ВМРО-ДПМНЕ се бори за самостојна и суверена Македонија а СДСМ и ДУИ се бореа да ги задоволат туѓите интереси на штета на граѓаните, вели владејачката партија

ВМРО-ДПМНЕ во соопштение вели дека нема да дозволат повторно македонскиот идентитет да биде предмет на политички пазарења.„Оваа Влада ќе ја исправи државата на патот на вистинските европски вредности, со зачувување на нашиот јазик, култура и национален идентитет, велат од ВМРО-ДПМНЕ. Бујар Османи и Зоран Заев, односно ДУИ и СДСМ, направија сè што можеше за да го разнебитат македонскиот идентитет, да ја распродадат државата и да ги прифатат сите уцени што ни беа поставени однадвор, велат од ВМРО-ДПМНЕ и додаваат:„Бујар Османи и Зоран Заев, односно ДУИ и СДСМ, направија сè што можеше за да го разнебитат македонскиот идентитет, да ја распродадат државата и да ги прифатат сите уцени што ни беа поставени однадвор. Додека ВМРО-ДПМНЕ се бори за Македонија како самостојна и суверена држава, СДСМ и ДУИ се бореа како да ги задоволат туѓите интереси на штета на граѓаните. ВМРО-ДПМНЕ нема да дозволи повторно македонскиот идентитет да биде предмет на политички пазарења. Оваа Влада ќе ја исправи државата на патот на вистинските европски вредности, со зачувување на нашиот јазик, култура и национален идентитет, велат од ВМРО-ДПМНЕ”.„Овие срамни ликови и ентитети не само што се согласија македонскиот јазик да биде ставен под прашање во рамките на преговарачкиот процес, туку и ја прифатија срамната бугарска диктатура врз македонската историја, култура и образование. Бујар Османи, кој денес се обидува да зборува за македонскиот јазик, е истиот човек кој како министер за надворешни работи го потпиша почетокот на уцените, подготвувајќи терен за национално понижување. Заев и Османи беа тие што ја прифатија преговарачката рамка која ја загрози македонската самобитност, ставајќи ја во рацете на други држави”, велат од ВМРО-ДПМНЕ.

Македонија | пред 1 година

Двајца млади скопјани завршија во болница, по сообраќајка во Скопје

На 05.03.2025 во 16.50 часот во СВР Скопје било пријавено дека на ул.„Методија Андонов Ченто“ во Скопје се случила сообраќајна несреќа помеѓу патничко возило „даеву“ со скопски регистарски ознаки, управувано од И.Х.Ј.(30) од Скопје и мопед „априлиа“ , управуван од Ј.Ј.(23) од Скопје.Во несреќата со тешки телесни повреди се здобил возачот на мопедот и неговиот сопатник Б.Ј.(23) од Скопје,констатирани во Градската општа болница „Св.Наум Охридски“ Скопје. Извршен бил увид од увидна екипа од СВР Скопје.

Скопје | пред 1 година

ВЛЕН обвини: ДУИ го смени законот со кој им забранува на луѓето од црната листа на САД или Велика Британија да заземат јавни позиции

Продолжуваат обвинувањата во албанскиот политички блок.ВЛЕН обвини дека потпретседателот на ДУИ, Бујар Османи, познат по случајот „Пациент“ се фали дека ДУИ го донела Законот за рестриктивни мерки за оние на црната листа. Но, заборави да спомене дека токму тие, како што велат од ВЛЕН, кога технички премиер беше Талат Џафери, предложија и одобрија измени на законот за рестриктивни мерки.„Токму ДУИ го смени законот со кој им забранува на луѓето кои се на црната листа на САД или Велика Британија да заземат јавни позиции. Артан Груби, слуга на Груeвски и Мијалков, Бујар Османи, обвинет во случајот Пациент, и двајцата заеднички во служба на класичните антиалбанци. Едниот бегалец и другиот се буни за власт, плачат и тагуваат затоa што народот ги испрати во опозиција. ДУИ е оставена на милост и немилост и само длабоки реформи можат да ја спасат од колапс и да излезе од бездната на криминалот во која потона. ДУИ мора да го прифати фактот и вистината дека сега е во опозиција и не може да диктира и договара тендери за своите пријатели” велат од коалицијата ВЛЕН.Додаваат дека сега е ерата на ВЛЕН, на конкретни акции за граѓаните и Албанците и за подобар, достоинствен и автентичен живот.

Македонија | пред 1 година

Утре Советот ќе бира 47 обвинители

Советот на јавни обвинители на утрешната седница ќе избира четириесет и седум обвинители во осумнаесет јавни обвинителства.14 јавни обвинители, треба да се изберат во Основното јавно обвинителство Скопје.Во Основните јавни обвинителства во Велес, Делчево, Кочани, Крива Паланка, Радовиш, Ресен и Струга ќе се избира по еден јавен обвинител.По двајца јавни обвинители ќе се избираат во Основните јавни обвинителства во Битола, Гевгелија, Гостивар, Кичево и Струмица.Во Основните јавни обвинителства во Куманово, Охрид, Прилеп и Штип ќе се избираат по тројца јавни обвинители.Во Основното јавно обвинителство Тетово треба да бидат избрани четворица обвинители.Новите обвинители ја завршија Академијата за судии и обвинители и треба да го ублажи недостатокот од јавни обвинители во целата држава.

Македонија | пред 1 година

Засилени сообраќајни контроли: само вчера 682 казни за возачи, 68 за возење без возачка дозвола

Со бројката од вкупно 682 издадени платни налози за сторени прекршоци по основ на одредбите од Законот за безбедност на сообраќајот на патиштата и Законот за возила беа заокружени вчерашните (05.03.) интензивни и плански активности на полициските службеници при МВР во делот на сообраќајните контроли на патиштата низ земјава.Притоа, во рамки на посочената бројка, а по основ на преовладувачките прекршоци што ги прават учесниците во сообраќајот – неправилно паркирање и возење со брзина поголема од дозволената, беа евидентирани 204, односно 136 прекршоци. Покрај ова, без возачка дозвола регистирани беа 68 возачи, потоа 63 учесници во сообраќајот беа санкционирани за некористење сигурносен појас, а 27 – за користење на мобилен телефон при возење.Исто така, според статистичките податоци, во пет случаи возачи минале на црвено светло, во четири случаи кај возачи било утврдено возење под дејство на алкохол, 11 возачи на моторцикли се санкционирани заради неносење заштитен шлем, а санкционирани биле и 22 пешаци.По основ пак на Законот за возила 17 возила се отстранети од сообраќај затоа што биле нерегистрирани, а девет заради техничка неисправност.

Македонија | пред 1 година

Паника во ЕУ: Се бараат итни одлуки, Орбан блокира

Европската Унија е навикната на кризи, но следната може да биде најголемата досега.Додека 27-те лидери на земјите-членки се собираат во четврток во Брисел, сите се свесни дека безбедносниот поредок изграден по 1945 година, кој се потпира на САД, може целосно да пропадне, пишува Политико.Откако Доналд Трамп се врати во Белата куќа, европските лидери постојано зборуваа за потребата Европа да ја преземе сопствената безбедност и одбрана. Но, иако сите признаваат дека е крајно време зборовите да се претворат во дело, некои веќе стравуваат дека сè може да тргне наопаку.Францускиот претседател Емануел Макрон повика на „драматично будење“, а идниот германски канцелар Фридрих Мерц рече дека Европа е „пет минути до полноќ“. Но, зад затворени врати, расте нервозата дека настаните напредуваат побрзо отколку што Европа може да продолжи.„Најлошото сценарио е САД наскоро да склучат договор во кој ги прифаќаат повеќето од барањата на Русија и им кажуваат на Украина и на Европа да го поднесат или да останат без ништо“, рече Малколм Чалмерс, заменик директор на Кралскиот институт за одбранбени студии во Лондон.Но, стравот не е ограничен само на САД. Некои европски дипломати се плашат и од некои свои колеги. Имено, постои сериозна загриженост дека Виктор Орбан, премиерот на Унгарија, би можел да собере проруски блок и целосно да ги поткопа обидите на ЕУ да најде заеднички одговор.Има толку многу теми на маса и толку малку единство што самитот лесно може да тргне во сосема погрешна насока. Лидерите ќе разговараат како итно да ги пренасочат парите за да ги зајакнат своите војски, но во исто време мора да покажат дека стојат со Украина. Се очекува да ја потврди својата европска перспектива, но и да најави нови санкции против режимот на Владимир Путин.Накратко, нема да биде лесно.„Европа се соочува со сериозна и непосредна закана каква што никој од нас не ја доживеал во животот“, рече претседателката на Европската комисија Урсула фон дер Лајен во писмото до лидерите. „Иднината на слободна и суверена Украина, но и на безбедна и просперитетна Европа, сега е загрозена“, рече таа.Поминаа повеќе од три години од почетокот на руската инвазија на Украина, а Трамп има само шест недели од неговиот нов мандат. Но, тој веќе успеа да предизвика потреси во Брисел. Откако Емануел Макрон и британскиот премиер Кир Стармер се обидоа да ги поправат односите со Трамп минатата недела, следеа низа шокови - прво, во петокот пропадна средбата меѓу Трамп и украинскиот претседател Володимир Зеленски во Белата куќа, а потоа Трамп ја прекина американската воена помош за Украина во вторникот.Иако финансирањето на одбраната досега не беше класична тема на ЕУ, лидерите сега ќе разговараат што може да направи Унијата на ниво на сите земји-членки.Една од првите теми на самитот ќе биде планот на Урсула фон дер Лајен, објавен во вторник, кој може да и обезбеди на ЕУ до 800 милијарди евра за одбрана во наредните години.Најконкретниот дел од тој план предвидува ЕУ да земе заем од 150 милијарди евра што потоа ќе им го позајми на земјите-членки за да купат заедничка опрема - од воздушна и ракетна одбрана до артилериски системи, ракети, беспилотни летала и друго оружје.Европската комисија, исто така, предлага да се релаксираат правилата за јавните финансии за да можат земјите да ги зголемат воените трошоци. Според проценките на фон дер Лајен, доколку секоја земја го зголеми својот воен буџет за 1,5 отсто од БДП во текот на четири години, целата Унија ќе собере околу 650 милијарди евра.Сето ова, велат европските претставници, е само почеток. Но, прашањето е дали сложената бирократија на ЕУ навистина може да го спроведе ова.„Фон дер Лајен се обидува да ги земе работите во свои раце, но прашање е дали системот ќе ја следи“, рече еден француски министер.На маса ќе биде и прашањето за замрзнатите руски средства. Досега се користеше само камата за руските средства во вредност од околу 200 милијарди евра, но се повеќе земји, вклучително и Франција, сè поотворено кажуваат дека треба да се достигне и главницата. Противниците предупредуваат дека тоа може да предизвика правни проблеми и финансиски превирања.Завршната изјава на самитот се очекуваше да го вклучи планот на европската министерка за надворешни работи Каја Калас за испраќање најмалку 1,5 милиони артилериски куршуми во Украина оваа година, како и дополнителна опрема како што се противвоздушни системи, ракети и беспилотни летала.Сепак, според последниот нацрт на изјавата што ја виде Политико, се бара решение за да се обезбеди продолжување на испораките - бидејќи Унгарија, тврдат официјални лица, засега блокира сè.Во нацрт-текстот се наведува и дека ЕУ „ќе продолжи да и дава на Украина редовна и предвидлива финансиска поддршка“.Оваа година за Украина се планирани 30,6 милијарди евра помош – 12,5 милијарди преку механизмот наречен Украински механизам и околу 18 милијарди од заемите од Г7 во рамките на т.н. „Ера на иницијатива“. Во иднина, парите треба да доаѓаат и преку планот „Rearm Europe“, кој Фон дер Лајен го објави во вторникот.

Свет | пред 1 година

(Видео) Макрон предлага формирање на нов „нуклеарен чадор“ над Европа!

Францускиот претседател Емануел Макрон имаше телевизиско обраќање до нацијата во врска со меѓународната ситуација. Клучот е што тој отвора дискусија за можноста Франција да го прошири нуклеарниот чадор над Европа со француско нуклеарно оружје.Франција, единствената нуклеарна сила на ЕУ, има вкупно 290 нуклеарни боеви глави, во споредба со најмалку 1.600 распоредени и речиси 2.800 на залиха во Русија, пишува Беноа Гремар, научен соработник во Институтот за стратегиски и одбранбени студии. Сојузникот на ЕУ, Британија, исто така, има свој нуклеарен арсенал (260 боеви глави).Макрон веќе ги покани европските партнери на дијалог за нуклеарното оружје во 2020 година, но неговиот повик падна на глуви уши. Оттогаш, ситуацијата драматично се промени поради војната на Русија против Украина и пресвртот во американската политика под Доналд Трамп.Иницијативата на Макрон значи проширување на арсеналот на Франција, пишува Гремар. Според него, за тоа ќе биде потребно време и ќе ги зголеми трошоците, чија вкупна сума може да надмине 10 милијарди. евра годишно. И тоа не ги вклучува трошоците за одржување и логистика.Покрај високите трошоци, иницијативата се заканува да го поткопа сегашниот систем за контрола на нуклеарното оружје. Некои експерти веруваат дека практиката на пренос на нуклеарно оружје од една во друга земја би била прекршување на Договорот за неширење на нуклеарното оружје (НПТ), пишуваат Астрид Шеврој и Дорин Хоршиг, истражувачи во Центарот за стратешки и меѓународни студии (ЦСИС). „Тоа дури може да биде во конфликт со обврските за разоружување на Франција и Обединетото Кралство, доколку оваа нова конфигурација бара зголемување на големината на нивните нуклеарни арсенали“, се вели во публикацијата. Експертите од CSIS потсетија дека Владимир Путин постапил на сличен начин, пренесувајќи нуклеарно оружје во Белорусија, што веќе предизвика контроверзии.Други земји би можеле да го искористат ова за да изградат независни нуклеарни арсенали, пишуваат Шеври и Хоршиг. Тие потсетија на изјавата на Володимир Зеленски, кој неодамна рече дека обновувањето на нуклеарниот потенцијал на Украина може да биде алтернатива за приемот на земјата во НАТО. Франција, исто така, предлага да се зголемат трошоците за одбрана и да им се дозволи на европските земји да купуваат оружје и муниција од европските производители. Тоа значи „реиндустријализација на нашиот регион. Европа мора да може подобро да се брани. Треба подобро да се вооружиме“, нагласи Макрон.„Влегуваме во нова ера. Нашата генерација нема да може да живее само од дивидендите на мирот. Наше е да го посееме семето за иднината“, рече Макрон, инсистирајќи дека Франција го направила вистинскиот избор поддржувајќи ја Украина во изминатите три години. Тој предупреди дека САД ја „промениле својата позиција“ за војната во Украина, а во исто време воведуваат тешки трговски царини за европските стоки.„Не само народот на Украина се бори за својата слобода. Нашата безбедност е под закана. Ако една земја може да го нападне својот сосед во Европа и да се извлече од неа… мирот повеќе не може да биде гарантиран на нашиот континент. Историјата нè научи дека руската закана е реална и ги погодува европските земји. Украина стана глобален конфликт“, рече Макрон, посочувајќи дека Москва се меша во јавниот безбедносен систем ширум Европа.„Патот кон мирот не може да се постигне со напуштање на Украина“, рече тој, посочувајќи дека не може да и се верува на Русија. Тој праша кој може да гарантира дека Русија ќе застане во Украина и нема да продолжи во Полска?До 2030 година Русија планира да мобилизира 3 милиони војници и да состави 4.000 тенкови. Во моментов, руската армија брои околу 900.000 луѓе. Претседателот изјави дека мирот ќе се врати на нашиот континент само „со смирување на Русија“. Мирот не може да се постигне по секоја цена и под руски диктат, а не може да биде по цена на капитулацијата на Украина, истакна Макрон. Тој не ја исклучи можноста за распоредување на контингент европски трупи во Украина. За ова станало збор и на состанокот во Лондон во неделата.Макрон најави дека следната недела Франција ќе ги собере началниците на Генералштабот на земјите кои се подготвени да гарантираат мир во Украина. Тој се изјасни против прекинот на огнот наметнат од Вашингтон во Украина. „Без разлика колку брзо ќе биде објавено примирје, ние мора да ја препознаеме „руската опасност“ и силно да се вооружиме за да можеме да возвратиме. Иднината на Европа не може да се решава во Москва или Вашингтон“, рече Макрон. „Сакам да верувам дека САД ќе останат на наша страна, но мора да бидеме подготвени за фактот дека тоа нема да се случи“, додаде францускиот претседател и им се закани на САД со одмазднички тарифи доколку ги воведат во ЕУ.

Македонија | пред 1 година

„Истрагата за смртта на Љупчо Лешко се претвори во турска серија, обвинителке, кабелот не е крив“ - семејството објави детали за резиденцијата каде загина момчето

Семејството на Љупчо Лешко, момче кое загина од струен удар при пуштање на музика на приватна забава во Радишани, јавно и се обрати на обвинителката Тања Трајчева од скопското Обвинителство. Ја прашуваат што се прави седум месеци од почетокот на предистражната постапка, како и дали јавно ќе признае дека од самиот почеток се е тргнато во погрешен правец. Тие обзнануваат дека по седум месеци, дури вчера вештак бил на лице место на настанот. За првпат по трагедијата, тие објавија за кој објект станува збор, а поставија и низа прашања до обвинителката.„Во случајот кој го водите во предистражната постапка која веќе премина во „ТУРСКА СЕРИЈА“ ние тврдиме дека нашиот син не е починат во несреќен случај туку во причинско-последичен случај заради неисправност на објектот“, вели во објавата Кети Лешко, мајка на загинатиот Љупчо дополнувајќи со: „Обвинителке, кабелот не е крив“.Целата објава, интегрално во продолжение:„ЈАВНО ОБРАЌАЊЕ ДО ЈАВНАТА ОБВИНИТЕЛКА ТАЊА ТРАЈЧЕВСКА ОД ОЈО-СКОПЈЕПочитувана обвинителке, бидејќи се поминати веќе седум месеци од почетокот на водењето на предистражната постапка поврзана со смртта на мојот син и бидејќи при нашите средби јас и моето семејство не добивавме никакви конкретни одговори, бидејќи сум приморана,ќе морам вака јавно да ви поставам неколку прашања на кои се надевам при нашата следна средба ќе одговорите, или истите повторно ќе ви бидат поставени по службен пат, преку нашиот правен застапник.Предистрагата за смртта на мојот син кој што според официјални извештаи од релевантни државни институции почина од струен удар пуштајќи музика како DJ во приватен објект во Радишани (Бел Камен) поточно во „Резиденција Стојмирови„ со адреса ул. Радишанска бр.308, започна на 24.07.2024 год. Во врска со истата , барам да ми одговорите на следниве прашања:- Дали според вас, 7 месеци е нормален период на водење на предистражна постапка за дело со смртни последици и дали воопшто за вас има дело, или нема?Ова прашање ви го поставувам бидејќи нашите последни неколку средби, завршуваа со ваше кревање на раменици и со одговори како „не знам„ и „ќе видиме што ќе правиме„. Дали е ова заради тоа што јавно признавте дека ПОСТАПКАТА УШТЕ НА САМИОТ ПОЧЕТОК Е ТРГНАТА ВО ПОГРЕШЕН ПРАВЕЦ И ДЕКА ЗА ОВА СЕ ОБИДУВАТЕ ДА СЕ ЗАТСКРИЕТЕ ЗАД ПЛАШТОТ НА СУДСКИОТ ВЕШТАК РУБИН БОШКОВСКИ КОЈ БИЛ ВЕЧЕРТА НА ЛИЦЕ МЕСТО НА НАСТАНОТ?- Зошто уште истиот ден, т.е. на 23.07.2024 година не дадовте налог да се запечати објектот и да се изврши комплетно електротехничко вештачење на објектот од стручни лица за тоа, кои ќе извршеа проверка и на инсталацијата и на заземјувањето на објектот и ќе побараа важечки и релевантни работни дозволи за вршење на дејност на истиот објект?- Зошто за вас сеуште нема дело според КЗ , делови од членовите 292 и 288 кога и самата знаете и имате докази дека овој објект се издавал и се издава НА ДИВО, т.е. врши комерцијална дејност за која не плаќа данок на државата а притоа предизвикува и дела против општа сигурност на повеќе лица?- Зошто на надлежните органи од МВР кои вечерта биле присутни на лице место не сте дале налог да се земат изјави од сите присутни на забавата туку само од неколкумина.- Зошто после првиот наш контакт кој беше околу 1 месец после немилиот настан не прашавте дали ние имаме некои информации во врска со настанот и дали имаме изјави од сведоци, а претходно никаде ве немаше?- Зошто изјавите од тие сведоци кои што беа земени после 3 месеци и тоа 2 пати( еднаш во секторот за крвни деликти а потоа и кај вас) не ги гледате како релевантен доказ кој ви докажува дека тој објект има проблем со инсталацијата или зааемјувањето?- Зошто менувате двајца вештаци кои не ја завршија работата до крај бидејќи не сте им дале точен и прецизен налог околу тоа што треба да се вештачи и како а бевте известена од наша страна?- Зошто сеуште не подигате обвинение кога знаете какви одговори ќе добиете после прашањата поставени од нашиот стручен соработник, особено околу непостоењето на СТРУЈНО ДИФЕРЕНЦИЈАЛНА СКЛОПКА која е задолжителна во секој објект за комерцијални намени и игра голема улога во спречување на струен удар.- Зошто се обидувате кривицата на сопствениците на објектот да ја прикажете како несреќен случај, со изговор деке едниот продолжен кабел имал скршен контакт за заземјување, а не земате во предвид дека токму од такви причини објектот треба да има посебна работна дозвола по поставени европски стандарди кои ги има прифатено и нашата држава?- Како вие вината не ја наоѓате во објектот кога и техничката опрема која ја нуди сопственикот на објектот не е наменета за такви настани туку за домашна употреба? (Појачало со двожилен струен кабел кое нема заземјување).- Како шетањето на струја по линија на помал отпор по вода и метал за вас и вашите вештаци не претставува проблем?- ЗОШТО ВЕЧЕРТА КОГА СЕ СЛУЧИ НЕМИЛИОТ НАСТАН ВИЕ ПРИСТИГНАВТЕ ПОСЛЕДНА НА ЛИЦЕ МЕСТО ДУРИ ПОСЛЕ 4 ЧАСА?- Зошто вие не се сомневате на поткуп кога и самата знаете дека кога пристигнавте внатре во објектот беа само двајца полицајци, инспектор од крвни деликти и споствениците на објектот?- Зошто според вас нема дело кога ви доставивме и докази дела истиот сопственик многу пати е пријавуван за нарушување на ЈРМ од неговите соседи а не е реагирано од П.С. Чаир?- Дали за вас исто така не е доволно да подигнете постапка кога имате изјави од сведоци дека уште самата вечер пред мртвото тело на мојот син е правен компромис да славениците на двата родендени кажат дека НЕ ГО ИЗНАЈМИЛЕ ОБЈЕКТОТ ТУКУ ДЕКА Е ПРИВАТНА ЗАБАВА И ДЕКА ЌЕ ИМ БИДАТ ВРАТЕНИ ПАРИТЕ , при што едниот славеник не се согласува и не дава таква изјава?- Зошто упорно и тврдоглаво не подигнувате обвинение кажувајќи дека кабелот е крив небаре ова е „тетовската болница“ а не го барате стандардот за заштита од струјни удари кои мора да ги поседува секој објект.ПОЧИТУВАНА ОБВИНИТЕЛКЕ, КАБЕЛОТ НЕ Е КРИВ!!! После сите овие поставени прашања сакам само да додадам дека според нас вие на овој случај и на оваа постапка постапувате со ПРИСТРАСНОСТ кон другата страна.Уште поголем сомнеж за ова тврдење ни дава и фактот дека одбегнувате комуникација со нашиот правен застапник, Адвокат М-Р Владимир Туфегчиќ со изговор дека нема што да му кажете.Е па почитувана обвинителке ние имаме што да кажеме.Во случајот кој го водите во предистражната постапка која веќе премина во „ТУРСКА СЕРИЈА“ ние тврдиме дека нашиот син не е починат во несреќен случај туку во причинско-последичен случај заради неисправност на објектот „РЕЗИДЕНЦИЈА СТОЈМИРОВИ„.Инаку овој објект на ДИВО се издава на позната Instagram адреса RESIDENT_STOJMIROV каде што како менаџери се јавуваат лицата ЗОРАН СТОЈМИРОВ И СТЕФАН СТОЈМИРОВ.Почитувана обвинителке, после седум месеци, веќе немаме доверба во ниеден извештај кој ќе го добиеме од ваша страна, затоа што ја утнавте работава. Со самото незапечатување на објектот дозволивте компромитирање на докази од првиот момент. Изговорот дека вас ви кажале дека се било таму завршено и дека вештакот наредниот ден бил на службен пат , НЕ ПОМИНУВА!За еден немил настан со едно дете врз кое што за жал падна дрво, веднаш се превземаа сите мерки според закон и правилник за работа, а за нашиот случај немате сеуште одговор.За сето горе наведено повелете доле слики од сопствениците и изјави од соседи и со жалење ќе морам да ве информирам дека за сето ова некој ДЕБЕЛО ЌЕ ОДГОВАРА. СРДЕЧЕН ПОЗДРАВ!“.[caption id="attachment_323451" align="alignnone" width="538"] Screenshot[/caption] 

Коментари | пред 1 година

Хамас: Заканите на Трамп го туркаат Нетанјаху да го прекине примирјето во Газа

Хамас денеска соопшти дека постојаните закани на американскиот претседател Доналд Трамп кон Палестинците претставуваат поддршка за израелскиот премиер Бенјамин Нетанјаху да се повлече од примирјето во Газа и да ја заостри опсадата на жителите на крајбрежната енклава.Трамп вчера побара Хамас „да ги ослободи сите заложници сега, а не подоцна“, вклучително и останките на починатите заложници, „или готово е за вас“.Во текстуална порака до Ројтерс, портпаролот на милитантната група, Абдел-Латиф ал-Кануа, рече: „Најдобар пат за ослободување на преостанатите израелски заложници е окупацијата да премине во втората фаза (од прекинот на огнот) и да ја принуди да го почитува договорот потпишан под покровителство на посредниците“.Договорот за прекин на огнот во Газа, кој стапи на сила во јануари, беше преговаран со претставник на Трамп кој учествуваше заедно со претставник на администрацијата на поранешниот претседател во заминување Џо Бајден.Договорот предвидува ослободување на преостанатите заложници како дел од втората фаза, во текот на која ќе бидат договорени конечните планови за завршување на војната.Првата фаза од прекинот на огнот заврши во саботата, а Израел оттогаш воведе целосна блокада на сите стоки што влегуваат во Газа, барајќи од Хамас да ги ослободи преостанатите заложници без да започне преговори за завршување на војната.Палестинците тврдат дека блокадата може да доведе до глад меѓу 2,3 милиони луѓе кои живеат во урнатините на Газа.Трамп ги упати своите нови закани по состанокот во Белата куќа во средата со група заложници кои беа ослободени во првата фаза од договорот.„Го испраќам Израел сè што му е потребно за да ја заврши работата, ниту еден член на Хамас нема да биде безбеден ако не го сторите тоа што јас го барам“, рече тој.„Исто така, до жителите на Газа: Доаѓа убава иднина, но не ако ги задржите заложниците. Ако го сторите тоа, вие сте МРТВИ! Донесете ПАМЕТНА одлука. ОСЛОБОДЕТЕ ГИ ЗАЛОЛНИЦИТЕ СЕГА ИЛИ ЌЕ ИМА ТЕРИЗНИ ПОСЛЕДИЦИ ПОКАКО!

Свет | пред 1 година

Русите: Нуклеарната реторика на Макрон е закана за нас, тој сака војната да продолжи

Официјален Кремљ реагираше на вчерашното обраќање на Емануел Макрон до нацијата. Тие рекоа дека францускиот претседател е „екстремно конфронтативен“ и тврдеа дека Франција сака војната да продолжи.Портпаролот на Кремљ Дмитриј Песков рече дека говорот на Макрон „едвај може да се сфати како говор на лидер кој размислува за мир“.А откако Дмитриј Медведев го нарече „Микрон“, на обраќањето до нацијата реагираше и рускиот министер за надворешни работи Сергеј Лавров, кој рече дека неговата „нуклеарна реторика е закана за Русија“.

Свет | пред 1 година

Норвешкиот премиер: Значително ја зголемуваме помошта за Украина, а она што го прават Американците е за жалење

Во исчекување на почетокот на самитот во Брисел (12:30 часот), добри вести за Украина доаѓаат од северна Европа. Норвешкиот премиер Јонас Гар Шторе утринава одржа говор во парламентот во кој најави дека „значително“ ќе ги зголеми средствата за помош за Украина.„Нашата земја се соочува со најсериозна безбедносна ситуација од Втората светска војна“, рече Шторе, според Гардијан.Тој се осврна и на тешкотиите во соработката со новата американска администрација предводена од Доналд Трамп, но додаде дека се надева на продолжување на односите. Тој го нарече американското суспендирање на воената помош „многу за жалење“ и ги пофали Велика Британија и Франција за преземањето водечка улога во европската поддршка за Украина.Тој зборуваше и за потребата норвешкото општество да биде подобро подготвено за сите потенцијални кризи и ги повтори повиците за „зајакнување на граѓанската отпорност“.

Свет | пред 1 година

Со очајните спинови за Зоран Заев, ВМРО-ДПМНЕ само ги потврдува сопствените скандали, врати СДСМ

„Тажни и очајни делуваат соопштенијата на ВМРО-ДПМНЕ секој пат кога ќе бидат фатени во скандал. Наместо да одговорат зошто се луксузираат на грбот на граѓаните, кои тонат во сиромаштија, тие се обидуваат да манипулираат и да го пренасочат вниманието“, вели СДСМ и додава:Мицкоски тврди дека нема пари во буџетот за плати, нема средства за субвенции за електрична енергија, нема средства за минимална плата, нема пари за ништо – освен за приватни летови, тропско овошје и луксуз за Владата. Само за тоа има пари во буџетот.Оваа стратегија на пренасочување на вниманието и лажни тврдења кога се во тесно, одамна е прочитана. ВМРО-ДПМНЕ не ја смени својата тактика повеќе од дваесет години. Како и што работи поранешниот претседател на СДСМ, не е од интерес за граѓаните – тој не е претседател на партијата веќе четири години.Граѓаните сакаат одговори – дали и кога оваа Влада ќе направи нешто за да им го подобри животниот стандард?Додека СДСМ беше на власт и премиер беше Зоран Заев, платите се зголемија за речиси 100%, се субвенционираше струјата за граѓаните, цените се држеа под контрола и имаше рекордни субвенции за земјоделците. Овие факти не можат да бидат избришани со манипулации на ВМРО-ДПМНЕ.

Македонија | пред 1 година

Путин назначи нов амбасадор во САД

Дека односите меѓу Русија и САД продолжуваат да се загреваат покажа и потегот на рускиот претседател Владимир Путин, кој назначи нов амбасадор во САД, пренесува Би-Би-Си. По испразнетото место речиси половина година, нов амбасадор ќе биде Александар Дарчиев, кој претходно беше руски амбасадор во Канада.Враќањето на дипломатските односи беше една од темите на неодамнешните американско-руски состаноци во Ријад и Истанбул.

Свет | пред 1 година

(Видео) Се лажат луѓе дека аутизам се лечи со матични клетки во Турција, има цели фирми кои работат против пациентите, сведочи д-р Лазаров

Доктор Ненад Лазаров, во подкастот „Претрес со Ландов“ кажа дека не може да се лекува аутизам со матични клетки во Турција и дека тоа е измама. Посочи јасно дека организации дозволуваат собирање пари, давајќи им лажна надеж на родителите.„"Лечење" аутизам кај деца со матични клетки во Турција е измама, всушност било која изјава со терминот "лечење" на аутизам е спорна. Повикување на донации за ИТНО "лечење" на аутизам кај деца, од каков и да е вид е исто така измама, класична злоупотреба на хумани луѓе кои донираат. Доминантет дел од повиците за лекување деца во Турција се однесува на матични клетки за аутизам, затоа и намерно во повиците родителите не го пишуваат тоа зошто се повеќе луѓе се информирани за матични клетки и нема да донираат!“, напиша и сега доктор Лазаров.„Се лажат луѓе за матични клетки на аутизам. Не постои ниеден сучај на излечен аутизам во светот, прво не е болест. 20.000 евра чини еден циклус. Минимум се препорачани 4. Во Турција. Зошто само таму го има тоа? Има цели фирми кои работат против пациентите“, рече Лазаров во поткастот.Сите детали како се прават измами на пациенти:?t=5522

Македонија | пред 1 година

ФИТР со повик за доделување на награди

„Фондот за иновации и технолошки развој објави повик „Натпревар за успешни иницијативи од Западен Балкан“ на кој вкупно 18.000 евра ќе се доделат како признание на шест иницијативи кои ги поттикнуваат младите да истражуваат и создаваат иновации. Наградите ФИТР ги организира во рамките на европскиот проект POLICY ANSWERS, во кој Фондот ја доби главната улога во пилотирање на мерки за поддршка за истражување, развој и иновации во сите економии од Западен Балкан. Проектот е финансиран од програмата Хоризонт Европа на Европската Комисија.Овие награди ги вреднуваат, препознаваат и слават извонредните иницијативи фокусирани на младите од Западен Балкан, кои значително успеале да ги вклучат младите (15 – 29 години) во истражување и иновации помеѓу 2020 и 2024 година. Целта на наградите е да се потенцираат успешните приказни за истражување и развој фокусирани на младите од Западен Балкан и да се промовираат можности за учење и професионално усовршување во истражувањето и иновациите.Повикот е наменет за сите правно-основани организации (микро претпријатија, мали и средни претпријатија, граѓански организации, училишта, универзитети или други субјекти) со седиште или фокусирани на земјите од Западен Балкан (Северна Македонија, Албанија, Босна и Херцеговина, Косово, Црна Гора или Србија). На натпреварот, вкупно шест победници од регионот ќе добијат награда во вредност од 2.000 евра со сите платени трошоци за учество, една главна награда во вредност од 6.000 евра, регионално признание за влијателни иницијативи фокусирани на младите и шанса да ја инспирираат следната генерација иноватори.Рокот за пријавување за учество на натпреварот е до 18 април 2025 година. Повеќе информации во врска со натпреварот можат да се добијат на следниот линк:https://westernbalkans-infohub.eu/calls/policy-answers-call-for-participation-western-balkans-research-and-innovation-youth-awards/„ велат од ФИТР.

Македонија | пред 1 година

ССМ нуди ад хок предлог за минимална плата кој на долг рок предизвикува инфлација и не носи стабилен живот за граѓаните, вели Бојковска

„Првото разочарување го доживеав во Парламентот со расправата за ребалансот на Буџетот. Кога всушност се соочивме реално за тоа во каква состојба ни се наоѓа државата. Кога се соочивме со тоа каков испокраден буџет начекавме и кога во самиот ребаланс на буџет видовме во какви состојби се наоѓаше економијата, видовме дека имало четири неисплатени плати во неколку институции, за мене тоа е недозволиво, посебно од аспект на исплата на платата затоа што е основно право коешто работникот загарантирано мора да го добие. Со оглед на тоа каква катастрофа начекавме со доаѓањето на власта, задоволна сум како интензивно работииме како Влада на подобрување на економската состојба во државата.Секогаш може подобро, секогаш може повеќе да се работи и треба да не мотивира самиот чин дека можеме да ги подобриме работите. Така што со оглед на тоа што наследивме јас сум среќна што очигледно е придвижувањето посебно во делот на економијата, имаме економски раст, имаме зголемување на платите во одредени сектори, веќе се најавени и се случуваат покачувањата на платите во здравството, во образованието, кај вработени во МВР, ќе има покачување во сите сектори, сите плати ќе бидат зголемени само доколку се работи чесно“ , прецизираше во своето излагање пратеничката од ВМРО-ДПМНЕ, Драгана Бојковска на утринското гостување на „Радио лидер“.Бојковска говореше за предлогот за ССМ за покачување на минималната плата, притоа истакна дека од страна на претседателот на ССМ не забележува реална и искрена борба за работнички права туку се забележува координирано настапување и со речиси исти изјави во контекст на миинималната плата од страна на ССМ, СДС и Левица.„Предлогот на ССМ, воедно тука ќе ја наречам и коалиција на ССМ-СДС и Левица, да бара 500 евра минимална плата, чудна ми е некако траекторијата на ССМ. Морам да искоментирам и од личен аспект по она што го гледам, посебно од раководството на ССМ, жалам што е таков пристапот на претседателот на ССМ.Наместо некоја искрена и реална борба за работничките права во којашто ќе има конструктивен дијалог за минималната плата, гледаме во еден ден координирано настапување и координирани изјави, речиси исти изјави во контекст на минималната плата од страна на ССМ, СДС и Левица“ , истакна Бојковска.Бојковска е децидна дека ССМ нуди ад хок предлог за зголемување на минималната плата. Според неа ваквите понуди не носат стабилна економија и стабилен живот за граѓаните долгорочно, напротив таа вели дека ќе се предизвика инфлација.„ССМ нуди ад хок предлог, во којшто имаме паушално зголемување на минималната плата. Јас тука ценам дека ваквите појави коишто се ад хок, коишто се базираат на вакви понуди и решенија не носат на долг рок стабилна економија и стабилен живот за граѓаните. Неминовно е доколку имаме ситуација во којашто се субвенционираат придонеси само за една година, без притоа да бидат базирани на очигледна и реална економска логика, на долг рок предизвикува поголем и полош ефект, а тоа е предизвикување на инфлација“ , заклучува Бојковска.

Македонија | пред 1 година

Заев стасал до авио компанија во Индија, каква е поврзаноста на Венко Филипче со ова?, прашува ВМРО-ДПМНЕ

„Чудна е пасијата на СДС да води полемика за авио сообраќајот и да спомнува авио летови. Можеби таа пасија доаѓа од прикажните дека нивниот идеолошки гуру, Зоран Заев, до скоро поседувал акции во една индиска авио компанија која пред кусо време беше продадена, а чии акции можеби сеуште постојат во една од постоечките авио компании“, реагира ВМРО-ДПМНЕ на соопштението на СДСМ.„Ако ова е точно, добро е СДС да си провери чива била сопственоста и како нивниот се уште неформален лидер стасал до авио компанија во Индија?Каква пак е поврзаноста на Венко Филипче со овој случај? И како Заеви од просечно земјоделско семејство стасаа до сопствеништво на авио компании?Од СДС нека си проверат, и нека одговорат, ќе ги поочекеме. Институциите не треба да чекаат. Сигурно работат“, се додава во реакцијата на ВМРО-ДПМНЕ.

Македонија | пред 1 година

(Видео) Министерот на Трамп се појави на телевизија со крст на челото

Американскиот државен секретар Марко Рубио се појави на Фокс њуз вчера,токму на денот што го означува почетокот на постот за христијаните, со крстот на челото.Христијанската традиција налага дека во среда пепел свештеникот ги попрскува главите на верниците со пепел или го прави крстот на нивните чела со пепел. Во христијанската традиција, посипувањето со пепел означува покајание и подготвеност за нов живот. Родителите на Марко Рубио емигрирале од Куба во САД во 1956 година, две години пред да дојде на власт Фидел Кастро. Наскоро тие се приклучија на мормонската црква. Католичките медиуми во САД јавуваат дека тие подоцна ја напуштиле мормонската црква по наговор на нивниот син и се вратиле во католицизмот. Рубио бил потврден и оженет во Католичката црква, но подоцна станал член на евангелистичка мегацрква со неговата сопруга. Во следните години, како што рече, почнал да копнее по светата тајна причест, па се вратил во Католичката црква.

Свет | пред 1 година

Трамп сака да го укине Министерството за образование

Претседателот Доналд Трамп се очекува да издаде извршна наредба насочена кон неговата долгогодишна цел да го елиминира американското Министерство за образование, објави во средата Волстрит журнал.Регулативата би можела да пристигне уште денеска, пишува весникот, цитирајќи неименувани лица запознаени со ова прашање. Белата куќа и одделот сè уште не одговориле на барањето за коментар доцна во средата.Трамп постојано повикуваше на елиминација на одделот, нарекувајќи го „голема измама“. Тој предложи негово затворање во неговиот прв претседателски мандат, што Конгресот не го одобри.Неговите колеги републиканци долго време се обидуваа да го намалат финансирањето и влијанието на одделот, а секретарката за образование Линда Мекмахон, која беше потврдена од Сенатот во понеделникот, го бранеше планот на Трамп да ја елиминира агенцијата.Застапниците на одделот велат дека е клучно да се одржат високи стандарди на јавното образование, обвинувајќи ги републиканците дека се обидуваат да го поттикнат образованието за профит. Сегашното затворање може да ја наруши помошта од десетици милијарди долари за основните и средните училишта, како и помошта за школарина за учениците.Мекмахон им рече на сенаторите дека распуштањето на одделот ќе бара акција на Конгресот и постојано вети дека ќе продолжи со финансирањето на федералните училишта што Конгресот го доделува за да им помогне на училишните области и на учениците со ниски приходи.Трамп и неговиот советник милијардер Илон Маск се обидоа да ги уништат владините програми и институции како што е Американската агенција за меѓународен развој без одобрение од Конгресот, но елиминирањето на Министерството за образование ќе биде негово прво затворање на агенција на ниво на целата влада.Одделот надгледува околу 100.000 јавни и 34.000 приватни училишта во Соединетите Држави, иако повеќе од 85% од финансирањето на јавните училишта доаѓа од федералните, државните и локалните власти.Одделот обезбедува федерални грантови за сиромашните училишта и програми, вклучувајќи пари за плаќање на наставниците на деца со посебни потреби, финансирање уметнички програми и замена на старата инфраструктура.Таа, исто така, надгледува студентски заеми од 1,6 трилиони долари доделени на десетици милиони Американци кои не можат да си дозволат директно да плаќаат колеџ.За време на демократскиот претходник на Трамп, Џо Бајден, републиканците особено го критикуваа одделот за простувањето на студентскиот заем и политиките поврзани со различноста, правичноста и програмите за вклучување.

Свет | пред 1 година

Трамп и Маск отпуштија еден куп луѓе од здравствениот сектор, сега им испратија итен мејл: „Мора да се вратите“

Главната американска агенција за јавно здравје известила околу 180 вработени кои биле отпуштени пред две недели дека можат да се вратат на работа, пренесува АП.Вработените во ЦДЦ тврдат дека добиле е-пошта во вторникот со наслов „Веднаш прочитајте ја оваа е-пошта“ со кои ги информирале дека можат да се вратат на работа.Им беше кажано дека отказот од 15 февруари е поништен „по преглед и разгледување“ и дека од среда би можеле да се вратат на работа.- Треба да се вратите на должност според претходниот распоред за работа. Се извинуваме за какви било проблеми што можеби се придизвинани, се вели во е-поштата.Околу 180 луѓе ги примиле пораките, велат вработени запознаени со податоците. Поради чувствителноста на податоците, тие сакаа да останат анонимни.Не е познато колку вработени се вратиле на работа во средата, а исто така не е јасно дали ќе бидат поштедени од дополнителни кратења што се очекуваат во владините агенции во САД.ЦДЦ е најновата во низата агенции кои се обидуваат да ги вратат работниците веднаш откако беа отпуштени како дел од чистката за намалување на трошоците предводена од претседателот Доналд Трамп и милијардерот Илон Маск.Слични промени се направени меѓу вработените одговорни за надзор на медицинските уреди, безбедноста на храната, реакцијата на птичји грип, нуклеарното оружје и националните паркови.ЦДЦ е обвинет за заштита на Американците од епидемии и други закани по јавното здравје. Агенцијата има околу 13.000 вработени.Минатиот месец, претставници на администрацијата на Трамп му кажаа на ЦДЦ дека скоро 1.300 од пробните вработени во агенцијата ќе бидат отпуштени. Таа бројка брзо се промени, бидејќи се покажа дека реалната бројка на отпуштените е од 700 до 750.Секретарот за здравство Роберт Ф. Кенеди Џуниор. Минатиот месец тој вети „радикална транспарентност“ во одделот, но претставниците на одделот не дадоа детали за промените во ЦДЦ и не одговорија на барањата испратени по е-пошта во вторник и среда.Портпаролот на агенцијата, Ендрју Никсон, претходно за АП изјави само дека ЦДЦ има повеќе вработени со полно работно време по кратењето на работните места отколку пред пандемијата СОВИД-19.Американскиот сенатор Рафаел Ворнок е задоволен од одлуката, но смета дека таа не е доволна.„Денешните вести доаѓаат како олеснување, но додека сите отпуштени вработени во ЦДЦ не се вратат на работа, јавното здравје и националната безбедност на нашата нација ќе продолжат да бидат загрозени“, рече Ворнок, демократ од Џорџија, во изјавата во средата.

Свет | пред 1 година

Орбан му напиша на шефот на Европскиот совет: „Мораме директно да преговараме со Русија“

Лидерите на Европската унија денеска се собираат во Брисел за да најдат одговор на драстичната промена на САД во поддршката на Украина, разорена од војна. Во трка со времето, лидерите на ЕУ се обидуваат да најдат решенија за зголемување на трошоците за одбрана за понатамошна поддршка на Украина и значително подобрување на европскиот одбранбен капацитет. На лидерите на ЕУ ќе им се придружи и украинскиот претседател Володимир Зеленски.Американскиот претседател Доналд Трамп ги објави плановите претходно оваа недела да ја прекине воената помош за Киев, неколку дена по јавниот судир со Зеленски во Белата куќа. Земјите од ЕУ и Украина се загрижени поради можноста САД и Русија да бараат билатерално мировно решение што би можело да обезбеди територијални отстапки за Москва, да ја исклучи Украина од НАТО и да ја затвори вратата за американското учество во идните мировни операции.Лидерите ќе разговараат за планот претставен од Европската комисија за мобилизирање на околу 800 милијарди евра за помош за Украина и одбранбени инвестиции. Комисијата предложи да се обезбедат заеми од 150 милијарди евра за кои се надева дека ќе бидат компензирани со приватен капитал и дополнително финансирање од Европската инвестициска банка.Парите ќе бидат потрошени за ракетна одбрана, артилериски системи, ракети и муниција, беспилотни летала и системи против беспилотни летала, како и за решавање на други потреби, од сајбер до воена мобилност.Германскиот канцелар Олаф Шолц планира да присуствува на самитот. Фридрих Мерц, кој победи на минатомесечните парламентарни избори во Германија и најверојатно ќе го наследи Шолц, се очекува и во Брисел на собир на конзервативни лидери.Во последниве денови, Унијата се надеваше дека ќе избегне единството и солидарноста на ЕУ со Украина да бидат саботирани од унгарскиот премиер Виктор Орбан, кој е пријателски настроен кон Кремљ. Орбан ја објави својата намера минатиот викенд да ги блокира новите напори за воена поддршка за Украина на самитот.Во писмото до претседателот на Европскиот совет, Антонио Коста, кој ќе претседава со денешните разговори, Орбан предложи Европската унија да го следи примерот на САД и да се вклучи во директни преговори со Русија за прекин на огнот и договор во Украина.Коста одговори дека Унијата треба да се подготви да учествува во дискусиите за постигнување праведен и траен мир, но и да придонесе за силни безбедносни гаранции за Украина. Францускиот претседател Емануел Макрон го прими Орбан на разговори во Елисејската палата во средата пред самитот со другите европски лидери. Во вторникот, социјалдемократите на Шолц и конзервативците на Мерц објавија дека строгите правила на Германија за ново задолжување, таканаречената должничка кочница, ќе бидат олабавени за конкретни инвестиции во одбраната.

Свет | пред 1 година

(Видео) Брутален руски напад врз родниот град на Зеленски: најмалку четворица загинати

Руски сили извршија ракетен напад врз хотел во Криви Рих, регионот Дњепропетровск, при што загинаа четири лица, а најмалку 30 други беа ранети, меѓу кои и едно дете, соопшти гувернерот Серхиј Лисак. Ракетата го погодила петкатниот хотел околу 22 часот, при што загинал 53-годишен маж. Лисак подоцна потврди дека уште двајца мажи и една жена биле убиени во нападот, додека 43-годишен маж починал во болница следното утро.Повредени се најмалку 30 лица, меѓу кои и едно дете, а 14 лица се во тешка состојба. Повеќето од ранетите се пренесени во болница, рече Лисак.Претседателот Володимир Зеленски откри дека волонтери од хуманитарна организација - државјани на Украина, САД и Обединетото Кралство - пристигнале во хотелот непосредно пред нападот. Преживеаја затоа што успеаја да побегнат од своите соби. Зеленски не прецизираше дали доброволците се повредени. $bp("TargetVideo_41250716", {"id":"45264","width":"420","height":"560","video":"2029431","autoplay":0,"shared":true});Покрај хотелот, во нападот се оштетени 14 станбени згради, пошта, културен центар, 12 продавници и речиси 20 автомобили, изјави гувернерот. Службите за вонредни состојби се на терен и ги расчистуваат урнатините, а Украинската државна служба за вонредни состојби предупреди дека под урнатините може да има уште жртви.Криви Рих, родниот град на претседателот Зеленски, е честа цел на руски ракетни напади. Со население од околу 660.000 жители, тој е втор по големина град во регионот Дњепропетровск и се наоѓа на околу 70 километри северозападно од линијата на фронтот.

Свет | пред 1 година

Русија го нападна Макрон

Руските власти и пратеници го критикуваа францускиот претседател Емануел Макрон затоа што рече дека Русија и се заканува на Европа, предупредувајќи дека таквите изјави може да го доближат Западот до нова светска војна.Руската инвазија на Украина доведе до најголемиот конфликт меѓу Западот и Русија по кубанската ракетна криза во 1962 година, при што Кремљ и Белата куќа предупредуваа на погрешни чекори кои би можеле да предизвикаат Трета светска војна.Но, напредувањето на руските сили во Украина во 2024 година, одлуката на американскиот претседател Доналд Трамп да ја смени американската политика кон Украина и Русија и неговото барање за мировен договор за ставање крај на војната, предизвикаа криза меѓу европските сили, кои стравуваат дека Соединетите држави ѝ го вртат грбот на Европа.Во обраќањето до нацијата во средата, Макрон рече дека Русија е закана за Франција и Европа, дека војната во Украина е веќе глобален конфликт и дека е отворен за разговори за проширување на францускиот нуклеарен чадор за сојузниците во Европа.„Таквата погрешна пресметка води до фатални грешки“, рече Константин Косачев, влијателен руски пратеник, кој рече дека Макрон погрешно ја разбрал реакцијата на Русија на проширувањето и агресијата на воената алијанса предводена од САД кон Русија.„Макрон манијакално им наметнува на своите граѓани, сојузници и на целиот свет сосема погрешен концепт за тоа што се случува - „Русите доаѓаат!“ „Ваквите лажни заклучоци и лажни сугестии водат кон амбис“, додаде тој.Русија и Соединетите Американски Држави се убедливо најголемите нуклеарни сили во светот, секоја од нив поседува над 5.000 нуклеарни боеви глави. Кина е трета со околу 500, потоа Франција со 290 и Обединетото Кралство со 225, според Федерацијата на американските научници.Поранешниот руски претседател Дмитриј Медведев, кој своевремено се прикажуваше како модернизатор, но сега се обидува да биде поголем јастреб од најголемите јастреби во Кремљ, рече дека Микрон не претставува закана и предвиде дека ќе ја загуби власта до 2027 година.

Свет | пред 1 година

(Видео) Станковски: Во акцијата во Бродец учествуваа 12 посто Албанци

Разбивање на терористичка организација во Бродец е ремек дело на Антонио Станковски, член на безбедносните сили. Тој во „Претрес со Ландов”, рече дека Тигрите беа во третото одење во Бродец. Ризикот бил од прв степен.„12 посто во силите беа Албанци. Јас реков дека сите ќе ги носам. Со мене се согласи Мијалков. На состанок ги собрав сите албанци и ги запознав со акцијата. Сите знаеја се за акцијата. Немаше осцилации во информациите. Тешко беше без хеликоптерите од АРМ. Поради зголемување на терористичката група мораше и втор пат да одиме, но без успех. Мораше хеликоптерите да се активираат. Акцијата во третиот пат успеа. Од албанските политички елити немаше критики или политички употреби”, рече Станковски кој им изрази благодарност на сите албанци кои учествуваа во успешната антитерористичка акција во Бродец.

Македонија | пред 1 година

(Видео) Станковски: Во 2001 имавме неспособни генерали, но сега нема мотивираност како во 2001 и полошо би поминале

Антонио Станковски, кој беше дел од безбедносниот систем, гостин во „Претрес со Ландов”, вечерва открива детали за антитерористичките акции: Бродец, Диво Насеље, Монструм, Радуша. Вели порано не требаше партиска книшка да се биде дел од безбедносните служби. Тој бил заменик командант на Волците. Во 2001 бил деградиран зошто не се согласувал со ставовите на претпоставениот.За 2001 и воениот конфликт вели грешка е што немаше координација меѓу полицијата и армијата.„Кај нас е проблемот. Политичарите мора да ги предвидуваат проблемите. Исто е и сега. Кој ќе ни даде оружје? Полошо сега ќе поминеме од 2001. И моралот во 2001 беше на ниво, тогаш бевме мотивирани, сега не. Воениот рок треба од утре да се врати. Неспособни генерали имавме во 2001”, вели Станковски.Во масакрот во Вејце се сеќава, ми погина соборец. За тоа обвинуваа припадник на МВР, со ова Станковски не се согласува и ги обвини раководните структури, конкретно Бошевски кој бил одговорен за тетовско, и бил повикан од пензија. Вејце не било наместено. „Идеите и плановите“, вели, „му беа како од 18 век“.„Државата е на прво место, фамилијата на второ или трето место”, посочува Станковски.

Македонија | пред 1 година