Најнови вести

1 нед.

Стојаноски: Предложените измени на Законот за минерални суровини не се никаква закана за животната средина, напротив сите постојни механизми за нејзина заштита остануваат целосно на сила

Пратеникот на ВМРО-ДПМНЕ, Бојан Стојаноски, изјави дека предложените измени на Законот за минерални суровини не претставуваат дерегулација ниту намалување на заштитата на животната средина, туку ограничени и прецизно дефинирани измени насочени кон јавни претпријатија и ресурси од јавен интерес.Според него, измените се однесуваат исклучиво на субјекти врз кои државата има директна или индиректна контрола, како и на енергетски минерали и други ресурси со стратешко значење.Стојаноски посочи дека со измените се воведува дополнителна контрола од страна на Владата, која ќе дава претходна согласност при доделување концесии за детални геолошки истражувања за одредени минерални суровини од јавен интерес.Тој нагласи и дека во постапката за добивање дозвола за експлоатација ќе може да се користи одлука за поведување постапка за експропријација, но само за проекти од јавен интерес.„Не се укинуваат имотно-правните односи, туку се овозможува поефикасно усогласување на постапките за стратешки државни проекти“, истакна Стојаноски.Според него, измените имаат цел да ги отстранат административните пречки и да овозможат побрза реализација на проекти, особено во енергетскиот сектор, без намалување на стандардите.Тој потенцираше дека остануваат во сила сите обврски за студии за влијание врз животната средина, инспекциски контроли, како и правилата за управување со отпад и води.Стојаноски оцени дека со измените не се отвора простор за неконтролирано доделување концесии на приватни субјекти, туку напротив – се зајакнува улогата на државата во управувањето со природните ресурси од стратешко значење.

Македонија | пред 1 седмица

1 нед.

Се бара притвор за скопјанецот осомничен дека силувал дете на возраст од 13 години

Основното јавно обвинителство Скопје донесе Наредба за спроведување истражна постапка против скопјанец поради основано сомнение дека сторил кривично дело – Силување на дете кое не наполнило 15 години, казниво по член 188 став 1 од Кривичниот законик.Осомничениот, на 15 април, извршил обљуба врз 13-годишно девојче, кое исто така го фотографирал.Надлежен јавен обвинител презема истражни дејствија за обезбедување докази, а поради околностите кои укажуваат ризик од бегство, можност за влијание врз жртвата и други лица, како и можност за повторување на делото, обвинителството достави предлог за определување мерка притвор за осомничениот 58-годишник.

Скопје | пред 1 седмица

1 нед.

Берлин се подготвува за Ормутскиот теснец: Германија најави предвремено распоредување на морнарицата во Медитеранот

Германија планира однапред да распореди дел од своите поморски сили во Средоземното Море, со цел да може брзо да се вклучи во можна меѓународна мисија за обезбедување на пловидбата во Ормускиот Теснец, изјави германскиот министер за одбрана Борис Писториус.Тој нагласи дека евентуално распоредување во Ормускиот Теснец е можно само со мандат од Бундестагот, но дека испраќањето одредени единици во Медитеранот однапред треба да спречи „губење време“ доколку парламентот даде зелено светло.Писториус посочи дека сличен пристап бил применет и пред стартот на мисијата на Европската Унија „Аспидес“ во Црвеното Море, која почна во февруари 2024 година поради нападите врз трговски бродови. Според него, ваквото претходно позиционирање овозможува побрз почеток на операциите кога ќе се создадат политички и правни услови.Министерот не прецизираше кога би следело следното распоредување, но најави дека ќе бидат упатени миноловац и брод за поддршка. Тоа, како што беше наведено, би значело и намалување на ангажманот на други подрачја, во координација со партнерите.Во меѓувреме, состојбата околу Ормускиот Теснец останува чувствителна. Според наведеното, Иран практично го ограничил сообраќајот низ теснецот по нападите на САД и Израел кои започнале на 28 февруари, а и покрај прекинот на огнот, Техеран задржал контрола врз овој клучен пловен пат поради американската блокада на ирански пристаништа.Ормускиот Теснец се смета за една од најважните артерии на светската енергетика, бидејќи низ него минува значаен дел од глобалната трговија со нафта и гас. Поради тоа, секое подолго нарушување на пловидбата има директен одраз врз цените на енергенсите и врз пошироките економски движења.

Свет | пред 1 седмица

1 нед.

Алкарас паузира поради повреда на зглобот, кондициониот тренер порача: „Имаме две опции“

Шпанскиот тенисер Карлос Алкарас ќе мора да направи подолга пауза поради повреда на рачниот зглоб, а тоа ќе го чини и настап на неколку клучни турнири од пролетниот дел на сезоната.Според најавите, Алкарас ќе ги пропушти турнирите во Рим и Ролан Гарос, откако претходно веќе се повлече од Барселона и потоа од Мадрид, најавувајќи дека закрепнувањето ќе трае подолго од очекуваното.По веста за откажувањата се огласи и неговиот кондиционен тренер, Алберто Љедо Килес, кој испрати порака со јасен тон дека тимот нема намера да го гледа периодот на принудно мирување како пораз.„Тешките моменти се исто така дел од патувањето. Кога на вашиот пат ќе се појави пречка, имате две опции: да дозволите да ве собори или да ја искористите. Ние ја избравме втората опција. Овој период ќе ни овозможи да работиме на она што останува незабележано кога се натпреваруваме. Ќе се вратиме помотивирани и посилни од кога било“, напиша Љедо Килес.Засега не е прецизирано колку точно ќе трае отсуството на Алкарас од терените, но неговиот тим остава впечаток дека ќе оди на внимателен пристап, со цел да се избегне ризик од влошување или повторување на повредата.Во тековната сезона Алкарас има скор 22-3 и веќе освои две титули – на Австралија опен и во Доха. Ролан Гарос годинава е на програмата од 24 мај до 7 јуни.

Спорт | пред 1 седмица

1 нед.

Скопјанец извршил обљуба на 13 годишно девојче, па ја фотографирал - изречен е притвор

СВР Скопје поднесе кривична пријава против Ј.М. (58) од Скопје поради основано сомнение дека сторил кривично дело „силување на дете кое не наполнило 15 години“, казниво по член 188 став 1 од Кривичниот законик.„Имено, истиот на 15.04.2026 година во Скопје извршил обљуба врз 13 годишно девојче од Скопје и истиот ја фотографирал. По преземени мерки од страна на полициски службеници од Единицата за насилен криминал – Одделение за крвни и сексуални деликти при СВР Скопје, лицето е лишено од слобода и од него се одземени мобилен телефон и патничко моторно возило “мерцедес”“, велат од МВР.Од страна на судија на претходна постапка на пријавениот одредена му е мерка притвор.

Скопје | пред 1 седмица

1 нед.

Хегсет: Американската војска треба секоја година да добива Нобелова награда за мир

Американскиот министер за одбрана Пит Хегсет изјави дека американската војска е институцијата што треба секоја година да ја добива Нобеловата награда за мир, нагласувајќи дека САД се гаранција за безбедноста на глобално ниво.На прес-конференција во Пентагон, посветена на текот на операцијата „Епик Фјури“ во Иран, Хегсет истакна дека американската армија постигнала „одлучувачки воени резултати“.Тој ја образложи позицијата на администрацијата дека правилно водената војна има за цел да донесе мир.„Кога водите војна на вистински начин, идејата е на крајот да постигнете мир. Тоа е она што најмногу сакаме да го видиме“, изјави Хегсет.Во тој контекст, тој додаде дека според него, американската војска е единствената институција која заслужува редовно да ја добива Нобеловата награда за мир.„Ние сме гаранција за безбедноста и заштитата не само на нашата земја, туку и на многу луѓе ширум светот“, рече Хегсет.Изјавата доаѓа во време на зголемени критики кон американската воена интервенција во Иран, додека администрацијата настојува да ја прикаже операцијата како чекор кон стабилност и мир.

Свет | пред 1 седмица

1 нед.

Петрушевски: Филипче служејќи му на Заев го блокира европскиот пат на Македонија

Венко Филипче, служејќи му на поранешниот лидер Зоран Заев, директно го блокира патот на Македонија кон Европската Унија, обвини денеска пратеникот од ВМРО-ДПМНЕ, Бране Петрушевски.Во партиско соопштение, Петрушевски оцени дека актуелното раководство на СДСМ нема визија и стратегија за напредок на државата, туку, како што рече, продолжува со „старата матрица“ на дејствување.„Филипче очигледно доби сила откако Заев повторно се појави на Бихаќка и почна да држи прес-конференции и да се однесува како портпарол“, наведува Петрушевски.Тој додава дека СДСМ се противи на реформите и не презема ништо што би придонело за европската перспектива на земјата, обвинувајќи дека партијата делува во интерес на поединци, а не на државата.„Служејќи му на Заев, Филипче ја става партијата во служба на туѓи политички агенди и ја блокира Македонија“, се вели во реакцијата.Петрушевски посочува и дека СДСМ наместо нова енергија и визија, продолжува со политики кои, според него, значат уназадување на државата и отстапување од европскиот пат.

Македонија | пред 1 седмица

1 нед.

Скандал што ја потресе Америка: косопственичка на погребална фирма осудена на 30 години затвор за сквернавење речиси 200 тела

Косопственичка на погребното претпријатие „Повикување на природата“ во американската сојузна држава Колорадо, Кери Холфорд, е осудена на 30 години затвор поради сквернавење на речиси 200 тела и фалсификување документи, во случај што ја шокираше јавноста.Истрагата открила дека во објектот биле чувани посмртни останки во крајно несоодветни услови, при што телата биле оставани да се распаѓаат. Во меѓувреме, семејствата добивале погрешни или измешани кремирани остатоци, а во некои случаи и материјал што воопшто не бил човечка пепел.Холфорд (49) во декември признала вина по речиси 200 точки од обвинението за сквернавење на останки и една точка за фалсификување државен документ. Судот ја изрече казната во рамки од 25 до 35 години затвор.Паралелно, таа веќе била осудена на 18 години затвор на федерално ниво, со обврска да плати над еден милион долари отштета.Нејзиниот поранешен сопруг Џон Холфорд, кој исто така бил поврзан со работењето на фирмата, добил 20 години федерален затвор и 40 години според државната постапка.Случајот бил откриен во октомври 2023 година по пријава за неподнослива миризба, кога биле пронајдени најмалку 190 тела складирани непрописно. Двојката била уапсена еден месец подоцна во Оклахома, откако се обидела да избега.Објектот на погребалната фирма подоцна бил урнат и прогласен за локација со токсичен отпад. За семејствата, најголемата траума останува неизвесноста дали урните што ги добиле навистина ги содржат остатоците на нивните најблиски.

Свет | пред 1 седмица

1 нед.

247555514_648706932808887_4536265235057398963_n

Скандал со вработени во Кривичен суд: Судски полицаец и доставувач осомничени за поткуп, земале пари за „ослободителна пресуда“ во Апелација

Јавен обвинител од ОЈО ГОКК донесе наредба за спроведување истрага против две лица – судски полицаец и доставувач од Основниот кривичен суд Скопје, поради сомнение дека сториле кривично дело „примање награда за противзаконито влијание“.Според обвинителството, во периодот од август 2025 до 7 април 2026 година, осомничените примиле вкупно 500 евра и 60.000 денари од сведок, со ветување дека ќе посредуваат за да обезбедат ослободителна пресуда во повисоките судови.Сведокот, кој бил осуден на една година затвор и поднел жалба, преку сосед стапил во контакт со доставувачот, кој го упатил кај судскиот полицаец. Тој, пак, се претставил како лице со долгогодишно искуство и контакти со судии, тврдејќи дека може да влијае врз исходот на постапката.Убеден во ваквото влијание, сведокот прво предал 500 евра преку доставувачот, наводно за судија од Апелациониот суд Скопје. Во текот на 2026 година, директно на судскиот полицаец му исплатил 30.000 денари, а по потврдата на пресудата од Апелација, му дал уште 30.000 денари за наводно посредување пред Врховниот суд.Сепак, наместо ослободителна одлука, Апелациониот суд ја потврдил првостепената пресуда, по што сведокот поднел вонреден правен лек.Судот делумно го прифатил предлогот на обвинителството за мерки: на судскиот полицаец му е одреден 30-дневен притвор, додека доставувачот добил куќен притвор. Обвинителството најави жалба на оваа одлука, незадоволно од поблагата мерка за второосомничениот.

Македонија | пред 1 седмица

1 нед.

До крај на годината завршува Кичево–Охрид, следува поврзување со Бугарија, најави Николоски

Инфраструктурата е приоритет број еден на Владата и се работи интензивно на повеќе крупни проекти низ државата, изјави вицепремиерот и министер за транспорт Александар Николоски во интервју за поткаст.Тој посочи дека веќе се реализирани значајни проекти како реконструкцијата на граничниот премин Деве Баир, пуштањето во функција на обиколницата на Крива Паланка, како и експресниот пат од Крива Паланка до Страцин. Следен чекор, според него, е изградбата на делницата Страцин–Романовце со поддршка од Европската Унија во рамки на Планот за раст.Николоски нагласи дека се гради автопатската мрежа на Коридор 8, вклучително и делниците Тетово–Гостивар и Гостивар–Букојчани, додека за потегот Букојчани–Кичево е во тек постапка за избор на изведувач со Европската банка за обнова и развој. Автопатот Кичево–Охрид, како што истакна, е во завршна фаза, со 34 километри веќе пуштени во употреба, а целосно завршување се очекува до крајот на годината.Како предизвик го посочи делот Струга–Ќафасан, каде трасата ќе се усогласува со барањата на УНЕСКО, при што договор се очекува во јуни.Во делот на железничката инфраструктура, Николоски информира дека веќе е ставена во функција делницата Куманово–Бељаковце, додека се работи на продолжението до Крива Паланка. Во подготовка е и најтешката делница долга 24 километри, за која наскоро ќе биде објавен тендер за изградба, со цел конечно железничко поврзување со Бугарија.„Заеднички ќе го градиме тунелот и по многу децении ќе ги поврземе Скопје и Софија“, изјави Николоски.Тој најави и реконструкција на пругата Скопје–Кичево, како и изградба на обиколница за товарни возови околу главниот град со цел намалување на загадувањето. Паралелно се работи и на проектот „Градски воз“.Според Николоски, станува збор за мега-инвестиции вредни околу 2 милијарди евра за западната железничка врска, а заедно со проектите на Коридор 10, вкупната вредност на железничките инвестиции може да достигне до 5 милијарди евра.

Македонија | пред 1 седмица

1 нед.

Се гради казино кај гробиштата во Блаце, гробишта не се место за коцкање, вели ДУИ

ДУИ реагира по информациите за градежни активности во близина на гробиштата во Блаце, поставувајќи сериозни прашања за намената на објектот и одлуките на Владата поврзани со индустријата на игри на среќа.На прес-конференција, Имране Велиу од ДУИ изјави дека „јавноста е вознемирена од градежните работи на парцела која, според официјални податоци, се води како сопственост на компанијата 'Фламинго Казино'“. Таа посочи дека доколку се потврди дека станува збор за објект поврзан со игри на среќа, тоа ќе претставува „една од најнеодговорните и најнавредливи одлуки“ кон граѓаните.„Гробиштата не се место за казино. Тоа се места на достоинство, мир и почит. Секој обид во нивна близина да се постави индустрија на игри на среќа е тежок провокативен чин кон семејствата и кон секоја човечка норма“, изјави Велиу.Од ДУИ побараа итно да се објави вистинската намена на објектот и целокупната документација, да се запрат градежните активности до целосно разјаснување на случајот, како и да се испита како е дозволена ваква дејност во близина на гробишта.Дополнително, Велиу го отвори и прашањето за повлекувањето на законот со кој требаше да се отстранат игрите на среќа од близина на училишта и чувствителни зони, оценувајќи дека последните случувања во Блаце ја прават таа одлука уште поконтроверзна.„Граѓаните имаат право да знаат зошто Владата го повлече тој закон и кој стои зад ваквите одлуки“, порача Велиу.

Македонија | пред 1 седмица

1 нед.

Русија со масовен напад: Над 660 дронови и ракети врз Украина, има мртви

Во масовен ноќен напад врз Украина, Русија лансирала над 660 дронови и ракети, при што загинале најмалку четири лица, а повеќе од 30 се повредени, според украинските власти.Најсилно погоден бил градот Днепро на југоистокот на земјата, каде што, според регионалните власти, две тела биле извлечени од урната зграда, а се стравува дека уште лица се затрупани под рушевините. Во градот се повредени најмалку 21 лице.Жртви има и во северниот регион Чернихив, каде во нападите со дронови и ракети загинале две лица, а седум се повредени.Украинскиот претседател Володимир Зеленски изјави дека „речиси цела ноќ“ траело бомбардирањето, при што главна цел била цивилната инфраструктура.„Секој ваков напад мора да ги потсети нашите партнери дека ситуацијата бара итна и одлучна акција, особено за зајакнување на противвоздушната одбрана“, порача Зеленски.Според украинските воздухопловни сили, во нападот биле употребени 619 дронови и 47 проектили, од кои биле соборени 580 дронови и 30 ракети.Ова е еден од најмасовните напади во последниот период, во рамки на засилените руски офанзиви кои речиси секоја ноќ вклучуваат десетици дронови, а повремено и напади од голем обем со стотици летала и ракети.

Свет | пред 1 седмица

1 нед.

Дел од меѓународните летови повторно активирани во Техеран

Меѓународниот аеродром „Имам Хомеини“ во Техеран утрово повторно воспостави дел од меѓународните летови, по речиси двомесечен прекин предизвикан од воениот конфликт со САД и Израел.Според иранските медиуми, првите летови се реализирани кон неколку дестинации на Блискиот Исток, меѓу кои Медина во Саудиска Арабија, Мускат во Оман и Истанбул во Турција.Воздушниот простор на Иран беше во најголем дел затворен од 28 февруари, кога започна конфликтот, а патничкиот авионски сообраќај беше речиси целосно суспендиран.Обновувањето на летовите доаѓа по условното двонеделно примирје договорено на 8 април со посредство на Пакистан. Американскиот претседател Доналд Трамп на 21 април најави дека примирјето ќе биде продолжено додека Иран не излезе со конкретен предлог за преговори.Иранските власти засега не соопштуваат кога целосно ќе се нормализира воздушниот сообраќај, но ова се смета за прв чекор кон постепено отворање на небото и стабилизација на транспортот.

Свет | пред 1 седмица

1 нед.

Објавена набавка за 100 нови амбулантни возила вредна 461 милион денари

Министерството за здравство објави јавна набавка за 100 нови амбулантни возила со надградена медицинска опрема, кои ќе бидат распределени во јавните здравствени установи низ државата, соопшти министерот за здравство Азир Алиу.Инвестицијата е вредна 461.250.000 денари, а во тек е законскиот рок за поднесување понуди од заинтересираните компании.Според министерот Алиу, новите возила ќе придонесат за значително подобрување на капацитетот на здравствениот систем за одговор при итни состојби.„Набавката на 100 нови амбулантни возила значително ќе го унапреди капацитетот на здравствениот систем за одговор при итни состојби и ќе овозможи побрза и поефикасна интервенција со брз и навремен транспорт на пациенти до соодветните здравствени установи“, изјави Алиу.Тој посочи дека возилата ќе бидат опремени со современа медицинска опрема, а нивната распределба ќе овозможи подобра покриеност на територијата, со посебен акцент на руралните средини.Оваа набавка е дел од поширок процес на модернизација на итната медицинска помош и јакнење на здравствениот систем, со цел обезбедување побрз и поефикасен одговор во кризни ситуации.

Македонија | пред 1 седмица

1 нед.

Филипче е под контрола на Заев, СДС блокира закони за ЕУ, вели ВМРО-ДПМНЕ

ВМРО-ДПМНЕ обвини дека претседателот на СДСМ, Венко Филипче, делува под влијание на поранешниот лидер Зоран Заев и дека партијата наместо да нуди решенија, ги блокира клучните закони поврзани со европската агенда.Според владејачката партија, Заев и понатаму има влијание врз СДСМ, што, како што наведуваат, се потврдило со неговото присуство на партискиот роденден.„Венко Филипче додека глуми патриот и формален лидер на СДС, Зоран Заев ја контролира СДС и е главниот газда“, се наведува во соопштението.Од ВМРО-ДПМНЕ тврдат дека СДС нема стратегија ниту за внатрепартиско функционирање, ниту за управување со државни процеси, и дека делува исклучиво по насоки на Заев.Партијата обвинува дека СДС во Собранието ги кочи законите поврзани со европските интеграции, со што, како што велат, директно се загрозува европскиот пат на државата.„Раководството на СДС избрано од Заев ги кочи законите поврзани со ЕУ агендата само поради една цел – да течат бизнисите на кланот Заеви“, наведуваат од ВМРО-ДПМНЕ.Во соопштението се посочува и дека СДС се противи на повеќе законски решенија предложени од власта, меѓу кои и укинувањето на техничката влада, како и иницијативите поврзани со условите за пратениците.Од ВМРО-ДПМНЕ оценуваат дека ваквиот пристап претставува „незрел политички потег“ и дека Филипче користи уцени и ултиматуми наместо конструктивен дијалог.„Сè додека Филипче слепо го следи Заев и неговите интереси покажува само дека не нуди решенија и напредок, туку СДС избира блокади и конфронтации“, се додава во реакцијата.Партијата предупредува дека ваквото делување може да доведе до дополнителен пад на СДСМ и штета за државните интереси.

Македонија | пред 1 седмица

1 нед.

Филипче: Груевски избега, но овие нема да избегаат

Претседателот на СДСМ, Венко Филипче, изјави дека за разлика од поранешниот премиер Никола Груевски кој избега од правдата, актуелните функционери нема да можат да го направат истото и ќе мора да одговараат за евентуалните злоупотреби.„Никола Груевски, можеби избега, ама јас ви кажувам дека овие сега нема да избегаат. Секој треба да понесе одговорност за сè што правел. Ама не може овој систем, како што вака го контролира премиерот, било кој граѓанин да очекува правда и неселективност“, изјави Филипче во емисијата „Трилинг“.Тој оцени дека актуелниот систем не обезбедува правична и независна правда поради, како што рече, силното политичко влијание врз институциите.Филипче нагласи дека нема суштинска разлика меѓу владеењето на ВМРО-ДПМНЕ во времето на Никола Груевски и сегашната политика на премиерот Христијан Мицкоски.

Македонија | пред 1 седмица

1 нед.

Швајцарија итно бара работници: вработување „веднаш“, плати до 140.000 евра годишно - но и животни трошоци што не простуваат

Швајцарија во последните години сè поинтензивно привлекува работници од странство, поттикната од комбинација на високи примања и стабилен пазар на труд. Интересот дополнително расте поради оценките дека во повеќе сектори работа може да се најде релативно брзо, особено таму каде што недостигот од кадар веќе станува хроничен.Според податоци што се пренесуваат во текстот на српски „Телеграф“, просечната годишна бруто-плата за полно работно време изнесува околу 78.000 швајцарски франци, односно приближно 83.000 евра. Во области каде што доминира висока стручност — финансии, ИТ, инженерство и медицина — заработките се значително повисоки и се движат меѓу 90.000 и 140.000 евра годишно.Најголемата побарувачка за работна сила моментално се бележи во здравството, угостителството и хотелиерството, градежништвото, транспортот и логистиката. Посебно се истакнуваат профили како физички работници, ИТ-стручњаци и медицински сестри, а во дел од случаите, наведува текстот, вработувањето е можно речиси веднаш.Највисоките плати, според наведениот преглед, се концентрирани во поголемите економски центри. Цирих се издвојува како силно јадро со меѓународни компании и финансиски сектор, Луцерн се врзува со развиена технолошка сцена и стартапи, додека Женева — како дипломатско и организациско средиште — привлекува широк спектар професии поврзани со меѓународни институции и компании.Иако високите плати звучат како брз пат до подобар живот, реалноста во Швајцарија неизбежно оди со високи трошоци. Кириите, здравственото осигурување и секојдневните издатоци се поскапи отколку во голем дел од Европа, но во текстот се потенцира дека односот меѓу примања и трошоци сепак останува поволен за мнозинството вработени.Како илустрација за ценовното ниво, се наведува дека билет за кино чини околу 20 франци (21 евро), оброк во ресторан околу 25 франци (27 евра), додека месечна членарина за теретана е околу 85 франци (90 евра). За домување, пак, кирија за двособен стан во центарот на Цирих започнува од околу 2.000 франци, во Женева од 1.200, а во Базел од приближно 1.000 франци.Покрај финансискиот мотив, Швајцарија се претставува и како земја со висок степен на безбедност, уредени правила за работно време и стабилна економија — аргументи кои ја прават привлечна и за семејства и за луѓе што бараат долгорочна кариера во странство.„Најважно е добро образование. Кој е подготвен да работи, може добро да заработи“, се наведува како изјава на Матијас Естерман, Германец кој се преселил во Швајцарија пред три децении.Според текстот, работната недела најчесто трае меѓу 38,5 и 42,5 часа, а правилата за работно време и одмор се строго почитувани — уште една причина поради која оваа алпска земја останува една од најпосакуваните дестинации за работа во Европа.

Свет | пред 1 седмица

1 нед.

Никол Кидман итно заврши во болница: ѝ се слошило на снимање по тешка сцена во ринг

Австралиската актерка Никол Кидман била итно хоспитализирана откако ѝ се слошило за време на снимање на серијата Margo’s Got Money Troubles, во која има физички многу напорни сцени поврзани со професионално борење.Според сведочењето на нејзиниот колега Ник Оферман, снимањето на клучната сцена се одвивало на 22 април, кога екипата подготвувала комплексна кореографија во ринг, со каскадери и тренинг-тим. Тој раскажал дека утрото пристигнала информација дека Кидман има грип и дека постои можност воопшто да не дојде на снимањето, што би ја довело во прашање целата продукциска агенда за тој ден.„Беше толку бледа и се тресеше. Имаше навистина тежок грип“, ја опишал Оферман, нагласувајќи дека сепак дошла на сет и ја завршила обврската.Во серијата Кидман ја толкува Лејс, професионална борачка, додека Оферман го игра нејзиниот противник Џинкс, па за снимањето биле потребни реални физички движења и контакти, внимателно координирани со тимот. По завршувањето на сцената, актерката, според неговите зборови, била веднаш пренесена во болница, каде што примила инфузија.„Вака се станува Никол Кидман — така што се појавуваш за твојата серија да не изгуби ни минута од твојата вредност“, изјавил Оферман, додавајќи дека гестот бил „неверојатен“ и „великодушен“.Во истиот контекст се наведува и дека Кидман претходно изјавила оти имала страв да не се повреди при влегувањето во ринг, но дека, кога еднаш ќе почне со задача, целосно се фокусира на изведбата и настојува да биде максимално внимателна.

Магазин | пред 1 седмица

1 нед.

Иран погуби маж обвинет за шпионажа за Израел

Иран погуби маж обвинет за шпионажа во корист на израелската разузнавачка служба Мосад, објави полуслужбената агенција Тасним.Според наводите, станува збор за Ерфан Кијани, кој бил означен како „платен насилник на Мосад“ и обвинет дека учествувал во уништување и палење јавен и приватен имот, како и во ширење страв и паника во градот Исфахан за време на протестите годинава.Иранските власти тврдат дека Кијани користел и мачета при извршување на делата за кои бил обвинет.Погубувањето било извршено рано утринава, откако Врховниот суд ја потврдил смртната казна и по спроведени, како што наведуваат, законски процедури.Случајот доаѓа во време кога меѓународни организации за човекови права повторно алармираат дека во Иран често се изрекуваат пресуди по затворени судења, без можност обвинетите да имаат соодветна одбрана.Во изминатиот период, во земјата се регистрирани повеќе егзекуции на лица обвинети за шпионажа, но и на учесници во протести и лица поврзани со опозициски групи во егзил.

Свет | пред 1 седмица

1 нед.

Трамп: Иран подготвува понуда, ќе видиме што нудат

Американскиот претседател Доналд Трамп соопшти дека Иран подготвува понуда поврзана со тековните преговори, но дека сè уште нема конкретни информации за нејзината содржина.Во изјава за агенцијата Ројтерс, Трамп рече дека од Техеран „се подготвува понуда“ и додаде дека останува да се види што точно ќе биде предложено.„Иран дава понуда и ќе видиме“, изјави Трамп, без да навлегува во детали.Тој посочи дека неговиот тим веќе комуницира со претставници кои во моментов имаат влијание во Иран, но не прецизираше за кои функционери станува збор.Според него, Иран покажува интерес за разговори и разгледува можност за постигнување договор, при што се очекува понудата да биде насочена кон исполнување на американските барања.Преговорите меѓу двете страни се одвиваат во сложени околности, со посредници и без директна потврда за формални средби, додека меѓународната јавност внимателно ги следи сигналите за евентуален напредок.

Свет | пред 1 седмица

1 нед.

Макрон предупредува: Европа мора да се разбуди – САД, Русија и Кина се против нас

Европа мора да ги засили напорите за заштита на сопствените интереси, бидејќи САД, Русија и Кина се сè поотворено поставени спротивно на европските позиции, предупреди францускиот претседател Емануел Макрон.Во разговор со грчкиот премиер Киријакос Мицотакис во Атина, Макрон оцени дека Европа се наоѓа во „единствен момент“ во кој трите големи сили настапуваат спротивставено кон европските интереси.„Не смееме да потцениме дека ова е момент во кој американскиот, рускиот и кинескиот претседател се против Европејците. Ова е вистински момент да се разбудиме“, изјави Макрон.Тој повика европските држави да покажат поголема самодоверба и да креираат сопствена стратегија, наместо да зависат од надворешни актери.Макрон истакна дека напнатостите со САД не се привремени и дека ќе продолжат и по мандатот на актуелниот претседател Доналд Трамп, оценувајќи дека станува збор за подлабок историски тренд.„Можеме да соработуваме со САД по одредени прашања, но ваквиот пристап ќе потрае“, нагласи тој.Францускиот претседател додаде дека Европа во минатото го гледала првиот мандат на Трамп како исклучок, но дека сега е јасно оти мора да се преземат конкретни чекори за зајакнување на европската позиција.Паралелно со политичките пораки, Франција и Грција најавија обновување на билатералниот безбедносен договор, кој предвидува меѓусебна одбрана и продлабочена соработка.Станува збор за ажурирање на договорот од 2021 година, со кој Грција се обврза на набавка на француски воени бродови во вредност од најмалку три милијарди евра, а новата верзија ќе биде продолжена за дополнителни пет години со можност за автоматско продолжување.Очекувањата се соработката да се прошири и во области како надворешна политика, цивилна заштита и економија, како дел од пошироките напори за зајакнување на европската автономија.

Свет | пред 1 седмица

1 нед.

Драматичен пример како вештачката интелигенција може да го урне бизнис моделот на една компанија

Само неколку години по врвот од 14,5 милијарди долари, американската платформа за учење Чег денес вреди околу 115 милиони долари, што претставува пад од речиси 99 проценти – драматичен пример како вештачката интелигенција може да го урне бизнис моделот на една компанија.Клучниот пресврт се случи со појавата на ЧетГПТ на крајот на 2022 година. За само неколку месеци, бесплатниот АИ алат почна директно да го заменува она што Чег го наплаќаше – решени задачи, објаснувања и помош за учење.Додека Чег наплатуваше месечна претплата од речиси 20 долари, новите алатки им понудија на студентите побрза, пофлексибилна и често поквалитетна услуга – без надомест. Со тоа, десетгодишната предност што компанијата ја градела преку база на решени задачи практично исчезна преку ноќ.Падот беше брз и брутален. До 2025 година, бројот на претплатници се намали за 31 процент, на 3,2 милиони, додека приходите паднаа за 30 проценти. Дополнително, посетеноста на платформата од неплатени корисници се намали за 37 проценти.Компанијата направи и две клучни грешки кои го забрзаа колапсот. Првата беше обидот да развие сопствен АИ алат – ЧегМејт – во соработка со ОпенАИ, но корисниците немаа интерес да плаќаат за верзија која веќе постои бесплатно.Втората грешка дојде од зависноста од Гугл. Со воведувањето на АИ-генерирани одговори директно во пребарувачот, исчезна главниот извор на нови корисници. Наместо да кликнуваат на линкови, студентите одговорите ги добиваа веднаш на страницата од пребарувањето.Како последица, Чег отпушти стотици вработени, затвори канцеларии и започна агресивно кратење на трошоците. Само во 2025 година, повеќе од половина од персоналот беше отпуштен.И покрај обидите за стабилизација, вклучително и откуп на сопствени акции и планови за заштеди, компанијата се соочува со сериозни сомнежи за својата иднина. Главниот проблем останува непроменет – услугата што ја продава Чег денес постои бесплатно и во подобра форма.Случајот со Чег станува првиот голем пример во реално време како генеративната вештачка интелигенција може не само да трансформира индустрија, туку и целосно да ја избрише.

Свет | пред 1 седмица

1 нед.

Уште малку недостасува: „Фала ви што правите да живее мама Ивана“ - потресна порака од жената за се собираат средства за лекување

ДОНИРАЈ ТУКА!Доктор Ненад Лазаров објави дека Ивана ги поздравува сите хумани граѓани од болница, каде денеска ѝ се поставуваат сонди до бубрезите како подготовка за патувањето кое е планирано за наредната недела.Во јавноста беше споделено и писмо од нејзината 7-годишна ќерка, која упати емотивен повик за помош.„Од дното на срцето ви благодарам на сите добри луѓе што донираат и ни даваат надеж! Вашата помош значи живот за мојата мама… значи уште еден ден, уште една шанса да биде покрај мене. Сега ни е најтешко… ова е нашата последна шанса да продолжи лекувањето во Турција. Ве молам, помогнете ни уште еднаш да ѝ дадеме надеж… да ѝ дадеме живот“, стои во пораката.Од семејството информираат дека не се далеку од потребната сума, но дека е неопходна уште една мобилизација на јавноста за кампањата да биде затворена навреме.Ивана, мајка на мало дете, веќе подолг период се бори со тешката болест, а единствената надеж за продолжување на лекувањето е специјализиран третман во странство.Апелот останува отворен – секој што е во можност може да донира и да помогне во оваа борба за живот.

Македонија | пред 1 седмица

1 нед.

Нелегалниот ботокс им донесе притвор на шест осомничени, а куќен на четворица

Основниот кривичен суд одреди притвор за шест лица, куќен притвор за четири и мерки на претпазливост за девет осомничени во рамки на големата полициско-обвинителска акција за организиран криминал поврзан со нелегален увоз и дистрибуција на медицински препарати.Од судот информираат дека од вкупно 11 предлози за определување мерка притвор, обвинителството по сослушувањето на осомничените за две лица го преиначило барањето во куќен притвор. Судот прифатил едно од тие барања, додека за второто лице наместо куќен притвор изрекол мерки на претпазливост.За преостанатите девет лица за кои бил побаран притвор, судот уважил шест предлози, а за тројца наместо притвор определил куќен притвор.Со ова, вкупниот биланс од постапката е: шест лица во ефективен притвор, четири во куќен притвор и девет со мерки на претпазливост.Акцијата, која беше спроведена на 23 април од Одделот за сузбивање на организиран и сериозен криминал при МВР, под раководство на обвинител од ОЈО ГОКК, опфати повеќе градови – Скопје, Струмица и Битола, каде беа извршени претреси и приведени 14 лица.Според истрагата, осомничените делувале како организирани криминални групи кои набавувале и дистрибуирале нелегални медицински препарати – ботокс, филери и други помагала – без одобрение од надлежните институции, без декларации и без контрола.Во текот на претресите биле пронајдени и одземени значителни количини медицински средства, 39.285 евра, 2.490 швајцарски франци, 26.000 денари, луксузно возило „Порше“, мобилни телефони, парфеми и други предмети.Обвинителството поднесе кривични пријави против 19 физички и шест правни лица за дела како злосторничко здружување, повреда на права од индустриска сопственост, неовластена употреба на туѓа фирма и примање поткуп.Истрагата покажува дека групите набавувале фалсификувани медицински препарати од Србија, Кореја и Турција, кои нелегално биле внесувани во државата, а потоа складирани, дистрибуирани и користени при естетски зафати, со што, според надлежните, била создадена опасност по здравјето на граѓаните.Во предметот е опфатен и царински службеник кој се сомничи дека примил поткуп за да овозможи влез на нелегалната стока без соодветна контрола.Постапката продолжува, а обвинителството најавува дополнителни дејствија за целосно расчистување на случајот.

Македонија | пред 1 седмица

1 нед.

(Видео) Арко – тивкиот бисер покрај езерото Гарда: град меѓу Алпите и медитеранскиот здив

Во северна Италија, таму каде што Алпите го допираат сјајот на езерото Гарда, се наоѓа Арко – мал град што сè почесто се споменува како мирна, автентична алтернатива на пренатрупаните туристички точки. Наместо масовен туризам и брза динамика, Арко нуди поспоро темпо, локален пулс и чувство дека местото сè уште им припаѓа на жителите.Сместен во долината Сарка, на само неколку километри од северниот дел на Гарда, градот е опкружен со карпи, маслинови насади и планински пејзажи. Токму таа необична мешавина – алпска рамка со медитерански призвук – му дава препознатлив карактер и блага клима што го прави привлечен во текот на целата година.]За разлика од популарните места по брегот на езерото, Арко не ја носи тежината на гужвите. Иако е добро познат меѓу љубителите на природата и активниот одмор, секојдневието таму останува приземјено: мали плоштади, кафулиња со локална атмосфера и семејни ресторани, без агресивна туристичка инфраструктура што често го менува лицето на големите дестинации.Старата градска јадка се развива во полукружен облик околу карпа на која се издига средновековниот замок Кастело ди Арко. Тесните улички, историските палати и локалната архитектура создаваат чувство на континуитет – како да се шета низ тивка хроника од камен и сенки, без претерана комерцијализација.Арко е препознатлив и како „град на спортското качување“, а воедно е одлична појдовна точка за велосипедизам, пешачење и планинарење. Повеќе од 100 километри патеки и близината на езерото овозможуваат одмор што комбинира движење и природа, но без метежот типичен за најпосетените зони.Со тоа, Арко се наметнува како пример за дестинација што умее да ја задржи рамнотежата: доволно позната за да биде достапна и интересна, а доволно тивка за да остане своја. За патниците што бараат Италија со повеќе воздух, повеќе локален вкус и помалку бучава – Арко е токму таа нежна, неочекувана пауза.

Свет | пред 1 седмица