Кој е Љупчо Коцевски кој завршил Правен на 32 години, а Владата сака да го смени по само една година мандат?

Владата не мисли дека државниот обвинител Љупчо Коцевски, кој на 32 години дипломирал на Правниот факултет, добро го научил или применува правото.Иако беше очекувано неговото предвремено збогување со функцијата, Коцевски самоуверено настапуваше дека со неговиот избор за државен обвинител работите тргнале на подобро.Коцевски минатата година ги исполни условите за заминување во пензија бидејќи наполни 64 години. Доколку помине процедурата за разрешување која ја иницираше Владата и гласаат најмалку 61 пратеник, Коцевски заминува во пензија бидејќи нема да има право на апанажа.Кој е Љупчо Коцевски? Од адвокат директно во Вишо, па во Државно обвинителство.Еве што стои во неговата биографија:Јавниот обвинител на Република Северна Македонија Љупчо Коцевски е роден на 01.08.1960 година во Тетово.Дипломира на Правниот факултет при Универзитетот „Св. Кирил и Методиј“ – Скопје во 1992 година, а во 1994 година положил правосуден испит.Од 1995 до 2008 година работел како адвокат во Тетово. Во обвинителството е од 05.11.2008 година, кога е избран за јавен обвинител во Вишото јавно обвинителство Гостивар. Во текот на обвинителската кариера, Коцевски бил член на Управниот одбор и на Комисијата за полагање завршен испит на Академијата за судии и јавни обвинители „Павел Шатев“, член на Извршниот одбор на Здружението на јавните обвинители, како и член на работни групи за подготовка на повеќе закони.На 18.01.2022 година Советот на јавните обвинители го избра за јавен обвинител во Јавното обвинителство на Република Северна Македонија.Во републичкото јавно обвинителство е раководител на Одделението за мета податоци и мерки за следење на комуникациите и претседател на Комисијата за утврдување дисциплинска одговорност на јавен обвинител во вршење на јавнообвинителската функција.Собранието на Република Северна Македонија на 13.02.2024 година го именуваше Коцевски за Јавен обвинител на Република Северна Македонија.

Македонија | пред 1 година

Масовен балистички напад на Киев, станбени згради горат во метрополата: „Вака Владимир Путин сака да ја заврши војната!“

Во раните утрински часови, руската војска извршила ракетен напад врз Киев, објавија украинските власти, а пренесува Ројтерс.„Вака Путин сака да ја заврши војната. Русија изврши ракетен напад врз Киев и неговата околина“, објави Андриј Јермак, началник на кабинетот на украинскиот претседател Володимир Зеленски. Градоначалникот на Киев Виталиј Кличко изјави дека најмалку едно лице загинало во нападот, а избувнале и неколку пожари во станбени и нестанбени згради. Меѓу повредените има и деветгодишно дете.Во раните утрински часови во средата, руската војска извршила ракетен напад врз Киев, објавија украинските власти, а пренесува Ројтерс. Лицето кое загина е убиено во областа Оболонски, објави на Телеграм, Државната служба за вонредни состојби (СЕС) на Украина. СЕС додаде дека уште едно лице е повредено во областа и дека се уништени две деловни згради - од кои едната се запалила.Предупредувањето за воздушен напад се појави само на самиот почеток на нападот, што сугерира дека украинската одбрана не можела навреме да го открие нападот со радар. Сè уште не е официјално познато кои проектили употребила руската војска во оваа прилика.

Свет | пред 1 година

Мицкоски му сплете „свилен гајтан“: Љупчо Коцевски на пат да биде државен обвинител со најкраток мандат

Љупчо Коцевски од функцијата државен јавен обвинител, најверојатно ќе се збогува за нецела година откако е избран, наместо за шест години колку што му трае мандатот. Иако секогаш во одбрани медиуми, милуваше да каже: „Јас како државен обвинител“, или: „Откако јас сум државен обвинител“, па да се пофали дека многу работи, од транспарентност до ефикасност, сепак изгледа ќе биде државен обвинител кој бил најкратко ја извршвувал највисоката фиункција во хиерархијата на Обвинителството.Иако со некои потези се обиде да и угоди на Владата, таа сепак одлучи да отпочне активности за разрешување на државниот обвинител Љупчо Коцевски.Постапката за предвремено разрешување е регулиран со Законот за јавно обвинителство од 2020 година и како што стои во одредбите треба да спречи политизација во изборот и разрешување на првиот обвинител. Законот предвидел: Владата на Република Македонија, по претходно прибавено мислење од Советот на јавните обвинители на Република Македонија, до Собранието на Република Македонија да поднесе предлог за разрешување на Јавниот обвинител на Република Македонија.Јавниот обвинител на Република Македонија се разрешува од функцијата јавен обвинител пред истекот на мандатотво следните случаи:– поради тешка дисциплинска повреда од членот 91 алинеи од 1 до 6 од овој закон ако повредата е сторена со намера или очигледна небрежност по вина на Јавниот обвинител на Република Македонија, без оправдани причини и ако повредата предизвикала тешки последици или ако е член во политичка партија.Иницијатива за разрешување на Јавниот обвинител на Република Македонија може да поднесе Советот на јавни обвинители на Република Македонија, во која ќе ги наведе причините, околностите и фактите од кои се раководел за поднесување на иницијативата.Владата на Република Македонија предлогот за разрешување на Јавниот обвинител на Република Македонија го доставува до Советот на јавни обвинители на Република Северна Македонија, кој е должен во рок од 15 дена од денот на приемот на предлогот, до Владата на Република Северна Македонија да достави образложено позитивно или негативно мислење во писмена форма.На седницата на Советот на јавни обвинители на Република Македонија на која се расправа по предлогот на Владата на Република Северна Македонија за разрешување на Јавниот обвинител на Република Северна Македонија не учествува Јавниот обвинител на Република Северна Македонија.Јавниот обвинител на Република Македонија има право писмено да се произнесе по предлогот за разрешување.Владата со предлогот за разрешување задолжително го доставува до Собранието на Република Македонија и мислењето.Ако Советот на јавни обвинители на Република Македонија од оправдани причини во определениот рок не достави мислење до Владата рокот се продолжува за уште 15 дена. Ако и во овој рок Советот на јавни обвинители на Република Македонија не достави мислење, се смета дека не го поддржува предлогот на Владата.Јавниот обвинител има право да присуствува на седницата на Собранието и да се произнесе по предлог на Владата за негово разрешување.Како тешки дисциплински повреди кои се основ за предвремено разрешување се сметаат намерно или неоправдано правење на крупни професионални грешки, било каква судска пресуда и затворска казна помала од 6 месеци, потоа за дело сторено како обвинител, неизземање во случаи кога требало да се изземе од постапување, издавање на класифицирани информации од истрага и од судења, недолично донесување и кршење на јавен ред и мир, неподнесување изјава за имотна состојба.Владата по само еден ден од самопофалбите на Коцевски во интервју за „Алфа“, соопшти дека аргументите за отпочнување на постапката за разрешување на Коцевски се последниот извештај за Индекс на перцепција за корупцијата за 2024-тата година и назначувањето на вршител на должност на раководител на скопското Вишо Јавно обвинителство, чии раководител и заменик раководител се суспендирани поради истраги и постапки за законско прекршување, кои според Владата се незаконски.

Македонија | пред 1 година

Костозглобна во Охрид ќе биде реконструирана и ќе добие ново крило

На денешната седница на Влада се донесе одлука за реконструкција и изградба ново крило на болницата „Св. Еразмо“ - Костозглобна во Охрид.„Со денешната одлука предвидени се 2 милиони евра за оваа намена и со ова исполнуваме уште едно ветување.Св.Еразмо - специјална болница за ортопедија и траумотологија е од огромно значење за жителите на општините Охрид, Струга, Вевчани, Дебар, Ресен, а се вршат и посложени медицински операции за жителите од цела Македонија.Продолжуваме посветено во сите сегменти и продолжуваме со уште поголеми проекти!“, објави министерот за транспорт, Александар Николоски.

Охрид | пред 1 година

Владата со одлука како да се намалат цените низ маркетите

Портпаролката Марија Митева кажа дека Владата расправала за високите цени во маркетите. Наскоро ќе има нова маржа, со која, треба да се намалат цените кај голем дел од производите.„Одлука за 10 процентно ограничување на маржата за трговија на мало и големо на основните прехрамбени производи, на истите 73 групи на производи кои беа во претходните кошници. Но истата да се дополни со средствата за хигиена како што се детергентите, но и со бебешка храна и други непрехрамбени производи кај кои има голема маржа. Очекуваме да бидат вклучени над 100 групи на производи. Оваа мерка се очекува да трае од нејзино донесување, што ќе биде бргу од денеска, се до 30.04“, рече Митева.Задолжено е и Министерството за економија да одржи состанок со инспекторатите кои ќе предложат решенија за да трајно се реши овој проблем.

Македонија | пред 1 година

Убиениот Хебиб е син на поранешен функционер на ДУИ

Лицето кое загина вчеравечер на територија на Чаир е Хебиб Буњаку, син на Екрем Буњаку кој е ексфункционер на ДУИ, а сега вработен во Општина Чаир, кој во 2013 година беше и директор на Државната техничка инспекција. Пријателите на Хебиб се простуваат од него на социјалните мрежи.„На Аллах му припаѓаме и само на Него ќе се вратиме! Хебиб Буњаку, најдобриот син на нашето маало во Серово, познат по широкото пријателство низ фудбалот, и по многу други атрибути, почина и Хебиб беше син на Екрем Буњаку. Како соседи кои ги делеле истите неволји во едно маало и во знак на почит, изразувам сочувство до чичко Екрем и целото негово семејство! Бог да ви даде трпение, а Аллах да му даде на Хабиб највисоките чинови од Неговиот Рај“, се вели во една од објавите.[caption id="attachment_321584" align="alignnone" width="753"] Screenshot[/caption]Од него се прости и фудбалскиот клуб „Футсал Скопје“.„Со скршено срце и длабока болка ја примивме веста за смртта на нашиот поранешен играч, нашиот пријател Хебиб Буњаку. Извонреден човек, кој зад себе остави незаборавни спомени за сите што го познаваа. Нашето најискрено сочувство до неговото семејство, пријателите и сите оние кои имаа среќа да го запознаат. Аллах да ве помилува!“, стои во нивната објава.[caption id="attachment_321590" align="alignnone" width="715"] Screenshot[/caption]Повреденото лице со две прострелни рани е Аритон Далишта, кој е задржан на лекување но е вон животна опасност.Деталите од МВР: 

Коментари | пред 1 година

Караница за сообраќај резултирала со вадење пиштоли и убиство во Чаир

Недоразбирање во сообраќај е причината за расправијата во Чаир. По караницата, почнало пукањето. Неофицијално, според дел од медиумите, кавгата поточно била за паркинг место.Во пукањето, Хебиб Буњаку, син на Екрем Буњаку кој е ексфункционер на ДУИ, бил погоден со еден куршум што го усмртил на лице место. Другото лице, има две прострелни рани, но не е во животна опасност. Има и трето повредено лице кое е на лекување на Комплексот клиники „Мајка Тереза“.Пукањето се случило на полноќ.

Македонија | пред 1 година

Снимки од видео надзор го снимиле убиството на ексфункционерот на ДУИ - собрани се доказите

Дежурен јавен обвинител од Основното јавно обвинителство Скопје изврши увид на лице место во скопската општина Чаир, каде во оружен инцидент ноќеска беше убиено едно лице, а две беа повредени.„Според првичните сознанија, во престрелката учествувале повеќе лица, а од местото на настанот се подигнати траги и чаури кои ќе бидат предмет на вештачење. Обезбедени се и снимки од видео надзор кои се прегледуваат. Исто така, издадена е наредба за обдукција на телото на починатиот, а се работи на целосно испитување на настанот и утврдување на причините“, велат од Обвинителството.

Македонија | пред 1 година

Герасимовски: Очекувам во најкус рок иницијативата за вандализмот да се преточи во закон, барам поддршка од сите пратеници

Градоначалникот Горан Герасимовски очекува иницијативата за вршење општокорисна работа на малолетниците кои вандализираат во најкус можен рок да се преточи во закон, со цел да се намалат ваквите девијантни појави во општините.„Очекувам во најбрз рок нашата иницијатива да се преточи во закон, барам поддршка од сите пратеници да ги поддржат новите законски измени за да може да го спречиме вандализмот во општините. По доставувањето на иницијативата од страна на ЗЕЛС до Владата очекувам ресорните министерства да предложат измени на законите што ќе се донесат по брза постапка во Собранието. Вандализмот е проблем кој мора сите ние заеднички, меѓуинституционално да го решаваме. Еве повторно, гледаме вандализам во центарот на градот, кај „Жена парк - Борец“ кадешто се скршени и откорнати клупи со расфрлан отпад. Ова мора да го стопираме“, вели Герасимовски.Иницијативата на Општина Центар беше едногласно прифатена на последната седница на Управниот одбор на ЗЕЛС и со неа се предвидува да се направат измени на постоечките законски решенија како Законот за прекршочна постапка, Законот за пробација и Законот за правда за децата. Овие измени ќе донесат позитивни резултати кај малолетните вандали.Во многу европски земји како Велика Британија, Луксембург, Шведска, мерката за општокорисна работа на малолетници кои вандализираат се покажала ефикасна за ресоцијализација на младите, едукација за вредностите како одговорност и почитување на јавните простори.

Скопје | пред 1 година

Убиство во Топанско: едно лице однесено мртво во болница, а второто е погодено со два куршуми и преживеал

Едно лице е убиено вчеравчер во Топанско поле во Скопје, а друго е повредено но во сатбилна состојба. Од Универзитетската клиника „св. Наум Охридски“ за „Скопје1“ велат дека кај нив, двете лица биле донесени на полноќ.„На полноќ се донесени двајца пациенти, едниот без знаци на живот. Другиот со две прострелни рани, едната во лумбална регија, другата во подлактица и е во стабилна состојба“, вели доктор Ристо Пејков од „св. Наум Охридски“ за „Скопје1“.Пријава до МВР дошла докму од болницата. Детали се очекуваат.ДОПОЛНЕТО:

Македонија | пред 1 година

Детали за пукањето во Топанско: Двајца повредени, еден загинат, тројца уапсени

Маж на возраст од 35 години е лицето кое почина откако кон него било пукано на подрачјето во Чаир, велат од МВР. Второто лице кое било со загинатиот, е исто така повредено но во стабилна состојба. И трето повредено лице побарало лекарска помош во Комплексот клиники „Мајка Тереза“. За настанот има повеќе уапсени лица.„На 11.02.2025 во 00.06 часот во СВР Скопје, од Градската општа болница „Св. Наум Охридски“ било пријавено дека кај нив со повреди од огнено оружје биле донесени Х.Б.(35) и А.Д.(35), двајцата од Скопје, и дека подоцна Х.Б. починал, а над А.Д. била извршена интервенција и бил задржан на лекување. По преземени мерки било утврдено дека тие претходно учествувале во вооружена престрелка на подрачјето на Чаир. Поради повреди од огнено оружје, во Комплексот клиники „Мајка Тереза“ бил пренесен и Н.Д. од Скопје.Исто така, по преземени мерки, а поради сомнение дека учествувале во престрелката, полициски службеници од СВР Скопје околу 01.40 часот во болницата го лишиле од слобода Б.Б.(39) од Скопје, на подрачјето на Чаир го лишиле од слобода Н.Д.(22) од Скопје, додека, подоцна биле пронајдени и лишени од слобода Р.Р.(41) и К.Т.(28), двајцата од Скопје. Лицата биле задржани во полициска станица и по целосно расчистување и документирање на случајот, ќе бидат поднесени соодветни пријави“, велат од МВР.

Скопје | пред 1 година

Ѓорѓиевски: Средствата од Владата наменети за општините мора да се реализираат, проектите се од интерес за граѓаните

На синоќешната дебатна емисија „24 анализа“ на ТВ 24, градоначалникот на Кисела Вода, Орце Ѓорѓиевски го изнесе својот став околу новиот повик од Владата за општините, во кој се предвидуваат 250 милиони евра за капитални проекти со кој ќе се олесни животот на граѓаните.„288 проекти за 78 општини, беа спроведени преку повикот. За разлика од многупати во минатото, ова беа исклучително капитални проекти за подобрување на условите на нашите сограѓани во сите општини во нашата држава. За жал две општини само не добија на минатиот повик, не по вина на Владата, туку по нивна вина средства. Во рамки на истото, минатата недела имавме седница на управниот одбор на ЗЕЛС, пративме допис до сите градоначалници, наши колеги, но и јас јавно повикував, доколку некој има потреба да помогнеме околу документација“, истакна Ѓорѓиевски и додаде дека многу проекти ќе бидат решени во интерес на граѓаните со овие капитални проекти.Градоначалникот на Општина Кисела Вода, напомена дека може да дојде до одредени пролонгирања на проектите, од објективни причини, меѓутоа проектите мора да се завршат бидејќи како што тој напомена, парите се веќе обезбедени за истите.„Штом Владата, односно ресорното министерство, потпишало договор со општината, тие средства мора да се реализираат и тој проект мора да се реализира. Дали динамиката ќе биде наместо 3 месеци, да биде 6 месеци, година дена или две години, штом е потпишан договорот нема назад од тоа. Мене ми е многу драго што сите имаат потпишано договори“, изјави Ѓорѓиевски.

Скопје | пред 1 година

Камен ладно утро, снег ќе има во западна и југозападна Македонија

Денешното утро во Македонија повторно донесе многу ладно време, со температури на воздухот кои насекаде се спуштија под нулата. Меѓутоа, од запад полека облачноста се зголемува.На метеоролошката карта можете да ги погледнете денешните минимални утрински температури измерени во Македонија. Може да се види дека најладно утрово до 7 часот беше во Берово, со измерена температура од -10 степени.Снежната покривка на Скијачките центри изнесува 31 сантиметар на Попова Шапка и 13 сантиметри во Маврово. Во следните часови, како и утре (среда 12 февруари) особено во западните, а најмногу во југозападните предели ќе има локални врнежи кои ќе бидат претежно од снег, а само во дел од градовите врнежите ќе бидат од дожд и од снег. Врнежите ќе бидат со слаб до умерен интензитет.Снежната покривка на планините, секако, вклучувајќи ги и Скијачките центри ќе се зголеми. Истата ќе се прошири и во повисоките населени места, а мала снежна покривка можно е да се формира и во дел од градовите во западна и во југозападна Македонија.

Македонија | пред 1 година

Трамп бара 500 милијарди долари во ретки метали за да ја продолжи поддршката за Украина

Поддршката на САД за Украина има цена: 500 милијарди долари минерални ресурси, изјави американскиот претседател Доналд Трамп. Во вториот дел од интервјуто за Фокс њуз, емитувано доцна вчера, Трамп рече дека САД треба да добијат дел од огромните природни ресурси на Украина како компензација за стотиците милијарди долари што ги потрошиле помагајќи му на Киев да се спротивстави на руската инвазија.„И реков на Украина дека сакам метали од ретки земји во вредност од 500 милијарди долари. И тие во основа се согласија на тоа, па барем да не се чувствуваме глупави“, рече Трамп.„Инаку ние сме глупави. Им реков: „Мораме да добиеме нешто. Не можеме да продолжиме да ги даваме овие пари“, додаде тој.Украина има огромни резерви на клучни елементи и минерали, од литиум до титаниум, кои се од витално значење за производство на модерна технологија. Исто така, поседува големи наоѓалишта на јаглен, нафта, гас и ураниум, но повеќето од овие ресурси се наоѓаат на територии под руска контрола.Украинскиот претседател Володимир Зеленски ја искористи можноста да им дозволи на САД да ги развиваат природните ресурси на Украина како тактички потег за да ја задржат поддршката на Трамп. Оваа идеја беше дел од Планот за победа на Украина, список на економски и безбедносни политики насочени кон постигнување праведен мир со Русија, што Зеленски им го претстави на сојузниците минатата година.„Американците помогнаа најмногу, па и тие треба да заработат најмногу“, рече Зеленски во интервју за Ројтерс во петокот и додаде: „Би сакал да разговарам за ова со претседателот Трамп“.Трамп, кој се надева дека ќе ја победи Кина во глобалната трка за ресурси, претходно изрази желба да го искористи рудното богатство на Украина. Претходно овој месец, тој им рече на новинарите во Овалната соба дека сака да склучи договор со Киев. „Сакаме да склучиме договор со Украина каде што ќе го обезбедат она што ќе им го дадеме со нашите ретки метали и други работи.Неговите изјави предизвикаа бурни реакции, при што германскиот канцелар Олаф Шолц го осуди трансакцискиот надворешнополитички стил на Трамп како „многу егоистичен, многу себичен“.

Свет | пред 1 година

Нема фотографија

Мојсоска: 120-те пратеника да ја напуштат ароганцијата и да гласаат за Законот на Левица за ограничување на патните трошоци

„Во периодот од 2010 до 2024 година, само за патни трошоци на пратениците отприлика биле потрошени:- ДПМНЕ: 3.700.000 евра- СДС: 2.000.000 евра- ДУИ: 680.000 евра.- Во овие суми не се вметнати трошоците за кирии за пратениците, од кои грото имаат станови во Скопје, додека наплаќаат кирии од државата - истакнува пратеничката и генерален секретар на Левица, Јована Мојсоска.- Утре, 12 февруари - среда, 120 пратеника имаат можност да ја напуштат ароганцијата и да гласаат за Законот на Левица, која џентлменски предлага ограничување на патните трошоци (да не е укинување, за да не се ,,навредат" останатите пратеници) - апелира таа.- Кога ќе ви речат наредно дека нема пари државата за доктори; за покачување за плати за наставниците; за негувателки во градинките; за опремување на болниците; за лекови на лицата со ретки болести, имајте предвид дека над 6 милиони евра се потрошени само за патни трошоци - додава Мојсоска од Левица.Оттука - Македонија не е сиромашна држава, туку многу џаболебари има за хранење!“, вели Јована Мојсовска од Левица.

Македонија | пред 1 година

Америчкиот „Google Maps“ го преименува Мексиканскиот залив во Американски залив

Google Maps го преименува Мексиканскиот Залив во Залив на Америка за американски корисници, откако американската влада еднострано донесе таква одлука.Сите кои го користат сервисот надвор од САД - ги имаат двете имиња на нив.Технолошкиот гигант ја објави промената пред неколку дена, наведувајќи ја својата „долгогодишна практика на спроведување промени на името кога тие се ажурираат во официјални владини извори“.Американскиот одбор за географски имиња во понеделникот официјално го преименуваше заливот на јужниот брег на САД и на источниот брег на Мексико, откако американскиот претседател Доналд Трамп нареди ново име во чест на „американската величина“ веднаш по преземањето на функцијата.Сегашното име за влезот на морето на јужниот брег на САД е во употреба од 16 век.Мексиканската претседателка Клаудија Шејнбаум одговори дека „за нас тоа ќе продолжи да биде Мексиканскиот Залив и за целиот свет ќе продолжи да биде Мексиканскиот Залив“.Корисниците надвор од САД сега прво го гледаат Мексиканскиот Залив, со Мексиканскиот Залив до него во загради - слично на другите случаи кога различни земји користат различни имиња за иста географска локација.„Тоа е долгогодишна практика: кога официјалните имиња се разликуваат меѓу земјите, корисниците на мапите го гледаат нивното официјално локално име. Сите други во остатокот од светот ги гледаат двете имиња. Тоа е точно и овде“, велат од Google.

Свет | пред 1 година

Хамас ги шокира заложничките семејства токму кога требаше се да заврши, реагира Трамп, Тел Авив: „Примирјето е прекршено!

Портпаролот на вооруженото крило на Хамас вели дека групата го одложува следното планирано ослободување на израелските заложници, обвинувајќи го Израел за прекршување на договорот за прекин на огнот.Тројца заложници држени во Газа требаше да бидат ослободени во саботата во замена за повеќе палестински затвореници кои ги држеше Израел.Израелскиот министер за одбрана Израел Кац ја нарече најавата на Хамас „целосно кршење на договорот за прекин на огнот“.Клучниот израелски сојузник, американскиот претседател Доналд Трамп, сугерираше дека прекинот на огнот треба да се прекине доколку „сите“ заложници држени во Газа не бидат вратени до сабота.„Би рекол дека треба да се вратат до 12 часот во сабота... сите, не постепено, не два и еден, три и четири и два“, рече тој.Тројца заложници, покрај 73-те заложници земени во нападот на Хамас врз Израел на 7 октомври 2023 година, се уште се во Газа.Доколку не бидат ослободени, Трамп додаде: „Ќе има хаос“, јавува Би-Би-Си.На прашањето дали мисли на одмазда од Израел, тој рече: „Ќе видите, а и тие ќе дознаат. Хамас ќе дознае на што мислам.Кац рече дека им наредил на израелските одбранбени сили „да подготват највисоко ниво на подготвеност за секое можно сценарио во Газа и да ја заштитат заедницата“.„Нема да дозволиме враќање на реалноста од 7 октомври“, додаде израелскиот министер за одбрана.Објавата на Хамас дојде непосредно пред луѓето да се соберат во Тел Авив за да го одбележат 24-тиот роденден на израелскиот заложник Алон Охел, неговиот втор во заробеништво. Тој беше киднапиран на фестивалот Нова на 7 октомври 2023 година.Миа Голдстајн, учесничка на митингот во Охел, изјави за Би-Би-Си дека треба да се направи „огромен притисок“ за ослободување на преостанатите заложници, додавајќи дека одложувањето на Хамас е „ужасно“.Михал Ниман, кој учествуваше на протестот во Тел Авив по најавата на Хамас, рече дека заложниците „требаше да бидат ослободени пред неколку месеци. Ја гледате ситуацијата, тие умираат таму, а нивната крв е во рацете на оваа влада“.Портпаролот на ОН Фархан Хак рече дека „секое одложување“ на кревкиот договор за прекин на огнот ќе биде проблем и дека сите страни треба да ги почитуваат претходно договорените обврски и рокови.Хамас рече дека „вратата останува отворена“ за размена што може да се случи во сабота доколку Израел ги „исполни“ своите обврски, според извештајот на новинската агенција АФП.Портпаролот на Хамас Абу Обеида го обвини Израел за одложување на враќањето на раселените Палестинци во северниот дел на Газа, отворање оган врз луѓето и спречување на влезот на договорената хуманитарна помош.Во соопштението на Хамас не се споменува Трамп или политиката на САД, но доаѓа по силните изјави на американскиот претседател минатата недела за преземање сопственост на Газа и нејзина обнова. Неговиот предлог вклучуваше преселување на Палестинците надвор од територијата и беше пофален од израелскиот премиер Бенјамин Нетанјаху како „револуционерен и креативен“.Изјавата на милитантната група е последната во серијата меѓусебни обвинувања меѓу двете страни.Израел го одложи за два дена дозволувајќи им на раселените Палестинци да се вратат во северниот дел на Газа, обвинувајќи го Хамас дека ја прекршил обврската да ја ослободи сопругата на израелскиот цивил што го држеле како заложници.Израел, исто така, неодамна накратко ги одложи автобусите со палестински затвореници за да бидат ослободени на окупираниот Западен Брег, откако неколку часа претходно изрази гнев поради начинот на кој заложниците беа ослободени пред толпата гледачи во Газа.

Свет | пред 1 година

(Видео) Трамп потпиша извршна наредба: Се враќаме на пластичните сламки, оти ми се кршат хартиените

Претседателот Доналд Трамп потпиша извршна наредба со која сака да ги охрабри американската влада и потрошувачите да купуваат пластични сламки.„Враќаме пластични сламки“, им рече Трамп на новинарите во Белата куќа додека ја потпишуваше наредбата.Претходникот на Трамп, демократот Џо Бајден, предложи еколошки мерки за намалување на потрошувачката на пластика за еднократна употреба, поставувајќи цел да се елиминира употребата на пластични прибор, вклучително и сламки, во одделенијата и федералните агенции до 2035 година.Но, Трамп сега ги забранува хартиените сламки, тврдејќи дека тие „не работат“ и се несигурни и повикува на враќање на пластичните алтернативи.„Ги користев многу пати и понекогаш се кршат. Ако нешто е жешко, не траат долго - понекогаш само неколку минути, па дури и секунди. Тоа е смешна ситуација, затоа се враќаме на пластичните сламки“, додаде тој. (Хартините сламки не се познати по тоа што експлодираат, уред.)Трамп ја минимизираше загриженоста за животната средина, велејќи: „Мислам дека пластиката нема премногу да влијае на ајкулата додека таа поминува низ океанот џвакајќи сè пред неа“.Противењето на Трамп за хартиените сламки датира од 2019 година, кога лансираше сопствен бренд на пластични сламки. „Мислам дека имаме поголеми проблеми од пластичните сламки“, рече тогаш Трамп. „Имате мала сламка, но што е со чиниите, обвивките и сè друго, што е многу поголемо и направено од истиот материјал?Наредбата ги менува напорите на поранешниот претседател Џо Бајден целосно да ја елиминира пластиката за еднократна употреба, вклучително и пластичните сламки, во федералната администрација до 2035 година. Оваа мерка беше дел од извршната наредба на Бајден за поттикнување на индустријата за чиста енергија и одржливост преку федералните операции.Според Програмата за животна средина на Обединетите нации (UNEP), луѓето произведуваат 430 милиони тони пластика годишно, од кои само 9% успешно се рециклираат. За разлика од хартијата, на пластиката и требаат векови за да се распадне.„Загадувањето со пластика може да ги промени живеалиштата и природните процеси, намалувајќи ја способноста на екосистемите да се приспособат на климатските промени, директно влијаејќи на човечкото живеење, производството на храна и социјалната благосостојба“, наведува УНЕП на својата веб-страница.Кристи Левит, директорка на кампањи против пластика во еколошката организација Океана, изјави за US News дека Трамп оди „во погрешна насока кога станува збор за пластика за еднократна употреба“. „Светот се соочува со криза со пластично загадување и повеќе не можеме да игнорираме една од најголемите закани за нашите океани и планетата“, рече таа.

Свет | пред 1 година

(Фото) Евклид го открива прстенот на Ајнштајн во универзумот блиску до нас

Вселенскиот телескоп Евклид, кој работи како дел од мисијата на Европската вселенска агенција (ESA) со помош на НАСА, откри многу редок феномен познат како „Ајнштајн прстен“ во нашето космичко соседство.„Ајнштајн прстен“ се формира кога светлината од далечната галаксија е свиткана за да формира прстен поради присуството на објект во преден план. Името е именувано во чест на Алберт Ајнштајн, чија теорија на општата релативност предвидува дека светлината се наведнува и се зголемува кога поминува во близина на масивни објекти во вселената.Така, особено масивните објекти како што се галаксиите и кластерите галаксии делуваат како космички леќи за зголемување, овозможувајќи им на научниците да видат уште подалечни објекти. Овој феномен е познат како гравитациона леќа.Прстенот се појавува околу центарот на добро проучената елиптична галаксија NGC 6505, која е оддалечена околу 590 милиони светлосни години од Земјата во соѕвездието Драко. Иако ова растојание звучи огромно, на космичка скала NGC 6505 се смета за релативно блиска галаксија. Благодарение на високата резолуција на инструментите на вселенското летало Евклид, ова е прв пат да биде забележан светлосен прстен околу оваа галаксија.Светлината што го формира прстенот доаѓа од многу подалечна галаксија, која се наоѓа на околу 4,42 милијарди светлосни години од Земјата. Оваа галаксија никогаш досега не била забележана и сè уште нема официјално име.Бруно Алтиери, научник од архивата на мисијата Евклид, забележал навестување на прстенот на Ајнштајн за време на раните тестови на вселенското летало во септември 2023 година.„Веќе можев да го видам на првата слика за набљудување, но по дополнителни набљудувања, Евклид успеа да сними совршен прстен на Ајнштајн“, рече Алтиери.„Прстенот на Ајнштајн е пример за силна гравитациска леќа. Силната гравитациска леќа може да произведе повеќе слики од извор на позадина, понекогаш се појавуваат како лакови или прстени како овој. Сите такви примери се посебни затоа што се ретки и научно исклучително корисни. Овој прстен е особено интересен поради неговата близина до Земјата и совршеното порамнување што го прави исклучително убав“, објаснува Конор О'Риордан од Институтот за астрофизика Макс Планк во Германија, главен автор на првиот научен труд за овој прстен.Истражувајќи како универзумот се проширил и се обликувал во текот на неговата космичка историја, мисијата Евклид ќе открие повеќе за улогата на гравитацијата и природата на темната енергија и темната материја. Темната енергија е мистериозна сила која се чини дека предизвикува универзумот да се шири со забрзана брзина.Вселенскиот телескоп Евклид ќе мапира повеќе од една третина од небото, набљудувајќи милијарди галаксии на растојание од 10 милијарди светлосни години. Се очекува да идентификува околу 100.000 силни гравитациони леќи.

Магазин | пред 1 година

Руски амбасадор: Стотици руски војници се опоравуваат во Северна Кореја

Стотици руски војници се опоравуваат од повредите здобиени за време на борбите во Украина во објекти во Северна Кореја, изјави вчера рускиот амбасадор во Пјонгјанг Александар Мацегора за рускиот државен весник „Росискаја газета“.Според Новаја Газета, додека Севернокорејците „отсекогаш гледале на Русите многу позитивно“, Мацегора рече дека тој став станал уште поизразен во последните години.„Каде и да одиме, нè пречекуваат со насмевка. Луѓето се обидуваат да зборуваат со нас на руски и да понудат помош“, тврди тој.Според Мацегора, кога детскиот камп Сонгдоун во близина на градот Вонсан ги поканил децата на руските војници убиени во војната во Украина да им бидат гости, тие одбиле да прифатат каква било компензација за нивното гостопримство.„Кога се понудивме барем делумно да ги покриеме трошоците, нашите пријатели го сфатија тоа како голема навреда“, додаде Мацегора.Истакнувајќи ги сè поблиските врски меѓу двете земји во областите како што се академската соработка, земјоделството и медицината, Мацегора рече дека двете влади сега размислуваат какви дополнителни производи Северна Кореја може да и достави на Русија.Иако Договорот за сеопфатно партнерство и соработка меѓу Русија и Северна Кореја, потпишан во Пјонгјанг минатата година од Владимир Путин и Ким Џонг Ун, претходно не беше познато дека вклучува рехабилитација на руски војници, Wall Street Journal тогаш објави дека договорот содржел тајна клаузула според која Северна Кореја ќе испрати свои војници да ја поддржат руската војска во Украина, во замена за првата можност за војна.

Свет | пред 1 година

Вјолца Бајрами, службеник во Собрание, јавно му честита роденден на Перпарим, братот и бегалец од правдата

Вјолца Бајрами во јавен пост на ФБ му го честита роденденот на нејзиниот брат, бегалецот од правдата и ексдиректор на Државна лотарија, Перпарим Бајрами. Министерството за внатрешни работи распиша меѓународни потерници за поранешниот вицепремиер Артан Груби и за директорот на Државна Лотарија, Перпарим Бајрами, кои се товарат за проневера на околу осум милиони евра.Од Бајрами нема ни трага ни глас. Додека е недостапен за органите на прогон, неговата сестра, висок административен службеник во Собрание и еден од луѓето од доверба на Талат Џафери додека беше спикер, за братот бегалец пишува дека е гордост на семејството.„Среќен роденден душа на сестра 🌎🫀Ти си гордост на семејството, се ќе ти биде како бела душа.Оваа политика доаѓа до крај.Да останете силни и спокојни, Бог да ве чува за добрите дела што сте ги направиле, колку семејства сте помогнале, ние и Бог знаеме.Сестра ти многу те сака, горда сум на тебе.Следниот роденден ќе го славиме многу, сите заедно”, напиша Вјолца Бајрами во честитката до Перпарим Бајрами.

Македонија | пред 1 година

(Видео) Нема предмет за јавувањето на Заев кај Вилма со барање за „27 април“ да ги гони за друго дело

Јавното обвинителство нема оформено предмет за Вилма Русковска и нејзиното сведоштво дека експремиерот Зоран Заев и се јавил за да изврши преквалификација на делото за „27 април“. Републичкиот јавен обвинител, Љупчо Коцевски за „Алфа“ изјави дека не се сеќава да завеле ваков предмет.„Колку што се сеќавам, не. Затоа што, доколку го кажала требало да дојде и да го пријави во ЈО. Такви сознанија немам дека е заведен предмет на таа околност“, рече Коцевски.Од изјавата на Русковска во поткастот „Претрес со Ландов“, поминаа три месеци. Таа кажа дека Заев и се јавил во моментите кога се одвивале уставните измени односно промената на името. И тој побарал од неа, да изврши преквалификација. Иако мешањето на извршната во судската власт претставува притисок, таа посочи дека не го почствувала така.Коцевски, пак, во неколку наврати се пофали во јавноста дека се отворале предмети по негова иницијатива. Но, ова не било случај кога во прашање е Русковска и Заев.

Македонија | пред 1 година

Галетановски: Ако не ги исполнам ветувањата на скопјани ќе си понесам кривична одговорност

Во октомври, партиите, коалициите и независните кандидати, ќе истрчаат за да ги освојат градоначалничките и фотелјите во општинските совети. Иако секоја општина е важна, сепак најпрестижно и најатрактивно е местото-градоначалник на Скопје.Од ВМРО-ДПМНЕ самоуверено очекуваат победа и калкулираат со повеќе имиња, сепак битно им е кој ќе биде од опозициската страна.Таму исто неколку кандидати кои се ставаат на анкети. Едно од најчесто споменуваните е името на Ѓорѓи Галетановски.Тој е прв човек на најголемата општинска организација на СДСМ, скопската. Ѓорѓи Галетановски, познат по прекарот Чомбе скопјани го запознаа по успешното раководење со скопската Зоолошка градина.За Скопје1 изјави:„Можеби моето име е на анкети, но јас не сум зборувал на таа тема со никого.Рано е за такви одлуки, но ако одлучам да се кандидирам за градоначалник на Скопје, тоа нема да зависи само од анкети. Кандидатурата ќе биде со јавно приложени 10.000 потиси од граѓаните за поддршка. Ќе приложам и изјава заверена на нотар за кривична одговорност за неисполнување на изборните ветувања”.

Скопје | пред 1 година

Јелена Карлеуша остана без профил на Инстаграм откако го бранеше Вучиќ

Инстаграм профилот на Јелена Карлеуша, кој беше еден од најследените на Балканот, е затворен.Имено, исчезна профилот кој го имала со години на кој ја следеле околу 2 милиони и 400 илјади луѓе. Веќе со денови на социјалните мрежи владее вистинска драма, откако Еко гард покрена петиција за затворање на Инстаграм на Карлеуша.Јелена влегуваше во директен конфликт и се стегаше со корисниците на Инстаграм. Јелена Карлеуша, видно бесна, на својот Инстаграм профил откри дека профилот на нејзината помала ќерка Ники е деактивиран.Имено, пред неколку дена беше покрената петиција за затворање на нејзиниот профил поради јавната поддршка што ја даде на Вучиќ.

Свет | пред 1 година

Ја давел и убил, па отишол да се коцка: Се бара доживотен затвор за убиството на штипјанката Емилија

Ја давел, ја оставил да умре и заминал да игра комар. Вака изгледало убиството на Емилија Пешева во ноември минатата година. Убиецот Фадил Зејнелов го призна убиството, а семејството и обвинителството бараат доживотен затвор. Слободан Пешев, татко на убиената Емилија рече дека неговата ќерка била користена од убиецот за пари.„Тој не се кае, измислува, тој е ладнокрвен убиец, вистината е дека ја давел, ја оставил да умре и заминал да игра комар. Ја користеше и ги коцкаше парите. Ни остави дете сираче, не оди на школо си ја бара мајката, не може да се навикне без неа, знае дека е убиена“, вели таткото на жртвата.Пред убиството имало кавга меѓу жртвата и убиецот, бидејќи таа сакала да се разведе. За ова знаеле полицијата, Обвинителството, Центарот за социјални работи. Кај нив имало пријави дека Емилија е жртва на насилство. Но се откажувала од гонење, поради стравот од ново насилство.Обвинетиот Зејнелов ја призна вината и рече дека мотивот за убиството е неверство. Инаку, тој е обвинет за кривичното дело убиство при вршење семејно насилство или фемицид.

Македонија | пред 1 година