Адвокатката Јошевска му врати на Коцевски: Обвинителството повеќе ќе се грижи за својот имиџ отколку за обвинението

Се заострува полемиката меѓу Државното јавно обвинителство и бранителите во случајот „Пулс“, по објавеното писмо на државниот обвинител Љупчо Коцевски до Адвокатската комора, во кое ги обвинува дел од адвокатите дека со јавни настапи ја доведуваат јавноста во заблуда и го нарушуваат угледот на институциите.Во писмото, Коцевски остро реагира на, како што наведува, „неетички коментари“ и „невистини“ изнесени во медиумите од поединечни адвокати кои, според него, ја претставуваат својата позиција како независни правни експерти, а всушност се бранители на обвинетите во предметот за пожарот во кочанската дискотека „Пулс“.„Коментарите се изнесуваат без адвокатите воопшто да се запознаени со доказниот материјал или со динамиката на судењето. Таквото однесување е спротивно на Кодексот за професионална етика на адвокатите, кој бара од нив да го чуваат угледот на судот и на институциите пред кои настапуваат“, стои во писмото на Коцевски.Тој особено се осврна на јавниот настап на адвокатката Сузана Јошевска-Анастасовска, која гостуваше во емисијата „Студио 10“ на „ТВ24“, наведувајќи дека не добила целосен увид во доказниот материјал. Коцевски ова го оцени како „неетички јавен настап и обид за нарушување на интегритетот на истрагата“.„Наводите дека не ѝ бил даден дел од доказниот материјал се целосно неточни. Документите се доставени интегрално до Судот и сите бранители. Доколку адвокатката не го презела материјалот или не го прегледала, тоа може да го каже пред Судот, а не во медиумите“, наведува Коцевски.По реакцијата на Обвинителството, адвокатката Сузана Јошевска-Анастасовска се огласи преку Фејсбук, оценувајќи дека писмото на државниот обвинител претставува „директен притисок врз слободата на говорот и професионалната независност на адвокатите“.„Писмото на Јавното обвинителство до Адвокатската комора го чувствувам како притисок и директен напад врз мојата слобода на говор и професионална независност. Би сакала да го видам Обвинителството со иста енергичност кога е нападнато од извршната власт, бидејќи тоа е прашање на институционален интегритет, а не на лична суета,“ напиша таа.Јошевска-Анастасовска потсети дека во своите јавни настапи секогаш јасно ја нагласувала својата улога како бранител во конкретниот случај, а не како независен експерт.Таа се повика и на пресудата Nikula v. Finland (Европски суд за човекови права, 2002), во која се вели дека адвокатите имаат право да зборуваат за функционирањето на правосудниот систем „без страв од санкции, доколку нивната критика е професионална и во добра намера“.„Ако денот по утрото се познава, тогаш преку вакви реакции можеме да очекуваме дека Обвинителството повеќе ќе се грижи за својот имиџ отколку за суштината на обвинението,“ додаде таа.

Коментари | пред 7 месеци

(Видео) Докторот Кузмановски по снимката: Изразувам длабоко каење и се извинувам

Разрешениот директор на Клиниката за неврологија, Игор Кузмановски, се огласи на својот профил на Фејсбук, по објавувањето на видео-снимка на која, според содржината, се гледа како консумира бела супстанца. Снимката предизвика лавина реакции во јавноста, по што министерот за здравство Азир Алиу донесе одлука за негово разрешување од функцијата.Во својата објава, Кузмановски изрази длабоко жалење и извинување, нагласувајќи дека снимката потекнува од период пред неговото назначување за директор.„Изразувам длабоко каење и се извинувам поради постапката која се има случено далеку пред моето преземање на менаџирањето на Клиниката за неврологија. Тоа е момент на слабост со кој не се гордеам и кој не смее да биде пример,“ напиша Кузмановски.Тој додаде дека „секој човек прави грешки“, но дека ова искуство ќе му послужи како лекција и опомена.„После ова знам дека грешката нема да се повтори и сум подготвен да живеам со сите мои подеми и падови,“ наведува Кузмановски.Во продолжение, тој истакна дека се повлекува, иако е задоволен од резултатите што ги постигнал со својот тим на Клиниката за неврологија, и најави дека ќе продолжи да работи како лекар.„Се извинувам на сите кои ги разочарав и ќе продолжам да работам она што најмногу го сакам – да спасувам животи и да помагам на заедницата,“ заврши Кузмановски во својата порака.

Македонија | пред 7 месеци

(Видео) Разбојници со автомати и џип без таблици ограбија златара во центарот на Гостивар

Вчера вечерта во центарот на Гостивар се случила организирана разбојничка кражба во златара, при што неколку маскирани и вооружени лица со автоматско оружје однеле значителна количина злато и пари, а потоа побегнале со црн џип во непознат правец.Според информациите од СВР Тетово, пријавата за грабежот била поднесена во 18:45 часот, од страна на В.П. од Гостивар, кој соопштил дека четири маскирани лица упаднале во златара во близина на малиот пазар.„Разбојниците биле вооружени со автоматско оружје и по нападот побегнале со патничко возило БМВ без регистарски таблички. Веднаш е постапено по пријавата и се преземаат мерки за пронаоѓање на сторителите и расчистување на случајот“, информираа од СВР Тетово.Според очевидци, разбојниците, во обид да го забават движењето на полициските екипи, фрлиле бодликави жици на повеќе улици во централното подрачје на градот.Од Основното јавно обвинителство Гостивар потврдија дека јавен обвинител во текот на ноќта и утрово издавал повеќе наредби и насоки за истрагата, со цел што побрзо да бидат идентификувани и приведени сторителите.Според првичните информации, нападот бил изведен професионално и за кратко време, што укажува на добро координирана криминална група. Засега нема информации за повредени лица.

Настани | пред 7 месеци

Мециновиќ: Борбата на Левица е борба на Давид против Голијат

„Мило ми е што се гледаме денеска, овде. Немам спремено говор, ама може да се задржиме едно три саати“, со овие зборови го започна својот говор кандидатот за градоначалник на Скопје, Амар Мециновиќ, на отварање на изборниот штаб на Левица во Центар. Со мотивирачки говор тој зборуваше за текот на кампањата, предизвиците и енергијата која партијата ја вложува во овие избори.Мециновиќ оцени дека најтешкиот дел од изборната трка, односно почетокот и преткампањата се веќе зад нив. „Сега, кога сме веќе во средиштето на кампањата, темпото е прилагодено и супер ни оди“, рече тој и додаде дека Левица, за разлика од претходните избори, сега знае каде ја трошела енергијата на претходните избори без да добие конкретни резултати и не се расплинува на  неефективни методи.„Тоа ни го даде искуството и ништо друго. Искуството кое ние сами го создаваме, искуството кое не ни е поклонето ни преку агенции, ни преку фирми за пи ар, ни преку политолошки анализи. Ние тоа го правиме сами, опипувајќи го пулсот на нашиот народ“, рече Мециновиќ. Тој борбата на Левица ја спореди со борбата на Давид против Голијат и додаде дека ова што го прават е најголемата политичка борба, во изминатите триесет години во Македонија, во која големите политички играчи ги имаат сите финансиски и државни капацитети на нивна страна. „Во оваа кампања мислам дека ни стана на сите јасно дека го немаат нашиот ум, ја немаат нашата креативност и ја немаат нашата желба за промена, вистинска и реална промена. Многу е убаво чувството за овие избори, затоа што мислам дека го даваме максимумот, а тоа се гледа“.Мециновиќ сподели и впечатоци од терен нагласувајќи дека граѓаните сега се многу поотворени и понаклонети кон Левица, а според него тоа е и резултат на нивното праламентарно делување, затоа што мандатот што го добиле на најдобар начин го исполнуваат во корист на граѓаните.„Некој да ни збореше, пред четири години, дека ние сме потенцијален фаворит пред СДСМ за да  влеземе во втор круг во Град Скопје, тоа не би му верувале. Јас мислам дека скопската кампања ќе донесе позитивни резултати за сите скопски општини. Ќе згазиме, секој ден ќе бидеме на терен, помеѓу граѓаните. Вие ќе бидете нови сили во советот. Левица веќе не е партија на јабанџии, ова е партија која ќе го детронизира монополот на ВМРО и СДСМ“, им порача Мециновиќ на кандидатите за советници. Ма крајот од говорот потсети дека политиката мора да се заснова на секојдневниот живот на луѓето. „Кога зборуваме за политика ние буквално зборуваме за мајки со колички кои не можат да поминат на тротоари од автомобили, зборуваме за средношколци кои не можат да стигнат навреме на часови, зборуваме за работници кои работат по две работи и кои не можат да стигаат од една до друга“, рече тој и додаде дека политиката мора да продолжат да ја гледаат низ призмата на секојдневието. „Да зборуваме за човекот – за секојдневниот скопјанец, за секојдневниот Македонец. Тоа е равенката која ни донесе успех и која никогаш не смееме да ја напуштиме“, заврши Мециновиќ.

Скопје | пред 7 месеци

Силен потрес меѓу Јужна Америка и Антарктикот, нема опасност од цунами

Силен земјотрес со јачина од 7,6 степени според Рихтеровата скала го погоди во петок Дрејковиот теснец – водениот појас што се наоѓа меѓу јужниот врв на Јужна Америка и Антарктикот.Според Американскиот геолошки завод (USGS), потресот се случил на длабочина од 10 километри, непосредно пред 17:30 часот по локално време (20:30 по Гринич).Поради првичната опасност од цунами, Пацифичкиот центар за предупредување издаде предупредување, но нешто повеќе од еден час подоцна истото беше повлечено. Истото го направи и чилеанската поморска управа SHOA, која претходно издаде превентивно предупредување за антарктичкиот дел на земјата.

Свет | пред 7 месеци

Ким Џонг Ун се пофали со „најмоќниот систем“ пред Кина и Русија

Северна Кореја со голема воена парада во Пјонгјанг ја одбележа 80-годишнината од основањето на Работничката партија, при што лидерот Ким Џонг Ун се пофали со ново, „најмоќно оружје досега“.Десетици илјади војници маршираа низ главниот град, демонстрирајќи го огромниот арсенал на оружје со кој располагаат севернокорејските вооружени сили. Парадата се одржа на 10 октомври 2025 година, а до Ким на трибината стоеја кинескиот премиер Ли Ќианг и поранешниот руски претседател Дмитриј Медведев.Пријателите се заедно, непријателите стануваат нервозни“, напиша Медведев на новата руска платформа „Макс“, пренесува Дојче веле.Настанот уште еднаш ја потврди зајакнатата позиција и влијание на севернокорејскиот лидер. Никогаш досега, откако пред речиси 14 години го наследи својот татко Ким Џонг Ил, 41-годишниот Ким не уживал толкава контрола и значење на меѓународната сцена.Во септември, тој за првпат се појави рамо до рамо со кинескиот претседател Си Џинпинг и рускиот претседател Владимир Путин на воена парада во Пекинг.Ким рамо до рамо со најмоќните автократи во светот – вакво инсценирање на стратешки сојуз досега не е видено, оценува германскиот весник Франкфуртер алгемајне цајтунг.

Свет | пред 7 месеци

Температури до 21 степен, можно слаб дожд во североисточните делови

Времето денеска ќе биде променливо облачно со сончеви периоди. Ќе дува слаб до умерен, а долж Повардарието и во источните делови засилен ветер од северен правец. Во североисточните предели се можни слаби локални врнежи од дожд. Максималната дневна температура ќе се движи од 14 до 21 степен.Во Скопје времето ќе биде променливо облачно со сончеви периоди. Ќе дува умерен, а во делови од котлината повремено засилен северен ветер. Максималната температура ќе достигне до 19 степени.Минималните утрински температури се движеа од 2 до 14 степени Целзиусови. Најстудено беше во Лазарополе со 2 степени, а нешто потопло во Берово со 3 и во Маврови Анови и на Попова Шапка со 4 степени. Во Крива Паланка се измерени 6 степени, а истата температура е забележана и во Битола, Охрид, Претор и Крушево. Во Струмица утрово беа измерени 7 степени, а во Тетово, Демир Капија и Виница 8 степени. Во Скопје-Петровец, Велес, Штип и Кавадарци минималната температура изнесуваше 10 степени, во Куманово 11, на Зајчев Рид 12, додека најтопло утрово беше во Гевгелија со 14 степени.

Македонија | пред 7 месеци

Филипче: Мицкоски нема резултати, мисли дека може да ги лаже луѓето дека добро живеат

„Мицкоски година и пол мисли дека може да ги изманипулира луѓето дека живеат добро. Тоа е инстинктот на измамниците и манипулаторите, да лажат за сè, па дури и за она за кое не може да се лаже: дали некој живее подобро или полошо“, порача вечерва претседателот на СДСМ, Венко Филипче од трибината во општина Гази Баба.Тој истакна дека реалноста е дека на оваа неспособна власт ни уште две децении нема да ѝ бидат доволни, затоа што немаат ниту план, ниту капацитет.„Но, најважно од сè, немаат чесна намера. Не сакаат да им помогнат на граѓаните, не сакаат да ја видат реалноста која е тешка, едноставно, не ги интересираат граѓаните. Ги интересира само олигархијата и личните бизниси“, порача Филипче.Тој се осврна и на лагите со кои власта манипулира во јавноста.„Кога Мицкоски ќе каже дека сме петти, трети или четврти во економија, тоа не само што е огромна лага, туку е тешка навреда за секој кој живее и работи во оваа држава“, рече Филипче, укажувајќи дека ВМРО-ДПМНЕ ги осиромаши и изманипулира граѓаните.Филипче изнесе и конкретни податоци, потенцирајќи дека бројките се погубни, а економската перспектива е уште полоша. За само една година, индустријата падна за 3,5%. Странските директни инвестиции се преполовени , а инфлацијата е 4%, меѓу највисоките во Европа.„Цените растат без контрола. Веќе се откажаа од лажните кошнички. Не ни пробуваат да кажат дека нешто прават, ги оставија луѓето да живеат со скапотијата. Платите тапкаат во место, просечната плата паѓа три месеци по ред. И ова е вистинската дијагноза: овие луѓе за година и пол, опиени од успехот на изборите, заборавија дека економијата и економските политики, пред сè, треба да им служат на граѓаните“, потенцираше Филипче.

Македонија | пред 7 месеци

Филипче: Власта направи нов долг од 1,8 милијарди евра без никаков ефект

„Нема подобар живот туку нов долг од 1,8 милијарди евра“, им порача вечерва на граѓаните Претседателот на СДСМ, д-р Венко Филипче од граѓанската трибина „Се бориме за нашиот дом“ во Гази Баба. Филипче рече дека наместо што сработиле нивните градоначалници премиерот вели дека за реални проекти биле потребни децении.„Замислете направен е 1,8 милијарди евра нов долг за само 13 месеци без никаков ефект врз реалниот развој. 250 милиони евра од унгарскиот кредит кои беа наменети за стопанството, ниту 10% не се реализирани.Само неколку нивни фирми се офајдија. Ова се реалните податоци и бројки, драги пријатели. Ова е причината зошто се нервозни, зошто наместо да понудат кампања во која ќе промовираат што сработиле, направија кампања во која кажуваат дека за промени требале децении. Неспособни ниту да ги повторат барем нашите економски резултати, велат најдоброто допрва доаѓало. Сака Мицкоски да ни порача, не нè гледајте сега што правиме, немавме време“, рече Филипче.Филипче од Гази Баба исто така рече дека, за влада без план и визија за правецот на државата и две децении би биле малку.„Реалноста е дека на оваа неспособна власт ни уште две децении нема да ѝ бидат доволни. Нема да ѝ бидат доволни затоа што немаат план, ниту капацитет, но најважно од сè немаат чесна намера. Не сакаат да им помогнат на граѓаните, не сакаат да ја видат реалноста која е тешка, едноставно не ги интересираат граѓаните. Ги интересира само олигархијата и личните бизниси. И ова е вистинската дијагноза, овие луѓе за година и пол, опиени од успехот на изборите, заборавија дека економијата и економските политики, пред сè, треба да им служат на граѓаните“, рече Филипче од Гази Баба.

Македонија | пред 7 месеци

Филипче: Мицкоски сака негово судство, СДСМ нема да дозволи нови тефтерчиња од Белата палата

Претседателот на СДСМ, д-р  Венко Филипче, вечерва од Гази Баба каде се одржа граѓанска трибина „Се бориме за нашиот дом“ го обвини Христијан Мицкоски дека не сака реформи во правосудството туку го сака скроено по свој терк како во времето на Груевски и порача дека СДСМ нема да дозволи нови тефтеричња од белата палата.„Тоа е нивната намера, да закочат сè за да го вратат судството како во времето на Груевски. Не знае ВМРО-ДПМНЕ да владее ако има независни институции. Па кој ќе ја покрива нивната неспособност? Кој ќе нарачува пресуди кога ќе бидат во густо? Тоа е проблемот, на Мицкоски му треба судството под контрола за да може да сее страв, да се заканува, да уценува, исто како што беше во времето на неговиот ментор Груевски. Затоа избега од подадената рака на СДСМ за реформи. Му реков, ајде да ги донесеме реформите тоа го бараат граѓаните. Бараат независно судство, европски реформирано судство. Ајде да ја вратиме довербата во институциите. Јас не се плашам од независно судство, ама изгледа се плаши тој. Пола влада со кривични пријави, пола партија со матни бизниси. Затоа не сака“, порача Филипче.Филипче во Гази Баба исто така рече дека наместо правда и реформи, наместо судска фела и експерти, граѓаните добија само неправди по што испрати порака дека СДСМ нема да молчи ниту ќе дозволи партизација во судството.„Сега јасно му порачувам да престане да се заканува што ќе правел по изборите. Да не мисли дека ќе му молчиме ако решил да го партизира судството. Тоа нема да се дозволи. Или ќе има темелни реформи па нека одговараат сите што грешеле или нови судии од тефтерчињата од Белата палата нема да дозволиме“, потенцираше претседателот на СДСМ, д-р Венко Филипче од Гази Баба.

Македонија | пред 7 месеци

Мицкоски: СДС ќе доживеат дебакл на локалните избори, наместо програма и проекти нудат демагогија, навреди и црна кампања

Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг одржан во Гевгелија, во рамки на изборната кампања 2025 година, за претстојните локални избори, чиј слоган е ,,Вистинскиот избор! Твојот човек! Твоето место! Твојата иднина!“.Мицкоски кажа дека овие локални избори за противниците значат спас за нивните политички кариери и спас на нивните бизниси, но сепак ќе доживеат огромен дебакл.“Јасно е дека ова не се само локални избори, туку од вашиот глас зависи и тоа како ќе се развива државата и во кој правец ќе се движи. За нашите противници ова се избори каде тие сакаат да си ги спасат политичките кариери, но зад тоа стои намерата на човекот кој си ја приватизираше партијата и си управува час од Дубаи, час од Струмица, да си ги штити бизнисите и слободата. А за да се случи тоа, си најми изведувач, и клучот за ова нивно сценарио се состои во контролираното судство и обвинителство, чии резултати ги видовме вчера. За сомнеж за криминал од 100 милиони во РЕК, за Марковски одлучуваат куќен притвор. И затоа СДСМ и ДУИ не гласа за смена на Љупчо Коцевски, затоа што тоа е последниот бастион на длабоката држава со која ќе расчистиме после овие избори“ нагласи Мицкоски.Мицкоски истакна дека противниците се нервозни бидејќи повторно ќе доживеат дебакл на локалните избори, бидејќи немаат програма и проекти, а единствено што нудат се демагогија и навреди.„Токму за ова судство и обвинителство Филипче вчера кажа дека е професионално, иако досега видовме сè, само не професионализам. И знаат дека ова е последниот нивен крик и затоа се нервозни. На овие избори одат со гола демагогија и грст навреди и квалификации, наместо со програма и со проекти. И кажуваат дека се борат за нивниот дом, а нивниот дом не се вашите домови, туку се борат за заштита и спас на нивните украдени пари. И за да го направат тоа, знајте дека нема црвена линија која нема да ја распродадат и нема отстапка која нема да ја направат само за да стигнат до фотелја. Кога Филипче говори за црвени линии, тој говори за нов поклон и топка нафрлена кон Бугарија и ново газење на нашите македонски црвени линии. Тие добро знаат дека најголемата пречка за нивното лудило и отстапки сум јас, и оваа Влада во којашто се моите колеги, и затоа се фрустрирани и нервозни и затоа нивните апологети, како баби пред чешма, повикуваат на моја ликвидација, а тие од штабот на СДСМ не најдоа ни сила да се оградат од таквите нивни повици, што јасно ги покажува нивните мотиви. Но, од друга страна, барем народот гледа дека повиците за убиство, поклоните кон Бугарија и тезата дека судството со 2 проценти доверба се професионалци е понудата на оваа партија на овие избори е катаклизмична и затоа уверен сум дека на 19 октомври ги чека уште еден нов историски нов дебакл“ кажа Мицкоски.Мицкоски ги повика граѓаните на 19 октомври да гласаат за број 9 за подобра иднина.„Нашата борба не е само за една општина, не е само за еден град. Нашата борба е за секое семејство, за секое дете што сака подобро училиште, за секој млад човек што сака работа и останува тука, дома, во Македонија. Нашата борба е за достоинството на секој еден граѓанин. И затоа, оваа вечер ви велам  изборот е наш, и тој избор ќе ја одреди иднината. Не се плашете од предизвиците, не се двоумете пред лагите, затоа што нашата сила е во тоа што сме исправени, чесни и што знаеме за што се бориме. Ајде заедно да ја напишеме новата приказна на нашата татковина! Ајде да изградиме иднина за која ќе бидеме горди! Ајде да покажеме дека кога сме обединети, никој не може да нè запре“ истакна Мицкоски.

Македонија | пред 7 месеци

Сарамандов: Во Гевгелија ќе се реализираат две големи инвестиции кои ќе овозможат над 500 нови вработувања

Андон Сарамандов, кандидат за градоначалник за општина „Гевгелија“ од редовите на ВМРО-ДПМНЕ, на денешниот митинг одржан во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, се обрати и ги истакна реализираните проекти за неговиот четиригодишен мандат, од областа на комуналната, патната инфраструктура, проекти за заштита на животната средина, образованието, спортот, културата.„Горд сум што Гевгелија се развива во успешна, модерна и урбана заедница. Реализиравме повеќе капитални проекти од областа на комуналната и патната инфраструктура, проекти за заштитата на животната средина, образованието, туризмот, спортот и културата. Горд сум што во тек на реализација се две инвестиции во Гевгелија, кои во наредниот период ќе овозможат над 500 нови вработувања, горд сум што Гевгелија се развива во успешна, модерна и урбана заедница. А, со макотрпна работа успеавме да ги реализираме ветувањата на кои се обврзавме пред нашите сограѓани во 2021 година“, истакна Сарамандов.Во врска со изборната програма Сарамандов истакна дека таа е јасна, конкретна и гарантира развој на општина Гевгелија, и наброи дел од приоритетните проекти за наредните четири години.„Таа е реална, јасна, конкретна и гарантира развој на општина Гевгелија. Заедно со членовите на Советот ќе ги реализираме ветувањата за доброто на сите наши сограѓани. Секундарен влез и излез во градот преку улицата „Борис Кидрич“, реконструкција на улицата „Маршал Тито“, изградба на Кеј на Вардар, изградба Нов „Парк на Мирот“ на потегот кај Сува Река, нов фудбалски стадион во урбан блок 5 - „Касарна“, Модерен Градски Плоштад. Во програмата се обврзуваме и на други суштествени проекти за нашите сограѓани кои ќе ги реализираме во наредниот период. Реконструкција и проширување на патниот правец Динќут – Горничет, реконструкција на Пионерски дом во Гевгелија, изградба на трета фаза од каналот Рауљ, изградба на подземни контејнери во централното градско подрачје, реконструкција и целосна обнова на младинскиот дом во Миравци, изградба на фекален колекторски систем со пречистителна станица во Негорци“, посочи Сарамандов.На крај Сарамандов ги повика граѓаните да го направат вистинскиот избор, да гласаат за број 9, за нови проекти, напредок, и сигурност во општина Гевгелија.„Мои гевгеличани, време е за вистинската одлука, време е за нови проекти и уште повеќе резултати. Да избереме напредок, сигурност и посветеност. Ве повикувам на 19 октомври масовно да излезете и да гласате за број 9 за Советничката листа на ВМРО-ДПМНЕ и коалицијата „Твоја Македонија“!, дециден е Сарамандов.

Македонија | пред 7 месеци

Николоски: Со најголемиот инфраструктурен проект, брзата пруга Скопје-Солун, Гевгелија ќе биде центар за туризам и бизнис во регионот

Александар Николоски, потпретседателот на ВМРО-ДПМНЕ, денес се обрати од народниот митинг во општина Гевгелија, кој се одржа во рамки на изборната кампања со слоган ,,Вистинскиот избор! Твојот човек! Твоето место! За твојата иднина“, за локалните избори закажани на 19 октомври годинава. Николоски зборуваше за проектите на кои се работеше изминатиов период во Гевгелија, а се осврна и на обиколницата околу Гевгелија, којашто целосно ќе ја промени општината, браната Коњско, како и најголемиот инфраструктурен проект, а тоа е брзата пруга Скопје-Солун.,,Во последниве една година и 3 месеци со Владата предводена од премиерот Мицкоски, работите се сменија, Гевгелија доби огромна поддршка. Гордо можеме да зборуваме за реализирана програма или програма која што е во тек“, рече Николоски.Николоски истакна дека се работи на реконструкција и реставрација на заштитената стара чаршија во Гевгелија.,,Интензивно работевме да се обезбеди цела документација со цел да имаме реставрација одобрена од сите надлежни институции и да стане еден повторно нов симбол на градот“, кажа Николоски.Тој зборуваше и за изградбата на обиколницата околу Гевгелија, Западниот булевар, кој целосно ќе ја смени општината и начинот на функционирање како и начинот на сообраќајот, а го спомена и проектот за браната Коњско.,,Булеварот ,,Свети Климент Охридски“, кој што беше поддржан од Владата, преку програмите коишто ги има во рамки на Владата. А исто така се проектите коишто ги почнуваме во овој момент, тука е секако браната Коњско, којашто го виде светлото на денот и е при крај на реализација токму откако беше избрана оваа Влада, затоа што нејзината изградба беше целосно запрена“, истакна Николоски и додаде:,,Во моментов се проектира патот од брана Коњско до Ново Коњско околу 10 километри. Се очекува, во 2027 година да е завршен, до тогаш треба да е наполнета и браната и да имаме уште едно вештачко езеро во Македонија. Така работи ВМРО-ДПМНЕ“.Николоски се осврна на патната делница од Смрдлива Вода до ски центарот ,,Кожув“, и истакна дека се работи да се врати туризмот таму, а спомена и три проекти кои започнуваат сега. Во неговото обраќање, тој зборуваше и за водоводни канализациони системи на којшто се работеше изминатиов период.,,Тука се и три проекти коишто сега почнуваат, коишто за мене се навистина драги, во Моин, во Прдејци и во Богородица, за целосна реконструкција на улиците таму. Тука се и бројни водоводни канализациони системи, и бројни други проекти коишто се работеа во изминатиов период, а уште многу следуваат во годиниве коишто се пред нас“, вели Николоски.Николоски го нагласи и најголемиот инфраструктурен проект, брзата пруга Скопје-Солун, која ќе биде втората најголема железничка станица во земјава после скопската.,,Најголемиот инфраструктурен проект, којшто, не само Македонија, туку цела југоисточна Европа ќе го види, тоа е брзата пруга Скопје-Солун. Втората најголема железничка станица после скопската ќе е гевгелиската железничка станица, до Скопје ќе се патува за час и 10 минути до Солун за половина час“, рече Николоски и додаде:,,Тоа ќе значи многу и за бизнисот, затоа што солунското пристаниште буквално ќе е на дланка за сите компании кои што извезуваат, а најавувам дека веќе е избран изведувач и за многу брзо време ќе почнеме и на проширување на постојниот граничен премин. Ќе се додадат дополнително ленти, со цел бизнисот, оние кои што се занимаваат со транспорт, полесно да може да функционираат“.Александар Николоски, потпретседателот на ВМРО-ДПМНЕ, денес се обрати од народниот митинг во општина Гевгелија, кој се одржа во рамки на изборната кампања со слоган ,,Вистинскиот избор! Твојот човек! Твоето место! За твојата иднина“, за локалните избори закажани на 19 октомври годинава. Николоски зборуваше за проектите на кои се работеше изминатиов период во Гевгелија, а се осврна и на обиколницата околу Гевгелија, којашто целосно ќе ја промени општината, браната Коњско, како и најголемиот инфраструктурен проект, а тоа е брзата пруга Скопје-Солун.,,Во последниве една година и 3 месеци со Владата предводена од премиерот Мицкоски, работите се сменија, Гевгелија доби огромна поддршка. Гордо можеме да зборуваме за реализирана програма или програма која што е во тек“, рече Николоски.Николоски истакна дека се работи на реконструкција и реставрација на заштитената стара чаршија во Гевгелија.,,Интензивно работевме да се обезбеди цела документација со цел да имаме реставрација одобрена од сите надлежни институции и да стане еден повторно нов симбол на градот“, кажа Николоски.Тој зборуваше и за изградбата на обиколницата околу Гевгелија, Западниот булевар, кој целосно ќе ја смени општината и начинот на функционирање како и начинот на сообраќајот, а го спомена и проектот за браната Коњско.,,Булеварот ,,Свети Климент Охридски“, кој што беше поддржан од Владата, преку програмите коишто ги има во рамки на Владата. А исто така се проектите коишто ги почнуваме во овој момент, тука е секако браната Коњско, којашто го виде светлото на денот и е при крај на реализација токму откако беше избрана оваа Влада, затоа што нејзината изградба беше целосно запрена“, истакна Николоски и додаде:,,Во моментов се проектира патот од брана Коњско до Ново Коњско околу 10 километри. Се очекува, во 2027 година да е завршен, до тогаш треба да е наполнета и браната и да имаме уште едно вештачко езеро во Македонија. Така работи ВМРО-ДПМНЕ“.Николоски се осврна на патната делница од Смрдлива Вода до ски центарот ,,Кожув“, и истакна дека се работи да се врати туризмот таму, а спомена и три проекти кои започнуваат сега. Во неговото обраќање, тој зборуваше и за водоводни канализациони системи на којшто се работеше изминатиов период.,,Тука се и три проекти коишто сега почнуваат, коишто за мене се навистина драги, во Моин, во Прдејци и во Богородица, за целосна реконструкција на улиците таму. Тука се и бројни водоводни канализациони системи, и бројни други проекти коишто се работеа во изминатиов период, а уште многу следуваат во годиниве коишто се пред нас“, вели Николоски.Николоски го нагласи и најголемиот инфраструктурен проект, брзата пруга Скопје-Солун, која ќе биде втората најголема железничка станица во земјава после скопската.,,Најголемиот инфраструктурен проект, којшто, не само Македонија, туку цела југоисточна Европа ќе го види, тоа е брзата пруга Скопје-Солун. Втората најголема железничка станица после скопската ќе е гевгелиската железничка станица, до Скопје ќе се патува за час и 10 минути до Солун за половина час“, рече Николоски и додаде:,,Тоа ќе значи многу и за бизнисот, затоа што солунското пристаниште буквално ќе е на дланка за сите компании кои што извезуваат, а најавувам дека веќе е избран изведувач и за многу брзо време ќе почнеме и на проширување на постојниот граничен премин. Ќе се додадат дополнително ленти, со цел бизнисот, оние кои што се занимаваат со транспорт, полесно да може да функционираат“.

Македонија | пред 7 месеци

Ацевски: Ѓорче е уништено од бетонизација, време е да ставиме крај

„По четири години владеење на ДПМНЕ, Ѓорче денес е безидејно бетонизирано, со запуштени јавни површини и без основна грижа за потребите на граѓаните. Четири годишни општински буџети и плус унгарски кредит од над 1 милијарда, точно 1.189.000.000 денари, се трошат оваа година во Ѓорче, а сè уште нема реализација на ниту еден капитален проект, рече кандидатот за Градоначалник на Ѓорче Петров, Костадин Ацевски.Тој потенцираше дека актуелниот градоначалник на Ѓорче ја однесе општината во амбис, а од ветеното нема ништо.„Не е решен проблемот со притисокот на водата. Нема алтернативно сообраќајно поврзување за Волково, Ново Село, Кисела Јаболка и Даме Груев со останатиот дел од општината и градот. Нема нови кружни текови. Ама затоа има нови згради. Сè повеќе и повеќе. Сè помалку паркинг, сè помалку слободни пешачки патеки, и сè помалку зелени површини. Знам дека сега се ветува сè и сешто. Граѓаните буквално се бомбардирани со ветувања кои ги слушаат со години“, потенцираше Ацевски.Од трибината во Ѓорче, Ацевски побара шанса од граѓаните за хуман развој на општината, каде што човекот ќе биде пред профитот, а интересите на граѓаните ќе бидат пред интересите на инвеститорите.„Барам шанса за Ѓорче да го вратиме на граѓаните. Шанса за да ја стопираме бетонизацијата. Да го стопираме издавањето на градежни дозволи за згради. Ќе ги анализираме урбанистичките планови и нема да дозволиме изградба на нови згради онаму каде што локациските и просторните услови не го дозволуваат тоа. Барам шанса да ја стопираме изградбата на нови згради во Хром и во централниот дел на Ѓорче“, порача Ацевски.Во својот план и визија, тој најави чисто, поврзано и развиено Ѓорче: каде ќе го решиме проблемот со хигиената, зелените површини ќе се одржуваат навремено и редовно и ќе се подигнат нови зелени површини. „Барам поддршка и за алтернативна сообраќајница од Волково преку Ново Село и Кисела Јаболка, покрај Лепенец, на улица Лепенечка и понатаму со надвозник кон Карпош и остатокот од градот“, рече Ацевски.Најави нови современи детски градинки и подобрување на условите во училиштата, младите да добијат активна улога во креирањето на локалните политики, и обврска кон социјално ранливите категории, создавајќи општина за еднакви можности.„Ќе работиме на секоја улица и во секое населено место. Ќе се бориме за секоја улица и за секое населено место. И сите ние, заедно, ќе покажеме дека Ѓорче може и мора подобро!“, порача Ацевски.

Македонија | пред 7 месеци

Филипче: Мицкоски од уста не ме вади, нема ниту едно дело па затоа мора да плука

Претседателот на Социјалдемократскиот сојуз на Македонија, д-р Венко Филипче, на граѓанската трибина во Ѓорче Петров, рече дека ВМРО-ДПМНЕ и Христијан Мицкоски немаат никакви резултати зад себе, па затоа се служат со лаги, спинови и напади врз опозицијата.„Го гледам Мицкоски, од уста не ме вади во оваа кампања. Човекот изгледа не може да сфати дека е на власт и дека треба да промовира што направил, а не да се занимава со опозицијата. Секој ден нова измислена афера по стариот терк, но сега веќе никој не му верува.  Кога немаш ниту едно дело, останува само да плукаш. На Мицкоски треба да му биде едно јасно: граѓаните не живеат од неговата пропаганда“, порача д-р Филипче.Претседателот на СДСМ истакна дека граѓаните веќе ја препознаваат неспособноста на актуелната власт и дека секојдневно се чувствуваат последиците од погрешните политики на ВМРО-ДПМНЕ.

Македонија | пред 7 месеци

Мицкоски до Филипче: Професионално ли е што судот на Марковски за стомилионски криминал му дава куќен притвор?

Претседателот на ВМРО-ДПМНЕ, Христијан Мицкоски,  се обрати од  народниот митинг одржан во општина Богданци, во рамки на изборната кампања 2025 која е под слоганот ,,Вистинскиот избор! Твојот човек! Твоето место! За твојата иднина!“, за претстојните локални избори закажани на 19 октомври. Мицкоски зборуваше на темата за судството и обвинителството во земјава. Според него, луѓето кои ги направија предавствата на државата, кои менуваа име и Устав, и кои изнесуваа милиони надовр од неа, повторно се обидуваат да го лажат народот, а нивната лагодност е во тоа што знаат дека имаат чувари во судството и обвинителството, и притоа лидерот на СДСМ се изјаснува во јавноста дека 2% доверба на граѓаните во судството за него е професионално. Тој додаде дека после локалните избори, потребен е ресет на системот.,,И кога ќе ме запрашаат од каде почнавте да работите овие 15 месеци како Влада, одговорот е тежок, затоа што велиме дека започнавме од самите темели. Толку тие беа разрушени, разјадени и ослабени што, по три децении независност и седум години катастрофално владеење, моравме повторно да почнеме од темелите на Македонија“, рече Мицкоски.Мицкоски нагласи дека кај истите луѓе кои ја распродаваа историјата на државата, менуваа Устав и изнесуваа милиони надвор од неа, има отсуство на срам и според него, покажува дека го потценуваат народот, а и повторно се обидуваат да го излажат.,,Навистина гледам дека тие исти луѓе кои седум години уриваа, кои менуваа име, Устав, распродаваа историја, крадеа, купуваа трговски центри, изнесуваа милиони, правеа дилови на грбот на народот, истите тие ги има фатено една колективна амнезија и без мува да ги лази излегуваат и коментираат, обвинуваат и лажат. Кај сите до еден кај нив има огромно отсуство на срам, и тоа отсуство на срам, говори дека не само што не научиле ниту една лекција, туку ја потценуваат интелигенцијата на народот и повторно сакаат да го излажат со истите фрази, со истите зборови“, кажа Мицкоски и додаде:,,Заев ветуваше живот, а овој сега неговиов наследник, Филипче, ветува среќа. Првиот ветуваше дека ќе ја заштити македонската жица од гитарата, вториот имал црвени линии со Бугарија. Првиот му ја води кампањата, а пак овој вториов слепо го следи. И нивната комоција се должи, освен на отсуството на срам, и на нивната желба за моќ, пари и богатење на грбот на народот. Просто е прашањетом, како со државна, докторска или градоначалничка, па и премиерска плата се стигнува до згради и златна виза во Дубаи? Милионски имот кој вртоглаво расте во годините кога тие се влада. Одговорот е преку криминал и неказнета корупција“.Според него, нивната лагодност се должи на тоа што тие знаат дека имаат чувари во правосудството, и за кое лидерот на опозициска СДСМ изјавува дека ова судство кое ужива само 2% доверба било професионално.,,Нивната лагодност се должи и на фактот што имаат чувар во обвинителството и судството, кои се пак последниот бастион на оваа наша длабока држава. Го слушав внимателно, вчера Венко Филипче како говори дека тоа судство и обвинителство е професионално. Замислете, ова судство и обвинителство со два процента рејтинг било професионално. Тоа што повеќе од 100 пријави ги држат во фиока, тоа што ќутат и тоа молчат за плацовите, вилите, за бизнисите со државни тендери, за вакцините од Кина, не ги прави професионални, туку напротив, ги прави криминални“, вели Мицкоски.Мицкоски додаде дека, сопственикот на омилената фирма на СДСМ и ДУИ, Марковски, на кој за сомнеж за криминал од сто милиони му е доделен куќен притвор, според него ова не е професионално туку криминално.,,И додека ова Филипче го говори, во истиот момент, во исто време судот на сопственикот на омилената фирма на СДСМ и ДУИ, Марковски, кој парче по парче направи во РЕК, за сомнеж за криминал од сто милиони, му доделија куќен притвор. Да го прашам Венко, професионално ли е што за сто милиони неговиот суд му дава само куќен притвор, а за некој што украл 10  ќебапи има притвор со месеци? Во ништо од ова нема професионално, туку само криминално“, посочи Мицкоски.Мицкоски нагласи дека после локалните избори годинава, на државата и е потребен целосен ресет, и само на тој начин ќе обезбеди иднина.,,И од тоа бегате упорно затоа што знаете дека после овие избори, лично ќе се позанимавам со правдата која за сите оние што се огрешиле е недостижна. И тоа мора да се смени, затоа што на Македонија повеќе од сè досега ѝ треба ресет на системот и не само во судството и обвинителството, туку ресет и во секоја пора од општеството. Ресет на вредностите кои ги газат и на сфаќањата кои мораат да ги променат. И само така сите ние, заедно, ќе обезбедиме иднина каква заслужуваме, целосно свесни дека ова е најважната битка на нашата генерација, која мораме да ја победиме“, заклучи Мицкоски.

Македонија | пред 7 месеци

Филипче: Коки е човек од народот, направи повеќе за Ѓорче од актуелниот градоначалник на ДПМНЕ

Претседателот на СДСМ, д-р Венко Филипче, од граѓанската трибина „Се бориме за нашиот дом“ во Ѓорче Петров испрати порака дека во Ѓорче луѓето препознаваат кој е работник, а кој манипулатор и кој вистински ја сака општината, а кој е дојден за функција.„Ѓорчевци се посебни луѓе, луѓе кои ценат труд, работа и искрена грижа за општината. Прво, сакам да кажам нешто за Костадин Ацевски, за Коки. Го следам Коки како работи во кампањата, но го следев и како работеше во сите изминати години за општината. Па, човекот и нашите партиски другари кои се без функција во општината имаат повеќе сработено од градоначалникот. Имаат повеќе искосено, повеќе клупи поправено, повеќе корпи за отпадоци поставено отколку ВМРО-ДПМНЕ и нивниот неспособен градоначалник. За овие луѓе не требаат зборови и ветувања, доволно е да ги видите нивните дела и знаете дека се вистинскиот избор. Тие веќе докажаа како знаат да работат, колку ја сакаат општината и граѓаните и каква граѓанска одговорност имаат“, рече Филипче.Притоа, тој потсети на проектите кои Владата на СДСМ ги реализираше во Ѓорче Петров, а тоа се: нова детска градинка во Волково, модернизирање на системот за јавно осветлување, уредување на зелената срцевина на Ѓорче корзото, новиот изглед на улиците во Ѓорче, Волково, Кисела Јабука, Александрија, Орман и Кучково за овој континуитет после четири годишниот застој Филипче побара масовна поддршка од Ѓорче Петров.„Сега е потребна борба. Има уште седум дена до изборниот молк. Седум дена во кои барам секој еден од вас да го вложи секој атом енергија и да ги промовира нашите добри кандидати и политики. На овие избори СДСМ излезе со чесна понуда. Со луѓе кои докажано знаат и умеат, луѓе кои се од народот и ќе работат за народот, луѓе кои нема да се затворат во своите кабинети откако ќе ги изберете. Понудивме луѓе кои секојдневно ќе ги гледате на улиците како го прават Ѓорче подобро и поубаво место за живеење токму како што и сега го прават“, порача Претседателот на СДСМ, д-р Венко Филипче.

Македонија | пред 7 месеци

Пеев: Имаме план за нова регионална патна врска Ѓавото-Грчиште и ќе го реконструираме системот за водоснабдување во Богданци

Марјан Пеев, кандидат за градоначалник на општина Богданци од ВМРО-ДПМНЕ за локалните избори закажани на 19 октомври годинава, се обрати од денешниот народен митинг во Богданци, во рамки на изборната кампања 2025 година со слоган ,,Вистинскиот избор! Твојот човек! Твоето место! За твојата иднина!Пеев посочи дека треба конечно да се стави крај на самоволието кое ги одредува општинските политики и кажа дел од проектите и плановите за Богданци.„Треба конечно да ставиме крај на самоволието кое ги одредува општинските политики. Во програмата имаме големи планови за општина Богданци. Итно ќе ги донесеме урбанистичките планови за Богданци и урбанистичка документација за села потребни за развој на општината. Ќе инвестираме во соларна фарма за производство на електрична енергија за потребите на пумпна станица во Ѓавото, ќе обезбедиме поврзување на сите населени места со Богданци преку субвенциониран општински линиски превоз, ќе инсистираме препораките од ИЗИИС да се исполнат и образовниот процес на основците да се врати во објектот на основното општинско училиште Петар Мусев Богданци, имаме сериозен план за подобрување на локалната инфраструктура преку патна поврзаност со нова регионална врска Ѓавото-Грчиште, реконструкција на систем за водоснабдување во Богданци, реконструкција и ревитализација на локални улици во сите населени места, обнова и изградба на детски и спортски игралишта, ќе ја доизградиме инфраструктурата во индустриските и туристичката зона, поддршката за младите, пензионерите и ранливите категории на граѓани нема да биде само декларативна туку и суштинска. Културните збиднувања и настани ќе ги издигнеме на повисоко ниво и ќе бидат достапни за сите“ кажа Пеев.Пеев ги повика граѓаните да гласаат за број 9 на 19 октомври за Богданци да стане посакувано и поубаво место за живеење.„Во наредните 4 години општина Богданци ќе стане посакувано место за живеење, планираме да изградиме професионална и ефикасна администрација и да донесеме низа стратешки документи битни за развој на општината. Имаме обврска секоја институција, секој јавен простор и секоја услуга во надлежност на општината да ја направиме достапна за сите. Нема да биде лесно затекнавме инфраструктурно руинирана општина но имаме многу проекти кои значат подобрување на квалитетот на живот во општина Богданци. Мнозинството граѓани знае да ја направи разликата помеѓу вредни, посветени луѓе со реални ветувања од една страна и луѓе кои имаат ветувано се и сешто без реализација. Направете го вистинскиот избор за општина Богданци. Заокружете број 9“ заклучи Пеев.

Македонија | пред 7 месеци

Николоски: Темната коалиција на СДСМ-ДУИ-Левица е во очај и тешка паника и затоа треба масовна излезност

Потпретседателот на ВМРО-ДПМНЕ, Александар Николоски, се обрати од народниот митинг одржан во општина Богданци, во рамки на изборната кампања 2025 година која е под слоганот ,,Вистинскиот избор! Твојот човек! Твоето место! За твојата иднина!“, за претстојните локални избори закажани на 19 октомври. Николоски зборуваше за опозициската структура, СДСМ-ДУИ-Левица, кои како што кажа, водат црна кампања за претстојните локални избори. Тој упати и прашање до претседателот на СДСМ, околу случувањата со ковид кризата во земјава, во време кога Венко Филипче беше министер за здравство. Николоски потсети на скандалозните тендери со вакцините, како и недостатокот на вакцини, а и на тоа дека Македонија за време на неговиот мандат се искачи на врвот на црните листи, поради неговото лошо менаџирање со здравствениот сектор.,,Целокупниот фокус на Владата е насочен кон подобрување на стандардот, кон подобрување на начинот на живот. Но, исто така, мора да знаеме дека на другата страна, имаме структура, имаме луѓе коишто поинаку размислуваат, кои што сакаат да не вратат назад. Тоа е темната коалиција на СДСМ-ДУИ-Левица, коишто водат најцрна можна кампања, откако сме виделе кампања во избори. Тие се во очај, во тешка паника, и затоа треба масовна излезност. За да ставиме точка, да не оставиме простор на ниеден од нив, да мисли дека овие процеси се повратни и да мислат дека било што можат да направат за повторно да дојдат во позиција да одлучуваат за иднината на Македонија“, рече Николоски и додаде дека оваа коалиција треба да исчезне по локалните избори:,,Таа коалиција на Али Ахмети, Венко Филипче и Димитар Апасиев, треба да исчезне после овие избори, со цел да можеме да се фокусираме на она што е најбитно, најзначајно, а тоа е економскиот раст и просперитет“.Николоски упати прашање до претседателот на опозициската СДСМ, Венко Филипче, во врска со состојбата за време на ковид пандемијата, кога Министерството за здравство беше под покровителство на Филипче. Прашањето се однесуваше на, како што вели Николоски, црната статистика, според која Македонија заврши на врвот на истата, поради лошиот менаџмент од страна на Филипче, што ги доведе граѓаните да чекаат донации од други земји, или да одат во тие во регионот.,,Со денови претседателот на СДСМ, Венко Филипче, одбегнува еден одговор, на едно многу едноставно прашање, а тоа е: Како дозволи како министер за здравство да Македонија во црните листи, за жал е на врвот, односно Македонија најлошо да се справи со корона кризата и зошто десетици, стотици семејства останаа завиени во црно, заради неговиот лош менаџмент во здравството, заради криминалните тендери со набавка на вакцини. Па кога истата шема беше откриена, од нас тогаш како опозиција, да нема никакви вакцини и да треба луѓето да одат во соседните држави, за да можат да си го спасат животот или да чекаме тука донации. Тука беа и набавките по три пати до десет пати повисоки цени на заштитна  опрема, што не донесе како држава на црната статистика во врвот. Може ли да даде одговори кога оди и вели салата правел или не знам што правел, како Македонија стигна до овие бројки“, вели Николоски.Според Николоски, одговорот на прашањето е едноставен: ,,Одговорот е многу едноставен и затоа бегаат, како што и во тоа време мислеа само на криминал и корупција“.

Македонија | пред 7 месеци

Стефковски: Програма со главен фокус на детска заштита, нула комуналии за изградба на индивидуални објекти за млади брачни парови

Бобан Стефковски, кандидат за градоначалник за општина Гази Баба, од редовите на ВМРО-ДПМНЕ, денес гостуваше во дебатната емисија „Локални избори 2025 - изборни соочувања“ на МРТ1 и кажа дека изминатите четири години одговорното, чесното и транспарентно работење резултираше со реализација на проекти во сите населени места, водејќи сметка за рамномерен регионален разој на општина Гази Баба. Стефковски истакна дека неговата програма опфаќа вкупно 505 проекти за наредниот период од четири години со главен фокус на детската заштита и изнесе дел од истите.„Покрај тоа што во моментов се градат градинки во Трубарево и Инџиково, предвидуваме изградба на детска градинка во Керамидница, Хиподром 2, Сингелиќ и Маџари. Изградба на спортски сали и подобрување на спортската инфраструктура предвидуваме во Ченто, Железара, Сингелиќ, Страчинци и да се обнови онаа фискултурна сала во студентскиот дом „Стив Наумов“. Изградба на фекална канализација во населените места Раштак, Виниче, Булачани, Брњарци и Ергеле. Потоа катни гаражи во Автокоманда и во Ченто“, рече Стефковски и додаде:„Она што ме радува, ветуваме еден проект за младите брачни парови, а тоа е нула комуналии за изградба на индивидуални објекти за младите брачни парови до 29 години, изградба на амбуланта во Автокоманда, субвенции на граѓаните за енергетско ефикасни фасади во колективните згради, за набавка на клими, сончеви колектори, велосипеди. И продолжување на модернизацијата на јавното комунално претпријатие како вистински сервис на граѓаните“.Стефковски се осврна и на оние проекти кои значат развој и унапредување на општината во делот на мобилност и инфраструктура ги додаде и капиталните проекти содржани во неговата програма, а кои се во насока на решавање на сообраќајниот метеж во општината Гази Баба.„Изградба на булевар Хрватска во првата фаза од Бутел до Железара и потоа во втората фаза од Железара до Автокоманда, доизградба на булеварот АСНОМ, клучка на булеварот Александар Македонски којашто ќе ја поврзе новата населба Хиподром 2 и индустриската зона Инџиково, комплетна реконструкција на регионалниот пат 1102 којшто води од Ергеле до Дрма, комплетна реконструкција на регионалниот пат којшто води од Хиподром 2 до Илинден и реконструкција на регионалниот пат Јурумлери- Драчево“, заклучи Стефковски.

Македонија | пред 7 месеци

Лукровски: Два мега паркови, Парк 1020 и Хајкинг Делта парк

Сотир Лукровски кандидат за градоначалник за општина Карпош од редовите на ВМРО- ДПМНЕ, денес гостуваше во емисијата „За или против“ на телевизија Алфа, при што истакна дека неговата кандидатура е мотивира од желбата за придонес кон општото добро во општината Карпош. Притоа, Лукровски ја сподели неговата визија за тоа како ја гледа општина Карпош во наредните четири години.„Карпош да биде разеленет, исчистен, да им овозможиме на луѓето да имаат паркинг места, со бизнис заедницата да поработиме тие се можност за нашите млади, за вработувања, за развивање на подобар Карпош, со сите групации на граѓани, спортисти, култура, да направиме еден Карпош каков што го паметиме пред години“, вели Лукровски.Лукровски сподели дека во неговата програма е предвидено формирање на јавно претпријатие Карпош план и појасни што ќе биде предмет на работа на истото. Исто така нагласи дека Карпош ќе се гради плански, транспарентно во соработка со граѓаните.„Планираме формирање на јавно претпријатие Карпош план кое ќе се занимава со изработка на сите оние ДУП-ови, ревизија на старите, со легализациите кои се голем проблем на граѓаните кои со години чекаат. Карпош ќе се гради, да го градиме плански, да го градиме транспарентно, да биде тоа еден инклузивен процес со граѓаните“, појасни Лукровски.Во делот на транспарентноста на општината, Лукровски ја презентираше и идеата за изработка на апликацијата „Мој Карпош“ која ќе им овозможи на граѓаните на Карпош пристап до навремени информации за тековни културни и спортски настани во општината, за вадење на документи, како и увид во трошењето на средствата на општината.„Планираме да направиме апликација „Мој Карпош“, преку која граѓаните ќе ја имаат општината на дланка. Со еден, два, три клика да можат да стигнат до сите информации, дали ќе биде тоа што се нуди во тековниот месец од културни настани, спортски, одредени информации за вадење на документи. Меѓудругото ќе можат во секое време преку финансиските извештаи да видат како општината ги троши нивните средства“, рече Лукровски.Во делот на зелената агенда, Лукровски како кардинални проекти ги најави и изградбата на двата мега паркови, Парк 1020 и Хајкинг Делта Паркот.„Два големи мега парка, паркот кој го нарековме 1020, во делот на течението на Лепенец од Бардовци ќе се протега покрај Злокуќани, према Влае, тука имаме негде околку 500.000м2 државна земја, голем парк со ботаничка градина, картинг стаза со европски стандарди, терен за голф, забавни содржини за најмладите. Во делот на Средно Водно, заедно со Градот, Хајкинг Делта Парк, од подножјето над последните куќи во Карпош, од 3 точки ќе се поаѓа во близина на црквата Свети Јован, па централно, па во Нерези, вело патеки, пешачки патеки. Три патеки кои на крајот ќе завршуваат во една, тој појас ќе го појачаме со 10.000 нови автохтони дрва, ќе допридонесеме за нова вегетација, ќе издградиме и летниковци“, заврши Лукровски.

Македонија | пред 7 месеци

(Видео) Шпанија се подготвува за катастрофа: Бурата „Алис“ носи поројни дождови и опасност од локални поплави

Западна Европа е погодена од силна бура наречена „Алис“, а најтешко е погодено крајбрежјето на Коста Бланка во Шпанија, каде што е прогласено највисоко ниво на тревога.Метеоролозите предупредуваат на „исклучителен ризик“ поради обилни врнежи од дожд, кои би можеле да предизвикаат поплави, особено во туристичките центри како Аликанте и Валенсија.Шпанската метеоролошка агенција AEMET издаде црвена тревога, наведувајќи дека се очекуваат повеќе од 140 милиметри дожд за само 12 часа.Постои исклучителен ризик. Можни се поплави и ненадејни поплави. Следете ги упатствата на цивилната заштита, гласи предупредувањето.Според прогнозите, врнежите од дожд треба да започнат околу 10 часот наутро денес и да траат до понеделник. Покрај Валенсија, ќе бидат погодени и регионите Мурсија и Балеарските Острови.Службите за итни случаи се во состојба на тревога и на Ибица, каде што е прогласена портокалова тревога поради бури и силни ветрови. Локалните власти предупредуваат дека поројните дождови би можеле да предизвикаат локални поплави во низините, реките и потоците.Валенсија претрпе катастрофални поплави во октомври минатата година, во кои загинаа повеќе од 220 луѓе. Трагедијата предизвика масовни протести од граѓаните, кои ги обвинија властите дека не го предупредиле населението навреме.Само пред еден месец, истата област повторно беше погодена од обилни дождови, кои затворија училишта и универзитети, предизвикаа прекини во железничкиот и патниот сообраќај и нови локални поплави.Метеоролозите сега стравуваат дека бурата „Алис“ би можела да донесе слично сценарио ако врнежите продолжат со ист интензитет во текот на викендот.

Свет | пред 7 месеци

(Видео) Итни служби на терен по силна експлозија во САД, неофицијално повеќе жртви

Силна експлозија ја погоди фабриката за воени експлозиви „Accurate Energetic Systems“ во Тенеси, САД, предизвикувајќи потрес што се почувствува на километри околу и предизвика итна реакција на службите за спасување, соопштија властите и очевидци.Експлозијата се случила во близина на градот Бакнорт, околу 97 километри југозападно од Нешвил, главниот град на Тенеси.Службите за итни случаи брзо објавија апел преку социјалните мрежи, повикувајќи ги граѓаните да го избегнуваат тоа подрачје за да им се овозможи на спасувачите непречено да работат.Медицинскиот техничар на округот Хикман, Дејвид Стјуарт, изјави дека за сега нема информации за повредени, бидејќи службите не можеле веднаш да пристапат до местото на настанот.Властите сè уште работат на проценка на ситуацијата и спречување на дополнителни експлозии, додека се чекаат нови информации за повредени и предизвикана штета.Според неофицијални извори, најмалку 19 лица се водат како исчезнати, а има и информации за загинати.

Свет | пред 7 месеци

(Видео) Скандалозна снимка ја урна директорската фотелја на д-р Кузмановски - Алиу го разрешува од Неврологија

Скандалозна снимка на која се гледа докторот-невролог Иван Кузмановски се прошири на социјалните мрежи. Истата предизвика лавина коментари. Министерот за здравство, Азир Алиу, по неа, донесе итна одлука за разрешување на докторот од директорската позиција на Клиниката за неврологија.„Министерството за здравство информира дека министерот Азир Алиу денес донесе решение за разрешување на директорот на ЈЗУ Универзитетска клиника за неврологија, проф. д-р Игор Кузмановски. Во најкраток рок ќе биде именуван нов директор согласно законските процедури. Работата на Клиниката продолжува непречено“, стои во известувањето од Министерството за здравство.Снимката погледнете ја тука:

Македонија | пред 7 месеци

(Видео) Министерски автомобил во „лудо“ возење на Партизанска: Алиу ќе го казни возачот кој прекрши низа прописи

Претекнување преку две ленти со вклучени флешери, газење на линиите за застанување на пешачки премин каде поминуваа пешаци, преминување од втора лента за приклучување на друга улица пред автобус кој чека на семафор за потоа низ крстосницата да се врати на булеварот. Вака изгледаше „лудото“ возење со автомобилот сопственост на СОЗР, а во кое се превезува министерот за здравство Азир Алиу. Сето ова, се случуваше на булеварот „Партизански одреди“ кој е еден од најфреквентните.Снимката предизвика револт, особено што, возачот употребил и флеш-светилки. Дали во автомобилот, во критичниот момент бил и министерот – тој не одговори. За „Скопје1“ посочи дека возачот ќе сноси одговорност.„Започната е адмнистративна постапка за возачот и истиот исто така е казнет од страна на МВР“, вели во кусот одговор, без да одговори на нашето прашање, дали бил со него во критичниот момент.Навидум, опасносто возење, се случува токму на потегот каде досега има неколку повредени пешаци, а каде велосипедист загина – во Карпош 4 пред „Сити мол“.

Македонија | пред 7 месеци