АНДОНОВСКИ

Андоновски од Париз: Сајбер безбедноста е прашање на национална отпорност и доверба во институциите

Министерот за дигитална трансформација Стефан Андоновски учествуваше на тркалезна маса во Францускиот сенат во рамки на Парискиот сајбер самит 2026, каде главна тема беше јакнењето на сајбер капацитетите во земјите од Западен Балкан во услови на сѐ посложени безбедносни закани.Настанот се одржа во Палатата Луксембург во Париз и ги собра претставниците на земјите од регионот, француските партнери и претставници на Western Balkans Cyber Capacity Centre (WB3C), со цел продлабочување на соработката во областа на сајбер безбедноста, отпорноста и усогласувањето со европските и евроатлантските стандарди.Во своето обраќање, Андоновски истакна дека сајбер безбедноста одамна не е само техничко прашање, туку прашање на национална безбедност, демократска стабилност и заштита на критичната инфраструктура.„Република Македонија ја гледа сајбер отпорноста како составен дел од европската безбедност и демократската отпорност. Како НАТО сојузник и земја со јасна евроатлантска ориентација, пристапуваме кон сајбер безбедноста преку три паралелни перспективи: безбедносна усогласеност со НАТО, усогласување со европското acquis и целите на Дигиталната декада, како и потреба стратешката усогласеност да се претвори во реален оперативен капацитет“, рече Андоновски.Тој посочи дека Македонија во изминатиот период донела нов Закон за безбедност на мрежи и информациски системи усогласен со принципите на NIS2, усвоила Национална стратегија за сајбер безбедност и работи на зајакнување на институционалната координација, интероперабилноста и дигиталната инфраструктура.Министерот нагласи дека државата инвестира во развојот на владиниот центар за одговор на сајбер инциденти MKD-GOV-CSIRT, заштитни системи и безбедна дигитална инфраструктура, со средства од буџетот и поддршка од стратешки партнери, меѓу кои и Соединетите Американски Држави.Осврнувајќи се на современите закани, Андоновски предупреди дека сајбер нападите сè почесто се дел од пошироки хибридни операции кои вклучуваат дезинформации, економски притисоци и напади врз институционалната доверба.„Заканата не е само нарушување на системите, туку нарушување на довербата — довербата во институциите, дигиталните услуги и демократските процеси“, истакна министерот.На средбата било нагласено и значењето на регионалната соработка, при што Андоновски оценил дека земјите од Западен Балкан не можат самостојно да изградат целосна отпорност на сајбер заканите.„За Западен Балкан, регионалната оперативна соработка не е луксуз, туку мултипликатор на сила. Потребни ни се постојани доверливи контакт точки, редовни заеднички сајбер вежби, структурирана размена на информации и посилна интеграција со механизмите на ЕУ и НАТО“, порача тој.Според Андоновски, Европската Унија треба појасно да ја препознае сајбер безбедноста како приоритетна област за инвестиции во регионот, бидејќи отпорноста на Западен Балкан директно влијае врз безбедноста на европскиот дигитален простор.„Западен Балкан веќе денес е дел од безбедносната архитектура на Европа. Регионот не може да се третира само како прашање на идна интеграција, туку како прашање на стратешка предвидливост“, порача министерот.

Македонија | пред 2 дена

Андоновски: Политиките за иновации ги преточивме од закони во пракса

Министерот за дигитална трансформација Стефан Андоновски учествуваше на настанот „Мерење на иновациите за одржлив и паметен раст“, организиран од Центар за истражување и креирање политики и Фондација Конрад Аденауер, каде бил презентиран Индексот за конкурентност и иновации на Западен Балкан.На панел-дискусијата посветена на иновациските политики и дигиталната трансформација, Андоновски истакна дека Владата прави премин од законски решенија кон практична имплементација на мерки за поддршка на иновациите.Тој потсети дека минатата година бил донесен Законот за иновации, научно-технолошки развој и претприемништво, а годинава фокусот е ставен на директни инвестиции и конкретна поддршка на иновацискиот екосистем.Според министерот, Владата инвестира во два европски дигитални иновациски хаба кои функционираат по принципот „test before invest“ и се поврзани со универзитетите и стопанските комори.Преку ИНОФЕИТ ЕДИХ, предводен од ФЕИТ, се инвестираат еден милион евра, додека уште еден милион евра се вложуваат во ДИГИТ-МАК, предводен од ФИНКИ.Андоновски се осврна и на изградбата на центарот за вештачка интелигенција „Везилка“, за кој, како што посочи, се обезбедени два милиони евра инвестиција.„Како Влада се движиме од регулација кон имплементација. Ако минатата година дефиниравме правила за иновации и го донесовме Законот за иновации, научно-технолошки развој и претприемништво, оваа година веќе инвестираме директно во иновациите“, изјави Андоновски.Тој додаде дека дигитализацијата на услугите за компаниите и приватниот сектор ќе продолжи со цел создавање поефикасна и модерна администрација.

Македонија | пред 1 седмица

Андоновски: Градењето отпорност во сајбер просторот е прашање на соработка и координација

Mинистерот за дигитална трансформација, Стефан Андоновски во рамки на работната посета на Вилнус остварил билатерална средба со Томас Годлиаускас, на која било разговарано за зајакнување на соработката во областа на сајбер-безбедноста.На средбата се дискутирало за размена на искуства и градење поотпорни институционални капацитети за справување со современите дигитални закани.Андоновски истакнал дека сајбер-безбедноста е еден од клучните предуслови за успешна дигитална трансформација и заштита на институциите и граѓаните.„Градењето отпорност во сајбер-просторот е прашање на соработка и координација. Денешните дигитални закани не познаваат граници, затоа одговорот мора да биде заеднички, организиран и заснован на доверба меѓу институциите и партнерите“, порача министерот.Тој нагласил дека за Македонија е особено важно да учи од искуствата на Литванија, која успешно ги поврзува одбранбените, цивилните и технолошките капацитети во единствен систем за заштита.Во рамки на посетата била одржана и презентација од Национален центар за сајбер-безбедност на Литванија, посветена на литванскиот модел за координација, превенција и одговор на сајбер-инциденти.Од двете страни било оценето дека соработката меѓу Македонија и Литванија е значајна не само во рамки на НАТО, туку и како партнерство засновано на доверба и заеднички вредности.

Македонија | пред 2 седмици

Литванија и Македонија ја продлабочуваат соработката во дигитализацијата и безбедноста

Министерот за дигитална трансформација, Стефан Андоновски, во наредните два дена ќе оствари официјална посета на Вилнус, Република Литванија.Посетата е на иницијатива на Амбасадата на Република Литванија во Република Македонија и ќе се одвива според исклучително динамична агенда, која опфаќа средби на високо ниво и состаноци со државни институции надлежни за дигитализација, иновации и сајбер-безбедност.На првиот ден од посетата, министерот Андоновски ќе оствари средба со Едвинас Грикшас, министер за економија и иновации на Република Литванија. Во рамки на престојот, министерот ќе оствари средби и со замениците-министри за надворешни работи и за национална одбрана на Литванија.Посетата на министeрот Андоновски уште еднаш ги потврдува добрите односи меѓу двете земји, како и неодамнешната одлука на Владата за отворање на наша Амбасада во Вилнус. Амбасадата ќе има и поширока регионална улога, претставувајќи централна точка за покривање на останатите балтички држави во политичката, економската, културната, конзуларната и во другите сфери од заеднички интерес.Република Литванија е меѓу најактивните членки на Европската Унија и НАТО во доменот на безбедносните политики и политиката на проширување на Унијата, како и држава која континуирано го поддржува процесот на европска интеграција на Република Македонија.

Македонија | пред 2 седмици

Андоновски: Дигитализацијата е економска мерка која создава додадена вредност

Министерот за дигитална трансформација, Стефан Андоновски, денеска се обрати на Германско–Македонскиот бизнис самит 2026, организиран од Германската стопанска комора — AHK Nordmazedonien и Македонско-германското стопанско здружение.Во своето обраќање, Андоновски истакна дека економската соработка претставува потврда на стратешкото партнерство меѓу двете држави, нагласувајќи дека дигитализацијата на јавниот сектор не е само техничко прашање, туку економска мерка што директно влијае врз конкурентноста, инвестициите, продуктивноста и довербата во институциите.Тој порача дека дигитализацијата треба да се гледа како инструмент за поефикасна држава и поконкурентна економија, а не како цел сама по себе.Во фокусот на обраќањето беа три клучни столба: Националниот портал за услуги, интероперабилноста и сајбер безбедноста.Андоновски посочи дека преку Националниот портал за услуги се дигитализирани околу 200 нови услуги, се отворени 13 нови центри за услуги, а електронските документи добиваат целосна правна важност.Во однос на интероперабилноста, тој нагласи дека целта е податоците да се движат, а не граѓаните и компаниите, со што се намалуваат трошоците и се забрзуваат процедурите.За сајбер безбедноста порача дека таа е предуслов за доверба во дигиталните услуги и стабилна дигитална економија.На крајот, Андоновски истакна дека германско-македонската соработка е пример за значењето на довербата и долгорочната визија, додавајќи дека бизнис-заедницата останува клучен партнер во следната фаза на дигиталната трансформација.

Македонија | пред 3 седмици

Андоновски: 120% раст на трансакции на платформата за интероперабилност

Министерот за дигитална трансформација Стефан Андоновски изјави дека платформата за интероперабилност бележи околу 120% раст на бројот на трансакции, што, како што рече, покажува сè поголема употреба на дигиталните канали за размена на податоци меѓу институциите.Тој ова го истакна на отворањето на Третата регионална конференција на сметководители и овластени сметководители, нагласувајќи дека дигиталната трансформација претставува суштинска промена во функционирањето на државата, бизнисот и граѓаните, а не само технолошки процес.Андоновски посочи дека целта е намалување на административните бариери, помалку хартија и шалтери, како и елиминирање на потребата граѓаните и компаниите да доставуваат податоци што веќе постојат во институциите. Според него, податоците треба да циркулираат меѓу институциите, а не граѓаните.Тој додаде дека интероперабилноста претставува и економска мерка, бидејќи придонесува за пониски трошоци, побрзи постапки и подобра деловна клима. Посебно го нагласи и значењето на Националниот портал за услуги, кој треба да биде централна точка за пристап до јавните услуги.Во своето обраќање, Андоновски истакна дека дигиталната трансформација има реална вредност само кога граѓаните и компаниите директно ја чувствуваат преку поедноставени и побрзи услуги, а институциите преку меѓусебна размена на податоци.

Македонија | пред 4 седмици

Андоновски: Безбедноста на децата во дигиталниот простор е прашање што бара јасен, системски и одговорен пристап

Министерот Стефан Андоновски порача дека безбедноста на децата во дигиталниот простор бара јасен, системски и одговорен пристап, нагласувајќи дека решението не може да се сведе само на забрани, туку мора да вклучува и едукација и координирани мерки.„Ова не е тема што може да се реши со изолирани активности, туку бара системски пристап, јасни правила и одговорност од сите засегнати страни“, истакна Андоновски.Тој посочи дека преку Центарот за побезбеден интернет – MKSafeNet се воспоставува структуриран систем за поддршка на децата, родителите, наставниците и училиштата. Во рамки на иницијативата се развиени повеќе алатки, како водичи за родителска контрола, материјали за е-безбедност во училиштата и практични упатства за користење безбедносни поставки.Според министерот, едукацијата е клучна, но не и доволна сама по себе, па затоа треба да биде надополнета со јасни и применливи правила, особено во однос на користењето мобилни телефони за време на наставата.Во обраќањето беше отворено и прашањето за евентуално воведување видео надзор во училиштата, при што Андоновски нагласи дека таквите мерки мора да бидат строго регулирани, ограничени на заеднички простории и целосно усогласени со стандардите за заштита на личните податоци.Тој потенцира дека целта е создавање безбедна средина во која децата ќе можат да учат и да се развиваат, како во дигиталниот, така и во физичкиот простор, а дебатата да резултира со конкретни мерки за поголема заштита и сигурност.

Македонија | пред 1 месец

Андоновски: Новиот закон за сајбер безбедност воспоставува систем на отпорност и во приватниот сектор – обврските се заеднички

Министерот за дигитална трансформација Стефан Андоновски денеска се обрати на бизнис конференција за сајбер безбедност во организација на Македонски Телеком, посветена на новата регулатива за безбедност на мрежни и информациски системи и предизвиците во заштитата на дигиталната инфраструктура.Андоновски истакна дека сајбер безбедноста повеќе не може да се третира како техничко прашање, туку претставува клучен фактор за отпорноста на државата и стабилноста на економијата, стои во соопштението од Министерството.„Во услови на целосна дигитализација, секој сајбер инцидент може да има системски последици. Затоа, отпорноста станува основа на дигиталната трансформација“, нагласи министерот.Тој се осврна на новиот Закон за безбедност на мрежни и информациски системи, кој е усогласен со европската NIS2 директива, посочувајќи дека со него се воспоставува систем наместо досегашниот фрагментиран пристап, стои во соопштението од Министерството.Според него, законот носи јасно дефинирани линии на одговорност, управување со сајбер ризици и координирано делување меѓу државниот и приватниот сектор,„Ова не е само усогласување со европската регулатива, туку суштинска институционална реформа“, истакна Андоновски.Министерот додаде дека се напушта реактивниот пристап и се преминува кон проактивен модел, во кој институциите и компаниите се обврзани да воспостават системи за управување со ризици и континуитет на работењето, стои во соопштение.Министерството во своето соопштение истакна дека посебен акцент беше ставен на приватниот сектор, кој, како што рече, има клучна улога во националната сајбер отпорност.„Најголем дел од критичната инфраструктура е во приватниот сектор. Законот ги третира компаниите како партнери во системот на безбедност, а не како објект на контрола“, нагласи министерот.Тој предупреди дека сериозен сајбер инцидент може да предизвика прекин на работењето, финансиски загуби и нарушување на довербата, поради што безбедноста мора да се гледа како предуслов за економски развој, стои во соопштението.Андоновски најави и воспоставување на Владин центар за одговор на сајбер инциденти (GOV-CSIRT), како и зајакнување на мониторинг системите и интероперабилноста меѓу институциите, стои во соопштението.„Законот ќе има ефект само преку имплементација и координација во пракса“, истакна тој.Тој додаде дека новата регулатива отвора можности за инвестиции и развој на домашната ИТ индустрија, особено во областа на сајбер безбедносни решенија, стои во соопштението.На крајот, министерот порача дека без безбедни дигитални системи нема доверба, а без доверба нема инвестиции и економски раст, стои во соопштението.На конференцијата учествуваа претставници на институции, приватниот сектор и меѓународни експерти кои дискутираа за современите сајбер закани и решенија.

Македонија | пред 1 месец

Андоновски: Македонија проактивно гради систем за сајбер безбедност – европски по стандарди, национален по одговорност и партнерски по пристап

Од Министерството за дигитална трансформација соопштуваат дека Македонија проактивно гради систем за сајбер безбедност кој е европски по стандарди, национален по одговорност и партнерски по пристап, истакна министерот Стефан Андоновски на настанот на Универзитетот „Гоце Делчев“ во Штип.Од Министерството за дигитална трансформација информираат дека настанот го означил почетокот на проект во областа на сајбер безбедноста, кој ги поврзува академската заедница, институциите и меѓународните партнери.Од Министерството за дигитална трансформација во соопштението наведуваат дека Андоновски во своето обраќање нагласил дека дигиталната трансформација не се однесува само на воведување технологии, туку и на создавање безбедна и доверлива дигитална држава.Од Министерството за дигитална трансформација во соопштението се пренесува дека министерот посочил оти државата не реагира само на проблеми, туку активно гради систем кој е усогласен со европските стандарди и партнерски ориентиран.Од Министерството за дигитална трансформација во соопштението информираат дека сајбер безбедноста е еден од врвните приоритети, при што се реализирани Националната стратегија за 2025–2028, усогласување со NIS 2 директивата, формирање на сектор за сајбер безбедност и воспоставување на владиниот центар MKD GOV CIRT.Од Министерството за дигитална трансформација се наведува дека Андоновски нагласил дека сајбер отпорноста се гради преку луѓе, знаење и партнерства, а не само преку закони и институции.Од Министерството за дигитална трансформација додаваат дека со проектот Универзитетот „Гоце Делчев“ станува регионален хаб за обука и сертификација на сајбер-професионалци.Од Министерството за дигитална трансформација порачуваат дека остануваат посветени на градење систем кој ќе обезбеди безбедна и отпорна дигитална иднина за државата.

Македонија | пред 1 месец

Средба Андоновски – Варнс: Потврдена соработка во дигитализација и сајбер безбедност

Министерот за дигитална трансформација, Стефан Андоновски, денеска одржа средба со вршителот на должност амбасадор на Соединетите Американски Држави, Н.Е. Никол Варнс, на која беше потврдена досегашната соработка меѓу двете земји во областа на дигиталната трансформација и сајбер безбедноста.На средбата се разговараше за понатамошно продлабочување на билатералните односи, со посебен акцент на сајбер безбедноста, во контекст на неодамнешната средба во САД со заменик-државниот секретар Кристофер Ландау, каде била потврдена заедничката посветеност за унапредување на партнерството.Беше изразена благодарност за поддршката од Амбасадата на САД, како и за техничката и финансиската помош во износ од 5 милиони долари, наменета за јакнење на сајбер безбедноста и дигиталната инфраструктура во државата.Министерството за дигитална трансформација останува посветено на развој на безбедна и модерна дигитална средина и продолжување на соработката со Соединетите Американски Држави.

Македонија | пред 1 месец

Андоновски: САД ги препознаа дигиталната трансформација и сајбер-безбедноста како клучни области за соработка

Министерот за дигитална трансформација, Стефан Андоновски, како дел од македонската делегација учествуваше на Стратешкиот дијалог со САД, кој се одржа вчера во Стејт департментот во Вашингтон.Андоновски истакна дека соработката со Соединетите Американски Држави во областа на дигиталната трансформација е клучна и од особено големо значење.„Драго ми е што нашиот стратешки партнер, САД, ги препозна дигиталната трансформација и сајбер-безбедноста како едни од клучните компоненти на нашата соработка. Ние веќе соработуваме, имајќи предвид дека во рамките на Министерството за дигитална трансформација имаме експерт од САД, кој е одговорен за унапредување на нашата меѓусебна соработка“, рече Андоновски во изјава за ТВ Сител.Министерот најави и меморандум со кој оваа соработка со САД во областа на сајбер-безбедноста дополнително ќе се унапреди, преку поддршка на владините институции.„Освен што договараме сеопфатен меморандум за соработка помеѓу двете држави во овие две области, можам да кажам дека ќе продолжи и поддршката за владините институции, пред сè во изградбата на владиниот центар за одговор на сајбер-инциденти, неговото опремување со хардвер и софтвер, но и во заштитата на сите критични системи“, заклучи Андоновски.

Македонија | пред 1 месец

Андоновски од Стратешкиот дијалог со САД: Продлабочување на соработката во сајбер-безбедноста и дигиталната инфраструктура

Министерот за дигитална трансформација е дел од Владината делегација на Стратешкиот дијалог помеѓу Македонија и Соединетите Американски Држави во Вашингтон. Според Андоновски, ова претставува значаен чекор во унапредување на билатералната соработка, со посебен фокус на дигиталната трансформација и сајбер-безбедноста.Во рамки на дијалогот, Андоновски ја предводи сесијата која ќе се однесува на дополнително зајакнување на партнерството во делот на сајбер-безбедноста, преку поддршка за развој на институционалните капацитети, проценка и унапредување на заштитата на критичната дигитална инфраструктура, како и понатамошна соработка со доверливи меѓународни партнери.Според информациите од Стратешкиот дијалог, се предвидува продлабочена експертска и техничка соработка со релевантни американски институции, со цел унапредување на националните способности за превенција, детекција и одговор на сајбер-закани, како и поддршка во процесите на стратешко планирање и модернизација на безбедносните системи.Андоновски изјави дека во рамки на партнерството се разгледуваат можности за поддршка во развој на напредни сајбер-капацитети и зајакнување на заштитата на клучните државни системи, преку обука, опрема и размена на експертиза."Оваа соработка е во целосна согласност со стратешките приоритети на Владата и Министерството за дигитална трансформација, вклучително и имплементацијата на Националната стратегија за сајбер-безбедност 2025–2028, како и усогласувањето со европските стандарди и директиви.", изјави Андоновски по сесијата.Министерството за дигитална трансформација останува посветено на изградба на сигурна, отпорна и доверлива дигитална инфраструктура, како предуслов за ефикасни јавни услуги, заштита на институциите и зајакнување на довербата на граѓаните."Стратешкото партнерство со Соединетите Американски Држави претставува важен столб во унапредувањето на националната дигитална и сајбер-отпорност и силна поддршка за реформските процеси во оваа област.", заклучи Андоновски.

Македонија | пред 1 месец

Владата отвора центар за одговор на сајбер инциденти

Министерот за дигитална трансформација, Стефан Андоновски, најави дека сајбер безбедноста е поставена високо на агендата на Владата, како на национално, така и на меѓународно ниво.Тој информира дека се отвора нов Владин центар за одговор на сајбер инциденти, со инвестиција од околу 1,5 милиони евра, кој ќе овозможи следење во реално време и брза реакција на закани кон институциите и критичната инфраструктура.„Сајбер безбедноста ја поставуваме високо на агендата – и дома и на меѓународно ниво“, истакна Андоновски.Дополнително, најави дека дигитализацијата и сајбер безбедноста ќе бидат дел од Стратешкиот дијалог со САД, кој ќе се одржи следната недела во Вашингтон.„Очекуваме конкретни резултати за граѓаните, економијата и институциите“, посочи Андоновски.Паралелно, како што додаде, продолжуваат дигиталните реформи, меѓу кои електронската архива (еДМС) и воведување нови е-услуги преку платформата uslugi.gov.mk.

Македонија | пред 2 месеци

Андоновски: Со електронската архива чувањето на предмети во фиока заминува во историја

Министерот за дигитална трансформација, Стефан Андоновски, во вечерашното гостување на Телевизија Алфа, во емисијата „За или против“, говореше за придобивките од Националниот документ менаџмент систем (еДМС) кои се исклучително важни во зголемување на ефикасноста на институциите и борбата против корупцијата.“Ние имаме Национален Документ менаџмент систем со електронска архива, кој што автоматски кога ќе внесете предмет во архива, таа му доделува број и никој веќе не може да го изгуби тој предмет, не може тој предмет да се заборави, да биде во фиока. Точно се знае кога ќе влезе предметот во институцијата, каде е тој распределен, кој е одговорен за него и колку време стои во определена фаза на постапката. Многу е едноставен продуктот, којшто го имаме, јас кога дојдов во институцијата еДМС го користеа околу 20 институции, денес веќе активно имаме 45. Во тие 20 институции бројот на предмети е пораснат на околу 60.000, што значи скоро е триплирана Фреквенцијата. И ако сме имале 0,1 или 0,2 нови институции месечно приклучени - денес имаме во просек 4 нови институции месечно”, истакна Андоновски.Министерот дополни дека со овој чекор повеќе нема да има предмети чувани по фиоки или заборавани од страна на државните органи.“Мојот предлог е и јавното обвинителство да го преземе овој наш систем и целата документација електронски да ја архивираме, за секој нов предмет кога ќе пристигне во ЈО како кривична пријава или преставка од граѓани, тој веднаш да биде електронски заведен. Тогаш веќе нема да може определни обвинители да заборават предмети, да ги изгубат, а раководителите во обвинителството ќе може да ги следат тие предмети. На тој начин бришеме уште една можност за корупција”, дециден е Андоновски.Тој потенцираше дека со овој систем се зголемува и комуникацијата на институциите меѓусебно, но и дека предметите нема да патуваат со денови, туку со секунди.

Македонија | пред 2 месеци

Андоновски: Наша заедничка одговорност е да создадеме средина во која технологијата ќе биде алатка за учење, креативност и развој, а не извор на ризици

Денеска се одржа промотивно прикажување на едукативниот цртан филм „Кликни безбедно“, реализиран во рамките на проектот MKSafeNet – Центар за побезбеден интернет, имплементиран од Министерството за дигитална трансформација.Филмот е создаден како резултат на креативна соработка меѓу ученици и наставен кадар, со цел да се подигне свеста за безбедно, одговорно и етичко користење на интернетот кај децата и младите. На едноставен, разбирлив и едукативен начин, анимираниот филм ја доближува важноста на дигиталната писменост и безбедното однесување во онлајн просторот.На покана на министерот за дигитална трансформација, Стефан Андоновски, на настанот присуствуваа и ученици од општина Кисела Вода, како и градоначалникот на Град Скопје, Орце Ѓорѓиевски, и градоначалничката на Општина Кисела Вода, Бети Стаменкоска Трајкоска.„Кликни безбедно е едукативен цртан филм, реализиран во рамките на проектот MKSafeNet – Центар за побезбеден интернет. Ова е последната активност со која го завршуваме Месецот на побезбеден интернет и нашиот европски проект MKSafeNet. Филмот е наменет за најмладите и има за цел на едноставен и разбирлив начин да ја доближи важноста на дигиталната писменост, како и безбедното, одговорно и етичко користење на интернетот.“ изјави Андоновски.Министерот додаде и дека технологијата треба да се користи разумно и да се внимава на ризиците: „Во време кога децата с? порано се среќаваат со дигиталниот свет, наша заедничка одговорност е да создадеме средина во која технологијата ќе биде алатка за учење, креативност и развој, а не извор на ризици. Затоа ваквите иницијативи се особено важни – тие ја поттикнуваат соработката меѓу институциите, училиштата и родителите, со заедничка цел: побезбеден интернет за секое дете.“ рече АндоновскиАнимираниот филм ќе биде достапен во сите училишта низ Македонија, а ќе имаат можност да го прикажуваат и сите телевизии. Министерството за дигитална трансформација останува посветено на политики и проекти кои ја зајакнуваат дигиталната писменост и онлајн безбедноста, особено кај младите генерации.Со промоцијата на „Кликни безбедно“, Министерството за дигитална трансформација уште еднаш ја потврдува својата заложба за унапредување на дигиталната култура, јакнење на свеста за онлајн безбедноста и создавање побезбедна дигитална средина за сите деца.

Македонија | пред 2 месеци

Порталот за електронски услуги со 290 отсто раст на издадени услуги

Министерот за дигитална трансформација Стефан Андоновски информира дека Порталот за електронски услуги во 2025 година бележи раст од 290 отсто на издадени услуги и 166 отсто зголемување на бројот на корисници, оценувајќи дека станува збор за најкористената дигитална алатка во државата и централна точка на електронските услуги за граѓаните.Според него, порталот континуирано се развива и надградува, при што секој месец се воведуваат три до четири нови услуги, пред сè од категоријата на оние што граѓаните најчесто ги користат. „Успехот го мериме преку бројките, но и преку довербата што ја добиваме од корисниците секој ден“, наведува Андоновски.Министерот нагласува дека дигитализацијата не смее да се третира како проект на една влада или на едно министерство, туку како заеднички процес во кој мора да учествуваат сите институции – законодавната, извршната и судската власт.„Дигитализацијата веќе не смее да се сфаќа како нешто што е убаво да се има, туку како нешто што е задолжително да се има. Светот нема да чека на институциите кои нема да се трансформираат“, порачува Андоновски, потенцирајќи дека модернизацијата на јавните услуги е клучна за поефикасна администрација и подобра услуга кон граѓаните.

Македонија | пред 3 месеци

Андоновски: Македонија прави системски чекори за употреба на ВИ во јавната администрација

Денеска, во Собранието на Република Македонија, се одржа јавна расправа по конечниот извештај на Државниот завод за ревизија за извршената ревизија на успешност на тема „Можност за употреба на вештачка интелигенција во јавниот сектор“, на која се обрати и министерот за дигитална трансформација, Стефан АндоновскиВо обраќањето, министерот посочи дека констатираните наоди се третираат со целосна сериозност и ќе бидат искористени како основа за понатамошни институционални унапредувања. Во извештајот се констатира дека во анализираниот период јавниот сектор немал воспоставена целосна стратешка, законска и инфраструктурна рамка за системска примена на ВИ.„Овие наоди се сериозни и ги третираме како основа за институционално подобрување. Но важно е да се нагласи дека од периодот опфатен со ревизијата до денес се преземени конкретни чекори“, истакна Андоновски.Министерот нагласи: „Во доменот на вештачката интелигенција, стратегиите и законите се неопходна рамка – но тие сами по себе не создаваат капацитет. Технологијата се развива побрзо од секој нормативен документ. Ако останеме само на стратегии, ќе заостанеме. Затоа паралелно работиме на конкретна имплементација.“Во продолжение, министерот ги презентираше активностите што веќе се спроведуваат за воспоставување системска рамка за вештачка интелигенција во јавниот сектор:Национална ИКТ стратегија 2025–2030 како хоризонтална дигитална рамка, со позиционирање на ВИ како стратешка технолошка оска и предвиден акциски план за ВИ во јавната администрација.Национална стратегија за вештачка интелигенција во подготовка, преку работна група под координација на Министерството, со вклученост на академската заедница, приватниот сектор и Агенцијата за заштита на лични податоци, усогласена со европската регулаторна рамка.data.gov.mk со AI — интеграција на AI асистент за пребарување на природен јазик и генерирање структурирани одговори од објавените сетови, со цел зголемена практична употребливост на отворените податоци.ВЕЗИЛКА — иницијатива за развој на GPU капацитети и основа за развој на модели на македонски јазик, како инфраструктурен предуслов за ВИ, со поврзување со европскиот AI/HPC екосистем.Заштита на лични податоци и етичка рамка — планиран механизам за проценка на ризик (AI impact assessment), етички принципи, транспарентност и засилена институционална координација.Осврнувајќи се на суштинското прашање од ревизијата — дали јавниот сектор е подготвен за ВИ — министерот истакна дека во анализираниот период подготвеноста не била целосна, но дека денес системски се воспоставува рамка и се оди кон оперативна примена.„Вештачката интелигенција нема да биде административен проект. Ќе биде технолошка трансформација во служба на граѓаните“, порача Андоновски.

Македонија | пред 3 месеци

Владата против ограничување на пристапот до социјални мрежи за малолетници

Министерот за дигитална трансформација Стефан Андоновски изјави дека Владата не размислува за воведување забрана или ограничување на пристапот до социјалните мрежи за младите до 15 години, оценувајќи дека таквиот потег би бил радикален и би значел мешање на државата во приватната сфера и во основните слободи.Одговарајќи на новинарско прашање на настан во Прилеп, по повод одбележувањето на Денот на побезбеден интернет, Андоновски рече дека родителите треба да ја задржат контролата врз користењето на социјалните мрежи од страна на нивните деца, а не државата да ја преземе таа улога.Тој посочи дека во изминатата година, во рамки на проект за дигитална безбедност, во сите училишта биле презентирани механизми преку кои родителите можат да контролираат кои апликации нивните деца ги инсталираат на мобилните телефони и други уреди, колку време поминуваат на нив и какви содржини можат или не смеат да следат. Според министерот, ваквиот пристап овозможува превенција од опасностите на интернет, без директна интервенција на државата во семејниот живот.Андоновски нагласи дека станува збор за алатки кои се исклучително приватни и ги користат родители и деца, па секое законско ограничување би можело да се толкува како прекумерно мешање во домашните работи. Сепак, тој остави простор за јавна дискусија доколку постои зголемен интерес и загриженост кај родителите, најавувајќи можност за јавна расправа и анкета за да се утврди ставот на јавноста.Министерот посочи дека не се исклучува можноста за законски измени доколку тоа се покаже како неопходно, но предупреди дека државната забрана на одредени дигитални алатки носи сериозни ризици. Според него, таквиот пристап може да отвори простор за ограничување на слободата на говор и слободата на изразување, доколку државата почне селективно да забранува платформи или апликации.„Забраната треба да биде последна мерка. Првата мерка мора да биде превенција и родителска контрола“, истакна Андоновски.Настанот во Прилеп беше организиран од Министерството за дигитална трансформација во соработка со Општина Прилеп, во рамки на проект за воспоставување Центар за побезбеден интернет во Македонија, поддржан од програмата „Дигитална Европа“ и од Европската Унија. Според најавите, во следниот период се очекува целосно функционализирање на Центарот, кој ќе обезбеди линија за поддршка на млади лица, родители и наставници за справување со ризиците во онлајн просторот.

Македонија | пред 3 месеци

Андоновски: Нови е-услуги од ФЗО и поврзување со Централниот регистар на население: помалку шалтери, повеќе дигитални решенија за граѓаните и компаниите

Министерството за дигитална трансформација и Фондот за здравствено осигурување означија почеток  на интензивна соработка со конкретни резултати – воведување нови електронски услуги од областа на здравственото осигурување и техничко поврзување на ФЗОМ со Централниот регистар на население (ЦРН), со што се поедноставуваат постапките и се намалува административниот товар за граѓаните и бизнисите.На денешната прес-конференција, министерот за дигитална трансформација, Стефан Андоновски, истакна дека целта на Министерството е јасна: „јавните услуги да бидат достапни, поврзани и ориентирани кон потребите на граѓаните и бизнисите.“Министерот нагласи дека станува збор за услуги „кои директно го поедноставуваат пристапот до важни документи, го намалуваат административниот товар и го елиминираат непотребното чекање и физичко присуство на шалтери.“За правните лица, за прв пат е овозможена електронска услуга за:Издавање потврда за платен придонес за задолжително здравствено осигурување (целосно дигитално, достапно во секое време).За физичките лица, воведени се следните е-услуги:Потврда за пријави и одјави во задолжително здравствено осигурување,Потврда за осигурено или неосигурено лице и платен придонес,Потврда за исплатен надоместок за плата за време на привремена спреченост од работа.„Овие услуги се само почеток на системска дигитална трансформација, а не изолирани технички решенија,“ порача министерот Андоновски.Посебен акцент беше ставен на воведувањето на единствената најава „Корисниците на порталот на Фондот за здравствено осигурување автоматски се воведуваат во системот за единствена најава – SSO,“ рече Андоновски, додавајќи дека „граѓаните добиваат можност со еден кориснички профил непречено да се движат и користат услуги на различни институционални портали, без повторно најавување и без дополнителни административни бариери.“Од денес, ФЗОМ е и технички поврзан со ЦРН, што овозможува автоматско преземање релевантни податоци за граѓаните. Министерот истакна дека преку ова поврзување, ФЗОМ „во рамки на речиси 40 управни и деловни постапки користи податоци од ЦРН како единствен референтен извор,“ со што се намалуваат грешките и потребата од рачно внесување податоци.Ова поврзување, меѓу другото, се применува во постапки како: пријава и одјава на здравствено осигурување, утврдување својство на осигурено лице, боледување, бременост и раѓање, лекување во странство, двојазични обрасци, рефундации, потврди и други права и обврски во надлежност на ФЗОМ.„Ова е пример како дигиталната трансформација треба да изгледа во пракса: институции кои соработуваат, системи кои се поврзуваат и услуги кои функционираат во корист на граѓаните,“ потенцираше Андоновски.„Ќе продолжиме да градиме вакви решенија – решенија кои носат реални, мерливи придобивки и ја трансформираат јавната администрација во модерен, ефикасен и достапен сервис.“ заврши министерот, Стефан Андоновски.

Македонија | пред 4 месеци

(Видео) Кои судии и обвинители имале кариери како „цедевита на растворање“?

Во емисијата „Претрес“ се отвори остра и директна дебата за состојбата во правосудството, одговорноста на власта и очекувањата на граѓаните за правда. Разговорот меѓу новинарот Ландов и Андоновски се движеше од прашањето за политичко влијание врз судството, до конкретни имиња на обвинители и судии и нивниот брз кариерен напредок.Андоновски оцени дека во минатото постоеле „инстант брилијантни кариери“, споредувајќи ги со „цедевита на растворање“, алудирајќи на обвинители и судии чие напредување, според него, било директно поврзано со политички инструкции од тогашната власт. Се споменаа имињата на судијката Добрила Кацарска и обвинителката Вилма Русковска. Тој посочи дека јавно се зборувало за пресуди уште пред тие да бидат прочитани во суд, а дека пораките и насоките доаѓале од Владата, што, како што рече, подоцна се рефлектирало во кариерните скокови на поединци во правосудството.Ландов, од друга страна, директно го постави прашањето дали воопшто може да се зборува за вистинска правда, ако Владата не се соочи со, како што рече, „корумпираните обвинители и судии“. Тој потенцираше дека граѓаните не ја дале довербата на власта за да слушаат објаснувања дека судството е посебна власт, туку за да видат конкретни резултати и одговорност.Андоновски возврати дека обвинителството е засебна власт и дека секое директно мешање би било протолкувано како деспотизам. Според него, улогата на Владата не може да биде истовремено и судија и обвинител, но призна дека доколку обвинителството било поактивно, постапките ќе се одвивале побрзо и чувството за правда кај граѓаните ќе било поголемо.На прашањето дали се поднесени кривични пријави против конкретни обвинители и судии, Андоновски потврди дека во овој период нема нови пријави, иако, како што рече, претходно имало обиди. Засега, тие постапки немаат резултат. Сепак, тој нагласи дека очекува секој што се огрешил пред законот да одговара, без разлика на функцијата, како единствен начин да се изгради држава во која граѓаните ќе имаат доверба.Ландов заклучи дека токму тоа е суштината на очекувањата на јавноста – правда која ќе се почувствува, а не само принципиелно дистанцирање од судската власт.Mногу прашања се поставија... меѓу кои и за Груевски:

Македонија | пред 5 месеци

Андоновски: Реконструкција на градинката во Мелница и патот кон Врановци во општина Чашка

Кандидатот за градоначалник на општина Чашка, од редовите на ВМРО-ДПМНЕ, Дејан Андоновски, на денешниот митинг во рамките на изборната кампања под слоганот Вистинскиот избор! Твојот човек! Твоето место! За твојата иднина!, истакна дека ќе работи одговорно и чесно за да општината има подобри патишта, водоснабдување, чисти и осветлени улици и реконструирани градинки за подобра просперитетна општина Чашка.„Сите овие денови бевме меѓу вас — на вашите улици, во вашите домови, во секое маало и населено место, во секое село. Нашата цел е јасна: Чашка да живее подобро! Да има подобри патишта кои ќе ги поврзуваат селата, сигурно водоснабдување во секој дом, подобра канализација и уредена околина, чисти улици, осветлени населби, и услови кои ќе ги задржат младите тука, да создаваат, да работат и да градат иднина во своето место. Ќе се реконструира градинка во село Мелница, реконструкција на патот кон село Врановци, реконструкција на патишта во село Богомила и село Ореше, водоснабдување на жителите во село Лисиче, изградба на културен дом во општина Чашка итн“, рече Андоновски.Кандидатот за градоначалник на општина Чашка истакна дека доаѓа нов почеток за општината, со конкретни дела и проекти кои ќе се реализираат и општина без поделби, без разлика на верска и национална определба.„Градиме општина во која луѓето се сплотени, поддржани и еднакви. Општина во која нема поделби, туку рамо до рамо стоиме сите — земјоделци, работници, пензионери, млади, стоиме сите без разлика на верска и национална определба. Единството е нашата најголема сила! Кога сме обединети, ниту една пречка не е преголема. Кога сме заедно, секој проект е остварлив, секоја идеја станува реалност. Денес Чашка е на прагот на нова страница. Страница која ќе ја испишеме со работа, одговорност и љубов кон нашето место. Ние не ветуваме празни зборови — ние ветуваме дела. Ветуваме дека секое ветување ќе стане проект“, вели Андоновски.

Македонија | пред 7 месеци

Андоновски: Бесплатни WI-FI зони за граѓаните во повеќе од 60 општини низ Македонија

Министерот за дигитална трансформација, Стефан Андоновски, денес во посета на Ѓорче Петров, заедно со градоначалникот на општината, Александар Стојковски го најави проектот за нови бесплатни WI-FI зони низ државата, со што се става акцент на граѓаните, со тоа што ќе можат да користат бесплатен интернет во овие зони, а првата ваква зона ќе биде токму паркот во Ѓорче Петров.„Поставуваме бесплатни WI-FI зони за граѓаните, Ѓорче Петров е една од првите општини каде што ова ќе се реализира, со проект поддршка од ЕУ, преку планот за Западен Балкан, односно WI-FI за Западен Балкан. Освен во Ѓорче Петров, имаме апликации во повеќе од 60 општини низ државата“, најави Андоновски.Овој проект кој е во соработка со ЕУ во интерес на државите од Западен Балкан е од големо значење и поддршка на сите држави кои партиципираат, затоа што ќе се зголеми пристапноста до интернет и ке се подигне дигиталната писменост.Андоновски најави исто така дека во Скопје ќе има десетина вакви зони, кои како што рече тој, младите ќе бидат најголеми корисници на овој проект.„Во Скопје ќе имаме повеќе од 10 локации каде што ќе бидат поставени овие WI-FI зони, каде граѓаните, особено младите ќе имаат пристап до бесплатен интернет овозможен од овој проект во соработка со ЕУ'', рече Андоновски.Градоначалникот Стојковски изрази задоволство од досегашната соработка со Министерството за дигитална трансформација и најави целосно дигитализирање на општинските услуги, бидејќи како што рече дигитализацијата нуди подобри и поефикасни услуги за граѓаните.

Македонија | пред 7 месеци

(Видео+документи) Дали има нов скандал во министерството на Андоновски – тендер добиле родители на негов вработен?, прашува СДСМ

„По објавувањето на скандалот за судир на интереси во Министерството на Стефан Андоновски, каде тендер доби сопругот на Државната секретарка, ДКСК отвори предмет“, вели Методија Илиевски, потпретседател на СДСМ и додава:Граѓаните сеуште чекаат да постапи Јавното обвинителство за случајот, за истиот да добие разрешница.Додека целата јавност беше во тага и болка за несреќата во Кочани, каде што загинаа 59 млади луѓе а речиси 200 беа повредени, на само три дена по трагичниот настан Андоновски побара извинување од СДСМ.Шокантно е што барањето за извинување пристигна на 19 март на самиот ден на погребот на загинатите од несреќата кога целата нацијата беше во шок.Тоа го покажува степенот на загриженоста на министерот за трагичниот настан.СДСМ е одговорна партија која се бори секогаш да излезе вистината на виделина, и да зборува во насока на заштита на јавниот интерес пред се!Токму затоа, наместо извинување До Министерот Андоновски, денес ќе објавиме индиции за уште еден скандал.Се работи за тендер од 600.000 денари за набавка на систем за контрола на пристап, добиен од фирмата „БОКИ СИМПЛ ТЕК СОЛУШНС“ ДОО Скопје.Според информации од свиркачи кои ги добивме, сопственици на оваа фирма се родителите на Борче Младеновски, инаку вработен во ИТ секторот на истото министерство.Го повикуваме Андоновски да излезе и да одговори дали е ова точно?Дали тендерот тежок 600.000 денари завршил кај родителите на вработен во министерството?Индикативен е називот на меилот кој правното лице го има дадено во доставената документација за контакт со министерството кој гласи borce002@gmail.comСДСМ се обиде го најде список на вработени во Министерството за дигитална трансформација, но на сајтот на министерството тој податок не е достапен, таму стои дека сеуште тој документ е во изработка.Дали на повидок е уште еден скандал на непотизам и конфликт на интереси во министерството на Андоновски?Селективноста и селективната правда е потребна за сите други случаи на власта кои ги прави, а не само за трагедијата во Кочани.Институциите не смеат да молчат за тендерските мрежи на ДПМНЕ бидејќи станува збор за пари на граѓаните.Одговорност мора да има!“.

Македонија | пред 1 година

Андоновски: Ниту еден чекор на оваа Влада нема да биде во насока да се влоши состојбата во медиумскиот сектор

Министерот за дигитална трансформација, Стефан Андоновски, учествуваше во вчерашната дебата на емисијата „360 степени“ на МРТ1, каде што главна тема беа Нацрт-измените на Законот за медиуми. Тој потсети дека нацртот бил објавен на системот ЕНЕР, дека имало различни коментари и дека актуелната верзија е некаква средна вредност што произлегла од нив.„Овој закон како идеја потекна од два аспекти. Едниот е патоказот за владеење на правото и поглавјето 23 кое утврдува дека мора да имаме поголема јасност и транспарентност во уредувањето на медиумите и препознавање заради гарантирање на конкурентност и гарантирање на квалитетот и професионализмот на медиумите, признавање и препознавање на онлајн медиумите. Вториот аспект е дека во разговори со Здружението на онлајн медиуми и останатите онлајн медиуми, тие истакнаа подготвеност да предложат и иницираат ваков тип измени што ќе значат нивно препознавање како медиум, работа што ја вршат долги години, а никогаш не беше препознаен нивниот ангажман како медиум“, рече министерот Андоновски.Министерот потенцираше дека како подносители и предлагачи на измени во медиумските закони, тие не сакаат да скратат права на новинарите.„Една забелешка околу Европскиот акт на медиумски слободи – идејата наша нема никогаш да биде да ја влошиме состојбата во медиумскиот сектор. Сме стасале до некое ниво. Не велам дека некој е задоволен или не е задоволен од тоа, но сме на определено ниво. Не е најдоброто, не е најлошото. Ниту еден чекор на оваа влада нема да биде во насока да се влошат состојбите. Ако можеме да помогнеме со нов Закон за медиуми, со нов Закон за аудио и аудиовизуелни медиумски услуги, за состојбата да биде подобра, тогаш ќе се впуштиме во таа трка. Но, никако нема да влеземе во ситуација по секоја цена да го менуваме законот или по секоја цена да носиме нов закон за медиуми со којшто ќе ја влошиме состојбата“, рече Андоновски.Тој смета дека ќе биде потребна инклузивна дебата во којашто ќе учествуваат националните телевизии и ќе се земат ставовите на здруженијата на новинари, на онлајн медиумите, печатените медиуми, Агенцијата за аудио и аудиовизуелни медиумски, како и на јавниот сервис за да се види кој е ставот, но доколку ставовите се разликуваат многу, Владата нема да влезе во процес на менување на законите.

Македонија | пред 1 година

Андоновски до потписот не знаел дека компанијата што добила два тендера во неговото министерство е на сопругот на државната секретарка

Министерот за дигитална трансформација Стефан Андоновски не ги поништил тендерите за набавка со компанијата сопственост на сопругот на државната секретарка во Министерството за да не ја изложи институцијата на судски постапки. Денес, на прес-конференција, по последните обвинувања од СДСМ, рече дека до потписот не знаел чија е компанијата, но поради презимето истражил.„Кога од Комисијата велат дека имало еден пријавен на соодветната јавна набавка и дека ги исполнува сите услови ваша задача е да ја потпишете јавната набавка. До потписот јас не знаев дека постои ваква фирма. Заради презимето истражив и бев ставен во ситуација доколку ја поништам постапката го ставам министерството на трошок да се спроведуваат против нас судски постапки што биле пракса во минатото и да плаќаме пенали“, рече Андоновски.Иако истражил чија е компанијата, Андоновски нагласи дека како министер нема законска можност или простор за истражување на контактите на секој од 150 вработени во Министерството и нивниот однос со приватни компании.Државната секретарка Андоновски вели дека не учествува во ниедна фаза од постапките за јавна набавка, па од тука нема судир на интерес, но ги повика институциите да истражат.Објасни дека не го оштетил, туку му заштедил да Министерството со изборот на компанијата.

Македонија | пред 1 година