(Драматично видео) Преживеани патници излегуваат од остатоците на авионот

Во страшната несреќа кога патнички авион се урна во близина на аеродромот Акатуа во Казахстан, животот го загубија над 40 лица. Во авионот имало 72 лица, патници и членови на екипажот, а според последните информации преживеале 25 лица.Меѓу патниците имало и деца. Некои од лицата кои се пренесени во болница се во тешка состојба.На социјалните мрежи се појави видео од преживеаните патници кои излегуваат од остатоците од авионот.Според првичните, неофицијални информации, авионот на летот Баку-Грозни, претходно беше пренасочен кон аеродромот во Казахстан поради густа магла во Грозни, но според информациите, за време на летот се судрил со јато птици, што предизвикало дефект на моторите и пад на авионот.

Свет | пред 1 година

Осудените конгресмени во САД останаа без право на пензија

Џо Бајден уште 20 на дена останува на претседателската функција пред официјалното инаугурирање на Доналд Трамп. Дотогаш забрзано работи да ги заокружи своите заложби и потреби.На почетокот на овој месец, стави вето на Законот за вработување на 66 нови федерални судии, ги ублажи казните на 37 од 40-те осуденици на смрт во федералните затвори. Она за што сите со револт и потсмев говорат е издадето целосно и безусловно помилување за својот син Хантер Бајден.Со негова одлука, осудените конгресмени го загубија правото на пензија, а белоглавиот орел стана официјален симбол на САД.Американскиот претседател во заминување Џозеф Бајден потпиша 50 закони.

Свет | пред 1 година

Нема фотографија

Тренчевска: Која е фактурата што ДПМНЕ ја испорачува на ДУИ со пропуштањето на Груби преку граница?

Која е фактурата што ДПМНЕ и ДУИ си ја испорачуваат со пропуштањето на Артан Груби преку граница? Оваа цела ситуација личи исто како летото што избега Блерим Рамадани, така сега и Груби, и сите оние кои треба да одговараат пред законот, се во некаков договор со ДПМНЕ, ја напуштаат границата и бегаат, рече пратеничката на СДСМ, Јована Тренчевска, во дебатната емисија „Само вистина“ на Канал 5 Телевизија.- Не може коалицискиот партнер на ДПМНЕ да знае каде е Груби, а Тошковски да нема информации каде е. Многу прашања кој ги постави СДСМ на прес конференциите не беа одговорени од страна на власта, токму за пуштањето на Артан Груби преку граница. Ама имаше неколку кажувања, прво дека во еден момент не работеле камерите, па дека пешки ја поминал границата, па бил со дипломатско возило. И да не работат камерите, видеонадзорот не е на батерии. Многу е сомнително, а токму човек на Тошковски тој ден бил на работно место и го пропушта Груби да помине на граница. Сето ова укажува дека станува збор за некаков договор, рече Тренчевска.Тренчевска се осврна и на шесте месеци откако ДПМНЕ е на власт, велејќи дека за ова време од сè што ветија ништо не направија, освен што во судството ги местат своите, се разрешуваат комисии и регулаторни тела, а се поставуваат членови на ДПМНЕ.- Со ДПМНЕ нема светла точка во државата? Што постигнаа од она што ветија? Ништо. Ниту e подобар животниот стандард ниту има зголемување на платите. Дали кошничките дадоа резултат за подобрување на животниот стандард? Не. Новогодишната кошничка, ги разочара граѓаните, цените не се намалени, туку се поскапени. Премиерот излезе и рече дека кошничката дава резултати, за денес да слушнеме дека имало покачување на цените. СДСМ уште пред да започне оваа мерка новогодишна кошничка укажуваше дека трговците ги зголемија цените со амин на власта. Со политиките на ДПМНЕ граѓаните само осиромашуваат, рече претеничката на СДСМ, Јована Тренчевска.

Македонија | пред 1 година

(Видео) Се урна патнички авион во Казахстан, шест лица го преживеаја падот

Патнички авион на АЗАЛ кој летал од Баку за Грозни, се урна во Казахстан, јавува АПА.Според тамошната служба за итни случаи, во авионот имало 72 лица.Според првите податоци има и преживеани.„Шест лица ја преживеаја авионската несреќа кај Актау“, потврди министерот за здравство.Авион на АЗАЛ кој летал од Баку за Грозни се урна во средата наутро.Авионот испратил сигнал „СОС“ над Каспиското Море.

Свет | пред 1 година

Приведен криминалец баран со потерница

Денеска во 06.05 часот на улица „Дижонска“ во Скопје полициски службеници од Оперативен тим потраги при СВР Скопје го лишија од слобода 50-годишниот Б.У. од Скопје, кој бил баран со потерница за затворска казна од една година во врска со чл.292 (тешки дела против општата сигурност) од КЗ.Лицето ќе биде предадено на надлежната казнено поправна установа.

Скопје | пред 1 година

(Видео) 25 луѓе ја преживеале авионската несреќа во Казахстан

Патнички авион со 62 патници и 5 членови на екипажот се урна во Казахстан, соопшти тамошното Министерството за вонредни состојби. Според првите информации, падот го преживеале 25 лица, од кои 22 се пренесени во болница.42 лица загинаа, додаваат тие. Авионот на Азербејџан ерлајнс летал од главниот град Баку за Грозни, Русија, но бил пренасочен поради магла на дестинацијата. Се урна во близина на аеродромот Актау на западот на земјата. На социјалните мрежи се појави видео од падот на кое се гледа како авионот се запалил при ударот. Причината за падот се уште не е позната, но авиокомпанијата објави дека авионот бил принуден принудно да слета.

Свет | пред 1 година

Филипче за католички Божиќ: Да ги негуваме вистинските вредности за солидарност, единство и почит како основа за заеднички успех

Претседателот на Социјалдемократскиот сојуз на Македонија, Венко Филипче повод големиот празник Христовото раѓање – Божиќ, во свое и во име на партијата упати честитка до сите христијански верници кои овој празник го празнуваат по Грегоријанскиот календар, како и до скопскиот бискуп и апостолски егзарх во Република Северна Македонија, д-р Киро Стојанов.„На сите припадници на Католичката црква, како и на сите христијани коишто го слават Христовото раѓање, упатувам искрени честитки по повод денешниот голем празник. Од сѐ срце ви посакувам добро здравје, хармонија и благосостојба. Божиќ е симбол на нова надеж, заедништво и љубов. Во овие празнични денови да го насочиме вниманието кон вистинските вредности за солидарност, почит, меѓусебно разбирање и грижа едни за други. Само така можат да се пребродат и најтешките искушенија. Нека Божиќ биде поттик за нови почетоци и за заеднички успеси во годината што следи. Во божиќните и новогодишните празници посакувам да имате добра мисла, да ги поминете во мир и радост, меѓу своите сакани. Христос се роди!“, стои во честитиката на претседателот на СДСМ, Венко Филипче.

Македонија | пред 1 година

До последниот ден од криминалната влада со ДУИ, СДС се соизвршители во криминалот на Артан Груби, велат од ВМРО-ДПМНЕ

Во СДС нема ништо ново. Партиското раководство се остатоци и трет и четврт ешалон од владеењето на Зоран Заев, сега ставени во служба на Венко Филипче, велат од ВМРО-ДПМНЕ.„Секојдневно измислување приказни на СДС не поминуваат. Тие се прочитани од народот и никој не им верува. Тоа се виде на последните избори, на кои од граѓаните добија црвен картон.Дека СДС се декласирани и никој не им верува зборуваат и резултатите од последните анкети, каде што довербата од граѓаните им е 1 спрема 5 во корист на ВМРО-ДПМНЕ. Полека, но сигурно СДС ги снемува од политичката мапа.За да стекнат некаков кредибилитет, прво што треба СДС да направи е, јавно да им се извинат на македонските граѓани за криминалот на Артан Груби. Тие знае дека Груби криминално печали врз грбот на граѓаните и дека ја пљачка државата, а за тоа молчеа.Ова СДС, на чело со Венко Филипче, беа заедно во криминалната влада на СДС и ДУИ. За да им продолжи власта тие го одобруваа криминалот и крадењето на Груби, на кој потоа им се приклучија.СДС се соизвршители во криминалот на Груби и тоа траеше до последниот ден на нивната криминална влада.СДС молчеше за криминалот на Артан Груби дури и за време на изворната кампања, каде што на избори одеше со надеж, дека после нив, повторно ќе направат заедничка влада и ќе продолжат да крадат и да прават криминал.Владата предводена од ВМРО-ДПМНЕ е одлучна да воспостави ред и да се справи со политичките криминалци во СДС и ДУИ, кои здружно ја крадеа државата. Народот тоа го гледа и го цени и затоа предноста и довербата од граѓаните е во постојан раст.Правда и одговорност за сите во Македонија ќе има“, се наведува во соопштението на ВМРО-ДПМНЕ.

Македонија | пред 1 година

Изиграните уметници да покренат постапка кон Комората, изнесените тврдења се неточни, велат од град Скопје

Изнесените тврдења во изминатите денови од Комората на музичка индустрија се целосно неточни. Градот Скопје нема договор за ангажирање на уметници за 2024 година, таа обврска ја превземала Комората на музичка индустрија која учествувала на јавен повик на кој истакнала дека ќе организира настан финансиран од повеќе извори. За јавниот повик во град Скопје на кој Комората учествувала, претставникот на истата не пристапил да склучи договор ниту доставил документација за реализација на настан во согласност со условите на јавниот повик, реагира град Скопје.„За овие постапки на Комората на музичка индустрија, градот Скопје нема вина, напротив за одговорното лице во Комората подготвува тужба за утврдување на одговорност и за проверка на начинот на финансирање на активности преку надлежните институции со цел превенција на идни злоупотреби.Ги упатуваме сите уметници и останати лица кои се изиграни од страна на претставникот на Комората како организатор со кој имаат склучено договор, да покренат кон Комората постапки за наплата согласно меѓу нив утврдените услови и апелираме да не се потпаѓа под политички или било какви други манипулации во обид на претставникот на Комората со изнесување невистини да избегне одговорност за овој случај“, се наведува во соопштението на град Скопје.Музичките уметници кои лани за Нова Година ги забавуваа скопјани на Плоштад Македонија, останаа без хонорарите кои Град Скопје им ги ветил, објави претходно Сител. Иако според договорот, истите требало да им се исплатат во рок од три месеци, пејачите за Сител тврдат дека веќе цела година ги чекаат финансиите.

Скопје | пред 1 година

ДУИ упати неколку прашања до Мицкоски: Премиере, каде се истрагите за министерот за „смртта,“ како што го нарекувавте Арбен Таравари

„Демократската унија за интеграција остро го осудува систематскато заробување на институциите на правдата од оваа влада и конформизмот на одредени судии и обвинители кои се ставиле во служба на политиката. Овој загрижувачки тренд го поткопува владеењето на правото и ја уништува довербата на граѓаните во институциите кои треба да гарантираат правда за сите“, велат од ДУИ.„Вчерашната одлука на Обвинителството за ослободување на оние кои беа прогласени за виновни за обидот за државен удар на 27 април, со цел да се спречи изборот на првиот претседател Албанец на Собранието, со јавно признание од самите обвинители дека таму постои селективна правда, под политички притисок, и сето тоа направено на празничен ден со надеж дека нема да биде забележано од меѓународната заедница, е јасен одраз на оваа заробување.Исто така, му се обраќаме на премиерот Мицкоски: Што се случи со „плоштадот Тендербег“, како што го нарекувавте плоштадот Скендербег, за кој некогаш го обвинувавте Изет Меџити?Што се случи со истрагата за 30-те згради што беа изградени како „архитектонски Титаник“, но кои беа антиидатирани, наводно изградени во 2011 година, кога беше во сила законот за легализација?Овие згради не само што се симбол на урбанистичката злоупотреба, туку ја задушуваат животната средина на најгусто населената општина во Европа.Премиере, каде се истрагите за министерот за „смртта,“ како што го нарекувавте Арбен Таравари, кој според вас добил подарок две куќи за да стане министер во нашата влада?Или можеби вие сами доживувате „паничен напад, главоболка“, како што тврдите за обвинителите, и поради тоа сте заборавиле да ги гоните вашите актуелни министри?Вашите министри се претворија во вазали на вашите антидржавни политики, служејќи им на личните и политичките интереси наместо на граѓаните.Наместо да го подобрите владеењето на правото, вие го претворивте во карикатура на правдата. За само шест месеци, успеавте да ги поткопате темелите на граѓанската доверба со воведување селективна правда која служи само на вашите политички интереси.Демократската унија за интеграција ќе продолжи да го осудува и да се бори против овој срамен обид зазаробуавње на државата и правдата.Граѓаните на нашата земја заслужуваат вистинска, еднаква и независна правда, ослободена од политиката“, се наведува во соопштението на ДУИ.

Македонија | пред 1 година

(Видео) Експлозија во Русија: гори трговскиот центар, има мртви, се појавија првите снимки од местото на настанот

Најмалку едно лице загина, а седум се повредени во експлозија на гас во трговски центар во рускиот град Владикавказ, соопштија локалните служби за итни случаи. Интерфакс јавува дека експлозијата се случила на третиот кат од трговскиот центар додека вработените ги подготвувале продавници за отворање.Експлозијата предизвика пожар, а во моментов во пожар е зафатен малопродажен простор околу 800 квадратни метри, вклучувајќи го и покривот на зградата. На социјалните мрежи се појавија првите видеа на кои се гледа дека од експлозијата пукнале прозорците, додека од зградата извира чад.

Свет | пред 1 година

Сарај, Бутел и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат делови од неколку скопски општини.- во периодот од 09.00 до 12.00 часот, дел од корисниците од село Љубин во општина Сарај.- во периодот од 10.00 до 12.30 часот, корисниците од цела населба Радишани во општина Бутел;- во периодот од 09.00 до 13.00 часот, дел од корисниците околу претпоследна и последна 22ка, во село Волково, во општина Ѓорче Петров.

Скопје | пред 1 година

Филипче од Битола: СДСМ веќе е крената на нозе

Задоволен сум што преку еден инклузивен и отворен процес заедно со членството успеавме да ја издигнеме партијата, СДСМ е веќе крената на нозе, ги брани интересите на граѓаните и силно се противи на погрешните политики на власта, рече претседателот на СДСМ, Венко Филипче, вечерва во Битола, каде заедно со заменик претседтелката Фани Каранфилова Пановска и потпретседателот Методија Илиевски присуствуваа на изборна конференција на општинската организација на СДСМ од овој град.СДСМ не е веќе истата партија од пред изборите, интензивно сме на терен, помеѓу членовите, да го слушнеме нивниот глас и заедно да ги дефинираме следните чекори, додаде Филипче.-Преку отворени дискусии и размена на идеи, продолжуваме да ја зајакнуваме партијата и да ги дефинираме следните активности. Како што ветив, членовите имаат активна улога во креирањето на политиките кои ќе ја обликуваат иднината на партијата. Отворена врата за секого и заедничко делување. Комуникацијата со членството, со базата е веќе на многу повисоко ниво, достапноста и присутноста на раководството е значително зголемена. Тоа ќе биде дел од новиот начин на функционирање на СДСМ и во иднина, рече Филипче.Филипче му честиташе на новоизбраниот претседател на ОО СДСМ Битола, другарот Методија Куновски и му посака успешна работа, потенцирајќи дека процесот за избор на претседатели на општинските оганизации на СДСМ привршува успешно.-Во завршна фаза е целиот процес за избор на претседатели на општинските организации на СДСМ, овој месец привршуваат изборните конференции и во останатите општини. Изборот на луѓето е со широк консензус во рамки на самата партија и во рамки на општинските организации и тоа наша вредност, рече претседателот на СДСМ, Венко Филипче вчера во Битола.

Македонија | пред 1 година

Нема фотографија

Пешевска: Ситуацијата со Груби и пораката од Стејт департментот е силна порака дека никој нема да биде поштеден од законот

Ситуацијата со Груби и пораката од Стејт департментот, јас неколку пати кажав во јавноста дека е силна порака, дека никој нема да биде поштеден од законот и дека секој треба да одговара за она што се огрешил. Но, ме зачудува фактот што СДС беше седум години во коалиција токму со ДУИ и вицепремиер беше Артан Груби и цело време додека ние критикувавме и баравме одговори за одредени криминали и тендери во четири очи, огромни суми украдени и така натаму, СДС молчеа, вели Жаклина Пешевска, пратеничката од ВМРО-ДПМНЕ во нејзиното вчерашно гостување на Канал 5 телевизија во емисијата „Само Вистина“.Според неа, СДС молчеле затоа што немале доволен коалициски капацитет и влада која се одржувала на стаклени нозе, па во името на коалицијата претходно, во изминатиот период се воздржувале, а сега одеднаш ги отвораат очите и почнуваат да зборуваат.„Тој синдром јас им го забележaв во Собрание, мислам дека малку, простете на израз, забораваат како се однесуваат, да не речам ги фаќа амнезија, забораваат како се однесуваа кога беа министри, самобендисано, ноншалантно, за да сега целосно се сменија. И видете во овој криминал соучесници се токму членови од вашата партија и се надевам дека правдата ќе ги стигне“, концизна е Пешевска обраќајќи се до нејзината соговорничка и пратеничка од СДС, Јованка Тренчевска.Пешевска дополнува дека жали што СДС се ставени во позиција да бранат нешто што не се брани и додека некој наполнил џебови и вреќи со пари, СДС сега треба да го штитат. Во контекст на ДУИ таа смета дека нивното оградувањето од Артан Груби е само уште еден показател дека никој околу себе не сака да има човек од криминална природа или „труло дрво“ и со тоа си ја штитат партијата.„Каде беа претходно кога цело време укажувавме, видете сега, после година дена играње фудбал во канцелариите на владата, сега се освестил Бујар Османи да каже дека тоа видео не требало да излезе. Прво, не требало така да се однесуваат во државните институции и каде бевте госпоѓо Тренчевска вие тогаш да реагирате, кога ние зборувавме, кога се поларизираше јавноста и која е фактурата што вие не ја спречивте и криминалите и еден куп пари што се однесоа од државната каса кога вие бевте во коалиција со ДУИ?“, прецизна е Пешевска.

Македонија | пред 1 година

Обвинителството за „Организатори на 27 април“: Мислењето за примената на амнестијата го донесвоме на колегиум

Основното јавно обвинителство за гонење на организиран криминал и корупција постапувајќи по барањето на Основниот кривичен суд Скопје достави мислење во однос на поднесените барања од обвинетите против кои се води постапка во однос на примената на Законот за амнестија за предметот „Организатори на 27 април“.Тие велат:„Мислењето е донесено врз основа на заземен став на Стручниот колегиум на Јавното обвинителство на Република Северна Македонија во проширен состав, откако со напатствија на Апелацискиот суд Скопје, Основниот кривичен суд Скопје беше задолжен да се произнесе во поглед на важењето на амнестијата за дел од обвинетите. При носењето на мислењето, јавното обвинителство ја имаше предвид и правната аргументација од веќе донесеното решение на судот од 20.12.2018 година со кое еден обвинет беше ослободен од гонење за кривичното дело – Терористичко загрозување на уставниот поредок од чл.313 од КЗ пред фазата на изведување на докази.Во мислењето се истакнува дека барањето на одбраната на обвинетите за примена на законот не може да се спори, дотолку повеќе ако се земат предвид обвинетите и осудените што веќе се амнестирани. Ваквото мислење јавниот обвинител детално го образложи, пред сѐ имајќи ги предвид обележјата на кривичното дело „Терористичко загрозување на уставниот поредок“ и својството во кое секој од обвинетите ги исполнил тие обележја, а кое својство е клучно за оценка дали може или не може да се примени институтот од Законот за амнестија.Обвинителството во мислењето на јасен начин се произнесе во однос на примената на Законот за амнестија истакнувајќи:„Обвинетите бараат примена на овој закон, кое нешто како уставно право секако им припаѓа, да се повикаат на примена на институтот кој е отелотворен во донесениот закон за амнестија. Оттука барањето на одбраната за примена на законот, за нивен еднаков третман пред законот како и останатите осомничени и обвинети кои добија амнестија врз основа на истиот закон е нешто кое не може да се спори“.Почитувајќи ги законските одредби и имајќи ги предвид ограничувањата при примената на законот, обвинителството темелно ги образложи причините за своето мислење со кое наоѓа дека кај тројца од обвинетите законските одредби налагаат амнестија, додека кај еден обвинет не може да се примени овој правен институт, бидејќи за истиот важат исклучоците од амнестијата која ја дал законодавецот со своето законско решение.Во секој случај имајќи ја предвид фазата во која се наоѓа оваа постапка, обвинителството е обврзано според Законот за амнестија да даде мислење, но судот ја носи конечната одлука по свое наоѓање и убедување како краен арбитер. ​ ​

Македонија | пред 1 година

Тошковски: Вие, вашето знаење и вештини сте и потребни на Македонија со цел да градиме европска држава со европски институции

Министерот за внатрешни работи денес присуствуваше на промоција на дипломирани студенти на Факултетот за безбедност - Скопје а претходно со останатиот дел од студентите го „испија“ традиционалното „академско кафе“ коешто се одржува секоја година со студентите и професорите на факултетот.Министерот Тошковски им честиташе на студентите што одлучиле својата животна професија и знаења да бидат поврзана со безбедноста и ги покани да ги имплементираат во институциите кои се грижат за безбедноста на Македонија.„Би сакал да ви порачам дека сето она знаење кое го имате стекнато во рамките на Факултетот за безбедност го имплементиравте токму во Македонија. Вие сте им потребни на македонските институции и на Македонија и би сакал да повикам секој еден од вас којшто има за желба да продолжи да функционира и да и го стави на располагање своето знаење на татковината во институциите кои се поврзани и имаат потреба од кадри со ваков вид образование. Ќе има многу огласи во иднина во рамки на МВР и другите институции поврзани со безбедноста и ве повикувам да учествувате во рамки на сите овие огласи со цел да може да го искористиме вашето знаење и капацитети во рамки на институциите со цел да создаваме нормална држава со функционални институции. Заедно да се развиваме, да ја развиваме државата во европска со европски вредности какви што сите посакуваме.“, им порача на студентите министерот Тошковски.Министерот Тошковски претходно со студентите и професорите на факултетот го „испија“ „академското кафе“ и одговараше на сите прашања од областа на безбедноста, борбата со криминалот и корупцијата, реформите на МВР и безбедносниот систем што ги интересираа студентите и професорите.

Македонија | пред 1 година

Бојан Христовски може да биде директор на АНБ, ги исполнува сите услови, одлучи ДКСК

Бојан Христовски ги исполнува условите да биде директор на Агенцијата за национална безбедност, одлучи едногласно Државната комисија за спречување на корупција (ДКСК). Тие се децидни дека тој ги исполнува условите за именување според Законот за АНБ. Сите институции со кои разговарале, одговориле дека дипломите и стекнатите кредити како студент му се согласно законите.Согласно образложанието, од ДКСК побарале и им биле доставени податоци од надлежните институции во кои утврдиле дека заради апликација од страна на апликантот до Владата биле доставени уверение за државјанство, уверение за завршени студии за високо образование седми степен, одлука за одбрана на магистерски труд, уверение за испити положени од прв циклус, доказ за работно искуство, доказ за познавање на англиски јазик како и изјави во однос дека нема забрани за вршење професија, ниту привремена мерка за вршење дејност, како и да изјава дека не е член на политичка партија и дека не му е утврдено постоење судир на интереси.-Врз основа на сомнежите за валидноста на приложените документи, ДКСК постапувајќи по своите надлежности побара вонреден инспекциски надзор од Државниот просветен инспекторат во наведениот факултет со цел проверка на приложените уверенија и дипломи за стекнати 240, односно 180 кредити. ДПИ постапи и достави допис во кој се констатира дека нема неправилност во работењеото на универзитетот, односно приложените уверенија и дипломи се издадени во согласност со законски прописи, рече таа, дополнувајќи дека ДКСК нема надлежност за директна експертиза на документите.Христовски, заклучи Комисијата, добил и сертификати за строгодоверливи информации и оти проверките за стекнување на безбедносниот сертификат „државна тајна“ се во тек.

Македонија | пред 1 година

На раскрсницата Партизанска-Рузвелтова прегазена жена: почина во болница

На 23.12.2024 во 20.15 часот во СВР Скопје било пријавено дека на крстосницата од бул.„Партизански одреди“ и ул.„Франклин Рузвелт“ во Скопје, патничко возило „фиат пунто“ со скопски регистарски ознаки, управувано од Ф.В.(30), удрило во В.М.(72), двајцата од Скопје.Во несреќата со тешки телесни повреди се здобила В.М., констатирани во Градската општа болница „8 Септември“, по што била препратена во Комплексот клиники „Мајка Тереза“, каде подоцна починала. Увид извршила екипа од СВР Скопје.

Свет | пред 1 година

Паѓа случајот за нарачката на упадот во Собранието: Обвинителството смета дека обвинетите не можат да бидат гонети

Обвинителството смета дека не може случајот „Организатори на 27 април“ да се води понатаму, бидејќи има правна пречка. Овој случај требаше да го одгатне прашањето: Кој го нарача и кој го спроведе насилниот упад во Собранието на 27 април?Обвинителството, мислењето го достави до Кривичниот суд, кој треба да донесе одлука дали ќе ја запре постапката. Според Обвинителството, треба да се запре постапката, но одлуката е во рацете на судот и треба да ја донесе идниот месец. Ако постапката се запре, сите обвинети ќе бидат ослободени. Потегот на Обвинителството доаѓа по напатствија од Апелација, кои ја укинаа првата пресуда на Кривичен суд„Обвинителството достави мислење до судот дека во конкретнниот случај постои правна пречка за поднесување на обвинение за што треба да се донесат решенија за запирање на постапката. Јасно и прецизно посочуваат дека има правна пречка за таа постапка да може да се води поради примена на законот за амнестија примената“, вели Еленко Миланов за „Скопје1“, адвокат на Миле Јанакиески во овој предмет.Предметот го покрена ОЈО-ГОКК, а истрагата ја водеше ексобвинителката Вилма Русковска.Обвинети беа поранешниот министер за транспорт и врски Миле Јанакиески, поранешниот министер за образование Спиро Ристовски, поранешниот директор на УБК, Владимир Атанасовски, поранешниот собраниски спикер Трајко Вељаноски.Дванаесет обвинети, меѓу кои и тогашните пратеници од ВМРО-ДПМНЕ и коалицијата Крсто Мукоски, Сашо Василевски, Љупчо Димовски и Љубен Арнаудов, добија амнестија. Дел од нив подоцна гласаа за промена на името во Северна Македонија.

Македонија | пред 1 година

ДПМНЕ го пушти Груби за избега и целосната одговорност е кај нив, вели Кузеска

„Со потсмев ги следиме обидите на ДПМНЕ да ја префрлат вината за бегството на Груби врз СДСМ. Тоа е само невешт спин да се отргне вниманието од клучниот проблем и прашање, а тоа е – зошто Тошковски дозволи Груби да избега?“, вели Богданка Кузеска, портпаролка на СДСМ и додава:ВМРО-ДПМНЕ треба да каже кој е политичкиот договор и цена за пуштањето на Груби?Зошто ВМРО-ДПМНЕ и Тошковски молчат за тоа дека „случајно“ не работеле камерите, „случајно“ полицајците не знаеле кого треба да проверуваат, „случајно“ згрешил службеникот на границата инаку кадар на Тошковски.Границата со Косово се потврди дека откако е ВМРО-ДПМНЕ на власт е главен канал за бегање на криминалците. Можеби е време да ја отворат целосно за да не се трошат пари за одржување, па така и граѓаните ќе видат некаков ќар.Линк до видео:

Македонија | пред 1 година

Затворена постапката против Рајчев и Фетаи: Злоупотребени се податоци на сведок во Обвинителство, ама не се знае од кого

Злоупотребени биле лични податоци на сведок во постапка која се водела во Вишо јавно обвинителство-Скопје, чии име, презиме и матичен број биле искористени за активација на сим-картица. Но не се утврдило кој ги злоупотребил, иако предметот се водеше против обвинителот Сашо Рајчев. Ова е констатацијата на Оливера Нечаковска, битолска обвинителка која водеше предмет против нејзините колеги, Рајчев и Фатиме Фетаи. Таа донесе одлука со која предметот го затвори. Па така, неказнет ќе остане тој/таа што од списи вадел податоци за да активира картичка, со која подоцна беа нарачувани клеветнички текстови против сега суспендираниот шеф на вишото јавно обвинителство, Мустафа Хајрулахи.„Јас постапував по предметот, беа преземени низа од дејствија, имаше пријави за двајца обвинители од Вишо обвинителство и едно фиизчко лице. Пријавите беа за злоупотреба на лични податоци и злоупотреба на службена положба. Беа преземани низа од дејствија и доколку се утврди кривично дело да се види кој го сторил. Се утврди дека се злоупотребени лични оподатоци на едно лице, матичен број, име и презиме, за понатаму да комуницира со лице кое објавува написи“, рече обвинителката Нечковска која го водела случајот.Таа не утврдила дека обвинителот Сашо Рајчев го сторил делото, иако тој беше пријавен. Посочува дека пробала да го открие сторителот, но не успеала.„Во однос на сторителот, по преземените дејствија, одземена документација, разговорано е со лицето чии пдатоци беа злоупотребени, се утврди дека не постои доказ со кој ние би можеле да одиме натаму, за да го задоволи стандардот за да очекуваме осудителна пресуда. Донесов решение за отфрлање на кривичните пријави. Нема докази дека го сторил...“, додаде Нечковска.Суспендираниот шеф на Вишото обвинителство, Скопје, Мустафа Хајрулахи, во Претрес го објасни и случајот со нарачани текстови против него, објавени во Доказ на Марјан Стаменковски.„Пишувањата против мене со лични дискредитации со напади во Доказ почнаа во времето на мојот реизбор. Марјан Стаменковски побара иземање на обвинителот Сашо Рајчев бидејќи тој му доставувал материјали“, рече Хајрулахи.Лицето И.Ш. беше сведок во Обвинителството, објаснува Хајрулахи, а обвинителот Рајчев ги извлекол податоците и ги ставил на своја нова сим картичка. Тој си ѕвонел и сам на себе, додава тој, па посочува: „што е регистрирано на базна станица, и потоа ѕвонел на Марјан Стаменковски“.„Марјан Стаменковски материјалите ги добивал преку Сашо Рајчев и Фатиме Фетаи која ги давала преку своја пријателка. Фрапиран сум од обвинителите. Сашо Рајчев сакаше да клекне на колена и ме молеше да му простам“, рече Хајрулахи.

Македонија | пред 1 година

Готово е вештачењето за исправноста на автобусот кој излета кај „Мавровка“, управуван од возачот кој почина пред пет дена

Скопското обвинителство го има добиено вештиот наод за автобусот кој се качи на жардењера кај ТЦ „Мавровка“, а управуван од шоферот во ЈСП, Февзи Арифи, кој почина пред пет дена. Од Обвинителството за „Скопје1“ не споделуваат детали за тоа дали автобусот бил исправен или сепак, неисправен како што тврдеше шоферот. Нема одговор ниту на прашањето, дали има осомничени.„Вештиот наод е доставен до Основното јавно обвинителство Скопје. Се уште се преземаат други дејствија. По целосно испитување на настанот, ќе биде донесена јавнообвинителска одлука“, велат кусо од Обвинителството.Настанот се случи пред пет месеци, односно на почетокот на месец јули, кога автобусот со патници влета над бетонската ограда. Сега починатиот шофер Арифи, тврдеше дека автобусот е неисправен, како и дека неисправни автобуси се пуштаат во сообраќај.„Ова што денеска овде го правиме е во чест на нашиот починат член Февзи, кој ненадејно, меѓутоа очекувано, затоа што, по она што се случуваше во ЈСП изминатите месеци беше жив хорор. Едноставно не издржа на притисоците кои се вршат од ЈСП“, рече Гоце Делчев Тодев од „Конфедерацијата на Синдикалните организации на Македонија“ на прес пред ЈСП.Негови колеги сведочат дека Арифи бил под стрес откако се случи несреќата, а ќе го паметат како прфесиоанлец. Дел од нив посочуваат: „обвинувањата дека тој е виновен за несреќата ги доживеал како траума“, за што сведочи и снимката со неговата изјава пред базата на ЈСП, кога раскажа што се случило во критичниот момент.

Македонија | пред 1 година

Заминувањето од „Сител“ кој стана токсична атмосфера е половина од мојата најдобра одлука, вели Талевска

Долгогодишната уреничка на Сител, Ивона Талевска, во новогодишно интервју за „Женски магазин“ открива детали за одлуката да се повлече од телевизијата.„Сметам дека заминувањето од Сител, кој стана токсична атмосфера за моите ментални вредности и стандарди, е половина од мојата најдобра професионална одлука, а втората половина е заминувањето во Алфа ТВ, пред сѐ заради позитивната и креативна атмосфера, која таму ја гледам“, вели Талевска.Таа додава: Пред 8 години, не по своја волја, добив усмено барање да не се појавувам на вести, без образложение, но по дополнително сознание дека раководството на Сител преговара со тогашната власт на СДСМ и ДУИ да издејствува поволен статус во истрагите на СЈО (Специјалното Јавно Обвинителство) и јас бев еден од влоговите во нивните калкулации.Цело интервју

Македонија | пред 1 година

Нема фотографија

Спречено криумчарење на злато, лекови, фотоапарати, опрема за боречки вештини

- Странски државјани кои патувале со автомобил управуван од државјанин на Србија се обиделе да криумчарат злато преку граничен премин Табановце. Во нивната намера се спречени од царинските службеници коишто извршија контрола на автомобилот при што во чантата на сопатничката, државјанин на Украина, открија 5 златни монети со проценета вредност од половина милион денари. По откривањето на монетите за нивен сопственик се пријавил трет патник инаку германски државјанин кој исто така патувал со истиот автомобил.- На Меѓународен аеродром Скопје е спречен шверц на 1.200 таблети Plaquenil што се употребуваат за третман на лица со автоимуни болести. Таблетите се пронајдени во куфер на државјанка на Босна и Херцеговина, која патувала со лет од Истанбул.- Професионални фотоапарати и опрема за фотографирање е пронајдена при контрола на автомобил со македонски регистарски таблички, управуван од македонски државјанин, на влез во државата на граничниот премин Табановце.- Мобилни телефони и 74 делови за мобилни телефони со вкупна вредност од 204 илјади денари се пронајдени во просторот за резервна гума на автомобил со косовски регистарски таблички управуван од косовски државјанин, пријавен за влез во државата на граничниот премин Блаце.- Службата за мобилен скенер, во надворешна преграда на влекач на товарно возило пронајде четири турбо компресори за патнички и товарни возила. Непријавените производи се откриени во возило со српски регистарски таблички, управувано од српски државјанин, пријавен за влез во државата на граничниот премин Табановце.- Во друг случај Службата за мобилен скенер при контрола на камион, во просторот за палети, откри 13 кимона за карате и 47 пара боксерски ракавици коишто не биле пријавени. Делото е откриено на царински терминал на граничен премин Табановце, каде при скенирање на камионот со македонски регистарски таблички се утврдени неправилности по што е извршена контрола на возилото.

Македонија | пред 1 година

Ангеловска-Бежоска: Потребни се квалитетни инвестиции и зголемување на продуктивноста за подигнување на потенцијалот за раст на економијата

Народната банка за наредната година очекува умерено забрзување на растот којшто би се искачил на 3,3%, со позитивен придонес од сите компоненти на растот, меѓу кои и најавениот јавен инвестициски циклус и повисокиот прилив на странските директни инвестиции. Се очекува забрзување на извозот со понатамошно закрепнување на светските услови, како и позитивен придонес на личната потрошувачка при раст на расположливиот доход и очекувања за солидно кредитирање на населението. Сепак, ризиците постојат и потребен е внимателен пристап. Ова го истакна гувернерката Анита Ангеловска-Бежоска во интервју за „Македонското радио“.Ангеловска-Бежоска ги посочи трите основни фактори за економскиот раст на една економија − продуктивноста, човечкиот и физичкиот капитал, чиј обем зависи од јавните и приватните инвестиции. За следната година се очекува одредено подобрување кај инвестициите, дури и на среден рок, поради најавениот посилен јавен инвестициски циклус и позначителниот прилив на странските директни инвестиции. Се очекува дека растот на инвестициите во просек ќе изнесува околу 7%. Притоа, Ангеловска-Бежоска посочи дека странските директни инвестиции во првите три квартали од оваа година надминаа 800 милиони евра. „Доколку продолжат овие трендови, тоа е добар сигнал за засилување на инвестициската активност и зголемување на потенцијалот за раст“, истакна гувернерката Ангеловска-Бежоска и додаде дека се потребни значителни реформски зафати за да се подигне нивото на продуктивноста во нашата економија, којашто во моментов е половина од просечното ниво на продуктивноста во ЕУ.Гувернерката ја истакна и важноста на извозот, како значајна алатка за малите економии, коишто немаат сопствен голем пазар и се упатени на пласирање на своето производство на странските пазари. „Постојат голем број емпириски истражувања коишто ги поврзуваат степенот на надворешната трговија во една земја (извозот) и степенот на конвергенција. Кај нас во последните две декади доходовната конвергенција е двојно зголемена, меѓу другото поради големото зголемување на извозот од 70% на 150% од БДП, со што сме земја со најголема трговска отвореност во регионот на Западен Балкан. Имавме поголем пад на извозот во периодот на пандемијата, меѓутоа потоа следеше процес на постепено закрепнување. Во последниот период има одредено стабилизирање, при што главно овие трендови се во согласност со светските трендови каде што се гледа забавување на растот на светската трговија којшто се сведе на 0,8%. Врз македонската економија влијаеа и одредени специфични домашни фактори, односно привременото неработење на одредени капацитети од металопреработувачката и автомобилската индустрија, за кои се надеваме дека се од привремен карактер и за кои сметаме дека од наредната година ќе придонесат кон солидно забрзување на извозот од 5,8% на среден рок“, нагласи гувернерката Ангеловска-Бежоска.За време на гостувањето гувернерката Ангеловска-Бежоска им го честиташе осумдесетгодишниот јубилеј на сите генерации вработени во „Македонското радио“, посакувајќи им натамошни успеси негувајќи го духот на македонската традиција.__________

Македонија | пред 1 година