Најнови вести

1 нед.

(Видео) Драма по пукањето: вдовицата на Чарли Кирк евакуирана во шок

Меѓу гостите кои синоќа преживеаја драматични сцени за време на пукањето во хотелот „Вашингтон Хилтон“ била и Ерика Кирк, вдовица на влијателниот конзервативен активист Чарли Кирк.Таа била евакуирана веднаш по инцидентот, откако осомничениот Кол Томас Ален отворил оган во предворјето на хотелот. Снимки што се шират на социјалните мрежи ја прикажуваат во видно потресена состојба додека обезбедувањето ја извлекува од објектот.„Само сакам да си одам дома“, повторувала Кирк додека била насочувана кон излезот.Нејзиниот покоен сопруг Чарли Кирк беше еден од највлијателните гласови на современата американска десница и коосновач на Turning Point USA. Преку оваа организација, тој изгради широка мрежа насочена кон мобилизација на младите конзервативни гласачи, со значајно влијание врз трансформацијата на Републиканската партија.Кирк имаше клучна улога во теренската организација на политичките кампањи поврзани со Доналд Трамп, особено во ангажирањето на младата генерација гласачи и засилување на движењето познато како МАГА.Неговата смрт остави празнина во комуникацијата меѓу Белата куќа и младите поддржувачи, додека Ерика Кирк продолжи активно да учествува во организацијата и да одржува блиски врски со политичкиот врв.Семејството Кирк имало и директни врски со потпретседателот Џеј-Ди Венс, чија политичка кариера, според аналитичарите, била поддржана и промовирана од Чарли Кирк уште во раните фази.Инцидентот во Вашингтон повторно го отвори прашањето за безбедноста на високите политички настани, особено кога меѓу присутните има лица со директни врски до највисоките државни функционери.

Свет | пред 1 седмица

1 нед.

(Видео) Необично натпреварување во Естонија: учесници имитираа квичење на свињи

Необично натпреварување во кое учесниците имитираа квичење и рикање на свињи се одржа во Тарту, вториот по големина град во Естонија, во рамки на земјоделски саем што привлече големо внимание од посетителите.На отворена сцена, натпреварувачите се обидувале што поверно да ги доловат звуците на свињите, настапувајќи пред публика која гласно ги бодрела. Победник на натпреварот бил локалниот жител Андрус Мајлехт, кој изјавил дека изведбата му дошла спонтано.„Тоа едноставно излезе од мене“, изјавил победникот.За својата изведба, која била наградена со силен аплауз, Мајлехт добил ваучер за половина свиња и одредена количина колбаси.Победникот го избрал стручен жири составен од претставници на естонската свињарска индустрија, кои ги оценувале учесниците според автентичност, енергија и забавен ефект.„Мора да бидете храбри, весели и ентузијастични“, изјавила организаторката Маде Брита Еенсалу.Членот на жирито Ааре Калсон посочил дека токму „многу професионалната“ изведба била клучна за победата.„Кога ги затворив очите, не можев да кажам дали сум на фарма за свињи или на саем. Навистина се чувствував како да сум на фарма“, изјавил Калсон.Организаторката додала дека победникот слушнал за натпреварот на радио и се подготвувал околу три часа, успевајќи да ја освои публиката со својот настап.„Ми беше јасно дека се потрудил да им покаже на луѓето нешто посебно. И мислам дека публиката навистина реагираше на тоа“, изјавила Еенсалу.

Свет | пред 1 седмица

1 нед.

Филипче работи под влијание на Заев и го блокираат евроинтегративниот пат, вели ВМРО-ДПМНЕ

Владејачката ВМРО-ДПМНЕ обвини дека СДСМ и нејзиниот претседател Венко Филипче со своето политичко делување го блокираат евроинтегративниот пат на државата, оценувајќи дека нивните позиции се мотивирани од поранешниот лидер Зоран Заев.Од ВМРО-ДПМНЕ тврдат дека Филипче делува под влијание на Заев и дека неговите јавни настапи се засилени по неодамнешните политички случувања.„Зоран Заев инспирација и мотив за политичкото делување на Венко Филипче, кое секако не е во корист ниту на СДС, ниту на државата“, соопштија од ВМРО-ДПМНЕ.Во реакцијата се наведува дека Филипче, како што тврдат, отстапил од претходните ставови поврзани со заканите за напуштање на Собранието доколку се укине техничката влада.„Од толку прес-конференции и јавни појавувања, почна и да ретерира од партиските ставови, конкретно од заканите кои ги упати пратеникот Митко Трајчулески, дека ако се укине техничката влада, ќе излегле од Собрание и нема да учествуваат во изготвувањето на реформските закони“, се наведува во соопштението.Од партијата оценуваат дека ваквото повлекување е позитивен чекор, но истовремено тврдат дека СДС и понатаму се спротивставува на реформите.„Тоа што се потврдува и што е неспорен факт, СДС и Филипче никако да направат нешто добро за Македонија, за своите лични, партиски и бизнис интереси, се противат на сѐ што значи реформа и напредок на државата“, наведуваат од ВМРО-ДПМНЕ.Според нив, заканите за напуштање на Собранието и работните групи за реформските закони директно влијаат врз процесот на усогласување на законодавството со Европската Унија.„Со ваквото служење на Заев, наместо на државата, се покажува дека СДС и Филипче поддржуваат корупција, криминал, национални предавства“, се додава во реакцијата.Од ВМРО-ДПМНЕ порачуваат дека ваквото политичко однесување, според нив, го забавува напредокот на државата кон Европската Унија и претставува сериозна пречка за реформските процеси.

Македонија | пред 1 седмица

1 нед.

Screen-Shot-2022-03-27-at-11.10.33-1200x675-1

Јубилеен Ајфон со закривен екран и скриени сензори? Нови информации од индустријата

Apple подготвува значајни промени во дизајнот на јубилејниот Ајфон што треба да ја одбележи 20-годишнината од уредот во 2027 година, покажуваат најновите индустриски шпекулации и протечени информации од синџирот на добавувачи.Иако компанијата традиционално не ги коментира идните производи пред официјалното претставување, вниманието повторно е насочено кон екранот како клучен елемент на најавените промени. Според достапните информации, Apple соработува со Samsung на развој на специјален дисплеј, што би можел да донесе конструкциски решенија кои вообичаено бараат долгорочна техничка координација.Во фокусот е можноста за отстранување на поларизацискиот слој од екранот, што би овозможило потенок уред и подобрена енергетска ефикасност. Но, ваквиот пристап отвора и сериозни инженерски предизвици поврзани со квалитетот на приказот и издржливоста.Паралелно, се споменува и воведување на таканаречен „quad-curved“ екран, односно панел со суптилно закривени рабови од сите четири страни. За Apple тоа би значело отстапување од досегашната дизајнерска насока, која се темелеше на рамни површини и минимални закривувања.Комбинацијата од закривено стакло и рамен средишен дел, веќе присутна кај дел од премиум уредите на азиските производители, би можела да донесе поелегантен и визуелно „исчистен“ изглед, со јасна намера јубилејниот модел да се разликува од стандардните годишни надградби.Дополнително, во истите шпекулации се споменува и можноста за целосно „all-screen“ решение, со преместување на елементите како Dynamic Island и делови од Face ID под самиот екран. Овој концепт веќе подолго време се развива во индустријата, но сè уште се соочува со технички ограничувања, особено во однос на прецизноста на сензорите и квалитетот на приказот.Засега, сите информации остануваат неофицијални, но доколку дел од најавените промени се реализираат, јубилејниот Ајфон би можел да претставува значаен пресврт во дизајнот и технологијата на еден од највлијателните уреди на пазарот.

Магазин | пред 1 седмица

1 нед.

Зеленски: Русија повторно го носи светот на раб на нуклеарна катастрофа

Украинскиот претседател Володимир Зеленски предупреди дека Русија повторно го доведува светот на раб на нуклеарна катастрофа, на 40-годишнината од хаваријата во Чернобилска нуклеарна централа, една од најтешките во историјата.Украина денес ја одбележува годишнината од катастрофата што во 1986 година ослободи огромни количини радиоактивен материјал низ Европа, додека актуелната војна со Русија повторно ги отвора стравувањата од нова нуклеарна закана.„Пред четириесет години светот се соочи со една од најголемите нуклеарни катастрофи – експлодираше четвртиот реактор на нуклеарната електрана Чернобил. Ослободена беше значителна количина радиоактивен материјал“, напиша Зеленски.Тој потсети дека стотици илјади луѓе со години се соочувале со последиците, а за да се задржи зрачењето, над уништениот реактор бил изграден саркофаг, кој подоцна бил дополнително заштитен со нова конструкција во која учествувале повеќе од 40 држави.„Тие две структури штитат од радиоактивни испуштања и контаминација. Нивното одржување и заштита се во интерес на сите“, наведе Зеленски.Украинскиот претседател директно ја обвини Русија дека со своите воени активности создава нов ризик од катастрофа со човечки фактор.„Руско-иранските шахед беспилотни летала редовно летаат над електраната, а едно од нив минатата година ја погоди заштитната конструкција“, напиша тој.Зеленски повика на решителна реакција од меѓународната заедница.„Светот не смее да дозволи продолжување на нуклеарниот тероризам. Најдобар начин е да се принуди Русија да ги запре своите непромислени напади“, порача украинскиот претседател.Тој им оддаде почит на сите кои ги загубиле животите справувајќи се со последиците од катастрофата.„Се сеќаваме на сите кои ги дадоа своите животи соочувајќи се со последиците од оваа трагедија. Нека сите жртви на чернобилската катастрофа почиваат во мир“, напиша Зеленски.Чернобилската катастрофа, која се случи на 26 април 1986 година, предизвика масовно изложување на радијација, евакуација на стотици илјади луѓе и долгорочна контаминација на големи територии. И денес последиците се предмет на научни и здравствени анализи.Дополнителна загриженост предизвикуваат информациите дека во изминатиот период во близина на електраната се регистрирани десетици летови на руски беспилотни летала, додека претходен напад оштетил дел од заштитната конструкција, за чија санација се потребни значителни средства.Во услови на војна, одбележувањето на годишнината се одвива со засилени безбедносни мерки, а пристапот до зоната околу електраната останува строго контролиран.

Свет | пред 1 седмица

1 нед.

(Видео) Снимка од драмата: Трамп извлечен од сцената, се сопнал при евакуацијата

Снимка од драматичниот момент кога американскиот претседател Доналд Трамп е итно извлечен од сцената за време на новинарската вечера во Вашингтон се шири на социјалните мрежи, откако внатре во хотелот „Вашингтон Хилтон“ одекнале истрели и настанала паника меѓу присутните.Според информациите, Трамп и првата дама Меланија Трамп биле веднаш евакуирани откако се слушнале пукања во лобито на хотелот, каде се одржувала свеченоста. Припадниците на Тајната служба реагирале за секунди, оттурнувајќи ги функционерите од сцената и пренесувајќи ги на безбедно место.Во метежот што настанал, Трамп во еден момент се сопнал и паднал, додека агентите го извлекувале, но бил брзо подигнат и продолжена била евакуацијата без дополнителни последици.Гостите во салата, според сведоштва, панично барале засолниште, додека низ просторот одекнувале повици „останете долу“, а дел од присутните легнувале на подот или се криеле под масите.Според Њујорк Тајмс, повикувајќи се на полициски извори, осомничениот за нападот е 31-годишниот Кол Томас Ален од Торенс, Калифорнија. Полицијата потврди дека напаѓачот бил тешко вооружен, со пушка, пиштол и повеќе ножеви.По инцидентот, Трамп се огласи на социјалната мрежа „Трут Соушл“, каде објави фотографија од лицето кое лежи на подот во хотелот, за кое се верува дека е осомничениот.Истрагата за инцидентот продолжува, додека надлежните служби ги утврдуваат сите околности поврзани со нападот.

Свет | пред 1 седмица

1 нед.

Груевски подготвува ново бегство, Мицкоски не испратил барање за екстрадиција, велат од СДСМ

Опозициската СДСМ обвини дека поранешниот премиер Никола Груевски подготвува ново бегство, додека премиерот Христијан Мицкоски, според нив, сѐ уште не презел конкретни чекори за негово враќање во земјава.Од партијата тврдат дека во услови кога, како што наведуваат, блиски луѓе до унгарскиот премиер Виктор Орбан префрлаат средства во трети држави, Груевски подготвува заминување во нова земја.„Додека во Унгарија луѓето на Орбан масовно бегаат и префрлаат пари во Обединетите Арапски Емирати и други далечни земји, Никола Груевски, осудениот криминалец, подготвува ново бегство“, соопштија од СДСМ.Од таму велат дека Груевски, кој, според нив, поседува повеќе пасоши, планира да замине во трета држава, сценарио за кое тврдат дека го најавувале подолг период.Партијата упати директни обвинувања кон премиерот Мицкоски, наведувајќи дека не е испратено ниту едно барање за екстрадиција.„А што прави Мицкоски? Сѐ уште не испратил ниту еден документ за екстрадиција, ниту ново барање“, наведуваат од СДСМ.Во соопштението се додава дека, според нив, не се преземени ниту чекори за расчистување на правните постапки поврзани со Груевски, што, како што оценуваат, укажува на политичка заштита.„Мицкоски сѐ уште не обезбедил да се поништат процесите против Груевски во Македонија, ниту го подготвил теренот за негово враќање. Знае дека ако го апси, ќе го изгуби рејтингот кај своите членови. Затоа го штити со сите сили“, се вели во реакцијата.Од СДСМ порачуваат дека јавноста, според нив, јасно ги гледа овие состојби и дека одговорност мора да има.„Граѓаните гледаат многу јасно: Мицкоски не го враќа Груевски затоа што не сака да го врати. СДСМ останува на ставот дека никој не е над законот, ниту Груевски, ниту Мицкоски, ниту нивните заштитници во Будимпешта. Наскоро доаѓа времето на вистината, правдата и одговорноста“, наведуваат од партијата.

Свет | пред 1 седмица

1 нед.

(Видео) Паника на пистата во Њу Делхи: се запалил мотор на авион на „Свис ер“, патниците евакуирани, шест повредени

Шест патници се повредени откако се запалил еден од моторите на авион на авиокомпанијата „Свис ер“ при полетување од аеродромот „Индира Ганди“ во Њу Делхи, на лет кон Цирих. Инцидентот се случил денеска, по што е спроведена итна евакуација.Според првичните информации, откажал еден мотор и избувнал пожар додека авионот забрзувал на пистата. Екипажот веднаш го прекинал обидот за полетување и започнал постапка за итно извлекување на патниците од леталото.Во авионот имало 232 патници, меѓу кои и четири бебиња, како и членовите на екипажот. Летот се подготвувал за полетување околу 1:08 часот по полноќ, кога дошло до дефектот, по што патниците биле евакуирани, а повредените префрлени на лекарска помош.Снимки од настанот брзо се појавија на социјалните мрежи, прикажувајќи го моментот на евакуација и реакцијата на службите на аеродромот. Причините за дефектот и точните околности на пожарот се предмет на понатамошни проверки.

Свет | пред 1 седмица

1 нед.

Фатен педофил вработен во училиште во Гостивар: намамил, ја уценувал и објавил експлицитни материјали од 14-годишно девојче

Основното јавно обвинителство Гостивар донесе наредба за спроведување истражна постапка против 28-годишен жител на Скопје, поради основано сомнение дека сторил кривични дела силување на дете кое не наполнило 15 години и злоупотреба на туѓа снимка, фотографија или аудио запис со сексуално експлицитна содржина.„Осомничениот 28-годишник, вработен во основно училиште, го навел девојчето на возраст од 14 години да му прати свои фотографии и видеа со сексуално експлицитна содржина, а потоа ја уценувал дека ќе ги објави ако не излезе со него.Детето-жртва прифатило да се сретнат, по што осомничениот го однел во куќа во гостиварско каде извршил обљуба, кривично дело за кое е предвидена затворска казна од најмалку 8 години.Месецов повторно се обидел да ја уцени за да се сретнат, но девојчето одбило по што тој ги објавил на една социјална мрежа експлицитните фотографии и видеа кои ги поседувал. Со ова ги направил достапни и на други лица, со што го исполнил битието и на второто кривично дело кое беше воведено во февруари годинава и за кое е предвидена затворска казна од 3 до 10 години.Имајќи ги предвид високите запретени казни за овие кривични дела, јавниот обвинител оцени дека постои висок ризик осомничниот да се даде во бегство за да го избегне кривичниот прогон. Исто така, постои опасност да влијае врз детето-жртва, но и да го повтори делото. Од тие причини јавниот обвинител до судијата на претходна постапка достави предлог за определување мерка притвор за осомничениот“, велат од Обвинителството.

Македонија | пред 1 седмица

1 нед.

Напаѓачот признал: цел му биле американски функционери на новинарската вечера

Мажот осомничен за пукањето на новинарската вечера во Вашингтон признал пред полицијата дека цел му биле американски функционери присутни на настанот, објави Си-Би-Ес.Според американските власти, осомничениот ќе се појави пред суд во понеделник, каде ќе се соочи со сериозни обвиненија поврзани со нападот што ја потресе безбедноста на еден од најобезбедуваните настани во земјата.Окружната обвинителка Џенин Пиро соопшти дека против него се поднесени две обвиненија.„Се соочува со обвинение за употреба на огнено оружје при насилно кривично дело и за напад на федерален агент со опасно оружје“, изјави Пиро.Осомничениот е идентификуван како Кол Томас Ален (31) од предградие на Лос Анџелес. Според јавно достапните податоци, тој работел како предавач и програмер на видеоигри во Јужна Калифорнија.Ален дипломирал машинство на Технолошкиот институт во Калифорнија во 2017 година, а минатата година стекнал магистерска диплома по компјутерски науки на Државниот универзитет во Калифорнија, Домингез Хилс. Како студент, бил забележан во медиумите поради развој на прототип на сопирачка за инвалидска количка.Според податоците на Федералната изборна комисија, во октомври 2024 година донирал 25 долари за претседателската кампања на Камала Харис.Полицијата на Вашингтон соопшти дека осомничениот бил гостин во хотелот каде што се одржувала вечерата, што дополнително отвора прашања за безбедносните пропусти. Мотивот за нападот засега не е утврден, а истрагата продолжува.

Свет | пред 1 седмица

1 нед.

Иранските напади посилни од очекуваното: штетите врз американските бази бројат милијарди

Иран нанел далеку поголема штета врз американските воени бази на Блискиот Исток отколку што досега било јавно претставено, а проценките укажуваат дека обновата ќе чини милијарди долари, објави Ен-Би-Си Њуз, повикувајќи се на информирани извори.Според информациите, ударите биле насочени кон бази во седум држави во регионот и предизвикале „широк опсег“ на оштетувања на воена опрема и инфраструктура, значително поголеми од претходно објавените.Изворите наведуваат дека биле погодени десетици цели, меѓу кои складишта, командни центри, хангарски објекти, системи за сателитска комуникација, писти, напредни радарски системи, како и десетици авиони.Особено значајно е тврдењето дека Иран, покрај ракети и беспилотни летала, користел и борбени авиони од типот Ф-5 при нападите, што е спротивно на претходните изјави на американските власти дека иранското воено воздухопловство не било вклучено во директни напади врз американски цели.Од Пентагон засега нема детални информации за обемот на штетата, додека Централната команда на САД одбива да даде конкретна проценка, наведува телевизиската мрежа.Во меѓувреме, дел од републиканските членови на Конгресот, неофицијално, изразиле незадоволство од високите претставници на Пентагон поради недостигот на транспарентност околу вистинските размери на штетите.Овие информации дополнително ја засилуваат неизвесноста околу реалните последици од ескалацијата на конфликтот, како и прашањата за подготвеноста и отпорноста на американската воена инфраструктура во регионот.

Свет | пред 1 седмица

1 нед.

Доналд Трамп нагло го откажа испраќањето делегација на преговори со Иран: Гледам и на трошоците

Американскиот претседател Доналд Трамп нагло го откажа испраќањето делегација на преговори со Иран во Пакистан, објаснувајќи дека одлуката е донесена поради непотребни трошоци и губење време, и јасно стави до знаење дека Вашингтон нема намера да брза кон договор.Обраќајќи се пред новинарите на Флорида, непосредно пред заминувањето за Вашингтон, Трамп истакна дека долготрајните патувања не носат конкретен резултат доколку нема јасна основа за договор.„Премногу се патува, предолго трае и прескапо е. Јас сум човек кој многу внимава на трошоците“, изјави Трамп.Тој нагласи дека ништо суштински не се променило во последните денови и дека американската страна нема намера да испраќа претставници на другиот крај од светот без конкретен план.„Нема причина луѓето да патуваат по 16 или 17 часа. Кога ќе сакаат, можат да ме повикаат. Ние ги имаме сите карти во рака“, порача претседателот.Во однос на евентуалните соговорници во Техеран, Трамп беше дециден дека тоа не е клучното прашање.„Ќе разговарам со оној кој ја води главната работа“, рече тој.Во исто време, повтори дека главниот услов на САД останува непроменет.„Целиот тој договор воопшто не е комплициран: Иран не смее да има нуклеарно оружје“, изјави Трамп.Тој откри и дека Иран испратил подобрена понуда само десет минути по објавата дека патувањето е откажано.„Ни дадоа документ кој требаше да биде подобар, а интересно е што веднаш откако го откажав патувањето, во рок од десет минути добивме нов документ кој беше многу подобар“, изјави Трамп.Сепак, и покрај тоа, претседателот нагласи дека понудата сѐ уште не ги исполнува американските очекувања.„Понудија многу, но тоа и понатаму не е доволно“, кратко додаде тој.Со ваквите изјави, Трамп практично потврди дека неговата администрација влегува во фаза на чекање, уверена дека притисокот врз Техеран ќе го принуди Иран да иницира нов круг разговори под услови диктирани од Вашингтон.

Свет | пред 1 седмица

1 нед.

Би-Би-Си: Преговорите во ќорсокак, Трамп не брза со договор

Преговорите меѓу Соединетите Американски Држави и Иран се најдоа во ќорсокак, откако американскиот претседател Доналд Трамп ненадејно го откажа испраќањето делегација во Пакистан, оставајќи ги потенцијалните директни разговори без јасна перспектива, оценува дописникот на Би-Би-Си од Северна Америка, Питер Боус.Според анализата, иако во изминатите денови постоеле очекувања дека зад сцената се водат сериозни дипломатски активности, од директни преговори, какви што имаше пред две недели, засега нема ништо. Атмосферата во Белата куќа, наведува Би-Би-Си, укажува дека администрацијата на Трамп не е подготвена за брзо постигнување договор.„Имаме сѐ време на светот“, изјави министерот за одбрана Пит Хегсет.Анализата предупредува дека ваквиот пристап може да предизвика незадоволство кај дел од традиционалните поддржувачи на Трамп, кои очекуваат конкретни резултати и јасен напредок во надворешната политика.По откажувањето на посетата на Исламабад, впечатокот е дека директните преговори во овој момент не се ни на дневен ред, што дополнително ја зголемува неизвесноста околу идните чекори во односите меѓу Вашингтон и Техеран.

Свет | пред 1 седмица

1 нед.

Вчера се ловеа возачи на мотори: Над 100 се казнети во Скопје за осум саати!

Во засилена акциска контрола спроведена во Скопје, полицијата санкционирала 105 возачи на мотоцикли, велосипеди со помошен мотор, трицикли и четирицикли, при што најголем дел од прекршоците се однесуваат на неносење заштитен шлем.Контролата била реализирана на 25 април во периодот од 12 до 20 часот на подрачјата на Центар, Аеродром, Бит Пазар и Чаир, од страна на Одделението за безбедност на патниот сообраќај при СВР Скопје.Од вкупно санкционираните, 50 возачи биле казнети за возење без кацига, 11 за управување велосипед со помошен мотор без соодветна потврда, додека еден возач бил санкциониран за управување мотоцикл со несоодветна категорија.Полицијата изрекла и една мерка за управување нерегистриран мотоцикл, осум санкции за неносење сообраќајна дозвола, една мерка за движење по несоодветна површина, како и 33 санкции за други видови прекршоци.За време на контролата, привремено бил одземен еден мотоцикл кој бил нерегистриран повеќе од шест месеци.Од Министерството за внатрешни работи информираат дека ваквите сообраќајни контроли ќе продолжат и во наредниот период.„Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, соопштија од МВР.

Скопје | пред 1 седмица

1 нед.

Макрон до Трамп: Европа може да се брани сама, тоа го покажа Кипар

Францускиот претседател Емануел Макрон испрати јасна порака до Доналд Трамп дека Европа има капацитет самостојно да се брани, повикувајќи се на неодамнешната воена поддршка за Кипар како доказ дека европските механизми функционираат и без директна улога на САД.Во изјава дадена за време на неговата посета на Грција, Макрон нагласи дека клаузулата за заемна помош од договорите на Европска Унија не е формалност, туку реален безбедносен инструмент кој веќе бил активиран.„Што се однесува до членот 42, став 7, тоа не се само зборови на хартија. Нам тоа ни е целосно јасно. Тука нема место за различни толкувања или било каква двосмисленост“, изјави Макрон.Тој ја посочи интервенцијата на неколку европски држави кои испратиле воена помош на Кипар по нападот со беспилотно летало врз британска воздухопловна база на 28 февруари, оценувајќи го тој потег како доказ дека европската одбрана може да функционира и без директна поддршка од НАТО.Макрон отиде и чекор понатаму, тврдејќи дека европската одбранбена клаузула е „посилна“ од членот 5 на НАТО, кој предвидува колективна одбрана во случај на напад врз некоја членка. Според него, сѐ понеизвесната политика на САД под водство на Трамп го довела во прашање кредибилитетот на Алијансата.„Сега се појави сомнеж во тој член, а него на маса не го ставија Европејците, туку американскиот претседател“, рече Макрон.Во меѓувреме, претседателот на Европскиот совет Антонио Кошта потврди дека Европската Унија веќе работи на конкретни механизми за примена на клаузулата за заемна помош, вклучително и подготовка на практични насоки за нејзино активирање.Грчкиот премиер Киријакос Мицотакис ја поддржа оваа позиција, оценувајќи дека испраќањето борбени авиони и поморска поддршка за Кипар претставува пресврт во безбедносната политика на Унијата.„Она што го направивме на Кипар беше пресврт“, изјави Мицотакис.Тој додаде дека е време европските земји сериозно да го сфатат овој механизам, кој досега бил во сенка на НАТО, но во новите геополитички околности добива сѐ поголемо значење.Изјавите доаѓаат во момент на засилени тензии меѓу европските сојузници и Вашингтон, особено по критиките на Трамп кон НАТО и неговото незадоволство од поддршката на Алијансата во однос на нападите врз Иран, што дополнително ги зголеми сомнежите во стабилноста на трансатлантските безбедносни гаранции.

Свет | пред 1 седмица

1 нед.

(Фото) Кој е напаѓачот од Вашингтон: наградуван наставник, брз криминално досие

Мажот кој отвори оган на гала вечерата во Вашингтон, на која присуствуваше и американскиот претседател Доналд Трамп, не одговара на вообичаениот профил на сторител на ваков напад. Станува збор за 31-годишниот Кол Томас Ален, инженер и програмер од јужна Калифорнија, кој до неодамна работел како наставник по математика и развивал видеоигри, пренесува Си-Ен-Ен.Ален живее во Торенс, мирно предградие на Лос Анџелес, а полицијата веднаш по нападот во хотелот „Вашингтон Хилтон“ го означи како единствен осомничен. Додека агентите на Тајната служба го евакуирале претседателот Трамп и останатите гости, напаѓачот бил совладан во лобито, при што било утврдено дека бил тешко вооружен.Неговата биографија, барем според јавно достапните податоци, укажува на натпросечно интелигентна и успешна личност. Работел како инструктор во компанијата „С2 Едјукејшн“, каде им помагал на ученици да се подготват за сложени испити. Во декември 2024 година бил прогласен за „наставник на месецот“, признание кое компанијата јавно го објавила на социјалните мрежи.Покрај наставничката работа, Ален бил и исклучителен студент. Дипломирал машинство на престижниот Технолошки институт во Калифорнија, а минатата година стекнал и магистерска диплома по компјутерски науки.Уште како студент бил препознаен како иноватор, откако развил систем за итно сопирање за инвалидски колички, за што добил внимание во локалните медиуми. Ништо во неговото минато не навестувало дека неколку години подоцна ќе се појави вооружен со пушка и ножеви на настан со претседателско обезбедување.Според достапните податоци, во октомври 2024 година донирал 25 долари за кампањата на демократската кандидатка Камала Харис, што е единствено јавно евидентирано политичко дејствување.Во слободното време се занимавал со програмирање и развој на видеоигри. На платформата „Стим“ ја објавил својата прва независна игра „Бордом“, а на својот профил навел дека работи на нов проект со работен наслов „Фрст Ло“.И покрај тоа што бил ценет во заедницата, сега останува отворено прашањето што довело до ваков пресврт. Ален во моментов се наоѓа под стража во болница, додека полицијата најавува дека во текот на утрешниот ден ќе ги соопшти сите детали од обвинението кое ќе биде поднесено против него.

Свет | пред 1 седмица

1 нед.

(Видео) Снимка од моментот на пукањето во салата каде беше Трамп

Американскиот претседател Доналд Трамп откри нови детали за вооружениот инцидент во Вашингтон, посочувајќи дека напаѓачот делувал решително и бил совладан благодарение на брзата реакција на Тајната служба.Во обраќање пред новинарите во Белата куќа, Трамп изјави дека напаѓачот нападнал безбедносен контролен пункт со повеќе видови оружје, но бил неутрализиран за кратко време.„Мажот нападна безбедносна контролна точка вооружен со повеќе парчиња оружје, а го совладаа неколку многу храбри припадници на Тајната служба“, изјави Трамп.Тој посочи дека напаѓачот се движел брзо и нападот го започнал од оддалеченост од околу 50 метри, што дополнително ја усложнило ситуацијата.„Знаете, нападна од оддалеченост од 50 метри, така што беше многу далеку од просторијата. Се движеше. Навистина се движеше“, рече Трамп.Според него, првичните проценки на службите укажуваат дека станува збор за таканаречен „осамен волк“, односно лице кое дејствувало самостојно, без поддршка од други лица.„Тоа беше тип кој изгледаше прилично злобно кога беше на подот“, додаде Трамп.Тој објави и снимка на својата платформа „Трут Соушл“, на која се гледа лице како трча низ безбедносниот контролен пункт, на кратко изненадувајќи го обезбедувањето, пред тие да реагираат и да го извлечат оружјето.Инцидентот предизвика сериозна безбедносна тревога, по што свечената вечера беше откажана, а сите присутни високи функционери беа евакуирани. Надлежните институции продолжуваат со истрагата за утврдување на сите околности поврзани со нападот.

Свет | пред 1 седмица

1 нед.

Трамп евакуиран по пукање на новинарска вечера во Вашингтон – едно лице повредено

Вооружен маж со пушка и ножеви упаднал во лобито на хотел во Вашингтон непосредно пред почетокот на гала вечер за новинари, на која присуствувале поранешниот американски претседател Доналд Трамп и повеќе високи државни функционери, предизвикувајќи паника и итна реакција на безбедносните служби.Агентите на Тајната служба брзо интервенирале, го совладале и го привеле напаѓачот, додека Трамп бил веднаш евакуиран од објектот и останал неповреден. За време на инцидентот, дел од присутните се засолниле под масите, а сведоци изјавиле дека слушнале истрели во близина на големата подземна сала во хотелот „Вашингтон Хилтон“, каде што се одржувал настанот.Според информациите од службите, напаѓачот отворил оган, при што бил погоден припадник на обезбедувањето. Благодарение на заштитниот панцир, неговата состојба е стабилна и не се очекуваат потешки последици.Осомничениот е идентификуван како Кол Томас Ален (31) од Калифорнија.Два часа по настанот, Трамп се обрати од Белата куќа и ја оцени ситуацијата како сериозен безбедносен инцидент, посочувајќи дека ваквите напади често се насочени кон влијателни личности.Тој додаде дека според првичните информации, напаѓачот најверојатно делувал сам.Градоначалничката на Вашингтон, Мјуриел Баузер, изјави дека во моментов нема индиции за други вмешани лица и дека нема непосредна опасност за јавноста.Сите лица под заштита на Тајната служба биле евакуирани, меѓу кои и потпретседателот Џеј-Ди Венс, министерот за одбрана Пит Хегсет и државниот секретар Марко Рубио.Државниот обвинител Тод Бланш најави поднесување обвиненија против осомничениот, додека директорот на Федералното истражно биро потврди дека се врши анализа на оружјето и чаурите пронајдени на местото на настанот, со цел да се утврдат сите околности поврзани со нападот.

Свет | пред 1 седмица

1 нед.

Сончево и променливо време со температури до 28 степени

Сончево со мала до умерена локална облачност се очекува во текот на денот, соопштува Управата за хидрометеоролошки работи. Ќе дува слаб до умерен, а во источните делови повремено засилен ветер од северен правец.Минималната температура ќе се движи од 3 до 10 степени, додека максималната ќе достигне од 19 до 28 степени.Во Скопје се очекува променливо облачно време со сончеви периоди. Ќе дува умерен северен ветер, а температурата ќе се движи од минимални 8 до максимални 26 степени.

Македонија | пред 1 седмица

1 нед.

Лажна дојава за бомба во „Сити Мол“ во Скопје, полицијата утврди дека заканата е неоснована

Лажна е дојавата за наводно поставени експлозивни направи во трговскиот центар „Сити Мол“ во Скопје, соопшти Министерството за внатрешни работи.Денеска, 25 април 2026 година, на електронската адреса на МВР пристигнала порака со закана дека во објектот се поставени бомби. Веднаш по пријавата, полициски службеници презеле мерки и извршиле проверка во и околу трговскиот центар.По деталните активности на терен, утврдено е дека станува збор за лажна дојава и дека не постои никаква експлозивна закана. Од МВР нагласуваат дека случајот се расчистува и се преземаат понатамошни мерки за идентификување на испраќачот на пораката.

Скопје | пред 1 седмица

1 нед.

Би-Би-Си анализа: Преговорите се заглавени, улогата на Пакистан како посредник сѐ потешка

Денот во Исламабад беше обележан со постојани пресврти, пишува во својата анализа дописничката на Би-Би-Си од Пакистан, Кери Дејвис.По заминувањето на иранскиот министер за надворешни работи, Абас Арагчи, и откажувањето на доаѓањето на американската делегација, се отвора клучното прашање што следи понатаму.Во анализата се наведува дека во моментов има многу шпекулации за тоа што точно било разговарано меѓу иранските и пакистанските претставници. Според наводите, американскиот претседател Доналд Трамп го продолжил примирјето за да ѝ даде време на Иран да подготви единствен предлог, па се смета дека Техеран за време на посетата на Пакистан ги предал своите барања, иако тоа засега не може да се потврди.Според Би-Би-Си, она што е јасно е дека целиот процес за доведување на двете страни на преговарачка маса станува сè покомплициран и полн со несогласувања. Пакистан се обидел да се позиционира како мост меѓу страните и да го одржи дијалогот, но по денешните случувања таа улога изгледа сè понеизвесна.

Свет | пред 1 седмица

1 нед.

(Видео) (Видео)Тензично во Земун: Бибер спреј, напади, давена девојка, граѓаните се самоорганизираат а полиција нема

Тензична атмосфера во Земун откако членови на Српската напредна странка поставија штандови на влезот од главната улица, предизвикувајќи брза реакција од граѓаните. Десетици луѓе кои дојдоа да изразат поддршка за студентите и незадоволство од присуството на партиските активисти.Инцидентите не изостанаа. Актерот Драган Гаги Јовановиќ беше испрскан со бибер-спреј откако се обидел да разговара со присутните од СНС и да праша зошто се таму. Според неговото сведоштво, ситуацијата брзо ескалирала, а обидите да пријави што се случува останале без одговор.Набрзо потоа, ситуацијата дополнително се вжешти кога приврзаничка на СНС физички нападна девојка. Снимки објавени на социјалните мрежи покажуваат како постара жена ја дави девојката, додека присутните повикуваат полиција – која, според сведоштвата, не се појавила.Во отсуство на институционална реакција, граѓаните сами интервенираа за да ја заштитат нападнатата девојка, по што избувна жесток вербален судир.

Свет | пред 1 седмица

1 нед.

Добро, лошо и најлошо: Ова се трите сценарија за летото во Европа

Летен хаос за европските авиокомпании: Скапи билети и можни откажувања на летови поради кризата на Блискиот ИстокЕвропските авиокомпании и патниците се подготвуваат за турбулентно лето, дури и ако војната на Блискиот Исток заврши веднаш. Цените на авионските билети се очекува да останат високи, а профитот на превозниците под силен притисок поради нарушувањата во снабдувањето со гориво од земјите од Персискиот Залив преку Ормускиот Теснец.Европската Унија не произведува доволно авионско гориво за сопствените потреби, а нејзините рафинерии можат да покријат најмногу 70 проценти од побарувачката. Секој подолг прекин на танкерскиот сообраќај низ теснецот би можел да доведе до сериозен недостиг на гориво токму пред врвот на туристичката сезона.Дури и ако конфликтот брзо заврши и теснецот повторно се отвори, кризата нема веднаш да се реши бидејќи на танкерите би им требало повеќе од еден месец за да стигнат до Европа. Од IATA предупредуваат дека ќе бидат потребни уште неколку месеци снабдувањето да се врати во нормала.Тоа значи дека билетите веројатно ќе останат скапи во текот на летото, иако би можеле да се избегнат масовни откажувања на летови.Според аналитичарите, најверојатен исход е делумно смирување на конфликтот со повремен транспорт низ теснецот. Во таков случај, цените на горивото би останале високи, а снабдувањето несигурно. Тоа би можело да значи откажување на помалку профитабилни линии, намалување на регионалните летови, поскапи билети и помалку промотивни понуди.Lufthansa веќе најави укинување на 20.000 летови во следните месеци за да ја намали потрошувачката на гориво, а и други авиокомпании најавуваат дека зголемените трошоци ќе ги префрлат врз патниците.Ако кризата трае цело лето, европските резерви на авионско гориво би можеле да паднат под минималното оперативно ниво. Тоа би значело ограничување на побарувачката, сериозни откажувања и можни рестрикции на летови низ Европа и Азија.Европската комисија засега го отфрла најцрното сценарио, но веќе подготвува кризен план. Еврокомесарот за транспорт Апостолос Цицикостас предупреди дека земјите можеби ќе мора да ги делат своите итни резерви на гориво.Експертите предупредуваат дека нискобуџетните превозници би можеле да бидат најпогодени, бидејќи нивниот модел зависи од евтино гориво, голем број летови и патници чувствителни на цена. Ова лето патувањето со авион низ Европа може да биде поскапо, поретко и понеизвесно од вообичаено.

Свет | пред 1 седмица

1 нед.

Иранскиот шеф на дипломатијата пристигна во Оман: Допрва ќе се види дали Америка е сериозна

Иранскиот министер за надворешни работи, Абас Арагчи, пристигна во Мускат, главниот град на Оман, соопшти неговиот кабинет.Арагчи во Оман допатува од Исламабад по завршувањето на разговорите со пакистанските претставници.На социјалната мрежа X, Арагчи ја опиша посетата на Пакистан како многу плодна.Тој наведе дека го претставил иранскиот став за изводлива рамка за траен прекин на војната, но додаде дека допрва треба да се види дали САД навистина се сериозни кога станува збор за дипломатијата.

Свет | пред 1 седмица

1 нед.

(Видео) Евакуиран „Сити мол”, стигнала дојава дека е поставена бомба: пред трговскиот има полиција и Брза помош

Посетители и вработени во трговскиот центар “Сити мол” се евакуирани по дојава за поставена бомба. Пред раскрсницата има и полициско обезбедување. “Денеска (25.04.2026) на електронска адреса на Министерството за внатрешни работи е добиена порака со закана дека во трговскиот центар „city mall“ во Скопје се поставени експлозивни направи. Полициски службеници преземаат мерки и вршат проверки во трговските центри”, велат од МВР за Скопје1.Ова е втор викенд по ред како се евакуира трговски центри. Претходниот викенд евакулирани беа Ист гејт и Дајмонд мол. Детали се очекувааат од МВР.

Настани | пред 1 седмица