Вашингтон ја блокираше зделката: „Гунвор“ се повлекува поради американските обвинувања за врски со Кремљ

Трговската компанија „Гунвор“ (Gunvor Group) од Швајцарија ја стопираше својата намера да ги купи меѓународните имоти на руската енергетска корпорација „Лукоил“ (Lukoil), откако американското Министерство за финансии ја обвини дека делува под влијание на Кремљ и јасно порача дека САД не го поддржуваат овој договор, објави „Ројтерс“ (Reuters).Одлуката претставува значаен пресврт за „Гунвор“, која со тоа ќе ја изгуби најголемата можност за проширување во својата историја. Истовремено, потегот го потврдува американскиот пристап да ги користи санкциите како средство за ограничување на руските економски активности и за намалување на приходите што Москва ги насочува кон војната во Украина.Во соопштение на платформата X, Министерството за финансии наведе дека претседателот Доналд Трамп „е решен војната веднаш да заврши“, додавајќи: „Сè додека Путин продолжува со бесмисленото крвопролевање, марионетата на Кремљ – ‘Гунвор’ – нема да добие дозвола да работи и да остварува добивка.“Директорот за корпоративни односи на „Гунвор“, Сет Пиетрас, ги нарече изјавите на американските власти „во целост погрешни и неточни“, нагласувајќи дека компанијата е подготвена да соработува за „разјаснување на недоразбирањата“. Тој потврди дека, додека трае процесот, „Гунвор“ ја повлекува понудата за купување на имотите на „Лукоил“.Вашингтон минатиот месец воведе нови санкции против „Лукоил“ за да ги намали руските приходи што, според проценките на САД, се користат за финансирање на војната.Руската компанија има рок до 21 ноември да ги продаде своите странски средства — датум што го поставија американските власти како краен рок за сите фирми кои сè уште имаат деловни врски со „Лукоил“.Според аналитичарите на московската брокерска куќа „ПСБ“ (PSB), ограничениот временски период може да доведе до продажба по значително пониска вредност, но и до проблеми при враќањето на средствата во Русија.

Свет | пред 6 месеци

Нема договор со ВЛЕН за наследникот на Филипче да го замени Меџити во Владата, тврди Мицкоски

Премиерот Христијан Мицкоски изјави дека лично го познава Беким Сали, но дека нема никаков договор меѓу ВМРО-ДПМНЕ и коалицијата ВРЕДИ за кадровски промени во Владата.„Јас кажав дека го познавам Беким Сали и дека имам мислење како личност. За структурни промени во Владата не сме збореле. Подготвен сум да зборувам. Но дека имаат нешто договорено со ВМРО-ДПМНЕ – нема такво нешто,“ изјави Мицкоски.Изјавата на премиерот следи откако на прес-конференција портпаролот на коалицијата „ВРЕДИ“, Дритон Сулејмани, потврди дека Беким Сали ќе го наследи Изет Меџити на функцијата прв вицепремиер, откако Меџити реши да ја преземе градоначалничката функција во Чаир.Сали беше министер за здравство од 2022 до 2023 година, кога на таа позиција го наследи Венко Филипче.

Македонија | пред 6 месеци

Мицкоски: Во 21 век зборуваме за елементарни работи, тоа е комично – но мора да се направат

Премиерот Христијан Мицкоски изјави дека состојбата со јавната чистота во Скопје е апсурдна и дека е неверојатно во 21 век да се зборува за теми кои би требало одамна да бидат решени.„Се доведовме во ситуација во 21 век да зборуваме за елементарни работи, тоа делува и комично. Но работи кои мора да се направат, мора да се направат,“ рече Мицкоски, коментирајќи ја акцијата за чистење на градот што ја спроведува Град Скопје.Тој додаде дека е свесен колку чудно звучи кога јавноста слуша изјави за „исчистени контејнери“, но дека тоа е реалноста во која се наоѓа градот.„Навистина делува смешно, ве разбирам. И јас понекогаш би се насмеал на ова што го зборуваме, но се доведовме во ваква ситуација,“ изјави премиерот.Мицкоски го пофали градоначалникот Орце Ѓорѓиевски за тоа што, како што рече, „во рекордно време ги мобилизирал сите капацитети“, како и општествено одговорните компании што се вклучиле во акцијата за чистење.„Ако ништо друго, можевме да видиме дека контејнерите се чисти и празни,“ додаде тој со иронија, нагласувајќи дека тоа е само почеток на потребните промени.

Скопје | пред 6 месеци

60 приватни автобуси ќе бидат ставени во функција, БРТ системот влегува во ребалансот

Градоначалникот на Скопје, Орце Ѓорѓиевски, најави нов пакет мерки за подобрување на јавниот градски превоз, по состојбата со нефункционалните линии и гужвите низ градот.„Имаме средба со приватните превозници по овој настан. Како што најавив, ќе бидат ставени во функција 60 приватни автобуси дополнително кои ќе го олеснат транспортот на нашите сограѓани. Во ребалансот ќе влезе и БРТ системот,“ изјави Ѓорѓиевски.Тој нагласи дека доколку навистина сакаме да го решиме сообраќајниот хаос во главниот град, мора да се понуди комбинација од различни транспортни решенија што ќе им помогнат на граѓаните во секојдневното движење.„За многу скоро време, нашите сограѓани ќе добијат ефикасен и ефективен јавен транспорт каков што заслужуваат,“ додаде градоначалникот, потенцирајќи дека модернизацијата на системот е еден од главните приоритети на новата градска администрација.

Скопје | пред 6 месеци

(Видео) Драма во Белата куќа: Гостин колабираше пред Трамп, д-р Оз интервенираше веднаш

Во Овалната соба на Белата куќа во четвртокот се случи драматична сцена откако еден од присутните колабираше за време на прес-конференцијата на која претседателот Доналд Трамп ја претставуваше новата иницијатива за намалување на цените на лековите против дебелина.Инцидентот се случи пред очите на Трамп и повеќе високи функционери, меѓу кои беа д-р Мехмет Оз, директорот на Центарот за „Медикејр“ и „Медикејд“, како и министерот за здравство Роберт Ф. Кенеди Џуниор.Кога мажот, чиишто идентитет засега не е официјално потврден, почнал да ја губи свеста, Оз и другите присутни веднаш реагирале и му притрчале на помош. „Are you OK? Gordon, you OK?“ се слушало како прашува директорот на фармацевтската компанија „Ели Лили“ (Eli Lilly), Дејвид Рикс, додека обезбедувањето и новинарите ја напуштале просторијата.Оз се наведнал над мажот и, заедно со уште неколку лекари, го положил на подот. Според изјави на сведоци за магазинот „Пипл“, Кенеди во тој момент излегол да донесе столица и влажен пешкир за да помогне, но корисници на интернетот брзо го обвиниле дека „побегнал од просторијата“.„Секретарот отиде да побара медицинска помош додека другите укажуваа прва помош, вие болни умови,“ напиша на платформата X заменик-портпаролот на Белата куќа, Куш Десаи, бранејќи го Кенеди. Откако прес-конференцијата накратко беше прекината, Трамп им се обрати на присутните:„Го видовте човекот што се сруши, но сега е добро. Го испративме кај лекарите и сè е во ред. Имавме мала пауза, но продолжуваме понатаму,“ рече претседателот.Набргу потоа се појавија шпекулации дека станува збор за Гордон Финдли од компанијата „Ново Нордиск“ (Novo Nordisk), производител на лековите „Оземпик“ (Ozempic) и „Веговј“ (Wegovy), но компанијата го демантираше тоа, наведувајќи дека на настанот присуствувале само двајца нивни високи претставници, пренесува „Пипл“.Интересно е што ова не е прв ваков инцидент во Белата куќа оваа година. Во април, д-р Оз бил сведок на слична ситуација кога неговата 11-годишна внука се онесвестила за време на друг официјален настан.

Свет | пред 6 месеци

Обвинителите нема да отворат предмет по допрен глас за вработените во „Комунална хигиена“ – ќе чекаат...

Јавното обвинителство засега нема намера да отвори предмет по допрен глас за случајот со 731 лице во „Комунална хигиена – Скопје“ кои, според градоначалникот Орце Ѓорѓиевски, земале плата без да одат на работа. Обвинителите велат дека ќе чекаат постапување од МВР и Финансиската полиција, кои се надлежни институции за утврдување на кривични дела.„Надлежни институции за откривање на кривични дела се МВР, Управата за финансиска полиција, инспекторатите... До обвинителството до овој момент не е доставена ниту пријава, ниту известување,“ соопштија од Обвинителството.На прашањето дали има основа да се отвори истрага по допрен глас, од таму одговорија:„Доколку не постапат надлежните институции, тогаш би имало основ.“Обвинителството прецизира дека може да постапува само кога ќе добие конкретни сознанија дека во одреден настан има елементи на кривично дело, додавајќи дека обврските на сите други органи се прецизно утврдени во Законот за кривична постапка.Во моментов, истрага се води само за последниот директор на „Комунална хигиена“ и уште едно лице, кои се наоѓаат во притвор. Тие се осомничени за загрозување на животната средина поради хаосот со несобраниот отпад што го зафати главниот град во текот на претходните недели.

Скопје | пред 6 месеци

„Да го вратите Ѓорѓи Галетановски за директор на ЗОО Скопје“, му порача зоонегувателот Војо Иванов на скопскиот градоначалник

Зоонегувателот Војо Иванов преку објава на ФБ го повика новиизбраниот градоначалник, Орце Ѓорѓиевски до градоначалникот да ја посети скопската Зоолошка градина и да се запознае со состојбата во која се наоѓа институцијата, а истовремено му порача за директор да го назначи Галетановски.Следната година треба заедно да славиме 100 години постоење, не сум сигурен со сегашнава состојба дали нешто има за славење, за жал ние управуваме со институција во која енергијата на дневна основа многу се рефлектира на животните и секако посетителите можат исто така да ја почувствуваат.Ние вработените „долу“, зоонегувателите, имаме специфична работа – од една страна ним да им придонесеме за благосостојба секој ден, од друга страна да мотивираме и едуцираме публика да сака и почитува природа, директорите само треба да ни бидат „сенка и ветер во грб“ за да може ние да си ја завршиме работата.Ве замолувам и предупредувам од ризик на нови експерименти, институцијата ни е во многу тешка состојба!Целиот мој живот го фокусирав на работа со животни.Целата моја енергија ја посветувам таму на Илинденска, сега веднаш до вашата канцеларија.Кога имате време, посетете не па и ќе не запознаете како тим.Претходно ме мотивиравте со интервју во кое се трудите да ја добиете довербата со изјавата дека директно ќе се вклучите во работата на секоја јавна установа, иако да признам не гласав за Вас, се надевам дека коректно ќе постапите и дека ќе ме уверите дека сум згрешил!Би сакал да не води човек кој ќе не слуша, кој ќе има пасија и желба да научи првично за нашата работа, а потоа (неопходно) добар менаџер.Мој предлог беше да го вратите Ѓорѓи Галетановски.Зашто навистина немаме време и капацитети да експериментираме – а тој се надевам ќе се откаже од сегашните ангажмани и ќе се врати? Тука сме истите луѓе, истиот простор и животни, само таа позиција е различна – покажавме дека од институцијава може да направиме добра приказна.П. С. мислам дека со годините покажав доволно дека немам апсолутно никакви амбиции да бидам на таа функција! Затоа и молам статусов да не се доживее за таков – уживам денот да го поминам во штала, во базен, да мирисам на бара, риба, по малце на камили, да бидам искасан од пингвини, а во џебовите да перам кликери и таблети, витамини – уживам да шетам и раскажувам на деца за природата, па дури и да урлам и се карам за викенди со публика (господо).Барам / замолувам – само да можеме да работиме!!!Благодарам.

Скопје | пред 6 месеци

Нови сомнежи за злоупотреби во „Комунална хигиена“, Ѓорѓиевски побара истрага од институциите

Градоначалникот на Град Скопје, Орце Ѓорѓиевски, синоќа рече дека до него пристигнале нови информации поткрепени со документи кои, како што рече, укажуваат на можни финансиски злоупотреби во Јавното претпријатие „Комунална хигиена“. Побара надлежните институции веднаш да реагираат и да ги испитаат наводите.Добив извештај придружен со документација која покажува дека во последниот период биле ангажирани возила за чистење, а исплатите за нив се вршеле на сметка на физички лица под изговор дека се работи за интелектуални услуги, со износи меѓу пет и десет илјади евра. Јавно ги повикувам сите релевантни органи да се вклучат и детално да ја проверат состојбата. Веќе најавив ревизии и одговорност, а новите информации потврдуваат дека има сериозни индиции за прекршување на законите, особено во работењето на ‘Комунална хигиена’“, истакна градоначалникот.Ѓорѓиевски најави и дека во наредниот период ќе бидат извршени дополнителни контроли и во другите јавни претпријатија под надлежност на Градот Скопје, со цел да се утврди дали има слични неправилности и таму.

Скопје | пред 6 месеци

Одбележан 7-ми ноември – Денот на ослободувањето на Охрид

Со свечена академија „Охридска музичка антологија“ што се одржа во ЦК „Григор Прличев“ вчеравечер започнаа чествувањата по повод 7-ми Ноември, Денот на ослободувањето на Охрид.Пред своите сограѓани се обрати градоначалникот Кирил Пецаков.– Во предвечерието на 7 Ноември по 81 пат прославуваме за слободата на нашиот чудесен Охрид, славиме за едно големо време и едни големи луѓе кои со живот ја заработија слободата во која денес ние живееме.Чествувајќи го денешниот ден, како празник на нашиов Охрид, уште еднаш го исполнуваме аманетот со крв испишан од партизаните.Славејќи ја нивната жртва  за слободен  град , уште еднаш потврдуваме дека нашиот народ има сила да чекори кон вечноста! Денеска срцaтa на охриѓани  чукаат  посилно од кога и да е, кога можеме гордо, во слобода, да се сетиме на заветот на младите борци срочен во синтагмата: „СЛОБОДА ИЛИ СМРТ!“.Ваквиот цврст став на нашите борци е клучот за опстанокот и надминувањето на сите обиди за згаснување на македонскиот национален идентитет.Херојската и безрезервна борба за основни права и светла иднина не познава никакви граници.Денес славиме за хероите  на претходното, наше и идно време.  Јасна Ристеска, Андон Дуков, Петре Пирузе,  Момчило Јорданоски, Кирил Главинчев се само дел од плејадата млади охриѓани кои никогаш нема да бидат однесени во заборав, затоа што нив им ја должиме слободата. На овој ден, славиме и  за   оние без кои големите револуционери не би можеле да ја водат битката за Охрид. Тоа семажите, жените, па дури и децата, кои со својот придонес ја поддржале македонската борба за права и еднаквост со останатите народи, со кои рамо до рамо се боревме во антифашистичката војна.Само синови и ќерки на Македонија можат да истраат тогаш кога е тешко. Само тие можат да дадат се од себе, бидејќи станува збор за нивните домови и семејства, за нивната земја!Новото време раѓа нови борци кои со интелект и ителектуалност војуваат за подобар економски статус, живот и напредок на своите сограѓани.Денеска во слободен Охрид се бориме за подобар животен стандард  на сегашните и идни генерации. Инфраструктурно го разубвуваме градот. Градиме нови детски градинки, училишта плоштади. Се грижиме да го сочуваме и разубавиме она што во традиција се предавало од поколенија во поколенија.Нашиот чудесен Охрид, градот на УНЕСКО со прекрасното езеро, со климентова и самоилова традиција, одамна е мека за илјадници туристи од цел Свет, а работиме нивниот број постојано да расте.Ние сме еден прекрасен мозаик на добри луѓе со различна етничка и верска припадност кои негуваме прекрасен соживот и и уживаме во различностие кои ја градат нашата целина. Ншите херои од НОВ  се добар пример кој не води во животот. Сеќавајќи се за сите оние кои не прашувале за цена, за ризик или за смрт сваќаме во колку подобра положба сме биле од нив.Затоа на овој ден, им изразуваме почит и се поклонуваме  пред нивните дела, кои ја овозможија иднината која ние ја живееме, а за која тие сонуваа.На знајните и незнајни херои од епската ера од Народно ослободителната ера- Слава им!Нека е вечен и од Бога благословен нашиот убав град Охрид!- рече градоначалникот Пецаков.На свеченоста се обрати и Претседателот на охридскиот музички еснаф, Венко Пашоски по што следеше културно –уметничка програма. Актерот Жарко Спасовски изведе монолог „Гласот на борците“, а се одржа и концерт на охридскиот музички еснаф „Охридски музички времеплов“. Настапија музичките изведувачи Ефто Пупиноски, Митко Колјушевски, Мишко Србиноски, Ристе Наумовски, Петар Трајановски, Милован Секулоски, Кирил Белистојановски, Владо Костоски, Игор Бежаноски, придужувани од оркестарот на Ангел Трајковски –виолина, Ристе Довлев- Виолина, Бранко Тасески –виолина, Петар Паскали –виолина, Тони Вретоски –прим, Венко Пашоски –прим, Скендер Дучи –ут, Петар Кочовски –хармоника, Кирче Аслимоски-хармоника, Климент Петрески –гитара, Климент Малчески –контрабас, Јован Пазаркоски- акустична гитара, бас, Христијан Чавкоски –бас,  Вања Танкоски –перкусии, Оливер Костевски-перкусииВо рамки на свечената програма вчера попладне во куќата на Робевци беа отворени уметничките изложби на слики и мозаици од академските уметници Славко и Никола Упевче.Чествувањата за празникот продолжуваат денеска со полагање цвеќе пред спомен обележјата на борците во дворот на  СОСУ „Св. Кирил и Методиј“ и пред спомен обележјето на Јасна Ристеска во с. Рамне. Утре  со свеченост своите патрони празници ќе ги одбележат ЈП „Охридски Комуналец“ и детската градинка „Јасна Ристеска“.

ОО | пред 6 месеци

Крвав инцидент во Виена: Убиен маж во ресторан, друг тешко повреден – напаѓачите во бегство

Во четвртокот навечер, во еден ресторан во виенската населба Отакринг, се случил вооружен напад во кој едно лице било убиено, а друго тешко рането и се бори за живот. Напаѓачот и неговиот помагач побегнале од местото на настанот, а полицијата започна голема потрага, објави австрискиот весник „Кронен Цајтунг“ (Kronen Zeitung).Според првичните информации, инцидентот се случил околу 21:45 часот во турски ресторан на улицата Пајергасе. Сè започнало со расправија меѓу неколку лица, по што еден од нив извадил огнено оружје и испукал неколку куршуми кон двајца мажи.Жртвите на нападот се двајца мажи со чеченско потекло. Едниот починал на самото место, наводно од прострелна рана во стомакот, додека другиот со повреди опасни по живот бил итно пренесен во болница.Мотивот за нападот засега не е познат. Некои сведоци изјавиле дека сторителот можеби е лице со српско потекло, но според истражителите, најверојатно се работи за австриски државјанин со мигрантско потекло. Истрагата ја презеде виенската криминалистичка полиција.Непосредно по пукањето, полицијата блокирала поширока зона околу местото на злосторството и спровела масовна потрага низ неколку окрузи. Акцијата траела до доцна во ноќта.Овој трагичен настан се случува само еден ден по друг насилен инцидент во истата населба, кога 54-годишен сопственик на локал бил нападнат и повреден пред својата продавница од група млади лица.

Свет | пред 6 месеци

(Видео) Три жртви во нов напад на САД: Продолжува ловот на нарко-терористите во Карибите

Американското Министерство за одбрана соопшти дека во нов удар врз пловило во водите на Карибите загинаа три лица, потврди министерот за одбрана Пит Хегсет. Нападот е дел од серија операции кои администрацијата на претседателот Доналд Трамп ги спроведува со цел да го спречи криумчарењето дрога кон САД, објави „Си-Ен-Ен“ (CNN).„Денес, по налог на претседателот Трамп, Министерството за одбрана изведе смртоносен удар врз пловило кое го управуваше организација што американските власти ја сметаат за терористичка“, напиша Хегсет на платформата X. Додаде дека пловилото криумчарело наркотични средства во карипските води и било погодено во меѓународни води. Американските сили, според него, немаат загуби.Овој инцидент е дел од поширока кампања: во 17 досегашни напади американската војска, како што се тврди, убила вкупно 70 лица и уништила 18 пловила. Регистрирани се само три преживеани — двајца биле кратко задржани од американската морнарица пред да бидат вратени во матичните земји, додека третиот е сметан за мртов по пребарување изведено од страна на мексиканската морнарица.Администрацијата известила дека од 2 септември САД се во „оружен конфликт“ против нарко-картелите, па убиените лица ги означува како „непријателски борци“. Со тоа, како што тврди администрацијата, се создава правна основа за изведување смртоносни напади без обичен судски надзор, повикувајќи се на таен налог на Министерството за правда.Меѓутоа, дел од членовите на Конгресот и групите за заштита на човековите права ја оспоруваат таа правна основа. Тие сметаат дека осомничените за криумчарење дрога би требало да бидат лишени од слобода и кривично гонети, како што беше практиката пред преземањето на функцијата од страна на Доналд Трамп. Дополнителни прашања буди фактот што администрацијата досега не објавила јавни доказни материјали за присуството на дрога на погодените пловила ниту за врските на тие бродови со картелите.Контроверзијата околу правната и оперативната рамка на овие акции продолжува да предизвикува политички и правни дебати во Вашингтон, додека семејствата и локалните власти во регионите погодени од операциите бараат појаснувања и докази.

Свет | пред 6 месеци

Му пукале во глава - Откриен еден од убијците на Ѓело Ѓошев во Чашка – покрената истрага против осомничен велешанец

Основното јавно обвинителство Велес отвори истрага против едно лице осомничено дека учествувало во убиството на велешанецот Ѓело Ѓошев, кое се случи на 5 ноември во близина на селото Бусилци, во месноста Поројница. Обвинителството има основано сомнение дека тој бил соизвршител на кривично дело – убиство, предвидено во член 123 став 1 од Кривичниот законик.Според првичните сознанија, осомничениот го намамил Ѓошев и со сопствен автомобил го однел на локацијата каде, заедно со друго сè уште неидентификувано лице, пукале кон него со огнено оружје. Жртвата добила прострелна рана во главата и починала на местото на настанот.Осомничениот, кој и претходно бил казнуван за разбојништво, по убиството се обидел да ги прикрие трагите за да ја попречи истрагата, соопшти обвинителството.Со оглед на сериозноста на делото, опасноста од бегство, влијание врз сведоци и можноста повторно да изврши кривично дело, јавниот обвинител предложи мерка притвор.Министерството за внатрешни работи, по наредба на обвинителството, продолжува со интензивна истрага за откривање на вториот соизвршител и утврдување на мотивите за убиството.

Македонија | пред 6 месеци

Историски пакет за Маск од билион долари: Акционерите на „Тесла“ му ја дадоа највисоката плата во корпоративниот свет

Акционерите на „Тесла“ со убедливо мнозинство му дадоа зелено светло на извршниот директор Илон Маск за рекордниот пакет на надомест — финансиски договор што ќе влезе во историјата како највисока плата некогаш одобрена на еден бизнис-лидер. Одобрувањето е истовремено потврда на визијата на Маск да ја претвори компанијата од производител на електрични автомобили во глобален технолошки гигант во областа на вештачката интелигенција и роботиката.На годишното собрание во фабриката во Остин, Тексас, повеќе од три четвртини од гласачите го поддржаа планот, додека Маск, во свој препознатлив стил, ја славеше победата со настап на сцената во придружба на танцувачки роботи.Со овој договор, најбогатиот човек во светот може да добие акции во вредност до 1 билион долари во следните десет години. Вкупната вредност на пакетот, по сите исплати, се проценува на околу 878 милијарди долари.Гласањето се смета за пресвртна точка во иднината на „Тесла“, чии амбиции се движат од производство на возила што управуваат самостојно и развој на мрежа од роботски такси во САД, до продажба на хуманоидни роботи. Иако политичките ставови на Маск во последните месеци му наштетија на имиџот на компанијата, акционерите решија да му дадат доверба.Одборот претходно предупреди дека тој би можел да си замине доколку планот не помине, па мнозинството инвеститори решија да ја прифатат понудата — не само како награда за постигнатото, туку и како гаранција дека Маск ќе остане на чело на компанијата. „Не отвораме само ново поглавје – започнуваме сосема нова книга во историјата на Тесла“, им порача Маск на присутните.Во говорот најави и низа нови проекти: старт на производството на роботаксито Cybercab во април, премиера на новиот Roadster и изградба на џиновска фабрика за чипови со вештачка интелигенција, можеби во партнерство со Intel.Акционерите, меѓу другото, повторно ги избраа тројцата директори во одборот, изгласаа воведување годишни избори за сите членови и го поддржаа новиот план за компензација што треба да го замени стариот, сè уште предмет на судска расправа.„Обично овие собранија се здодевни, но нашите се секогаш спектакл“, се пошегува Маск. „Погледнете ја енергијата — апсолутно лудо.“Тој доби и поддршка за вложување на „Тесла“ во својот стартап за вештачка интелигенција, xAI, иако дел од институционалните инвеститори се воздржаа. Според Џесика Мекдугал од консултантската фирма „Лонгејк Сквер“ (Longake Square), тоа укажува на одредена претпазливост кај големите фондови, кои очекуваат посилен надзор врз проектите што ги води самиот Маск.

Свет | пред 6 месеци

(Видео) Отпуштени 371 лицe од Комунална хигиена!

Новата градска администрација започна со чистење и во институциите — градоначалникот на Скопје, Орце Ѓорѓиевски, денеска соопшти дека од ЈП „Комунална хигиена – Скопје“ се отпуштени 371 работник кои, според утврдените податоци, со години примале плата без да се појавуваат на работа.„Тоа се луѓе кои сите ние, скопјани, ги плаќаме со години наназад, а не оделе на работа, а земале плата. Во минатото се правеа драми дека се постапува, дека некој се брка, но во суштина се правела само замена. Во овој систем, секој што врши злоупотреби, ќе биде отстранет,“ изјави Ѓорѓиевски.Тој додаде дека се спроведува темелна ревизија на јавните претпријатија, при што е утврдено дека над 800 вработени навистина извршувале работни задачи, додека останатите биле фиктивно пријавени.„Овде имате над 800 работници од јавните претпријатија кои редовно оделе на работа. Но, имате и такви кои со месеци, па и години, земале плата без да се појават. На тоа му дојде крај,“ нагласи градоначалникот.Со ова, акцијата за реорганизација и одговорност во градските претпријатија, најавена од Ѓорѓиевски уште првиот ден од стапување на функцијата, влегува во полна сила.

Настани | пред 6 месеци

Сиљановска-Давкова прифати да биде покровителка на 60. издание на МТФ „Војдан Чернодрински“

Претседателката на државата, Гордана Сиљановска-Давкова, денеска ја прими Ана Стојаноска – уметничка директорка на Македонскиот театарски фестивал „Војдан Чернодрински“, театролог, писателка и редовна професорка на Факултетот за драмски уметности во Скопје.На средбата, Стојаноска детално ја запозна претседателката со програмата на 60. јубилејно издание на фестивалот, кое ќе се одржи во јуни следната година под мотото „Храбриот нов театар“.Импресионирана од иновативноста и концептот на фестивалот, Сиљановска-Давкова со задоволство прифати да биде покровителка на јубилејното издание.Во разговорот, двете соговорнички размениле мислења за современата македонска драматургија, значењето на актерите во нејзиниот развој, како и за хроничните проблеми со кои се соочуваат театрите во земјава – од просторните и техничките, до финансиските предизвици.И покрај тешкотиите, заеднички заклучиле дека театарот мора да остане жив и витален, со јасна мисија да ја поттикне љубовта кон уметноста кај младите и децата.Претседателката изразила уверување дека знаењето, професионалноста, храброста и ентузијазмот на Ана Стојаноска и нејзиниот тим се гаранција за незаборавен фестивал, кој заслужува институционална и финансиска поддршка.

Македонија | пред 6 месеци

(Фото) Мицкоски со дронски фотографии од собирот за чистење на Скопје

Премиерот Христијан Мицкоски вечерва објави дека започнува големата акција за чистење на Скопје, придружувајќи ја објавата со дронски фотографии на кои се гледаат десетици камиони, машини и работници собрани пред СЦ „Борис Трајковски“.„Вечерва голема акција за чистење на сметот во Скопје!“, напиша Мицкоски во објавата, со која го поддржа првиот проект на новиот градоначалник Орце Ѓорѓиевски.Акцијата, која започнува во 20:30 часот, има за цел во рок од 72 часа да се исчисти целиот град, како што претходно беше ветено од Ѓорѓиевски. На терен се наоѓаат десетици камиони и стотина работници, кои ќе работат низ сите општини во Скопје.

Скопје | пред 6 месеци

Англичанец убил брачен пар, ги одвел нивните деца во McDonald's, а потоа отишол во полиција

Англичанец Дерек Мартин (67) е осуден на доживотен затвор за убиството на млад брачен пар – Џош и Клоуи Башфорд – во нивниот дом во Њухејвен, јуни 2023 година. По убиството, тој ги одвел нивните деца во McDonald’s, а потоа се предал во полиција и признал: „Убив двајца луѓе.“Мартин прво ја нападнал Клоуи со чекан и нож, а потоа го убил Џош кога се вратил дома. Судот дозна дека Мартин бил поранешен сопруг на мајката на Клоуи и дека често им помагал на семејството. На денот на злосторството избила расправија околу пари, по што „полудел“.Тој ќе мора да одлежи најмалку 29 години пред да може да бара условно ослободување. Според обвинителството, мотивот бил долг од 8.000 фунти поради коцкање. Семејството на жртвите изјави дека пресудата им донела олеснување и чувство дека конечно добиле правда.

Свет | пред 6 месеци

(Видео) Шеги со „утре по бели чорапи ќе треба да одиме“, по собирот на машини и работници за чистење на Скопје

Пред платото на Спортскиот центар „Борис Трајковски“ вечерва владее голема мобилизација — десетици камиони, цистерни и механизација се поставени и подготвени за почеток на големата акција за чистење на Скопје, која треба да започне во 20:30 часот. Граѓаните се шегуваат „утре по бели чорпаи ќе треба да оди“, бидејќи Скопје е во период кога вакво чистење е невообичаена акција.На терен веќе се присутни и повеќе од стотина работници, кои ќе имаат задача да го соберат отпадот, да ги изметат и исперат улиците, како и да ги расчистат запуштените простори во главниот град.Оваа акција е првото ветување на новоизбраниот градоначалник Орце Ѓорѓиевски, кој најави дека во рок од 72 часа ќе биде исчистен секој агол на Скопје.„Скопје повеќе нема да живее во запуштеност, туку во град достоен за своите граѓани. Почнуваме веднаш – со чистење, ред и дисциплина“, изјави Ѓорѓиевски претходно денес.

Скопје | пред 6 месеци

Уапсен директорот на Агенцијата за финансиска поддршка во земјоделството, Илија Стоилев – Обвинителството води истрага за корупција

Актуелниот директор на Агенцијата за финансиска поддршка во земјоделството и руралниот развој (АФПЗРР), Илија Стоилев, попладнево е уапсен, потврдија извори од истрагата.Од Обвинителството за гонење организиран криминал и корупција (ОЈО ГОКК) засега не даваат детали, но кусо информираат дека по налог на јавен обвинител, истражители од Истражниот центар при Обвинителството заедно со припадници на МВР вршат претреси на повеќе локации низ државата, поради основано сомневање за сторени кривични дела од коруптивна природа.Илија Стоилев ја презеде функцијата директор на 26 јули 2024 година, а во јавноста е познат по својата изјава дека програмата ИПАРД 2 била реализирана со повеќе од 85%, по што, како што тврдеше, Европската Унија ја прогласила Македонија за лидер во регионот во искористување на европските фондови.Во јуни годинава, Стоилев јавно посочи дека наследил сериозни проблеми од претходното раководство, откривајќи дека повеќе од 70 предмети биле нерешени, со рок за завршување до крајот на 2024 година.„Кога стапив на должност, се соочив со сериозен проблем — над 70 предмети беа нерешени, а рокот за кампањата истекуваше за неколку месеци“, изјави тогаш Стоилев.Тој нагласуваше дека Агенцијата има обврска да ја спроведува исплатата на средства по владините програми преку Министерството за земјоделство, и дека исплатите мора да бидат поткрепени со реални докази и документација за извршени инвестиции.Стоилев, кој пред назначувањето беше претседател на Општинскиот комитет на ВМРО-ДПМНЕ во Свети Николе, сè уште не се огласил по повод апсењето, а Обвинителството најави дека деталите ќе бидат соопштени дополнително.

Македонија | пред 6 месеци

(Фото) Орце со мајстори влезе во Град Скопје, ги трга рампите откако ја испрати Данела

Денес во Град Скопје беше извршен чин на примопредавање на функцијата градоначалник, со што Орце Ѓорѓиевски и официјално ја презеде управата со главниот град.„Од денес, Скопје е слободен, отворен и достапен за сите! Испишуваме ново поглавје во историјата на нашиот град – поглавје исполнето со работа, посветеност и резултати“, порача Ѓорѓиевски.Тој истакна дека веднаш започнува реализацијата на ветувањата, најавувајќи голема акција за чистење на градот, која започнува вечерва во 20:30 часот и ќе трае 72 часа, со цел да се исчисти секој агол, улица и запуштен простор.„Скопјани повеќе нема да живеат во запуштеност, туку во град достоен за нив. Ги отстранивме рампите – Скопје повеќе нема да биде затворен град, туку отворен за медиумите и за сите граѓани“, нагласи градоначалникот.Ѓорѓиевски најави и целосна ревизија на работата на градската администрација, при што ќе следуваат одговорности за сите што ја злоупотребиле својата позиција.„Секој што се огрешил – ќе одговара, а секој чесен и вреден работник ќе биде награден и почитуван. Време е да ставиме ред, време е Скопје повторно да биде симбол на достоинство, ред и надеж“, порача Ѓорѓиевски, додавајќи дека Скопје може подобро – и тоа подобро го овозможуваме заедно.

Скопје | пред 6 месеци

Конкурс за доделување општинска награда – Патрон на градот „Св. Климент Охридски“

Врз основа на член 16 и 18 од Одлуката за доделување општински награди и признанија бр.07-3394/6 од 28.10.2011 година, градоначалникот на Општина Охрид распишува:КОНКУРСЗА ДОДЕЛУВАЊЕ ОПШТИНСКА НАГРАДА – ПАТРОН НА ГРАДОТ „СВ.КЛИМЕНТ ОХРИДСКИ“ По повод 8-ми Декември – „Св. Климент Охридски“-градоначалникот на Општина Охрид распишува Конкурс за доделување на општинската награда – Патрон на градот „Св.Климент Охридски” за 2025 година.Наградата се доделува за животно дело, односно долгогодишни остварувања и врвни достигнувања во сите области од општествениот живот кои се од особено значење за Општина Охрид  и кои имаат голем придонес во нејзиниот развој, напредок и севкупна афирмација во Република Македонија и светот.Право на учество на Конкурсот  имаат установи, трговски друштва, здруженија на граѓани и поединци.Во пријавата треба да се достави кратка биографија и образложение за какви остварувања и придонес станува збор.Исто така, кон пријавата потребно е да се достави и најмалку една препорака од релевантна институција или истакнат поединец од областа за која се конкурура.Наградата „Патрон на градот “Св. Климент Охридски” се доделува на еден добитник само еднаш и истата не може да се дели меѓу повеќе добитници.Конкурсот трае 15 календарски дена сметано од денот на објавувањето.Пријавите кои ќе бидат доставени по истекот на рокот нема да се разгледуваат.Пријавите да се достават на адреса: ул. „Димитар Влахов” бр.57, за градоначалник на Општина Охрид (со назнака: ЗА КОНКУРС ОПШТИНСКА НАГРАДА – ПАТРОН НА ГРАДОТ “СВ.КЛИМЕНТ ОХРИДСКИ”).ОПШТИНА ОХРИДГрадоначалник,Кирил Пецаков

ОО | пред 6 месеци

Конкурс за доделување повелба – Патрон на градот „Св. Климент Охридски“

Врз основа на член 36  од Законот за локална самоуправа и член 18 од Статутот, Советот на општина Охрид распишуваКОНКУРСЗА ДОДЕЛУВАЊЕ ПОВЕЛБА – ПАТРОН НА ГРАДОТ “СВ.КЛИМЕНТ ОХРИДСКИ” По повод 8-ми Декември – „Св.Климент Охридски”, Комисијата за одбележување празници и манифестации и доделување награди и признанија распишува Конкурс за доделување Повелба – Патрон на градот „Св.Климент Охридски” за 2025 година.Повелбите се доделуваат за остварувања и достигнувања во сите области од општествениот живот кои се од особено значење и имаат посебен придонес во равојот и севкупниот напредок и афирмација на Општина Охрид во Република Македонија и во светот, во период од една година.Право на учество на Конкурсот имаат установи, трговски друштва, здруженија на граѓани и поединци.Во пријавата треба да се достави кратка биографија и образложение за какви остварувања се конкурира и најмалку барем една препорака од релевантна институција или истакнат поединец од областа во која се конкурира.Повелбата може да се додели максимум на пет добитници.Конкурсот трае 15 календарски дена од денот на објавувањето.Пријавите коишто ќе бидат доставени по истекот на рокот нема да се разгледуваат.Пријавите да се достават во затворен плик на адреса: ул.„Димитар Влахов” бр.57, со назнака:За Комисија за одбележување празници и манифестации и доделување награди и признанија (со назнака: ЗА КОНКУРСОТ ЗА ДОДЕЛУВАЊЕ ПОВЕЛБА – ПАТРОН НА ГРАДОТ „СВ.КЛИМЕНТ ОХРИДСКИ”.)                                               Совет на општина ОхридПретседател,Перчо Божиновски

ОО | пред 6 месеци

Награден ученички литературен конкурс за најдобра поетска творба

По повод 8-ми Декември – Св.Климент Охридски – Патрон на градот, Општина Охрид распишува:НАГРАДЕН УЧЕНИЧКИ ЛИТЕРАТУРЕН КОНКУРС ЗА НАЈДОБРА ПОЕТСКА ТВОРБАТемата на Конкурсот треба да  се однесува на Охрид и животот и дејноста на Свети Климент ОхридскиПо овој Конкурс, Општина Охрид ќе додели три први награди за најдобра поетска творба во три различни категории:I За ученици од одделенска настава (од прво до петто одделение);II За ученици од предметна настава (од шесто до деветто одделение);III За ученици во средно образование (од прва до четврта година).Износот на наградата за првата категорија е 2.000,оо денари;Износот на наградата за втората категорија е 3.000,оо денари;Износот на наградата за третата категорија е 4.000,оо денари.Изборот на најдобрите поетски творби ќе го направи тричлена жири – комисија, формирана од градоначалникот  на Општина Охрид.Право на учество на овој Конкурс имаат сите редовни ученици  од основните и средните училишта на подрачјето на Општина Охрид.Творбите, во три примероци, во затворен плик, под шифра, најдоцна до 30.11.2025 година, треба да се доставуваат  на следната адреса: Општина Охрид, – ул.”Димитар Влахов“бр.57 (со назнака: За Конкурсот за наградени творби и со наведена категорија за која се конкурира).Творбите пристигнати по наведениот датум нема да се разгледуваат.Авторството се докажува со четвртиот примерок.Наградите ќе бидат врачени на една од свеченостите организирани по повод 8-ми Декември – Свети Климент Охридски – Патронот на Охрид.

ОО | пред 6 месеци

„Молевме по луѓе за терапија“, искази на денешното рочиште за „Онкологија 2“

На денешното рочиште за „Онкологија 2“ беа сослушани тројца сведоци, доктор Ненад Митревски, членката на управниот одбор Биљана Гроздановска и Гоце Кузев, чиј татко се лекувал на Клиниката за Онкологија.Тој изјави изјави дека терапијата за неговиот татко никогаш не била навремено достапна.-Бидејќи никогаш ја немаше добиено навремено, бевме загрижени и молевме по луѓе, тие наши пријатели се јавуваа кај тогашниот директор и потоа ни беше давана. Мислам дека сестрата се викаше Цаци и ја даваше на вториот спрат каде што беше неговиот кабинет. Ја даваше некогаш од клиничка аптека, а некогаш ја повикуваше сестрата и ѝ ја даваше тој од неговата канцеларија, па се симнувавме долу да ја аплицираме, рече сведокот.Доктор Митревски, онколог на Клиниката, сведочеше за пациент кој примал хемотерапија во комбинација со биолошка терапија. Тој нагласи дека стандардната доза на лекот бевацизумаб за таа индикација е 400 мг на три недели. Кога му беше предочен документ со препишана доза од 1600 мг, тој одговори дека тоа е превисока доза за таа индикација.Митревски негираше дека ја препишал таа доза, ниту дека бил известен за прешкртан препис во извештајот. Иако рече дека повисоки дози се индицирани за други случаи, за конкретниот пациент изјави дека не требало да ја прими таа количина.По увид во материјалниот доказ, одбраната  констатираше дека дополнението во извештајот се однесува на препорака, а не дека е дадена таква доза.Биљана Гроздановска, членка на Управниот одбор на Клиниката, на денешното рочиште појасни за начинот на носење одлуки во Управниот одбор. Како што рече, одлуките за набавка биле условени со претходна согласност од Министерството за здравство и Фондот за здравствено осигурување.-Управниот одбор за различните прашања кои беа од областа на сметководството и финансиите, задолжително повикуваше економист на седниците, правник беше присутен, на секоја седница на управниот одбор, а беа повикувани и директорите во зависност од дневниот ред да дадат образложение, образложи Гроздановска.Кривичниот суд во јуни годинава го одобри обвинението против поранешните директори на Клиниката за радиотерапија и онкологија, Нино Васев и Нехад Нухи, за злоупотреби, измама и проневера во службата од 2018 до 2022 година. Според обвинението, тие незаконски набавувале лекови, ги прикривале преку фиктивни тендери и присвојувале дел од терапијата, со што го оштетиле буџетот за речиси 36 милиони евра.

Македонија | пред 6 месеци

Македонската музика го освои Хонг Конг: триумф на Симон Трпчески и „Makedonissimo“

Во полна сала на City Concert Hall во Хонг Конг, светски познатиот македонски пијанист Симон Трпчески го претстави својот уникатен проект „Makedonissimo“, создавајќи спој на македонската и кинеската музичка традиција што ја воодушеви публиката.На настанот присуствуваше и амбасадорот на Македонија во Кина, Сашко Насев, кој ја поздрави маестралната изведба на Симон Трпчевски и ја поддржа македонската уметност пред локалната бројната публика во Хонг Конг.Во објава на Фејсбук, Трпчевски рече дека имал особена чест да го претстави „Makedonissimo“ на „Asia+ – фестивалот на уметноста без граници“ во Хонг Конг.Со поддршка на визијата и посветеноста на Нелсон Лаи и неговиот извонреден тим од LCSD, кои го промовираа и мојот прв концерт во Хонг Конг во 2004 година. Овој настап претставуваше значајно уметничко враќање за мене.Настапот ги вклучи и извонредните локални музичари — Дидабој на суона, Пик Сум на ерху и композиторот Џони Јим. Заедно создадовме силна фузија на македонската и кинеската музичка традиција, која ја воодушеви публиката во City Concert Hall и ги крена присутните на нозе!Изразувам искрена благодарност до страстната и дарежлива публика во Хонг Конг, чии ентузијазам и топлина ги разбудија убавите спомени од моите претходни посети и ја направија оваа повторна средба особено значајна по многу години.Посебна благодарност упатувам и до македонската заедница во Хонг Конг, вклучувајќи го амбасадорот на Македонија во Кина, г. Сашко Насев, и неговата сопруга, кои допатуваа од Пекинг специјално за оваа пригода.Благодарам на сите пријатели на Македонија, Хонг Конг и Кина, чие присуство придонесе за вечер исполнета со длабока уметничка поврзаност и културна прослава. Гостопримството, почитта и топлината покажани кон ансамблот „Makedonissimo“ ќе останат незаборавни.Ансамблот и јас со нетрпение очекуваме повторно враќање и создавање нови, незаборавни музички моменти заедно.谢谢! Благодарам!, напиша нашиот светски познат Симон Трпчевски.

Магазин | пред 6 месеци