Ј.П.„Охридски Комуналец” донираше огревно дрво на 11 семејства од социјално ранливи категории

Јавното претпријатие „Охридски Комуналец“ ја изрази својата грижа за граѓаните на Охрид со донација на огревно дрво за единаесет семејства од социјално ранливи категории.„Водени од определбата за хуманост и грижата за секој поединец во нашиот град, се надеваме дека со оваа наша донација ќе ги затоплиме домовите на овие семејства во периодот на поларни денови со многу ниски температури“, велат од претпријатието.Со оваа акција, ЈП „Охридски Комуналец“ повторно ја потврдува својата посветеност кон поддршка на граѓаните и зајакнување на заедничката солидарност во градот.

ОО | пред 3 месеци

Две жени се прегазени во Скопје и еден судар во Битола, три сообраќајни несреќи во еден ден

Во текот на 8. јануари 2026 година се случиле три сообраќајни несреќи во кои три лица се здобиле со тешки телесни повреди, информираат од МВР.Во 06:50 часот, во селото Петровец, патничко возило „шкода“ со скопски регистарски ознаки, управувано од 46-годишен жител на Петровец, удрило во 61-годишна жена од Скопје. Повредената била пренесена во Градската општа болница „Св. Наум Охридски“, каде што ѝ биле констатирани тешки телесни повреди.Во 12:00 часот, на крстосницата меѓу улиците „Московска“ и „Женевска“ во Скопје, патничко возило „цитроен“ со скопски регистарски ознаки, управувано од 54-годишен жител на Скопје, удрило во 74-годишна жена од Скопје. Таа со тешки телесни повреди била пренесена во Градската општа болница „Св. Наум Охридски“.Во 14:54 часот, на крстосницата од улиците „8 Септември“, „Крсте Нале“ и „Раштанска“ во Битола, се случила сообраќајна несреќа меѓу патничко возило „сеат ибица“, управувано од 19-годишен жител на Битола, и патничко возило „опел астра“, управувано од 46-годишна жена од селото Кукуречани. Жената се здобила со тешки телесни повреди и била пренесена во Клиничката болница Битола.За сите три сообраќајни несреќи бил извршен увид од надлежни полициски екипи.

Македонија | пред 3 месеци

Работник починал по пад од зграда во изградба во Дебар

На 08.01.2026 околу 11:35 часот во ОВР Дебар, од Итна медицинска помош е пријавено дека на пат кон болницата во Дебар починал С.К.(40) од Дебар. Според пријавеното, околу 11:15 часот тој паднал од зграда во изградба на ул.„Братство единство“ во Дебар, каде што работел, и на пат кон болницата починал. На местото излегле трудов инспектор и јавен обвинител, по чија наредба телото е дадено на обдукција. Увид на местото извршила екипа од ОВР Дебар, соопшти МВР.

Македонија | пред 3 месеци

Трамп: „Планиравме втор бран напади врз Венецуела, го откажав“!

Американскиот претседател Доналд Трамп изјави дека го откажал претходно најавениот втор бран напади врз Венецуела, поради соработката со оваа јужноамериканска земја.Трамп рече дека Соединетите Американски Држави и Венецуела добро соработуваат, додавајќи дека „големи нафтени компании“ ќе инвестираат најмалку 100 милијарди долари во Венецуела. Сепак, тој нагласи дека сите танкери за нафта ќе „останат на своите позиции од безбедносни причини“.Претседателот изјави дека Венецуела ослободува голем број политички затвореници како знак на „барање мир“. „Ова е многу важен и мудар гест. САД и Венецуела добро соработуваат, особено кога станува збор за обнова, во многу поголема, подобра и помодерна форма, на нивната нафтена и гасна инфраструктура“, напиша Трамп на платформата Трут Соушал.„Поради оваа соработка го откажав претходно очекуваниот втор бран напади, кој очигледно нема да биде потребен, но сите бродови ќе останат на своите места од безбедносни причини“, се додава во неговата објава.Промена на ставот кон венецуелската опозицијаКоментарите на Трамп доаѓаат неколку часа откако во интервју за Фокс Њус навести дека венецуелската опозициска лидерка Марија Корина Мачадо следната недела ќе дојде во Вашингтон, иако претходно ја отфрли идејата за соработка со неа, велејќи дека „нема поддршка ниту почит во Венецуела“.Сепак, републиканскиот претседател во средата изјави за „Њујорк тајмс“ дека САД „многу добро се согласуваат“ со венецуелската влада, која ја предводи вршителката на должноста, привремена претседателка Делси Родригез.

Свет | пред 3 месеци

Откако премиерот Мицкоски ја нарекол Ленче Ристоска „медиокритет“, Советот на јавни обвинители отвори постапка

Советот на јавни обвинители отвори постапка за да утврди дали јавните изјави на премиерот Христијан Мицкоски претставуваат притисок и нарушување на самостојноста на јавна обвинителка Ленче Ристоска.Постапката е покрената по писмено известување од нејзина страна, која реагираше на изјавите во кои, како што тврди, била јавно наречена „медиокритет“ и поврзана со „клиентелистичко-политичка матрица“. Таа оцени дека ваквите квалификации се обид за влијание врз нејзината работа.Советот ќе се постапува според Правилникот за заштита на самостојноста на јавните обвинители. Според процедурата, ќе биде формирана тричлена комисија која ќе ги утврдува фактите и околностите, ќе собира информации и, доколку е потребно, ќе побара изјаснување и од обвинителката и од премиерот.Доколку комисијата утврди такво нарушување, Советот може јавно да го соопшти заклучокот и да го достави до надлежните институции.Изјавите на Мицкоски беа дадени во јавноста, во контекст на неговите критики за ставовите на Ристоска околу измените на Кривичниот законик, по што Ристоска побара јавно извинување.Тензиите меѓу владејачката ВМРО-ДПМНЕ и обвинителката се засилија откако Владата ја поништи листата на кандидати за судија во Стразбур, на која Ристоска беше меѓу највисоко рангираните. Таа тврди дека од тогаш е изложена на јавни напади и дискредитации, кои ги поврзува со нејзините професионални одлуки во тековни судски предмети.

Македонија | пред 3 месеци

(Видео) Силна олуја ја погоди Франција и Британија, снимките се застрашувачки

Силни ветрови денеска ја погодија Франција и Велика Британија, додека олујата Горети ја зафати северна Европа, оставајќи стотици илјади домаќинства без електрична енергија. Во Франција, околу 380.000 домаќинства останаа без струја, главно во регионите Нормандија и Бретања, соопшти снабдувачот со електрична енергија „Енедис“.Во текот на ноќта беа регистрирани налети на ветер со брзина поголема од 150 километри на час во северозападниот француски регион Манш, со рекордни 213 километри на час во Барфлер. Железничкиот оператор СНЦФ го прекина железничкиот сообраќај меѓу Париз и регионот Нормандија.Во Велика Британија, 57.000 домаќинства останале без струја, според „Нешнл Грид“, откако олујата Горети донесе дополнителни снежни врнежи и цела недела ледено време. Се очекува стотици училишта да бидат затворени низ Шкотска и во делови од централна Англија, кои се особено тешко погодени од олујата.Железничките оператори во тие делови од Англија ги предупредија патниците да не патуваат, а дел од железничките линии се целосно суспендирани.

Свет | пред 3 месеци

(Видео)Убиство под федерална значка: Убиството на Рене Гуд ја крена Америка на нозе

Убиството на 37-годишната Рене Никол Гуд, самохрана мајка на три деца, која во Минеаполис беше смртно застрелана од агент на американската Служба за имиграција и царина (ICE), предизвика масовни протести во Минесота и ширум САД. Случајот повторно ја отвори дебатата за прекумерната употреба на сила од страна на федералните служби.Локалните власти тврдат дека Гуд одбила наредба да го запре возилото и наводно се обидела да загрози службеник, но семејството и пријателите ја отфрлаат таа верзија, опишувајќи ја како грижлива мајка, активистка и наградувана поетеса. Според локални функционери, во моментот на инцидентот таа била „правен набљудувач“ на активностите на ICE.Стотици граѓани се собраа пред имиграциониот суд во Минеаполис барајќи итна и независна истрага, додека организациите за човекови права предупредија на сè почеста употреба на смртоносна сила во федералните акции. За време на протестите дојде и до судири меѓу демонстрантите и федералните агенти, со извици „Срамота“ и „Оставки“.Претседателот на САД изјави дека Рене Гуд сама е одговорна за инцидентот, што дополнително го зголеми гневот во јавноста и критиките кон администрацијата.

Свет | пред 3 месеци

(Видео) Вучиќ ќе ја замени претседателската со премиерската фотелја?

Иако формално и за јавноста тврди дека се надева оти нема да биде премиер по следните парламентарни избори, српскиот претседател Александар Вучиќ јасно остава отворена врата за враќање на чело на Владата. Неговата одлука, како што самиот вели, ќе зависи од „истражувањата на јавното мислење“ и проценката дали Србија би одела во „погрешна насока“ без него.Со истекот на вториот претседателски мандат и уставната забрана за нова кандидатура, сценариото станува јасно: Вучиќ се подготвува за контролирано преместување од претседателската функција назад во извршната власт, бидејќи СНС очигледно нема посилен кандидат за премиер. Со ова Вучиќ ќе тргне по искуството на Путин, кој со Медведев си ги менуваа функциите премиер и претседател.Иако во моментов нема одреден датум за избори, пораката е јасна, Вучиќ најверојатно ќе биде носител на листата, а веројатно и кандидат за премиер. Неговите изјави за поддршка на „некој друг“ делуваат повеќе како формалност отколку реална опција.Во ваков контекст, опозицијата и студентските движења немаат простор за тактичко чекање: прашањето повеќе не е дали Вучиќ ќе се кандидира, туку дали тие ќе понудат сериозна политичка алтернатива.

Свет | пред 3 месеци

„Истрелавме Орешник“ тоа е одмазда за ударот врз резиденцијата на Путин“, порача Русија

Руското Министерство за одбрана го објави првото официјално соопштение по синоќешниот масовен напад со дронови и ракети врз Украина. Во соопштението се наведува дека Русија извела, како што тврдат, „високопрецизен далекуметен удар“, при што бил користен и ракетниот систем со среден дострел „Орешник“.Во соопштението се тврди дека нападот бил одговор на, како што Москва го опишува, „терористички напад на киевскиот режим“ врз резиденцијата на рускиот претседател Владимир Путин во Новгородската област, кој, според руските тврдења, се случил во ноќта меѓу 29 и 30 декември 2025 година.Руското Министерство за одбрана наведува дека руските сили во текот на ноќта истрелале високопрецизно оружје со голем дострел од копно и од море, вклучително и мобилниот копнен ракетен систем со среден дострел „Орешник“, како и дека извеле напади со дронови врз, како што тврдат, клучни објекти во Украина.Украина: Ракетата летала со брзина од 13.000 километри на час„Целите на ударот се остварени“, се наведува во објавата на руското Министерство за одбрана. Како цели се споменуваат постројки за производство на дронови за кои Русија тврди дека биле користени во наводниот напад врз резиденцијата на Путин, како и енергетска инфраструктура која, според руските тврдења, го поддржува функционирањето на украинскиот воено-индустриски комплекс.Украина сè уште нема потврдено дека нападот врз западниот град Лавов бил изведен со „Орешник“, но украинската војска потврди дека ракетата летала со брзина од 13.000 километри на час.Втора употреба на „Орешник“ во војнатаРусија првпат ја истрела ракетата „Орешник“ кон украинскиот индустриски град Днипро во ноември 2024 година. Путин тврди дека западните системи за противвоздушна одбрана не се способни да го пресретнат „Орешник“, а исто така изјави дека со него може да се погодат цели и во западна Европа.Западни воени аналитичари наведуваат дека „Орешник“ е способен да носи нуклеарна боева глава.Русија синоќа изведе масовен напад врз УкраинаНајмалку четири лица загинаа, а 19 се повредени во Киев откако Русија синоќа изведе масовен напад со ракети и беспилотни летала низ цела Украина, објави „Киев индепендент“.Меѓу загинатите е и еден болничар, жртва на таканаречен „двоен удар“, додека 14 од 19 повредени се хоспитализирани, потврди градоначалникот на Киев, Виталиј Кличко. „Еден болничар загина, а четворица се повредени додека им помагале на луѓето, во областа Дарницки“, изјави тој. Во нападите беа погодени неколку градски квартови.Властите соопштија дека станбени згради во квартовите Печерск и Десњански претрпеле штети од дронови и од нивни остатоци, додека пожар избувнал во квартот Шевченковски. Во квартот Дарницки, дрон се урнал во дворот на станбена зграда, оштетувајќи околни објекти.Ударните бранови оштетиле покрив на уште една зграда, а остатоци паднале и на детско игралиште. Поради нападите врз критичната инфраструктура, делови од главниот град останале без водоснабдување и електрична енергија.Балистичка ракета го погоди ЛавовВо текот на ноќта, Русија го ракетираше и Лавов, најзападниот поголем украински град, при што беше целена критичната инфраструктура, соопшти градоначалникот Андриј Садовиј. Украинската војска информираше дека ракетата – чиј тип сè уште не е официјално потврден – била лансирана од полигонот Капустин Јар во руската Астраханска област.Капустин Јар е познат како место од кое се лансира рускиот балистички проектил со среден дострел „Орешник“, кој досега е потврдено дека бил употребен само еднаш – во нападот врз Днипро во ноември 2024 година.Зеленски предупреди на нападУкраинскиот претседател Володимир Зеленски само неколку часа претходно предупреди дека Русија планира голем напад. „Постојат информации дека уште еден масовен руски напад може да се случи вечерва. Многу е важно да се внимава на воздушните тревоги денес и утре и секогаш да се оди во засолништа. Русите воопшто не се промениле. Се обидуваат да го искористат времето“, изјави Зеленски.И покрај мировните преговори, Русија продолжува со бомбардирањето на украинските градови, често целејќи ја енергетската инфраструктура за, среде зима, цели региони да ги остави без струја и греење. Како последица на неодамнешните напади, повеќе од еден милион луѓе во Дњепропетровската област од вчера наутро останаа без вода и греење.Што е „Орешник“?„Орешник“ е нов руски хиперсоничен балистички проектил кој може да носи нуклеарни боеви глави и кој Москва го претставува како одговор на западните системи за противракетна одбрана. Според достапните процени на западни воени аналитичари и експерти за нуклеарно оружје, станува збор за мобилен систем со голем дострел кој, поради екстремната брзина и непредвидливата траекторија, се смета за исклучително тешко пресретлив.Неговото неодамнешно распоредување во Белорусија е особено чувствително бидејќи ги приближува нуклеарно способните ракети до границите на НАТО, го скратува времето за предупредување во случај на напад и дополнително го зголемува ризикот од ескалација во момент кога односите меѓу Русија и Западот се на најниско ниво од крајот на Студената војна, предупредуваат аналитичари од американските и европските безбедносни кругови.

Свет | пред 3 месеци

(Видео) Страотен пожар во Тирана

Силен пожар избувна синоќа во магацини на пазар на кој се продаваат разни стоки во Тирана, објави агенцијата Анадолија.Нема информации за загинати или повредени, но е предизвикана значителна материјална штета.Причината за пожарот сè уште не е позната, а се очекува официјално соопштение од властите.Голем број противпожарни екипи беа ангажирани на терен за гаснење на пожарот што зафати голема површина од магацински простори каде што има облека и други запаливи материјали.Полицијата, јави Топ Ченл, го обезбедила местото околу пазарот и го ограничила движењето на граѓаните, за да се овозможи непречена работа на спасувачките екипи. По целосното локализирање на пожарот, ќе биде отворена истрага за утврдување на причините за неговото избувнување.

Свет | пред 3 месеци

Третиот ден од Божиќ: Свети Стефан – првомаченикот што ја запечати верата со крв

Денес, на третиот ден од Христовото раѓање – Божиќ, православните христијани го празнуваат споменот на Свети архиѓакон и првомаченик Стефан, првиот што го положил животот за Христовата вера. На овој голем христијански празник именден празнуваат Стефан, Стефанка, Стефанија, Фанија, Фанка, Стојан, Стојанка, Стојмен, Стоичко и други изведени имиња.Свети Стефан бил Евреин од еврејско потекло, роднина на апостол Павле и жител на елинските области. Тој бил прв меѓу седумтемина ѓакони што светите апостоли ги ракоположиле и ги поставиле да се грижат за сиромасите во Ерусалим, поради што бил наречен архиѓакон. Со силата на својата вера и дејството на Светиот Дух, Стефан вршел големи чуда и со мудрост и смелост ја проповедал Христовата вистина.Неговата проповед наиде на жесток отпор кај тогашните верски старешини. Иако често се препирале со него, тие не можеле да се спротивстават на неговата мудрост и на силата на Духот што дејствувал преку него. Посрамени, прибегнале кон клевети и лажни сведоштва, обвинувајќи го дека хули на Бога и на пророкот Мојсеј.Кога застанал пред народот, сведоштвата велат дека лицето на Стефан било озарено „како лице на ангел“. Во своето обраќање тој ги потсетил на бројните добрини и чуда што Бог му ги направил на израилскиот народ, но и на нивните постојани отпори и злосторства, особено на убиството на Исус Христос, нарекувајќи ги предавници и крвници.Во мигот на најголемото противење, Стефан ги погледнал небесата и ја видел славата Божја, велејќи: „Еве, ги гледам небесата отворени и Синот Човечки како седи од десната страна на Бога“. Овие зборови ја разјариле толпата, која го извела надвор од градот и го каменувала до смрт. Меѓу присутните бил и Савле, неговиот роднина, кој подоцна ќе стане апостол Павле.Според преданието, во далечина стоеле Пресвета Богородица и Свети Јован Богослов, кои со молитва го следеле мачеништвото на првиот сведок на Христовата вистина. Овој настан се случил една година по слегувањето на Светиот Дух врз апостолите.Телото на Свети Стефан тајно го зел и го погребал Гамалиил, еврејски кнез и потаен христијанин. Така завршил земниот живот на првомаченикот, кој, според христијанската вера, се преселил во Царството на Господ Исус Христос, оставајќи трајно сведоштво за силата на верата и жртвената љубов.

Магазин | пред 3 месеци

(Видео) Јанчев ја спрема ски-стазата во Михајлово

Ски-центарот Михајлово го започна процесот на производство на вештачки снег, со што официјално се интензивираат подготовките за претстојната зимска сезона. Информацијата ја соопшти градоначалникот на Кавадарци, Митко Јанчев, преку објава на социјалните мрежи.Како што наведува Јанчев, поради слабите природни снежни врнежи, надлежните служби во ски-центарот навремено пристапиле кон активирање на системите за вештачки снег, со цел да се создадат услови за подготовка на ски-стазата.„Надлежните служби континуирано работат на терен, ги следат временските услови и ги применуваат сите потребни технички мерки за обезбедување квалитетни и безбедни услови за скијање“, истакна Јанчев.Со оваа активност, од локалната самоуправа најавуваат дека Михајлово ќе биде подготвено да ги пречека љубителите на зимските спортови веднаш штом временските услови го дозволат тоа.

Македонија | пред 3 месеци

Македонецот кој загина во Кран-Монтана бил во барот со својата сестра, таа излегла на воздух за момент и се спасила

Шеснаесетгодишниот Стивен Ивановски, по потекло од делчевскиот регион, кој трагично го загуби животот во пожар во бар во Швајцарија за време на новогодишната ноќ, вчера беше погребан. Последното збогување се одржа на гробиштата во Орон-ла-Вил, соопшти македонското друштво „Пианец“.Стивен Ивановски имаше само 16 години. Како и многу други млади, тој замина во Кран-Монтана со својата постара сестра за да го прослави дочекот на Новата година — момент на радост, безгрижност и надеж. Таа ноќ, судбината удри со незамислива сила. Стивен го загуби животот во тој бар. Неговата сестра, која излезе малку на воздух, за среќа преживеа. Трагичен сплет на околности. Случајност. Страшната судбина на ова братство. Отсуство што ќе остави огромна и неизбришлива празнина, објавија од Пианец.„Стивен имаше само 16 години. Зад себе остави семејство скршено од болка, засекогаш обележано од оваа брутална и неразбирлива загуба. Живот прекинат премногу рано и празнина што никогаш нема да се пополни“, наведуваат од „Пианец“.Со цел да му се помогне на семејството во овие тешки моменти, отворена е и сметка за донации. Хуманитарната акција има за цел покривање на погребните трошоци и обезбедување финансиска поддршка за семејството, кое покрај длабоката тага се соочува и со дополнителни материјални грижи. Од друштвото изразуваат благодарност до сите кои веќе донирале и истакнуваат дека секој, дури и најскромен гест, значи многу за најблиските на Стивен.Во пожарот што избувна во барот за време на новогодишниот дочек, животот го загубија над 40 млади лица, а повеќе од 100 беа повредени. Според првичните информации, пожарот бил предизвикан од употреба на пиротехника – фонтани-прскалки, кои го запалиле плафонот, по што огнот брзо се проширил низ објектот.

Свет | пред 3 месеци

Екстремно студен бран ја зафаќа Македонија: Дожд, снег и ризик од голомразица

Поради продор на екстремно студен воздушен бран кој постепено ќе се спушта од север кон територијата на Македонија, во следните денови се очекува значителна промена на временските услови. Овој процес ќе услови формирање на секундарен циклонски систем над Југоисточна Европа, како и навлегување на големи влажни воздушни маси.Во почетната фаза, во земјава се очекуваат врнежи од дожд и од снег на пониските места, додека на повисоките населени места и на планините врнежите ќе бидат исклучиво од снег. Поради присуство на потопол воздух во повисоките слоеви од атмосферата и студен воздух при тлото, особено во западните делови од Македонија ќе постојат услови и за појава на ледени врнежи. Токму поради тоа, се апелира до возачите на крајна внимателност поради зголемен ризик од појава на голомразица на патиштата.Ќе дува засилен до повремено силен ветер од јужен и југозападен правец, а подоцна и од север, кој на моменти и локално ќе достигнува брзина од над 60 километри на час.Од ноќта меѓу сабота и недела, како и во текот на недела и понеделник (11 и 12 јануари), врнежите ќе преминат исклучиво во снег. Се очекува формирање снежна покривка и во поголем дел од пониските места, односно во градовите. На планините и на скијачките центри снежната покривка значително ќе се зголеми, со нови 30 до 40 сантиметри снег.И во Скопје и во околината се очекуваат врнежи кои постепено ќе преминуваат во снег, особено во недела и понеделник, кога ќе има услови за создавање помала снежна покривка и во Скопската Котлина. Ќе дува повремено засилен до силен ветер, најпрво од јужен, а потоа од северен правец.За време на овој изразен влажен бран, локално се очекуваат и значителни количини на воден талог, особено во западна Македонија, каде што врнежите може да надминат 50 литри на метар квадратен.Температурите ќе бележат значителен пад. Во недела и понеделник, на повеќе места и во текот на денот тие ќе останат под нулата, додека утринските температури на многу локации ќе се спуштаат до -10 степени, а локално и до -15 степени. На планинските подрачја се очекуваат минимални температури и до околу -20 степени.Надлежните служби апелираат на зголемена внимателност, особено во сообраќајот и при движење на отворено, поради екстремните зимски услови што следуваат.

Македонија | пред 3 месеци

Ана Чупеска остро кон Тошковски: Можеш дома да си осветуваш со поп

Ана Чупеска, советничка во СДСМ и поранешна потпретседателка на партијата, остро реагираше на објавените фотографии од верски обред и осветување на службени возила во кругот на Министерството за внатрешни работи.Во својата јавна реакција, Чупеска го оцени потегот како несоодветен, непримерен и навредлив за дел од вработените во МВР кои не се православни христијани или се атеисти, посочувајќи дека станува збор за институција која мора да биде целосно неутрална во однос на верските убедувања.„Се прашувам, кога ќе дојдат на ред претставниците од ИВЗ, Јеховините сведоци, Харе Кришна и сите останати верски или духовни заедници да ги осветуваат возилата на МВР?“, прашува Чупеска, додавајќи дека полициските возила се јавно добро, купени со пари на сите граѓани и треба да им служат подеднакво на сите.Таа истакнува дека министерот може приватно да практикува верски обреди во својот дом, но дека институцијата МВР не смее да биде, како што наведува, „заложник на лични верски убедувања“.„Ова е чист пример за симболично насилство. Наместо пораки за мир и хармонија во празнични денови, чија суштина е прифаќање и соживот со другиот, ваквиот гест отвора сериозни прашања за пораката што ја испраќа државата“, наведува Чупеска.Во реакцијата таа директно прашува и каква порака сака да испрати министерот за внатрешни работи, додавајќи дека ваквите постапки оставаат впечаток оти „законот и државата припаѓаат само на една група“.Реакцијата на Чупеска доаѓа во контекст на поширока јавна дебата за границата меѓу верските обичаи и функционирањето на секуларните државни институции, по објавувањето на фотографии од верски обред во кругот на МВР, за кои институцијата најави внатрешна проверка.

Македонија | пред 3 месеци

225 записници и санкции за неправилно фрлање отпад: Комунална хигиена со засилени контроли во декември

Со изрекување казни и предупредувања за неправилно одлагање отпад започна билансот на активностите на ЈП Комунална хигиена – Скопје за месец декември 2025 година. Во текот на последниот месец од минатата година, Еко-патролата на претпријатието спроведе интензивни контроли и реализираше голем број едукативни разговори со стопански субјекти и граѓани затекнати при неправилно фрлање отпад, при што беа изготвени вкупно 225 записници. Најголем број од нив – 85 записници – се изречени на територијата на општина Карпош.Паралелно со контролните активности, во текот на декември ЈП Комунална хигиена – Скопје подигна и транспортираше околу 13.000 тони комунален отпад од кантите во индивидуалните домувања и од контејнерите поставени на јавни површини низ градот.Дополнително, екипите на претпријатието отстранија и приближно 2.200 кубни метри претежно кабаст и градежен отпад од диви депонии лоцирани во сите скопски општини.Од ЈП Комунална хигиена – Скопје посочуваат дека со комбинација од санкции, контроли и едукативни мерки ќе продолжат со засилените активности и во наредниот период, со цел да се подобри јавната хигиена и да се намали појавата на диви депонии и несовесно одлагање отпад низ градот.

Скопје | пред 3 месеци

Критична состојба поради обилните врнежи – излевања на реки, евакуации и одрони низ земјата

Центарот за управување со кризи информира дека по обилните врнежи од дожд, заклучно со утринските часови, на повеќе локации низ државата е евидентирана сериозно влошена хидролошка состојба, со излевања на реки, поплави, одрони и евакуации на население.Во Источниот регион, во Општина Кочани е забележан значително зголемен водостој на реките и каналите во полскиот дел. Кочанска Река има локално излевање кај селото Горни Подлог, каде интервенира КЈП „Водовод“ Кочани со механизација. Зрновска Река се излеа пред вливот во Брегалница, а Оризарска Река кај селото Грдовци, каде состојбата е најкритична. Поплавени се неколку подрумски простории на куќи во близина на коритото, а Водостопанство „Брегалница“ интервенира со тешка механизација. МВР воведе забрана за сообраќај за моторни возила на северниот влез во селото. Злетовска Река и Брегалница имаат зголемен водостој, но засега нема излевање. Водостоите во горните текови се стабилизираат и опаѓаат, додека во средните и долните текови состојбата останува критична. Поради одрон, на патниот правец Македонска Каменица – рудник САСА, сообраќајот се одвива по една коловозна лента во должина од околу 200 метри. Во Пробиштип, поради излевање на реката Киселица на патот Неокази – Петришино, сообраќајот е отежнат.Во Скопскиот регион не е евидентирано нарушување на редовната состојба поврзано со врнежите.Во Југозападниот регион, во Охрид е одржан состанок на Кризниот штаб на Општина Охрид, при што е донесена одлука да се стават на располагање сите човечки и материјални ресурси. Населбата Далјан е поплавена поради излевање на реката Далја. Екипи со тешка механизација ја пренасочуваат водата кон езерото, а со пумпи се врши испумпување од подруми, дворови и деловни објекти. Преку бројот 112 се примени голем број пријави. Проблеми се пријавени и на Коселска Река кај селото Ливоишта, каде надојдената вода го подјадува патот кај мостот кон селото Вапила. Во Кичево, водостојот на реките се намалува, но на одредени локации состојбата и понатаму е критична. Околу 120 лица од улицата „Прилепска“ сè уште се евакуирани и сместени во спортската сала „Христо Узунов“, а во текот на утрешниот ден ќе се врши увид на оштетените објекти.Во Пелагонискиот регион, во Битола состојбата е нормализирана, освен во населбата Стрчин каде има наноси од земја и чакал. Во селата Кравари, Жабени и Породин се поплавени земјоделски површини, без опасност по станбени објекти. Регионалните и магистралните патишта се проодни, со повремени наноси кои се расчистуваат. Во Ресен се евидентирани поплави на земјоделски површини, дворови и помошни објекти во повеќе села, а водостоите постепено се намалуваат. Во Крушево и Демир Хисар има локални излевања на реките Црна и Обедничица, со поплавени дворови, ниви и локални патишта, при што дел од патната инфраструктура е оштетена.Во Северниот и североисточниот регион, во Куманово, Липково и Старо Нагоричане нема излевање на реките, но се забележани подмрзнати коловози на одделни патни правци. Во Крива Паланка, Ранковце и Кратово состојбата е стабилна, сите патишта се проодни, а снабдувањето со електрична енергија е уредно.Во Полошкиот регион, во Тетовско се пријавени свлечишта на локалните патишта кон селото Ѓермо и месноста Бањиче, кои моментално се непроодни. Во Мала Речица е пријавено уривање на потпорен ѕид со материјална штета, додека во општина Желино е регистрирано излевање на реката Вардар кај селото Стримница, каде интервенираат комуналните служби.ЦУК апелира до граѓаните на зголемена внимателност, избегнување движење покрај реки и критични подрачја и следење на официјалните информации од надлежните институции.

Македонија | пред 3 месеци

„Градот дојде кај дивите свињи, не тие кај нас”

По појавата на диви свињи во населбата Водно, професорот Јове Кекеновски со остра јавна реакција предупреди дека станува збор за сериозен системски проблем, а не за изолиран инцидент.Според Кекеновски, појавата на диви животни во урбаното подрачје е директна последица на долгогодишна погрешна урбанистичка политика и институционална неодговорност. Тој нагласува дека дивите свињи не се симнуваат од планината од љубопитност, туку затоа што човекот со години навлегува во нивниот природен простор.„Со години се сече шума, се гради таму каде што не смее, се толерира дивоградба и се уништуваат природните коридори по кои се движат животните. И сега се чудиме како е можно диви свињи да одат по тротоари“, посочува Кекеновски.Тој потсетува дека Водно е парк-шума, а не градежна парцела, и остро ја критикува, како што вели, лицемерната позиција на институциите и дел од ловечките друштва, кои уверуваат дека животните не се опасни и дека „нема проблем“, без притоа да одговорат на суштинското прашање – кој дозволил урбанизација на тие простори и зошто.„Најточната формулација ја дадоа самите ловци: дивите свињи не дојдоа во градот – градот дојде кај нив“, наведува професорот.Кекеновски предупредува дека доколку продолжи, како што ја нарекува, неконтролираната и срамна урбанизација, последиците нема да застанат со појавата на диви животни. Следни, според него, ќе бидат свлечишта, пожари и поплави, а Водно ризикува да стане „само име на улица или тажно сведоштво за алчноста на градежните бизнисмени и молкот, па дури и соучесништвото на локалните и градските власти“.„Ова не е прашање на идеологија, туку на разум, одговорност и елементарна грижа за иднината на Скопје“, заклучува Кекеновски.

Скопје | пред 3 месеци

Зимски услови на патиштата, забрана за товарни возила на ГП Ники до 10 јануари

Утрово сообраќајот на државните патишта во Македонија се одвива во зимски услови, по претежно суви коловози. Надлежните служби информираат дека од денеска е на сила забрана за движење на товарни моторни возила преку Граничен премин Ники (Меџитлија), која ќе трае до 10 јануари 2026 година, до 10:00 часот. За патничките моторни возила, сообраќајот преку овој граничен премин се одвива без ограничувања.Истовремено, потсетуваат надлежните, од 15 ноември 2025 година е на сила законската обврска за задолжително поседување зимска опрема во сите моторни возила, без оглед на моменталните временски услови. Оваа обврска ќе важи до 15 март 2026 година.Интензитетот на сообраќајот на патиштата надвор од урбаните средини е умерен. На граничните премини од македонска страна, засега не се евидентирани подолги задржувања при влез и излез од државата.Надлежните апелираат до возачите да ја прилагодат брзината и начинот на возење кон зимските услови и редовно да ја следат состојбата на патиштата, особено во пресрет на најавеното заладување и можните снежни врнежи во наредните денови.

Македонија | пред 3 месеци

Кулминација на нередите во Иран: Демонстрантите палат владини згради

Масовни протести против власта се одржуваат во Техеран и во други ирански градови, а снимките од терен прикажуваат најголеми демонстрации против режимот во последните неколку години. Немирите, кои траат веќе 12 дена по ред, се поттикнати од гневот поради колапсот на националната валута и се проширија во повеќе од 100 градови низ земјата.Протестите дополнително беа поттикнати од повикот на Реза Пахлави, кој живее во Вашингтон, а чиј татко беше соборен со Исламската револуција во 1979 година. Тој ги повика Иранците „да излезат на улиците и, како обединет фронт, гласно да ги искажат своите барања“.Иранските државни медиуми ги минимизираат размерите на немирите или целосно ги негираат, објавувајќи снимки од празни улици. Властите прибегнаа и кон драстични мерки, при што надзорната група „НетБлокс“ извести за „национален прекин на интернетот“ со цел да се попречи комуникацијата меѓу демонстрантите. Ситуацијата во Иран внимателно ја следи и меѓународната заедница.Властите во многу делови од земјата ги прекинаа интернет и мобилните врскиЗа време на масовните протести, властите во Иран воведоа сериозни ограничувања на комуникациите.Според податоците од организации што го следат мрежниот сообраќај, во многу делови од земјата интернет и мобилните врски се прекинати или значително отежнати, вклучително и мобилниот интернет и телефонските услуги.Целта на мерките, како што се наведува, е да се спречи ширењето информации и координацијата меѓу демонстрантите, додека властите засега не издадоа официјално објаснување за обемот и времетраењето на прекините.Синот на лидерот соборен во револуцијата од 1979 година ги поддржа демонстрантите и му се заблагодари на ТрампПротестите дополнително беа поттикнати од повикот на Реза Пахлави, кој живее во Вашингтон, а чиј татко беше соборен со Исламската револуција во 1979 година.Тој ги повика Иранците „да излезат на улиците и, како обединет фронт, гласно да ги искажат своите барања“.Во објава на социјалната мрежа Икс, Пахлави порача дека „милиони Иранци вечерва ја побараа својата слобода“, опишувајќи ги демонстрантите како свои „храбри сонародници“, а му се заблагодари и на Трамп.Ова се најголемите протести по оние поттикнати од смртта на млада Курдка во затворВо коренот на протестите, кои започнаа на 28 декември со протест на трговците во Техеран, лежи длабока економска криза. Иранската валута, ријалот, падна на рекордно ниски нивоа во однос на доларот, а инфлацијата скокна на 40 отсто. Економијата е притисната од американските санкции, но и од лошото управување и корупцијата.Актуелниот бран протести е најраспространет од оној во 2022 година, поттикнато од смртта на Махса Амини, младата девојка која почина во притвор по бруталното претепување од стран на моралната полиција. При задушувањето на тие протести беа убиени повеќе од 550 луѓе, а 20.000 беа приведени.Сепак, најголемите протести од Исламската револуција се случија во 2009 година, кога милиони Иранци излегоа на улиците поради спорните претседателски избори, што резултираше со смрт на десетици поддржувачи на опозицијата и илјадници апсења.Демонстрантите палат владини зградиНа видеоснимки што се споделуваат на платформата Икс се гледаат пожари и чад во близина на објекти кои корисниците ги идентификуваат како згради на владата или на локалната самоуправа во поединечни градови.Властите засега не ја потврдија автентичноста на снимките, ниту дадоа официјални информации за обемот на штетата.

Свет | пред 3 месеци

Иран гори: илјадници повредени, судбината на исламскиот режим е неизвесна

Иранскиот режим преживува едни од најтешките моменти во својата 47-годишна историја. Протестите, кои започнаа на 28 декември како локален економски бунт на трговци во Техеран, за помалку од две недели прераснаа во координиран политички устанок кој го зафати целото земјиште на исламската држава, сите 31 провинции.Според податоците на агенцијата на протестанти HRANA, досега загинале најмалку 38 лица, меѓу кои шест деца, а NCR-Iran известува за повеќе од 2.200 уапсени. За разлика од претходните немири, стравот сега се префрлил на страната на режимот, кој во некои региони се повлекува по падот на клучните сојузници како Асад и Мадуро.Во исто време, Иран е делумно или целосно изолиран од интернет и телефонски линии. Организацијата NetBlocks потврдува дека главниот државен оператор во градот Керманшах е целосно исклучен, додека BBC и CBS известуваат за „дигитален блок“ во Техеран. Аналитичарите предупредуваат дека ваквите прекини обично служат за скриена репресија.Причината за немирите е економска катастрофа: колапс на иранскиот ријал, кој достигна историски минимум од 1,5 милиони за еден американски долар, како и инфлација на храна од 72%, прават животот на обичниот граѓанин речиси невозможен. Владата се обиде да купи социјален мир со помош од 7 долари месечно за 71 милион жители, што протестантите го прифатија со презир, со слогани како „Ни Газа, ни Либан, својот живот давам за Иран“ и „Смрт на диктаторот“.Најдраматичните сцени доаѓаат од западните провинции, каде градовите Абданан и Малекшахи практично се надвор од контрола на централната власт. Протестантите преземаат локални седишта на власт и безбедносни бази, што ја открива критичната слабост на режимот.Врвот на власта е во паника: врховниот лидер, ајатолах Али Хамнеи, според медиуми, подготвил план за евакуација во Русија во случај на потполен колапс, додека американскиот претседател Доналд Трамп испратил предупредување за заштита на мирните демонстранти.Според аналитичарите, Иран веќе не е во „мод на управување со криза“, туку во „мод на преживување“. Прашањето не е дали режимот ќе падне, туку кој и како ќе ја води земјата во свет кој се промени драстично.

Свет | пред 3 месеци

Кoмодита се огласи по уништувачкиот пожар во нивната фабрика

Дел од фабриката на „Комодита Хоум“ во Ѓаковица денес попладне беше зафатен од пожар. За среќа, сите работници беа евакуирани на време и никој не е повреден.На местото на настанот веднаш интервенираа полициски екипи и противпожарни единици, обидувајќи се да го локализираат пожарот. Причините за настанот сè уште не се утврдени, а штетата на имотот не може да се процени.„Комодита Хоум“ им се заблагодари на Министерството за внатрешни работи, Министерството за безбедносните сили на КБС, градоначалникот на Ѓаковица, директорот на АМЕ, противпожарните единици од Ѓаковица, Призрен, Јуник, Дечан и Раховец, како и на припадниците на КФОР и КБС за нивната брза интервенција и подготвеност за помош.

Свет | пред 3 месеци

Хорор во Липково! 16-годишно девојче месеци злоупотребувано од група од 17 луѓе

Голема група насилници со месеци сексуално злоупотребувала и уценувала со интимни видеоматеријали 16-годишноо девојче од село во Општина Липково, објави „Алсат“.Според информации на телевизијата од извори во полицијата, за случајот се дознало во неформални околности, а засега е уапсен само еден од осомничените насилници, кои за пари и сексуални услуги се изживувале со девојчето.„На 2 јануари, полицијата во Куманово го уапси 31-годишникот со иницијали Н.А. од село Слупчане, Општина Липково. Сомнежите за неговото апсење се базираат на заканите што тој ги упатил на малолетно девојче, дека додека не му даде пари, ќе објави експлицитни фотографии“, велат од МВР.Најмалку 17 луѓе се осомничени, а страдањата на девојчето, според пријавеното, траеле од јуни лани. Пријавата, според неофицијални информации, ја поднел таткото на девојчето. За кривичните дела злоупотреба или условување за пари или сексуални услуги е предвидена казна затвор до десет години, а кога делото е извршено од група, се изрекуваат повисоки казни.

Македонија | пред 3 месеци

Скопјанец поради љубомора на натепал поранешната девојка удирајќи ја по глава и тело, па ја исфрлил од кола туркајќи ја меѓу столбчиња

Јавен обвинител од Основното јавно обвинителство Скопје поведе постапка против едно лице за кривично дело телесна повреда, согласно член 130 став 2 во врска со став 1 од Кривичниот законик.Според обвинителството, осомничениот на 4 јануари, во испад на љубомора, најпрво вербално ја навредувал, а потоа и телесно ја нападнал својата поранешна партнерка. Тој ја удирал повеќепати по главата и телото, по што насилно ја исфрлил од својот автомобил, туркајќи ја на бетонот помеѓу столбчињата поставени на коловозната лента.Настанот бил пријавен во полиција од случаен минувач, кој сведочел на инцидентот. Оштетената била пренесена во здравствена установа, каде ѝ била укажана лекарска помош.Со цел заштита на жртвата, јавниот обвинител предложи судијата на претходна постапка да определи мерка на претпазливост – забрана за приближување и воспоставување каков било контакт со оштетената за време на траењето на постапката.

Скопје | пред 3 месеци

Зошто идејата на Трамп за купување на Гренланд е една голема фантазија?

Кога американскиот претседател Доналд Трамп зборува за можноста САД да го купат Гренланд, многумина тоа го доживуваат како уште една провокација или политичка шега што брзо ќе биде заборавена. Но, според професорот Орелиен Колсон, во авторски текст за „Еуроњуз“, ваквиот пристап е погрешен, бидејќи иако идејата е правно, политички и стратешки неостварлива, таа открива подлабоки промени во начинот на кој денес се сфаќаат моќта, суверенитетот и глобалниот поредок.Трамп првпат ја изнесе идејата за „купување“ на Гренланд во 2019 година, а неодамна повторно ја актуелизираше, наводно поставувајќи и рок од 20 дена. Секојпат одговорот беше јасен и недвосмислен – Гренланд не е на продажба, а Данска не планира да го отуѓи. Сепак, темата упорно се враќа во јавноста.Историските примери на купување територии, како Алјаска од Русија во 1867 година или Данските Западноиндиски Острови во 1917 година, често се користат како аргумент од страна на Трамп и неговите поддржувачи. Но, тие договори биле склучени во сосема поинаков свет – пред Втората светска војна, пред Повелбата на Обединетите нации и пред правото на народите на самоопределување да стане темел на меѓународното право.Денес, Гренланд не е колонијален посед, туку самоуправна територија со сопствен парламент и влада, а Гренланѓаните имаат признато право на независност доколку така одлучат. Секој обид за „продажба“ би значел директно кршење на меѓународното право и демократската волја на населението.Идејата е проблематична и од политички аспект. Данска е стабилна демократија, сојузник во НАТО и близок партнер на САД. Помислата Вашингтон да купува територија од Копенхаген потсетува на политики од 19. век и би предизвикала сериозни тензии во рамките на Алијансата.Иако Гренланд има големо стратешко значење поради Арктикот, природните ресурси и безбедносните прашања, САД веќе имаат значително воено и стратешко присуство таму преку соработка со Данска. Формалното „сопствеништво“ би донело малку реална корист, а огромни политички трошоци.Според Колсон, упорноста на оваа идеја произлегува од трансакцискиот поглед кон меѓународните односи, каде моќта се мери преку сопственост и контрола, а дипломатијата се заменува со јазикот на бизнисот. Во тој контекст, Гренланд не е реален политички предлог, туку симбол на пошироката ерозија на повоениот меѓународен поредок.Гренланд, заклучува авторот, не е на продажба. Но, самото појавување на вакви идеи е потсетник дека правилата на глобалната политика се сè почесто тестираат – а игнорирањето на тој факт може да биде најскапата грешка.

Свет | пред 3 месеци