„Од 5 до 7 години може да трае закрепнувањето на повредените од Кочани со тешки изгореници“, вели докторката од Бугарија која ги третира

Состојбата на останатите четворица пациенти во Пирогов се уште е сериозна, но стабилна. Ова во „Денот започнува“ го изјави раководителот на Клиниката за изгореници и пластична хирургија при медицинската установа, Маја Аргирова за БНТ.„Четворица од повредените во Кочани вчера беа отпуштени, на лекување во болница остануваат уште 4 лица. Нивната состојба е сè уште сериозна, но стабилна и очекуваме постепено да се подобрува. Остануваат да се подложат на хируршки интервенции и активно движење“, објасни Аргирова. Според неа, ова се едни од најтешките случаи со кои таа и нејзиниот тим се сретнале на клиниката, но одлично се справиле со тоа и пациентите кои вчера беа отпуштени ќе се прилагодат на својата социјална средина што е можно побрзо. Таа објасни дека на лекарите им е исклучително тешко да држат деца во раце, изгорени речисиvнепрепознатливи. И нема потежок настан и за жртвата и за неговото семејство од овој. Посебно да изгори голема површина од телото. Третманот е долг, болен и вклучува многу жртва од страна на целото семејство на пациентот“, вели Аргирова за бугарските медиуми.Таа објасни и дека жртвите од пожарот во Кочани кои вчера беа отпуштени ќе дојдат на прегледи и ќе имаат закажано реконструктивни операции. Според неа, периодот на опоравување ќе трае долго.„Ова трае долго време. Закрепнувањето на таков повреден е околу година и пол до две. Ако ги додадеме и реконструктивните операции, периодот може да трае и од 5 до 7 години по завршувањето на акутниот период. Односно по излегувањето. Така што, третманот не завршува со пуштање на пациентите од клиниката. Продолжува дома. Имаат инструкции кои треба да ги следат скоро две години по отпуштањето“, објасни Аргирова.Таа додаде дека повеќето од децата одбиле да зборуваат за ноќта на пожарот.„Со нив се занимаваше психологот. Тоа не е работа на лекарите. Повеќето од нив одбија да зборуваат за ова прашање“, вели началникот на Клиниката за изгореници и пластична хирургија во Пирогов.

Свет | пред 1 година

Од јуни треба да започне со работа „Македонско село“, откако седум години остана под клуч

По седум години неработење, комплексот „Македонско село“ добива нов концесионер, објави директорот на Службата за општи и заеднички работи Ивица Томовски.Фирмата „Ла тераца“ ја доби концесијата за работа со  комплексот Македонско село во Горно Нерези за 3.500 евра месечно. Комплексот треба да почне да работи на 1 јуни, а концесијата е на 15 години. Компанијата е избрана на тендер, каде се наддавале два правни субјекти. Почетната кирија за целиот комплекс на првиот јавен повик изнесуваше 4 000 евра месечно, а заинтересираните имаа можност да наддаваат за четири посебни делови – ресторани и капацитети за сместување.Комплексот „Македонско село“, кој се наоѓа на падините на Водно, блиску до селото Нерези, се состои од 12 автентични куќи, со простории каде се претставени македонските занаети, делови се користат како хотелски соби, а некои имаат и ресторански дел.

Скопје | пред 1 година

Европските берзи паѓаат за повеќе од 2 отсто, се интензивира трговската војна меѓу САД и Кина

Европските берзи утрово паднаа за повеќе од 2 отсто, губејќи го најголемиот дел од вчерашните добивки, бидејќи трговската војна меѓу САД и Кина се интензивира.Индексот STOXX 600 на водечките европски акции во 9 часот и 30 минути беше во минус за 2,5 отсто, губејќи најголем дел од вчерашните добивки.Утринава лондонскиот FTSE индекс се лизна за 2,01 отсто, на 7.750 поени, додека франкфуртски DAX потона за 2,05 отсто, на 19.865 поени, а париски CAC 2,17 отсто, на 6.945 поени.Берзите се под притисок бидејќи денеска стапуваат на сила тарифите на Трамп, вклучувајќи ги и 20-те проценти што Вашингтон ќе ги наплати за увозот од Европската унија.Германскиот министер за финансии Јоерг Кукиес изјави дека најголемата светска економија се соочува со нова рецесија поради трговските тензии.Најмногу утрово паднаа цените на акциите во енергетскиот сектор, во просек за 3,8 отсто, што е последица на наглиот пад на цената на нафтата.Банкарскиот сектор, сепак, падна во просек за 2,8 отсто, бидејќи инвеститорите очекуваат Европската централна банка следната недела да ги намали клучните каматни стапки за да ја поддржи економијата.

Свет | пред 1 година

(Видео) 98 мртви во Домениканска Република, откако се урна плафон на дискотека - во урнатините се уште се трага по луѓе

Најмалку 98 лица загинаа, а повеќе од 150 се повредени при уривање на покрив на дискотека во главниот град на Доминиканската Република, соопштија денеска локалните власти новиот биланс.Повеќе од 24 часа по несреќата, мали се шансите дека се уште има преживеани под урнатините на дискотеката „Џет Сет“.Инцидентот се случи вчера на концертот на пејачот Рубио Перез во ноќниот клуб „Џет сет“.Пејачката се уште под урнатините, објави Би-Би-Си.Стотици луѓе беа на концертот, а околу 400 спасувачи сè уште трагаат по преживеани.Се стравува дека бројот на загинати ќе се зголеми.Менаџерот на Рубио Перез, Енрике Паулино, им изјави на новинарите на местото на настанот дека концертот започнал нешто пред полноќ во понеделникот и дека покривот се урнал речиси еден час подоцна, при што загинал исаксофонистот на групата.На социјалната мрежа Х се појави и видео од моментот кога се урна таванот.

Свет | пред 1 година

Се затвора ТВ Клан Македонија: Ова не е изненадување, туку очекувано - боли судбината на работниците кои вложиле време и труд

Телевизијата „Клан Македонија“ се затвора. Ова доаѓа по скоро седум години откако таа влезе на македонскиот медиумски пазар. Еви Шкопи, позната презентерка и новинарка која работеше во овој медиум, вели дека затворањето не е изненадување.„Затворањето на ТВ Клан Македонија не е изненадување. Иако се претставува како такво, тоа беше очекувано. Брод со премногу дупки на дното – неминовно тоне. Она што навистина боли е судбината на медиумските работници – професионалци кои со години вложувале труд, време и енергија во проекти што често се покажуваат како краткорочни експерименти, изградени врз нејасни стратегии и моментални амбиции. Во овој нестабилен медиумски пазар, новинарите, техничарите, продуцентите се претвораат во лабораториски глувци на туѓи експерименти. А кога експериментите пропаѓаат, последиците најсилно ги чувствуваат токму тие – луѓето кои работеле со мисија, за да информираат, да подигнат свест, да придонесат за подобро општество. Време е за поголема одговорност и сериозност во градењето медиуми. Медиумот не е играчка – тој е столб. А оние кои го држат тој столб заслужуваат достоинство“, напиша Шкопи.Клан е една од најгледаните телевизии во Албанија. Од 2024 година има нов сопственик.„Скопје1“ се обиде да добие став од менаџментот на телевизијата преку мејлот што е оставен на веб-страницата, но безуспешно.

Македонија | пред 1 година

Суперџудо блесна на Државното првенство со седум медали!

Џудо клубот Суперџудо под водство на тренерот Александар Димитријоски повторно ги покажа своите квалитети и спортски дух на Државното првенство за сениори и пионери за 2025 година, во организација на Џудо федерацијата на Македонија.Дури 14 натпреварувачи од клубот ја претставуваа својата екипа со голема борбеност и страст, а резултатите говорат сами за себе — вкупно седум медали, од кои еден златен, четири сребрени и еден бронзен!Ова се освоените медали:Пионери/ки:Драган Кедиоски — среброСтефанија Златаноски — среброКјара Нефовски — среброСениори/ки:Јорданчо Ѓорѓиоски — златоЕлвир Бајрам — среброСара Петреска — среброДавид Тодоровски — бронзаОвие резултати се потврда за континуираната посветеност и напорната работа на клубот Суперџудо. Под водство на тренерот Димитријоски, младите и сениорските натпреварувачи продолжуваат да постигнуваат врвни резултати и да ја промовираат џудо дисциплината во Македонија.

Спорт | пред 1 година

Нов протест в четврток: Два месеци бараме промени, но ништо не се менува! По четири протести, несреќите се зголемија

Нов протест, во четврток од 18 часот, закажаа од организацијата „Кој е следен?“. Тие посочуваат дека два месеци бараат промени, но ништо не се менува, освен што несреќите се зголемуваат. Според нив, има уште повеќе неправда. Тие порачуваат, „системот заборава, но не и ние“. На објавениот плакат, во заднина се испишани случаите за кои се бара преиспитување на правосудните одлуки: модуларна болница, Онкологија, Дурмо Турс, но и случајот Кочани кој сега е во фаза на истрага.„Ние ја паметиме секоја колективна траума што политичарите ја користат за поделби. Секоја лага што ја шират за да нè исплашат, секоја неправда со која сакаат да нè замолчат. Тоа што нѐ напаѓаат, значи дека нѐ слушаат и ни потврдуваат дека ја зборуваме вистината, а вистината ги вознемирува само оние што профитираат од нашето секојдневно страдање. Два месеци бараме промени, но ништо не се менува! По четири протести, несреќите се зголемија. По три форуми, неправдата порасна. По одржаното Народно Собрание, пратениците станаа уште потивки. Во изминатите два месеци, ние покажавме дека сме гласот на сите што беа понижени, игнорирани и обесправени во овие 35 години. Затоа, ако си работник што гине на работно место без основни работни услови, мајка што не спие додека детето не се врати дома, младо лице што заминува затоа што нема за што да остане, студент што плаќа за „бесплатно“ образование, доктор што работи со скршена опрема, учител кој е оставен сам на себе, пензионер што одвај преживува, ако си граѓанин на кој системот му го одземал достоинството - ова е твојот повик. Системот што требаше да нè заштити, нѐ остава да умираме. Пратениците кои треба да нѐ претставуваат, нѐ оставија да се претставуваме сами, судиите кои треба да донесат правда, ја одложуваат додека таа не стане бесмислена. Време е да се разбудиме. Време е да го промениме системот. Ова не е марш на „Кој е следен?”. Ова е повик за здружување, против заедничкиот непријател, системот кој сака да заборавиме.Но, ние не забораваме. Ние паметиме. И затоа, не заминуваме. Не се повлекуваме. Излегуваме на улица. Повторно. Погласно. Појасно“, стои во најавата.Збирното место овојпат е пред Влада. Оттаму, се оди до Судскиот совет чие седиште е близу Рекорд, потоа до Собрание и се завршува пред Кривичниот суд во Скопје.

Македонија | пред 1 година

Земал мито од 20.000 евра за да смести болен и неподвижен пациент во геријатрија, откри директорот на БЈБ за уапсениот Арифи

Директорот на Бирото за јавна безбедност при МВР, Александар Јанев, откри дека директорот на геријатриската болница „13 ноември“ примил поткуп од 20.000 евра. За тие пари, требало да сместат болно и неподвижно лице.„Девастираниот систем мора да го вратиме и ќе го вратиме во функција. За жал, кога сѐ уште владее национална тага, некои поединци се осмелуваат нелегално да профитираат. Во координирана акција со Основното јавно обвинителство за гонење на организиран криминал и корупција, приведени се две лица, меѓу кои и директор на здравствена установа, поради сомнение за примање поткуп во износ од 20.000 евра. Директорот, заедно со посредник, барале и примиле поткуп за сместување болно и неподвижно лице во геријатриска установа“, вели Јанев.Тој додава: Продолжуваме посветено да делуваме во насока на расчистување на корупцијата и организираниот криминал, придонесуваме за обезбедување на правдата, правични и транспарентни институции. Не дозволуваме и нема да дозволиме ваквите случаи да останат неказнети“.

Македонија | пред 1 година

Угина и ламата во скопската Зоолошка градина, имала туберколоза

Угина лама во скопската Зоолошка градина. Оттаму не откриваат кога се случило ова, а прв за случајот објави Стефан Кирков, советник на ВМРО-ДПМНЕ во Град Скопје. Од Зоолошката градина посочуваат дека таа имала туберколоза, болест за која нема лек кај животните. Според нив, била третирана, но не успеале да и го спасат животот.„Изминатиот период заедно со Факултетот за ветеринарна медицина лекувавме и терапиравме лама која иако беше направено се од медицински аспект и грижа, за жал угина. Обдукцијата и резултатите (со PCR метода) кај оваа лама покажаа туберкулоза, во процес кој е постар од пет години. За оваа болест кај животните нема лек, ниту пак постои вакцина, а често и со години заболените единки не покажуваат никакви симптоми. Веднаш во соработка и советување со АХВ( Агенција за храна и ветерина), беа направени туберкулински тестови на сите лами и секојдневно ја следиме нивната ситуација и се под медицински надзор. Ламите се домашни животни од фамилијата камили, кои потекнуваат од Јужна Америка“, напишаа кусо од ЗОО-Скопје.Оваа болест е исклучително ретка кај ламите, а лекувањето не е успешно.Претходно, угина мајмун од расата патас и берберски овци.За три години угинаа 25 животни, а родени се 73; Меѓу овие се и егзотичните како жирафите и слоницата

Скопје | пред 1 година

(Видео) Најмалку 15 загинати при уривање на покривот на ноќен клуб во Доминиканската Република

Најмалку 15 лица загинаа при уривање на покривот на ноќен клуб во Доминиканската Република, соопшти локалната полиција во Санто Доминго. Трагедијата се случила во моментот кога во клубот настапувал познат пејач за кој се стравувало дека е затрупан под урнатините.Се уште не е познато како се урнал покривот на познатиот клуб „Џет сет“.Инцидентот се случил за време на настапот на познатиот пејач Рубио Перез. На социјалните мрежи кружи видео на кое се гледа моментот кога покривот се урна врз гостите за време на настапот на Рубио. Во еден момент музиката престанува и се гледа само темнината. Менаџерот на познатата пејачка објави дека Руби Перез се уште е под урнатините.<blockquote class="twitter-tweet" data-media-max-width="560"><p lang="es" dir="ltr">Doce personas murieron y múltiples resultaron heridos cuando se desplomó el techo de la famosa discoteca Jet- Set de República Dominicana durante la presentación del famoso merengue Rubby Pérez. <br><br>Según varios medios locales, su manejador Fernando Soto reveló que el artista aún… <a href="https://t.co/eyIKY3E0KQ">pic.twitter.com/eyIKY3E0KQ</a></p>— Molusco (@Moluskein) <a href="https://twitter.com/Moluskein/status/1909557570647314942?ref_src=twsrc%5Etfw">April 8, 2025</a></blockquote> <script async src="https://platform.twitter.com/widgets.js" charset="utf-8"></script>Локалните власти соопштија дека повеќе од 100 луѓе биле пренесени со брза помош во неколку околни болници.„Нашиот град се буди за страшната трагедија што се случи во ноќниот клуб Џет Сет. Моето најдлабоко сочувство до семејствата на жртвите, а нашите мисли се со семејствата кои чекаат вести за своите најблиски“, изјави градоначалничката на Санто Доминго, Каролина Мехија де Гариго.Директорот на одделението за вонредни состојби изјави дека спасувачките екипи ќе бидат на терен се додека постои можност некој да е жив под урнатините.Во овој момент спасувачите се обидуваат со термички сигнали да утврдат колку луѓе се под урнатините.Полицијата е на лице место и врши увид, по што ќе се знаат повеќе детали за оваа страшна трагедија.

Свет | пред 1 година

Детали за ужасот во кривопаланечко: Го разбудиле со изговор дека ќе купуваат ракија, па го убиле со мотика, на крај го запалиле

Основното јавно обвинителство Куманово донесе Наредба за спроведување истражна постапка против двајца браќа од кривопаланечкото село Луке за кои постои основано сомнение дека како соизвршители го сториле кривичното дело – Убиство од член 123 став 2 точка 4 од Кривичниот законик.„Осомничените, на возраст од 20 и 25 години, од користољубие лишиле од живот нивен соселанец. Ноќта меѓу 24 и 25 март се договориле да извршат кражба во домот на жртвата. Помладиот брат го разбудил оштетениот и го извел надвор со изговор дека сака од него да купи ракија. Во дворот го удрил со мотика по главата, па двајцата заедно го влечеле и му нанеле уште неколку удари со предмет. Со пребарување по џебовите од жртвата одзеле 6.000 денари кои си ги поделиле, по што ги пребарале куќата и помошните простории. На крај телото го полеале со бензин и нафта и го запалиле, па го фрлиле во дупка покрај реката и го покриле со дрвја и камења.По предлог на јавниот обвинител, Основниот суд во Куманово одреди мерка притвор за двајцата осомничени, кои до целосното расчистување на настанот беа обезбедени со мерка краткотраен притвор во траење од 48 часа“, велат од МВР.Categories

Македонија | пред 1 година

Министерството за здравство бара брзо расчистување на случајот со земањето поткуп од директорот на Геријатрија

Министерството за здравство, по апсењето на директорот на Геријатриската болница „13 ноември“, Мухсин Арифи, велат дека стојат на располагање за било какви информции.„Министерството за здравство се залага за што побрзо расчистување на случајот од страна на Јавното обвинителство во врска со наводите за примање поткуп од раководно лице во јавна здравствена установа. Министерството за здравство стои на располагање доколку се потребни какви било информации по службена должност. Наш приоритет останува обезбедување најсоодветна грижа за сите пациенти во јавните здравствени установи“, вели Министерството за здравство.Директорот со уште едно лице се спроведени во полициска станица. Неофицијално, делото го извршил заедно со посредник. Поткупот го зел за болно и неподвижно лице да биде сместено во геријатриска установа.

Македонија | пред 1 година

Уапсен директорот на геријатрија „13 ноември“, кадар на Алијансата на Албанците

Директорот на Геријатриската болница „13 ноември“, Мухсин Арифи и уште едно лице се уапсени под сомнение дека примиле поткуп, дознава „Скопје1“. Тие се спроведени во полициска станица. Неофицијално, делото го извршил заедно со посредник. Поткупот го зел за болно и неподвижно лице да биде сместено во геријатриска установа.„Во координирана акција на Министерството за внатрешни работи и Основното јавно обвинителство за гонење на организиран криминал и корупција приведени се две лица под сомнение за кривични дела примање поткуп и примање награда за противзаконито влијание. Се постапува за целосно расчистување за настанот“, велат од МВР за „Скопје1“.Арифи порано беше директор на Психијатриската болница во Скопје, а е дипломиран архитект и доаѓа како кадар на Алијансата на Албанците.

Македонија | пред 1 година

Наместо неселeктивна правда за Кочани- МВР гони млади за Фејсбук статуси, обвинува СДСМ

„Изминува четвртата недела од страшната несреќа во Кочани во која згасна 61 живот а 200 луѓе беа повредени“, вели Богданка Кузеска – портпаролка на СДСМ и додава:Истрагата за најголемата несреќа во поновата македонска историја сè уште не дава одговори на клучните прашања:Кој е одговорен за пожарот во „Пулс“ и за сериозните пропусти на безбедносните институции?Сè уште нема проширување на истрагата за безбедносните пропусти направени на кобната ноќ – ниту пак на оние што ѝ претходеле.Ниту еден функционер од МВР, ОВР Кочани, СВР Штип или БЈБ не е повикан на распит, ниту опфатен со постапка.Наместо тоа, МВР поднесува кривични пријави против граѓани за објави на Фејсбук кои јавно бараат правда и неселективна истрага.Дури и на младите кои протестираа во Кочани и го изразуваа својот револт за загубените животи на нивните другари и другарки МВР им поднела кривични пријави.Не се повикуваат оние кои биле на функции, нема кривични пријави, ама затоа се гонат младите кои пишуваат на Фесјбук и кои бараат одговорност и неселективна правда.Дали МВР смета дека на овој начин некој треба да биде замолчен?Слободата на говор не е закана за истрагата. Младите не се непријатели – тие се совеста на ова општество.СДСМ бара од МВР веднаш да престане со притисоци и гонење на граѓани поради ставови и јавно изразено мислење.Ги повикуваме и Хелсиншкиот комитет и другите организации за човекови права да реагираат.Јавноста со право бара одговори за трагедијата и го поставува прашањето – зошто истрагата е селективна и не ги опфаќа сите инволвирани лица и актуелни функционери?Граѓаните, семејствата на загинатите и целата јавност заслужуваат вистина и правда – не молк и страв.

Македонија | пред 1 година

(Видео) Во Охрид кампања за правилно селектирање на отпад, спроведена од Општината, ЈП „Охридски комуналец“, Министерството за животна средина

„Да ја заштитиме сите заедно животната средина“, апелира ЈП „Охридски Комуналец-Охрид“ и додава:„Министерството за животна средина изготви промотивни видеа за заштита на животната средина и начин на рециклирање на комунален отпад, а во соработка со општина Охрид и Ј.П.,,Охридски Комуналец”. Го споделуваме видеото за правилно селектирање на комуналниот отпад зошто тоа е првиот чекор кој треба да го направиме ПОЗИТИВНАТА ПРОМЕНА ЗАПОЧНУВА ОД ТЕБЕ: Правилно селектирање на комуналниот отпад“.

Охрид | пред 1 година

(Фото) Сообраќајка на Илинденска: две лица се повредени

Сообраќајна несреќа во која има најмалку две повредени лица се случи утринава на „Илинденска“ во Скопје. Од МВР велат дека се излезени на терен. Едната лента, е блокирана. На местото имаше и Брза помош.„Околу 10.50 часот во СВР Скопје е пријавено дека на бул. Илинден во Скопје се случила сообраќајна несреќа во која учествувале две возила. До сега има пријава за две повредени лица“, велат од МВР за „Скопје1“Во тек е увидот.

Скопје | пред 1 година

Изет Меџити: Барам Таравари да ги прекине преговорите со ДУИ, не може и со нив и со Вреди

Првиот заменик претседател на Владата и лидер на Демократското движење, Изет Меџити смета дека спојувањето на четирите албански политички партии не е нова идеја. Тој е дециден дека Арбен Таравари, бил информиран за ова. Истовремено, посочува дека спојувањето на партиите во Вреди се случува за целиот минат период.„Таравари е информиран за ова. Идејата за спојување на Вреди е од почеток. Чекавме соодветен момент за усогласување на структурите, идеите, програмите, за Вреди да стане еден субјект. Овој процес на спојување, делумно, го почнавме лани. Ние имаме кадровска комисија која се составува од Таравари и сите три други субјекти. Исто така организирањето на ПР е заедничко - значи дека е почнато спојувањето на Вреди. Но ако Таравари мисли дека може да има две опции за да се излезе со јасна визија, ние мислиме дека е време да одиме кон унифицирање, кон градење на Вреди како еден субјект. Добивме 107.000 гласови“, рече Таравари.Тој порача: „Јас Таравари го гледам како дел од Вреди, само барам да ги прекине преговорите со ДУИ. Нема смисла преговори со ДУИ и дел од Вреди. Изјавите дека ако не се договори со Вреди, дека ќе оди сам, а некаде ќе соработува со ДУИ, некаде со Вреди - тоа го нема во политичката теорија, а не пак во пракса. Тоа значи пример во Сарај ќе се тепаме, во друга општина да барам од членството да го поддржат Таравари“.

Македонија | пред 1 година

Мицкоски: Згрозен сум од пресудата за смртта на Теодора, Судскиот совет да го преразгледа работењето на судијата, правдата ќе ја истераме до крај

„Корупцијата убива надеж. Ги тера младите да си заминат. Ги обесхрабрува чесните. Го подрива општеството. Сакам да подвлечам дека корупцијата е најголема пречка за растот, развојот и иднината на една држава. Не смееме да делуваме отсутно и да не зборуваме за случаите кои силно удираат по правдата“, вели претседателот на Владата Христијан Мицкоски.Премиерот Мицкоски истакна дека е згрозен од пресудата за случајот во Тетово, каде младата Теодора беше прегазена, а сторителот кој одзема млад човечки живот беше осуден на 2 години казна. Како што рече тој тоа не е правда, туку целосно потфрлање на системот и побара јавно од Судскиот совет да ја преразгледа работата на судијата.„Вчера јавноста, најново се згрози за случајот во Тетово. По сообраќајна несреќа во август 2022 година, на првото судење во ноември 2023 година, по признавање на вина, сторителот кој одзема млад живот беше осуден на три години и шест месеци затвор. По жалба, Апелациониот суд ја намали казната, повторувам, Апелациониот суд ја намали казната на две години затвор, за да Врховниот суд ги укине двете пресуди на Основниот и Апелациониот суд и предметот го врати на повторно судење. Судот во Тетово вчера му досуди две години затвор на сторителот кој смртно одзема недолжен човечки живот, 22-годишната Теодора Ристевска. Повторувам, Судот во Тетово му досуди две години затвор на сторителот кој смртно ја прегази 22-годишната Теодора Ристевска. Јавно да прашам, има ли некој во државава кој смета дека тука имаме задоволена правда?! Јас не само што не сметам дека правдата е задоволена, но и како претседател на Владата, како човек и родител на две деца сум силно разочаран. Ова не е правда, и тука имаме потфрлање на системот по сите основи. Знам дека некој ќе ми се налути, ќе излезат и такви полноглавци коишто ќе ме критикуваат после ова што ќе го кажам, но јавно барам од Судскиот совет да се преразгледа работењето на овој судија и уште еднаш да се реализира оваа пресуда.Ова не е партиска борба, ова е битка за вистината, за одговорноста, за правдата. Затоа што ова е борба меѓу луѓе и нелуѓе. И луѓето мора да победат. Само така можеме заедно да победиме. Ако овој систем не се ресетира сега, ако не се преземат мерки сега, тогаш бадијала ни е сè. Ова не е прашање на политика, ова е прашање на иднината. Кој бил дел од ова, кој дозволил, кој гледал настрана – ќе одговара. И институциите, и одговорните лица, и сите кои на било кој начин придонеле за оваа трагедија да се случи. Секој што ја злоупотребил својата моќ, секој што го ставил својот интерес пред безбедноста на граѓаните – ќе се соочи со правдата. Ова нема да биде уште еден случај што ќе се затвори без одговорност. Лично ќе го следам и јас ви ветувам дека правдата ќе ја истераме до крај. Ова е моментот кога мораме да покажеме дека законите важат за сите. Затоа што можна следна жртва е секој еден од нас. Секој што ја злоупотребил својата моќ, секој што го ставил својот интерес пред безбедноста на граѓаните – ќе се соочи со правдата“, дециден е Мицкоски.

Македонија | пред 1 година

Нема фотографија

Како Кина ќе му одговори на Трамп? Еден потег може да го налути

Скај Њус во анализата објавена утринава пишува дека дополнителните царини на Доналд Трамп би можеле да ја уништат трговијата меѓу САД и Кина, а потенцијалниот одговор на Пекинг би можел да вклучи мерки кои навлегуваат во културата и безбедноста. Тие потенцијално вклучуваат забрана на американски филмови и прекинување на соработката во борбата против шверцот со фентанил.Минатата недела американскиот претседател објави тарифи од 34 отсто за кинеските стоки (кумулативно 54 отсто поради веќе важечките 20 отсто), а за време на викендот најави можно зголемување за уште 50 отсто, што би можело да го доведе вкупното тарифно оптоварување на кинескиот увоз на неверојатни 104 отсто.Скај наведува дека ова е ниво што го прави секое тргување речиси невозможно.Додека голем број други земји, вклучувајќи ги Велика Британија, Јапонија и Израел, веќе сигнализираа подготвеност за преговори, Кина досега одбиваше да влезе во играта на притисок, според Скај.Кина во моментов е единствената голема земја која одлучи да се спротивстави на Трамп. Пресметката е јасна - подобро е да ја платиме цената на отпорот отколку да изгледаме како некој да не принудил да попуштиме, се наведува во анализата.Скај Њус анализира низа можни одговори:-Понатамошни контроли на извозот на метали од ретки земји, кои се клучни за производство на технологија (од чипови до оружје). Иако Кина го контролира најголемиот дел од светските залихи, САД веројатно ќе најдат алтернативни добавувачи во одреден момент.-Зголемување на царините за американските стоки, особено земјоделските производи како соја и говедско месо. Но, како што истакнува Скај, просторот за ескалација е ограничен, бидејќи одговорите на Кина се веќе делумно исцрпени.-Удар за големите американски компании како Apple и Tesla. Меѓутоа, во време кога Кина се обидува да се позиционира како глобално привлечна за инвестиции, таквиот потег може да има негативен сигнален ефект.-Девалвација на јуанот е исто така опција, но Скај предупредува дека тоа ќе предизвика одлив на капитал и потенцијално ќе ја загрози домашната финансиска стабилност.Најконтроверзните опции се од политичка природа и би можеле да ја претворат трговската војна во поширока конфронтација:-Прекин на соработката со САД во борбата против шверцот на фентанил, опиоид кој е клучна тема на политиката на Трамп. Таквиот потег би бил еден вид црвена линија за Трамп и би можел да го разбесни.-Неофицијални кинески канали пренесуваат дека се размислува за забрана за прикажување на американски филмови во Кина, што би му задало удар на Холивуд.-Можен е и повик до кинеските граѓани да ги бојкотираат американските производи, кои би имале и симболична и пазарна тежина.Скај ја завршува својата анализа со предупредување дека ако се оствари ова сценарио, светот би можел да гледа не само на целосно економско одвојување на САД и Кина, туку и на културен раскол.Тоа би поставило преседан - не само за трговијата, туку и за начинот на кој функционираат глобалните односи воопшто, заклучува анализата.

Свет | пред 1 година

Мицкоски: Корупцијата е најголема пречка за развојот и иднината на еден народ, и затоа мојот став е остра и бескомпромисна борба

„Со денешната седница, го конституираме Меѓуресорското тело за координација на активностите против корупцијата. Ова тело претставува чекор напред во обидот конечно да воспоставиме функционален и синхронизиран систем кој ќе ѝ застане на патот на корупцијата“, рече премиерот Христијан Мицкоски и додаде:Но дозволете ми веднаш да бидам јасен:Ова тело нема да биде само уште една административна конструкција.Ние сме овде за да создадеме нова форма којашто ќе има суштина, а нема да биде форма којашто ќе биде без содржина. Сакаме да изградиме механизам што ќе делува – брзо, ефикасно и бескомпромисно.За жал, изминатите години гледавме како корупцијата тивко, но упорно ја разјадува довербата и кај граѓаните, но и во институциите.Судски постапки што траат со години.Обвиненија што никогаш не завршуваат со пресуда.Истраги што се отвораат само кога ќе станат медиумска сензација.Сето тоа создаде чувство кај граѓаните дека правдата е селективна, а корупцијата – прифатена.И токму тоа е најголемата штета. Не само изгубените пари. Туку изгубената верба.Корупцијата убива надеж. Ги тера младите да си заминат. Ги обесхрабрува чесните. Го подрива општеството.Сакам да подвлечам дека корупцијата е најголема пречка за растот, развојот и иднината на една држава.Не смееме да делуваме отсутно и да не зборуваме за случаите кои силно удираат по правдата.Вчера јавноста, најново се згрози за случајот во Тетово. По сообраќајна несреќа во август 2022 година, на првото судење во ноември 2023 година, по признавање на вина, сторителот кој одзема млад живот беше осуден на три години и шест месеци затвор. По жалба, Апелациониот суд ја намали казната, повторувам, Апелациониот суд ја намали казната на две години затвор, за да Врховниот суд ги укине двете пресуди на Основниот и Апелациониот суд и предметот го врати на повторно судење. Судот во Тетово вчера му досуди две години затвор на сторителот кој смртно одзема недолжен човечки живот, 22-годишната Теодора Ристевска. Повторувам, Судот во Тетово му досуди две години затвор на сторителот кој смртно ја прегази 22-годишната Теодора Ристевска. Јавно да прашам, има ли некој во државава кој смета дека тука имаме задоволена правда?! Јас не само што не сметам дека правдата е задоволена, но и како претседател на Владата, како човек и родител на две деца сум силно разочаран. Ова не е правда, и тука имаме потфрлање на системот по сите основи. Знам дека некој ќе ми се налути, ќе излезат и такви полноглавци коишто ќе ме критикуваат после ова што ќе го кажам, но јавно барам од Судскиот совет да се преразгледа работењето на овој судија и уште еднаш да се реализира оваа пресуда.Ова не е партиска борба, ова е битка за вистината, за одговорноста, за правдата. Затоа што ова е борба меѓу луѓе и нелуѓе. И луѓето мора да победат. Само така можеме заедно да победиме. Ако овој систем не се ресетира сега, ако не се преземат мерки сега, тогаш бадијала ни е сè. Ова не е прашање на политика, ова е прашање на иднината. Кој бил дел од ова, кој дозволил, кој гледал настрана – ќе одговара. И институциите, и одговорните лица, и сите кои на било кој начин придонеле за оваа трагедија да се случи. Секој што ја злоупотребил својата моќ, секој што го ставил својот интерес пред безбедноста на граѓаните – ќе се соочи со правдата. Ова нема да биде уште еден случај што ќе се затвори без одговорност. Лично ќе го следам и јас ви ветувам дека правдата ќе ја истераме до крај. Ова е моментот кога мораме да покажеме дека законите важат за сите. Затоа што можна следна жртва е секој еден од нас. Секој што ја злоупотребил својата моќ, секој што го ставил својот интерес пред безбедноста на граѓаните – ќе се соочи со правдата.Ова е моментот кога мора да покажеме дека законите важат за сите.Оваа борба не е само борба против криминал, корупција туку ова е борба за душата на нашата татковина.За вредностите што сакаме да ги живееме.За тоа дали ќе бидеме општество на ред и закон или на „врски“ и „договори под маса“.Меѓуресорското тело има историска одговорност – да воспостави координација помеѓу сите клучни институции:– Државната комисија за спречување на корупција,– Министерството за внатрешни работи,– Јавното обвинителство,– Финансиската полиција,– Управата за јавни приходи,– Царинската управа,– Министерството за правда,– Министерството за финансии,и други.Овие институции веќе имаат надлежности. Она што им недостасува е:координација, храброст и одговорност.Ова тело мора да биде местото каде што информациите се споделуваат навремено.Каде што никој не премолчува. Каде што се преземаат иницијативи, се следат случаи и се бараат резултати.Но исто така, мораме да ја признаеме и реалноста:За жал, граѓаните не се задоволни од работата на судиите. Судството и обвинителството се слабата алка во борбата против корупцијата.И тоа не е мое мислење. Тоа е впечаток на народот.А народот не греши кога со години гледа како правдата се одложува, извртува, исчезнува.Судството мора да ја врати својата улога – не како нем набљудувач, туку како клучен актер во оваа борба.Ќе ги поддржиме со законски решенија, со буџет, со логистика, сѐ што треба ќе направиме. Но истовремено – бараме отчетност.Не може повеќе предметите да чекаат, додека јавноста очекува.Како што има кажано Винстон Черчил: „Силата на еден народ не се мери само со армијата, туку и со правдата што тој народ ја гарантира.“Граѓаните не сакаат спектакл. Тие сакаат резултати. Сакам да гледаме функционери коишто кога ќе се огрешат, кога ќе бидат вовлечени во криминал ќе одговараат, институции што не толерираат, и систем што штити – не краде.Нема да дозволиме борбата против корупција да остане на хартија.Ќе следиме конкретни резултати. Ќе поставиме индикатори и истите ќе ги објавуваме јавно.Нема веќе недопирливи. Нема веќе „тој е наш“.Јас лично – како претседател на Владата – ќе бидам дел од секој извештај, секоја средба, секоја проценка.Ќе бидам најгласниот поддржувач на ова тело, но и негов најголем критичар – ако не дава резултати, се разбира.Ова не е борба на една Влада. Ова е борба на целото општество.И затоа ги повикувам сите – граѓаните, медиумите, невладиниот сектор, бизнисот – да бидат дел од овој процес.Да пријавуваат. Да реагираат. Да не молчат.Ќе изградиме систем каде што функцијата ќе значи служба, а не привилегија.Каде што законот ќе важи за сите – не само за обичниот човек.Каде што младите ќе останат тука – затоа што ќе имаат причина да веруваат.И не заборавајте корупцијата е најголемата пречка за растот, развојот и иднината на една држава.Да создадеме држава која нема да се срами од вистината. Туку ќе се гордее со неа.Држава во која корупцијата не е навика – туку забранета зона.Држава во која не победуваат најгласните – туку најчесните.

Македонија | пред 1 година

Четири повредени од Кочани, се испишуваат од болницата „Пирогов“ во Софија

Четири пациенти повредени во пожарот во Кочани, денеска ќе бидат испишани од болницата „Пирогов“ во Софија и транспортирани во Македонија.Сите пациенти се во добра состојба, соопштија од Клиниката за изгореници и пластична хирургија, посочувајќи дека дале инструкции за натамошен третман.Таму и натаму остануваат уште четири лица на лекување. На нив им следуваат и операции. Во Бугарија беа хоспитализирани 15 повредени – од нив осум во болницата „Пирогов“ и по тројца во болниците во Пловдив и Варна.Вкупно 193 лица беа повредени од пожарот во Кочани, а 61 лице е моменталниот биланс на загинати. Почина и возачот на Брза помош кој триесетина пати одел и се враќал, транспортирајќи пациенти и возејќи 12 часа.

Македонија | пред 1 година

(Видео) Казнет урологот кој хистерично се дереше на Клиниката за урологија - однесувањето му било недозволиво и недолично

Урлологот Александар Илиевски, кој хистерично се дереше на Клиниката за урологија, е казнет од дисциплинската комисија. „Скопје1“ дознава дека нему му е изречена мерка, наредните шест месеци, платата да му биде намалена за 20%. Според Комисијата, однесувањето на урологот е несоодветно и недозволиво кон и пред пациенти, поради што сметале дека тој треба да биде казнет. Според извори на „Скопје1“, ова не е прва, туку втора дисциплинска мерка за Илиевски.За скандалот со дерењето се дозна по објавата на снимката од „Скопје1“, а по поплаките на Ивана Ачимовиќ, која со нејзиниот дедо кој потоа почина, чекал ред пред амбулантата. Ачимовиќ во тие моменти замолила нејзиниот дедо да биде прегледан приоритетно поради тешкиот вид на канцер кој го имаше, а кој не можеше да го оперира, а притоа имал оток и болки. И тогаш добила хистерично дерење, кое е снимено.Ачимовиќ сведочеше и во „Претрес“ за тоа што се случило.„Се согласувам дека секој таму има проблем, но во медицината, бидејќи сум студент по медицина и наскоро ќе бидам доктор, притоа и медицинска сестра со искуство, постои медицинска тријажа. Влегуваат пациентите во потешка состојба, однсоно надордски кажано, пациенти што стојат и пациенти во количка. Докторот рече ќе го прими, поминаа саат време. Потоа влезе мојата баба да го праша, но од надвор, од пред амбуланата слушнав како вика на нејзе. Но тоа не беше гласен говор, тоа беше урлање, морам жаргонски да се изразам. Потоа влегов внатре, со персирање и без никакви навреди, го прашав од каде му право да вика на баба од 70 години? Почна и на мене да вика, ја гурна вратата покрај која бев јас, со тоа мене ме гурна мене, а јас баба ми. Ја фатив вратата и прашав дали доликува вакво однесување на еден доктор, по што тој почна хистерично да се однесува. Кога се оддалечи од мене, јас го земав телефонот да снимам. Немаше никаков напад, неговите колеги стоеја и гледаа, а ако имаше напад, веројатно и тие ќе се тргнеа, немаше да стојат покрај мене“, рече Ачимовиќ.?t=2484На оваа тема зборуваше и доктор Ненад Лазаров, специјалист по гинекологија и поранешен матичен доктор. Тој смета дека таквото однесување не може да се оправда.„Ова брутално беше. Уште и колешка, тоа е Марфи. Тоа е во медицина кога викаме: која будала ве оперираше? па ти докторе“. Не постои причина што може да оправда такво однесување. Девојката беше повеќе од експлицитна и елоквнетна. Не гледам трагедија во ова, но е апсолутно недозволена ситуација и однесување и се“, рече доктор Лазаров.

Македонија | пред 1 година

Само вчера: 841 казнет возач, а од нив 214 за брзо возење

„Во текот на вчерашните (07.04.) активности на полициските службеници од сите осум сектори за внатрешни работи во врска со засилените сообраќајни контроли за почитување на сообраќајните правила и прописи на патиштата низ државава, беа констатирани 841 сообраќаен прекршок. Согласно актуелните статистички трендови по однос на сторените прекршоци и натаму најбројни се прекршоците на непрописно паркирање 270, потоа санкционирани се 214 возачи за возење со брзина поголема од дозволената, како и 82 мерки за возење без возачка дозвола.Вчера, покрај ова, изречени се пет мерки за возење под дејство на алкохол, шест санкции за минување на затворен сигнал, а прекршочни пријави заработиле и шестмина пешаци. Исто така по основ на неносење сигурносен појас изречени се 65 санкции, 28 мерки по основ на недозволено користење на мобилен телефон при возење, а санкционирани се и шестмина мотоциклисти заради неносење заштитна кацига. Согласно, пак, Законот за возила од сообраќај се исклучени 17 нерегистрирани возила како и осум технички неисправни возила.Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР

Македонија | пред 1 година

Apple планира да го префрли производството на iPhone од Кина во Индија за да избегне царини: Со овие тарифи, новиот модел би чинел дури 2.300 евра

Apple планира да префрли дел од своето производство на iPhone од Кина во Индија за да го ублажи влијанието на новите американски царини наметнати на кинеските производи од страна на претседателот Доналд Трамп, објави Wall Street Journal.Извори блиски до компанијата велат дека ова е привремена мерка додека Apple се обидува да добие ослободување од царините, што веќе го постигна за време на првиот мандат на Трамп. Компанијата во моментов не бара радикално да го промени својот долгорочен синџир на снабдување, кој сè уште е во голема мера зависна од Кина.Прескокнувајќи го вообичаениот неколкумесечен законодавен процес, Трамп користеше закон од 1970-тите за брзо воведување тарифи. Ова предизвика најголем тридневен пад на вредноста на акциите на Apple во речиси 25 години.Увозот на iPhone од Кина во моментов е погоден со царини од 54 проценти, додека увозот од Индија е предмет на многу пониска стапка од 26 проценти. Како одговор на американските мерки, Кина воведе царини од 34 отсто за некои американски производи. Претседателот Трамп побара од Кина да ги укине одмаздничките тарифи до денес, во спротивно тој се заканува со дополнителни царини од 50 отсто, што штотуку предизвика пад на вредноста на акциите на Apple.Поради постоечките тарифи, цената на најновиот iPhone е зголемена за 1.000 долари, па новиот модел би можел да чини дури 2.300 долари.Администрацијата на Трамп дополнително го зголеми притисокот врз американските и странските технолошки гиганти, а Apple сега се обидува да избегне зголемување на цената на неговите производи поради дополнителните трошоци за увоз од Кина. Доколку тарифите останат на сила, Apple би можел и трајно да го зголеми своето присуство во Индија, каде што веќе има производствени капацитети. „Ова е краткорочно решение додека не се разјасни ситуацијата“, велат извори од Apple.За време на неговата прва администрација, извршниот директор на Apple, Тим Кук, лично лобираше за Трамп, а потоа успеа да добие изземање од слични мерки. Но, сегашната неизвесност и построгиот трговски тон на Белата куќа го поттикнуваат Apple да преземе дополнителни мерки на претпазливост.Тарифите се дел од пошироката трговска стратегија на актуелниот претседател, која тврди дека „Америка на прво место“ значи и „на прво место американското производство“. Трамп деновиве повтори дека САД ќе ги користат тарифите за да ги принудат странските земји да ги отворат пазарите за американските производи и да ги намалат нивните стандарди, што тој ги нарекува „немонетарни бариери“.

Свет | пред 1 година

(Видео) Филипче во Брисел побара европските социјалдемократи да помогнат за проширувањето на ЕУ

Процесот на проширување на Европската Унија не е само механичко прилагодување на законите или административно исполнување на критериумите за пристапување, туку и процес од геополитичко значење. Ова го истакна претседателот на Социјалдемократскиот сојуз на Македонија, Венко Филипче, во своето обраќање на конференцијата „Започнување на Програмата на С&Д „Вили Брант“ за проширување на ЕУ“, која се одржа во Брисел.Филипче, во својот говор, нагласи дека во период на динамични геополитички промени, повеќе од било кога е потребна социјалдемократијата како идеологија која нуди приоритет на трансатлантската солидарност, социјалната еднаквост и демографскиот интегритет.„Никаде оваа визија не е повитална како на Балканот и во Северна Македонија, која претставува раскрсница на европските аспирации и современата геополитичка ранливост. Затоа, потребна е сеопфатна социјалдемократска агенда за процесот на проширување. Процесот на проширување не е само механичко прилагодување на законите или административно исполнување на критериумите за пристапување, тој е прашање на надворешно политичко и геополитичко значење“, рече Филипче.Во својот говор, Филипче нагласи дека е неопходно ПЕС и групата СД во Европскиот парламент да преземат активна улога во процесот на проширување на Европската Унија. Според Филипче, социјалдемократските партии треба да предложат целосна и амбициозна агенда која ќе го забрза процесот на интеграција, обезбедувајќи демократска стабилност и напредок во регионот.Тој подвлече дека сеашниот застој за проширување не е само техничко или административно прашање, туку има многу пошироки и опасни последици по демократскиот развој на земјите кандидатки.„Застојот само ги зајакнува авторитарните тенденции и ги зајакнува десничарските и екстремно десничарските политички сили во нивните земји, што оди на штета на демократскиот развој на овие земји. Сега е вистинско време социјалдемократите да го засилат процесот на проширување, во кој предолго беа заложници. Ако Европа и социјалдемократите не го пополнат постоечкиот вакум, тогаш тоа ќе го сторат антидемократските и антиевропските сили“, порача претседателот на СДСМ, Венко Филипче, додавајќи дека социјалдемократските партии треба активно да ја поддржат и убрзаат агендата за проширување на ЕУ, како и да се залагаат за политики кои ќе го зајакнат демократскиот развој во регионот.Говорејќи за евроинтеграцискиот процес во Северна Македонија, Филипче истакна дека Владата не е подготвена да го продолжи процесот, што сериозно ја загрозува иднината на државата.„Се соочуваме со Влада во Северна Македонија која не е подготвена да продолжи со уставните измени, неопходни за започнување на преговарачките поглавја со ЕУ. Македонската влада е пример за немање стратегија, особено во однос на прогресијата на евроинтеграциите. Северна Македонија е во бизарна ситуација на таканаречено самонаметнато вето, бидејќи Владата одбива да ги спроведе потребните уставни измени за да продолжи со пристапниот процес“, изјави Филипче.Конференцијата „Започнување на Програмата на С&Д ,,Вили Брант" за проширување на ЕУ“, во Брисел, се одржа во организација на прогресивната Алијанса на социјалисти и демократи во Европскиот Парламент.

Македонија | пред 1 година