Филипче: Се бориме и ќе се избориме за нашиот заеднички дом

Претседателот на СДСМ, Венко Филипче, денеска на конвенцијата на партијата ги презентираше кандидатите за градоначалници и советници за локалните избори 2025 година. Во своето обраќање, тој порача дека СДСМ и коалициските партнери повторно ја преземаат обврската да бидат двигатели на слободата, правдата и еднаквоста, но и гаранти за европската иднина на државата.„Нашиот заеднички дом ни ја дава таа задача и таа обврска и ние ја прифаќаме. Ќе се бориме и ќе се избориме во име на нашиот заеднички дом. Затоа денеска нашите граѓани и нашата држава се пред историски одлуки. Пред нас е нова битка за стабилна, интегрирана и просперитетна Македонија. “, изјави Филипче.Филипче ги охрабри граѓаните да ја поддржат програмата и кандидатите на СДСМ на претстојните локални избори:„Ако веруваме дека Македонија има шанса и иднина, тогаш треба да веруваме во изборот на чесни луѓе кои се грижат и се борат за нашиот дом, а не само за себе. Нашите чесни кандидати за градоначалници и советници во општините таа поддршка нема да ја изневерат“, рече Филипче.Филипче, својот говор пред присутното членство и избраните кандидати за градоначалници и советници го заврши со порака за единство.„Денес застануваме пред сите граѓани на Македонија со јасна порака. Пред нас имаме момент на нов почеток. Вреди оваа борба за подобра македонска сегашност и иднина. Да живее СДСМ, да живее Македонија, да живеат македонските граѓани!“, рече Филипче на Конвенцијата.

Македонија | пред 7 месеци

Филипче: ЗНАМ ги изневери луѓето кои сакаа промена, ве изневери вас, ве повикувам да се вратите дома

На денешната конвенција за презентација на кандидатите за градоначалници и советници за локалните избори 2025 година, претседателот на СДСМ Венко Филипче истрапи порака со сопартијците кои на минатите избори гласаа за ЗНАМ.„Сакам да им порачам нешто што повеќето од нив го знаат и чувствуваат. ЗНАМ длабоко ве изневери. Наместо борба и коректори на власта, станаа декор во Владата за лични интереси. Молчат и одработуваат. Наместо отпор, покажаа целосна сервилност кон ВМРО-ДПМНЕ. Затоа сакам јасно да ви кажам, вие не сте го изневериле СДСМ, ЗНАМ ве изневери вас. Вашиот протестен глас го разбирам, но ве повикувам да се вратите дома“, рече Филипче.Тој потенцираше дека лагите на Максим Димитриевски и неколкумина, заради лични интереси, го искористија и злоупотребија гласот на оние кои сакаат искрени промени во СДСМ, но наместо коректори на политиките гласовите го вратија стариот познат режим на ВМРО-ДПМНЕ.„Вашиот протестен глас, без ваша намера, помогна токму ВМРО да се врати на власт. Сите го чувствуваме тоа денес. Се вратија партизацијата, стравот, неспособноста. Сега веќе е јасно дека нема трети патишта. Или има силна опозиција, или ВМРО ќе владее без контрола, со поделени луѓе кои веруваат во социјалдемократската идеја“, потенцираше Филипче на конвенцијата.

Македонија | пред 7 месеци

(Видео) Американското оружје „Леонидас“ урна 49 дронови со еден удар

Американската компанија Epirus објави видео од демонстрација на своето противдронско оружје „Леонидас“, во кое со еден единствен импулс на насочена енергија биле урнати 49 дронови одеднаш. Настанот предизвика голем интерес во јавноста и медиумите, а експертите го нарекуваат вистинска технолошка пресвртница.Дроновите, како што посочуваат безбедносни аналитичари, се двојна закана – се појавуваат од непредвидливи насоки и се доволно евтини за да се користат во огромен број. Поради тоа, тие претставуваат ризик не само во воени конфликти, туку и за цивилното воздухопловство.„Леонидас“ функционира со микробранови, зраци кои ја уништуваат електрониката на беспилотните летала. Системот е базиран на нова генерација полупроводници од галиум нитрид, кои овозможуваат помала потрошувачка на енергија и поголема мобилност во споредба со старите вакуумски цевки.Особено впечатлива е способноста на системот да делува „еден спрема многу“ – односно истовремено да уништува цела група на дронови. Покрај тоа, може и прецизно да таргетира само еден летечки објект без колатерална штета или да програмира забранети воздушни зони.Демонстрацијата се одржа пред месец дена во Камп Атербери, Индијана, каде што „Леонидас“ успеал да собори 61 дрон со 100% ефикасност. Кулминација било моментот кога системот едновремено се справил со група од 49 дронови.Ова е пресвртница за Epirus. Веруваме дека демонстрацијата покажа дека „Леонидас“ е единственото оперативно решение против рој дронови по принципот ‘еден спрема многу’, изјави извршниот директор на компанијата, Енди Лоури.Видео-снимката објавена од компанијата прикажува како дроновите речиси во исто време паѓаат од небото, како „невидлива рака“ да ги пресекла нивните врски.

Свет | пред 7 месеци

Филипче до членовите на СДСМ: Вие сте темелот на ова движење, заедно ќе се бориме за нашиот дом

Претседателот на Социјалдемократскиот сојуз на Македонија, д-р Венко Филипче на денешната Конвенција за промоција на кандидатите за градоначалници и советници рече дека во време кога е лесно да се каже „сите се исти“, откажувањето од одговорност значи препуштање на домот на самоволието, повикувајќи граѓаните да ги држат кандидатите и своите претставници одговорни, да ги проверуваат и да ги мерат според тоа кому служат, на партијата или на човекот.„До верните гласачи на СДСМ, вие сте темелот на ова движење, нашата меморија и наша совест. Кога било најтешко, вие ја држевте линијата на демократијата и знаевте дека СДСМ е секогаш правилната опција која е на страна на граѓаните и јавниот интерес“, рече лидерот, додавајќи дека токму нивната енергија, борба и верба се клучни за успехот на кампањата, за пренесување на искрената порака од маало до маало и од семејство до семејство, како и за враќање на гордоста што произлегува од работа, пристојност и чесност, за да се покаже дека левицата значи солидарност, патриотизмот е грижа за човекот покрај нас, а државноста е дисциплина и ред.Претседателот на СДСМ, д-р Венко Филипче се обрати и до оние кои се разочарале, но сè уште веруваат дека социјалдемократијата е правилниот избор и единствена опција државата да оди напред. „Да се биде социјалдемократ не значи да се биде совршен, туку да се има храброст да се исправат сопствените грешки. Признаваме дека не секогаш бевме она што граѓаните очекуваа, но без силен СДСМ единствената надеж Македонија да биде правична, човечна и демократска држава со јасна перспектива напред, пропаѓа. Борбата е за вредности, за нашите идеали и за тоа партијата да им служи на граѓаните“, заклучи Филипче.

Македонија | пред 7 месеци

Филипче: Чесноста и интегритетот на кандидатите на СДСМ ја прават разликата со ВМРО-ДПМНЕ

Лидерот на Социјалдемократскиот сојуз на Македонија, д-р Венко Филипче во своето излагање на денешната Конвенција за промоција на кандидатите за градоначалници и советници истакна дека партијата е обединета околу воспоставување на вредносен систем во кој патриотизмот и достоинството не се злоупотребуваат за партиски рејтинг, туку значат обезбедување безбедни, чисти и здрави средини за македонските граѓани, како и секојдневна грижа за тоа како животот на сите ќе биде подобар.„Патриотизам е да обезбедиш неповратни европски грантови за развој на државата, а не сомнителни кредити со камати кои ќе ги враќаме со децении, а од кои досега не гледаме ништо суштинско”, посочи Филипче.Лидерот на СДСМ нагласи дека граѓаните се најважното политичко семејство во Македонија, дека тие гласно и јасно сведочат за застранувањето на власта која очигледно прерано го изгуби тлото под нозете и која се води исклучиво од партиски интереси, и дека токму од оваа состојба произлегува потребата за побрза консолидација, зајакнување на меѓусебната солидарност и здружување на силите во борбата за заштита на заедничкиот дом на граѓаните.„Зад мене стојат нашите кандидати за градоначалници и советници, луѓе што живеат чесно, работат чесно и ќе служат чесно, професионалци, активисти, наставници, лекари, инженери, претприемачи, лица со интегритет, и токму од нив барам на овие избори својот збор да го дадат пред граѓаните, а не пред партијата, да работат со отворени врати, да се однесуваат скромно, да одговараат на секое прашање и да носат одлуки во јавен интерес“, укажа д-р Филипче, нагласувајќи дека токму ова е суштинската предност на СДСМ во однос на власта на ВМРО-ДПМНЕ и најважната разлика што ќе се одрази на квалитетот на локалната самоуправа.

Македонија | пред 7 месеци

Марковска Илиевска: Ветуваа катна гаража, оставија дупки и ѓубре

„Кандидатот на СДС, Заев и Филипче - Стевчо Јакимовски во 2021 вети катна гаража на Орце Николов, 4 години потоа само дупки и ѓубре“, вели Анета Марковска Илиевска, советник во Совет на Град Скопје од ВМРО-ДПМНЕ и додава:„Ова е местото на кое што кандидатот на СДС, Заев и Филипче - Стевчо Јакимовски, вети дека до 2025 година ќе има катна гаража на четири нивоа, со што ќе се реши проблемот со паркирањето во Карпош 2.Сега сме 2025 година овде катна гаража како што гледате нема. Има само многу дупки, ѓубре и метеж во работни денови затоа што нема каде да се паркира.Кандидатот на СДС, Заев и Филипче - Стевчо Јакимовски вети дека ќе го реши проблемот со паркирањето во Карпош 2. Проблемот не е решен. Напротив уште поголем е сега отколку што беше пред 4 години.На кандидатот на СДС, Заев и Филипче - Стевчо Јакимовски не може да му се верува.Стевчо Јакимовски лаже како што лажеа Заев и Филипче.Карпош нема повторно да дозволи Заев и Филипче преку Стевчо Јакимовски да имаат градоначалник во Карпош. Оваа општина нема нови 4 години за губењe“

Скопје | пред 7 месеци

ВМРО-ДПМНЕ: Филипче и СДС беа тие што ја приватизираа државата, судството и институциите, беа предвесници на криминалот и корупцијата, ВМРО-ДПМНЕ сега ги гради вистинските темели на промените

Скопје, 28 септември 2025 – ВМРО-ДПМНЕ денеска со остра реакција на изјавите на поранешниот министер за здравство Венко Филипче, обвинувајќи го него и СДСМ за, како што велат, „целосна амнезија и лицемерие“. Од партијата посочуваат дека СДСМ се обидува да се претстави како нов политички фактор, иако владеел цели седум години и, според нив, оставил зад себе „економска и институционална пустош“.„Филипче и СДС продолжуваат да се однесуваат како паднати од Марс. Како тие да не беа власт цели 7 години. Лажно се претставуваат пред македонскиот народ, како да првпат се појавуваат на политичката сцена“, стои во реакцијата од ВМРО-ДПМНЕ.Во својата изјава, ВМРО-ДПМНЕ го обвинува Филипче дека токму за време на неговиот мандат се случиле некои од најтрагичните и најконтроверзни настани во поновата македонска историја, вклучително и пожарот во модуларната болница во Тетово, за кој јавноста сè уште бара одговорност.„Во времето на Владата на Филипче и СДС, народот живееше со 150 денари на ден, пензионерите беа на барикадите пред Влада, земјоделците протестираа, младите учеа од скрипти, а луѓе гореа живи во болници дизајнирани од Филипче. Корупцијата достигна рекордно ниво, а криминалците добиваа пасоши и слободно се движеа низ земјава“, велат од партијата.Од ВМРО-ДПМНЕ тврдат дека, во последните 15 месеци откако ја преземаа власта, земјата започнала да се движи во позитивна насока – со зголемување на плати и пензии, намалување на корупцијата, и инвестирање во земјоделството, младите, спортот и социјалната заштита.„Промените се чувствуваат по само 15 месеци. Изборот е повеќе од јасен – мрачното минато на Филипче и СДС или светлата иднина на Мицкоски и ВМРО-ДПМНЕ“, се додава во реакцијата.Со порака „Вистинскиот избор е ВМРО-ДПМНЕ – за твојот човек, за твоето место, за твојата иднина“, партијата повторно апелира до граѓаните да не дозволат, како што велат, „враќање на оние кои веќе еднаш ја втурнаа државата во безнадежност“.

Македонија | пред 7 месеци

Филипче: Без силен СДСМ, пропаѓа надежта дека Македонија ќе биде правична, демократска и европска држава

Претседателот на СДСМ Венко Филипче денеска на Конвенцијата за промоција на кандидатите за градоначалници и советници, претседателот порача дека целта на СДСМ е да се обеди со цел да се спречи рушењето на заеднички дом и на сето постигнато во изминатите 34 години независна држава.„Да се биде социјалдемократ не значи да се биде совршен, туку да се има храброст да се носат исправни одлуки. Без силен СДСМ, единствената надеж дека Македонија може да биде правична, човечна, демократска држава со јасна перспектива напред, пропаѓа. Затоа научивме дека борбата е за вредности, борбата е за нашите идеали, борбата е да ја исправиме партијата на нозе за да им служи на граѓаните“, рече тој.Притоа тој истакна дека СДСМ е секогаш правилната опција која е на страна на граѓаните и јавниот интерес. Посочувајќи дека оваа кампања е за да се врати гордоста на граѓаните.„Ако ви е важна иднината на вашите деца, ако ви е важно државата да не стане сопственост на Мицкоски и луѓето околу него, ако верувате дека Македонија има шанса, дека Македонија има иднина, ако верувате дека мора да изберете луѓе кои се чесни, приземни, тогаш дајте ни ја поддршката. Нашите кандидати таа поддршка нема да ја изневерат“, рече Филипче.

Македонија | пред 7 месеци

Филипче: ВМРО-ДПМНЕ вети економски развој, а рeaлноста е сурова- граѓаните живеат сè потешко

После сите големи зборови на ВМРО ДПМНЕ, по година и пол од нивната власта, реалноста је сурова - цените дивеат, платите тапкаат, институциите се претвораат во партиски канцеларии, а секојдневието е потешко од вчера, порача претседателот на Социјалдемократскиот сојуз на Македонија, д-р  Венко Филипче, на денешната Конвенција за промоција на кандидатите за градоначалници и советници.„Знам дека повеќето од граѓаните не гласаа од љубов кон нив, туку од надеж дека ќе дојде ред, достоинство и подобар живот. Баравте власт што ќе работи без изговори, што ќе ја средува државата. Тоа е чесна, нормална и очекувана потреба. Но денес, наместо план за иднината, гледаме тешка импровизација“, рече Филипче.Во обраќањето, Филипче посочи дека ВМРО ДПМНЕ вети поинаква држава, а ја вратија старата матрица.„Блиските добиваат, останатите се неважни. Ветија економија и развој, а денес се живее сè потешко и потешко. Платите не ги качуваат, цените не ги контролираат, земјоделците не добиваат поддршка, се задолжуваат за 8 милијарди евра. Фирмите молат за поврат на ДДВ кој им следува затоа што државата нема пари. Ова не е промената за која граѓаните излегоа на гласање“, рече Филипче и додаде дека ВМРО ДПМНЕ го злоупотреби гласот и волјата на граѓаните за промени.Како што кажа Филипче, мора да продолжи борбата против дивеењето на цените, против запрениот раст на платите и против претворањето на институциите во партиски канцеларии.„Да го свртиме вниманието и сите активности да ги насочиме кон луѓето, кон работниците, кон младите и пензионерите и сите заедници без исклучок. Да подадеме рака секому, водени од грижата, солидарноста, правдата, слободата и еднаквоста, порача претседателот наСДСМ, Венко Филипче.

Македонија | пред 7 месеци

Романец осомничен за тешка кражба во Скопје

Основното јавно обвинителство Скопје поведе постапка против романски државјанин, осомничен дека во Скопје извршил кривично дело – Тешка кражба според член 236 став 1 точка 3 од Кривичниот законик.Осомничениот 41-годишник делото го извршил на 21 март, во Ѓорче Петров, кога на дрзок начин и со сила одзел златен ланец со крст од еден оштетен, тргајќи му го од вратот. Потоа почнал да претура по полицата од дневната соба, ја отворил фиоката и одзел 2.500 денари. Така осомничениот се стекнал со вкупна противправна имотна корист во износ од 11.500 денари, по што веднаш се дал во бегство.Имајќи предвид дека станува збор за странски државјанин без регулиран престој во државава, јавниот обвинител оцени дека постои опасност од бегство и до Судот достави предлог за определување мерка притвор.

Скопје | пред 7 месеци

Филипче: Власта на ВМРО-ДПМНЕ е неспособна, расипничка и нечесна пред граѓаните

На Конвенцијата за промоција на кандидатите за градоначалници и советници, претседателот на Социјалдемократскиот сојуз на Македонија, д-р Венко Филипче оцени дека државата „живее под последиците на апсолутна власт“ која работи за себе, а граѓаните ги става на последно место. Тој повика на обединување за да се одбрани „заедничкиот дом“ и да се врати достоинството на народот.„Ние денес живееме во држава и општество кои се жртви на прераната изгубеност на една апсолутна власт,“ рече Филипче, опишувајќи ја актуелната власт како „неспособна, расипничка, нечесна и неискрена“ кон луѓето што ѝ го довериле мандатот, а истовремено „арогантна, дистанцирана од народот и лажно самоуверена“.Според него, периодот е доволно долг за реална оценка: „Помина речиси година и пол откако ВМРО-ДПМНЕ има целосна централна власт и четири години откако имаат мнозинска локална власт. Ова е доволно време граѓаните да видат со кого си имаат работа. Наместо резултати, рече тој, „власта продолжи со старите политики на лажен ПР, напади врз опозицијата, партизација на институциите и нејасна стратегија за тоа каде ја водат државата и граѓаните“, рече Филипче.Вo обраќањето Филипче порача дека одговорот на СДСМ ќе биде решителен и обединет.„Наша должност е да ја запреме разулавената власт. Наша должност е да се обединиме и да го спречиме рушењето на нашиот заеднички дом и на сето она што сме го постигнале“, рече Филипче.Тој најави јасен отпор кон авторитарни тенденции, злоупотреби и партизирање на институциите.„Денеска сме тука за да го вратиме достоинството на народот, да ја заштитиме државата од опасноста да стане партиска сопственост и да се спротивставиме на оние што работат само за себе“, рече Филипче.Во обраќањето беа посочени и последиците по стандардот на граѓаните, со порака дека СДСМ ќе се спротивстави на „лажниот патриотизам што служи за манипулација“ и на секоја форма на режим што носи „темнина, застој и угнетување“.

Македонија | пред 7 месеци

Протести низ Буенос Аирес: Три жени силувани, мачени и убиени, злосторството пренесувано на „TikTok“

Три жени во Аргентина биле силувани, мачени и убиени, а злосторството било пренесувано во живо на социјалната мрежа TikTok, што предизвика бран на бес и протести низ целата земја. Триумфалните протести се одржаа во Буенос Аирес, каде илјадници граѓани бараа правда за 15-годишната Лара Гутиерез и 20-годишните Морена Верди и Бренда дел Кастило.Полицијата верува дека зад ужасниот чин стои нарко-банда, а видеото било емитувано како предупредување за други. Според истражителите, жртвите на 19 септември биле измамени во комби под изговор дека ќе одат на забава. Властите наведуваат дека тоа било дел од планот да се „казнат“ поради наводно прекршување на кодексот на бандата.Министерката за национална безбедност, Патриција Булрих, потврди дека до петокот се уапсени петмина осомничени - три мажи и две жени. Сепак, 20-годишен Перуанец, за кого се верува дека е лидер на групата, се уште е во бегство. Властите ја објавија неговата фотографија со надеж дека некој ќе го препознае.Јавиер Алонсо, министер за безбедност на провинцијата Буенос Аирес, изјави дека еден од притворените за време на распитот открил видео од инцидентот. На снимката се слуша лидерот на бандата како вели:Ова се случува на оние кои ми ја крадат дрогата.Телата на трите жртви беа пронајдени закопани во среда на имот во јужното предградие на Буенос Аирес, пет дена по нивното исчезнување.Семејствата на жртвите се придружија на протестната поворка до зградата на парламентот, гласно барајќи правда.Жените мора да бидат заштитени повеќе од кога било“, порача таткото на Бренда, Леонел дел Кастило. Тој претходно изјавил дека поради тежината на повредите не можел да го идентификува телото на својата ќерка.Дедото на 20-годишните роднини, Антонио дел Кастило, низ солзи ги нарече убијците „крволочни“.Она што им го направиле, не би направиле ни на животно“, рече тој.

Свет | пред 7 месеци

Почуствуван земјотрес во Косово

Околу два часот по полноќ, земјотрес го погоди регионот на Косово. Потресот имал јачина од 2,2 степени според Рихтеровата скала.Епицентарот бил во близина на местото Качаник. Засега нема пријавено материјална штета или повредени лица.Сеизмолозите советуваат дека, иако земјотресот бил слаб, граѓаните треба да останат внимателни и да се придржуваат до основните правила за заштита при потреси.

Свет | пред 7 месеци

Претрес во Велешко: Приведени две лица, пронајдена марихуана и пиштол

Вчера во 18:00 часот, полициски службеници од Отсекот за недозволена трговија со дрога и оружје при СВР Велес ги лишија од слобода Г.Л. (46) и Г.Д. (39), двајцата од Скопје. По претходно добиени сознанија и врз основа на наредба од Основен суд Велес, извршен е претрес на викенд куќа и помошни простории во атарот на село Карабуниште, кои ги користи Г.Л.При претресот, во близина на куќата, лицата беа затекнати како од нива откопуваат стебла од растението канабис. Во текот на акцијата беа пронајдени повеќе кофи и вреќи со марихуана, машина за обработка на стебла канабис и пиштол.Лицата се задржани во полициска станица, известен е јавен обвинител, а по целосно документирање на случајот против нив ќе бидат поднесени соодветни пријави.

Македонија | пред 7 месеци

Мирослав Лабудовиќ се гледа како иден татко на Центар: Традицијата и верските чувства ќе бидат столб општината

Кандидатот за градоначалник на Општина Центар од редовите на Движење ЗНАМ за Наша Македонија, Мирослав Лабудовиќ, денеска присуствуваше на свеченото осветување на храмот „Св. Константин и Елена“ во Центар. Настанот беше обединувачки момент за голем број граѓани и верници, кои заеднички ја одбележаа оваа значајна културна и духовна институција.Како иден градоначалник, јас ќе бидам гарант дека Центар ќе продолжи да го почитува своето наследство, култура и верските чувства на граѓаните. Нашата обврска е да градиме современа општина, но со почит кон корените и идентитетот кои не прават силни и обединети, истакна Лабудовиќ.Храмот „Св. Константин и Елена“ не е само ново светилиште, тој е место каде што се среќаваат верата, традицијата и заедништвото, симбол на сила, надеж и инспирација за сите граѓани на Центар. Лабудовиќ потенцираше дека Центар ќе биде општина што ќе ја негува традицијата, ќе го вреднува културното наследство и секогаш ќе ги почитува своите граѓани, затоа што само така може да се гради заедништво и стабилна и просперитетна иднина.

Скопје | пред 7 месеци

Приведен скопјанец – се заканувал на сопругата и ѝ барал пари

Единицата за насилен криминал – Одделение за семејно насилство при СВР Скопје, во координација со Основното јавно обвинителство Скопје, поднесе кривична пријава против Д.Т. (37) од Скопје поради постоење основи на сомнение за сторени кривични дела „загрозување на сигурноста“ и „изнуда“.На 26.09.2025 во 16:50 часот, полициски службеници го лишиле од слобода осомничениот, по претходна пријава дека подолг период ѝ се заканувал на неговата 43-годишна сопруга и ѝ барал пари.Од судија на претходна постапка на него му е изречена мерка притвор во траење од 30 дена, информира МВР.

Скопје | пред 7 месеци

Тешко повреден возач во сообраќајка во Кочани

На 27.09.2025 во 11:35 часот во ОВР Кочани било пријавено дека на крстосницата од ул. „Димитар Влахов“ и ул. „Павлина Вељанова“ во Кочани се случила сообраќајна несреќа помеѓу патничко возило „сеат леон“ со кочански регистарски ознаки, управувано од М.Ј. (24) од с. Чешиново, и патничко возило „форд фиеста“ со кочански регистарски ознаки, управувано од 47-годишната Б.С. од Кочани.Во несреќата со тешки телесни повреди се здобил возачот М.Ј., а неговиот сопатник С.Е. (26) од с. Чешиново добил телесни повреди. Повредите биле констатирани во Клиничка болница Штип.Извршен е увид од увидна екипа на ОВР Кочани.

Македонија | пред 7 месеци

Натепани двајца малолетници во Карпош, се трага по три лица

Денеска (28.09.2025) во 01:10 часот во СВР Скопје, И.Б. (51) и Н.А. (52), двајцата од Скопје, пријавиле дека нивните синови, на возраст од 16 и 15 години, биле физички нападнати од тројца малолетници на подрачјето на Карпош.Од МВР информираат дека се преземаат мерки за целосно расчистување на случајот.

Скопје | пред 7 месеци

Жена пронајдена мртва во Гази Баба

На 27 септември 2025 година, околу 16:00 часот, во СВР Скопје било пријавено дека во дом на подрачјето на Гази Баба е пронајдена почината С.П. (87) од Скопје.Лекар излегол на местото и констатирал смрт без видливи траги на насилство. По насоки на јавен обвинител, телото на починатата е предадено на обдукција за да се утврдат причините за смртта.

Скопје | пред 7 месеци

Времето денес: Слаб до умерен јужен ветер со температура до 21 степен

Денес, 28 септември 2025 година, времето ќе биде претежно облачно со повремени локални врнежи од дожд. Попладне и кон крајот на денот, на некои места врнежите ќе бидат пообилни, со количина над 20 литри на метар квадратен. Ќе дува слаб до умерен ветер од југоисточен правец, поизразен долж Повардарието. Максималната температура ќе се движи од 15 до 21 степен.Во Скопје се очекува облачно време со повремени врнежи од дожд. Попладне и кон крајот на денот врнежите во делови од котлината ќе бидат пообилни. Ќе дува слаб до умерен ветер од јужен правец.Најава за наредните денови: Утре ќе има повремен локален дожд, а во вторник времето ќе се преодно стабилизира. Од среда кон крајот на денот се очекува нов влажен и постуден бран со пообилни врнежи од дожд и значително опаѓање на температурите.

Македонија | пред 7 месеци

Дронови во близина на воени бази: НАТО и ЕУ преземаат мерки

НАТО најави зајакнување на својата мисија во Балтичкото Море, откако данските вооружени сили соопштија дека биле забележани неидентификувани беспилотни летала во близина на воените инсталации во земјата. Инцидентите следуваат по неколку упади на дронови во близина на аеродроми и критична инфраструктура оваа недела, при што аеродромот во Копенхаген беше затворен неколку часа во понеделникот навечер, а привремено беа затворени и пет помали дански цивилни и воени аеродроми.НАТО соопшти дека ќе спроведе засилена контрола со нови средства во регионот на Балтичкото Море, кои вклучуваат разузнавачки, надзорни и извидувачки платформи, како и најмалку една фрегата за противвоздушна одбрана. Овие мерки ќе ја подобрат мисијата „Балтичка стража“, која е воспоставена како одговор на инцидентите со оштетување на далноводи, телекомуникациски врски и гасоводи на дното на Балтичкото Море.Данската јавна телевизија ДР објави дека дронови летале во и надвор од оградата на воздухопловната база Каруп во петокот вечерта. Базата ги сместува сите хеликоптери на данските вооружени сили и делови од одбранбената команда. Во Норвешка, најмалку два дрона биле забележани околу еден час во забранета зона во близина на Орланд, главната база за борбените авиони Ф-35 и клучна база на НАТО. Беспилотно летало било забележано и над северната германска покраина Шлезвиг-Холштајн.Германскиот министер за внатрешни работи, Александер Добринт, оцени дека заканата од беспилотни летала е „висока“ и дека владата размислува да им дозволи на вооружените сили да соборуваат дронови под одредени услови.Она на што сме сведоци е трка во вооружување – трка помеѓу заканите со дронови и одбраната од дронови. Мора да се подготвиме за ова, рече Добринт.Министрите за одбрана од 10 земји на ЕУ се согласија да ја зајакнат источната одбрана со таканаречен „ѕид од дронови“ за да ја одвратат Русија, која е главниот осомничен за неодамнешните упади. Данската премиерка Мете Фредериксен изјави дека Русија претставува главна закана за безбедноста на Европа.Данскиот министер за одбрана, Троелс Лунд Поулсен, оцени дека летовите се „дело на професионален актер“, додека министерот за правда Петер Хумелгард рече дека целта на нападите е „да се шири страв, да се создаде поделба и да нè исплаши“. Москва негираше дека го нарушила воздушниот простор на НАТО, нарекувајќи ја реакцијата на ЕУ „хистерија“ и предупреди дека мерките како „ѕидот од дронови“ ќе доведат до „зголемување на воените и политичките тензии на континентот“.

Свет | пред 7 месеци

Претрес во Скопје: Лишени од слобода две лица, пронајдена марихуана

На 27 септември 2025 година во 19:00 часот, полициски службеници од СВР Скопје лишија од слобода две лица, А.З. (27) и М.П. (25), двајцата од Скопје. При претрес извршен во домот на А.З., кој се спроведе со судска наредба, бил затекнат и М.П.При претресот, полицијата пронашла и одзела марихуана, стебла од растението канабис и дробилка со остатоци од марихуана.По целосно документирање на случајот, против лицата ќе следуваат соодветни пријави согласно законските прописи.

Скопје | пред 7 месеци

Меџити во кампањата за градоначалник: Невработеноста во Чаир падна од 40% на 16%

Кандидатот на коалицијата ВЛЕН за градоначалник на општина Чаир, Изет Меџити, на отворањето на локалниот изборен штаб во населбата Гази Баба изјави дека денес Чаир изгледа сосема поинаку од 2005 година, кога тој за првпат ја презеде општината.„Денес Чаир се разликува од 2005-та. Во 2005, кога јас го презедов Чаир, немаше ниту општинска зграда. Невработеноста во Чаир беше 40%, денес е 16%“, нагласи Меџити.Тој потсети дека во минатото Албанците во државната администрација имале минимална застапеност. „Кога не постоеше општината Чаир, таму бараа само некој возач, телохранител или секретарка. Денес Чаир ја детерминира албанската политика во Македонија“, рече Меџити.Оценувајќи ја политичката тежина на Чаир, тој додаде дека на овие избори не е најважно што ќе се случи во Кичево, Струга или во другите градови, туку кој ќе победи токму во Чаир.

Скопје | пред 7 месеци

Најбогатата Македонка во Детроит Маријан Бајоф Илич добитничка на наградата „Ќерка на Македонија“

Најбогатата Македонка во Детроит, 92-годишната Маријан Бајоф Илич, ја доби наградата „Ќерка на Македонија“, што ѝ ја додели Обединетата македонска дијаспора (ОМД) на свечената гала вечер по повод 20-годишниот јубилеј на организацијата. Настанот се одржа во Детроит, а на него присуствуваше и претседателката Гордана Сиљановска – Давкова.„Ги сакам Македонците, добро го зборувам јазикот, но често имаме забавни случки со нашите деца бидејќи не го знаат македонскиот. Многу често ме прашуваат како се кажува ова, како се кажува она и јас им одговарам. Јас сум горда што сум Македонка, навистина сум горда… ние сме добри луѓе“, изјави Илич при доделувањето на признанието.Таа им порача на Македонците во Америка дека треба да бидат горди на своето потекло:„Сите вие овде, секој еден од вас, треба да сте среќни за вашите семејства, да бидете со крената глава. Многу не знаат каде е Македонија. Мајка ми е од Буф, татко ми е од Битола, сум била кај моите баби и дедовци, таму е прекрасно“, рече Илич, откривајќи дека и нејзините деца сакаат повторно да ја посетат татковината.

Македонија | пред 7 месеци

Индекс на среќа за време на одмор: Лисабон на врвот на листата

Главниот град на Португалија, Лисабон, е прогласен за најсреќен град за одмор според новиот „Индекс на среќа за време на одмор“. Градот се издвојува по одличната храна, бројните зелени површини и можностите за активности на отворено, што овозможува опуштен престој на туристите.Агенцијата за патувања „Букритритс“ го спровела истражувањето кое ги оценува дестинациите според сончева светлина, квалитет на сон, здрава исхрана, време поминато во природа и можности за вежбање. Од вкупно 47 оценети дестинации, Лисабон се покажа како најдобар избор за релаксација и уживање.Градот нуди компактна пешачка зона, околни ридови за рекреација, обилни зелени површини и богата гастрономска понуда. Постојат речиси четирипати повеќе паркови отколку во Мадрид, а сончевите денови годишно достигнуваат 2.828.На второ место се најде Хелсинки, кој го привлекува вниманието со своите паркови и природни патеки, додека третото место го зазеде Орландо, град кој нуди сонце преку целата година, плажи и зелени површини, со можност за опуштен одмор далеку од гужвата.Меѓу петте најдобри дестинации се најдоа и Атина и Единбург. Целата листа е достапна на веб-страницата на „Букритритс“.

Магазин | пред 7 месеци