Промени и нови можности: Трите хороскопски знаци што ќе блеснат оваа есен

Есента секогаш симболизира краеви, но и нови почетоци. Додека лисјата паѓаат, многумина чувствуваат потреба да ги затворат старите поглавја и да направат место за нови можности.Овие три хороскопски знаци особено ќе ја почувствуваат моќта на есента, бидејќи ги очекува период на голем личен раст и значајни животни промени.Вага влегува во своето време од годината. Есента ѝ носи јасност во односите и нови можности за партнерства, како деловни, така и приватни. Тоа ќе биде момент кога Вагите конечно ќе одлучат што сакаат и храбро ќе тргнат по тој пат.Шкорпија во есента влегува во период на трансформација. Енергијата на ова годишно време го поттикнува на длабоки промени и донесување одлуки што го менуваат животот. Шкорпиите ќе ја почувствуваат силата да се ослободат од сè што повеќе не им служи.Јарецот во есента конечно ќе почувствува дека трудот се исплатил. Пред нив е период во кој ќе ја препознаат својата издржливост. Многумина ќе влезат во фаза на професионален напредок и стабилност.Хороскопските препораки и совети не треба да се сфаќаат премногу сериозно, а за сите медицински или научни индикации и несакани ефекти, обратете се кај стручни лица.

Магазин | пред 7 месеци

САД разгледуваат воздушни удари врз цели во Венецуела

Американски воени претставници подготвуваат опции за воздушни удари врз цели поврзани со нарко-картели во Венецуела, а акциите би можеле да започнат за неколку недели, пренесува NBC News, повикувајќи се на четири извори запознаени со плановите.Според информациите, станува збор за можна нова ескалација на воената кампања на администрацијата на претседателот Доналд Трамп против шверцерите на дрога и дел од поостриот став кон владата на Николас Мадуро.Во последните недели, американската војска веќе уништи најмалку три пловила за кои Вашингтон тврди дека превезувале дрога и членови на криминални групи. Засега нема одобрение за напади на венецуелска територија, но извори потврдуваат дека опцијата се разгледува.Плановите што се дискутираат се однесуваат главно на употреба на дронови за елиминација на членови на криминални групи и уништување на лаборатории за производство на дрога. „Видете, Венецуела ни праќа банди, дилери и дрога. Тоа е неприфатливо“, изјави претходно Трамп, одбивајќи да навлезе во детали.Администрацијата проценува дека Мадуро не презема доволно мерки за да го сопре протокот на дрога од Венецуела, иако Каракас не се смета за голем производител на кокаин. Земјата, сепак, се идентификува како клучна транзитна точка.Американската армија веќе распореди најмалку осум бродови, илјадници маринци и борбени авиони F-35 во регионот. Аналитичари предупредуваат дека евентуален напад врз венецуелска територија би имал сериозни дипломатски и политички последици, вклучувајќи и можност за зацврстување на внатрешната поддршка за Мадуро.

Свет | пред 7 месеци

Сирија издаде налог за апсење на Башар ал-Асад

Сириските власти издале налог за апсење на поранешниот претседател Башар ал-Асад, повеќе од девет месеци по неговото симнување од власт, објави денеска сириското правосудство. Ал-Асад, кој владееше со земјата повеќе од две децении, побегна во Русија во декември минатата година, откако исламскиот бунтовнички сојуз напредуваше кон главниот град Дамаск.Налогот е издаден во отсуство на ал-Асад и тој се товари за убиство со предумисла и за тортура што довела до смрт, пренесе државната новинска агенција САНА, цитирајќи го истражниот судија во Дамаск, Тауфик ал-Али.Обвиненијата се поврзани со акциите на силите на ал-Асад во 2011 година во градот Дараа, каде што започна продемократскиот востанички бран против неговата власт. Уште во првите денови на протестите, режимот одговори со брутална репресија, што доведе до граѓанска војна во која загинаа стотици илјади луѓе, а голем дел од населението беше затворено, мачено или исчезна.„Судската одлука ги отвора вратите за издавање меѓународна потерница преку Интерпол и за водење на случајот на меѓународно ниво“, изјави судијата ал-Али, додавајќи дека чекорот е одговор на тужбите поднесени од семејствата на жртвите.Во извештаите се наведува и дека Министерството за правда изминатата недела издало налог за апсење на поранешниот претседател и поради обвинувања за поттикнување граѓанска војна.По падот на Асад, новото сириско раководство се обидува да покаже умереност и почитување на човековите права, со цел да обезбеди меѓународна економска поддршка за обновата на земјата уништена од повеќе од една деценија војна.

Свет | пред 7 месеци

Почина новинарот и уредник Трифун Талевски

Со голема жалост семејството и колегите ја споделија веста дека почина Трифун Талевски, долгогодишен уредник и новинар кој целиот свој професионален живот го помина во државната Македонска радио-телевизија (МРТВ), а претходно во Јутел и РТСкопје 1.Талевски прво дипломирал на Воената воздухопловна академија – отсек пилоти во Загреб, а подоцна и на Факултетот за политички науки во Белград. Како најдобар студент во генерацијата, кариерата ја започнал во Јутел, за на почетокот од 70-тите да премине во РТСкопје 1, која по осамостојувањето прерасна во МРТВ.Во 80-тите и 90-тите години веќе е препознаен како еден од најреномираните новинари и уредници во Внатрешно-политичката редакција. Беше уредник на централниот „Дневник“ и автор на емисијата „19.00“, која секој работен ден се емитуваше пред централното издание.Подоцна беше дел од уредничкиот колегиум во создавањето на дописничката мрежа на МРТВ, а работеше и како уредник во Македонското радио. Со својата работа остави длабока трага во македонското новинарство преку илјадници текстови, прилози и емисии.Трифун Талевски е роден на 19 октомври 1943 година во селото Габалавци, Битола. Зад себе ја остави сопругата Лимба, ќерката Ивона Талевска, која го наследи во новинарството, и синот Стефан Талевски, кој изгради успешна меѓународна кариера во Италија и САД.Погребот ќе се одржи на 29 септември 2025 година (понеделник) во 12:00 часот на Градските гробишта Бутел во Скопје.

Македонија | пред 7 месеци

Мицкоски: СДС се бори заедно со ДУИ да дојдат на власт и да продолжат со криминалот кој им го бранат нивни обвинители и судии

На денешниот настан во Штип на кој се одржа промоција на кандидатите за градоначалници на ВМРО-ДПМНЕ, претседателот на ВМРО-ДПМНЕ, Христијан Мицкоски истакна дека Социјалдемократскиот сојуз се бори заедно со ДУИ, и тоа е јасно како бел ден, за да дојдат повторно на власт и да продолжат со криминалот, кој им го бранат нивните обвинители.„Се борат заедно со Али Ахмети ДУИ и тоа е јасно како бел ден, и тоа ние го гледаме на секој чекор. Се борат за да се вратат на власт да продолжат по старо, се борат за да и помогнат на Бугарија да ја матира Македонија, се борат за да се допаднат на сите освен на својот народ. Се борат за да го заштитат криминалот преку нивните обвинители и судии кои не процесуираа ниту една кривична пријава нив. Тие се борат за нивните луксузи, тие се борат за нивните раскошни домови, нивните украдени пари и нивните заложени и уценети глави. Тоа е тоа за што тие се борат, за друго ништо“, рече Мицкоски.Мицкоски порача дека луѓето во ДУИ кои сеуште слепо го слушаат Али Ахмети, најмалку ги интересираат Албанците и останатите етнички заедници, туку дека за нив се интересираат само кога треба да  ги злоупотребат и кога треба да гласаат за нив, а потоа со своето неработење и корупција придонесуваат истите да се иселат од државата.Понатаму, Мицкоски ги повика граѓаните заедно да испратат јасна порака до оние кои што седум години ја пустошеа, понижуваа и засрамуваа државата и граѓаните, до оние кои живеат во национал-романтичните соништа од минатиот век и сеуште сонуваат дека можат да ја делат Македонија, како и до оние политичари коишто поради преголемата лична фрустрација и желба за власт заслепени од немоќта тоа да го реализираат, најчесто навредуваат, ги крадат сопствените членови а со тоа се гледа тие ќе се однесуваат и кон државата и кон ресурсите на државата.„Затоа ве молам заедно на овие три групи на луѓе да им испратиме една порака: Македонија ќе успее! Македонија ќе победи! И ќе ве победи! И нема назад! Ќе ги поразиме сите ваши интриги, сите ваши тажни обиди да не инволвирате во вашите предавства, сите ваши афери и апатијата која ја создадовте. Затоа што во нас чука срце, затоа што ние сме луѓе кои сакаме, живееме за идеја и мечтаеме, затоа што ние живееме со проблемите на луѓето и се бориме и ќе се бориме да ги подобриме животите на сите и покрај вашите опструкции планови и деструкција! Ќе ве победиме! Ви ветувам дека и на овие избори ќе ве победиме! Македонија ќе победи!“, порача Мицкоски.

Македонија | пред 7 месеци

Филипче: Нудиме чесни кандидати со реална програма – за разлика од противниците кои нудат гола пропаганда

На новинарско прашање за тоа каква кампања очекува и што им препорачува на другите политички чинители, претседателот на СДСМ, д-р Венко Филипче ја нагласи подготвеноста на СДСМ за позитивна и одговорна изборна трка, заснована на луѓе со кредибилитет и реална програма.„Имаме добри кандидати, имаме навистина луѓе коишто се признати во своите средини, коишто имаат легитимитет и кредибилитет да излезат да побараат поддршка од граѓаните, луѓе коишто имаат капацитет да ги спроведат тие програми“, рече Филипче.Тој додаде дека СДСМ ќе води чесна и одговорна кампања, со фокус на програмата и довербата кон граѓаните, а не со напади и манипулации. Филипче потенцираше дека токму чесноста и отчетноста во работењето ќе бидат главниот белег на нивните кандидати.„Чесни луѓе коишто чесно ќе работат со буџетите на граѓаните, за што јас лично земам одговорност пред сите граѓани“, рече Филипче.Претседателот на СДСМ, Филипче, повика и останатите политички партии да се приклучат на ваков фер и достоинствен пристап, каде во центарот на вниманието ќе биде граѓанинот и неговите реални потреби.„Ќе имаме една позитивна, фер кампања и очекувам од сите политички други субјекти еднаков таков пристап“, изјави Филипче.

Македонија | пред 7 месеци

(Видео) Паника на крузер: Жена заглавена во тобоган шокираше милиони

Прошетките со крузер обично се симбол на релаксација, истражување нови дестинации и уживање, но за една жена одморот се претвори во вистински кошмар кој остана заглавена во тобоган над океанот. Снимката од нејзината борба да се извлече стана вирална и ги запрепасти речиси осум милиони луѓе кои го погледнаа видеото.На објавата на TikTok се гледа жена која се обидува да се ослободи од проѕирниот дел од тобоганот кој виси над океанот. Додека жената се мачи, во позадина се слуша глас кој вели: „О Боже, буквално е заглавена“.Снимката собра речиси 10.000 коментари. Таа предизвика лавина од вознемирувачки реакции, а многумина признаа дека гледањето им создаде непријатност и паника.За многумина, видеото предизвика и нов страв.Ова е за мене голема фобија. Што ако не знаат дека сум заглавена и продолжат да пуштаат луѓе надолу? напиша еден коментатор.

Свет | пред 7 месеци

Над 30 загинати во израелските напади врз Газа

Најмалку 32 луѓе загинаа во синоќешните израелски напади врз градот Газа, соопштија палестинските здравствени власти.И покрај меѓународниот притисок за прекин на огнот во палестинската енклава, израелскиот премиер Бенјамин Нетанјаху ја продолжува војната. Тој во обраќањето пред Генералното собрание на Обединетите нации изјави дека Израел „треба да го заврши тоа што го почна“ против Хамас.Израелската армија на 16 септември започна голема офанзива врз градот Газа со цел да го уништи последниот голем бастион на Хамас.Хуманитарните организации известуваат дека по интензивираните израелски напади, повеќе од 300.000 луѓе го напуштиле градот Газа, додека околу 700.000 не можат да заминат.Во меѓувреме, меѓународната хуманитарна организација „Лекари без граници“ соопшти дека ги прекинува своите основни медицински активности во областа поради брзо влошената безбедносна ситуација.Ескалирачките напади од страна на израелските сили создадоа неприфатливо ниво на ризик за нашиот персонал, принудувајќи нè да ги прекинеме медицинските активности што спасуваат животи, соопшти невладината организација, додавајќи дека израелските воздушни напади и напредните тенкови се на помалку од еден километар од нејзините здравствени установи.

Свет | пред 7 месеци

Мицкоски: Политиката е должност, а вистинскиот политичар е човек пред сè

Претседателот на ВМРО-ДПМНЕ, Христијан Мицкоски, денеска ја отвори изборната кампања со порака дека ова не е време за празни ветувања, туку за одговорност, човечност и дела.„Кампањата не смее да биде театар на празни зборови, туку мост меѓу вистината и надежта. Народот очекува подобар живот, сигурност и достоинство. Вистински политичар е оној што знае да слуша, да разбере и да понесе товар што не е само негов“, изјави Мицкоски.Тој се обрати пред поддржувачите со отчет за реализираните проекти на градоначалниците на ВМРО-ДПМНЕ, меѓу кои над 770 километри изградени и реконструирани улици и булевари, 47 километри нови водоводи и 91 километар канализации. „Ова не се зборови, ова се дела“, нагласи Мицкоски.Во говорот испрати силна порака и до политичките противници: „Македонија ќе успее! Македонија ќе победи! И ќе ве победи! Ќе ги поразиме сите интриги, афери и предавства. Нема назад“.Лидерот на ВМРО-ДПМНЕ посочи дека Владата ќе се фокусира на две клучни теми – борба против корупцијата и подобрување на животниот стандард.„Или правда и ред, или нема држава. Или корумпираните политичари, или Македонија“, порача тој.Мицкоски истакна дека следниот период ќе биде време на длабоки мерки и проекти, од здравство и образование, до инфраструктура и дигитализација.„Првата година беше година на консолидација, наредните ќе бидат години на развој“, додаде тој.Говорот го заврши со слоганот на кампањата – „Вистинскиот избор“.„Твојот човек, твоето место, твојата иднина – сите три ги поврзува Вистинскиот избор. Направете го вистинскиот избор за Македонија“, повика Мицкоски.

Македонија | пред 7 месеци

Филипче: Резолуцијата јасно ги дефинира црвените линии, партиите да покажат зрелост

Претседателот на Социјалдемократскиот сојуз на Македонија, д-р Венко Филипче, денеска во одговор на  новинарски прашања поврзани со Предлог резолуцијата за заштита на националните интереси и деблокирање на европскиот пат, поднесена од страна на СДСМ, истакна дека станува збор за документ со суштинска вредност кој, како што рече, е можеби „еден од најпатриотските документи коишто биле понудени на оваа политичка сцена изминатите повеќе децении“.Во врска со реакциите од лидерот на ВМРО-ДПМНЕ, Христијан Мицкоски, Филипче изјави дека сите факти во Предлог резолуцијата се прецизни и точни.„Искрено жалам што таква изјава даде премиерот. Прво, сè што е наведено во таа резолуција е точно, и да кажам, многу прецизно. Таму се наведени историски факти, наназад резолуции претходно донесени во Собранието. Точно е наведено што во тие резолуции претходно е веќе заштитено“, рече Филипче.Тој објасни дека Предлог резолуцијата отвара простор за долгорочен национален договор за прашањата за кои, како што рече, никогаш не треба да се преговара.„Ова е еден од најпатриотските документи кои што биле понудени на оваа политичка сцена изминатите повеќе децении, поради тоа што отвора простор и врата конечно да се  постигне национален консензус за нашите црвени линии – за што ние утре нема да преговараме со Европската Унија, доколку се постави такво прашање. Тоа од што луѓето стравуваат во иднина, и тоа се - јазикот, идентитетот, културата и историјата“, изјави Филипче.Во однос на понатамошните чекори, Филипче изрази надеж дека кампањата ќе придонесе за зрелост и одговорност кај сите партии.„Искрено сметам дека ќе се надминат, во следниот период, за време на кампањата, себеси сите политички партии, вклучувајќи ја ВМРО-ДПМНЕ, дека, ако ништо друго, ќе најдат сила и ќе седнат на маса да дискутираме за овој документ, поради тоа што времето сериозно не гази. Регионот оди напред, а ние тука не гледаме никаков напредок.“Одговарајќи на прашањето дали СДСМ би прифатил резолуција предложена од ВМРО-ДПМНЕ, Филипче одговори:„Апсолутно, и ова е дел од нашата конструктивност. Не знам што може по македонско да биде од ова, но ајде да видиме“, рече Филипче.На новинарско прашање дали по испраќањето на резолуцијата добиле позитивен сигнал од другите партии, претседателот на СДСМ рече дека реакциите допрва се очекуваат:„Не, во текот на вчерашниот ден ја испративме, така што јас верувам дека немале време да ја погледнат. Можеби треба и еден ден да стигне дотаму, така што очекувам во следниот период.“Во однос на тоа зошто СДСМ смета дека е подобро решение да се подготви заедничко писмо до ЕУ наместо да се напуштат преговорите, Филипче изјави:„Прво, ова е решение коешто е поинакво од сите други поради неколку работи. Прво, ја содржи хронологијата на сите претходни резолуции донесени во Собранието. Второ, за првпат е предлог документ којшто треба заеднички да се работи, модифицира и да се поднесе. Значи, вистинско седнување на маса, како сите сериозни држави, постигнување на национален консензус, а не само празни флоскули, најави итн, и после не правење ништо, што всушност се случува. И третата работа е што има јасна временска рамка“, рече Филипче.Тој додаде дека документот вклучува конкретни предлози за тоа кога треба да започне процесот на уставни измени и кога да се отворат поглавјата во преговорите со ЕУ, со јасна комуникација до Брисел што за Македонија претставува црвена линија, а што не.„И ЕУ треба да знае што ние сметаме дека е нешто што загрозува некакви наши црвени линии во текот на преговорите, а што не, и во тој контекст, едно писмо за информирање на сите релевантни структури во рамки на Унијата“, посочи претседателот на СДСМ, Венко Филипче.

Македонија | пред 7 месеци

Пациентка со рак бара помош: „Нема хемотерапија на Онкологија, лековите ги купувам од други држави“

Повторно недостиг на хемотерапија во државната Клиника за онкологија. Овој пат јавноста е потресена од апелот на 46-годишната Данјела Јакимовска, пациентка со рак, која вели дека е принудена лековите да ги купува од други држави за да ја продолжи борбата за живот.„Апел за помош. Драги добри луѓе, имам многу да кажам, а не ми излегува ниту еден збор од душата. Во тешка ситуација сум, потребна ми е финансиска помош. Не барам милостина, барам шанса за живот. На мои 46 години се разболев од рак на дојка. Поминав сите тие хемотерапии и баш кога помислив дека се спасив, за неполна година ракот се врати во многу поагресивна форма како метастази на црн дроб“, напишала таа во својот јавен апел.Јакимовска вели дека последната година е постојано на хемотерапија, но дека лекови на Онкологија веќе нема и таа е принудена да ги купува од странство.„Скоро сите испитувања ги правам надвор од Паланка, дел и приватно. Хемо нема на Онкологија, купувам од други држави, реагенси за тумор маркери нема, и тоа го правам приватно, а уште многу други давачки... Моето семејство веќе не е финансиски моќно да го издржи овој товар. А како да се откажам од желбата за живот“, пишува таа.Апелот на пациентката повторно го отвора прашањето за хроничниот недостиг на лекови и терапии на Клиниката за онкологија, проблем кој директно ги загрозува животите на пациентите и ги принудува да бараат спас надвор од јавниот здравствен систем.

Македонија | пред 7 месеци

Мицкоски со порака до градоначалниците: Вашиот мандат е договор со граѓаните

Претседателот на ВМРО-ДПМНЕ, Христијан Мицкоски на денешната промоција на кандидатите за градоначалници на ВМРО-ДПМНЕ што се одржа во Штип, испрати порака до нив, дека нивниот мандат е договор со граѓаните.„Сакам да им порачам на сите градоначалници, и оние што се реизбираат и оние што првпат застануваат пред народот: вашиот мандат е договор со граѓаните. Службата е чест, но и обврска. Да бидете транспарентни, достапни, чесни, и да мерите сè со резултати, а не со зборови. Вашето досегашно искуство да го претворите во предност, а вашата визија и програма да ги претворите во реални дела и проекти кои ќе го подобрат животот на граѓаните. Тоа е нашата заедничка мисија и цел“.Мицкоски укажа и кои се обврски ги презема Владата кои се  спроведуваат континуирано.Нашата Влада, рече тој, се фокусира на две клучни теми.„Прво, борбата против корупцијата. Нема напредок без чесност. Нема правда без одговорност. Корупцијата е данок врз сиромашните – и мора да ја искорениме. Ќе биде или ПРАВДА И РЕД, или нема да ја биде државата! Или корумпираните политичари, мафијаши или Македонија! Ние ќе бидеме во први редови на страната на Македонија и нејзините граѓани! И тоа ќе го видите! Второ, животниот стандард на граѓаните. Нашата должност е да создадеме услови за достоинствен живот, повисоки плати, пристоен живот за пензионерите, стабилни цени, поддршка за семејствата. Во услови на сериозни економски проблеми, инфлација која и во светот тешко може да се смири, ние имаме одговорност и обврска да донесеме мерки и чекори кои ќе бидат од корист за граѓаните и кои ќе го зголемат и подобрат нивниот стандард“, изјави Мицкоски.Според Мицкоски, не се застанува тука, со засилена динамика продолжуваат сите реформи во сите области.

Македонија | пред 7 месеци

Пешак почина откако беше прегазен од возило во Лисиче

Утрово во СВР Скопје е пријавена тешка сообраќајна несреќа на патот Горно Лисиче – Долно Лисиче. Патничко возило „Ауди А6“ со скопски регистарски таблички, управувано од Г.Д. (30) од Скопје, удрило во пешакот Т.Ѓ. (83) од Скопје.Пешакот со тешки телесни повреди бил пренесен во Комплексот клиники „Мајка Тереза“ во Скопје, каде што подоцна им подлегнал. Лекар констатирал смрт.Увид на местото на несреќата извршиле јавен обвинител и увидна екипа од СВР Скопје. По насоки на обвинител, возачот Г.Д. е лишен од слобода, а по целосно документирање на случајот ќе биде поднесена соодветна пријава.

Скопје | пред 7 месеци

Мицкоски: ВМРО-ДПМНЕ изгради 770 километри улици и патишта за време на власта на СДСМ

Претседателот на ВМРО-ДПМНЕ, Христијан Мицкоски на денешната промоција на на кандидатите за градоначалници на ВМРО-ДПМНЕ се осврна на тоа што направија  градоначалниците од ВМРО-ДПМНЕ за тие три години додека централна власт беше СДСМ.„Во изминативе 4 години, од кои цели три години беа со жесток отпор и кочница од централната власт, заедно градоначаниците на ВМРО-ДПМНЕ и Коалицијата, изградија и реконструира улици, булевари, патишта во вкупна должина од над 770 километри во вкупна вредност од околу 100 милиони евра. Направени се речиси 47 километри нови водоводи, изградени се канализации од должина од речиси од 91 километар. Изградени или во завршна фаза на градење се 7 пазари од затворен тип, 12 пречистителни станици“, соопшти Мицкоски.Мицкоски посочи дека во делот на образованието реконструирани и модернизирани се повеќе од  400 училишта и дека се потавени фотоволтаици на поголем број на училиштата.„За учениците обезбедена е бесплатна храна за децата од 1 до 5 одделение и обезбедено е бесплатно летување за децата од социјално загрозените семејства во голем број на општини, со доградба и реконструкција на училиштатата се воведе и еднодневна сменска настава. Реконструирани и модернизирани се повеќе 70 детски градинки, а новоизградени се неколку десетици градинки за оваа цел се инвестирани повеќе од една милијарда денари. Завршени или во завршна фаза се 274 спортски игралишта или детски рекреативни терени“, вели Мицкоски.Мицкоски заклучи дека претстои многу работа, многу труд, „но денес со чист образ стојам пред сите вас“.

Македонија | пред 7 месеци

Три малолетнички со закани плашеле врсничка па и се заканувале на телефон, во Чаир натепано дете

Министерството за внатрешни работи информира дека на 26.09.2025 во СВР Скопје биле пријавени два одделни случаи на малолетничко насилство.Во првиот случај, С.П. (44) од Скопје пријавила дека подолг период три малолетнички ја следеле, вознемирувале и упатувале закани на нејзината 14-годишна ќерка. Последниот инцидент се случил на 24 септември, кога преку мобилна апликација ѝ биле испратени закани. За случајот е известен јавен обвинител и се преземаат мерки за расчистување.Во вториот случај, Т.Т. (57) од Скопје пријавил дека на 25.09.2025 околу 11:30 часот, во спортска сала на основно училиште на подрачјето на Чаир, неговиот малолетен син бил физички нападнат од неколку негови соученици. И во овој случај се преземаат мерки за целосно расчистување.

Скопје | пред 7 месеци

Со закани изнудувал пари од сопругата: уапсен скопјанец!

На 26 септември 2025 година, околу 16:50 часот, во Скопје, полициски службеници од СВР Скопје го лишиле од слобода Д.Т. (37) од Скопје.Според пријавата, тој подолг период ѝ се заканувал на својата 43-годишна сопруга и ѝ барал пари.Од МВР информираат дека по целосно документирање на случајот ќе биде поднесен соодветен поднесок.

Скопје | пред 7 месеци

Уапсени две лица во велешко, оти ги фатиле со 59 куршуми, ловечки можеви, две пушки

На 26 септември 2025 година, околу 16 часот, во атарот на село Рлевци, велешко, полициски службеници од Полициското одделение Чашка ги лишиле од слобода Е.Б. (46) од село Горно Оризари и С.С. (29) од село Клуковец.При извршен преглед во патничко возило „Мицубиши“ со австриски национални ознаки, управувано од Е.Б., а во кое сопатник бил С.С., биле пронајдени и одземени две ловечки пушки – карабин, 59 куршуми со различен калибар, две дозволи за поседување и носење оружје, три ловечки ножеви со футроли, секира, две празни рамки и други предмети.Од извршените проверки било констатирано дека двајцата не поседувале дневна дозвола за лов. Тие се приведени во полициската станица, известен е јавен обвинител и по целосно документирање на случајот против нив ќе биде поднесена соодветна пријава, соопштија од МВР.

Македонија | пред 7 месеци

Заборавениот хит на Дензел Вашингтон повторно освојува на Netflix

Дензел Вашингтон моментално слави новата соработка со Спајк Ли, со кого го сними криминалистичкиот трилер „Highest 2 Lowest“. Филмот веднаш по премиерата стана голем хит на Apple TV+, а обожавателите речиси две децении чекаа двојката повторно да се обедини.Сепак, додека соработката со Ли е ретка, Вашингтон низ годините разви силно партнерство со режисерот Тони Скот. Нивниот најпознат заеднички проект, акцискиот филм „Man on Fire“, неодамна пристигна на Netflix и веднаш го освои врвот на листите на гледаност ширум светот.Според податоците на FlixPatrol, филмот на 26 септември беше трет најгледан наслов на Netflix глобално, веднаш зад „She Said Maybe“ и „KPop Demon Hunters“. Така го престигна новиот романтичен филм „The Wrong Paris“ и фантастичниот наслов „Seventh Son“ со Џеф Бриџис.Интересно е што „Man on Fire“ при премиерата во 2004 година доби поделени критики. Особено се памети по визуелниот стил на покојниот режисер Скот, кој ја популаризираше употребата на сепија филтер во сцените сместени во Мексико. Критичарите му дадоа скромни 39% на Rotten Tomatoes, но публиката со текот на годините му додели импресивни 89%, и филмот постепено стекна статус на култен наслов.Многуми сметаат дека токму овој филм ја отвори патеката кон трилогијата („Equalizer“), една од најуспешните акциски франшизи во кариерата на Вашингтон. Во третото продолжение повторно глумеше со Дакота Фенинг, која како девојче имаше клучна улога во „Man on Fire“. Трите филма од трилогијата заедно заработија повеќе од 500 милиони долари, додека „Man on Fire“ на светските економија оствари околу 130 милиони долари.Вашингтон и Скот снимија заедно уште неколку успешни филмови, меѓу кои „The Taking of Pelham 123“ и „Unstoppable“, и двата со многу добри резултати . Нивната соработка започна уште во деведесеттите со филмот „Crimson Tide“, кој исто така беше голем успех.Филмот „Man on Fire“ сега е достапен на Netflix и, според реакциите на публиката, повторно освојува нова генерација гледачи.

Магазин | пред 7 месеци

Филипче: Резолуцијата на СДСМ е најпатриотскиот документ што некогаш бил поднесен, власта да не го одбива

Претседателот на Социјалдемократскиот сојуз на Македонија, д-р Венко Филипче, на регионалната конференција „Еден регион. Една визија. Една иднина“ во организација на Прогрес Институт со поддршка на Олоф Палме, меѓународниот центар „Олоф Палме“, упати критика кон власта за тоа што го запира европскиот пат на државата и ја одбива резолуцијата за национален консензус околу евроинтеграциите.„Пред три дена го одбија еден од најпатриотските документи кој што бил виден на нашата политичка сцена, а тоа е предлог резолуцијата за национален консензус, заеднички црвени линии и временска рамка за почеток на отворањето на поглавјата и продолжувањето на преговорите со Европска Унија,“ нагласи Филипче.Тој потсети дека политиките на СДСМ секогаш биле во интерес на државата и граѓаните, без политички калкулации и грижа за рејтинг.„Нашите политики беа добри, беа во интерес на државата и на граѓаните. Не водевме сметка, не ставаме на кантар дали ќе изгубиме дел од својот политички рејтинг, затоа што вредеше државата да оди напред, да се реши деценискиот проблем со името, да станеме земја членка на НАТО. Ама сега оваа влада не сака да го продолжи европскиот пат.“Лидерот на СДСМ, д-р Филипче, оцени дека кризата во земјата е дел од пошироката криза на социјал-демократијата во Европа, предупредувајќи дека алтернативата што ја нудат десноцентристичките партии е опасна.„Имаме многу слично сценарио – еден фрагментиран простор на левиот спектар со кој што се соочуваат и другите земји. Кризата во социјал-демократијата е тесно поврзана со кризата во демократијата во светот, каде што доминираат авторитарните режими, исто тоа што се случува и кај нас. Иако партиите од центарот десно се нудат како некаква алтернатива, сепак таа алтернатива е опасна, затоа што тоа приближување на партиите од центарот десно кон авторитарните режими само ги легитимира дополнително и ги прикажува како некој по-благи варијанти.“На крајот во своето обраќање, Филипче пред гостите од сестринските партии на СДСМ од регионот упати порака со апел за единство и визија за заедничка европска иднина.„Прогресивните сили и во земјата, и во регионот, треба да се обединат, да споделиме знаење, искуства и сите заедно да покажеме дека иднината на целиот регион е во Европа”, порача претседателот на СДСМ, д-р Венко Филипче.

Македонија | пред 7 месеци

Скандал во Пробиштип, Ристовска: Синот на Тоневски возел 185 км/ч, СДСМ бара одговор од МВР

Весна Ристовска од СДСМ Пробиштип излезе со обвинувања за, како што рече, „аздисаноста на функционерите од ДПМНЕ и нивните семејства“, откако синот на кандидатот за градоначалник на Пробиштип, Тони Тоневски, бил „фатен како управува возило „ауди“ со брзина од 185 километри на час на место каде дозволената брзина е 110 километри на час“.„Сведоци сме на грубо кршење на Законот и покажување сила и моќ од страна на фамилија Тоневски со години наназад“, изјави Ристовска.аа потсети дека Тоневски, кој е претседател на локалниот огранок на ВМРО-ДПМНЕ и поранешен градоначалник на Пробиштип, по преземањето на власта бил назначен за директор на рудникот „Булмак 2016“ со плата од 5000 евра, при што, според неа, оставил многу семејства на раб на егзистенција поради отпуштања и намалувања на платите на рударите.Ристовска додаде дека рудникот бил доведен на раб на стечај, а сопругата на Тоневски била поставена за директор на Агенцијата за пошти со плата од 3000 евра.„Сега сведоци сме на загрозување на животите на учесниците во сообраќајот од страна на неговиот син. До кога вака?“, праша Ристовска.Таа јавно го повика министерот за внатрешни работи Панче Тошковски да одговори дали е постапено по случајот согласно законските надлежности, дали било вршено притисок за заташкување поради кандидатурата на Тоневски, како и дали ќе биде одземено возилото и предадено на институција или градинка, „како што постојано зборува министерот“.

Македонија | пред 7 месеци

Американската влада пред блокада - што значи ова?

Американската влада се наоѓа на чекор до блокада која може да стапи на сила веќе следната недела, доколку Конгресот не постигне договор за финансирање по истекот на тековниот буџет на 30 септември. Во случај на блокада, илјадници федерални службеници ќе бидат испратени на неплатен одмор или ќе работат без плата, националните паркови и музеи ќе бидат затворени, а бројни клучни владини функции ќе се прекинат.Иако републиканците го контролираат Претставничкиот дом, Сенатот и Белата куќа, за финансирање на владата им е потребна поддршка и од демократите бидејќи во Сенатот се бараат 60 гласови. Преговорите за краткорочно решение пропаднаа. Републиканскиот план предвидува продолжување на финансирањето до 21 ноември и дополнителни средства за безбедност на конгресмени, додека демократскиот план предвидува финансирање до 31 октомври со укинување на кратењата за Medicaid и продолжување на здравствените субвенции. Ниту еден од предлозите не доби доволно поддршка во Сенатот.Последиците од блокадата би биле сериозни. Федералните службеници нема да добиваат плата додека трае блокадата, иако по нејзиното завршување им се гарантира исплата. Националните паркови и музеи ќе се затворат, а можно е и доцнење во авионскиот сообраќај поради тоа што контролорите и TSA персоналот работат без надомест. Економските последици би биле значајни – блокадата од 2019 година ѝ нанесе штета на економијата од 3 милијарди долари.Американскиот претседател Доналд Трамп ја обвини опозицијата за застојот, изјавувајќи: „Ако мора да се затвори владата, ќе се затвори. Демократите се тие што ја гасат.“

Свет | пред 7 месеци

Колева: „Спие ли мирно Панче Тошковски? За случајот со Росица мора да има одговорност до највисоко ниво“

Претседателката на Форумот на жени на СДСМ, Даниела Колева, изјави дека трагедијата со убиството на младата Росица во Велес ја разголила „целата неспособност и нефункционалност на институциите раководени од ВМРО-ДПМНЕ“.„Не може вината да се сведува само на 11 полицајци. На толку многу пропусти, каде се началниците и командирите, каде се функционерите? Зошто тие се заштитени? Каде е нивната одговорност?“, праша Колева.Таа побара од Јавното обвинителство итно да отвори истрага за сите инволвирани во случајот, а одговорност да понесат не само полициските службеници, туку и нивните раководители и, како што рече, министерот за внатрешни работи Панче Тошковски.„Ако навистина е точно дека Росица лично му се обратила на Тошковски со порака, како што сведочат нејзини пријатели, тогаш станува збор за скандал од највисоки размери. Панче Тошковски мора да поднесе оставка од морални причини,“ истакна Колева.Таа додаде дека институциите не ја заштитиле Росица и дека нејзиниот „крик за помош останал игнориран – што е срам за државата и тежок товар на совеста на сите кои се дел од системот“.„СДСМ ќе продолжи да бара вистинска, институционална и политичка одговорност, затоа што животот на секоја жена мора да биде заштитен, а институциите мора да функционираат за граѓаните, а не против нив“, порача Колева.

Македонија | пред 7 месеци

Страотен злостор во Србија: Внук осомничен за убиство на баба и дедо

Во семејна куќа во близина на Деспотовец, Србија, пронајдени се мртви брачниот пар М.Р. (79) и Ж.Р. (76). Според изворите на српските медиуми, за двојното убиство осомничен е нивниот внук М.М., кој по делото наводно зел автомобил и побегнал.Мештаните се во неверување и за убиените сопружници велат дека биле мирни и чесни луѓе.„Живееја мирен, пензионерски живот. Ова е трагедија,“ изјави еден од соседите.За осомничениот младич велат дека повремено доаѓал кај бабата и дедото, а родителите му живеат во Италија.„Не делуваше проблематично, некогаш тргуваше со стока и на пазар,“ сведочат соседите.Телата на сопружниците во локва крв ги пронашле роднини, кои веднаш ја повикале полицијата. На лице место биле извршени увид од страна на полицијата и дежурниот јавен обвинител од Јагодина.Во селото кружат шпекулации за можни мотиви, меѓу кои и долгови или дрога, но официјални информации засега нема. Истражните органи продолжуваат да работат на расветлување на случајот.

Свет | пред 7 месеци

„Неподвижни лица одбивани од комисии, а здрави земаат нега“ - граѓани сведочат за неправди во пензиското и здравственото осигурување

Снимка на лице со тежок инвалидитет кое е целосно неподвижно, а било носено во раце по скали и со автомобил за да се пренесе до Скопје, откако службите трипати го одбиле за семејна пензија, предизвика револт во јавноста. По објавата, граѓани сведочат за слични случаи низ кои поминуваат нивни блиски.Фармацевтка чиј идентитет и е познат на редакцијата раскажува дека речиси секојдневно слуша потресни приказни од пациенти:„До мене дојде човек, плачеше, не знаеше каде да се обрати. Татко му неподвижен во постела, со декубитални рани и во пелени. Мајка му исто така едвај подвижна. Го одбиле за средства за туѓа нега затоа што документите не му биле нови, а од него барале повторно да го носи пациентот на комисии. ‘Како да го однесам кога не можам ни да го поместам од кревет’, ми рече. Има луѓе што добиваат нега, а се здрави и шетаат низ град, а за него не следува. Човекот беше скршен, без надеж“.Слични сведоштва споделија и други граѓани:„Мајка ми со мултиплекс склероза четири пати ја одбиваат за инвалидска пензија. Жената е тешко подвижна, а нè враќаат со изговор дека документите се стари. Аплициравме петти пат, уште чекаме комисија. Од Пензиско нè праќаат од број на број, никој не одговара. Ние сме од Охрид и мора лично да одиме до Скопје. Најтрагично е што овие луѓе навистина имаат потреба од тие средства – пред сè за лекови“.„Свекрва ми со Паркинсон, слабо срце и други болести ја одбија за мобилност и со тоа остана без право на асистент, без кој не може да функционира. Срамота и греота е ова што го прават“.„Асистент сум на лица со попреченост. Едниот корисник е со ампутирана нога, а го одбија за мобилност. На крај му одобрија само шест месеци, по огромни маки и трчање по документи. А патувањето до Скопје е посебен трошок и мака“.„И дедо ми, кој почина, беше целосно неподвижен, со удар и деменција. И за него бараа да го носиме на комисија, како да не им се доволни извештаите од специјалисти“.Овие сведоштва ја потврдуваат сликата за нефункционалност на дел од институциите – лица со тешки заболувања и инвалидитет се одбивани од комисии, додека, како што велат граѓаните, „здрави и прави“ земаат средства за нега.

Коментари | пред 7 месеци

„Вардариште“ под лупа: Камери, обезбедување и ограда за депонијата веднаш

По повеќе од две недели секојдневни блокади, граѓанската иницијатива „Стоп за Вардариште“ утринава го префрли својот фокус директно на терен, организирајќи увид на лице место на дивата депонија. Активистите, кои се собраа во 7:20 часот пред мостот Близнак, го започнаа разгледувањето на состојбата на депонијата во 8:30 часот, каде што, според најавите, очекуваат да им се придружи и в.д. градоначалникот на Општина Аеродром, Дејан Митевски, за да одговори на нивните прашања.Од иницијативата вчера ги повикаа и претставниците на сите надлежни институции да дојдат на терен и да им презентираат конкретни мерки што ќе се преземат веднаш, а не по завршувањето на локалните избори.Граѓаните доставија и листа со седум клучни барања за итно дејствување:Воспоставување на 24-часовен јавно достапен видео-надзор.Воспоставување на 24-часовно физичко обезбедување на депонијата.Итно иселување и соодветно згрижување на лицата кои живеат бесправно на локацијата.Поставување на ограда околу целата депонија.Започнување на процес за конечно затворање на Вардариште.Откривање и казнување на потпалувачите на пожарите.Ригорозни мерки против сите кои ќе продолжат да фрлаат отпад во Вардариште.

Скопје | пред 7 месеци