(Видео) Петрушевски: Немам намера да му се извинам на Заев, напротив тој треба да и се извини на јавноста

Пратеникот на ВМРО-ДПМНЕ, Бране Петрушевски, на прес конференција објави дека нема ниту намера ниту потреба да му се извини на Зоран Заев, туку дека напротив очекува Заев да и се извини на македонската јавност, за сите милионски криминали што ги има правено и да се извини за сите национални предавства и понижувања.„„Апсолутно немам намера, ниту чувствувам потреба да му се извинам на Зоран Заев. Напротив, очекувам Зоран Заев да ѝ се извини на целокупната македонска јавност за сите милионски криминали коишто ги има правено и да се извини за сите национални предавства и понижувања. Она што е индикативно во неговото излегување во јавноста е тоа што, иако демонтира и вели дека немал никаква врска со овој случај со марихуана, сепак во тоа негово писание, кажува дека ова било режирана драма и дека запленетата марихуана била наводно запленетата заради несоодветно чување и складирање, со што директно се става во одбрана на оние коишто се осомничени во овој случај. Дополнително, Зоран Заев треба да одговори на македонската јавност, затоа што имаше јавни сведоштва за тоа како гради зграда 40 Катница во Дубаи и она коешто треба да го каже, е дали и тој како Венко Филипче ќе оперира, па затоа добил златна виза за Дубаи. Оваа нервоза на Зоран Заев е само доказ дека клопчето се размотува, дека обрачот околу Заеви се стега и дека наскоро ќе има правда во Р. Македонија. ВМРО-ДПМНЕ е продолжува со борбата против криминалот и корупцијата во Македонија“, вели Петрушевски.

Македонија | пред 2 месеци

Индиски рафинерии го избегнуваат увозот на руска нафта

Индиските рафинерии избегнуваат купување руска нафта за месец април, а се очекува дека ќе го прекинат увозот на руска нафта и на подолг рок.Неименувани извори од индиските рафинерии изјавиле дека ова би можело да ѝ помогне на Индија да заклучи трговски договор со Вашингтон.САД и Индија во петокот се приближија кон постигнување трговски договор кој би можел да биде потпишан до март, со цел да се намалат американските царини и да се продлабочи економската соработка.„Компаниите Indian Oil, Bharat Petroleum и Reliance Industries не прифаќаат понуди од трговци за товарење руска нафта во март и април“, изјавил неименуван трговец со нафта кој контактирал со рафинериите.

Свет | пред 2 месеци

Пијан велешанец се јавил во полициска станица омаловажувал полицајци, па подоцна агресивно се однесувал кон нив

На 07.02.2026 во 20:30 часот во Велес, полициски службеници од СВР Велес го приведоа М.У.(52) од Велес.Претходно, тој се јавил во полициска станица и ги омаловажувал полициските службеници, а потоа на улица „Јовче Тикваров“ во Велес, го нарушил јавниот ред и мир и агресивно се однесувал кон полициски службеници кои вршеле службени дејствија.При преземање мерки, кај М.У. биле измерени 3,06 промили алкохол во крвта. Тој бил задржан во полициска станица и по документирање на настанот против него ќе бидат поднесени соодветни пријави.

Македонија | пред 2 месеци

СДСМ: Владата на Мицкоски ги изигра работниците

Така наречениот договор којшто денеска е постигнат со УПОЗ е потврда дека Владата на Мицкоски не сака да ја покачи минималната плата на работниците на 600 евра, вели СДСМ.„Овој договор се однесува на само мал број административни службеници, околу 10.000 не земајќи ги во предвид сите јавни службеници како на пример вработените во државните акционерски друштва и останатите работници.После две години без реален раст на платите, над 200 илјади работници тешко живеат бидејќи вредноста на синдикалната  кошница порасна на 66.000 денари.Второ, периодот од покачување на платите минимално и тоа за две години од сега не е одговор на потребите на работниците на кои платите да им се покачат сега, оваа година.Околу 200.000 работници моментално земаат плата под 30.000 денари, што ја продлабочува сиромаштијата и го поттикнува иселувањето на младите и квалификуваните.Затоа минималната плата треба да се покачи за сите вработени, во јавниот сектор, во приватниот сектор и приватните компании, фабриките, конфекциите.Решението на СДСМ е реално, одржливо и целосно ги задоволува потребите на сите работници кои земаат минимална плата, сега и веднаш. Со решението на СДСМ минималната плата се покачува за 50%, односно за 12.000 денари и тоа сега.Само со ребаланс на Буџетот и кратење на луксузот на власта, како коли, мебел, патувања, кабинети, се обезбедуваат 200 милиони евра за минимална плата од 600 евра и за поддршка на приватните компании да им се загрози ликвидноста.Власта го избра својот луксуз пред животните, егзистенцијални потреби на работниците.Владата на Мицкоски ги изигра работниците“, се вели во соопштението.

Македонија | пред 2 месеци

Захарова: Неуспесите на бојното поле Киев ги заменува со терористички напади врз руски цивили

Киевскиот режим, свесен за својата неспособност да постигне резултати на бојното поле, ги компензира своите неуспеси и порази со терористички напади врз цивили во Русија, изјави портпаролката на руското Министерство за надворешни работи, Марија Захарова.Таа потсети дека руската страна секогаш ги гледала терористичките напади на киевскиот режим како дел од хибридната војна.„И таму каде што сфаќаат, а секогаш сфаќаат дека не можат да постигнат резултати на бојното поле, каде што не успеваат и очигледно нема да успеат, тие ги компензираат тие неуспеси и порази со терористички напади врз цивили, врз цивилна инфраструктура“, нагласи Захарова за телевизијата Росија-1.

Свет | пред 2 месеци

Инцидент пред угостителски објект во Сарај: Маж го нападнале со тврд предмет па му се заканувале со пиштол

На 08.02.2026 околу 01:50 часот во Скопје, полициски службеници од СВР Скопје го лишија од слобода З.Ф. (39) од село Грчец, скопско, по претходна пријава дека на 07.02.2026 пред угостителски објект на подрачјето на општина Сарај физички го нападнал Р.З. (47) од истото село, користејќи тврд предмет, а потоа му се заканувал и со пиштол.По целосно документирање на случајот ќе следува соодветен поднесок.

Скопје | пред 2 месеци

Уапсен бегалец од затвор, осуден на 13 години и 11 месеци

Денеска (08.02.2026) околу 15:00 часот полициски службеници од Секторот за меѓународна полициска соработка и Полициското одделение Мирковци во с. Глуво, скопско го лишија од слобода М.Т.(39) од Кочани.М.Т. беше баран со потерница по судска наредба поради бегство од КПУ Затвор Идризово за затворска казна од 13 години и 11 месеци поради сторено кривично дело по чл.235 чл. 236 чл.237 од КЗ. Лицето е спроведено во Полициски одделение Мирковци за понатамошна постапка.

Скопје | пред 2 месеци

(Видео) Девојка со автомобил излета во Морача, во тек е потрага

Од мостот Луча во Подгорица се спроведува интензивна потрага по реката Морача, откако синоќа, околу еден часот по полноќ, патничко возило излетало во реката.Командирот на Службата за заштита и спасување, Никола Бојановиќ, потврди дека нивните екипи се на терен. Потрагата се изведува со помош на дронови, а во акцијата учествуваат и нуркачи, како и полицијата.Од полицијата неофицијално соопштиле дека бројот на лица во возилото ќе биде утврден дури по извлекувањето на возилото. Според неофицијални информации, автомобилот го управувала жена, а полицијата проверува дали во возилото имало уште две лица.Надзорните камери во близина на Водоводот забележале движење на автомобилот, потоа кај Логистичкиот центар, по што возилото направило круг до Доња Горица и се вратило назад. Непосредно пред мостот, автомобилот наводно изгубил контрола, преминал од десната во левата лента и излетал во реката Морача.На лице место синоќа и денес се присутни и членови на семејството на исчезнатото лице.

Свет | пред 2 месеци

Пронајдена марихуана и бела материја: приведени четири лица од кои двајца малолетници

На 07/08.02.2026 во Скопје, на различни локации, полициски службеници од СВР Скопје ги лишија од слобода Д.М.(29), Б.Л.(22) и двајца 16-годишници, сите од Скопје, затоа што кај нив се пронајдени и одземени бела грутчеста материја и марихуана.По целосно документирање на случаите, против нив ќе следуваат соодветни поднесоци.

Скопје | пред 2 месеци

Тешка сообраќајка на Партизанска: повреден малолетен сопатник на мопед

На 07.02.2026 во 23:20 часот во СВР Скопје е пријавено дека на бул.„Партизански одреди“ во Скопје се случила сообраќајна несреќа помеѓу патничко возило „мерцедес“ со скопски регистарски ознаки, управувано од Х.Д.(25) и мопед со скопски регистарски ознаки, управуван од 17-годишник, двајцата од Скопје.Во несреќата со тешки телесни повреди се здобил 17-годишен сопатник, кој се превезувал на мопедот, констатирани во Градската општа болница „Св. Наум Охридски“ во Скопје.Извршен бил увид од увидна екипа на СВР Скопје.

Скопје | пред 2 месеци

Не застанале на знак: Фатени две лица со огревни дрва без документи

На 07.02.2026 околу 16:00 часот на земјен пат во атар на с. Бразда, скопско, полициски службеници од ПО Мирковци ги лишија од слобода О.Ј.(24) и. Е.Љ.(48), двајцата од с.Блаце, затоа што во патничко возило “венто”, управувано од О.Ј., а сопатник бил Е.Љ., се пронајдени огревни дрва без документација. Полициските службеници дале знак за запирање, но О.Ј. не го запрел возилото.По преземени мерки, возилото е пронајдено, лицата се лишени од слобода, известена е Шумска полиција и по документирање на случајот ќе биде поднесена соодветна пријава.

Македонија | пред 2 месеци

Автомобил излета од патот Маврови Анови – Дебар, 73-годишна жена тешко повредена

На 07.02.2026 во 09:00 часот во ОВР Гостивар е пријавено дека на регионалниот пат Маврови Анови – Дебар, во близина на село Скудриње, патничко возило „опел зафира“ со скопски регистарски ознаки, управувано од Ј.М. од Скопје, излетало од коловозот.Во несреќата, возачот се здобил со телесни повреди, а со тешки телесни повреди се здобила 73-годишната сопатничка Ј.М. од Скопје, констатирани во Ургентен центар во Охрид. Извршен бил увид од увидна екипа од ОВР Гостивар.

Македонија | пред 2 месеци

Пожар во Батинци: запалени два возила, истрагата во тек

На 08.02.2026 во 02:15 часот во СВР Скопје е пријавено дека во с.Батинци, општина Студеничани, биле опожарени патничко возило „порше“ со скопски регистарски ознаки, сопственост на Џ.И.(47) од с.Батинци и товарно возило „форд ренџер“ со скопски регистарски ознаки, сопственост на правен субјект.Нема повредени лица, а огнот е изгаснат од екипа на Бригадата за противпожарна заштита Скопје.Известен е јавен обвинител и се преземаат мерки за расчистување на случајот.

Скопје | пред 2 месеци

Жени се тепале во трговски центар во Скопје

На 07.02.2026 во 21:30 часот во СВР Скопје е пријавено дека во трговски центар на подрачјето на Центар во Скопје, бил нарушен јавниот ред и мир со физичка пресметка помеѓу 28-годишната Џ.Х. од гостиварско и 32-годишната С.И. од Скопје.По целосно документирање на случајот ќе следуваат соодветени поднесоци.

Скопје | пред 2 месеци

Пијан татко со нож им се заканувал на синовите, а едниот и физички го нападнал

На 07.02.2026 во 22:45 часот во Свети Николе, полициски службеници од ОВР Свети Николе лишија од слобода 65-годишен маж од Свети Николе, постапувајќи по претходна пријава дека околу 21:30 часот во семејниот дом со остар предмет им упатувал закани на неговите два сина, а и физички го нападнал едниот син.Констатирано е дека 65-годишникот е под дејство на алкохол, односно му биле измерени 2,16 промили алкохол во крвта. По целосно документирање на случајот ќе следува соодветен поднесок.

Македонија | пред 2 месеци

(Видео) Филмска потера во Белград: Киднаперите го држеле Кајмакоски во бело „Волво“, додале гас и бегале од полицијата

Синоќешната полициска акција на Караѓорѓева улица во Белград се претворила во вистинска филмска драма, кога возачот на бел „Волво XC60“ не застананал на наредбата на полицијата и дал гас. Подоцна било утврдено дека во возилото се наоѓал киднапираниот пејач Даниел Кајмакоски (43), на кого киднаперите му ги врзале рацете.Драмата започнала во неделата околу 00.50 часот, откако Кајмакоски го завршил настапот во ноќниот клуб „Лафајет“ во Бетон хала.Кога седнал во својот автомобил, паркиран во Караѓорѓева улица, му пришло непознато машко лице кое, со закана со нож и употреба на сила, му ги врзало рацете со селотејп лента. Набргу му се придружил и втор соучесник, кој влегол на задното седиште, додека еден од киднаперите го презел воланот.За време на обидот да излезат од Караѓорѓева улица кон Бранков мост, киднаперите наишле на полициска патрола која се обидела да го запре возилото.Иако „Волвото“ накратко забавило, возачот потоа нагло забрзал, по што следела потера низ Белград – преку Бранков мост, покрај Палатата Србија и Белградската арена, а потоа вклучување на автопатот во правец на Шид, со намера да стигнат до границата.Како што се наведува, киднаперите му се заканувале на пејачот со пиштол и барале исплата од 20.000 евра за неговиот живот, тврдејќи дека имаат соработници пред неговиот семеен стан кои, доколку барањата не бидат исполнети, ќе ѝ наштетат на неговата сопруга и децата.Еден од киднаперите му се обраќал на Кајмакоски на лош англиски јазик, додека на соучесникот му давал инструкции на турски.По минувањето на наплатната рампа Шимановци, во потерата се вклучиле дополнителни полициски единици. Возачот кој возел со голема брзина изгубил контрола над возилото и удрил во заштитната банкинa. Двајца вооружени напаѓачи го напуштиле автомобилот и побегнале во непознат правец по сообраќајната несреќа.Полицајците во возилото го затекнале Даниел Кајмакоски, со врзани раце, но без потешки телесни повреди.Министерството за внатрешни работи соопшти дека возилото било запрено со координирана акција на повеќе полициски единици, додека Вишото јавно обвинителство во Белград кривичното дело го квалификувало како киднапирање. Интензивната потрага по извршителите е во тек.

Македонија | пред 2 месеци

Села бара оставка од Филков: Правосудниот испит да се одржи на албански јазик

Лидерот на Алијансата за Албанците, Зијадин Села, вели дека се потребни конкретни чекори и политичка одговорност за, како што вели, прекршувањата на правата на Албанците.„Премиерот Христијан Мицкоски денес потврди два неоспорни факти што многу негови подредени се обидоа да ги негираат или манипулираат.Младите албански правници имаат право да го полагаат испитот по правосудство на албански јазик, додека за досегашното одбивање и кршењето на ова право, министерот за правда треба да биде разрешен бидејќи ги прекршил и законите и самиот Устав како највисок правен акт во земјата.Вториот факт што постојано го браневме, верувајќи во нашата посветеност и во правдата, е дека со измените на Законот за употреба на јазиците од 2018 година, што беше услов на АА за Владата во тоа време, албанскиот јазик е службен јазик низ целата земја и на централно ниво.Сепак, Алијансата за Албанците оценува дека само изјавата на премиерот не е доволна за затворање на овие теми, туку се потребни и конкретни акции во корист на граѓаните и спроведување на законите.Прво, поединци како што е актуелниот министер за правда и сите други кои отворено заземаа ставови против албанскиот јазик и правата на Албанците треба да се отстранат од институциите и политичката сцена, за да не се повторат вакви случаи во иднина.Потоа, итно треба да се покрене постапка за измена на сите закони и подзаконски акти кои мора да се усогласат со Законот за употреба на јазиците и Амандманот V од Уставот.Доколку тоа не се случи, денешната изјава на шефот на Владата може да се оцени само како обид да се однесува како умерен и добар политичар кон Албанците, во време кога Владата и институциите постапуваат спротивно“, вели Зијадин Села.

Македонија | пред 2 месеци

„Под закана со нож и пиштол му изнудувале пари, пронајден е со врзани раце“, српското МНР со детали за Кајмакоски

Српското Министерство за внатрешни работи соопшти детали за киднапирањето во Белград на македонскиот пејач Даниел Кајмаковски.-Со координирана акција на полициски службеници на МВР, Управата за криминалистичка полиција, Службата за сузбивање на криминал и Службата за борба против тероризмот, жандармеријата, САЈ, Управата за сообраќајна полиција, Управата за гранична полиција, Одделот за сузбивање на имотни прекршоци и Полициската бригада, по потера по возило во кое двајца, засега непознати, сторители го киднапирале Д.К. (43) под закана со нож и пиштол во раните утрински часови во Белград, на улицата Караѓорѓева и му изнудувале пари, наведеното возило е запрено на територијата на општина Рума, во кое жртвата е пронајдена со врзани раце, додека сторителите успеале да го напуштат возилото и да заминат во непознат правец, се наведува во соопштението.Според српското МВР, на Даниел Кајмаковски му е укажана лекарска помош, на местото на настанот е спроведена истрага, а полициските службеници ја продолжиле потрагата по сторителите.Вишото јавно обвинителство во Белград го квалификува кривичното дело како - киднапирање, а интензивна работа за понатамошно расветлување на кривичното дело е во тек.

Магазин | пред 2 месеци

Полицијата на протест: 50 евра не е казна, туку бакшиш – авторитетот на државата мора да вреди повеќе

Независниот синдикат на полицијата, денес во Битола одржа протестен марш против како што велат „селективната правда“.„Денес низ дождливата Битола марширавме против селективната правда во државата, во која единствените за одговорност се секогаш полицајците.Побаравме притвор и постапки за лицата кој најавуваа убиства на полицајци и враќање на ригорозните казни за навреда и омаловажување на државен орган, затоа што 50 евра не е казна, туку бакшиш за музика. Авторитетот на државата мора да вреди многу повеќе од еден бакшиш“, велат од НСП.

Македонија | пред 2 месеци

Наместо уривање, ќе се конфискува објектот на аеродромот Стенковец

Министерството за транспорт најави почеток на постапка за конфискација на нелегално изграден објект на спортскиот аеродром Стенковец во Скопје. Според министерот Александар Николоски, објектот е изграден на државно земјиште без дозвола и ќе се бара негово одземање во корист на државата.„Министерството за транспорт како институција која е надлежна за објекти од прва категорија како што се аеродроми, болници кои третираат терциерна здравствена заштита, градби за високо образование, спортски сали, стадиони и други државни инфраструктурни објекти, во изминатиот период сериозно пристапи кон решавање на проблемот со нелегалните објекти кои спаѓаат во оваа категорија.Во координација на повеќе институции – Министерството за транспорт, Агенцијата за цивилно воздухопловство, Државниот градежен инспекторат, како и Аероклубот на спортскиот Аеродромот Стенковец Скопје – ќе се започне постапка за КОНФИСКАЦИЈА на нелегално изградениот објект на спортскиот аеродром Стенковец.Имајќи предвид дека објектот е целосно нелегално изграден на државно земјиште, надлежните органи одлучија да се обратат до Обвинителството и Судот и да побараат целиот објект да се конфискува во корист на државата, со цел истиот да може го користи Агенцијата за цивилно воздухопловство за тренинг на пилоти и други потреби.Ова е јасна порака дека нема да се толерира изградба на нелегални објекти на места каде Министерството за транспорт и Државниот градежен инспекторат имаат надлежност“, вели Николоски.

Македонија | пред 2 месеци

Околу 11.000 административци ќе добијат повисоки плати – договор постигнат со Владата

Премиерот Христијан Мицкоски денска оствари средба со репрезентативните синдикати од областа на администрацијата. На средбата е постигнат договор со кој околу 11.000 административци ќе имаат покачување на платата до 40% до 2028 година.„Денеска остварив средба со репрезентативните синдикати од областа на администрацијата.Постигнат е договор, околу 11.000 административци ќе земат покачување на платите од скоро 40% до 2028 година.Ние сме подготвени како Влада да седнеме и во овој период до 2028 година, очекувам тоа да биде во пократок период заедно со двата репрезентативни синдикати во случајов ССМ и КСС да седнеме и да испреговараме еден нов Општ колективен договор којшто ќе биде единствена алатка врз основа на која ќе бидат исплаќани платите, од друга страна ќе биде алатка којашто ќе ја имаат и работниците.Нека е со среќа и очекувам уште многу вакви успешни моменти понатаму, а им благодарам на двајцата претседатели, на гранковите синдикати и на УПОЗ и на САДУ што после долго време во еден конструктивен разговор изминатава недела успеавме да дојдеме до заедничко решение“, вели Мицкоски.

Македонија | пред 2 месеци

„Кајмакоски бил киднапиран, сега е на безбедно, многу смирено и храбро се соочил со киднаперите“, вели Рашиќ

Mиланка Рашиќ, која е задолжена за односи со јавноста за Даниел Кајмакоски, соопшти дека разговарала со него по ноќта помината во полициска станица. Таа потврди дека пејачот бил киднапиран синоќа во близина на „Бетон хала“ во Белград и сега е дома, но потребен му е мир.„Драги пријатели, веста дека Даниел Кајмакоски бил киднапиран ноќеска во близина на Бетон хала во Белград е точна.Зборував со Даниел пред малку, добро е. По ноќта помината во полиција, сега е дома.Она што можеме да го потврдиме е дека полицијата трага по непознатите сторители кои се странци, кои го врзале и го возеле во неговиот автомобил барајќи му 20.000 евра. Возеле накај Рума, кога сообраќајната полиција се обидела да ги запре. Возилото удрило во банкина, киднаперите излегле од автомобилот и избегале.Даниел потоа поминал неколку часа во полициска станица.Од она што го чув од Даниел во краткиот разговор, ми се чини дека многу смирено и храбро се соочил со киднаперите. Сега му е потребен мир и во интерес на полициската истрага нема да дава изјави.Им благодариме од срце на сите добри луѓе кои се јавија и се грижат за него“, стои во објавата.

Магазин | пред 2 месеци

Лет на Wizz Air прекинат по два часа: итно слетување во Брисел

Авион на авиокомпанијата Wizz Air кој утрово полетал од Скопје кон Париз прогласил вонредна состојба околу два часа по полетувањето, додека се наоѓал над Луксембург, пренесуваат специјализирани сервиси за следење на летови.Станува збор за летот W64719, управуван од авион „Airbus A321neo“. Според достапните информации, екипажот одлучил да го прекине летот и да го пренасочи кон аеродромот Брисел–Шарлроа, каде што леталото безбедно слетало околу 7:30 часот по универзално време, по приближно два часа и 15 минути во воздух.Податоците од системот за следење на летови Flightradar24 исто така покажуваат дека авионот бил пренасочен и наместо во Париз слетал во Брисел.Според објавите на домашните медиуми, додека авионот бил во воздушниот простор над Луксембург, пилотите побарале итно слетување на бриселскиот аеродром Шарлоа, кој бил поблизу се со цел да му се укаже лекарска помош на патникот.

Македонија | пред 2 месеци

Уапсен Албанец кој криумчарел мигранти од Египет и Судан

На 08.02.2026 полициски службеници од СВР Струмица-ОВР Гевгелија го лишија од слобода Б.С.(21) од Албанија. Околу 01:55 часот на излез од Гевгелија кон автопатот А1, полициските службеници запреле патничко возило „мерцедес“ со албански регистарски ознаки, управувано од Б.С. и при контрола било утврдено дека во возилото превезува пет лица мигранти, од кои четири од Египет и еден од Судан. По документирање на случајот, ќе биде поднсена соодветна пријава

Македонија | пред 2 месеци

Уапсен струмичанец кој вршел измами за лажни сообраќајки и операции, му нашле над 15.000 евра

На 07.02.2026 во 12:30 часот во Струмица, полициски службеници од СВР Струмица го лишија од слобода О.В.(38) од Струмица. Тој се сомничи дека на 06.02. и 07.02.2025 година во два наврати учествувал во извршување на кривични дела измами, каде оштетени се 84-годишна и 68-годишна жителка на Струмица, а во еден случај во обид да биде измамена 77-годишна жителка на Струмица. Имено, откако едно лице им се јавувало на фиксни телефонски броеви на пријавителките и претставувајќи се како медицинско лице успеало да измами две жителки на Струмица да дадат пари, кои наводно биле за операции на нивна ќерка или снаа, О.В. одел на локациите кои телефонски му ги кажувало лицето и ги преземал парите од жртвите.При лишувањето од слобода, кај О.В. се пронајдени 15.150 евра и 50 франци, кои ги стекнал при вршење на кривичните дела. Тој е задржан во Полициската станица Струмица и во службен разговор го признал начинот на кој ги вршел делата. Запознаен е јавен обвинител од Основното јавно обвинителство Струмица, а по документирање на случајот против лицето ќе биде поднесена кривична пријава.СВР Струмица уште еднаш апелира до граѓаните да бидат исклучително внимателни во комуникација со непознати лица, која се врши по телефонски пат, да не наседнуваат на измами, да ги проверуваат податоците кои им се пласираат во телефонската комуникација, да не даваат пари на непознати лица и сите сомнителни случаи да ги пријават во полиција.

Македонија | пред 2 месеци