Велешанец се обидел да изврши силување во Аеродром, тврди Обвинителството и бара притвор

Основното јавно обвинителство Скопје донесе Наредба за спроведување истражна постапка против едно лице поради обид да изврши кривично дело – Полов напад и силување од член 186 став 3 во врска со став 1 од Кривичниот законик.„Осомничениот велешанец, на возраст од 53 години, во населбата Аеродром во Скопје, спротивно на јасно изразената волја на една оштетена, со употреба на сила се обидел врз неа да изврши полов однос. Откако жртвата пружила активен отпор со удирање со рацете и нозете и гласно викање за помош, осомничениот излегол од возилото каде го извршил нападот и побегнал.Бидејќи постојат околности што укажуваат дека доколку осомничениот се остави да се брани од слобода ќе се даде во бегство или пак ќе се крие, со што ќе биде недостапен на органите на прогонот, но и со оглед на тоа дека постојат особени околности кои укажуваат дека ќе ја попречува кривичната постапка со влијание врз сведокот-оштетена или дека ќе го ќе го повтори или доврши обиденото кривично дело, јавниот обвинител до судијата на претходна постапка од Основниот кривичен суд Скопје достави предлог за определување мерка притвор“, велат од Обвинителството.

Македонија | пред 1 година

Во автомобилот си направил бункер, па му најдоа 4,5 килограми кокаин - кога им влегоа дома им најдоа уште кило

„Како резултат на материјалните и видео докази, обезбедени при претресите во акцијата што под раководство на јавен обвинител беше спроведена на 18 и 19 јануари годинава, во текот на денешниот ден од слобода се лишени две лица. На лицата им се става на товар дека сториле кривично дело Неовластено производство и пуштање во промет на психотропни супстанци и прекурсори“, велат од Обвинителството за гонење организиран криминал и корупција и додаваат:Имено, од екстрахираните податоци, истражителите од Лабораторијата за дигитална форензика при Истражниот центар на Основното јавно обвинителство за гонење на организиран криминал и корупција, дојдоа до докази дека првоосомничениот кој беше лишен од слобода во Гевгелија, во бункер во ПМВ сокрива поголемо количество на психотропна супстанца. По обезбедена наредба за вештачење на возилото коешто беше одземено, пронајдени се 3,5 кг кокаин.Воедно, како резултат на доказите побарани се и извршени претреси на дом кај приведените лица и притоа е пронајден уште 1 кг кокаин. За двете лица јавниот обвинител донесе Наредба за истрага, а од судијата на претходна постапка при Основниот кривичен суд – Скопје побара притвор и куќен притвор.

Македонија | пред 1 година

Владата се реши за разрешување на републичкиот обвинител Љупчо Коцевски

Владата го задолжи Министерството за правда да преземе активности за поведување на постапка за разрешување на државниот јавен обвинител.„Разочарувањето на Владата за постапувањето надвор од законските надлежности, разочараноста на граѓаните од системот кој не функционира, резултира со нарушена доверба и нефункционирањето на правната држава“, рече портпаролката на Владата, Марија Митева.Таа образложи и аргументи за разрешувањето.„Се отвори расправата за последниот индекс на транспарентност, од каде можеше да се види дека четири точки се однесуваат на состојбите во Обвинителството и судството. Дополнително, последното именување за в.д. шеф на Вишо јавно обвинителство е одлука која е незаконска“, рече Митева.

Македонија | пред 1 година

Коцевски за Владата откако „тргна возот“ за разрешување: Ги немате сите точни информации!

Републичкиот јавен обвинител, Љупчо Коцевски, за кого Владата донесе одлука за поведување на инцијатива за разрешување тврди дека не работел незаконски. Тој на Владата и посочува дека донела грешна одлука водејќи се од неточни информации.„Од она што имав прилика да го прочитам по медиумите, причина за одлуката на Владата била тоа што изборот на раководител на Вишото јавно обвинителство Скопје бил наводно незаконски. Верувам дека Владата ги немала на располагање сите релевантни и точни информации и заради избегнување на недоразбирања, сакам да го појаснам следното: Распоредот за работа на Вишото јавно обвинителство Скопје, донесен од обвинителот Хајрулахи, кој во моментов е суспендиран, беше со важност до 31.12.2024 година. Согласно тој распоред лицата определени за негови заменици го имаа статусот на заменик до истекот на распоредот на 31.12.2024 година. Распоредот за работа на Вишото јавно обвинителство Скопје за 2025 година е донесен од обвинителот Цветановски во јануари 2025, во момент кога истиот немал својство ниту на заменик, ниту на шеф на Вишото јавно обвинителство Скопје, што значи дека ваквиот распоред не е донесен согласно закон и не може да произведува правно дејство. Со потврдување на одлуката за суспензија и на обвинителот Цветановски, се јави потреба да се определи јавен обвинител кој времено ќе раководи со Вишото јавно обвинителство Скопје.Сакам да укажам дека не е првпат да се постапува на овој начин и приоритет беше во случајот да се определи раководител на Вишото јавно обвинителство Скопје кој ќе биде гарант за непристрасното, професионално и објективно работење на обвинителството до завршување на дисциплинска постапка за обвинителот Хајрулахи. Појаснувам дека не се работи за назначување на вршител на должноста виш јавен обвинител туку за определување на времен раководител на вишото јавно обвинителство Скопје. Според тоа ве верувам дека моето постапување во овој случај, како и во целокупното мое работење е согласно закон, а со цел овозможување на непречено и законито функционирање на јавното обвинителство и заштита на јавниот интерес“, вели Коцевски.

Македонија | пред 1 година

Советот на обвинителите контра Владата, претседателката без одговор дали Коцевски може да се разреши и ако дадат негативно мислење

Душица Димитриеска, претседател на Советот на обвинители,  се спротивстави на Владата, која беше децидна дека назначувањето на обвинител кој ќе го заменува Мустафа Хајрулахи во скопското Јавно обвинителство е незаконска. Според Димитриевска, одлуката е законска.„Беше донесена одлука, следејќи ги состојбите во Вишото јавно обвинителство каде вишиот јавен обвинител е оддалечен од функцијата, советот утврди дека е потребно во ова јавно обвинителство да се назначи обвинител кој ќе раководи со Обвинителството. Таа одлука е едногласна“, рече Димитриевска.Прашана дали имало законска основа за ваква одлука, таа рече: „Да има, мора да има потписник, мора да има јавен обвинител кој ќе го раководи“.„Јас не можам да дадам одговор на тоа прашање, јас тврдам дека нашата одлука е законита. Тоа Обвинителство мора да има јавен обвинител кој ќе раководи. Уште еднаш да напоменам, се работи за јавен обвинител кој ќе раководи додека трае оддалечувањето на јавниот обвинител“, додаде Димитриевска.Прашана да ја објасни процедурата за разрешување на државниот обвинител Љупчо Коцевски, таа им порача на новинарите да си видат во законот, оти таму ја имало. Немаше ни конкретен одговор, дали процедурата продолжува во Собрание и покрај евентуално дадено негативно мислење од Советот на јавни обвинители за разрешување на Коцевски.„Во однос на тоа прашање, сакам да изјавам дека до сега, немаме до Советот никаков предлог добиено. Кога ќе има предлог, ќе се произнесеме. Советот ќе ги испочитува роковите и процедурата“, рече Димитриевска.

Македонија | пред 1 година

Доживотен затвор за Фадил, кој свирепо ја уби штипјанката Емилија: „Моето дете гние, нека гние и тој во затвор“

Убиецот Фадил Зејнелов кој свирепо ја убил Емилија Пешева на 29 години, е осуден на доживен затвор.„Обвинетиот сторил убиство, судот го осудува на доживотен затвор. Во изречената казна му се смета и времето поминато во притвор. По анализа на сите докази, утврди дека оваа казна е потребна и оправдана. Пред се поради начинот на извршување на кривичното дело, траело неколку минути.. Имало решителност од негова страна, а борба од страна на Емилија. Второ, покрај свирепоста при извршувањето, судот утврди дека во август 2024 година, при меѓусебни средби имало физички напад, утврдени во болница“, рече судијата Сашко Георгиев.Родителите се задоволни од пресудата.„Правилна одлука донесе. Не може да ја излечи болката, таа нема да се врати. Но работата е такви луѓе да нема. Моето дете ќе гние, нека гние и тој во затвор“, рекоа мајката и таткото.Ја давел, ја оставил да умре и заминал да игра комар. Вака изгледало убиството на Емилија Пешева во ноември минатата година. Убиецот Фадил Зејнелов го призна убиството, а семејството и обвинителството бараат доживотен затвор. Слободан Пешев, татко на убиената Емилија рече дека неговата ќерка била користена од убиецот за пари.

Македонија | пред 1 година

Инспектор од Град Скопје го пријавил Курто Дудуш дека го навредувал, градоначалникот исто пуштил пријава за закани

На 11.02.2025 околу 10.30 часот З.Г., инспектор во град Скопје, пријавил во СВР Скопје дека на ул.2бб во близина на дива депонија, при вршење на службени дејствија за вршење на надзор и подигање на мостри, дошле две лица и еден од нив (К.Д. -градоначалник на Шуто Оризари) почнал да ги навредува него и неговите колеги и да им се заканува и го попречувал земањето на мостри.На 11.02.2025 во 13.10 часот во Полициското одделение Шуто Оризари, К.Д.(50) од Скопје – градоначалник на Шуто Оризари, пријавил дека за време на инспекциски надзор на отпад од страна на вработени во град Скопје, кој бил сместен на неговиот имот на подрачјето на Шуто Оризари, Ф.С.(47) од Скопје, вработен во град Скопје, му упатувал закани. Се работи на расчистување на случајот.

Скопје | пред 1 година

Се запалиле подруми од зграда во Аеродром, едно лице во болница

Денеска (12.02.2025) во 01.58 часот во СВР Скопје било пријавено дека настанал пожар во подрумски простории од станбена зграда на подрачјето на општина Аеродром.Од екипа на Бригадата за противпожарна заштита Скопје пожарот бил изгаснат, а М.С. се здобил со повреда додека се симнувал по скалите од зградата и бил пренесен во Комплексот клиники „Мајка Тереза“ Скопје за укажување на помош. жИзвршен бил увид.

Скопје | пред 1 година

Малолетник од Љубанци претепан на Бит Пазар, во друг случај настрадал и 38-годишен скопјанец

На 11.02.2025 во 19.00 часот во СВР Скопје, А.Ш.(41) од с.Љубанци, скопско, пријавил дека околу 13.10 часот во автобус на ЈСП, на подрачјето на Бит Пазар, неговиот малолетен син бил физички нападнат од двајца малолетници, при што едниот од нив употребил остар предмет и му нанел повреда.На 11.02.2025 во 19.20 часот во СВР Скопје, Ф.С.(38) од Скопје пријавил дека на 10.02.2025 околу 18.40 часот на подрачјето на Бит Пазар бил физички нападнат од Џ.А.(55) и Џ.А.(19), двајцата од Скопје, кои употребиле и тврд предмет.Пo целосно документирање на слуачите ќе следуваат соодветенти поднесоци.

Скопје | пред 1 година

Ако Собранието за шест месеци не го корегира Кривичниот законик, тоа ќе го прави Уставен

Уставниот суд донесе одлука да се поведе постапка за оценување на уставноста на Законските измени и дополнувања на Кривичниот законик, во целина.Дополнително, одлучено е Уставниот суд да испрати Известување до Собранието за сомнежите и сознанијата во овој предмет и да му даде рок од максимални шест месеци за да ги коригира спорните законски одредби.Судот во оваа фаза од постапката изрази сомнеж дека оспорениот акт е во спротивност со темелните вредности на уставниот поредок, односно дека е во спротивност со владеењето на правото уредено со членот 8 став 1 алинеја 3, како и дека не е во согласност со гарантираната уставна заштита за еднаквост на сите граѓани пред Уставот и законите, предвидена со членот 9 став 2 од Уставот.Судот смета дека под сомнеж може да се стави и материјалниот и формалниот аспект. Неспорно е дека Собранието има надлежност за нормирање на општествени односи, но во овој случај Судот се сомнева дека Законодавецот не водел сметка за уставно-правната реалност и последиците кои ќе настанат по донесувањето на овие законски измени, а се во насока на предизвикување на нееднаквост во казнената политика за сите граѓани.Уставниот суд изразува сомнеж и за формалниот аспект, односно за постапката на донесување на овој Закон, поради носење на измените во процедура во која се користи европско знаменце иако нема оправдана, деловничка цел за тоа.Согласно Актот на Судот, доколку Собранието не постапи по насоките за законски интервенции, Уставниот суд ќе премине во следната фаза од постапувањето, односно ќе се донесе конечна одлука, која може да има укинувачки или поништувачки карактер, во зависност од проценката на тежината на повредата.Судот го зема предвид фактот дека може да настане правна празнина и евентуални последици во отсуство на казнените одредби на кои би се повикале судиите во кривичните постапки, доколку се донесе конечна одлука во следната фаза, без да го извести Собранието и да побара интервенции и токму ова беше клучно да се одлучи прво да се обрати до Законодавниот дом кој е надлежен за интервенирање во законите.

Македонија | пред 1 година

Исти шеми, други жртви: Скопјанка платила 6.000 евра на лице кое лажно и дојавило дека ќерка и прегазила дете

На 11.02.2025 во 13.10 часот во СВР Скопје, 87-годишна жена од Скопје пријавила дека на 10.02.2025 била измамена од едно машко лице за сума од 6000 евра.Според пријавеното, лицето ѝ се јавило телефонски и ѝ кажало дека нејзината ќерка во Канада предизвикала сообраќајна несреќа во која прегазила дете и доколку не сакала таа да лежи во затвор требало да плати.Како што е пријавено, парите ги оставила на претходно договореното место. Се преземаат мерки за расчистување на случајот.

Македонија | пред 1 година

Скопјанец бил однесен со повреди на Клинички

На 11.02.2025 во 19.20 часот во СВР Скопје, од Комплексот клиники „Мајка Тереза“ било пријавено дека кај нив со тешки телесни повреди бил донесен И.И.(60) од с.Матка, скопско.Според пријавеното, тој се здобил со повредите додека извршувал работни задачи во фирма на подрачјето на Гази Баба.

Македонија | пред 1 година

Мицкоски: Коцевски не ја оправда довербата, доблесно ќе биде да се повлече

Претседателот на Владата на Република Северна Македонија, Христијан Мицкоски, одговарајќи на новинарското прашање за разрешување на Државниот јавен обвинител, истакна дека Љупчо Коцевски, имал доволно можност да се покаже како бескомпромисен борец за правдата и против оние случаи каде што има основано сомневање за сторен криминал, меѓутоа, како што рече довербата не ја оправдал.„Па, не би го коментирал него повеќе, јасно кажа Владата. Имаше тој, доволно можност да се размрда, да се покаже како бескомпромисен борец за правдата и против оние случаи каде што има основано сомневање за сторен криминал. Но, очигледно, дека барањето изговори и купувањето време се нечија карактерна особина. Така што мислам дека имаше тој доволно време да покаже, за жал, таа доверба не ја оправда и сега Владата отпочнува еден процес.“, изјави премиерот.Премиерот Мицкоски нагласи и дека чесно и доблесно би било Државниот јавен обвинител самиот да се повлече, со цел да се избере обвинител кој ќе работи против криминалот и корупцијата во државата.„Денеска бев во Парламентот, тој процес се започна во Парламентот, во Парламентот ќе заврши. Така што мислам дека чесно и доблесно од него би било да самиот се повлече и да го скратиме овој период, да можеме да избереме обвинител, кој што бескомпромисен борец ќе биде, против криминалот и корупцијата во Македонија.“, рече премиерот.

Македонија | пред 1 година

„Сложни попови и во петок мрсат“: пратениците не се откажуваат од вртоглаво големи суми за патни трошоци

Дел од пратениците кои земаа вртоглави суми на пари за патни трошоци, ќе можат да продолжат да го прават тоа. Пропадна обидот за намалување на сумите за патарини, гориво, амортизација на возилата. Левица не доби поддршка од владејачкото мнозинство. Левица поднесе предлог – законот за ограничување на патните трошоци, со цел трошокот да се намали на 6,5 литри гориво на поминати 100 километри (околу 500 денари).Тоа би значело ако некој пратеник патува дневно 200 километри во два правци ќе земе околу 1.040 денари, наместо 3.200 кои ги зема сега за 200 километри.„Честито нови милиони евра, колеги патриоти. Со здравје да си ги трошите“, напиша лидерот на Левица, Димитар Апасиев, откако предлог-законот за ограничување на патните трошоци за пратениците не беше усвоен и не беше ставен на дневен ред на денешната седница.Иако во собраниската сала имаше 100 присутни пратеници, „за“ гласаа 23 пратеници, еден беше „против“, а немаше „воздржани“. Со тоа предлогот на Левица не беше усвоен.Досега, јавноста беше сведок на исплати од илјадници евра за пратениците од другите градови кои патуваат за да се појават на седници.

Македонија | пред 1 година

Љупчо Коцевски со месеци штити поранешни функционери на СДС, обвинителството го претвори во нивна испостава, вели Петрушевски

„ЈО Љупчо Коцевски со месеци штити поранешни функционери на СДС, обвинителството го претвори во нивна испостава“, вели Бране Петрушевски, пратеник на ВМРО-ДПМНЕ и додава:МВР и другите институции покренаа десетици постапки, а реализацијата од ЈО е рамна на нула.Иако имаше шанса од неколку месеци, да покаже дека може да работи по закон, тој продолжи да биде послушник на СДС.Граѓаните со право се разочарани од обвинителството и судството. Љупчо Коцевски, како шеф на ЈО целосно се фрли во заштита на поранешните функционери на СДС и нивни блиски лица.Дека ЈО не работи како што треба и какви што се очекувањата, говори и последниот извештај на Транспаренси, во кој дури 4 точки се однесуваат на состојбите во обвинителството и судството.Љупчо Коцевски како шеф на ЈО не направи ништо да се зголеми ефикасноста во постапките.ЈО водено од Љупчо Коцевски се стави во целосна заштита на функционери на СДС и нивни блиски лица, кои со години ја крадеа државата.Дополнително Љупчо Коцевски спроведуваше класично незаконие, како последното поставување на вршител на должност шеф на Вишото јавно обвинителство во Скопје, одлука која е незаконска, односно надвор од одредбите пропишани во Законот за јавното обвинителство.Љупчо Коцевски како и неколку негови претходници се покажаа како големо разочарување пред се за граѓаните, а потоа и за самата институција.

Македонија | пред 1 година

ЗНАМ нема да поддржат намалување на патните трошоци како што бара Левица, ниту кажаа конкретен став дали се високи или ниски

Пратениците од движењето ЗНАМ на Максим Димитриевски, нема да гласаат за намалување на патните трошоци. Тие сметаат дека Левица прави популизам, со оглед дека со законското решение е само сопствена промоција.„Пратениците од ЗНАМ не наплаќале и нема да наплаќаат патни трошоци. Само еден колега има добиено 30.000 денари, за амортизација, гориво, патарини. Нашиот став за предлогот на Левица, останува принципиелен, ќе ги игнорираме сите предлози чија единствена цел е популизам и креирање на театар за секоја тема. Отворени сме за конструктивен процес на преговори, за сите прашања, со сите пратенички групи, за да се дојде до најдобро решение“, рече Даниела Белимова, пратеник од ЗНАМ.Според неа, Левица не е решение на проблемот туку таа создава проблеми. На прашањето дали лично смета дека патните трошоци треба да се намалат, Белимова рече: „Ние секој предлог го прифаќаме, како пратеничка група да седнеме на маса со другите пратенички групи, да договориме општо прифатливо“. На прашањето што е тоа „општо прифатливо“, дали се ниски или високи патните трошоци, таа немаше одговор и го повтори истото: „Кога ќе седнеме на маса, ќе изнајдеме решение“.

Македонија | пред 1 година

Екссоветничката на Заев уште не знае дали ќе поднесе оставка од Судскиот совет по интерпелацијата

Членот на Судскиот совет, Тања Чачарова-Илиевска ја примила интерпелацијата и најави дека ќе одговори на истата. Немаше конкретен одговор дали ќе понесе оставка, бидејќи интерпелацијата не го наложува тоа, но доколку се изгласа недоверба тоа ќе значи дека тие кои ја избрале веќе не сметаат дека треба да биде дел од највисокото судско тело.„Ја примив интерпелцијата вчера, за став не сум подготвена сега. Ја прочитав, но немав можности за добро да ја разгледам. Тоа што ми падна во очи дека тоа не е за интерпелација на Тања Чачарова-Илиевска на Судскиот совет, него упатува за интерпелација на Судскиот совет. Упатува на колективна одговорност. Јас кажувам дека одговорноста мора да биде индивидуална иако Судскиот совет е колективно тело. Ние сите гласаме, и зависно на секој засебен глас се носи одлуката“, рече Чачарова-Илиевска.„Сметам дека добро треба да анализирам, па тек тогаш ќе имам одговор на вашето прашање за оставка“, рече Тања Чачарова-Илиевска.При назначувањето на Чачарова-Илиевска, тогашниот претседател на ВМРО-ДПМНЕ, Христијан Мицкоски, реагираше дека таа е финансиер на СДСМ, советник на Заев и владин член на бордот на Телеком.[caption id="attachment_321665" align="alignnone" width="1135"] Screenshot[/caption]

Македонија | пред 1 година

Кампања на Mozzart  „Повеќе од гол” – Филип Кузмановски ја намени донацијата за Детската клиника во Скопје

Лидерот во приредување игри на среќа, не престанува со реализација на добри дела и се повеќе ја зацврстува лидерската позиција во хуманост.Една од поголемите хуманитарни акции кои ги организира и реализира Mozzart е кампањата „Повеќе од гол” каде компанијата овојпат донираше по 5000 денари за секој погодок на македонската ракометна репрезентација на СП 2025.Годинава нашите ракометари постигнаа вкупно 181 погодок, со што собрани беа 905.000 денари.Амбасадор на кампањата е капитенот на македонската репрезентација Филип Кузмановски кој одлучи средствата да бидат донирани во Детската клиника во Скопје, односно во Одделот за цистична фиброза.„Среќен сум што имав можност да бидам дел од оваа кампања чија главна цел е хуманост. Без размислување одлучив средствата да бидат донирани на детската клиника, во Одделот за цистична фиброза. Се надевам дека оваа донација ќе им биде од големо значење”, изјави Филип Кузмановски.Најголемото задоволство и благодарност дојде од директорот и вработените во Одделот за цистична фиброза.„ Благодарност до македонските ракометари, компанијата Mozzart и капитенот Филип Кузмановски за средствата кои ќе ги донираат на Одделот за цистична фиброза, со што ќе добиеме соба за физикална терапија. Се надеваме дека и во иднина со вакви донации ќе продолжат да ги топлат нашите срца” , изјави Доц. д-р Валентина Цвејоска Чолаковска, Раководител на Одделот за цистична фиброза.Традиционалната кампањата „Повеќе од гол” ќе овозможи Одделот за цистична фиброза на Детската клиника во Скопје да добие целосно нова и опремена просторија за физикална терапија.„ Со задоволство помагаме на докторите и пациентите. Нивната искрена среќа и благодарност нема цена. Токму затоа продолжуваме да чекориме по истиот пат и во иднина. Хуманоста била и ќе остане заштитен знак на Mozzart” , изјави Ивана Стефановска Крстевска од Mozzart. Кампањата „Повеќе од гол” се реализира трета година по ред. Благодарение на оваа хуманитарна акција, Mozzart до сега помогна за лекување на малолетно дете, реконструиран беше дневниот центар за деца со посебни потреби во Крушево, а годинава Одделот за цистична фиброза ќе ја добие долгопосакуваната просторија за физикална терапија. Реализацијата на хуманитарни акции продолжува и натаму.(пр)

Македонија | пред 1 година

„Црната листа“ на УЈП: еве кои се фирми должат на државата, над 5 илјади должници се истите од минатиот период

Управата за јавни приходи ја објави листата на должници. Листата ги опфаќа долговите доспеани до 31.10.2024 и неплатени до 31.01.2025.Вкупниот број на должници објавени на оваа листа изнесува 5,705. Нивниот вкупен долг е 11,053 милиони ден.Од претходната листа бр. 01/2025, се повторуваат 5,567 должници, од кои: 3,158 должници имаат зголемен долг за 137,5 милиони денари. 271 должници имаат намален долг за 159,4 милиони денари. 2,138 должници имаат непроменет долг“, објави директорката Елена Петрова.На листата се објавени нови 138 должници, со вкупен долг од 93 милиони денари. За нив, УЈП при следна објава ќе даде информации за преземени мерки за наплата.„309 должници од Листата бр. 01/2025, со вкупен долг од 349,7 милиони денари, не се наоѓаат на Листата бр. 02/2025. За првпат, на Листата бр. 02/2025 се објавени информации за преземени мерки за наплата кај 100 даночни должници. ⚖️ Ова не се смета за даночна тајна според Законот за даночна постапка и додава дополнителна транспарентност на Листата“, додава Петрова.[pdf-embedder url="https://skopje1.mk/wp-content/uploads/2025/02/08-1179-1_Lista_na_dolznici_br.02_10.02.2025.pdf"]

Македонија | пред 1 година

Пред пратениците можност за намалување на патните трошоци; „Земаат вртоглави суми, а не донираат за болни дечиња“, пишува доктор Лазаров

Пратеникот Димитар Апасиев од Левица објави дека денеска е денот „Д“ за ограничување на патните трошоци кои ги земаат пратениците, а докторот Ненад Лазаров објави дека досега ниту еден пратеник не донирал пари за лекување на деца преку платформата „ECrowd.mk“. Двете работи се врзуваат со тема која со години ја фрустрира јавноста, со оглед дека илјадници евра народни пари се исплаќаат за народните избраници да можат да одат од дома до работа и назад.„Според сегашната манипулативна методологија, за секои извозени 100 km пратениците наплаќаат по околу 1.700 денари на име "ПАТНИ ТРОШОЦИ" + патарини. Ние предлагаме овој трошок да се намали на 6,5 литри гориво на поминати 100 km (што би било околу 500 денари). Денес е денот Д. Да видиме како ќе се изјаснат пратениците на пленарната седница закажана во 11:00 часот...“, напиша Апасиев.Вчера пак, докторот Ненад Лазаров ги просва пратениците за кои рече дека земаат вртоглави суми за патни трошоци, дали им е брука да вртат глава на страна кога има апели за помош.„Ниеден пратеник од Собрание на Република Северна Македонија до сега нема донирано за болните дечиња за кои Фондација ECrowd.mk се бори заедно со родителите и народов! Гледам сега вртоглави суми за патни трошоци се земаат и понатака, добро бе, нели ви е само малку барем срам на сите до еден, познати и непознати, илјадници евра да искеширате, нели ви е брука глава да вртите на апели за помош? 4 години возиме бесплатни домашни посети низ Скопје, исто така еден денар поддршка и помош, 5 литри бензин да помогневте и 2 завои, каква ви е таа душа а сигурно секојдневно ги гледате апелите за донации? И треба ли од такви ко вас да очекуваме дека за народ се грижите? Јас ќе ви кажам, срам ми е од секој еден од вас“, напиша Лазаров.

Македонија | пред 1 година

Средношколки прегазени од мотоцикл во Скопје - семејството: Возачот свесно не закочил

Две средношколки биле прегазени од мотоцикл додека оделе кон училиште минатиот вторник, сведочи семејството на едно од девојчињата за „Скопје1“. Тие посочуваат дека мотоциклот свесно не закочил, а не им укажал ниту помош. Според сведочењето на девојчињата, помош им укажале лица кои се движеле со камионче. За кратко, лицето со мотоциклот се вратило, па и кажало на прегазените дека можат да се договорат, да не помислуваат да викнат полиција. Девојчињата со Брза помош биле однесени во болница. Настанот се случил кај Цементара во правец кон средното училиште „Марија Кири Склодовска“.Ирена Стојчевска, мајка на една од средношколките раскажа што се случило и на што се сомневаат.„Тој што го возел моторот и бил позади нив свесно не закочил и удрил во нив по што не им укажал помош и си продолжил.Девојчето е со огромни болки модрици и рани, контузии користејќи цело време Бруфени за да се ублажат болките. Полицијата ги пронашла двете момчиња и ги идентификувала. Интересно е дека патеката која има сообраќаен знак за велосипеди во поголем дел е единствена патека. Над неа има патека за пешаци која по стотина метри завршува како влез во зграда, а долу на патот останува една заедничка тесна патека која е и единствен тротоар и патека за велосипед. При што од полицијата е укажано дека смее да се движат мотори од 50 кубика, а тоа е единствен тротоар на кој што може да се движат и пешаци“, вели Ирена Стојчевска, мајка на едно од девојчињата.„Скопје1“ побара став и од МВР, од каде велат дека направиле увид на местото и составиле записник.„Во врска со вашето прашање околу случена сообраќајна незгода од 04.02.2025 година на булеварот „Србија“ во Скопје ве информираме дека од страна на ОУСН при СВР Скопје е извршен увид на лице место, односно од страна на полициски службеници биле превземени сите увидни дејствија. Воедно, поднесено е и писмено известување до ОЈО-Скопје и во понтамошната постапка ќе следи соодветна пријава по комплетирање на целокупниот увиден материјал“, велат од МВР.Мајката посочува дека револтот кај нив е голем од причина што девојчињата се удрени и никој не чувствува вина за настанот.„До кога вака малолетниците ќе дивеат по скопските улици и тротоари и прашањето ми е дали требаше некој да биде жртва во ситуацијата за да се преземаат соодветни мерки против сторителите?“, прашува мајката Стојчевска.Семејството и само водело истрага, па успеало да стигне и до лицата за кои се сомневаат дека биле на мотоциклот. Оттука, се наметнува можноста, тие да се и малолетни.

Скопје | пред 1 година

Потпишана спогодбата за либерализација на билатералниот транспорт и транзит на стока со Украина

Заменик претседателот на Владата и министер за транспорт Александар Николоски, денеска оствари видео конференциска врска со Олекси Кулеба, заменик претседател на Кабинетот на министри на Украина.Двајцата потпретседатели во име на владите на двете земји го потпишаа Протоколот за измена на Спогодбата меѓу Македонија и Украина за меѓународниот патен превоз на патници и стока.Со измените на Спогодбата се предвидува, двете земји да воведат либерализација за билатералниот и транзитниот превоз во меѓународниот патен превоз на стоки, односно истиот да се одвива без дозволи.Дополнително, превозниците од двете земји да можат да вршат превоз за/од трети земји врз основа на дозволите што ги разменуваат Македонија и Украина во реципроцитет на годишна основа.Во однос на билатералниот и транзитен превоз со евро стандард 2, останува да се врши согласно разменетите дозволи исто така на годишна основа.Двете страни ја изразија подготвеноста за унапредување и развој и на превозот на патници.Вицепремиерот Николоски истакна дека овие измени се во духот на одличните пријателски односи меѓу Македонија и Укрaина, пред се за зголемување на економската соработка, како и намалување на административните бариери во превозот на добра и патници.Исто така, вицепрeмиерот Николоски ја истакна силната подршка на Владата и македонскиот народ кон Украина и украинскиот народ, потенцирајќи ја подготвеноста за давање на континуирана помош.Во својот меѓусебен разговор двајцата потпретседатели ги потврдија одличните односи меѓу двете земји, со заложба истите да се продлабочат во време кога за Укрaина следи период на опоравување од воениот конфликт.Вицепремиерот Николоски во своето обраќање заклучи дека Македонија како земја членка на НАТО е рамноправен партнер во евроатланските процеси со што даваме силен придонес кон обезбедување на светскиот мир и безбедност.

Македонија | пред 1 година

(Видео) Албанскиот премиер удри со тупаница на маса за време на преносот во живо и пцуеше

Албанскиот премиер Еди Рама во еден момент ги загуби нервите за време на директниот пренос на неговиот говор на социјалните мрежи вчера и почна да удира по масата. Снимката брзо стана вирална.За време на преносот, Рама го коментираше апсењето на неговиот близок соработник, градоначалникот на Тирана, Ерион Вељијај.„Тој беше отстранет од функцијата без судење, затворен во ќелија, а Тирана остана без лидер“, рече Рама.Градоначалникот на Тирана вчера беше приведен од полицијата врз основа на истрагата што против него беше покрената минатата година. Тој е осомничен за корупција, поточно за кривично дело „пасивна корупција на високи државни функционери или избрани локални функционери“.Рама во еден момент се фати за глава, ја тресна со раката на масата и ја покри камерата со прстите. Неколку пати се слушна како пцуе.Рама потоа повторно се приклучи на емисијата во живо.„Многу ми е драго што тој момент остана на Инстаграм затоа што тоа е момент кој ги дели оние кои се тука со душа, оние кои се тука со своето срце, оние кои се тука исто толку колку и оние тренери на белата линија кои го бодрат тимот, кои се борат за тимот, кои се удираат со тупаници во глава кога тимот не постигнува гол...

Свет | пред 1 година

Маск: Федералните работници се неуставна гранка на власта, тие се помоќни од претседателот.

Елон Маск се појави во Овалната соба на американскиот претседател Доналд Трамп, каде пред новинарите ги бранеше потезите на администрацијата на Трамп во федералната влада и ограничувањето на трошоците.Нивното заедничко појавување дојде кога Трамп потпиша извршна наредба со нови насоки за федералните агенции за спроведување на иницијативата на Одделот за владина ефикасност (DOGE), за која Маск и Трамп велат дека има за цел да ги намали прекумерните владини трошоци.Трамп изјави дека DOGE веќе откри „милијарди и милијарди долари потрошени пари, измами и злоупотреба“, додавајќи дека конечната проценка може да достигне „близу трилион долари“. Сепак, ниту Трамп ниту Маск не објаснија како стигнале до овие бројки.Наредбата на Трамп поставува нови детали за соработката на владините агенции со DOGE за намалување на големината на федералната работна сила и ги повикува лидерите на агенциите „навремено да започнат со подготовки за масовни намалувања на вработените“. Наредбата не прецизираше колку работни места ќе бидат укинати.Тој, исто така, поставува нови упатства за вработување во кои се наведува дека секоја агенција може да вработи по еден нов вработен на секои четворица што ќе ја напуштат својата работа. Менаџерите на агенцијата мора да се консултираат со „Водачот на тимот на DOGE“ пред да одобрат вработување.Овие измени не се однесуваат на воениот персонал, а исклучоци се предвидени за позиции поврзани со „националната безбедност, домашната безбедност и јавната безбедност“.Трамп и Маск одговорија на голем број критики во врска со DOGE, вклучително и прашања за тоа дали нивната иницијатива бара одобрение од Конгресот и дали администрацијата ќе ги почитува судските одлуки против иницијативата.Федералните судови веќе го блокираа DOGE да пристапи до чувствителни информации во рамките на Министерството за финансии. Во посебна пресуда, федерален судија во Род Ајленд рече дека администрацијата целосно не ја почитувала забраната за суспендирање на плаќањата за одредени програми.Маск на конференцијата се појави во црн капут со црна капа на главата со натпис „Make America Great Again“, а придружуван од неговиот петгодишен син X, кој дел од времето го држеше на рамениците.Запрашан за критиките дека има преголема моќ над владата, тој одговори: „Народот гласаше за големи владини реформи и тоа ќе го добијат“.„Тоа е суштината на демократијата. Целосно очекувам да бидам критикуван. Не е дека мислам дека можам да се извлечам од било што. Она што го правиме се мерки на здрав разум кои не се драконски или радикални“, додаде тој.Одговараше и на прашањето за судските оспорувања против DOGE, Трамп призна дека ќе ги почитува одлуките на судиите.„Секогаш се придржувам до судските одлуки. Секогаш. И ние ќе се жалиме“, рече Трамп.

Свет | пред 1 година

Вечерва во „Претрес“: Семејството на загинатата Викторија кај „Сити мол“ за правната голгота и осудениот Ацо за „27 април“

Во денешниот „Претрес со Ландов“, во живо:Славе Николов, татко на загинатата Викторија кај „Сити мол“ ќе зборува за правната голгота и казната под законскиот минимум којa ја доби возачот што на пешачки го прегази младото девојче.Отвораме и втора тема - 27 април. Александар Јаневски, познат како Ацо Тошта, осуден за обид за убиство на пратеникот Зијадин Села при упадот во Собранието ќе зборува за случајот, до каде е ослободувањето, за пресудата..Среда, 20 часот, во живо на јутуб-каналот prvatvmk (https://www.youtube.com/@prvatvmk/)

Македонија | пред 1 година