Пуцко Петрол и СДС го труеле народот, преку тендери од над 180 милиони евра за 7 години, вели Стојаноски

„Пуцко Петрол и СДС го труеле народот, преку тендери од над 180 милиони евра за 7 години“, вели Бојан Стојаноски, пратеник на ВМРО-ДПМНЕ и додава:180 милиони евра завршиле само на сметката на Пуцко Петрол, без притоа да се пресметаат 167 милиони евра за мазутот кој преку РКМ е испорачан до ЕСМ, т.е. РЕК Битола и ТЕЦ Неготино.Доколку се погледне целата сума се доаѓа до обрт од над 350 милиони евра кои СДС им ги овозможила на Пуцко Петрол, Јахоски и РКМ.Имено, Асмир Јахоски, Пуцко Петрол, од СДС како централна и локална власт за 7 години добил над 180 милиони евра во тендери.Пуцко Петрол 30 години имал статус на бела мечка во македонското општество, дозволено му било преку тендери да внесува што сака и како сака. Сега, во време на ВМРО-ДПМНЕ, ќе се стави крај на неговото криминогено однесување.И СДС, освен да молчи и да стои со наведната глава, нема право буква една да изусти. Затоа што криминалите ги правел во нивно време и тие го толерирале, нивниот судско обвинителски систем му ги намалува сега мерките за обезбедување присуство. Тоа е истиот систем кој СДС го брани, а почива на погрешните кадри во Судскиот совет.СДС свесно го толерирале Пуцко Петрол. И овозможиле Пуцко Петрол и РКМ во набавка на мазут да свртат стотици милиони евра, за што главна асистенција им правел директорот на ЕСМ во бегство, Васко Ковачевски.Пуцко Петрол и Асмир Јахоски беспрекорно функционираат на државните тендери додека СДС владее и во значаен дел од тендерите тие се и единствен понудувач.Разработената шема на Пуцко Петрол и СДС ги чини граѓаните и живот.Секогаш кога ќе помислиме на загаден воздух, тука е Пуцко Петрол и РКМ да не потсетат зошто е тоа така, но и кој е причината, која не смее да се повтори.

Македонија | пред 1 година

(Видео) Вознемирувачко: Автомобил во Белград удри граѓани кои оделе на протест

Денес во Белград се одржува голем студентски протест. Студентите кои го блокираат ЕТФ најавија дека има промена на планот - бината ќе биде поставена кај Славија и таму ќе се одржуваат говори, а протестот ќе се одржи пред Собранието. Собирот на граѓани почна неколку часа порано на различни локации во Белград.На социјалните мрежи е објавено видео од инцидент во населбата Жарково во Белград, каде автомобил влетал во толпа луѓе.Во Жарково веќе почнаа да се собираат студенти и граѓани кои од правец на Чукарица се упатуваат кон центарот на градот. Сепак, иако мирно се собирале, дошло до инцидент кога непознат возач со автомобил влетал во толпата, при што наводно повредил неколку лица, пренесува Нова.рс.

Свет | пред 1 година

Приведено лице од Пробиштип поради управување возило под дејство на алкохол

Денеска (15.03.2025) во 01.55 часот на магистаралниот пат Штип - Кочани, кај с.Долни Балван, општина Карбинци, полициски службеници го лишиле од слобода И.Д.(21) од Пробиштип.При контрола во патниот сообраќај, полициските службеници сопреле патничко возило „фолксваген пасат“ со пробиштипски регистарски ознаки, кое го управувал, и по преземени мерки било констатирано дека е под дејство на алкохол, односно дека има 1,70 промили алкохол во крвта, по што веднаш бил исклучен од сообраќај и задржан во полициска станица.По целосно документирање на настанот, против него ќе биде поднесена пријава по член 297 - а од Кривичниот законик - „безобѕирно управување со моторно возило“.

Македонија | пред 1 година

„На Кочо Анѓушев не му е местото на универзитетот“ - невладина во битка со бизнисменот од „црната листа“ на САД

Организацијата „Форум за образовни промени“ води јавна „војна“ со бизнисменот и професор, Кочо Анѓушев, кој е на т.н. „црна листа“ на САД. Организацијата води кампања со која посочува „На Кочо Анѓушев, не му е местото на универзитетот“. Потоа, објавија дека добиле писмо од адвокат од САД кој го застапува Анѓушев во кое, како што тврдат, им било наредено да не го користат името на Анѓушев во нивните активности.„Писмото од адвокатите пристигна во нашите канцеларии само неколку дена по герила акцијата на Машинскиот факултет, каде што ги повикавме студентите да побараат совети и трикови од нивниот професор за најлесниот начин да завршат на американската црна листа. Адвокатите, меѓу другото, најавуваат дека ќе поднесат жалба против нас пред институциите на САД. Но, да ве потсетиме дека Форумот за образовни промени не функционира под наредба, затоа: На Кочо Анѓушев не му е местото на Универзитет, На Кочо Анѓушев не му е местото на Универзитет, На Кочо Анѓушев не му е местото на Универзитет. Три, четири, пет, илјада пати ќе го повториме истото, бидејќи цврсто веруваме дека луѓето за кои САД имаат докази дека ја злоупотребиле службената должност, треба да бидат што подалеку од студентите. Секогаш кога некој богат човек ќе се обиде да ги искористи државните институции за да ги замолчи активистите, демократијата е во опасност. SLAPP-тужбите имаат за цел да цензурираат и заплашуваат активисти – но, нека му каже некој на Анѓушев дека активистите од Форум за образовни промени не само што не се плашат од овие постапки, туку тие само нè мотивираат да продолжиме“, стои во дел од објавата на Форумот за образовни промени.„Скопје1“ побара став од Анѓушев преку прес-службата на неговата компанија пред десет дена, но не доби одговор. Ги прашавме дали е точно дека Анѓушев има ангажирано фирма од САД и од кои причини, дали смета дека ова е обид за цензура и закана со СЛАП-тужба, како го коментира барањето тој дане биде професор на Универзитетот, како и дали има одговор на прашањето кое му го поставија, а гласи: „како да завршиш на американската црна листа?“.

Македонија | пред 1 година

(Видео) Еве каде е Вучиќ додека се подготвува најголемиот протест против него

Додека граѓаните се собираат во центарот на Белград за да одржат голем протест со студентите, српскиот претседател Александар Вучиќ замина на другата страна на градот. Вучиќ го посети градилиштето во Сурчин каде ќе се одржи ЕКСПО 2027.„Луѓето сонуваат различни соништа. Сакам Србија која се гради, Србија која напредува, Србија која победува. Србија ќе победува денес и секогаш“, се вели во описот на оваа објава.Во Белград денеска се одржува голем студентски протест. Централниот митинг започнува во 16 часот пред Собранието на Србија, додека собирот на граѓаните ќе започне неколку часа порано на различни локации во Белград.Вучиќ вчера и се обрати на јавноста. Тој постојано тврдеше дека собирот ќе биде насилен, дека разузнавачките служби имаат информации за планирани инциденти и дека државата ќе спречи обид за „шарена револуција“.Вучиќ вели дека е подготвен да падне од власт.„Горд сум на она што го направив во последните 15 години. Нема да плачам, а задутре ќе разговараме за тоа како ме соборија. Тоа е гол повик на насилство“, рече тој.„Вие што ги уништувате Србите како народ, вие што мислите дека Косово е независно, вие што мислите дека Србите се геноциден народ“, ин рече Вучиќ на организаторите на протестот.

Свет | пред 1 година

ДВ: ЕУ ќе продолжи да ја снабдува Украина со оружје дури и во случај на прекин на огнот

Европската Унија ќе продолжи да ја снабдува Украина со оружје дури и ако се воспостави 30-дневен прекин на огнот, со цел да се зајакне позицијата на Украина во преговорите и да се спречи потенцијална нова руска офанзива, дознава Дојче веле (DW), повикувајќи се на европски дипломати на 14 март.„Лидерите на ЕУ сакаат да обезбедат дека Украина е во најсилна можна позиција за мировни преговори и може да отфрли неповолен договор, избирајќи го вистинскиот момент за дијалог“, рече дипломат од Брисел.Неколку дипломати се согласија дека ЕУ и нејзините земји-членки треба да продолжат да ја снабдуваат Украина со оружје, дури и ако Русија бара прекин како услов за прекин на огнот. Тие нагласија дека наместо да се намали поддршката, Украина треба дополнително да се вооружува при секое затишје во борбите.„Борбените операции се во тек, но дури и ако има привремена пауза, Украина мора да стане железен еж“, рече претставник на ЕУ.Според ДВ, на претстојниот состанок на Советот за надворешни работи на ЕУ на 17 март ќе се разговара за потенцијален прекин на огнот, при што европските лидери повторуваат дека одбраната на Украина е директно поврзана со безбедноста на ЕУ. Официјални лица нагласуваат дека блокот мора да игра клучна улога во обликувањето на безбедносниот пејзаж на Европа.Министрите за надворешни работи на ЕУ ќе разговараат и за пакетот воена помош предложен од потпретседателката на Европската комисија Каја Калас. Предлогот наведува нова иницијатива за финансирање во опсег од 20 до 40 милијарди евра за поддршка на одбранбените потреби на Украина до 2025 година.Пакетот ќе финансира артилериски гранати, системи за противвоздушна одбрана и ракетни набавки, како и обука и опремување на украинските воени бригади. Иако првичните дискусии не ја прецизираа точната сума, ревидираниот предлог поставува минимален праг од 20 милијарди евра.„Дваесет милијарди евра одговараат на пакетот за поддршка на ЕУ за Украина за 2024 година, додека 40 милијарди евра би можеле да компензираат за потенцијалното намалување на американската помош, која изнесува 16 милијарди евра оваа година“, објасни европскиот дипломат.Претходно, Михаило Подољак, советник на шефот на Кабинетот на украинскиот претседател изјави дека доколку стапи на сила 30-дневниот прекин на огнот, воената состојба ќе остане на сила и нема да се одржат избори.

Свет | пред 1 година

Трамп: Бев малку саркастичен кога реков дека мирот може да се постигне за 24 часа

Пред да ја преземе функцијата по вторпат, претседателот Доналд Трамп тврдеше дека може да ја реши руско-украинската војна за само 24 часа. Американскиот лидер со години постојано зборуваше за своите вештини за склучување договори.Но, повеќе од 50 дена во неговата администрација, тој сè уште не постигна мир во Украина.„Па, бев малку саркастичен кога го кажав тоа. Она што навистина го мислам е дека би сакал да го решам и мислам дека ќе бидам успешен.“, рече Трамп во интервјуто, прашан за 24-часовното тврдење.Тоа беше ретко признание од Трамп, кој има долга историја да дава претерани изјави, пишува Sky News.

Свет | пред 1 година

СДС, преку бегалецот Васко Ковачевски, се учесници во криминалот на Пуцко Петрол, вели ВМРО-ДПМНЕ

„СДС е директен учесник во криминалот со канцероген мазут тежок 167 милиони евра. На македонската јавност и е многу јасно дека за дебело да профитира нивната политичката и бизнис елита, СДС и ДУИ посегнаа и кон труење на граѓаните. Пуцко Петрол е омилена компанија од владеењето на СДС и ДУИ. Таа е фирма на син на омилениот пратеник на СДС од ДУИ, Исмаил Јахоски“, вели ВМРО-ДПМНЕ и додава:„Седум години на власт, СДС се погрижиле династијата од Пласница енормно да го зголеми богатството, но за жал на штета на здравјето на граѓаните. Седум години Пуцко Петрол од СДС, како од централната, така и од локалната власт земал тендери тешки милиони евра. Седум години Пуцко Петрол заедно со РКМ ги труеле граѓаните со канцероген мазут. Седум години СДС го толерирала Пуцко Петрол, затоа што и самите беа вклучени во криминалот тежок скоро 167 милиони евра, преку кој со канцероген мазут го труеја народот. Директни учесници на СДС во овој криминал во ТЕЦ Неготино, се нивниот кадар и директор во бегство од правдата, Васко Ковачевски и другите нивни функционери“.

Македонија | пред 1 година

(Видео) Мажи во црно искршија стакла на тракторите на „учениците“ на Вучиќ

Министерството за внатрешни работи на Србија (МВР) соопшти дека за време на нерегистриран студентски митинг во Белград, имало повеќе инциденти, главно насочени кон учесници на друг студентски собир во Паркот Пионирски, при што биле приведени две лица.Две лица се уапсени поради нарушување на јавниот ред и мир, а оштетени се поголем број трактори во паркот Пионер - дупнати гуми, искинати врати, искршени кабини и стакла, еден трактор превртен, а друг истуркан на улица, се вели во соопштението од МВР.Синоќа на социјалните мрежи се појавија слики од оштетени трактори, кои дење биле паркирани околу Паркот на Пионер.Набрзо почнаа шпекулациите дека за ова се одговорни луѓето кои се враќале од церемонијата за пречек на студентите во Теразије. Сепак, објавено е видео на кое се гледаат непознати млади мажи облечени во црно. Наводно, тие се обвинетите дека се обиделе да им го припишат овој инцидент на студентите кои денеска организираат голем протест во Белград.

Свет | пред 1 година

Лукашенко: Некои украински политичари тајно разговараат со Путин

Некои украински политичари тајно разговараат со рускиот претседател Владимир Путин, изјави белорускиот лидер Александар Лукашенко во интервју за програмата „60 минути“. Тој не откри кој точно контактирал со политичарот, но рече дека самиот Путин може да зборува за тоа, пренесува Инфо24.Во разговор со новинарката Олга Скабеева, Лукашенко изрази мислење дека во Украина нема политичари „преговарачи“. Во исто време, претставниците на белоруската влада, според него, го продолжуваат дијалогот со Киев и покрај тоа што Украинците не изразуваат желба за комуникација со Минск и Москва.„Нема да зборувам, нека зборува Владимир Путин. Тој разговараше со нив. Му се јавија, му кажаа. Тој разговараше со некои луѓе. Тоа беше нејавен договор дека тие ќе зборуваат“, рече Лукашенко.Тој истакна дека Путин се уште јавно не известил за контакти со претставници на украинската влада. Самиот претседател на Белорусија нема овластување да ги објави овие информации, рече тој.

Свет | пред 1 година

Голем протест: „Белград не го памети ова!“; Снимени маскирани лица облечени во црно, има уапсени

Од вчера попладнето до по полноќ, илјадници белграѓани ги пречекаа студентите кои пристигнуваа од целата земја, пешачејќи, трчаа на штафетен маратон, доаѓаа и со велосипеди, кон главниот град, каде денеска ќе учествуваат на големиот протестен митинг.„Белград не го памети ова до сега, но отсега ќе се сеќава на оваа младина која ја сврте Србија и, се надевам, ќе ја смени“, вели една постара белграѓанка, бришејќи ги солзитеПоворки студенти пристигнаа од западна Србија, Ниш, Нови Сад, Панчево, Вршац, Суботица, Шабац, Лозница, Уќице, Чачак, Крагуевац... во Теразије беа пречекани со црвен тепих и огномет, а беа наградени со медали за истрајност и посветеност.Првите поворки почнаа да пристигнуваат во петокот околу 19 часот и 30 минути, а граѓаните ги пречекаа во редица од плоштадот Славија по централната улица Крал Милан, Теразије и плоштадот Репшублика.„И тие дојдоа од Ниш“ беше текстот на транспарентот зад кој поворка студенти од Ниш се упати кон центарот на Белград кај фонтаната Теразие, придружувајќи им се на своите колеги од Панчево и Вршац попат. Тие беа пречекани со огномет и факели, а граѓаните ги вклучија батериските светилки на мобилните телефони.Српското МВР (МВП) ноќта меѓу петокот кон саботата соопшти дека имало неколку инциденти за време на нерегистриран студентски собир во Белград, главно насочени кон учесници на друг студентски митинг во Паркот Пионирски, и дека се приведени две лица.Две лица се уапсени поради нарушување на јавниот ред и мир, а оштетени се поголем број трактори во паркот Пионер - дупнати гуми, искинати врати, искршени кабини и стакла, еден трактор превртен, а друг истуркан на улица, се вели во соопштението од МВР.Нова.рс јавува дека утрово во центарот на Белград има голем број полицајци пред трактори кои го оградуваат паркот Пионер. Граѓаните од утрово пристигнуваат од правец на Нов Белград кон центарот на градот, движејќи се во помали групи.

Свет | пред 1 година

Мајка на жртвата во новосадската трагедија: Овие деца ме вратија во живот

Вчера, десетици илјади луѓе ги „окупираа“ сите пристапни улици за да им приредат величествено добредојде на оние што пешачеа и со велосипеди со денови возеа од цела Србија до главниот град за 15-те луѓе кои загинаа под покривот на железничката станица во Нови Сад.Дијана Хрка, мајката на 27-годишниот Стефан, една од 15-те жртви во новосадската трагедија, дојде во Теразие да им даде поддршка на студентите, а тие ја пречекаа со полно срце и душа. Тие плачеа со неа, ја прегрнаа и ѝ се заблагодарија што собра сили да дојде и да ги поддржи.„Стефан работеше во Нови Сад и требаше да се видиме тој викенд, но...“, рече Дијана и не ја заврши реченицата.Поминаа четири и пол месеци од смртта на нејзиниот син, но болката се уште е неопислива.„Не можам да ви опишам низ што поминував и како се чувствував сите овие месеци. Тоа е огромна загуба и чувствувам голема празнина, но овие деца ме вратија во живот“, вели таа.„Простете ми што го кажав ова, но мислам дека никогаш не сме имале ваква генерација. Храбри, силни, решителни, паметни, чесни... Морам да употребам лош збор овде, но навистина ми се гади кога некој ќе каже дека се купени. Тоа се деца кои даваат пример, сега ни одржуваат лекција, ни одржуваат лекција што самите не успеавме да ја одржиме“ - рече таа.

Свет | пред 1 година

Американците елиминираа еден од најопасните терористи во светот; Трамп: Неговиот мизерен живот заврши

Абдалах Маки Муслих ал-Рифа, познат како Абу Кадија, истакнат водач на Исламската држава во Ирак и Сирија, беше убиен во заедничка операција на ирачките разузнавачи и коалициските сили предводени од САД. Ирачкиот премиер Мохамед Шија ал Судани изјави дека Ал Рифа е еден од најопасните терористи во светот, пренесува Би-би-си.Американскиот претседател Доналд Трамп ја пофали операцијата, велејќи дека Ал Рифа бил „неуморно ловен“ од американските војници. Американската централна команда (Centcom) објави видео од нападот извршен во ирачката провинција Ал Анбар во четвртокот. Ал-Рифа беше на чело на најважното тело на Исламската држава, одговорно за глобалните операции, логистика и финансии. Покрај тоа, тој ги насочуваше финансиите на целата организација на ИД.Трамп објави на платформата Truth Social: „Неговиот мизерен живот беше прекинат, заедно со уште еден член на ИСИС, во координација со ирачката и курдската влада. Мир преку сила!“Абдалах Маки Муслих ал Рифа и уште еден оперативец на Исламската држава беа пронајдени мртви со неексплодирани самоубиствени елеци и оружје. Centcom потврди дека ги идентификувале користејќи примерок од ДНК од претходната рација.„Ќе продолжиме да ги уништуваме терористите и нивните организации кои ја загрозуваат безбедноста на нашите војници и партнери“, изјави генералот Мајкл Ерик Курила.Иако ИД беше официјално поразена во 2017 година, групата продолжува да претставува закана преку милитантите и заспаните ќелии во Ирак, изведувајќи спорадични напади врз воените и полициските сили.Исламската држава некогаш имала 88.000 квадратни километри територија, која се протегала од североисточна Сирија преку северен Ирак и наметнала власт над речиси осум милиони луѓе. Ирак го прогласи поразот на ИД во декември 2017 година, а групата беше протерана од нејзината последна територија во 2019 година, но милитантите продолжуваат да вршат спорадични напади врз ирачката армија и полиција.

Свет | пред 1 година

(Видео) Детали за сообраќајката во Ѓорче Петров:

Денеска околу 19 часот во СВР Скопје е пријавено дека се случила сообраќајна несреќа на ул.„Ацо Шопов“ во Скопје, во која учествувале патничко возило „фиат“, управуванo од Б. Р. (25) од с.Буковиќ, патничко возило „пежо”, управувано од С.А. (52) од Скопје и моторцикл „сузуки“ управуван од А.Ј. (35) од Скопје.Б.Р. и А.Ј. со Итна медицинска помош се пренесени во ГОБ “8 Септември”.Во моментов се врши увид на местото на настанот.

Скопје | пред 1 година

(Видео) Ужасна несреќа вечерва во Ѓорче: Возач на мотоцикл во тешка состојба, возилото распарчено на пола

Тешка сообраќајна несреќа се случи вечерва во Ѓорче Петров, кај комплексот „Александрија“. Учествувале три возила, од кои два автомобили и еден мотоцикл. Очевидци за „Скопје1“ дека возачот на моторот бил во тешка состојба по несреќата. Мотоцикл, пак, од силината на ударот е поделен на два дела.На лице место дошла Брза помош, а лицето веднаш било пренесено во болница, откако му била укажана прва помош. Засега не е позната состојбата на другите двајца возачи и евентуални сопатници.„Скопје1“ побара детали од МВР, од каде изелгоа со првични информации.„Денеска во СВР Скопје е пријавено дека на крстосница од улиците “Скупи” и “Ацо Шопов” се случила сообраќајна несреќа во која учествувале две возила и мотоцикл. Две лица со ИМП се пренесени во болница за укажување помош. Во моментов се врши увид на местото на настанот“, велат од МВР за „Скопје1“.Местото го обезбедува полиција, а улицата е затворена за сообраќај.

Скопје | пред 1 година

Вучиќ: Нема вонредна состојба, ќе обезбедиме максимална безбедност за утрешните протести

Претседателот на Србија Александар Вучиќ вечерва одржа прес-конференција на која зборуваше и за големите протести најавени за утре во Белград, на кои, според последните информации, се очекува да привлечат повеќе од 800.000 луѓе.Вучиќ првично изјави дека тешката несреќа во Нови Сад на Железничката станица ја зафати цела Србија.„Поради тоа што се случи, моравме да воспоставиме брза, јасна, но не произволна одговорност. Кривична, политичка и морална одговорност воспостави државата. Само два дена по оваа трагична несреќа се соочивме со деструктивни и насилни демонстрации. По некое време почнаа протести и блокади од студентски блокатори. Нивните барања ги сфативме како добронамерни и сакавме да веруваме дека овие барања се производ на примарната потреба на младите за правда и желбата да придонесат за напредокот на нашето општество. На сите четири барања одговоривме со целосно внимание и посветеност, но кога зборував за исполнување на барањата на надлежната служба знаев дека тоа нема да биде доволно бидејќи целта не беше исполнување на барањата, туку создавање шарена револуција во Србија“, тврди Вучиќ.Вучиќ во својот понатамошен говор наведе се што направил за Србија и нејзиниот народ и додаде дека поради сето ова не поддржал ниту еден собир или граѓански пленум.„Нема да дозволам никој да уништи се што изградивме, ниту иднината на оваа земја, ниту нејзината младост“, рече тој.Тој потоа се осврна на утрешниот голем протест што ќе се одржи во Белград.„Овој собир е незаконски и не е пријавен до надлежните државни органи. Ова го нема во ниту една земја освен нашата, но ние сме многу демократска земја и наместо палки ќе помогнеме на секој начин да се обезбеди нивниот собир. Од една страна имаме нелегален собир, а од друга страна ги имаме сите полициски агенции кои ќе ги ангажираме собирот да тече без никакви проблеми. Организаторите на нелегалниот собир ќе ја сносат целата одговорност, но ние ќе се потрудиме да ги заштитиме учесниците на тој собир, како и сите други луѓе како оние во Пионер паркот, како и сите институции од учесниците на тој собир. Државата Србија ќе ги преземе сите неопходни мерки за да обезбеди мир, а оние кои ќе и се закануваат ќе бидат уапсени и најстрого казнети. И ги повикуваме сите оние кои планираат утре да демонстрираат, иако протестот е незаконски, да не го прават тоа затоа што ќе бидат уапсени, а исто така и секој учесник на тој голем протест да знае дека ќе биде уапсен и ќе одговара пред лицето на правдата доколку нападнат некого или загрозат институции“, нагласи Вучиќ.

Свет | пред 1 година

Златото урива рекорди

Светската цена на златото денеска се искачи на неверојатни рекордни 3.000 долари за унца. Ова е поради глобалната трговска неизвесност и очекувањата дека каматните стапки во САД ќе бидат намалени.Цената на златото порасна за 0,4 отсто на 3.000,20 долари за унца.Од почетокот на годината цената на златото порасна за повеќе од 14 отсто. Во последните 25 години цената на златото се зголеми за десет пати.Скокот на цената на златото обично се поврзува со економски и политички турбуленции.

Свет | пред 1 година

Европска и регионална поддршка за ССМ: Власта да ги тргне канџите од синдикализмот

Сојузот на синдикати на Македонија побара и доби поддршка од Европската и меѓународната конфедерација на синдикати. Се пожалија на организирано мешање во синдикатот од страна на власта, пред се на ВМРО-ДПМНЕ.Претставници на Европската конфедерација и од регионот дојдоа да дадат поддршка на барањето на ССМ.Велат, земја што не ги почитува синдикатите мора да биде повикана на одговорност. Македонија, како земја со аспирации за членство во европското семејство, треба да ги тргне канџите од синдикализмот бидејќи истиот е дел од вредностите на Европската унија.Зад ССМ застанаа и Самостојните синдикати на Србија, Босна и Херцеговина и Црна Гора, кои оценија дека минималната плата во Македонија е под секој минимум.,,Ќе се заложиме да обезбедиме никој да не одлучува наместо нас, без нас. Во одреден момент успеавме, во одреден момент не”, изјави Душко Вуковиќ, независен синдикат на Србија.Херцеговина.,,Ние донесовме заклучоци јавно да им дадеме поддршка на нашите колеги, синдикалци од Македонија, во однос на минималната плата, која е навистина толку ниска, што е под секој минимум”, изјави Душко Зарубица, генерален секретар на синдикати во Црна Гора.Од Европската конфедерација на синдикати излегоа со став дека ќе ја известат Европската комисија дека Владата врши притисок да не се зголемуваат платите и дека целиот случај ќе го стават под мониторинг.,,Дојдовме во Скопје да разговараме како да ги зајакнеме синдикатите, да ги застапуваме сите вработени и како да се бориме за подобри услови за работа. Низ Европа усвоивме директива за минимална плата. Оваа директива дава насоки за сите земји во Европа за тоа како да се утврди соодветна и правична минимална плата и како да се поддржи колективниот договор”, вели Теа Јарц, секретарка на Европската конфедерација на синдикати.На притисок одговараме со притисок, вели првиот синдикалец Слободан Трендафилов, посочувајќи дека пред работникот не смее да застане никој во спротивно ќе се соочат со моќта на синдикалното ехо.

Македонија | пред 1 година

Бугарија се повлече од изградбата на Коридор 8

Нашиот сосед Бугарија, донесе одлука да ги повлече парите што беа планирани за реконструкција на делот од пругата Софија – Ѓуешево.На ова реагираше министерот за транспорт, Александар Николоски. Тој посочи дека со жалење ја примил информацијата, која е официјален документ од бугарската Влада со кој одлучиле да ги тргнат средствата што биле претходно предвидени за реконструкција на пругата.,,Остануваме силно посветени на изградбата на железничкиот Коридор 8. Во овој момент, активно се работи на втората секција, во должина од 34 километри, која оди од Бељаковце до градот Крива Паланка. Во јануари ја пуштивме првата секција од Куманово до Бељаковце и остануваме посветени на дијалогот со Бугарија со цел на изнаоѓање заеднички прифатливо техничко решение во однос на тунелот што треба да ги спојува двете држави, изградба на третата секција, затоа што сметаме дека Коридорот 8 е од исклучително значење не само за Македонија туку и за целиот регион и за цела Европа. Тоа е НАТО коридор, втор по значење коридор за НАТО и нашата посветеност останув”, изјави министерот Николовски.Министерот за транспорт пренамената на парите ја оцени како политичка пропаганда против македонската влада.,,Донесоа одлука парите да ги пренасочат, со што испраќаат политичка порака за нивната посветеност односно непосветеност за изградбата на железничкиот Коридор 8 и исто така паѓа во вода целата пропаганда која беше водена во изминативе седум месеци против пртеседателот на Владата, првенствено против премиерот Мицкоски и против мене дека имаме нешто проитв Бугарија, дека не сакаме да се поврзуваме, дека имаме некаква оска Атина Белград и слични глупости кои беа дел од пропагандата. Но, на крај вистината излезе а тоа е дека било залажување и пред јавноста и пред европските институции, а намерите биле сосема различни”, изјави Николовски.Тој соопшти дека утрово испратил писма до европската делегација, европската транспортна заедница и до двете банки – Европската инвестициска банка и Европската банка за обнова и развој.,,Македонија има потпишани договори за кредит за Коридорот 8 во висина од 350 милиони евра и за истите доколку не се користат, ќе треба да плаќа резервација. А во овој случај, користењето нема да се паузира поради нас, туку поради соседната држава. Затоа, на овој начин ќе се обидеме да го заштитиме финансискиот интерес на државата”, рече Николоски.

Македонија | пред 1 година

Калајџиев: Кој само ја даде таа идеја владата да организира протести против судството?!

Професорот по кривично право, Гордан Калајџиев, се огласи со став по најавата на Христијан Мицкоски дека ќе има протести ако членовите на судскиот совет не си поднесат оставки:„Кој само ја даде таа идеја владата да организира протести против судството?! Абе уште 100 години нема да влеземе во ЕУ“, гласи неговата реакција.

Македонија | пред 1 година

Јахоски од “Пуцко петрол” однесен во затворот во Шутка

Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење организиран криминал и корупција, изјавена против решение на судија на претходна постапка против А.Ј. , а поврзано со истрагата за набавка на мазут во ТЕЦ Неготино, по одржана јавна седница како и ценење на наводите во жалбата и одговорот на жалба донесе решение со кое:Мерката куќен притвор , определена со решение на судија на претходна постапка се преиначува и се определува мерка притвор во траење од 30 дена заради постоење на основите од чл. 165. ст.1 т. 1 и 2 односно Опасност од бегство и Околности кои укажуваат дека истиот може да ја попречи истрагата со влијание врз сведоци.Донесеното решени е доставно до странките во постапката и добиено е известие од надлежната полициска станица дека лицето е обезбедено и спроведено во Истражниот затвор Скопје.

Македонија | пред 1 година

Костадиновски: Подготвителната седница за Законот за јазиците ќе се емитува во живо, секој граѓанин ќе гледа и слуша како ја водиме постапката

Претседателот на Уставниот суд, д-р Дарко Костадиновски денеска одржа брифинг со новинарите на кој информираше за одржување на претстојната Подготвителна седница за Законот за употреба на јазиците.Костадиновски соопшти дека присуство на седницата која ќе се пренесува во живо, потврдиле 13 домашни експерти од областа на уставното право и судовите, како и двајца надворешни експерти. Тие ќе одговараат на шест правни прашања на судиите.Најавено е пристуство на Мартин Кауер, потпретседател на Венецијанската комисија, судијата Артурс Кучс, судија на Европскиот суд за човекови права со експертиза за малцинските права и употребата на малцинските јазици, кој ќе ја образложи праксата на ЕСЧП во слични случаи и ќе ги презентира европските стандарди за употребата на јазиците. Од домашните експерти присуство потврдија Маргарита Цаца Николовска, поранешен судија на ЕСЧП, Рената Дескоска, професор по уставно право и член на Венецијанската комисија, професoрите од правниот факултет „Јустинијан I", Борче Давитковски, професор по административно право и јавна администрација, Гордана Лажетиќ, професор по казнено процесно право, Денис Прешова, професор по уставно право, Јетон Шасивари, професор по уставно право на Универзитетот за Jугоисточна Европа, Мерсељ Билали, професор по меѓународно право, професор Мерсим Максути од Државниот универзитет во Тетово, Абдул Меџит Нуредин професор од Меѓународниот универзитет Визион од Гостивар, доц. д-р Азам Кор Бајрам од Универзитетот Визион Гостивар, Жаклина Доведен, претседател на Апелационен суд Битола, Иван Џолев, претседател на Кривичен суд Скопје, Бурим Сејдини, претседател на Управен суд.Костадиновски даде појаснување за значењето на подготвителната седница, фазите на постапката потенцирајќи дека одржување на таква седница значи собирање на експертски мислења, но не и дека Судот ќе донесе конечна одлука на 20 март, со што ги демантираше изјавите на одредени политички субјекти дека Судот ќе укинува права уредени со Уставот.„На седницата ќе се дискутира за материјалниот аспект, бидејќи за формалната страна веќе е исцрпена дискусијата со одржување на подготвителна седница на 18 март 2021 година за Указот за прогласување на Законот за употреба на јазиците. Да појаснам, материјалниот аспект се однесува на содржината на одредбите, додека формалниот е начинот на донесување на законот. Согласно членот 40 од Актот на Судот, подготвителна седница се организира заради разјаснување на фактичката и правната состојба по одделни предмети, на седницата судиите поставуваат прашања во врска со спорните правни и фактички прашања кои се битни за одлучувањето на Судот. ”, кажа Костадиновски.Претседателот на Уставниот суд најави дека за прв пат подготвителната седница не само што ќе се овозможи снимање во живо, туку и ќе се емитува на неколку платформи паралелно со симултан превод и на англиски и на албански јазик, за што Судот ќе објави дополнително упатство следната недела, според кое секој граѓанин со едноставен пристап до интернет ќе може во реално време да ги слушне сите аргументи и стојалишта на експертите.„Со оглед на сензитивноста на овој предмет, Судот ќе обезбеди транспарентно и отворено водење на постапката, за секој граѓанин во државата да може да види и слушне како се водат седниците. Целта е да допреме до јавноста и да се сузбијат сите дезинформации и манипулации кои се врзани со овој предмет, бидејќи сме свесни дека се користи за лични политички и други цели на начин што се злоупотребуваат чувствата на граѓаните”, рече Костадиновски.Одговарајќи на прашања од новинарите околу политичкиот фокус за предметот, Костадиновски изјави дека политичарите имаат ппредметот се злоупотребува за дневни политички теми.– Не е мојата цел да ги разубедувам политичарите, нема да престанат, нивните манипулации ќе продолжат. Ако успееме ние како суд да ги убедиме граѓаните да не бидат манипулирани, тоа е успех, изјави претседателот Костадиновски.Претседателот апелираше да се внимава на терминологијата и информациите кои се пласираат во јавноста поврзани со овој предмет и ги отфрли сите обвинувања упатени кон Уставниот суд кои се во насока на одлучувањето по овој предмет.„Со индигнација ги отфрлам сите лаги, тешки манипулации кои веќе преминуваат во сферата на опасни манипулации. Што треба ние да направиме со таа иницијатива? Да ја земеме да ја искинеме, да ја чуваме во фиока до 2030 година, до 2040, 2050 година? Што треба да направиме кога имаме јасно определени надлежности и должности. Ние сме должни да одговориме на прашањето. Но, сега да се употребуваат такви тешки зборови, да се игра на чувствата на граѓаните, да се манипулира е навистина брутално, ова е политички примитивизам, политичко дивјаштво. Ова се лаги, невистини. Од каде знаат каква ќе биде одлуката на Судот? Кој може да ја предвиди одлуката? Уште отсега знаат каква е одлуката? Што ако Судот рече дека нема никаков проблем со Законот, ќе се извинат ли тогаш за ваквите тешки лаги? Дали е нормално целото општество да се чува во заложништво заради политички амбиции на некого, кој било и да е,”кажа претседателот Костадиновски.На прашањето за најавена интерпелација на уставни судии токму поради овој предмет, Костадиновски го повтори ставот кој Судот го објави во текот на вчерашниот ден, односно дека Собранието нема овластување или можност за разрешување на уставните судии.„Овластувањето на Законодавецот завршува со моментот на избор на уставните судии. Од тој момент Уставниот суд е тој што прави контрола на уставноста на актите, постапките и дејствијата на Собранието.Секој, вклучително и Законодавецот е должен да ги почитува и унапредува императивните одредби за самостојност и независност на Уставниот суд. Оттука, институтот „интерпелација” предвиден со членот 72 во никој случај не се однесува и не може да се примени за уставните судии. Во спротивно се губи смислата на постоењето на орган на Републиката како што е Уставниот суд и се прави тешка повреда на Уставот, односно упад во четврата т.н. уставно-судска власт, самостојноста и независноста на Уставниот суд, изјави претседателот Дарко Костадиновски на брифингот со новинарите.

Македонија | пред 1 година

Мицкоски го предупреди Судскиот совет: Зоврива работата, може да има масовни протести, со самороганизација

Премиерот Христијан Мицкоски, смета дека граѓаните може да се самоорганизираат против членовите на Судскиот совет и правосудството.„Па очигледно граѓаните, се додека не заминат од тоа место, уште некое време ќе треба од буџетот да ги плаќаат тие високи плати. Тие се вознемирени, ја чувствувам негативната виврација кај граѓаните, гледам дека работата зоврива и може да се самоорганизираат, а тоа да бидат масовни протести“, рече Мицкоски.Тој додаде дека е загрижен, бидејќи оваја доведува во прашање безбедноста на државата.

Македонија | пред 1 година

Мицкоски: На Врховен суд си ставија човек од кожната фотелја од штабот на ДУИ

Претседателот на Владата на Република Северна Македонија, Христијан Мицкоски денес одговарајќи на новинарско прашање во однос најавените протести доколку членовите на Судски совет на коишто им беше изгласана недоверба во Собранието, не си поднесат оставка, изјави:„Па видете, јасно е декa мал дел од обвинителите и судиите се последниот браник на Владата на СДСМ и ДУИ, јасно е од нивното однесување. И јасно е, тоа што го прават дел од членовите на Судскиот совет, дека практично тие ги поддржуваат тие политики и тоа однесување.Исто така е недвосмислено и јасна е одликата на тие коишто ги гласале, а тоа се пратениците во македонското Собрание. Кога тие коишто претходно ви ја дале довербата, ви гласаат интерпелација, односно ви гласаат недоверба, доблесно, чесно е да не правите трикови, да не барате дупки во законите, да си заминете. Многу едноставно е.И гледаме дека поединци од таму тераат инает. Мислат дека со инает ќе успеат нешто да направат. Јас сум постојано со народот. И го слушам народот како реагира. И јас само сакам да кажам дека, доколку не постапат соодветно на одлуката на тие коишто ги бираат, тоа се парламентарците, се плашам дека може да им се случи народ. Да се самоорганизираа и да протестира, затоа што народот е желен за правда.Ние излеговме на избори, освоивме пола милион гласови. Нас ни беше важно и многу важен дел од нашата кампања и програма беше правдата. Правда за сите. Не само за поединци, туку правда за сите, дециден е Мицкоски.И во име на тоа, имам чувство, дека доколку дојде до ваква ескалација и излезе народ да протестира, дека тој може да биде многуброен и нормално поддржан лично од мене. Така што, јас само сакав тоа да го кажам, дека ако се служат со трикови, водат инает, дека може да се самоорганизира народ и да им се случи народ.“А во однос на обвинувањата дека ваквата најава е преседан и дека се врши директно класичен упад врз судската власт, премиерот Мицкоски додаде:„Видете, јас не мислам дека ова е преседан. Не мислам дека вршам упад. Јас само како претседател на Владата предупредувам на последиците од однесувањето на членовите на Судскиот совет, дека може да се случи народ.Тоа е моја должност. Да не биде после не сум предупредил, да не биде после не сум кажал. Затоа што, ако нè фатат во спиење и ни се случи народ, тогаш се плашам дека може да има поголеми последици како во минатото, се сеќавате имаше и други претседатели на Влада коишто буквално ги користеа заканите за да партизираат во судството.Ќе ве потсетам, за мене крајно дрски и разочарувачка одликата на Судскиот совет, за вршител на должноста, претседател на Врховниот суд, да постави човек којшто доаѓа буквално од кожната фотелја во салонот во Речица.И сега што зборуваме ние, и како тоа да не го иритира народот? Па нормално е дека ќе народот биде иритиран. Јас не знам зошто сме изненадени и кој е изненаден? Јас воопшто не сум изненаден, јас само пренесувам тоа што го слушам. Бидејќи сум секој ден со народот, помеѓу граѓаните разговарам и гледам дека навистина се луѓето вознемирени. И загрижени. Затоа што децата си одат, не си одат поради економски причини. Сега за волја на вистината процесот и е обратен. Но до скоро си одеа затоа што чувствуваа дека нема правда. И тоа е суштината. Јас сум само должен да предупредам, да не биде потоа не сме знаеле и не сме кажале.“Потоа премиерот Мицкоски на прашањето за Извештајот за напредок од страна на Европската комисија и критиката од известувачот Томас Бајц, како ќе влијае на текстот и на заклучоците, потенцираше:„Ние имавме со известувачот многу плоден и корисен состанок, кога беше тука. Дали ќе влијае, тоа е одлука на известувачот и на Комисијата. Но мене ме радува фактот што после многу години, не сме повеќе хибриден режим, според Економист.На 27-ми февруари излезе податок, чекав да видам дека тој податок да се пренесе, ама очигледно се пренесуваат веднаш овие вести, ама овие добрите не се пренесуваат. Македонија напредува 10 места на скалата. И сега веќе не сме хибриден режим, сега сме малку погоре, за разлика од другите земји во соседството коишто бележат опаѓање. Ај да се радуваме на овој успех. Да кажеме на граѓаните дека не сме повеќе хибриден режим според Економист, туку дека сме ја унапредиле демократијата. И мислам дека тоа треба и самата Европска Унија и известувачот да го забележат и да го стават во својот извештај.“Во однос на членовите на Судскиот совет, на коишто им е изгласана интерпелација и платите кои ги земаат како функционери со највисок коефициент, Претседателот на Владата, потенцираше:„Па очигледно граѓаните, сè додека не заминат од тоа место каде што се, уште некое време, ќе треба да ги плаќаат преку Буџетот, нивните високи плати и затоа тие се вознемирени. И затоа јас го чувствувам, ја чувствувам таа негативна вибрација кај граѓаните, гледам дека работата зоврива и дека можно е да се самоорганизираат. И тоа може да бидат масовни протести. И тука сум веќе и јас загрижен, бидејќи логично е да се грижиме за безбедноста на државата.“, одговори Мицкоски.

Македонија | пред 1 година

Николоски: Падна пропагандата на Софија, се откажаа од изградба на пругата и поврзување на коридор 8

Бугарија за жал испрати јасна политичка порака за непосветеност околу изградбата на пругата и поврзување на коридор 8. Конечно во вода им падна пропагандата која седум месеци ја водеа против мене и против премиерот Мицкоски. Но ние не се откажуваме од изгардбата на пругата, дали со оваа влада или некоја идна бугарска влада ќе преговараме и ќе се стремиме да ја изгардиме пругата и да ги поврземе Скопје и Софија, бидејќи ова е многу значаен коридор за регионот и за НАТО, изјави вицепремиерот и министер за транспoрт Александар Николоски кој денеска заедно со премиерот Христијан Мицкоски и министерот за локална самоупорава Златко Пeрински, извршијa увид во реконструцкија на локални улици во општина Ѓорче Петров.Во продложение интегралната изјава на вицепремиерот Николоски:“ Ние остануваме силно посветени на железничкиот коридор 8 . Во овој момент активно се работи на втората секција во должина од 34 километри која оди од Бељаковце до Крива Паланка. Во месец јануари ја пуштивме во функција првата секција од Куманово до Бељаковце и остануваме посветени на дијалог со Бугарија со цел изнаоѓање на заедничко прифатливо техничко решение во однос на тунел кој што треба да ги спојува двете држави и изградбата на третата секција затоа што сметаме дека Коридор 8 е исклучително значаен не само за Македонија туку за целиот регион и за цела Европа. Тоа е НАТО коридор, тој е втор најзначен коридор значаен за НАТО и нашата посветеност останува.Со жалење ја примаме информацијата која што вчера пристигна, а која е официјален документ усвоен од бугарската влада, со кој Бугарија одлучи да ги тргне средствата кои претходно беа предвидени за реконструкција на делот од Софија до Ѓуешево, имајќи предвид дека пруга има но таа е во очјана состојба и не може да се користи и не треба само да се изгради тунелот и спојка со Ѓуешево, туку многу поважно е да се напрви реконструкција од Ѓуешево до Софија со цел Скопје и Софија да се поврзат.Имајќи превид дека донесоа одлука средствата за изградба од Софија до Перник и до Радомир да ги пренасочат за изградба за пруга од Софија до Бургас, мислам дека јасно испраќаат политичка порака во однос на нивната посветеност односно непосветеност за изградбата на железничкиот коридор 8 и исто така паѓа во вода целата пропаганда која беше водена во изминативе седум месеци против пртеседателот на Владата, првенствено против премиерот Мицкоски и против мене дека имаме нешто проитв Бугарија, дека не сакаме да се поврзуваме, дека имаме некаква оска Атина Белград и слични глупости кои беа дел од пропагандата. Но, на крај вистината излезе а тоа е дека било залажување и пред јавноста и пред европските институции, а намерите биле сосема различни.Јас сакам да Ве инфомрирам дека утрово испратив писма до Европската делегација, до Европската Транспортна Заедница, но исто така и до двете банки ЕИБ и ЕБРД имајќи предвид дека Македонија има потпишано договори за кредит за коридор 8 во висниа од 350 милиони евра и за истите доколку не се користат треба да плаќа резервации, а во овој случај не би се користеле не поради наша вина, туку по вина на соседната држава и мора да го заштитиме и финансискиот интерес на државата.Ние се надеваме дека дијалотогот ке продолжи, последниот обид го направивме на 7 март кога јас испратив писмо преку МНР до бугарската влада до бугарското министерство за транспорт и до сите одговорни. Од наша страна е формирана работна група на највискоот можно ниво, покрај мене министерот за надворешни работи и трговија, министерката за финансии и директорот на Железница Инфраструктура . Очекуваме иста посветеност и од страна на Република Бугарија со цел да можеме да ја изградиме и да ги поврземе Софија и Скопје и на крај одлуката да е на двете страни. Но влади се менуваат, посветеноста останува, јас се надевам дека со оваа или следна бугарска влада ќе успееме да го изградиме коридор 8 затоа што тој е клучна артерија не само за Македонија туку за целиот регион”-изјави вицепремиерот Николоски.

Македонија | пред 1 година