Милошоски: Првпат премиер на Македонија присуствува на инаугурација на претседател на САД

„Денес за време на инаугурација на 47-от претседател на САД за првпат премиер на владата на Македонија е поканет и ќе присуствува на овој настан во Вашингтон, кој е главна тема на меѓународната политичка сцена. Ова е исклучително добра вест за нашата држава и успех за македонската дипломатија“, вели пратеникот Антонијо Милошовски и додава:Склученото стратешко партнерство од 2008ма година, во комбинација со личните познанства меѓу премиерот Мицкоски и неколку членови на владата со дел од блиските соработници на претседателот Трамп, претставува солидна основа за продлабочување на македонско-американските односи, особено во областа на економијата, безбедноста, енергетиката и подобро усогласување на дипломатските активности во области од заеднички интерес.Во овој динамичен свет кој многу брзо се менува, добро е што преку премиерот, Македонија е присутна во Вашингтон и го зајакнува партнерство и довербата со САД, земјата која има најголем потенцијал во обликувањето на меѓународната политика!“, стои во фејсбук објавата на пратеникот на ВМРО-ДПМНЕ Антонио Милошоски.

Македонија | пред 1 година

(Видео) Му пропадна обидот на Палчо за промена на судијата, сега има нови поднесоци - еден од клучните сведоци уште е недостапен

Претседателот на Кривичен суд, Иван Џолев, одбил да го промени судијата Ивица Стефановска од судечкиот совет во предметот за убиството на Вања Ѓорчевска и Панче Жежовски. Ова го бараше првообвинетиот Љупчо Палевски-Палчо, а одлуката ја добил на ден пред новата година.Истовремено, на судењето не е присутен Гоце Трајковски, кој е еден од клучните сведоци кога станува збор за потрагата на Вања. Тој заедно со таткото собирал видео снимки, преземал активности за пронаоѓање на детето.„ПС Бит Пазар известува дека не му извршена достава на поканата на Гоце Трајковски, истиот не е достапен на органите на прогонот на наведената адреса“, рече судот.Истовремено, Обвинителството останува на барањето Гоце Трајковски да биде испитан како сведок.„За него ОЈО не го повлекува предлогот на за негово испитување бидејќи по завршување на постапката тој може да стане достапен на органите на прогонот и да биде испитан во полза на оваа постапка“, рече обвинителката.Трајковски не е достапен откако против него, Обвинителството започна друга постапка каде е осомничен, а се однесува на запален објект во Кисела Вода.

Македонија | пред 1 година

Кешишев полнел бензин моментите пред Вања да биде убиена: снимки од критичните моменти и движењата на возилата се презентираат во суд

Снимки од критичните моменти на исчезнувањето на Вања Ѓорчевска и Панче Жежовски, како и од деновите кога тие биле убиени, се презентираат во Кривичниот суд. Обвинителот на снимките го посочи Влатко Кешишев, кој според неговите кажувања, точел бензин на „Макпетрол“ кај Железничка, а во близина на седиштето на партијата „Десна“ чиј претседател беше сега обвинетиот Љупчо Палевски-Палчо. Критичниот ден, кога Вања беше убиена, Кешишев бил со балон да наполни гориво. Според Обвинителството, истиот ден е запалено возилото „цитроен“, со кое била киднапирана Вања.„На ова ЦД се констатирани снимки за тоа како обвинетиот Влатко Кешишев со празен балон пристигнува на бензинската станица „Макпетрол“ Транспортен Центар Скопје, во близина на политичката партија Десна за да наточи гориво бензин кој што го плаќа со 1000 денари во ќеш. На 27.11.2023 година, 05 часот 26 минути и 40 секунди. На истото се гледа како обвинетиот Влатко Кешишев доаѓа на бензинската пумпа со балон, голема пластично шише за да наточи гориво, а во 5 часот 30 минути и 15 секунди. Се гледа како Кешишев се враќа го зема балонот и заминува откако претходно влегува да плати на каса“, рече обвинителката.Судот констатираше дека обвинетиот Кешишев е облечен во црна јакна и црна капа. Палевски го праша судијата како заклучиле дека човекот од видеото е Влатко Кешишев и бараше тоа да биде внесено во записник.Потоа, се презентираа снимки од возилото „Рено Кангу“, кое според обвинението, го управувал Љупчо Палевски-Палчо.„Видео запис на кое се гледа „Реното кангу“ во Центар и Аеродром, почнувајќи од Партијата Десна во правец на населбата Автокоманда Гази Баба.. Во 5,30 се забележува како пристигнува „Реното кангу“ пред политичката партија „Десна“ и потоа стои со запалените светла до 5:35 минути. Продолжува кон семафорот, се престројува лево но продолжува по булеварот Кузман Јосифовски Питу“, рече обвинителката.Од видео запис се гледа дека во 5:36 минути „Рено кангу“ доаѓа до раскрсница во Аеродром. Видео запис 5:37 минути се гледа како возилото поминува на раскрсницата од Булевар „Јане Сандански со Васко Карагелевски и продолжува да се движи во насока кон хотел Русија.Презентирана е и снимка од возилото „циторен“ со кое е киднапирана Вања, а направена од безбедносни камери на 24 ноември 2013 година, три дена пред девојчето да биде киднапирано и убиено.„Од видео запис се гледа дека во 5:36 минути „Рено кангу“ доаѓа до раскрсница во Аеродром. Видео запис 5:37 минути се гледа како возилото поминува на раскрсницата од Булевар „Јане Сандански со Васко Карагелевски и продолжува да се движи во насока кон хотел Русија“, рече обвинителката.Судењето е во тек.

Македонија | пред 1 година

Раде Трајковски-Штекли оди во затвор - одреден му е притвор од 30 дена со уште осум лица

Притвор од 30 дена му е одреден на Раде Трајковски-Штекли поради опасност од вегство, можност за повторување на делото и влијание на сведоци. со него, зад решетки одат уште девет лица кои се сомничат дека се дел од неговата група за расфрлање дрога по скопските улици.„Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење организиран криминал и корупција за определување мерки за обезбедување присуство против група, осомничена за Неовластено производство и пуштање во промет на наркотични дроги, психотропни супстанци и прекурсори согласно член 215 ст.3 вв со ст.1 од КЗ, кои во текот на вчерашниот ден беа спроведени во судот, донесе решенија со кои:Предлогот за определување мерка притвор против : Р.Т., П.З., Д.Т., В.В., А.В., Д.Џ.Х., С.С., К.К. и Ф.Р. го прифати и им определи мерка притвор во траење од 30 дена, а заради постоење основните од член 165 ст.1 т.1, 2 и 3 односно, Опасност од бегство, Околности кои укажуваат дека може да ја попречи истрагата со влијание на сведоци и Повторување на делото.На осомничениот С.М., донесено е решение за определување мерка Куќен притвор.Воедно, прифатен е и предлогот за определување на мерка притвор против две лица кои се недостапни за органите на прогон, а притворот почнува да се спроведува од нивно пронаоѓање односно лишување од слобода“, вели Кривичен суд.

Македонија | пред 1 година

Биткоинот соборува нови рекорди пред инаугурацијата на Трамп

Биткоинот (BTC) денеска достигна ново рекордно високо ниво над 109.000 американски долари пред инаугурацијата на републиканецот Доналд Трамп.Најголемата криптовалута достигна вредност од 109.333 долари на платформата Binance.Трамп го спомна биткоинот во својот вчерашен говор.„Од изборите, берзанските индекси пораснаа, а оптимизмот кај малите бизниси достигна рекордни 41 поен, највисоко ниво во последните 39 години. Биткоинот урива еден по друг рекорд“, рече Трамп.Биткоинот ги поврати загубите од претходниот ден кога неговата вредност падна од над 102.000 долари во неделата на речиси 100.000 долари, откако првата дама Меланија Трамп издаде свој мемекоин, пренасочувајќи ја ликвидноста од поголемите средства.Трамп беше отворен поборник за криптовалути за време на неговата кампања. Ветувањата како што САД станаа „крипто главен град на планетата“ и создавање „стратешка национална резерва за биткоин“ го поттикнаа оптимизмот кај инвеститорите.„Биткоинот достигна 108.000 долари додека другите криптовалути се собраа пред инаугурацијата на американскиот претседател, со надеж дека новите политики и регулатори дополнително ќе ја зголемат цената на БТК оваа година бидејќи американската економија продолжува да покажува долгорочна сила“, рече Бен Ел Баз, извршен директор на HashKey Global.„Понатамошниот моментум беше поттикнат од лансирањето на мемекоините TRUMP и MELANIA, кои привлекоа повеќе малопродажни инвеститори и се надеваат дека Трамп ќе даде приоритет и ќе ја потврди својата посветеност на крипто индустријата“, додаде Ел-Баз.„Означувањето на криптовалутите како национален приоритет и лансирањето на TRUMP memecoin во последните денови беа силни позитивни сигнали. Како водечки показател во индустријата, очекуваниот раст на биткоинот најверојатно ќе продолжи во текот на оваа недела“, рече Џеф Меи, шеф на BTSE. оперативен офицер, во порака на Telegram.Целите на крајот на годината за биткоин се движат од 185.000 долари до дури 250.000 долари, според претходните извештаи на CoinDesk.Во меѓувреме, доминацијата на биткоинот на пазарот почна да расте и сега се приближува до 60%, неговото највисоко ниво од 20 декември.

Свет | пред 1 година

Убиства среде град, обиди за убиства во трговски центри, кражби, упади со автомобили, сите овие макабри настани се минато, вели ВРЕДИ

„Помина времето кога криминалците го имаа главниот збор во нашите градови, маали и улици. Убиства среде град, обиди за убиства во трговски центри, кражби, упади со автомобили, сите овие макабри настани се минато“, вели ВРЕДИ и додава:Граѓаните ја вратија надежта и довербата во државните институции, бидејќи владата воспостави ред и закон. Со ова се задоволува потребата граѓаните да бидат безбедни каде и да живеат и работат.Неодамнешните апсења се показател за посветеноста и подготвеноста на владините коалициски партнери да се борат против криминалот и корупцијата и да го вратат редот и безбедноста во нашата средина. Коалицијата ВЛЕН и Владата сега станаа синоним за борба против криминалот и корупцијата. Неодамнешните апсења на криминални групи се јасен доказ дека државните институции преземаат важни чекори кон исполнување на нивните заложби за гарантирање на безбедноста и правдата.И од финансиската полиција се поднесени 5 кривични пријави против лица поврзани со институција со која раководеше ДУИ нон грата, поточно Бирото за метрологија.Заложбата на Владата им гарантираше и им даде слобода на институциите за спроведување на законот да дејствуваат и да апсат криминалци и повеќе да не дозволуваат нивните активности како што правеа досега. Ги информираме граѓаните дека ова е процес кој бара време и континуирана посветеност.Продолжуваме да останеме посветени и одлучни во борбата за општество ослободено од криминалот и корупцијата, граѓаните да се чувствуваат безбедно кога шетаат низ градот и да имаат целосна доверба во државните институции.ВЛЕН е гаранција за стабилност и безбедност. ВЛЕН е иднината на Албанците.

Македонија | пред 1 година

Продолжува судењето за грозоморните убиства на Вања и Панче - ќе се чита исказ од клучен сведок

Со изведување материјални докази денеска треба да продолжи судењето за за грабнувањата и убиствата на 14-годишната Вања Ѓорчевска и велешанецот Панче Жежовски. Денеска треба да се чита исказот на сведокот Гоце Трајковски, кој важеше за еден од клучните бидејќи е недостапен за органите на прогонот бидејќи го бараат како осомничен во друг случај.Љупчо Палевски-Палчо е првообвинет за грабнувањата и убиствата на Вања и Панче.На обвинителна клупа се и Влатко Кешишов, Велибор Манев и Боре Видевски кои како соизвршители се товарат за по две кривични дела грабнување и убиство, како и Александар Ѓорчевски, таткото на Вања, кој е обвинет за помагање.На почетокот на денешното рочиште ќе биде соопштена одлуката на претседателот на Судот, Иван Џолев, во врска со барањето на Љупчо Палевски Палчо за изземање на судијата Ивица Стефановски.Неизвесно е дали и на денешното рочиште ќе се појави сведокот Гоце Трајковски, кој е во бегство по извршено друго кривично дело.Четиринаесетгодишната Вања и велешанецот Панче, беа пријавени за исчезнати на 27 и 24 ноември 2023 година, а беа пронајдени мртви во близина на Скопје и Велес неколку дена подоцна, односно на 3 декември 2023 година.

Македонија | пред 1 година

Украинците се загрижени за враќањето на Трамп: „Не се надевам на него“

„Зошто сите ги полагаат своите надежи на Трамп? вели Људмила Парибус, која очигледно не очекува новиот американски претседател да стави крај на војната во Украина.„Не се надевам на него. Сè зависи од нас“, изјави 20-годишната студентка за Ројтерс во центарот на Киев.Нејзиниот скептицизам го делат многу Украинци кои малку веруваат во ветувањата на Доналд Трамп за брзо постигнување мировен договор откако тој ќе влезе во Белата куќа во понеделник.„Нашата судбина е во наши раце. Не можеме да се потпреме на никој друг“, вели Мархарита Депутат, 29-годишна менаџерка за продажба во Украина.Хана Хорбачова (55) не ја врзува иднината на своето семејство со пријателски крај на конфликтот кој трае речиси три години. Сопственичката на успешен бизнис со пекари беше принудена да го напушти својот дом во регионот на Доњецк пред една деценија, откако избија борби во источна Украина меѓу украинската влада и милициите поддржани од Русија и откако пропаднаа два мировни договори постигнати со меѓународно посредување.Таа не ја исклучува можноста да го напушти својот нов дом во Днепар доколку руската армија продолжи да напредува кон овој југоисточен град:„Нема да застане во регионите Доњецк, Запорожје или Днепропетровск. Путин ќе оди понатаму“, вели таа.Олександр Мережко, претседател на Комитетот за надворешни работи на украинскиот парламент, исто така рече дека Трамп може да го зацементира своето наследство со воведување мир и безбедност во Украина: „Украина треба да стане успешна приказна за Трамп. Таа може да влезе во историјата како победник“.Сепак, преговарачките позиции на двете завојувани страни остануваат далечни. Советниците на Трамп сега признаваат дека ќе бидат потребни месеци, па дури и подолго за да се реши војната во Украина, што е во спротивност со неговото најголемо надворешно-политичко ветување да постигне мировен договор на неговиот прв ден на функцијата.Украинскиот претседател Володимир Зеленски силно се залага за членство во НАТО како најдобар начин за одвраќање на идната руска агресија. Тој и другите функционери стравуваат дека кој било друг договор ќе му овозможи на Кремљ да го чека вистинскиот момент и повторно да нападне.„Тие ќе ги зголемат своите воени капацитети за повторно да започнат војна. Русите ќе сакаат да го продолжат она што го започнаа во 2014 година и да продолжат во 2022 година“, изјави за Ројтерс Олексеј Резников, поранешен министер за одбрана и мировен преговарач со Русија.Додека Путин рече дека е отворен да разговара со Трамп за договор за прекин на огнот, тој отфрли какви било големи територијални отстапки и инсистира Киев да се откаже од своите амбиции да се приклучи на НАТО.Евентуалниот неуспех на двата договори за прекин на огнот што го натераа Хорбачов да го напушти својот дом пред една деценија - за што Украина делумно го обвинува поради недостатокот на силна западна воена поддршка - укажува на опасностите и замките од каков било мировен договор.Тие договори, познати како Мински договори по белорускиот главен град каде што беа потпишани во 2014 и 2015 година, брзо пропаднаа поради обвинувањата за прекршување на двете страни. Додека големите борби стивнаа по 2015 година, создавајќи контури на замрзнат конфликт, непријателствата повремено се разгоруваа во пресрет на руската инвазија пред три години.Семејството на Хана Хорбачова пред 10 години ја напуштило Хорливка и се населило во Торечко, каде таа го започнала својот бизнис со храна. Откако избувна војната во 2022 година, тие повторно се преселија, оставајќи го Торек непосредно пред руското гранатирање да ја оштети нивната пекара. Градот сега е во опасност да биде освоен од руските сили.Иако е скептична во врска со изгледите за договор, таа сепак верува дека новиот американски претседател има шанса да стане икона на глобалниот мир доколку ги исполни своите ветувања: „Трамп има шанса да влезе во историјата како спасител на голема нација“.Третина од Украинците веруваат дека војната ќе заврши оваа годинаНе сите ја отфрлаат можноста дека Трамп ќе помогне да се забрза прекинот на огнот, со тоа што повеќе од една третина од Украинците веруваат дека војната ќе заврши до крајот на 2025 година, според анкетата на Gradus Research спроведена од околу 1.100 луѓе во декември.Шест месеци претходно, 31 отсто од испитаниците очекуваа војната да трае со години, а уште 31 отсто од Украинците рекоа дека е тешко да се каже дали војната ќе заврши.Поранешниот украински претседател Петро Порошенко, кој ги потпиша Минските договори додека беше на власт и сега е политички противник на Зеленски, се согласи со ставот на актуелниот украински лидер дека членството во НАТО е клучно за Украина.„Ние сме биле во ваква ситуација и претходно и затоа знаеме дека ништо не би функционирало толку ефикасно и безбедно како членството на Украина во НАТО. Само тоа би ја спречило новата воена авантура на Русија и би донело мир“, изјави Порошенко за Ројтерс.На бојното поле и двете страни се обидуваат да ги подобрат своите позиции пред какви било мировни преговори. Украинската армија се обидува да го спречи рускиот напредок на исток и да го задржи своето упориште во рускиот регион Курск.Дури и ако се постигне договор за ставање крај на непријателствата, неговото одржување би можело да биде голем предизвик, според Самир Пури, директор за истражување во Центарот за глобално управување и безбедност во тинк-тенкот Chatham House во Лондон. Тој рече дека останува отворено прашањето кој ќе го следи и спроведува прекинот на огнот.Роман Костенко, пратеник кој командуваше со специјалните сили на фронтот до парламентарните избори во 2019 година, рече дека според неговото искуство, малку може да се направи ако едната страна отвори оган на бојното поле, а другата одговори. Доживеав десетици прекини на огнот, можеби 20. Ниту еден од тие прекини со Русија не траеше повеќе од пет минути“, објасни Костенко.

Свет | пред 1 година

Учениците назад во клупи, грипот се шири

Денеска започнува второто полугодие. Учениците се враќаат во училишните клупи.Не се пролонгираше почетокот, иако амбулантите се преполни со пациенти заболени од сезонски грип. Пикот се очекува во втората половина на февруари.Оваа година нема да има пролетен распуст, бидејќи мнозинството наставници, родители и ученици се изјасниле против неговото воведување.Истовремено, за повеќе од три пати е зголемен бројот на заболени од грип оваа недела во споредба си претходната. Ова се податоци од последниот извештај на Институтот за јавно здравје.

Македонија | пред 1 година

Од Индија и Непал до Македонија - апсење на автоаптот Демир Капија-Неготино

На 19.01.2025 околу 20.00 часот на автопатот Демир Капија - Неготино, полициски службеници од Полициската станица за граничен надзор Михајлово при Регионалниот центар за гранични работи Југ го лишиле од слобода Е.Ф.(19) од Радовиш, затоа што во возило „фолксваген голф“ со кумановски регистарски ознаки превезувал шест лица мигранти, од кои три од Непал и три од Индија.Претходно, на наплатна станица Демир Капија, тој не застанал на знак за запирање, даден од полициски службеници и продолжил со движење кон Гевгелија, при што влегол во тунел каде се изведувале градежни работи и со возилото удрил во работна машина.Mигрантите се сместени во Транзитен центар Табановце за понатамошна постапка, а по целосно документирање на случајот, против Е.Ф. ќе биде поднесена соодветна пријава.

Македонија | пред 1 година

Нови 200 милиони евра задолжувања-власта товари нови долгови врз грбот на граѓаните, обвинува СДСМ

„Покрај кредитот од Унгарија од 500 милиони евра, за кој веќе тече камата а парите не се реализирани, владата на Мицкоски и ДПМНЕ се задолжува интензивно на сите страни“, обвинува СДСМ и додава:Нови над 200 милиони евра долгови власта натовари на грбот на граѓаните за само неколку месеци.Пред само десетина дена власта се задолжи со 128 милиони евра преку државни записи и обврзници.Претходно кон крајот на октомври 2024 година кај домашните кредитори власта се задолжи со уште едно големо задолжување од 73,7 милиони евра.Тоа се 700 милиони евра нови долгови создадени од ВМРО-ДППМНЕ за само 6 месеци. Власта енеромно го зголемува јавниот долг и ја турка државата во должничко ропство.Во исто време додека се трупаат огромни долгови платите стагнираат , трошоците за живот ратст а граѓаните имаат се помалку пари во своите џебови.Економската политика на ДПМНЕ е катастрофлано лоша и долгорочна опасна за финансиската стабилност и одржливост.

Македонија | пред 1 година

Се бара извинување од Филипче поради Груби, со тврдење дека го штити

„СДС се соучесници на Груби и ДУИ и креатори на деструктивните политики, криминалот и корупцијата во Македонија“, вели ВМРО-ДПМНЕ и додава:Тоа што СДС и Филипче молчат и не се извинуваат за криминалот на Груби значи дека знаеле, го одобрувале и се соучесници во осиромашувањето на македонските граѓани.На СДС наместо државните интереси на прво место им беше интересот да останат на власт затоа дозволија Груби да краде.СДС мудро молчи по однос на бегалецот од правдата, Груби. Ниту се оградуваат од него, ниту го повикуваат да се врати во Македонија за да се соочи со правдата.Филипче не се оттргна од менторот Заев и е продолжение на погубните политики за државата како во минатото така и денес.СДС е партија заробена во минатото, со иста политичка матрица во континуитет Заев, Ковачевски, а сега и Филипче.Во СДС ништо не е сменето тоа истата партија која ја поткопува македонската државност со деструктивните политики, која го уништи системот, а народот го осиромаши.Се додека СДС и Филипче не се извинат на граѓаните за криминалот на Груби не можат да бидат сериозна и конструктивна опозиција која има политичка одговорност.

Македонија | пред 1 година

Украински командант: Русите изгубија многу повеќе војници од нас

Руските сили ги претрпеа во 2024 година најтешките загуби од почетокот на војната. Вкупните воени загуби достигнаа 434.000 војници, вклучително и приближно 150.000 загинати во борби во текот на изминатата година, рече врховниот командант Олександр Сирски во вчерашното интервју за украинскиот медиум ТСН, пренесува Гардијан.„Путин загуби повеќе во 2024 година отколку во претходните две години од војната заедно“, рече Сирски.Од вчера Русија загубила вкупно 818.740 војници од почетокот на инвазијата, се наведува во извештајот на украинскиот Генералштаб. Проценката се совпаѓа со проценките на западните разузнавачки агенции и веројатно ги вклучува мртвите, заробените, ранетите и исчезнатите. Во текот на изминатата година, Русија постигна напредок во источна Украина и во регионот Курск, но со големи загуби.Руските загуби достигнаа рекордни нивоа во ноември и декември, со дневен максимум од 2.030 изгубени војници во ноември, што е највисока дневна загуба од почетокот на руската инвазија во 2022 година. Москва не го открива бројот на своите жртви, иако официјален претставник на Министерството за одбрана неодамна откри дека одделот примил 48.000 барања за идентификација на исчезнатите војници.Според заедничката истрага на руските Би-Би-Си и Медиазон, новинарите ги идентификувале имињата на 88.726 руски војници кои загинале за време на инвазијата на Украина. Според овие извори, 2024 година би можела да биде најсмртоносната година на војната, со во моментов повеќе од 20.000 потврдени смртни случаи во изминатите 12 месеци, иако конечните бројки сè уште се собираат.Во декември, украинскиот претседател Володимир Зеленски откри дека Украина загубила 43.000 војници на бојното поле од почетокот на инвазијата, тема за која често не зборува. Олександар Сирски одговори на прашањето за украинските загуби воопшто, само рече дека тие се многу помали од руските. Доколку продолжи ваквото темпо на руски загуби, се очекува во следните шест месеци бројот на изгубени војници да надмине милион.

Свет | пред 1 година

(Видео) „Имам другарки кои јас лично сум ги лекувала, и што го изгубиле животот“ - потресни сведоштва од Онкологија

Онкологија значи борба за живот. Често наши блиски завршуваат тука на лекување. Д-р Марина е дел од персоналот. Од прва рака раскажа што затекнува, но и што се случува.„Имам другарки кои јас лично сум ги лекувала, и што го изгубиле животот. И тоа е многу тешко, бидејќи ти даваш хемотерапија, а таа не делува. Едноставно не делува кај сите луѓе исто. Ти не знаеш што да направиш, што да дадеш. Се случува и по ноќи да не спиеме – буквално. Не спиеш, мислиш на пациентот, чекаш да дојде 8 часот за да се јавиш кај колегата кој е дежурен да видиш дали преноќил пациентот, дали е жива“, вели доктор Марина Вукашиковиќ која работи на Одделот за рак на дојка.Потресен „Претрес“, цел Ви е достапен на јутуб-каналот prvatvmk:

Македонија | пред 1 година

Пожар во дом за стари лица во Србија: Шест лица загинаа, неколку се повредени

Шест лица загинаа, а повеќе се повредени во пожар што утринава околу 4 часот и 30 минути избувна во дом за стари лица во Велики Борк, во белградската општина Бараево, дознава РТС. Пожарот е изгаснат, а во гаснењето учествувале голем број пожарникари и противпожарни возила.д-р. Виолета Николиќ од Заводот за итна медицинска помош за РТС изјави дека добиле повик од пожарникари за пожар во дом за стари лица во Велики Борк.Таа изјави дека четворица повредени се пренесени на Одделот за токсикологија на ВМА, а на две лица им е укажана помош во Ургентниот центар. Четири екипи од Заводот за итна медицинска помош се испратени да интервенираат, заедно со уште две дополнителни екипи од Лазаревац и една од Бараево.Вршителот на должноста помошник министер и раководител на Секторот за вонредни состојби Лука Чаушиќ за РТС изјави дека се претпоставува дека во моментот на пожарот во зградата имало 30 корисници. Како што наведе, Брзата помош им укажала на седум повредени и ги пренела во ВМА и Ургентниот центар.Според него, по пријава во 3 часот и 32 минути, единиците на Секторот за вонредни состојби веднаш биле испратени на местото на настанот, каде што го пронашле пожарот во беснееја фаза.„Во моментов се уште се проверува дали има преостанати извори на пожарот кои би можеле да предизвикаат негово ширење, додека причината ќе се утврди во наредните часови“, рече Чаушиќ.Тој додаде дека домот за стари лица се наоѓа далеку од фреквентни патишта, но противпожарните бригади пристигнале брзо, а на повредените им била укажана помош за рекордно време. Ова е голема трагедија, но можеше да биде и многу поголема“, заклучи Чаушиќ.

Свет | пред 1 година

(Видеo) Сè што треба да знаете за она што се случува во Појасот Газа протече на интернет неколку часа по прекинот на огнот

Терористите и милитантите на Хамас излегоа од скривниците за да го прослават новиот прекин на огнот во Појасот Газа, бесрамно парадирајќи низ улиците на Газа, веејќи калашникови и зелените знамиња на организацијата, пишуваат „Тајмс оф Израел“ и британски „Дејли мејл“.На застрашувачки снимки се фатини милитантите и толпата во Газа како извикуваат „Војската на Мухамед доаѓа по Евреите“. Прекинот на огнот, кој стапи на сила во 11:15 часот по локално време, носи привремена пауза во борбите по 15 месеци крвопролевање. Но, глетката на милитантите на Хамас повторно предизвикува меѓународен гнев. Осуди пристигнуваат од сите страни, меѓународните коментатори тврдат дека ваквата прослава е исмевање на изгубените животи и страдањата на заложниците и на сите нивни семејства. Понатаму, додека некои жители на Газа преземаат чекори за да го вратат животот во нормала, се појавија извештаи дека Мохамед Синвар, братот на озлогласениот командант на Хамас Јахја Синвар, убиен во израелски напад, работи на обнова на инфраструктурата за оружје на групата. Разузнавачки извори предупредуваат дека групата и понатаму е опасна и можеби го искористила хаосот од војната за да се прегрупира.Застрашувачки снимки ги фатиле милитантите и толпата во Газа како извикуваат „Војската на Мухамед доаѓа по Евреите“. Прекинот на огнот, кој стапи на сила во 11:15 часот по локално време, носи привремена пауза во борбите по 15 месеци крвопролевање.Понатаму, додека некои жители на Газа преземаат чекори за да го вратат животот во нормала, се појавија извештаи дека Мохамед Синвар, брат на озлогласениот командант на Хамас Јахја Синвар, убиен во израелски напад, работи на обнова на инфраструктурата за оружје на групата.

Свет | пред 1 година

(Фото) Детали за пожарот во Карпош: Зафатен стан и автомобили

Денеска (19.01.) во 03.15 часот во СВР Скопје било пријавено дека на улицата „Разловечко востание“ во Скопје бил опожарен продажен објект – бутик, во сопственост на И.М.(54) од Скопје, лоциран на приземјето од станбена зграда. Повредени лица нема.Од пожарот била зафатена фасада од зградата, делумно зафатен стан кој се наоѓал над бутикот, сопственост на М.Т. (36) од Скопје, потоа надворешна едниница на клима уред и дел од прозори на стан во сопственост на М.Ј.(79) од Скопје.Исто така, биле зафатени две патнички возила - „Шкода камик “, паркирано од М.Т.(48) од Скопје и „Форд фокус“ , сопственост на Љ.Р.(55) од Скопје.Од Бригадата за противпожарна заштита пожарот бил локализиран. Извршен бил увид од увидна екипа од СВР Скопје. Се преземаат мерки за расчистување на случајот.

Скопје | пред 1 година

Експлозивно ветување на Доналд Трамп ги разбранува „духовите“ во САД

За време на неговиот политички митинг во неделата, пред неговата инаугурација во Вашингтон во понеделник, Доналд Трамп даде ветување што, во најмала рака, ги разбрани „духовите“ во САД.Имено, идниот претседател на САД вети дека ќе ја објави и отвори архивата за атентатот на Џон Кенеди, поранешниот американски претседател кој беше убиен во Далас во 1963 година.Ова ветување беше едно од клучните моменти од неговиот митинг, каде што илјадници Американци чекаа на студ и снег да го видат Трамп.„Како прв чекор кон враќање на владината транспарентност и одговорност, ќе ја реорганизираме класификацијата на доверливите владини документи“, вети Трамп, а потоа продолжи: „Во наредните денови ќе ги објавиме преостанатите доверливи документи поврзани со атентатите на претседателот Џон Ф. Кенеди, неговиот брат Роберт Кенеди, д-р Мартин Лутер Кинг, но и други документи од голем интерес за јавноста.Роберт Ф.

Свет | пред 1 година

26-годишен скопјанец осомничен за тешки кражби и разбојништво

Против 26-годишен скопјанец ОЈО Скопје поведе истрага, бидејќи постои основано сомнение дека сторил кривично дело – Разбојништво од член 237 став 1 и две дела – Тешка кражба според член 236 став 1 точка 1од Кривичниот законик.На 20 декември 2024 година, осомничениот дошол пред врата на стан на улицата “Венјамин Манчуковски” во Аеродром и тропнал на вратата. Кога сопственикот излегол, физички го нападнал со тупаници, од раката му го одзел мобилниот телефон, а кога оштетениот паднал на земја, му одзел уште 1.200 денари.На 26 декември 2024 година, заедно со еден малолетен соизвршител, осомничениот извршил тешка кражба во угостителски објект во Аеродром, на булеварот “Кузман Јосифовски – Питу”. Во објектот влегле со провалување и по пребарување одзеле мобилен телефон.Уште една тешка кражба извршил на 18 јануари годинава, кога осомничениот насилно влегол во пицерија на улицата „Фрањо Клуз” од каде украл 3.000 денари, клуч од касата и шишиња пиво, во вкупна вредност од 12.000 денари.Јавниот обвинител до судијата на претходна постапка достави предлог за определување мерка притвор за осомничениот.

Скопје | пред 1 година

(Фото) Сиљановска-Давкова присуствуваше на свечено одбележување на празникот Богојавление – Водици во Охрид и во Струга

Претседателката Сиљановска-Давкова присуствуваше на свечената манифестација по повод христијанскиот празник Богојавление – Водици во Охрид, каде поглаварот на Македонската православна црква – Охридска архиепископија г. г. Стефан ги освети водите на Охридското Езеро положувајќи го светиот крст во нив.Поттикнати од длабоката вера во божествениот благослов на осветените води, од вековната традиција која го симболизира крштевањето на Исус Христос и од желбата за духовна обнова, стотици верници учествуваа во светиот чин, славејќи ги заедништвото и љубовта како темел на нашето духовно богатство.Претседателката, на најсреќниот меѓу верниците, Мартин Гоџо, кој успеа да го фати светиот крст, му подари уметнички изработена резба. Таа му посака добро здравје, лична среќа и духовна исполнетост, истакнувајќи дека неговото постигнување го облагородува духот на храброст, надеж и посветеност, кои го красат овој возвишен празник.Продолжувајќи со чествување на празникот Богојавление – Водици, претседателката во Струга присуствуваше на црковната церемонија на осветување на водите и положувањето на светиот крст во реката Црн Дрим - свет чин, што го изврши неговото Блаженство г. г. Стефан. На Томче Голабоски, најсреќниот меѓу верниците кои влегоа во осветените води на реката, таа му подари рачно изработена резба, посакувајќи му живот исполнет со здравје, радост и благосостојба и истакнувајќи дека овој празник ја слави обновата на духот, заедништвото и вечната сила на вербата.

Македонија | пред 1 година

(Фото) Во општина Илинден светиот крст во рацете на Јовица Јаневски

По повод големиот христијански празник Богојавление (Водици) и оваа година традиционално се одржа манифестацијата за осветување и положување на светиот крст, под покровителство на Општина Илинден. Годинава во водите на езерото кај хотелот Белви светиот крст го положија свештениците на црквата Св. Константин и Елена.Од пријавените 66 учесници најсреќен беше Јовица Јаневски кој со своето учество, голема желба и упорност, успеа да го фати светиот крст и видно возбуден и среќен го прослави чинот заедно со останатите верници кои учествуваа во скокањето. Тој на оваа манифестација учествува за прв пат.Покрај честитките за здравје, среќа и благослов во текот на целата година, најсреќниот Јовица, традиционално доби поддршка од градоначалникот на Општина Илинден, Александар Георгиевски. Јаневски поддршка доби и од директорите на ЈКП „Водовод“ и ЈКП „Илинден“. Голема благодарност и до општествено одговорните компании кои учествуваа со свои подароци, ЗЕГИН и компанија „Атанасовски“.

Скопје | пред 1 година

(Фото) МВР со детали за пожарот во Карпош: Опожарен бутик, фасадата на зградата, две возила, делумно зафатен стан

Денеска во 03.15 часот во СВР Скопје било пријавено дека на улицата „Разловечко востание“ во Скопје бил опожарен продажен објект – бутик, во сопственост на 54-годишниот И.М. од Скопје, лоциран на приземјето од станбена зграда. Повредени лица нема.Од пожарот била зафатена фасада од зградата, делумно зафатен стан кој се наоѓал над бутикот, сопственост на М.Т. (36) од Скопје, потоа надворешна едниница на клима уред и дел од прозори на стан во сопственост на М.Ј.(79) од Скопје.Исто така, биле зафатени две патнички возила - „Шкода камик“, паркирано од  М.Т.(48) од Скопје и „Форд фокус“, сопственост на Љ.Р.(55) од Скопје. Од Бригадата за противпожарна заштита пожарот бил локализиран. Извршен бил увид од увидна екипа од СВР Скопје. Се преземаат мерки за расчистување на случајот.

Скопје | пред 1 година

(Фото) Теодор Јовевски го извади Светиот крст од водите на Вардар во Скопје

Теодор Јовевски е момчето кое го фати светиот крст во водите на Вардар во Скопје.„Се надевам дека ќе ми донесе среќа“, кажа Теодор Јовевски кој го фати Светиот крст во Скопје.Тој за првпат се фрла во водите на Вардар на Водици оваа година.На положувањето на чесниот крст му претходеше литија од црквата „Рожденство на Пресвета Богородица“, каде претходно се одржа литургија.Скопската православна епархија при МПЦ-ОА, како и секоја година, така и оваа го организира традиционалното осветување на водите на реката Вардар и чинот на положување на чесниот крст.

Скопје | пред 1 година

Стефан Георгиевски од Ѓорче Петров го фати светиот крст во Влае

Денеска на пладне, жителите од општините Карпош и Ѓорче Петров, на заедничка манифестација на „Железниот мост” во населбата Влае, го одбележаа големиот христијански празник Богојавление-Водици. Локалната самоуправа оваа година ја поддржа оваа манифестација со 40.000 денари, а за безбедноста на капачите кои учествуваа во верската церемонија во водите на реката Вардар, се погрижи десетчлената единица за заштита и спасување од Општина Карпош. Покрај големиот број верници, на традицоналната манифестација, присуствуваше и градоначалникот на Општина Карпош, Стевчо Јакимовски кој беше придружуван од членовите на Советот на Општината.-Ова е голем празник за христијанските верници. Општина Карпош традиционално ја поддржува оваа манифестација,особено за граѓаните од Нерези и многу сум среќен што голем број верници се собраа денеска да го одбележиме овој голем празник за сите. На сите овогодинешни фаќачи на крстот во целата држава, им посакувам добро здравје и среќа и секоја година да се фрлаат во ладните води на реките и езерата, во знак на овој голем ден – накратко се обрати Јакимовски.Во духот на христијанската традиција, свештените лица од црквата „Свети Пантелејмон“ од Нерези и „Свети Петар и Павле“ од Ѓорче Петров, го положија крстот во реката Вардар, при што најголема среќа имаше Стефан Георгиевски од Новоселски пат, од општина Ѓорче Петров, кој прв дојде до оваа света реликвија. Инаку, според религијата се верува дека токму овој крст, ќе му донесе нему здравје и бериќет во претстојнава година. По завршувањето на манифестацијата, присутните граѓани и верници се упатија кон црквата „Свети Пантелејмон“, каде што ги чекаше пригодна славска трпеза.

Скопје | пред 1 година

(Видео) МВР со детали за акцијата и апсењето на Штекли: најдена е прашкаста материја во пакувања

На 18 и 19.01.2025 Одделот за сузбивање на организиран и сериозен криминал во координација со Одделот за специјални полициски операции, под раководство на надлежен јавен обвинител од Основното јавно обвинителство за гонење на организиран криминал и корупција, по повеќемесечно криминалистичко истражување, спроведе координирана полициска акција, во која е сузбиена 14-члена организирана криминална група составена од лица од Скопје.Криминалната група подолг период вршела кривични дела од областа на недозволена трговија со дрога. Основаните сомневања се дека организаторот на криминалната група преку нејзините припадници вршел дистрибуција и улична продажба на наркотична дрога директно до корисниците.При реализацијата, постапувајќи по наредби за претреси во дом и други простории издадени од судија на претходна постапка, извршени се претреси кај 16 лица, на вкупно 21 локациja на подрачје на Скопје и Гевгелија. При претресите пронајдени и одземени се поголем број предмети за кои ќе биде извршено форензичко вештачење. Меѓу пронајдените и одземени предмети се и повеќе поголеми и помали пакувања со прашкаста материја. Во текот на денешниот ден ќе биде поднесена кривична пријава против 14 лица до надлежното Јавно обвинителство, а истите ќе бидат изведени пред судија на претходна постапка.Имајќи предвид дека оперативно тактичките активности се уште траат во координација со надлежниот јавен обвинител, јавноста дополнително ќе биде известена со повеќе информации.

Македонија | пред 1 година