Најнови вести

5 ден.

Тепачка пред училиште во Тетово – малолетник повредил две лица, пронајдени нож и штрафцигер на местото

На 29.04.2026 година, полициски службеници од СВР Тетово лишиле од слобода 15-годишник од село Желино, постапувајќи по пријава добиена од Клиничката болница Тетово.Според информациите, истиот ден околу 16:40 часот во болницата биле донесени две лица на возраст од 19 и 18 години со повреди од остар предмет. По преземени мерки, било утврдено дека инцидентот се случил пред средно училиште во Тетово, каде тројцата биле инволвирани во физички напад со употреба на остар предмет.Во настанот повреди здобил и 15-годишникот, кој подоцна бил идентификуван и лишен од слобода. При увидот на местото на настанот биле пронајдени нож и штрафцигер.За случајот е известен јавен обвинител, а по целосно документирање ќе следува соодветна пријава.

Македонија | пред 5 дена

5 ден.

Кривична против експретседателот на Стоматолошката комора - остварена имотна корист од речиси 32 милиони денари

Управата за финансиска полиција до Основното јавно обвинителство Скопје поднесе кривична пријава против М.Д., во својство на поранешен претседател на Стоматолошката комора на Македонија, К.П. во својство на претседател и Л.Е., К.З., А.Д. и Г.Ќ.Ч. во својство на членови на Комисијата за стручни стоматолошки прашања поради постоење на основи на сомнение за сторено кривично дело “Злоупотреба на службената положба и овластување” од член 353 од КЗ на Република Северна Македонија.„Првопријавениот М.Д., пречекорувајќи ги границите на службените овластувања доверени од Министерството за здравство за издавање, обновување, продолжување и одземање лиценци за работа на доктори по стоматологија, свесно и со однапред утврдена намера склучувал договори со непостоечки здруженија за спроведување облици на континуирано стручно усовршување преку кои докторите по стоматологија стекнувале бодови за обновување на лиценците.Воедно, првопријавениот бил основач, овластен потписник на банкарските сметки и еден од фактичките управители на ДДДММ – Друштво на доктори по дентална медицина на Македонија – Куманово, преку кое го изигрувал системот, постапувајќи спротивно на Правилникот за континуирано стручно усовршување и Законот за здравствена заштитаВо координација со останатите пријавени, биле издавани решенија и склучувани договори со цел спроведување на поголем број на настани годишно од она што е пропишано во Правилникот, овозможувајќи им имотна корист за ДДДММ, Македонското стоматолошко друштво и Стоматолошкото друштво на Албанците, на чии банкарски сметки се исплатувале средствата од котизациите на докторите по стоматологија за сите противправно акредитирани и реализирани настани, а за таа цел здруженијата во нивен состав намерно не биле регистрирани како посебни правни лица.Со горенаведените противправни дејствија, пријавените оствариле имотна корист за друштвата ДДДММ друштво на доктори на дентална медицина на Македонија, Македонско Стоматолошко друштво и Стоматолошко Друштво на Албанците во вкупен износ од 31.969.250,00 денари“, информираат од Финансиската полиција.

Македонија | пред 5 дена

5 ден.

Се укинува банкнотата од 500 евра во новата серија банкноти на еврото

Проектот за редизајн на новата серија евробанкноти, што Европската централна банка (ЕЦБ) го започна кон крајот на 2021 година, влезе во завршна фаза од процесот на дизајнирање.Во јули минатата година Европската централна банка распиша конкурс за европски графички дизајнери со цел собирање визуелни предлози за новиот изглед на банкнотите.Рокот за доставување на конечните решенија од избраните дизајнери е крајот на овој месец. По тоа, предлозите ќе бидат разгледани од стручно жири, а потоа и од Управниот совет на Европската централна банка.Централната банка уште во 2021 година најави развој на нова серија банкноти, а во 2023 година беше соопштено дека редизајнот ќе се базира на две теми: „Европска култура“ и „Реки и птици“.Според Европската централна банка, целта на проектот е да се обезбеди поголема безбедност, одржливост и еколошка прифатливост на банкнотите, како и да се подобри нивната пристапност и инклузивност.Во новата серија е предвидено укинување на банкнотата од 500 евра, мерка која има за цел намалување на ризиците од перење пари и подобра контрола на финансиските текови. Сепак, постојните банкноти од овој апоен ќе останат во оптек и ќе продолжат да важат како средство за плаќање, без најавен рок за нивно повлекување.

Свет | пред 5 дена

5 ден.

(Видео) Објавена снимка од вандализмот во училиштето во Штип, наставата е во прекин

Основното училиште во Штип, ООУ „Ванчо Прке“ - Штип, ноќеска беше цел на вандалски чин кој предизвика значителна материјална штета и прекин на наставата за над 1.100 ученици.Инцидентот, според првичните информации, се случил во текот на ноќта, при што непознат сторител или сторители влегле во училишниот објект и оштетиле дел од училишниот инвентар. Настанот резултирал со сериозни последици врз нормалното одвивање на образовниот процес.Од училиштето преку социјалните мрежи е испратено известување до родителите дека денес наставата нема да се одржи поради, како што наведуваат, оправдани причини.Во меѓувреме, полициски екипи извршиле увид на местото на настанот и работат на утврдување на сторителите и околностите под кои се случил инцидентот. Се очекуваат дополнителни информации по завршувањето на истрагата и проценката на вкупната штета.

Настани | пред 5 дена

5 ден.

Фрчкоски: Градежна мафија на Орце и ВМРО-ОКГ е опасна по живот а никој ништо не и може

Градежната мафија на ВМРО-ОКГ во Скопје е опасна по живот ама никој ништо не и може. Помина цела недела од трагичниот настан во Кисела Вода во кој загина работник, а неколкумина беа тешко повредени, вели Јон Фрчкоски – член на Извршниот одбор на СДСМ.„Сѐ уште нема никаква одговорност, ниту конкретна акција од институциите.Воопшто не е случаен овој молк. Молкот е доказ.Дека криминалната власт и нејзините бизнис партнери се подготвени да газат преку се, само да продолжат да се богатат.Трагедијата во Кисела Вода е последица на коруптивен систем во кој профитот е поважен од животот.До кого доаѓаме? Кој стои зад овој објект? И како е поврзан со Орце Ѓорѓиевски?Инвеститорот е фирмата „Нар инвестмент“ зад која стои Ивица Коневски, поранешен функционер и градоначалник на на ВМРО-ОКГ.Близок до Орце Ѓоржиевски, кој беше ангажиран и како адвокат во општината Кисела Вода кога Орце беше градоначалник.Како е можно Коневски, кој истовремено ја ужива довербата на Општина Кисела Вода како нивен адвокат, истовремено да биде правен застапник на општината и главен инвеститор во нејзината територија?Ова е класичен пример на конфликт на интереси и институционална корупција која цвета под чадорот на ВМРО-ОКГ.Ако се пголеднат трансакциите од буџетот на Општина Кисела Вода кон адвокатската канцеларија на Коневски, во 2025 година достигнувале суми од над 70.000 денари.Како е можно истите луѓе да бидат дел од системот на општината и истовремено да профитираат од одлуки на општината?Затворен круг на бизнис и политика. Класична шема на ВМРО-ОКГ. Тендерите и бизнисите одат кај своите.Оваа криминална спрега е опасност за секој граѓанин.Бараме:Итна, независна и темелна истрага за целиот случај.Проверка на сите дозволи, надзори и услови за работа на градилиштето.Како е дадена дозволата, односно одобрението за градба?Утврдување на точната улога на Орце Ѓорѓиевски и Ивица Коневски.Одговорност мора да има“; вели Фрчкоски.

Македонија | пред 5 дена

5 ден.

(Видео) Несреќа во Франција: Автобус падна во река

Автобус со патници денеска падна од мост во Франција во реката Сена, во близина на местото Живизи-сир-Орж, јавуваат француски медиуми.Според првичните информации, во возилото се наоѓале четири лица. Дел од патниците и возачот биле спасени, но едно лице сè уште се води како исчезнато.На местото на несреќата веднаш пристигнале спасувачки служби, вклучително и речна полиција и противпожарни единици, кои продолжуваат со потрагата и обезбедување на теренот.Француските медиуми наведуваат дека возачот најверојатно ја изгубил контролата над автобусот пред тој да излета од мостот и да заврши во водата.Засега нема потврдени информации за жртви, а локалните власти ја опишуваат несреќата како шокантна и неочекувана.

Свет | пред 5 дена

5 ден.

Србија пушта 30.000 тони дизел од резервите

Владата на Србија донела одлука да пушти дополнителни 30.000 тони дизел од државните резерви, со што вкупната количина, заедно со претходно преземените количини од нафтените компании, достигнува 65.000 тони, изјави министерката за рударство и енергетика Дубравка Ѓедовиќ Хандановиќ.Таа наведе дека е донесена и одлука за продолжување на забраната за извоз на нафта и нафтени деривати за погон на мотори за уште еден месец, односно до крајот на јуни. Забраната се однесува на извоз на дизел, бензин и сурова нафта со сите видови транспорт и е продолжена како мерка за заштита на снабдувањето на домашниот пазар поради глобалните пореметувања и растот на цените.Министерката додаде дека акцизите се намалени за 25 проценти, со цел да се ублажи притисокот врз граѓаните и стопанството.Таа оцени дека состојбата на светскиот пазар на нафта станува сè посложена и дека не е јасно колку долго ќе траат пореметувањата, што создава дополнителни предизвици за економијата.Според неа, преземените мерки се финансиски оптоварувачки за државниот буџет, но се неопходни за да се одржи стабилноста на цените на горивата и да се заштитат граѓаните и стопанството од нагли поскапувања.Таа потсети и дека обврзните резерви на нафта и нафтени деривати во изминатите години значително се зголемени, како и дека се засилени резервите на дизел и бензин.

Балкан | пред 5 дена

5 ден.

Протест за 1 Мај: Промени во сообраќајот низ центарот на Скопје

Утре (01.05.2026) со почеток во 11:00 часот, по повод Меѓународниот ден на трудот – 1 Мај, во организација на Сојузот на синдикатите на Македонија ќе се одржи протест во Скопје.Протестната колона ќе започне пред зградата на ССМ на ул. „Мирче Ацев“ бр. 4, по што ќе се движи по однапред утврдена маршрута: преку ул. „Филип Втори Македонски“, ул. „11-ти Октомври“, ул. „Димитрие Чуповски“, ул. „Васил Главинов“, бул. „ВМРО“ и бул. „Илинден“, сè до пред Владата на Република Северна Македонија.Поради одржувањето на протестот, Единицата за безбедност на патниот сообраќај ќе воведе посебен режим на сообраќај на наведените сообраќајници во централното градско подрачје.Министерството за внатрешни работи апелира до граѓаните да ги почитуваат насоките и наредбите на полициските службеници кои ќе го регулираат сообраќајот на трасата на движење на учесниците.

Македонија | пред 5 дена

5 ден.

Зеленски: Фокусот на САД кон Блискиот Исток го ослабува притисокот врз Русија

Украинскиот претседател Володимир Зеленски изјави дека промената на приоритетите на САД кон Блискиот Исток го ослабува притисокот врз Русија и може да доведе до продолжување на војната.„Сите сакаме да ја запреме оваа војна. Проблемот е што приоритетот за САД сега се префрли на Блискиот Исток“, рече Зеленски во интервју за Њузмакс.Тој нагласи дека без зголемен притисок од САД, Русија нема да се движи кон мир и дека американската воена поддршка за Украина ќе продолжи.„Соединетите Американски Држави можат да вршат притисок преку повеќе санкции, но сега го ослабуваат преку Блискиот Исток, а ние го чувствуваме тоа. И се плашам, се разбира, бидејќи Русија не чувствува притисок и нормално е тие да продолжат со таква војна“, рече Зеленски, пренесува Укринформ.Тој исто така рече дека ублажувањето на санкциите против руската нафта во услови на тензии на Блискиот Исток му овозможува на Кремљ да ја финансира војната.„Тие не победуваат. Ние сме во најдобра позиција во последните 9-10 месеци, мислам на бојното поле, но во секој случај е подобро да се запре војната“, рече Зеленски.Зборувајќи за ситуацијата на Блискиот Исток, Зеленски потсети дека Украина им пружила помош не само на европските земји, туку и на другите партнери, особено на барање на САД.

Свет | пред 5 дена

5 ден.

Тепал 11-годишно момче, па му се заканувал со остар предмет

На 29.04.2026 во 22:30 часот во СВР Битола 39-годишен маж од Битола пријави дека во двор на основно училиште во Битола неговиот 11 -годишен син бил физички нападнат од Б.У. од Битола, кој притоа му упатил и закана со остар предмет.Се преземаат мерки за расчистување на настанот.

Македонија | пред 5 дена

5 ден.

272830178_1209559049575814_490759206963925797_n

Уплатиле над 86.000 денари за патување во Ерусалим и биле измамени

На 29.04.2026 во 15:55 часот во ОВР Ресен 34-годишна жена и 35-годишен маж, двајцата од ресенско, пријавија дека во месец февруари 2026 година извршиле онлајн уплата во туристичка агенција за патување во Ерусалим во износ од 86.680 денари, но биле измамени односно патувањето не било реализирано.Се преземаат мерки за расчистување на настанот.

Македонија | пред 5 дена

5 ден.

Загина 19-годишен мотоциклист по судир со автобус во Прилеп

На 30.04.2026 во 06:23 часот во ОВР Прилеп e пријавено дека на ул. „Леце Котевски" во Прилеп се случила сообраќајна несреќа помеѓу автобус со прилепски регистарски ознаки, управуван од Г.К..(62) од Прилеп и мотоцикл „хонда" без регистарски ознаки, управуван од В.Б.(19) од с.Големо Коњари, прилепско.По несреќата, В.Б. бил пренесен во Градска болница- Прилеп, каде од страна на доктор била констатирана смрт. Увидот го извршила увидната екипа на ОВР Прилеп.

Македонија | пред 5 дена

5 ден.

Путин повикува на примирје за Денот на победата, Зеленски има контрапредлог

Рускиот претседател Владимир Путин предложи привремен прекин на огнот во Украина за време на прославата на Денот на победата на 9 мај, во текот на телефонски разговор со американскиот претседател Доналд Трамп.Како одговор, украинскиот претседател Володимир Зеленски побара од своите соработници да ги разјаснат деталите од руската понуда, истовремено истакнувајќи дека Киев предлага поширок и долгорочен прекин на непријателствата.Зеленски изјави дека Украина сака јасни и проверливи услови, а не краткотрајни паузи кои би важеле само за одредени настани.„Нашиот предлог е долгорочен прекин на огнот, со сигурни гаранции и траен мир. Украина е подготвена да работи во секој сериозен и ефективен формат“, наведе тој.Од Кремљ претходно беше соопштено дека Путин е подготвен да прогласи прекин на огнот околу 9 мај, при што американскиот претседател Доналд Трамп, според сопствените изјави, оценил дека разговорот бил конструктивен и изразил надеж за побрз напредок кон мировно решение.Украинскиот министер за надворешни работи реагираше остро на руската иницијатива, прашувајќи зошто прекинот би важел само на 9 мај, наместо веднаш, и повикувајќи на 30-дневно примирје како прв чекор кон вистински мир.Во меѓувреме, се наведува дека во Москва би можела да се одржи воена парада без тешко вооружување, што аналитичарите го поврзуваат со безбедносната состојба и тековните воени предизвици.Според аналитичките оценки, руската иницијатива има и политичка димензија, со цел да се прикаже отвореност кон преговори и да се изврши дипломатски притисок врз Киев, додека двете страни остануваат далеку од договор за траен мир.

Свет | пред 5 дена

5 ден.

Одрон во рудник во Русија: Осум лица заробени под урнатини

Рудникот Кадикчан во регионот Магадан, на далечниот исток на Русија, се урна, при што најмалку осум лица останале заробени под урнатините, јавуваат руските медиуми.Според првичните информации, дошло до одрон на карпи во рудникот за јаглен, лоциран во градскиот округ Сусумански.„Примена е пријава за одрон на карпи во рудникот Кадикчан. Според прелиминарните податоци, под урнатините може да има до осум лица“, соопшти руското Министерство за вонредни ситуации на платформата „Макс“, пренесе Известија.На местото на несреќата итно се испратени спасувачки екипи, пожарникари, рударски спасувачи и медицински тимови. Во акцијата е вклучен и хеликоптер Ми-8 на руското Министерство за вонредни ситуации.Рудникот Кадикчан е познат по производство на јаглен преку површинска експлоатација. Засега нема официјални информации за состојбата на заробените лица.

Свет | пред 5 дена

5 ден.

„Подземен град“ со канабис: Откриена огромна плантажа во напуштен рудник во Бугарија

Бугарската полиција откри огромна плантажа со канабис сместена во 20 подземни галерии во напуштен рудник за цинк. Како што информираа официјалните лица, во акцијата се обвинети три лица, додека по едно се уште се трага.Заменик-директорот на Генералната дирекција за борба против организираниот криминал, Емил Борисов, соопшти дека се запленети 70 килограми дрога, 600.000 евра во кеш и 600 парчиња муниција.„Поранешниот рудник бил опремен со високотехнолошка инфраструктура и веројатно се користел за производство на големо наменето за шверц во странство“, рече Борисов.Заменик-градскиот обвинител Вихар Михаилов појасни дека рудникот располага со повеќе од 20 тунели, а сопственикот на објектот во моментов не е меѓу обвинетите. Фотографиите од теренот покажуваат дека галериите биле претворени во современи оранжерии, но и во простории за живеење, кујни и магацини.„Ова е подземен град со објекти. Истрагата е во тек и веројатно ќе трае со месеци. Очекуваме помош од разни организации, експерти за рударство“, изјави Дарин Костов од Дирекцијата за рударство.Според пишувањата на бугарските медиуми, двајца осомничени веќе се во притвор. Едниот се товари за дистрибуција на 67 килограми дрога, додека другиот за перење пари и нелегално поседување муниција. Сите четворица се соочуваат со обвиненија за кривичен заговор.

Свет | пред 5 дена

5 ден.

Лавров: Без решавање на причините нема мир во Украина

Рускиот министер за надворешни работи Сергеј Лавров изјави денес дека долгорочно и праведно решение на конфликтот во Украина не е можно без решавање на неговите основни причини.Тој на прес-конференција по разговорите со казахстанскиот министер за надворешни работи Ермек Кошербаев нагласи дека клучно е да се отстранат изворите на кризата за да се постигне стабилен мир.„Клучно е дека без решавање на основните причини за украинската криза, праведно и долгорочно решение е невозможно“, изјави Лавров, пренесуваат руските медиуми.Тој додаде дека Русија останува заинтересирана за продолжување на преговорите со САД врз основа на претходно постигнатите договори меѓу двете земји.Лавров се повика и на неодамнешниот телефонски разговор меѓу рускиот претседател Владимир Путин и американскиот претседател Доналд Трамп, при што, според него, бил потврден ваквиот пристап кон дијалогот.Тој се осврна и на глобалните безбедносни прашања, наведувајќи дека воените активности на САД и Израел кон Иран негативно влијаат врз стабилноста во поширокиот регион, вклучително и областа на Каспиското Море.Во завршниот дел од обраќањето, Лавров повика да не се занемари состојбата во Либан и застојот околу формирањето на палестинска држава, оценувајќи дека таму постои сериозна политичка блокада без јасен излез.

Свет | пред 5 дена

5 ден.

Андоновски во Загреб: Соработка со Хрватска за дигитална трансформација

Во рамки на работната посета на Загреб, Хрватска, Министерот за дигитална трансформација, Стефан Андоновски, оствари средба со министерот за правда, јавна администрација и дигитална трансформација на Република Хрватска, Дамир Хабијан, на која се разговараше за унапредување на соработката во областа на дигиталната трансформација, модернизацијата на јавните услуги и јакнењето на дигиталната инфраструктура.На средбата беа разменети искуства за развојот на дигитални услуги за граѓаните, со посебен осврт на мобилните апликации и платформите преку кои граѓаните полесно пристапуваат до услугите на институциите.Беше нагласено дека силната инфраструктура, интероперабилноста меѓу институциите и безбедната размена на податоци се клучни за ефикасна дигитална трансформација на јавниот сектор.Посебен акцент беше ставен на хрватските искуства во дигитализацијата на архивското работење, е-архивата и системите за управување со документи — DMS. Министерот Андоновски истакна дека ваквите искуства се особено важни за процесите што Министерството за дигитална трансформација ги спроведува во насока на воспоставување поефикасна, транспарентна и дигитално поддржана јавна администрација. "Богатото искуство на Хрватска во дигитализацијата на процесите во јавната администрација и правосудството е од исклучително значење за македонскиот процес на дигитална трансформација."На средбата беше разговарано и за можноста за организирање обуки и размена на експерти меѓу двете земји, особено во областа на архивското работење и електронското управување со документи. Воедно, беше отворена и можноста за заедничка соработка преку твининг-проекти и европски механизми за поддршка на дигиталната трансформација.Министерот Андоновски ја истакна Република Хрватска како добар пример за дигитализација на јавниот сектор и нагласи дека соработката со земјите од регионот и Европската Унија е од особено значење за забрзување на реформските процеси во Македонија.„Дигиталната трансформација е основа за подобри, побрзи и подостапни услуги за граѓаните. Хрватското искуство во областа на е-архивата, податочните центри и дигиталните услуги претставува значаен пример на кој можеме да се огледаме и да развиваме конкретна соработка“, истакна министерот Андоновски.Двајцата министри изразија подготвеност за продолжување на комуникацијата и иницирање конкретни активности за продлабочување на билатералната соработка во областа на дигиталната трансформација.Билатералната средба на министрите е дел од посетата на Андоновски на Хрватска и учеството на Форумот на IDU. Како член на Извршниот одбор на ИДУ, Андоновски ќе учествува и на седницата на Извршниот одбор во текот на утрешниот ден.

Македонија | пред 5 дена

5 ден.

Апел од НП Шар Планина: Внимание при 1 Мај – не палете оган во природа

Националниот парк Шар Планина упати апел преку социјалните мрежи до сите посетители по повод 1 Мај – Меѓународниот ден на трудот, со порака за одговорно однесување при престој во природа.Од паркот велат дека граѓаните се добредојдени да ги посетат природните убавини, но истовремено треба да внимаваат на заштитата на животната средина и безбедноста.Посебно се апелира да не се фрла отпад, да не се пали оган на недозволени места и секој запален оган да се изгасне целосно по користење. Исто така, се нагласува потребата од почитување на флората и фауната.Од НП Шар Планина предупредуваат дека и најмала невнимателност може да предизвика сериозни последици по природата и повикуваат на заедничка грижа за заштита на паркот.

Македонија | пред 5 дена

5 ден.

ДУИ бара итна истрага за Бурим Латифи за штета од 6 милиони евра во МЕПСО

Демократската Унија за Интеграција бара итна истрага против Бурим Латифи, генерален директор на МЕПСО и прв братучед на Изет Меџити, по меѓународната одлука која ја обврзува државата да плати 6 милиони евра штета — директна последица на неговите одлуки, велат од ДУИ.„Латифи ја раскинал постојната договорна обврска со компанијата Енергоинвест од Сараево и ја заменил со ЕЛНОС БЛ ДООЕЛ од Бања Лука, компанија тесно поврзана со мрежата на интереси на Милорад Додик. Меѓународниот трибунал ДАБ, кој работи според правилата на ФИДИК, ги отфрлил сите барања на МЕПСО во вредност од 19,3 милиони евра и му признал на Енергоинвест право на 6 милиони евра, кои ќе излезат од државниот буџет, од џебовите на граѓаните.ДУИ констатира дека Бурим Латифи, именуван на чело на стратешко државно претпријатие врз семејна и политичка основа, донел одлуки кои директно го оштетиле јавниот интерес и воведиле компанија поврзана со Додик во критичната енергетска инфраструктура на држава членка на НАТО.ДУИ од Јавното обвинителство бара итно покренување кривична постапка против Бурим Латифи за злоупотреба на службена положба и оштетување на државниот буџет, бара целосна ревизија на сите договори потпишани за време на неговиот мандат и итно суспендирање на договорот со ЕЛНОС БЛ до целосно разјаснување на околностите.Шест милиони евра од државниот буџет се цената на политичките именувања и врските со Додик. Бурим Латифи мора да одговара“, велат од ДУИ.

Македонија | пред 5 дена

5 ден.

СДСМ: Мицкоски, што вели Black Cube, дали визите се вистински или лажни како вашите вести

СДСМ преку соопштение упати обвинувања и барања за појаснување од ВМРО-ОКГ и нивниот лидер Христијан Мицкоски, поврзани со фотографии кои, според нивните тврдења, се од визи од пасош на претседателот на СДСМ Венко Филипче.Од СДСМ во соопштението поставуваат прашања за автентичноста на материјалите и начинот на кој тие се добиени, барајќи објаснување од каде потекнуваат фотографиите и кој имал пристап до нив.Партијата во соопштението бара јасни одговори и за евентуалното учество на странски приватни безбедносни компании, како и за тоа кој стои зад изнесените тврдења во јавноста.Во соопштението СДСМ наведува дека постојат нејаснотии околу целиот случај и бара институциите и засегнатите политички субјекти да дадат јасни и конкретни објаснувања пред јавноста.

Македонија | пред 5 дена

5 ден.

Нападнал полицаец со моторна пила - уапсени двајца дрвокрадци во Долнени

Од МВР информираат дека на 29.04.2026 година, полициски службеници од ПО Ропотово во село Црнилиште, општина Долнени, ги лишиле од слобода Т.Т. (33) и Џ.Т. (59), двајцата од истото село, по претходна интервенција на службите.Според информациите, претходно истиот ден во атарот на село Стровија, полициски службеници од Шумска полиција Прилеп затекнале двајцата при бесправна сеча на огревни дрва. При интервенцијата тие се однесувале агресивно кон службените лица, при што едно од лицата со моторна пила нападнало полициски службеник, по што двајцата побегнале.По преземени мерки, лицата биле пронајдени и лишени од слобода, а по целосно документирање на случајот ќе следува соодветна пријава.

Македонија | пред 5 дена

5 ден.

СДСМ: Мицкоски, што вели Black Cube, дали визите се вистински или лажни како вашите вести?

ВМРО-ОКГ тврди дека Black Cube е „плод на фантазијата“ на СДСМ. Ако Black Cube е наша „фантазија“, тогаш од каде ВМРО има фотографии за кои тврди дека се визи од пасошот на Венко Филипче, прашуваат од СДСМ.„Дали визите се оригинални и автентични или лажни, fake?ВМРО-ОКГ веднаш треба да одговори:• Од каде ви се фотографиите од пасошот на Венко Филипче?• Кој беше во неговиот дом?• Кој ги фотографираше?• Ако велат дека се од Министерството за внатрешни работи на Обединетите Арапски Емирати – кој освен Black Cube (приватниот Мосад) има пристап до тие податоци со фотографии?Или визите се лажни, или Black Cube работи директно за ВМРО и Мицкоски. Трета опција нема.Black Cube кај Мицкоски дојде директно преку неговиот „брат“ Орбан.Истата фирма која тајно ја снимаше опозицијата во Словенија и Унгарија, фабрикувајќи афери.Мицкоски, сега е време ти и твојата криминална организација јасно и гласно да одговорите:Дали визите се вистински или се фалсификат како вашите вести?Доаѓа времето на вистината, правдата и одговорноста“, се вели во соопштението.

Македонија | пред 5 дена

6 ден.

Нови закани и можни воени операции против Иран

Претседателот Доналд Трамп, според информации од американски медиуми, побарал од своите соработници да бидат подготвени за можни сценарија на блокада на ирански пристаништа и за нови воени операции, во услови на зголемени тензии на Блискиот Исток.Според истите извештаи, Вашингтон не е задоволен од иранскиот предлог за одвојување на нуклеарното прашање од договорите за безбедност на Ормутскиот теснец, што дополнително ги усложнува преговорите меѓу двете страни. Во меѓувреме, Иран најави дека ќе одговори со „невообичаена воена акција“ доколку се продолжи со блокадите и притисоците.Конфликтот, кој трае повеќе од два месеца, според достапните информации, сè уште не покажува знаци на смирување, иако одредени фронтови, како оној меѓу Израел и либанската група Хезболах, моментално се со намален интензитет.Во контекст на кризата, претседателот Трамп разговарал и со рускиот претседател Владимир Путин, при што било споменато дека Москва би можела да има улога во евентуално посредување.Ескалацијата веќе има сериозни економски последици, а цената на нафтата на светските пазари достигна значително повисоки нивоа, надминувајќи 119 долари за барел, што дополнително ја зголемува загриженоста за глобалната стабилност.

Свет | пред 6 дена

6 ден.

Пронајдени две рачни бомби, артилериски проектили и мини – голема операција во срцето на Шумадија

Припадници на оперативниот тим за неексплодирани воени средства при Секторот за вонредни ситуации на Министерството за внатрешни работи на МВР на Србија спроведоа контролирана акција за безбедно уништување експлозивни средства во каменоломот Стражевица во Шумадискиот округ.Во акцијата биле уништени една артилериска граната, една тромблонска мина и две рачни бомби, кои претходно биле пронајдени на територијата на регионот и безбедно транспортирани од стручните служби.Интервенцијата е извршена во соработка со полициската управа во Крагуевац, противпожарно-спасувачката бригада и службите за итна медицинска помош. Од надлежните институции посочуваат дека операцијата била спроведена според сите безбедносни стандарди.Властите повторно упатија апел до граѓаните да не допираат или преместуваат сомнителни предмети што личат на експлозивни средства, туку веднаш да ги пријават на надлежните служби, со цел да се избегнат сериозни последици по животот и имотот.

Балкан | пред 6 дена

6 ден.

Трамп најави можно намалување на американските трупи во Германија

Претседателот Доналд Трамп изјави дека САД размислуваат за можно намалување на бројот на американски војници во Германија, при што нагласи дека одлуката би можела да биде донесена во краток рок.Изјавата доаѓа во период на зголемени геополитички тензии и дебати за улогата на САД во Европа. Според Трамп, се разгледуваат различни опции поврзани со прераспоредување на воените сили, но засега не се објавени конкретни детали.Во меѓувреме, германскиот канцелар Фридрих Мерц изјави дека не гледа јасна стратегија на САД во однос на кризата на Блискиот Исток и војната со Иран. Тој оцени дека американската политика е под силен притисок и дека одредени потези на Иран претставуваат политичко понижување за Вашингтон.Дискусиите меѓу двете земји дополнително ја отвораат темата за идната безбедносна архитектура во Европа и степенот на американско воено присуство на континентот.

Свет | пред 6 дена