Жерновски: Допрва ќе се видат врските меѓу Груевски и Мицкоски

Немам лошто мислење за ВМРО-ДПМНЕ, меѓутоа ако имате раководство како Груевски и Мицкоски, како да бидам мирен, погледнете го извештајот, се враќаме назад, истакна членот на ИО на СДСМ Андреј Жерновски, во емисијата „Само интервју“ на Канал 5 телевизија.-Видете ја изјавата на претседателката на државата дека не е време за реформи, бидејќи се случуваат војни, идентичниот став претходно кажан од Груевски, тоа не може да биде случајно, рече Жерновски.Тој додаде дека тоа е вадење на демиџ контрол од „извештајчето“, кое е катастрофално и потоа се случува уште понагласено влијание на Груевски, кое беше намалено.-Така да на конгресот на ВМРО-ДПМНЕ, Груевски нема да биде физички присутен, ама кадровски во ставови и психички ќе биде присутен, допрва ќе го гледаме тоа, додаде ЖерновскиТој посочи дека седум години откако дојде СДСМ на власт напредувавме чекор по чекор во слободата на медиумите и завршивме во 2024 година на 36 место, пред Словенија, која беше 42, а Албанија на 99 место. Само 6 месеци откако дојдоа на власт од 36 паднавме на 42 место.-Падот се должи на желбата на една власт да ги јавне медиумите. Допрва ќе гледаме сличности со Груевски, рече членот на ИО, Андреј Жерновски на Канал 5 Телевизија.

Македонија | пред 5 месеци

Обвинителство: Скoпјанец осомничен за предизвикување општа опасност по инцидент со италијански државјанин

Основното јавно обвинителство Скопје поведе постапка против 30-годишен скопјанец поради кривично дело – Предизвикување општа опасност од член 288 став 3 во врска со став 1 од Кривичниот законик.Инцидентот се случил на 14 ноември, на булеварот „Партизански одреди“ и околните улици во центарот на Скопје, каде осомничениот, управувајќи „Алфа Ромео 147“ со скопски регистарски ознаки, со опасно и агресивно возење предизвикал сериозна опасност за животот на италијански државјанин и неговата девојка.Според обвинителството, откако оштетениот се обидел да се престрои во левата коловозна лента со возило „Алфа Ромео Тонале“, осомничениот го претекнал со голема брзина, повеќепати нагло кочел и застанувал, со што создал сообраќаен хаос.Кога возилата свртеле во лево на улицата „Франклин Рузвелт“, осомничениот продолжил да го следи оштетениот, нагло менувајќи ленти и застанувајќи пред неговото возило. На улицата „Народен фронт“, тој се вратил наназад со голема брзина и го удрил во предниот лев дел од автомобилот на италијанскиот државјанин.По ударот, оштетениот запрел за да повика полиција, но осомничениот фрлил тврд предмет кон нив, изнесол неразбирливи зборови и се оддалечил од местото.Имајќи ја предвид опасноста од бегство или повторување на делото, јавниот обвинител поднесе предлог за определување мерка притвор пред судијата на претходна постапка во Основниот кривичен суд Скопје.

Македонија | пред 5 месеци

Почина македонската фолк пејачка Бади Бекир

Почина македонската фолк пејачка Небахат Бади Бекир.Покрај соло кариерата, Бади понекогаш настапувала со групата наречена „Четири грации“, каде покрај неа беа и Благица Павловска, Адријана Алачки и Росана Тодоровска.Ја нарекуваа македонската Весна Змијанац.Бади своите први чекори на сцената ги прави во детските денови како член на играорната група изучувајќи го истовремено и македонскиот и турскиот фолклор.На музичката сцена дебатира во 1985 година на фестивал за забавни мелодии, а паралелно пее на турски, албански и македонски јазик.Најплоден период на нејзината кариера е за време на големите југословенски турнеи. По распадот на Југославија и се посвети на македонската фолк песна.

Македонија | пред 5 месеци

За да “Пулс” не биле пломбиран, газдата Деко лажирал податоци пред УЈП: по пораките од неговиот телефон осомничени се 11 лица од УЈП и Пазарна инспекција

Основното јавно обвинителство Кочани поведе постапка против вкупно 11 лица за коруптивни кривични дела поврзани со работењето на дискотеката „Пулс“, во која во март годинава животот го загубија 63 млади лица.Според обвинителството, за тројца од осомничените е донесена наредба за спроведување истрага. Станува збор за двајца даночни контролори од Службата за даночна контрола при Регионалниот даночен инспекторат во Штип, кои го предупредувале одговорното лице во клубот „Пулс“ за ненајавени контроли, а за возврат добивале подароци и парични надоместоци.Двајцата контролори се осомничени за „примање поткуп“ според член 357 од Кривичниот законик, додека синот на сопственикот на клубот, кој веќе е обвинет во главниот процес за пожарот, е осомничен за „давање поткуп“ според член 358.За двајцата контролори обвинителството побара притвор, а за третиот – проширување на мерките на претпазливост и забрана за контакти со новоосомничените.Покрај нив, уште шест лица – даночни инспектори и управници од регионалните дирекции на УЈП во Штип и Струмица се осомничени дека му овозможувале на клубот „Пулс“ и на поврзаното правно лице „ММММ кафе“ да избегнуваат инспекциски контроли и да работат без соодветна фискализација.Со тоа, тие се товарат за „злоупотреба на службена положба и овластување“ согласно член 353 од Кривичниот законик. За нив обвинителството предложи мерки на претпазливост, меѓу кои и забрана за напуштање на местото на живеење.Меѓу осомничените е и сопственикот на „Пулс“, кој веќе се наоѓа во притвор. Тој е осомничен за „фалсификување исправа“, бидејќи подолг временски период прикажувал преправени фискални апарати со лажни податоци при контроли од Управата за јавни приходи, со цел да избегне парични глоби и затворање на објектот.Исто така, обвинителството ја товари и една инспекторка од Државниот пазарен инспекторат, која оддавала службени информации за ненајавени контроли. Таа е осомничена за „оддавање службена тајна“ според член 360 од Кривичниот законик.Државниот јавен обвинител Љупчо Коцевски изјави дека оваа постапка не е дел од предметот за трагедијата во „Пулс“, бидејќи овде не се работи за поврзаност со смртната последица, туку за дела поврзани со злоупотреба, давање и примање поткуп.Обвинителот Борче Јанев во воведниот говор на главната расправа потсети дека ако имало навремени контроли и санкции, трагедијата ќе можела да се спречи.„Дејан Јованов ги заобиколувал сите инспекции и контроли во трката за профит. Никој не му ги барал документите, а на крај го заглави и сопственото дете,“ рече Јанев.Судењето за пожарот во „Пулс“ продолжува следната недела, во вторник и среда, со излагања на обвинетите. Паралелно, Јавното обвинителство за организиран криминал работи на уште едно обвинение поврзано со случајот, кое се однесува на улогата на полициски службеници.

Македонија | пред 5 месеци

Мицкоски во Тирана на отворање на новите канцеларии на Македонското здружение „ВМРО-ДПМНЕ Албанија“

Денеска во Тирана во присуство на голем број Македонци од Албанија претседателот на ВМРО-ДПМНЕ и претседател на Владата Христијан Мицкоски, генералниот секретар на ВМРО-ДПМНЕ, Ѓоргија Сајкоски и претседателката на Унијата на жени на ВМРО-ДПМНЕ Жаклина Пешевска, на покана на Македонско здружение  "ВМРО-ДПМНЕ Албанија" присуствуваа на отворање на новата канцеларија на ова здружение.Мицкоски во обраќањето пред присутните ја нагласи и можноста на Македонците во Албанија да имаат свој клуб, можност за здружување, можност слободно да работат на зачувување на својата култура, идентитет, јазик и традиција, можност што ја немаат Македонците во Пиринскиот дел на Бугарија.-Македонците во Пиринскиот дел ја немаат оваа можност да се организираат, во 21 век се спречени да регистрираат невладино здружение, не можат да зборуваат слободно за својот македонски идентитет. Ние сме вредни, трпеливи и умни и ве уверувам дали сега или во периодот којшто следи, ќе дојдеме до таа цел, посочи Мицкоски.-Мене ми е драго што на сите овдека ни е јасен тој наш вековен автентичен македонски корен и наш вековен македонски идентитет. Како што можам да забележам македонскиот јазик се негува и се чува и тоа особено ме импресионира вечерва, направи споредба Мицкоски при отворањето на македонскиот клуб.-Македонската држава ќе биде столб на Македонците во светот каде и да се, држава којашто е нивна татковина, држава којашто со отворени раце ги чека да дојдат дома и да бидат заедно со Македонците во Македонија, им порача на присутните во Тирана на отворањето на клубот на македонско здружение  "ВМРО-ДПМНЕ Албанија".

Македонија | пред 5 месеци

Гастроентеролози: Една од омилените намирници е најлош избор за здравјето на цревата

Поголемиот дел од возрасните сакаат сирење и го консумираат секојдневно – самостојно или како дел од јадење. Иако често се посочуваат неговите високи количини масти и натриум, стручњаците потсетуваат дека сирењето носи и хранливи придобивки, како протеини и калциум. Храната што ја внесуваме директно влијае врз нашето здравје, а тоа важи и за сирењето: некои видови можат да го оптоварат срцето, додека други влијаат на чувствителната рамнотежа на бактериите во цревата, поврзана со енергијата, редовната дигестија, помалата надуеност и подоброто расположение.Кога станува збор за здравјето на цревата, лекарите јасно предупредуваат дека најлошо влијание имаат високопроцесираните сирења со малку култури и многу сол. „Тука спаѓаат комерцијалните рендани мешавини, ароматизираните парчиња и евтините пица-сирења“, вели гастроентерологот д-р Екта Гупта за списанието Parade. Со тоа се согласува и гастроентерологот д-р Риту Нахар, која истакнува: „Кога станува збор за здравјето на цревата, преработените сирења се меѓу најлошите избори.“Стручњачките објаснуваат зошто: овие сирења содржат многу заситени масти, натриум и емулгатори, а многу малку живи култури. „Можат да го нарушат цревниот микробиом и да придонесат за воспаленија, надуеност и метаболички проблеми ако често се јадат“, предупредува д-р Нахар.Не мора целосно да се отфрли сирењетоД-р Гупта додава дека минималниот број живи култури значи дека овие сирења „не придонесуваат за корисните бактерии“. Таа предупредува и на други можни последици од честа консумација: „Ако се јадат многу често, може да се зголеми ризикот од дисбиоза, влошување на дигестивните симптоми и зголемени метаболички и кардиоваскуларни ризици.“И покрај тоа, гастроентеролозите нагласуваат дека преработеното сирење не е „страшен“ избор ако се консумира повремено и во мали количини. Нема потреба и целосно да се исфрли од исхраната, освен ако постои специфична здравствена причина, како нетолеранција на лактоза или алергија на казеин.Д-р Гупта препорачува избор на традиционално ферментирани и одлежани сирења, бидејќи тие содржат повеќе живи култури, додека д-р Нахар додава: „Природно одлежаните сирења како чедар, швајцарско сирење или гауда и ферментираните варијанти како кефир-сирење можат да ја поддржат разновидноста на цревната микробиота.“Двете лекарки советуваат ваквите сирења да се комбинираат со намирници богати со растителни влакна, за дополнително да се поттикне позитивен ефект врз цревната флора.

Магазин | пред 5 месеци

Пренџов: СДС го користеше судството за свои политички цели

Љупчо Пренџов, пратеник од редовите на ВМРО-ДПМНЕ  на денешната комисиска расправа за Предлог-буџетот за 2026 година нагласи дека за време на владеењето на СДС биле предложени законски решенија преку кои биле поставувани партиски кадри во Судскиот совет, институција која ги избира, именува и казнува сите судии во државата.„Во Собранието предлагавте законски решенија, во кој што стававте партиски кадри, од Судски совет, тоа се луѓето коишто ги избираат, именуваат, казнуваат сите судии во Македонија“, вели Пренџов.Пренџов посочи дека во изминатите 30 години, кога СДС биле на власт, немало реализирани капитални проекти, а криминал и корупција се заканувале и го контролирале функционирањето на државата. Тој додаде дека владеењето на СДС се базирало исклучиво преку судството и обвинителството.„СДСМ изминатиот период немаше добри проекти, вие исклучиво функциониравте и владеевте преку обвинителството и преку судството. Бидејќи обвинителството апсеше по наредба на Зоран Заев, а судството судеше исто така по наредба на Зоран Заев“, подвлече Пренџов.Пратеникот Пренџов заклучи дека граѓаните заслужуваат транспарентно, професионално и независно судство, кое не се користи за партиски цели.

Македонија | пред 5 месеци

Петрушевски: СДСМ не знае што сака, еднаш вели добро е линеарно покачување, другпат пензиите треба да се покачуваат процентуално

Бране Петрушевски, пратеник од редовите на ВМРО-ДПМНЕ се обрати на денешната Комисија за финансирање и буџет во Собранието каде се осврна на опозициската СДСМ, при што истакна дека истата нема јасен став за линеарното зголемување на пензиите, со оглед на тоа што еден ден го поддржуваат, друг ден го критикуваат.„Очигледно е молчењето на СДСМ, кое што е стратегија откако влетаа во офсајт. Дали СДСМ и пратениците на СДСМ, го поддржуваат линеарното зголемување на пензиите кое што го направи оваа Влада, или не го поддржуваат? Затоа што доаѓаа какафонични изјави. Еден ден излегуваат и велат дека тоа е добро, друг ден доаѓа пратеник и објаснува како тоа не било добро, како тоа била дискриминација на оние кои што земале поголеми пензии“, рече Петрушевски.Петрушевски побара некој од партијата да излезе и да каже јасен и официјален став.„Убаво  е да излезе некој и да одговори кој е ставот на СДСМ, со оглед на актуелноста на темата и она кое што овој период се случува во Уставниот суд, а тоа е преиспитување на уставноста на оваа одлука. Замислете, почитувани граѓани пред се, преиспитувањето на одлуката е дали било дискриминација на оние пензионери кои што земале големи пензии, затоа што не добиле процентно поголеми суми, а овие биле повластени со маливе пензии, затоа што добиле два пати по 5000 денари“, кажа Петрушевски.Според него, апсурдно е што Уставниот суд преиспитува дали постои дискриминација, а и како што вели, постојат повеќе врски меѓу СДСМ и оваа одлука за приспитување.„Замислете го апсурдот на ова, преиспитување на ова, преиспутвање на одлука, која што патем речено е директно поврзано со СДСМ од неколку апсекти. Прво, видовме овде како пратеници на СДСМ, ја бранеа Кацарска,  која што е судија известител,  а меѓу другото, позната е по тоа што се изучува на меѓународни факултети како не треба да се суди еден предмет, и која што молсаквично напредуваше во својата кариера за време на СДСМ после оние монтирани случаи“, истакна Петрушевски и додаде:„Неколку врски има меѓу СДСМ и оваа одлука за преиспиутвање од страна на Уставниот суд. Така што мора да знаеме дали СДСМ мисли дека ова зголемување на пензиите не е добро“.

Македонија | пред 5 месеци

Пуштена во употреба првата специјално уредена просторија за работа со деца и ранливи категории лица во СВР Битола

Денес, во просториите на Секторот за внатрешни работи Битола, беше пуштена во употреба нова специјализирана просторија за работа со деца и други ранливи категории лица. Активноста е реализирана во рамки на програмата „Шведска поддршка на полициските реформи во Северна Македонија“, поддржана од Владата на Кралството Шведска и Шведската агенција за меѓународен развој – СИДА, во партнерство со Мисијата на ОБСЕ во Скопје.На настанот присуствуваа заменик-министерот за внатрешни работи Астрит Исени, амбасадорот на Кралството Шведска во Северна Македонија, Ола Солстром, и шефот на Мисијата на ОБСЕ во Скопје, Килијан Вал, како и претставници на проектните тимови и полициски службеници.Новата просторија претставува значаен исчекор во унапредувањето на условите за работа на полициските службеници кои постапуваат во случаи поврзани со деца – како жртви, сведоци или сторители на кривични дела – како и во случаи на семејно насилство. Просторот е опремен согласно меѓународните стандарди, со цел овозможување безбедна, соодветно прилагодена и чувствителна средина за разговор со малолетни и ранливи лица.Министерството за внатрешни работи активно работи на воспоставување и унапредување на инфраструктурата и професионалните стандарди во оваа област. Во сите сектори за внатрешни работи постојат посебни простории за разговор со деца, а дел од нив ќе бидат реновирани или дополнително опремени согласно утврдените потреби. При секоја поголема реконструкција или изградба на полициски станици, ваквите простории се предвидени како составен дел од инфраструктурните планови.Во тек е и изработката на Стандардни оперативни процедури за постапување со деца кои се во судир со законот, процес кој се реализира со поддршка од меѓународните партнери.„Децата се нашето најголемо богатство и наша заедничка обврска е да обезбедиме услови за нивно безбедно и безгрижно детство. Кога малолетник учествува во постапка како сведок, жртва или сторител, институциите мора да гарантираат средина која е чувствителна на неговата возраст и потреби. Новата просторија во СВР Битола е важен чекор напред – не само во обезбедување достоинствен третман, туку и во превенирање на ревиктимизацијата преку современи технички решенија за документирање на разговорите.“, истакна во своето обраќање заменик министерот Исени.Исени упати благодарност до Амбасадата на Кралството Шведска, СИДА и Мисијата на ОБСЕ за континуираната поддршка во подобрувањето на истрагите за малолетнички случаи и семејно насилство, како и за придонесот во унапредувањето на меѓуинституционалната соработка – клучен сегмент за успешно и навремено постапување.

Македонија | пред 5 месеци

Вјоса Османи ја потпиша одлуката за распуштање на косовскиот парламент, пропадна уште еден обид за формирање влада

Косовската претседателка Вјоса Османи денеска ја потпиша одлуката за распуштање на Собранието, откако вчера пропадна и вториот обид за формирање влада. Според регионалните медиуми, изборите за нов парламентарен состав би требало да се одржат кон крајот на годината.Расписот следува по неуспехот политичките лидери да постигнат договор за пратениците денеска да гласаат за неколку значајни спогодби, пренесе Радио Слободна Европа.„Во согласност со Уставот на Косово и важечкото законодавство, а по денешното прифаќање на одлуката на Собранието на Косово во врска со неуспехот на вториот мандатар да формира влада, претседателката на Република Косово денеска го распушти деветтиот собраниски состав“, се наведува во соопштението од Кабинетот на претседателката.Кога ќе се одржат изборите?Претседателот на Демократската партија на Косово, Бедри Хамза, изјави дека на средбата со Османи побарал изборите да се одржат на 21 декември, бидејќи на земјата „итно ѝ се потребни институции“. Како втора опција бил предложен 28 декември.И претседателот на Алијансата за иднината на Косово, Рамуш Харадинај, побара изборите да се одржат на 21 декември, додавајќи дека неговата партија ќе настапи самостојно.Од друга страна, лидерот на партијата Гуксо, Фатон Пеци, истакна дека нивниот предлог е изборите да бидат на 28 декември, „за да има Државната изборна комисија доволно време за подготовка“.Претседателот на Социјалдемократската иницијатива, Фатмир Лимај, оцени дека распишувањето вонредни избори е „лоша вест“. Тој посочи дека партиите девет месеци не успеале да изградат соработка, што, како што рече, покажува „неспособност и незрелост во процесот на градење држава“. Лимај сепак смета дека 21 декември е најсоодветниот термин.Неуспешни обиди за владаСредбата се одржа еден ден откако потпретседателот на движењето „Самоопределување“, Глаук Коњуфца, не успеа да обезбеди потребно мнозинство за формирање нова влада на 19 ноември. Претходно, на 26 октомври, и лидерот на „Самоопределување“ Албин Курти не успеа да формира кабинет.Поради тоа, Косово и понатаму функционира со техничка влада избрана на парламентарните избори одржани на 9 февруари 2025 година. Најголемите партии на косовските Албанци не успеаја да постигнат договор за повеќе прашања, меѓу кои и за организацијата на изборниот процес, што доведе до серија одложувања.Според Уставот, доколку влада не формира ниту вториот мандатар, претседателката мора да распише нови избори, кои мора да се одржат во рок од 40 дена од денот на распишувањето. Кабинетот на претседателката сè уште нема дадено информација за точниот датум на распишувањето.

Свет | пред 5 месеци

Трамп ја започна најконтроверзната мировна иницијатива за Украина — планот бара големи украински отстапки

Администрацијата на американскиот претседател Доналд Трамп покрена нов обид за завршување на војната во Украина, преку мировен план што, според украинските власти, силно оди во корист на Русија. Детали од документ од 28 точки, за кој се тврди дека е изготвен во тајност, протекоа во јавноста и предизвикаа сериозни реакции во Киев и во европските дипломатски кругови.Планот, предвидува Украина да се откаже од источниот дел на Донбас, да ги намали своите вооружени сили и да се повлече од дел од системите за наоружување. Извор од Белата куќа потврдил дека Вашингтон веќе ги известува Киев и европските партнери за содржината на документот.Од кабинетот на украинскиот претседател Володимир Зеленски велат дека планот е „длабоко разочарувачки“ и дека создава впечаток дека Вашингтон ги прифаќа условите на Москва. Кремљ, пак, по последните украински слабости на фронтот и корупцискиот скандал околу најтесниот круг на Зеленски, ги зацврсти своите барања, барајќи формално откажување од територии и ограничување на украинската армија.Во Киев денес пристигна висока воена делегација на Пентагон, предводена од американскиот секретар за армија Ден Дрискол, со цел да разговара за текот на конфликтот и можен прекин на огнот. Делегацијата, која претставува највисоко ниво на американско воено присуство во Украина откако Трамп ја презеде функцијата, се сретна со премиерката Јулија Свириденко, а се очекува и средба со Зеленски.Еден висок украински функционер за CBS News изјави дека Трамп и Зеленски веќе постигнале начелен договор за прекин на борбите по постојните фронтовски линии и обезбедување на безбедносни гаранции. По Киев, американската делегација ќе отпатува и во Москва, на разговори со руски претставници.Иако Вашингтон и Москва официјално не го потврдија планот, државниот секретар Марко Рубио на социјалната мрежа X објави дека „траен мир ќе бара тешки, но неопходни компромиси“. Трамп пак, изјави дека е „решен да го заврши овој војна како и сите претходни“, додавајќи дека „само со Владимир Путин останува уште еден недовршен конфликт“.Од Кремљ, портпаролот Дмитриј Песков потврди дека постојат „контакти со САД“, но не и формални преговори. Европските партнери, пак, изразија загриженост дека се исклучени од процесот, предупредувајќи дека никаков мировен договор не може да биде успешен без Украина и ЕУ.Вестите за планот се појавија во ист ден кога руските сили извршија ракетен напад врз градот Тернопил, при што загинаа најмалку 26 цивили, меѓу кои и деца, а 22 лица се водат како исчезнати.По нападот, Зеленски изјави дека „само САД и претседателот Трамп имаат доволна сила да ја запрат овој војна“, нагласувајќи дека Киев е подготвен да поддржи секој ‘праведен и одржлив’ предлог.Во меѓувреме, специјалниот пратеник за Украина Кит Келог, долгогодишен сојузник на Клим и силен поддржувач на Киев во Белата куќа, ќе ја напушти функцијата во јануари, што дополнително ја зголемува неизвесноста околу американскиот курс кон Украина.

Свет | пред 5 месеци

Откриени деталите за новогодишното украсување на Скопје за 2026

Градот Скопје ги презентираше плановите за изгледот на метрополата за пречекот на Новата 2026 година. Според техничката спецификација за јавната набавка, централното подрачје ќе добие нов празничен амбиент со масивни светлосни инсталации, интерактивни 3Д фигури и препознатливото „ѕвездено небо“, а украсувањето ќе се прошири и по главните градски сообраќајници.Проектот предвидува избор на економски оператор способен да реализира обемен и технички сложен концепт, кој ги опфаќа централната елка, светлосни сводови и декорации на клучните булевари.Плоштад „Македонија“: 13-метарска елка и големи светлечки инсталацииНа главниот плоштад е планирана новогодишна елка висока најмалку 13 метри, со метална конструкција, вештачко зеленило и светлечки украси со бели блицеви. Плоштадот ќе биде збогатен и со неколку големи празнични инсталации погодни за фотографирање, меѓу кои:3Д мече со димензии 4х4 метри, обложено со герланди и ЛЕД осветлувањетри светлечки подароци со висина до 4 метриметална рамка во форма на Дедо Мраз висока 5 метриалуминиумски 3Д ѕвезди високи 3 и 4 метри„ѕвездено небо“ од ЛЕД мразулци, поставено на површина од најмалку 800 квадратни метриПразнична декорација по улиците и булеваритеУкрасувањето ќе опфати повеќе сообраќајници во централниот дел на градот. Планирани се светлосни фигури на бандери, висечки елементи и ЛЕД ефекти на следните локации:Ул. „Даме Груев“ – 30 светлосни фигуриУл. „Димитрија Чуповски“ – 20 фигури на бандери и 20 висечки елементиУл. „11 Октомври“ – висечки елементи и 100 ЛЕД „snowfall“ капкиБул. „ВМРО“ – 24 фигуриУл. „Филип Втори“ – 30 фигуриБул. „Гоце Делчев“ – 40 фигуриПросторот пред Владата – 40 фигуриБул. „Партизански одреди“ – 12 фигуриСтроги услови за избор на изведувачЗа да се квалификува, економскиот оператор мора во последните три години да има реализирано најмалку три договори од сличен тип, со вкупна вредност од најмалку 10 милиони денари со ДДВ. Дополнително, барем еден договор треба да биде вреден најмалку 3,5 милиони денари, што укажува дека проектот ќе го изведува фирма со значително искуство и капацитет.

Скопје | пред 5 месеци

Супервештачењето докажува: На родилката Веапоска ѝ биле извадени три здрави органи поради сериозни пропусти

Судскиот процес за случајот со родилката од Дебар, Васка Веапоска, продолжи со драматичен пресврт – супервештаците утврдија дека во струшката болница биле извадени три здрави органи: бубрег, јајник и матка, и тоа во услови на хеморагичен шок кој настанал поради ненавремено препознаена и недијагностицирана компликација.На рочиштето беше дополнет обвинителниот акт, а судот ги сослуша супервештаците кои недвосмислено го посочија првообвинетиот хирург-гинеколог Мухамед Асани како директно одговорен за кризата што ја довела Веапоска на работ на животот. Тие нагласија дека тој ја водел интервенцијата – царскиот рез – и бил обврзан да ја следи пациентката по операцијата, но не извршил потребна дијагностика, ниту ултразвук, и покрај очигледни знаци на внатрешно крвавење.„Несовесноста се гледа во непреземање дијагностички постапки и неследење на состојбата, при што дошло до критична здравствена состојба која можела да има смртен исход, доколку оштетената не стигнела навреме во скопска урологија“, сведочеше Верица Попоска, специјалист по судска медицина.Супервештаците објаснија и дека второобвинетиот – синот на Асани – како специјализант смеел само да присуствува на операции и нема оперативна одговорност, а третообвинетата лекарка Лилјана Јованоска воопшто не била присутна при царскиот рез.Случајот Веапоска останува едно од најтешките и најшокантни обвиненија за пропусти во македонското здравство, а судскиот процес продолжува со зголемен интерес на јавноста и очекување за строга одговорност.

Македонија | пред 5 месеци

Во центарот на Скопје: Амбулантно возило закочило за да избегне судар, пациентот починал, а повредени се две докторки

На 19.11.2025 околу 12:01 часот во СВР Скопје е пријавено дека на крстосницата од ул.„11 Октомври“ и бул.„Кочо Рацин“ во Скопје, медицинско возило „рено трафик“ со скопски регистарски ознаки, сопственост на приватна здравствена установа, управувано од Ж.А.(55) од Скопје нагло запрело при обид да избегне судир со друго возило, кое го напуштило местото.Притоа, со тешки телесни повреди се здобила А.М.(26) од Скопје, лекар од установата, додека со телесни повреди се здобила А.Р.(41) од Скопје, исто така, вработена во установата, констатирани во Градската општа болница „Св.Наум Охридски“.Во медицинското возило се превезувал и Ј.Т.(89) од Скопје, кој бил со здравствени проблеми и откако бил пренесен во  Градската општа болница „Св.Наум Охридски“ лекар констатирал смрт.По наредба на јавен обвинител, телото на починатиот е дадено за обдукција.Извршен е увид од увидна екипа од СВР Скопје и се преземаат мерки за целосно расчистување на случајот.

Скопје | пред 5 месеци

Новo супервештачење ќе утврдува што се случувало во домот на Илијевска која ги усмрти сопругот и свекоротво

Основниот суд во Куманово одобри барање за дополнително супервештачење од Клиниката за психијатрија во случајот против Вангелица Илијевска – жената обвинета дека минатата година ги усмрти сопругот и свекорот во нивниот дом во Кратово.Одлуката следува по иницијатива на обвинителството, кое смета дека новото стручно мислење треба да ги расчисти сите нејаснотии и разлики што произлегоа од претходните психијатриски вештачења изработени на барање и на обвинителството и на одбраната.Обвинителот Газменд Мехмеди укажа дека досегашните експертизи содржат пропусти и неусогласени заклучоци, поради што е потребно ново, заокружено мислење за психичката состојба на обвинетата во моментот на делото.Одбраната, преку адвокатот Кристијан Георгиевски, истакнува дека и двата досегашни извештаи посочуваат на исто – дека Илијевска живеела во долгогодишен семеен конфликт и чувство на загрозеност, што довело до афективна реакција и уверување дека се брани од опасност по живот.Судијата оцени дека во деталите околу самото извршување на делото постојат противречности, па затоа е потребно дополнително супервештачење со цел да се избегнат различни правни толкувања и евентуални пропусти.Обвинителството ја терети Илијевска за убиство по член 123 од Кривичниот законик, додека одбраната тврди дека таа дејствувала во нужна одбрана.Следното рочиште ќе се одржи во февруари следната година.

Македонија | пред 5 месеци

Крилото на Села преминува во опозиција, Мицкоски порача: Владата нема потреба од нови партнери

Премиерот Христијан Мицкоски изјави дека Владата располага со „стабилно и историски цврсто двотретинско мнозинство“ и дека во овој момент воопшто не се разговара за проширување на коалицијата. Коментарот следи по прашање за тоа дали крилото на Зијадин Села од „Алијансата за Албанците“ би можело да стане дел од извршната власт.Во меѓувреме, крилото на Села соопшти дека излегува од коалицијата „Национална алијанса за интеграција“. Одлуката, донесена на седница на Претседателството, значи дека четирите пратеници што стојат зад Села отсега ќе делуваат како опозициска група.

Македонија | пред 5 месеци

Македонија - Данска во баражот за пласман на Светското првенство

Македонската фудбалска репрезентација го дозна ривалот во полуфиналниот бараж за пласман на Мундијалот – жрепката во Нион ни ја донесе селекцијата на Данска.Нашиот национален тим заврши во четвртиот шешир поради поразот од Велс во последното коло, што значеше дека во баражот можевме да добиеме противници од најсилната група: Данска, Украина, Италија или Турција. Среќата – или несреќата – ја одреди Данска како наш следен предизвик.Натпреварот ќе се игра на гостински терен, со оглед на претходно утврдените правила за баражот. Ако Македонија ја победи данска, следен е победникот од дуелот Чешка – Северна Ирска.Полуфиналниот бараж е закажан за 26 март, додека финалниот натпревар ќе се игра на 31 март. Доколку Македонија се избори за финале, домакинството ќе биде одредено со дополнителна ждрепка.

Спорт | пред 5 месеци

Судир на два воза во јужна Чешка, над 50 повредени, петмина критично

Рано утрово, на железничката делница меѓу станиците Зливи и Дивчице, недалеку од Чешке Будејовице, се случи тежок железнички инцидент во кој повеќе од 50 патници беа повредени, а најмалку петмина се во животна опасност. Според информациите од чешките служби за итна помош, околу 6:20 часот дошло до директен судир помеѓу експресниот воз R 658 и локалниот патнички воз Os 8053, во време кога стотици луѓе патуваат кон работа и училиште.Првичните процени укажуваат дека повредени се околу 57 лица – петмина со тешки повреди се пренесени во болници во регионот, додека останатите примиле медицинска помош на лице место.Железничкиот сообраќај на оваа важна линија е целосно запрен. Чешките железници информираа дека врските помеѓу Чешке Будејовице и Плзењ ќе останат во прекин најмалку до доцните попладневни часови. За патниците кои останаа заглавени на станиците се организираат замени автобуски линии.Човечки фактор - причина за несреќата?Иако истрагата е на самиот почеток, првите изјави од министерот за транспорт, Мартин Купка, упатуваат на можен пропуст од човечки фактор. Според досега собраните податоци, едниот од возовите најверојатно не застанал на стоп-сигнал и влегол на делницата каде што во тој момент се движел другиот патнички состав.Спасувачките екипи на терен го евакуирале целиот возен персонал и патниците од двата воза. Локалните власти потврдија дека меѓу повредените има и деца, но засега нема информации за загинати. Сериозно е оштетена и железничката инфраструктура, што дополнително ќе го забави воспоставувањето на редовниот сообраќај. Националната инспекција за железничка безбедност отвори самостојна истрага, а најавено е и детално проверување на сигнално-сигурносните системи на проблемната делница.

Свет | пред 5 месеци

Мицкоски: „Претседатели на судови имаат месечни примања од околу 3.000 евра, не гледам причина за зголемување на платите“

Детално периодот го проучувам овој случај, вклучително и делот со буџетот кој што се одвојува за обвинителството и судството, дури и Венецијанска комисија има забелешки за тој член каде што се определува буџетот за судскиот буџет, вели претседателот на Владата Христијан Мицкоски одговарајќи на новинарско прашање.Мицкоски посочи дека не гледа причина да се зголеми буџетот за судството, затоа што, како што рече, Македонија како држава, одвојува од буџетот пари за правосудниот систем, повеќе од 75 проценти од земји членки на ЕУ.Јас пред неколку дена во едно интервју дадов една анализа во делот на финансирањето на правосудните системи во Европа. И од таа анализа направена и финансирана од европска институција тоа е Советот на Европа, за податоци 2022 објавени во 2024 година дојдовме до заклучок дека Македонија како држава, Владата одвојува од буџетот пари за правосудниот систем, повеќе од 75 проценти од земји членки на ЕУ. Да речеме ние издвојуваме 0,39 проценти од нашиот БДП во 2022, замислете во 2023 и 2024 година БДП многу повеќе порасна отколку во 2022, да речеме Франција е 0,2, Германија е 0,3 проценти од нивниот БДП, просекот европски е отприлика 0,3, медијаната е помала 0,21 проценти, истакна тој и додаде:Јас навистина не гледам потреба зошто овој процес на сила да го буткаме и зошто треба од овие да речеме за судовите се издвојуваат 0,3, другото отпаѓа на обвинителите и доаѓаме до вкупен број од 0,39 проценти. Не гледам како можеме ние да си дозволиме да покачиме на 1,3 проценти, 0,8 за судови, 0,5 за обвинител од БДП, тоа би било некаде отприлика 260 милиони долари годишно, но тие пари ги немаме. А од друга страна се бара од нас фискална консолидација бидејќи претходната влада не направила фискална консолидација, и ние од високи нешто под 5 проценти буџетски дефицит, оваа година се консолидираме на под 4 проценти, а до година се обидуваме да дојдеме и до 3,5 проценти, а зошто да не и под 3 проценти буџетски дефицит. Така што јас мислам дека 0,25 проценти е нешто кое што е прифатливо за судовите и 0,1 процент за обвинителите или се вкупно 0,35 проценти од нашиот БДП.Ќе повторам има претседатели на судови кои што имаат месечни примања од околу 180.000 денари, отприлика 3.000 евра месечно. Јас како премиер мојата плата заедно со стажот со годините кои што ги имам од претходно е 155.000 денари, значи од прилика 2.500 евра. Не мора да е многу подолу, иста нека биде на претседател на суд. Судиите немаат под 100.000. Судија почетник на пример во Македонија, годишната бруто плата му е околу 19.134 евра, во Словенија 34.000 евра, некаде околу 85 проценти повеќе, во услови кога БДП на Словенија е 350 проценти поголем од нашиот. Значи четири пати повеќе ако ги гледаме овие пропорции.Премиерот Мицкоски рече дека нема да се мешаат во плановите за вработување и унапредување, но како Влада се одговорни за трошењето на секој денар народни пари.Така што ние ќе направиме закон со кој што ќе дозволиме еве плановите за вработувања, плановите за унапредувања да ги определуваат Судскиот совет и Советот на јавни обвинители, а нас нека не информираат, ние нема да се мешаме. Еве го буџетот тој ќе биде толку, но од набавка на хигиенски средства, до реконструкција на објекти ќе треба самите да се грижат, а ние како Влада сме одговорни пред граѓаните за што се троши народниот денар, дециден е Мицкоски.

Македонија | пред 5 месеци

Прилепчанецот што во сообраќајка ја усмрти Михаела Стевановска доби е осуден на две години и девет месеци затвор

Пресудата за сообраќајната несреќа што лани го потресе Прилеп конечно е донесена: 20-годишниот В.М. од Пешталево доби затворска казна од две години и девет месеци. Судот утврди дека тој со неприлагодена брзина го изгубил контролата врз возилото, што довело до смртни последици. Основниот суд Прилеп ја потврди казната, откако предметот претходно бил разгледан и на повисока инстанца во Апелациониот суд во Битола.Трагедијата се случила на 28 август 2023 година околу 22 часот, на делницата Македонски Брод – Прилеп, кај селото Долнени. Автомобилот „фолксваген голф“ излетал од патот и удрил во земјен брег, а од ударот починала 18-годишната Михаела Стевановска, која била сопатничка во возилото. Девојката живеела во странство и летото го поминувала во родниот крај. Другата сопатничка, исто 18 години, се здобила со тешки повреди, како и самиот возач.Обвинителството посочи дека обвинението било поднесено уште во октомври минатата година, а судењето требало да започне оваа пролет.

Македонија | пред 5 месеци

Обвинителот Коцевски соопшти детали за новите приведени во акцијата поврзана со случајот „Пулс“

Обвинителството отвори нов сегмент од истрагата поврзана со трагедијата во кочанската дискотека, а фокусот овој пат е насочен кон вработени во Управата за јавни приходи. Како што потврди денеска главниот јавен обвинител Љупчо Коцевски, вчера и денес се спроведуваат интензивни активности, вклучувајќи приведувања и претреси на лица опфатени со кривичната пријава.– „Јавноста беше запознаена дека се водеше предистражна постапка за лица вработени во Управата за јавни приходи. Денеска се приведени околу десетина лица и во моментов се вршат претреси на лицата опфатени со кривичната пријава. Во овој момент можам да кажам само дека се работи за вработени во УЈП, а за кривични дела допрва ќе видиме. Првичните сознанија се дека се работи за кривичните дела – злоупотреба на службена положба и овластување, како и примање и давање мито“, рече Коцевски.Обвинителот додаде дека во акцијата се користат и електронски комуникации како доказен материјал:– „Дел од тие комуникации што беа презентирани во јавноста, дел се опфатени. Меѓутоа дадена е изјава Обвинителството дека дел од тие електронски пораки се дадени во Судот. Меѓутоа, тоа беше само дел за тој предмет, а се поврзани и со овие лица. Ова е постапка во врска со предметот за Кочани“, истакна тој.Во моментов, како што нагласи Коцевски, не може да се откријат имињата на приведените.– „Јавноста ќе биде запознаена откако ќе се земат генералиите, а за мерките што ќе бидат предложени против приведените ќе биде донесена одлука откако ќе бидат земени изјавите од приведените“, додаде тој.Истрагата формално се води во Обвинителството во Кочани, бидејќи таму е извршено евентуалното кривично дело.– „Доколку излезе нешто ново, можеби тоа да биде преземено од Обвинителството за организиран криминал. Засега надлежно е Обвинителството во Кочани“, изјави Коцевски.Тој појасни дека овој предмет не може да се спои со истрагата за пожарот во дискотеката, бидејќи се работи за различни кривични дела:– „Се работи за кривични дела за злоупотреба на службена должност и овластување и земање и давање поткуп, односно што нема поврзаност на штетната последица. Се работи за кривични дела што немаат врска со предметот што е во тек за кривичниот настан во дискотеката во Кочани“, рече главниот јавен обвинител.Со ова, истрагата за трагичниот настан добива нова димензија и дополнителни институционални слоеви кои ќе се проверуваат во наредниот период.

Македонија | пред 5 месеци

„Ми даде лек што не постоеше во евиденција“: потресно сведочење на пациентка на судењето за „Онкологија 2“

Во Кривичниот суд денеска продолжи судењето за случајот „Онкологија 2“, а сведочеше пациентка која примала комбинирана хемотерапија и имунотерапија, опишувајќи ситуација која, како што рече, ѝ оставила длабока дилема. Ѝ била дадена терапија надвор од редовните протоколи и без да биде внесена во регистарот на клиниката.Пациентката сведочеше дека при нејзината деветта посета на Клиниката за радиотерапија и онкологија, лекарот Нино Васев ѝ соопштил дека лекот е во дефицит и дека останале само три шишенца. Според нејзиниот исказ, Васев ѝ рекол дека поради нејзината возраст лекот имал „повисока ефективност“ и дека ќе ѝ даде едно шишенце, но без тоа да биде запишано во службената документација.Таа објасни дека лекот бил аплициран во дневната амбуланта во присуство на медицинските сестри, но отсуството на запис за терапијата ја натерало подоцна, кога разговарала со семејството, да се прашува зошто постапката не била спроведена како при сите претходни циклуси.„Сè беше направено неформално, без вообичаениот упат, без потписите што ги дава и матичниот онколог и директорот. Не ми побараа пари, не ми беше сугерирано ништо. Но тоа што не беше запишано – тоа ми остана прашање до денес“, рече таа.Пациентката истакна дека сама се пријавила да сведочи кога дознала за случајот, бидејќи сметала дека има граѓанска должност да го каже она што го доживеала.Одбраната на Васев реагираше дека ваков настан не се случил и побара обвинителството да се држи до „финансиските аспекти“ на обвинението, а не да навлегува во медицински процедури.

Македонија | пред 5 месеци

Нов бран апсења за шемите поврзани со дискотеката „Пулс“ во Кочани

Истрагата за пожарот и работењето на дискотеката „Пулс“ во Кочани, каде животот го загубија 63 млади луѓе, а повеќе од 200 беа повредени, влегува во нова фаза. Со проширената акција на МВР се опфаени уште 11 лица – службеници, вработени и раководни кадри од Управата за јавни приходи и од Државниот пазарен инспекторат.Дел од овие лица веќе се лишени од слобода, а за сите се поднесени кривични пријави за низа сериозни кривични дела. Меѓу нив се злоупотреба на службена положба и овластување, примање поткуп, фалсификување службени исправи, како и постапување спротивно на прописите за безбедност во објекти од ваков тип.Според информациите, 11-те новоосомничени се товарат за различни форми на незаконско постапување кое индиректно придонело за дозволување, одобрување или толерирање на работењето на дискотеката „Пулс“, и покрај очигледните безбедносни и правни пропусти.МВР најавува дека акцијата продолжува, а јавноста ќе биде дополнително информирана по завршувањето на сите оперативни активности.

Македонија | пред 5 месеци

СДСМ обвинува за хаос со студентските ваучери: „Неспособноста на власта ги направи младите колатерална штета“

Опозициската СДСМ со ја критикува Владата за начинот на кој се спроведуваше мерката за ваучери за електронска опрема за студентите од прв циклус, оценувајќи дека станува збор за „целосен дебакл на една неспособна власт“.Како што наведуваат од партијата, процесот бил изведен со бројни пропусти: на студентите најпрво им биле издадени ваучери, потоа истите биле поништени, а дел од младите добиле и потврди дека апликациите им се одобрени. Некои веќе успеале да подигнат уред, за подоцна да добијат известување дека ваучерот не важи. Во медиумите, посочуваат од СДСМ, се појавиле и информации дека постдипломци добиле ваучери иако не ги исполнуваат условите.Од СДСМ тврдат дека системите се уриваат веднаш штом ќе се отвори апликацијата, постапката се менува од минута во минута, а критериумите се применуваат хаотично, што создава оправдано сомневање за можни злоупотреби.„Отворени, па затворени пријавувања, испратени па поништени потврди, доделени ваучери без услови – ова е единствениот резултат на неспособноста на ДПМНЕ“, стои во реакцијата.Од партијата алармираат дека студентите кои веќе подигнале уред со одобрениот ваучер сега не знаат каква ќе биде нивната правна положба и дали ќе треба да го враќаат уредот.„Младите не смеат да бидат колатерална штета на неорганизираноста на власта. Македонија заслужува функционална држава, а не систем што се распаѓа на една мерка со една интернет страница“, додава СДСМ, прашувајќи „кој ќе ја преземе одговорноста за хаосот и забуните што ги создаде оваа власт“.

Македонија | пред 5 месеци

Територии, руски јазик, руска црква, ограничена армија, што се бара од Украина за „мирот“ на Трамп?

Откажување од делови од источна Украина, вклучително и територии што Киев ги контролира денес.Создавање демилитаризирани појаси, каде украинската војска воопшто нема да смее да влегува.Драстично намалување на армијата и ограничувања за тешко вооружување.Забрана за странски војници на украинска почва.Контроли врз западното оружје за да не стигне до позиции што би можеле да ја погодат Русија.Официјален статус за рускиот јазик на целата украинска територија.Посебна улога за Руската православна црква во државата.Нејасни американски безбедносни гаранции, без дефинирани механизми за заштита.Ова е дел од предлог-документот од 28 точки што се поврзува со тимот на американскиот претседател Доналд Трамп, односно мировниот план со кој би се ставил крај на војната во Украина.Во неговото подготвување, според сознанија на западни медиуми, учествувале лица со висок политички статус: Стив Виткоф, потпретседателот Ј. Д. Венс, државниот секретар Марко Рубио и Џаред Кушнер. Особено внимание предизвикува фактот што во процесот бил инволвиран и рускиот олигарх Кирил Дмитриев – човек близок до Кремљ и чест учесник во паралелни канали на комуникација меѓу Москва и Западот.Дополнителни прашања отвора и неодамнешната посета на американска делегација, предводена од секретарот за копнени сили Дан Дрискол, на Киев. Таму, според упатените, не се разговарало само за воена помош, туку и за „опции за деескалација“ поврзани со овој документ – што во Украина се толкува како можен притисок врз властите.Критики: План што ѝ го намалува суверенитетот на Украина, а Русија не ја обврзува на ништоУкраина жестоко реагира. Планот го нарекуваат опасен, едностран и длабоко неповолен. Суштината, велат тие, е дека Украина би изгубила територии, би останала речиси разоружена и би морала да толерира зголемено руско влијание врз јазикот, културата и религијата – без јасни гаранции дека Москва ќе ги исполни своите обврски.Западните аналитичари пак забележуваат нешто уште поалармантно: голем број точки речиси буквално се поклопуваат со долгогодишните барања на Русија. Затоа, наместо чекор кон мир, документот им наликува на формула што Украина ја води кон принудни отстапки со малку или без никаква заштита.

Свет | пред 5 месеци