Промени тема
За нас
Нова вест Админ
site logo skopje1
иран
Претрес во кочанската болница и противпожарна бригада - разговор со обвинетиот обезбедувач Захариев
Претрес во кочанската болница и противпожарна бригада - разговор со обвинетиот обезбедувач Захариев

Најнови вести

2 нед.
1659117443-2022-07-25T155144Z_127246473_RC2PHT9BL7DP_RTRMADP_3_HUNGARY-ORBAN-JEWISH-GROUP-750x521

Орбан до Зеленски: Ќе ја пробиеме нафтената блокада, не се плашам од закани по живот

Унгарскиот премиер Виктор Орбан изјави дека лично не е загрижен поради заканите по живот кои, како што тврди, му ги упатил украинскиот претседател Володимир Зеленски, нагласувајќи дека нема да дозволи неговата татковина да биде загрозена.Орбан истакна дека спорот околу нафтоводот „Дружба“ не е прашање што се однесува лично на него, туку, како што рече, станува збор за снабдувањето на Унгарија со енергија.Тој предупреди дека ќе ги искористи сите политички средства за да ја пробие украинската нафтена блокада.Орбан, како што пренесува унгарскиот медиум Hirado, јасно ставил до знаење дека Унгарија не може да биде принудувана или уценувана кога станува збор за енергетската безбедност.Според неговите зборови, Украинците ја ставиле Унгарија под нафтена блокада, што владата има намера да ja спречи со сите расположливи средства.Тој нагласи дека нафтата која чека транзит е сопственост на Унгарија, а украинската страна е должна да ја испорача врз основа на договорите на Европската Унија.Орбан додаде дека ќе ги искористи сите политички и финансиски средства за пробивање на нафтената блокада, но исклучи воена интервенција, бидејќи, како што рече, „унгарската влада стои на страната на мирот“.Енергијата е прашање на внатрешната политика и директно ги погодува џебовите на секое унгарско семејство. Ако не се браниме, Унгарците ќе ја платат цената. Затоа ќе се браниме и ќе го разбиеме ова – ќе ја пробиеме нафтената блокада, и никакви закани по живот не можат да ме одвратат од тоа“, нагласи Орбан.Претходно денеска, украинскиот претседател Зеленски му порача на Орбан дека украинските вооружени сили би можеле да бидат насочени кон него доколку Унгарија продолжи да го блокира заемот на Европската Унија за Украина во износ од 90 милијарди евра.Се надеваме дека одредена личност нема да го блокира кредитот од 90 милијарди евра или неговата прва транша во Европската Унија, а тогаш Украинците ќе имаат оружје. Во спротивно, ќе им ја дадеме адресата на таа личност на нашите вооружени сили, на нашите синови – нека го повикаат и разговараат со него на свој начин“, најави Зеленски, пренесува Hirado.Будимпешта го презеде овој чекор како одговор на одлуката на Киев да го запре транзитот на руска нафта преку нафтоводот „Дружба“.

Свет | пред 2 седмици

2 нед.
media-libraryosqdh8ui21l79uC9c4s

УНИЦЕФ: Речиси 200 деца се убиени низ Блискиот Исток од саботата

Речиси 200 деца се убиени низ Блискиот Исток од саботата, од првиот американско-израелски напад врз Иран, соопшти УНИЦЕФ.Најмалку 181 дете се убиени во Иран, седум во Либан, три во Израел и едно во Кувајт, според неговите податоци.„Децата не започнуваат војни, но плаќаат неприфатливо висока цена за нив. Воената ескалација низ Блискиот Исток веќе има разорно влијание врз децата“, соопшти УНИЦЕФ.За време на првиот ден од нападите на САД и Израел врз Иран, беше погодено училиште за девојчиња во Минаб во јужен Иран, при што загинаа најмалку 175 ученички, според Иранската револуционерна гарда.Нападот се случи во саботата откако САД и Израел најавија заеднички напади врз Иран.Иранскиот министер за надворешни работи, Абас Аракчи, ги обвини САД и Израел за убиството на ученичките.„Ова се гробови што се копаат за повеќе од 160 невини девојчиња убиени во американско-израелското бомбардирање на основно училиште. Нивните тела се распарчени“, напиша Аракчи на социјалната мрежа Икс, заедно со слика од свежо ископани гробови.Израелската војска тврди дека не е запознаена со никакви израелски или американски напади во областа, додека САД најавија истрага, тврдејќи дека тие се насочени исклучиво кон воени цели.

Свет | пред 2 седмици

2 нед.
media-libraryn3d9j0neahkb5J2HWAK

Димитровски: Во вакви моменти најважно е нашите граѓани да знаат дека државата е тука за нив

Првите македонски државјани евакуирани од Израел синоќа пристигнаа на Меѓународниот аеродром во Скопје, информира заменик-министерот за надворешни работи и надворешна трговија Зоран Димитровски.Како што соопшти Димитровски во објава на социјалните мрежи, евакуацијата била реализирана по копнен пат преку Египет, по што граѓаните со владин авион биле транспортирани до Скопје.- Во вакви моменти најважно е нашите граѓани да знаат дека државата е тука за нив. Благодарение на координацијата меѓу институциите и посветеноста на нашите дипломатско-конзуларни претставништва, евакуацијата беше успешно организирана – од Тел Авив до Шарм ел-Шеик, па сè до Скопје – напиша Димитровски.Тој додаде дека Министерството за надворешни работи и надворешна трговија останува во постојана комуникација со македонските државјани кои се наоѓаат во погодените региони и продолжува со активностите за нивно безбедно враќање.Според најавите, во наредните денови се очекува да биде реализирана и евакуацијата на останатите македонски државјани кои изразиле подготвеност да се вратат во земјата.

Македонија | пред 2 седмици

2 нед.
media-libraryfig25c1radso5OfRDpa

Филипче: Луѓето не може да преживеат, a што им вика премиерот јадете помалку или не одете на одмор

Претседателот на СДСМ, д-р Венко Филипче, во гостувањето во емисијата „Клик Плус“ на ТВ21, нагласи  дека зголемувањето на минималната плата на 600 евра е реална потреба и е неопходно за да се подобри животниот стандард на граѓаните. Филипче нагласи дека граѓаните се соочуваат со сериозни економски притисоци и дека е неопходна вистинска поддршка за работниците.„Луѓето не може да преживеат, реални потреби имаат, не може крај со крај да врзат. А што им вика премиерот јадете помалку или не одете на одмор, тоа ли е одговорна власт, тоа ли е тоа што луѓето сакаат да го видат. Се предвидува и друга криза сега со кризата во Иран, ќе се зголемат цените  на храната, што ќе прави Христијан сега, ќе вели не 1600 денари туку 1800 денари. Сега е 400 евра минимална плата ниту 3 не се доволни да се преживее месецот“, рече Филипче.Тој додаде дека власта постојано бара изговори за да не ја покачи минималната плата на 600 евра.Излегува премиерот и им  кажува на работниците вашиот човек кој што ја правел синдикалната кошничка кажал дека одморот е дел, а не е дел итн. Се бараат изговори за да не се направи нешто или за да им се помогне на граѓаните, за власта е првото сценарио. Само изговори за да не им се излезе во пресрет на граѓаните“, рече Филипче.Во интервјуто Филипче посочи дека СДСМ и како власт и како опозиција постојано предлага решенија за зголемување на минималната плата кои власта упорно не ги прифаќа.Дадовме предлог за 600 евра да се зголеми, нека ја зголемат 10.000 деари нека ја зголемат 8.000, 6.000 денари, а не 1600 денари. Не им е доволно на луѓето па нормално веќе протестираат и нормално дека ќе ги поддржиме“, изјави Филипче.Филипче посочи дека политиките на СДСМ за поддршка на работниците секогаш биле конзистентни, за разлика од  лицемерниот пристап на ВМРО-ДПМНЕ.Минималната плата пристапот кон работниците е најдобриот пример за конзистентноста на нашите политики и лицемерните политики на ВМРО-ДПМНЕ зошто. Кога тие беа во опозиција ги поддржуваа нивните иницијативи за раст на минималната плата во период кога таа континуирано растеше. Да потсетам во првите години од власта на СДСМ значи 2017-2018 до некаде пред ковид времето минималната плата се зголеми за 60% за да после и повеќе од дупло порасне. Две години има оваа власт сега, пола од мандатот е веќе поминато не мрднала минималната плата. И сега кога тие се на власт и можат да им излезат во пресрет тие тоа не го прават“, рече Филипче.

Македонија | пред 2 седмици

2 нед.
DSC_0038

Сончево со температура до 19 степени

Сончево со мала до умерена локална облачност. Ќе дува слаб до умерен ветер од северен правец. Минималната температура ќе биде во интервал од -2 до 6, а максималната ќе достигне од 13 до 19 степени.Во Скопје, сончево со мала облачност. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 17 степени.Во сабота ќе преовладува претежно сончево време. Потоа во следните два дена ќе има зголемена облачност со услови за слаб локален дожд и пониска дневна температура. Од вторник следува период на стабилно време со пораст на дневната температура.

Македонија | пред 2 седмици

2 нед.
media-libraryvb7a5c39bbcmcEQpsEb

Обвинителката Тополова предупредува: 798 постапки за семејно насилство запрени поради повлекување на жртвите

Семејното насилство не смее да се согледува само преку статистика, затоа што зад секоја бројка стои конкретна жртва и реална потреба од институционална заштита, истакна вршителката на должност јавна обвинителка на Република Македонија, Анита Тополова–Исајловска.Таа говореше на тркалезната маса на тема „Предизвици во обезбедувањето поддршка и заштита на жртвите на насилство врз жени и семејно насилство“, организирана од Министерството за внатрешни работи.Според неа, насилството врз жените и семејното насилство претставуваат сериозно кршење на човековите права и еден од најраспространетите облици на родово базирано насилство, со сериозни последици не само за жртвите и нивните семејства, туку и за целото општество.„Институционалната реакција мора да биде навремена, координирана и ефикасна“, нагласи Тополова–Исајловска.Таа се осврна и на проблемите што во минатото ги создавале законските решенија кои дозволувале жртвите да го повлечат предлогот за кривично гонење. Според податоците што ги изнесе, од почетокот на 2024 година до денес во јавните обвинителства се евидентирани 1.715 постапки за телесна повреда сторена при семејно насилство, од кои 798 биле запрени поради повлекување на предлогот за гонење од жртвата.Таа посочи дека измените на Кривичниот законик од јануари 2026 година претставуваат значаен исчекор, бидејќи му овозможуваат на јавниот обвинител да го преземе гонењето по службена должност и во случаи кога жртвата се повлекува од постапката.Во своето обраќање, Тополова–Исајловска предупреди и на недостигот од пријави и информации од центрите за социјална работа, нагласувајќи дека неадекватното препознавање на семејното насилство на терен може да има сериозни последици.Таа се осврна и на последниот трагичен случај во скопската населба Карпош, посочувајќи дека по утврдените неправилности во постапувањето на Центарот за социјални работи, Јавното обвинителство ќе испита дали постојат елементи на кривично дело.Обвинителката посочи дека дополнителен проблем претставува и благата казнена политика, бидејќи условните казни не се доволни за да се прекине трендот на раст на ваквите кривични дела.Тополова–Исајловска ја нагласи и важноста на соработката со невладините организации, посочувајќи дека обвинителството веќе соработува со повеќе организации, меѓу кои и Хелсиншкиот комитет, во рамки на националните механизми за заштита на жртвите.„Кога жртвата молчи од страв, институциите мора да знаат да ја слушнат. Кога жртвата се повлекува од притисок или зависност, системот мора да биде доволно силен да ја заштити“, истакна Тополова–Исајловска.Таа порача дека најсилната порака што институциите можат да ја испратат е дека секоја жена има право да живее без страв и насилство, и во домот и во општеството.

Македонија | пред 2 седмици

2 нед.
media-libraryqccobv2r74qq9299iOH

Спасовски: Почина Благојче Трпевски – „вистински социјалдемократ и борец за правда“

Пратеникот на СДСМ, Оливер Спасовски, денеска со објава соопшти дека починал Благојче Трпевски, кого го опиша како „вистински социјалдемократ и борец за правда“.Во пораката, Спасовски наведува дека Трпевски ќе остане запаметен како чесен и принципиелен човек, како и искрен другар „кој секогаш стоеше на страната на народот“.„Денеска нè напушти нашиот другар, вистински социјалдемократ и борец за правда, Благојче Трпевски. Ќе го паметиме како чесен човек, принципиелен политичар и искрен другар кој секогаш стоеше на страната на народот. Неговата посветеност, човечност и борба за социјалдемократските вредности ќе останат запаметени. Изразувам искрено сочувство до неговото семејство и најблиските. Нека му е вечна слава.“Спасовски изрази сочувство до семејството и најблиските на Трпевски, потенцирајќи дека неговата посветеност и човечност ќе останат трајно запаметени.

Македонија | пред 2 седмици

2 нед.
media-libraryikulb80vm26ielx9zvA

Американски адмирал: Ги намаливме иранските напади за 90 отсто, потопени над 30 бродови

Американскиот министер за одбрана Пит Хегсет изјави дека воената операција на САД против Иран „е сè уште во почетна фаза“ и дека се одвива според планот, нагласувајќи дека Вашингтон сам го одредува темпото и времетраењето на дејствувањето.Во истото обраќање, командантот на Американската централна команда (CENTCOM), адмирал Бред Купер, изнесе нови податоци за динамиката на судирот. Според него, американските сили во последните 72 часа погодиле речиси 200 цели на иранска територија, меѓу кои и структура што ја опиша како ирански еквивалент на американската Вселенска команда.Купер тврди дека од почетокот на конфликтот иранските напади со балистички проектили се намалени за 90 отсто, додека нападите со беспилотни летала паднале за 83 отсто. Во поморската димензија на судирот, адмиралот соопшти дека досега се потопени повеќе од 30 ирански бродови, што е зголемување во однос на претходните проценки.„Во само последните неколку часа погодивме ирански брод-носач на дронови, со големина на носач на авиони од Втората светска војна. Додека зборуваме, бродот гори“, рече Купер.Изјавите доаѓаат во момент кога Вашингтон најавува долгорочна издржливост за продолжување на операциите, а од Пентагон порачуваат дека располагаат со доволно муниција и капацитет за натамошни дејствија.

Свет | пред 2 седмици

2 нед.
media-library5gfcgoqekut34zXboTk

САД ја засилуваат офанзивата: Уништени бродови, напади врз десетици цели во Иран

Соединетите Американски Држави во последните 72 часа погодиле речиси 200 цели во Иран, а потопиле и повеќе од 30 ирански бродови, соопштија американски претставници во најновите изјави за текот на воената операција.Адмиралот Бред Купер од Централната команда на САД информираше дека американските бомбардери извршиле серија напади врз бројни воени цели, додека американските сили продолжуваат со интензивни операции против иранските капацитети.Американскиот министер за одбрана Пит Хегсет изјави дека САД располагаат со доволно муниција и дека можат да ја продолжат воената кампања против Иран онолку долго колку што ќе биде потребно. Според него, во наредниот период значително ќе се зголеми и огнената моќ над иранскиот воздушен простор.Хегсет додаде дека во операцијата се вклучиле и неколку сојузници на САД, нагласувајќи дека конфликтот не се проширува, туку дека земјите се обединуваат против Иран.Американскиот претседател Доналд Трамп, пак, изјави дека Иран наводно контактирал со Вашингтон со барање за договор, но дека САД во овој момент не се подготвени за таков чекор.„Тие се јавуваат и бараат договор, но ние сега сакаме да се бориме повеќе отколку што тие сакаат“, изјави Трамп.Тој додаде дека американските сили „секој час“ ги напаѓаат иранските системи за беспилотни летала и ракети, тврдејќи дека воената кампања против Иран се одвива побрзо од планираното.

Свет | пред 2 седмици

2 нед.
media-libraryhrhsi43n69o6eCX0Krz

Хегсет: Трамп ќе има збор за тоа кој ќе го води Иран

Американскиот министер за одбрана Пит Хегсет изјави дека претседателот на САД, Доналд Трамп, ќе има значајна улога во прашањето кој ќе го води Иран, во контекст на актуелната воена операција.Одговарајќи на новинарско прашање за улогата на Трамп во обликувањето на идното раководство на Иран по смртта на врховниот лидер ајатолах Али Хамнеи, Хегсет рече дека американскиот претседател е фактор кој ќе има влијание врз таквата одлука.„Мислам дека претседателот секако ќе има збор за тоа кој ќе го води Иран, со оглед на операцијата што моментално ја спроведуваме“, изјави Хегсет.Тој додаде дека целите на САД во војната не се проширени и дека американската администрација има јасна стратегија.„Нема проширување на нашите цели. Точно знаеме што се обидуваме да постигнеме“, нагласи американскиот министер за одбрана.Прашањето за улогата на Трамп доаѓа откако тој во разговор за „Аксиос“ и други медиуми изјави дека сака да има директна улога во изборот на следниот лидер на Иран.

Свет | пред 2 седмици

2 нед.
media-librarycmjdioq4krat7hF04aC

Трамп: Војната во Иран е далеку поважна од тоа дали малку ќе поскапи бензинот

Американскиот претседател Доналд Трамп изјави дека не е загрижен поради растот на цените на горивата во САД, предизвикан од ескалацијата на конфликтот со Иран.Во интервју за „Ројтерс“, Трамп порача дека воената операција е многу поважна од евентуалното поскапување на бензинот.„Воопшто не ме загрижува тоа. Многу брзо ќе паднат цените кога ќе заврши ова. А и ако пораснат, нека пораснат. Ова е далеку поважно од тоа бензинот малку да поскапи“, изјави Трамп.Политичките аналитичари предупредуваат дека долгорочниот раст на цените на горивата би можел да им наштети на републиканците на парламентарните избори во ноември, кога ќе се одлучува за контролата врз американскиот Конгрес.Според податоците на Американскиот автомобилски клуб, просечната цена на бензинот во САД пораснала за 27 центи во изминатата недела и достигнала 3,25 долари по галон. Глобалните цени на нафтата, пак, пораснале за околу 16 проценти од почетокот на војната.Трамп изјави дека засега не планира да ги користи стратешките резерви на нафта и дека очекува клучниот Ормутски теснец да остане отворен за транспорт на нафта.Во Белата куќа се надеваат дека воената кампања против Иран ќе трае релативно кратко, иако дел од политичките и воените аналитичари предупредуваат дека конфликтот може да се прошири и да трае подолго од очекуваното.

Свет | пред 2 седмици

2 нед.
media-library6u2q4cr9bc2m4IZ8AV7

Првите евакуирани македонски државјани од Израел пристигнаа во Скопје

Првите македонски државјани евакуирани од Израел вечерва пристигнаа на Меѓународниот аеродром во Скопје, информираше заменик-министерот за надворешни работи и надворешна трговија Зоран Димитровски.Тој посочи дека граѓаните биле евакуирани по копнен пат преку Египет, а потоа со владин авион биле пренесени до Скопје.„Во вакви моменти најважно е нашите граѓани да знаат дека државата е тука за нив“, истакна Димитровски, додавајќи дека евакуацијата била успешно организирана благодарение на координацијата меѓу институциите и дипломатско-конзуларните претставништва.Според него, процесот се одвивал на релација Тел Авив – Шарм ел-Шеик – Скопје.Министерството за надворешни работи и надворешна трговија, како што наведе, останува во постојана комуникација со македонските државјани кои се наоѓаат во погодените подрачја и продолжува со активностите за нивно безбедно враќање.Се очекува во наредните денови да биде реализирана и евакуацијата на останатите граѓани кои изразиле подготвеност да се вратат во земјата.

Свет | пред 2 седмици

2 нед.
media-library7a6p6ihqqfokfxQdE20

Трамп го нападна Такер Карлсон: „Скренал од патот“ и „не е МАГА“

Американскиот претседател Доналд Трамп остро го критикуваше конзервативниот коментатор Такер Карлсон, откако Карлсон јавно се спротивстави на војната со Иран и ја нарече „апсолутно одвратна и зла“.Според главниот дописник на ABC News од Вашингтон, Џонатан Карл, кој разговарал со Трамп, претседателот рекол дека Карлсон „скренал од патот“ и дека „не е МАГА“. Во истата изјава Трамп ја бранеше својата политичка платформа „Америка на прво место“, оценувајќи дека Карлсон „не е ништо од тоа“ и додавајќи навредлива забелешка за неговата интелигенција.Во текстот се наведува дека Карлсон, поранешен водител на Fox News, наводно се обидувал да го одврати Трамп од влегување во војна со Иран. Карлсон во изминатиот месец трипати се сретнал со Трамп во Овалната соба за да го убеди да се откаже од воената опција, за која се тврди дека ја поттикнувал израелскиот премиер Бенјамин Нетанјаху.Според наводите, Карлсон предупредил на ризиците за американските војници, можниот притисок врз цените на енергенсите и последиците врз партнерствата на САД со арапските држави во регионот. Откако конфликтот почнал, Карлсон јавно повикал Соединетите Држави да го „воздржат Бенјамин Нетанјаху“, тврдејќи дека неговите одлуки можат да доведат до загинување Американци и да влијаат врз текот на светските настани.

Свет | пред 2 седмици

2 нед.
media-library7768jeevv8d5cyZGYX2

Би-Би-Си: Малку веројатно ирански проектил да ја погодил училиштето, штетата е преголема

Анализа на сателитски снимки и видеоматеријали покажува дека училиштето во градот Минаб, на југот на Иран, најверојатно било погодено со повеќе удари, а не од еден ирански проектил, објави Би-Би-Си.Проверени видеа и сателитски фотографии откриваат голема штета околу основното училиште „Шаџарех Тајебех“ и соседниот комплекс на Корпусот на исламската револуционерна гарда. Според иранските власти, во нападот што се случил во саботата загинале 168 лица.Иран за нападот ги обвини САД и Израел, но ниту една од двете држави не презеде одговорност. Израел соопшти дека нема сознанија за воени операции во тој дел, додека американскиот министер за одбрана Пит Хегсет изјави дека Вашингтон го истражува инцидентот и дека САД „никогаш не таргетираат цивилни објекти“.Снимките објавени на социјалните мрежи, чија автентичност ја потврдил Би-Би-Си, прикажуваат паника веднаш по нападот, додека луѓе ги пребаруваат урнатините во потрага по преживеани. На дел од видеата се гледаат чадни столбови што се издигнуваат од училишната зграда и од соседниот воен комплекс.Сателитските фотографии направени неколку дена по нападот покажуваат значителни разурнувања, со најмалку пет објекти со кратери и траги од пожар, што укажува на повеќекратни експлозии. Според експерти, ваквата штета тешко може да биде предизвикана од ирански противвоздушен проектил, кој носи релативно мала експлозивна боева глава.Иранските власти тврдат дека поголемиот дел од жртвите биле деца, но овие информации не можат независно да се потврдат. Според податоците на иранското Министерство за образование, училиштето го посетувале 264 ученици. Иранските медиуми објавија список со имиња на загинати, меѓу кои најмалку 48 деца на возраст од шест до единаесет години.Полуофицијалната новинска агенција Тасним објави дека во нападот загинале и 14 наставници, додека според податоци на Американската новинска агенција за човекови права од почетокот на конфликтот досега се евидентирани повеќе од илјада загинати ирански цивили, меѓу кои и 183 деца.

Свет | пред 2 седмици

2 нед.
media-libraryd425t4ot7lcnbsHXkcN

Паника на дел од бензиските поради гласини дека „ќе снема нафта“, Мицкоски: Нема простор за грижа

Редици се формираа на дел од бензинските станици во земјава, откако меѓу граѓаните се проширија шпекулации дека може да дојде до недостиг на гориво или значително поскапување на нафтените деривати.„Скопје1“ на две бензиски станици во Скопје разговараше со вработени кои велат: „И денеска, цел ден се прават гужви, има некоја хистерија дека ќе нема деривати, а никој не знае да каже од каде е инфомрацијата и на што се темели освен шпекулации дека дознале од пријатели. Ова трае веќе два дена“.Според неофицијалните информации што се шират во јавноста, граѓаните се плашат дека е можно привремено редуцирање на продажбата на гориво до одредување на новите цени, но ваквите тврдења засега не се потврдени од надлежните институции.Премиерот Христијан Мицкоски по средбата со претставници на нафтената индустрија порача дека нема место за загриженост.„Залихи на горива има и нафтените потреби целосно се задоволуваат. Состојбата е под контрола“, напиша Мицкоски.Во меѓувреме, цената на нафтата на светските пазари порасна до околу 84 долари за барел поради стравувањата од можноста Иран да го блокира Ормутскиот теснец, една од најважните рути за транспорт на нафта во светот. САД најавија дека со морнарицата ќе обезбедуваат безбедност на танкерите во регионот.

Македонија | пред 2 седмици

2 нед.
media-libraryce0gohncb6qv4JBNWiQ

(Видео) Владин авион со евакуирани македонски граѓани пристигна во Скопје од Шарм ел-Шеик, се спремаат и чартер летови

Министерот за надворешни работи и надворешна трговија Тимчо Муцунски информираше дека успешно е завршена евакуацијата на сите македонски државјани од Израел кои побарале да ја напуштат земјата.Тој соопшти дека попладнево владин авион полетал од Шарм ел-Шеик кон Скопје со македонските граѓани, а целиот процес бил координиран од Министерството за надворешни работи и дипломатско-конзуларните претставништва. Последните информации се дека авионот слетал на скопскито аеродром.Муцунски додаде дека е финализирана и постапката за договор со компанија која во наредните денови ќе започне со летови за евакуација на македонски државјани и од други погодени подрачја.Министерството, како што посочи, останува на 24-часовно располагање за помош и поддршка на македонските граѓани во странство.БОНУС ЕКСКЛУЗИВНО ВИДЕО:

Настани | пред 2 седмици

2 нед.
ChatGPT

Њујорк сака да им забрани на AI-четботи да даваат правни и медицински совети

Законодавното тело на американската сојузна држава Њујорк разгледува предлог-закон со кој на четботи базирани на вештачка интелигенција би им се забранило да даваат правни и медицински совети.Предлогот предвидува и можност корисниците да ги тужат сопствениците на четботи доколку ја прекршат оваа одредба, објави порталот Statescoop.Станува збор за сенатскиот предлог-закон S7263, кој беше претставен на последната седница и минатата среда едногласно помина во Комитетот за интернет и технологија со шест гласа „за“. Тој е дел од поширок пакет мерки за регулирање на четботите со вештачка интелигенција.Законот се однесува на AI-четботи кои се претставуваат како лиценцирани професионалци, како лекари или адвокати, и им забранува да даваат „суштински одговор, информација или совет“ што би можел да претставува кршење на законите за професионално лиценцирање или неовластено вршење професија.Исто така, сопствениците на четботи ќе мора јасно и видливо да ги известат корисниците дека комуницираат со систем на вештачка интелигенција. Известувањето мора да биде на ист јазик како четботот и со читлива големина на буквите. Сепак, во предлогот се нагласува дека ваквата напомена не ги ослободува компаниите од одговорност.Благодарение на предвиденото право на приватна тужба, корисниците би можеле да покренуваат граѓански постапки против сопствениците на четботи и да бараат надомест на штета и адвокатски трошоци.Експертите сметаат дека токму ова право е клучно за спроведување на законот, бидејќи регулативите за податоци или системи со вештачка интелигенција без ваков механизам често се покажуваат послаби.Главниот државен обвинител на сојузната држава Мејн, Арон Фреј, неодамна оцени дека ваквиот механизам има „значаен одвраќачки ефект“.Доколку законот биде усвоен, тој ќе стапи во сила 90 дена по потпишувањето од гувернерот. Во истиот законодавен пакет се и мерки за заштита на малолетниците од небезбедни функции во четботите, како и правила за одредени интернет-платформи, меѓу кои и гејминг платформата Roblox, за која се смета дека има слаба заштита на приватноста на младите корисници.Дополнителни предлози предвидуваат задолжителни известувања на генеративните AI-системи, како и нови правила за ракување со биометриски податоци и создавање синтетичка содржина.Авторката на предлог-законот, државната сенаторка Кристен Гонзалез, која претседава со Комитетот за технологија, изјави дека пакетот мерки има цел да обезбеди развојот на вештачката интелигенција „да не оди на сметка на безбедноста на жителите на Њујорк, особено на децата“.Во јануари апликацијата за генеративни AI-четботи Character.AI и компанијата Google решија неколку тужби поврзани со улогата на нивните четботи во самоубиства на неколку малолетници.„Луѓето заслужуваат вистинска грижа од вистински луѓе. Заслужуваат транспарентност, одговорност и гаранција дека нивните податоци се безбедни додека ја користат технологијата“, изјави Гонзалез.

Свет | пред 2 седмици

2 нед.
marihuana

Колумбиската морнарица заплени двa тони марихуана вредни над 21 милион долари

Колумбиските вооружени сили запленија две тони марихуана од пловило на кое се наоѓале четири лица, за време на операција за поморска безбедност во централните води на Пацификот.Властите соопштија дека со оваа акција е спречена дистрибуција на околу 334.000 дози дрога. Според официјални лица, вредноста на запленетата стока надминува 21 милион долари, што претставува значителна финансиска загуба за криминалните организации.

Свет | пред 2 седмици

2 нед.
media-library7a6p6ihqqfokfxQdE20

Трамп повторно бара помилување за Нетанјаху, сега поради војната со Иран

Американскиот претседател Доналд Трамп во четвртокот повторно побара од израелскиот претседател да го помилува премиерот Бенјамин Нетанјаху, кој е обвинет за корупција, пренесува Ројтерс. Трамп порача дека Нетанјаху треба целосно да биде фокусиран на војната со Иран.„Претседателот Херцог мора да го помилува Биби уште денес. Не сакам Биби да се занимава со ништо друго освен со војната со Иран... Херцог е срам... пет пати ми вети дека ќе го помилува Биби“, изјави Трамп во интервју за израелската телевизија Н12, користејќи го прекарот на Нетанјаху.Од кабинетот на израелскиот претседател Исак Херцог одговорија дека додека Израел е во војна, нема да се занимаваат со прашањето за барањето за помилување на Нетанјаху. Херцог додаде дека длабоко го почитува придонесот на Трамп за безбедноста на Израел и неговиот став за Иран, но нагласи дека Израел е суверена држава која ја почитува владеењето на правото.„Претседателот ќе го разгледа барањето во согласност со законот, интересите на државата и сопствената совест, без каков било внатрешен или надворешен притисок“, се наведува во соопштението од кабинетот на Херцог.Нетанјаху е првиот израелски премиер кој за време на мандатот е обвинет за кривично дело. Тој ги негира обвиненијата за примање мито, измама и злоупотреба на довербата, кои беа подигнати во 2019 година. Трамп и претходно неколкупати го повика израелскиот претседател да го помилува Нетанјаху, кој официјално поднесе барање за помилување во ноември.Херцог претходно ги оспори тврдењата на Трамп дека му ветил помилување. Повикот на Трамп доаѓа во време на зголемени тензии, откако САД и Израел во саботата започнаа заедничка кампања на бомбардирање на Иран.Според израелскиот закон, претседателот има овластување да помилува осудени лица. Сепак, нема преседан за давање помилување додека судскиот процес сè уште трае, а правната процедура може да биде долготрајна.

Свет | пред 2 седмици

2 нед.
kineski-voeni-avioni-10

Драматична воздушна борба: Ирански авиони речиси ја нападнале најголемата база на САД, но биле соборени

Ирански бомбардери биле на само неколку минути од напад врз најголемата американска воена база на Блискиот Исток, но биле пресретнати и соборени од катарски борбени авиони во нивната прва воздушна борбена мисија, откриле за Си-Ен-Ен два извора запознаени со операцијата.Иранската револуционерна гарда во понеделникот наутро испратила два тактички бомбардера Су-24, произведени уште во советско време, кон воздухопловната база Ал Удеид во Катар, каде што се стационирани околу 10.000 американски војници. Втората цел била Рас Лафан, клучен објект за преработка на природен гас и темел на катарската економија.Според еден од изворите, иранските авиони биле на само „две минути“ од своите цели. Друг извор потврдил дека леталата биле визуелно идентификувани и утврдено било дека се вооружени со бомби и наведувано оружје.Катарските сили испратиле радио-предупредување, но не добиле одговор од екипажите на бомбардерите, кои се спуштиле на висина од само 25 метри за да избегнат радарска детекција.Поради „временските ограничувања“ и врз основа на достапните докази, леталата биле класифицирани како непријателски. Катар потоа ги подигнал своите борбени авиони, а еден катарски Ф-15 влегол во воздушна борба со иранските летала и ги соборил, изјавил изворот.Остатоците од иранските авиони паднале во катарските територијални води. Портпаролот на катарското Министерство за надворешни работи Маџед ал Ансари изјавил дека е во тек потрага по членовите на екипажот.Инцидентот се случил во момент на силна ескалација на конфликтот, откако Иран започна одмазднички напади со стотици проектили и беспилотни летала кон арапските држави во Персискиот Залив како одговор на американските и израелските воздушни напади врз Иран. Во првиот бран од тие напади во саботата беше убиен иранскиот врховен лидер Али Хамнеи, кога беше погоден неговиот комплекс во Техеран.Овој потег означува првпат Техеран да употреби авиони со екипаж за напад врз соседна држава по смртта на Хамнеи, но и првпат катарските воздухопловни сили да се вклучат во вистинска воздушна борба.Американскиот генерал Ден Кејн, началник на Здружениот штаб, го потврди инцидентот на прес-конференција во Пентагон, но не прецизираше која била целта на иранските бомбардери. „Катарски борбени авиони за првпат соборија два ирански бомбардера кои се движеа кон нивната локација“, изјави тој.Во разговор со иранскиот министер за надворешни работи Абас Арагчи, катарскиот премиер Мохамед бин Абдулрахман Ал Тани го опишал инцидентот како потег што води кон ескалација и покажува недостиг од искрена намера на Иран да ги намали тензиите.Според податоци на регионалните влади, од почетокот на американско-израелските напади врз Иран, Техеран испукал повеќе од 400 балистички проектили и над 1000 беспилотни летала кон државите од Заливот. Иако поголемиот дел од нив биле пресретнати, шест американски војници загинале во неделата кога еден ирански проектил ја пробил противвоздушната одбрана и погодил импровизиран оперативен центар во кувајтското пристаниште Шуаиба.

Свет | пред 2 седмици

2 нед.
media-libraryq8kd7cf4684mfd6mYkY

Зеленски: САД побараа помош од Украина во борбата против иранските дронови

Украинскиот претседател Володимир Зеленски изјави дека Соединетите Американски Држави побарале од Украина помош во одбраната од беспилотни летала на Блискиот Исток.Зеленски во објава на социјалната мрежа Икс појасни дека станува збор за конкретно барање за поддршка во одбраната од иранските дронови од типот „Шахед“.„Добивме од Соединетите Американски Држави барање за конкретна помош во одбраната од ‘Шахед’ на подрачјето на Блискиот Исток“, напиша Зеленски.Тој додаде дека веќе издал наредба да се обезбедат потребните средства и да се ангажираат украински експерти кои можат да ја гарантираат потребната безбедност.

Свет | пред 2 седмици

2 нед.
media-library9lrdms959j756mpCku2

Зајкова го поднесе предлог законот за електронска нараквица за следење на насилниците во Собранието

Претседателката на Либерално-демократската партија (ЛДП) и пратеничка, Моника Зајкова, со поддршка на група пратеници, денеска до Собранието ги поднесе измените и дополнувањата на Законот за спречување и заштита од насилство врз жените и семејното насилство. Дополнително, Зајкова поднесе и барање за одржување на седница на собраниската Комисија за еднакви можности на мажите и жените.Пратениците од сите политички партии во Собранието повторно ќе имаат можност да дискутираат по предлогот на претседателката Зајкова и ќе добијат шанса со давање поддршка, вистински да застанат на страната на жртвите на насилство.„Денес повторно го поднесуваме Законот за електронска нараквица со кој што се овозможува дополнителна заштита на жртвата, покрај нејзината пријава, која обезбедува аларм на жртвата  доколку сторителот се наоѓа во нејзина непосредна близина. Доста системот молчи, доста говориме за жените без да преземеме конкретни мерки. Пред Собранието повторно ќе се најде закон со кој што ќе може да покажеме дека навистина сакаме да обезбедиме заштита и превенција“, изјави претседателката Зајкова при поднесувањето на предлогот до Собранието.Покрај забраната за приближување, клучно е воведувањето на електронска нараквица за сторителите на семејно насилство, која ќе ја предупредува жртвата дека сторителот се приближува до одредено место, односно на оддалеченост помала од 100 метри, со што ќе се зголеми степенот на заштита на жртвата и ќе се намали можноста за нејзино повторно изложување на насилство.

Македонија | пред 2 седмици

2 нед.
media-libraryhqu5pddnm8s69LtgR6t

Пожар во Маџари: Гори комунален отпад на отворена локација

Голем пожар попладнево избувна на отворена локација во населбата Маџари, каде гори комунален отпад.Градоначалникот на Гази Баба, Бобан Стефковски, информираше дека инспекторите од општината веднаш излегле на терен и случајот е пријавен во Противпожарната бригада на Град Скопје, чии екипи работат на гасење на огнот.Во меѓувреме, инспекторите заедно со припадници на Министерството за внатрешни работи преземаат мерки за откривање на причинителот на пожарот.

Скопје | пред 2 седмици

2 нед.
Screenshot-2025-09-13-at-23.22.01

СДСМ бара оставка од Тошковски: МВР потфрли во повеќе случаи на насилство

СДСМ го обвини премиерот Христијан Мицкоски дека по секоја цена го брани министерот за внатрешни работи Панче Тошковски, наместо да преземе одговорност за, како што велат, институционалните пропусти во случаи на семејно насилство.Од партијата посочуваат дека во случајот во Карпош, каде загинаа мајка и дете, имало дури 12 пријави за семејно, физичко и психичко насилство во период од две години, но институциите не реагирале навреме.СДСМ тврди дека МВР потфрлило и во други случаи, меѓу кои трагедијата во Велес, како и случајот со серискиот убиец во Старо Нагоричане, каде, според нив, две години биле игнорирани пријавите на жителите.„Не е до пријавите, туку до потфрлањата на МВР кое го води Панче Тошковски. Проблемот почнува од врвот“, велат од СДСМ, барајќи оставка од министерот.

Македонија | пред 2 седмици

2 нед.
media-library16rsbbrcm96p7DkWGbf

(Видео) САД објавија снимки од воздушни напади врз ирански воени бази

Американската Централна команда (ЦЕНТКОМ) објави снимки од воздушни напади врз ирански воени цели.На видеата се гледаат удари врз засолништа за авиони и други летала во ирански воздушни бази.Од ЦЕНТКОМ соопштија дека способноста на иранскиот режим да ги загрози американските сили и нивните сојузници во регионот „брзо слабее“, додека американската воена моќ продолжува да се зголемува.Американскиот министер за одбрана Пит Хегсет изјави дека САД во наредните денови ќе имаат целосна и неоспорна контрола над иранскиот воздушен простор.Тој порача дека Иран „не може да ја издржи“ американската воена сила и дека неговите воени капацитети исчезнуваат „од час во час“.

Свет | пред 2 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања