Опожарено „ауди“ во Ѓорче Петров, од пожарот зафатено уште едно возило

Вчера во 12.20 часот во СВР Скопје било пријавено дека на подрачјето на Ѓорче Петров настанал пожар во патничко возило „ауди“ со скопски регистарски ознаки, сопственост на М.Н.(44) од Скопје.Според пријавеното, пожарот настанал при стартување на возилото и притоа делумно било зафатено и патничко возило „хјундаи“ со скопски регистарски ознаки, кое било паркирано до возилото „ауди“.Пожарот бил изгаснат, а повредени лица нема.

Скопје | пред 1 година

21-годишник од Скопје нападнат од неколку лица во центарот на градот

Вчера во 17.30 часот во СВР Скопје, 21-годишниот А.М. од Скопје пријавил дека на 29.12.2024 околу 03.10 часот пред угостителски објект на подрачјето на Центар бил физички нападнат од неколку лица, при што едно од нив му одзело личен накит.Се преземаат мерки за расчистување на случајот.

Скопје | пред 1 година

Жена од Гостивар измамена од едно лице за сума од 380 евра

Вчера во 17.30 часот во ОВР Гостивар, 36-годишна жена од Гостивар пријавила дека била измамена од едно лице за сума од 380 евра.Според пријавеното, лицето се претставило дека работи со хуманитарни организации од Косово и Албанија и дека за нејзино лекување биле обезбедени 7.000 евра, но за да ги добие требало да уплати 380 евра преку брз трансфер на пари.Како што е пријавено, таа позајмила пари и му ги пуштила, но веќе наредниот ден не одговарал на нејзините повици, по што сфатила дека била измамена. Се преземаат мерки за расчистување на случајот.

Македонија | пред 1 година

Затекнати осум девојки во кафеана на автопатот Тетово – Скопје, три од нив биле странски државјанки кои го злоупотребиле престојот во државата

Ноќта од 30 кон 31 декември, во периодот од 23.00 до 05.00 часот, полициски службеници од СВР Тетово извршиле контрола во угостителски објект покрај автопат Тетово – Скопје, сопственост на 43-годишниот Џ.М. од Тетово.При контролата биле затекнати осум женски лица, од кои пет македонски државјанки и три странски државјанки кои го злоупотребиле туристичкиот престој.Тие биле приведени и задржани во полициска станица за понатамошна постапка.

Македонија | пред 1 година

(Видео) Спектакуларен новогодишен огномет над познатата Сиднејска опера и мостот во Сиднеј

Голем број домашни и странски туристи уживаа во спектакуларниот новогодишен огномет над познатата Сиднејска опера и мостот во Сиднеј во Австралија.Државата Самоа, Кирибати и Нов Зеланд први влегоа во новата календарска 2025 година, а полноќ отчука и на Фиџи и Австралија.Сиднеј е еден од првите големи градови кои влегуваат во новата година, па тој дочек го одбележа навистина спектакуларно. Милиони луѓе се собраа за да уживаат во овој поглед над култната Опера.

Свет | пред 1 година

Студентите ќе имаат бесплатен превоз во 2025 година, кажа Јаневска

Студентите во главниот град ќе имаат бесплатен јавен превоз во 2025 година. На денешната седница, Владата донесе одлука да му префрли 120 милиони денари на ЈСП - Скопје, информираа на прес конференција претседателот на Владата, Христијан Мицкоски и министерката за образование и наука Весна Јаневска.„Претходната Влада три години не обезбедуваше средства за оваа намена и немаше донесено ваква одлука. Оттука и недовербата која студентите ја имаа кон извршната власт. Ги уверувам треба да бидат спокојни затоа што новата Влада ги исполнува ветувањата и обврските кон граѓаните, а токму оваа наша одлука е потврда за тоа“, рече премиерот Мицкоски, додавајќи дека бесплатниот јавен превоз, ќе им овозможи на студентите поголема достапност и ќе ги ослободи од финансискиот товар со што ќе може повеќе да се фокусираат на студиите и личниот развој. Министерката Јаневска рече дека во изминатите 6 месеци министерството интензивно комуницираше со студентите околу нивните потреби и беа прифатени повеќе нивни барања.„Овозможивме бруцоши да користат субвенциониран оброк од први октомври, што не беше така до лани. Во 2025 година, или ќе се прошири опфатот на оваа мерка со вклучување на оние кои се вработени на половина работно време, или пак, ќе се зголеми износот на дневниот надоместок. Тоа ќе одлучиме заедно со студентските организации“, додаде министерката.Годинава беше овозможено за стипендиите за втор циклус на студии во државата, да аплицираат и студенти со завршени тригодишни додипломски студии. Навремено беа исплатени ученичките и студентските стипендии за тековната учебна, односно академска година, за разлика од минатото кога доцнеа повеќе од половина година.Јаневска потсети и дека беа олеснети постапките за аплицирање и за остварување на правото на стипендија. Учениците и студентите повеќе не доставуваат хартиени договори во МОН, ниту пак, министерството доставува хартиени решенија. Процесот за прв пат се одвиваат целосно електронски.Јаневска информираше дека за 2025 година е обезбеден за 18% поголем буџет за студентски стандард споредбено со годинава и ќе изнесува 30 милиони евра. Ќе продолжи реконструкцијата на државните студентски домови, како и изградбата на објектите за ФИНКИ и ФФК.

Македонија | пред 1 година

При гасење пожар во куќа, струмичките пожарникари пронајдоа мртво лице

Денес 31.12.2024 година, во 12.35 часот на улицата Широк дол, ТППЕ Струмица со едно противпожарно возило и 4 пожарникари-спасители интервенираше на гасење на запалена просторија од куќа.При интервенцијата внатре во просторијата е пронајдено мртво лице. Увид на лице место вршат надлежните органи.Причините за настанувањето на пожарот се уште не се утврдени.

Македонија | пред 1 година

(Видео) Мицкоски: Бесплатен јавен превоз за студентите ќе има, Владата донесе одлука да му префрли 120 милиони денари на ЈСП

„Во изминатите неколку недели актуелна беше темата за јавниот бесплатен превоз на студентите. Имајќи ја во предвид очајната финансиска состојба во Јавното сообраќајно претпријатие се наметна темата дали тоа воопшто ќе продолжи да работи, да функционира и се доведе во прашање имплементацијата на самата мерка за бесплатниот превоз на студентите“, кажа премиерот Христијан Мицкоски.„Станува збор за наследен проект и проект кој беше заглавен со многу недоречености и долгови.Дополнително на ова, свесни за фактот што студентите се иднината на нашата држава, но и за тоа дека, секојдневно се соочуваат со големи предизвици, високи трошоци за школување, сместување и живот. Во вакви околности, јавниот превоз е еден од главните трошоци за студентите.Затоа Владата на денешната редовна седница одлучи да му префрли 120 милиони денари на Градот Скопје, односно на Јавното сообраќајно претпријатие, за да може оваа мерка непречено да се реализира и следната календарска година. Тоа е едно дополнително олеснување на образовниот процес на студентите и една грижа помалку за нив, од финансиски аспект.За потсетување, претходната Влада три години не обезбедуваше средства за оваа намена и немаше донесено ваква одлука. Оттука и недовербата која студентите ја имаа кон извршната власт. Ги уверувам, треба да бидат спокојни, затоа што новата Влада ги исполнува ветувањата и обврските кон граѓаните, а токму оваа наша одлука е потврда на тоа.Во изминатите нешто повеќе од 6 месеци имавме редовна и отворена комуникација со младите, со студентите за што повеќе ќе говори министерката. Често дискутиравме за нивните потреби, барања и наталожени предизвици.Бесплатниот јавен превоз ќе им овозможи поголема достапност до образованието и ќе ги ослободи од финансискиот товар, со што тие ќе можат повеќе да се фокусираат на своите студии и личен развој.Оваа мерка има се разбира и еколошки аспект. Поттикнувајќи ги младите да го користат јавниот превоз, намалуваме употреба на приватни возила, со што придонесуваме за почист воздух, помали емисии на штетни гасови и поздрави градови.Сакам да истакнам дека наследивме Влада со многу проблеми, но ги решаваме, целосно посветени на она што преставува реална потреба на сите граѓани. И во последниот ден од оваа година сакам да посочам неколку работи. Надежта се роди и очекувањата се големи. Ќе работиме до ситните часови, и секој ден така, само за да не ги изневериме очекувањата на граѓани“, изјави Мицкоски.

Македонија | пред 1 година

Сиљановска-Давкова: Посакувам 2025-та година да биде година на успеси, стабилност, радости и остварени соништа

Претседателката Гордана Сиљановска-Давкова упати честитка по повод новогодишните празници.„Драги сограѓани, драги сопатници во заедничкото македонско патување и патешествие, во нашето споделување на арното и лошото, денеска е тој ден, најден, со заслужени суперлативи – најдолг, најсреќен, најубав, ден кога нешто оставаме како спомен од минатото и со себе ја земаме надежта за поубава година.Во годинава што изминува бевме сведоци на многу порази и падови, но и на успеси, хуманост, меѓусебна помош и поддршка.Новата година е момент да се направат многу нешта во пријатна атмосфера, но и момент да се потсетиме дека некои храбри луѓе бдеат над нашата благосостојба.Новата година секогаш буди оптимизам, надеж и раѓа нови можности.Како и во вашите животи, и во мојот, има и подеми и падови, но и стотици причини и мотиви да не се откажуваме. Ние секогаш имаме обврска да чекориме напред и кон подобро, заради нас самите, заради нашите деца и за општото добро. Мудриот рекол една гранка лесно се крши, но кога десет гранки ќе се сплотат, тоа е невозможно.Живеејќи во свет на искривени вредности, да испратиме пораки дека заедно сме посилни и посреќни. Да им подадеме рака и на немоќните, на лицата коишто живеат на маргините, потребни сме им, но и тие нам. Да изградиме општество во кое секој ќе има шанса за пристоен и достоинствен живот, ранливите ̶ поддршка, а младите ̶ инспирација, мотив и иднина. Имаме насушна потреба од еколошка правда и договор со природата, но не како наметната обврска, туку како предуслов за извесна иднина.Како нација имаме право да го покажеме пред светот нашето вистинско лице, да ја кажеме нашата долговековна приказна, да веруваме во нашиот македонски сон.И како човек и како претседателка верувам дека вреди да се бориме за правото, правдата и моралот. Држејќи се до овие начела, малите земји имаат шанса да ги пребродат големите бури во меѓународните води.Да го чуваме како добри домаќини нашиот заеднички дом. Посакувам 2025-та година да биде година на успеси, стабилност, радости и остварени соништа. Да живееме во мир, спокој и хармонија со оние што ги сакаме и што нѐ сакаат.Среќна Нова година!“, се наведува во честитката на Претседателката Гордана Сиљановска-Давкова.

Македонија | пред 1 година

Сообраќајка на магистралниот пат Радовиш - Струмица, двајца повредени

Вчера во 20.35 часот во СВР Струмица било пријавено дека на магистрален пат Радовиш - Струмица, делница помеѓу крстосница за село Василево и Струмица, се случила сообраќајна несреќа помеѓу патничко возило „опел“ со струмички регистарски ознаки, управувано од О.П.(47) од село Градашорци, струмичко и патничко возило „бмв“ со струмички регистарски ознаки, управувано од М.Т.(21) од село Владевци, струмичко.Во несреќата со тешки телесни повреди се здобил возачот М.Т., а со телесни повреди се здобил возачот О.П., констатирани во Медицински центар Струмица.Увид на местото извршила екипа на Полициската станица Струмица.

Македонија | пред 1 година

Уапсени двајца од Неготинско: краделе од општинско основно училиште во село Криволак

Вчера во 10.50 часот и во 13.00 часот, полициски службеници од ОВР Неготино ги лишиле од слобода Д.Н.(19) и Ф.М.(21), двајцата од село Криволак, неготинско.Тие се сомничат дека во периодот од 29.12.2024 до 30.12.2024 одзеле повеќе предмети од општинско основно училиште во село Криволак.Предметите биле пронајдени и вратени во училиштето. Д.Н. и Ф.М. биле приведени, известен бил јавен обвинител и по документирање на настанот против нив ќе биде поднесена соодветна пријава.

Македонија | пред 1 година

„Ауди“ излета од локален пат во Струшко: двајца повредени

Денеска во 03.40 часот во Полициската станица Струга било пријавено дека на локалниот пат од населбата Теферич кон село Шум, струшко, патничко возило „ауди“ со охридски регистарски ознаки, управувано од 27-годишниот Р.О. од Охрид, излетало од патот.Во несреќата со тешки телесни повреди се здобил возачот, а со телесни повреди се здобил неговиот сопатник Л.М. од село Заграчани, струшко, констатирани во Специјалната болница „Св.Еразмо“ во Охрид. Извршен бил увид од увидна екипа од ОВР Струга.

Македонија | пред 1 година

Апсења низ Скопје: пронајдена дрога

Денеска (31.12.2024) во 00.00 часот во Скопје, на подрачјето на Бит Пазар, полициски службеници од ЕВР Центар и Бит Пазар го лишиле од слобода К.А.(19) од Кочани затоа што кај него била пронајдена и одземена прашкаста материја. По целосно документирање на случајот ќе следува соодветен поднесок.На 30.12.2024 во 20.00 часот во Скопје, на место викано Сончев град, полициски службеници од Полициската станица Кисела Вода го лишиле од слобода З.С.(39) од Скопје затоа што кај него била пронајдена и одземена прашкаста материја. По целосно документирање на случајот ќе следува соодветен поднесок.На 30.12.2024 во 20.25 часот во Скопје, на подрачјето на Карпош, полициски службеници од Единицата за интервентна полиција при СВР Скопје го лишиле од слобода Е.А.(22) од Скопје затоа што кај него била пронајдена и одземена марихуана. По целосно документирање на случајот ќе следува соодветен поднесок.На 30.12.2024 во 22.20 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода М.С.(31) од Петровец затоа што кај него била пронајдена и одземена марихуана. По целосно документирање на случајот ќе следува соодветен поднесок.На 30.12.2024 во 22.10 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода М.А.(39) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.

Скопје | пред 1 година

Прегазена битолчанка: со тешки повреди пренесени во болница

Вчера во 13.24 часот во СВР Битола било пријавено дека на улицата „Карпош“ во Битола, патничко возило „форд“ со битолски регистарски ознаки, управувано од 47-годишниот Г.С. од Битола, удрило во 61-годишната З.Д. од Битола.Во несреќата со тешки телесни повреди се здобила З.Д., констатирани во Клиничка болница Битола.Увид на местото на несреќата извршила увидна екипа од СВР Битола.

Македонија | пред 1 година

Апсења во Битола, Прилеп и Радовиш: пронајдени разновидни пиротехнички средства

На 30.12.2024 во Битола, полициски службеници од СВР Битола го лишиле од слобода У.Ш.(50) од Битола. При претрес во неговиот дом, извршен со судска наредба, биле пронајдени и одземени разновидни пиротехнички средства. По документирање на настанот против него ќе следува соодветна пријава.На 30.12.2024 во Прилеп, полициски службеници од ОВР Прилеп го лишиле од слобода А.О.(26) од Прилеп. При претрес во неговиот дом, извршен со судска наредба, биле пронајдени и одземени 400 парчиња разновидни пиротехнички средства. По документирање на настанот, против него ќе следува соодветна пријава.На 30.12.2024 во 12.00 часот во Радовиш, полициски службеници од СВР Струмица - ОВР Радовиш го лишиле од слобода Д.Р.(30) од Шуто Оризари, скопско. При преглед кај него биле пронајдени разновидни пиротехнички средства. Запознаен бил јавен обвинител од Основното јавно обвинителство Радовиш и по документирање на случајот против него ќе биде поднесена соодветна пријава.

Македонија | пред 1 година

Kомунална хигиена-Скопје подигна 𝟣𝟤𝟢𝟢 кубни метри отпад од диви депонии во текот на декември

Во текот на последниот месец од 2024-та година, екипите на ЈП Комунална хигиена-Скопје подигнаа и транспортираа приближно 1200 кубни метри непрописно одложен отпад од јавни и сообраќајни површини на територијата на градот Скопје. Најголем број диви депонии се отстранети во скопските општини Чаир, Ѓорче Петров и Аеродром, извести Kомунална хигиена-Скопје.Во текот на месецов, ЈП Комунална хигиена-Скопје бележи и голем број интервенции на таканаречените „црни точки“ каде што континуирано непрописно се одлага отпад, лоцирани на булеварот Никола Карев (Пластичарска улица) - во општината Чаир, улиците Ѓорче Петров, Лука Геров, Христо Батанџиев и Македонска војска - во општината Ѓорче Петров, улицата Васил Чакаларов - во општината Карпош и улицата Димо Хаџи Димов - во општината Кисела Вода.На овие локации секојдневно се реализираат и интервентни патролни дежурства од страна на Еко-патролата на ЈП Комунална хигиена-Скопје, којашто во текот на месец декември изготви и врачи вкупно 29 едукативно-информативни записници за граѓани и правни субјекти што се затекнати при прекршување на Законот за јавна чистота, соопшти Kомунална хигиена-Скопје.

Скопје | пред 1 година

Мицкоски: Продолжуваме да работиме на економскиот напредок, борба против криминалот и корупцијата и евроинтеграциите, 2025 ќе биде година на развој, раст и подобар живот за сите

„2024 беше година на тешки и сериозни околности не само кај нас, туку и во целиот свет. Војните во повеќе региони, трагедијата на жртвите и ранетите, економското влијание од сето тоа, но и даноците и ефектите од постапките на неодговорните политичари кај нас, ги живеевме и сè уште живееме сите“, рече премиерот Христијан Мицкоски.„2024 беше година кога граѓаните избираа каква иднина сакаат и одбраа одлучни и убедени како никогаш до сега, Македонија да биде повторно нивна. Таа победа не беше само број, тоа беше јасен мандат од народот за нов пат и нова визија. Ве уверувам ние ја почитуваме и ја чуваме таа доверба и секој ден работиме напорно за да ги исполнуваме ветувањата кои ги дадовме и ние таа заклетва и одговорност не ја забораваме.Како Влада наследивме држава која тонеше во криминал и нефункционалност, која се соочуваше со сериозни проблеми, а турбуленциите и економско-социјалните и институционалните предизвици однесоа многу време и енергија.Можеби работите за некого не одеа со посакуваната брзина, но ве уверувам дека ова е единствениот пат и дека се е работа на добро осмислен план, според кој свесни за вашите очекувања ќе ги реализираме ветувањата и ќе го направиме тоа што го очекувате од нас, тоа за кое не одбравте.Чекор по чекор се изодува патот од илјада милји, и верувајте нема покус пат, туку има само исправен пат и соодветни чекори. А ова што ние го правиме е токму такво чекорење по патот до заедничката цел.Во овие 6 месеци направивме низа на чекори кои требаше да ја стабилизираат економијата, и кои доведоа до посакуваниот раст од 3 проценти кој претходно дури и во проекциите за Светската банка беше недостижен. Следната година планираме уште поголем раст, очекуваме сериозен исчекор во овој дел и нови убави вести, ефекти кои ќе ги почувствуваат сите граѓани.Ги зголемивме пензиите, линеарно за две и половина илјади денари, а од март следната година следува ново покачување од две и половина илјади денари. Постигнавме зголемување на платите во образованието за минимум 46% во следните 4 години, додека тие во здравството тие веќе пораснаа за 10 проценти, а во следните години, во следните четири години ќе пораснат за 40 до 50%. Вработуваме 300 млади доктори и специјализанти. Се отпочна со мега проект за реализација на капитални проекти за општините од 250 милиони евра, во нови градинки, училишта, спортски сали, водови. Обезбедивме 250 милиони евра за развој на стопанството под супер евтина камата од 1.95%, имаме историски највисока поддршка и откупна цена за лозарите, тутунарите, оризопроизводителите и останатите земјоделци.Постигнавме рекорд за привлекување на странски инвестиции над 1 милијарда евра и обезбедивме или забрзавме 8 нови странски инвестиции за нови 2.800 вработувања и многу, многу други проекти. Отворивме и фронт за борба против криминалот и корупцијата. Со докази, чекор по чекор, но одлучно.Имаме уште многу работа. Со уште поголемо темпо и уште поодлучна акција.2025 ќе биде година на развој, раст и подобар живот за сите.Ќе бидеме фокусирани на повеќе области, но приоритетно на 3 теми.1. Економски и социјален раст и развој и повисок стандард. Повеќе пари за сите.2. Создавање на ред и систем, јакнење на институциите и борба против корупција, решавајќи ги притоа во од заостанатите и преостанатите дефекти на корупција во системот на сите нивоа како и нивните поддржувачи и соработници.3. Интеграција во ЕУ и спроведување на реформи за членство во ЕУ, дури и ако опстојат предизвиците за почеток на преговорите, кои чекор по чекор ќе се трудам да ги надминуваме.На трите теми ќе правиме максимум со добро осмислен план и тајминг на активности.Во 2025 година ќе се пушти во употреба експресниот пат Куманово-Крива Паланка, како и Градско-Прилеп. Ќе биде готова првата фаза од пругата кон Бугарија, додека интензивно и без застој ќе се градат автопатите Гостивар – Букојчани, Прилеп-Битола и Кичево-Охрид. Ќе почнеме со градба на автопат Тетово-Гостивар. Ќе растат платите во повеќе области, како и пензиите. Ќе обезбедиме ваучери од 250 евра за електронски уреди за сите студенти како и евтини кредити за млади до 30 илјади евра. Ќе има проекти и мерки за сите граѓани, Македонци, Албанците, Турци, Роми, Срби, Власи, Бошњаци и останати. Ќе работиме за сите посветено и одговорно, за ваш подобар и поквалитетен живот.2025 година ќе биде година на надеж, оптимизам, успеси и многу работа!Ќе работиме напорно и посветено во 2025 година, за да успееме да ја изградиме Македонија каква што сите вие граѓаните ја посакувате и каква што сите ние заедно ја заслужуваме. Македонија, која ќе биде повторно ваша! Среќна и успешна Нова година, исполнета со здравје, среќа и многу љубов! Бог да ја благослови Македонија и нејзините граѓани“, посака Мицкоски.

Македонија | пред 1 година

(Видео) Филипче: Во годината што измина Владата заборави на граѓаните, го срози животниот стандард, го блокираше напредокот

Претседателот на Социјалдемокртаскиот сојуз на Македонија, Венко Филипче, во новогодишното обраќање посочи дека годината што измина донесе изневерени надежи и очекувања за многумина. Филипче потенцираше дека новата Владата заборави на интересите на граѓаните за сметка на интересите на елитата.„Наместо економски раст, стабилност и европска перспектива, од новата Влада видовме стагнација и блокади. Владата ги изневери граѓаните уште во првите шест месеци. Не успеа да донесе реформи, го срози стандардот на граѓаните и ги замрзна платите. По шест месеци се живее полошо дури од времето на економските кризи кои се сега далеку зад нас. Ова е последица на негрижата за граѓаните, за жал, добивме Влада која се грижи за интересите на малкумина од елитата а ги заборава оние кои и ја дадоа довербата“, порача Филипе.При тоа, Филипе нагласи дека СДСМ секогаш ќе биде на страната на граѓаните и ќе се бори за подобрување на животот на граѓаните.„Нашата задача е јасна, да бидеме силен глас на граѓаните, глас кој ќе се бори за правда, за економска стабилност и за подобар живот за сите нас. СДСМ никогаш нема да го изгуби својот фокус – секој човек е важен, секој проблем е наш заеднички предизвик. Ќе се бориме за зголемување на платите и пензиите, за нови работни места и за реална борба против сиромаштијата. Ќе бараме вистинска правда, институции кои работат за граѓаните, а не за партиски интереси“, вели во новогодишното обраќање претседателот на СДСМ, Венко Филипче.

Македонија | пред 1 година

Герасимовски: 2000 дечиња добија новогодишни пакетчиња

Општина Центар, оваа година ги изненади дечињата на територија на општината со 2000 новогодишни пакетчиња. Овие пакетчиња беа поделени на учениците од основните училишта во Центар, децата од градинките, како и на лицата со попречености и со Даунов синдром.Не беа заборавени ниту пак најмалите херои кои се лекуваат на Клиниката за детски болести и Клиниката за детска хирургија, кои добија пакетчиња како дел од новогодишната магија.Градоначалникот на Општина Центар, Горан Герасимовски истакнува дека новогодишните празници се време кога сите треба да се чувствуваме убаво, особено нашите најмали, кои го прават посреќен секој наш ден.„Изминатава недела заедно со Дедо Мраз донесовме радост и насмевки на децата. Благодарност до сите општествено одговорни компании кои се приклучија и нѐ поддржаа да ги израдуваме најмалите. Заеднички можеме да направиме многу“, вели Герасимовски.

Скопје | пред 1 година

Бесплатен паркинг во Центар за новогодишните и божиќните празници

Паркирањето во Општина Центар за време на новогодишните и божиќни празници ќе биде без наплата за сите граѓани.Согласно Одлуката на претпријатието, на 01.01.2025 година (среда) сите паркиралишта со кои стопанисува ЈП ПОЦ ќе бидат без наплата за сите граѓани.Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 02.01.2025 година (четврток) со вообичаено работно време.За време на божиќните празници на 06.01. (понеделник), 07.01. (вторник) сите паркиралишта со кои стопанисува ЈП Паркинзи на Општина Центар ќе бидат без наплата за граѓаните. Редовната наплата за паркирање на паркиралиштата и издавање на договори во Дирекцијата ќе продолжи на 08.01.2025 година (среда) со вообичаено работно време.Депото на „Пајак“ службата на ЈП ПОЦ ќе работи 24/7 за време на празниците како и паркиралиштето Дилајла кое е со автоматска наплата. Тимот на ЈП Паркинзи на Општина Центар Ви посакува среќни новогодишни и божиќни празници.

Скопје | пред 1 година

Кумановец држел поголемо количество забрането оружје во близина на Арачиново, поведена истрага

Основното јавно обвинителство Скопје донесе Наредба за спроведување истражна постапка против 29-годишен жител на Куманово, кој заедно со други засега непознати лица, во канал покрај локалниот пат меѓу селата Орланци и Никуштак криеле поголемо количество огнено оружје и муниција.Полицијата, на 18 декември, покрај коловозната лента до пластичен столб за светлосна сигнализација означен со лименка, пронашла пушкомитралез, десетина автоматски пушки, рамки и поголем број куршуми кои на граѓаните им се забранети и за чие поседување цивилните лица не можат да добијат дозвола.Со дополнителни истражни дејствија по наредба на јавен обвинител откриени се материјални траги кои даваат основано сомнение дека токму овој осомничен и уште неколку други лица на чија прецизна идентификација се работи, недозволено го држеле оружјето на наведената локација.Со ова осомничениот сторил кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 од Кривичниот законик.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, бидејќи постои опасност од бегство, можност за влијание врз сведоците и опасност да го повтори делото. Потврда дека постои опасност осомничениот да се обиде да го избегнува кривичниот прогон е фактот што тој бил лишен од слобода на 29 декември на граничниот премин Долно Блаце при обид да излезе од државата.Исто така, обезбедените материјални траги упатуваат дека тој имал соучесници, па осомничениот би можел да влијае врз нив доколку се брани од слобода.Судот го прифати ваквото образложение на обвинителството и на осомничениот му определи притвор во траење од 30 дена.

Македонија | пред 1 година

(Видео) Сиднеј се подготвува за Нова година: покрај “Опера хаус” се чува место од зори

Австралија е прва голема земја каде стигнува Новата година.Нема големи прослави по кафеани, ама затоа, спектаклуарниот огномет е голема атракција.Еве како се чека и чува место:

Свет | пред 1 година

Пет авионски несреќи имаше за една недела: има 217 жртви

Пет авионски несреќи за една недела.Разорната серија на авионски несреќи го остави светот во жалост.Лет 28243 на Азербејџан Ерлајнс – Се урна Ембраер ЕРЈ-190АР, за кој наводно постои сомневање дека е соборен. Трагично, сите 38 на бродот ги загубија животите.Jeju Air Flight 2216 – Боинг 737-800 слетал поради неисправност на опремата за слетување, наводно предизвикана од удар на птица. Несреќата резултираше со 179 жртви.KLM Flight 1204 – Боинг 737-800 се лизна веднаш по полетувањето во Осло поради дефект на хидрауликата. За среќа, немаше жртви.Лет 2259 на „Ер Канада“ – „Цртичка 8-400“ се запали при итно слетување по дефект на опремата за слетување. Авионот се излизгал по пистата на аеродромот Халифакс, но нема животи.Лесна авионска несреќа – Мал авион од авијацискиот клуб Џазира се урна во морето кај Рас Ал Каима, ОАЕ. Трагично, животот го загубија и пилотот и копилотот.

Свет | пред 1 година

Министерството за финансии на САД: Кина нѐ хакираше

Американското Министерство за финансии објави дека кинески државен субјект ги хакирал неговите системи во „голем инцидент“.Хакирањето се случило на почетокот на декември, а денес станало познато за јавноста преку писмо испратено од американското Министерство за финансии до пратениците во кое ги информирал за инцидентот.Во писмото, Министерството за финансии наведува дека кинескиот актер можел да ги заобиколи безбедносните мерки користејќи клуч што го користел трето лице давател на услуги за далечинска техничка поддршка за вработените во Министерството.Американската агенција го опиша инцидентот како „голем безбедносен инцидент“ и објави дека соработува со ФБИ и други агенции за да ги истражат ефектите од хакирањето.Третата компромитирана услуга - BeyondTrust - оттогаш е затворена, изјавија официјални лица. Тие додаваат дека во моментов нема докази дека хакерот се уште има пристап до информации од Министерството за финансии.Покрај ФБИ, Одделот работи со Агенцијата за сајбер-безбедност и инфраструктурна безбедност (CISA) и надворешни форензичари за да го утврдат целокупното влијание на хакирањето.Врз основа на досегашните докази, официјалните лица рекоа дека се чини дека хакирањето е извршено од „напредна постојана закана“ (АПТ) поврзана со Кина.„Во согласност со политиката на Министерството за финансии, упадите што му се припишуваат на APT се сметаат за големи инциденти за сајбер безбедноста“, напишаа претставниците на Министерството за финансии во писмото до пратениците.

Свет | пред 1 година

А каде е Груби?

Веќе 15 дена трае „приватната посета“ надвор од земјата на поранешниот заменик-претседател на Владата Артан Груби, кој се бара со меѓународна потерница во врска со злоупотребите во Државната лотарија во вредност над 8 милиони евра. Претседателот на Собранието, Африм Гаши, на новинарско прашање дали има информација каде се наоѓа поранешниот вицепремиер Артан Груби, рече дека не се занимава со таа работа.„Се обидувам да се апстрахирам од дневна политика. Тоа е работа на органите на редот. Вчера видов една изјава на неговиот лидер дека тој знае и мислам дека треба набрзо да се повика, да се праша каде е и да се преземат мерки и да биде повикан и да дојде да одговара пред органите на редот“, рече Гаши.Сепак, лидерот на ДУИ, Али Ахмети, вели дека веројатно се наоѓа некаде на албанските простори. И за да биде уште поконтроверзно, според Ахмети, Груби не избегал, иако дури еден полицаец беше суспендиран од работа токму поради бегството на Груби.„Господинот Груби, според информациите што ги имам, не сум го сретнал, добро е. Неговата локација сѐ уште е некаде на албанските простори. Тоа е процес што треба да добие епилог. Артан Груби не е избеган од Македонија. Артан Груби е подготвен да одговори пред органите на правдата, да ги почитува законите, но не со одмазничка и селективна правда“, изјави Али Ахмети, лидер на ДУИ.По денешните реакции и барања што стигнаа од премиерот Христијан Мицкоски, но и од опозицискиот СДСМ тој да каже каде се наоѓа Груби, Ахмети во изјава за ТВ 21 тврди дека нема контакт со ексвицепремиерот.„Лично немам контакт со Артан Груби и немам детални информации каде актуелно се наоѓа. Мојата изјава во текот на вчерашниот ден е базирана на тоа што е јавно изјавено од претставници на Владата, но исто така и од фактот дека тој легално си ја поминал границата меѓу Македонија-Косово. Верувам силно дека секој граѓанин вклучувајќи го и господинот Груби заслужува еден правичен и неселективен судски процес далеку од селективна апликација на правото“, изјавил Ахмети за ТВ 21.Прашан за коментар за вчерашната изјава на Ахмети, премиерот Христијан Мицкоски денеска изјави оти се надева дека таа ќе допре до Обвинителството и дека лидерот на ДУИ ќе биде повикан да даде одговор ако знае каде се наоѓа Груби, кого го ослови како бегалец од правдата.„Се надевам дека ова допира до Обвинителството и има правна процедура во која ако имаме личност која знае каде се наоѓа бегалец од законот, ќе ја повика таа личност и таа ќе даде одговор на прашањето каде се наоѓа бегалецот од правдата. На секој во државата му е јасно како се поставуваа обвинители и судии во последните седум години. Истите тие без кои не можеше да биде поставен ниту обвинител, ниту судија, ниту да поминат квалификации преку Академијата на судии и јавни обвинители, сега велат дека правдата некому му била оневозможена и дека ова било политички прогон“, изјави Мицкоски.

Македонија | пред 1 година