КОЧАНИ

(Видео) Семејствата на жртвите од „Пулс“ во Кочани: „Не бараме милост, не ги штитете полицијата и виновниците“

На осмиот „Марш за ангелите“, семејствата на загинатите во пожарот во дискотеката „Пулс“ во Кочани повторно упатија остри пораки до институциите, барајќи правда и одговорност.„Не ја штитете полицијата, не ги штитете виновниците. Не сме слепи, ни глуви. Не бараме милост – бараме правда. За секое дете што нема да се врати, за секоја мајка што навечер гушка воздух“, порачаа родителите.Тие упатија прашања: зошто дискотеката – импровизирана и без лиценца – не била затворена навреме, и кој сè дозволил таа да работи спротивно на законот?“. Прстот беше вперен во Министерството за економија, МВР, Обвинителството, УЈП, Пазарниот инспекторат и Општина Кочани, како институции што, според родителите, затаиле и придонеле за трагедијата.„Да ве потсетиме – на 16 март Кочани замолкна. Во огнот на ‘Пулс’ живи изгореа 62 млади души. Над 200 беа повредени, половина од нив беа деца, без наполнети 18 години. Таа вечер, во објект без дозвола, беа натрупани 500 лица. Газдата ги пушти од алчност“, изјави една од мајките.Таа рече и дека полицијата наместо да ги заштити, им ја затворила вратата, мислејќи дека бегаат од инспекција: „Тоа беше масовно убиство. Не ги штитете убијците – ако ви останало нешто човечно“.Друг родител ја критикуваше истрагата, откако беше објавено дека од првично 73 осомничени, само 46 остануваат под сомнение – а половина од нив, според семејствата, не биле ниту повикани на распит.„Апелираме да се следат доказите, не позициите. Вистинските виновници мора да бидат откриени, без оглед кој се кријат зад нив. Ако вие не ги гледате, ние сме тука да ви ги покажеме“, порачаа родителите.Сите изјави, како што најавија, ќе бидат објавени на заедничката страница на здружението „16.03“.„Во сета болка, ние моравме да ги следиме сите правни норми. Но, нема да молчиме“, завршија родителите.

Македонија | пред 10 месеци

(Видео) Родителите од Кочани со порака до вас: „Ние изгубивме, вие имате уште за што да се борите“

Молчејќи, со фотографиите од загинатите чеда во рацете, родителите, семејството, пријателите и јавноста излезе на осмиот по ред марш преку кој се упатува порака дека се чека правда. Зад родителите, транспаренти. Овојпат со порака до јавноста: „Ние изгубивме, вие имате уште за што да се борите“. На протестот освен жители на Кочани, дојдоа и од другите градови.Ова е осми по ред марш кој го организираат. Тие не ја кријат болката, а очекуваат јавноста да ја почувствува и да застане рамо до рамо со нив, за да ваква трагедија не се повтори. Постојано повторуваат дека молчат и се следат, бидејќи даваат шанса. Минатата сабота порачаа до институциите - дека трпението им е при крај.

Македонија | пред 10 месеци

Тешки обвинувања од СДСМ: Кој го штити разрешениот началник на СВР Штип, има снимка кај што се гледа пред „Пулс“ ноќта пред трагедијата

„Власта која ја зави Македонија во црно се испречи на патот на правдата за најголемата трагедија во поновата македонска историја, пожарот во дискотеката Пулс во кој 62 деца го загубија својот живот, а 200 беа повредени“, вели Каја Шукова“, потпретседателка на СДСМ и додава:Христијан Мицкоски ги искористи сите механизми на власта, закани, уцени и присоци со единствена цел да ги заштити своите луѓе, односно оние кои се најодговорни за трагедијата која го снајде Кочани, а тоа се актуелните функционери на власта.Токму обвинителот Љубомир Коцевски кој беше под закана дека ќе биде сменет од актуелната власт, вчера ја затвори истрагата без ниту еден осомничен или обвинет актуелен функционер на власта предводена од ВМРО-ДПМНЕ.Со што ли го држи Мицкоски Коцевски под своја целосна контрола?СДСМ остави простор истрагата да биде завршена целосно и се надеваше дека ќе има правда. Денес е јасно дека правда нема. Ниеден од актуелните финкционери не е обвинет!Од денес ги поставуваме клучните прашања и ги изнесуваме клучните докази кои очигледно се кријат за да се заштитат оние од власта. Прво заштитено лице е Дејан Салтировски.Обвинителството мора да одговори:Дали постои пишана наредба за акциска контрола во која стои дека вратите на дискотеката Пулс треба да бидат затворени? Ова е спротивно на стандардните операциски процедури. Прашуваме кој бил потпишан на таквата наредба?Зошто ако обвинителството поседува ваков документ нема ниту еден обвинет актуелен полициски функционер од таа вечер?Понатаму, Обвинтелството и Власта мора да одговорат зошто нема обвинение против тогаш актуелниот началник на СВР Штип, Дејан Салтировски? Тој знаел или морал да знае дека во наредбата за акциска контрола спротивно на СОП стои дека ќе бидат затворени вратите во дискотеката Пулс?!Понатаму, зошто обвинителството не го објави јавно видеото на кое се гледа началникот на СВР Штип, Дејан Салтировски во периодот 12:30 до 01:20 част пред дискотеката Пулс во Кочани.Дали обвинителството го запраша Салтировски што барал во овој период пред дискотеката и зошто полицијата не влегла да врши акциска контрола како што било предвидено во 12:30 часот кога започнува забавата наместо на крајот од истата?Дали Дејан Салтировски во меѓувреме фалсификувал документација дека вечерта не бил на работа или за тоа постојат конкретни докази?Дали Дејан Салтировски е заштитен од кривичен прогон затоа што ее во кумовска врска со Орце Тодоровски - Ефто еден од најблиските соработници и бизнис партнери на Христијан Мицкоски со кој градеше хидроцентрални и кој беше обвинет за милионски криминал во случајот Делчевски ниви?Дали Дејан Салтировски е заштитен лично од Панче Тошковски кој што бил негов адвокат и не само што правно го застапувал туку како вработен во гранична полиција на полицајците им нудел потпишано полномошно од адвокат Панче Тошковски со цел да испумпуваат пари од буџетот на државата?Дали е точно дека Дејан Салтировски подолго време не можел да добие безбеносен сертификат и ако е така како е можно да биде поставен на една така висока позиција во МВР?Мајките завиени во црно и стотиците повредени најмалку што заслужуваат е правда!Одговорност за оние кои го завија Кочани и Македонија во црно мора да има!Вистината за трагедијата во Пулс мора да излезе на виделина! Јавно го повикуваме обвинителството да се ослободи од стегите на властазатоа што селективната правда е неправда!Во меѓувреме СДСМ ќе продолжи јавно да ги објавува сите информации кои ги има поврзани со трагедијата во Кочани се додека нема одговорност за актуелните функционери на власта.Ова е само првиот во серијалот пресови за она што се случувало во кочанската дискотека Пулс.

Македонија | пред 10 месеци

Болката одново ќе се излие на кочанските улици, родителите на загинатите и денеска на улиците

Денеска во 16 часот и 5 минути, семејствата на загинатите во трагичниот пожар во кочанската дискотека ќе го одржат осмиот по ред „Марш за ангелите“. Toj ќе започне од Паркот на револуцијата и ќе се движи низ централните улици – преку Трговскиот центар, пред зградата на Општина Кочани, Полициската станица, Основниот суд и Јавното обвинителство.Организаторите упатија јавна покана до сите граѓани кои сакаат да ја поддржат нивната борба за вистина и правда, да им се придружат на маршот. Мајките на загинатите деца се обратија до мајките. Машрот се организира секој викенд, во истиот термин.На минатиот марш, тие порачаа правосудните институции да не си играат со нивното трпение, а дека нивниот молк кажува многу.Основното јавно обвинителство Скопје соопшти дека истрагата за пожарот е завршена. Вкупно 46 лица се осомничени за тешки кривични дела против општата сигурност, меѓу кои и 14 полициски службеници, чии предмети се водат од страна на Обвинителството за гонење организиран криминал.

Македонија | пред 10 месеци

Кој е одговорен за трагедијата во „Пулс“? Заврши истрагата, испрашани 400 сведоци, 46 се осомничени, следува обвинение

Основното јавно обвинителство Кочани денеска ја заврши истражната постапка во врска со пожарот во клубот „Пулс“ со која се опфатени вкупно 46 осомничени за Тешки дела против општата сигурност од член 292 во врска со член 288 од Кривичниот законик.„Во следниот период течат законските рокови во кои одбраната може да изврши увид во доказите и да предложи свои докази, по што ќе биде донесена јавнообвинителска одлука.Во истражната постапка постапуваа вкупно 13 обвинители од основните јавни обвинителства во Кочани, Скопје, Штип и Куманово кои презедоа голем број дејствија со кои обезбедија докази со цел утврдување на фактичката состојба.По наредба на јавните обвинители, полициски службеници и истражители од истражните центри на обвинителството, на лице место на трагичниот настан и на повеќе други локации, прибраа материјални докази и документација кои беа предмет на вештачење. Обезбедени се детални обдукциски вештачења за причините за смрт на секој од починатите, како и за видот и карактерот на повредите кај повредените лица. Изготвени се градежно и хемиско вештачење, со кои се испитаа околностите во самиот објект, безбедносните стандарди, како и начинот на настанување и ширење на пожарот. Во однос на определен дел од документацијата за клубот се вршеше и графолошко вештачење. Извршени се распити на околу 400 сведоци и оштетени, а испитани се и осомничените. Од бројни електронски уреди (компјутери и мобилни телефони) се вршеше извлекување и анализа на податоци, кои се вкрстуваа со останатите информации добиени во текот на истрагата. Во однос на работата и функционирањето на клубот проверки по насока на јавен обвинител вршеше и Управата за финансиска полиција.Доказите кои се прибрани во текот на оваа истражна постапка, а се однесуваат на постапувањето на полициските службеници, обвинителскиот тим ќе ги достави на Основното јавно обвинителство за гонење на организиран криминал и корупција каде Специјализираното одделение до овој момент спроведува истрага против 14 полициски службеници. Овој дел од истрагата ќе продолжи и во следниот период со цел целосно испитување на сите факти и околности.Јавнообвинителската одлука за секој од осомничените поединечно ќе биде донесена врз основа на целокупниот доказен материјал. Дополнително, доколку од анализата на овие или други докази се утврдат елементи на кривично дело и кај други лица, кои до овој момент не се опфатени со истражната постапка, обвинителството ќе постапува согласно своите надлежности“, велат од Обвинителството.

Македонија | пред 10 месеци

Нова сабота, истата болка: мајките на загинатите Стефан и Надица со емотивно обраќање до другите мајки

Нов марш на родителите на загинатите деца е најавен за утре, а мајките јавно ги повикуваат другите мајки да им се приклучат. Истиот ќе се одржи во Кочани, како и секоја сабота, од 16:05 минути.„Ајде мајки, без разлика на вера, нација, припадност, партија, придружете нѐ нас мајките, за нашите ангели и ангелите во иднина што треба да го живеат животот, иднината е во ваши раце, нашите деца веќе ги нема“, напиша мита Тасева, мајка на загинатиот Стефан Тасевски.Габриела Наунова, мајка на загинатата Надица Наунова исто така преку емотивна објава ги повика мајките.Сакам да се обратам до сите мајки кои не излегоа со нас на маршевите за правда - за нашите починати и повредени деца. Дали тие мајки не чувствуваат болка кога ќе слушнат за изгубено младо срце? Дали нивните срца се од камен? Дали тие чуваат деца дома и мислат дека никогаш нема да бидат на нашето место? Ова не е борба само за нашите деца, туку за сите деца. Молам, разбудете се пред да биде доцна за неко ваш! Ние не бараме ништо повеке од правда и безбедна иднина“, напиша Наунова.

Македонија | пред 10 месеци

Заминувањето на докторката Кате отвора нова рана кај повредените од пожарот во Кочани

По трагичниот пожар што избувна на 16 март 2025 година во дискотеката „Пулс“ во Кочани, неколкумина повредени граѓани се соочуваат со долготраен процес на физичко и психолошко закрепнување. Токму во тие најтешки моменти, здравствената поддршка што ја добиваа во ЈЗУ Општата болница – Кочани беше од суштинско значење. Меѓу медицинскиот персонал, клучна улога одигра докторката Катерина Паниќ – препознатлива по својот професионален, но и човечки пристап. Сепак, од понеделник, 1 јуни 2025 година, докторката Паниќ повеќе нема да биде дел од болницата, што кај повредените предизвикува сериозна загриженост за континуитетот и квалитетот на нивната здравствена нега. Во продолжение го пренесуваме нивното јавно обраќање, во кое ги истакнуваат причините за својата вознемиреност и апелираат до надлежните институции за итна реакција:„Ние, повредените лица од пожарот што се случи на 16 март 2025 година во дискотеката „Пулс“ во Кочани, чувствуваме должност и потреба да се обратиме јавно поради сериозна и загрижувачка промена во нашата здравствена нега.Ја информираме јавноста дека од овој понеделник, 1 јуни 2025, докторката Катерина Паниќ (позната како докторката Кате), која беше наш главен доктор и поддршка во целиот период на опоравување, повеќе нема да биде дел од ЈЗУ Општата болница - Кочани. Таа заминува во друга болница, и иако никој нема да може да ја замени, ние сè уште немаме информации кој ќе дојде на нејзино место и каков ќе биде понатамошниот пристап кон нашето лекување.Вистината е - не знаеме што нè чека утре. Никој не ни кажува кој ќе дојде после неа, или како ќе изгледа нашата понатамошна грижа. А ние веќе се прашуваме – дали пак ќе останеме сами? Повеќе не веруваме и сакаме да знаете дека не е исто. Не е исто кога некој само ја пополнува смената, и кога некој навистина се грижи. Ние тоа го чувствуваме – секој ден, на секој преглед, во секој здив од болка.Докторката Кате не беше само лекар - таа беше наша надеж, сила и стабилност. Начинот на кој ни пристапуваше - со човечност, посветеност и разбирање – не може да се замени. Во неа стекнавме длабока доверба - доверба што не доаѓа лесно кога се поминува низ период на траума и неизвесност.Апелиравме, зборувавме, информиравме. Нè игнориравте. Наместо да добиеме подобри услови – ги изгубивме единствените што вредеа. Наместо поддршка – добиваме молк. Наместо стабилност - неизвесност. И покрај бројните јавни апели директно од нас за субстандардните условите во болницата и хроничниот недостаток на медицински персонал - нашите гласови не беа слушнати. Наместо дополнителна нега и зголемување на медицински персонал ние остануваме без единствената докторка која 24/7 се грижи за нас. Наместо итно решавање на санитарните проблеми во болницата, ние сè уште ги третираме нашите рани во мијалници од пред 50 години. Ќе имаме ли институционален одговор на тие апели? Дали некој реално се справува со овој проблем? Дали некој ќе го слушне нашиот глас?Нашата намера не е да критикуваме, туку да апелираме. Ова не е личен, туку општествен проблем. Заминувањето на докторката Кате остава сериозен вакуум, а ние – директно засегнатите - ја носиме целата тежина од тоа. Со оваа изјава сакаме да испратиме силна порака - не сме невидливи. Имаме право на континуирана и квалитетна здравствена грижа. Бараме институциите итно да реагираат, да понудат одржливо решение и да ѝ овозможат на докторката Кате, да продолжи со прегледите - дури и на волонтерска основа, како што самата изрази подготвеност.Ние не бараме сочувство - бараме одговорност. Ние не сме статистика. Не сме тивко минато. Заслужуваме подобро, заслужуваме вистинска грижа, не половична. Заслужуваме сигурност, не само надеж. Заслужуваме иднина. Немојте повторно да нè оставите“, велат повредените лица од пожарот во Кочани

Македонија | пред 10 месеци

Има и полоши болници од кочанската, ниту еден пациент нема да остане незгрижен или нетретиран, рече Мицкоски по забелешките од пациенти

По забелешките на дел од повредените од дискотеката „Пулс“, дека во кочанската болница нема ниту услови да се третираат отворените рани, како и дека им ги мијат во обични мијалници - премиерот Христијан Мицкоски вели дека ниту еден пациент нема да остане нетретиран. Најави дека планираат проект насловен како „Кочани 2030“ кои би го спровеле со Европската комисија, а преку кој ќе се инвестира во објекти како што е кочанската болница и другите инфраструктури.„Ќе вложиме многу пари, подготвуваме огромен проект. Ниту еден пациент нема да остане незгрижен или нетретиран“, додаде Мицкоски.Тој потоа објасни дека има и полоши болници од кочанската.„Условите во кочанската болница, со жалење констатирам, дека има болници и со полоши услови. И ние во овие 11 месеци не успеавме сѐ да реновинраме. Прв приоритет се тие луѓе. Тоа го покажвме од прв ден, застанавме зад тие луѓе. Направивме сѐ што можеме, за да бидат згрижени надвор од државата, како и во државата. Не сакам за овие работи јавно да зборувам што правиме и како правиме, за да не се злоупотребува оваа трагедија. Се праќаат специјални тимови. За жал, од тие повеќе од 200 луѓе кои беа жртви на овој ужасен настан и последиците кои ќе ги сносат - изгубивме двајца пациенти. Ние се трудиме како Влада, максимално“, рече Мицкоски.

Македонија | пред 10 месеци

,,Сите за Кочани – Трчаме заедно“, хуманитарна трка во седум градови

Денеска ќе се одржи хуманитарна трка за настраданите во трагедијата во дискотеката Пулс во Кочани.Организатор е Делегацијата на Европската Унија и мрежата на Јуроп хаус, со што оваа година ќе го одбележат „Денот на Европа“.Мотото на трката е ,,Сите за Кочани – Трчаме заедно“,,На 25 мај, истовремено во седум града – Скопје, Струмица, Крива Паланка, Битола, Велес, Струга и Тетово, ќе трчаме заедно со една единствена цел: да му подадеме рака на Кочани. „СИТЕ ЗА КОЧАНИ – ТРЧАМЕ ЗАЕДНО!“ е хуманитарна иницијатива во која може да учествува секој, без разлика на возраста или физичката подготвеност. Трките се наменети за сите: рекреативци, спортисти, аматери, помлади и повозрасни, бидејќи не се работи за километри, туку за солидарност”, велат од Делегацијата на ЕУ.Пријавувањето може да се врши преку платформата https://sitezakocani.mk, каде што секој заинтересиран може да избере град и да стане дел од најважната трка оваа година.Сите средства собрани од котизациите ќе бидат донирани преку Црвениот крст, кој ќе ги даде за Кочани, таму каде што се најпотребни.,,На 25 мај, нема да трчаме за резултати, ниту пак за награди, ќе трчаме за солидарност и за вредностите кои нѐ дефинираат како општество и како заедница. Сите за Кочани – да трчаме заедно! Придружете ни се”, стои во повикот за настанот.Во Скопје, трките ќе се одржат на Средно Водно. Трката од 5 километри започнува во 10:00 часот, додека трката на 10 километри ќе започне во 11:00 часот. Пристапот со возила кон Средно Водно ќе биде регулиран, а паркингот нема да биде достапен за возила. Затоа ќе биде обезбеден организиран бесплатен автобуски превоз од паркингот кај Цветен пазар до Средно Водно.

Македонија | пред 10 месеци

(Видео) Порака од родителите до правосудството: Молкот нема да трае долго како вашето судење

Во Кочани од ,,Маршот на ангелите“, родителите на загинатите деца во дискотеката „Пулс“ на правосудството му порачаа: „Нашиот глас е гласот на оние кои трагично заминаа во огнот, молк што зборува повеќе од илјада зборови. Но нашиот молк нема да трае долго како вашето судење”.

Македонија | пред 10 месеци

(Видео) Потресни сцени на маршот во Кочани: солзи и лелеци по загинатите деца

Денес, улиците на Кочани беа обвиени со тишина, болка и солзи. Десетици родители, роднини, пријатели и граѓани се собраа на протестен марш во чест на децата кои трагично ги загубија животите. Маршот, организиран како знак на почит, но и како повик за правда, помина низ централното градско подрачје, оставајќи силен впечаток кај сите присутни.На видеата, споделени од skopje1.mk, можат да се видат потресни сцени – мајки во солзи, луѓе кои со скршени гласови повикуваат на правда, како и тишина што зборува повеќе од илјада зборови. Лелеци, свеќи и цвеќе во рацете на учесниците сведочат за длабоката болка и загубата што ја чувствува целата заедница.Настанот не беше само израз на тага, туку и апел до институциите за брза и ефикасна реакција, за поголема безбедност и одговорност. Граѓаните испратија силна порака: „Децата се нашата иднина – нивниот глас никогаш нема да биде замолчен.“Кочани денес беше симбол на солидарност, болка и непоколеблива љубов кон најмладите.

Македонија | пред 10 месеци

(Видео) Родителите на загинатите деца прашаа: Законот е ист за сите…или?

Со слики и транспаренти од трагично загинатите чеда, родителите и блиските и денеска низ улиците на Кочани, со солзи во очите бараат правда. Изразија неблагодарност за пратениците.Со транспарентите порачаа: „Ефективен притвор”, „Секој може да е следен”, „Системот убива”.Укажаа дека судиите се со валкани раце но и „Народ со скршени соништа”, „Не чекајте катастрофа-дејствувајте сега”, „Моќта на луѓето е посилна од луѓето што се во моќ“.Прашаа: „Законот е ист за сите… или?”.

Македонија | пред 10 месеци

Црвениот крст објавува каде завршија донациите за Кочани

Црвениот крст се огласи со статус на социјалните мрежи:„Почитувани,Во рамките на апелот на Црвениот крст на РСМ за поддршка на настраданите од катастрофалниот пожар во Кочани од 16.03.2025, досега се собрани 156.542.967,00 денари.Заклучно со 23.05.2025 година, Црвениот крст на РСМ во неколку наврати изврши исплата на погодените семејства од пожарот во Кочани.Со овие средства досега е обесбедена финансиска поддршка на семејствата на починатите лица во вкупен износ од 52.038.593,00 денари.За настраданите лица од пожарот кои се лекуваа во странство вкупно се исплатени 44.163.258,00 денари а за настраданите кои се лекуваа во земјата вкупно се исплатени 11.247.250,00 денари.Вкупниот досегашен трансфер на средства изнесува 107.449.101,00 денари.Преостанатите средства во износ од 46.593.866,00 денари на сметката на Црвениот крст, по направените проценки кои се во тек, за тежината на повредите и прогнозите за времетрање на лекувањето и потребите на повредените, направени од стручни и компетентни институции во државата, а со цел објективизација и постигнување на целите и задоволување на реалните потреби на настраданите лица, Црвениот крст навремено ќе пристапи кон распредлба на средствата, за што благовремено ќе информираме.Црвениот крст уште еднаш се заблагодарува на сите досегашни донатори што придонесоа и сеуште придонесуваат за мобилизирање на хуманитарна поддршка за настраданите и нивните семејства.Црвениот крст продолжува со своите активности на терен со акцент на обезбедување на психолошка поддршка во обид да дадеме скромен придонес во надминување на последиците од катастрофалниот настан.“

Македонија | пред 10 месеци

Мајка на жртва од Кочани до Мицкоски: Ве повикуваме да дојдете, да запалите свеќа и да бидете со народот

Се заострува јавната реакција по трагедијата во Кочани. Мајка на едно од починатите деца, Габриела Наунова, јавно му се обрати на премиерот, Христијан Мицкоски, со емотивна и остра порака објавена на Фејсбук. Таа го повика да дојде лично во Кочани, да запали свеќа на гробовите на загинатите и да се соочи лице в лице со болката на семејствата.Време е да покажете одговорност и човечност. Дојдете лично во Кочани. Запалете свеќа на гробовите на нашите убиени ангели. Не беа болни – беа убиени. Немате изговор да не бидете тука, со народот, со семејствата, лице в лице со болката. Знаеме дека се видовте со дел од родителите, но другите не беа ни во психичка состојба да дојдат. Тоа не е оправдување за вашето физичко отсуство. Доста беше манипулации со нас. Ако имавте барем малку грам жал и човечност, како што го охрабрубвате сопствениот син да продолжи напред – знаете дека патот ќе му биде тежок на Машински факултет – така и мојата ќерка имаше сон. Таа следната година требаше да матурира и да се запише на Економски факултет во Словенија. Наместо денес да ја бодрам и подготвувам за животот, со мајчинско, скршено, но борвено срце ветувам: Правдата за нејзиното убиство ќе биде тешка, но мора да излезе на виделина. Од таа кобна ноќ добивме само молк, игри и празни зборови“, напиша Габриела Наунова, мајка на загинатата Надица.На крајот, мајката додаде: „Народот не е глуп, бараме вистина, правда и одговорност“.[caption id="attachment_329136" align="alignnone" width="711"] Screenshot[/caption]

Македонија | пред 10 месеци

Истрагата за Кочани при крај: На распит биле над 300 лица

Републичкиот обвинител, Љупчо Коцевски, посочува дека истрагата за пожарот во Кочани, од кој животите ги загубија 62 лица, е при крај. Засега, нема нови лица кои се осомничени. Распити се направени на над 300 лица, тврди тој.„За десет дена треба да заврши истрагата, а кон средината на јуни, се очекува јавно обвинителска одлука. Во моментов се испрашуваат сведоци, осомничени, се прибираат докази. Распрашани се можеби над 300 лица“, рече Коцевски.

Македонија | пред 10 месеци

„Не прашувај каде треба да бидеш во сабота, одиме во Кочани, не смееме да ги оставиме сами!“, велат од „Кој е следен?“

Иницијативата „Кој е следен?“ и оваа сабота најавува дека ќе оди да ги поддржи родителите во Кочани, за што организира и превоз.„Ниеден човек не е остров сам за себе, секој човек е дел од континентот, дел од светот. Смртта на секој човек нè намалува сите нас, бидејќи и ние сме опфатени од општеството. Затоа не прашувај каде треба да бидеш во сабота? Одиме во Кочани. Не смееме да ги оставиме сами! Протестот во Кочани почнува во 16:05 кај Паркот на Револуцијата“, стои во најавата.Ова е втора сабота по ред, како тие им се придружуваат на родителите кои ги изгубија своите чеда во страшната трагедија. Тие на улиците, со молк испраќаат силна порака - дека следат и чекаат одговорност.

Македонија | пред 10 месеци

(Вознемирувачкo видео) Исповед: Самохрана мајка од Кочани напуштила работа за да се грижи за повредениот син

Предупредување: Во снимката има сегменти од раните на повреденото момчеСилвана Петрова, мајка на повредениот Трајче Петров, за „Support Kocani“ објасни за тешката состојба во која се наоѓа. Таа посочува дека има возрасна мајка со два мозочни удари, мало дете од 10 години и сега треа целосно да се посвети на повреденото дете. Силвана е самохрана мајка.„Јас му облакам чорапи, го мачкам, масирам.. морав работата да ја напуштам за да се посветам на детето. Е сега колку сѐ може за тие некои работи, поврзани со него - јас што имам ќе дадам, ама морам да имам нешто и помош. Од државата треба да имаме ние помош. Ние ништо немаме од државата“, рече Петрова.Таа рече дека кога го пуштиле од болницата во Грција, рекле дека ништо не е готово. Туку дека од тој момент почнува процесот на заздравување.„Многу хигиена, многу средства, пазење од сонце...Они мислат набрзина ќе помине, ама нема..Не може ни да работи моментално.. јас му сечкам јадење, за да тој со левата рака може да пренесе до устата“, додаде Петрова.

Македонија | пред 10 месеци

Молитви во тегла за продажба: Измамници профитираат на сметка на жртвите од Кочани

Струмичката епархија на МПЦ-ОА предупредува на измамничка шема во која е злупотребено името на епископ Јаков, а дополнително измамниците ја користат трагедијата на семејствата на загинатите од кочанската дискотека. Од Епархијата алармираат дека станува збор за грозоморна измамничка шема преку која лица под профилот Библиска Македонија продаваа „молитви во тегли“ и книги.Осомничена е фејсбук-групата „Библиска Македонија“.-До нас стигнаа информации од оштетените граѓани, дел од нив роднини и родителите на загинатите деца во пожарот во Кочани, коишто, скршени од болка и барајќи утеха, подлегнале на лагите кои им ги пишувале луѓето кои се кријат зад профилот Библиска Македонија и порачувале од спорните реквизити. Целосно ја имаме во предвид ранливоста на оштетените, кои од небрежност, не сакајќи поверувале на оваа измамничка шема, која е сѐ, само не во духот на православното христијанство, соопштија од Епархијата.-Грозоморна измама, затоа што некои ликови, кои се претставуваа како христијани, се дрзнале преку лаги и измами, не само да прават обид за дискредитација на Преосветениот владика, а со тоа и на МПЦ ОА, туку и да заработуваат користејќи ја болката на оштетените. Грозоморна затоа што на луѓето кои барале утеха им продавале „ветер и магла“ и со тоа стекнувале бесправна материјална корист. Тука нема ништо човечко, а камо ли христијанско.Ниту Митрополитот Струмички г. Наум, ниту неговиот викарен Епископ г. Јаков дале било кому благослов да се продава каква било книга. Луѓето блиски до Црквата и Струмичката Православна Епархија знаат дека сите епархиски изданија, книги, весници, молитвеници итн, верниците и добронамерниците ги добиваат на подарок од владиците, потенцираат од Епархијата.Случајот е пријавен во полиција, информираат од таму.

Македонија | пред 10 месеци

(Вознемирувачка содржина) „Најтешко закрепнуваат изгорениците на грбот“, велат од „Support Kocani“ кои споделија фотографии

Иницијативата „Support Kocani“, објави нови фотографии од повредени лица од пожарот во дискотеката „Пулс“. На нив се гледаат тешките изгореници, за кои треба долго време за да заздрават, како и постојана медицинска грижа.„Изгорениците на грбот се едни од најтешките за закрепнување“, велат од Support Кочани.Но од овој, има и потешки случаи. Директорката на Клиниката за пластична и реконструктивна хирургија, Јасмина Ѓоргиевска Павловска, рече дека има тројца пациенти со отворени рани, а за некој од нив ќе треба и трансплатација на кожа.„Пациентите беа во многу тешка состојба. Благодарни сме на сите земји кои ги прифатија и ги лекуваа тие пациенти. Но екстензивноста на повредите е голема, се работи за многу длабоки изгореници, со длабоки рани и кај нив ќе треба подолг третман и кај нив и рехабилитациониот период ќе биде малку подолг. равиме сè за да немаат поголеми лузни, плазма богата со тромбоцити, се даваат силиконски лепенки во Кочани кај сите пациенти, се даваат креми со заштитни фактори. Тим од Бугарија дојде во Кочани да направат индивидуални мерки за компресивни ракавици“, рече таа.Од „Support Kocani“ и претходно објавија фотографии.[caption id="attachment_328541" align="alignnone" width="1320"] Screenshot[/caption]

Македонија | пред 10 месеци

Мајката на загинатата Моника за средбата меѓу родители и Мицкоски: Да се претстават тие кои некрофилски ни забиваат секири во грб!

По објавата на дел од медиумите дека премиерот Христијан Мицкоски имал тајна средба со дел од родителите на загинатите деца од Кочани, реагираше Верица Трифунова, мајка на загинатата Моника Спасова. Таа бара родителите да се кажат со име и презиме.„Родителите се со име и презиме! Бараме сега јасно и гласно и јавно да се претстават пред сите нас родители на кои некрофилски ни забиваат не ножеви во грб, туку секири ни забиваат, а глодарски ни ги распарчуваат и така скршените и распарчени наши души, а тоа што ни го прават ниту нашите агнели не ни ги оставаат да почиваат во мир. Арам и срам да се нема бре!“, пишува Трифунова.Таа е лута бидејќи денот кога тие дојдоа во Скопје, тие не биле примени во Владата.„Кога идевме за Скопје зошто не малтретираа на тоа пеколно жешко и не не удостоија, а има издвоен состанок со сите родители? Секоја задоцнета реакција си има последици. И како тие жени, мајки, медицински сестри, наставнички, професорки и од други професии не ли се пронајдоа како понижени дека се враќаат во нокните часови и дена нивните деца се безбедни? И тоа не ми е јасно“, стои во објавата на Фејсбук.Од Владата за „Слободен печат“ посочиле дека семејствата барале средбата да не биде најавена во медиумите.„Како Влада имаме обврска да ги почитуваме барањата на сите граѓани кои остваруваат средба со премиерот и од таа причина остануваме на веќе изнесените ставови на претседателот на Владата. Ние остануваме во постојан контакт со сите засегнати од трагедијата, но воедно нема да подлегнуваме на желбата на неколкумина да прават политички злоупотреби од оваа трагедија“, рекле од Владата.

Македонија | пред 10 месеци

(Видео) По сведочењата за недостатоци на медикаменти по трагедијата, ќе се испитува ли работата на болницата во Кочани?

Посетители на дискотеката „Пулс“ кои спасувале повредени кобната вечер, сведочат дека во болницата имало недостатоци на медикаменти. Родители на загинати деца, сведочеа дека немало доволно боци за кислород. Обвинителството без конкретен одговор - дали се провериле ресурсите со кои располагала Болницата во Кочани, како и дали истите се согласно законските обврски. Ова прашање се наметна откако во „Претрес со Ландов“, Дарио Трифунов просведочи за хаосот во болницата. Истовремено, Стојка Иванова-Антова, мајка на загинатата Ивона, на протестот рече дека нејзината ќерка починала оти не ѝ била пружена помош, а не ѝ бил даден ни кислород. Обвинителството вика дека постапува и испитува кривична одговорност, кај секој што со своето постапување или непостапување можел да придонесе за трагичните последици. Досега не е поведена постапка за болницата или раководните лица.„Дали кај одредена институција или поединец може да има одговорност ќе покажат доказите и особено прибавените вештачења, а секој еден кај кого ќе биде утврдена кривична одговорност ќе биде процесуиран. За сите лица за кои до овој момент е поведена истрага јавноста е известена“, велат од Обвинителството за „Скопје1“.Претходно, Дарио Трифунов ни просведочи за хаосот во кочанската болница кобната вечер кога се запали „Пулс“. Снемале физиолошки раствор, немало ни ножици.„Ние влеговме во болницата, имаше 2-3. На почетокот беше смирено. Имаше уште некои повредени, викаат дека им е топло и дека се жедни. И од што немаше физиолошки течности, со ладна вода ги потуравме, од што немаше со што друго, за да не се каче температура и да се онесвестат. Памтам, имаше таму едно дете, блузата му беше изгорена, не можевме да најдеме ножички, немаше ножички во болницата. После тоа снема вода. Потоа, дојдоа многу деца. И полицаецот го донесоа. Имаше многу онесвестени...“, рече Дарио Трифунов, кој кобната вечер бил гостин во дискотеката, а сега е дел од „Support Kocani“.Мајката на Ивона Антова, планинарка која загина во дискотеката „Пулс“ во Кочани, а која е единствена жена пожарникар во градот, вели дека детето ѝ било оставено без кислород и медицинска грижа.„Да, беше оставена во кецот, полицијата не нѐ пушти да влеземе. После отиде мажот ми и он ја најде, покриена со ќебе, легната на перница, свртена на страна. Сакала да слезе од кревет, била со ногата надолу падната. Не ѝ е пружено, не ѝ е дадено кислород. Така ја најдовме“, кажа Стојка Иванова-Антова.И семејството на загинатиот Андреј Стојанов трагаше по одговори - дали болницата не му пружила помош или не се изборил уште во диското.

Македонија | пред 10 месеци

(Видео) Неутешни, гласна тишина и пораки од родителите во Кочани: „Прошка нема, правда мора да има, време е!“

По два месеци од најголемата трагедија, и оваа сабота, родителите на загинатите во “Пулс”, потсетија дека чекаат правда и разврска на случајот. Порака упатија и до пратениците: голема (не)благодарност до нив.Преку транспаренти укажаа дека “Системот убива, додека институциите молчат”. Родителите, наместо своите деца, во преграгка ги држеа нивните фотографии.На овој марш се приклучи и иницијативата “Кој е следен?”.Томче, чие семејство го посети и екипата на „Претрес“, и денеска беше на „Маршот за ангелите“ во Кочани. Ја повтори пораката, чекаат на виделина да излезе сѐ што претходните 30 години било криено.

Македонија | пред 10 месеци

(Видео) Два месеци од трагедијата во Кочани; „Кој е следен“: Ни порачаа да не ги вознемируваме семејствата, а тие не се грижеа за нивниот спокој

Со транспарент на кој се испишани имињата на жртви од повеќе несреќи во Македонија, и оставен простор за поминување на луѓе, иницијативата “Кој е следен?” направи герила акција пред седиштето на Обвинителството. Со ова, потсетуваат на сите кои животот го загубиле во големи трагедии, меѓу кои е последната во Кочани.„Да ве потсетиме дека поминаа два месеци од најголемата трагедија во нашата историја, најголемата трагедија која се случи пред наши очи. Зад бројките стојат човечки животи, а зад секој живот празно столче на трпезата и болка на која и нема крај. Во овие два месеци, хуманоста исчезна. Партиите се впуштија во препукувања, пратеници си земаа одмор, а медиумите на системот на правија сѐ за да ги демонизираат оние кои бараат правда. Семејствата на загинатите и повредените беа оставени сами, во прегратките на тишината. Системот секојдневно не повикуваше да не зборуваме, да не бараме правда. Ни порача: не ги вознемирувајте семејствата. Но тие никогаш не се грижеа за спокојот на семејствата. Тие беа загрижени за нивниот спокој, за нивниот партиско политички спокој и сакаа да ја прифатиме амнезијата како нова национална доблест“, рече претставничка на „Кој е следен?“.Тие рекоа дека нема да се помират со ова секојдневие, туку ќе има отпор против системот.„Хуманоста е нашето последно прибежиште, кое системот се обиде да го присвои и проба да нѐ убеди дека се менува. Системот не е хуман, хуманоста не е нивна, херојството не е нивно. Денес во ниво име зборува „Кој е следен?“, но важна е пораката која ја испраќаме, а не од кого доаѓа. Да не дозволиме болката да стане навика“, додадоа од иницијативата.

Македонија | пред 10 месеци

По 80 илјади евра за семејствата кои имаат загинат во „Пулс“, работен ангажман за родителите, покривање трошоци - што има во законот за Кочани

Парламентарната група на СДСМ и коалиција поднесе Предлог-закон за поддршка на настраданите во трагедијата во Кочани што се случи на 16 март во која кога животот го загубија 62 лица, а над 200 беа повредени.„Овој закон предвидуваше сеопфатна, праведна и итна поддршка за жртвите, преживеаните и нивните семејства, со конкретни мерки и гарантирани права. За жал, пратениците на ВМРО-ДПМНЕ гласаа против – со што свесно ги ускратија семејствата од правична и заслужена поддршка“, велат од СДСМ и додаваат:Еве што точно одбија пратениците на ВМРО-ДПМНЕ:*80.000 евра надомест за секое семејство на починат во трагедијата – еднократен паричен надомест за душевна болка и нематеријална штета*Финансиска поддршка за повредените според степен на инвалидитет– од 1.200.000 до 5.000.000 денари, во зависност од утврдениот степен*Покривање на трошоци за лекување – дома и во странство – хируршки интервенции, психолошка рехабилитација, лекови, помагала, сместување и транспорт*Образовна поддршка за ученици и студенти– онлајн настава, ослободување од приемни и матурски испити, стипендии до крај на студии*Платено отсуство за родители на повредени деца – најмалку 6 месеци платено отсуство и можност за продолжување по лекарска препорака*Скратено работно време за родители до една година – со покривање на придонеси за родителите кои работат во приватниот сектор*Психосоцијална и правна помош – за повредените и за семејствата на загинатите, најмалку една година*Домашна нега и поддршка од социјални работници– за лица со инвалидитет стекнат од несреќата*Државна поддршка за преквалификација и самовработување – за повредени кои не можат да се вратат на претходното работно место*Можност за адаптација на домот и набавка на возило– за лица со траен инвалидитет*Воспоставување на независна Комисија за проценка и следење– со стручњаци, претставници на институции и членови од семејствата на жртвите*Законот е применлив и за претходни трагедии со македонски граѓани– Ласкарци (2019), Тетово (2021), „Струма“ во Бугарија (2021)[pdf-embedder url="https://skopje1.mk/wp-content/uploads/2025/05/Предлог-на-закон-за-поддршка-на-настраданите-во-несреќата-во-дискотеката-во-Кочани-и-на-членовите-на-нивните-семејства-по-скратен.pdf" title="Предлог на закон за поддршка на настраданите во несреќата во дискотеката во Кочани и на членовите на нивните семејства, по скратен"]

Македонија | пред 10 месеци

Има услови за третман на изгорениците во кочанската болница, се прави во посебни сали, тврдат од Министерството за здравство

Министерството за здравство, тврди дека во Болницата во Кочани, има сали каде се третираат пациентите со изгореници. Според нив, станува збор за двајца вакви пациенти, кои лекувањето сепак го продолжуваат во Клиниката за пластичка хирургија во Скопје. Ова доаѓа откако организацијата „Support Kocani“ објави за овој проблем во текот на вчерашната вечер.„Од болницата информираат дека во меѓувреме се обезбедени и услови и за набавка и монтирање када за подобар треман на пациентите кои имаат потреба да бидат третирани на овој начин (станува збор за двајца вакви пациенти). Инаку, овие двајца пациенти го продолжуваат лекувањето на Клиниката за пластична и реконструктивна хирургија до заздравување на раните. На одделот за хирургија во ОБ Кочани има посебни сали каде се третираат пациентите со изгореници, меѓу кои и за миење и преврзување и тоалетата се врши навремено и соодветно“, велат од Министерството за здравство за „Скопје1“.Тие посочуваат дека тимови од Клиниката за пластична хирургија веднаш по враќањето на првите пациенти од странство, во договор со хирурзите од ОБ Кочани секојдневно се во контакт и се врши редовна контрола на повредените.„Специјалисти од Клиниката за пластична хирургија повеќепати во неделата редовно одат во ОБ Кочани и вршат преглед, преврски и тријажа на повредените пациенти. Исто така и специјалисти по физикална медицина и соецијалисти од психијатрија се вклучени во третманот на лицата со изгореници“, додаваат тие.Тие признаа дека хипербарната комора комора уште не е во употреба, но имаат свое објаснување зошто е тоа така..„Согласно информација од ОБ Кочани, во моментот е во тек сертификација на кадарот за користење на капсулата на хипербарната комора, по што пациентите ќе бидат третирани со овој апарат. Значи веднаш по добивање на апаратот, се преземени неопходните чекори за обука на кадарот за негово користење. Во кочанската болница во тек на 24 часа има континуирано присуство на хирург и стручно лице за физикална терапија.

Македонија | пред 10 месеци