Димитриевиќ: ДЕА доставила податоци до македонското и српското обвинителство за скандалот со 5 тони дрога

СДСМ веќе со денови предупредува на последните настани поврзани со најголемата заплена на марихуана во регионот: 5 тони дрога во соседна Србија, која потекнува од Македонија, вели Александар Саша Димитријевиќ – генерален секретар на СДСМ„Ова е скандал од огромни размери кој го открива длабокиот криминал на актуелната власт предводена од ВМРО и Христијан Мицкоски.Според неофицијални информации од медиумите во Србија, обвинителствата во Србија и во Македонија добиле клучни податоци од Американската агенција за борба против дрога (DEA).Поради оваа меѓународна соработка, премиерот Мицкоски веќе една недела нема одговор на клучното прашање: како 5 тони марихуана успеале да ја преминат границата, да излезат од Македонија и да влезат во Србија?Овој молк не е случаен, туку индикатор дека во тврдењата има вистина. Бидејќи фактите укажуваат дека без поддршка на структури во власта, МВР, Царината и други институции, ваква огромна шверцерска операција би била невозможна. Затоа е паниката во власта. Наместо да се соочат со фактите, тие водат медиумска кампања за дефокусирање на јавноста од енормните количини запленета дрога. СДСМ бара итна, независна и транспаррентна истрага која ќе даде одговор на клучните прашања: Кој сѐ е вмешан и кој дозволил 5 тони дрога да поминат преку граница? Дали Симе, од сликите со Мицкоски е исто така дел од мрежата? Ова нема лесно да заврши! Сите ќе одговараат“, вели Димитријевиќ.

Македонија | пред 2 месеци

(Видео) Фудбалски судија брутално претепан откако јавно го запроси момчето пред 50.000 гледачи

Германскиот аматерски фудбалски судија, Паскал Кајзер, бил брутално претепан пред својот дом само една недела откако за време на натпреварот од Бундеслигата помеѓу Келн и Волфсбург пред речиси 50.000 гледачи јавно го запроси својот партнер Мориц.Настанот што стана вирален на социјалните мрежи очигледно им засметал на одредени поединци.Според изјавата на Кајзер, тој претходно добивал закани, во кои дури била наведена и неговата домашна адреса. Иако ја известил полицијата, му било соопштено дека не постои непосредна опасност. Само дваесетина минути подоцна, додека пушел цигара во дворот, бил нападнат од тројца мажи.„Беа исклучително агресивни. Убеден сум дека нападот е директно поврзан со мојата јавна просидба“, изјави Кајзер, кој смета дека станал цел токму поради тоа што неговата врска стана јавно позната.

Свет | пред 2 месеци

Приведен Кумановец за шверц со четворица мигранти

На 09.02.2026 во 04:15 часот на автопатот ,,Пријателство“, во правец од Скопје кон Куманово, полициски службеници од Полициската станица за Граничен надзор Сопот го лишија од слобода Н.С.(40) од Куманово.При вршење на мотопатролна дејност, полициските службеници запреле патничко возило „фиат браво“ со кумановски регистарски ознаки, кое тој го управувал и при извршен преглед во возилото, било констатирано дека превезувал 4 лица-мигранти, двајца од Непал и по еден од Индија и Пакистан.Н.С. е задржан во полициска станица, а мигрантите се пренесени во Транзитниот центар Табановце и по целосно документирање на случајот ќе биде поднесена соодветна пријава.

Македонија | пред 2 месеци

СДСМ: Владата на Мицкоски не сака да ја покачи минималната плата на 600 евра 

Владата на Мицкоски не сака да ја зголеми минималната плата на 600 евра и директно ги остави работниците сами во борбата за гол опстанок, вели СДСМ.„По две години без реален раст на платите, над 200 илјади работници живеат сè потешко, додека вредноста на синдикалната кошница порасна на 66.000 денари. Животот поскапува, а платите стагнираат, тоа е суровата реалност на македонските работници.Наместо да го прифати предлог-законот на СДСМ за минимална плата од 600 евра за сите ранотници, владата склучи селективен договор кој опфаќа само околу 10.000 административни службеници. Притоа беа целосно се игнорирани останатите јавни службеници и останатите илјадници работници во приватниот сектор.Фактите се поразителни: околу 200.000 работници земаат плата под 30.000 денари. Тоа значи продлабочување на сиромаштијата, губење на достоинството на трудот и забрзано иселување на младите и квалификуваните луѓе.Минималната плата мора да важи за сите – во јавниот и во приватниот сектор, во фабриките, конфекциите и малите компании. Селективни решенија и козметички договори не го решаваат проблемот.Решението на СДСМ е јасно, реално и изводливо. Минималната плата веднаш се зголемува за 50%, односно за 12.000 денари, и достигнува 600 евра. Тоа е мерка што директно го подобрува животот на работниците – сега, а не некаде во иднина.Со ребаланс на Буџетот и со кратење на луксузот на власта – службени возила, мебел, патувања, кабинети, може да се обезбедат околу 200 милиони евра. Тие средства се доволни и за минимална плата од 600 евра и за поддршка на приватните компании, без да се загрози нивната ликвидност.Но владата на Мицкоски ги извиси работниците и си го избра сопствениот луксуз“, се вели во соопштението.

Македонија | пред 2 месеци

Кумановец спроведен во затвор Штип за издржување казна од пет години и пет месеци

На 08.02.2026 во 18:20 часот полициски службеници од СВР Куманово го лишија од слобода С.С. (23) од Куманово. Тој бил баран по централна потерница врз основа на судска наредба за издржување казна затвор од пет години и пет месеци, за сторено кривично дело „разбојништво“ по член 237 од Кривичниот законик.Лицето е спроведено во Казнено - поправната установа Затвор Штип за издржување на казната.

Македонија | пред 2 месеци

Минчев: Пржинската влада го отслужи своето и треба да остане во минатото

Министерот за јавна администрација, Горан Минчев, во гостувањето во емисијата „Тема на денот“ во дневник на Сител телевизија изјави дека законското решение за изменување на Законот за Влада, со кое се предвидува укинување на техничката, односно т.н. пржинска влада, се наоѓа во завршна фаза.Министерот истакна дека процесот се водел транспарентно и инклузивно, со активно вклучување и на опозициските политички партии.„На лидерската средба ова прашање беше отворено како една од главните теми. Иако постоеја различни ставови, ние постапката ја водевме максимално транспарентно, со можност и опозицијата да учествува во креирањето на законското решение“ изјави Минчев.Тој појасни дека нацрт-верзијата на законот била доставена до сите координатори на пратеничките групи во Собранието, со рок за доставување забелешки и сугестии, дел од кои биле прифатени.„Прифатени се забелешките на опозицијата, односно барањата на СДСМ, дополнителните министри да бидат распределени во ресорите кои тие ги предлагаа“ нагласи министерот.Како компромисно решение, прифатено е техничката влада да важи уште за следните парламентарни избори, без разлика дали тие ќе бидат редовни или вонредни, а потоа целосно да се укине.Министерот потенцираше дека предлог-законот ќе биде доставен од Министерството за јавна администрација до Владата, по што ќе следи собраниска расправа.„Овој закон се носи со 61 пратеник и без бадентерово мнозинство. Сметаме дека 100-те дена техничка влада сериозно го кочат интензитетот на реформите. Пржинската влада беше воведена во 2016 година за обезбедување фер и демократски избори, а по повеќе изборни циклуси со позитивни оценки, сметаме дека го исполни својот мандат и треба да остане во минатото“ заклучи Минчев.

Македонија | пред 2 месеци

Над 4.900 сообраќајни прекршоци за една недела, 641 од возачи со странски таблици

Во периодот од 02.02.2026 до 08.02.2026 од страна на системот „Безбеден град“ на подрачјата на градовите и Коридорите каде се поставени камери, регистрирани се вкупно 4991 прекршок, од кои 641 мерка за сторен прекршок од страна на возачи кои управувале возило со странски регистарски ознаки.Од вкупниот број на регистрирани прекршоци најголемиот број се за управување на возило со брзина поголема од дозволената 4674, потоа за минување на затворен сигнал (црвено светло) 163, а за управување со возило со измината важност на сообраќајната дозвола констатирани се 154 прекршоци.Исто така, изречени се вкупно 288 мерки „забрана за управување со возило“, од кои 163 се за „минување на црвено светло“, а 125 се за „брзо возење“.Во рамки на предвиденото дозволено отстапување во брзината на движење толерирани се 22.434 возила.Апелираме до сите учесници во сообраќајот да се почитуваат сообраќајните правила и прописи и сите заедно да придонесеме за посигурни и побезбедни патишта.

Македонија | пред 2 месеци

Се поврзуваат 40-те тони марухуана од Македонија со српските 5 тони - нови информации од обвинителството

Во рамките на опсежната акција што се спроведува изминатиов период, а во која досега се запленети над 40 тони марихуана од повеќе правни лица на територијата на државата, обвинителството соопшти дека континуирано презема активности во координација со Министерството за внатрешни работи и Комисијата за одобрување на одгледување на канабис за медицински цели при Министерството за здравство.Од обвинителството информираат дека постапувањето се одвива во постојана соработка со Основното јавно обвинителство за гонење на организиран криминал и корупција, како и со други јавни обвинителства со месна и стварна надлежност, кои постапуваат по предмети за кривични дела утврдени во Законот за контрола на опојни дроги.Во насока на целосно утврдување на сите релевантни факти и околности, предметниот јавен обвинител од Основното јавно обвинителство за гонење на организиран криминал и корупција воспоставил комуникација со Обвинителството за организиран криминал на Република Србија. Целта на оваа соработка е размена на информации од значење за постапката, кои треба да помогнат во утврдувањето на евентуална поврзаност меѓу случаите во двете држави и потеклото на запленетата марихуана.Паралелно со меѓународната соработка, јавниот обвинител од ОЈО ГОКК презема и други дејствија во рамки на своите законски надлежности, меѓу кои и сослушување лица во својство на сведоци, со цел прибирање докази и утврдување факти што се од суштинско значење за постапката.Од Основното јавно обвинителство за гонење на организиран криминал и корупција нагласуваат дека, заедно со надлежните институции, продолжуваат со преземање на сите неопходни дејствија за целосно расчистување на случајот, при што јавноста ќе биде навремено и транспарентно информирана за текот и исходот на истрагата.

Македонија | пред 2 месеци

Кремљ: Состојбата со горивото на Куба е критична, американскиот притисок ја продлабочува кризата

Кремљ соопшти дека состојбата со снабдувањето со гориво на Куба е критична и оцени дека американските обиди за „гушење“ на економијата на островската држава предизвикуваат сериозни тешкотии. Реакцијата на Москва доаѓа откако кубанската влада претстави план за рационализација на потрошувачката на гориво и заштита на клучните јавни услуги, со цел справување со продлабочената енергетска криза, објави агенцијата Ројтерс.Кубанската комунистичка влада во петокот детално ги изложи мерките за надминување на кризата, истовремено спротивставувајќи се на напорите на САД да го прекинат снабдувањето со нафта за карипскиот остров. Вашингтон претходно ја прогласи Куба за „невообичаена и вонредна закана“ за американската национална безбедност.Портпаролот на Кремљ, Дмитриј Песков, изјави дека Москва е целосно свесна за тежината на ситуацијата. Тој нагласи дека Русија одржува интензивни контакти со кубанските власти преку дипломатски и други канали, со цел да се разгледаат можностите за ублажување на кризата.Песков ја истакна и незадоволството на Москва од американската политика кон Куба, оценувајќи дека тактиката на економски притисок создава бројни проблеми за земјата. Според него, Русија разговара со кубанската страна за потенцијални решенија или, во најмала мера, за обезбедување помош каде што е можно.Изјавата следуваше по новинарско прашање за информациите за недостиг на авионско гориво и можните последици за руските туристи кои сакаат да ја напуштат Куба, која со децении е сојузник на Москва. Минатата недела, рускиот амбасадор во Хавана, Виктор Коронели, изјави дека Русија во изминатите години повеќепати ја снабдувала Куба со нафта и дека таа поддршка ќе продолжи и во иднина.Во периодот кога беа дадени овие изјави, Русија се обидуваше да ги подобри нарушените односи со Соединетите Американски Држави, додека тогашниот американски претседател Доналд Трамп настојуваше да посредува во постигнување договор за завршување на војната во Украина. И покрај тоа, Кремљ јасно стави до знаење дека останува незадоволен од односот на Вашингтон кон Куба и последиците што таа политика ги има врз економската стабилност на островот.

Свет | пред 2 месеци

Притвор за лицата кои фрлија бомба во домот на Здравко Чолиќ

Вишиот суд во Белград одреди притвор за тројцата осомничени Сенад М., Марко А. и Перица С. дека на 20 ноември 2025 година и 3 февруари 2026 година активирале и фрлиле две рачни бомби, објави К1.Притвор е определен за да не влијаат врз сведоците и да не го повторат кривичното дело во краток временски период, а Перица С. и поради опасност од бегство, соопшти судот.Високото јавно обвинителство во Белград претходно соопшти дека покренало истрага против Сенад М. и Перица С. поради сомневање дека на 20 ноември 2025 година и 3 февруари 2026 година активирале и фрлиле две рачни бомби врз семејни куќи на оштетените, како и против Марко А., кој им помогнал, ставајќи им ги на располагање експлозивните направи.Со наредба за спроведување на истрага, Сенад М. и Перица С. се товарат за две кривични дела – Нелегална производство, држење, носење и промет на оружје и експлозивни материјали во соизвршителство, додека Марко А. се товари за истите две кривични дела во помагање.Против Сенад М. и Перица С. ќе се преземат и доказни дејства за две кривични дела – Предизвикување општа опасност во соизвршителство, а против Марко А. за истите дела извршени во помагање.Првиот случај – 20 ноември 2025 годинаСенад М. и Перица С. неовластено носеле рачна бомба и, користејќи изнајмен автомобил марка „Тоjота“, дошле до семејната куќа на оштетениот Р. К. во општина Палилула. Околу 2:30 часот активирале и фрлиле рачна бомба во дворот на семејната куќа. Бомбата експлодирала во просторот помеѓу куќите на семејството на оштетениот и уште едно семејство, а осомничените побегнале до возилото трчајќи.Вториот случај – 3 февруари 2026 годинаНа 3 февруари 2026 година, тие неовластено носеле една рачна бомба. Користејќи такси возило, а потоа тротинет, дошле до семејната куќа на оштетениот З. Ч. на Савски венец. Околу 4:52 часот, осомничениот за кој се трага, активирал и фрлил рачна бомба во дворот на куќата, додека Сенад М. внимавал никој да не налета и го снимал со мобилен телефон.Бомбата експлодирала, по што осомничените со тротинет се оддалечиле од местото на настанот.

Магазин | пред 2 месеци

Продолжува потрагата по девојката која со автомобил излета во Морача

Потрагата по едно или повеќе лица кои со автомобил паднале во реката Морача сè уште трае. Според првичните информации, зад воланот била девојка, но не е познато колку други лица биле во возилото.На терен се екипи на Службата за заштита и спасување.„Теренот се прегледува со чамци и дронови, потрагата сè уште трае“, потврдено е за RINA од Службата за заштита и спасување на Подгорица.На терен се и нуркачи од Регионалниот нуркачки центар Бијела (RRCB).„Екипите беа на терен вчера, а потрагата продолжи и денес. Потрагата ја отежнуваат лошите услови“, изјави Данило Мијајловиќ од RRCB.Несреќата се случила во ноќта од сабота кон недела, а надзорните камери го снимиле возилото како се движи по улиците. Пред мостот, како што се претпоставува, девојката ја изгубила контролата – возилото преминало од десната во левата лента и паднало во Морача.

Свет | пред 2 месеци

Андреј од ДНК денес ќе наполнеше 44 години – Наталија сподели емотивен спомен од плажа

На 9 февруари 1982 година во Скопје е роден Андреј Ѓорѓиески, македонски музичар и продуцент, член на музичката група ДНК.Неговата сопруга Наталија Ѓорѓиеска, ретко споделува спомени со својот сакан сопруг, откако го загуби во трагедијата во Кочани на 16 март минатата година.На првиот роденден по неговата смрт, таа сподели фотографија од плажа, направена на зајдисонце на која Андреј стои во далечината, а во позадина на инстаграм оди песната „Север и југ“ од ДНК.„Твојот роденден“, напиша Наталија во пораката и ја дополни со емотикон од пар кој се прегрнува и бел гулаб што лета.Да беше жив, Андреј денес ќе наполнеше 44 години.За потсетување, Андреј и Наталија скоро 10 години беа во брак.

Магазин | пред 2 месеци

Герасимовски: Почна реконструкцијата на улицата Мирослав Крлежа, Дебар Маало добива уредена пешачка зона

Градоначалникот на Општина Центар, Горан Герасимовски, присуствуваше на почетокот на градежните активности за реконструкција и пренамена на улицата „Мирослав Крлежа“ во пешачка и резиденцијална зона.„Станува збор за проект што се реализира на барање и по мерка на жителите. Ова е зафат што долго време беше најавуван и ветуван, но денес конечно се реализира на терен. Овој дел од Дебар Маало, добива нов лик, уреден, безбеден и функционален јавен простор“, рече  градоначалникот Горан Герасимовски.Проектот има за цел уредување на јавниот простор  и воведување организиран резидентен паркинг. Реконструкцијата се изведува на вкупна површина од околу 6.000 квадратни метри, на потегот од „Партизански одреди“ до улицата „Никола Тримпаре“.Во рамки на зафатот се предвидува инсталирање ново улично осветлување, поставување клупи и канти за отпад, како и целосна реконструкција на коловозот и тротоарите со поставување гранитни и травертин плочи.На дел од улицата се поставува нова водоводна и атмосферска мрежа, додека фекалната канализација е веќе изведена, а каблите на ЕВН се спуштени под земја.Проектот е изработен во соработка со Архитектонскиот факултет и вклучува уредување на зелените површини,  замена на исушените  дрвја со нови садници и поставување ниско зеленило.Проектот се финансира со 70% средства од Светска банка, додека преостанатите 30% се покриени од буџетот на Општина Центар.

Скопје | пред 2 месеци

Платите во администрацијата ќе растат од март до 2028 година, договорени 8 проценти годишно

Од март па сè до 2028 година, месечните примања на околу 11 илјади вработени во јавната администрација ќе се зголемуваат за по осум проценти на годишно ниво, дополнително усогласени со законските корекции што произлегуваат од движењето на минималната плата. По долг период на преговори меѓу синдикатите и Владата, постигнат е договор за континуиран раст на платите во јавниот сектор.Синдикатот УПОЗ првично бараше зголемување од 10 проценти, но на крајот прифати осумпроцентен раст, според моделот понуден од Владата. Договорот е резултат на повеќемесечен социјален дијалог, синдикални протести и притисоци, со цел постепено намалување на јазот меѓу платите во администрацијата и реалните трошоци за живот. Првото зголемување ќе биде пресметано со мартовската плата.Од УПОЗ најавија дека во наредниот период ќе подготват предлог-текст на колективен договор, кој ќе биде доставен до Министерството за јавна администрација. Потоа, во координација со Министерството за финансии, ќе се изработи единствен колективен договор што ќе им биде понуден на институциите во јавниот сектор, со цел унифицирање на условите и јасна динамика на исплата.Иако договорот е оценет како чекор напред, дел од вработените во администрацијата укажуваат дека реалните ефекти ќе бидат ограничени. Причина за тоа, според нив, е инфлацијата, но и фактот што дел од растот ќе произлезе од општото зголемување на минималната плата, кое важи за сите вработени, а не само за администрацијата.Првичните реакции се фокусираат и на конкретните примери од праксата, особено кај административниот персонал во болниците и судовите, каде платите изнесуваат околу 28 илјади денари со вклучен надомест за храна и превоз. Кај овие категории, првичниот нето-ефект од зголемувањето се проценува на околу 1.400 денари, што, според дел од вработените, не е доволно за значително подобрување на животниот стандард.

Македонија | пред 2 месеци

Арнаудова-Стојановска: Расте штедењето во денари и на долг рок

„Заштедите на домаќинствата во домашниот банкарски систем се покажаа како стабилна и отпорна база дури и во услови на зголемена неизвесност и повеќекратни економски шокови во последните години“. Ова го истакна советничката на гувернерот на Народната банка,  Милица Арнаудова-Стојановска во интервју за емисијата „Бизнис објектив“, на ТВ „Телма“, при што посочи дека во изминатиот период се бележи засилен раст на денарските и на долгорочните депозити, што е поврзано со стабилизирањето на очекувањата на граѓаните, зголемените приноси од штедењето, особено на долг рок и во домашна валута, како и со мерките преземени од Народната банка за поддршка на процесот на денаризација и поттикнување на долгорочното штедење.„Во декември 2025 година, вкупните депозити на домаќинствата достигнаа 445 милијарди денари, што претставува годишен пораст од 12%. Во однос на периодот од пандемијата наваму, заштедите на граѓаните се зголемени за над 50%, што ја потврдува довербата во банкарскиот систем и неговата отпорност“, нагласи Арнаудова-Стојановска. „Во изминатите години, денарските и долгорочните депозити на домаќинствата растат со двоцифрени стапки, при што учеството на денарските депозити достигна 55%, а на долгорочните 33,5% од вкупните депозити на домаќинствата, наспроти 47,8% и 25,1%, соодветно, во декември 2022 година. Овие показатели потврдуваат дека банкарските депозити и понатаму се најзначајниот и најсигурен облик на штедење за домаќинствата, придонесувајќи за стабилноста на финансискиот систем и за поддршка на вкупната економска активност“, истакна Арнаудова-Стојановска.Според последните расположливи податоци за 2024 година, банкарските депозити и натаму се главниот облик на штедење кај домаќинствата во земјава. Во структурата на финансискиот имот на домаќинствата, депозитите кај банките учествуваат со околу 60%, по што следуваат средствата во приватните пензиски фондови со околу 25%. Овие движења се во согласност со трендовите забележани во повеќе земји од регионот и од Европската Унија.Арнаудова-Стојановска нагласи дека Народната банка и натаму ќе спроведува политики насочени кон одржување на финансиската стабилност и создавање поволни услови за поттикнување на штедењето кај граѓаните.

Македонија | пред 2 месеци

Охридскиот Регион на дневен ред: Владина делегација на средби во Париз со УНЕСКО

Делегација на Владата во состав: заменик-претседателот на Владата и министер за транспорт, Александар Николоски, министерот за надворешни работи и надворешна трговија, Тимчо Муцунски; министерот за култура и туризам, Зоран Љутков, министерот за животна средина и просторно планирање, Муамет Хоџа, градоначалникот на Општина Охрид, Кирил Пецаков и градоначалникот на Општина Струга, Менди Ќира, денес и утре престојува во дводневна работна посета на Париз. Во рамки на посетата, делегацијата ќе оствари средби со Калед Ел-Енани, генерален директор на УНЕСКО, како и со други високи претставници на УНЕСКО. На средбите ќе бидат потенцирани цврстите заложби на Владата за зачувување на статусот на природното и културното наследство на Охридскиот Регион. Исто така, ќе биде истакнато дека државата воспоставува систем за заштита кој гарантира зачувување на интегритетот и автентичноста на Охридскиот Регион како исклучителна универзална вредност. Делегацијата ќе се осврне и на мерките што Владата ги презема, како и на фактот дека преку надлежните институции се вложуваат максимални напори за спроведување на препораките од реактивните мисии (2020 и 2024) и Стратегискиот план за рехабилитација. Во рамки на посетата, денеска е планирана средба со Ернесто Отоне, помошник генерален директор на УНЕСКО задолжен за култура, потоа со Конгкер Мохамад Талха, претседател на 43. сесија на Генералната конференција на УНЕСКО, а утре делегацијата ќе се сретне со Насер бин Хамад Ал Хинзаб, претседател на Извршниот одбор на УНЕСКО.

Македонија | пред 2 месеци

Европа пред пресврт: Минхенскиот безбедносен извештај најавува идеолошка и стратешка конфронтација со САД

Европа дошла до болен но клучен заклучок дека мора да биде поодлучна и воено поавтономна, ослободена од зависноста од сè поавторитарната американска администрација која, според оценките, веќе не ги споделува либералните демократски норми и вредности. Ова е централната порака на извештајот подготвен за Минхенската безбедносна конференција што започнува оваа недела, објави британскиот весник „Гардијан“.Во документот се нагласува дека Европа влегува во период на отворена идеолошка конфронтација со Белата куќа на Доналд Трамп, при што сè поголем број европски лидери ја прифаќаат реалноста дека САД повеќе не се сигурен безбедносен и трговски партнер. Потребата од поголема воена автономија веќе не се смета за теоретска дебата, туку за практична нужност.Како клучен момент во овој пресврт се посочува говорот на американскиот потпретседател Џеј Ди Венс на минатогодишната Минхенска конференција, кога тој ги обвини европските елити дека ја задушуваат слободата на говорот и ја поттикнуваат масовната миграција. Според извештајот, токму тогаш Европа сфатила дека администрацијата на Трамп радикално се оддалечува од досегашните трансатлантски позиции и од вредносната рамка што со децении ја дефинираше западната алијанса.Односите дополнително се влошиле преку низа конкретни судири – од американскиот притисок Украина да прифати територијални отстапки кон Русија, преку заканите за преземање на Гренланд, до протекционистички мерки како воведување царини и ограничувања за инвестиции. Поделбата јавно ја посочи и канадскиот премиер Марк Карни, кој на Светскиот економски форум во Давос предупреди на длабок раскол меѓу САД и нивните традиционални западни сојузници.Извештајот оди чекор понатаму и оценува дека Европа со растечка загриженост, па дури и со ужас, го следи „лизгањето на САД кон конкурентен авторитаризам“, при што се отвора прашањето колку е навистина отпорна американската демократија. Се наведува дека Вашингтон се оддалечува од либералните принципи што го обликувале повоениот светски поредок и дека постои ризик активно да се создава „постамерикански“ меѓународен систем.Политиките на Трамп, според критичарите цитирани во документот, не водат кон „повторно величење на Америка“, туку претставуваат „самоубиство на велесила“. Во таа насока, европските лидери заклучиле дека долгогодишната зависност од американската воена моќ и политиката на попустливост ги достигнале своите крајни граници.Извештајот отворено ги повикува европските лидери да бидат поодважни, поиновативни и појасни во своите одлуки и јавни пораки. Се оценува дека стерилните соопштенија, предвидливите конференции и претпазливата дипломатија повеќе не функционираат во свет во кој противниците дејствуваат агресивно, без почит кон правилата и воспоставените норми. Наместо реактивен пристап, се бара активна изградба на нови, поодржливи безбедносни и политички структури.За разлика од администрацијата на Џо Бајден, која поддршката за Украина ја сметаше и за морална обврска и за стратешки интерес, Трамп и неговиот тим, според извештајот, покажуваат вознемирувачка наклонетост кон рускиот претседател Владимир Путин.Заклучокот е недвосмислен: Европа повеќе не може да си дозволи да биде пасивен набљудувач. Во услови кога, како што се наведува, „сè е на коцка“, европските лидери мора да преземат поголема одговорност за сопствената безбедност, политичка автономија и иднина.

Свет | пред 2 месеци

Малолетници се обиделе да украдат пари од манастирот на Попова Шапка

Одговорното лице на манастирскиот комплекс „Св. Наум Охридски“ на Попова Шапка на 7. февруари пријавил во СВР Тетово дека во манастирот затекнал малолетници кои со употреба на сила се обидувале да ја отворат металната каса за доброволни прилози.- На 07.02.2026 во 10:48 часот, одговорното лице на манастирскиот комплекс „Св. Наум Охридски“ на Попова Шапка во СВР Тетово пријави дека во манастирот затекнал малолетници кои со употреба на сила се обидувале да ја отворат металната каса за доброволни прилози. Утврдено е дека станува збор за четворица малолетници од скопско село, кои биле на организирана екскурзија. Тие заедно со нивниот одговорен наставник биле задржани на лице место и се преземаат мерки за целосно расчистување на случајот, информираа од тетовската полиција.

Македонија | пред 2 месеци

Полицијата одзема „порше“, возачот немал дозвола па го уапсиле

При редовна сообраќајна контрола, полицијата запрела патничко возило марка „порше“ со тетовски регистарски ознаки, при што било утврдено дека возачот го управувал возилото без да поседува возачка дозвола.Како што соопшто МВР, ноќта кон неделата, околу 00:20 часот по полноќ на булеварот „Благоја Тоска“ во Тетово, полициски службеници од Полициската станица за безбедност на патниот сообраќај го лишиле од слобода 27-годишниот Р.И. од село Требош.По констатирањето на прекршокот, по насоки на надлежен јавен обвинител, возилото било одземено. Од Министерството за внатрешни работи информираат дека по целосно документирање на случајот против лицето ќе биде поднесен соодветен поднесок, согласно законските прописи.

Македонија | пред 2 месеци

Никола Ѓуричко во МНТ - вечер исполнета со хумор, анегдоти и лично сведоштво од меѓународната кариера

Свеченото одбележување на големиот јубилеј на МНТ започнува на 30 март со стенд‑ап шоуто „Шоубиз“ (SHOWBIZ), во изведба на белградскиот и светски познатиот актер Никола Ѓуричко. Наградуван актер и во театарот, филмот и телевизијата, чија долга и успешна кариера му го отвори патот до значајни улоги на холивудската сцена. Тој е долгорочно поврзан со Југословенското драмско позориште (ЈДП) во Белград, каде беше постојан член на ансамблот уште од 1995 година и каде реализира бројни успешни театарски улоги, а од крајот на 2019 година живее и работи во Лос Анџелес, САД. Ѓуричко e светски препознатлив и по улогата на Јури во хит серијата „Stranger Things“, како и во филмот „World War Z“ и други меѓународни продукции. По три години од успешниот стенд-ап „Сѐ што сакавте да знаете за Џони, а никогаш не се осмеливте да го прашате“, Ѓуричко подготви нова програма под наслов „Show biz“, со која настапува низ Србија, регионот и дијаспората во рамки на големата турнеја.Новиот материјал, како и претходниот, е потпишан од актерската ѕвезда и се однесува на неговиот живот, кариера и семејство. И оваа шоу-програма на духовит начин ги раскажува интересните детали од неговиот живот и професионален пат.„Show biz е моето ново стенд-ап шоу. Речиси три години не настапував, па се зажелев за луѓе, за публика. Имам многу нов материјал... тоа се само некои нови животни искуства и сознанија, кои сакам да ги споделам со луѓето, како на пример, зошто ме фаќаа за јаката, зошто морав да присуствувам на породување или зошто го пријавив син ми во полиција.“, вели Ѓуричко. Вечерта на 30 март, Ѓуричко најавува вечер исполнета со хумор, анегдоти и лично сведоштво од меѓународната кариера.Неговиот настап е дел од роденденската прослава на МНТ. Во чест на првата претстава во Македонскиот народен театар, изведена на 3 април 1945 година, мината година, театарот одбележа 80 години од постоењето. Годинава продолжува со одбележувањето на јубилејот и на 81 година од постоењето. Роденденот на МНТ беше одбележан со македонски сценски спектакл, каде беше степенувана важноста на ансамблот на МНТ и претстави од македонски автори, кои оставија достоинствен белег во институцијата. Годинава пак, прославата се надоврзува на таа традиција, со ново проширување — рецентни меѓународни гостувања и настапи на светски познати уметници, како сведоштво за континуитетот и современата визија на театарот.Билетите се пуштени во продажба онлајн, како и на билетарницата во МНТ.

Магазин | пред 2 месеци

Трендафилов повика на блокада: Пратениците први ќе се соочат со работничкиот гнев

Претседателот на Сојузот на синдикати на Македонија, Слободан Трендафилов на социјалните мрежи објави повик за блокада на пратениците пред Собранието.„Сојузот на Синдикатите на Македонија (ССМ) врз основа на заедничката Одлука на Претседателството на ССМ и Советот на ССМ, а согласно Законот за јавни собири организира протест со блокада на ден 10.02.2026 година (вторник), кој ќе се одржи пред Собранието на Република Македонија со почеток во 9 часот.Протестот / БЛОКАДАТА ќе се одржи пред Собранието на Македонија, односно на улиците - “11-ти Октомври“ и “Даме Груев” .Пратениците цела година молчат за предлогот на ССМ за зголемување на минималната плата и за зголемување на сите останати плати.За да ги заштитиме интересите на работниците, работниците бараат минималната плата веднаш да се зголеми на 600 евра, а останатите плати да се зголемат за најмалку 6.000 денари или за разликата од зголемувањети на минималната плата ( од сегашната минимална плата и новата минимална плата).Пратениците се глуви на работничките барања за зголемување на работничките плати, а работниците им дале мандат да уживаат во луксузот со 79% зголемени плати кои дополнително ќе се зголемат за 12,6 % доколку Уставниот суд ја укине Уредбата на Владата од минатата година и ќе се зголемат за 9,2% колку што пресмета Гувернерот на Народната банка дека изнесува порастот на просечната плата за 2025 година или ќе добијат вкупно 21,8% зголемување на нивните плати.Најмалку 250 евра за пратениците, а ни 25 евра за раборниците е срамно.Истите пратеници кои уживаат право на собраниско бифе по ниски цени и трошоци за патување до нивното работно место е нешто што им го скратиле на работниците и нешто што не им го утврдуваат како право на храна и превоз на работниците.Пратениците први ќе се соочат со работничкиот гнев, а преку БЛОКАДАТА ќе ги оневозможиме тој ден да наплатат патни трошоци кои надминуваат и 100 евра за еден ден, да дојдат пешки или со градски превоз онака како што одат на работа работниците.Ги потсетуваме дека не само што мораат итно да гласаат за зголемување на минималната плата и за згомемување на сите останати плати, мораат да гласаат и за намалување на функционерските плати по иницијативата на ССМ.Доколку и понатаму молчат, преминуваме на собирање на 10.000 потписи со кои ќе ги намалиме нивните, а ќе ги зголемиме работничките плати.Ќе мораат да бираат, ќе гласаат за себе, а против работниците ( нивните гласачи) или ќе гласаат за работниците !* За време на протестот ќе биде обезбедено непречено движење за потребите на Итната медицинска помош, Противпожарната бригада и полицијата, а воедно им се извинуваме на граѓаните кои ќе имаат потреба да се движат во периодот на Блокадата по наведените улици, а секој итен случај ќе биде пропуштен да помине“, вели Трендафилов.

Македонија | пред 2 месеци

Клековски: Со намалувањето на функционерските плати за 80%, платите на министрите би биле 23.000 денари

Откако директорот на Фондот за здравствено осигурување, Сашо Клековски, објави дека јавната дебата за минималната плата од 600 евра во Македонија се води со погрешни споредби и „мешање на баби и жаби“, тој се огласи со нова објава на социјалните мрежи овој пат посветена на платите на функционерите.„Функционерски плати - колкави се?Деновиве покрај расправата за минимална плата, се предлага доколку не се зголеми минималната плата, да се намалат функционерските плати за 80%.Овој предлог за разлика од тој за минимална плата е поддржан со пола уста, а и самиот предлагач не кажува колку всушност се платите и на колку ќе се намалат?Дали знаете колку се функционерските плати во Македонија? Според службените јавни податоци (февруари 2026)Премиер → нето 140.450 денари (~2.280 €)Министри, директори вкл. ФЗО → нето 115.540 денари (~1.880 €)Пратеници → околу нето 110.000–130.000 денари (со додатоци)Платата на Премиерот е најниска во регионот со таа во Албанија, а по паритет на куповна моќ (ПКМ) е слична на платата на премиерите во Албанија, Србија и Црна Гора.Платата на Премиерот3х просечната плата ~746 €5.7х минималната плата ~397 €И тој сооднос е најнизок и споредлив повторно со Албанија, Србија... Функционерските плати и во номинална и во куповна моќ, и во сооднос спрема просечна и минимална плата е во рангот на најниските заедно со Албанија и Србија.Со Барањето на намалување на функционерските плати за 80%, платите на министрите би биле → околу 23.000 денари (~370 €) или под сегашната минимална плата.Дали предлагачот ќе предложи кратење и на нивните плати на ова ниво?“, вели Клековски.

Коментари | пред 2 месеци

ФСБ тврди: Украинската разузнавачка служба нарачала атентат врз генералот Алексеев

Руската разузнавачка служба ФСБ тврди дека обидот за атентат врз генералот Владимир Алексеев во петокот бил нарачан од Украинската безбедносна служба. ФСБ, исто така, вели дека полското разузнавање било вклучено во регрутирањето на напаѓачот, објави новинската агенција Интерфакс.Не се понудени докази за тврдењата. Украина негира каква било вмешаност, додека Полска сè уште не ги коментирала обвинувањата. Во меѓувреме, руските безбедносни претставници објавија дека руски државјанин роден во Украина бил екстрадиран од Дубаи во Москва вчера. Тој е осомничен дека сериозно го повредил генералот Алексеев.Алексеев, заменик-шеф на ГРУ, руската воена разузнавачка служба, бил застрелан во неговата станбена зграда во Москва во петокот и итно префрлен во болница. Руските истражители објавија во петокот дека непознат напаѓач испукал неколку куршуми кон генералот и избегал. Според Комерсант, Алексеев бил успешно опериран во саботата и се освестил, но сè уште е под медицински надзор.

Свет | пред 2 месеци

5-годишно девојче во критична состојба по пад во фонтана во Грција, родителите уапсени

Властите планираат да ги доведат пред јавен обвинител родителите на петгодишно девојче поради несреќниот инцидент во кој детето паднало во фонтана под нејасни околности во атинското предградие Калитеа, соопшти грчката полиција.Детето го спасиле припадници на патролната единица DIAS, кои биле алармирани од локални жители околу 20:30 часот во неделата, во Плоштадот Давaки. Полицајците го извлекле девојчето од фонтаната и ѝ пружиле прва помош.Иако била повикана амбуланта, девојчето било пренесено во Детската болница „Аглаиа Киријаку“ со полициско патролно возило пред пристигнување на брзата помош.Лекарите успеале да ја реанимираат по околу 40 минути интензивни напори, а детето останува во критична состојба и е интубирано на одделот за интензивна нега.Грчката полиција продолжува со истрага за околностите на инцидентот, а 26-годишниот татко и 23-годишната мајка се уапсени под обвинение за занемарување на дете.

Свет | пред 2 месеци

Орбан тврди: Клинтон побара Унгарија да ја нападне Србија во 1999 година

Унгарскиот премиер Виктор Орбан изјави дека во 1999 година, за време на неговиот прв мандат, поранешниот американски претседател Бил Клинтон побарал од Унгарија да ја нападне Србија по копно за да отвори втор фронт во средината на војната во Косово.Орбан го изнесе ова тврдење за време на викендот на состанокот на Дигиталните граѓански кругови на Фидес во Сомбатели, пишува Телекс.Според Орбан, Клинтон барал Унгарија да ја нападне Србија или „барем да пука во нив од Унгарија преку Војводина па сè до Белград“.Владата на Орбан, како што тврди тој, одбила, а на изричното барање на американскиот претседател, тие одговориле со „Не, господине!“. „Да имавме тогаш премиер кој знаеше само да каже „Да, господине“, ќе бевме во војна до врат“, заклучи Орбан.Унгарскиот премиер вели дека потоа го прашал Клинтон што ќе се случи со 300.000 Унгарци што живеат во Војводина во тој случај. Тој тврди дека го предупредил и Клинтон дека враќа на оган од една локација и прашал:„Дали треба да дозволиме бомбардирање на Сегед, тоа е планот? Или на Ходмезовашархеј и Мако?“ Орбан рече дека се согласиле да разговараат за тоа лично на самитот на НАТО една недела подоцна, но тврди дека Американците никогаш повеќе не го отвориле прашањето.„Можно е да се каже „не“ кога имате храброст“, им рече тој на присутните во Сомбатеј. Додаде дека за неколку години, дипломатската историја ќе открие преку кои канали и информации го убедиле американскиот претседател никогаш повеќе да не поднесе такво барање.

Свет | пред 2 месеци