Штерјова: Новите членови на Управните одбори со срамни стручни биографии а богати партиски сивија

Советничката од СДСМ во Советот на Град Скопје, Кети Штерјова, која е член на Мандатната комисија, посочи дека е точно дека биографиите на новите 117 членови на управните и надзорнитр членови им биле поделени на членовите на Комисијата, но требало да ги добијат сите советници за да видат дека се работи за партиски кадри и дека местата се пополнуваат со луѓе од ВМРО-ДПМНЕ, ЗНАМ и од другите коалициски партнери.„Кандидати за советници на листите на ВМРО ДПМНЕ во општините и во Градот Скопје, партиски членови, донатори на политичката партија ВМРО ДПМНЕ, фамилијарни врски со високи партиски функционери, цели партиски фамилии кои се вдомени во државни институции на високи позиции, се дел од предлозите.Дали овие лица се поставени таму за јавните претпријатија да служат за партиската агенда, а не за интересите на граѓаните? Како ќе објасните дека оваа кадровска понуда е водена од јавниот интерес?Со ова очигледно сакате да се оддолжите кон вашите членови од штабовите, срамни стручни биографии, наспроти богати партиски сивија”, рече Штерјова.Градоначалникот на Град Скопје, Орце Ѓорѓиевски тврдеше дека никогаш не одлучува партиски, дека сите се кандидати имаат професионално и стручно искуство, за кои уверува дека ќе ги решаваат проблемите во јавните претпријатија.„Јас никогаш партијата не ја ставам пред интересите на граѓаните”, рече градоначалникот.

Скопје | пред 3 месеци

Муцунски во разговор со еврокомесарката Марта Кос: Во фокус економските предизвици и евроинтеграциите

Министерот за надворешни работи и надворешна трговија, Тимчо Муцунски, попладнево оствари телефонски разговор со еврокомесарката за проширување, Марта Кос.Фокусот на разговорот беше ставен на актуелните економски предизвици и евроинтегративниот процес.Соговорниците разменија мислења за изнаоѓање конкретно и одржливо решение за предизвиците со кои се соочуваат професионалните превозници, како и за прашањето поврзано со тарифите за челик. Во тој контекст, министерот Муцунски ја нагласи потребата од навремена и координирана реакција, со цел да се избегнат дополнителни негативни ефекти врз домашната економија.Во контекст на евроинтегративниот пат на државата, министерот Муцунски ја потврди јасната и силна посветеност кон реформскиот процес, обезбедувањето континуитет во неговото спроведување, како и усвојувањето на законите кои се составен дел од европската агенда.

Македонија | пред 3 месеци

Не застанал на наредба на полиција, па физички го нападнал полицаецот - кривична за маж од Пробиштип

Надворешната канцеларија за криминалистички работи Свети Николе поднесе кривична пријава против М.П. (33) од Пробиштип, поради постоење основи на сомнение за сторени кривични дела „напад врз службено лице при вршење работи на безбедноста“ и „загрозување на сигурноста“.На 23 јануари 2026 година, пријавениот не ја почитувал наредбата да застане со возилото кое го управувал. По неговото запрено, тој физички нападнал полициски службеник кој извршувал службени дејствија.Против М.П. ќе следуваат соодветни правни мерки согласно закон.

Македонија | пред 3 месеци

Нетфликс го објави трејлерот за новата криминалистичка трилер-серија за детективот Хари Хуле

Нетфликс го објави официјалниот трејлер за новата напната криминалистичка трилер-серија базирана на бестселерите на прочуениот норвешки писател Ју Несбе, која е наменета за љубителите на мрачни и психолошки комплексни детективски приказни. Серијата е инспирирана од култниот книжевен лик Хари Хуле и ќе ја има својата премиера на 26 март.Во главната улога на проблематичниот, но исклучително брилијантен детектив Хари Хуле се појавува Тобијас Сантелман, познат по улогата во серијата „Последното кралство“. Покрај него, во актерската екипа се и Џоел Кинаман, кој го толкува ликот на Том Велер, како и Пиа Тјелта во улогата на Ракел Фауке.Серијата, насловена „Jo Nesbo's Detective Hole“, се фокусира на сложениот карактер на Хари Хуле, лик чиј книжевен серијал е продаден во повеќе од 60 милиони примероци ширум светот. Приказната го истражува неговиот тежок однос со колега детектив кој тргнал по значително помрачен пат, при што централниот конфликт се развива меѓу Хари и морално контроверзниот Том Велер.Според официјалниот синопсис, Хари Хуле е измачуван инспектор за убиства кој се бори со сопствените демони, додека двајцата детективи дејствуваат на рабовите на етичноста во кривично-правниот систем. Во обид да фати сериски убиец, Хари мора истовремено да го спречи и Велер, пред последиците да станат непоправливи.Трејлерот веднаш ги вовлекува гледачите во хаотичен и опасен свет, започнувајќи со брутална сообраќајна несреќа, симболично отворајќи ја вратата кон секојдневието во кое функционира Хари Хуле. Иако исклучително способен во својата професија, ликот е прикажан како човек кој не е подеднакво успешен во приватниот живот, што дополнително ја продлабочува неговата психолошка димензија.Најавата беше пречекана со голем ентузијазам од обожавателите на делата на Ју Несбе, кои на социјалните мрежи изразија надеж дека серијата ќе биде достојна адаптација на книжевниот материјал и значително подобра од претходната филмска верзија „Снешко“. Многумина истакнаа дека изборот на актер за улогата на Хари Хуле целосно одговара на нивната претстава за ликот и дека серијата има потенцијал да стане едно од најдобрите телевизиски остварувања од овој жанр.„Jo Nesbo's Detective Hole“ на Нетфликс пристигнува на 26 март и веќе се најавува како една од најочекуваните криминалистички серии оваа пролет.

Магазин | пред 3 месеци

Македонските превозници се повлекуваат од блокадите

Македонските превозници вечерва, на 29 јануари, во 20 часот ќе се повлечат од блокадите на товарниот дел од граничните премини, одлучи попладнево Асоцијацијата „Макам-транс“, по одлуката на Европската комисија да донесе нова стратегија за визи, со која се најавува разгледување на проблемот со престојот на професионалните возачи во Шенген-зоната.Со повлекувањето од блокадите, по речиси четиридневен застој, се очекува нормализирање на товарниот сообраќај на граничните премини „Деве Баир“, „Делчево“, „Ново Село“, „Дојран“, „Богородица“, „Меџитлија“, „Ќафасан“, „Блаце“, „Блато“ и „Стење“. Од „Макам-транс“ преку објава на Фејсбук соопштија дека одлуката е донесена затоа што со стратегијата на ЕУ е добиена потврдата која ја очекувале за можни идни промени, при што упатија благодарност до сите кои, како што наведоа, во изминатите денови ја покажале својата поддршка и солидарност со блокадите.Блокадите започнаа на почетокот на неделава од страна на транспортери од Северна Македонија, Србија, Црна Гора и од Босна и Херцеговина, со барање да бидат изземени од новиот систем за контрола на влез и излез во Европската Унија. Превозниците предупредија дека примената на правилото за престој од 90 дена во рамки на 180-дневен период во Шенген-зоната предизвикува економски штети и ризик од депортации за професионалните возачи.Новата стратегија на Европската комисија, иако во оваа фаза не носи конкретно решение, потврдува дека прашањето ќе биде предмет на понатамошно разгледување. Во документот се наведува дека Комисијата ќе соработува тесно со земјите-членки за изнаоѓање „прагматични решенија“ кои би овозможиле продолжен краткорочен престој за одредени категории државјани од трети земји, истовремено обезбедувајќи безбедност, економски придобивки и правна сигурност.Како можност се споменува и воведување ново законодавство на ниво на Европската Унија, со посебни правила за продолжен краткорочен престој, при што ќе се разгледа и влијанието на постојните билатерални договори што дозволуваат подолг престој, со цел нивно постепено укинување. Стратегијата признава дека одредени категории работници, меѓу кои и возачите на камиони, поради природата на својата работа зависат од мобилност и имаат потреба да останат подолго од дозволените 90 дена во рамки на 180-дневниот период, без обврска за дозвола за престој.

Македонија | пред 3 месеци

Бислимоски: Нема да дозволам да се наруши мојот углед

Претседателот на Регулаторната комисија за енергетика, водни услуги и услуги за управување со комунален отпад (РКЕ), Марко Бислимоски, изјави дека сите постапки за одземање лиценци во енергетскиот сектор се водат строго согласно Законот за енергетика и Правилникот за лиценцирање, без исклучоци и без повластен третман за ниту една компанија. Изјавата ја даде на денешната прес-конференција, откако утринава Управата за финансиска полиција поднесе кривична пријава против него до Основното јавно обвинителство Скопје, за наводна злоупотреба на службената положба и овластување.Бислимоски нагласи дека во истиот период кога се водела постапката за компанијата која е предмет на јавен интерес, идентични постапки, со исти рокови и процедури, се воделе и за други компании, не само во секторот за нафтени деривати, туку и во секторот за електрична енергија. Според него, сите одлуки биле носени од сериозен и стручен тим во рамките на РКЕ.Тој потенцираше дека никогаш немало повластена компанија, ниту пак постапка спроведена спротивно на законската регулатива. Како што рече, РКЕ доследно ги применува истите правила во сите сегменти на енергетиката, а тоа е пракса која продолжува и денес, без оглед дали станува збор за електрична енергија, нафтени деривати или природен гас.Во однос на поднесената кривична пријава, Бислимоски изјави дека целосно ќе го следи процесот и дека на надлежните институции ќе им ги стави на располагање сите потребни информации. Тој изрази уверување дека во постапките нема прекршување ниту на Законот за енергетика, ниту на Правилникот за лиценцирање, додавајќи дека нема да дозволи, како што рече, да биде нарушено неговото лично и професионално достоинство.На прашањето дали зад пријавата стојат политички мотиви, Бислимоски одговори дека тоа е прашање за подносителите на пријавата и дека времето ќе покаже дали имало политички притисоци.Тој потсети дека РКЕ во изминатиот период била оценувана како едно од најдобрите регулаторни тела во рамките на Енергетската заедница, токму поради доследната примена на пропишаните процедури и постапки, кои, како што наведе, служеле како пример и за други институции во енергетскиот сектор.Во врска со наводите за спречено одземање лиценца и за рокови кои траеле до 15 месеци, Бислимоски појасни дека истите процедури се применувале за повеќе компании. Дел од постапките завршиле со одземање на лиценца, додека кај други, по утврдување дека не се исполнети законските услови, лиценците не биле одземени, и тоа во сите сегменти од енергетиката. Според него, во понатамошниот период ќе се докаже дека сите постапки биле спроведени законски и транспарентно.

Македонија | пред 3 месеци

Се сакарале за паркинг, па го прободеле со остар предмет

Надворешната канцеларија за криминалистички работи Гостивар поднесе кривична пријава против Ф.А. (58) од Гостивар, Б.З. (46) од село Равен, гостиварско и Г.М. (44) од село Дебреше, гостиварско, поради постоење основи на сомнение за сторено кривично дело „насилство“.На 4 декември 2025 година, во Гостивар, по претходно недоразбирање околу паркинг простор, пријавените физички го нападнале А.А., при што еден од нив му нанел убодна рана со остар предмет.Против осомничените ќе следуваат соодветни правни мерки согласно закон.

Македонија | пред 3 месеци

Опаѓа бројот на заболени од грип, Андоновска предупредува: Ова не значи дека нема да има нов пик

Во текот на четвртата недела од 2026 година, кој што го опфаќа периодот помеѓу 19 и 21 јануари, во Македонија се пријавени 1708 случаи на заболување од грип и заболувања слични од грип, што е за 17,2% помалку во споредба со претходната недела, кога бројот беше 2062, изјави директорката на Институтот за јавно здравје, Марија Андоновска.„Во однос на возрасната дистрибуција, 1029 лица се на возраст помеѓу 15 и 64 години, 253 лица се на возраст над 65 години, 233 се децa на возраст помеѓу 5 и 14 години, 183 се деца на возраст помеѓу 0 и 4 години.Во текот на четвртата недeла во оваа сезона, 2026 година, како што гледате, продолжува трендот на намалување на бројот на заболени, инциденцата на заболување на слични на грип и е на неделно ниво, што значи според податоците што ги имаме во моментот во Македонија, има среден интензитет на активност на вирусот. Остануваат и понатака да важат нашите препораки, кои што ги даваме за лицата да се заштитат, да се избегнуват собирања во простории (каде што има повеќе лица или доколку има нужно, неопходна потреба да бидат во такви простории, лицата да носат маска, посебно да водат сметка, ранливите категории, постарите, повозрасни лица, над 65 години, хронично болните, децата, трудниците, посебно да внимаваат на сопственото здравје, да се избегнуваат контакти со заболени лица или оние кои што покажуваат никакви симптоми.Оваа сезона имаме регистрирани за сега три смртни случаи, а што се однесува до пикот, да приметувате дека имаме две недели намалување на бројките, но се уште е многу рано да кажеме дека сме го надминале пикот, бидејки минатата сезона имавме два пика. Можеби ова е првиот, може да е и последниот, но не значи дека нема да има нов пик и ново растење на бројките“, додаде Андоновска.

Македонија | пред 3 месеци

Силјановска ги потпиша измените на Кривичниот законик и покрај забелешките од невладините

Претседателката на државата Гордана Силјановска Давкова, на денешната прес конференција изјави дека ги потпишала измените на Кривичниот законик и објасни зошто сметала дека истиот треба да се потпише.„Прво, она што ни е важно во моментот, а тоа е безбеден град, нема да може да функционира ако не е пропратено и со решенија, што значат санкционирање на сите повреди на она што во Законот за прекршоци беше воведено. Значи, овде гледаме дека има воведено кривични дела што се однесуваат на безбедноста. Второ, она што мене како жена многу ме засега и стално сум велела дека не можев да разберам како е можно кривичните дела врзани за полот, врзани за родот кои требаше да се процесуираат само на барање на повредените, сега се гонат по службена должност.Имам забелешки на делот околу кривичните дела врзани за злоупотреба на службата и јавните набавки, таму треба прецизирање, треба посигурни одредби, но морам да кажам дека интересно е да чуете од оние кои во 2023. година, повикувајќи се на компаративните искуства на Германија и други држави, не убедуваат дека е тоа скок во заштитата, сега да се повикуваат на враќањето на старите одредби кои за нив тогаш беа апсолутно неодржливи. А ние велевме дека решенијата од стариот закон, јас сумдискутирала, можете да ја пуштите мојата дискусија, се далеку поголема гаранција од измените.Значи, ги прифаќам овие измени само како транзициски за да може да имаме исчекор најмногу во поглед на санкционирањето на една од најтажните македонски приказни, врзана за злоупотребите во сообраќајот, тоа со жртви кои апсолутно не може да се толерира повеќе да се случуваат, во врска со заштитата на жените, бидејќи тоа ми е многу битно, во поглед на построгите критериуми, односно во поглед на подобро квалификуваните дела, врзани за злоупотребата на службената положба, но и јавните набавки, но и со една задршка и една забелешка дека ќе го толерирам ова само во пресрет на чекањето на новиот Кривичниот законик. Долго време се работи на него, според мене тој ќе биде клучен во судските реформи исто така и се надевам дека час поскоро треба да биде донесен. Само од тие причини јас го потпишам овој закон, по разговори со предлагачот, по разговори со владата и по барање гаранција дека на вистина ова нема да значи дека сме го решиле проблемот и нема да значи одолговлекување на носењето на новиот кривичен законик“, вели Силјановска.Освен тоа што кажа претседателката во изјавата им кажа на новинарите дека тоа што и СДСМ гласале за Кривичниот законик и што бројот на гласови е блиску до 80, двотретинско мнозинство е дополнителна причина за да стави потпис.

Македонија | пред 3 месеци

Почната е постапка за обезбедување на 150 електрични автобуси, вели Мицкоски

Претседателот на Владата, Христијан Мицкоски на денешната собраниска седница за пратенички прашања истакна дека обезбедени се средства за набавка на 150 електрични автобуси за Скопје и општините со организиран јавен превоз, со што посебно за Скопје заедно со другите проекти како Градски воз, БРТ и когенерацијата драстично ќе се намали аерозагадувањето. „Она кое што можеме ние како влада да го направиме е да обезбедиме транспорт за општините, онаму каде има организиран, којшто ќе биде еколошки. И токму таа е целта на набавка на овие 150 еколошки автобуси коишто се на електричен погон, користат исклучиво енергетско напојување кое за животната средина нема штетно влијание. Постапката е веќе почната, средствата ќе ги обезбедиме од влада со влада стратешкото партнерство со Унгарија, во најголем дел, а помал дел обезбедени од буџет под услови подеднакво доби како што претходно беше и оној прв договор за кредитно задолжување со Унгарија“, потенцираше премиерот Мицкоски одговарајќи на пратеничко прашање од пратеничката Биљана Кузмановска. Премиерот Мицкоски појасни дека овие 150 автобуси ќе бидат распределени во сите општини во кои има организирано јавен градски превоз, односно Град Скопје ќе добие 100, а останатите општини ќе добијат 50 автобуси. „Конкретно во Скопје во насока на намалување на аерозагадувањето, тука ќе го споменам и Градскиот воз чија што прва делница сега се прави, а потоа ќе следат втората и третата, и очекувам заедно со БРТ системот и новите проекти во делот на гасификацијата, односно когенерацијата, заедно со производство на електрична енергија и топлина во периодот кој следи драматично да се намали аерозагадувањето. Ова се конкретни потези, сме ги лоцирале точките и работиме и ќе треба време. Процесот е почнат, обезбедено е финансирањето под услови исти како што имавме со претходниот заем, три години грејс период, каматна стапка од 3,25% минимум за останатиот период до 15 година отплата во рамките на стратешкото партнерство со унгарската влада. Следи процедура и набавка на овие 150 автобуси и нивна распределба“, нагласи премиерот Мицкоски.Премиерот Мицкоски воедно истакна дека оперативните трошоци ќе бидат драматично намалени, ефектот е повеќеслоен, позитивен за аерозагадувањето, односно нема да има, но исто така позитивен ќе биде во делот на одржување на истите.

Скопје | пред 3 месеци

Кривична за битолчанец кој се заканувал по живот, при претресот му нашле воздушна пушка и муниција

СВР Битола поднесе кривична пријава против М.М. (48) од село Пресил, битолско, поради постоење основи на сомнение за сторени кривични дела „загрозување на сигурноста“ и „неовластено изработување, држење, посредување и тргување со оружје и експлозивни материи“.На 10 декември 2025 година, во село Житоше, прилепско, пријавениот упатил закани по животот на едно лице. Следниот ден, при претрес кај него, била пронајдена и одземена воздушна пушка и муниција.Против пријавениот ќе следуваат соодветни правни мерки согласно закон.

Македонија | пред 3 месеци

Преку Советот на Скопје, 117 лица добија функции по одбори, Цаневска вели “изгласани се без дa ги видиме биографиите”

На денешната седница, градските советници дискутираа, а потоа и разрешија и именуваа в.д. членови на надзорни и управни одбори на јавни претпријатија и установи, и тоа без да располагаат со какви било информации за нив. Станува збор за 117 лица, од кои околу дваесетина веќе биле дел од одборите во претходниот мандат.Советниците требаше да гласаат единствено за имињата, бидејќи не им беа доставени биографии со кои би можеле да ја проценат професионалната подготвеност на кандидатите за задачите за кои се избрани. Но тоа не ги спречи членовите на Советот од ВМРО-ДПМНЕ и од партиите во нивната коалиција да ги изгласуваат предлозите.Биографиите на избраните членови биле доставени до надлежните комисии на Град Скопје, но не и до советниците, бидејќи содржеле лични податоци. Ова објаснување, не беше прифатено од советниците на опозицијата.„Денес треба да гласаме за 117 членови на управни и надзорни одбори, а ние не знаеме кој се тие, освен нивните имиња. Не бараме матични броеви или број на кондури, туку сакаме да знаеме какво образование имаат и како можат да придонесат во работата на претпријатијата и установите. Бараме да видиме дали се стручни и да ги имаме нивните биографии,“ изјави координаторката на советничката група на СДСМ, Катерина Цаневска Арсовска.Таа потсети дека Орце Ѓорѓиевски во предизборната кампања ветувал транспарентност, но она што се случува сега е целосно спротивно на тоа.Советничката од Левица, Дарја Мустафаоглу посочи дека е незаконско именувањето на в.д. членови на одборите, дека во законот е наведено во кои случаи тоа се прави.Но, за градоначалникот сѐ е според закон. „Станува збор за лица за кои биле доставени биографии за сите в.д членови на надзорни одбори. Целта на ваквото постапувања, кое е целосно законско, е да не блокираат јавните претпријатија и да бидат коректори на директорите“ – рече градоначалникот.

Скопје | пред 3 месеци

„Макам-транс“ попладнево на итен состанок: ќе одлучува дали најавите на ЕК се доволни за повлекување на камионите од границите

По четири дена блокади на граничните премини кон Шенген-зоната, стигнаа првите сигнали за решение од срцето на Европа. Европската комисија денеска ја усвои новата стратегија за визи која конечно ги препознава возачите на камиони како „професионалци“ и нуди поголема флексибилност за нивниот престој во ЕУ.Вицепремиерот Александар Николоски преку социјалните мрежи ја потврди веста, нарекувајќи ја „одлична“ за македонската економија. Потпретседателката на ЕК, Хена Виркунен, истакна дека иако правилата од 90 дена остануваат, во рамките на новата стратегија се работи на олеснувања за специфични професии како што се возачите, уметниците и спортистите.„Нашите ставови се прифатени. Возачите се прифатени како професионалци. Тоа е она што го баравме по силната офанзива“, порача Николоски.Асоцијацијата „Макам-транс“ попладнево е на итен состанок на кој треба да пресече – дали овие најави се доволни за камионите да се повлечат од границите.

Македонија | пред 3 месеци

Мицкоски за тужбата на Села до Уставен: Лага е дека „Безбеден град“ има етничка заднина

„Граѓаните без исклучок сакаат да имаат помалку сообраќајни незгоди, и да има помалку жртви и последици од тие сообраќајни незгоди. Лага е дека „Безбеден град“ има етничка заднина, за сега е имплементиран во Скопје, Куманово, Тетово и по коридорите 8 и 10. Анализите покажуваат дека три четвртини од прекршоците се направени во Скопје, но истовремено покажуваат и дека оние 110-150 илјади прекршоци, во овој тест период се намалени на 7-8 илјади“, посочи премиерот Христијан Мицкоски во Собрание, прашан за тужбата поднесена од Зијадин Села до Уставниот суд за проектот „Безбеден град“.„Некои работи едноставно и искусни политичари како Зијадин Села дали намерно, свесно или несвесно се обидуваат да ги направат такви да не соодветствуваат со реалноста. Мислат дека ако излезат во јавноста со пораки, дали биле против една етничка група, во насока на друга етничка група, ќе добијат политички поени, а на тие поени и некаков политички легитимитет. Но, фактите го зборуваат спротивното, колку повеќе има вакви настапи, толку повеќе назадуваме во политиката и помалку поддршка се добива од граѓаните“, истакна Мицкоски кој посочи на огромната јавна поддршка на проектот.„Кога ќе ги прашате граѓаните при организирање на анкети, јавно мислење, акламативно, повеќе од 80 проценти го поддржуваат. Повеќе од две третини од Албанците го поддржуваат. Затоа мене не ми е јасно кому му се обраќа подносителот на тужбата во Уставен суд, човек којшто со децении е присутен на политичката сцена. Елементарно е во политиката, ако не знаете што да направите, направете мерење на граѓаните да слушнете јавно мислење, што мислат. Па потоа влегувајте во било какви авантури. Статусот во моментов е тој, 80 проценти од граѓаните го поддржуваат. Дали тој ќе продолжи и во кој интензитет ќе се зголемува или намалува-ќе видиме. Но, ние сме свесни со сиот ризик само со една цел влегуваме во проектот, а тоа е да спасиме човечки живот повеќе. И друг мотив нема“.

Македонија | пред 3 месеци

Лице со употреба на сила украло личен накит од 65-годишен скопјанец на автобуска во Центар

Денеска, 29 јануари 2026 година, околу 08:30 часот во СВР Скопје, З.Р. (65) од Скопје пријави дека околу 07:10 часот на автобуска постојка на подрачјето на општина Центар, едно лице со употреба на физичка сила му одзело личен накит.Се преземаат мерки за расчистување на случајот и идентификација на сторителот.

Скопје | пред 3 месеци

По безбеден град ќе има безбедна земја: Мицкоски најави новини

Мицкоски откри дека следна фаза, по „Безбеден град“, ќе биде проектот „Безбедна земја“„Следува следната фаза, „Безбедна земја“, со којшто границите ќе ги обезбедиме, ќе имаме систем за рано детектирање на пожари, да ги најдеме виновниците коишто прават таков тип на хибридни напади врз државата и врз граѓаните, веднаш да ги детектираме и извадиме пред лицето на правдата. Систем со којшто криминалците нема да ни бегаат преку граница откако ќе сторат криминал, туку ќе бидат веднаш препознаени, фатени, санкционирани и однесени таму каде што треба да бидат. Тоа е суштината на одговорна Влада. И тоа се храбри потези во политиката. Не се храбри потези уставни измени или на сила менување имиња. Ова е храбар потег, којшто ќе донесе квалитет во животот на граѓаните и ќе спаси човечки животи, тоа е храбар потег по цена и на политичка штета. Тоа се храбри и истовремено државнички потези“, потенцираше Мицкоски којшто упати и пораки до политичарите. „Ги молам сите политичари за одговорно однесување кога станува збор, особено за проектот „Безбеден град“. Тој нема никаква етничка припадност, целта е да спаси човечки живот и да го намали ризикот од сообраќајни незгоди со фатални последици“, посочи премиерот Христијан Мицкоски на собраниската седница за пратенички прашања.

Македонија | пред 3 месеци

Шок во Грција – дедо од 89 години возел по брзата лента во спротивен правец, па си продолжил како ништо да не било

Полицијата уапси 89-годишен маж кој, според обвинувањата, се движел во спротивна насока по главен автопат во северна Грција околу 10 километри, користејќи ја брзата лента и дури не застанал откако друг возач направил сообраќајка со автомобилот за да го избегне.Инцидентот, според полицијата, се случил рано попладне во среда во близина на градот Верија. Полицијата соопшти дека 50-годишна жена се здобила со повреди кои не се опасни по живот кога со автомобил удрила во централната преграда на автопатот Егнатија за да избегне судир со возилото што доаѓало од спротивен правец.89-годишниот возач се соочува со обвиненија за неодговорно возење, причинување повреди од небрежност и прекршување на правилата за автопат.Тој бил уапсен откако го напуштил автопатот.Според пријавите, на полицијата ѝ рекол дека не ја забележал несреќата и ветил дека ќе престане да вози.

Свет | пред 3 месеци

Филипче најави тужба за Жан: Нема да дозволам лаги и бандитски напади врз мојата чест и углед

Претседателот на СДСМ, Венко Филипче одговарајќи на новинарско прашање, денеска изјави дека случајот со Жан Митрев се темели на една голема лага и најави дека приватно ќе го тужи поради нарушување на честа и угледот.„Ова сѐ се темели на една голема лага. Зошто? Ако Жан Митрев бил жртва на таков рекет како што кажува, што правел досега? Второ, зошто тој не поднесува тужба, туку обвинителство по допрен глас? Но, како и да е, нека ја завршат анализата итн., согласно одлуката, а после тоа откако ќе се утврди дека тоа не постои, јас немам никаква вина, ќе го тужам приватно за нарушување на честа и угледот“, рече Филипче.Тој потенцираше дека за неговата чест и углед работел напорно и чесно, и нема да дозволи “бандитски работи да му ги нарушуваат честа и угледот“, што за него се најважни во животот.

Македонија | пред 3 месеци

Го тепал малолетниот син, па го избркал од дома

СВР Куманово поднесе кривична пријава против Ч.С. (49) од Куманово, поради постоење основи на сомнение дека сторил кривично дело „запуштање и малтретирање на дете“.На 29 декември 2025 година, пријавениот физички го нападнал својот малолетен син и го избркал од домот во Куманово.Против него ќе следуваат соодветни правни мерки согласно закон.

Македонија | пред 3 месеци

72-годишна штипјанка жртва на телефонска измама, и одзеле 2600 евра

На 28 јануари 2026 година, во 13:53 часот, 72-годишна жена од Штип пријави во СВР Штип дека била измамена за 2.600 евра.Според пријавеното, едно лице ѝ се јавило телефонски и се претставило како лекар, тврдејќи дека нејзината ќерка паднала и се здобила со скршеници, поради што итно требало да се оперира, додека нејзиниот зет давал крв. Жената, убедена во приказната, го оставила договорениот износ на назначеното место, но подоцна сфатила дека станува збор за измама.Се преземаат мерки за расчистување на случајот и пронаоѓање на сторителот.

Македонија | пред 3 месеци

Додека крадел вработена се обидела да го спречи, па ја нападнал

На 26 јануари 2026 година околу 21:00 часот, полициски службеници од ЕВР Гази Баба при СВР Скопје го лишија од слобода З.К. (37) од струшко, со привремен престој во Скопје.Според пријавата, околу 18:00 часот истиот ден, тој во еден продажен објект во Скопје одзел производи и физички ја нападнал вработената која се обидела да го спречи.По целосно документирање на случајот ќе следува соодветен поднесок против осомничениот.

Скопје | пред 3 месеци

Николоски: Одлични вести од Брисел за огромниот проблем на превозниците во Македонија

Вицепремиерот и министер за транспорт и врски Александар Николоски соопшти дека од Брисел пристигнале, како што ги оцени, „одлични вести“ во врска со долгогодишниот проблем на македонските превозници поврзан со престојот и работата во земјите од Шенген-зоната.„Нашите ставови се прифатени. Возачите се прифатени како професионалци. Тоа е токму она што го баравме“, порача Николоски, наведувајќи дека по протестите и интензивната дипломатска активност во изминатиот период, Европска унија ќе донесе нова визна стратегија.Според него, новата стратегија за визи ќе значи системско решавање на проблемот со кој се соочија професионалните возачи од Македонија, кои досега беа третирани како туристи и ограничени со правилото за престој од 90 дена во период од 180 дена.Николоски изрази благодарност до, како што рече, пријателите на Македонија кои помогнале во процесот за изнаоѓање решение, нагласувајќи дека станува збор за важен чекор за транспортниот сектор и за економијата во целина.Очекувањата се дека новата визна стратегија ќе овозможи појасен и поправеден статус за професионалните возачи, со што ќе се олесни нивната работа и ќе се избегнат блокадите и штетите кои во изминатиот период ги трпеше целиот регион.

Македонија | пред 3 месеци

Од 20 до 40 години се осомничените силувачи на 13-годишното девојче од неготинско - сите се во притвор

На 28 јануари 2026 година, полициски службеници од ОВР Неготино, по наредба од Основното јавно обвинителство Кавадарци, лишија од слобода четири лица од неготинско село – на возраст од 20, 22, 26 и 40 години.Тие се сомничат дека извршиле кривично дело „силување на дете кое не наполнило 15 години“ врз 13-годишна малолетничка, казниво по член 188 од Кривичниот законик.Лицата биле задржани во полициска станица, а потоа спроведени пред судија на претходна постапка во Основен суд Кавадарци, кој им одреди мерка притвор во траење од 30 дена. По донесената одлука, осомничените се спроведени во Казнено-поправната установа Затвор Скопје за издржување на мерката.

Македонија | пред 3 месеци

Филипче: Техничката влада мора да остане, не се созреани условите за укинување

Претседателот на СДСМ, Венко Филипче, во одговор на новинарско прашање денеска истакна дека техничката влада мора да остане затоа што не се созреани условите за нејзино укинување.„Сметаме дека е повторно политички трик да се дозволи власта да протне закон со којшто техничката влада формално ќе остане во следниот изборен циклус, а потоа ќе се укине. Ние изнесуваме аргументи и факти зошто техничката влада мора да остане, затоа што условите за нејзино укинување едноставно не се созреани“, изјави Филипче.Тој потсети дека причините поради кои техничката влада беше воведена во 2015 година и денес постојат, па дури и во поизразена форма.„Злоупотреба на институциите постои и сега, ако не и побрутална. Па ја видовме за време на локалните избори, злоупотреба на полицијата, на социјалните служби. Така да, едноставно општеството повторно како и тогаш што беше ситуација, не е зрело да се укинува техничката влада. И нема потреба.“, нагласи Филипче.Укинувањето на техничката влада може да се случи само врз основа на широк политички консензус, а не преку наметнување на еднострани решенија.„Ако е донесена со консензус, нека се укине со консензус. Значи, вистински, фер, политичка комуникација, третман, е да како нешто било договорено, така да продолжи и понатаму “, потенцираше Филипче.

Македонија | пред 3 месеци

ВМРО-ДПМНЕ ја критикува предлог-мерката на Филипче за минимална плата од 600 евра како популистичка и нереална

Прес-конференцијата на Филипче е доказ за коалицијата меѓу СДС, Левица и ССМ. Дополнително, ниту има технички спремен Закон, ниту има предлог решение како би го спровел овој Закон, ниту пак знае колку финансии би биле потребни за овој Закон што го предлагаат, велат од ВМРО-ДПМНЕ како реакција на изјавата на Венко Филипче.„Навистина е срамно, лицемерно и некоректно од Филипче и СДС, да излегуваат со популистичка мерка – 600 евра минимална плата, но на следното прашање – тој нема одговор.Човекот кој има вила во Нерези, стан во Дубаи, Ауди на поклон од фирма која и доделил тендер, земјиште со фотоволтаици во Дојран, фирми на негово име и на членови на неговото семејство, кој не успеа да се справи со КОВИД кризата и енергетската криза, дели памет што требало да се направи за граѓаните.Нејсе, граѓаните навремено ја прочитаа нечесната намера на Филипче и СДС, затоа и се партија со 130.000 гласови. Доброто за граѓаните е тоа што ВМРО-ДПМНЕ е на власт, се покачуваат платите и пензиите, се работи на инвестиции и подобар и поквалитетен живот за граѓаните“, се вели во реакцијата

Македонија | пред 3 месеци