Десет кандидати во трката за Антикорупциска, Дуковски остро реагира: „Ако овие се тие – тешко нас“

Весна Доревска, Владимир Наумоски, Антонио Санев, Бранко Смилевски, Валентина Тодоровска, Ненад Трифуновски, Благица Трошанска, Кимо Чавдар, Адем Чучуљ и Феузи Џафери се десеттемина кандидати што останаа во трката за претседател на Државната комисија за спречување на корупцијата, откако селекциската фаза ги елиминираше останатите пријавени. ПО нивното објавување реагираше адвокатот Сашко Дукоски со остар коментар:„„Значи, случајно гледам кандидати за избор во Антикорупциска комисија. Ако овие се тие… тешко нас!“, напиша тој, додавајќи дека листата, според него, не влева доверба.Собранието спроведува повторен избор за прв човек на Антикорупциската комисија по оставката на Татјана Димитровска, осомничена за вмешаност во случајот „Адитив“.

Македонија | пред 5 месеци

Јапонија се бори со голем пожар: Едно загинато лице, уништени над 170 домови

Едно лице загина, а цела станбена област е претворена во пепел по силниот ноќен пожар што го зафати јапонскиот град Оита. Телото пронајдено утрово сè уште се идентификува, но полицијата проверува дали станува збор за 76-годишниот маж кој се води како исчезнат.Повеќе од 170 домови се уништени или тешко оштетени во огнената стихија што избувна во пристанишниот дел Саганосеки и за кратко време се прошири низ густо населениот кварт. Пожарот гори повеќе од 12 часа, а пожарникарите и понатаму се борат со жариштата што се шират кон околната пошумена површина.Префектурата Оита побара дополнителна помош за гаснење, бидејќи огнот зафати околу 48.900 квадратни метри – територија еквивалентна на неколку фудбалски игралишта.Градоначалникот Шиња Адачи увери дека, според последните процени, не се очекува пламените јазици да се прошират понатаму, но состојбата останува сериозна. Високиот функционер Шого Фуџикава додаде дека густината на чадот се намалува и дека пожарот се движи кон тоа да биде ставен под контрола, иако е „прерано за конечни проценки“.Јапонската премиерка Санае Такачи порача преку платформата Х дека централната влада ќе обезбеди максимална поддршка и тесно ќе соработува со локалните служби за помош на погодените жители.

Свет | пред 5 месеци

Најголемото судење во историјата на Македонија: пред правдата излегуваат 38 обвинети за трагедијата во „Пулс“

Точно во 9.30 денеска почнува најголемото судење во поновата историја на Македонија – процесот за катастрофалниот пожар во дискотеката „Пулс“ во Кочани, трагедија што на 16 март 2025 година однесе 63 животи и повреди повеќе од 200 лица. Судницата е под засилени безбедносни протоколи, семејствата на жртвите пристигнуваат за да ја слушнат вистината која ја чекаат скоро девет месеци, а правосудниот систем е исправен пред најтешкиот тест досега.Обвинителството ќе треба да докаже вина на вкупно 38 обвинети – од институции до поединци – за низа тешки дела против општата сигурност. Според обвинението, трагедијата не била несреќен сплет на околности, туку последица на години игнорирање на законите, погрешни одлуки и системски пропусти. „Пулс“ работел незаконски уште од 2012 година: без минимално-технички услови, со нерегистрирани реконструкции, без соодветна противпожарна заштита и со крајно небезбедни услови за посетителите.Во документите што ќе ги презентира Обвинителството стои дека повеќе институции издавале лиценци спротивно на законот, не вршеле потребен инспекциски надзор, дозволувале преполнетост на капацитетот и влез на малолетници. Најкритичниот момент настанал кога, за време на настапот на групата „ДНК“, биле активирани пиротехнички средства без дозвола – искра што ја запалила целата трагедија.Јавниот обвинител Љупчо Коцевски уште на прес-конференцијата одржана на 16 јуни јасно порача дека секоја институција имала можност да спречи дел од ризиците, но пропустите се таложеле, создавајќи „ланец што неминовно водел кон катастрофа“.Додека судот го завршува последното техничко тестирање на системите, во зградата се поставени полициски филтри кои ќе контролираат кој влегува и излегува од судницата, а екипи на итната помош се во готовност за медицински интервенции.Со процесот ќе раководи судијката Диана Груевска-Илиевска – со 19 години искуство и долга листа на високо профилирани предмети, меѓу кои и судењата за поранешните премиери Владо Бучковски и Зоран Заев, како и случајот за тешката несреќа кај Ласкарци.Повеќе детали ќе се разјаснуваат во наредните месеци, но едно е јасно уште денес: ова судење ќе биде пресвртна точка за начинот на кој државата се справува со одговорноста, институционалните пропусти и јавната безбедност.

Македонија | пред 5 месеци

Мицкоски најави можност за смена на државниот обвинител: Јавноста не е задоволна од неговата работа

Премиерот Христијан Мицкоски во гостување во емисијата „Топ тема“ на ТВ Телма изјави дека е незадоволен од работата на државниот јавен обвинител Љупчо Коцевски, нагласувајќи дека истото чувство го дели и јавноста. Тој рече дека, поради тоа, логичен след на настаните би бил неговата смена.„Кога разговараме и кога ви велам дека не сум задоволен лично јас, но и јавноста од работата на јавниот обвинител, тогаш логичен след на настани после така јавно искажан збор е негова смена, многу јасно“, изјави Мицкоски.Тој додаде дека „најголемиот дел од граѓаните, акламативно, мислат дека Коцевски не си ја врши својата работа доволно добро“, иако, како што посочи, буџетот кој го добива Обвинителството е поголем од оној што го имаат дури 75% од земјите членки на Европската Унија.„Ако е политичката цена да ја платам и да бидам повторно дел од извештај во кој ќе бидам критикуван, тогаш мислам дека некој треба да си го стави прстот на чело и да размисли што прави“, додаде премиерот, оставајќи простор за можноста за промени во раководството на обвинителството.

Македонија | пред 5 месеци

(Фото) Лицето кое раствори пена во Гази Баба е пронајдено, Орце најави санкции

Градоначалникот на Скопје, Орце Ѓорѓиевски, вечерва објави дека е пронајден сторителот на загадувањето со хемиска пена во близина на булеварот „Александар Македонски“ во општина Гази Баба, по што веднаш се преземени инспекциски и правни мерки.Според информациите од Град Скопје, инспекторите излегле на терен веднаш по појавата на фотографии на социјалните мрежи, на кои се гледаше масивно истекување на хемиска пена од шахта на јавна површина. Пена била проследена до правен субјект во непосредна близина, кој, како што стои во соопштението, директно го загрозил здравјето на граѓаните и ја нарушил животната средина.„Станува збор за сериозно прекршување на законските прописи. Никој нема право да го загрозува здравјето на скопјани,“ изјави Ѓорѓиевски, нагласувајќи дека утре ќе биде детално анализиран елаборатот за животна средина на фирмата, за да се утврдат причините и евентуалните неправилности во нејзините процеси.На терен биле земени примероци од шахтата, од површината на булеварот и од пеноматот во сопственост на фирмата, а врз основа на добиените анализи ќе бидат преземени најстроги санкциски мерки против сторителот.„Никакво отстапување нема да биде дозволено. Секој што го нарушува законот и ја загадува околината ќе се соочи со целосната сила на институциите,“ порача градоначалникот.

Скопје | пред 5 месеци

Фијаско на „Милениум“: Велс ја распарчи Македонија со седум гола

Фудбалската репрезентација на Македонија доживеа тежок пораз во Кардиф од Велс со 7:1, во последното коло од Ј групата на квалификациите за Светското првенство. Со овој резултат, Велс го обезбеди второто место и место во плејофот, додека Македонија ќе мора да бара шанса за Мундијалот преку Лигата на нации.По речиси две години без пораз во официјални натпревари, вечерва заврши една успешна низа на избраниците на селекторот Благоја Милевски, кој доживеа тежок удар на „Милениум“ стадионот. Македонскиот состав одигра слаб меч, со катастрофални грешки во одбраната и без идеја во нападот. Единствено голманот Столе Димитриевски беше на ниво, спречувајќи уште потежок резултат.Почетокот на натпреварот влеваше надеж откако Бојан Миовски во 23-тата минута постигна погодок и намали на 2:1, а до крајот на првото полувреме Македонија имаше и неколку шанси преку Барди од слободен удар и серија на корнери. Сепак, вториот дел беше целосна доминација на домаќините.Во редовите на Велс блескаше Хари Вилсон со хет-трик, а по еден гол постигнаа Брукс, Џонсон, Даниел Џејмс и Бродхед.Овој пораз ќе остане запаметен како еден од најтешките за Македонија во последните години, а јавноста веќе бара одговори за тактичките промашувања и слабата подготовка на тимот.

Спорт | пред 5 месеци

(Видео) Делови од Хрватска, Словенија и БиХ под снежна покривка

Снежна покривка го означи доаѓањето на зимата во регионот.Снег паѓаше во Хрватска, БИХ и Словенија.Во Хрватска, првиот снег за оваа сезона падна во Лика, Горски Котар и Сљеме.Хрватскиот автоклуб објави дека патиштата што минуваат низ планинските подрачја се под снег и ги повика возачите да бидат повнимателни и да го прилагодат возењето на условите на патот.Во БиХ снег паѓа во Бјелашница, Јахорина и Влашиќ.Снег има и во делови од Словенија.

Свет | пред 5 месеци

Нарачките од Тему и Али експрес поскапуваат

Мнозинството пратеници ги изгласаа законските измени со кои се воведува 18% ДДВ за пратки до 22 евра странски онлајн продавници.Законот стапува на сила 8 дена по објавата во Службен весник.Овие измени ќе погодат многу граѓани кои незадоволно на социјалните мрежи реагираат бидејќи и малите нарачки од „Тему“, „Али Експрес“ и другите онлајн продавници од странство ќе се оданочуваат.„Предложената законска измена е со цел да се избрише ослободувањето од данок на додадена вредност за увоз на пратки со мала вредност испорачани од странство за примачи во земјата чија вкупна вредност по пратка не го надминува износот од 22 евра.Предлогот предвидува и ослободување од ДДВ за мали пратки од некомерцијална природа пратени од физичко лице од странство до физичко лице - примач во земјава со вредност до 22 евра.Ослободувањето не се применува за алкохол и алкохолни пијалоци, парфеми и тоалетна вода и тутун и преработки од тутун“, пропишал законодавецот.Заменик-министерот за финансии Николче Јанкуловски образложи дека основна причина за измените е создавање појасна правна рамка, спречување злоупотреби, пофер и порамноправна положба на малите бизниси во земјава со тие во странство при плаќање ДДВ.Во 2024 година над 1.000 тони ситни производи влегле во Македонија без да бидат оданочени.За измените „за“ гласаа 59 пратеници, 12 беа „против“. Власта го подржа законот.„Сакаме да градиме нови патишта, болници, градинки, училишта, сакаме зголемување на минималната плата.Но, тоа не е можно доколку македонскиот денар завршува на странските пазари”, смета Малиша Станковиќ од коалициските социјалисти.Левица бара законот да биде повлечен бидејќи се казнуваат сиромашните а буџетот се полни со зголемување на даноците на добивка.

Македонија | пред 5 месеци

(Видео) Трамп му порача на новинарот да не го „посрамоти“ саудискиот принц со прашања за убиството на новинарот

Американскиот претседател Доналд Трамп свечено го пречека саудискиот престолонаследник Мухамед бин Салман во Белата куќа, каде што на Јужниот тревник беше пречекан со прегратка и прелет на авиони во чест на посетата.По краткиот разговор и прес-конференцијата, атмосферата се затегна кога еден новинар постави прашање за убиството на новинарот Џамал Кашоги. Трамп реагираше предупредувајќи го новинарот да не го „посрамоти“ саудискиот лидер. Ова е прва посета на бин Салман на САД откако Кашоги беше убиен во 2018 година во саудискиот конзулат во Истанбул.Американските разузнавачки служби заклучија дека токму престолонаследникот ја одобрил операцијата за фаќање или убиство на Кашоги, кој беше истакнат критичар на саудискиот режим. Иако бин Салман го негираше тоа, призна одговорност како де факто владетел на земјата.„Што се однесува до овој господин, тој заврши феноменална работа“, рече Трамп бранејќи го својот гостин. „Споменувате некој кој беше исклучително контроверзен. Многу луѓе не го сакаа тој господин за кој зборувате, ви се допаѓал или не, работи се случуваат, но тој ништо не знаел за тоа и можеме така да го оставиме. Не мора да го посрамотите нашиот гостин со поставување прашања.“

Свет | пред 5 месеци

Сиљановска-Давкова: Творештвото на Чемерски заслужува темелно да се истражи, документира и претстави

Претседателката Гордана Сиљановска-Давкова денеска ги прими сопругата и ќерката на уметникот Глигор Чемерски, придружени од кураторот д-р Кирил Пенушлиски.Членовите на неговото семејство изразија загриженост за состојбата во којашто се наоѓаат делата на великанот Чемерски и ја потенцираа потребата од нивна реставрација и презервација, по примерот на успешно обновениот Споменик на слободата во Кочани.Претседателката сподели искрена желба да придонесе во заштитата на делата на Чемерски, укажувајќи дека некои од нив ја красат свечената сала и претседателскиот кабинет.Таа го поддржува проектот „Топла земја: Монументалното творештво на Глигор Чемерски“, којшто цели темелно да го истражи, документира и претстави неговото творештво, со фокус на мозаиците, фреските и големите композиции што го обликуваат македонскиот визуелен идентитет.

Македонија | пред 5 месеци

(Видео) Поплава во Козле, по дождовите во Скопје

Дел од скопската населба Козле утрово беше под вода по поројниот дожд што го зафати градот.Според првичните информации, поплавата се случила поради затнати одводи и обилен дожд во краток временски период, што довело до задржување на водата во пониските делови на населбатаата се случила поради затнати одводи и обилен дожд во краток временски период, што довело до задржување на водата во пониските делови на населбата.

Скопје | пред 5 месеци

Cloudflare откри што ја предизвика глобалната интернет блокада

Компанијата Cloudflare денес официјално потврди дека големиот прекин кој ги урна илјадници веб-страници и апликации ширум светот бил предизвикан од нагол и необјаснет скок на интернет-сообраќајот во нивната инфраструктура.Според нивното првично објаснување, во краток временски интервал се забележал огромен прилив на барања кон еден од клучните системи, што предизвикало преоптоварување на серверите и „реакција во синџир“ низ повеќе центри на податоци. Од компанијата наведуваат дека нема индикации за хакерски напад, туку станува збор за внатрешна аномалија во распределбата на мрежниот сообраќај.Инцидентот предизвика глобален застој – платформи како ChatGPT, X (Twitter), Spotify, Discord, Canva и други беа недостапни или прикажуваа пораки за грешка со часови. Корисниците во различни делови од светот пријавуваа дека не можат да пристапат ниту до сопствените веб-страници, ниту до корпоративни системи што зависат од Cloudflare.По неколку часа, инженерските тимови успеале да ја стабилизираат мрежата и да ги вратат сервисите, но компанијата продолжува со детална техничка анализа за да открие што точно го предизвикало скокот на сообраќајот и како може да се спречи повторување.Од Cloudflare порачаа дека ќе објават јавен извештај со целосни податоци за инцидентот штом истрагата биде завршена, нагласувајќи дека ниеден кориснички податок не бил компромитиран.

Свет | пред 5 месеци

Инциденти во Скопје – нападнати мајка и син, малолетник ограбен, младо девојче нападнато

Министерството за внатрешни работи информира за три одделни инциденти пријавени во изминатите два дена на подрачјето на Скопје, во кои бил нарушен јавниот ред и мир, а во еден од случаите нападнат е и малолетник.На 16 ноември 2025 година, околу 12:30 часот, во населбата Илинден, 50-годишната Т.П.П. и нејзиниот син биле нападнати со тврд предмет од лице идентификувано како В.Б.. Случајот е пријавен во СВР Скопје, а полицијата презема мерки за негово расчистување.Следниот ден, на 17 ноември околу 15:00 часот, во Центар, 35-годишниот Т.Д. пријавил дека неговиот 15-годишен син бил пресретнат од пет лица, од кои едниот му се заканил со остар предмет и му одзел пари и мобилен телефон, а друг го физички нападнал. Случајот се истражува.Истиот ден, околу 13:10 часот, во населбата Ѓорче Петров, 74-годишниот Р.И. физички ја нападнал 21-годишната З.И., и двајцата од Скопје. И за овој инцидент се преземаат мерки за расчистување.

Македонија | пред 5 месеци

Десет кандидати во трката за прв антикорупционер, Комисијата ќе заседава во петок

Според најавите во петок се очекува да биде свикана собраниската Комисија за прашања на изборите и именувањата, која треба да даде поддршка на еден од пријавените кандидати за претседател на Државната комисија за спречување на корупцијата.Изборот ќе биде по селекцијата и сослушувањето на кандидатите од страна на Комисијата за селекција на кандидати за избор на претседател на ДКСК.Петмина од кандидатите беа интервјуирани денеска, а останатите пет ќе бидат интервјуирани во текот на утрешниот ден.За претседател на ДКСК се пријавија 13 кандидати, еден од нив ги повлече документите, а за двајца Комисијата утврди дека не ги исполнуваат условите, со што бројот на кандидати се сведе на 10:Весна Доревска, Владимир Наумоски, Антонио Санев, Бранко Смилевски, Валентина Тодоровска, Ненад Трифуновски, Благица Трошанска, Кимо Чавдар, Адем Чучуљ и Феузи Џафери.Изборот за прв антикорупционер доаѓа по оставката на Татјана Димитровска, која е обвинета за две кривични дела во врска со предметот „Адитив“.Постапката за избор започна но беше прекината поради локалните избори.

Македонија | пред 5 месеци

(Видео) „Замолчи свињо”: Трамп со недолични зборови кон новинарка

Претседателот на САД Доналд Трамп, ја револтираше јавноста со крајно недолично однесување и навреди кон новинарка. Во директен пренос ја нарекол новинарката „свиња“ и и рекол да замолчи. Таа го прашала за неговата поврзаност со е-поштите на покојниот финансиски измамник и осуден сексуален престапник Џефри Епстајн.Настанот се случил неколку дена пред Трамп да ја промени својата позиција за објавата на т.н. Епстајнови досиеја, јави Би-Би-Си.Трамп подоцна, под притисок на јавноста ги повика конгресмените да гласаат за јавно објавување на документите.Инаку за документите за Епстајн, во кои има преписки и листи на влијателни лица, веќе се говори дека името на Трамп се споменува во електронска преписка.

Свет | пред 5 месеци

Лажни ветувања за лични карти и државјанство – МВР истражува измама вредна 5.000 евра

На 17 ноември 2025 година, во 14:00 часот, во Секторот за внатрешни работи Скопје 25-годишна жена од скопско село пријавила дека била измамена за околу 5.000 евра од лице идентификувано како Н.К. (29), соопшти Министерството за внатрешни работи.Според пријавата, во периодот од декември 2023 до декември 2024 година, таа во повеќе наврати му исплаќала пари на осомничениот со цел да ѝ обезбеди македонски лични документи и државјанство за неа и нејзините сестри. Откако ветувањата не се реализирале, жената сфатила дека станува збор за измама и случајот го пријавила во полиција.Од МВР информираат дека се преземаат мерки за целосно расчистување на случајот и утврдување на сите околности.

Македонија | пред 5 месеци

Кумановец со лажна диплома се вработил во јавно претпријатие – МВР поднесе кривична пријава

Секторот за внатрешни работи Куманово поднесе кривична пријава против Ѓ.Ш. (55) од Куманово поради постоење основи на сомнение за сторено кривично дело „фалсификување исправа“, информира Министерството за внатрешни работи.Според пријавата, осомничениот, кој од 2016 година бил ангажиран со договор на дело во јавно претпријатие во Куманово, во текот на 2022 година набавил фалсификувана диплома од средно стручно училиште во Тетово. Таа лажна диплома ја приложил при аплицирање на јавен оглас, по што успеал да склучи договор за вработување на неопределено време.Од МВР соопштуваат дека предметот е целосно документиран и против пријавениот ќе се води постапка пред надлежните органи.

Македонија | пред 5 месеци

Пукање во Сарај: кон 28-годишен маж испукани неколку куршуми

На 17 ноември 2025 година, околу 19:00 часот, во СВР Скопје било пријавено дека во село Сарај неколку лица испукале повеќе куршуми од огнено оружје кон 28-годишниот А.А. од истото село, но за среќа без повредени лица, информира Министерството за внатрешни работи.За инцидентот бил известен јавен обвинител, а увидна екипа од СВР Скопје извршила увид на местото на настанот. Од МВР велат дека се преземаат мерки за целосно расчистување на случајот и идентификација на сторителите.

Скопје | пред 5 месеци

Трамп најавува дека ќе изврши напади во Мексико за да го спречи шверцот на наркотици во САД

Американскиот претседател Доналд Трамп е подготвен да изврши напади во Мексико доколку е потребно. Негова цел е да се спречи криумчарењето нелегални наркотици во САД.„Вака ќе кажам: Не сум задоволен од Мексико”, рече Трамп.Тој посочи дека нема да одговори на прашањето на новинарите дали би побарал дозвола од мексиканската влада за започнување напади, ни изјави дека е во контакт со властите во Мексико Сити.Трамп очекува поддршка од пратениците од двете партии по обраќањето во Конгресот каде ќе побара дозвола за напади.

Свет | пред 5 месеци

ВМРО-ДПМНЕ ќе прифати надзорна и анкетна дебата за трагедијата во Пулс, но ако се расправа и за другите трагедии

Пратеникот на ВМРО-ДПМНЕ, Бојан Стојаноски изјави дека ќе ги прифаќаат барањата на СДСМ и Левица за надзорна расправа и Анкетна комисија за трагедијата во Кочани, но, расправата да биде проширена и со другите трагедии.,,Ние соопштивме дека треба прво да почекаме да заврши судењето, па потоа да влеземе во ваква операција.Но, со оглед на тоа дека вчера и СДСМ и Левица укажаа дека ќе поднесат такво барање, ние таквото барање ќе го прифатиме. Но, кога разговараме за една ваква тема за која што ние исклучиво кажуваме дека е злоупотребувана за некрофилско добивање политички поени, треба ваквата Анкетна комисија да проширена и за сите да биде проширена и за сите други трагедии за кои нема ни кривична, ниту човечка, ниту политичка одговорност”, изјави Стојаноски.

Македонија | пред 5 месеци

Села: Таравари е нестабилна фигура

Зијадин Села, лидер на едно од трите крила на Алијанса за Албанците, ја остави отворена вратата за влез Владата, испорача три главни услови:спроведување на уставните измени односно деблокада на процесот на интеграција во ЕУ, замена на формулацијата 20%со „албански јазик“ во Уставот и Бадентер во Уставниот суд.Во ТВ дебата на Шења, тој најави реорганизација на партијата и напуштање на коалицијата НАИ предводена од ДУИ.Села е категоричен:,, Нема можност за обединување со крилото на АА, предводено од Арбен Таравари, екс-министерот за здравство е нестабилна фигура“, вели Села.

Македонија | пред 5 месеци

Глобален пад на Cloudflare ја исклучи голем дел од интернет мрежата

Технолошкиот гигант Cloudflare, кој управува со критична интернет-инфраструктура и обезбедува услуги за заштита и дистрибуција на содржини за околу една петтина од интернет страниците, се соочи со голем глобален прекин на мрежата утринава.Првиот сигнал за нарушување се појави околу 6:40 а.м. EST кога многу корисници пријавија грешки „500 Internal Server Error“ при обид да пристапат до различни веб-сервиси. Во прекинот се погодени многу големи платформи: X (поранешно Twitter), ChatGPT на OpenAI, Spotify, Canva и други.Поради нарушувањето, корисници добиваа пораки како: „Please unblock challenges.cloudflare.com to proceed“. Cloudflare соопшти дека „видела скок на невообичаен сообраќај“ на еден од своите сервиси, што предизвикало погрешна рута на податоците низ нејзината мрежа, сè додека не се започнало со исправка.Сите оние страници и апликации што се потпираат на Cloudflare за DNS, CDN или безбедносни услуги, се соочија со непристапност или сериозно забавување.Cloudflare најави дека продолжува со истрага за причината на скокот на сообраќајот и прави дополнителни технички корекции. Иако точното оправдување сè уште не е објавено, компанијата веќе го активираше враќањето на некои од своите услуги. Експертите предупредуваат дека ваквите падови ја изложуваат ранливоста на глобалната интернет инфраструктура — мал број компании управуваат со огромен дел од интернет-содржината, што значи дека кога една од нив има проблем, ефектот е масовен.

Свет | пред 5 месеци

Европратеничката Ирена Јовева ја добива наградата „Светилник“ за поддршката на протестите и студентското движење во Србија

Европратеничката со македонско потекло Ирена Јовева годинава ќе ја добие наградата „Светилник“, признание што Белградскиот центар за безбедносна политика го доделува за исклучителна храброст и јавна одговорност.„Светилник“ постои од 2023 година и се доделува на поединци кои преку своето делување се истакнале во заштита на демократијата и човековите права. Досегашни добитници се Александар Обрадовиќ и Катарина Петровиќ.Јовева, родена во Словенија во 1989 година во семејство со македонски корени, ја започна кариерата како новинарка специјализирана за европски теми, а во Европскиот парламент влезе по изборите во 2019 година. Таму се профилираше како еден од гласните застапници за медиумски слободи, човекови права, младински политики и демократски стандарди во регионот.Во образложението за наградата се наведува дека Јовева „постојано, јавно и без задршка реагира кога политичките слободи се загрозени“, и дека била меѓу ретките европски политичари кои силно ја поддржаа борбата на граѓаните и студентите во Србија за правда и демократски избори.BCBP посочува дека нејзините јавни настапи, колумни и апели ја истакнале потребата Европската Унија да застане зад вредностите што ги проповеда, и дека човековите права не смеат да се третираат како локално, туку како универзално прашање.Наградата ќе ѝ биде врачена на отворањето на Белградската безбедносна конференција, која се одржува од денеска до 19 ноември.

Македонија | пред 5 месеци

Во Охрид одбележан Светскиот ден за сеќавање на жртвите од сообраќајни незгоди

Општински совет за безбедност на сообраќајот на патиштата на општина Охрид и Секторот за внатрешни работи Охрид во координација на Републичкиот совет за безбедност на сообраќајот го одбележа 16-ти Ноември, „Светскиот ден за сеќавање на жртвите од сообраќајни незгоди”.На главните сообраќајници во Охрид, Бул. „Туристичка“ и Бул.„Железничка“, на возачите им беа поделени превентивно-едукативни летоци со порака секој да се присети на вредноста на човековиот живот и почитувањето на сообраќајните правила и прописи. Исто така, учесниците во сообраќајот беа информирани за бројот на жртви и повредени на годишно ниво од сообраќајни незгоди, во нашата држава и во светот.Статистички на светско ниво во 2024 година околу 1,35 милиони лица се загинати во сообраќајни незгоди, додека над 50 милиони лица биле повредени. Во Македонија во 2024 година 142 лица го загубиле животот во сообраќајни незгоди, додека 7.156 лица биле повредени.Целта на спроведената активност е да се зголеми свеста за одговорно и безбедно возење со што ќе се даде придонес за намалување на бројот на жртви во сообраќајни незгоди.

ОО | пред 5 месеци

Уапсен Македонец во Тирана: Баран од Интерпол, осуден во Куманово, очекува екстрадиција

Албанските безбедносни служби информираа дека во Тирана е приведен 36-годишен државјанин на Северна Македонија, по кој биле распишани меѓународни и домашни потерници. Приведувањето е изведено во рамки на полициската акција позната како „Операција 73“, со што се отвораат процедури за негово екстрадирање во Македонија.Според албанската полиција, лицето — идентификувано како Н.С. — се барало по пресуда на Основниот суд во Куманово, со која е осуден на двегодишна затворска казна за кривично дело поврзано со фалсификување валута.Покрај тоа, 36-годишникот бил евидентиран како баран и од полициската управа во Драч, под сомнение за кривично дело „кражба“.Случајот сега го презема Интерпол Тирана, кој во координација со надлежните органи во Северна Македонија ќе ја спроведе постапката за негово предавање на македонските власти.

Македонија | пред 5 месеци