Најнови вести

3 нед.

СВР Тетово: Малолетничка била однесена во шума и вознемирувана

СВР Тетово соопшти дека е пријавен случај на вознемирување и недозволиво допирање на малолетно лице, во кој, според наводите, е инволвиран Х.И.Според пријавата од 22-годишна жителка на тетовско, во повеќе наврати тој ја вознемирувал нејзината малолетна сестра, а во еден случај ја навел да влезе во неговото возило и ја однел во шумски предел, каде што ја допирал по телото.Подоцна, како што е пријавено, во парк во Тетово се обидел со сила да ја внесе во возило, но бил спречен од нејзини пријатели.За случајот е известен јавен обвинител и се преземаат мерки за целосно расчистување.

Македонија | пред 3 седмици

3 нед.

Не му го вратил агрегатот по „поправка“ – пријавена измама

СВР Тетово соопшти дека во ОВР Гостивар 52-годишник од Гостивар пријавил измама поврзана со индустриски трифазен агрегат.Според пријавата, пред околу една година тој му го предал агрегатот на В.Н. наводно за поправка, но уредот не му бил вратен, а подоцна престанале и контактите, по што пријавителот сфатил дека бил измамен.Се преземаат мерки за целосно расчистување на случајот.

Македонија | пред 3 седмици

3 нед.

Возел речиси двојно над дозволеното – приведен прилепчанец

СВР Тетово соопшти дека на автопатот Тетово–Скопје е лишен од слобода 21-годишниот Е.Х. од Прилеп, откако бил затекнат како управува возило со значително поголема брзина од дозволената.При сообраќајна контрола, полициските службеници сопреле „фолксваген голф“ со прилепски регистарски ознаки, при што било утврдено дека возилото се движело со 182 километри на час на дел од патот каде што дозволената брзина е ограничена на 100 км/час.По документирање на случајот, против возачот ќе биде поднесена соодветна пријава.

Македонија | пред 3 седмици

3 нед.

Полициска акција во Тетово: Приведен мотоциклист без дозвола

СВР Тетово соопшти дека е лишен од слобода 21-годишниот С.А. од село Голема Речица, откако при сообраќајна контрола било утврдено дека управувал мотоцикл без положен возачки испит.Инцидентот се случил на улицата „Борис Кидрич“ во Тетово, каде што полициските службеници го сопреле мотоциклот со тетовски регистарски ознаки. По извршените проверки било констатирано дека возачот нема возачка дозвола, по што бил задржан во полициска станица, а мотоциклот е одземен.По целосно документирање на случајот, ќе следува соодветна пријава.

Македонија | пред 3 седмици

3 нед.

Уништен последниот мост што го поврзува јужен Либан со остатокот од земјата

Во израелски воздушен напад е уништен последниот мост кој го поврзувал јужниот дел на Либан со остатокот од земјата, потврди висок либански безбедносен претставник.Според неговата изјава, мостот е целосно разрушен и „размрскан“, а штетата е оценета како непоправлива. Инцидентот дополнително ја влошува инфраструктурната состојба во јужниот дел на земјата, каде што во последниот период се интензивирани судирите.Засега нема официјална реакција од израелската страна за нападот.

Свет | пред 3 седмици

3 нед.

Петрушевски: ПР-от на Заев, ги насочи СДС и Филипче да се фокусираат на избори во друга држава, наместо да прават реформи во партијата

ВМРО-ДПМНЕ преку изјава на пратеникот Петрушевски обвини дека, како што велат, ПР-тимот поврзан со Зоран Заев го насочува СДСМ и Венко Филипче кон теми поврзани со избори во други држави, наместо кон внатрешни партиски реформи.Во соопштението на ВМРО-ДПМНЕ се наведува дека СДСМ се соочува со слаб рејтинг и внатрешни поделби, при што дел од поранешни функционери се дистанцираат од партијата. Од ВМРО-ДПМНЕ тврдат дека ваквото однесување претставува „антидржавна политика“ и обид за политички дефокус.Петрушевски додава дека наместо да се занимава со состојбите во сопствените редови, СДСМ се фокусира на надворешни политички процеси, што според него нема да им донесе изборен успех.

Македонија | пред 3 седмици

3 нед.

Професорка во Бразил уапсена по кражба на опасни вирусни примероци

Професорка на Универзитетот Универзитет Кампинас во Бразил е уапсена под сомнение дека украла опасни вирусни примероци од лабораторија со висок степен на биосигурност.Станува збор за Соледад Паламета Милер, молекуларна биолог и професорка на Факултетот за прехранбено инженерство, која според наводите била уапсена кон крајот на минатиот месец, а подоцна пуштена да се брани од слобода со кауција. Бразилската Национална агенција за здравствен надзор (Anvisa) соопшти дека анализираните примероци не претставуваат ризик за јавното здравје.Според информациите, од лабораторијата за вирологија и применета биотехнологија исчезнале примероци на патогени, меѓу кои вируси како чикунгуња и денга, кои се чуваат во објект со ниво на биосигурност 3 (BSL-3). Случајот бил пријавен откако истражувач забележал недостиг на материјали, а надзорните камери наводно ја снимиле осомничената како изнесува предмети од лабораторијата во доцните часови.По внатрешна пријава, случајот бил предаден на федералната полиција, која подоцна извршила претреси и ги пронашла исчезнатите примероци. Според судските документи, постојат сомнежи дека осомничената се обидела да уништи докази по почетокот на истрагата. Нејзиниот сопруг, кој исто така работи во академската средина, засега не е обвинет.

Свет | пред 3 седмици

3 нед.

Рубљата доминира во руската надворешна трговија – нов рекорд од 60%

Учеството на плаќањата во рубљи во надворешно-трговските пресметки на Русија достигнало нов рекорд од 60 отсто во февруари, соопшти Централната банка на Руската Федерација.Според податоците, уделот на плаќањата во рубљи пораснал од 57,3 отсто во јануари и 58,7 отсто во декември, додека во текот на последните 12 месеци повеќе од половина од сите трансакции за извоз и увоз биле реализирани во националната валута.Во исто време, уделот на плаќањата во таканаречени „пријателски валути“ се намалил на 26,9 отсто, додека валутите од земји што Москва ги смета за „непријателски“ паднале на 13,1 отсто.Според Централната банка, ова претставува најнизок удел на западни валути во последните три години, што укажува на продолжена промена во структурата на надворешната трговија на Русија.

Свет | пред 3 седмици

3 нед.

Студент во Минхен осуден за серија тешки сексуални злосторства

Кинески студент е осуден на 11 години и три месеци затвор во Минхен, откако судот го прогласил виновен за повеќекратни сексуални напади и два обиди за убиство.Според пресудата, станува збор за 28-годишен студент од Кина кој во период од неколку месеци ја дрогирал и сексуално ја злоупотребувал својата сосетка во Германија. Судот утврдил дека делата биле извршувани помеѓу февруари и декември 2024 година, при што жртвата повеќепати била изложена на опасни дози седативи и анестетици.Судските власти во Минхен го опишале случајот како исклучително тежок и наведуваат дека обвинетиот бил член на група на Телеграм во која мажи организирале и разменувале содржини поврзани со сексуални напади.Судијата во образложението на пресудата навел дека станува збор за „монструозни дела“, нагласувајќи дека случајот отвора сериозни правни и етички прашања.

Свет | пред 3 седмици

3 нед.

СДСМ: Сиљановска во улога за спас на Никола Груевски и Христијан Мицкоски

СДСМ постави прашања за улогата на претседателката Гордана Сиљановска-Давкова во контекст на, како што велат, новите политички сценарија поврзани со Никола Груевски.Од партијата алудираат на нејзината неодамнешна посета на Турција и информации за можни дипломатски и политички активности поврзани со статусот на Груевски, кој се наоѓа во Унгарија.СДСМ тврди дека постојат отворени прашања околу барањата за негова екстрадиција и дека одредени држави веќе преземаат активности, додека македонските институции, според нив, немаат доволно реакција.Од таму додаваат дека јавноста очекува транспарентност и јасни одговори од институциите.

Македонија | пред 3 седмици

3 нед.

Кривична пријава против поранешен градоначалник на Делчево

МВР поднесе кривична пријава против поранешен градоначалник на Делчево, Горан Трајковски (54), поради сомнение за злоупотреба на службена положба и овластување.Според пријавата, тој во 2023 и 2024 година, во својство на градоначалник, склучил два договори за јавни набавки со економски оператор од Кочани, во вкупна вредност од по 236.000 денари, со важност од една година.Во постапките, како што наведува МВР, биле прифатени понуди со невообичаено ниски цени за одредени производи, без да се побара дополнително појаснување, при што постои сомнение дека бил фаворизиран одреден оператор, со што му била овозможена имотна корист.

Македонија | пред 3 седмици

3 нед.

Опозиција во Германија бара стопирање на извозот на оружје кон Израел

Опозициската партија „Левица“ во Германија ја обвини владата на канцеларот Фридрих Мерц дека преку извоз на оружје кон Израел индиректно го поттикнува конфликтот во Иран.Според наводите, и покрај уставните ограничувања за извоз на вооружување во зони на конфликт, германската влада одобрила испораки кон Израел во првите недели од војната, што е потврдено со податоци од Министерството за економија, пренесува агенцијата Анадолу.Пратеникот од „Левица“, Улрих Тоден, повика на итна и целосна забрана на извозот на оружје кон Израел, оценувајќи дека интересите на воено-индустрискиот комплекс не придонесуваат за мир, туку, напротив, ги продлабочуваат конфликтите и човечките страдања.Според објавените податоци, во периодот од 28 февруари до 27 март, Германија одобрила извоз на вооружување во вредност од околу 6,6 милиони евра.Германија останува долгогодишен сојузник на Израел, а официјалните власти редовно нагласуваат дека земјата има посебна историска одговорност за безбедноста на Израел поради своето нацистичко минато.

Свет | пред 3 седмици

3 нед.

Нема договор за датум за нов круг преговори меѓу САД и Иран

Нема одреден датум за вториот круг преговори меѓу САД и Иран, соопшти Министерството за надворешни работи на Пакистан, кое учествува во посредничките напори за обновување на дијалогот.Началникот на пакистанската армија, Асим Мунир, престојува во Иран во рамки на дипломатска мисија насочена кон намалување на разликите меѓу двете страни, во период кога истекува кревкото примирје.Висок ирански претставник изјави дека посетата придонела за приближување на ставовите во одредени области, но нагласи дека суштинските несогласувања сè уште остануваат нерешени. Според него, се зголемуваат очекувањата за продолжување на примирјето и одржување нова рунда разговори.Главните отворени прашања и понатаму се поврзани со иранската нуклеарна програма, особено судбината на високо збогатениот ураниум и должината на ограничувањата, кои остануваат најспорните точки во преговорите.

Свет | пред 3 седмици

3 нед.

Лажна дојава за бомба во училиште кај Травник, евакуирани и трговски центри во Сараево

Средното училиште во Нова Била кај Травник утрово е евакуирано по дојава за поставена бомба, но по антитерористички преглед е утврдено дека заканата била лажна, соопшти Министерството за внатрешни работи на Среднобосанскиот кантон во Босна и Херцеговина.Според информациите, директорот на училиштето добил заканувачка електронска порака за наводно поставена експлозивна направа, по што веднаш била извршена евакуација на учениците и вработените. По детална проверка на објектот било потврдено дека станува збор за лажна дојава.Во исто време, во Сараево во тек се проверки и евакуации на два големи трговски центри, откако исто така биле пријавени закани за бомба. Објектите се испразнети, а полициски тимови вршат проверки на терен.Полицијата и надлежните институции, во соработка со обвинителството и други безбедносни агенции, работат на идентификација на лицата кои ги испратиле заканувачките пораки.

Балкан | пред 3 седмици

3 нед.

Иран ги затвора училиштата: целосна онлајн настава

Сите училишта во Иран од следната недела ќе преминат на целосна онлајн настава, односно наставата ќе се одвива исклучиво на далечина, јавуваат иранските државни медиуми.Портпаролот на иранското Министерство за образование, Али Фархади, изјави дека сите нивоа на образование низ земјата ќе функционираат без физичко присуство во училиштата. Тој додаде дека секоја евентуална промена на одлуката и враќање на класична настава ќе биде најавено најмалку три дена однапред.Засега не се соопштуваат причините за ваквата одлука, ниту дали таа е поврзана со безбедносни, здравствени или други околности.

Свет | пред 3 седмици

3 нед.

(Видео) Израелската армија објави видео: „Уништивме 70 позиции на Хезболах за една минута“

Израелските одбранбени сили (Israel Defense Forces) соопштија дека уништиле околу 70 позиции на Хезболах во подрачјето на Бинт Џбеил во јужен Либан, по вчерашна операција на специјалните единици.Според израелската армија, единицата „Егоз“ извршила упад во населбата Аината, која ја опишуваат како борбен комплекс на Хезболах. Во текот на операцијата, како што се наведува, биле пронајдени поголеми количества оружје, меѓу кои ракетни фрлачи, автоматски пушки, гранати и противвоздушни проектили.Истовремено, единицата „Маглан“ на истото подрачје, според израелските тврдења, елиминирала повеќе оперативци на Хезболах.По завршување на пребарувањата, израелските сили соопштија дека во краток временски интервал биле уништени околу 70 инфраструктурни цели кои ги опишуваат како воени позиции на групата.

Свет | пред 3 седмици

3 нед.

Поранешниот градоначалник на Њујорк официјално стана албански државјанин

Поранешниот градоначалник на Њујорк, Ерик Адамс, доби албанско државјанство и пасош. Одлуката е донесена со посебен декрет потпишан од претседателот на Албанија, Бајрам Бегај, и објавен во службениот весник.Во декретот се наведува дека на Ерик Лерој Адамс му се доделува државјанство на Албанија, кое стапува во сила веднаш. Засега тој не ја коментирал одлуката.Адамс претходно ја посети Албанија, каде што одржа средби со премиерот Еди Рама и разговараше за соработка во областа на туризмот и технологијата, при што ја пофали Тирана како град што се развива во позитивна насока.Според објава на премиерот Еди Рама на социјалните мрежи, Ерик Адамс сам побарал албанско државјанство при неговата претходна посета на Тирана. Тој тогаш го опишал градот како „мал Њујорк“ и изразил изненадување од неговиот развој и привлечност.

Свет | пред 3 седмици

3 нед.

Автономијата на универзитетите не е загрозена, вонредно студирање ќе има, а во академијата нема да се вработуваат само деца на богати, рече Јаневска

Министерката за образование Весна Јаневска тврди дека новиот предлог закон за високо образование е резултат на темелна евалуација и широка дебата, а не, како што вели, наметнато решение од институциите.„Законот нуди повеќе можности за личен развој на професорите и студентите. Решенијата се засновани на темелна евалуација и ќе овозможат поефективно исполнување на одредбите од Болонскиот процес и програмите на ЕУ“, изјави Јаневска.Таа потенцира дека подготовката на законското решение не се одвивала зад затворени врати, туку преку јавни дебати кои придонеле за подобрување на текстот.Во однос на критиките, министерката ги оцени како неосновани тврдењата дека со новиот закон се нарушува автономијата на универзитетите или дека ќе се создаде систем во кој ќе студираат и напредуваат само деца од побогати семејства.„Се справивме со лажни вести дека ќе нема вонредно студирање или дека ќе се вработуваат само деца на богати. Сите кои работеа на законот знаат дека тоа не е вистина“, рече Јаневска.Таа предупреди дека политичкото спротивставување на реформите може да биде пречка за развојот на високото образование, нагласувајќи дека е потребно единство во спроведувањето на реформската агенда.Како клучни предности на новиот закон, Јаневска ги посочи воведувањето меритократија преку јасни показатели за истражувачка продуктивност, поголема интернационализација, соработка меѓу универзитетите, како и мерливост на квалитетот и подобри услови за студентите.Според неа, целта е создавање систем што ќе овозможи стекнување повисоки знаења и ќе го подигне квалитетот на високообразовните програми во земјата.

Македонија | пред 3 седмици

3 нед.

(Видео) Предност за студенти од топ 100 универзитетите, повеќе пари но и отченост - Законот за високо образование оди во Собрание

Премиерот Христијан Мицкоски оцени дека македонското образование со години било предмет на „експерименти“, кои оставиле сериозни последици врз квалитетот, особено во високото образование.„Долго време се правеа експерименти со образованието, а тоа е фундаментот врз кој се гради секое општество. Кога се прават погрешни чекори, последиците ги чувствуваат генерации“, изјави Мицкоски, посочувајќи дека законските решенија од 2018 година довеле до намалени критериуми, помала научна продукција и пад на квалитетот.Тој нагласи дека, според Владата, не била спроведена ниту соодветна евалуација на состојбите, ниту биле детектирани слабостите, поради што најави поинаков пристап во реформите.„Како Влада нема да дозволиме уште една изгубена деценија зад нас. Напредокот се гради со партнерство, а не со наметнување“, рече премиерот.Мицкоски најави дека новиот закон за високо образование ќе донесе конкретни новини, меѓу кои и предност при вработување на државните универзитети за студентите кои студирале на некој од најдобрите 100 универзитети во светот со државни стипендии.Дополнително, се воведува нов модел на финансирање на високообразовните институции, со зголемени вложувања, но и со засилена отчетност.Паралелно, Владата најавува и поддршка за научната дејност, со цел универзитетите повторно да се позиционираат како центри на иновации.Според премиерот, измените на законот биле подготвувани преку широка дебата, а целта е создавање систем кој ќе ги задржи младите во земјата и ќе го подобри квалитетот на образованието.

Македонија | пред 3 седмици

3 нед.

Премиерот: Потребни се реформи во високото образование

Премиерот Христијан Мицкоски порача дека образованието е клучен фактор за општествениот развој и нагласи дека долг период биле направени, како што рече, погрешни законски решенија кои го нарушиле квалитетот во високото образование.Тој посочи дека последиците од законските измени од 2018 година се рефлектирале преку намалена научна продукција, послаба финансиска поддршка за универзитетите и отсуство на сериозна евалуација на системот.Мицкоски додаде дека Владата работи на нов пристап во соработка со академската заедница и дека се подготвува нов закон за високо образование кој треба да донесе подобрувања и нови перспективи.

Македонија | пред 3 седмици

3 нед.

241688629_585924389520550_7051623577493705864_n

СДСМ: Сè поскапе, пројде Велигден а од Мицкоски мерки нема

СДСМ обвини дека и по Велигден не се преземени мерки за заштита на животниот стандард на граѓаните, и покрај претходните најави од премиерот Христијан Мицкоски.Од партијата наведуваат дека нема замрзнување или ограничување на цените, ниту мерки за поддршка на ранливите категории, како и дека не се преземени чекори за стабилизација на пазарот или намалување на ДДВ на храната.СДСМ тврди дека граѓаните се соочуваат со раст на цените на основните прехранбени производи и зголемени трошоци за живот, при што, како што велат, недостасува навремена реакција од Владата.

Македонија | пред 3 седмици

3 нед.

Левица: ТЦ „Охриц“ тапка во место со „Кончар“, а ДПМНЕ им даде нов милионски тендер за далекувод

Левица обвини дека Владата предводена од Христијан Мицкоски продолжува со доделување, како што велат, милионски тендери на фирми кои не ги исполниле претходните договорни обврски.Од партијата наведуваат дека фирма поврзана со хрватски „Кончар“, која е ангажирана на проектот за трафостаницата во Охрид, добила нов тендер за изградба на далекувод, иако, според нив, постојниот проект со години не е завршен.Левица оценува дека ваквите практики укажуваат на нетранспарентност и недостиг на одговорност во енергетскиот сектор, при што граѓаните, како што велат, ја плаќаат цената преку повисоки сметки за електрична енергија.

Македонија | пред 3 седмици

3 нед.

Иранскиот претседател: Ниту една сила не може да нè принуди на покорност

Иранскиот претседател Масуд Пезешкијан изјави денеска дека ниту една сила во светот не може да го присили иранскиот народ на покорност.„Иран не сака војна и нестабилност, туку секогаш ја истакнувал важноста на дијалогот и конструктивната интеракција со сите земји во светот. Меѓутоа, секој обид да ѝ се наметне каква било волја на земјата или да се принуди на предавање е осуден на пропаст и иранската нација никогаш нема да попушти пред таков пристап“, нагласи иранскиот претседател.Тој, за време на посетата на различни одделенија на Службата за вонредни ситуации во Техеран, укажа на, како што наведе, „актуелните двојни стандарди во меѓународната политика“, нагласувајќи дека секоја воена офанзива против суверени држави претставува целосно кршење на сите прифатени меѓународни принципи.„Што ја оправда воената агресија врз нашата земја? Какво оправдување постои во рамки на меѓународното право и хуманитарните принципи за таргетирање цивили, елита, деца и уништување витални центри како што се училиштата и болниците?“, праша Пезешкијан.Тој го пофали „неспоредливото и примерното единство“ на Иранците за време на 40-дневната војна која, како што рече, „ги осуетила целите на непријателот“.

Свет | пред 3 седмици

3 нед.

(Видео) Израелската армија спречила напади и запленила оружје

Израелските одбранбени сили соопштија дека по изведени напади во јужен Либан е откриено складиште со оружје кое, според нивните тврдења, припаѓало на движењето Хезболах.Израелските одбранбени сили наведуваат дека идентификувале и спречиле два обиди на „терористички ќелии“ да изведат напади врз израелски војници. Според нив, во заедничка операција со израелските воздушни сили биле погодени и „елиминирани“ членови на овие групи.По акцијата, на теренот е пронајдена поголема количина вооружување, меѓу кое се наведуваат автоматски пушки, противтенковски проектили, ракетни фрлачи и подземно складиште со минофрлачки гранати.

Свет | пред 3 седмици

3 нед.

Почина член на групата „Дивље јагоде“

Во Бихаќ вчера почина Нихад Јусуфхоџиќ, музичар и еден од основачите на бендот „Дивље јагоде“.Јусуфхоџиќ во последните месеци се лекувал во Кантоналната болница во Бихаќ, а граѓаните за него претходно организирале и акции за дарување крв, пишува Klix.ba.Веста за неговата смрт предизвика бројни реакции во музичките кругови, особено меѓу поранешните членови и соработници на бендот. Од Јусуфхоџиќ се прости и пејачот Анте Јанковиќ, кој се присети на долгогодишното пријателство и заедничките музички почетоци.„Денес ме затекна вест која тешко се прифаќа. Замина мојот пријател Нихад Јусуфхоџиќ, човек со кој не делев само сцена, туку и дел од животот преку ‘Дивље јагоде’. Заедно свиревме, се смеевме и минувавме низ сè што музиката и вистинското пријателство можат да го донесат. Тие спомени засекогаш ќе останат со мене. Ти благодарам за сè што беше и што остави зад себе. Почивај во мир, пријателе“, напиша Јанковиќ на Фејсбук.Нихад Јусуфхоџиќ на сараевската музичка сцена се појавил во 1972 година, свирејќи бас-гитара во рок групата „Зенит“. Со тој состав во 1974 година настапил на БУМ фестивалот во Љубљана, каде ја извеле песната „Стара е куќа празна“.По настапот со „Зенит“, заедно со Сеад Липовача и Анте Јанковиќ ја основа рок групата „Дивље јагоде“. Со бендот свирел на првите четири сингл-плочи и нивниот деби-албум од 1978 година. Меѓу тие изданија се сингловите „Едина моја / Рок ен рол“, „Мој дилбере / Пријател“, „Паткица / Кад би ви, госпоѓо“ и „Немам ништо против / Ќе биде подобро“.

Медиасет | пред 3 седмици