Најнови вести

1 нед.

Дел од меѓународните летови повторно активирани во Техеран

Меѓународниот аеродром „Имам Хомеини“ во Техеран утрово повторно воспостави дел од меѓународните летови, по речиси двомесечен прекин предизвикан од воениот конфликт со САД и Израел.Според иранските медиуми, првите летови се реализирани кон неколку дестинации на Блискиот Исток, меѓу кои Медина во Саудиска Арабија, Мускат во Оман и Истанбул во Турција.Воздушниот простор на Иран беше во најголем дел затворен од 28 февруари, кога започна конфликтот, а патничкиот авионски сообраќај беше речиси целосно суспендиран.Обновувањето на летовите доаѓа по условното двонеделно примирје договорено на 8 април со посредство на Пакистан. Американскиот претседател Доналд Трамп на 21 април најави дека примирјето ќе биде продолжено додека Иран не излезе со конкретен предлог за преговори.Иранските власти засега не соопштуваат кога целосно ќе се нормализира воздушниот сообраќај, но ова се смета за прв чекор кон постепено отворање на небото и стабилизација на транспортот.

Свет | пред 1 седмица

1 нед.

Објавена набавка за 100 нови амбулантни возила вредна 461 милион денари

Министерството за здравство објави јавна набавка за 100 нови амбулантни возила со надградена медицинска опрема, кои ќе бидат распределени во јавните здравствени установи низ државата, соопшти министерот за здравство Азир Алиу.Инвестицијата е вредна 461.250.000 денари, а во тек е законскиот рок за поднесување понуди од заинтересираните компании.Според министерот Алиу, новите возила ќе придонесат за значително подобрување на капацитетот на здравствениот систем за одговор при итни состојби.„Набавката на 100 нови амбулантни возила значително ќе го унапреди капацитетот на здравствениот систем за одговор при итни состојби и ќе овозможи побрза и поефикасна интервенција со брз и навремен транспорт на пациенти до соодветните здравствени установи“, изјави Алиу.Тој посочи дека возилата ќе бидат опремени со современа медицинска опрема, а нивната распределба ќе овозможи подобра покриеност на територијата, со посебен акцент на руралните средини.Оваа набавка е дел од поширок процес на модернизација на итната медицинска помош и јакнење на здравствениот систем, со цел обезбедување побрз и поефикасен одговор во кризни ситуации.

Македонија | пред 1 седмица

1 нед.

Филипче е под контрола на Заев, СДС блокира закони за ЕУ, вели ВМРО-ДПМНЕ

ВМРО-ДПМНЕ обвини дека претседателот на СДСМ, Венко Филипче, делува под влијание на поранешниот лидер Зоран Заев и дека партијата наместо да нуди решенија, ги блокира клучните закони поврзани со европската агенда.Според владејачката партија, Заев и понатаму има влијание врз СДСМ, што, како што наведуваат, се потврдило со неговото присуство на партискиот роденден.„Венко Филипче додека глуми патриот и формален лидер на СДС, Зоран Заев ја контролира СДС и е главниот газда“, се наведува во соопштението.Од ВМРО-ДПМНЕ тврдат дека СДС нема стратегија ниту за внатрепартиско функционирање, ниту за управување со државни процеси, и дека делува исклучиво по насоки на Заев.Партијата обвинува дека СДС во Собранието ги кочи законите поврзани со европските интеграции, со што, како што велат, директно се загрозува европскиот пат на државата.„Раководството на СДС избрано од Заев ги кочи законите поврзани со ЕУ агендата само поради една цел – да течат бизнисите на кланот Заеви“, наведуваат од ВМРО-ДПМНЕ.Во соопштението се посочува и дека СДС се противи на повеќе законски решенија предложени од власта, меѓу кои и укинувањето на техничката влада, како и иницијативите поврзани со условите за пратениците.Од ВМРО-ДПМНЕ оценуваат дека ваквиот пристап претставува „незрел политички потег“ и дека Филипче користи уцени и ултиматуми наместо конструктивен дијалог.„Сè додека Филипче слепо го следи Заев и неговите интереси покажува само дека не нуди решенија и напредок, туку СДС избира блокади и конфронтации“, се додава во реакцијата.Партијата предупредува дека ваквото делување може да доведе до дополнителен пад на СДСМ и штета за државните интереси.

Македонија | пред 1 седмица

1 нед.

Филипче: Груевски избега, но овие нема да избегаат

Претседателот на СДСМ, Венко Филипче, изјави дека за разлика од поранешниот премиер Никола Груевски кој избега од правдата, актуелните функционери нема да можат да го направат истото и ќе мора да одговараат за евентуалните злоупотреби.„Никола Груевски, можеби избега, ама јас ви кажувам дека овие сега нема да избегаат. Секој треба да понесе одговорност за сè што правел. Ама не може овој систем, како што вака го контролира премиерот, било кој граѓанин да очекува правда и неселективност“, изјави Филипче во емисијата „Трилинг“.Тој оцени дека актуелниот систем не обезбедува правична и независна правда поради, како што рече, силното политичко влијание врз институциите.Филипче нагласи дека нема суштинска разлика меѓу владеењето на ВМРО-ДПМНЕ во времето на Никола Груевски и сегашната политика на премиерот Христијан Мицкоски.

Македонија | пред 1 седмица

1 нед.

Швајцарија итно бара работници: вработување „веднаш“, плати до 140.000 евра годишно - но и животни трошоци што не простуваат

Швајцарија во последните години сè поинтензивно привлекува работници од странство, поттикната од комбинација на високи примања и стабилен пазар на труд. Интересот дополнително расте поради оценките дека во повеќе сектори работа може да се најде релативно брзо, особено таму каде што недостигот од кадар веќе станува хроничен.Според податоци што се пренесуваат во текстот на српски „Телеграф“, просечната годишна бруто-плата за полно работно време изнесува околу 78.000 швајцарски франци, односно приближно 83.000 евра. Во области каде што доминира висока стручност — финансии, ИТ, инженерство и медицина — заработките се значително повисоки и се движат меѓу 90.000 и 140.000 евра годишно.Најголемата побарувачка за работна сила моментално се бележи во здравството, угостителството и хотелиерството, градежништвото, транспортот и логистиката. Посебно се истакнуваат профили како физички работници, ИТ-стручњаци и медицински сестри, а во дел од случаите, наведува текстот, вработувањето е можно речиси веднаш.Највисоките плати, според наведениот преглед, се концентрирани во поголемите економски центри. Цирих се издвојува како силно јадро со меѓународни компании и финансиски сектор, Луцерн се врзува со развиена технолошка сцена и стартапи, додека Женева — како дипломатско и организациско средиште — привлекува широк спектар професии поврзани со меѓународни институции и компании.Иако високите плати звучат како брз пат до подобар живот, реалноста во Швајцарија неизбежно оди со високи трошоци. Кириите, здравственото осигурување и секојдневните издатоци се поскапи отколку во голем дел од Европа, но во текстот се потенцира дека односот меѓу примања и трошоци сепак останува поволен за мнозинството вработени.Како илустрација за ценовното ниво, се наведува дека билет за кино чини околу 20 франци (21 евро), оброк во ресторан околу 25 франци (27 евра), додека месечна членарина за теретана е околу 85 франци (90 евра). За домување, пак, кирија за двособен стан во центарот на Цирих започнува од околу 2.000 франци, во Женева од 1.200, а во Базел од приближно 1.000 франци.Покрај финансискиот мотив, Швајцарија се претставува и како земја со висок степен на безбедност, уредени правила за работно време и стабилна економија — аргументи кои ја прават привлечна и за семејства и за луѓе што бараат долгорочна кариера во странство.„Најважно е добро образование. Кој е подготвен да работи, може добро да заработи“, се наведува како изјава на Матијас Естерман, Германец кој се преселил во Швајцарија пред три децении.Според текстот, работната недела најчесто трае меѓу 38,5 и 42,5 часа, а правилата за работно време и одмор се строго почитувани — уште една причина поради која оваа алпска земја останува една од најпосакуваните дестинации за работа во Европа.

Свет | пред 1 седмица

1 нед.

Никол Кидман итно заврши во болница: ѝ се слошило на снимање по тешка сцена во ринг

Австралиската актерка Никол Кидман била итно хоспитализирана откако ѝ се слошило за време на снимање на серијата Margo’s Got Money Troubles, во која има физички многу напорни сцени поврзани со професионално борење.Според сведочењето на нејзиниот колега Ник Оферман, снимањето на клучната сцена се одвивало на 22 април, кога екипата подготвувала комплексна кореографија во ринг, со каскадери и тренинг-тим. Тој раскажал дека утрото пристигнала информација дека Кидман има грип и дека постои можност воопшто да не дојде на снимањето, што би ја довело во прашање целата продукциска агенда за тој ден.„Беше толку бледа и се тресеше. Имаше навистина тежок грип“, ја опишал Оферман, нагласувајќи дека сепак дошла на сет и ја завршила обврската.Во серијата Кидман ја толкува Лејс, професионална борачка, додека Оферман го игра нејзиниот противник Џинкс, па за снимањето биле потребни реални физички движења и контакти, внимателно координирани со тимот. По завршувањето на сцената, актерката, според неговите зборови, била веднаш пренесена во болница, каде што примила инфузија.„Вака се станува Никол Кидман — така што се појавуваш за твојата серија да не изгуби ни минута од твојата вредност“, изјавил Оферман, додавајќи дека гестот бил „неверојатен“ и „великодушен“.Во истиот контекст се наведува и дека Кидман претходно изјавила оти имала страв да не се повреди при влегувањето во ринг, но дека, кога еднаш ќе почне со задача, целосно се фокусира на изведбата и настојува да биде максимално внимателна.

Магазин | пред 1 седмица

1 нед.

Иран погуби маж обвинет за шпионажа за Израел

Иран погуби маж обвинет за шпионажа во корист на израелската разузнавачка служба Мосад, објави полуслужбената агенција Тасним.Според наводите, станува збор за Ерфан Кијани, кој бил означен како „платен насилник на Мосад“ и обвинет дека учествувал во уништување и палење јавен и приватен имот, како и во ширење страв и паника во градот Исфахан за време на протестите годинава.Иранските власти тврдат дека Кијани користел и мачета при извршување на делата за кои бил обвинет.Погубувањето било извршено рано утринава, откако Врховниот суд ја потврдил смртната казна и по спроведени, како што наведуваат, законски процедури.Случајот доаѓа во време кога меѓународни организации за човекови права повторно алармираат дека во Иран често се изрекуваат пресуди по затворени судења, без можност обвинетите да имаат соодветна одбрана.Во изминатиот период, во земјата се регистрирани повеќе егзекуции на лица обвинети за шпионажа, но и на учесници во протести и лица поврзани со опозициски групи во егзил.

Свет | пред 1 седмица

1 нед.

Трамп: Иран подготвува понуда, ќе видиме што нудат

Американскиот претседател Доналд Трамп соопшти дека Иран подготвува понуда поврзана со тековните преговори, но дека сè уште нема конкретни информации за нејзината содржина.Во изјава за агенцијата Ројтерс, Трамп рече дека од Техеран „се подготвува понуда“ и додаде дека останува да се види што точно ќе биде предложено.„Иран дава понуда и ќе видиме“, изјави Трамп, без да навлегува во детали.Тој посочи дека неговиот тим веќе комуницира со претставници кои во моментов имаат влијание во Иран, но не прецизираше за кои функционери станува збор.Според него, Иран покажува интерес за разговори и разгледува можност за постигнување договор, при што се очекува понудата да биде насочена кон исполнување на американските барања.Преговорите меѓу двете страни се одвиваат во сложени околности, со посредници и без директна потврда за формални средби, додека меѓународната јавност внимателно ги следи сигналите за евентуален напредок.

Свет | пред 1 седмица

1 нед.

Макрон предупредува: Европа мора да се разбуди – САД, Русија и Кина се против нас

Европа мора да ги засили напорите за заштита на сопствените интереси, бидејќи САД, Русија и Кина се сè поотворено поставени спротивно на европските позиции, предупреди францускиот претседател Емануел Макрон.Во разговор со грчкиот премиер Киријакос Мицотакис во Атина, Макрон оцени дека Европа се наоѓа во „единствен момент“ во кој трите големи сили настапуваат спротивставено кон европските интереси.„Не смееме да потцениме дека ова е момент во кој американскиот, рускиот и кинескиот претседател се против Европејците. Ова е вистински момент да се разбудиме“, изјави Макрон.Тој повика европските држави да покажат поголема самодоверба и да креираат сопствена стратегија, наместо да зависат од надворешни актери.Макрон истакна дека напнатостите со САД не се привремени и дека ќе продолжат и по мандатот на актуелниот претседател Доналд Трамп, оценувајќи дека станува збор за подлабок историски тренд.„Можеме да соработуваме со САД по одредени прашања, но ваквиот пристап ќе потрае“, нагласи тој.Францускиот претседател додаде дека Европа во минатото го гледала првиот мандат на Трамп како исклучок, но дека сега е јасно оти мора да се преземат конкретни чекори за зајакнување на европската позиција.Паралелно со политичките пораки, Франција и Грција најавија обновување на билатералниот безбедносен договор, кој предвидува меѓусебна одбрана и продлабочена соработка.Станува збор за ажурирање на договорот од 2021 година, со кој Грција се обврза на набавка на француски воени бродови во вредност од најмалку три милијарди евра, а новата верзија ќе биде продолжена за дополнителни пет години со можност за автоматско продолжување.Очекувањата се соработката да се прошири и во области како надворешна политика, цивилна заштита и економија, како дел од пошироките напори за зајакнување на европската автономија.

Свет | пред 1 седмица

1 нед.

Драматичен пример како вештачката интелигенција може да го урне бизнис моделот на една компанија

Само неколку години по врвот од 14,5 милијарди долари, американската платформа за учење Чег денес вреди околу 115 милиони долари, што претставува пад од речиси 99 проценти – драматичен пример како вештачката интелигенција може да го урне бизнис моделот на една компанија.Клучниот пресврт се случи со појавата на ЧетГПТ на крајот на 2022 година. За само неколку месеци, бесплатниот АИ алат почна директно да го заменува она што Чег го наплаќаше – решени задачи, објаснувања и помош за учење.Додека Чег наплатуваше месечна претплата од речиси 20 долари, новите алатки им понудија на студентите побрза, пофлексибилна и често поквалитетна услуга – без надомест. Со тоа, десетгодишната предност што компанијата ја градела преку база на решени задачи практично исчезна преку ноќ.Падот беше брз и брутален. До 2025 година, бројот на претплатници се намали за 31 процент, на 3,2 милиони, додека приходите паднаа за 30 проценти. Дополнително, посетеноста на платформата од неплатени корисници се намали за 37 проценти.Компанијата направи и две клучни грешки кои го забрзаа колапсот. Првата беше обидот да развие сопствен АИ алат – ЧегМејт – во соработка со ОпенАИ, но корисниците немаа интерес да плаќаат за верзија која веќе постои бесплатно.Втората грешка дојде од зависноста од Гугл. Со воведувањето на АИ-генерирани одговори директно во пребарувачот, исчезна главниот извор на нови корисници. Наместо да кликнуваат на линкови, студентите одговорите ги добиваа веднаш на страницата од пребарувањето.Како последица, Чег отпушти стотици вработени, затвори канцеларии и започна агресивно кратење на трошоците. Само во 2025 година, повеќе од половина од персоналот беше отпуштен.И покрај обидите за стабилизација, вклучително и откуп на сопствени акции и планови за заштеди, компанијата се соочува со сериозни сомнежи за својата иднина. Главниот проблем останува непроменет – услугата што ја продава Чег денес постои бесплатно и во подобра форма.Случајот со Чег станува првиот голем пример во реално време како генеративната вештачка интелигенција може не само да трансформира индустрија, туку и целосно да ја избрише.

Свет | пред 1 седмица

1 нед.

Уште малку недостасува: „Фала ви што правите да живее мама Ивана“ - потресна порака од жената за се собираат средства за лекување

ДОНИРАЈ ТУКА!Доктор Ненад Лазаров објави дека Ивана ги поздравува сите хумани граѓани од болница, каде денеска ѝ се поставуваат сонди до бубрезите како подготовка за патувањето кое е планирано за наредната недела.Во јавноста беше споделено и писмо од нејзината 7-годишна ќерка, која упати емотивен повик за помош.„Од дното на срцето ви благодарам на сите добри луѓе што донираат и ни даваат надеж! Вашата помош значи живот за мојата мама… значи уште еден ден, уште една шанса да биде покрај мене. Сега ни е најтешко… ова е нашата последна шанса да продолжи лекувањето во Турција. Ве молам, помогнете ни уште еднаш да ѝ дадеме надеж… да ѝ дадеме живот“, стои во пораката.Од семејството информираат дека не се далеку од потребната сума, но дека е неопходна уште една мобилизација на јавноста за кампањата да биде затворена навреме.Ивана, мајка на мало дете, веќе подолг период се бори со тешката болест, а единствената надеж за продолжување на лекувањето е специјализиран третман во странство.Апелот останува отворен – секој што е во можност може да донира и да помогне во оваа борба за живот.

Македонија | пред 1 седмица

1 нед.

Нелегалниот ботокс им донесе притвор на шест осомничени, а куќен на четворица

Основниот кривичен суд одреди притвор за шест лица, куќен притвор за четири и мерки на претпазливост за девет осомничени во рамки на големата полициско-обвинителска акција за организиран криминал поврзан со нелегален увоз и дистрибуција на медицински препарати.Од судот информираат дека од вкупно 11 предлози за определување мерка притвор, обвинителството по сослушувањето на осомничените за две лица го преиначило барањето во куќен притвор. Судот прифатил едно од тие барања, додека за второто лице наместо куќен притвор изрекол мерки на претпазливост.За преостанатите девет лица за кои бил побаран притвор, судот уважил шест предлози, а за тројца наместо притвор определил куќен притвор.Со ова, вкупниот биланс од постапката е: шест лица во ефективен притвор, четири во куќен притвор и девет со мерки на претпазливост.Акцијата, која беше спроведена на 23 април од Одделот за сузбивање на организиран и сериозен криминал при МВР, под раководство на обвинител од ОЈО ГОКК, опфати повеќе градови – Скопје, Струмица и Битола, каде беа извршени претреси и приведени 14 лица.Според истрагата, осомничените делувале како организирани криминални групи кои набавувале и дистрибуирале нелегални медицински препарати – ботокс, филери и други помагала – без одобрение од надлежните институции, без декларации и без контрола.Во текот на претресите биле пронајдени и одземени значителни количини медицински средства, 39.285 евра, 2.490 швајцарски франци, 26.000 денари, луксузно возило „Порше“, мобилни телефони, парфеми и други предмети.Обвинителството поднесе кривични пријави против 19 физички и шест правни лица за дела како злосторничко здружување, повреда на права од индустриска сопственост, неовластена употреба на туѓа фирма и примање поткуп.Истрагата покажува дека групите набавувале фалсификувани медицински препарати од Србија, Кореја и Турција, кои нелегално биле внесувани во државата, а потоа складирани, дистрибуирани и користени при естетски зафати, со што, според надлежните, била создадена опасност по здравјето на граѓаните.Во предметот е опфатен и царински службеник кој се сомничи дека примил поткуп за да овозможи влез на нелегалната стока без соодветна контрола.Постапката продолжува, а обвинителството најавува дополнителни дејствија за целосно расчистување на случајот.

Македонија | пред 1 седмица

1 нед.

(Видео) Арко – тивкиот бисер покрај езерото Гарда: град меѓу Алпите и медитеранскиот здив

Во северна Италија, таму каде што Алпите го допираат сјајот на езерото Гарда, се наоѓа Арко – мал град што сè почесто се споменува како мирна, автентична алтернатива на пренатрупаните туристички точки. Наместо масовен туризам и брза динамика, Арко нуди поспоро темпо, локален пулс и чувство дека местото сè уште им припаѓа на жителите.Сместен во долината Сарка, на само неколку километри од северниот дел на Гарда, градот е опкружен со карпи, маслинови насади и планински пејзажи. Токму таа необична мешавина – алпска рамка со медитерански призвук – му дава препознатлив карактер и блага клима што го прави привлечен во текот на целата година.]За разлика од популарните места по брегот на езерото, Арко не ја носи тежината на гужвите. Иако е добро познат меѓу љубителите на природата и активниот одмор, секојдневието таму останува приземјено: мали плоштади, кафулиња со локална атмосфера и семејни ресторани, без агресивна туристичка инфраструктура што често го менува лицето на големите дестинации.Старата градска јадка се развива во полукружен облик околу карпа на која се издига средновековниот замок Кастело ди Арко. Тесните улички, историските палати и локалната архитектура создаваат чувство на континуитет – како да се шета низ тивка хроника од камен и сенки, без претерана комерцијализација.Арко е препознатлив и како „град на спортското качување“, а воедно е одлична појдовна точка за велосипедизам, пешачење и планинарење. Повеќе од 100 километри патеки и близината на езерото овозможуваат одмор што комбинира движење и природа, но без метежот типичен за најпосетените зони.Со тоа, Арко се наметнува како пример за дестинација што умее да ја задржи рамнотежата: доволно позната за да биде достапна и интересна, а доволно тивка за да остане своја. За патниците што бараат Италија со повеќе воздух, повеќе локален вкус и помалку бучава – Арко е токму таа нежна, неочекувана пауза.

Свет | пред 1 седмица

1 нед.

Етна ги збунува научниците: Ново откритие за најактивниот вулкан во Европа

Етна, најактивниот вулкан во Европа, повторно го привлече вниманието на научниците откако нова студија открива неочекуван механизам зад нејзината постојана активност, кој не се вклопува во досегашните геолошки модели.Овој масивен стратовулкан на Сицилија, стар повеќе од половина милион години и висок околу 3.400 метри, е познат по честите ерупции, но и по необичниот состав на лавата што ја исфрла. За разлика од повеќето стратовулкани, Етна исфрла алкална лава во големи количини, што долго време претставуваше мистерија за научната јавност.Според новата студија, проблемот лежи во тоа што ниту еден од трите класични механизми за формирање вулкани – раздвојување на тектонски плочи, субдукција или „жешки точки“ – не може целосно да го објасни однесувањето на Етна.Иако се наоѓа над зона на субдукција, каде африканската плоча тоне под евроазиската, хемискиот состав на нејзината лава повеќе наликува на вулкани од „жешки точки“, каде што нема регистрирано таква геолошка појава.Анализата на лавата во период од 500.000 години покажала изненадувачка стабилност во составот, што упатува дека Етна не се снабдува со „свежа“ магма, туку со веќе постоечка, складирана длабоко во Земјината кора.Научниците предлагаат таканаречена теорија на „исцедена сунѓереста магма“, според која магмата заробена на длабочина од околу 80 километри постепено се турка нагоре низ пукнатините во кората, слично како вода што се цеди од сунѓер.Овој процес го поврзуваат со ретка категорија вулкани позната како „petit-spot“, откриена дури во 2006 година, која досега била карактеристична за мали подморски вулкани – а не за гигант како Етна.Токму тука лежи најголемото изненадување: механизмот што создава мали вулкански структури, според оваа студија, може да стои зад еден од најголемите и најактивни вулкани во Европа.Откритието е важно не само од научен аспект, туку и за подобро предвидување на ризиците, имајќи предвид дека стотици илјади луѓе живеат во близина на Етна, особено во градовите Катанија и Месина.

Свет | пред 1 седмица

1 нед.

Филипче: ВМРО-ДПМНЕ управува со државата по стариот модел

Претседателот на СДСМ, Венко Филипче, оцени дека нема суштинска разлика меѓу поранешниот премиер Никола Груевски и актуелниот премиер Христијан Мицкоски, обвинувајќи дека станува збор за „иста организирана криминална група“ со идентичен модел на владеење.Гостувајќи во емисијата „Трилинг“ на телевизија 24, Филипче изјави дека, според него, политиките и пристапот на ВМРО-ДПМНЕ денес се директно продолжение на практиките од времето на Груевски.„Истата парадигма што тогаш се користеше под раководство на Никола Груевски, сега ја спроведува Христијан Мицкоски. Нема разлика – тоа е иста организирана криминална група“, рече Филипче.Тој обвини дека власта го „зграпчила буџетот“ и го користи за, како што наведе, доделување тендери на компании блиски до партијата, наместо за интересите на граѓаните.Филипче се осврна и на правосудниот систем, оценувајќи дека постои политички притисок и контрола, слична на онаа од минатото.„Кога премиерот јавно кажува кои судии и обвинители се добри, а кои не, тоа е директен притисок врз правосудството. Тоа се автократски манири“, изјави лидерот на СДСМ.Тој додаде дека ваквиот пристап ја нарушува довербата во институциите и го демотивира професионалниот кадар во судството.„Потребни се реформи во системот и промена на пристапот на луѓето на врвот на власта. Само така може да се врати довербата во правдата“, заклучи Филипче.

Свет | пред 1 седмица

1 нед.

Јаневска најави нов скандал: „Следува уште покрупна неправилност што ќе ја шокира јавноста“

Министерката за образование и наука, Весна Јаневска, најави дека многу скоро јавноста ќе биде запознаена со уште една, како што рече, „многу покрупна неправилност“, која ќе ја изненади целата македонска јавност, по скандалот со незаконските уписи на Филозофскиот факултет при УКИМ.Јаневска посочи дека неправилности има во одредени институции, но не во сите, и дека за нив ќе се постапува согласно закон, додека одговорноста – дали е кај администрацијата, раководството или евентуално и кај студенти – ќе ја утврдат надлежните органи.Скандалот на Филозофскиот факултет се однесува на периодот од 2019 година, кога биле запишувани студенти на едногодишни магистерски и докторски студии, иако претходно завршиле тригодишни стручни, а не академски студии. Станува збор за седум лица на магистерски и четворица на докторски студии, чии уписи, по одлука на Државниот просветен инспекторат, се поништени и им е прекинато студирањето.Досега никој од запишаните не докторирал, додека осуммина магистрирале, за кои сè уште нема одлука дали нивните дипломи ќе бидат признати.Министерката информираше дека извештајот на ДПИ го добила доцна синоќа и дека во текот на викендот ќе биде анализиран, по што во понеделник ќе следуваат конкретни одлуки.„Министерството и Инспекторатот немаат избор – мора да постапуваат по закон. Го разбирам револтот на студентите, но постојат други институции каде тие ќе ги бараат своите права“, изјави Јаневска.Таа додаде дека при уписите требало да се провери дали студентите ги исполнуваат условите, нагласувајќи дека законот за втор и трет циклус студии бил прекршен.Во меѓувреме, ректорката на УКИМ, Биљана Ангелова, изјави дека станува збор за состојба затекната од претходното раководство, од периодот 2019–2022 година, и дека Универзитетот ќе излезе со официјален став по завршување на целокупната постапка.„Мора да се почека конечниот извештај и да се постапи согласно него. Потоа ќе информираме за исходот“, рече Ангелова.Таа не ја исклучи можноста за решавање на дел од случаите преку нови акредитации или презапишување на студентите, но нагласи дека законската рамка мора строго да се почитува.Во меѓувреме, УКИМ влегува и во изборен процес за нов ректор, каде Ангелова ќе се кандидира за втор мандат, а нејзин противкандидат е професорот Дарко Данев. Изборите се закажани за 28 април.

Македонија | пред 1 седмица

1 нед.

Трамп ѝ се закани на Британија со „големи царини“ поради данокот за дигитални услуги

Претседателот на САД, Доналд Трамп, упати остро предупредување до Велика Британија дека Вашингтон може да воведе „големи царини“ доколку владата во Лондон не го укине данокот за дигитални услуги (DST), кој се однесува на приходите што големите технолошки компании ги остваруваат на британскиот пазар.Во изјава за „Телеграф“, Трамп посочи дека мерката би била одговор на британскиот данок од 2% за приходи од социјални мрежи, пребарувачи и онлајн пазари – сегменти во кои доминираат најголемите американски технолошки фирми. Според него, станува збор за данок кој несразмерно ги погодува компаниите од САД и, како што порача, нивниот третман е „неприфатлив“.„Лесно можеме да го решиме тоа со царини ако данокот не биде укинат“, порача Трамп.Британските власти, пак, досега го бранеа DST како инструмент што треба да обезбеди дигиталните компании да плаќаат данок сразмерно со обемот на бизнис што го прават во земјата. Во исто време, данокот се смета за значаен извор на приходи за буџетот, со стотици милиони евра годишно и забележан раст на наплатата во последните години.Трамп дополнително оцени дека односите меѓу двете држави би можеле да се подобрат ако британската влада промени пристап и кон имиграциската политика и други спорни прашања, навестувајќи дека економската тема може да се претвори во поширок политички притисок.Заканата за царини доаѓа во чувствителен момент за трговските релации меѓу традиционалните сојузници, каде дигиталното оданочување сè почесто станува поле на судир меѓу националните фискални интереси и притисокот од големите економии што ги штитат своите корпорации.

Свет | пред 1 седмица

1 нед.

Кинеска фирма лансираше нов AI модел, конкуренција на OpenAI

Кинескиот стартап DeepSeek претстави нова генерација на својот водечки модел за вештачка интелигенција, означена како серија V4, со амбиција да ја заостри трката со американските конкуренти во врвниот сегмент на генеративната ВИ.Компанијата ги прикажа моделите V4 Flash и V4 Pro, најавувајќи напредок во програмирање, резонирање и т.н. „агентски“ задачи. Како клучна новина се истакнува поддршка за контекст до еден милион токени, што овозможува анализа на обемни бази на код или долги документи во рамки на едно барање, со оптимизации во архитектурата и изведбата.DeepSeek наведува дека V4 Pro моментално е ограничено достапен поради недостиг од сметачки ресурси.Во соопштениот преглед на резултати, компанијата тврди дека новиот систем во поединечни тестови успева да ги надмине и модели од класата на најнапредните решенија на пазарот, вклучително и модели на OpenAI. Истовремено, DeepSeek признава дека во целина сè уште заостанува неколку месеци зад најсовремените решенија, што ја прави оваа најава повеќе сигнал за динамиката на развојот отколку конечен пресврт во лидерството.Стратегијата, според компанијата, не е само во зголемување на перформансите, туку и во драстично намалување на трошоците за развој – пристап што може да ја смени логиката на инвестициите и да ја засили ценовната и технолошката конкуренција на глобално ниво.DeepSeek претходно привлече силно внимание со моделот R1, претставен во јануари минатата година, за кој тврдеше дека нуди споредливи перформанси со најнапредните системи, но со значително пониски трошоци – најава што тогаш предизвика и чувствителни реакции на пазарот на акции во американскиот технолошки сектор.

Магазин | пред 1 седмица

1 нед.

Москва удри по Вашингтон: „Ова е колонијален пристап, не дипломатија“

Рускиот министер за надворешни работи Сергеј Лавров ги обвини Соединетите Американски Држави дека ги напушаат меѓународните дипломатски норми и се обидуваат да воспостават доминација, особено врз глобалните енергетски пазари.Во интервју за руската државна телевизија, Лавров изјави дека политиките на Вашингтон, особено во односите со Латинска Америка и Блискиот Исток, „нè враќаат во време кога меѓународното право практично не постоело“.Тој оцени дека САД се водат исклучиво од сопствените интереси и се подготвени да ги бранат „со сите средства“, вклучително и државни удари, киднапирања или ликвидации на лидери на земји богати со природни ресурси.Лавров директно посочи дека зад американската политика стои енергетски интерес, наведувајќи ги Венецуела и Иран како примери каде, според него, клучна е контролата врз нафтата.Дополнително, тој обвини дека САД ја оттурнуваат Европската унија од рускиот енергетски пазар, преку притисоци за напуштање на гасоводот „Северен тек“ и намалување на зависноста од руски гас.„Ова не е пристап кон меѓународните односи. Ова е обид за враќање во колонијалната ера“, изјави Лавров, оценувајќи дека ваквата политика е водена од „ароганција и презир кон другите“.Тој додаде дека дури и во контекст на војната во Украина, САД ја користат ситуацијата за економски придобивки, додека Русија, како што рече, се оттурнува од глобалните енергетски пазари.Москва, според Лавров, е подготвена за соработка, но само ако нејзините интереси се почитуваат.

Свет | пред 1 седмица

1 нед.

Руски дрон падна во Романија: За првпат оштетен имот на НАТО територија

Делови од руски дрон се пронајдени во југоисточниот дел на Романија, во градот Галац, по ноќен напад врз соседна Украина, при што биле оштетени електричен столб и помошен објект во близина на куќа, соопшти романското Министерство за одбрана.Во инцидентот нема повредени, но ова е првпат да биде предизвикана материјална штета на романска територија, иако и претходно фрагменти од дронови паѓале во земјата.Романија, која е членка на НАТО и Европската унија, има 650 километри долга граница со Украина и веќе повеќепати регистрирала нарушување на воздушниот простор од руски дронови, особено при нападите врз украинските пристаништа долж реката Дунав.Од Министерството за одбрана остро ги осудија, како што наведуваат, „неодговорните постапки“ на Русија, оценувајќи дека тие претставуваат сериозен предизвик за регионалната безбедност и стабилност во Црноморскиот регион.„Овие инциденти покажуваат непочитување на меѓународното право и не ја загрозуваат само безбедноста на романските граѓани, туку и колективната безбедност на НАТО“, се наведува во соопштението.Во текот на нападот биле подигнати два борбени авиони „Еурофајтер Тајфун“, како дел од британската мисија за воздушен надзор во Романија, додека жителите на соседната област Тулчеа биле предупредени да побараат засолниште.Напнатоста на источниот фронт на Европа дополнително расте во последните месеци, откако повеќе земји од НАТО пријавија нарушувања на нивниот воздушен простор од сомнителни руски дронови.Романските власти најавуваат и засилување на одбраната, со интеграција на американски систем за борба против дронови базиран на вештачка интелигенција, кој треба да биде оперативен во наредните денови и ќе се користи за заштита долж Дунав.

Свет | пред 1 седмица

1 нед.

Од нуклеарна катастрофа до воена закана: Чернобил и понатаму опасност за Европа

Украина в недела ќе ја одбележи 40-годишнината од најголемата цивилна нуклеарна катастрофа во историјата – несреќата во Чернобил, во момент кога самата електрана повторно е во фокусот на ризици поради војната, што отвора стравувања од ново ослободување на радиоактивни материи.Катастрофата засекогаш ја промени перцепцијата за нуклеарната енергија и поттикна силни антинуклеарни движења низ Европа.Денес, Чернобил повторно е симбол на ризик. Руските сили ја окупираа електраната на почетокот на инвазијата во 2022 година, што предизвика глобална загриженост дека воени активности би можеле да доведат до нова нуклеарна несреќа. Иако се повлекоа по еден месец, заканата останува.Оштетениот реактор е покриен со таканаречен „саркофаг“ и дополнителен заштитен метален објект поставен во периодот 2016–2017 година. Но, тој бил оштетен во 2025 година по удар од дрон, а според „Гринпис“, не е целосно обновен, што го зголемува ризикот од истекување на радијација.Областа околу електраната останува зона на исклучување со радиус од 30 километри, каде животот е невозможен. Илјадници квадратни километри се трајно контаминирани, а според проценките, регионот нема да биде безбеден за живеење во следните 24.000 години.Градот Припјат, некогаш дом на 48.000 жители, денес е напуштен и претставува морничав потсетник на катастрофата – распаднати згради, напуштени училници и заборавен забавен парк, замрзнат во времето.

Свет | пред 1 седмица

1 нед.

Финансиски пресврт во мај: овие четири хороскопски знаци, според астролозите, влегуваат во период на поголема заработка

Мај, според астролошките толкувања, носи поизразен финансиски пресврт и чувство на стабилизација по „бурниот“ април. Се нагласува дека енергијата на периодот повеќе оди во насока на конкретни резултати, трпелива работа и разумни потези, наместо импулсивни ризици, а посебно се издвојуваат четири знаци на кои им се припишуваат најсилни позитивни поместувања во парите и работата.Во фокусот е потребата од промислени одлуки, преговори и барање на она што реално ви припаѓа – било преку покачување, нов деловен договор или исплата на стар долг. Според астролозите, токму таквата „земјена“ логика на мај им оди во прилог на оние што веќе поставиле цврсти темели и не отстапиле од дисциплината.Како најизразено финансиски „поткрепени“ во мај се наведуваат следниве знаци:Бик – период на долго очекувана стабилност и чувство на контрола, со навестувања дека проектите на кои се работело тивко почнуваат да носат посериозни приходи. Се потенцира важноста да се постават појасни услови и да не се прифаќаат компромиси што ја потценуваат сопствената вредност.Лав – „пробив“ преку видливост и признание за талентот, со можни награди како покачување, бонус или водечка улога во значаен проект. Астролошкиот совет е да се истапи со самодоверба, затоа што токму препознавањето од „вистинските луѓе“ го отвора патот.Шкорпија – добивка преку инстинкт за добра прилика и пари што можат да пристигнат и од неочекуван правец: бонус, профитабилен договор или дополнителна работа што конечно се исплатува. Се нагласува и „ослободување“ од стари стравови и модели на оскудица.Јарец – потврда дека дисциплината и напорната работа даваат резултат, со награди што може да се појават како унапредување, раст на бизнисот или постабилен пораст на приходите. Тезата е дека парите што доаѓаат се заслужени, а не случајни.Иако ваквите предвидувања се дел од забавната астролошка рубрика, пораката е јасна: мај се опишува како месец во кој најмногу се наградуваат трпението, реалните планови и подготвеноста да се преговара за подобри услови – особено за Бик, Лав, Шкорпија и Јарец.

Магазин | пред 1 седмица

1 нед.

(Видео) Пекол во Џорџија: Над 120 куќи уништени, евакуации во тек

Над 120 куќи се уништени, а илјадници остануваат загрозени во разорните шумски пожари што беснеат во југоисточниот дел на САД, особено во сојузната држава Џорџија, каде властите водат битка со огнената стихија која сè уште не е ставена под контрола.Според информациите, еден од најголемите пожари во округот Брантли уништил најмалку 87 куќи, што се смета за најголема материјална штета од еден пожар во историјата на оваа држава. Дополнителни 35 домови изгореле во друг голем пожар што зафатил области блиску до границата со Флорида.Истражителите се сомневаат дека пожарот во Брантли бил предизвикан од фолиран балон кој, носен од ветерот, дошол во контакт со електрични водови, предизвикувајќи краток спој и искра што ја запалила сувата вегетација. Вториот голем пожар, пак, најверојатно избувнал при заварување на врата на приватен имот.Пожарите се шират со огромна брзина поради комбинација од екстремна суша, силни ветрови и голема количина суво дрвје, останато по ураганот Хелена во 2024 година. Во Џорџија, огнот зафатил површина од над 129 квадратни километри, а само 15 проценти од еден од пожарите е ставен под контрола.Властите издале наредба за евакуација на околу 4000 домови, додека пожарникарите се борат со повеќе од 150 активни пожари низ Џорџија и Флорида. Димот веќе предизвикува предупредувања за квалитетот на воздухот и во подалечни области.Иако засега нема жртви во Џорџија, трагедија се случи во Флорида, каде доброволен пожарникар починал откако колабирал за време на гаснење пожар.Гувернерот Брајан Кемп предупреди дека пожарите во моментов не можат целосно да се изгаснат, туку само да се ограничуваат, додавајќи дека ќе бидат потребни обилни врнежи за ситуацијата да се стави под контрола. Според проценките, потребни се меѓу 200 и 250 милиметри дожд за целосно гаснење, додека прогнозите најавуваат сушен период до јули.Пожарникарите во меѓувреме се фокусираат на заштита на домовите, расчистување на сувата вегетација и создавање противпожарни коридори, додека граѓаните кои останале без своите домови сведочат дека изгубиле сè, но се благодарни што успеале да се спасат.

Свет | пред 1 седмица

1 нед.

Хаос при апсење во Чаир: Група луѓе застанала на пат на полицијата, па тие пукале во воздух

Вистинска драма се одвивала вчера попладне во скопската општина Чаир, каде тројца полициски службеници биле спречени да приведат осомничено лице, по што биле принудени да испукаат предупредувачки куршуми во воздух.Според информациите од Министерството за внатрешни работи, инцидентот се случил на 23 април околу 18:45 часот, кога полицајците преземале службени дејствија за приведување на лице барано поради сомнение за сторено кривично дело.Во тој момент, како што наведуваат од МВР, група од десетина лица се вмешала и активно ги спречувала полициските службеници во извршување на задачата.„Бидејќи лицата се оглушувале на наредбите, од страна на полициските службеници во воздух се испукани предупредувачки куршуми“, информираат од полицијата.Од МВР додаваат дека се преземаат мерки за целосно расчистување на случајот и утврдување на сите околности.

Скопје | пред 1 седмица

1 нед.

44954278_1480792018717983_2307963765280210944_n

Ако одите на Водно, жичницата не работи

Жичницата на Водно нема да биде во функција во текот на викендот, односно денеска и во недела, на 25 и 26 април 2026 година, информира ЈСП Скопје.Прекинот, како што соопштуваат од претпријатието, е поради дополнителни технички проверки што ќе ги спроведуваат стручни тимови од австриската компанија „Допелмаер“.Од ЈСП Скопје им се заблагодаруваат на граѓаните за разбирањето и апелираат да го почитуваат известувањето.

Скопје | пред 1 седмица