КОЧАНИ

Во Виница денеска ќе има комеморација за Ана и Моника, жртви од „Пулс“

Општина Виница организира комеморативен настан по повод една година од трагичниот пожар во дискотеката „Пулс“ во Кочани.Настанот ќе се одржи на денеска, 15 март, во 19 часот во Домот на култура „Тошо Арсов“ во Виница.Комеморацијата е посветена на сите жртви од трагедијата, меѓу кои и две сограѓанки од Виница – Ана и Моника.Од општината информираат дека настанот ќе биде можност граѓаните заеднички да оддадат почит и да се потсетат на трагедијата што ја потресе јавноста.„Со заедничко присуство и сеќавање ќе им оддадеме достојна почит и ќе ја споделиме тишината што зборува повеќе од зборови“, се наведува во поканата за настанот.

Македонија | пред 2 седмици

(Видео) Газда Деко правел црн капитал уште многу пред „Пулс“, ме згрозува што не чувствува вина, вели ексначалникот Ѓурчевски

Ексначалникот во Министерството за внатрешни работи, Љубомир Ѓурчевски, во подкастот „Претрес со Ландов“ зборуваше за одговорноста за трагедијата во дискотеката „Пулс“ во Кочани. Тој рече дека газдата Дејан Јованов-Деко бил предмет на опсервација уште во случајот „Детонатор“.„Газда Деко значи во некои работи се спомнуваше уште во акцијата детонатор 2012/2013 година со оние фамозни апарати за игра на среќа, таму се правеше огромни профити од тие материјали коцкарници, диви коцкарници“, рече Ѓурчевски.Прашан дали сака да каже дека Деко не е само обичен газда, тој рече: „Тој е човек што правел црн капитал уште многу многу многу пред ова. па откаде му се парите, тој имаше и кафич, имаше и ова, имаше и она. Значи некои треба малку посериозно да се позанимава. Како се праени пренамените, зошто е даван рушвет, се зборува тамо за поткуп од седум илјади евра за нелегална лиценца. Управа за јавни приходи никојпат не му дошла да наплати одредени даноци кои што требало да ги наплати, и така натаму. Некои министри се јавувале во управата за приходи. Зошто би некого јас би го корумпирал ако работам чесно? сега некој да ме убеди мене сака дека не чувствува вина?“.Ѓурчевски доаѓа: „Господине Дејан абе објектов ти го направи од шупа, го направи златен и сега ти да не чувствуваш вина, зошто немаш посебни излези, немаш посебни влезови, немаш вентилација, немаш соодветна противпожарна заштита. Материјалите се погрешни. Материјалите, немаш огноотпорни материјали, немаш ова, немаш она, и сега ти да не чувствуваш вина, а си остваруваш профит дваесет години, тоа мене ме згрозува“.Цел поткаст на многу теми поврзани со криминалните случувања во Македонија:

Македонија | пред 2 седмици

Кочани беше момент на национален шок, но и општествена катарза, мораме да извлечеме чекции за посилен систем, вели претседателката

Претседателката на државата Гордана Сиљановска-Давкова се обрати на завршната сесија на Меѓународната конференција посветена на институционалните и клиничките аспекти по трагедијата во Кочани, која се одржа во Скопје во организација на Владата.Таа истакна дека трагедијата во Кочани останува длабока рана за државата и силен потсетник за потребата од одговорност, подготвеност и солидарност во справувањето со кризни ситуации.„Трагедијата во Кочани беше момент на национален шок, длабока човечка болка, ерупција на сочувство и солидарност, но и момент на политичка и општествена катарза. Пред огледалото на совеста и одговорноста се најдовме сите и сè уште сме“, истакна претседателката.Сиљановска-Давкова потсети на драматичните моменти по несреќата, кога родителите и блиските на повредените чекале пред болниците, додека лекарите се бореле за спасување на младите животи.Таа оцени дека одлуката најтешко повредените пациенти да бидат испратени на лекување во странство била исправна и дека токму брзата координација меѓу институциите, здравствениот систем и меѓународните партнери овозможила спасување на голем број животи.Претседателката посочи дека трагедијата покажала оти справувањето со вакви катастрофи не е само медицинско, туку и политичко, етичко и институционално прашање, кое бара силна координација и подготвеност на системот.Според неа, оваа конференција е важен чекор за експертска евалуација на преземените мерки и за систематизирање на научените лекции, со цел подобра подготовка на државата за идни кризни ситуации.Таа го потенцираше значењето на новите системски мерки, меѓу кои се усвојувањето на национален план за справување со масовни жртви, воспоставување нови медицински протоколи и зајакнување на институционалната координација.„Кочанската трагедија не останува само болен спомен, туку и постојано предупредување дека без стандарди, без правила и без одговорност ниту една дејност не може безбедно да функционира и дека ништо не смее да биде поважно од правото на живот“, порача Сиљановска-Давкова.

Македонија | пред 2 седмици

Концерти, марш и спортски настани во спомен на жртвите од „Пулс“

Во Кочани денеска продолжува одбележувањето на годишнината од трагедијата во дискотеката „Пулс“, во која животот го загубија 63 млади лица.Според програмата, денешниот ден започнува во 9 часот со релацијата Штип – Кочани, каде што ќе се вози во чест на загинатите 63 „ангели“.Во 9 часот е предвидена и релацијата Полениково – Ново Балгур – Осогово, каде ќе се одржи првиот меморијален планинарски марш „Ивана Антова и 63 ангели“.Во спортскиот дел од програмата, во 10 часот ќе се игра турнир во кошарка за помладите категории.Во рамки на културната програма, во 13:30 часот во НУЦК „Бели мугри“ ќе се одржи настан „Кочани ни благодари“ со музички и балетски перформанс.Во 17 часот е закажан концерт на Марко Видоевиќ и ИБЕМ, додека во 18 часот ќе биде промовирана книгата „Ќе те има“ од Марина Стојчевска.Настаните се дел од повеќедневната програма со која Кочани се сеќава на жртвите и испраќа порака дека трагедијата никогаш нема да биде заборавена.

Македонија | пред 2 седмици

Сиљановска-Давкова: Трагедијата во Кочани е доживотна рана и опомена никогаш повеќе да не се повтори

Претседателката Гордана Сиљановска-Давкова изјави дека ништо не може да ја намали болката на семејствата кои ги загубиле своите најмили во трагедијата во Кочани, но дека државата мора да направи сè што е во нејзина моќ вакви трагедии никогаш повеќе да не се повторат.Таа ова го истакна на завршната сесија на Меѓународната конференција за институционалните и клиничките аспекти и решенија по пожарот во Кочани, што се одржа во Скопје.Според претседателката, трагедијата во Кочани не е само болен спомен, туку и постојана обврска и потсетник дека институциите мора да бидат подготвени за вакви кризни ситуации. Таа потсети и на мислата на Вацлав Хавел дека вистинската мерка на една држава не се гледа во периоди на стабилност, туку во начинот на кој се справува со кризи.Сиљановска-Давкова нагласи дека зад статистиките стојат човечки судбини, имиња и семејства, а преживеаните и нивните најблиски ќе ја носат траумата доживотно. Таа порача дека државата има должност да биде покрај нив и да им обезбеди поддршка.„Кочанската апокалипса ни остави длабока рана и ни покажа дека без стандарди, правила и одговорност ниту една дејност не може безбедно да функционира. Ништо, апсолутно ништо не смее да биде поважно од правото на живот“, истакна претседателката.Таа потсети дека трагедијата била момент на национален шок и длабока човечка болка, но и на силна солидарност. По една година, оцени дека била донесена исправна одлука кога државата побарала помош од странство, што овозможило спасување на многу млади животи.Сиљановска-Давкова ја истакна и поддршката од соседните земји и брзото активирање на европскиот механизам за цивилна заштита, оценувајќи дека трагедијата покажала дека одговорот на вакви настани не е само медицинско, туку и политичко, финансиско и морално прашање.Таа посочи дека конференцијата претставува важен чекор за експертска евалуација на досегашните постапки и извлекување лекции за подобра подготвеност во иднина.Претседателката нагласи дека државата веќе презела конкретни мерки, меѓу кои усвојување национален план за справување со масовни жртви, нови медицински протоколи и зајакнување на институционалната координација во кризни ситуации, со цел трагичното искуство да се претвори во подобра организација и поефикасен одговор во иднина.

Македонија | пред 2 седмици

(Видео) „Мислев дека го губам животот“: Гитаристот на ДНК, Горан Тонев, првпат за трагедијата во „Пулс“

Гитаристот на групата ДНК, Горан Тонев, првпат јавно проговори за трагедијата во дискотеката „Пулс“ во Кочани, каде настапувал со бендот во ноќта кога избувна пожарот.Тонев, кој има 25 години, раскажа дека во моментот на несреќата се здобил со тешки повреди и мислел дека го губи животот.„Јас сум Горан Тонев. Имам 25 години. Четири години се занимавам со музика. На кобната вечер настапував со ДНК како нивен гитарист. Се случи тоа што се случи – некако излегов со многу повреди и мислев дека го губам мојот живот“, раскажува Тонев.Тој вели дека во тие моменти му помогнала девојка по име Моли, која заедно со нејзината мајка го пренела до болницата во Кочани со приватно возило.„Една девојка, која подоцна дознав дека се вика Моли, со нејзината мајка ме однесоа во болницата во Кочани“, вели Тонев.По првичната медицинска помош во Кочани, тој бил префрлен на лекување во Скопје, каде ја изгубил свеста и бил ставен во вештачка кома речиси еден месец.„Потоа сум пренесен во клиника во Скопје и таму ја губам свеста и сум во вештачка кома скоро еден месец“, сведочи Тонев.Подоцна бил транспортиран на лекување во болницата „Папа Николаос“ во Солун, каде, како што вели, медицинскиот персонал и неговото семејство му дале огромна поддршка во борбата за закрепнување.„Можам да кажам дека тие се грижеа за мене не како пациент, туку како за нивно дете“, додава Тонев.

Македонија | пред 2 седмици

100 нови возила за Итна помош и нов протокол за изгореници – Алиу кажува за мерките по трагедијата во Кочани

Министерот за здравство Азир Алиу во завршното обраќање на Меѓународната конференција посветена на трагедијата во Кочани истакна дека државата веќе ги преточува научените лекции од пожарот во конкретни системски решенија за подобра подготвеност при масовни несреќи.Тој нагласи дека конференцијата покажала колку е важна интерсекторската соработка при справување со вакви трагедии и дека при настани со масовни жртви не е доволна само брза реакција, туку и однапред подготвен и институционално усогласен систем на постапување.„Трагедијата во Кочани уште еднаш потврди дека при настани со масовни жртви не е доволна само брза реакција. Потребен е однапред подготвен, прецизно структуриран и институционално усогласен систем на постапување“, изјави Алиу.Министерот информираше дека на последната владина седница е усвоен првиот национален план за справување со масовни жртви во државата. Планот е подготвен согласно препораките на Светската здравствена организација, европскиот механизам за цивилна заштита, стандардите на НАТО и меѓународните здравствени регулативи.Со неговата примена се очекува подобра координација меѓу институциите, поефикасно користење на ресурсите и побрз одговор при масовни инциденти, со цел намалување на смртноста и зголемување на преживувањето.Во рамки на мерките е подготвен и првиот национален протокол за третман на пациенти со изгореници, кој треба да воспостави јасни стандарди за проценка, тријажа, транспорт, интензивно лекување, хируршки третман и рехабилитација на сите нивоа на здравствениот систем.„Благодарение на работната група составена од експерти од различни области, денес имаме протокол кој обезбедува современ и структуриран алгоритам за постапување кај пациенти со изгореници“, посочи министерот.Алиу информираше дека паралелно се работи и на пошироко јакнење на системот за здравствен одговор во кризни ситуации. Дел од мерките се модернизација на службата за итна медицинска помош, воведување на профилот парамедик и лиценцирање на EMT Type 1 тимови според меѓународни стандарди.Дополнително, Владата донела одлука во текот на оваа година да се обезбедат 100 нови возила за Итната медицинска помош, со вкупна вредност од околу 7,5 милиони евра, со што значително ќе се зајакнат капацитетите на оваа служба.

Македонија | пред 2 седмици

(Видео) Исповед на преживеана од „Пулс“: По комата започна борбата за живот, а денес сфаќам дека ништо не вреди ако не си здрав

Преживеаната од трагедијата во дискотеката „Пулс“ во Кочани, Надалина Грозданова, првпат јавно проговори за ноќта на пожарот и за тешката борба за живот што следувала по несреќата.Грозданова, која во моментот на трагедијата имала 19 години, беше една од повредените во пожарот. Таа раскажа дека нејзините сеќавања од моментот кога избувнал пламенот се избришани, но дека вистинската борба започнала по будењето од кома.„Јас сум Надалина Грозданова, имав деветнаесет години и бев меѓу луѓето кои беа повредени во пожарот во дискотеката ‘Пулс’ во Кочани. Сеќавањата од моментот кога избувна пламенот ми се избришани и не памтам точно што се случи, но од моментот кога се разбудив од кома во Грција знам дека во секој момент сум имала некој до мене и дека докторите и целиот медицински тим ми го спасиле животот“, раскажа таа.Таа нагласи дека секоја секунда во тие моменти значела живот и дека искуството целосно ја променило како човек.„Од многу аспекти се сменив како човек. Порано се грижев за многу работи во животот, но денес сфаќам дека ништо нема вредност кога не си здрав“, вели Грозданова.Додека се лекувала на интензивна нега, таа ја добила и титулата ученик на генерацијата, но признава дека во тој момент тоа не ѝ значело ништо.„Титулата ученик на генерација ми ја доделија додека бев на интензивна нега. Во тој момент тоа ништо не ми значеше. Животот го гледам на сосема поинаков начин“, раскажа таа.Нејзината порака по трагедијата е дека здравјето е најважно.„Добриот и здрав човек има милион желби, а болниот има само една – да оздрави. Тоа го почувствував на своја кожа“, вели таа.

Македонија | пред 2 седмици

Една година по трагедијата во Кочани – пожртвуваноста на здравствените работници нема да се заборави

Министерот за здравство Азир Алиу изјави дека една година по трагедијата во Кочани државата не ја заборава пожртвуваноста на здравствените работници и солидарноста што ја покажаа пријателските земји во лекувањето на повредените.На отворањето на Меѓународната конференција посветена на институционалните и клиничките аспекти по пожарот во Кочани, министерот посочи дека здравствениот систем поминал низ исклучително тежок период – од првичната интервенција и спасувањето на повредените, до нивниот третман, рехабилитација и подготовка на системски решенија за идни кризни ситуации.„Посебна благодарност упатувам до повеќе од 400 здравствени работници од јавните и приватните здравствени установи во нашата држава, кои во тие денови работеа со исклучителна пожртвуваност, концентрација и професионализам. Во мигови кога секоја минута значеше надеж, вие бевте вистински партнери во борбата за секој човечки живот“, истакна Алиу.Тој нагласи дека голем број тешко повредени пациенти биле транспортирани на лекување во странство, при што посебна благодарност упати до медицинските тимови од странските медицински центри.Министерот ја истакна и координацијата меѓу институциите, посочувајќи дека преку заедничка работа на кризните штабови на Министерството за надворешни работи и Министерството за внатрешни работи бил воспоставен висок степен на меѓуинституционална соработка.Благодарение на таа организираност, 115 пациенти биле безбедно упатени на лекување во здравствени установи низ Европа, во услови кога секоја одлука морала да биде донесена брзо и прецизно.Алиу посочи дека трагедијата во Кочани покажала дека последиците од вакви настани не се само физички, туку оставаат и длабоки психолошки траги кај повредените, нивните семејства и пошироката заедница.„Психолошката и психо-социјалната поддршка ја третиравме како составен дел од здравствениот одговор. Искуството од Кочани отвори потреба од дополнително јакнење на капацитетите на медицинските тимови за третман на тешки изгореници, масовни несреќи и долготрајна рехабилитација“, рече министерот.Тој заклучи дека најголемата обврска кон жртвите и повредените е изградба на посилен и поотпорен здравствен систем кој ќе реагира навреме и ќе обезбеди највисоко ниво на грижа за секој граѓанин.

Македонија | пред 2 седмици

(Видео) Тага, плач и лелек во Кочани, родителите неутешни: Ангели вечна ви слава, ве сакаме

Неутешни родители, семејства, роднини и пријатели се собраа на кочанските гробишта во алејата на ангелите, на годишнината од смртта на 63 лица кои загинаа како последица на трагедијата во „Пулс“. Солзи, тага, лелеци и болки. Драги Горгиев, татко на тапанарот од ДНК, Георги објави снимка каде се гледа траорната атмосфера. На ова место, голем дел од семејствата го минуваат секојдневието и посочуваат дека само тоа им останало по трагедијата.„Ангели вечна ви слава, ве сакаме“, напиша Горгиев.Родителите цела година, речиси секој викенд го минуваа со Маршот за ангелите, барајќи правда за своите чеда. И натаму раскажуваат за нивните планови и соништа. Душата ја отвораат пред целата јавност за да ја доловат нивната болка, од која треба да се извлече поука дека ваков настан не смее да се повтори и дека треба да биде поука за целото општество да работи на функционалност на системот.Истовремено, Кривичен суд им суди на обвинетите од сопственици на објектот до функционери кои според Обвинителството, дозволиле клубот „Пулс“ да работи без да ги исполнува законските прописи.

Македонија | пред 2 седмици

Муцунски: Трагедијата во Кочани ќе остане трајно врежана во колективната меморија, но државата ќе памети и нешто друго – искрената поддршка од пријателските земји

Министерот за надворешни работи и надворешна трговија, Тимчо Муцунски, се обрати на отворањето на меѓународната конференција во Скопје посветена на клиничките аспекти по трагичниот пожар во Кочани, нагласувајќи дека настанот претставува важна можност за размена на знаења и искуства, но и симбол на солидарноста и поддршката што меѓународната заедница ја покажа кон нашата држава во еден од најтешките моменти.Во своето обраќање, Муцунски потсети дека трагедијата во Кочани длабоко ја потресе државата и за само неколку минути едно обично утро се претворило во длабока национална болка. Во тие моменти, кога секоја минута била од исклучително значење, брзата реакција на институциите и поддршката од пријателските земји помогнале да се спасат многу човечки животи.Министерот посочи дека 115 пациенти биле згрижени и лекувани во странство, благодарение на брзата комуникација со партнерските држави, активирањето на Европскиот механизам за цивилна заштита и подготвеноста на бројни земји да обезбедат медицинска помош.„Во тие тешки денови се покажа вистинската сила на дипломатијата и меѓународната солидарност. Токму во вакви моменти станува јасно дека вистинската вредност на дипломатијата не се мери само со постигнатите договори, туку и со спасените човечки животи“, истакна Муцунски.Тој изрази искрена благодарност до владите, амбасадите, институциите и народите на пријателските земји кои без двоумење ја подадоа раката за помош, нагласувајќи дека токму во вакви моменти најјасно се согледува значењето на меѓународното пријателство и партнерство.Муцунски упати посебна благодарност и до докторите и медицинските тимови – како во Македонија, така и во странство – кои со својата посветеност, професионалност и пожртвуваност придонеле за спасување на човечки животи.Во своето обраќање тој нагласи дека трагедијата во Кочани ќе остане трајно врежана во колективната меморија, но дека државата ќе памети и нешто друго – искрената поддршка и солидарност што ја покажале пријателските земји во најтешките моменти.

Македонија | пред 2 седмици

Алиу: Трагедијата во Кочани нè научи дека системот мора да биде уште поподготвен

Министерот за здравство, Азир Алиу, во воведното обраќање на Меѓународната конференција „Институционалните и клинички аспекти и решенија по пожарот во Кочани – една година потоа“ се осврна на искуствата на здравствениот систем по трагедијата, од првичната интервенција и спасувањето на повредените, до третманот, рехабилитацијата и потребата од системски подобрувања.Тој упати благодарност до повеќе од 400 здравствени работници од јавните и приватните здравствени установи во државата, кои, како што нагласи, во тие денови работеле со исклучителна пожртвуваност и професионализам.„Вашата професионалност, солидарност и хуманост ќе останат длабоко запаметени. Во моменти кога секоја минута значеше надеж, вие бевте вистински партнери во борбата за секој човечки живот“, истакна Алиу.Министерот потсети дека голем број тешко повредени пациенти биле транспортирани на лекување во странство, при што 115 пациенти биле испратени во здравствени установи низ Европа.Според него, ова било овозможено благодарение на координираната работа на главниот кризен штаб, како и на кризните штабови во Министерството за надворешни работи и Министерството за внатрешни работи, со што бил воспоставен висок степен на меѓуинституционална координација.Алиу нагласи дека последиците од трагедијата не се само физички, туку и психолошки, па затоа психолошката и психосоцијалната поддршка била третирана како составен дел од здравствениот одговор.Тој посочи дека искуството од Кочани ја покажало потребата од дополнително јакнење на капацитетите на медицинските тимови, особено за третман на тешки изгореници, масовни несреќи и долготрајна рехабилитација.„Нашата најголема обврска кон жртвите и повредените е да продолжиме да градиме систем што ќе штити, ќе реагира навреме и ќе обезбедува највисоко ниво на грижа за секој граѓанин“, порача министерот.

Македонија | пред 2 седмици

Литургија и парастос во Кочани, конференција во Скопје: почнува одбележувањето на годишнината од трагедијата во „Пулс“

Денеска ќе се одбележи годишнината од трагедијата во дискотеката „Пулс“ во Кочани, во која на 16 март 2025 година загинаа 63 лица, а над 200 беа повредени. Планирани се повеќе настани во организација на семејствата на загинатите, Општина Кочани и Владата.Во Кочани ќе се одржи литургија, па парастос за упокоените. Од храмот „Георгиј Победоносец“, родителите ќе одат на вечните почивалишта на загинатите деца.Паралелно со настаните во Кочани, во Скопје ќе се одржи меѓународна конференција посветена на институционалните и клиничките аспекти на справување со последиците од пожарот во „Пулс“.

Македонија | пред 2 седмици

Мицкоски: Македонскиот систем и институциите реагираа подобро во трагедијата во Кочани од швајцарските во Кран Монтана

Премиерот Христијан Мицкоски, одговарајќи на прашања за системските реакции при неодамнешниот трагичен настан во Кочани, истакна дека иако е тешко да се прават споредби кога станува збор за лоши настани, институционалниот одговор во земјава бил на исклучително високо ниво.„Кога правите споредба на лоши настани, делувате некрофилски. Јас не сакам да бидам и да делувам некрофилски, но ќе дадам целосен одговор на вашето прашање. Затоа што ако се спореди тоа што ние како влада го направивме со она што се случи во Кран Монтана во Швајцарија, можам да кажам дека неколкукратно подобро се справивме. По сите параметри, во сите споредби. За жал, не постои начин како да ги вратиме тие коишто, за жал, не се повеќе со нас. Но од аспект на системска реакција, кога ќе го споредиме тој настан со оној настан што се случи во дискотеката во Кран Монтана во Швајцарија, неколкукратно подобро, верувале или не, системот македонски, институциите македонски, реагираа подобро отколку системот во Швајцарија и институциите во Швајцарија. И тоа се бројки“, изјави Мицкоски.

Македонија | пред 2 седмици

Мицкоски: Завршено проектирањето за делницата Кочани – Виница, Владата ќе продолжи да инвестира

Премиерот ристијан Мицкоски денес беше во посета на Кочани, каде во изјава за медиумите истакна дека проектирањето за првата делница од Кочани до Виница е завршено.„Таа ќе се изведува со сопствени средства, а се бара финансирање за делот од Виница до Делчево и мислам успешно ќе се заврши тој процес, проектирањето тече така што сето она за коешто сме зборувале ќе го реализираме и работиме согласно приоритетите. Градоначалникот го спомна оној доводен цевковод на геотермална вода, ние имавме пред околу недела дена состанок кај мене во Владата. Ги разговаравме приоритетите општествена одговорна компанија, јас не сум стигнал да го информирам и градоначалникот, излезе на терен направи дефектажа и таа иста општествено одговорна компанија ќе изврши санирање на тој цевковод така што некаде околу 8 или 9 места парчиња цевки треба да се пресечат и заварат нови за да се санира, исто како и отплатата за изолација термичка така што тие се нафатија како општествено одговорна компанија тоа да го направат без да биде наплатено ниту денар, еве ова е уште една добра вест бидејќи не успеавме да се видиме пред овој настан со градоначалникот да информирам. Така што мислам дека сето она за коешто зборувавме изминатава година, но и претходно ќе го реализираме и е веќе ставено на шини за реализација. Се разбира кога и да доаѓам тука во Кочани не можам да не се сетам на оној 16 март минатата година и претпоставувам тоа така ќе биде до крајот на мојот живот, но секогаш се радувам кога можам да дојдам за убави работи овде во Кочани и да отпочнеме нешто ново коешто ќе даде дополнителна енергија на градот, но и на општините коишто гравитираат во овој дел на Македонија, не смееме исто така да ја заборавиме и Општина Чешиново-Облешево и останатите општини, Виница, Штип, Карбинци, Пробиштип“, изјави Мицкоски.Тој истакна дека владата ќе продолжи да дава приоритет на Кочани.

Македонија | пред 2 седмици

Пожар во пречистителната станица во Мојанци, горело метан!

Вистинска драма се одвивала во кочанското село Мојанци, каде само брзата интервенција на пожарникарите спречила експлозија од огромни размери. Околу 20:30 часот, избил пожар на инсталацијата од системот за пренос на метан во локалната Пречистителна станица за отпадни води.Според известувањето на порталот Гласно.мк, огнот зафатил дел од цевките на системот, сериозно заканувајќи се да се прошири кон главниот резервоар.На местото на настанот веднаш пристигнале екипи на Територијалната противпожарна единица (ТППЕ) Кочани, поддржани од доброволци:Ангажирани биле 4 противпожарни возила и 8 професионални пожарникари. Во гаснењето помогнале и членовите на Доброволното противпожарно друштво – Кочани.Пожарот е локализиран навреме, со што е причинета само материјална штета.Она што го прави овој инцидент особено опасен е близината на т.н. „балон“ за метан. Како што пренесува Гласно.мк, повикувајќи се на доброупатени извори, доколку пламенот стигнел до овој дел каде се собира гасот, последиците ќе биле катастрофални.„Избегната е поголема катастрофа бидејќи било спречено проширување на пожарот на инсталацијата – балон каде се собирал метанот, што можело да предизвика експлозија од поголеми размери“, се наведува во објавата на порталот.Надлежните служби допрва ќе ги утврдуваат причините кои довеле до палење на инсталацијата.

Македонија | пред 2 седмици

Давидовиќ: Директорите на ДСЗ немаат никакви ингеренции со инспекциски надзор

Адвокатот Ѕвонко Давидовиќ, бранител на поранешниот директор на Дирекцијата за заштита и спасување (ДЗС), Аднан Џаферовски, изјави дека оваа институција нема директна надлежност да врши инспекциски контроли во угостителски објекти.„Таму е јасно наведена улогата на инспекторите што покажува дека директорите кои седат на обвинителна клупа немаат никаква врска и никакви ингеренции со инспекциски надзор, особено не со конкретниот настан. Сево ова покажува за начинот на кој се води постапката и дека до крај не се искристализирани работите, кој сè за што е одговорен. рече Давидовиќ.Како што наведе тој, Дирекцијата за заштита и спасување е институција што ја опфаќа територијалната одбрана и цивилната заштита на целата територија на државата. Тука, како што кажа, не спаѓаат само пожари, туку и големи природни несреќи и шумски пожари.„Дирекцијата за заштита и спасување не е инспекциски орган кој врши контроли во кафулиња, кафани и ресторани. Станува збор за институција која се занимава со територијална одбрана и цивилна заштита на државата, вклучително и шумски пожари и други големи несреќи“, додава Давидовиќ.Според Давидовиќ, недостигот на инспектори е долгогодишен проблем и одговорот за тоа треба да се бара од Владата, бидејќи секое ново вработување мора да добие согласност од Министерството за финансии.„Ова е комплексен проблем кој тешко се решава во постојниот систем на пополнување на работните места“, посочи адвокатот.Тој нагласи дека и други институции, како општините и Министерството за внатрешни работи, имаат обврска да преземаат мерки и да обезбедат функционирање на системот за заштита и спасување.Изјавата на Давидовиќ доаѓа по сведочењето на инспектор од ДЗС од подрачното одделение во Виница, кој на судењето посочи дека по пожарот во клубот „Пулс“ биле утврдени сериозни пропусти.

Македонија | пред 2 седмици

Сиљановска: Правото, правдата, етиката и солидарноста, се нашиот единствен избор во соочувањето со одговорноста за 63-те прерано згаснати животи

Денеска во Собранието на Македонија се одржа комеморативна седница за загинатите во трагедијата во Кочани.На седницата присуствуваше и претседателката Гордана Сиљановска Дафкова.„Денеска, на комеморативната седница во собранието, во пресрет на годишнината од трагедијата во Кочани, ја споделивме тагата со најблиските на непрежалените жртви.Во името на сите присутни, како и во името на македонските граѓани, претседателот на Собранието, г-дин Африм Гаши, изрази длабоко сочувство, емпатија, разбирање и подготвеност за помош.Јас, пак, верувам дека правото, правдата, етиката и солидарноста, се нашиот единствен избор во соочувањето со одговорноста за 63-те прерано згаснати животи“, вели Сиљановска.

Македонија | пред 2 седмици

Таткото на загинатиот Томче: Ова не е судбина, туку убиство од небрежност на институциите

Драги Стојанов, татко на загинатиот Томче Стојанов по комеморативната седница во Собранието рече дека е срамота после една година да закажат комеморација.По наше барење е комеморацијата, ако ние не го притиснавме немаше ни ова да се случи. Не е ли срамота и греота да загинат, во една држава 63 млади животи да згаснат, кои беа иднината на државата. Срамота после една година комеморација да изразат. Не знам, ова го нема ни во најназадните земји, ни во Авганистан, ни во Пакистан. 63 деца да загинат, а тие уште и не напаѓаат. Не гледаат како противници, не гледаат како да сме ѓавол за нив, не знам што е работата. Идат се контра против нас. Како ние да сме биле криви, како ние да сме ги пуштиле децата да загинат. Дури ни изјавуваат, зашто ги пративте децата во диското? Да не ги пративме ние да загинат. Срамота, како не им е срам, малку барем да имаа доблест, малку да имаа чест и поштовање према тие дечиња. Но како што гледам тие, како што викаат, кучињата си лаат, караванот се врви, ние само ќе се одиме, ќе си кукаме на нашите гробови на децата, а тие ќе се го водат бизнисот, ќе се пунат со пари. Не знам, не ми е јасно. Јас како татко на моето дете, 60 години работам, бувам, крампам, за што? Да му изградам една куќа и на крајот на кој ќе остане таа куќа. За четири години ќе се нафатираат со пари и ќе остварат профит и оставаат пари за поколенија. Срамота и греота за нашите деца. Ова не е судбина, туку убиство од небрежност на институциите. Ако институциите работат како што треба, нашите деца сега ќе беа тука, ќе шетаа. Но за жал, таква ни е државата, во таква држава сме се родиле“, вели Драги Стојанов.

Македонија | пред 2 седмици

„Две страници читање и толку, ниту едно дете не беше спомнато по име“, родителите на жртвите од „Пулс“ разочарани од комеморацијата

По комеморативната седница на Собранието за трагедијата во „Пулс“, родителите на загинатите изразија разочарување од институциите кои, како што велат тие, не ги спомнале ни со име нивните деца кои загинаа.Нашите очекувања, надевајќи се кога ќе дојдеме овде дека ќе ни дадат почит и спрема нашите деца, се падна во вода. Комеморацијата за нашите деца, со 63 жртви за една држава, со две страници читање, и ајде чао, пријатно, толку беше. Ова не го очекувавме. Уште една голема рана за нас родителите. Големо разочарување“, рече Габриела Наунова, мајка на загинатата Надица Наунова.Очекувавме за секое дете да има барем по две минути да одвојат со текст, што мислевме дека им е даден од институциите. Но за жал ниту едно дете не беше удостоено, спомнато, со име преземе, само кратки зборови и правдање за собранието и одморот што си го земаа после трагедијата. Една година чекавме државата да се одважи и да организира комеморација за нашите деца. Тоа требаше да се случи многу порано. Каква е таква, сепак на завидувачки минимално од организаторите, се деси. Овој чин е многу задоцнет, но важен бидејќи покажува трагедијата во „Пулс“ не е само семена болка, толку институционална одговорност. Затоа очекуваме институциите што поскоро да ја преземат својата одговорност и конечно да има вистинска правда, како што кажа и претседателот Гаши. Да се надеваме барем правда за децата и дека институцијата ќе си ја признаат одговорноста и да се надеваме само на тој чекор, на друг, како што гледам, немаме никаква надеж. Ова беше последна надеж и ја изгубивме за жал. Ние родителите ќе си патиме, ќе вистинска правда, на крајот се надеваме дека ќе ја добиеме. И комеморацијата беше изнудена“, вели Александар Наунов.

Македонија | пред 2 седмици

„Само два ПП апарати, празен хидрант и заклучена помошна врата без квака“, инспектор од ДЗС за увидот во „Пулс“

На денешното рочиште за пожарот во дискотеката „Пулс“ во Кочани сведочеше инспектор на ДЗС од подрачното одделение во Виница. По пожарот, тој бил повикан да биде дел од увидната екипа заедно со колеги од Пробиштип, Струмица и Берово. Тој посочи дека до моментот на несреќата, Општина Кочани повеќе од една деценија немала вработено инспектор за заштита и спасување.Откако Благој Јанев од 2012-2013 е во пензија во Кочани нема инспектор за заштита и спасување… До моментот на настанување на пожарот во подрачното одделение во Кочани, колку што знам нема вработено лице инспектор за заштита и спасување, посочи сведокот.Сведочејќи за затекнатата состојба во опожарениот објект, инспекторот посочи на сериозни пропусти во основните безбедносни стандарди.Кога влеговме внатре имаше само два ПП апарати, што е недоволно, празен хидрант, нема вода, нема црево, нема млазници, нема систем за јавување за пожар, и најболната работа, задната врата заклучена од внатрешната страна немаше квака, а плус тоа заклучена со катанец, зборувам за помошниот излез. Ова се примети безразлика што пожарникарите веќе ја имаа скршено за да можат да влегуваат, посочи сведокот.Според неговиот исказ, и надворешноста на објектот не овозможувала соодветна интервенција на спасувачките служби.Приметено е дека од женскиот тоалет имаше железни решетки од надвор, додека на излезот од таа задна врата имаше зелена површина која беше како брег и заградена со ограда, каде не може да пристапи брза помош, ниту пожарна – рече инспекторот на ДЗС.Во однос на природата на пожарот, инспекторот наведе дека градежните материјали во објектот придонеле за негово катастрофално и брзо ширење.– Она што се виде и од социјалните мрежи, се работи за пожар со отворен пламен којшто брзо се шири поради облогата со стиропор и материјали кои што се лесно запаливи – рече сведокот.Одговарајќи на прашањето дали ДЗС требало да дозволи овој објект да работи со оглед на констатираните недостатоци, тој истакна дека инспекциските служби имаат овластување да го забранат користењето на објектот, доколку утврдат дека постои опасност по безбедноста.

Македонија | пред 2 седмици

Гаши на комеморативната седница за Кочани: Песната на ДНК „Ако утре ме нема“, која до таа ноќ беше само рефрен, денес добива поинакво значење

Комеморативната седница за годишнината од трагичниот настан во дискотеката „Пулс“ во Собранието започна со минута молк.На почетокот на седницата се обрати претседателот на собранието Африм Гаши.Некои ноќи завршуваат рутински, некои ноќи завршуваат оставајќи спомени, но има и такви што никогаш не завршуваат. Постојат утра што будат надеж и раѓаат нова сила, но има и мрачни утра што ја гасат надежта и предизвикуваат само болка. Такво утро беше 16 март минатата година кога осамна по трагичната ноќ во Кочани. Ноќ што започна со забава, со млади што славеа, со пријателства и насмевки, а заврши со плач со рани и болка што длабоко продре во срцето на целата држава. Таа ноќ Кочани и Македонија не ги изгубија само своите синови и ќерки, туку изгубија и дел од својата иднина. Еден неповратен дел од нашата душа таа ноќ изгоре во Кочани. Таа ноќ, заедно со животите на 63 млади луѓе, со себе ги однесе и соништата и плановите кои штотуку почнаа да се градат. Приказните што штотуку почнаа да се пишуваат, и утрешнината на многу семејства во нашата земја. Денес стојам пред вас, со длабоко чувство на тага и тежок товар на одговорност, затоа што да се зборува за трагедијата како што е оваа, можеби е една од најтешките задачи што можат да и припаднат на една институција или на едно лице. Дури и по една година, тешко е да се изберат зборови, но уште потешко е да се изговорат, постојат моменти кога и да ги изберете зборовите, внимателно, тие секогаш изгледаат недоволни за да го изразат она што човекот го чувствува и што го преживува. Таква е и оваа обврска за мене. Иако јавниот збор е должност, тој никогаш не бил толку тежок. Особено кога си свесен дека во ваков случај ниедна реченица не е доволна за да ја исполни празнината и за да ја ублажи болката што оваа трагедија ја остави кај семејствата и во совеста на ова општество“, изјави Гаши.Гаши изрази огромна благодарност кон сите кои помогнале и додаде дека таа помош нема да биде заборавена.Според претседателот на Собранието, правда мора да има бидејќи таа може да донесе мал спокој за семејствата и општеството. Гаши ги охрабри институциите да дејствуваат правилно за да се дојде до правдата.Меѓу оние кои ги загубивме имаше уметници кои со години ја осветлуваа сцената, имаше фудбалски ѕвезди кои постепено се издигнуваа, и којзнае колку професионалци од разни области кои требаше да не направат горди. Песната на групата ДНК „Ако утре ме нема“, која до таа ноќ беше само рефрен, денес добива поинакво значење за секој што ја слуша, затоа што за некои од оние коишто пееа, утрешниот ден никогаш повеќе не дојде, додека за другите утрето дојде но без оние кои ја пееа“, изјави Гаши.Гаши се обрати и до родителите на загинатите.Вашата болка е болка на целото наше општество, но и споменот на вашите најмили е дел од нас и од нашата колективна свест. Сакам моето обраќање да го завршам со истите зборови кои ги напишав во книгата на жалост, оваа трагедија е последниот аларм за сите политички и општествени чинители, да се вратиме кон самите себе, кон нашата човечност и конечно да се издигнеме како феникс за повторно да ја изградиме оваа држава од почеток, но овој пат врз основа на правда, чесност, чиста совест и искреност. Трагедијата од Кочани нека биде последна трагедија во нашата земја, но и наш водич кон праведна држава со владеење на правото. Нека е вечен нивниот спомен“, изјави Гаши.

Македонија | пред 2 седмици

Комеморативна седница во Собранието за годишнината од трагедијата во „Пулс“

Во Собранието денеска ќе се одржи Комеморативна седница за годишнината од трагичниот настан во дискотеката „Пулс“ во Кочани, во кој 63 лица го загубија животот, а околу 200 беа повредени.На 14 март Владата ќе одржи Меѓународна конференција „Институционални и клинички аспекти и решенија по пожарот во Кочани една година потоа“, на која ќе присуствуваат претставници на институциите, здравствени експерти, меѓународни организации и хуманитарни партнери.За пожарот во дискотеката во Кочани во тек е судски процес.

Македонија | пред 2 седмици

Пет сведоци пред Судот за пожарот во дискотеката „Пулс“

Денеска во судницата во „Идризово“ треба да продолжи судењето за пожарот во дискотеката „Пулс“ во Кочани, во која загинаа 63 лица, а над 200 беа повредени.На  денешното рочиште, треба да бидат сослушани пет сведоци предложени од Јавното обвинителство.На последното рочиште пред Судот беше сослуш сведокот Горан Игновски, кој повеќе од 34 години работи со продажба и сервис на опрема за изнајмување за настани – озвучување, осветлување и сценски ефекти.Сведочеше и вработена во сметководствено биро кое соработувало со Агенцијата за обезбедување „Рубикон“, која посочи дека никогаш не сретнала материјален доказ за деловна соработка меѓу дискотеката „Пулс“ и „Рубикон“.Дополнително, вработена во подрачното одделение на Дирекцијата за заштита и спасување во Кочани изјави дека во врска со дискотеката „Пулс“ не добиле никаква документација и дека подрачното одделение во Кочани нема инспектор за заштита и спасување.Исто така сведочеше и Трајче Димишковски вработен како возач-доставувач од 2008 година во Дирекцијата за безбедност на класифицирани информации. Неговото сведочење се следеше внимателно, бидејќи, како што беше посочено во судницата, тој го сменил исказот даден во истрагата. Потоа сведочењето на Трајче беше прекинато и истото треба да продолжи денес, кога ќе се чита што кажал пред обвинителите по трагедијата која однесе 63 млади животиСо денешното рочиште продолжува доказната постапка со изведување сведоци на предлог на Обвинителството – кое го застапува тим од 15 јавни обвинители. Судскиот процес го води судијката Дијана Груевска-Илиевски и се наоѓа во фаза на доказна постапка.

Македонија | пред 2 седмици

37 странски лекари и експерти ќе учествуваат на меѓународната конференција на Владата за трагедијата во Кочани

Портпаролката на Владата, Марија Митева, на денешната прес-конференција објави дека Владата ќе организира меѓународна конференција на 14 март, посветена на трагедијата во Кочани, со цел да се анализира одговорот на институциите, здравствените експерти и меѓународните партнери, како и да се предложат системски решенија за подобра подготвеност при кризни ситуации.Пред нас е за жал одбележувањето на годишнината од трагедијата во Кочани. Настан којшто и тогаш, како и денес, го нуди и го буди истото чувство на болка и длабока одговорност. Тоа беше ден кога времето застана за многу семејства, но истовремено беше и момент кој ја покажа силата на солидарноста. Во најтешките часови се мобилизираа здравствените работници, институциите, службите, локалната заедница. Државата реагираше, а и нашите партнери покажаа дека солидарноста не е само принцип, туку е конкретна поддршка кога е најпотребна. Во тие најтешки часови, благодарение на координираниот одговор од страна на државата и поддршката од европските и регионалните здравствени системи, беа спасени човечки животи и беше овозможен третман за најтешко повредените. За владата една година подоцна, целта не е само сеќавање. Целта е да покажеме одговорност и создавање на систем кој ќе биде уште посилен по организиран и подготвен да одговори на кризни ситуации. Токму затоа сакам да ја информирам јавноста за организирањето на меѓународната конференција, институционални и клинички аспекти и решенија по пожарот во Кочани, една година потоа. Кога ќе се одржи на 14 март и ќе обедини претставници на институциите, здравствени експерти, меѓународни организации и хуманитарни партнери. Конференцијата има за цел да се направи една сеопфатна анализа на одговорот на трагедијата, од првична интервенција и спасување животи, до долгорочниот третман, рехабилитацијата и системските решенија за иднината. Посебна вредност на оваа конференција е и присуството на 37 лекари и медицински експерти од странство, кои во најтешките денови по трагедијата во Кочани директно учествуваа во лекувањето на пациентите. На покана од наша страна како држава, во Скопје ќе пристигнат доктори од клиники и здравствени центри од повеќе европски земји. Токму оние институции кои ги отворија своите врати кога и беше најпотребно на Македонија. Нашата присуство на оваа конференција претставува можност, искуствата од заедничката работа да се претворат во знаење, протоколи, но и системски решенија кои ќе придонесат за подобра подготвеност на здравствените системи во иднина. Настанот ќе започне со свечено институционално отварање по кое ќе следи и комеморативен момент, како потсетник дека зад секоја трагедија стојат човечки приказни. Во рамки на конференцијата ќе се одржат и повеќе тематски панели, посветени на повеќе аспекти“, изјави Митева.Таа додаде дека Владата останува доследна на ветувањето: дека поддршката за жртвите, повредените, нивните семејства, но и за здравствениот систем нема да биде еднократна, туку континуирана и системска.Од првиот ден беше превземена обврска дека државата ќе стои зад процесот на лекување, рехабилитација и закрепнување, но и дека трагедијата ќе биде претворена во поттик за подобрување на институционалните капацитети и подготвеноста на системот. Тоа ветување денес се реализира преку конкретни мерки, соработка со домашни и меѓународни партнери, и постојано унапредување на здравствените и кризно-менаџерски механизми“, изјави Митева.

Македонија | пред 2 седмици