Минусни температури на планините, денеска слаб дожд и снег

УХМР информира дека утрово најниската измерена температура изнесуваше минус 5 степени на Попова Шапка, минус 2 во Битола, Берово и Маврови Анови, минус 1 во Прилеп, Крушево и Претор, додека нула степени се измерени во Скопје-Петровец, Охрид, Штип, Велес и Крива Паланка. Во Скопје на Зајчев Рид утринската температура беше еден степен, во Тетово и Кавадарци исто така еден, во Струмица, Демир Капија и Виница два, а најтопло утрово беше во Гевгелија со четири степени.Во изминатите 24 часа најмногу воден талог наврна во Виница и на Пожар со по два литра на метар квадратен, додека еден литар е измерен во Охрид, Велес и Штип.Снежната покривка е присутна единствено на Попова Шапка, каде што до 7 часот утрово се измерени 36 сантиметри снег.Времето денеска ќе биде променливо облачно со сончеви периоди. Наместа ќе има услови за повремен слаб дожд, а на планините за слаб снег. Ќе дува слаб до умерен ветер од променлив правец, а максималната дневна температура ќе се движи меѓу 7 и 13 степени.Во Скопје времето ќе биде променливо облачно со сончеви периоди, а дневната температура ќе достигне до 10 степени.

Македонија | пред 1 месец

ВМРО-ДПМНЕ: ССМ одбива 40 отсто повисоки плати по партиска директива

ВМРО-ДПМНЕ ја обвини Сојуз на синдикатите на Македонија дека, наместо да ги застапува интересите на работниците, дејствува по партиски директиви на СДСМ и Левица, одбивајќи, како што наведуваат, историско зголемување на платите во јавниот сектор.Од владејачката партија тврдат дека раководството на ССМ, предводено од Слободан Трендафилов, Трпе Деаноски и Иван Пешевски, го одбило предлогот на Владата за зголемување на платите за 40 отсто, односно за повеќе од 10.000 денари до 2028 година, и тоа не поради интересите на работниците, туку поради одбивање да се потпише нов колективен договор.Според ВМРО-ДПМНЕ, предложениот договор предвидува раст на платите согласно Законот за минимална плата, дополнет со уште осум проценти годишно, со што вкупното зголемување би достигнало најмалку 40 проценти во наредните три години.„ССМ бара зголемување од 6.000 денари, добива над 10.000 и го одбива. Бара минимална плата од 600 евра, ја добива и повторно ја одбива“, се наведува во реакцијата, при што од партијата оценуваат дека ваквото однесување е резултат на политичка сервилност, а не на синдикална принципиелност.Од ВМРО-ДПМНЕ дополнително тврдат дека новиот колективен договор би овозможил минималната плата на административните службеници да достигне 600 евра во рок од две години, додека, како што наведуваат, дел од синдикалните лидери примаат месечни плати повисоки од 80.000 денари, како и дополнителни надоместоци кои, според нив, во една година надминале еден милион денари.Во соопштението се упатува повик до раководството на ССМ да престане, како што се наведува, со политичко дејствување и да го прифати предлогот на Владата за постепено зголемување на платите и за обезбедување минимална плата од 600 евра за административните службеници до 2028 година.

Македонија | пред 1 месец

СДСМ: Пари има за тендери, но нема за 600 евра минимална плата

СДСМ го поднесе Законот за зголемување на минималната плата на 600 евра, оценувајќи дека тоа е реална и неопходна мерка за заштита на животниот стандард на работниците, во согласност со јасните барања на синдикатите и актуелните економски услови во државата.Од партијата посочуваат дека законот е директен одговор на драматичното влошување на животниот стандард во изминатата година и пол, период во кој инфлацијата, растот на цените на храната, струјата, греењето и основните услуги сериозно ја намалиле куповната моќ, особено кај граѓаните кои живеат од минимална плата.Според СДСМ, за илјадници семејства минималната плата претставува единствен или доминантен извор на приходи, поради што државата има обврска да обезбеди средства за нејзино зголемување на 600 евра.„Не може да има пари за криминални тендери, а да се тврди дека нема средства за работниците“, реагираат од СДСМ, наведувајќи низа примери за јавни набавки и договори кои, според нив, отвораат сериозни сомнежи за злоупотреби.Во соопштението се наведува дека граѓаните секојдневно слушаат за стотици тендери доделени на поединечни фирми, милионски суми за компании со минимален број вработени, како и за договори склучени со фирми блиски до владејачката коалиција ВМРО-ДПМНЕ – ЗНАМ.„Ова е изборот на власта – тендер-шеми наместо работници“, велат од СДСМ, додавајќи дека младите масовно ја напуштаат државата, додека Владата паралелно увезува странска работна сила под изговор на недостиг од кадар.Законот за зголемување на минималната плата веќе е поднесен во Собранието, а од СДСМ порачуваат дека сега јасно ќе се види кој политички субјект застанува зад 600 евра минимална плата за работниците, а кој, како што наведуваат, ги брани криминалните тендери.

Македонија | пред 1 месец

САД одобрија продажба на оружје за Израел вредна 6,7 милијарди долари

Американската влада одобри продажба на оружје за Израел во вредност од речиси 6,7 милијарди долари, соопшти американската Агенција за одбранбена безбедносна соработка (DSCA). Пакетот опфаќа борбени хеликоптери, оклопни возила и придружна воена опрема, со што се зајакнува долгогодишната воена соработка меѓу двете земји.Според официјалните податоци, договорот вклучува набавка на 30 борбени хеликоптери „Апачи“ со придружна опрема, во вредност од нешто помалку од 3,8 милијарди долари. Дополнително, Израел ќе купи 3.250 лесни тактички возила „Joint Light Tactical Vehicle“ за околу 1,98 милијарди долари, опрема за оклопни транспортери вредна приближно 740 милиони долари, како и лесни повеќенаменски хеликоптери во износ од околу 150 милиони долари.Соединетите Американски Држави се најголем воен сојузник на Израел и главен снабдувач со оружје, а оваа одлука дополнително ја потврдува таа стратешка врска.Покрај Израел, Стејт департментот одобри и продажба на оружје за Саудиска Арабија, која ќе набави 730 ракети за противвоздушниот одбранбен систем „Патриот“ и придружна опрема, во вкупна вредност од околу девет милијарди долари. Американскиот Конгрес веќе е официјално известен за овие договори.Одлуките за продажба на оружје доаѓаат во период на зголемени тензии на Блискиот Исток. Американскиот претседател Доналд Трамп во изминатите недели неколкупати упати остри предупредувања кон Иран, вклучително и закани со воени акции, паралелно со зголемување на американското воено присуство во регионот.Овие потези се оценуваат како дел од пошироката стратегија на Вашингтон за зајакнување на своите сојузници и одржување на безбедносната рамнотежа во нестабилниот регион.

Свет | пред 1 месец

Парадокс на правдата: Новинарката Вејсели е осудена оти го кажала името на судијата во судско известување, обвинител ја гонел за злоупотреба на лични податоци

Обвинителството ја гонело, а судијката Магдалена Мишоска од Основниот суд во Гостивар ја осудила новинарката Љиридона Вејсели на парична казна од 700 евра за кривично дело „злоупотреба на лични податоци“, само затоа што во новинарско известување го спомнала името на судијата Назиф Илјази од Основниот суд во Тетово.Вејсели за „Скопје1“ изјави дека пресудата се однесува на тема што ја обработувала за случај во кој возрасно лице уценувало малолетник, му испраќало порнографски материјали и му се заканувало. Во тој предмет, како што посочува новинарката, судијата Илјази изрекол казна од три месеци ефективен затвор.„Осудена сум затоа што го спомнав името на судијата во контекст на судска одлука за сериозен кривичен случај. Казната е 700 евра за наводна злоупотреба на лични податоци“, вели Вејсели.Во писменото образложение на пресудата, судијката Мишоска наведува дека на 28 октомври 2024 година новинарката, без согласност на судијата Назиф Илјази, ги користела неговите лични податоци – име и презиме – преку објави на социјалните мрежи Инстаграм и ТикТок, со што, според судот, му нанела штета на честа и угледот во неговата професионална дејност, која ја извршува повеќе од 37 години.Судот заклучил дека со ваквите дејствија се исполнети битните елементи на кривичното дело „злоупотреба на лични податоци“ од Кривичниот законик.Од Обивнителството побаравме да ни кажат кој обвинител го поднел предлог за издавање на казнен налог против новинарката, но и зошто поднеле ваков предлог за издавање на казнен налог против новинарката која открила име и презиме на судија, што е јавна функција. До објавување на овој текст - одговор нема.Пресудата предизвика остри реакции во јавноста. Меѓу оние што реагираа е и заменик-министерот за внатрешни работи Астрит Исени, кој оцени дека случајот претставува сериозен показател за состојбата со слободата на говор и довербата во судството.Според Исени, сведочењето на Вејсели јасно покажува дека полицијата ѝ била целосно на располагање за нејзина заштита во момент кога била изложена на притисоци, но дека денес се случува, како што вели, „најголемиот парадокс“ – судството, кое со години било политизирано и деградирано, да се претставува како жртва.„Довербата во правдата падна на историски минимум од околу три проценти, како директна последица на политичките инсталации и континуираните вмешувања. Истите тие кои денес зборуваат за слобода на медиумите, вчера молчеа, заплашуваа и уценуваа критички гласови“, напиша Исени.Во продолжение видеото во кое е споменат судијата, за што новинарката е осудена:

Македонија | пред 1 месец

Девет полицајци влегле и ја виделе пиротехниката во „Пулс“, но никој не спречил да биде активирана - излезот не бил заклучен

Од 23 обвинети полициски службеници, меѓу кои има и началници, девет од нив се гонат поради тоа што можеле, но не спречиле да се случи трагедијата во „Пулс“. Досега, Обвинителството нема ослободено од вина ниту едно лице со полициски овластувања, а кај пензионираните полицајци се констатирало дека не можат да ги гонат поради застареност на кривичното дело кое би им го ставиле на товар.Обвинителката Ивана Алексова Трајчева која денеска поднесе три обвиненија, посочи дека деветте полициски службеници влегле во „Пулс“ пред пиротехниката да биде активирана, но и покрај тоа, тие не спречиле нејзина активација.„Јас го земам на товар тоа што влегле касно, а проверувале малолетници. Влегле внатре, преполно било. Виделе пиротехника на бина, никој не оди кон бината да се спречи пиротехниката туку се води контрола за тоа дали меѓу гостите има малолетници“, вели Алексова Трајчева.Прашана, дали може да се гонат полицајците бидејќи не помагале на гости кои излагале од дискотеката, таа рече: „Не помагањето не може да го ставите како кривично дело. Тоа е човечки, што требало, и што можеле, но и што не можеле да направат. Обвинението е до настанувањето на пожарот“.Полицајците тргнале да проверуваат дали имало или немало малолетници во диското речиси два и пол часа по полноќ, иако тоа требало да го направат веднаш штом помине 12 часот. Прашана за тоа дали вратата за излез била заклучена, обвинителката Алексова Трајчева рече: „Таа врата што се збори дека е заклучена не е вратата за излез од дискотеката. Туку е врата до службените простории. Таа врата нема никаква врска со делот официјален за влез-излез“.Полициските службеници кои биле вклучени во проверките на „Пулс“ во 2012 година и 2018 година, по кои требало да извршат проверки за паркингот и јавниот ред и мир - ќе треба да ги гони кочанското Обвинителство. За ниту еден полициски службеник не е запрено водењето на постапката, туку е запрено водењето на постапка за кривичното дело за кое била донесена наредба за истрага. Поради основано сомневање дека сториле друго кривично дело отворена нова предистрага која обвинителката ја предала во кочанското Обвинителство, како надлежно да постапува.

Македонија | пред 1 месец

Поднесени се три обвиненија против полицајците за „Пулс“: дозволиле активирање на пиротехниката, отворање на клубот, казнувале непостоечка фирма

Обвинителството за гонење организиран криминал и корупција соопшти дека по спроведени темелни истражни постапки е поднесено обвинение против вкупно 13 полициски службеници во врска со пожарот во кочанското кабаре „Пулс“, во кој животот го загубија 63 лица, а над 220 беа повредени.Според обвинението, полициските службеници во периодот од 14 до 16 март 2025 година не постапиле согласно прописите за заштита, не извршиле целосни и детални проверки и не ги примениле стандардните оперативни процедури за проценка и управување со ризик при вршење полициски работи. Иако бил изготвен план за акциска контрола на угостителски објекти на подрачјето на Полициската станица Кочани, тој бил идентичен за сите.На критичната вечер, дел од обвинетите биле присутни во објектот, но не презеле соодветни мерки за заштита на присутните лица, ниту спречиле активирање на пиротехничка опрема, иако таа не била пријавена. Како последица на несоодветните услови за работа и пропустите при контролата, избувнал пожарот со катастрофални последици.Дополнително, до Основниот кривичен суд Скопје е поднесен обвинителен предлог и против девет полициски службеници за злоупотреба на службената положба и овластување. Тие, според обвинителството, овозможиле кабарето „Пулс“ да добие лиценца во 2022 и 2023 година, иако не ги исполнувало законските услови, со што била прибавена значителна имотна корист.„За тројца полициски службеници е поднесен обвинителен предлог. При изготвување на записниците за извршена контрола во клубот во кои констатирале сторени прекршоци против јавниот ред и мир, внеле неточни податоци за правното и одговорното лице и дозволиле да бидат поведени прекршочни постапки против неактивното правно лице и физичко лице со намера за правното лице да прибави имотна корист“, велат од ОЈО-ГОКК.Во однос на уште седум полициски службеници, истражната постапка е запрена.„Постапувајќи по наводите од кривичната пријава поднесена од МВР поради постоење на основано сомневање дека сториле кривично дело тешки дела против општата сигурност, јавниот обвинител во текот на истрагата презеде повеќе дејствија со цел правилно и целосно утврдување на фактичката состојба. Притоа е утврдено дека на повеќе полициски службеници им се ставаат на товар дејствија што ги презеле во временскиот период од 2012 година до 2022 година. Имајќи во предвид дека надлежноста на специјализираното одделение е воспоставена во 2018 година, предмет на кривично правна оценка во оваа постапка беа само за дејствијата преземени од 2019 година до 2022 година, додека за останатите предметот е испратен на надлежно постапување во Кочани“, додаваат од ОЈО-ГОКК.За сите обвинети остануваат на сила мерките за обезбедување на нивното присуство во постапката, до конечна одлука на надлежниот суд.

Македонија | пред 1 месец

(Видео) Спиро Борисов и по две недели не ги демантира обвинувањата за земени 5.000 евра од Дацо Белски, на кого му одредил притвор

Речиси еден месец по тешките јавно изнесени обвинувања во поткастот „Претрес со Ландов“, Судски совет на Република Северна Македонија сè уште нема одговор на прашањата поврзани со случајот во кој поранешниот телохранител на Сашо Мијалков и Никола Груевски, Драганчо Стоименов – Дацо Белски, јавно обвини судија од Основниот суд во Кочани за сериозни злоупотреби.Како што објавивме на 18 јануари, Белски во емисијата тврдеше дека од неговата тогашна сопруга биле побарани 5.000 евра од судијата Спиро Борисов, откако нему му била определена мерка притвор. Тој пред камерите говореше за директни контакти на судијата со неговото семејство, за предавање пари кои подоцна биле прикажувани како „позајмица“, како и за посети на судијата во домот на неговите родители додека бил во домашен притвор.Во рамки на емисијата беа презентирани и пораки и скриншотови од комуникација за кои Белски тврди дека се разменети меѓу неговата поранешна сопруга и судијата, во кои се спомнува враќање на средства и конкретни износи, меѓу кои и 1.500 евра како дел од вкупната сума.И покрај сериозноста на изнесените тврдења и јавно прикажаните пораки, судијата Борисов до денеска нема јавно демантирано ниту еден од наводите. Дополнително, тој и натаму ја извршува функцијата и, според официјалните податоци, е и претседател на Основниот суд во Кочани.Редакцијата на „Скопје1“ и понатаму нема добиено одговор ниту од Судскиот совет на прашањата: дали е поведена постапка по претставката, дали е известено Јавното обвинителство, дали е побаран став од судијата и зошто, и покрај јавно презентираните докази и тврдења за тешки прекршувања на законот, нема мерка за негово привремено оддалечување од функцијата.Молкот на надлежните институции, како и отсуството на било каква јавна реакција од самиот судија, дополнително ги продлабочува сомнежите и ја отвора дилемата за ефикасноста на механизмите за надзор и одговорност во судството. Случајот, кој директно задира во интегритетот на судската власт, и понатаму останува без институционален епилог.Обвинувањта:

Студио | пред 1 месец

Повторно избор од тефтерче, професионалноста и стручноста не се прашуваат, вели Ивановска за надзорните одбори во Скопје

Поранешната претседателка на Државната комисија за спречување на корупцијата, Билјана Ивановска, јавно реагираше на последните избори на членови на управни и надзорни одбори во Град Скопје, оценувајќи дека процесот повторно се спроведува „од тефтерче“, без вистинска транспарентност и без почитување на принципите на професионалност и демократија.Ивановска посочува дека, и покрај јасните законски одредби кои треба да обезбедат транспарентност и стручност, праксата останува иста – политичката волја е единствениот и одлучувачки фактор. Според неа, членовите на управните и надзорните одбори најчесто се исклучиво партиски кадри, а при секоја промена на власта следува „чистка“ по принципот „или си од нашите или не“.„Никој не прашува за стручност, професионалност и одговорност“, реагира Ивановска, додавајќи дека ваквата практика создава лоша состојба во јавните претпријатија и институции.Таа потсетува дека Законот јасно предвидува дека, доколку основачот ги разреши сите членови на управен одбор, до изборот на нов состав може да назначи вршители на должност кои ги исполнуваат законските услови, со мандат од три месеци и без можност за продолжување.Клучното прашање што го поставува Ивановска е: како јавноста ќе знае дали предложените лица навистина ги исполнуваат законските услови, доколку не се соопшти јавно кои се кандидатите и по кои критериуми се избрани?Со оваа реакција, таа повторно го отвора прашањето за вистинската транспарентност и отчетност во кадровските политики на локално ниво, нагласувајќи дека без јавност и јасни информации, законските гаранции остануваат само „мртва буква на хартија“.

Коментари | пред 1 месец

Исмаил до Љутков: Следува милионска штета по буџетот по ваша вина – кога планирате да си поднесете оставка!

Пратеникот Реџеп Исмаил, од Левица, на седницата за пратенички прашања се обрати до министерот за култура Зоран Љутков, оценувајќи дека предупредувањата упатени уште во првите сто дена од неговиот мандат, дека ќе стане најлошиот министер за култура во историјата на државата, денес, на половина од мандатот целосно се оствариле.Според Исмаил ваквата оценка не е политичка квалификација, туку емпириски факт, поткрепен со состојбата во културата, кршењето на законите и последиците што веќе се мерат во судски спорови и финансиска штета.Главен проблем според Исмаил е свесното и системско кршење на Колективниот договор за култура. „Колективниот договор е донесен многу пред вашиот мандат, повеќепати беше оспоруван и секогаш потврден како уставен и легитимен. То сѐ уште важи и вие сте должни да го почитувате“, истакна пратеникот и додаде дека со доаѓањето на Љутков на функција започнало намерно саботирање на колективниот договор преку упатство од министерот со кое биле воведени незаконски пресметки на плати.„Со тоа упатство директно го прекршивте Колективниот договор. Ова не е политика, ова е правен факт“, рече Исмаил.Пратеникот посочи дека како резултат на ваквото постапување, во моментов има околу  800 тужби за пресметка на плати низ сите судови во Македонија, а дел од нив веќе се добиени во корист на работниците. „Речиси е извесно дека и останатите тужби ќе имаат ист исход. Прашање е дали сте свесен за штетата што ја нанесовте врз државниот буџет, штета која ќе биде поголема од онаа доколку Колективниот договор се почитуваше“. Опишувајќи ги состојбите во културата Исмаил се осврна и на случајот со Филхармонија кога на средина од конкурсот името на директорот беше јавно соопштено од коалицискиот партнер во Владата, а конкурсот се претворил во фарса.  Дополнително потсети дека во март минатата година над 3.000 работници во културата останаа без плата, што, како што нагласи е директна последица на неспособното и неодговорно раководење со Министерството за култура. Укажа и на фактот дека во два последователни буџетски циклуси се намалуваат средствата за култура, додека истовремено значително расте буџетот за НАТО.На крај, Исмаил своето обраќање го заврши со прашањето: „После сето ова останува само едно прашање – кога планирате да си поднесете оставка?“.

Македонија | пред 1 месец

Николоски: Одлични вести од Брисел за огромниот проблем на превозниците во Македонија

Вицепремиерот и министер за транспорт и врски Александар Николоски соопшти дека од Брисел пристигнале, како што ги оцени, „одлични вести“ во врска со долгогодишниот проблем на македонските превозници поврзан со престојот и работата во земјите од Шенген-зоната.„Нашите ставови се прифатени. Возачите се прифатени како професионалци. Тоа е токму она што го баравме“, порача Николоски, наведувајќи дека по протестите и интензивната дипломатска активност во изминатиот период, Европска унија ќе донесе нова визна стратегија.Според него, новата стратегија за визи ќе значи системско решавање на проблемот со кој се соочија професионалните возачи од Македонија, кои досега беа третирани како туристи и ограничени со правилото за престој од 90 дена во период од 180 дена.Николоски изрази благодарност до, како што рече, пријателите на Македонија кои помогнале во процесот за изнаоѓање решение, нагласувајќи дека станува збор за важен чекор за транспортниот сектор и за економијата во целина.Очекувањата се дека новата визна стратегија ќе овозможи појасен и поправеден статус за професионалните возачи, со што ќе се олесни нивната работа и ќе се избегнат блокадите и штетите кои во изминатиот период ги трпеше целиот регион.

Македонија | пред 1 месец

Латас најави контра-тужба за Ленче Ристоска: Ја споменала мојата фамилија

Новинарот Драган Павловиќ-Латас денеска преку јавна реакција соопшти дека ќе поднесе тужба за клевета против јавната обвинителка Ленче Ристоска, поради, како што тврди, неточни наводи изнесени на судското рочиште по нејзината тужба за клевета против него.Според Латас, Ристоска во судница спомнала членови на неговото семејство, при што тој тврди дека изнесеното не било точно и дека тоа лесно може да се докаже. Поради тоа, најави дека ќе покрене контратужба за клевета.„Обвинителката Ленче Ристоска, една од ʼониеʼ извикани обвинители на СЈО, по тужба за клевета против мене денес пред судот спомнала моја фамилија… Прво, спомнатото не е точно што е лесно докажливо и следи моја тужба за клевета против Ленче Ристоска.Да, таа Ленче што се кандидира за Вишо обвинителство и не ја примаат, за судија во СЧП во Стразбур - ја одбиваат, еве ја сега се кандидира за трето нешто - за државен (републички) јавен обвинител со целиот багаж и хипотека од СЈО.Но, кога одбрала да влегува во фамилии редно е да се потрудам и истражам, и секако потоа објавам, каков е крајот на судската кариера на нејзиниот татко.Крајот е срамен, според сечиј вредносен суд, и Ленче ќе биде заслужна што ќе биде и јавно познат“, напиша Латас.

Македонија | пред 1 месец

Ленче Ристоска бара 600.000 денари обештетување од Латас: Сметам дека тужениот имал и личен и финансиски интерес за моја дискредитација

Драган Павловиќ Латас денеска не се појави на рочиштето во Граѓанскиот суд, каде што за клевета и навреда го тужи јавната обвинителка Ленче Ристоска, објави „Фокус“.Ристоска пред судот објасни дека тужбата ја поднела затоа што од Драган Павловиќ Латас не добила извинување, туку, напротив, продолжиле медиумски и јавни напади кои, според неа, биле насочени кон нарушување на нејзиниот професионален углед и чест. Таа посочи дека во период од мај до декември биле објавени три таргетирани објави со клевети и навреди, кои предизвикале јавна реакција и директна штета по нејзиниот углед.Обвинителката наведе дека ваквиот наратив подоцна бил прифатен и од владејачката ВМРО-ДПМНЕ, што, според неа, резултирало со повлекување на првичната листа на кандидати за судија во Европскиот суд за човекови права и усвојување нов предлог, без нејзино име. Тоа, како што рече, покажува дека клеветите ја постигнале целта – создавање јавен впечаток за нејзина неподобност.Ристоска побара обештетување од 600.000 денари, нагласувајќи дека целта не ѝ е материјална корист, туку тужениот во иднина да известува објективно. Таа додаде дека и во јануари имало нови навредливи објави, за кои побарала извинување, но повторно не го добила.Дополнително, Ристоска истакна дека Латас имал и личен бенефит од ваквата кампања, посочувајќи дека зетот на тужениот, од редовите на ВМРО-ДПМНЕ, бил избран за член на Советот на АВМУ, со високи месечни примања, што, според неа, упатува на личен и финансиски интерес за нејзина дискредитација, пишува Фокус. Одбраната, преку адвокатката Анита Бегова, тврдеше дека не е нанесена штета и дека станува збор за јавни информации, при што ја обвини Ристоска за барање публицитет. За време на рочиштето, Бегова упати навредливи забелешки кон обвинителката, по што судијката ја опомена да го коригира однесувањето и да се воздржи од лични напади.

Македонија | пред 1 месец

Невиден ужас во неготинско: Четири лица злоставувале 13-годишно девојче, удирајќи ја и навредувајќи ја

Јавен обвинител од Основното јавно обвинителство Кавадарци донесе Наредба за спроведување истражна постапка против четири лица за кои постои основано сомнение дека сториле кривично дело – Силување на дете кое не наполнило 15 години казниво според член 188 став 3 од Кривичниот зкаоник.Осомничените на 14.02.2025 година се договориле и со возило зеле 13-годишно девојче-жртва од Неготино со кое еден од осомничените претходно се познавал. Детето го однеле локација надвор од неготинското село Криволак и сите имале сексуални односи со жртвата, удирајќи ја и навредувајќи ја, по што ја вратиле во Неготино.Во текот на претходната постапка осомничените беа обезбедени со мерки на претпазливост, а со поведувањето на истрагата јавниот обвинител побара од судот мерките да се заменат со ефективен притвор, особено бидејќи прибраните докази до овој момент упатуваат на сомненија за тешко кривично дело за кое е запретена казна затвор од најмалку 10 години или доживотен затвор.

Македонија | пред 1 месец

Одговорноста е твоја најголема добивка

Mozzart ја продолжува својата кампања за одговорно кладење – затоа што вистинската победа не е во бројките, туку во контролата.Секој ден носи избори. Некои се мали, некои големи – но сите имаат последици. Кога играме одговорно, ја чуваме радоста и довербата на оние што нè сакаат. Одговорната игра е знак на зрелост и почит – кон себе, семејството и заедницата.„Во спортот, како и во животот, дисциплината носи резултати. Но без одговорност, секој успех е залуден. Одговорноста е привилегија што нè прави победници – не само на теренот, туку и во животот. Постави мерка, почитувај ја и играј одговорно,“ порача познатиот водител Димитар Атанасовски во рекламата на Mozzart.Забавата е убава само кога има граници – затоа што границите нè штитат.Пораки од кампањата:-       Одговорноста е твоја најголема добивка.-       Забавата има смисла само кога ја контролираш.-       Постави лимит и држи се до него – тоа е твојата победа.-       Не дозволувај играта да стане товар – задржи ја како радост.Со оваа иницијатива, Mozzart уште еднаш ја покажува својата општествена одговорност и посветеност кон создавање безбедна средина за сите играчи. Целта е јасна: култура на свесно и безбедно обложување, каде секој знае дека вистинската победа е во контролата, а не во ризикот.ИНФОРМИРАЈ СЕ во новиот водич на Mozzart. Одговорноста е привилегија. Играј одговорно Mozzart.(ПР)

Македонија | пред 1 месец

Кадар на Алијансата на Албанците излезе од советничката коалиција на ДУИ во Град Скопје

Советникот Наим Бајрами, кој досега беше дел од Алијансата на Албанците и коалицијата НАИ предводена од ДУИ, во иднина ќе делува како независен член на Советот на Град Скопје.Ова денеска го соопшти претседателот на Советот на Град Скопје, Даме Димитровски, повикувајќи се на официјален допис доставен на 9 јануари.„Ве известувам дека согласно дописот од 09 јануари, членот на Советот Наим Бајрами, од НАИ, во понатамошната работа на Советот ќе делува како независен член на Советот“, изјави Димитровски.„Одлуката да настапувам како независен советник е одлука на мојата матична партија. Ќе останам да бидам критичен“, рече Наим Бајрами.Со оваа одлука, Бајрами ја напушта советничката коалициска рамка и своето дејствување во Совет на Град Скопје ќе го продолжи без партиска или коалициска припадност.

Скопје | пред 1 месец

(Видео) „Нас денес тука нѐ собра маката, празните фрижидери, а не политиката“, порачаа работниците од пред Владата

Работниците се обратија до Владата, порачаа дека нема да отстапат од барањето за 600 евра минимална плата.Пред нивната зграда, посочија дека дошле поради празните фрижидери и маката, а не политиката.Целиот говор, гледајте го тука:

Настани | пред 1 месец

(Видео) „Уа“, „лопови“ се извикува за Владата на протестот на работниците кои бараат 600 евра минимална плата

Претседателот на Сојузот на синдикатите на Македонија, Слободан Трендафилов, денеска од пред Собранието упати остра порака до носителите на јавни функции, најавувајќи блокади, генерален штрајк и директни законски иницијативи доколку не се прифати барањето за зголемување на минималната плата. Обраќањето беше на протестот за поголеми плати. Работниците извикуваа „уа“, „лопови“ за Владата.Трендафилов најави дека синдикатите ќе започнат собирање најмалку 10.000 потписи за да станат овластен предлагач на закон со кој ќе се побара намалување на платите на функционерите за 80 отсто.„Ќе следуваат блокади и генерален штрајк. И ќе следува тоа што вас највеќе ве боли – ќе собереме 10.000 потписи со кои ќе станеме овластен предлагач и ќе бараме за 80 отсто да ви се намалат вашите плати. Доколку не ја зголемите минималната плата, доаѓаме по вашите плати“, изјави Трендафилов, обраќајќи им се директно на пратениците и функционерите.Тој порача дека барањето на синдикатите е јасно и недвосмислено – минималната плата да изнесува 600 евра, а сите останати плати да се зголемат за најмалку 6.000 денари.„Ќе ве ставиме на тест – дали ќе гласате за себе или за луѓето кои ве избрале. Ќе гласате ли за сопствениот луксуз или за работниците кои со својот труд и даноци ви ги обезбедуваат платите?“, рече Трендафилов.Тој предупреди дека доколку пратениците не ги поддржат работничките барања, ќе дојдат други пратеници кои ќе гласаат за зголемување на платите на работниците, а сегашните ќе завршат „на другата страна на оградата“.„Нема да се откажеме. Нема да дозволиме да си играте со работничката пот од чии даноци земате плата“, порача претседателот на ССМ, најавувајќи продолжување и радикализација на синдикалните активности.

Настани | пред 1 месец

Преживеан од трагедијата во Романија тврди дека „lane assist“ го блокирал воланот, во несреќата загинаа седум лица

Еден од преживеаните во сообраќајната несреќа со минибусот во Романија, во која загинаа седум навивачи на грчкиот фудбалски клуб ПАОК, а тројца беа повредени, тврди дека системот за асистенција на лента можеби придонел за трагедијата, изјави во средата еден од лекарите што го лекуваат.Несреќата се случила во вторникот во близина на Темишвар. Навивачите патувале кон Лион, Франција, каде требало да присуствуваат на натпревар од Лига Европа. Засега не е познато на кое место во минибусот седел сведокот.Видео-снимка од несреќата покажува како црниот минибус претекнува цистерна што превезувала алкохол, по што се враќа во својата лента, но наеднаш повторно излегува во спротивниот правец и директно удира во камион што наидувал.Грчкиот лекар Димитрис Кукoулас, говорејќи за државната телевизија ЕРТ, изјави дека повредениот му рекол оти системот за асистенција на лента го „заклучил“ воланот, со што не можел да се врати во својата лента по претекнувањето.Системот за асистенција на лента е дел од помошните технологии за возачите и е наменет да спречи ненамерно излегување од лентата. Тој користи камери и сензори за да ги следи ознаките на патот и, во зависност од системот, или го предупредува возачот или благо интервенира во управувањето за да го задржи возилото во рамките на лентата. Системот автоматски се исклучува кога се вклучени трепкачите.Надлежните органи соопштија дека истрагата е во тек и дека се разгледуваат повеќе можни фактори за утврдување на причините за несреќата.Според Кукoулас, состојбата на преживеаниот е подобра во споредба со другите двајца повредени патници, при што тој има скршеници претежно на долните екстремитети. Во меѓувреме, членовите на семејствата на загинатите веќе пристигнуваат во Романија за идентификација на жртвите.ВИДЕО ТУКА

Свет | пред 1 месец

Построги казни, одземање возила и конфискација имот: што се менува во Кривичниот законик

Со измените и дополнувањата на Кривичниот законик се предвидува значително заострување на казнената политика, проширување на можностите за конфискација на имот, воведување нови кривични дела и построги санкции за сообраќајни, коруптивни и организирани криминални дејствија. Дел од одредбите ќе започнат да се применуваат од 1 февруари 2026 година, додека останатите осмиот ден од објавувањето во „Службен весник“.Со законските измени се проширува институтот на проширена конфискација, при што судот ќе може да конфискува имот стекнат до пет години пред извршувањето на кривичното дело, доколку утврди дека истиот ги надминува законските приходи на сторителот. Оваа мерка ќе се применува за тешки кривични дела, дела против службената должност, јавните финансии, имотот, здравјето, половата слобода, како и за дела сторени во рамки на злосторничко здружение.Со измените се воведува ново кривично дело – злоупотреба на туѓа снимка, фотографија, аудио запис или спис со сексуално-експлицитна содржина. За неовластено споделување, изработка, измена или закана со вакви содржини се предвидува затворска казна од една до пет години, а во потешки случаи и до осум години. Доколку делото е сторено врз дете, казната се движи од три до десет години затвор, а за службено лице се предвидуваат уште построги санкции. Материјалите и уредите со кои е извршено делото задолжително се одземаат.Во делот на сообраќајот се заоструваат санкциите за безобѕирно управување со моторно возило. Возење под дејство на алкохол над 1,5 промили, дрога, екстремно пречекорување на брзината, возење во спротивна насока или организирање и учество во нелегални трки ќе се казнува со затвор од три месеци до три години, задолжителна парична казна и забрана за управување со моторно возило од шест месеци до десет години. Дополнително, се предвидува можност, а во одредени случаи и обврска, за одземање на возилото со кое е сторено делото, вклучително и при повторување на тешки сообраќајни прекршоци.Измените опфаќаат и заострување на одговорноста за злоупотреба на службената положба и овластување. За основниот облик на делото се предвидува затвор од шест месеци до три години, а за случаи со поголема или значителна имотна корист или штета, казните се движат до осум години затвор. Посебно се санкционира незаконско спроведување или изменување на постапки за јавни набавки, при што во случаи со имотна корист или штета од големи размери се предвидува затвор од четири до десет години.Промени се прават и кај кривичните дела поврзани со судир на интереси, несовесно вршење дискреционо овластување и пропуштање должен надзор, со зголемени казни во зависност од тежината на последиците. Дополнително, се прецизираат и заоструваат одредбите за организирање и учество во криминални групи и банди, со казни до осум години затвор за организаторите и со можност за ослободување од казна за припадник кој ќе ја открие групата пред извршување на кривично дело.Со измените се проширува и кривичната одговорност за експлоатација на деца, особено во случаи кога родител, старател или друго лице од користољубие го изложува детето на питачење. Во најтешките случаи, кога ќе настане тешка телесна повреда, сериозно нарушување на здравјето или асоцијално однесување, се предвидува казна затвор од најмалку десет години.Измените на Кривичниот законик се изгласани од Собранието, и покрај критиките од дел од опозицијата.

Македонија | пред 1 месец

Евроинтеграциите повторно приоритет: Расте довербата во ЕУ, се бара консензус дома

По долг период на стагнација и скепса, поддршката за членство на Македонија во Европската Унија повторно бележи значителен раст. Според најновото истражување на Институтот за демократија „Социетас цивилис“, дури 71 отсто од граѓаните го поддржуваат приклучувањето кон ЕУ, што претставува зголемување од речиси 10 проценти во однос на минатата година.На презентацијата на истражувањата „Анализа на јавното мислење за пристапување во ЕУ (2014–2025)“ и „Нови глобални неизвесности, стари европски обврски“, одржана во Собранието, евроамбасадорот во Скопје Михаил Рокас оцени дека земјата има целосна поддршка за членство, но дека клучниот предизвик останува внатрешното обединување околу евроинтегративниот процес.Според Рокас, за да се искористи актуелниот политички момент, неопходна е широка политичка и општествена согласност – од институциите и опозицијата, преку граѓанскиот сектор, до деловната заедница и младите. Тој нагласи дека иако дел од јавноста надворешните фактори ги гледа како главна пречка, внатрешниот консензус е пресуден за надминување на останатите бариери.„Ако постигнеме единство, пречките ќе се надминат. Не станува збор само за можност, туку за специфичен политички момент кој не може да се споредува со претходните години“, порача Рокас.Истражувањата покажуваат дека Европската Унија и понатаму е партнер со најголема доверба кај македонските граѓани. Забележлив е растот на поддршката кај младите, како и намалувањето на етничките и политичките разлики во однос на европската перспектива. Меѓу најважните приоритети што ги издвојуваат граѓаните се владеењето на правото, борбата против корупцијата и заштитата на животната средина.Директорот на Институтот за демократија, Марко Трошановски, оцени дека зголемената поддршка е резултат на променетото јавно расположение и новите геополитички околности. Според него, во услови на зголемена неизвесност во глобалната политика, ЕУ се перципира како најстабилен и најдоверлив партнер.„Сè повеќе граѓани ја гледаат Македонија како дел од Западот. Во исто време, опаѓа бројот на оние што сметаат дека земјата веќе направила доволно и дека не се потребни дополнителни напори“, истакна Трошановски, предупредувајќи дека очекувањата за автоматска промена на условите за уставни измени се нереални.Податоците укажуваат дека европската интеграција повторно станува приоритет за мнозинството граѓани, вклучително и кај гласачите на ВМРО-ДПМНЕ, што аналитичарите го поврзуваат со нивното доаѓање на власт. По години на дилеми и колебања, ЕУ-перспективата повторно се наметнува како доминантна насока за иднината на земјата.

Македонија | пред 1 месец

Критика од Калајџиев за Маричиќ и СДСМ: Ако вредеа, немаше вака да завршат

Професорот по кривично право Гордан Калајџиев со остра критика се огласи по изборот на Бојан Маричиќ за претседател на Државната изборна комисија, оценувајќи дека Социјалдемократскиот сојуз на Македонија со ваквите потези „си пука во нога“.„СДСМ си пука во нога; ако Бојан Маричиќ и сличните нешто вредеа, немаше да завршат вака!“, порачува Калајџиев.Изборот на Маричиќ за претседател на ДИК следи по неговата активна политичка кариера во рамки на СДСМ. Тој беше еден од клучните луѓе во периодот по 2017 година, прво како советник за евроатлански интеграции на тогашниот премиер Зоран Заев, а потоа и како главен технички преговарач со Европската Унија. Во 2023 година стана и министер за правда, функција која ја напушти по промената на власта и изборниот пораз на СДСМ.Маричиќ важеше за еден од најлојалните и најекспонираните кадри на поранешното партиско раководство, особено во процесите поврзани со Преспанскиот договор и евроинтеграциите, кои денес се предмет на силни политички поделби во јавноста.

Коментари | пред 1 месец

Манасиевски тврди дека синдикатите блокирале значајно покачување на платите во администрацијата

Членот на Централниот комитет на ВМРО-ДПМНЕ, Валентин Манасиевски, денеска изнесе обвинувања на сметка на Сојузот на синдикатите на Македонија и неговиот претседател Слободан Трендафилов, тврдејќи дека тие одбиле предлог за зголемување на платите во администрацијата за 40 отсто во период од две години, на штета на работниците.Според Манасиевски, предлогот на Владата предводена од ВМРО-ДПМНЕ предвидувал значително зголемување на платите за административните службеници преку нов колективен договор, но истиот бил одбиен од раководството на ССМ. Како причина, тој наведува дека синдикалното раководство не сакало да го потпише новиот колективен договор, иако претходниот, потпишан со поранешната министерка за труд и социјална политика Јованка Тренчевска, веќе истекол.Манасиевски оцени дека со ваквиот потег, ССМ и Трендафилов ги оставиле работниците „на цедило“, обвинувајќи ги дека се политички мотивирани и блиски до СДСМ. Тој посочи дека Трендафилов, како што рече, е гласен кога СДСМ е во опозиција, но бил тивок во периодот кога таа партија била на власт.Во изјавата, Манасиевски истакна и дека ССМ досега не ги поздравила колективните договори во образованието и здравството, ниту зголемувањата на платите во Министерството за внатрешни работи, Министерството за одбрана и центрите за социјална работа.„Лицемерието на ССМ и на Слободан Трендафилов е целосно разоткриено. Додека јавно зборуваат за грижа за работниците, во практика одбиваат конкретен предлог за зголемување на платите од 40 отсто“, изјави Манасиевски.Тој оцени дека актуелниот протест е политички мотивиран и дека зад него, како што рече, стои отворена поддршка од опозициските партии СДСМ и Левица, додавајќи дека целта не е подобрување на стандардот на работниците, туку нанесување штета на Владата и на државата.

Македонија | пред 1 месец

Разбојништво во Штип: 82-годишна жена тешко повредена во напад во сопствениот дом

82-годишна жена од Штип пријавила дека била жртва на брутален напад и разбојништво во својот дом, информираат од Министерството за внатрешни работи.Според пријавата поднесена на 27 јануари 2026 година во 08:27 часот во СВР Штип, настанот се случил претходната вечер, на 26 јануари, околу 21:00 часот. Непознато лице, со употреба на физичка сила и подесен алат, насилно влегло во домот на жената и физички ја нападнало.Како последица на нападот, таа се здобила со тешки телесни повреди, кои ѝ биле констатирани во Клиничката болница Штип. Напаѓачот, по извршениот напад, ѝ одзел мобилен телефон и личен накит, по што се дал во бегство.Од МВР соопштија дека се преземаат интензивни мерки и активности за целосно расчистување на случајот и пронаоѓање на сторителот.z

Македонија | пред 1 месец

Бизнис агентка вработена во мобилен оператор присвоила мобилни телефони и оштетила компанија за околу 600 илјади денари

ОВР Гевгелија поднесе кривична пријава против С.Б. (36) од Струмица, поранешна вработена во еден мобилен оператор, поради постоење основи на сомнение дека сторила кривично дело „проневера во службата“.Според информациите од Министерството за внатрешни работи, пријавената во периодот од март до септември 2024 година, во својство на бизнис агент, свесно и со умисла присвоила осум мобилни уреди кои ѝ биле доверени во рамки на службените обврски.Таа, како што информира МВР, на менаџерот во Гевгелија му прикажувала дека ќе склучи бизнис-договори со пет правни лица од Гевгелија и Дојран, при што мобилните уреди требало да им бидат доделени како субвенција за направени активации и обнови на договори. Наместо тоа, уредите биле присвоени.Дополнително, при редовните месечни пописи во продажниот салон во Гевгелија, свесно било прикривано дека недостасува трговска стока, со што на оштетеното правно лице му била причинета имотна штета во износ од околу 600.000 денари.По целосно документирање на случајот, кривичната пријава е доставена до надлежното јавно обвинителство за понатамошна постапка.

Македонија | пред 1 месец