ФЗОМ знаат за недостатокот од биолошка терапија, бараат критериуми за вклучување на пациенти на посебни терапии

Директорот на Фондот за здравствено осигурување, Сашо Клековски, во изјава за МИА вели дека од Клиниката за радиотерапија и онкологија се информирани за недостатокот на одреден број лекови, од биолошката терапија.„Според информациите од Клиниката, тоа е поради несоодветното планирање во 2024 година, премин од 2024 во 2025 годинa и зголемен број на пациенти во декември. Фондот во 2024 година за УКРО одобри дополнителни пет милиони евра. Фондот работи на договор на зголемен буџет за 2025 година. И покрај напорите за зголемување на финансиите, УКРО треба да има јасни и транспарентни критериуми за вклучување на пациентите на посебните терапии. Треба да се воведе регистар на пациенти и други подобрувања за соодветно планирање и следење”, вели Клековски.

Македонија | пред 1 година

СДСМ: Скандал во СОЗР, роднини на директорот Томовски се дел од тендер од 3,5 милиони евра

СДСМ се огласи за, како што велат, голем роднинско-корупциски скандал поврзан со работата на директорот на СОЗР, Ивица Томовски, за што пишуваа и дел од медиумите.„Тендер вреден 3,5 милиони евра добила фирма во која роднина на директорот Томовски станува раководител на подружница од истата фирма, во ек на самата тендерска постапка.СОЗР, орган во рамки на Владата, склучила договор за обезбедување на државните објекти со компанијата „Праеториан ДООЕЛ“, вреден 3,5 милиони евра. Огласот за тендерот бил распишан на 10 октомври 2024 година и до тогаш, компанијата е во сопственост на Тадеуш Јарчев, а управител е Анета Јарчева.Но, само осум дена подоцна, во ек на огласот, односно на 18 октомври, Власе Танаскоски, роднина на Томовски, влегува во „Праеториан ДООЕЛ Скопје“.„Регистрирана е подружница во Охрид и за нејзин раководител е избран токму роднината на Томовски, Власе Танаскоски. Адресата на подружницата се совпаѓа со седиштето на компанијата „Гашо Пласт“, чиј сопственик е уште еден близок роднина на истиот функционер. Ова е класичен пример за злоупотреба на функцијата и директен конфликт на интереси. Владата на ДПМНЕ овозможува коруптивни шеми за лични интереси на функционерите од власта.Ова е синдром на еден коруптивен систем на ДПМНЕ кој работи за испумпување на парите на граѓаните, само за богатење на мал круг луѓе блиски до власта.Со вакви криминални шеми, Владата на Мицкоски го уништува правото и ја нарушува довербата на граѓаните во системот.СДСМ бара итна реакција од Антикорупциската комисија, Јавното обвинителство и сите надлежни институции. Неопходно е целосно да се истражи случајот и да се утврди одговорноста за овој скандал.Ваквите скандали мора да завршат. Граѓаните заслужуваат власт која ќе работи во нивни интерес, а не за лични и фамилијарни профити”, стои во соопштението на СДСМ.

Македонија | пред 1 година

Онкологија: Минатото раководство несоодветно го испланирало буџетот, работиме на надминување на недостатокот од биолошка терапија

По алармот и стравот од пациентите за недостаток од биолошка терапија, се огласија од за радиотерапија и онкологија. Тие велат дека моменталниот недостаток од биолошка терапија е резултат на административни процедури од претходното раководство, но дека се преземаат сите неопходни мерки за надминување на овој проблем.Во соопштението наведуваат дека се преземаат мерки за подобрување на планирањето на набавките и олеснување на тендерските постапки во соработка со Фондот за здравствено осигурување и Министерството за здравство.Во периодот до надминување на проблемот, на пациентите им ја даваат терапијата која е моментално достапна во клиниката.„Целта ни е да обезбедиме навремено и континуирано снабдување со терапија за нашите пациенти, и уверени сме дека актуелниот недостаток ќе биде надминат во најкус можен рок,“ стои во соопштението.

Македонија | пред 1 година

Нема биолошка терапија за болните од рак

Повторно страв и несигурност кај болните од рак.Пациентите на Клиниката за радиотерапија и онкологија во Скопје се соочуваат со недостиг на многу важната биолошка терапија.Според кажувања од пациенти, во моментов недостасуваат лековите „atezolizumab (tecentriq)“, „bevacizumab (avastin)“, „palbociclib“, „ribociclib“, „fulvestrant“ и „cetuximab“. Со ова се доведуваат во животозагрижувачка состојба. Но, постои опасност набргу да нема и ,,trastuzumab emtansine (kadcyla)“, „nivolumab“, „cobimetinib“ и „vemurafenib“.„Клиниката не може да одговори на растечкиот број пациенти со метастатски канцери, што доведе до овој недостиг. Дополнително, продолжувањето на животниот век на пациентите значи дека тие подолго време имаат потреба од терапија. Иако минатата година беа одобрени дополнителни средства, тие очигледно не беа доволни”, изјави за МИА, Ана Марјановиќ, пациентка и претставник на здружението „Хема-онко“.Скопје1 влезе на Онкологија и ги регистрираше состојбите на оваа клиника. Приказни кои болат, недостаток на медицински персонал и лекови.

Македонија | пред 1 година

Повторно топли радијатори во Центар

Екипите на ЕСМ Дистрибуција, утринава ги завршија активностите за санирање и отстранување на дефектот на магистралниот вод А во општина Центар.Од ЕСМ дистрибуција велат дека по завршувањето на овие интервенции, во тек се активности на полнење на топловодите, со што испораката на топлинска енергија до потрошувачите кои се снабдуваат од тој магистрален вод се нормализира и се обезбедува стабилно и непрекинато снабдување за сите потрошувачи во општина Центар со топлинска енергија.Во текот на вчерашниот ден поради дефект во топловодната мрежа голем дел скопски општини останаа со ладни радијатори, на што скопјани нервозно реагираа.

Скопје | пред 1 година

Трамп ја одложи забраната за TikTok: „Не сум одлучил дали да се продаде или да го затворам“

Американскиот претседател, Доналд Трамп, вчера потпиша извршна наредба со која бара одложување од 75 дена во спроведувањето на забраната за популарната кинеска видео апликација TikTok. Апликацијата мораше да престане да работи на 19-ти јануари според законот и беше недостапна за Американците.Наредбата го упатува јавниот обвинител да не го спроведува законот со цел „да ѝ се даде можност на администрацијата на Трамп да одреди соодветен курс на дејствување во врска со TikTok“.Новиот американски претседател, исто така, му наложи на Министерството за правда да испрати писма до компании како Apple, Alphabet's Google и Oracle кои работат со TikTok „во кои се наведува дека нема прекршување на прописите и дека нема одговорност за какво било однесување што се случува во горенаведениот период“.На прашањето каков е ефектот на регулативата на TikTok, Трамп рече: „Тоа само ми даде право да го продадам или да го затворам“, додавајќи дека мора да донесе одлука.Судот пресуди дека TikTok мора да биде продаден или забранет.Врховниот суд на САД во петокот го потврди законот со кој се бара ByteDance, сопственикот на TikTok, да ја продаде популарната апликација што ја користат речиси половина Американци или ќе се соочи со забрана во земјата од 19 јануари поради загриженост за националната безбедност.ByteDance моментално одбива да го продаде својот деловен скапоцен камен, иако се јавија неколку инвеститори.TikTok е една од најпопуларните социјални мрежи во САД, која ја користат околу 170 милиони Американци, или околу половина од вкупното население, вклучително и многу млади луѓе.Фактот дека TikTok е во кинеска сопственост со години ги загрижува американските власти.„Сериозна закана за американската национална безбедност“.САД веруваат дека кинеската контрола врз TikTok претставува „сериозна закана“ за националната безбедност на САД и дека Кина се обидува да собере огромни количини на чувствителни податоци за Американците, за тајно да манипулира со јавното мислење и тврди дека Кина ги принудува компаниите како ByteDance, тајно да ги предадат податоците на корисниците на социјалните мрежи и да ги спроведат директивите на кинеската влада.Огромната база на податоци на TikTok, веруваат САД, е моќна алатка што кинеската влада би можела да ја користи за вознемирување, регрутирање и шпионажа и дека Кина „може да го користи TikTok како оружје за да им наштети на САД“.Предлог-законот за забрана на TikTok, освен ако не се продаде на американски корисник, беше усвоен во Конгресот минатата година со двопартиски гласови.

Магазин | пред 1 година

Оваа СДС е истата партија од претходно, која молчеше и уште збор не кажува и не се извинува за криминалите на Артан Груби, вели ВМРО-ДПМНЕ

„СДС е безгласна буква. СДС на чело со Венко Филипче дословно и без да гукне ги извршува политиките на неговите претходници, Зоран Заев и Димитар Ковачевски слугувајќи на ДУИ и Артан Груби“, вели ВМРО-ДПМНЕ и додава:Филипче никако не може да излезе од нивната сенка и нема храброст да се извини за криминалните коалиции, за кои сеуште се држи, и за криминалот на Груби кој месец дена ја тресе македонската јавност.Венко Филипче не смогна сили да се извини ни зошто МВР, на чело со Оливер Спасовски во владата на СДС, со години не преземала ништо за да ги спречи неговите криминални дела.Не само што не го спречиле криминалот на Груби, МВР на чело со Спасовски не покрена ниту постапка за негово кривично гонење и соочување со лицето на правдата.Венко Филипче и ова раководство на СДС, составено од третиот и четвртиот ешалон од времето на владеењето на Заев, уште го штитат Артан Груби и неговиот политички договор со неговите претходници.Во СДС ништо се нема сменето. Таму се е исто, дури и Зоран Заев го има, и ова СДС е континуитет на правените седум годишни криминали и препознатлива по измеќарството кон ДУИ.Седумгодишните криминали, предавството на националните интереси и слугувањето на претходните раководства кон ДУИ и Артан Груби, се едни од главните причините кои СДС го доведоа до историски најголемиот изборен пораз.И ако Филипче не собере сили да се извини прво за Артан Груби, а потоа за се останато, со сигурност СДС ќе го бетонира на дното на македонската политичка сцена.

Македонија | пред 1 година

(Видео) „Бакнежот“ на Меланија и Трамп е незгоден и вирален: Дали првата дама намерно го избегна?

Моментот кој многумина ги насмеа на инаугурацијата на Доналд Трамп беше кога американскиот претседател се обиде да ја бакне сопругата Меланија Трамп пред самата церемонија, но не успеа, бидејќи никој друг освен нејзиниот шешир - не му пречеше. Чести беа коментарите дека таа намерно го избегнала, но дали е тоа така?Првата дама на Америка облече божествено дизајнерско палто и привлече внимание со модните избори за една ваква важна церемонија, а „деталот“ кој ги привлече сите погледи беше нејзината голема шапка под која криеше сериозно лице.Во еден момент Доналд отишол да ја бакне сопругата, но наместо вистински бакнеж „паднал“ - „воздушен бакнеж“, како што се пошегувале корисниците на социјалните мрежи. Иако Мелани ги стисна усните, таа го сврте образот кон него, а откако тој се оддалечи, таа благо се насмевна.Овој момент е еден од највиралните на социјалните мрежи, а што всушност значеше однесувањето на Меланија?Една жена која го проучува говорот на телото, Џуди Џејмс, во интервју за Paddy Power објасни што се случило и што може да ни каже однесувањето на Меланија.Џејмс тврди дека Трамп влегол во просторијата со „бавно алфа присуство“ и со насмевка, но и со кревање раменици што сугерирало „мрачен, сериозен пристап кон бизнисот“.Додека одеше кон Меланија, Џејмс рече дека „нежно ја фатил за рака“ во романтичен гест што обично се гледа на свадбена церемонија.„Тој потоа се наведна за да ја бакне сопругата и за момент изгледаше како да ќе ја бакне во устата“, рече таа.Таа објасни дека тоа е „момент што го запира срцето“, бидејќи се чинело „како нивната синхроничност да била нарушена“.Сепак, Џејмс вели дека Трамп „очигледно се задоволил со воздушен бакнеж“.Таа заклучи дека Меланија е задоволна од интеракцијата: „Погледот на Меланија кон нејзиниот сопруг блесна, не само за момент на признание и благодарност, туку неговиот знак дека таа му е приоритет и дека тие се тим во Белата куќа“.

Магазин | пред 1 година

(Видео) Барон Трамп го привлече вниманието на инаугурацијата на неговиот татко

Петте деца на Трамп, Доналд Џуниор, Иванка, Ерик, Тифани и 18-годишниот Барон заедно пристигнаа во Капитол за да го поддржат својот татко.Барон Трамп, кој студира во Њујорк, го привлече вниманието со својот изглед, а многумина пишуваат дека најмладиот син на Трамп пораснал во згоден млад човек. Патем, Барон имаше 10 години на првата инаугурација на неговиот татко, одржана во 2017 година, а дури и тогаш беше речиси висок како неговите родители.Барон е 2,06 m повисок од својот татко, кој е еден од највисоките претседатели во историјата и е висок 1,90 m, додека Меланија е 1,80 m.Патем, Барон гласаше за прв пат минатата година.Меланија Трамп ја објави фотографијата на своите профили на социјалните мрежи. „Гласаше за прв пат во животот - за својот татко“, напиша таа покрај фотографијата од избирачкото место.

Магазин | пред 1 година

(Видео) Траорно сведоштво за тинејџер-пациент со рак кој починал; Се повеќе деца со рак на мозок и коски

Се повеќе деца со карцином. Потресни приказни доаѓаат од Онкологија. Го емитувавме првиот дел од „Крик за живот“, каде докторите и пациентите зборуваа за тешкотијата на болеста, која резултира и со смрт.„За жал на овој оддел, има поголем број на деца. Овде се зрачат деца со карцином на мозок и коски. Последно што се сеќавам, последното дете беше шест години имаше кацином на мозок. Имаме доста пациенти, но и родители на пациенти кои не ја прифаќаат тежината на болеста“, рече доктор-онколог Маја Иванова.Таа раскажа и како млад пациент кој ја губел битката и бил свесен за тоа, утеха нашол во религијата.„Млад пациент, 15-16 години, со коскен карцином, метастатска фаза на болест, дадовме еден, втор циклус на хемотерапија, зречевме, ама не одеше. Со пациентот се приврзуваме, едноставно гледаш да дадеш и друга смисла на целата битка. Пациентот е свесен дека ја губи битката, прашува: ‘Што понатаму?’... Ја загуби битката, но во Библијата пишува: ‘Кој верува во Господ Исус Христос и да умре ќе живее’, па тоа му беше надеж на детето, му влеа надеж, па така си замина мирно“, рече доктор-онколог Маја Иванова.Што сѐ се среќава на Онкологија, погледнете во репортажата каде зборуваат и пациенти:

Македонија | пред 1 година

Која е Меланија Трамп, старо-новата прва дама на САД: Од Севница во Словенија до Белата куќа

Меланија Кнавс, сега Трамп, е родена во Севница, гратче на околу еден час возење од Љубљана. Нејзиниот татко Виктор бил продавач на автомобили, а нејзината мајка Амалија работела како дизајнерка на облека. Меланија израснала со родителите и помладата сестра Инес, а по завршувањето на основното училиште се преселиле во Љубљана, каде подоцна студирала индустриски дизајн и архитектура.Во неодамна објавената автобиографија, Меланија Трамп се присети на својот живот во поранешна СФРЈ, но и на една непријатна ситуација кога УДБА ја пребарала нивната куќа поради „сомнителниот начин на живот“ на нејзиниот татко, бидејќи објавиле дека има голем возен парк. Таа изјавила и дека нејзиниот татко, иако бил член на Комунистичката партија, тоа не било поради неговите политички убедувања, туку бил принуден да се приклучи.„Можеби некој сосед, или колега или некој близок до властите го пријавил возниот парк на татко ми. Тој никогаш не бил прогласен за виновен за кривично дело и никогаш не бил затворен. Неговото членство во Комунистичката партија беше задолжително, бидејќи партијата воведе автоматска месечна членарина која му се одбиваше од платата“, напиша таа во своите мемоари.На 16 години почнала да се занимава со манекенство, а набрзо кариерата ѝ тргнала нагоре и се преселила во Италија, па во Париз, а потоа во Соединетите Американски Држави. Таа се појави во многу рекламни кампањи и работеше за некои од најдобрите фотографи во модната индустрија. Потоа го смени името во Меланија Кнаус, под кое се појавува во списанија како JQ, Vanity Fair и Sports Illustrated, пишува CNN.Таа се преселила во Њујорк во 1996 година, кога имала само 26 години. Две години после тоа, Меланија го запознала својот иден сопруг Доналд Трамп, кој во тоа време се забавувал со друга девојка, во популарен клуб на Менхетен. Тој отиде до нејзиното биро и се претстави.„Како модел и некој кој често е поканета на луксузни забави во Њујорк, така го запознала Доналд Трамп, колку што знам“, вели Кетрин Џелисон, професорка на Универзитетот во Охајо.Кнавс стана Меланија Трамп на 22 јануари 2005 година. Една година подоцна, таа го роди синот Барон, нивното единствено дете. Истата година, речиси десет години откако се пресели во САД, таа стана американска државјанка.Со кандидатурата на Доналд, а подоцна и неговата победа на американските избори во 2016 година, нивниот брак беше ставен „под микроскоп“. Од неговата инаугурација, кога камерите ја фатија Меланија намуртена, до контроверзите околу неодамнешното судење на кое главен актер беше Доналд Трамп, врската на брачната двојка „зад камерите“ не престанува да ја интригира јавноста.Со победата на Трамп, Меланија се врати на позицијата прва дама, а интересно е што таа е само втората „прва дама“ родена во странство. Пред неа, единствена „странец“ во Белата куќа беше Луиза Адамс, родена во Англија, која беше сопруга на Квинси Адамс, шестиот претседател на Америка.

Свет | пред 1 година

Трамп вети дека ќе ја заврши војната во Украина за 24 часа: „Имам уште половина ден да го направам тоа“

Американскиот претседател Доналд Трамп изјави дека планира да се сретне со рускиот претседател Владимир Путин веднаш штом ќе се договорат разговорите, процес за кој рече дека веќе е во тек.Откако како претседателски кандидат изјави дека би можел да ја заврши војната во Украина во рок од 24 часа по преземањето на функцијата, Трамп истакна дека му останува уште половина ден за да ја постигне таа цел.„Ќе се обидеме тоа да се случи што е можно побрзо. Знаете, војната меѓу Украина и Русија никогаш не требаше да започне“, им рече тој на новинарите во Овалната соба.Изборот на Трамп за државен секретар, Марко Рубио, претходно во понеделникот изјави дека не може да постави временска рамка за завршување на војната меѓу Русија и Украина, но им рече на новинарите дека секоја страна ќе мора да направи некои отстапки како природен дел од решавањето на секој конфликт. Тој исто така призна дека Русија е агресорот.

Свет | пред 1 година

Шефот на НАТО: Со Трамп на чело на САД, го вклучуваме турбо погонот

Генералниот секретар на НАТО Марк Руте очекува дека враќањето на Доналд Трамп на функцијата претседател на САД „брзо и значително ќе ја зајакне“ западната воена алијанса.„Со враќањето на претседателот Трамп на функцијата, ќе ги наплаќаме трошоците за одбрана и производството“, објави Руте на X.Руте изрази „топли честитки“ до Трамп за неговата инаугурација како 47-ми претседател на САД и до Џеј-Ди Венс како негов потпретседател.„Заедно можеме да постигнеме мир преку сила - преку НАТО“, заклучи Руте.Трамп ги повика земјите-членки на НАТО да издвојат 5 отсто од својот бруто домашен производ за одбраната, наспроти претходните 2 отсто, што беше цел на НАТО. Новата цел би значела удвојување или повеќе од удвојување на распределбите за повеќето членови.

Свет | пред 1 година

(Видео) Маск доби функција во новата влада, славеше додека Трамп зборуваше за луѓе на Марс

Вчера беше потврдено учеството на Илон Маск во новата администрација на Доналд Трамп. Маск седеше зад членовите на семејството Трамп на церемонијата, смеејќи се и мавтајќи додека Трамп изјави дека „ќе ја следи нашата судбина до ѕвездите“.Извршниот директор на SpaceX изгледаше воодушевен кога Трамп вети дека ќе „лансира американски астронаути за да го засадат американското знаме на Марс“, долгогодишна лична амбиција на милијардерот. Маск го пофали новиот американски претседател во својот говор одржан непосредно по заклетвата. Тој го поздрави доаѓањето на новото „златно доба“ за САД.„Благодарение на вас, иднината на цивилизацијата е обезбедена“, рече тој.„Човеку, едвај чекам. Ова ќе биде прекрасно“, рече тој.Маск, кој е најбогатиот човек на планетата, исто така уште еднаш го поддржа Трамп во објава на X. Тој напиша: „Враќање на кралот“.Сопственикот на Тесла дал околу 200 милиони долари за кампањата на Трамп. Потоа беше назначен за шеф на новоформираниот Оддел за владина ефикасност (DOGE).Советничката група не е дел од Владата, но ќе препорача драстични кратења на буџетите и бирократијата. По неговото назначување, Маск постави цел од 2 трилиони долари, што одговара на големината на дефицитот на САД. Тоа би барало кратења на програмите за социјално и здравствено осигурување и веројатно отпуштања на стотици илјади државни службеници.

Свет | пред 1 година

(Видео) На Трамп му беше удобно и само што требаше да потпише извршни наредби, следеше изненадување

Доналд Трамп се врати во Овалната соба на Белата куќа каде што ги помина првите неколку часа како старо-нов американски претседател потпишувајќи извршни наредби и укинувајќи ги наредбите на поранешниот претседател Бајден.Меѓу другото, Трамп помилува околу 1.500 обвинети кои учествуваа во нападот на Конгресот на 6 јануари 2021 година.Додека тој потпишуваше серија извршни наредби, еден од новинарите собрани во Овалната соба го праша американскиот претседател дали го нашол писмото на Џо Бајден во познатото биро Резолут.Трамп потоа рече дека не знае ништо за тоа, а потоа ги провери фиоките на неговото биро. Едена од нив била со писмо кое Трамп потоа го покажа пред камерите.„Ти благодарам, Питер“, му рече Трамп на новинарот па додаде: „можеа да поминат месеци додека да го најдам ова“.„Можеби треба да го прочитаме сите заедно“, рече Трамп, а потоа го остави писмото настрана.Тој изјави дека прво сам ќе го прочита, а потоа ќе го сподели јавно.На ковертот беше подвлечен бројот 47. Доналд Трамп е 47-от претседател на Соединетите Американски Држави.

Свет | пред 1 година

Трамп помилува 1.500 напаѓачи на Конгресот со потпис, а потоа најави промена: „Одлучив. Почнуваме од 1 февруари!'

Новиот американски претседател Доналд Трамп го потпиша првиот сет на извршни наредби, на крајот од неговата церемонија на полагање заклетва во спортската сала Capital One во Вашингтон, пред да биде однесен во Белата куќа за понатамошни потпишувања.Меѓу другото, тој првично ги повлече САД од Парискиот климатски договор. Соединетите држави, вториот најголем загадувач во светот зад Кина и историски најголем загадувач, го напуштија Парискиот договор за климата за време на првиот мандат на Трамп, но Џо Бајден го врати во својот. Парискиот договор е насочен кон ограничување на глобалното затоплување и борба против климатските промени. Тој поставува цели за намалување на штетните емисии, што значи дека владите се согласија да го ограничат глобалното затоплување на 1,5 степени Целзиусови над прединдустриските нивоа со цел да се избегнат најлошите ефекти од климатските промени.Трамп најпрво потпиша извршна наредба со која поништи 78 извршни наредби на неговиот претходник Џо Бајден, вклучително и отстранување на Куба од листата на држави спонзори на тероризмот, објавија американските медиуми.Потоа, покрај повлекувањето на САД од договорот за климата, тој исто така го забрани издавањето на нови федерални регулативи додека тој и неговата влада не ја преземат целосната контрола, привремено го забрани вработувањето во федералната влада, освен воената и националната безбедност и го укина работењето од дома за федералните вработени.Во салата, тој исто така им нареди на сите федерални агенции да се справат со зголемената криза на трошоците за живот, потпиша наредба за враќање на слободата на говорот и забрана на цензурата, пренесува телевизијата ABC.Пред околу 20.000 приврзаници во салата, Трамп ја опиша администрацијата на Бајден како најлоша во историјата и, на воодушевен аплауз, објави серија други извршни наредби што ќе ги потпише во Белата куќа. Меѓу другото, тој ги помилува осудените за нападот на федералниот конгрес на 6 јануари 2021 година, околу 1.500 од нив, јавува Би-Би-Си.Трамп како заложници ги опишува своите приврзаници кои се обиделе насилно да го спречат потврдувањето на резултатите од претседателските избори пред четири години.Во понеделникот, Трамп потпиша извршни наредби за прогласување вонредна состојба против илегалната имиграција на границата меѓу САД и Мексико, означувајќи ги криминалните картели како терористички организации. Трамп, исто така, потпиша извршна наредба со која се очекува да ја суспендира американската програма за преселување бегалци на четири месеци.Трамп ги укина санкциите наметнати од поранешната администрација на Бајден за екстремно десничарски израелски доселеници и поединци за наводно извршување насилство врз Палестинците на окупираниот Западен Брег.Трамп најави воведување тарифи од 25 отсто за увоз од Канада и Мексико, кои ќе стапат на сила од 1 февруари, пишува Си-Ен-Ен.Тој исто така рече дека ќе има средби со рускиот претседател Владимир Путин и дека на САД им е потребен Гренланд за национална безбедност. САД имаат намера да се повлечат од Светската здравствена организација (СЗО), а Трамп ги откажа извршните наредби кои се однесуваа на т.н. програмата DEI (Разновидност, еднаквост и вклучување) што беше широко критикувана низ САД бидејќи, според критичарите на програмата, таа ги наведе работодавците да користат расни, сексуални и други параметри како главни критериуми за вработување наместо оние поврзани исклучиво со компетентноста за извршување на работата.Новиот американски претседател во понеделникот потпиша извршна наредба со која ги поништува напорите на поранешниот претседател Џо Бајден да го блокира дупчењето нафта на Арктикот и долж големи делови од американскиот брег.Извршните наредби што ги потпиша и ќе ги објави за време на претседателската кампања не се сите популарни. Според анкетата на АП, на пример, само 20 отсто од Американците го поддржуваат повлекувањето од Парискиот климатски договор, вклучително и помалку од 50 отсто од републиканците на Трамп.

Свет | пред 1 година

Имиграција, клима, Панама - еве ги главните ветувања на Трамп по инаугурацијата

Вонредна ситуација на границата со Мексико и „милиони и милиони“ протерани илегални имигранти, повлекување од Парискиот климатски договор, враќање на контролата над Панамскиот канал... Американскиот претседател Доналд Трамп во својот инаугуративен говор една по друга даваше најави.Доколку се спроведат овие мерки, несомнено ќе доведат до жестоки правни спорови. Некои од нив дури се чини дека се против уставот.Едно од главните ветувања во предизборната кампања, големата антиимиграциска офанзива, доби конкретна форма во инаугуративниот говор на Трамп. „Ќе прогласам вонредна состојба на нашата јужна граница со Мексико“, најави тој.„Секој нелегален влез веднаш ќе биде запрен и ќе почнеме да испраќаме милиони и милиони криминалци назад од каде што дојдоа. „Ќе испратам војска на јужната граница за да ја одбие инвазијата на нашата земја“, рече тој.Според официјален претставник во неговата идна администрација, Доналд Трамп исто така сака да го прекине правото на азил и правото на државјанство „ius soli“ (принципот на територија, за децата родени во САД чии родители се илегални имигранти) и да продолжи да го гради граничниот ѕид со Мексико.Првиот конкретен ефект е веќе видлив, платформата за барање азил што ја лансираше администрацијата на Бајден престана да функционира. „Постојните термини за интервју за азил се откажани“, објави службата на својата веб-страница.Администрацијата на новиот американски претседател во понеделникот објави дека САД по втор пат ќе се повлечат од Парискиот договор за климата, што ги загрозува глобалните напори за борба против глобалното затоплување.„Претседателот Трамп ќе се повлече од Парискиот договор за климата“, се вели во соопштението на Белата куќа.Соединетите држави, вториот најголем загадувач во светот зад Кина и историски најголем загадувач, го напуштија Парискиот договор за климата за време на првиот мандат на Трамп, но Џо Бајден го врати во својот.Во својот инаугуративен говор, Доналд Трамп исто така најави дека ќе прогласи „енергетска вонредна состојба“ за да го зголеми производството на јаглеводороди во Соединетите држави, веќе водечки светски производител и да ги намали трошоците за енергија.„Ќе дупчиме, душо, дупчи“, повтори тој, фраза што стана една од неговите слогани во кампањата, „Ќе дупчиме, душо, дупчи“.„Ќе го вратиме Панамскиот канал“, изјави новиот претседател.Изграден е од САД и отворен во 1914 година, а неговата контрола и е предадена на Панама во 1999 година, по договорот постигнат во 1977 година од тогашниот американски претседател Џими Картер.„Луд подарок што никогаш не требаше да се даде“, изјави Доналд Трамп.„Целта на нашиот договор и духот на нашиот договор се целосно прекршени“, рече тој, „американските бродови имаат прекумерни тарифи и не се третирани фер... И што е најважно, Кина го експлоатира Панамскиот канал, а ние го направивме да не ѝ го даваме на Кина и затоа ќе го вратиме“.„Каналот припаѓа и ќе продолжи да ѝ припаѓа на Панама“, одговори панамскиот претседател Хозе Раул Мулино.„Ќе воведеме царини и даноци на странски земји за да ги збогатиме нашите граѓани“, најави Трамп. Тој вети дека „веднаш ќе го реновира нашиот трговски систем за да ги заштити американските семејства и работници“.Доналд Трамп не ги прецизираше своите намери во својот инаугуративен говор, но за време на кампањата рече дека ќе воведе царини од 25 отсто на увозот од соседните Мексико и Канада.Тој, исто така, се закани дека значително ќе ги зголеми царините за кинеските производи.„Укинување на трансродовите заблуди“ беше уште едно од неговите предизборни ветувања.„Од овој ден натаму, официјалната политика на владата на Соединетите Американски Држави ќе биде дека има само два пола, машки и женски“, дефинирани при раѓањето, рече тој во понеделникот, а неговиот тим вети неколку извршни наредби за ставање крај на федералната помош за трансродовите луѓе. .Официјалните владини документи ќе го отстранат родот „Х“, ниту машки ниту женски, за луѓето кои се идентификуваат како небинарни, според извор од претседателскиот тим.Изборот беше воведен за време на мандатот на Џо Бајден.

Свет | пред 1 година

(Видео) Маск, во тотална еуфорија, го зеде микрофонот по Трамп и одржа крајно бизарен говор: „Доаѓа одлучувачки момент во историјата на цивилизацијата!“

Извршниот директор на Tesla, Илон Маск, кој беше назначен од новоизбраниот американски претседател Доналд Трамп за ко-шеф на новиот Оддел за владина ефикасност, присуствуваше на инаугурацијата на Трамп, а по говорот на претседателот, тој самиот многу ентузијастички и се обрати на толпата.- Еве како изгледа победата! И ова не беше обична победа. Ова беше одлучувачки момент во историјата на човечката цивилизација. Знаете, има избори кои доаѓаат и си одат. Некои избори се важни, некои не се. И овие, овие беа навистина важни, рече Маск.Тој го продолжи својот говор заблагодарувајќи им се на поддржувачите на Трамп.- Благодарение на вас, иднината на цивилизацијата е обезбедена. Ќе имаме безбедни градови, конечно, безбедни градови, обезбедени граници, разумна потрошувачка, основни работи, рече Маск и додаде дека сега ќе можат да го „однесат Дож на Марс“.Да потсетиме дека за време на неговата кампања Трамп вети дека ќе испрати луѓе на Марс за време на неговиот мандат во соработка со Маск.Широко насмеан Маск им кажа на толпата за време на неговиот говор дека би било „одлично“ за САД да стигнат до Марс, пренесува Sky News.- Можете ли да замислите колку ќе биде прекрасно кога американските астронаути за прв пат ќе го постават американското знаме на друга планета, ја прашаа толпата Маск, скокајќи на подиумот и имитирајќи го знамето кое се удира во земјата?

Свет | пред 1 година

Адвокатот на Палчо реагираше за презентираните снимки, според него во нив нема доказ за грабнување и убиство на Вања

Адвокатот Јовица Страшевски, кој е бранител на Љупчо Палевски-Палчо реагираше што во судот биле презентирани снимки од возилата „рену кангу“ и „цитроен“, без притоа, на дел од нив нив да се видат и потенцираат регистарските ознаки. Според него, снимките не докажуваат ништо.„Освен во последните 17 видео записи каде што се гледат таблиците на 'Реното кангу', друго, Обвинителството денес со овој кривично правен настан не покажа. Самото назначување дека е тоа движење на 'реното кангу' по исчезнувањето на Вања не докажува ништо, бидејќи тоа е движење по скопските улици. Ниту за 'цитроенот' не беше докажано тоа што констатираше обвинителството. Чудно е од моето скромно искуство, како на секоја презентирана точка од страна на обвинителството судот помага во објаснување на видео записите“, рече адвокатот Страшевски.Тој додаде: „Беше презентирно движење на возила без притоа не можеше да се види регистарска табличка. Движењето на 'Цитроенот' како што наведе ОЈО во ниту еден момент од неговото движење немаше покажано лица кои се во предметното возило, невозможно по убедувањето на ОЈО по пребарувањето на регистарските таблички на возилото да случи без да се гледаат табличките“.

Македонија | пред 1 година

Почина доктор Мирјана Петровска

На 66-годишна возраст почина нашата почитуванa прим. д-р Мирјана Петровска, специјалист по анестезиологија со реаниматологија.„Прим. д-р Мирјана Петровска 16 години беше дел од тимот на Клиничката болница „Аџибадем Систина“ и „Мала Богородица“. Ќе остане запаметена по нејзината посветеност, придонес во анестезијата и интензивното лекување, професионалност и хуманост. Длабока почит од целиот менаџерски тим на КБ ,,Аџибадем Систина“ и сите вработени. Вечна ѝ слава, нека почива во мир!“, напишаа од „Аџибадем Систина“

Македонија | пред 1 година

Движење на „Реното кангу“ утрото кога исчезна Вања

Снимки од движењето на возилото „Рено кангу“, кое го користела политичката партија „Десна“ со која претседаваше Љупчо Палевски-Палчо беа презентирани денеска во Кривичен суд. Снимките се од критичниот ден, односно утрото кога Вања исчезна, односно денот кога Обвинителството тврди дека била и убиена.„Во 5 часот 37 минути и 32 секунди се гледа како возилото ‘рено кангу’ поминува на раскрсницата од булевар ‘Јане Сандански’ со ул. ‘Васко Карангелевски’ и продолжува во насока на хотел ‘Русија’. Во 5:39 часот возилото е лоцирано на раскрсница меѓу булевар АСНОМ и бул. ‘Србија'”, рече обвинителката.Возилото се движи од Чаир кон Дебар Маало - Центар, а во истото има едно лице што се забележува на камерата во Центар пред да стигне кај Влада пред да се упати по Партизанска во време 6:30. Кога стига на раскрцницата кај Соборна, во 6:30 часот се забележува „Реното кангу“ дека продолжува да се движи право по Партизански одреди кон Карпош, и врти десно на улицата Ленинова.Во 7:30 минути (минути пред Вања да биде грабната) се забележува како се движи од Дебар Маало и се вклучува на булеварот Илинден.„'Реното кангу' се наоѓа во левата лента но според сообраќајните правила не смее да врти во лево на место каде што не е дозволено вртење во лево според сообраќајните правила“, рече обвинителката презентирајќи ја снимката.Во 7 часот и 39 минути се забележува на раскрсницата од булаварот Илинден со Наум Наумовски Борче. Продолжува да се движи по Илинденска кон Карпош што се гледа на камерата кај Зоолошка. Стига до Мида и врти десно по булаварот „8 Септември“, кај Александар Палас, во правец кон Момин Поток и ако се зумира во истото се забележува дека има едно лице - возач. Движењето на „Реното кангу“ продолжува по булаварот „8 Септември“ во 7 часот и 38 минути.

Македонија | пред 1 година

Во среда ден на жалост во Србија поради загинување на осум лица во старечки дом

Во Србија среда (22 јануари) ќе биде за ден на жалост.„Утре ќе донесеме одлука во Владата да прогласиме ден на жалост поради страшната трагедија, огромната трагедија што се случи рано утринава во Бараево, во домот за стари лица“, рече премиерот Милош Вучевиќ.Осум лица загинаа, а седум се повредени во пожар што избувна рано во понеделникот во дом за стари лица во белградската општина Браево.Дополнително, лекарите се борат за животите на уште три лица, кои се тешко повредени по пожарот.Пожарот го предизвикал еден од жителите на објектот кога запалил душек во својата соба. Како што неофицијално објавија српските медиуми, лицето било ментално болно, а по подметнувањето пожар починало од последиците од пожарот.

Свет | пред 1 година

Поскапуваат горивата - новите цени се објавени

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,16 % во однос на одлуката од 17.01.2025 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,747%, кај дизелот за 1,791%, кај екстра лесното масло зголемувањето е за 0,516% и кај мазутот зголемувањето е за 0,921%.Курсот на денарот во однос на доларот во изминатиот период по кој беа формирани цените со претходната пресметка е повисок за 0,0771%.Од 21.1.2025 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 81,00 (денари/литар)Моторен бензин ЕУРОСУПЕР БС - 98 83,00 (денари/литар)Дизел гориво ЕУРОДИЗЕЛ БС (Д-Е V) 76,00 (денари/литар)Масло за горење Екстра лесно 1 (ЕЛ-1) 75,50 (денари/литар)Мазут М-1 НС 46,673 (денари/килограм)Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит.Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се зголемуваат за 0,50 ден/лит.Малопродажната цена на Мазутот М-1 НС се зголемува за 0,337 ден/кг и сега ќе изнесува 46,673 ден/кг.Напоменуваме дека ова се максималните цени на нафтените деривати од 00:01 часот на 21.1.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 1 година

Скопјани смрзнуваат без парно

Скопјани револтирано реагираат бидејќи скоро цело Скопје е без парно затоплување.Од АД ЕСМ Снабдување со топлина, соопштија дека поради зголемени загуби на вода во топлификациската дистрибутивна мрежа има намален квалитет во испораката на топлинска енергија.@Екипите на Дистрибуција на топлина се на терен и активно работат на изолирање на проблемот, со цел воспоставување стабилен хидрауличен режим во системот и нормализација на снабдувањето со топлинска енергија. Се користат сите расположливи ресурси, а екипите преземаат засилени мерки и вложуваат максимални напори за што побрзо воспоставување на редовно снабдување со топлина до потрошувачите”, велат од АД ЕСМ Снабдување со топлина.Тие корисниците ги упатуваат на Центарот за грижа за потрошувачи на телефонските броеви (02) 3076 200 и 075400100, за дополнителни информации.

Скопје | пред 1 година

Пожар во старски дом во кавадаречко Чемерско, евакуирани сите 30 лица

Пожар го зафатил старскиот дом во кавадаречкото село Чемерско. Навреме се евакуирани сите 30 лица кои биле сместени во домот.Навреме интервенирале пожарникарски тимови, но и полиција и медицински лица.Во пожарох нема жртви или повредени лица.Сите лица се транспортирани во Општата болница во Кавадарци.

Македонија | пред 1 година