Градоначалник парично казнет за неовластено заловување и дислокација на бездомни кучиња

Тања Оловолска Ристевска, која често објавува содржини поврзани со третманот на бездомните животни, информираше преку својот Фејсбук-профил дека Агенцијата за храна и ветеринарство (АХВ) изрекла парична казна за градоначалник поради неовластено заповедање и дислокација на бездомни кучиња.Според нејзината објава, инспекциските служби реагирале по појавувањето на видео и фотографии на социјалните мрежи, кои предизвикале бројни реакции кај граѓаните. АХВ спровела вонреден инспекциски надзор, при што било утврдено дека заловувањето и преместувањето на кучињата се извршувале спротивно на Законот за заштита и благосостојба на животните, без одобрување на Агенцијата и од страна на неквалификувани лица.За сторениот прекршок изречена е мерка забрана за вршење активности кои не се одобрени од АХВ.Ристевска пренесува дека, по поднесена иницијатива од граѓани, минатата недела бил направен и вонреден надзор во објект за сместување и чување кучиња во приватна сопственост. Инспекторите утврдиле неправилности спротивно на Законот за заштита и благосостојба на животните, по што е изречена парична казна за одговорно лице, како и посебна инспекциска мерка — одземање животни.Агенцијата за храна и ветеринарство најавува дека ќе продолжи со инспекциските активности и контролите поврзани со третманот на бездомните животни.

Скопје | пред 5 месеци

Брутален напад на дете Скопје, маж со тупаници, клоци и нож го тепал 12-годишното момче: Обвинителството итно бара притвор

Основното јавно обвинителство Скопје поведе постапка против едно лице за кривично дело – Насилство врз дете од член 201а од Кривичниот законик.Осомничениот 53-годишник на 11 ноември извршил насилство врз 12-годишно дете.Додека детето се движело со велосипед по булеварот “Крсте Мисирков”, осомничениот го пресретнал со електричен мотор и без повод и причина агресивно го нападнал со тупаници и клоци во пределот на лицето и телото.Во еден момент извадил и нож со кој замавнал кон детето, а потоа со дршката го удрил по главата.Детето успеало да се оттргне и да побара помош од случајни минувачи. Осомничениот го зел велосипедот од оштетеното дете, му ги исекол двете гуми и го фрлил кон булеварот со намера да го оштетат возилата кои поминувале. Потоа со моторот го напуштил местото на настанот, додека пак оштетеното дете било пренесено во Ургентниот центар.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, бидејќи постојат околности кои укажуваат на опасност од бегство.

Скопје | пред 5 месеци

Пожарот во домот за стари лица во Тузла почнал од приклештен кабел на радио, бројот на загинати достигна 15

Новите наоди на експертите за електрична и противпожарна заштита ја разјаснуваат почетната причина за катастрофалниот пожар во домот за стари лица во Тузла, во кој животите ги загубија 15 лица, а повеќе од 30 беа повредени. Обдукциите потврдија дека сите жртви, освен едно лице чие тело било зафатено од оган, починале од задушување. Телата на уште две жени кои починаа синоќа наскоро ќе бидат ексхумирани.Според мислењето на електричниот експерт, пожарот започнал поради краток спој на кабелот на радио-приемник кој бил приклештен меѓу душек, ѕид и метален дел од креветот во собата на еден од корисниците на домот. Кабелот бил изложен на механички притисок, а подоцна и на термичко оптоварување, што според наодите претставува директен причинител на запалувањето.Овие првични технички наоди се само почетокот на обемната истрага што ја води Кантоналното обвинителство во Тузла. Целта е да се утврди дали трагедијата можела да биде спречена и дали постоеле пропусти во безбедносните и противпожарните мерки.Обвинителството формираше истражен тим составен од двајца обвинители и истражители од Министерството за внатрешни работи. Тие веќе спроведуваат активности за прибирање докази, а истрагата ќе опфати проверки на сите околности: причинско-последични врски, одговорни лица, пропусти во работата и евентуално неправилно постапување со безбедносните протоколи.„Истрагата ќе биде широка и детална, со проверка на секој сегмент — од околностите на пожарот до мерките што биле преземени или не биле преземени“, соопшти Обвинителството на Тузланскиот кантон.Истражителите ќе побараат дополнителни стручни процени од експерти по противпожарна заштита, градежништво и архитектура, со цел да се анализираат безбедносните механизми на објектот. Во тек се и сослушувања на сведоци, а ќе биде запленета и сета релевантна документација од домот за стари лица за да се добие целосна слика за условите и можните пропусти.Обвинителството истражува постоење елементи на тешки кривични дела против општата безбедност, предизвикување општа опасност со смртен исход и несовесно работење во служба.Од институцијата нагласуваат дека случајот е ставен меѓу „апсолутните приоритети“, а сите неопходни наредби и истражни дејствија ќе се издаваат без одлагање.

Свет | пред 5 месеци

Каде биле извршени непотребните операции на срце и кој е одговорен? СДСМ за скандалот во здравството

СДСМ реагира со остар став по обелоденувањето на податоците дека 10 пациенти биле подложени на операции на срце без медицинска потреба. Од партијата велат дека скандалот е крајно загрижувачки и бараат итна и целосна транспарентност — вклучително и објавување на тоа во кои клиники и од кои лекари биле направени спорните интервенции.Од СДСМ потсетуваат дека министерот за здравство Азир Алиу веќе утврдил дека станува збор за десет случаи на непотребни операции или непотребно упатување на операции, но сè уште не објавил кои здравствени установи и кои доктори се одговорни за ваквите постапки. Според партијата, тоа е „апсолутно недозволиво“.Тие оценуваат дека објаснувањето на министерот — дека имињата нема да се откриваат затоа што извештајот не е конечен — отвора простор за манипулација со факти, како и за промена на наодите под притисок. Во реакцијата се поставува прашањето дали министерот намерно одложува соопштување за да може да „преговара или разговара“ со оние што ги извршиле интервенциите.СДСМ предупредува дека е нелогично истовремено да се тврди оти е докажано дека операциите биле непотребни, а извештајот да се означува како „прелиминарен“. Ако наодите се веќе утврдени, велат од партијата, нема ниту една причина тие да не бидат објавени — додека истрагата може да продолжи понатаму.Во писмената реакција се оценува дека однесувањето на Алиу е „крајно несериозно“ и дека создава сомнеж дека нешто се прикрива, што дополнително ја нарушува довербата во здравството и ги става здравствените работници под неоправдан притисок.СДСМ бара итно објавување на досегашниот извештај на комисијата, како и прецизно објавување на:клиниките каде се извршени спорните операции,сите поединечно инволвирани во донесување одлука за операција на пациентите,наодите за секој случај за кој, според министерот, е веќе утврдено дека не требало да биде опериран.Партијата смета дека секое понатамошно одложување ќе создаде сомнеж дека се врши манипулација со конечната верзија на извештајот, со што неоправдано се етикетира целиот здравствен систем, наместо да се лоцира индивидуалната одговорност.Реакцијата е потпишана од Центарот за комуникации со јавноста на СДСМ.

Македонија | пред 5 месеци

(ФОТО) Се урива игротеката на на пица-барот „Дежаву“: Општина Аердром најави изградба на ново игралиште и зелени повтршини

Тревник и ново игралиште на местото на игротеката на пица-барот „Дежаву“ кај Капитол Мол. Општина Аеродром почна да го урива објект, за кој велат дека со години работи на диво.Утринава започна отстранувањето на објектот кој со години беше поставен на тревникот покрај булеварот „Јане Сандански“. Овој објект функционираше врз основа на Решение за поставување урбана опрема, издадено пред десетина години од Град Скопје, но чија важност е истечена. Бидејќи објектот нема важечко одобрение, тој ќе биде целосно демонтиран и просторот конечно ќе се ослободи за користење. По отстранувањето, Општината ќе пристапи кон уредување на локацијата со современа урбана опрема, зелени површини и ново, модерно детско катче.Со овој чекор, тревникот повторно ќе стане пријатно, безбедно и заедничко место за рекреација, игра и дружење - токму онака како што заслужуваат жителите на Аеродром, објави на ФБ Општина Аеродром.

Скопје | пред 5 месеци

Десет пациенти биле ставени „под нож“ за операции на срце без медицинска индикација, што друго открива Комисијата на МЗ

Нов алармантен извештај на Комисијата формирана од Министерството за здравство го тресе македонското најчувствителниот сектор повторно. Од 25 пријавени случаи за сомнителни кардиолошки и кардиохируршки интервенции, десет пациенти биле оперирани или упатени на операција без оправдана медицинска индикација. Ова го утврди специјалната комисија што ја формираше Министерството за здравство по јавните обвинувања за злоупотреби во кардиохирургијата.Контроверзите почнаа уште во август, кога кардиологот проф. д-р Сашко Кедев во гостување на „Канал 77“ предупреди дека во приватниот сектор се вршат непотребни операции на срце — исклучиво за профит. Министерот за здравство Азир Алиу веднаш по изјавата назначи интерна комисија, но таа одлучи да ги испита сите болници што вршат кардиохируршки интервенции — и приватни и државни.Иако извештајот потврди дека дел од пациентите навистина биле погрешно водени, комисијата денеска не кажа во кои болници се случиле спорните операции. Не се откри ни дали интервенциите претставувале ризик по живот, ниту дали имало компликации, ниту колку чинеле за државниот буџет.Претставниците на комисијата најавија дека следниот чекор е ангажирање тројца странски експерти, кои ќе ги разгледаат сите предмети пред да биде составен финален извештај.„Досегашните наоди покажуваат неправилни упатувања и неправилно изведени операции. Ќе продолжиме да работиме по утврдената методологија“, изјави кардиологот д-р Ненси Лозанче.Министерот Алиу нагласи дека ова е само прелиминарен документ и дека конечниот извештај ќе биде основа за креирање нови здравствени политики.Комисијата започна со работа откако во Фондот за здравство пристигнаа 25 пријави од болници и физички лица за сомнителни интервенции поврзани со коронарни и периферни васкуларни болести. Од нив, 19 случаи биле анализирани, а шест се препратени до Државниот здравствен и санитарен инспекторат за понатамошна постапка.

Македонија | пред 5 месеци

Таен договор исплива на површина: Србија со огромна концесија за проектот на Кушнер во срцето на Белград

Голем градежен мегапроект во Белград повторно ја разгори јавноста, откако независното српско списание „Радар“ објави документи што откриваат долгорочна заедничка компанија меѓу Владата на Србија и фирмата на Џаред Кушнер — зетот на Доналд Трамп — за развој на луксузен хотелски и станбен комплекс на просторот на поранешниот Генералштаб.Според договорот склучен во 2024 година, компанијата на Кушнер, „Атлантик Инкубашн Партнерс“, добива 77,5% од заедничкото вложување, додека Србија задржува 22,5%. Документите покажуваат и дека државата презема обврска до мај следната година да ги урне постојните објекти на локацијата — во спротивно, американската страна може да го раскине договорот и да побара значителни средства како компензација.Избраниот простор не е било кој: станува збор за руинираните згради на Генералштабот, симболичен и историски обележан комплекс разурнат во бомбардирањето на НАТО во 1999 година. Плановите за претворање на местото во хотелско-станбен центар предизвикаа масовни протести во центарот на Белград.Иако владата не ја демантира автентичноста на објавените документи, договорот беше целосно таен до минатата недела, кога српското собрание усвои специјален закон што го прогласува проектот за „инвестиција од посебно значење“. Законот ѝ овозможува на владата да ги заобиколи регулаторните процедури кои претходно го стопираа проектот, вклучително и истрагата дали документите за отстранување на заштитениот статус на комплексот биле фалсификувани.„Радар“ открива дека Србија се обврзала да го симне статусот на културно наследство и да обезбеди урнување на постојните згради во форма што ѝ одговара на компанијата на Кушнер. Договорот дава и исклучително поволен услов — бесплатен закуп на земјиштето на 99 години, со можност закупот да се трансформира во полна сопственост.Министерот за финансии Синиша Мали јавно го бранеше проектот, тврдејќи дека станува збор за развојна инвестиција и дека земјиштето не се продава, туку се издава под долгогодишен закуп. Но „Радар“ наведува дека во самиот договор експлицитно стои дека закупот е „без надомест“.Контроверзниот закон ги засили протестите предводени од студентските групи, кои со месеци излегуваат на улица борејќи се против корупцијата и нетранспарентните јавни проекти. Оваа недела демонстрантите формираа човечки синџир околу комплексот, цртајќи „црвена линија“ за да го блокираат започнувањето на уривањето.Според експертите и активистите, локацијата има исклучително културно значење — тоа е единственото дело во Белград на познатиот југословенски модернист Никола Добровиќ и симбол на еден од најдраматичните периоди од поновата историја.

Свет | пред 5 месеци

Битиќи: Владата нема капацитет за реализација на капитални инвестиции

Ова е потрошувачки Буџет затоа што 90% од буџетот е наменен за тековните расходи а само 10% се за капитални инвестиции кои треба да се двигатели на развојот, направен е преседан со намалување на капиталните инвестиции, истакна пратеникот на СДСМ Фатмир Битиќи во емсијата „Вин Вин“ на телевизија Телма.„Ако оваа година, 2025-та, која е чиста година на владеачкото мнозинство, покажа дека има капацитет за 50 отсто спроведување на капиталните расходи, тоа значи дека овие 10 отсто ќе останат 5 отсто на крај на годината во 2026. Толку е капацитетот. И ако 90 отсто отидат во тековни расхови, затоа што таму не можеш да не ги трошиш, оти на секој први ќе дојде некој, ќе тропа и ќе рече „треба да се плати ова, сакал ти или не сакал“. Прашањето е за пет години од денеска каде ќе бидеме“, рече Битиќи.Загрижува тоа што во тековната година има само 48% реализација на капиталните инвестиции, но вистинското прашање е зошто ги нема толку озборуваните проекти, додаде тој.„Дури и направивме меморандум за соработка со Велика Британија во која што ќе ни отворат финансиска рамка од 6 милијарди, а тоа се да не заборавиме проектите во здравство, клинички центар Штип и Скопје. За нив се се издвоени само 3,5 милиони денари“, рече Битиќи.Пратеникот на СДСМ и поранешен вицепремиер за еконоски прашања додаде дека со оваа власт задолжувањето на граѓаните и на државата оди во опасна насока, дека власта се обудува тоа да го прикрива и запраша дали се ова реални проекции во буџетот?Пршање е дали ова е вистина предлог буџет за 2026 или е предбуџет за 2026, увертира во реалниот буџет кој што ќе ни стигне на сите на маса во април - мај или јуни, рече Битиќи.„Дали бројките за проекциите за следната година се вистинити? Дали дефицитот на буџетот е вистина 3,5% или 7% или е многу повисок? Дали во проекциите за јавниот долг во 2026 навистина ќе бидат под 60% или вистинскиот јавен долг ќе биде над 70%? Затоа што ако задолжувањето од 1,9 милијарди дојде веќе наредната година во април- мај не може да се скриете дека тоа не е дел од јавниот долг во нашата држава. А 1,9 милијарди на проценет бруто домашен производ е 12%. Владата може да купува време, да не го пријави одеднаш задолжувањето за коридорот 10 од 1,9 милијарди евра, но во 2028 ќе има буџетска дупка од две милијарди, која ќе ја плаќаат нашите деца.“  рече пратеникот на СДСМ Фатмир Битиќи во емсијата „Вин Вин“ на телевизија Телма.

Македонија | пред 5 месеци

Карлајл потенцијален купувач на странските операции на „Лукоил“ додека санкциите го притискаат рускиот енергетски гигант

Американската инвестициска група „Карлајл“ разгледува потенцијално преземање на деловните активности на „Лукоил“ надвор од Русија, јавува Ројтерс повикувајќи се на три независни извори кои се запознаени со разговорите.Еден од изворите вели дека постапката е во многу рана фаза и дека компанијата анализира повеќе можни модели за купување. Според него, во игра е опција „Карлајл“ да аплицира за специјална американска лиценца што би ѝ овозможила да започне преговори и детална длабинска проверка на бизнисите на рускиот нафтен гигант. Изворот додава дека и покрај интересот, компанијата во секој момент може да се повлече.Втор извор потврдува дека „Карлајл“ веќе го информирал „Лукоил“ за својата намера да ги разгледа можностите за преземање. И „Карлајл“ и „Лукоил“ одбија да дадат коментар на информациите.Настаните се одвиваат во време кога САД воведоа строги санкции против „Лукоил“ со цел да извршат притисок врз Кремљ и да го натераат да влезе во преговори за прекин на огнот во Украина. Вашингтон го спречи и последниот обид на компанијата да ги продаде своите странски средства на мултинационалната „Гунвор“ пред санкциите да станат активни на 21 ноември.„Лукоил“, кој учествува со околу 2 отсто во глобалното производство на нафта, веќе подолго време бара потенцијални купувачи за своите операции надвор од Русија. Според проценките од 2024 година, тие странски капацитети произведуваат повеќе од 0,5 отсто од светската нафта и имаат пазарна вредност од околу 22 милијарди долари.Компанијата со години важи за најприсутниот руски енергетски играч на меѓународната сцена. Нејзиното портфолио вклучува три рафинерии во Европа, удели во нафтени полиња во Казахстан, Узбекистан, Ирак и Мексико, како и проекти во Гана, Египет и Нигерија. „Лукоил“ управува и со стотици бензински пумпи на различни континенти, вклучително и во САД.Американските санкции веќе оставија ефект, нарушувајќи дел од операциите на компанијата во Ирак, Финска и Бугарија.Од друга страна, „Карлајл“ — една од најголемите глобални корпорации за инвестиции и управување со алтернативни финансиски средства — моментално раководи со портфолио од 474 милијарди долари, што ја прави доволно силен играч да влезе во евентуална трансакција од вакви размери.

Свет | пред 5 месеци

Би-би-си во историска криза: Се извини на Трамп, но рече дека не може да ги тужи

Голема медиумска бура ја тресе британската јавна телевизија Би-би-си, која испрати лично извинување до американскиот претседател Доналд Трамп, но истовремено соопшти дека нема правна основа неговиот тим да покрене тужба за клевета поради документарец емитуван во емисијата „Панорама“ само неколку дена пред изборите во САД во 2024 година.Контроверзниот документарец содржел погрешно монтиран сегмент од говорот на Трамп од 6 јануари 2021 година, денот кога толпа поддржувачи го упадна во Капитол. Начинот на кој бил споен материјалот создавал привид како претседателот директно да повикува на насилство. Телевизијата призна „грешка во проценката“ и изрази жалење за монтажата, но категорично одби дека постои основ за клевета.Адвокатите на Трамп претходно побараа од Би-би-си до недела да го повлече документарецот, да се извини јавно и да исплати до една милијарда долари отштета поради, како што тврдат, „финансиска и репутациска повреда“. На барањата уследи одговор: претседателот на Би-би-си, Самир Шах, испратил лично писмо до Белата куќа, со официјално извинување и признание дека телевизијата „погрешила во проценката“.Ситуацијата дополнително се влоши кога „Телеграф“ откри дека и другата позната информативна програма, „Њузнајт“, користела слично монтирана снимка од истиот говор. Скандалот доведе до оставки на двајца високи раководители, отворајќи ја најголемата институционална криза за јавниот сервис во последните неколку децении.Би-би-си, кој се финансира главно преку радиодифузната такса во Велика Британија, моментално функционира без постојан генерален директор. Владата на Кир Стармер паралелно води дебата за идниот модел на финансирање. Премиерот, и покрај контроверзиите, повтори дека поддржува „силен и независен Би-би-си“ кој, како што рече, претставува значаен столб на британската мека моќ во светот.

Свет | пред 5 месеци

Крај на евтините нарачки за европските граѓани: ЕУ подготвува укинување на правилото што ги штитеше Тему и Шеин од царини

Евтините пакетчиња од Тему, Шеин и Али Експрес наскоро би можеле значително да поскапат за европските потрошувачи, бидејќи Европската унија започна постапка за промена на царинските правила која целосно ќе го укине сегашното ослободување од давачки за пратки до 150 евра.Советот за економски и финансиски прашања на ЕУ иницираше измени на Регулативата за царини, со кои би се елиминирало долгогодишното правило што им дозволува награници да пропуштаат мали пратки од трети земји без наплата на царини. Финансиските министри на земјите членки го поддржаа предлогот и побараа од Европскиот парламент измените да се усвојат „во најкраток можен рок“, за да стапат во сила уште во 2026 година.Доколку регулативата биде финализирана, секоја онлајн нарачка од Кина — без разлика дали станува збор за облека, додатоци или електроника — ќе биде предмет на стандардните царински тарифи што важат за сите увезени стоки во Европската унија.Во моментов, пакетите со вредност до 150 евра нарачани преку големите кинески платформи се пуштаат на територијата на ЕУ без наплата на царина, што им овозможува на европските купувачи евтин пристап до огромен број производи.Првично беше предвидено ова правило да се укине дури по целосното ставање во функција на идниот Царински центар на ЕУ — голема дигитална платформа што треба да ги обедини националните царински служби и да ја засили контролата на увозот. Центарот е дел од пошироката реформа на царинската рамка и се очекува да почне да функционира во 2028 година.Но Советот сега смета дека нема време за чекање. Во образложението се наведува дека моменталниот систем создава „нефер услови“ меѓу европските и странските продавачи, бидејќи голем дел од увозот од Кина пристигнува без никакви давачки.Според податоците на Европската комисија, само во 2024 година во ЕУ пристигнале 4,6 милијарди пратки, од кои 65 проценти биле ослободени од царина. Огромни 91 отсто од тие пратки се однесувале токму на нарачки од кинеските е-трговски платформи.Европските трговци со години укажуваат дека оваа пракса им создава нелојална конкуренција, а властите дополнително посочуваат и дека масовниот прилив на евтини стоки носи и еколошки импликации поради зголемениот обем на транспорт и отпад.Доколку мерката биде усвоена, европските купувачи ќе мора да се навикнат дека „евтините“ Тему и Шеин ќе станат доста поскапи.

Македонија | пред 5 месеци

(Видео) Згради во пламен, сирените не стивнуваат – Киев ја преживеа една од најтешките ноќи од почетокот на инвазијата

Силни експлозии ја растресоа украинската престолнина во текот на ноќта, оставајќи зад себе запалени згради, урнатини и уплашени жители кои со часови се криеја во засолништа. Русија изведе масовен ноќен воздушен напад врз Киев во ноќта меѓу 13 и 14 ноември, користејќи стотици дронови и повеќе типови ракети, јавуваат украинските власти.Според најновите податоци, една личност загинала, а најмалку 24 се повредени – меѓу нив и бремена жена. Петмина од повредените се хоспитализирани. Првите детонации одекнале околу 00:45 часот по локално време, а уште два нови бранови удари следеле до околу 1:30 часот, придружени со силни воздушни сирени.Во текот на нападот, шефот на Воената управа на Киев, Тимур Ткаченко, предупреди дека „руските сили удираат директно по станбени објекти“, нагласувајќи дека високи згради биле погодени во речиси сите делови на градот.Според градоначалникот Виталиј Кличко, најмалку 11 повеќекатници се оштетени во ракетирањето. Пожар избувнал и во висок станбен блок во Десњански, зафаќајќи го просторот од петти до осми кат, каде што животот го загуби едно лице.Спасувачките тимови, кои работеле под постојани аларми, успеале да евакуираат повеќе од 40 лица од урнатините и горечките згради, соопшти Државната служба за вонредни ситуации. Извештаи за удари, пожари и евакуации пристигнувале од повеќе општини – Подилски, Дњипровски, Десњански, Соломјански, Свјатошински и Оболонски.Нападот не ги поштеди ниту јавните установи: оштетена е болница, уништени се делови од училиште и дрвени структури во спортски комплекс. Кличко соопшти и дека делови од градската грејна мрежа се тешко погодени, а екипите за итни интервенции продолжуваат со процена на целокупната штета во услови на ниски температури и висок ризик од нови удари.Ноќта зад себе остави слики какви Киев одамна не видел – чад што се издига над градските блокови, скршени прозорци, запалени кровови и граѓани кои се обидуваат да закрепнат од шокот на уште една масовна агресија.Актуелните власти предупредуваат дека воздушната закана останува висока и дека следните денови ќе бидат критични за стабилизација на инфраструктурата.

Свет | пред 5 месеци

Орце Ѓорѓиевски ги објави новите директори на скопските јавни претпријатија

Градоначалникот на Скопје, Орце Ѓорѓиевски, вечерва во гостување во емисијата „Само интервју“ на Канал 5 ги соопшти имињата на новите вршители на должноста директори во четири јавни претпријатија: „Улици и патишта“, „Водовод и канализација“, ЈСП „Скопје“ и „Комунална хигиена“.На чело на „Улици и патишта“ се враќа Борис Настов, кој ја извршуваше истата функција во почетокот на мандатот на поранешната градоначалничка Данела Арсовска. Ѓорѓиевски рече дека Настов моментално е заменик-директор во ЈП за државни патишта и го оцени како „човек што најдобро ја разбира проблематиката“.За „Водовод и канализација“, нов в.д. директор ќе биде Иван Митровски, поранешен заменик-градоначалник на Кисела Вода и кадар со искуство во банкарскиот сектор.Во „Комунална хигиена“, на местото директор е назначен Драги (без наведено презиме), лице со долгогодишно искуство во комуналниот сектор на Град Скопје. Ѓорѓиевски посочи дека токму тој се покажал „исклучително добро“ во последната акција за чистење на градот, додавајќи дека не е партиски експониран кадар.Во ЈСП „Скопје“, пак, функцијата в.д. директор ја презема Саше (без наведено презиме), долготраен вработен во претпријатието со богато искуство во јавниот превоз.„Некои од нив, за своето назначување, ќе дознаат токму преку оваа емисија,“ рече Ѓорѓиевски, додавајќи дека очекува да бидат „добри соработници во процесот на обновување на градот“.На новинарско прашање дали ќе го врати поранешниот директор на Зоолошката градина, Ѓорѓи Галетановски, градоначалникот одговори дека тој моментално е советник во Советот на Град Скопје, но дека ќе може да помогне со совети и идеи.„Ќе дадам сè од себе одлуките во Советот да се носат со поддршка од сите советнички групи. Ќе соработувам со сите избрани од граѓаните,“ изјави Ѓорѓиевски.Потврди дека Мишко Ралев, заедно со Огнен Марина, Горан Мијовски, Славе Трпевски и Аљоша Шопар, ќе биде дел од урбанистичкиот тим што ќе работи на нови планови и политики за градот.Ѓорѓиевски категорично ги негираше шпекулациите дека ќе ги приватизира јавните претпријатија, нагласувајќи дека приоритет му е нивно јакнење и финансиска самоодржливост.„Сметките за граѓаните нема да се зголемат. Така сум ветил во кампањата,“ порача градоначалникот.

Скопје | пред 5 месеци

Судот на ЕУ пресуди: не може да постои „џин“ без алкохол

Безалкохолните пијалаци не смеат да се продаваат под ознаката „џин“, пресуди Судот на правдата на Европската унија, откако Германското здружение за борба против нелојална конкуренција поднесе тужба против компанијата PB Vi Goods, производител на пијалак што го имитира вкусот на џинот.Германскиот суд го проследил случајот до европските судии, кои утврдиле дека според правото на ЕУ постои јасна забрана за користење на терминот „џин“ за пијалаци што не содржат алкохол, пренесува Politico.Во пресудата се наведува дека пијалакот „Virgin Gin Alkoholfrei“ (безалкохолен џин) ги крши европските прописи за означување на алкохолни пијалаци. Иако производот може легално да се продава, не смее да го носи називот „џин“, дури ни кога на етикетата јасно се наведува дека е безалкохолен.Според европската регулатива, пијалакот „џин“ мора да биде добиен од бобинки од смрека и да содржи најмалку 37,5% алкохол. Целта е да се заштитат потрошувачите од забуна и производителите од нелојална конкуренција.Судот потсети дека во 2017 година веќе донел слична пресуда, со која беше утврдено дека производи на растителна база не смеат да се нарекуваат „млеко“, „павлака“, „путер“, „сир“ или „јогурт“, дури и ако содржат слични состојки или вкус.Со новата одлука, европските судии ја зајакнуваат заштитата на традиционалните производи и јасноста на пазарот.

Магазин | пред 5 месеци

Нова ДНК-анализа открива: Хитлер имал редок генетски пореметувач на пубертетот – демантиран митот за еврејско потекло

Меѓународен тим научници и историчари тврди дека Адолф Хитлер најверојатно боледувал од реток генетски синдром што го спречил нормалниот пубертет, познат како Калманов синдром, пренесува Sky News. Истражувањето, воедно, ги побива долгогодишните шпекулации за негово еврејско потекло.Анализата на ДНК покажала дека Хитлер имал оштетување на генот PROK2, кој игра клучна улога во развојот на половите органи и производството на тестостерон. Недостатокот на овој ген може да резултира со ниски нивоа на тестостерон и состојба позната како микропенис, тврдат истражувачите.Според студијата, примерокот ДНК потекнува од кауч со траги од крв пронајден во бункерот на Хитлер, по неговото самоубиство во април 1945 година. Американски офицер, полковник Росвел Розенгрен, тогаш одзел парче ткаенина кое потоа со децении било чувано во приватна колекција, пред да заврши во Музејот за историја во Гетисбург. Оттаму примерокот бил предаден на научниците.Главната генетичарка, проф. Тури Кинг, која претходно ги идентификуваше остатоците на кралот Ричард III, изјави дека долго размислувала дали да го испита материјалот:„Се борев со тоа прашање, но на крајот сфатив дека Хитлер не треба да биде исклучок. Историјата не смее да се плаши од науката.“Истражувањето сугерира дека Хитлер имал висок генетски ризик за аутизам, шизофренија и биполарно растројство. Научниците, сепак, предупредуваат дека генетиката не може да биде единствено објаснување за неговото однесување.„Гените се само дел од сложената слика,“ рече проф. Кинг, додавајќи дека траумите од детството, алкохолизмот и насилството на неговиот татко, како и историскиот контекст, „играле многу поголема улога во формирањето на диктаторот“.Историчарот проф. Томас Вебер од Универзитетот во Абердин додаде:„Нема ген за диктатор. Генетскиот состав на екстремист и на обичен човек е, во просек, ист. Важно е резултатите да се читаат критички, а не сензационалистички.“Целосните резултати ќе бидат прикажани во дводелен документарен филм „Hitler’s DNA: The Blueprint of a Dictator“, кој премиерно ќе се емитува на Channel 4 на 15 ноември.Проектот веќе предизвикува бурни реакции меѓу историчарите и јавноста, а дел од експертите го сметаат за контроверзен чекор што повторно го отвора прашањето: дали науката треба да се занимава со генетскиот профил на злосторници, или тоа само ја храни митологијата околу нив.

Свет | пред 5 месеци

BBC под истрага за нова манипулација со говор на Доналд Трамп

Британската јавна радиотелевизија BBC се соочува со нов скандал, откако весникот Telegraph објави дека уште еднаш е монтиран говор на американскиот претседател Доналд Трамп во нивна емисија.Станува збор за емисијата „Newsnight“ од јуни 2022 година, во која, според Telegraph, делови од истиот говор што подоцна беше прикажан во документарецот „Panorama“ биле селективно исечени и споени на начин што создава погрешен впечаток за содржината и тонот на обраќањето на Трамп.BBC соопшти дека „се придржува до највисоките уреднички стандарди“ и дека случајот е под внатрешна истрага. „Прашањето го примивме на знаење и моментално го истражуваме,“ изјави портпаролот на корпорацијата.Контроверзијата доаѓа по неколкунеделна криза во BBC – генералниот директор и главната уредничка поднесоа оставки поради обвинувања за пристрасност и нарушување на професионалните стандарди.Трамп веќе се закани со тужба вредна една милијарда долари поради документарниот филм „Panorama“, во кој, според неговиот правен тим, некоректно бил монтиран негов говор, со што се создал впечаток дека тој директно повикувал на нередите на Капитол Хил во јануари 2021 година.Адвокатите на Трамп побараа BBC да го повлече филмот до петок, да објави јавна извинување и да исплати оштета за, како што наведуваат, „огромната репутациска и финансиска штета“. BBC засега одбива да коментира дали ќе го направи тоа, наведувајќи дека размислува како ќе одговори на настанатата ситуација.

Свет | пред 5 месеци

Трагедија во Хрватска: урнат турски авион на релација Ријека – Загреб

Во близина на местото Крив Пaт, кај Сењ, падна авион „Air Tractor AT-802“, кој бил во лет на релација Ријека – Загреб – Ријека, потврди Дирекцијата за цивилна заштита на Хрватска.Дојавата за исчезнување на авионот од радарите била примена во 16:53 часот, а нешто подоцна, околу 17:11 часот, пристигнала потврда дека авионот се срушил и се запалил.На теренот веднаш биле упатени полицијата, пожарникарите и екипи на итната медицинска помош, а во акцијата учествувале и 20 припадници на Хрватската горска служба за спасување (HGSS) со четири возила.Според првичните информации, два турски противпожарни авиона од типот „Air Tractor“ полетале од Чанаккале (Турција) кон Загреб, каде требало да извршат техничко одржување. Поради лоши временски услови и густа магла, авионите се вратиле кон аеродромот во Ријека, но едниот исчезнал од радарот и подоцна бил пронајден урнат во ридест предел кај Сењ.Другиот авион успешно слетал во Ријека.Според податоците на хрватската полиција и Цивилната заштита, во несреќата загинал странски државјанин, идентификуван како пилот на турската Генерална управа за шумарство.Турскиот министер за земјоделство и шумарство, Ибрахим Јумакли, ја потврди трагедијата и изрази сочувство:„Молам за душата на нашиот пилот кој загина во оваа трагична несреќа. Нашите мисли се со неговото семејство и најблиските“, напиша Јумакли на социјалната мрежа NSosyal.По падот, авионот се запалил, а пожарот бил ставен под контрола. Местото на несреќата е обезбедено и се очекува во раните утрински часови да пристигнат истражители од Агенцијата за истражување на несреќи во воздушниот, поморскиот и железничкиот сообраќај.Од Агенцијата потврдија дека е покрената безбедносна истрага согласно европските прописи (Уредба ЕУ бр. 996/2010) за утврдување на причините за падот.Јосо Живковиќ, координатор на Цивилната заштита кој ја раководел акцијата, изјави дека теренот е тежок и непристапен, но добро познат на спасувачките служби.„Сите сили беа ангажирани веднаш – полиција, пожарникари, итна помош, HGSS. Сега се работи на обезбедување на местото и чекање на истражителите,“ изјави Живковиќ за ХРТ.

Свет | пред 5 месеци

Зеленски: Никој не ги тера нашите војници да умираат поради урнатини

Украинскиот претседател Володимир Зеленски ги замоли своите сојузници од Европската Унија да ги надминат своите поделби околу користењето на замрзнатите руски средства, велејќи дека обезбедувањето ново финансирање е клучно за економијата на Украина, разурната од војна.„Се надевам дека ќе ја добиеме оваа одлука. Во спротивно, ќе мора да најдеме алтернатива, тоа е прашање на нашиот опстанок. Затоа ни е толку потребна. И сметам на нашите партнери“, изјави Зеленски за Блумберг.Безусловната западна поддршка за Киев е поткопанаЕвропската Унија ја одложи до декември одлуката за предлогот за користење на замрзнатите руски средства за „кредит за репарација“ од 140 милијарди евра за Украина. Русија, во меѓувреме, бавно напредува на бојното поле и ја напаѓа енергетската инфраструктура на Украина за да ја поткопа нејзината економија додека се приближуваат зимските месеци.Руската инвазија е во својата четврта година, додека украинската влада се бори со разорена економија и исцрпени војници во најлошиот конфликт во Европа од Втората светска војна. Покрај тоа, безусловната западна поддршка за Киев еродираше по враќањето на Доналд Трамп во Белата куќа, анализираат медиумите.Со прекинувањето на финансирањето од САД, европските влади ветија дека ќе ја зголемат помошта за да се одбранат од новата закана од Кремљ.„Русија мора да плати за оваа војна. Парите од замрзнатите средства ќе ѝ помогнат на Украина да купи повеќе воздушна одбрана од САД и Европа и да го финансира производството на беспилотни летала за напади врз руски цели. Немаме дополнителни пари. Ова е начинот и ова е фер“, тврди Зеленски.Тој посочи дека Трамп би можел да испрати „добар сигнал“ до европските лидери со тоа што ќе почне да користи милијарди руски средства замрзнати во САД. „Трамп има повеќе од пет милијарди долари руски средства, можеби ќе одлучи да ги потроши тие пари. Тоа ќе помогне“, истакна Зеленски.„Минатата американска акција, како што се енергетските санкции, исто така ги охрабри европските партнери да донесат некои силни одлуки“, додаде тој. Тој откри дека Украина започнала да произведува беспилотни летала пресретнувачи заедно со САД.Украинскиот лидер верува дека рускиот претседател Владимир Путин води намерна кампања за заплашување на Европа со неодамнешните упади на беспилотни летала и борбени авиони во воздушниот простор на НАТО. „Успеа да ги направи лидерите помалку спремни да испратат системи за воздушна одбрана во Украина. Мислам дека ги исплаши, тоа беше неговата цел и ја постигна. Без сомнение, тоа беше психолошко заплашување“, забележа тој.„Не можеме да ја напуштиме источна Украина“Тој призна дека Украина се соочува со „многу тешка“ ситуација во градот Покровск во регионот Донецк, каде што руските сили се обидуваат да ја преземат контролата по месеци интензивни борби. Зеленски инсистира дека секоја одлука за повлекување на силите е прашање на воените команданти на терен.„Никој не ги принудува да умрат заради урнатини. Ќе ги поддржам нашите војници, особено командантите што се таму. Најважно за нас се нашите војници“, нагласи тој. Тој е убеден дека Русија бара победа во Покровск за да се обиде да го убеди Трамп дека Украина треба да се повлече од целиот Донбас, кој се состои од регионите Донецк и Луганск, за да се стави крај на војната.„Не можеме да ја напуштиме источна Украина. Никој нема да го разбере тоа, луѓето нема да го разберат тоа. А главната работа е дека никој нема да ви гарантира дека ако го освојат овој или оној град, нема да одат понатаму. Нема фактор на одвраќање“, рече тој.

Свет | пред 5 месеци

Стартуваа активностите за реконструкција на плоштадот „Крушевска Република“

Денеска стартуваа подготвителните активности за реконструкција на плоштадот „Крушевска Република“ со кој значително ќе се подобри изгледот на централниот дел на градот.‎‎Проектот за реконструкција предвидува ново партерно уредување со гранитни плочки. Ќе биде поставено модерно јавно осветлување и современа урбана опрема. Исто така, предвидено е и соодветно хортикултурно уредување.Во теренски увид на просторот каде што ќе се одвиваат градежните работи беше градоначалникот Кирил Пецаков заедно со дел од администрацијата која е задолжена за реализација и следење на проектните активности, како и директорите на јавните претпријатија.Вредноста на проектот е 45.000.000 денари, а средствата се обезбедени од буџетот на Општина Охрид. Изведувач на градежните работи е АД „Карпош“ од Скопје.

ОО | пред 5 месеци

СДСМ тврди: „Скандалот со ИПАРД води до врвот на власта, вмешан кумот на Мицкоски“

На денешната прес-конференција, портпаролката на СДСМ, Богданка Кузеска, обвини дека аферата со корупција во ИПАРД-фондовите не е изолиран случај, туку дел од системска злоупотреба што, според неа, води директно до врвот на власта и до луѓе блиски до премиерот Христијан Мицкоски.Кузеска посочи дека, според информации добиени од свиркачи во Министерството за земјоделство, поранешниот директор на Агенцијата за финансиска поддршка во земјоделството, Илија Стоилев, бил активен функционер на ВМРО-ДПМНЕ и близок пријател на Игор Миќев, познат како „Панкерот“, за кого тврди дека е во кумовска врска со Мицкоски.„Свиркачите укажуваат дека токму кумот на Мицкоски, преку својата позиција и влијание, вршел притисоци врз службеници за распределба на субвенции и концесии, а неговата сопруга – кумата на премиерот – вработена во Агенцијата, давала одобрение за исплата на средствата од ИПАРД-програмата,“ изјави Кузеска.Таа побара од Обвинителството итно да ја прошири истрагата и да утврди дали, како што вели, дел од провизиите завршувале кај лица поврзани со ВМРО-ДПМНЕ.„Мицкоски треба директно да одговори дали неговите кумашини Игор и Цветанка Миќеви се под истрага, и дали постоела шема за испумпување пари преку Агенцијата за финансиска поддршка. Земјоделците, кои се најголемите жртви на овие злоупотреби, заслужуваат одговори,“ порача Кузеска.Од СДСМ потсетија дека партијата и претходно укажувала на, како што рекоа, рекет, мито и злоупотреби во институциите надлежни за распределба на европските средства, барајќи од надлежните органи да утврдат дали ИПАРД-фондовите биле користени и за партиско финансирање.

Македонија | пред 5 месеци

Одбројувањето започна: до крајот на годината мора да се донесе новиот Кривичен законик

Две години по контроверзните измени на Кривичниот законик, со кои беа ослободени од одговорност бројни функционери, државата повторно се соочува со рокови и правна неизвесност. Наместо да ги поправи старите одредби, Министерството за правда најави дека до декември ќе биде усвоен сосема нов Кривичен законик, кој треба да ја замени постојната верзија.Од Министерството велат дека текстот на новиот закон е финализиран, преведен на англиски јазик и се изработуваат техничките табели што треба да ја подготват земјата за усвојување. Како што објаснуваат, станува збор за темелна ревизија на кривичните дела и нивната класификација, со цел да се воведе поголема правна прецизност и ефикасност.„Новото решение треба да овозможи полесно докажување на делата и праведна примена на законот. Особено внимание е посветено на делот за злоупотреба на службена положба и корупција, каде што воведуваме усогласеност со европските стандарди“, наведуваат од Министерството за правда за Фокус.Од таму појаснуваат дека новите правила нема да ги засегнат веќе завршените случаи – односно нема да важат ретроактивно, што значи дека функциoнерите кои се извлекоа со старите измени нема да бидат повторно предмет на кривична одговорност.На потребата за итно делување веќе укажа и претседателот на Уставниот суд, Дарко Костадиновски, кој потсети дека Судот уште во август дал рок од шест месеци за измени, но до денес Собранието не презело конкретни чекори.„Во државата владее неказнивост и неодговорност, а вака донесените измени направија сериозна штета. Ако Парламентот не постапи, ќе мораме да ја отвориме постапката и да одлучиме. Доколку Судот го укине целиот закон, тогаш во сила би се вратило старото решение,“ рече Костадиновски во гостување на Телма.Тој предупреди дека евентуално целосно укинување на законот би можело да создаде правен вакуум и уште поголем простор за злоупотреби, нагласувајќи дека ваквите системски закони не смеат да се носат „преку ноќ“ и без јавна расправа.Според најавите, Министерството за правда планира до крајот на годината законот да биде ставен на владина и потоа на собраниска процедура. Новиот Кривичен законик, доколку навремено биде донесен, треба конечно да воспостави појасна рамка за гонење на корупцијата и злоупотребите во јавниот сектор – тема која со години е меѓу најболни во македонското општество.

Македонија | пред 5 месеци

Скопје ќе го добие првото „подземно чудо“ - Ѓорѓиевски најави изградба на подземна сообраќајница од Лимак до Кисела Вода

Градоначалникот на Скопје, Орце Ѓорѓиевски, денеска ја потпиша одлуката за јавна набавка за изградба на почетната фаза од првата подземна сообраќајница во Скопје која ќе биде реализирана од потегот од под „Лимак“ до влезот на Кисела Вода, односно на булеварот „Македонија“.„Со пуштањето во употреба на подземната сообраќајница под ‚Лимак‘, Скопје ќе го добие своето прво подземно сообраќајно чудо“, истакна Ѓорѓиевски, додавајќи дека ова е еден од најзначајните проекти за градот и симбол на новото време за Скопје.„По завршувањето на правната постапка, веднаш започнуваме со работа“, соопшти градоначалникот, нагласувајќи дека оваа инвестиција ќе го растовари сообраќајниот метеж во централното градско подрачје и ќе донесе нова динамика во срцето на градот. Проектот предвидува изградба на шест ленти, од кои четири се за двосмерен автомобилски сообраќај, две за јавен превоз, како и дополнителни пешачки патеки.Дополнително, ќе бидат изградени нов кружен тек кај „Нова Македонија“ и двата кружни тека на потегот кај булевар „Кочо Рацин“ и улица „Железничка“.Според Град Скопје, со завршувањето на подземната сообраќајница, централниот дел на градот ќе стане побезбеден, покомфорен и поуреден, а сообраќајот ќе се одвива непречено.

Скопје | пред 5 месеци

И понатаму неизвесно за обвинителот Коцевски: „Почекајте, ќе видите“ – порача Мицкоски

Смената на државниот јавен обвинител Љупчо Коцевски веќе подолго време е во фокусот на јавноста, но и денеска премиерот Христијан Мицкоски не даде конкретен одговор за тоа дали ќе има разрешување. На новинарско прашање што ќе се случува со Коцевски, премиерот кусо одговори:„Почекајте, ќе видите.“Говорејќи за реформите во судството и обвинителството, Мицкоски изјави дека е подготвен да ја донира својата плата на судиите и обвинителите – но само под услов тие навистина да судат согласно закон. Тој нагласи дека не може да се согласи со зголемувања на плати во систем што, како што рече, нема никаква доверба меѓу граѓаните.Премиерот потсети дека државата се соочува со тешка економска состојба и дека следната година ќе треба да врати долг од две милијарди евра – износ кој, според него, претставува една третина од вкупниот буџет од шест милијарди.„Од тие пари треба да се исплатат пензии, плати, социјални трансфери и комунални обврски, а во исто време мора да вратиме над две милијарди евра. Некој неодговорно ја задолжил државата и идните генерации“, изјави Мицкоски, алудирајќи на претходната влада.Во однос на судските реформи, тој посочи дека ако сето тоа се сведува само на зголемување на платите во судството и обвинителството – тогаш таква реформа нема да ја направи. „Не можеме да одвојуваме повеќе средства за независно финансирање на судството и обвинителството отколку што тоа го прават најразвиените земји во ЕУ“, додаде тој.Премиерот истакна дека суштински промени нема, иронично забележувајќи дека единствените реформи се „за повисоки плати“, а не за вистински системски подобрувања. Како пример ја посочи измената на Кривичниот законик што, според него, била направена под притисок на Уставниот суд и овозможила политички амнестии.„Претходната влада го измени законикот и овозможи политичка амнестија за многумина. Сега, кога ние ќе поведеме постапка против некој од нив, тие ќе се повикуваат на тој закон донесен шверцерски, под европско знаме“, изјави Мицкоски, додавајќи дека дел од меѓународните извештаи тогаш „срамежливо премолчале“ за ваквите случувања.Во продолжение, премиерот се осврна и на европскиот пат на земјата, потсетувајќи на ветувањата дека промената на името ќе ја приближи Македонија до ЕУ. „Нè убедуваа дека сме ‘фронтранери’ и дека за три-четири години ќе станеме членка на Унијата. Тоа време одамна помина, а ние сè уште сме таму каде што бевме пред 25 години,“ рече Мицкоски, додавајќи дека Македонија не треба да прифаќа нови условувања што, според него, ја загрозуваат националната идентитетска позиција.

Македонија | пред 5 месеци

Несреќа на скопска „Партизанска“: Велосипедист удрил во пешак, но тешко е повреден токму велосипедистот

Скопјанец е тешко повреден откако со велосипед удрил во пешак.На 12.11.2025 околу 16:15 часот во СВР Скопје е пријавено дека на бул.„Партизански Одреди“ во Скопје, Ж.П.(38) од Скопје, управувајќи велосипед, удрил во пешак. Во несреќата со тешки телесни повреди се здобил велосипедистот, констатирани во Градската општа болница „8 Септември“, информираа од полицијата.Извршен е увид од увидна екипа од СВР Скопје.

Скопје | пред 5 месеци

Се расправале, па со автомобил се обидел да удри сограѓанин, кривична пријава против жител на Виница

Инцидентот се случил по расправија на булеварот „Маршал Тито“ во Виница.Надворешната канцеларија за криминалистички работи Виница поднесе кривична пријава против A.Г.(36) од Виница поради постоење основи на сомнение за сторено кривично дело „предизвикување на општа опасност“. На 26.06.2025 на бул.„Маршал Тито“ во Виница, по претходна расправија, пријавениот со патничко возило се обидел да удри 28-годишен маж од с.Лаки, виничко.

Македонија | пред 5 месеци