МВР

„Никој не е сам“: Центар дели пакети за Велигден

Во пресрет на велигденските празници, Општина Центар реализираше хуманитарна акција со која подели пакети со основни прехранбени производи на семејства во социјален ризик.Акцијата, како што информираат од општината, е дел од континуираната поддршка што локалната самоуправа ја обезбедува за најранливите категории граѓани, особено во периоди на поголеми празници.Целта е да се обезбеди достоинствено одбележување на празниците и да се испрати порака на солидарност и грижа.„Во духот на Велигден – празник на надежта, солидарноста и човечноста, важно е да покажеме дека никој не е сам. Оваа поддршка ја даваме континуирано и ќе продолжиме и во иднина. Како општина, остануваме посветени на помош за граѓаните на кои им е најпотребна“, изјави градоначалникот Горан Герасимовски, соопшти Општина Центар.Од општината најавуваат дека и во наредниот период ќе продолжат со мерки и активности насочени кон подобрување на квалитетот на живот, со посебен фокус на социјално ранливите категории граѓани.

Скопје | пред 1 месец

Охридска полиција гони агенција за јавна набавка: Не ангажирале доволно лиценцирани лица

СВР Охрид поднесе кривична пријава против агенција за обезбедување на имот и лица од Скопје и нејзиниот сопственик и управител И.С.(57), поради сомнение за злоупотреба во постапка за јавна набавка, соопшти Министерството за внатрешни работи.„СВР Охрид поднесе кривична пријава против Агенција за обезбедување на имот и лица од Скопје и И.С.(57) од Скопје, сопственик и управител на агенцијата, поради постоење основи на сомнение за сторено кривично дело „злоупотреба на постапка за јавен повик, доделување на договор за јавна набавка или јавно-приватно партнерство““, соопшти МВР.Според полицијата, пријавениот не ги исполнил обврските од договорот склучен со Управата за заштита на културното наследство.„И.С., со неизвршување на обврските по склучување на договорот со Управата за заштита на културното наследство, не ги исполнил техничките услови предвидени во договорот, односно ангажирал помал број на вработени лица“, соопшти МВР.Клучен проблем бил недостигот на лиценциран кадар, кој бил задолжителен според договорот.„Еден од основните услови за квалитетно извршување на договорот е економскиот оператор да има вработено или ангажирано минимум 10 лица за физичко обезбедување кои имаат лиценца и легитимации и да има вработено или ангажирано минимум пет лица за техничко обезбедување кои имаат лиценца за техничко обезбедување“, соопшти МВР.

Охрид | пред 1 месец

Тешко повреден мопедист во сообраќајка во Скопје

60-годишен мопедист е тешко повреден во сообраќајна несреќа што се случила на улицата „Македонско-косовска бригада“ во Скопје, соопшти Министерството за внатрешни работи.„На 09.04.2026 во 09:30 часот во СВР Скопје е пријавено дека на ул. „Македонско - косовска бригада“ во Скопје се случила сообраќајна несреќа помеѓу патничко возило „фолксваген голф“ со скопски регистарски ознаки, управувано од Н.А.(64) од с. Средно Коњари, скопско и мопед со скопски регистарски ознаки, управуван од М.З.(60) од Скопје“, соопшти МВР.Во несреќата, мопедистот се здобил со сериозни повреди.„Во несреќата со тешки телесни повреди се здобил М.З., констатирани во ЈЗУ „Св. Наум Охридски“ Скопје“, соопшти МВР.Полицијата извршила увид на местото на настанот.„Извршен бил увид од увидна екипа од СВР Скопје“, соопшти МВР.

Скопје | пред 1 месец

Скопје со бран инциденти: девојка нападната од група, тепачки на повеќе локации

Повеќе физички напади се пријавени во Скопје во текот на изминатите часови, при што полицијата интервенирала на неколку локации низ градот, соопшти Министерството за внатрешни работи.Еден од посериозните случаи се случил во Карпош, каде млада девојка била нападната од група.„На 09.04.2026 во 22:40 часот во Скопје, полициски службеници од СВР Скопје ја приведоа Е.Ј.(18) од Скопје. Според пријавеното, околу 21:00 часот на подрачјето на Карпош, по претходно договорена средба, Е.Ј. физички ја нападнала И.И.(20) од Скопје, по што повикала и неколку нејзини пријателки, кои исто така физички ја нападнале И.И., при што едната од нив употребила тврд предмет“, соопшти МВР.Напад бил пријавен и во Старата скопска чаршија.„На 09.04.2026 во 12:00 часот во СВР Скопје, М.Б.(47) од Скопје пријави дека околу 11:00 часот пред влезот во Старата скопска чаршија во Скопје, додека извршувал службени задачи како вработен во општина Центар, бил физички нападнат од едно лице“, соопшти МВР.Во друг случај, нападнат бил и малолетник.„На 10.04.2026 во 00:20 во СВР Скопје, Е.Џ.Б.(47) од Скопје пријави дека на 09.04.2026 околу 23:20 часот на подрачјето на Центар, нејзиниот 16-годишен син бил физички нападнат од едно лице“, соопшти МВР.Физички напад доживеал и таксист во центарот на градот.„На 10.04.2026 во 02:00 часот во СВР Скопје, Љ.Б.(54) од Скопје пријави дека околу 01:30 часот на подрачјето на Центар, откако одбил да превезе повеќе лица од дозволеното во неговото такси возило, бил физички нападнат од едно лице, кое му го оштетило и мобилниот телефон“, соопшти МВР.Нарушување на јавниот ред и мир со физичка пресметка било пријавено и во Шуто Оризари.„На 10.04.2026 во 03:00 часот во СВР Скопје е пријавено дека на 09.04.2026 околу 21:00 часот во двор од семејна куќа на подрачјето на Шуто Оризари, по претходна расправија, бил нарушен јавниот ред и мир со физичка пресметка помеѓу Н.Д.(50) и Н.А.(22), двајцата од Скопје“, соопшти МВР.Дополнително, напад со тврд предмет бил пријавен и на Бит Пазар.„На 09.04.2026 во 17:00 часот во СВР Скопје, Ѓ.С.(59) од Скопје пријави дека на 08.04.2026 околу 09:00 часот пред неговиот дом на подрачјето на Бит Пазар бил физички нападнат од неговиот сосед И.М., кој употребил и тврд предмет“, соопшти МВР.Полицијата презема мерки за расчистување и документирање на сите случаи.

Скопје | пред 1 месец

Закани и демолирани возила во тетовско село, полицијата трага по сторителот

Случај со закани и оштетување на имот е пријавен во тетовското село Порој, каде се демолирани три возила, а сопственикот тврди дека претходно добивал и закани, соопшти Министерството за внатрешни работи.„На 09.04.2026 во 19:45 часот во СВР Тетово, Ѓ.Б.(42) од с. Порој, тетовско, пријавил дека лицето А.Е. телефонски му упатувал закани на него и на неговите браќа“, соопшти МВР.Претходно истиот ден, бил пријавен и вандализам врз возила.„Претходно, во 18:30 часот, Ѓ.Б. пријавил и дека на плац во с. Порој со употреба на тврди и остри предмети биле оштетени две возила „рено меган“ и едно возило „мерцедес“, при што биле искршени стаклата и оштетени пневматиците“, соопшти МВР.Полицијата извршила увид и работи на расчистување на случајот.„Екипа на СВР Тетово извршила увид и се преземаат мерки за пронаоѓање на сторителот и расчистување на настанот“, соопшти МВР.

Македонија | пред 1 месец

Инцидент во Гостивар: малолетник насилно внесен во „Порше“, па добивал закани

Инцидент меѓу малолетници во Гостивар ескалирал во сериозен случај откако едно од децата било насилно внесено во возило и му биле упатени закани, соопшти Министерството за внатрешни работи.„На 09.04.2026 во 13:45 часот во Полициската станица Гостивар, С.Д.(33) од Гостивар пријавила дека на 08.04.2026 околу 21:40 часот на спортско игралиште во Гостивар, по претходна вербална расправија, настанала физичка пресметка помеѓу нејзиниот малолетен син и малолетниот син на Л.И.“, соопшти МВР.По инцидентот, ситуацијата дополнително се влошила.„По што тој со патничко возило „порше“ го следел нејзиниот син и со употреба на сила го внел во возилото, упатувајќи му закани“, соопшти МВР.Според пријавата, малолетникот бил однесен до неговиот дом, каде конфликтот продолжил.„Како што е пријавено, по кратко време го однел до неговиот дом каде продолжиле вербалните навреди помеѓу родителите“, соопшти МВР.Полицијата презема мерки за расчистување на случајот.

Македонија | пред 1 месец

Фатен на дело: крадел железо од викенд-куќи во Лешок

38-годишен жител на Тетово е лишен од слобода откако бил затекнат при кражба на железни столбови од викенд-куќи во изградба во селото Лешок, соопшти Министерството за внатрешни работи.„На 09.04.2026 во 20:10 часот во СВР Тетово, Г.Д. од с. Лешок пријавил дека во неговите викенд куќи во изградба забележал едно лице кое врши кражба на железни столбови“, соопшти МВР.По пријавата, полицијата веднаш презела мерки и го привела осомничениот.„Веднаш по пријавата, полициски службеници од Полициското одделение Теарце презеле мерки и во 21:15 часот го лишиле од слобода Р.А.(38) од Тетово“, соопшти МВР.Осомничениот е задржан во полициска станица и ќе се соочи со кривична постапка по целосното документирање на случајот.„Тој е задржан во полициска станица и по документирање на случајот против него ќе следува соодветна пријава“, соопшти МВР.

Македонија | пред 1 месец

Двајца возачи приведени во Тетово, возеле без дозвола

Двајца возачи се лишени од слобода во одвоени случаи во Тетово поради управување возило без возачка дозвола, а во едниот случај и без регистарски таблички и соодветна документација, соопшти СВР Тетово.„На 09.04.2026 во 22:10 часот на ул. „Штипска“ во Тетово, полициски службеници го лишиле од слобода Е.Б.Н. (19) од с. Голема Речица. Тој управувал патничко моторно возило „сеат“ без регистарски таблички, без соодветна документација за возилото и без возачка дозвола, по што возилото е одземено“, соопшти СВР Тетово.Во вториот случај, приведен е уште еден возач кој управувал возило без дозвола.„Исто така, на 09.04.2026 во 17:33 часот на патот Тетово - с. Пирок, кај с. Палчиште, лишен е од слобода Ј.Б.(25) од с. Пирок, кој управувал возило „фолксваген поло“ со тетовски регистарски ознаки без возачка дозвола“, соопшти СВР Тетово.Двајцата се задржани во полициска станица, а по целосно документирање на случаите ќе следуваат соодветни пријави.„Тие се задржани во полициска станица и по документирање на случаите против нив ќе следуваат соодветни пријави“, соопшти СВР Тетово.

Македонија | пред 1 месец

Приведен тетовец: му се заканувал на сопствениот татко

46-годишен жител на тетовско село е лишен од слобода по пријава дека му се заканувал на својот татко, соопшти СВР Тетово.„На 10.04.2026 во 00:05 часот, полициски службеници од Полициското одделение Групчин го лишиле од слобода Р.А.(46) од тетовско село, постапувајќи по претходна пријава дека се заканувал на неговиот татко“, соопшти СВР Тетово.Осомничениот е задржан во полициска станица, а случајот е во фаза на документирање.„Тој е задржан во полициска станица и по целосно документирање на случајот, против него ќе следува соодветна пријава“, соопшти СВР Тетово.

Македонија | пред 1 месец

Двајца уапсени во Аеродром: нападнале пејачка во локал

Двајца мажи се лишени од слобода по инцидент во угостителски објект на подрачјето на општина Аеродром, каде што, според пријавата, физички нападнале пејачка и упатувале закани, соопшти Министерството за внатрешни работи.„На 09.04.2026 во 02:13 часот во СВР Скопје С.К. пријави дека во угостителски објект на подрачјето на општина Аеродром имало нарушување на јавниот ред и мир од страна на две лица“, соопшти МВР.По пријавата, полициски службеници излегле на местото на настанот, каде биле утврдени дополнителни детали.„Од страна на полициски службеници излезено е на местото на настанот, каде што пријавителот појаснил дека двајца мажи ја спречувале пејачката во локалот да работи, а едниот од нив кој се претставувал дека е од полиција, и физички ја нападнал“, соопшти МВР.Во инцидентот, според пријавата, биле упатени закани и кон пријавителот.„Исто така, лицата упатувале закани и кон пријавителот“, соопшти МВР.Полицијата презела мерки и ги привела осомничените лица.„Од страна на полициските службеници од слобода се лишени Љ.А.(35) и Н.Д.(40) двајцата од Скопје и се преземаат мерки за расчистување на случајот“, соопшти МВР.

Македонија | пред 1 месец

Директорка на скопско училиште добивала закани откако на вработена и фатиле фејк диплома, а во декември и бил запален и автомобилот

Директорка на основно училиште од скопско пријавила дека со месеци добива закани, откако при инспекциски надзор било утврдено дека вработена во училиштето користела фалсификувана диплома, соопшти Министерството за внатрешни работи.„На 08.04.2026 во 15:40 часот во СВР Скопје, 34-годишна жена од скопско пријави дека од декември 2025 година до денот на пријавување во својство на директор на основно училиште добивала закани од З.Р.“, соопшти МВР.Според пријавата, заканите биле поврзани со инспекцискиот наод за вработена во училиштето.„Според пријавителката, причина за заканите бил фактот што при инспекција на Државниот просветен инспекторат било утврдено дека сопругата на З.Р. вработена во истото училиште, имала приложено фалсификувана диплома“, соопшти МВР.Директорката пријавила и дополнителен инцидент што се случил кон крајот на минатата година.„Воедно, пријавителката посочила дека на 31.12.2025 пред нејзината куќа било запалено нејзиното патничко возило“, соопшти МВР.Надлежните институции преземаат мерки за целосно расчистување на случајот.„Се преземаат мерки за расчистување на случајот“, соопшти МВР.

Скопје | пред 1 месец

Драма во Свети Николе: закани кон партнерка, па кон полиција, приведен е маж

46-годишен маж од село во општина Чашка е лишен од слобода откако се сомничи дека ѝ се заканувал на својата партнерка со остар предмет во Свети Николе, а подоцна упатувал закани и кон полициски службеник, соопшти Министерството за внатрешни работи.„На 09.04.2026 во 01:00 часот во Свети Николе, полициски службеници од ОВР Свети Николе го лишија од слобода Д.В.(46) од село во општина Чашка, постапувајќи по претходна пријава дека на 08.04.2026 околу 23:45 часот во домот на неговата 45-годишна партнерка од Свети Николе ѝ упатувал закани со остар предмет“, соопшти МВР.По приведувањето, осомничениот продолжил со заканите и во полициска станица.„Подоцна, тој во Полициската станица Свети Николе упатувал закани и кон полициски службеник кој вршел службени дејствија“, соопшти МВР.За случајот е известен јавен обвинител и се работи на негово целосно расчистување.„За настанот е известен јавен обвинител и по целосно документирање на случајот ќе следуваат соодветни пријави“, соопшти МВР.

Македонија | пред 1 месец

Возат алкохолизирани, без возачка, со забрани: приведени се 14 возачи!

Четиринаесет возачи се лишени од слобода во текот на изминатото деноноќие на територијата на државата поради безобѕирно управување возило, при што најголем дел од нив управувале без возачка дозвола, соопшти Министерството за внатрешни работи.„Во текот на изминатото деноноќие на целата територија на државата, полициските службеници лишија од слобода 14 возачи за безобѕирно управување возило, од кои 11 управувале возило без возачка дозвола, двајца и покрај тоа што имале активна забрана и еден под дејство на алкохол“, соопшти МВР.Според полицијата, дел од возачите без дозвола биле затекнати во повеќе градови низ државата.„Од 11-те лица кои управувале возило без возачка дозвола, тројца се во Гостивар, по двајца во Делчево и Скопје (еден управувал нерегистриран мотоцикл), а по еден во Тетово, Кавадарци, Битола и Гевгелија (управувал нерегистриран мотоцикл)“, соопшти МВР.Полицијата регистрирала и случаи на управување возило и покрај изречена забрана, како и возење под дејство на алкохол.„Еден возач во Скопје и еден во Велес управувал возило со активна забрана за управување возило, а еден возач во Берово управувал возило под дејство на алкохол“, соопшти МВР.Надлежните најавуваат кривични пријави по завршување на постапките.„По целосно документирање на случаите ќе бидат поднесени соодветни кривични пријави“, соопшти МВР.Од Министерството апелираат до граѓаните да ги почитуваат сообраќајните правила со цел зголемување на безбедноста.„Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај“, соопшти МВР.

Македонија | пред 1 месец

Тешко повреден 19-годишник во сообраќајка на „Борис Трајковски“

Деветнаесетгодишен возач е тешко повреден во сообраќајна несреќа што се случила на булеварот „Борис Трајковски“ во Скопје, во судир меѓу две патнички возила, соопшти Министерството за внатрешни работи.„На 08.04.2026 во 19:30 часот во СВР Скопје е пријавено дека на бул. „Борис Трајковски“ во Скопје се случила сообраќајна несреќа помеѓу патничко возило „тојота корола“ со скопски регистарски ознаки, управувано од Т.С.(53) од Скопје и патничко возило „фолксваген голф“ со скопски регистарски ознаки, управувано од Е.О.(19) од с. Студеничани, скопско“, соопшти МВР.Во несреќата, младиот возач се здобил со сериозни повреди, а повреден е и неговиот сопатник.„Во несреќата со тешки телесни повреди се здобил возачот Е.О., а со телесни повреди се здобил негов малолетен сопатник од с. Студеничани, констатирани во ЈЗУ „Св. Наум Охридски“ Скопје“, соопшти МВР.На местото на настанот бил извршен увид од полициска екипа.„Извршен бил увид од увидна екипа од СВР Скопје“, соопшти МВР.

Македонија | пред 1 месец

„Ауди“ удрило во две паркирани возила, има повредени

22-годишен возач од струшкото село Велешта се здобил со тешки телесни повреди во сообраќајна несреќа на магистралниот пат Струга – Ќафасан, откако со автомобил удрил во две паркирани товарни возила, соопшти Министерството за внатрешни работи.„На 08.04.2026 во 15:30 часот во ОВР Струга е пријавено дека на магистралниот пат Струга - Ќафасан, патничко возило „ауди“ со струшки регистарски ознаки, управувано од Б.Х.(22) од с. Велешта, струшко, удрило во две паркирани товарни моторни возила - „фиат“ со струшки регистарски ознаки и „мерцедес“ со охридски регистарски ознаки, паркирани од Е.Н.(37) од Струга“, соопшти МВР.Во несреќата, возачот се здобил со сериозни повреди и бил пренесен на лекување.„Во несреќата возачот Б.Х. се здобил со тешки телесни повреди, констатирани во Специјална болница „Св. Еразмо“ Охрид“, соопшти МВР.Повреден е и сопственикот на паркираните возила.„Додека Е.Н. се здобил со телесни повреди, констатирани во Медицински центар Струга“, соопшти МВР.За случајот е известен јавен обвинител, а на местото бил извршен увид.„За настанот е известен јавен обвинител, а увид извршила увидна екипа од СВР Струга“, соопшти МВР.

Македонија | пред 1 месец

Трактор излетал во речно корито, возачот почина во Скопје

75-годишен жител на Гевгелија почина по тешки повреди здобиени во сообраќајна несреќа што се случила во селото Смоквица, откако трактор со приколка излетал од патот и паднал во речното корито на реката Мешкавица, соопшти Министерството за внатрешни работи.„На 08.04.2026 во 09:15 часот во ОВР Гевгелија е пријавено дека на ул. „Костадин Зупов“ во с. Смоквица, гевгелиско, трактор „Тома Винковиќ“ со приколка со гевгелиски регистарски ознаки, управуван од Р.Б. (75) од Гевгелија, излетал од патот и паднал во речното корито на река Мешкавица“, соопшти МВР.Во несреќата, возачот се здобил со тешки телесни повреди, додека неговиот сопатник поминал со полесни повреди.„Во несреќата со тешки телесни повреди се здобил возачот, а со телесни повреди се здобил неговиот сопатник Ж.Г.(70) од с. Смоквица, констатирани во Општа болница Гевгелија“, соопшти МВР.Повредениот возач бил итно пренесен на лекување во Скопје, но подоцна им подлегнал на повредите.„Р.Б. бил пренесен во Комплекс клиники „Мајка Тереза“ во Скопје, од каде во 23:15 часот е добиено известување дека починал“, соопшти МВР.За настанот бил известен јавен обвинител, а увид на местото извршила полициска екипа.„За настанот е известен јавен обвинител. Извршен бил увид од увидна екипа од ОВР Гевгелија“, соопшти МВР.

Македонија | пред 1 месец

Трагедија во Богданци: загина возач на трактор по превртување

64-годишен жител на Богданци го загуби животот во сообраќајна несреќа откако тракторот што го управувал удрил во бетонски ѕид и се превртел, соопшти Министерството за внатрешни работи.„На 08.04.2026 во 18:50 часот во ОВР Гевгелија е пријавено дека на ул. „Мирче Ацев“ во Богданци, трактор „фергусон“ со гевгелиски регистарски ознаки, управуван од Ѓ.С.(64) од Богданци, удрил во бетонски ѕид и се превртел“, соопшти МВР.Од здобиените повреди, возачот починал на местото на несреќата.„Од здобиените повреди на местото починал Ѓ.С., а лекар од Итна медицинска помош констатирал смрт“, соопшти МВР.По насоки на јавен обвинител, телото на починатиот е предадено за обдукција, а на местото бил извршен увид.„По насоки на јавен обвинител, телото на починатиот е предадено за обдукција. Извршен бил увид од увидна екипа од ОВР Гевгелија“, соопшти МВР.

Македонија | пред 1 месец

Семејно насилство во Прилеп: Син ја тепал 72-годишната мајка

На 08.04.2026 во 14:50 часот во Прилеп, полициски службеници од ОВР Прилеп го лишија од слобода Д.К.(49) од Прилеп затоа што во 14:30 часот во семејниот дом физички ја нападнал неговата 72-годишна мајка.По целосно документирање на случајот ќе следува соодветна пријава.

Македонија | пред 1 месец

Комшики од Прилеп се тепале среде улица, бил употребен и нож

На 08.04.2026 во 17:00 часот во ОВР Прилеп, 48-годишната Ц.М. од Прилеп пријави дека на бул.„Гоце Делчев” во Прилеп била физички нападната од нејзините сосетки М.М. и Ј.М., кои ѝ нанеле повреди со остар предмет.Се преземаат мерки за расчистување на настанот.

Македонија | пред 1 месец

Уапсен 22-годишник, се обидел да украде акумулатори, а возел и без возачка

Во 19:10 часот, полициски службеници од Полициското одделение Жеровјане го лишија од слобода А.А.(22) од с.Жеровјане, општина Боговиње.Тој е затекнат како управува патничко возило „фолксваген голф“ со тетовски регистарски ознаки без возачка дозвола, а по преземени мерки и извршени проверки е утврдено дека претходно е пријавен дека се обидел да изврши кражба на акумулатори од работна машина на З.З. од с.Радиовце, тетовско.Возилото е одземено.По целосно документирање на случаите против лицата ќе следуваат соодветни пријави.

Македонија | пред 1 месец

Поради недоразбирање во сообраќај го нападнал со нож

На 08.04.2026 во 21:35 часот, полициски службеници од СВР Тетово го лишија од слобода Б.М.(31) од Тетово. Според пријавеното, околу 20:00 часот на ул.„Андреа Јовановски Журчин“ во Тетово, по претходна расправија околу сообраќајот, тој со нож му нанел повреда на Б.Д.(36) од Тетово.По целосно документирање на случајот, ќе следува соодветен поднесок.

Македонија | пред 1 месец

Гостиварец сериозно повреден по пријава за закани - пренесен на клиника во Скопје

На 07.04.2026 во 11:30 часот во ОВР Гостивар, А.Ш.(51) од Гостивар пријавил дека Ф.А.(41) од Гостивар му се заканувал.Потоа, на 08.04.2026 во 07:45 часот во ОВР Гостивар, од Ургентен центар во Гостивар било пријавено дека Ф.А.(41) од Гостивар побарал помош тврдејќи дека претходниот ден бил физички нападнат, по што поради сериозноста на повредите бил пренесен во Комплекс клиники „Мајка Тереза“ Скопје.Се преземаат мерки за расчистување на случајот.

Македонија | пред 1 месец

Изградил бетонски ѕид на државно земјиште и на комшиите им го блокирал патот до нивните имоти

На 08.04.2026 во 10:20 часот во СВР Тетово, И.С.(75), С.С.(66) и Л.С.(56) од с.Камењане, општина Боговиње, пријавиле дека нивниот сожител И.Е. извршил „бесправно градење“ и „узурпација на недвижности“.Според пријавата, тој изградил бетонски ѕид на државно земјиште со што го блокирал патот до нивните имоти, за кој поседуваат правосилна судска пресуда за право на службеност од 1979 година.Се преземаат мерки за расчистување на случајот.

Македонија | пред 1 месец

Чувар на магистрален пат се лизнал и паднал - итно пренесен во болница

На 09.04.2026 во 00:25 часот во ОВР Гостивар, од Ургентен центар при Медицински центар Гостивар е пријавено дека кај нив со тешки телесни повреди бил донесен К.В.(61) од Македонски Брод.Според пријавеното, тој се здобил со повредите откако се лизнал и паднал додека бил на своето работно место - чувар во асфалтна база на магистрален пат.Извршен бил увид од увидна екипа од ОВР Гостивар.

Македонија | пред 1 месец

Турчин организирал онлајн игри на среќа - полицијата го уапси

На 09.04.2026 во Скопје, на територија на Центар, полициски службеници од Единицата за недозволена трговија при СВР Скопје го лишија од слобода Б.Б.(29), турски државјанин со престојувалиште во Скопје.При извршен претрес, по добиена судска наредба, во домот во кој престојувал Б.Б., пронајдени се пет саксии со канабис, марихуана, дигитална вага и два лап топ компјутери преку кои организирал он лајн игри на среќа.Известен е јавен обвинител и по документирање на случајот, ќе биде поднесена соодветна кривична пријава.

Скопје | пред 1 месец