„Што ти пречи оџа“: Градоначалникот Костовски го прозва имамот кој среде молитва ги повикал верниците да не гласаат за него

Градоначалникот Дарко Костовски остро фреагираше кон имамот од амијата во Бутел 2 поради повикот до Албанците да не гласаат за него и го повика народот да ја избере иднината преку реализираните проекти.Имено, оџата за време на петочната молитва ги повикал верниците в недела да не гласаат за актуелниот градоначалник.Сакам лично да го поздравам оџата од Џамијата во Бутел 2. Да му кажам јавно неколку реченици. Оџа на денешната петочна Џума требало да проповедаш тоа што го учи исламот како вера, а не да кажуваш дека албанцице не треба да гласаат за Дарко Костовски затоа што е македонец. Па најдобро било да гласаат за ДУИ. (Тие што шајка немаат ставено во Бутел.)Што ти пречи Оџа ?Тоа што во Бутел 2 се гради нова градинка за нашите деца ?Тоа што во училиштето Панајот Гиновски Бутел 2, се направи нова фасада ?Тоа што Љуботен после 30 години добива чиста вода ?Тоа што Визбегово доби ново училиште ?Тоа што во Скопје Север се вложуваат повеќе од еден милион евра ?Тоа што пред нова година ќе удриме камем темелник на нова поликлиника ?И за крај, дали и јас по твојот памет требаше да не градам кај албанците само затоа што се албанци ?Еден куп албанци ми се јавија згрозени од твојот денешен повик.Да знаеш дека во Недела, целиот народ меѓу кои и албанци, многу жестоко ќе го поразат ова ваше мизерно однесување.Народот сака развој и проекти, сака иднина за нивните деца.Весна ДодевскаГрадоначалник за сите Дарко Костовски, нека престанат со ширење омраза по национална основа, Бутел ја градиме како мирна модерна мултикултурна општина .

Скопје | пред 6 месеци

Митовски: Црешево и Смилковци ги враќаме на мапата на развојот, нови резервоари, канализација, асфалтирани улици и пешачки патеки за достоинствен живот!

Кандидатот за градоначалник на Општина Гази Баба, Влатко Митовски, најави значајни инфраструктурни проекти за населените места Црешево и Смилковци, кои, според него, биле запоставени во изминатиот мандат.„Црешево и Смилковци ги враќаме на мапата на развојот“, истакна Митовски, најавувајќи изградба на нови резервоари за вода, довршување на фекалната канализација, целосна замена на водоводните линии, асфалтирање на улици и изградба на пешачки патеки.Во Црешево се предвидува и нова бушотина, прочистителна станица, како и осветлување на регионалниот пат до Стајковци. Во Смилковци, освен новиот резервоар и канализацијата, ќе се проширува патот и ќе се изгради пешачка патека до Црешево.Митовски порача дека овие проекти се дел од неговата визија за рамномерен развој на сите населени места во општината и повика граѓаните на поддршка на изборите во недела, гласајќи за број 5.

Македонија | пред 6 месеци

Герасимовски: Центар е инклузивна и хумана општина, вложуваме во луѓето и нивните потреби

Градоначалникот и кандидат за нов мандат, Горан Герасимовски,  најави дека Општина Центар и во следниот период ќе остане посветена на инклузивноста, преку проекти и програми за поддршка на ранливите категории  граѓани и создавање еднакви можности за сите.Во областа на образованието, Центар е единствената општина во државата која од сопствен буџет ангажира лични асистенти за учениците со посебни образовни потреби.„Преку проектот ‘Образование за сите’ ангажираме лични асистенти во основните училишта, со што на децата им овозможуваме поддршка во учењето и подобра интеграција во наставниот процес. За оваа намена од буџетот годинава издвоивме 4. 400. 000 денари“ истакна Герасимовски.Дополнително, училиштата и градинките во Центар се уредени со инклузивен пристап и сензорни соби наменети за деца со интелектуална попреченост и потешкотии во развој.Општината обезбедува и бесплатен транспорт до здравствените установи за сите полнолетни лица со попреченост.„Ова е исклучително важна мерка за лицата кои не можат самостојно да се движат, но и за нивните семејства. За оваа услуга годишно  издвојуваме  500.000 денари од општинскиот буџет, со цел да им го олесниме пристапот до здравствените установи за да добијат потребните услуги,“ додаде Герасимовски.Во рамки на локалната самоуправа активно функционира и Центарот за дневен престој за лица со попреченост, каде се обезбедува стручна грижа, поддршка и активности  наменети за развој, едукација и социјализација.

Скопје | пред 6 месеци

Одобрено и второто обвинение за пожарот во дискотеката „Пулс“ во Кочани

Кривичниот суд информира дека е одобрено и второто обвинение за трагичниот пожар во дискотеката „Пулс“ во Кочани, со што предметот преминува во судска постапка.Советот за оценка на обвинителниот акт го прифатил и второто обвинение со број КО 2317/25, поврзано со пожарот во дискотеката „Пулс“ во Кочани, соопштија од Основниот кривичен суд Скопје.Обвинението, поднесено на 4 септември 2025 година, се однесува на едно лице – А.Н., осомничен за кривично дело по член 292 став 2 во врска со член 288 став 3, став 2 и член 22 од Кривичниот законик.Според информациите од судот, А.Н. се јавува како одговорно лице и реален сопственик на обвинетото правно лице „Рубикон секјурити солушн“ увоз-извоз ДООЕЛ Скопје, фирма за обезбедување на имот и лица.Со одобрувањето на обвинителниот акт е формиран кривично-правен предмет со број К.бр. 1970/25, кој, согласно АКМИС-системот, е распределен кај судијката Биљана Смаќовска за понатамошно постапување.Кривичниот суд информира дека за сите нови информации поврзани со постапката, јавноста и странките ќе бидат дополнително известени.

Македонија | пред 6 месеци

Сексуален инцидент меѓу штитеници во установа во Скопје

Во установа за згрижување деца во Скопје е пријавен случај на сексуални односи меѓу малолетници.На 16.10.2025 во 16:45 часот во СВР Скопје е пријавено дека во август 2025 година, во соба во установа за згрижување на деца, 16-годишен штитеник и 15-годишна штитеничка на установата имале сексуални односи пред 12-годишен штитеник, по што 16-годишникот му се заканил на 12-годишникот да не кажува никому. Се преземаат мерки за расчистување на случајот.

Скопје | пред 6 месеци

Кражба во Центар – обиен мерцедес и украдена актовка со пари и документи

Непознат сторител украл актовка со пари, печати и документи од службено возило паркирано во центарот на Скопје.На 17.10.2025 во 00:32 часот во СВР Скопје е пријавено дека на паркинг простор на подрачјето на Центар во Скопје, од патничко возило „Мерцедес“ со скопски регистарски ознаки, сопственост на правно лице, била одземена актовка со пари, документи, печати и други предмети. Се преземаат мерки за расчистување на случајот.

Скопје | пред 6 месеци

Скопјанка го нападнала партнерот и со нож ги оштетила гумите на неговото возило

44-годишен маж од Тетово пријавил дека во Скопје бил физички нападнат и му било оштетено возилото од неговата партнерка.На 17.10.2025 во 03:20 часот во СВР Скопје, 44-годишен маж од тетовско пријавил дека на 16.10.2025 околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите и физички го нападнала. Се преземаат мерки за расчистување на случајот.

Скопје | пред 6 месеци

Пукање од возило кон дом во Ѓорче Петров

Маж од Скопје пријавил дека бил испукан огнен оружје кон неговиот дом, но за среќа нема повредени.На 17.10.2025 во 03:00 часот во СВР Скопје, М.Ј.(39) од Скопје пријавил дека околу 02:50 часот, додека бил во неговиот дом на подрачјето на Ѓорче Петров, слушнал возило како застанало и три истрели од огнено оружје, по што во дневната соба забележал скршено стакло од прозор, оштетување на ѕидот, а на подот пронашол две зрна од огнено оружје. Повредени лица нема, а се преземаат мерки за расчистување на случајот.

Скопје | пред 6 месеци

Политички инцидент во Куманово – нападнати лица додека делеле изборен материјал

Двајца Кумановци пријавиле дека биле нападнати додека делеле изборен материјал од нивната партија.На 16.10.2025 во 11:40 часот во СВР Куманово, А.К.(32) и И.С.(33), двајцата од Куманово, пријавиле дека во населбата Средорек, додека делеле изборен материјал за една партија, С.С. и Р.Ш. од друга политичка партија агресивно се однесувале кон нив и им упатувале закани, по што Р.Ш. физички ги нападнал. Се преземаат мерки за расчистување на случајот и во координација со јавен обвинител, против нив ќе биде поднесена пријава.

Македонија | пред 6 месеци

СЗО: Менингитис, дијареја, респираторни заболувања, болестите се „надвор од контрола“ во Газа

Светската здравствена организација (СЗО) предупреди дека заразните болести во Газа денес се „надвор од контрола“, а само 13 од 36-те болници на територијата делумно функционираат.„Без разлика дали станува збор за менингитис, дијареја, респираторни заболувања, зборуваме за огромна количина на работа“, рече Ханан Балки, регионален директор на здравствената организација на ОН.Истовремено, СЗО соопшти дека ги зголемила залихите на медицинска опрема за здравствените установи откако стапи на сила прекинот на огнот во Газа.„Оваа недела, повеќе од 220 палети со основни лекови и медицински потрошен материјал беа испратени од нашиот јужен магацин до партнерите што ги поддржуваат болниците низ Газа“, се вели во соопштението на платформата Икс.Светската програма за храна на ОН денес објави дека од почетокот на прекинот на огнот, во Газа доставувала просечно 560 тони храна дневно, но дека тоа е сè уште под потребните количини.Во бруталната војна што ја водеше Израел, загинаа речиси 68.000 луѓе во Газа, претежно жени и деца, наведува палестинското Министерство за здравство.

Свет | пред 6 месеци

Љутков: Почнува целосна реставрација на куќата на Владо Малески во Струга

Министерството за култура најави итен проект за реставрација на музеј-куќата на Владо Малески во Струга, која беше сериозно оштетена при уривање на соседен објект – дивоградба, со што беа поткопани нејзините темели.Министерот за култура, Љупчо Љутков, изјави дека работите ќе започнат веднаш, со цел да се зачува автентичниот изглед и историскиот дух на домот на авторот на македонската химна.„Ќе бидат ангажирани експерти кои ќе ја водат обновата на најпрофесионален начин, со цел да се заштити и зачува културното наследство“, нагласи министерот Љутков.Според најавите од Министерството, реставрацијата ќе биде изведена со ангажирање на стручњаци и експерти од областа на заштитата на споменици на културата, а фокусот ќе биде на враќање на оригиналниот, автентичниот изглед на објектот и спречување на понатамошни оштетувања.

Македонија | пред 6 месеци

„Нè уништи чувството дека не вреди да се бориш“, вели „Ова е нашата земја – нема кој да ја направи достоинствена ако не ние“, вели Луке Галески

Во отворено писмо, Луке Галески, член на Извршниот комитет на ВМРО-ДПМНЕ и директор на Центарот за комуникации, испрати порака за потребата од промена, ангажман и одговорност, а во пресрет на изборите во недела.„Ние сме децата на транзицијата, генерација што преживеа, но сега мора и да создаде. Ова е нашата земја, и никој нема да ни ја направи достоинствена ако не ја направиме ние“, порача Галески, потенцирајќи дека вистинскиот избор не е меѓу лево и десно, туку меѓу пасивност и ангажман, меѓу цинизам и вера, меѓу живот во страв и живот со цел.Галески вели дека генерацијата што ги издржа деведесеттите мора да ја замени апатијата со дејствување:„Нè уништи чувството дека не вреди да се бориш. А тоа чувство се лечи само со еден лек – дејствување. Секоја мала акција е отпор. Секоја вистина кажана во време на лага е револуција.“Тој повикува на „револуција на карактерот“, наместо улични бунтови, и на враќање на моралот и смислата во јавниот живот:„Да ја играме играта на политиката не како циници, туку како луѓе што знаат зошто веруваат. Да го направиме изборот, не мора за партија, туку за смисла.“Во завршницата, Галески испраќа порака за враќање на достоинството и создавање систем што ќе им даде надеж на идните генерации:„Нашата генерација не е повеќе дете на транзицијата – ние сме родители на иднината што мора да ја изградиме. И затоа, време е за пресврт. Време е за вистински избор.“

Македонија | пред 6 месеци

(Видео) Екплодираше автомобилот на италијанскиот новинар Ранучи, му поставиле бомба под возилото

Синоќа е целосно уништен автомобилот на познатиот италијански новинар Зигфридо Ранучи, откако бомба која била поставен под возилото експлодирала. Во експлозијата нема жртви, објави сајтот на емисијата Репорт, која тој ја води на РАИ 3.Од екплозијата биле оштетени и втомобилот на неговата ќерка и фасадата на зградата, по што инцидентот беше осуден од бројни политички функционери.Премиерката на Италија, Џорџа Мелони изрази „целосна солидарност“ со новинарот и „цврсто го осуди овој сериозен чин на заплашување“.„Слободата и независноста на информациите се вредности на нашата демократија од кои не можеме да се откажеме и кои ќе продолжиме да ги браниме“, додаде таа.

Свет | пред 6 месеци

(Фото) Силна експлозија во станбена зграда во Букурешт, загинаа две лица

Силна експлозија во висока станбена зграда во Букурешт, предизвика уривање на два ката, при што загинаа две лица, а 12 се повредени и тие веднаш се пренесени во болница, објавија утринава локалните медиуми.Од силината на експлозијата се скршиле и прозорците на блиското средно училиште, а според наводи на Reuters, eксплозијата освен што целосно урнала два ката, оштетила и неколку под нив.Спасувачките екипи кои се натерен ги пребаруваат урнатините предизвикани од експлозијата.Официјални информации за причината за експлозијата се уште нема

Свет | пред 6 месеци

(Видео и фото) Ликвидиран е Филип Ивановиќ од Цетиње во „Белград на вода“, бил баран од Интерпол

Доцна синоќа во познатата белградска населба Белград на вода, е убиен 33-годишен маж на детско игралиште.Станува збор за Црногорецот Филип Ивановиќ од Цетиње, кој бил застрелан со куршум во челото од страна на 21-годишно момче. Полицијата брзо го уапсила Ѓ.З. кај кого биле пронајдени два пиштола и словенечки документи за кои постои сомневање дека се фалсификувани.По Ивановиќ била распишана меѓународна потерница, откако на 4 декември 2024 година побегнал од куќен притвор во Белград, при што насилно го отстранил електронскиот надзор.Во Србија против него се водел судски процес поради помагање на Лазар Тејиќ по убиството на Бојан Мирковиќ, додека Црна Гора го барала под сомнение дека бил член на организирана криминална група и соизвршител во неколку тешки убиства.Од Управата на полицијата на Црна Гора соопштиле дека Генералниот секретаријат на Интерпол во Лион објавил меѓународна потерница по Ивановиќ и дека неговото екстрадирање во Црна Гора било планирано по завршување на судскиот процес во Србија.Ивановиќ претходно бил уапсен во Белград на 25 ноември 2020 година под сомнение дека учествувал во тешко убиство. По бегството од куќниот притвор, повеќе од девет месеци бил во бегство, сè до неговото убиство синоќа.Осомничениот, Ѓ.З. (21), бил пресретнат од полицајци во цивилна облека на само 200 метри од местото на злосторството, каде што бил разоружан и уапсен.На осомничениот му е одреден притвор од 48 часа, а во тек е истрага, по што ќе бидат познати повеќе детали.Итната медицинска помош потврди за РТС дека човекот е убиен и дека пукањето се случило во 23:13 часот.

Свет | пред 6 месеци

Тинејџер со потекло од Македонија осомничен за тероризам во Австрија: со Чеченец сакале да воспостават калифат

18-годишно момче со потекло од Македонија, кој заедно со Чеченец биле осудени пред две години во судот во австрискиот град Лебен, за планирање напад врз средно училиште сега се повторно во притвор под сомнение за тероризам, пишува весникот „Kronen Zeitung“.Како што наведува весникот, тие биле осудени на затворски казни, бидејќи сакале да воспостават калифат во Австрија и со предумисла да убиваат лица од христијанска вероисповед. Едниот од двајцата, сега 17-годишен, бил предвремено ослободен откако отслужил две третини од казната и според судството, ги следел упатствата како што се мерки за дерадикализација и психотерапија.Бил уапсен затоа што очигледно планирал крвопролевање со полуавтоматски пиштол и побарал од познаник да му даде пари однапред за да го купи оружјето.Тинејџерот досега одбивал да соработува со истражителите. Неговиот соучесник, сега 18-годишен, беше уапсен на македонска граница кон крајот на август, откако се враќал од посета на земјава.Тој исто така е обвинет за нови, сериозни планови за напади, вклучувајќи и употреба на бомби и повторно е во затвор по условната казна од првото судење.

Македонија | пред 6 месеци

(Видео) Руски напад со „Шахед“ дронови го разурнаа украинскиот воен аеродром во Криви Рог

Руските сили извршија напад врз воен аеродром во Криви Рог, каде, според наводите, се наоѓале авиони на НАТО, објави руската државна новинска агенција „РИА Новости“, повикувајќи се на координаторот на проруското „Миколаевско подземје“, Сергеј Лебедев.Украинските власти потврдија дека во Криви Рог одекнале повеќе од десет експлозии за време на воздушна тревога, но не спомнаа аеродром.„Изброени се околу 15 експлозии. Силно гори во областа на аеродромот Лозоватски, на северот од градот, каде што има пет авиони, меѓу кои и на НАТО. Од таму масовно се лансираат и дронови кон јужниот дел на Русија – Крим, Краснодарскиот крај и југот на Ростовската област“, изјави Лебедев.Русија тврди дека, покрај аеродромот, бил погоден и голем железнички јазол со неколку хангарски објекти и складишта со оружје.Украина: Криви Рог бил нападнат со повеќе од десет „Шахед“ дроновиКриви Рог бил под силен напад од иранските дронови „Шахед“, а забележани се повеќе од десет експлозии додека системите за противвоздушна одбрана биле активни, соопшти на „Телеграм“ претседателот на Одбранбениот совет на Криви Рог, Олександр Вилкул.„Криви Рог – масовен напад со дронови ‘Шахед’. Веќе има повеќе од десет експлозии и повеќе од десет дронови над градот“, напиша тој.„Русија и понатаму го тероризира животот во Украина“, напиша украинскиот претседател Володимир Зеленски на својот официјален канал на „Телеграм“.Што се „Шахед“ дронови?Шахед“ (Shahed) се ирански беспилотни летала за самоубиствено дејство, познати и како „камиказа-дронови“. Русија ги користи во војната против Украина под својата ознака „Герањ-2“ (Geran-2).Тип: Ударни дронови исполнети со експлозивОпсег: До 2.000 километриБрзина: Околу 180 km/hНачин на дејство: Летаат ниско и се уриваат врз целта, предизвикувајќи голема детонацијаЦели: Енергетски објекти, инфраструктура и цивилни зониПотекло: Производство во Иран, модели Shahed-131 и Shahed-136Овие дронови се евтини, масовни и тешко се откриваат, па Русија ги користи за исцрпување на украинската противвоздушна одбрана. Кога се приближуваат, се слуша карактеристично зуење — поради што Украинците ги нарекуваат „мопеди на смртта„Ниту една ноќ без руски напади“„Ништо не се променило за Русија – таа и понатаму го тероризира животот во Украина. Рој дронови го погоди Криви Рог, со цел гаѓање на цивилната инфраструктура. Во нашето небо се појавија десетици други борбени дронови. Забележани се и проектили. Всушност, во последните недели нема ниту една ноќ без руски напади врз Украина. Повеќето цели се инфраструктурни објекти – дел од систематската кампања на терор против нашиот енергетски сектор“, стои во објавата.Зеленски нагласи дека Русија се обидува да го претвори овој дел од Европа во „остров на опасност и страдање за луѓето“ — што, како што рече, не смее да се дозволи.„Русија ќе биде принудена да го прекине војувањето тогаш кога повеќе нема да може да го продолжи. Вистинската подготвеност на Русија за мир не се гледа во зборови — такви на Путин никогаш не му недостасувале — туку во вистински престанок на нападите и убиствата. А токму тоа е нешто со што тој има проблем“, истакна Зеленски.

Свет | пред 6 месеци

Граѓаните ги слушнаа сите ветувања, на полноќ почнува изборниот молк

Вечерва на полноќ стартува изборниот молк пред денот на гласањето за локалните власти, закажан за недела, 19. октомври.Граѓаните ги слушнаа ветувањата од кандидатите за градоначалници и носителите на изборните листи од страна на политичките партии, независните кандидати и коалиции. Тие уште денеска имаат можност да ги претстават нивните програми и планови за функционирање на општините во наредните четири години.Од понеделник 20 октомври ќе почне кампања за оние општини каде нема да биде избран градоначалник во првиот изборен круг.

Македонија | пред 6 месеци

Нов напад на САД врз брод во Карибите, најверојатно превезувал дрога: Овојпат има преживеани

Американската војска изврши нов напад врз пловило во Карибите за кое постојат сомневања дека превезувало дрога. За разлика од претходните случаи, овојпат биле пронајдени преживеани членови на екипажот, потврдил за „Ројтерс“ (Reuters) американски функционер под услов на анонимност. Тој не понудил дополнителни детали, освен што навел дека не е јасно дали нападот бил изведен со намера да има преживеани, пишува „Ројтерс“.Овој развој на настаните отвора повеќе прашања — меѓу кои и тоа дали американските сили им пружиле помош на преживеаните и дали тие сега се наоѓаат во американски воен притвор, можеби дури и како воени заробеници. Пентагон, кој целните лица во нападите ги означи како „наркотерористи“, сè уште нема одговорено на барањето за коментар.Досега, во американските воени напади врз сомнителни бродови во близина на Венецуела загинале најмалку 27 лица. Овие напади предизвикаа загриженост меѓу правните експерти и конгресмените демократи, кои ја преиспитуваат нивната усогласеност со меѓународното право за вооружени конфликти. Видео-снимките од претходните напади, објавени од администрацијата на Трамп, прикажуваа целосно уништени пловила, а досега немало извештаи за преживеани.Администрацијата на Трамп ги оправдува нападите со тврдењето дека САД веќе се во војна со „наркотерористички групи“ од Венецуела. Според нив, тие се неопходни затоа што традиционалните методи — како апсење на екипажот и заплена на товарот — не успеале да го запрат шверцот на дрога кон САД. Овие инциденти се случуваат во контекст на засиленото американско воено присуство во Карибите, кое вклучува разорувачи, борбени авиони Ф-35, нуклеарна подморница и околу 6.500 војници, додека претседателот Доналд Трамп го засилува притисокот врз владата на Венецуела.Напнатоста дополнително се зголеми откако Трамп во средата откри дека ја овластил ЦИА (CIA) да спроведува тајни операции во рамките на Венецуела, што поттикна шпекулации за можен обид за соборување на претседателот Николас Мадуро. Поради нападите на море, венецуелскиот амбасадор при Обединетите нации, Самуел Монкада, побара од Советот за безбедност да ги прогласи американските акции за незаконски и да го поддржи суверенитетот на неговата земја.Загриженоста дополнително се зголеми поради неочекуваните промени во американското воено раководство. Пентагон неодамна соопшти дека операциите против дрога во регионот повеќе нема да ги води Јужното командување, туку новоформирана работна група под раководство на маринците. Во четвртокот, министерот за одбрана Пит Хегсет потврди дека адмиралот Алвин Холси, шеф на Јужното командување, поднел оставка две години пред истекот на мандатот. Водечкиот демократ во Сенатскиот комитет за вооружени сили, сенаторот Џек Рид, ја нарече оставката „загрижувачка“.„Оставката на адмиралот Холси само ја продлабочува мојата загриженост дека оваа администрација ги игнорира тешко стекнатите лекции од претходните американски воени кампањи и советите на нашите најискусни офицери“, изјави Рид.

Свет | пред 6 месеци

Мицкоски: Ова се избори кога триковите и измамите на нашите противници мора да бидат поразени, голтари влегоа во политика, милионери излегоа

Овие избори се, всушност, токму тоа, да се одбере вистинската страна, да се направи вистинскиот избор кој ќе донесе ред, работа и проекти. Ова се избори за вашето маало, вашата улица, на кои се избира твојот човек, но и избори со кои се праќа порака до политичарите кои како сидро премногу долго ја влечеа надолу државата, рече претседателот на ВМРО-ДПМНЕ, Христијан Мицкоски на денешниот народен митинг во Гази Баба, во рамки на изборната кампањата со слоган „Вистинскиот избор! Со твојот човек! За твоето место! За твојата иднина!“, за изборите во недела на 19 октомври.Мицкоски додаде дека на овие избори од нашите противници не видовме програма, идеи или проекти, туку само гола реторика.„Отсуството на програма говори дека тие, всушност, и немаат сериозна намера да одиме напред, туку само гола реторика за нови измами и трикови во политиката. Јас сум во политиката за да оставам трага и создадам вредности, тие другите се во политиката за да ги полнат џебовите и поради лични привилегии. Голтари влегоа во политика, милионери излегоа. Но, и ова се избори кога триковите и измамите мораат да бидат поразени“, порача Мицкоски.Додаде дека во Скопје гледаме како на дело се случува една непринципиелна коалиција, но тоа е нивна работа и со нив нема да се занимаваме.„Но, она коешто навистина мене ми пречи, не затоа што ми пречи и ме погодува, туку затоа што имаат отсуство на план, стратегија и визија, е тоа што решија да водат кампања со лаги. Како што беа лагите вчера искажани на прес-конференцијата на Венко Филипче. И кога го слушам претседателот на СДСМ, Венко како кажува невистини за буџетскиот дефицит, за инфлацијата, БДП, задолженоста, ми доаѓа да му кажам: во ред, држи се до медицината, затоа што очигледно, повторно, некој те носи во длабокото каде што немаш, навистина, основно познавање“, потенцираше Мицкоски.Мицкоски му порача на Филипче дека буџетскиот дефицит не е 1 милијарда и 400 милиони евра, како што тој вели, туку е повеќе од двојно помал, односно 600 милиони, додавајќи дека тоа е најмалку за два пати помал од тоа што СДСМ го остави.„А, инфлацијата, ќе ве потсетам 2023 година 9,4%, 2022 14,2%. Не им пречеа 9,4% и 14,2%, им пречат денешните 3 и пол 4 проценти. Таква е економската логика во СДСМ“, рече, меѓу другото, Мицкоски.

Македонија | пред 6 месеци

Стефковски: Ќе изградиме 40 детски забавни катчиња, и два адреналински паркови во Гази Баба

Бобан Стефковски, кандидат за градоначалник за општина „Гази Баба“ од редовите на ВМРО-ДПМНЕ, на денешниот митинг одржан во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, се обрати и истакна дел од реализираните проекти во изминатиот четиригодишен мандат.„Во изминативе четири години направивме многу. Реализиравме 670 нови проекти насекаде низ нашата Гази Баба, изградивме 32 километри нова мрежа на фекална канализација, градиме три нови детски градинки во Трубарево, Инџиково и Маџари, изградивме училишни спортски сали во Булачани и Стајковци, а градиме нова сала и во Црешево, градиме нова училишна зграда за ООУ Крсте Мисирков во Ченто и комплетно го реконструираме Домот 11 Октомври кој долги години беше ветуван и заборавен. Инвестираме и во спортот, животната средина, и социјалната заштита“, рече Стефковски.Стефковски наброи дел од проектите на изборната програма.„Во програмата се испишани реални проекти кои ќе го продолжат развојот во сите населени места низ општина Гази Баба. Во следните четири години: Ќе изградиме нови детски градинки во Керамидница, Хиподром 2 и Сингелиќ, ќе го реализираме проектот нула комуналии за изградба на куќи за млади брачни парови до 29 години, ќе изградиме училишни спортски сали во Железара, Сингелиќ, Страчинци и Ченто, ќе ги субвенционираме граѓаните за изградба на енергетско ефикасни фасади на зградите, ќе изградиме катни гаражи во Автокоманда и во Ченто, ќе отвориме дневен центар за деца и лица со попреченост, ќе изградиме затворен базен во Автокоманда, ќе ги реконструираме поголемите локални сообраќајници низ општината како што се Лазар Поп Трајков во Автокоманда, Анри Барбис и Карл Хрон во Триангла, Среќко Пужалка, Финска и Трајко Китанчев во Ченто, Пехчевска во Хиподром и многу други улици, ќе изградиме клучка кај Хиподром и ќе направиме комплетна реконструкција на регионалниот пат 1102, овие проекти ќе ги реализираме во соработка со Јавното претпријатие за Државни патишта, ќе изградиме 40 нови детски забавни катчиња, насекаде низ Гази Баба, ќе изградиме два адреналински паркови. Во мојот втор мандат Раштак, Булачани, Виниче, Брњарци и Ергеле ќе добијат фекална канализација, а комплетно ќе ја завршиме започнатата изградба на фекална канализација во Јурумлери, Идризово и Дрма, Чукур Маало и Гоце Делчев“, истакна Стефковски.На крај, Стефковски ги повика граѓаните да го направат вистинскиот избор, и да го заокружат бројот 9 за работа, сигурност и развој на општината.„Да излезете и да ја направите вистинската разлика. Не само за мене, туку за себе, за вашите деца, за иднината на Гази Баба. Да го заокружите бројот 9, затоа што тоа значи работа, сигурност и развој. Јас дадената доверба ќе ја оправдам со уште повеќе труд, уште поголема одговорност и уште поголема љубов кон овој народ“, дециден е Стефковски.

Македонија | пред 6 месеци

Филипче: Во недела изберете луѓе со интегритет, не послушници на Мицкоски

„На овие избори изберете пред сè луѓе кои сакате да ве претставуваат. Изберете ги оние кои се докажани, чесни, кои ќе го исполнат ветеното и кои ќе ви служат пред сè вам, граѓаните,“  порача претседателот на СДСМ, д-р Венко Филипче, од трибината во Бутел.Тој истакна дека најголемата сила на СДСМ на овие избори се луѓето што ги предлага,  кандидати и кандидатки со интегритет и кредибилитет.„Јас знам дека Оливера за Бутел и Каја за Скопје се вистинскиот избор, силни жени, борци, докажани во својата професија, жени кои искрено и чесно ќе застанат зад граѓаните и нивните потреби“, рече Филипче.Тој потсети дека општините се најблиската власт до граѓаните и дека токму затоа таму е најважно да се изберат чесни и одговорни претставници.„Општините се првиот контакт на секој човек со било која власт и тука не смее да има поделби. Тука не смее да се изберат послушници на Мицкоски кои работат само по директиви на партијата“, нагласи лидерот на СДСМ.„А, ВМРО-ДПМНЕ на овие избори нуди токму такви кадри, бирани по теркот и меракот на претседателот, а не на граѓаните“, додаде Филипче.

Македонија | пред 6 месеци

Ѓорѓиевски: Со изградба на булеварот „Февруарски поход“ со нов мост преку Вардар ќе ги поврземе Аеродром и Гази баба со нов коридор

На денешниот народен митинг во Аеродром во рамки на изборната кампањата со слоган „Вистинскиот избор! Со твојот човек! За твоето место! За твојата иднина!“ за изборите во недела на 19 октомври, се обрати и кандидатот на ВМРО-ДПМНЕ за градоначалник на Град Скопје, Орце Ѓорѓиевски претставувајќи ги проектите од програмата кои ќе се реализираат во општина Аеродром.Ѓорѓиевски истакна дека, во соработка со градоначалникот на Аеродром, Дејан Митески прво ќе се зафатат со решавање на сообраќајниот хаос и поврзување на Аеродром како никогаш досега.„Конечно ќе го завршиме булеварот „АСНОМ“ и ќе ве поврземе со Гази Баба преку новиот мост. Ќе го изградиме и булеварот „Февруарски поход“ со нов мост преку Вардар, со што отвораме целосно нов коридор кон Гази Баба и кон новиот мега парк Вардариште. Предвидуваме реконструкција на улицата Фрањо Клуз, и пробивање на булеварот Борис Кидрич. Аеродром нема повеќе да биде сообраќаен остров, туку најповрзаната општина во Скопје“, рече Ѓорѓиевски.Додаде дека ќе го решат секојдневниот урбан хаос и дека, пред сè, ќе се воведе ред со ставање крај на опасниот сообраќај кај „Тобако 2“ со изградба на модерен двоен кружен тек, зошто безбедноста на децата кои одат во училиште е на прво место.„И конечно, го решаваме хроничниот проблем со паркирањето. Ќе изградиме монтажни катни гаражи во Ново Лисиче, Јане Сандански и Мичурин. Доста е со кружење и нервози, време е за ред и за слободни тротоари“, истакна Ѓорѓиевски.Исто така, додаде Ѓорѓиевски, ќе инвестираме во здрава животна средина, за здравјето на нашите семејства.„Ќе го решиме деценискиот еколошки проблем со Усјанскиот канал, со негово целосно затворање и претворање во уредена, зелена пешачка зона со нова урбана опрема. Ќе го решиме проблемот со Вардариште. Јас ви ветувам на сите аеродромци дека, конечно, проблемот со Вардариште ќе биде во нашиот четири годишен мандат. На крајот на мојот мандат тоа ќе биде модерен парк, а кејот на Вардар ќе биде направен до Долно Лисиче“, се заложи Ѓорѓиевски.

Македонија | пред 6 месеци

Филипче: Ги боли што ја кажуваме вистината за нивните лаги со нивни зборови, тоа не е црна кампања

Претседателот на СДСМ, д-р Венко Филипче вечерва во Тема на денот на Сител Телевизија рече дека СДСМ води фер и чесна кампања, иако од ВМРО-ДПМНЕ говорат поинаку. Филипче смета дека партијата на власт нема проекти за фалење, па затоа обвинува, а доказ за тоа се проектите на спотови пред 4 години кои денес не се реализирани„Ги разбирам обвинувањата и сметам дека станува избор за еден дел од кампањата во којшто дури мислам дека имаме и обврска пред граѓаните, да ги соочиме со тоа што ВМРО-ДПМНЕ правеше во пресрет на минатогодишните избори, а што од сето тоа што тогаш се зборуваше, имаат исполнето. Понатаму, што советуваа од страна на актуелните градоначалници на ВМРО-ДПМНЕ пред 4 години и што од тоа е исполнето. Тоа е наша обврска. И како што сами гледате во сите тие промотивни спотови, ние ништо не зборуваме, тие зборуваат. Тоа се нивни ветувања во коишто близу 100% не се исполнети. Извинете, но тоа е наша обврска да ги информираме за тоа граѓаните. Тоа воопшто не е црна кампања“, рече Филипче.Претседателот Филипче исто така рече дека СДСМ немало скриени намери во кампањата туку напротив имале должност да ја кажат вистината пред граѓаните.„Разбирливо е дека кога владата нема со што да се пофали, нема ниту еден сериозен проект, нема ниту една категорија на граѓани коишто се задоволни и коишто видоа бенефит од ова работење на владата изминативе година ипол  ниту пензионерите, ниту работниците, ниту докторите, ниту наставниците, ниту земјоделците се што има останува е да се занимаваат со опозицијата“, рече Филипче на Сител телевизија.

Македонија | пред 6 месеци

Митески: Лисиче ќе добие топлификација ветување што станува реалност благодарение на поддршката на претседателот Мицкоски

Дејан Митески, кандидат за градоначалник за општина „Аеродром“ од редовите на ВМРО-ДПМНЕ, на денешниот митинг одржан во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, се обрати и посочи дека Аеродром ќе продолжи да се развива, и да се реализираат важни проекти, безбедни училишта и градинки, паркови полни со зеленило, спортски сали, културни центри.„Мојот претходник, Тимчо Муцунски постави високи стандарди, кои не обврзуваат да следиме. Заедно реализиравме важни проекти, но ова е само почеток. Она што следува е уште поважно да ја градиме иднината заедно, по мерка на секој жител на нашата општина. Оваа програма  не е напишана во некоја канцеларија. Ја создадовме заедно, со вас граѓаните на Аеродром. Ќе имаме безбедни училишта и градинки, паркови полни со зеленило и радост, спортски сали, културни центри, можности за образование, работа и простор сите да ги реализираат своите идеи. Убава средина, безбедни улици, достапни услуги, секојдневие што е поквалитетно и посреќно. Во исто време градиме училиште, градинка и спортска сала нешто што не се случило никогаш претходно, а се случува благодарение на поддршката на претседателот Христијан Мицкоски“, рече Митески.Митески истакна дел од проектите на изборната програма.„Без поддршка од градот и без централна власт ние работевме. Чистевме, садевме, градевме затоа што љубовта кон Аеродром не може да се запре. Во секоја населба од Мичурин до Долно Лисиче, предвидуваме нови инвестиции во инфраструктурата, културата, образованието и спортот. Зелената офанзива е нашето знаме, Аеродром е најзелената општина нашата гордост, и таква и ќе остане. Секое дете во градинка да, тоа е реалност и ќе биде остварена. За првпат добиваме кино и театар место за култура, радост и талент, Лисиче ќе добие топлификација ветување што станува реалност благодарение на поддршката на претседателот Мицкоски, а спортот останува наш белег, МЗТ и Вардар се симболи на љубов, традиција и успех, воведуваме нула комуналии за изградба на прв дом за сите млади. Но пред се Аеродром ќе остане мирно, сигурно и достоинствено место за живеење.На крај Митески ги повика граѓаните да гласаат за бројот 9, за Аеродром да биде уште поубаво место за живеење.„На 19 октомври, направете го изборот што значи работа, чесност и иднина, ајде заедно да го направиме Аеродром уште поубаво место за живеење, Со твојот човек! За твоето место! За твојата иднина“, дециден е Митески.

Македонија | пред 6 месеци