Обвинителите денеска ќе треба да соопштат дали ќе го продолжат притворот за сите 17 осомничени за дискотеката

Вечерва истекува краткотрајниот притвор за 14 од лицата кои беа приведени како осомничени, по пожарот во дискотеката „Пулс“ каде загинаа 59 лица, а речеси 200 се повредени. Меѓу нив се сопственикот на дискотеката, членови на обезбедувањето на дискотеката, одговорни лица од неа, а кои се осомничени за случувањата со пожарот.Статус на осомничени имаат и ексминистерот за економија Крешник Бектеши, ексдиректорот на Пазарен инспекторат Горан Трајковски, ексдржавната советничка во Министерството за економија, вработени во МВР, вработени во Пазарен инспекторат, лицето кое го изработило проектот без да се исполнат условите и овозможило да има дискотеката во тој објект, а кои се сомничат за постапување или непостапување со што дозволиле објектот да работи - без да ги исполни основните критериуми за работа.Од Обвинителството, по истекување на 48 часовниот притвор, можат да побараат„Во однос на продолжување ќе ве известам кога ќе имам прецизна информација“, велат од Обвинителството, кои посочуваат дека 17 лица се осомничени.Досега со 71 лице е извршен разговор, меѓу нив се и преживеаните.Мерката притвр е со цел обезбедување на присуство на осомничените, да се елиминира опасноста од бегство, да не се влијае на други сведоци и да не се уништуваат докази.Вчера, беа завршија форензичките испитувања во дискотеката. Сите траги ќе бидат анализирани и проверувани од вештаци.

Македонија | пред 1 година

Зеленски по разговорите за прекин на огнот: Путин планира неколку нови офанзиви

Украинскиот претседател Володимир Зеленски изјави по вчерашниот договор за ограничен прекин на огнот меѓу американскиот претседател Доналд Трамп и Владимир Путин дека рускиот претседател планира неколку нови офанзиви.„Путин сака да започне неколку офанзиви во правец на Запорожје, на исток, во правец на Харков и Суми со цел да изврши максимален притисок врз Украина. Тој ќе се обиде да го направи тоа во наредните месеци. И не му е грижа колку од неговите луѓе ќе загинат“, рече Зеленски.„Тој, заедно со неговите Севернокорејци, пријателите од Иран и беспилотните летала Шахед, сака да влезе во нашите територии што е можно повеќе за да повика на прекин на огнот во одреден момент со помош на Украина, за да се најде во поповолна ситуација и да изврши максимален притисок врз Украина, нашиот народ и мене лично. Тоа е факт“, рече Володимир Зеленски.

Свет | пред 1 година

Владата повика да не се шират дезинформации: Бројот на жртви во пожарот во Кочани е 59, шпекулации допринесуваат за вознемирување

„Во овие тешки и тажни моменти за сите македонски граѓани, и во знак на почит на загинатите жртви, повредените и нивните семејства ги замолуваме медиумите да се воздржат од објавување на шпекулации и дезинформации, се со цел да не создаваме дополнителна болка и стрес на јавноста“, велат од Владата и додаваат:Бројот на жртви во пожарот во Кочани е 59, за жал млади луѓе кои на трагичен начин ги изгубија своите животи. Но, одредени медиуми повикувајќи се на разноразни непроверени извори шпекулираат со бројот на починати и дополнително придонесуваат за вознемирување на јавноста.Во овие моменти на тага, Ве замолуваме сите да се однесуваме одговорно, ова е трагедија за цела држава и да сочувствуваме со болката на најблиските.Сѐ што има во интерес на истрагата, Владата, Министерството за внатрешни работи и сите други органи транспарентно и навремено преку прес-конференции и преку соопштенија известуваат за најновите информации. Никој нема да биде поштеден од одговорност, без разлика колкава и да биде вината на кој било инволвиран во овој случај, соодветно ќе одговара.Повторуваме дека ништо нема да биде скриено и стоиме на располагање за дополнителни прашања од интерес на јавноста.Исто така, Владата донесе одлука за целосно покривање на трошоците за сместување и превоз на семејствата на повредените лица кои се лекуваат во странство. За побрза и поефикасна комуникација во таа насока е отворена и телефонска линија, а бројот е 070270370.Ова е најмалку што можеме да направиме во овие тешки и болни моменти.Воедно, информираме дека Владата и Министерството за надворешни работи и трговија се во постојана комуникација со семејствата на повредените кои во моментот се лекуваат во други земји, но и оние кои тековно се испраќаат.Во прилог Ви ги испраќаме броевите      Министерство за надворешни работи и надворешна трговија:      075/273-732      075/268-736      Турција-Анкара      +90 5316579200      +90 5335725684      Турција-Истанбул      +90 542 810 99 78      +90 552 561 80 09      Грција-Атина      +30 6944190134      +30 6947736602      Грција-Солун      +30 694 525 8536      Бугарија      +359 876123768      +359 876112993      +359 889210005      Србија      +381 601382942      +381 601427455      Унгарија      +363 03037377      Литванија-Полска      +48 608141191      Австрија      +436644680520      +436767069209      Словенија      +386 41 353 198      +386 40 800 747      Хрватска      +385 99 524 4741      +385 91 608 2944      Норвешка      +47 406 31 613      +47 922 34 630      Италија      +39 3384079247      +39 3518504187      Полска      +48 608 141191      Шведска      +46 701844605      +46 768792019

Македонија | пред 1 година

Новинарите од ТВ21: Проблемот кој се јави е дека бевме известени дека е донесена забрана за летање на било каков дрон на територија на Скопје, Штип и Кочани

„За време на известувањето во живо, користевме и дрон, каде што снимаше постојано додека одеше информативната емисија на ТВ21. Накратко потоа, бевме посетени од МВР, и се распрашуваа прво за дронот, нѐ идентификуваа, ни ги земаа сите потребни документи, па заминаа. Потоа се вратија и рекоа да дојдеме на информативен разговор. Не сме ни приведени, ни уапсени, туку повикани на разговор. Дали е тоа во ред или не - не можам да коментирам. Во станицата бевме јас Ерол Шаќири како главен и одговорен уредник и Јовица Пауновски како уредник на вестите“, рече Шаќири.Пауновски објасни дека 2-3 години, телевизијата користи дрон за да пренесе сѐ што е јавен интерес.„Проблемот кој се јави е дека бевме известени дека е донесена забрана за летање на било каков дрон на територија на Скопје, Штип и Кочани. Посочивме дека станува збор и за забрана за локациите Штип и Кочани. Тие ни рекоа дека соопштението ќе биде ажурирано. Користевме дрон кој е под 249 грама, кои со последните измени на Законот кои биле донесени во јануари, тие законски параметри биле симнати и дрон може да се лета без посебна најава и дозвола, како што ни беше соопштено, само со 200 грама“, рече Пауновски.Тие рекоа дека Законот не е ажуриран на страницата.„Колегите од Ројтерс рекоа дека летале во воена зона, и никогаш не се соочиле со ваков проблем“, додаде Пауновски.Тие посочија дека од МВР и АНБ имале професионален однос.

Македонија | пред 1 година

ЗНМ и ССНМ: Новинари повикани на информативен разговор без претходно објавена забрана за дронови – бараме објаснување од МВР и АЦВ

Здружението на новинари на Македонија (ЗНМ) и Самостојниот синдикат на новинари и медиумски работници (ССНМ) изразуваат загриженост поради повикувањето на информативен разговор на новинари, меѓу кои и претставници на меѓународни медиуми, по синоќешниот протест во Скопје.„Според достапните информации, забраната за користење на дронови беше официјално објавена пред 20 часот, речиси два часа откако протестот веќе започна. Дополнително, во соопштенијата на Министерството за внатрешни работи и Агенцијата за цивилно воздухопловство, за градот Скопје воопшто не беше спомената ваква забрана. Ова отвора сериозни прашања за правната основа на постапката кон новинарите.Согласно Правилникот за воздухоплови без екипаж (Член 7, Став 1), одредени зони можат да бидат ограничени поради безбедносни или други важни причини, но ваквите одлуки мора да бидат прецизно дефинирани и јавно достапни навремено.Општата примена на забраната без претходно известување и врз цел град, како во овој случај, не е во согласност со оваа правна рамка.Во интерес на јавноста, бараме од МВР и АЦВ да дадат јасно појаснување за следниве прашања:1.Зошто забраната за дронови беше објавена дури откако протестот веќе започна?2.Според најавата Скопје не беше опфатено, а новинари сепак беа повикани на информативен разговор?3.По кој правен основ цели градови се опфатени, наместо конкретни зони како што предвидуваат подзаконските акти?4.Зошто медиумите не беа навремено известени за ограничувањата?Очекуваме институциите да постапуваат транспарентно и во согласност со законите, со цел да се избегнат дејствија што можат да се протолкуваат како ограничување на работата на медиумските работници и слободата на медиумите и тоа за настани од висок јавен интерес.Воедно, апелираме до новинарите кои користат дронови да го прават тоа одговорно и со внимание, без да ги вознемируваат семејствата и блиските кои поминуваат низ тежок период, особено во наредните денови кога ќе се одржуваат погребите на починатите“, велат Здружението на новинари на Македонија (ЗНМ) и Самостојниот синдикат на новинари и медиумски работници (ССНМ).

Македонија | пред 1 година

Управувачите на дронови пуштени од станица по три часа: новите правила создале забуна, летовите не биле пријавени

Неколку лица кои управувале дронови (воздухоплов без екипаж) биле повикани во полициска станица откако ги полетале и снимале на протестот кој се одржав во Скопје за трагедијата во Кочани. Тие биле забележани од полицајци кои го обезбедувале настанот, кои ги замолиле да ги спуштат дроновите. Меѓу нив, имало фотографи од Македонија, новинар и видеографер од „ТВ21“, лице ангажирано од „Ројтерс“.По три часа, откако дале изјава, тие биле пуштени. Полицијата реагирала бидејќи летовите не биле соодветно пријавени во Агенцијата за цивилно воздухопловство, каде се регистрира секој лет. Дале свои изјави, по што, им била посочена регулативата која е релативно нова и биле пуштени да заминат.[caption id="attachment_324806" align="alignnone" width="1920"] Пријавени летови за денеска на плоштадот во Скопје[/caption]Никој од нив, не биле запознаени со новите правила за употреба на дронови, кои се релативно нови и на сила се нецели три месеци. Според истите, сега сите кои сакаат да надлетуваат, треба да креираат кориснички профил на drone.gov.mk, а потоа, да се регистрираат како оператор. По ова, следува делот за сертификација. Секој мора да го проследи курсот за самообука и полагање, по што полага тестови со над 30 прашања. На крајот, (не) се здобива со сертификат.Следната фаза е сертификатот заедно со валиден документ за идентификација (лична карта/пасош) да се регистира операторот, каде се внесуваат личните документи, сертификатот, како и серискиот број од дронот кој се управува. Откако инспектор од Агенцијата за цивилно воздухопловство ќе го одобри профилот – може да се прави најава на лет.До годинава, дроновите кои се со тежина до 249 грама, можеа да се летаат без никаква регистрација, па токму оттука дошло недоразбирањето помеѓу операторите на дронови кои биле повикани во станица и полицијата. Правилата се реалтивно нови и не секој е запознаен со нив. За денеска, биле пријавени само три летови на скопскиот плоштад.Доколку постои место кое е забрането за надлетување, тогаш, самиот софтвер на Агенцијата не дозволува да се најави лет, а со тоа, операторот знае дека не смее да надлетува. Таков е примерот со Штип и Кочани од попладнево.[caption id="attachment_324808" align="alignnone" width="1542"] Приказ од системот кога надлетувањето е забрането и кога системот не дозволува да се најави лет[/caption]„Министерството за внатрешни работи ги информира граѓаните и сите корисници на воздухоплови без екипаж односно дронови дека од страна на Агенцијата за цивилно воздухопловство е поставена забрана за вршење на било какви операции со дронови на територијата на градовите Кочани и Штип.  Неовластеното, некоординирано оперирање на овие воздухоплови не само што го загрозува воздушниот сообраќај, туку може да предизвика сериозни последици по животот и имотот на трети лица на земја. Оперирање со дронови во забранети зони е основ за поведување постапка за санкционирање согласно Законот за воздухопловство“, велат од МВР.

Македонија | пред 1 година

Пациентите во Литванија, Турција, Србија, Грција и дел што се во Бугарија се во стаи

Министерството за здравство информира дека медицинските тимови на здравствените установи и денеска се целосно ангажирани во обезбедување соодветна медицинска нега за сите пациенти.На Клиника за пластична хирургија во моментот се хоспитализирани - 10 пациенти,На Клиника за токсикологија - 10,На Торакална - 4,на трауматологија - 2,на Детска хирургија - 4,на КАРИЛ - 13,На Клиника за пулмологија - 2,Во ГОБ 8 септември -17,Во Хируршка клиника „Св Наум Охридски“ -11Во ОБ Штип - 2Според информации од медицинските центри во Австрија, од шест пациенти, пет се на интензивно лекување во стабилна состојба, додека еден е префрлен на интерно одделение.Во Литванија - четири пациенти се на интензивно лекување во стабилна состојба.Петтемина пациенти повредени во пожарот во Кочани кои беа испратени на лекување во Анкара, Турција, од денес дишат самостојно.Во Србија во моментот се лекуваат 30 пациенти, кои се на интензивно лекување во стабилна состојба.Во здравствени установи во Бугарија се лекуваат 14 пациенти, од кои седум се на интензивна нега, а останатите се со помал процент на изгореници и самостојно дишат.Во Грција се лекуваат осум пациенти, кои се стабилни во моментот.Во текот на ноќта се очекува пациенти да бидат упатени во европски центри, за што Министерството за здравство изразува благодарност за поддршката која ни се пружа од првиот момент од нашите меѓународни партнери.

Македонија | пред 1 година

(Видео) Сопруга на обвинет обезбедувач на дискотеката во Кочани: Ние сопрузите ги нарековме наши херои

Сопругата на обвинетиот Мартин Георгиев, за трагедијата во Кочани, кој бил обезбедувач на дискоатеката „Пулс“ критичната вечер, изрази сочувство до семејствата на загинатите и кажа дека обезбедувачите„Сакам да изразам најдлабоко сочувство и побрзо оздравување на сите деца кои се во сите клиники низ светот. Целта на собирот, не е протест, сакаме да изразиме длабоко сочувство, почит кон оние кои помагаа да се спасат други деца. Сакам да го споменам прво Иле, шофер на Брзата помош, легнал и од тага не се разбудил. Сакам да се заблагодарам на сите други луѓе, од кои дел не се помеѓу нас. Целта е да ги поддржиме нашите сопрузи, ние ги нарековме нашите херои, ако не биле тие ќе имало уште многу загинати лица“, рече сопругата на обезбедувачот.Присутните, држеа транспаренти преку кои побараа слобода.„Слобода за нашите херои“, пишува на еден од нив.

Македонија | пред 1 година

Лице се обиде да измами Македонец кој понуди помош за семејствата чии блиски се лекуваат во Норвешка

Воислав Дабевски објави обид за страотна злоупотреба од страна на изолирано лице, откако објави дека стои на располагање на семејствата чии повредени се лекуваат во Норвешка.Неговото сведоштво во целост:„Внимавајте луѓе, постојат нелуѓе! За малку ќе наседнев на измама за пари откако понудив помош по трагедијата во Кочани. Добив повик од дечко кој се претстави како Филип Мицевски, 20-годишен син на пејачката Сара Пројковска, која загина во пожарот. Тој ми раскажа дека неговата сестра, која била со Сара во клубот, сега лежи во болница во Скопје со тешки изгореници и дека во петок треба да ја префрлат во болница во Осло. Звучеше вознемирено, дури и плачеше – толку убедливо што почнав да го тешам. Потоа ми побара пари за маст за изгореници, и тогаш почнав да се сомневам. Ми испрати и слика од пасош, но веднаш забележав по годината на раѓање дека личноста на него е 30-годишен маж, а не 20-годишно момче.Во меѓувреме, се распрашав по пријатели за да проверам дали приказната е вистинита – и, како што претпоставував, беше целосна измама. Затоа, бидете внимателни! Во светот има измамници кои ќе се обидат да ја искористат вашата добрина. Но, јас и понатаму верувам – добри луѓе постојат!“, напиша Дабевски.

Коментари | пред 1 година

Се огласи Белата куќа: Трамп и Путин се согласија дека војната треба да заврши со траен мир

Владимир Путин ѝ наредил на руската војска да прекине со нападите врз украинската енергетска инфраструктура на 30 дена, објавија медиумите по неговиот телефонски разговор со Доналд Трамп попладнево.„Денеска претседателот Трамп и претседателот Путин разговараа за потребата од мир и прекин на огнот во војната во Украина. Двајцата лидери се согласија дека овој конфликт треба да заврши со траен мир. Тие ја истакнаа и потребата од подобрување на билатералните односи меѓу САД и Русија. Крвта и богатството што Украина и Русија ги потрошија во оваа војна би можеле подобро да бидат насочени кон потребите на нивниот народ“, се вели во соопштението на Белата куќа.Исто така, Москва и Вашингтон договориле да се формираат експертски групи кои ќе работат на решавањето на украинската криза.Според „РИА новости“, Путин и Трамп разговарале и за ситуацијата на Блиски Исток и Црвено Море и изразиле заемен интерес за нормализирање на односите помеѓу двете држави.

Свет | пред 1 година

(Видео) Македонија е завиена во црно: Граѓански и мирен собир во Скопје

На плоштад Македонија во Скопје веќе има голем број на луѓе за да го изразат заедништво и сочувство за 59 те жртви во страшната трагедија во дискотеката Пулс во Кочани и за 196 те повредени лица од кои 20 се деца.И собирот во Скопје и во Кочани е мирен.Македонија е завиена во црно, велат граѓаните низ солзи, оддавајќи почит на загинатите.

Скопје | пред 1 година

(Видео) Дронска снимка: Илјадници граѓани оддаваат почит на загинатите во дискотеката

Илјадници граѓани има на плоштадот Македонија во Скопје. Граѓаните со транспаренти испраќаат пораки, додека со молк се оддава почит. Граѓаните направија ѕвездено небо, оддавајќи почит на загинатите во дискотеката во Кочани. Вкупно 59 лица изгубија живот, а над 150 се низ болниците.Собири има и во другите градови.

Скопје | пред 1 година

Меѓу уапсените е и потписникот на проектот со кој дискотеката Пулс доби лиценца за работа

Министерот за внатрешни работи Панче Тошковски соопшти дека меѓу уапсените за трагедијата во пожар во дискотека во Кочани е и лицето кое издало и потпишало проект со кое дискотеката Пулс во Кочани, ги исполнува сите потребни услови за да добие лиценца за работа.Лицето се товари дека сторило кривично дело:Тешки дела против општата сигурност.„Последното задржано лице се терети за Тешки дела против општата сигурност, а истиот е потписник на основен проект за издавање лиценца за кабаре клуб односно на еден од документите потребни за ставање во функција на едно кабаре. Незаконито, паушално, без утврдување на фактичка состојба биле изготвувани круцијални документи кои биле предуслов во понатамошната постапка за ставање во функција на предметното кабаре. Во дел на таа документација која е потпишана од уапсеното лице постои тврдење дека станува збор за објект кој ги исполнува сите услови по закон за да биде кабаре, а сите знаете дека не исполнува ниту 20 отсто, а камоли сите“, рече Тошковски.Во притвор се ексминистерот за економија Крешник Бектеши, вработени во Министерството, потоа ексдиректорот на Државниот пазарен инспекторат, сопственикот на дискотеката, членови на обезбедувањето. На распит беше и градоначалникот на Кочани, но тој беше пуштен. Дури вториот ден по трагедијата во неговиот град, градоначалникот си поднесе оставка од функцијата известувајќи ја јавноста преку Фејсбук.

Македонија | пред 1 година

Тошковски: Промена на раководството на СВР Штип и ОВР Кочани со цел обезбедување ефикасна и непристрасна истрага

Министерот за внатрешни работи Панче Тошковски денеска во изјава за медиумите изјави дека со цел обезбедување на ефикасна и независна истрага за трагичниот настан во дискотеката „Пулс“ во Кочани е донесена одлука за разрешување на раководните лица на локалната полиција во ОВР Кочани и СВР Штип и нивна замена со полициски службеници од Скопје.„Ваквата одлука не прејудицира никаква вина, туку е чекор кој треба да гарантира процесот да се одвива без никакви притисоци, сомнежи и влијанија. Во моменти како овие, клучно е институциите да работат со највисока транспарентност и професионалност.“, истакна министерот Тошковски.Министерот Тошковски објасни дека тоа е со цел воспоставување на оперативна поставеност која ќе овозможи целосна непристрасност, со полициски службеници кои немаат никакви лични или професионални релации со средината која беше погодена од страшната трагедија во која животот го загубија 59 луѓе а околу 200 се повредени.

Македонија | пред 1 година

Портпаролка на Влада: Од 50 контролирани дискотеки и кабариња само 22 имале важечки лиценци

Марија Митева, портпаролка на Владата, информираше за активностите на денешната владина седница.Во изминатите два дена извршени се 50 контроли во угостителски објекти и тоа кабариња, диско клубови.Државниот пазарен инспекторат од извршениот увид утврди дека лиценци поседуваат 22 објекта, а 15 се со истечена лиценца. Сите 22 објекти со важечка лиценца денеска се проверуваат, а за оние кои немаат лиценци или важноста им е истечена, изречена е мерка: Забрана за вршење дејност.„Министерството за економија врши проверка дали кај издадените лиценци има архивски или други пропусти”, рече Митева.

Македонија | пред 1 година

(Видео) Тошковски: Резервоарот за бензин спроти дискотеката Пулс бил празен, нема поврзаност на сопственикот на резервоарот и менаџментот на дискотеката

Во непосредна близина или само на 50 метри од дискотеката Пулс во Кочани имало склад со гориво и бензиска пумпа. Тие се гледаат буквално од самата улица. Има стара бензиска пумпа и резервар за точење.„При увидот е констатирано дека постоел склад за гориво во близина на објектот. Сите други околности се испитуваат”, велат од обвинителството, а потврди и Противпожарната бригада на Кочани.Министерот ги отфрли шпекулациите дека постоела опасност од разорна експлозија и да биде кренат во воздух целиот град Кочани.„Точно е дека во близина на дискотеката „Пулс” е пронајден резервоар за нафта, но тој е целосно празен и не постои никаква поврзаност помеѓу сопственикот на резервоарот и менаџментот на дискотеката“, изјави Тошковски на прес-конференција во врска со трагедијата во Кочани.

Македонија | пред 1 година

Тошковски: Има основи дека незаконито и паушално, биле изготвувани документи за работа на клуб кабарето

Сите 59 загинати лица во дискотеката Пулс во Кочани се идентификувани и завршена е обдукцијата, има 196 повредени од кои 20 се деца, рече на прес конференција министерот за внатрешни работи Панче Тошковски.Од нив, 93 се лекуваат на клиниките во Скопје, а 80 во болници во странство.Приведени се 18 лица за трагедијата, задржани се 16, за дела против општата сигурност. Меѓу нив е и потписникот на издавање документ за работа на Кабаре клубот.„Незаконито и паушално изготвени се круцијални документи за работа на клубот.Со 71 лице се извршени разговори, за 14 лица одреден е притвор од 48 часа”, рече Тошковски.Пред ова од Обвинителството имаше информација за 16 приведени и министерот се огради дали има плус двајца приведени од неговата информација.Тошковски информираше дека се извршени претресо кај две лица вработени во Министерството за економија, управител на објектот, надлежни влегоа и во општината Кочани за обезбедување на документи за дискотеката, потоа и кај државен советник во Министерството.Разрешени се раководни лица од СВР Штип и ОВР Кочани и заменети се со лица од Скопје.Според министерот ова не значи дека се виновни, но заради непристрасно работење и расчистување на случајот се разрешени.Министерот информираше дека истражните органи откриле дека во близина на дискотеката „Пулс“ во Кочани, се наоѓал склад за гориво. Резервоарот бил сместен во соседен објект и бил идентификуван од страна на полициската крим-техника.Резервоарот бил вкопан во земја но бил празен. Сопственикот на бензинската пумпа не е поврзан со сопственичката структура на дискотека.Полицијата вечерта постапувала по оперативен план за откривање дрога и присуство на малолетници во дискотеката.

Македонија | пред 1 година

Изречен притвор за 16 лица, направен претрес во Општина Кочани – нови детали

„Обвинителскиот тим задолжен за дејствијата во рамките на предистрагата за несреќата во Кочани продолжува да презема дејствија. И во текот на денешниот ден, со цел координација на активностите во Кочани е и Јавниот обвинител на Република Северна Македонија Љупчо Коцевски.Врз основа на обезбедените докази се испитува улогата на 16 лица за кои обвинителството побара и обезбеди мерка 48-часовен притвор. Претрес денеска беше извршен и во просториите на Општина Кочани. Попладнево, до надлежниот суд, Основното јавно обвинителство Кочани ќе достави предлог за определување краткотраен притвор за уште едно лице“, велат од Обвинителството.

Македонија | пред 1 година

Пронајден подземен 10-тонски нафтен склад на 50 метри од „Пулс“

Склад за бензин и бензиска пумпа има спроти дискотеката во Кочани - се испитува чие е и дали има нафта.„При увидот е констатирано дека постоел склад за гориво во близина на објектот. Сите други околности се испитуваат”, велат од обвинителството , а потврди и Противпожарната бригада на Кочани. 

Македонија | пред 1 година

(Видео) Кочани е мртов град, молк, солзи и неизмерна болка за загинатите

Кочани обвиено во тишина која одекнува и боли, солзи и неверување дека со нив повеќе не се нивните чеда, браќа, блиски, соседи, соученици.„Кочани е мртов град”, велат жителите, тагувајќи по 59 те жртви во дискотеката на смртта.„Годините молк секогаш водат до минута молк, корупцијата е како дрога, мислиш дека можеш да ја запреш”, пишува на транспарентите.Својата болка ја излеваат со солзи и зборови во книгите на жалост.[video width="320" height="568" mp4="https://skopje1.mk/wp-content/uploads/2025/03/0-02-05-fb0a27a814e61607a7a5d7f61e104a87da5c10b3b9ca32ad9ceb044a9716b0ba_21e44caf250.mp4"][/video]

Македонија | пред 1 година

Во четврток ќе бидат погребани загинатите во пожарот во Кочани

Директорот на ЦУК, Стојанче Ангелов, денеска соопшти дека погребот на 59 те загинати во трагедијата во Кочани ќе биде во четврток, 20 март.Времето ќе биде објавено дополнително.„На погребот ќе присуствува поглаварот на Македонската православна црква, г.г Стефан, ќе има и неколку владици од Синодот. Црквата прави се за овие чеда да бидат испратени на најдостоинствен начин“, изјави Ангелов.

Македонија | пред 1 година

Тошковски разреши седум началници од СВР Штип и ОВР Кочани

Министерството за внатрешни работи денеска разреши седум началници во СВР Штип и ОВР Кочани, поради трагедијата во ноќниот клуб „Пулс“ во Кочани.Министерот Панче Тошковски донесе одлука за разрешување на:-началникот на секторот за внатрешни работи во Штип,-помошникот началник на СВР Штип,-началникот во одделението за полиција Штип,-началникот на одделението за криминалистичка полиција на одделението за внатрешни работи во Кочани,-командирот на полицијата за општа надлежност во Кочани,-началникот на надворешна канцеларија за криминалистички работи Кочани.

Македонија | пред 1 година

Краткотраен притвор за 16 лица за трагедијата во Кочани

До овој момент Основното јавно обвинителство Кочани предложи определување мерка краткотраен притвор за 16 лица поради огромната трагедија во дискотека во Кочани, во која животот го загубија 59 лица и има голем број повредени.Сите предлози на Обвинителството се прифатени и мерката е определена за сите 16 лица.

Македонија | пред 1 година

Зошто го амнестирате градоначалникот, тој по службена должност знаел за диско-шталата, прашува Апасиев

Лидерот на Левица и пратеник, Димитар Апасиев бара премиерот Христијан Мицкоски да не го амнестира градоначалникот на Кочани. Според Апасиев, постои образец кој се поднесува до градоначалникот на општината при отворање кабаре.„Зошто го амнестирате градоначалникот на Кочани од вашите редови (кој на секоја втора слика е истопорен до премиерот Мицкоски), а ги апсите ситните риби? Ова е образецот на Пријавата, кој согласно закон, се поднесува до него – и во случај на отворање “кабаре”. Значи тој, по службена должност, знаел за диско-шталата! Легитимното прашање е зошто тој и општинските инспектори не презеле мерки за контрола и затворање на објектот? Оти, кривични дела се прават и со несторување”, напиша Апасиев.[caption id="attachment_324727" align="alignnone" width="1151"] Prijava Apasiev[/caption]

Македонија | пред 1 година

Премиерот апелира сите што биле во близина за време на пожарот да одат на лекар

Премиерот Христијан Мицкоски и денеска апелираше сите лица кои биле во близина на катастрофалниот пожар во дискотеката „Пулс“ во Кочани, да одат на доктор, без разлика дали чувствуваат симптоми или не.„Мора да се направат одредени чекори, без пркосење и негирање. Ако сакаме да избегнеме понатамошни компликации во деновите кои следуваат, треба да се јавите на доктор. Без разлика дали чувствувате било какви тегоби, обврска е да побарате консултација”, апелираше Мицкоски.Премиерот ја истакна улогата на медицинските тимови, кои вложуваат максимални напори во спасувањето на повредените, како и на транспортирањето на пациенти во соседните држави.Мицкоски информираше дека ќе бидат покриени трошоците за двајца членови од семејството на повредените за да можат да патуваат и да бидат со своите најблиски во болниците во други држави.

Македонија | пред 1 година