Неколку инциденти во Скопје: упатени закани кон лекар и полицајци, натепан тинејџер, боксови во Кисела Вода

Министерството за внатрешни работи информира за серија инциденти што се случиле во изминатите два дена на територијата на Скопје.На 29 август 2025 година, во 15:30 часот, во Полициската станица Кисела Вода бил повикан П.Д. (26) од Скопје по претходна пријава дека истиот околу 11:00 часот во здравствена установа на подрачјето на Центар му упатувал закани на лекарот Д.Д. (42), кој бил на своето работно место. По целосно документирање на случајот ќе следи соодветен поднесок.Истиот ден, околу 15:10 часот, на подрачјето на Гази Баба бил приведен Д.А. (47) од Скопје, кој по сторен сообраќаен прекршок, откако бил запрен од полициски службеници, им упатувал закани и притоа ги снимал со својот мобилен телефон. И за овој случај ќе биде поднесен соодветен поднесок.Во вечерните часови на 30 август, во 22:15 часот, 19-годишниот Д.Н. од Скопје пријавил дека претходната вечер, околу 22:00 часот, бил физички нападнат од едно лице на подрачјето на Центар. Се преземаат мерки за расчистување на настанот.Покрај тоа, на 29 август во 11:30 часот во СВР Скопје било пријавено нарушување на јавниот ред и мир во Кисела Вода, каде дошло до физичка пресметка помеѓу Г.Ј. (41) од една страна и А.Т. (49) и Н.А. (38) од друга страна, сите од Скопје. И овој случај ќе биде соодветно процесуиран.

Скопје | пред 8 месеци

Внимавајте и предупредувајте ги возрасните: 88-годишна жена од Велес измамена за 2.700 евра со лажна приказна за сообраќајка

На 29 август 2025 година во СВР Скопје, 88-годишната Д.Г. од Велес пријавила дека била жртва на класична телефонска измама. Според нејзините наводи, на 27 август околу 10 часот наутро добила повик на својот фиксен телефон од непознато машко лице, кое и соопштило дека нејзината ќерка наводно предизвикала сообраќајна несреќа во која прегазила четиригодишно дете. За да ја „спаси“ од долгогодишна затворска казна, измамникот побарал 50.000 евра.Жената одговорила дека нема толку средства и дека располага со околу 2.700 евра, по што добила инструкции парите да ги достави во Скопје, во близина на Градската општа болница „Св. Наум Охридски“. Следејќи ги упатствата, на 27 август околу 11:50 часот пристигнала во кругот на болницата и кесата со парите ја оставила во една од кантите за отпадоци. Потоа со автобус се вратила во Велес.Од МВР информираат дека се преземаат мерки за целосно расчистување на случајот и апелираат граѓаните да бидат внимателни и да не подлегнуваат на вакви телефонски измами.

Скопје | пред 8 месеци

Огнена стихија во прилепско – изгореа шталa, гаражи и летна кујна

На 29 август 2025 година околу 13:20 часот избувнал пожар во помошни простории – летна кујна, шталa и гаражи – лоцирани во дворно место на куќа сопственост на 44-годишниот С.К. од селото Канатларци, прилепско. Пожарот бил целосно изгаснат во 15:35 часот.Од МВР информираат дека објектите целосно изгореле, а материјалната штета е проценета на околу 5.000.000 денари.На местото бил извршен увид од вешто лице и екипа на ОКТУПА.

Македонија | пред 8 месеци

Измама во Тетовско: купопродажба на алат заврши со пријава

На 29 август 2025 година во 19:30 часот, во СВР Тетово, 33-годишниот Н.М. од село Слатино пријавил кривично дело „измама“ извршено над него, предвидено и казниво по член 247 став 1 од Кривичниот законик.„На ден 29.08.2025 година во 19:30 часот во СВР Тетово Н.М. (33) од село Слатино, тетовско, пријавил кривично дело „измама“ (предвидено и казниво по чл.247 ст.1 од КЗ на РСМ) извршено над него од страна на лицата И.А. и Е.А. од село Шемшово, тетовско, при што бил оштетен за износ од 2.000 евра. Според наводите во пријавата во текот на април месец годинава од страна на пријавените купиле од Н.Д. столариски алат во висина од 4.500 евра од кои што му исплатиле 2.500 евра, иако во меѓувреме дознал дека пријавените купениот алат го препродале“, велат од МВР.Од МВР информираат дека се преземаат мерки за целосно расчистување на случајот.

Македонија | пред 8 месеци

Приведен скопјанец во Неготино по напад врз поранешната сопруга

На 29 август 2025 година во 09:50 часот, полициски службеници од ОВР Неготино го лишиле од слобода 34-годишниот И.П.С. од Скопје, откако неговата поранешна сопруга поднела пријава против него. Според пријавата, тој дошол во нејзиниот дом во Неготино, упатил закани и физички ја нападнал.Лицето било задржано во полициската станица, а за настанот биле известени јавен обвинител и Центарот за социјални работи Неготино. Од МВР информираат дека по целосно документирање на случајот ќе биде поднесен соодветен поднесок.

Македонија | пред 8 месеци

Вашингтон дава зелено светло за Starlink – клучен систем за украинската војска

Американскиот Стејт департмент одобри потенцијална продажба на услуги од сателитскиот интернет систем Starlink во вредност од 128 милиони евра за Украина.Starlink е клучен за комуникацијата на украинските вооружени сили на фронтот, вклучително и за управување со дронови, кои претставуваат основа на украинската воена офанзива против руските сили.Иако одобрувањето претставува значаен чекор, од Стејт департментот нагласуваат дека тоа не значи дека договорите веќе се потпишани или дека преговорите се целосно завршени.

Свет | пред 8 месеци

Убиен поранешниот претседател на украинскиот парламент Андриј Парубиј во Лавов

Андриј Парубиј, поранешен претседател на Врховната рада – украинскиот парламент, и една од клучните личности во револуцијата Евромајдан, денеска беше убиен во Лавов, јави Kyiv Independent.Националната полиција соопшти дека политичар бил застрелан во западниот украински град, а пратеничката Ирина Херашченко од партијата Европска солидарност потврди дека жртвата е токму Парубиј.Веста ја потврди и претседателот Володимир Зеленски. „Министерот за внатрешни работи Игор Клименко и главниот државен обвинител Руслав Кравченко токму ме информираа за првите познати околности од страшното убиство во Лавов. Андриј Парубиј е мртов. Сите потребни ресурси се вклучени во истрагата и потрагата по убиецот“, изјави Зеленски.Според официјалните информации, повик за итна интервенција бил примен околу пладне, по пукање во јужниот дел на градот, во округот Франкивски. Парубиј починал на самото место.Засега властите не откриваат детали за можни осомничени или за мотивот на злосторството.

Свет | пред 8 месеци

Власта со жестока реакција кон Филипче: Помалку графикони, повеќе срам, ти си симбол на луксузот, не на економијата

ВМРО-ДПМНЕ денеска жестоко реагираше на изјавите на лидерот на СДСМ, Венко Филипче, во кои тој зборуваше за состојбата со инвестициите и економијата. Од владејачката партија порачаа дека токму Филипче е „последниот човек кој може да зборува за економија“, обвинувајќи го за луксуз и хедонизам во време кога граѓаните се соочувале со сиромаштија.„Најголемата инвестиција на СДС ја гледаме во јахтите и кулите во Дубаи, плантажите низ Африка и милионските приватни бизниси на поединци, кои се резултат од криминал и корупција,“ стои во реакцијата на ВМРО-ДПМНЕ.Од партијата потсетуваат дека во времето на СДСМ и ДУИ инвеститорите „не доаѓале, туку бегале“ од земјата, која, како што велат, била заробена во корупција и рекет. „Единствениот бум беше во тендерите и раст на лични сметки на привилегирана каста,“ додаваат од ВМРО-ДПМНЕ.За да ги демантираат критиките на Филипче, од владејачката партија наведуваат два аргументи. Прво, дека според Извештајот „Гринфилд ФДИ Перформанс Индекс 2025“, Македонија го зазела шестото место во светот по привлечени странски инвестиции во однос на БДП. Второ, дека во 2024 година бил остварен рекорден прилив од над 1,25 милијарди евра директни странски инвестиции.„Филипче и СДС наместо нови фабрики им донесоа на граѓаните нови долгови, затворени компании и сиромаштија. А денес, кога државата ја враќа довербата, тој од лежалка држи лекции. Помалку графикони, повеќе срам,“ се додава во реакцијата.Партијата порача дека СДСМ продолжува со „истиот стил на ароганција од времето кога ветуваа живот, а донесоа беда и лоповлук“ и дека граѓаните добро паметат кој ја потопил економијата и кој денес ја крева од пепел.

Македонија | пред 8 месеци

Шукова: Ќе ја деблокирам изградбата на мостот кај Љубљанска, Скопје не смее да биде заложник на политички игри

Кандидатката за градоначалник на Град Скопје од редовите на СДСМ, Каја Шукова, остро реагираше на, како што рече, опструкциите од ВМРО-ДПМНЕ и актуелната градоначалничка Данела Арсовска, кои ја држат метрополата во постојан сообраќаен метеж и го стопираат развојот на клучни инфраструктурни проекти.„Секојдневно гледаме како капитални проекти и решенија од витално значење за Скопје стојат заглавени поради политички игри, опструкции и целосна незаинтересираност за потребите на своите граѓани,“ изјави Шукова при денешната посета на општина Карпош.Таа го посочи проектот за изградба на булеварот што треба да го поврзе мостот кај Љубљанска со улицата Скупи како еден од најважните сообраќајни зафати кој ќе го растовари метежот и ќе овозможи подобро поврзување на Карпош и централното градско подрачје.„Сè е готово. Проектната документација е изработена, експропријацијата е завршена, средствата во висина од 190 милиони денари се обезбедени. Единствено што се чека е дозвола од Министерството за култура за теренските истражувања. Но веќе две години гледаме блокада и застој,“ нагласи Шукова.Таа додаде дека доколку ја добие довербата на граѓаните, ќе ја деблокира изградбата и ќе овозможи реализација на овој проект, за Скопје конечно да добие современа и функционална сообраќајна врска.„Како ваша градоначалничка ќе направам сè што е во моја надлежност оваа блокада да престане. Истражувањата мора веднаш да завршат за да почне изградбата на булеварот. Граѓаните одамна заслужуваат модерна инфраструктура и таа ќе ја добијат,“ порача Шукова.

Скопје | пред 8 месеци

(Видео) Нова ноќ на руски напади врз Украина: загинати и десетици повредени во Запорожје

Руските сили изведоа уште еден масовен ноќен напад со дронови и проектили врз Украина, при што експлозии беа забележани во повеќе региони, соопшти утрово украинското воено воздухопловство.Според официјалните податоци, најмалку едно лице загина, а 22 се повредени во нападите на југоистокот, во регионот Запорожје. Меѓу повредените има и тројца деца, информираше гувернерот Иван Федоров. Оштетени се 14 станбени блокови и повеќе од 40 куќи, а делови од градот останаа без електрична енергија и гас.Украинската противвоздушна одбрана соопшти дека Русија нападнала со вкупно 537 дронови, 37 крстосувачки ракети и девет балистички проектили на различни локации низ земјата. Дел од нив биле пресретнати, но сериозни оштетувања се пријавени во регионот Днипропетровск, каде што избувнале пожари и била погодена инфраструктурата.Експлозии се слушнале во близина на Черкаси, Чернихив, Днипро и главниот град Киев. Од украинската армија соопштија дека од руските аеродроми полетале шест стратешки бомбардера, кои подоцна испалиле неколку крстосувачки ракети кон украински цели.Овие удари следуваат по претходниот масовен напад врз Киев оваа недела, кога загинаа најмалку 25 лица – еден од најсмртоносните напади од почетокот на војната пред повеќе од три и пол години.Украинскиот претседател Володимир Зеленски изјави дека Русија се подготвува за голема офанзива во источниот Донбас, особено околу Покровск, каде, според извештаите, се распоредени околу 100.000 војници. Тој нагласи дека Украина е подготвена и дека ситуацијата е под контрола.

Свет | пред 8 месеци

По масовниот напад врз Киев: американско предупредување кон Москва

Седиштето на Обединетите нации синоќа беше домаќин на итна седница на Советот за безбедност, свикана по масовниот ракетен напад врз Киев во ноќта меѓу среда и четврток (28 август), во кој загинаа најмалку 23 лица. Американскиот дипломат Џон Кели изјави дека нападите „фрлаат сомнеж врз сериозноста на руската намера за мир“ и побара веднаш да престанат ударите врз цивилни подрачја.Кели порача дека е неопходно руските и украинските претставници, вклучително и претседателите Владимир Путин и Володимир Зеленски, да се согласат за директна средба. Тој го повтори предупредувањето на американскиот претседател Доналд Трамп дека Вашингтон е подготвен да воведе дополнителни санкции кон Русија доколку војната продолжи.Според САД, прекин на нападите и враќање на масата за преговори се клучни чекори за деескалација. Русија, од своја страна, во повеќе наврати ги отфрли обвинувањата дека намерно цели цивилни објекти, додека Украина и западните сојузници инсистираат дека токму таквите удари ја подриваат секоја можност за напредок кон мир.

Свет | пред 8 месеци

(Видео) Над 50.000 посетители на концертот на Цеца во Крива Паланка: настапот прекинат по реакција од публика

Градскиот стадион во Крива Паланка синоќа собрал повеќе од 50.000 посетители, кои присуствувале на концертот на балканската музичка ѕвезда Цеца Ражнатовиќ. Настапот беше дел од општинската манифестација, а интересот на јавноста далеку ги надмина очекувањата на организаторите, кои првично најавија околу 30.000 посетители.Покрај Цеца, на сцената настапија и Дејан Петровиќ со Биг Бенд, Мики Секуловски, Никола Станишиќ и Диџеј Галоски. Претходно најавениот Мирза Селимовиќ го откажа настапот поради здравствени причини.За време на концертот се случи и необичен момент кој привлече внимание. Девојка од првите редови ѝ покажа на пејачката порака со која побара потпис на својата рака за потоа да го претвори во тетоважа, па Цеца запре со пеење.„Немој да си ја упропастуваш кожата! Млада си и убава, подобро украси се со некој дечко. Момчиња, што е ова? Подоцна ќе разговараме кога ќе завршам со концертот, да те уверам во спротивното“, ѝ порача Цеца пред да продолжи со настапот. Видео од овој момент веќе кружи на социјалните мрежи и беше пренесено од повеќе српски медиуми.Утрово, градоначалникот на Крива Паланка, Сашко Митовски, јавно им се заблагодари на вработените во ЈП „Комуналец“, кои за неколку часа темелно го исчистија стадионот. „Локацијата изгледа како таму да немало повеќе од 50.000 посетители,“ напиша Митовски.Фестивалската програма продолжува и вечерва, кога главна музичка ѕвезда ќе биде Саша Ковачевиќ.

Магазин | пред 8 месеци

Филипче: Преполовени странските инвестиции, пропадна митот за инвестициски бум

Претседателот на СДСМ, Венко Филипче, изјави дека во првата половина од 2025 година странските инвестиции се преполовени во однос на истиот период минатата година, кога на власт беше СДСМ.„Со овој податок пропаѓа и последната излитена пропаганда на власта, дека во Македонија се случува инвестициски бум. Секојдневно пропаѓа и митот за наводната економска способност на ВМРО-ДПМНЕ. Нема ниту еден економски параметар во кој оваа влада не е барем двојно послаба од владата на СДСМ,“ нагласи Филипче.

Свет | пред 8 месеци

„Злото“ денес, партнер вчера – ВМРО-ДПМНЕ со остра реакција на Арбен Таравари

ВМРО-ДПМНЕ реагираше на ставовите на лидерот на Алијансата за Албанците, Арбен Таравари, со порака дека неговите позиции се недоследни и во спротивност со фактите.„Арбен Таравари повторно ја менува приказната како што му одговара. Два пати влезе и излезе од владината коалиција, како млада невеста што постојано ја прекинува свадбата. Денеска ВМРО-ДПМНЕ му е ‘злото’, а пред само два месеца со истото тоа ВМРО-ДПМНЕ гордо седеше во Владата,“ се наведува во реакцијата.Од партијата потсетуваат на неколку клучни моменти:Во февруари 2024, Таравари изјавил дека и ВМРО-ДПМНЕ и СДСМ го гледале неговиот блок како посакуван партнер, а од Али Ахмети добивал „неодоливи понуди – прв албански премиер и претседателски кандидат“.На 23 јуни 2024, Владата беше изгласана со партнерство меѓу ВМРО-ДПМНЕ и албанската опозициска коалиција Вреди, што тогаш се толкуваше како победа над матрицата на криминализираната ДУИ.Во мај 2025, Алијансата на Таравари ја напушти коалицијата со образложение за „неисполнети ветувања“, но дел од неговата партија остана во Владата, што според ВМРО-ДПМНЕ покажува дека проблемот не е идеологија, туку нешто друго – можеби уцена.Дополнително, партијата наведува економски показатели кои, како што велат, демантираат тези за „катастрофа“:Индустриско производство +4,1% во јули 2025 во однос на истиот месец 2024,Просечна бруто плата +8,5% во јуни 2025 на годишно ниво,Реална плата +3,8% поради стабилизирана инфлација,Инфлација од 3,7% во јули 2025, далеку од двоцифрените нивоа од времето на СДСМ и ДУИ.„Овие факти покажуваат дека државата оди напред, а не назад. Нема катастрофа, туку стабилизација. Таравари не знае што зборува или знае, ама намерно ја менува плочата за да си го оправда влезот и излезот од коалицијата,“ завршуваат од ВМРО-ДПМНЕ.

Македонија | пред 8 месеци

Дензел Вашингтон со изненадувачко признание: „Не гледам филмови“

Холивудската ѕвезда Дензел Вашингтон, еден од најценетите актери на својата генерација, неодамна ги изненади своите обожаватели со неочекувано признание. Иако има речиси половина век успешна кариера зад себе, тој откри дека воопшто не гледа филмови.Вашингтон ја започна својата филмска кариера во 1981 година со остварувањето „Црниот син“, а потоа следуваа бројни легендарни улоги во хитови како „Слава“, „Малколм Икс“, „Филаделфија“, „Гримизна плима“, „Собирачот на коски“, „Сеќавање на Титаните“, „Ден за обука“, „Американски гангстер“, „Праведникот“, па сè до „Гладијатор 2“.Сепак, и покрај богатата филмографија, тој за списанието GQ изјави: „Не гледам филмови, човече. Навистина не гледам. Не одам во кино. Не гледам филмови… доста ми е филмови. Да“.На прашањето колку филмови има снимено досега, Вашингтон се насмевнал и одговорил: „Превише. Мислам околу 50“.Со ова признание, оскаровецот уште еднаш покажа дека и покрај славата и огромниот успех, останува автентичен и искрен, дури и кога неговите зборови изненадуваат милиони фанови ширум светот.

Магазин | пред 8 месеци

(Видео) Украина тврди: Погодени стратешки нафтени постројки во Русија

Дронски напади рано утрово погодија две рафинерии на нафта во Русија – во Краснодар и во Самара, при што избувна голем пожар и беше предизвикана значителна штета. Информацијата ја објави Kyiv Post, повикувајќи се на официјални извори.Нападот во Краснодар се случил околу 3:30 часот по локално време, кога градот бил потресен од серија експлозии. Жителите пријавиле десетици детонации и активирање на системите за противвоздушна одбрана. Според сведоци, непосредно пред експлозиите се слушал звук на дронови над градот. На социјалните мрежи брзо се појавија снимки од пожар во нафтената рафинерија.Работниците биле веднаш евакуирани, а на местото пристигнале пожарникари и итни служби. Засега нема информации за жртви. Руските власти потврдија дека остатоци од дрон погодиле дел од технолошкиот сегмент на рафинеријата во Краснодар, при што пожарот зафатил површина од околу 300 квадратни метри.Истовремено, украинскиот Генерален штаб објави дека нивните сили повторно ја погодиле рафинеријата во градот Сизран, во Самарската област. Постројката таму произведува бензин, дизел, авионско гориво, мазут и битумен, а до август 2025 година обработувала до 8,5 милиони тони сурова нафта годишно.

Свет | пред 8 месеци

Службите следеле политичари и новинари, а не криминални групи што планирале ликвидации, коментира Туфегџиќ

Адвокатот и поранешен судија Владимир Туфегџиќ со критички коментар реагира на најновите информации за незаконското следење. Тој посочува дека наместо службите да се занимаваат со сериозни криминални групи, вниманието било насочено кон политичари, новинари и обвинители.„Незаконито биле следени политичар, новинар, јавен обвинител и уште којзнае кој, у основа ништо ново. Но еве, и јас би сакал да знам што работеле службите и зошто директорот и тогашниот министер за внатрешни работи не се заинтересирале за следење на група која во судска постапка призна дека уште од 2022 година договарале и планирале ликвидации и грабнувања, и си копале дупки за жртвите низ државава,“ напиша Туфегџиќ.Тој потсети дека токму таквите пропусти резултирале со трагични последици. „Со глава платија едно дете и еден средовечен човек, ни криви ни должни. Ете тоа мене ме интересира,“ додаде адвокатот.Со овој став, Туфегџиќ уште еднаш ја отвора темата за одговорноста на институциите и прашањето каде навистина бил насочен безбедносниот апарат во години кога, според него, најголемите закани биле оставени без надзор.

Коментари | пред 8 месеци

Алијансата за Албанците: ВЛЕН да не ја обвинува албанската опозиција, вината е кај ВМРО, ЗНАМ и српската партија

Алијансата за Албанците, крилото предводено од Арбен Таравари, остро реагираше на ставовите на ВЛЕН, нагласувајќи дека вината за политичките состојби не треба да се бара кај албанската опозиција, туку кај нивните владини партнери – ВМРО-ДПМНЕ, ЗНАМ и Српската демократска партија на Иван Стоилковиќ.„Злото на ВЛЕН не е албанската опозиција и Алијансата за Албанците, туку нивните владини партнери. Со своите антиалбански политики, тие секојдневно го користат и деградираат ВЛЕН, прикажувајќи го во лошо светло пред Албанците,“ порачуваат од Алијансата.Од партијата предупредуваат дека дискриминацијата врз Албанците се случува отворено, пред очите на функционерите на ВЛЕН, и дека одговорноста за тоа не може да се префрлува врз опозицијата. „Злото има име – ВМРО-ДПМНЕ и нивните партнери. Вината треба да ја бараат таму, како и кај своите функционери кои ги легитимираат реваншистичките политики против Албанците од нивниот тутор Христијан Мицкоски,“ наведуваат.Алијансата порача дека ВЛЕН треба да се повлече од „екстремната влада против Албанците“ и да се врати кон народот, порачувајќи дека во спротивно ќе сноси одговорност за сите штети. „Никој нема да ги амнестира ако продолжат да бидат дел од оваа влада која секојдневно го демонтира Охридскиот договор и ги понижува Албанците,“ се вели во реакцијата.Од таму додадоа дека граѓаните очекуваат визија и одговорност, а не оправдувања за опстанок на власт. „Октомври е блиску и алармот за политичката иднина на ВЛЕН е реален,“ предупредија од Алијансата за Албанците.

Македонија | пред 8 месеци

Американскиот потпретседател Џ.Д. Венс: Подготвен сум да ја преземам функцијата ако се случи трагедија со Трамп

Потпретседателот на САД, Џ.Д. Венс, во опширно интервју за USA Today изјави дека е подготвен да ја преземе претседателската должност „ако, не дај Боже, се случи страшна трагедија“ со актуелниот претседател Доналд Трамп. Тој нагласи дека е уверен оти Трамп ќе го одслужи целиот мандат и дека е во извонредна здравствена состојба.„Претседателот има неверојатна енергија. Тој е последниот кој заспива, последниот кој телефонира навечер и првиот кој се буди. Убеден сум дека ќе направи големи работи за американскиот народ,“ рече Венс. „Ако, сепак, се случи трагедија, моето искуство од последните 200 дена е најдобрата можна подготовка.“[caption id="attachment_346859" align="alignnone" width="593"] Screenshot: модринките на Трамп[/caption]Коментарите на потпретседателот доаѓаат поради загриженоста во јавноста за здравјето на Трамп, која беше поттикната од видливи модрици на неговите раце и натечени глуждови. Лекарот на Белата куќа, д-р Шон Барбабела, ги припиша симптомите на хронична венска инсуфициенција, нарекувајќи ја состојбата бенигна и честа за неговата возраст.Според 25. амандман на Уставот на САД, потпретседателот ја презема функцијата доколку претседателот почине, поднесе оставка или биде разрешен. Историски, во девет наврати потпретседатели станале претседатели за време на мандатот, меѓу кои Калвин Кулиџ во 1923 година по смртта на Ворен Хардинг.Трамп неодамна го претстави Венс како свој очигледен наследник и дел од проектот Make America Great Again (MAGA). „Мислам дека е најверојатно тој,“ рече Трамп, додавајќи дека и државниот секретар Марко Рубио би можел да соработува со него во иднина.

Свет | пред 8 месеци

Путин пред посетата на Пекинг: Русија и Кина заедно против „дискриминаторските“ санкции

Рускиот претседател Владимир Путин, во писмено интервју за кинеската новинска агенција „Синхуа“, порача дека Русија и Кина заеднички се спротивставуваат на „дискриминаторските“ санкции во глобалната трговија кои, според него, го попречуваат светскиот социо-економски развој.Тој нагласи дека двете земји ќе продолжат да работат на намалување на меѓусебните трговски бариери и истакна дека постои континуиран напредок во повеќе области на економската, трговската и индустриската соработка. „За време на мојата посета сигурно ќе разговараме за идните перспективи на заемно корисната соработка и за нови чекори кои ќе ја интензивираат во интерес на народите на Русија и Кина“, изјави Путин.Посетата на Пекинг, прва по мај минатата година, доаѓа во момент кога Путин се обидува да ја преобрати тенденцијата на забавување на билатералната трговија, додека војната во Украина сè уште трае и покрај неодамнешниот самит со американскиот претседател Доналд Трамп на Алјаска.Откако западните држави ги прекинаа економските врски со Москва поради руската инвазија врз Украина во февруари 2022 година, Кина стана клучен партнер на Русија, купувајќи руска нафта и пласирајќи широка палета производи – од автомобили до електроника. Тоа ја зголеми билатералната трговија на рекордни 245 милијарди долари во 2024 година.Путин и кинескиот претседател Си Џинпинг во 2022 година го прогласија своето стратешко партнерство за „без ограничувања“. Двајцата лидери во изминатата деценија се сретнале повеќе од 40 пати.

Свет | пред 8 месеци

Не ветувам лесен пат, но ветувам борба за праведна и солидарна Македонија, да ја исправиме на темелите на АСНОМ, вели Филипче

Претседателот на СДСМ, Венко Филипче, на собирот на младите социјалдемократи во Струмица испрати порака на мобилизација и решителност.„Јас не ветувам лесен пат. Но ветувам борба. И таа борба ќе ја водиме со главата високо, со гордост што сме наследници на асномската идеја за слободна, праведна и солидарна Македонија,“ порача тој.Филипче нагласи дека младите и членовите на СДСМ отсекогаш биле бранителите на демократијата во најтешките моменти и дека денес повторно е време за исправување. Тој остро ја критикуваше Владата на ВМРО-ДПМНЕ, обвинувајќи ја за партизација, непотизам и злоупотреби кои, според него, ја туркаат државата во мрак и им ја одземаат иднината на младите.„Нашата задача е јасна – да ја подигнеме партијата, да ја вратиме надежта, и да им покажеме на луѓето дека СДСМ е силата што знае да ја исправи државата,“ рече Филипче.Тој посочи дека токму младите социјалдемократи и ангажираното членство ќе бидат двигатели на промените: „Нивната енергија на терен, во секое маало, во секое семејство, е она што ќе ја разбуди надежта кај разочараните и кај оние што замолкнале. Сега е моментот повторно да се собереме, да се исправиме и да ја изградиме силата што ќе ја запре неправдата и ќе ја врати државата во рацете на народот.“

Македонија | пред 8 месеци

Пецаков: Граѓаните со свои идеи ќе ја креираат програмата за Охрид

Градоначалникот на Охрид, Кирил Пецаков, ја најави акцијата „Предложи! Вистинската идеја за вашата општина“, преку која се собираат предлози и иницијативи од граѓаните што ќе влезат во новата програма за наредниот мандат.„Денеска собираме идеи на граѓаните кои ќе бидат дел од програмата во следните четири години“, изјави Пецаков, додавајќи дека програмата е поделена во три сегменти. Првиот е насочен кон капитални инфраструктурни проекти што ќе се надоврзат на започнатите и завршените од претходниот мандат. Вториот дел ги опфаќа проектите кои произлегле од потребите на месните заедници во изминатите години. Третиот дел, како што посочи, ќе биде составен од новите идеи што граѓаните ќе ги доставуваат во наредните денови.„Сето она што ќе биде реално остварливо, ќе може да биде дел од нашата програма и ќе се потрудиме да биде реализирано во еден мандат,“ нагласи Пецаков.

Охрид | пред 8 месеци

Белата куќа во жесток напад врз „Politico“: „Операција на странско влијание“

Белата куќа денеска остро го нападна американскиот медиум „Politico“, обвинувајќи го за спроведување „операција на странско влијание“. Повод за ваквата реакција е текст во кој се критикуваат преговорите на специјалниот претставник на претседателот Доналд Трамп за Украина, Стив Виткоф.Американскиот потпретседател Џ.Д. Венс беше предводник на нападите врз „Politico“, кој од 2021 година е во сопственост на германскиот медиумски гигант „Аксел Шпрингер“. Во спорниот текст се цитираат неименувани функционери кои тврдат дека кај Виткоф, во разговорите со рускиот претседател Владимир Путин, „јасно се гледа неискуство“.„Оваа сторија на Politico е новинарски пропуст. Но тоа е повеќе од тоа: ова е операција на странско влијание со цел да се наштети на администрацијата и на еден од нашите најефикасни членови“, порача Венс преку социјалната мрежа X.Кон него се придружија и други претставници на Белата куќа. Заменик-шефот на кабинет Џејмс Блер текстот го нарече „операција на странско влијание водена преку интернет-медиум под германска контрола“.Иако обвинувањата беа тешки, официјални лица не понудија докази кои би ја поткрепиле тезата дека е вмешана странска влада или друга организација.Ова не е првпат администрацијата на Трамп да застане во одбрана на Виткоф, бизнисмен во областа на недвижности, кој беше именуван за специјален изасланик за мировните преговори во Украина и Газа, и покрај тоа што нема дипломатско искуство.Текстот на „Politico“ е само дел од низата критички написи, вклучително и во „The Atlantic“, каде се наведува дека преговорите на Виткоф со Русија предизвикале конфузија.Нападите врз медиумите доаѓаат во момент кога Берлин и Париз изразуваат сомнежи за успехот на мировните напори на Трамп. Германскиот канцелар Фридрих Мерц изјави дека очекува војната да трае „уште многу месеци“.Самиот Виткоф, кој неодамна повеќепати патуваше во Москва на средби со Путин, а во петок во Њујорк се сретна и со украински претставници, кусо изјави: „Изјавата на нашиот неверојатен потпретседател зборува сама за себе.“

Свет | пред 8 месеци

Зеленски ја отфрли идејата за 40-километарска тампон-зона во Украина

Идејата за создавање 40-километарска тампон-зона меѓу руските и украинските линии на фронтот како дел од можен мировен договор за завршување на војната во Украина предизвика жестоки реакции, а украинскиот претседател Володимир Зеленски ја отфрли оценувајќи дека таков предлог не ја одразува реалноста на современото војување.„Само оние кои не го разбираат технолошкото ниво на денешната војна предлагаат тампон-зона,“ изјави Зеленски, нагласувајќи дека во пракса ваква зона веќе постои поради масовната употреба на дронови.Тој појасни дека тешкото вооружување на двете страни веќе се наоѓа на повеќе од 10 километри едно од друго токму поради ризикот од напади со дронови.„Овој тампон – јас го нарекувам ‘мртва зона‘, некои го викаат ‘сива зона‘ – веќе постои,“ рече украинскиот претседател.Зеленски категорично одби можност Украина да се откаже од делови од својата територија во рамки на таков договор: „Ако Русија сака поголема оддалеченост од нас, може да се повлече длабоко во привремено окупираните територии на Украина.“Тој додаде дека Москва не е подготвена за вистинска дипломатија и дека единствено бара начини за одолговлекување на крајот на војната.Во меѓувреме, европските лидери разгледуваат опции за обезбедување безбедносни гаранции за Украина во случај на договор со Русија. Високата претставничка на ЕУ, Каја Калас, порача дека министрите за одбрана на Унијата се согласиле дека поддршката за Киев мора да биде „робусна и веродостојна“. Зеленски најави продолжување на разговорите веќе следната недела за обврски „слични на НАТО“ кои би обезбедиле сигурност за Украина.Од Москва, портпаролката на руското Министерство за надворешни работи, Марија Захарова, ги оцени најновите западни предлози како „еднострани“ и насочени кон обуздување на Русија.

Свет | пред 8 месеци

Хамас: Израелските заложници ќе ја делат судбината на нашите борци во офанзивата на Газа

Палестинското движење Хамас во петок предупреди дека израелските заложници ќе бидат изложени на исти ризици како и неговите борци доколку израелската армија ја започне најавената офанзива врз градот Газа.„Ќе се грижиме за затворениците (заложниците) колку што можеме, но тие ќе бидат со нашите борци во зоните на борба и конфликти, изложени на истите ризици и истите животни услови,“ стои во соопштението на Хамас.Гласноговорникот на вооруженото крило на организацијата, познат под прекарот Абу Обеида, додаде дека за секој убиен заробеник во израелските напади ќе биде објавено неговото име, фотографија и доказ за смртта.Владата на премиерот Бенјамин Нетанјаху ѝ нареди на армијата да се подготви за голема офанзива врз градот Газа со цел уништување на Хамас и враќање во Израел на сите заробени кои и натаму се држат во Појасот Газа.Портпаролот на израелската војска во петок изјави дека се изведуваат „подготвителни операции“ во предградијата на Газа, нагласувајќи дека Израел е подготвен за почеток на нападот чија цел е целосно заземање на градот.„Војската делува многу интензивно во предградијата на Газа,“ изјави портпаролот Авихај Адраи.Израел планира целосно да го преземе градот и претходно најави преселување на речиси еден милион луѓе од северниот дел на Појасот Газа кон југ.

Свет | пред 8 месеци