамп вешто користел комбинација од притисок и дипломатија, јавна и задкулисна, особено кон Нетанјаху. Според извори од Белата куќа, тој повторно го вратил Џаред Кушнер, архитектот на Абрахамските договори, во администрацијата – заедно со специјалниот изасланик Стив Виткоф – со цел да се продолжи со мировниот процес.Со ова, Трамп настојува да ја оживее иницијативата од првиот мандат, кога Обединетите Арапски Емирати, Бахреин и Мароко воспоставија дипломатски односи со Израел.Во меѓувреме, неговата администрација најави дека 200 американски војници ќе бидат распоредени во Газа за набљудување на примирјето.И покрај првичниот оптимизам, европските партнери предупредуваат дека примирјето не е траен мир.„Овој прекин на огнот е само прв чекор – не и решение,“ изјави францускиот министер за надворешни работи Жан-Ноел Баро, по состанокот со европски и арапски министри во Париз.Американскиот аналитичар Стивен Кук од Советот за надворешни односи напиша дека клучен предизвик ќе биде целосната имплементација на Трамповиот 20-точковен план, кој предвидува разоружување на Хамас, создавање меѓународни сили за стабилизација и воспоставување нова управа во Газа, без учество на милитантната група.Планот, исто така, вклучува формирање на „Комитет за мир“ – преоден орган што лично ќе го претседава Трамп, што Хамас веќе го одби.„Без оглед на тоа што влезе во Белата куќа со намера да ги ограничи американските обврски на Блискиот Исток, Трамп сега ја презеде огромната одговорност за мировен план што ќе го носи неговото име,“ напиша Роберт Сатлоф, извршен директор на Вашингтонскиот институт за блискоисточна политика.

Свет | пред 3 месеци

(Видео) 450 евра казна за возачот по лудото возење со министерскиот автомобил на Паризанска

Казнето е лицето кое го управуваше службеното возило со кое се превезува министерот за здравство. Од МВР велат дека нему му се изречени две казни и тоа за вградување на флешери во износ од 250 евра и навлегување во спротивна лента на движење во износ од 200 евра. Доколку ги плати во првата недела, тогаш казната се преполовува.„Денеска (11.10.2025), полициски службеници од СВР Скопје извршија службен разговор со Б.Б., постапувајќи по објавеното видео кое беше објавено на социјалните мрежи на 09.10.2025 на кое се гледа како на бул.„Партизански одреди" управува службено возило „шкода" со скопски регистарски ознаки, при што користи уреди за посебни светлосни знаци и преминува преку две полни линии.Против Б.Б. се преземени мерки по член 139 став 11 и 30 и став 5 од Законот за безбедност на сообраќајот на патиштата“, велат од МВР.

Скопје | пред 3 месеци

Адвокатката Јошевска му врати на Коцевски: Обвинителството повеќе ќе се грижи за својот имиџ отколку за обвинението

Се заострува полемиката меѓу Државното јавно обвинителство и бранителите во случајот „Пулс“, по објавеното писмо на државниот обвинител Љупчо Коцевски до Адвокатската комора, во кое ги обвинува дел од адвокатите дека со јавни настапи ја доведуваат јавноста во заблуда и го нарушуваат угледот на институциите.Во писмото, Коцевски остро реагира на, како што наведува, „неетички коментари“ и „невистини“ изнесени во медиумите од поединечни адвокати кои, според него, ја претставуваат својата позиција како независни правни експерти, а всушност се бранители на обвинетите во предметот за пожарот во кочанската дискотека „Пулс“.„Коментарите се изнесуваат без адвокатите воопшто да се запознаени со доказниот материјал или со динамиката на судењето. Таквото однесување е спротивно на Кодексот за професионална етика на адвокатите, кој бара од нив да го чуваат угледот на судот и на институциите пред кои настапуваат“, стои во писмото на Коцевски.Тој особено се осврна на јавниот настап на адвокатката Сузана Јошевска-Анастасовска, која гостуваше во емисијата „Студио 10“ на „ТВ24“, наведувајќи дека не добила целосен увид во доказниот материјал. Коцевски ова го оцени како „неетички јавен настап и обид за нарушување на интегритетот на истрагата“.„Наводите дека не ѝ бил даден дел од доказниот материјал се целосно неточни. Документите се доставени интегрално до Судот и сите бранители. Доколку адвокатката не го презела материјалот или не го прегледала, тоа може да го каже пред Судот, а не во медиумите“, наведува Коцевски.По реакцијата на Обвинителството, адвокатката Сузана Јошевска-Анастасовска се огласи преку Фејсбук, оценувајќи дека писмото на државниот обвинител претставува „директен притисок врз слободата на говорот и професионалната независност на адвокатите“.„Писмото на Јавното обвинителство до Адвокатската комора го чувствувам како притисок и директен напад врз мојата слобода на говор и професионална независност. Би сакала да го видам Обвинителството со иста енергичност кога е нападнато од извршната власт, бидејќи тоа е прашање на институционален интегритет, а не на лична суета,“ напиша таа.Јошевска-Анастасовска потсети дека во своите јавни настапи секогаш јасно ја нагласувала својата улога како бранител во конкретниот случај, а не како независен експерт.Таа се повика и на пресудата Nikula v. Finland (Европски суд за човекови права, 2002), во која се вели дека адвокатите имаат право да зборуваат за функционирањето на правосудниот систем „без страв од санкции, доколку нивната критика е професионална и во добра намера“.„Ако денот по утрото се познава, тогаш преку вакви реакции можеме да очекуваме дека Обвинителството повеќе ќе се грижи за својот имиџ отколку за суштината на обвинението,“ додаде таа.

Коментари | пред 3 месеци