Најнови вести

5 ден.

Мицкоски до Беџети: Никој нема против албанскиот јазик, оваа влада нема да ви дозволи со ситен популизам да играте на чувствата на Албанците

Претседателот на Владата, Христијан Мицкоски, на седница за пратенички прашања изјави дека во државата нема противење за употребата на албанскиот јазик и дека сите граѓани се ценат подеднакво, без разлика на етничката припадност.Одговарајќи на прашање од пратеникот Блерим Беџети, премиерот посочи дека Владата нема да дозволи, како што рече, „ситен популизам“ на етнички теми, нагласувајќи дека фокусот треба да биде на проекти и реформи.Тој истакна дека употребата на албанскиот јазик не е спорна, наведувајќи пример со официјални настани на кои се обезбедува превод и на македонски и на албански јазик, во согласност со Уставот.Во однос на Законот за јазици, Мицкоски се осврна и на мислењето на Венецијанска комисија, појаснувајќи дека таа дава препораки за усогласеност со меѓународното право, додека за уставноста одлучува Уставен суд на Северна Македонија.Премиерот додаде дека Владата работи на корекција на, како што рече, недостатоците од претходниот период, посочувајќи дека се преземаат чекори за унапредување на правата и практичната примена на јазиците.Тој оцени дека граѓаните очекуваат подобар животен стандард, вклучително и поквалитетно здравство, образование и економски услови, наместо политички дебати засновани на етнички прашања.

Македонија | пред 5 дена

5 ден.

Манасиевски: Изјавата на Рубин Земон е показател за пристапот на СДС кон македонските национални интереси под раководство на Филипче

Желбата на СДС да дојдат на власт е толку голема, до степен да негираат се што е македонско, да прифаќаат услови од земји кои што ја ветоизираат Македонија и и го попречуваат патот кон ЕУ, вели Валентин Манасиевски, член на ЦК на ВМРО-ДПМНЕ.„Членот на Извршниот одбор на СДС, Рубин Земон, во јавен настап на поткаст отворено изјави дека дебатата за македонскиот идентитет не е релевантна, а Гоце Делчев го опиша како мит, тврдејќи дека не оставил никаков запис и не извојувал ниедна битка.Рубин Земон е инаку поранешен функционер од редовите на СДС, кој очигледно според оваа изјава само потврдува дека во СДС постои континуитет на вакви ставови.За нив ништо не значат македонскиот идентитет, јазикот, како и македонските национални интереси, туку тие само се теми за политичко пазарење.Не им пречи тоа што, доколку би се спровеле уставните измени, нема гаранција за Македонија дека тоа ќе биде последната пречка на патот кон ЕУ.Напротив, Филипче вели дека уште веднаш е подготвен да потпише и во највискиот орган на СДС, поставува луѓе кои се подготвени да ја релативизираат македонската историја, и испраќа пораки на подготвеност за отстапки кои допираат до самите темели на државноста.Рубин Земон, е само уште еден доказ дека за Филипче не постои никаква црвена линија“, додава тој.

Македонија | пред 5 дена

5 ден.

Петрушевски: Брисел и Вајц ги потврдија фактите, СДС ширеше невистини за ИПАРД и Реформската агенда

Брисел потврди дека ИПАРД програмата не е блокирана и дека реализацијата продолжува, додека европратеникот Томас Вајц јасно посочи дека Македонија има напредок во делот на Реформската агенда, вели Бране Петрушевски, пратеник на ВМРО-ДПМНЕ.„Со тоа, паднаа во вода обидите на Филипче и СДС за манипулација на јавноста и земјоделците. Тие со месеци ширеа невистини дека европските средства се изгубени, дека програмата е запрена и дека земјоделците нема да добијат поддршка.Вистината е дека по случајот во Платежната агенција, Владата предводена од ВМРО-ДПМНЕ навремено реагираше, ги стопираше процесите, го извести Брисел и побара вонредна и темелна контрола. Извештајот покажа дека системот функционира, дека процесите се одвиваат согласно закон и дека нема злоупотреба на системот.Дополнително, Томас Вајц ја демантираше тезата на Филипче, посочувајќи дека изјавата на која се повикува СДС е стара неколку месеци и дека државата има напредок во Реформската агенда.Лажеа за мигранти, лажеа за Буџетот, лажеа за пензиите, за платите, за земјоделците. Нема за што не лажеа и беа демантирани. Наместо да ја манипулира јавноста за ситни политички поени, СДС треба да престане со лаги и конструкции.Додека СДС лаже, манипулира и го продава евроинтегративниот процес за нивни лични и бизнис интереси, ВМРО-ДПМНЕ продолжува да работи посветено на евроинтегративниот процес“, додава тој.

Македонија | пред 5 дена

5 ден.

Ја викнал во својот дом, ја убил па и го распарчил телото - истрага против пејач во Лос Анџелес

Во Лос Анџелес се води истрага против 21-годишниот пејач D4vd, кој е обвинет за убиство и сквернавење на телото на 14-годишно девојче, соопштија американските обвинители.Според наводите од истрагата, телото на жртвата било пронајдено во распадната состојба во возило на пејачот, неколку месеци по исчезнувањето. Обвинителите тврдат дека постојат докази за претходно планирање и обиди за прикривање на злосторството.Според наводите на обвинителството, пејачот D4vd ја повикал тинејџерката во својот дом, откако преку апликација ѝ нарачал превоз од нејзиниот дом во Лек Ељсинор.Во документите се тврди дека кратко по нејзиното пристигнување во домот, таа била лишена од живот, а обвинетиот наводно се обидел да спречи откривање на случајот поради страв дека информациите би можеле да ја загрозат неговата кариера.Обвинителството наведува дека смртта најверојатно настапила на 23 април 2025 година, два дена пред објавувањето на неговиот прв албум, кога е забележан прекин во активноста на нејзиниот телефон.Истрагата, според обвинителството, вклучува и наводи за обиди за уништување на трагите и прикривање на идентитетот на жртвата, како и купување предмети кои биле користени во процесот на распарчување на телото.Пејачот се изјаснил за невин, а неговата одбрана ги отфрла сите обвиненија, додека судскиот процес е во тек.

Свет | пред 5 дена

5 ден.

Огњеновиќ: После „Black Cube“ за следење и фабрикување афери, Мицкоски и Тошковски воведуваат Pegasus, шпионски софтвер

Министерот Панче Тошковски јавно изјави дека полицијата поседува софтвер кој овозможува пристап до камерите и микрофоните на телефоните на сите граѓани на Македонија, вели Петар Огњеновиќ – член на Извршниот одбор на СДСМ.„Тој систем се вика Pegasus.Pegasus е шпионски софтвер (spyware) кој го разви израелската компанија NSO Group.Може да се инсталира далечински, без кликање на телефонот, да пристапи до сите пораки, фотографии, локација, камера, микрофон, контакти и апликации.Се користи за таен и тотален надзор.NSO Group го продава на влади под изговор на борба против тероризам и криминал, но масовно се злоупотребува против новинари, активисти, опозиција и критичари на властите низ целиот свет.После Black Cube, приватниот Мосад, за тајно снимање, следење и фабрикување афери Мицкоски и ВМРО-OKG одат чекор понатаму: воведуваат државен шпионски софтвер против сопствените граѓани.Големиот пријател на Мицкоски од сестринската партија СНС – Александар Вучиќ и неговиот режим купиле Pegasus и слични израелски алатки.За тоа опширно пишувале: Amnesty International, BIRN (Balkan Investigative Reporting Network), Citizen Lab, Access Now, Share Foundation, Haaretz, The Guardian, Washington Post и други.Во Србија Pegasus бил користен против новинари, активисти и критичари на власта.Мицкоски сега го копира тој авторитарен модел.После Орбановите медиуми, после „Black Cube“, сега доаѓа Pegasus, тотална контрола над граѓаните, а пред сè над СДСМ и претседателот Венко Филипче.Ова е борба на Мицкоски против слободата на мислење, слободата на говор и против секој кој не се согласува со нивната власт.Ваквата практика е директно кршење на Уставот, Европската конвенција за човекови права и европските стандарди.Европската унија повеќе пати остро го критикуваше злоупотребата на ваков софтвер во авторитарни режими.ВМРО-OKG и МВР наместо да ги штитат граѓаните – ги шпионираат.Тие ја водат државата како криминална организација, а граѓаните ги третираат како непријатели.Јавно бараме:* Веднаш да се обелодени кој го купил Pegasus, колку чини и против кого се користи* Независна истрага за злоупотребата на софтверот од страна на МВР* Оставка од Панче ТошковскиДемократијата не е компатибилна со Pegasus.Нема да дозволиме Мицкоски, Тошковски и криминалната организација ВМРО да ја претворат Македонија во криминална држава.Граѓаните на Македонија заслужуваат слобода, а не шпионирање 24 часа на ден“; додава тој.

Македонија | пред 5 дена

5 ден.

Премиерот итно да го дисциплинира министерот за правда – граѓаните бараат ефикасност, а не партиски прес-конференции на државен трошок , велат од ЛДП

Либерално-демократската партија (ЛДП) реагираше на вчерашната прес-конференција на министерот за правда, оценувајќи дека наместо информирање за реформските процеси, јавниот настап бил искористен за политички пораки и критики кон опозицијата.Од партијата наведуваат дека нивниот претставник во работната група за Изборниот законик, Дејанчо Цветановски, бил сведок на, како што велат, изнесување ставови кои не биле усогласени со работната група, туку претставувале личен или партиски пристап на министерот.ЛДП бара итна реакција од премиерот, оценувајќи дека е потребно укажување и дисциплинирање на министерот за правда поради, како што наведуваат, недолично користење на институционалната позиција.Во реакцијата се посочува и потреба од преиспитување на довербата кон министерот поради доцнење на реформската агенда, при што од ЛДП предупредуваат на ризик од губење на средства од европските фондови.Партијата додава дека Министерството за правда не смее да функционира како партиска платформа и дека е неопходен поширок и инклузивен пристап во спроведувањето на реформите, со цел враќање на довербата во правниот систем.

Македонија | пред 5 дена

5 ден.

Петровска до Тошковски: Дали со прекинување на акцијата за поткуп од 50 илјади евра го штитите министерот за земјоделие

Пратеничката на СДСМ, Славјанка Петровска, на седницата за пратенички прашања упати прашање до министерот за внатрешни работи Панче Тошковски, поврзано со акција за поткуп спроведена од МВР и Бирото за јавна безбедност, во која беше приведен директор на Државниот инспекторат за земјоделие.Петровска посочи дека јавноста добила ограничени информации за случајот, при што акцијата била опишана во соопштение без, како што рече, доволно детали. Таа додаде дека подоцна во јавноста се појавиле фотографии од апсењето, кои, според неа, отвораат прашања за точната локација на настанот.Пратеничката наведе дека постојат индиции за поврзаност на локацијата со објекти во близина на адреса поврзана со министерот за земјоделие, и побара појаснување дали акцијата била прекината пред да се реализира во целост.„Дали со прекинување на акцијата се штити министерот за земјоделие?“, праша Петровска, додавајќи дека очекува јасни одговори од министерот Тошковски.Од МВР засега нема дополнителни појаснувања во врска со изнесените наводи од пратеничката.

Македонија | пред 5 дена

5 ден.

Продолжена грејната сезона во Скопје – уште два дена парно

Регулаторната комисија за енергетика, водни услуги и услуги за управување со комунален отпад (РКЕ) ја информира јавноста дека водејќи се од основните цели на Законот за енергетика за обезбедување на квалитетно снабдување со енергија на потрошувачите и заштита на правата на потрошувачите на енергија ги задолжи ЕСМ Снабдување, ЕСМ Енергетика и Енерџи Еколинк (поранешна Топлана Скопје Север) да продолжат со греење и во следните два дена, на 1-ви и 2-ри мај, иако грејната сезона завршува на 30 април.„Одлуката следува по добиените пет дневни податоци за среднодневната температура на воздухот од Управата за хидрометеоролошки работи, кои покажуваат дека се очекуваат невообичаено ниски температури за овој период од годината. Целта е достигнување на високи стандарди во исполнување на јавната услуга снабдување со топлинска енергија за греење“, информираат од РКЕ.

Скопје | пред 5 дена

5 ден.

СДСМ: Нафтата повторно поскапи, а Мицкоски брза да се задолжи – буџетот „во одлична кондиција“ за нови тендери

Додека цената на нафтата повторно расте и граѓаните плаќаат сè поскапи сметки, Мицкоски и неговата влада објавуваат дека „буџетот е во одлична кондиција“ и веднаш бараат ново задолжување, вели СДСМ.„Економската политика на криминална група ВМРО е класичен пример на популизам, неодговорно трошење и отсуство на вистински реформи.Наместо фискална консолидација, продолжуваат со огромни буџетски дефицити од над 3,5%, растечки јавен долг кој брзо се приближува и надминува 60% од БДП и масовно ново задолжување преку скапи кредити и еврообврзници.Инфраструктурни проекти без реални резултати и субвенции без контрола само го продлабочуваат структурниот проблем.Странските инвестиции паднаа за 60% поради недоверба во Владата и нејзиниот неуспех да ја реализира реформската агенда.Продуктивноста и конкурентноста стагнираат, а граѓаните се сиромашни, додека тајкуни и партиски блиски се богатат на сметка на иднината на државата.СДСМ веќе два месеца ја моли владата да усвои мерки за заштита на граѓаните од растот на цените. Мицкоски молчи.Фактите се јасни:• Потрошувачката кошничка поскапе за 3.500 денари.• Минималната плата не е зголемена.• Нафтата и ѓубривото поскапеа – директен удар врз земјоделците, што ќе донесе нови поскапувања на основните прехранбени производи.Прашањето е логично: Дали владата не воведува мерки за да некој профитира? Дали штити лични и партиски интереси на грбот на народот?Буџетот „во одлична кондиција“ брза да се задолжи за да има пари за нови тендери.Мицкоски може да купи уште еден часовник од 65.000 евра. А на граѓаните им остануваат празни фрижидери и празни паричници.Нека ги полнат со патриотизам – порачуваат големите Македонци од владата со бугарски пасоши.Граѓаните јасно гледаат: додека Мицкоски и ВМРО-ОКГ се грижат за своите тендери и луксуз, народот плаќа сметка.Доаѓа времето на вистината, правдата и одговорноста“; се вели во соопштението.

Македонија | пред 5 дена

5 ден.

Семејно насилство во Тетово: Ја тепал ќерката, па употребил и тврди предмети

Од МВР информираат дека на 29.04.2026 година во 19:10 часот во Тетово, полициски службеници од СВР Тетово го лишиле од слобода 67-годишен маж од Тетово.Постапувајќи по претходна пријава од неговата 25-годишна ќерка, тој се сомничи дека во семејниот дом физички ја нападнал, при што, според пријавеното, употребил и тврди предмети.Од полицијата информираат дека по целосно документирање на случајот ќе следува соодветна пријава.

Македонија | пред 5 дена

5 ден.

Серија контроли во Тетовско: Лишени од слобода неколку возачи без дозвола

На 29 и 30.04.2026 година, полициски службеници од СВР Тетово и поширокиот регион спровеле повеќе контроли во сообраќајот, при што биле лишени од слобода повеќе лица кои управувале возила без возачка дозвола.На регионалниот пат Тетово – село Волковија, бил запрен мотоцикл со тетовски регистарски ознаки, управуван од 33-годишен жител на Тетово, кој немал возачка дозвола. Тој бил лишен од слобода, а мотоциклот е одземен.Во Тетово, на улицата „ЈНА“, бил запрен четирицикл управуван од 15-годишен малолетник од село Порој, додека во село Желино бил запрен мотоцикл управуван од 14-годишник од село Стримница. И во двата случаи лицата биле лишени од слобода, а возилата одземени.На магистралниот пат Гостивар – Стража, полициски службеници лишиле од слобода 23-годишник од село Беловиште, кој управувал автомобил без возачка дозвола.Исто така, на улицата „Маршал Тито“ во Тетово бил запрен уште еден мотоцикл управуван од 25-годишник од Тетово, кој исто така немал дозвола за управување.По целосно документирање на случаите, против сите лица ќе бидат поднесени соодветни пријави согласно член 297-а од Кривичниот законик – „безобѕирно управување со моторно возило“.

Македонија | пред 5 дена

5 ден.

Уцена во Тетово: Жена пријавила дека ѝ биле одземени акции

Од МВР информираат дека на 29.04.2026 година во 10:50 часот во СВР Тетово, 63-годишна жена од тетовско пријавила дека била уценета од две лица, по што била принудена да ги препише акциите од едно правно лице во Тетово.Од полицијата информираат дека се преземаат мерки за целосно расчистување на случајот и утврдување на сите околности поврзани со настанот.

Македонија | пред 5 дена

5 ден.

Тепачка пред училиште во Тетово – малолетник повредил две лица, пронајдени нож и штрафцигер на местото

На 29.04.2026 година, полициски службеници од СВР Тетово лишиле од слобода 15-годишник од село Желино, постапувајќи по пријава добиена од Клиничката болница Тетово.Според информациите, истиот ден околу 16:40 часот во болницата биле донесени две лица на возраст од 19 и 18 години со повреди од остар предмет. По преземени мерки, било утврдено дека инцидентот се случил пред средно училиште во Тетово, каде тројцата биле инволвирани во физички напад со употреба на остар предмет.Во настанот повреди здобил и 15-годишникот, кој подоцна бил идентификуван и лишен од слобода. При увидот на местото на настанот биле пронајдени нож и штрафцигер.За случајот е известен јавен обвинител, а по целосно документирање ќе следува соодветна пријава.

Македонија | пред 5 дена

5 ден.

Кривична против експретседателот на Стоматолошката комора - остварена имотна корист од речиси 32 милиони денари

Управата за финансиска полиција до Основното јавно обвинителство Скопје поднесе кривична пријава против М.Д., во својство на поранешен претседател на Стоматолошката комора на Македонија, К.П. во својство на претседател и Л.Е., К.З., А.Д. и Г.Ќ.Ч. во својство на членови на Комисијата за стручни стоматолошки прашања поради постоење на основи на сомнение за сторено кривично дело “Злоупотреба на службената положба и овластување” од член 353 од КЗ на Република Северна Македонија.„Првопријавениот М.Д., пречекорувајќи ги границите на службените овластувања доверени од Министерството за здравство за издавање, обновување, продолжување и одземање лиценци за работа на доктори по стоматологија, свесно и со однапред утврдена намера склучувал договори со непостоечки здруженија за спроведување облици на континуирано стручно усовршување преку кои докторите по стоматологија стекнувале бодови за обновување на лиценците.Воедно, првопријавениот бил основач, овластен потписник на банкарските сметки и еден од фактичките управители на ДДДММ – Друштво на доктори по дентална медицина на Македонија – Куманово, преку кое го изигрувал системот, постапувајќи спротивно на Правилникот за континуирано стручно усовршување и Законот за здравствена заштитаВо координација со останатите пријавени, биле издавани решенија и склучувани договори со цел спроведување на поголем број на настани годишно од она што е пропишано во Правилникот, овозможувајќи им имотна корист за ДДДММ, Македонското стоматолошко друштво и Стоматолошкото друштво на Албанците, на чии банкарски сметки се исплатувале средствата од котизациите на докторите по стоматологија за сите противправно акредитирани и реализирани настани, а за таа цел здруженијата во нивен состав намерно не биле регистрирани како посебни правни лица.Со горенаведените противправни дејствија, пријавените оствариле имотна корист за друштвата ДДДММ друштво на доктори на дентална медицина на Македонија, Македонско Стоматолошко друштво и Стоматолошко Друштво на Албанците во вкупен износ од 31.969.250,00 денари“, информираат од Финансиската полиција.

Македонија | пред 5 дена

5 ден.

Се укинува банкнотата од 500 евра во новата серија банкноти на еврото

Проектот за редизајн на новата серија евробанкноти, што Европската централна банка (ЕЦБ) го започна кон крајот на 2021 година, влезе во завршна фаза од процесот на дизајнирање.Во јули минатата година Европската централна банка распиша конкурс за европски графички дизајнери со цел собирање визуелни предлози за новиот изглед на банкнотите.Рокот за доставување на конечните решенија од избраните дизајнери е крајот на овој месец. По тоа, предлозите ќе бидат разгледани од стручно жири, а потоа и од Управниот совет на Европската централна банка.Централната банка уште во 2021 година најави развој на нова серија банкноти, а во 2023 година беше соопштено дека редизајнот ќе се базира на две теми: „Европска култура“ и „Реки и птици“.Според Европската централна банка, целта на проектот е да се обезбеди поголема безбедност, одржливост и еколошка прифатливост на банкнотите, како и да се подобри нивната пристапност и инклузивност.Во новата серија е предвидено укинување на банкнотата од 500 евра, мерка која има за цел намалување на ризиците од перење пари и подобра контрола на финансиските текови. Сепак, постојните банкноти од овој апоен ќе останат во оптек и ќе продолжат да важат како средство за плаќање, без најавен рок за нивно повлекување.

Свет | пред 5 дена

5 ден.

(Видео) Објавена снимка од вандализмот во училиштето во Штип, наставата е во прекин

Основното училиште во Штип, ООУ „Ванчо Прке“ - Штип, ноќеска беше цел на вандалски чин кој предизвика значителна материјална штета и прекин на наставата за над 1.100 ученици.Инцидентот, според првичните информации, се случил во текот на ноќта, при што непознат сторител или сторители влегле во училишниот објект и оштетиле дел од училишниот инвентар. Настанот резултирал со сериозни последици врз нормалното одвивање на образовниот процес.Од училиштето преку социјалните мрежи е испратено известување до родителите дека денес наставата нема да се одржи поради, како што наведуваат, оправдани причини.Во меѓувреме, полициски екипи извршиле увид на местото на настанот и работат на утврдување на сторителите и околностите под кои се случил инцидентот. Се очекуваат дополнителни информации по завршувањето на истрагата и проценката на вкупната штета.

Настани | пред 5 дена

5 ден.

Фрчкоски: Градежна мафија на Орце и ВМРО-ОКГ е опасна по живот а никој ништо не и може

Градежната мафија на ВМРО-ОКГ во Скопје е опасна по живот ама никој ништо не и може. Помина цела недела од трагичниот настан во Кисела Вода во кој загина работник, а неколкумина беа тешко повредени, вели Јон Фрчкоски – член на Извршниот одбор на СДСМ.„Сѐ уште нема никаква одговорност, ниту конкретна акција од институциите.Воопшто не е случаен овој молк. Молкот е доказ.Дека криминалната власт и нејзините бизнис партнери се подготвени да газат преку се, само да продолжат да се богатат.Трагедијата во Кисела Вода е последица на коруптивен систем во кој профитот е поважен од животот.До кого доаѓаме? Кој стои зад овој објект? И како е поврзан со Орце Ѓорѓиевски?Инвеститорот е фирмата „Нар инвестмент“ зад која стои Ивица Коневски, поранешен функционер и градоначалник на на ВМРО-ОКГ.Близок до Орце Ѓоржиевски, кој беше ангажиран и како адвокат во општината Кисела Вода кога Орце беше градоначалник.Како е можно Коневски, кој истовремено ја ужива довербата на Општина Кисела Вода како нивен адвокат, истовремено да биде правен застапник на општината и главен инвеститор во нејзината територија?Ова е класичен пример на конфликт на интереси и институционална корупција која цвета под чадорот на ВМРО-ОКГ.Ако се пголеднат трансакциите од буџетот на Општина Кисела Вода кон адвокатската канцеларија на Коневски, во 2025 година достигнувале суми од над 70.000 денари.Како е можно истите луѓе да бидат дел од системот на општината и истовремено да профитираат од одлуки на општината?Затворен круг на бизнис и политика. Класична шема на ВМРО-ОКГ. Тендерите и бизнисите одат кај своите.Оваа криминална спрега е опасност за секој граѓанин.Бараме:Итна, независна и темелна истрага за целиот случај.Проверка на сите дозволи, надзори и услови за работа на градилиштето.Како е дадена дозволата, односно одобрението за градба?Утврдување на точната улога на Орце Ѓорѓиевски и Ивица Коневски.Одговорност мора да има“; вели Фрчкоски.

Македонија | пред 5 дена

5 ден.

(Видео) Несреќа во Франција: Автобус падна во река

Автобус со патници денеска падна од мост во Франција во реката Сена, во близина на местото Живизи-сир-Орж, јавуваат француски медиуми.Според првичните информации, во возилото се наоѓале четири лица. Дел од патниците и возачот биле спасени, но едно лице сè уште се води како исчезнато.На местото на несреќата веднаш пристигнале спасувачки служби, вклучително и речна полиција и противпожарни единици, кои продолжуваат со потрагата и обезбедување на теренот.Француските медиуми наведуваат дека возачот најверојатно ја изгубил контролата над автобусот пред тој да излета од мостот и да заврши во водата.Засега нема потврдени информации за жртви, а локалните власти ја опишуваат несреќата како шокантна и неочекувана.

Свет | пред 5 дена

5 ден.

Србија пушта 30.000 тони дизел од резервите

Владата на Србија донела одлука да пушти дополнителни 30.000 тони дизел од државните резерви, со што вкупната количина, заедно со претходно преземените количини од нафтените компании, достигнува 65.000 тони, изјави министерката за рударство и енергетика Дубравка Ѓедовиќ Хандановиќ.Таа наведе дека е донесена и одлука за продолжување на забраната за извоз на нафта и нафтени деривати за погон на мотори за уште еден месец, односно до крајот на јуни. Забраната се однесува на извоз на дизел, бензин и сурова нафта со сите видови транспорт и е продолжена како мерка за заштита на снабдувањето на домашниот пазар поради глобалните пореметувања и растот на цените.Министерката додаде дека акцизите се намалени за 25 проценти, со цел да се ублажи притисокот врз граѓаните и стопанството.Таа оцени дека состојбата на светскиот пазар на нафта станува сè посложена и дека не е јасно колку долго ќе траат пореметувањата, што создава дополнителни предизвици за економијата.Според неа, преземените мерки се финансиски оптоварувачки за државниот буџет, но се неопходни за да се одржи стабилноста на цените на горивата и да се заштитат граѓаните и стопанството од нагли поскапувања.Таа потсети и дека обврзните резерви на нафта и нафтени деривати во изминатите години значително се зголемени, како и дека се засилени резервите на дизел и бензин.

Балкан | пред 5 дена

5 ден.

Протест за 1 Мај: Промени во сообраќајот низ центарот на Скопје

Утре (01.05.2026) со почеток во 11:00 часот, по повод Меѓународниот ден на трудот – 1 Мај, во организација на Сојузот на синдикатите на Македонија ќе се одржи протест во Скопје.Протестната колона ќе започне пред зградата на ССМ на ул. „Мирче Ацев“ бр. 4, по што ќе се движи по однапред утврдена маршрута: преку ул. „Филип Втори Македонски“, ул. „11-ти Октомври“, ул. „Димитрие Чуповски“, ул. „Васил Главинов“, бул. „ВМРО“ и бул. „Илинден“, сè до пред Владата на Република Северна Македонија.Поради одржувањето на протестот, Единицата за безбедност на патниот сообраќај ќе воведе посебен режим на сообраќај на наведените сообраќајници во централното градско подрачје.Министерството за внатрешни работи апелира до граѓаните да ги почитуваат насоките и наредбите на полициските службеници кои ќе го регулираат сообраќајот на трасата на движење на учесниците.

Македонија | пред 5 дена

5 ден.

Зеленски: Фокусот на САД кон Блискиот Исток го ослабува притисокот врз Русија

Украинскиот претседател Володимир Зеленски изјави дека промената на приоритетите на САД кон Блискиот Исток го ослабува притисокот врз Русија и може да доведе до продолжување на војната.„Сите сакаме да ја запреме оваа војна. Проблемот е што приоритетот за САД сега се префрли на Блискиот Исток“, рече Зеленски во интервју за Њузмакс.Тој нагласи дека без зголемен притисок од САД, Русија нема да се движи кон мир и дека американската воена поддршка за Украина ќе продолжи.„Соединетите Американски Држави можат да вршат притисок преку повеќе санкции, но сега го ослабуваат преку Блискиот Исток, а ние го чувствуваме тоа. И се плашам, се разбира, бидејќи Русија не чувствува притисок и нормално е тие да продолжат со таква војна“, рече Зеленски, пренесува Укринформ.Тој исто така рече дека ублажувањето на санкциите против руската нафта во услови на тензии на Блискиот Исток му овозможува на Кремљ да ја финансира војната.„Тие не победуваат. Ние сме во најдобра позиција во последните 9-10 месеци, мислам на бојното поле, но во секој случај е подобро да се запре војната“, рече Зеленски.Зборувајќи за ситуацијата на Блискиот Исток, Зеленски потсети дека Украина им пружила помош не само на европските земји, туку и на другите партнери, особено на барање на САД.

Свет | пред 5 дена

5 ден.

Тепал 11-годишно момче, па му се заканувал со остар предмет

На 29.04.2026 во 22:30 часот во СВР Битола 39-годишен маж од Битола пријави дека во двор на основно училиште во Битола неговиот 11 -годишен син бил физички нападнат од Б.У. од Битола, кој притоа му упатил и закана со остар предмет.Се преземаат мерки за расчистување на настанот.

Македонија | пред 5 дена

5 ден.

272830178_1209559049575814_490759206963925797_n

Уплатиле над 86.000 денари за патување во Ерусалим и биле измамени

На 29.04.2026 во 15:55 часот во ОВР Ресен 34-годишна жена и 35-годишен маж, двајцата од ресенско, пријавија дека во месец февруари 2026 година извршиле онлајн уплата во туристичка агенција за патување во Ерусалим во износ од 86.680 денари, но биле измамени односно патувањето не било реализирано.Се преземаат мерки за расчистување на настанот.

Македонија | пред 5 дена

5 ден.

Загина 19-годишен мотоциклист по судир со автобус во Прилеп

На 30.04.2026 во 06:23 часот во ОВР Прилеп e пријавено дека на ул. „Леце Котевски" во Прилеп се случила сообраќајна несреќа помеѓу автобус со прилепски регистарски ознаки, управуван од Г.К..(62) од Прилеп и мотоцикл „хонда" без регистарски ознаки, управуван од В.Б.(19) од с.Големо Коњари, прилепско.По несреќата, В.Б. бил пренесен во Градска болница- Прилеп, каде од страна на доктор била констатирана смрт. Увидот го извршила увидната екипа на ОВР Прилеп.

Македонија | пред 5 дена

5 ден.

Путин повикува на примирје за Денот на победата, Зеленски има контрапредлог

Рускиот претседател Владимир Путин предложи привремен прекин на огнот во Украина за време на прославата на Денот на победата на 9 мај, во текот на телефонски разговор со американскиот претседател Доналд Трамп.Како одговор, украинскиот претседател Володимир Зеленски побара од своите соработници да ги разјаснат деталите од руската понуда, истовремено истакнувајќи дека Киев предлага поширок и долгорочен прекин на непријателствата.Зеленски изјави дека Украина сака јасни и проверливи услови, а не краткотрајни паузи кои би важеле само за одредени настани.„Нашиот предлог е долгорочен прекин на огнот, со сигурни гаранции и траен мир. Украина е подготвена да работи во секој сериозен и ефективен формат“, наведе тој.Од Кремљ претходно беше соопштено дека Путин е подготвен да прогласи прекин на огнот околу 9 мај, при што американскиот претседател Доналд Трамп, според сопствените изјави, оценил дека разговорот бил конструктивен и изразил надеж за побрз напредок кон мировно решение.Украинскиот министер за надворешни работи реагираше остро на руската иницијатива, прашувајќи зошто прекинот би важел само на 9 мај, наместо веднаш, и повикувајќи на 30-дневно примирје како прв чекор кон вистински мир.Во меѓувреме, се наведува дека во Москва би можела да се одржи воена парада без тешко вооружување, што аналитичарите го поврзуваат со безбедносната состојба и тековните воени предизвици.Според аналитичките оценки, руската иницијатива има и политичка димензија, со цел да се прикаже отвореност кон преговори и да се изврши дипломатски притисок врз Киев, додека двете страни остануваат далеку од договор за траен мир.

Свет | пред 5 дена