(Фото) Бркотница на полицијата со пијан возач: успеале да го запрат на Партизанска

Полициската станица Карпош поднесе кривична пријава против 40-годишниот А.П. од Скопје, поради сомнение за сторено кривично дело „безобѕирно управување со моторно возило“.Во саботата (27 септември), околу 19 часот, на улицата „Козле“ во Скопје, по претходна пријава од граѓани, полициски службеници го запреле возилото „алфа ромео“ со скопски регистарски ознаки кое го управувал пријавениот. По извршена проверка било утврдено дека возачот имал 3,06 промили алкохол во крвта.А.П. веднаш бил исклучен од сообраќај и лишен од слобода. По целосно документирање на случајот, против него е поднесена соодветна кривична пријава, информира МВР.

Скопје | пред 3 месеци

(Видео) Мециновиќ: Кампањата ја селиме на улица

„Забраната за политичко рекламирање нема да ја сфатиме како пресудна пречка во оваа кампања. Кампањата ја префрламе на улица, без бини и микрофони. Ние ќе бидеме од сабајле до навечер присутни на улиците каде што Скопјани и секој поединачно ќе може да дојде до нас и да разговара“, порача Амар Мециновиќ, кандидат за градоначалник на Скопје од Левица, на денешната прес конференција.Во следните дваесет дена од изборната кампања, Мециновиќ најави фокус на состојбата во Град Скопје и јавните претпријатија. Посочи дека постои план за нивна приватизација, а како пример ја даде депонијата Дрисла.„Ако ни биде доверен мандатот во Советот на Град Скопје и на позицијата градоначалник, првото нешто што ќе го направиме е да се симнеме кај работниците. Со сите работници на јавните претпријатија ќе седнеме и ќе разговараме за условите во кои тие работат“, рече Мециновиќ.Според него јавните претпријатија со години се запоставувани намерно, за да се оправда нивната приватизација. „На 6 септември најавивме дека постои план за приватизација на Комунална хигиена и на Дрисла. Четири дена подоцна, премиерот Христијан Мицкоски, кој ја оркестрира и забраната за Левица, тоа го потврди – рече дека ќе има јавно-приватно партнерство за претпријатијата, вклучително и за ЈСП“, додаде Мециновиќ и истакна дека  Дрисла е единственото јавно претпријатие кое генерира приходи за Град Скопје а неговата приватизација би значела директен удар врз јавниот интерес.„Дрисла треба да се унапреди, а не да се приватизира. Но, не можеме друго да очекуваме од партии чија единствена цел е приватизација на капацитетите на државата и на градот, партии кои во последните четири години го уништуваа и блокираа јавниот интерес на граѓаните на Скопје“, нагласи тој.Во однос на забраната за политичко рекламирање Мециновиќ истакна дека ваквите мерки се сериозен удар врз демократијата и е само еден чекор кој наговестува авторитарен режим. „Ние можеби сме навикнати на распаднат концепт на демократија, но европските партнери се вчудоневидени од ваквиот однос на власта“.  Според него ваквиот потег ќе биде нотиран и во извештаите на ОБСЕ и Европската комисија. „Нашите пријатели од Европскиот парламент и од Австрија беа вчудоневидени од методите што ги користи овој режим. Вакви методи на континентот не се познати од седумдесеттите години. Вакви методи на репресија! И ова е само увод во тоа што понатаму може да се случи,“ порача Мециновиќ.

Македонија | пред 3 месеци

Филипче до Мицкоски: Прочитан си како буквар, не направи ниту една реформа во судството, не те интересира правда

Јавно ги прашувам ВМРО-ДПМНЕ и Мицкоски, до кога Венко Филипче и СДСМ ќе им бидат криви што не можат да спроведат ништо, ниту една реформа, ВМРО-ДПМНЕ веќе е очајно кога зборува за судството“, рече претседателот на Социјалдемократскиот сојуз на Македонија, д-р Венко Филипче.„Година и пол наназад поставуваат свои судии, свои обвинители и само го партизираат судството. Нема ништо суштински од спроведувањето на реформите. Јас бев тој којшто понудив рака бев состанок кај примерот да направиме заеднички работни групи да се спроведе реформската агенда досега не е донесен ниту еден реформски закон од сферата на правосудството“, рече Филипче.Во изјавата тој додаде дека од вкупно 12 закони кои што требаше да се донесат оваа година, седум  од нив до јуни 2025 година и  уште пет до крај на годинава - ниту еден, не само што не е донесен, не е ниту поднесен од страна на министерството за правда во Собранието.Очигледно е како што кажа Филипче дека ВМРО-ДПМНЕ сака да го контролира судството.„Не  може партиски портпароли да кажуваат кој треба да биде зад решетки, тоа треба да го каже независно и целосно функционално судство. Тоа го бараат граѓаните.Сакам да им порачам дека се прочитани како буквар. Еднаш граѓаните тој филм го гледа со партизирано судство кога го користеа да се закануваат да користат политички, да го користат како инструмент за политички прогон. Репризата во филмот ниту некој сака да ја гледа, ниту пак поминува и сметам дека граѓаните треба да ги казнат на изборите за ова однесување“, изјави претседателот на СДСМ, Венко Филипче.

Македонија | пред 3 месеци

Серија пријавени физички напади низ Скопје: Во еден ден пријавени напади во Аеродром, Волково и Бит Пазар

Во изминатите два дена во Скопје и околината се регистрирани повеќе случаи на физички напади, информираат од Министерството за внатрешни работи.На автобуска постојка на Бит Пазар, 15-годишно момче било нападнато од двајца малолетници. Случајот го пријавила неговата мајка, а полицијата работи на откривање на сторителите.Во општина Аеродром, 41-годишна жена била нападната во својот стан од поранешен вонбрачен партнер, додека 19-годишна скопјанка во истата општина пријавила дека била нападната од жена по расправија во сообраќајот.Во друг случај, 86-годишна жена од скопско село пријавила дека била нападната од сопствената ќерка, а во Волково 30-годишна жена посочила дека нејзиниот пријател бил претепан од две лица.Напад бил пријавен и на Бит Пазар, каде 54-годишен скопјанец бил физички нападнат од едно лице.Од МВР велат дека за сите инциденти се преземаат мерки за расчистување на случаите и утврдување на одговорноста.

Скопје | пред 3 месеци

Приведен скопјанец во Кисела Вода за закани кон полицаец

На 30 септември 2025 година, околу 00:50 часот, на подрачјето на Кисела Вода во Скопје, полициски службеници го лишиле од слобода Ш.Б. (52) од Скопје.Како што информираат од МВР, лицето агресивно се однесувало и упатувало закани кон полициски службеник кој извршувал службени дејствија.При преглед на патничко возило марка „голф“ со скопски регистарски ознаки, управувано од пријавениот, на совозачкото седиште бил пронајден и одземен нож.По целосно документирање на случајот, против него ќе биде поднесена соодветна пријава по член 144 од Кривичниот законик.

Скопје | пред 3 месеци

Уапсен косовски државјанин во Карпош за кражба на струја

На 29 септември 2025 година, околу 20:00 часот, полициски службеници од ЕВР Карпош го лишиле од слобода С.Н. (36) од Косово.Како што информираат од МВР, акцијата следела по пријава поднесена на 1 јули од ЕВН Македонија за неовластено преземање електрична енергија. По преземени мерки било утврдено дека пријавениот, кој бил сопственик на продажен објект што претходно го изнајмил, незаконски користел електрична енергија.При службениот разговор било констатирано и дека лицето нема регулиран престој во државата, бидејќи дозволата за престој му истекла на 15 септември 2025 година.Против С.Н. е поднесена кривична пријава по брза постапка до Основното јавно обвинителство – Скопје.

Скопје | пред 3 месеци

Судар на патот Маврово–Дебар, заврши со тројца повредени

На 29 септември 2025 година, во 16:55 часот, на регионалниот пат Маврово–Дебар, на местото викано „Ростушко Анче“, се случила сообраќајна несреќа во која учествувале три возила: патничко возило „Фолксваген Бора“ со дебарски регистарски ознаки, управувано од В.Ч. (51) од Дебар, товарно возило „Мерцедес Спринтер“ со скопски таблички, управувано од Ј.А. (59) од Скопје, и патничко возило „Мерцедес“ со грчки национални ознаки, управувано од Б.А. (43) од Албанија.Во несреќата со тешки телесни повреди се здобиле Ф.Ч. (46) од Дебар, сопатничка во „Фолксвагенот“, и Г.К. од Албанија, сопатник во „Мерцедесот“. Дополнително, О.М., исто така сопатничка во „Мерцедесот“, добила телесни повреди. Повредените биле згрижени во Медицинскиот центар во Дебар.По овластување на јавен обвинител, увид на местото извршила екипа на ОВР Гостивар, информираа од МВР.

Македонија | пред 3 месеци

Тројца пешаци прегазени во Скопје за еден ден

На 29 септември 2025 година, во текот на денот, во Скопје се случиле три сообраќајни несреќи во кои со тешки телесни повреди завршиле тројца пешаци, информира МВР.Првиот инцидент бил пријавен во 09:30 часот на улицата „Мајка Тереза“, каде патничко возило „Хонда“ со скопски регистарски ознаки, управувано од 49-годишната М.П. од Скопје, удрило во малолетен пешак. Повреденото дете било пренесено во Комплексот клиники „Мајка Тереза“, каде му биле констатирани тешки повреди.Околу еден час подоцна, во 10:40 часот, на улица „60“ во село Волково, патничко возило „Фолксваген Фокс“ управувано од С.Р. (73) од Скопје удрило во 55-годишниот Ц.С. од Волково. И овој пешак со тешки повреди бил пренесен во „Мајка Тереза“.Третата несреќа се случила во 15:35 часот на булевар „Србија“. Мотоцикл „Јамаха“, управуван од А.М. (26) од населба Илинден, удрил во 76-годишната Н.К. од Скопје. И таа се здобила со тешки телесни повреди и била згрижена во „Мајка Тереза“.Во сите случаи бил извршен увид од увидни екипи на СВР Скопје, а истрагата продолжува.

Скопје | пред 3 месеци

Пешак тешко повреден во сообраќајка во Волково, прегазен од автомобил

На 29 септември 2025 година, во 10:40 часот, во СВР Скопје било пријавено дека на улица „60“ во село Волково, патничко возило „Фолксваген Фокс“ со скопски регистарски ознаки, управувано од С.Р. (73) од Скопје, удрило во пешакот Ц.С. (55) од Волково.Во несреќата, пешакот се здобил со тешки телесни повреди, кои биле констатирани во Комплексот клиники „Мајка Тереза“.Извршен бил увид од увидна екипа на СВР Скопје.

Скопје | пред 3 месеци

Шест лица уапсени во Скопје – пронајдена марихуана и прашкаста материја

На 29 септември 2025 година, на различни локации во Скопје, полициски службеници од СВР Скопје лишија од слобода шест лица – А.И. (29), Н.Ј. (40), В.Ш. (26), И.Ч. (22) и А.Т. (22), сите од Скопје, како и В.Ј. (55) од Република Србија.Според информациите од Министерството за внатрешни работи, кај нив биле пронајдени и одземени марихуана, кафеава прашкаста материја и грутчеста материја.Од МВР информираат дека по целосно документирање на случаите ќе следуваат соодветни поднесоци.

Скопје | пред 3 месеци

Закани по живот на полицаец – кривична пријава против жител на Синичане

Секторот за внатрешни работи Тетово поднесе кривична пријава против А.Р. (25) од селото Синичане, општина Боговиње, поради постоење основи на сомнение за сторено кривично дело „загрозување на сигурноста“.Според информациите од Министерството за внатрешни работи, на 3 јуни 2025 година пријавениот преку социјална мрежа упатил закани по живот на полициски службеник.Заканите следеле откако истиот полициски службеник претходно издал платени налози за глоба на пријавениот и на неговиот татко за сторен сообраќаен прекршок.

Македонија | пред 3 месеци

Во Виница пријавен за насилство врз дете

Секторот за внатрешни работи Штип поднесе кривична пријава против С.Т. (45) од Виница поради постоење основи на сомнение за сторено кривично дело „насилство врз дете“.Според информациите од Министерството за внатрешни работи, на 1 август 2025 година, во Виница, пријавениот физички нападнал малолетник.

Македонија | пред 3 месеци

Малолетник од Скопје се обидел да го убие сопствениот татко

Секторот за внатрешни работи Скопје поднесе кривична пријава против 17-годишно момче од Скопје под сомнение дека сторил кривично дело „убиство“ во обид.Од Министерството за внатрешни работи информираат дека на 6 септември 2025 година, во семејниот дом, пријавениот со остар предмет му нанел тешки телесни повреди на својот 51-годишен татко.

Македонија | пред 3 месеци

Калајџиев: Обвинението за „Пулс“ е нарачка од политика, не правна грешка

Правникот и универзитетски професор Гордан Калајџиев остро реагираше на обвинението за трагедијата во дискотеката „Пулс“ во Кочани, во кое обвинителството се повикува на т.н. „верижна одговорност“.„Не е страшно што обвинителите згрешиле со ‘теоријата’ за верижна одговорност. Страшно е што не се работи за грешка, туку за нарачка од политиката,“ изјави Калајџиев.Тој посочи дека сите правни авторитети се сложиле дека таква правна конструкција „не може да издржи“, но Обвинителството сепак инсистирало на неа.„Згора на тоа, обвинителите кои ја туркаат ваквата теорија дури и се унапредуваат во кариерата,“ додаде тој.Калајџиев оцени дека уште поголем проблем е тоа што судот нема храброст да го отфрли „широкото обвинение“ и да испрати јасна порака дека такви нарачани постапки не можат да поминат.

Македонија | пред 3 месеци

Со „Ајфон“ вреден околу 1500 евра, Дудуш ја започна кампањата за градоначалник на Шутка

Кандидатот за градоначалник на Општина Шуто Оризари, Курто Дудуш, уште на стартот на изборната кампања го насочи вниманието кон себе со фотографија која предизвика лавина реакции. На објавата, поставена на неговиот Фејсбук-профил, тој позира пред својот изборен плакат, а во раката го држи најновиот модел на „ајфон“.Под објавата со краток натпис „IPHONE?“ веднаш започнаа реакции – дел од неговите поддржувачи ја поздравија објавата, но имаше и коментари во кои се посочува дека во време на економска криза ваквите фотографии изгледаат како демонстрација на луксуз.Дудуш кампањата ја почна со симболиката на бројот 17, кој доминира на неговите плакати, а фотографијата со телефонот уште повеќе го истакна неговиот јавен имиџ.Телефонот што го држи е iPhone 17 во портокалова боја – најнов модел чија цена на европскиот пазар започнува од 1.600 евра, зависно од верзијата и меморискиот капацитет. Новата серија на „ајфон“ беше пуштена во продажба на 19 септември.

Скопје | пред 3 месеци

„Судот мака мачи со нарачана правна конструкција без докази“, вели адвокатката Анастасовска за обвинението за „Пулс“

Адвокатката Сузана Јошевска Анастасовска, која застапува еден од обвинетите во случајот за трагичниот пожар во дискотеката „Пулс“, остро реагираше на дел од ставовите што произлегоа од Обвинителството.„Дејствија кои не можат да се доведат во контекст со последицата изразена преку кривичното дело Тешки дела против општата сигурност од чл.292 од КЗ не треба да бидат предмет на обвинение. Но, наместо јасно разграничување што е криминал директно поврзан со пожарот, што е злоупотреба и несовесно работење на службите со конкретни докази, а што е системски пропуст за кој нема индивидуална кривична одговорност, вие измислувате термини како ‘верижни пропусти’ или ‘синџир на континуирани пропусти’ за да му се додворите на власта,“ изјави Јошевска Анастасовска.Таа обвини дека обвинението е „налицкано“ со квалификации за умисла и соизвршителство, само за да изгледа „тешко“, и дека е избрзано заради кариерни поени на поединци.„Нашиот Кривичен суд, кој и самиот мака мачи што да прави, се бори со фактот дека против природата му е да удри силно и да врати обвинение со јасна порака дека ваква нарачана правна конструкција без докази не може да пројде. Во целиот тој галиматијас се прави двојна штета – семејствата на жртвите остануваат збунети и разочарани, а општеството сѐ повеќе тоне во недоверба,“ додаде таа.Адвокатката заклучи дека „синџирот е силен онолку колку што е силна најслабата алка“ и предупреди дека „траумите допрва доаѓаат“.

Коментари | пред 3 месеци

Руски дрон уби родители и две деца во Суми

Двајца браќа на возраст од четири и шест години, заедно со своите родители, загинаа во ноќен руски напад со дрон врз селото Чернечина, во северниот украински регион Суми.Регионалниот гувернер Олег Григоров изјави дека „синоќа непријателот намерно погодил станбена зграда со нападен дрон“, додавајќи дека телата на семејството биле извлечени од урнатините.Руските сили веќе со месеци водат исцрпувачки борби на истокот и југот на Украина, но се обидуваат да воспостават и упоришта во северните области како Суми, која граничи со руската Курска област. Москва и понатаму негира дека намерно ги таргетира цивилите, иако илјадници се убиени, а голем број домови, станбени и стопански објекти уништени или оштетени.

Свет | пред 3 месеци

Трамп претстави план за прекин на војната во Газа: „Историски ден за цивилизацијата“

Американскиот претседател Доналд Трамп во Белата куќа го претстави својот план со 20 точки, за прекин на војната во Газа, нарекувајќи го „еден од најголемите денови во историјата на цивилизацијата“ и документ што може да донесе „вечен мир на Блискиот Исток“.Планот е објавен по средбата со израелскиот премиер Бенјамин Нетанјаху. Според анализата на Би-Би-Си, иако реториката на Трамп беше претерана, документот претставува важен дипломатски исчекор и промена во ставот на Вашингтон за иднината на Газа по завршувањето на војната.Што предвидува планот?Предлогот содржи општи принципи, но не и детални решенија за најспорните прашања – повлекувањето на израелските сили, ослободувањето на таоци и затвореници и управувањето со Газа. Сепак, документот предвидува:прекин на борбите и делумно повлекување на израелската војска,ослободување на сите преостанати заробеници во замена за стотици палестински затвореници,воспостаувување локална техничка власт во Газа под надзор на „Комитет за мир“ со претседател Трамп и поранешниот британски премиер Тони Блер,амнестија за припадниците на Хамас кои ќе предадат оружјето, додека останатите би биле протерани,меѓународни сили кои би ја презеле контролата врз безбедноста и би ги разоружале палестинските фракции.Палестинската државност е спомната условно – како можност доколку Палестинската самоуправа спроведе реформи.Реакции и пречкиХамас засега нема јасен став. За Би-Би-Си еден нивни претставник изјавил дека планот „не ги штити палестинските интереси“ и нема да биде прифатен без целосно израелско повлекување.Нетанјаху, пак, стоејќи покрај Трамп, рече дека Израел ги прифаќа принципите, но дел од неговата десничарска коалиција веќе изрази противење. Опонентите го потсетуваат дека и во минатото рушел договори кога му се заканувала политичка нестабилност.Арапските земји го поздравија фактот што документот не предвидува присилно иселување на Палестинците и барем условно ја споменува државноста.Истовремено, борбите на теренот продолжуваат – Израел распореди нова оклопна дивизија во Газа, а Хамас подготвува илјадници борци за „последна, одлучувачка битка“.Аналитичарите предупредуваат дека рамката на Трамп ќе бара долги и тешки преговори за да прерасне во конкретен мировен договор.

Свет | пред 3 месеци

Зеленски: Украина врати над 170 квадратни километри кај Добропоље

Украинскиот претседател Володимир Зеленски изјави дека во последните контраофанзиви украинската армија успеала да врати повеќе од 170 квадратни километри територија во близина на источниот град Добропоље.„Со денешниот ден, нашите сили имаат ослободено повеќе од 174 квадратни километри од почетокот на операцијата, а над 194 квадратни километри се исчистени од руски диверзантски групи“, рече Зеленски во своето вечерно видео обраќање.Тој додаде дека руските сили во операцијата изгубиле речиси 3.200 војници. Зеленски призна дека украинската армија се соочува со тешки услови на неколку делови од фронтот, вклучително и во близина на Купјанск во пограничниот регион Харков, како и во областите меѓу Донецк и Днепропетровск.Скептицизам кај воените аналитичариПочетокот на август донесе изненадувачки пробив на руските сили источно од Добропоље, кога тие напредуваа речиси 20 километри. Сепак, откако беа испратени украински резерви, дел од тој напредок беше поништен.Украински воени аналитичари, меѓутоа, изнесуваат помалку оптимистичка слика од онаа што ја претставува владата во Киев, потсетувајќи дека земјата веќе повеќе од три и пол години се брани од руската инвазија.

Свет | пред 3 месеци

Германскиот министер: Планот на Трамп за Газа е единствена шанса што не смее да се пропушти

Германскиот министер за надворешни работи, Јохан Вадефул, изјави дека планот на американскиот претседател Доналд Трамп за прекин на огнот во Појасот Газа претставува единствена можност за завршување на војната и дека не смее да се остави неискористена.„Американскиот план за Газа нуди единствена можност за крај на овој ужасен воен судир. Тој им дава надеж на стотици илјади луѓе во Газа кои страдаат од бруталниот конфликт и незамисливите хуманитарни тешкотии. Конечно, носи надеж и за Израелците и за Палестинците дека оваа војна наскоро би можела да заврши“, изјави Вадефул.„Хамас мора да ја искористи шансата“Според него, шансата не смее да се пропушти:„Хамас мора да ја искористи оваа прилика“, нагласи Вадефул, повикувајќи ги сите што имаат влијание врз движењето да преземат конкретни чекори.Тој изрази благодарност до претседателот Трамп, до арапските држави во регионот и до другите муслимански земји кои ги поддржуваат мировните напори.Германскиот министер додаде дека Берлин е подготвен да даде конкретна поддршка на планот, оценувајќи дека тој би можел да го отвори патот за поширок процес на помирување на Блискиот Исток. Вадефул најави дека за време на викендот ќе ја посети регијата во таа насока.

Свет | пред 3 месеци

YouTube ќе му исплати 24,5 милиони долари на Трамп поради тужба за суспензија

YouTube прифати да исплати 24,5 милиони долари во рамки на судска спогодба со поранешниот и сегашен претседател на САД, Доналд Трамп, кој во 2021 година ја тужеше платформата тврдејќи дека неправедно му го суспендирала каналот по нападот врз Капитол на 6 јануари.Со овој потег, подружницата на Google стана уште една во низата технолошки компании кои на Трамп му исплатија милионски износи поради ограничувања на неговите кориснички сметки.Обвиненија и нагодбаТрамп тужеше против YouTube и првиот човек на Alphabet, Сундар Пичаи, тврдејќи дека платформата стекнала „невидена концентрација на моќ и влијание врз јавниот дискурс“. Од YouTube, пак, тврдеа дека каналот е суспендиран поради поттикнување на насилство.Случајот е затворен по спогодба, а од Google нема официјален коментар. Според судските документи, 22 милиони долари од договорот Трамп ги насочил за реконструкција и заштита на Националниот парк „Мол“ и за поддршка на изградбата на балска сала во Белата куќа, чија вредност е проценета на околу 200 милиони долари.Други компании, слични нагодбиСлични процеси завршиле со исплати и од други компании: Meta во јануари плати 25 милиони долари, а X (поранешен Twitter) во февруари 10 милиони долари. Најголем дел од парите од Meta биле насочени кон фондот за претседателската библиотека на Трамп.Адвокатот Џон Коул, близок соработник на Трамп и автор на сите три тужби, изјави дека „повратокот на Трамп во Белата куќа бил клучен за нагодбите“.Забраната и враќањето на каналотYouTube првпат го суспендираше каналот на Трамп на 12 јануари 2021, поради „ризик од ново насилство“. Забраната траеше до март 2023, кога платформата одлучи да го врати каналот, нагласувајќи дека треба да се овозможи јавноста да ги слушне националните кандидати пред избори.Неколку часа по враќањето на каналот, Трамп објави кратко видео со зборовите: „Вратен сум!“

Свет | пред 3 месеци

Признавања од Москва: Русија тапка во место, загубите огромни

По месеци несогласувања околу мировните преговори, Белата куќа и дел од руските пропагандисти конечно се усогласија барем во едно – војната во Украина за Москва не се одвива добро, пишува Kyiv Independent.Американскиот потпретседател Џ.Д. Венс на 28 септември порача„Русите мора да се разбудат и да ја прифатат реалноста. Умираат многу луѓе, а немаат со што да се пофалат“. Неколку дена претходно, претседателот Доналд Трамп оцени дека Русија „потрошила милиони и милиони долари на бомби, ракети, муниција и животи – нивните животи – а практично не освоила никаков териториј“.Проруски коментатори: фронтот е во ќорсокакНе се повеќе само западни проценки. Во последниве денови и повеќе проруски гласови јавно признаваат застој, губитоци и ограничени резултати.Украинската група за мониторинг Deep State пресмета дека Русија од јуни до август зазела 1.548 квадратни километри територија, но изгубила речиси 95.000 војници – во просек над 1.000 дневно. Тоа претставува само 0,003% од вкупната површина на Украина.Руската коментаторка Татјана Монтјан предупреди на 22 септември дека нема доволно војници за нови офанзиви и дека Путин ќе мора да објави нова мобилизација „доколку не се случи голем пробив“. Сенаторот Дмитриј Рогозин, кој ја застапува окупираната Запорожка област, отиде уште подалеку: „Невозможно е да се напредува. На фронтот има мртва точка“, призна тој на 21 септември.Поранешниот проруски лидер во Донбас, Павел Губарев, потврди дека загубите се огромни, бидејќи „Русите речиси постојано напаѓаат, а Украинците главно се бранат“.Сомнеж во официјалните бројкиДури и на државната телевизија НТВ се слушнаа сомнежи во официјалните бројки за украинските загуби. Еден гостин изјави:„На почетокот на војната украинската армија имаше околу 800.000 луѓе. Со текот на времето бројот растеше за 100.000 до 120.000 годишно. Значи е невозможно да изгубиле 1,7 до 2 милиони луѓе, затоа што тогаш војската повеќе не би постоела“. На прашањето на водителот дали тоа значи дека „министерството лаже“, тој одговори: „Не само нашето. Голема грешка е да се потценува украинската војска“.Расте заморот во РусијаУкраинскиот воен аналитичар и поранешен офицер Иван Ступак вели дека тежината на ваквите изјави ќе се мери според реакциите на властите. „Пропагандистите зборуваат сè додека тоа им е дозволено. Ако вистината им наштети, ќе видиме како ќе се постапи кон нив“, истакна тој.Според него, ваквите тонови се и показател за растечки замор меѓу руските граѓани, кои, спротивно на тврдењата на Кремљ, не се подготвени да водат бесконечна војна.

Свет | пред 3 месеци

(Видео) Се потврди дека функционери на ВМРО-ДПМНЕ ја штителе дискотеката Пулс, вели Филипче

„ВМРО-ДПМНЕ не само што ја покажа својата неспособност туку го покажа најгрдото лице за секој еден граѓанин кој живее во државата“, порача вечерва од Крушево, претседателот на СДСМ Венко Филипче кој заедно со коалицијата оттаму го започнаа караванот за локалните избори.„Ветија правда, а донесоа неправда. Видовме како ги штителе функционерите пожарот во дискотеката „Пулс“ да не бевме ние со нашите прес-конференции сите ќе останеа заштитени. Со тоа се откри најгрдото лице на оваа власт“, рече Филипче.Тој обвини дека додека СДСМ ја барала правдата за жртвите во Кочани, ВМРО-ДПМНЕ правеле ситни зделки меѓу институциите кои однесоа 63 животи.„Македонија е далеку од горда, се што ветија се излажаа“, истакна Филипче во Крушево.

Настани | пред 3 месеци

Левица е на услуга на ДУИ, сега си направиле пазар од кој ќе профитира или ќе се обиде да профитира ДУИ, вели Мицкоски

Претседателот на ВМРО-ДПМНЕ, Христијан Мицкоски, имаше свое обраќање на денешниот митинг, со кој се започна кампањата за претстојните локални избори, и кој се одржа во Скопје во Спортскиот центар ,,Јане Сандански“ на кој се осврна и на коалицијата ДУИ и Левица, односно на Али Ахмети и Димитар Апасиев. Мицкоски објасни дека сега јасно се гледа дека Левица игра во корист на ДУИ, како што претходно играше во корист на СЈО и Зоран Заев.„Постојат две коалиции, две коалиции надвор од видливото. Првата е онаа меѓу Али и Димче, помеѓу  ДУИ и Левица. Левица само го покажа своето вистинско лице кое што сите ние го знаеме. Тие се на отворен пазар, на услуга на Али и ДУИ. Сетете се, да не заборавиме, прво го помагаа СЈО за добри хонорари, потоа самиот Заев отворено кажа  дека правеле тајни коалиции за наводно да  ја спаселе Македонија од ВМРО-ДПМНЕ и од Христијан. А сега си направиле пазар од кој ќе профитира или ќе се обиде да профитира ДУИ. А тие пак од ДУИ, со истите трикови се децении наназад. Како стара закачица, провоцираат и едвај чекаат да им одговорам“, кажа Мицкоски.Мицкоски јасно укажа „сигурно пресметале дека ќе им вратам, па така ќе им го подобрам уништениот рејтинг“.„Таа нивна игра мора и Албанците и Македонците и сите останати да ја знаат и разберат. Така ДУИ си го крева рејтингот. А тезите им се стари и излитени – те. „крвови“, те „јастреби, те  орлите, те зајаци“, истото тоа, истиот фолклор го споменуваат 20 години, тоа со  години е истиот филм.  Албанците му се иселија. Парам-парчe направија од крадење Албанците – дури и од неговото Зајас – се иселија; исто како  во Дебар, Струга, Тетово, Гостивар, Кичево и насекаде што живеат.. Дваесет години беа на власт. Видовме се што можат, но и што не можат. И тие метафори на митинзите повеќе не им поминуваат – добри се, ако одлучиле да се занимаваат и да глумат хумористични филмови за да може да насмеат некого. Но, не и да влеат надеж каква им е потребна на сите граѓани во Македонија“, посочи Мицкоски.

Македонија | пред 3 месеци

„Сценарија за опстанок – крај на СДСМ доаѓа“: Пораката на Мицкоски за тајните коалиции

Претседателот на ВМРО-ДПМНЕ, Христијан Мицкоски вечерва од Спортскиот центар Јане Сандански се осврна на договорот под маса на Венко Филипче и неговиот ментор од Струмица со градоначалник на црна листа за корупција на скопска општина и истакна дека ваквите непринципиелни коалиции ќе бидат поразени.„Што се однесува до вториот договор под маса – тој на Венко, што го склучи со еден градоначалник што е на црната листа за криминал и корупција од една скопска општина дотолку се гледа тој таен договор за поддршка што се препознава од Месечината. Проформа, СДСМ извадија кандидат за градоначалник во Карпош, што ни самите не ја препознаваат, ниту ја поддржуваат ниту пак ја рекламираат. Да направат анкета – членовите на нивната партија ни името на жената не и го знаат. Ја пуштија низ вода, за да асот во Карпош на Венко мисли дека ќе победи. Истите луѓе, со истите вредности. Веднаш штом ја напушти коалицијата, Стевчо отрча да коленичи во Струмица да се разбере со тогашната влада на СДС и ДУИ, а со него е лесно да најде човек заеднички јазик. Кога станува збор за интерес тој прв е подготвен да склучи пакт. Ваквите непринципиелни коалиции нема да успеат и ќе бидат поразени Зошто? Зашто и првиот договор и вториот се рефлексија на безидејноста во која овие партии тонат. Не се реформираа. Останаа заглавени и верни на бизнисите и тендерите, и затоа се сојузуваат – за да ги спасат своите кариери. И овие сценарија се полесниот начин да избегаат од реалноста дека на овие избори ќе паднат уште повеќе и едвај ќе се држат на 120 до 130 илјади гласа поддршка. Некогаш големата и според нив државотворна СДСМ спадна на рамниште да прави пактови  под маса за да опстане. Но народот, овој пат – на овие избори – ќе им свири крај. Бидете сигурни“ истакна Мицкоски.Мицкоски посочи и на новото додворување на СДС и Филипче кон Бугарите на штета на Македонија.Втората работа што сакам да ја посочам е оној подарок на Венко за нашиот источен сосед – нов „бонбона-бизнис“. На времето, неговиот ментор, кога беше во прашање името, ни го спакува во метафората „да не му ја чепкаме жицата на гитарата“. Демек, тој многу се грижел за името, кое на бездушен начин ни го промени. Сега гитарата се вика „црвените линии“ на Венко, спакувани во еден документ кој што тој го нарече, резолуција. Сте се запрашале ли зошто зборува за црвени линии, кога тој самиот нè убедуваше дека францускиот предлог е најдобриот што постои и не може подобар да биде? Па сега вели дека тој документ наречен резолуција, бил „најпатриотскиот документ“ било кога направен. Дојде време ова СДСМ да збори за патриотизам – верувале или не. А што била опцијата? Ако не сме го сменеле Уставот како што сака Венко – да не сме преговарале веќе за ЕУ? Добро, во ред – но кое е решението што ни го дава Венко? Кому треба сега овој негов предлог да служи? Јасно е дека ова е некое ново додворување на СДС кон нашиот источен сосед, на штета на Македонија. Но сакам да им биде јасно и на нив и на оние од кај нашиот источен сосед, тоа јас нема да го дозволам, за мене и за оваа македонска влада, постојат само македонски црвени линии, треба тоа да ви е јасно. А тоа се македонските државни и национални интереси истакна Мицкоски.

Македонија | пред 3 месеци