Најнови вести

2 нед.

Русија го запира извозот на казахстанска нафта кон Германија

Русија ќе го запре извозот на казахстанска нафта за Германија преку нафтоводот „Дружба“ од 1 мај, повикувајќи се на извори запознаени со одлуката.Според три извори кои зборувале под услов на анонимност, новиот прилагоден распоред за извоз веќе им бил доставен на Казахстан и Германија. Потегот доаѓа во период на влошени политички и економски односи меѓу Москва и Берлин поради војната во Украина, која Германија ја поддржува.Руското Министерство за енергетика не одговорило на барањата за коментар.Германија во 2022 година ги стави локалните подружници на најголемиот руски нафтен производител „Роснефт“ под државен надзор, со што значително ги промени долгогодишните енергетски врски со Русија.Во 2025 година, извозот на казахстанска нафта за Германија преку „Дружба“ изнесувал околу 2,146 милиони метрички тони, односно приближно 43 илјади барели дневно, што претставува зголемување од 44 отсто во споредба со 2024 година.Казахстан ја снабдува Германија преку северниот крак на нафтоводот што поминува низ Полска, но испораките во повеќе наврати биле прекинувани поради напади со беспилотни летала врз делови од инфраструктурата на руска територија.Рафинеријата PCK во германскиот град Шведт, една од најголемите во земјата, делумно се снабдува со казахстанска сурова нафта преку овој систем, откако испораките на руска нафта беа прекинати по почетокот на конфликтот меѓу Москва и Киев во 2022 година.

Свет | пред 2 седмици

2 нед.

(Видео) Закани со смрт во Српскиот парламент кон опозицијата, власта аплаудира

Тешки зборови и шокантни закани ја одбележаа седницата во Собрание на Србија, откако шефот на пратеничката група на Српска напредна странка, Миленко Јованов, упати директни закани кон опозицискиот пратеник Милош Парандиловиќ.Во атмосфера на тензии и жестоки вербални судири, Јованов од говорницата му порача на Парандиловиќ дека „ќе му дојдат дома да наплатат долг“, дополнувајќи со зборови што многумина ги оценија како отворена закана по живот. „За сето зло што го предизвикуваш ти и гамадта околу тебе – ти ќе одговараш. А пази кога поминуваш пруга, да не ти се случи нешто“, изјави Јованов.Оваа изјава предизвика дополнителен шок во салата, но наместо осуда – следеше громогласен аплауз од пратениците на владејачкото мнозинство, што уште повеќе ја вжешти атмосферата и отвори прашања за политичката култура и безбедноста на избраните претставници.

Настани | пред 2 седмици

2 нед.

Откриено што имало на иранскиот брод што го претресоа американските сили

Американските сили во неделата се качиле на иранскиот контејнерски брод „Touska“ и го заплениле во Оманскиот залив, поради сомневање дека превезувал опрема што може да има воена примена.Техеран остро го осуди инцидентот, нарекувајќи го „незаконски чин“ и „вооружен грабеж“, додека Вашингтон тврди дека бродот ја прекршил американската блокада и дека моментално се проверува неговиот товар.Бродот, кој плови под иранско знаме и припаѓа на групацијата Islamic Republic of Iran Shipping Lines (IRISL), која е под американски санкции, бил пресретнат во близина на иранското пристаниште Чабахар. Според податоци за следење на пловилата, последната позиција ја пријавил во неделата.Американската Централна команда (CENTCOM) соопшти дека екипажот шест часа игнорирал повеќекратни предупредувања и дека пловилото ја прекршило воспоставената американска блокада. Безбедносни извори наведуваат дека првичните процени укажуваат на можен товар од стока со двојна намена, односно материјали кои можат да се користат и во цивилни и во воени цели, меѓу кои метали, цевки и електронски компоненти.Иранското Министерство за надворешни работи соопшти дека американските сили извршиле напад врз цивилен брод во близина на иранскиот брег и побара итно ослободување на пловилото и екипажот. Техеран оцени дека станува збор за кршење на меѓународното право и предупреди дека Вашингтон ќе сноси одговорност за секоја понатамошна ескалација.Иранските воени власти го нарекоа инцидентот „вооружен грабеж“, наведувајќи дека бродот пловел од Кина кон Иран. Истовремено порачаа дека се подготвени да реагираат на, како што ја нарекоа, очигледната агресија, но дека биле ограничени поради присуството на членови од семејствата на екипажот на бродот.Вашингтон уште во 2019 година воведе санкции врз IRISL, обвинувајќи ја за транспорт на опрема поврзана со иранската ракетна програма. Според податоци за следење, бродот претходно бил забележан во кинески пристаништа, а во април товарел контејнери и во Малезија.Кина изрази загриженост поради пресретнувањето на бродот, повикувајќи на почитување на договорите за примирје и меѓународното право. Од друга страна, американскиот претседател Доналд Трамп изјави дека бродот е под санкции поради „историја на нелегални активности“ и дека американските сили го проверуваат неговиот товар.Во меѓувреме, американската морнарица ја прошири поморската блокада кон Иран, наведувајќи дека сите пловила за кои постои сомнеж дека превезуваат шверцувана стока, вклучително оружје и муниција, ќе бидат подложни на контрола според воени правила.

Свет | пред 2 седмици

2 нед.

Се потврдија нашите тези дека Заев е стопанот, а Филипче чиракот, тоа е лошо за СДС која не се менува, вели Манасиевски

Членот на Централниот комитет на ВМРО-ДПМНЕ, Валентин Манасиевски, изјави дека присуството на поранешниот премиер Зоран Заев на годишнината на СДСМ, според него, ги потврдува нивните тврдења за влијанието во партијата.„Со присуството на Заев се потврдија нашите тези дека тој е стопанот, а Венко Филипче е чиракот во СДС“, изјави Манасиевски, одговарајќи на прашање за настанот.Тој додаде дека, доколку СДС сака да се реформира и да се позиционира како главна опозиција, треба да се дистанцира од поранешното раководство.„Ако продолжат по истите овие стапки – тоа е многу лошо за СДС, кој нема намера да се промени“, рече Манасиевски.

Македонија | пред 2 седмици

2 нед.

Семејно насилство во Тетово: маж се обидел да ја исфрли сопругата од домот заканувајќи и се со остар предмет

Сопруга пријавила закани со остар предмет, по што тетовец бил лишен од слобода, информираа од СВР Тетово.Станува збор за В.А. (32) од Тетово, кој бил приведен на 20 април околу 23:30 часот на улицата „Киро Ристовски Дрнц“, откако неговата 30-годишна сопруга пријавила дека претходниот ден околу 18 часот ѝ се заканувал со остар предмет и се обидел да ја исфрли од домот.Осомничениот е задржан во полициска станица, а по целосно документирање на случајот ќе следува соодветна пријава.

Македонија | пред 2 седмици

2 нед.

„Младите да не заминуваат“ – Филипче бара меритократија и фер систем

Претседателот на СДСМ, Венко Филипче, порача дека државата мора да се гради на систем, институции и еднакви можности, наместо на, како што рече, „еден човек или деспот“.Во гостување во Сител, Филипче истакна дека клучот за задржување на младите е меритократијата и фер третманот, без партиски влијанија.„Систем, можности за младите, меритократија, а недискриминација по партиска основа да знаат дека тука имаат иднина луѓето. Не да си бараат карти во еден правец и да заминуваат од државата“, изјави Филипче.Тој оцени дека довербата во институциите, особено во судството, може да се врати единствено преку системски пристап и европски стандарди.„Нема никако поинаку да се врати довербата во судството. Не со еден човек, лидер или монарх, со систем“, рече Филипче, додавајќи дека, според него, обвинителството треба да се ослободи од политички притисоци.Во интервјуто упати и критики кон власта, оценувајќи дека постои „брутална партизација и злоупотреба на институциите“, како и недостиг од реална грижа за граѓаните.

Македонија | пред 2 седмици

2 нед.

СДС работи за српската опозиција, Заев и Башановиќ зад сцената, вели Манасиевски

Членот на Централниот комитет на ВМРО-ДПМНЕ, Валентин Манасиевски, обвини дека генералниот секретар на СДСМ, Александар Саша Димитријевиќ, заедно со партијата се ставиле „на услуга на српската опозиција“, оценувајќи дека поради тоа СДС станува маргинална партија во Македонија.Манасиевски тврди дека Димитријевиќ остварил средба со Бранко Ружиќ, поранешен министер за образование во Србија, кој, според него, дошол во Македонија со цел да се формира заеднички опозициски фронт и соработка со СДС.„Димитријевиќ и СДС се ставија на услуга на српската опозиција... поради лични интереси на Зоран Заев и Зоран Башановиќ“, наведува Манасиевски, посочувајќи ги Зоран Заев и Зоран Башановиќ како, како што вели, клучни во оваа „приказна“.Тој дополнително постави и низа прашања до Димитријевиќ, поврзани со наводната средба во Скопје, вклучително и детали околу присуството на други политички претставници од Србија.„Зошто СДС се става на располагање на опозиција во друга држава, а не се фокусира на македонската политичка сцена?“, праша Манасиевски, додавајќи дека очекуваат конкретни одговори „а не празни флоскули“.Тој најави дека на утрешна прес-конференција ќе биде објавено и името на, како што рече, уште еден функционер од Србија кој учествувал во овие активности.

Македонија | пред 2 седмици

2 нед.

Малолетничка нападната во училиште, уште два случаи на насилство во Тетово

Малолетничка пријави физички напад во тетовско средно училиште, а полицијата истовремено работи и на уште два случаи на насилство во градот, информираа од СВР Тетово.Според пријавата, на 20 април во 17:55 часот, 16-годишна ученичка, во присуство на нејзината мајка Ф.Д. (47), пријавила дека за време на голем одмор, по кратка расправија, била физички нападната од друга ученичка од истото училиште. Се преземаат мерки за расчистување на случајот.Претходно, истиот ден во 11:30 часот, 33-годишна жена од Тетово пријавила дека вечерта претходно, околу 21 часот, по вербална расправија, била физички нападната од нејзиниот сопруг Е.Ц..Во трет случај, во 15:40 часот, И.М. (36) од Тетово пријавил дека околу 14:30 часот, во неговата работна просторија на улицата „29 Ноември“, бил физички нападнат од неговиот сосед А.У..Од полицијата информираат дека се преземаат мерки за целосно документирање и расчистување на сите случаи.

Македонија | пред 2 седмици

2 нед.

Со 3,16 промили алкохол правел неред пред зграда во Тетово: полицијата го приведе откако бил агресивен кон соседите

Пијан маж агресивно се однесувал пред зграда во Тетово, по што бил приведен од полицијата, информираа од МВР.Станува збор за Р.Ѓ. (56) од Тетово, кој на 20 април околу 14 часот бил затекнат пред станбена зграда во населбата „Блок 70“, каде го нарушувал јавниот ред и мир и агресивно се однесувал кон станарите.По приведувањето, бил задржан во полициска станица, а при алкотестирање било утврдено дека имал 3,16 промили алкохол во крвта.По целосно документирање на случајот ќе следува соодветен поднесок.

Македонија | пред 2 седмици

2 нед.

Филипче: Од промена на Уставот нема ризик, вистината е ВМРО не сака контрола од европско обвинителство

Претседателот на СДСМ, д-р Венко Филипче, како што се наведува во партиско соопштение, нагласи дека вистинската причина за блокадата на европскиот пат не се уставните измени, туку, според неговите изјави, неподготвеноста на ВМРО да прифати контрола од европско обвинителство.Филипче, како што пренесува СДСМ во соопштението, посочи дека од промена на Уставот нема ризик, а зад наративот на ВМРО за наводни национални закани, според неговите изјави, стои намерата за контрола врз институциите, судството и медиумите и за политичко влијание врз системот.„Тоа е вистината. Нема ништо лошо во тоа Бугарите, Хрватите и другите малцинства да се стават во Уставот. Нема ризик, тоа се измислени непријатели“, се наведува во изјавата на Филипче.Во истиот контекст, Филипче, како што пренесува СДСМ, оцени дека блокадите на процесот се поврзани со отпор кон воведување европска контрола и транспарентност, особено во делот на јавните финансии и институционалното работење.„Сметам дека граѓаните не се доволно информирани за пакетот кој носи отворање на поглавјата и пристап до европските фондови“, изјави Филипче, како што се наведува во соопштението, додавајќи дека тие средства би се користеле за инфраструктура, образование и здравство.Тој, според соопштението на СДСМ, додаде дека наративите на ВМРО за загрозување на идентитетот се дел од политичка пропаганда и не се засновани на реални факти, туку се користат за оправдување на блокадата на европските интеграции.„Ништо од тоа не е вистина. Тие дојдоа со силна националистичка реторика и ја закочија земјата“, се наведува во изјавата на Филипче, при што тој посочи дека процесот кон ЕУ е во застој поради политички одлуки на власта, според соопштението.

Македонија | пред 2 седмици

2 нед.

СДСМ: Нема барање за екстрадиција, нема активна потерница од Интерпол– Мицкоски и ВМРО продолжуваат да го штитат Груевски

Уште не постои важечко барање за екстрадиција на Никола Груевски од Унгарија, се наведува во соопштение од СДСМ.Барањето поднесено од претходната влада СДСМ е истечено, а актуелната Влада на Мицкоски, како што стои во соопштението на СДСМ, не поднела ново барање.Исто така, според соопштението на СДСМ, нема активна потерница од Интерпол за негово апсење.Мицкоски и ВМРО-ОКГ, како што се наведува во партиското соопштение, ништо не направиле за да го вратат Груевски во Македонија и да одговара пред правдата.Ова, според СДСМ во своето соопштение, не е случајност и претставува јасен доказ дека Мицкоски ја штити криминалната организација на која самиот е дел.Додека јавно се фали со „чувство“ и закани кон опозицијата, за Груевски, кој е осуден за повеќе кривични дела, како што се наведува во соопштението на СДСМ, не само што не презема ништо, туку активно го чува во Будимпешта.Мицкоски, може да продолжи да го крие Груевски колку што сака, но граѓаните, како што тврди СДСМ во соопштението, јасно гледаат кога станува збор за нивните политички и криминални соработници.Кога станува збор за политички противници, според соопштението на СДСМ, тогаш „имаат чувство“ и јавно им се закануваат со прогон и Обвинителство.Никој не е над законот, ниту Груевски, ниту Мицкоски, ниту нивните заштитници, се наведува во соопштението на СДСМ.Доаѓа времето на вистината, правдата и одговорноста, стои на крај во партиското соопштение на СДСМ.

Македонија | пред 2 седмици

2 нед.

Филипче: Орбан е политички ментор на Мицкоски

Претседателот на СДСМ, Венко Филипче, како што се наведува во соопштението на СДСМ, оцени дека постои јасна политичка и идеолошка поврзаност меѓу премиерот Христијан Мицкоски и унгарскиот премиер Виктор Орбан, што според него влијае врз политичките процеси во државата.Во соопштението на СДСМ се пренесува дека Филипче изјавил оти Орбан претставува политички ментор на Мицкоски, посочувајќи дека поддршката од унгарски политички структури и медиумски системи била присутна и во периодот додека ВМРО-ДПМНЕ била во опозиција.„Практично од кога сум претседател на партијата од 2024 година, укажуваме дека политичкиот ментор на Мицкоски беше и е Орбан. Тој му даваше поддршка на повеќе начини, и преку медиуми и на други нивоа“, рече Филипче, како што е наведено во соопштението на СДСМ.Во соопштението се додава дека Филипче укажал на, како што тврди, континуитет на политички контакти меѓу дел од раководството на ВМРО-ДПМНЕ и унгарскиот политички врв, вклучително и посети и средби по изборните процеси.Како што наведува СДСМ, Филипче во интервјуто се осврнал и на економските и деловните односи, изразувајќи сомнеж околу вклученоста на компании поврзани со унгарски бизнис структури во одредени сектори во државата.Во соопштението се пренесуваат и неговите оценки за медиумската сцена, при што Филипче, како што стои, изразил загриженост за влијанието на странски политички и бизнис кругови врз дел од медиумите и јавниот дискурс во земјата.На крајот, како што е наведено во соопштението на СДСМ, Филипче порача дека секое политичко влијание врз институциите и медиумите мора да биде предмет на јавна одговорност и политичка дебата.

Македонија | пред 2 седмици

2 нед.

„Неспособна, антиалбанска, антиевропска и последниот руски прокси во регионот“, партијата на Ахмети „удира“ по Владата

„Неспособна, антиалбанска, антиевропска и последниот руски прокси во регионот“ – со вакви квалификации Демократската унија за интеграција ја оцени работата на Владата предводена од премиерот Христијан Мицкоски.Од партијата тврдат дека за нешто повеќе од една година власта „ја уништила економијата, го саботирала европскиот пат и ги нападнала правата на Албанците“, обвинувајќи и за политички притисок врз коалициската групација ВЛЕН.Според ДУИ, економските ветувања не се реализирале, посочувајќи дека минималната потрошувачка кошница достигнала речиси 69.000 денари, додека странските директни инвестиции, како што наведуваат, паднале за 61 процент и изнесуваат 468 милиони евра.„Пазарот го оцени ова владеење со бегство на капитал, не со аплауз“, се наведува во соопштението.Партијата оценува дека европскиот пат на државата останува блокиран не само поради надворешни фактори, туку и поради, како што велат, „активното одбивање на Владата да ги почитува постигнатите договори“.Во реакцијата се тврди и дека Албанците, кои сочинуваат значителен дел од населението, се „мета на владините политики, а не партнери“, при што се доведуваат во прашање клучни елементи како Охридскиот рамковен договор, јазичните права и институционалната застапеност.ДУИ упати и критики за улогата на ВЛЕН во власта, оценувајќи дека нејзините лидери се под политичка контрола.Од партијата бараат „итна одговорност“, оценувајќи дека Владата „нема морален мандат да продолжи“ и дека граѓаните заслужуваат повеќе.

Македонија | пред 2 седмици

2 нед.

Повторно активен порталот за електронски услуги за граѓаните

Министерството за дигитална трансформација, како што се наведува во соопштението, ја информира јавноста дека Националниот портал за електронски услуги uslugi.gov.mk повторно е ставен во функција по завршување на техничките активности.Во соопштението на Министерството се наведува дека по реализираната техничка интервенција и надградба на системската опрема, повторно е овозможено нормално функционирање на порталот и непречен пристап до електронските услуги за граѓаните.Како што информира Министерството, сите услуги на платформата се повторно достапни, а системот е стабилизиран по извршените технички зафати.Министерството во соопштението им се заблагодарува на граѓаните за трпението и разбирањето за време на привремената недостапност на порталот, истакнувајќи дека останува посветено на унапредување на дигиталните услуги и нивна сигурна достапност.

Македонија | пред 2 седмици

2 нед.

СДСМ: ВМРО-ОКГ ангажирала Black Cube за следење на опозицијата: Дури и на погребот на дедото на Саша Димитријевиќ

Како што се наведува во соопштението на СДСМ, ВМРО-ОКГ продолжува со, како што тие го нарекуваат, кампања на лажни вести и фабрикувани приказни насочени против опозицијата.Во соопштението на СДСМ се истакнува дека единствената вистина во конкретниот случај е дека генералниот секретар на СДСМ, Александар Саша Димитријевиќ, бил во Србија поради погреб на својот дедо, и дека не постоеле никакви други состаноци или контакти со споменатите лица.Како што наведува СДСМ, Димитријевиќ јавно демантирал дека имало било каква средба со Бранко Ружиќ или други лица кои се споменуваат во наводите, додавајќи дека таквите информации се неточни и фабрикувани.Во соопштението на СДСМ се тврди и дека ВМРО-ОКГ шири, како што велат, „fake news“, при што се наведува дека дури и приватни и семејни моменти, како погреб, се користат во политички цели и кампањи против опозицијата.СДСМ во соопштението наведува дека ваквите тврдења се дел од поширока политичка стратегија за дискредитација, при што повторно се споменува наводно ангажирање на приватна разузнавачка компанија, што според нив е насочено кон следење и политичка пресметка со опозицијата.Како што се додава во соопштението, СДСМ оцени дека ваквите наводи се обид за одвлекување на вниманието од реалните проблеми во државата и политичка конфронтација, наместо фокус на економијата и стандардот на граѓаните.Во соопштението на СДСМ се заклучува дека јавноста ќе ја препознае, како што велат, вистината од политичката пропаганда и дека ќе следи период на одговорност и расчистување со ваквите практики.

Македонија | пред 2 седмици

2 нед.

Скандал на Филозофски факултет: Запишувале студенти на магистерски и докторски студии без диплома

Десетина студенти се нашле во „правен и финансиски ќорсокак“, откако Државниот просветен инспекторат утврдил дека биле незаконски запишани на магистерски и докторски студии на Филозофскиот факултет при УКИМ, иако немале завршено соодветни додипломски студии , пишува „МКД.мк“.По инспекцискиот надзор биле констатирани неправилности и наложено поништување на уписите, при што студентите останале без статус, но и без средствата што ги уплатиле, кои за магистерски студии изнесуваат од 2.000 до 3.000 евра, а за докторски и до 5.000–6.000 евра.Дел од студентите се обидуваат да ги вратат средствата, но од Деканатот на Филозофскиот факултет засега нема официјален одговор, поради што дел од нив веќе ангажирале правна помош и најавуваат судски постапки.Министерството за образование потврдило дека Државниот просветен инспекторат постапил по пријава и донел решенија за поништување на уписите поради неисполнување на законските услови, но појаснило дека прашањето за враќање на средствата и евентуалната отштета не е во нивна надлежност, туку се решава по судски пат.https://mkd.mk/makedonija/na-filozofski-fakultet-se-zapishuvaa-magistranti-i-doktorandi-bez-ispolneti-uslovi/

Македонија | пред 2 седмици

2 нед.

Филипче: СДСМ е конструктивна ама не е контролирана опозиција

Претседателот на СДСМ, Венко Филипче, како што се наведува во соопштението на СДСМ, истакна дека партијата дејствува конструктивно, но не е контролирана опозиција, при што нагласи дека политичкиот пристап е насочен кон интересите на граѓаните и државата.Како што стои во соопштението на СДСМ, Филипче порача дека СДСМ се залага за систем, а не за владеење на поединец, оценувајќи дека државните институции мора да функционираат независно и надвор од политичка контрола.„СДСМ е конструктивна, ама не е контролирана опозиција. И ние за тоа се бориме да го вратиме и да го етаблираме системот. Не со еден човек, лидер или монарх, туку со систем“, рече Филипче, како што е пренесено во соопштението на СДСМ.Во соопштението на СДСМ се наведува дека Филипче оценил оти суштинскиот проблем кај актуелната власт е, како што тврди, отпорот кон европските институции и можноста за надворешна контрола врз работата на правосудството и трошењето на јавните пари.Тој, како што е наведено во соопштението на СДСМ, додаде дека токму поради тоа, според него, се создава отпор кон процесите за членство во Европската Унија, при што посочи на потребата од зајакнување на институциите, отчетност и намалување на политичкото влијание врз нивната работа.

Македонија | пред 2 седмици

2 нед.

Филипче: Договорот со Фронтекс е доказ дека македонскиот јазик е признаен

Претседателот на СДСМ, Венко Филипче, порача дека тврдењата и политичката пропаганда на ВМРО за наводно загрозениот јазик, идентитет и национални интереси се демантирани од фактите, при што како што е наведено во соопштението на СДСМ, најсилен доказ за тоа е договорот со Фронтекс потпишан со Европската Унија на македонски јазик, се наведува во соопштението на СДСМ.Како што се наведува во соопштението на СДСМ, Филипче истакна дека ВМРО во 2024 година дошла на власт со националистичка реторика и тврдења дека државата е загрозена, но реалноста, според него, покажала дека таквите наводи не се точни.„Напротив. Тука нема ништо од тоа што пропагандата на сегашната власт, на ВМРО кажуваше. Таа кажуваше и дојде на власт во 2024 година со тоа што кажуваше дека се загрозени националните интереси, дека е загрозен јазикот и идентитетот, дека нешто било ставено под ризик. Ништо од тоа не е вистина. Тие дојдоа со силна националистичка реторика и што се случи, ја закочија земјата“, рече Филипче, како што е пренесено во соопштението на СДСМ.Во соопштението на СДСМ се наведува и дека Филипче оценил оти договорот со Фронтекс е конкретен доказ дека македонскиот јазик е признаен и дека наративите за негово оспорување се политички неосновани.Тој, како што стои во соопштението на СДСМ, додаде дека јавноста треба да биде информирана за суштината на европските договори и пакетите што ѝ стојат на располагање на државата, бидејќи од нив произлегуваат конкретни придобивки, а не ризици како што претходно тврдела опозицијата.

Македонија | пред 2 седмици

2 нед.

Пренџов: Новиот државен јавен обвинител очекувам да ги открие сите сомнежи за сторен криминал на претходната власт

Пратеникот од ВМРО-ДПМНЕ, Љупчо Пренџов, во интервју, истакна дека очекува новиот државен јавен обвинител да постапува активно и да ги истражи сите сомнежи за, како што рече, сторен криминал поврзан со претходната власт.Како што наведе Пренџов во интервјуто, Собранието денес функционира поинаку во споредба со минатото и, според неговата оценка, е во процес на поголема демократизација и институционален напредок.Тој се осврна и на претходни законски решенија во областа на јавното обвинителство, наведувајќи дека, според неговите тврдења изнесени во емисијата, дел од нив биле донесувани во политички и временски околности кои, како што рече, не биле транспарентни.Пренџов во своето излагање изрази очекување новиот државен јавен обвинител, како што рече, во најбрз рок да отвори постапки и истраги за различни случаи поврзани со поранешни функционери, наведувајќи повеќе имиња и случаи за кои, според него, постојат сомнежи.Тој додаде дека, според неговите тврдења изнесени во интервјуто, дел од тие случаи со години не добиле институционална разрешница, иако, како што рече, за нив во јавноста биле презентирани документи и информации.

Македонија | пред 2 седмици

2 нед.

Шпанија, Словенија и Ирска бараат преиспитување на односите ЕУ–Израел

Шпанија, Словенија и Ирска побараа Европската Унија да ја отвори дебатата за можноста за суспендирање на Договорот за асоцијација меѓу ЕУ и Израел, прашање кое денес се разгледува на состанокот на министрите за надворешни работи на Унијата.Шпанскиот министер за надворешни работи Хосе Мануел Албарес изјави дека станува збор за прашање на кредибилитетот на Европската Унија, која, според него, мора доследно да ги применува истите принципи во сите меѓународни ситуации.Тој истакна дека доколку ЕУ не може јасно да порача дека Израел мора да ги почитува човековите права и меѓународното право, и дека војната не смее да се користи како инструмент на надворешната политика, тогаш Унијата ризикува да го изгуби својот меѓународен кредибилитет.Албарес нагласи дека ЕУ треба да биде доследна и во однос на други конфликти, вклучително и во ставовите кон Русија поради војната во Украина, посочувајќи дека ситуацијата на теренот дополнително се влошила од последната ваква расправа.Тој додаде дека Европската Унија мора јасно да стави до знаење дека е потребна промена во односот на Израел и дека сегашниот правец на дејствување не е прифатлив. Во случај целосна суспензија на договорот да не биде прифатлива за сите членки, Албарес предложи да се разгледа барем привремено укинување на трговскиот дел од договорот.

Свет | пред 2 седмици

2 нед.

Сеќавања, тага, пораки по заминувањето на новинарката Гордана Дувњак: Новинариште и човечиште, со незаменлива насмевка

Почина новинарката Гордана Дувњак, а од неа со трогателни пораки се простија семејството, пријателите и колегите, опишувајќи ја како врвен професионалец и човек со големо срце. Најемотивна порака упати нејзиниот син Стефан, кој напиша дека заминала „нивниот ангел и борец“, жена која целиот живот го посветила на своите деца.„Не напушти нашиот ангел и борец, мојата мајка. Целиот живот го посвети на мене и Мартин и беше најпрекрасниот човек на светот, толку добра, искрена, човечна и секогаш спремна да помогне и на тие што ги знае и оние што прв пат ќе ги запознаеше. Покрај мајка беше и мојот најдобар пријател, моето друштво за театар, кино, прошетка покрај Вардар, придружба за настани и секогаш се секираше само да ме види среќен и среден. Ќе фалиш секогаш ангелу мој, чувајте не со тато од горе заедно. Ќе и раскажуваме на принцезата Срна твојата внука каква жена си била и колку се израдува кога ни дојде на свет. Почивај во мир без болки и стравови. Телото ќе биде изложено утре на 22.04.2026 година во капела во 11 часот, а погребот на гробиштата Бутел од 12 часот“, напиша нејзиниот син Стефан Дувњак.Колегите ја паметат како новинарка која оставила силен белег, особено во известувањето за правосудството.„Последен пат се видовме пред месец дена, и иако минуваше низ своето долгогодишно премрежје со здравјето, насмевката ѝ беше присутна и незаменлива. Заминувањето на Гордана Дувњак е исклучителна загуба за македонското новинарство, особено од аспект на известувањето за правосудните прашања. Како човек, беше неизмерно прекрасна за соработка, муабет, совети и исклучителна поддржувачка на младите кадри. Ќе недостасува многу. Сочувство до семејството, особено до синовите Стефан и Мартин“, напиша Огнен Јанески, долгогодишен новинар и активист за човекови права.„Те барав за твојот роденден, а ти замина на мојот… Велеше дека сум твое дете. Гоца, ќе ми недостигаат твоите совети, насмевка и добрина… Новинар по професија, а пред сè — човек. Летај мирно во височините, таму каде што најдобрите души остануваат да светат“, напиша новинарката Лепа Џундева.„Гордана Дувњак. Гоца. Новинариште! Човечиште! Дефиниција за Борец! И за правдата и за вистината, и за животот на сите нас Од оние ендемски видови, кои се' помалку ги има во земјава. Честа беше моја. Почивај во мир. Сочувство до семејството!“, напиша Душица Мрѓа, новинарка и уредничка во ТВ24.„Замина Гордана Дувњак, врвен новинар, професионалец и пред се голем човек . Биеше многу битки во животот, за вистината, за новинарството, за твоето најголемо богатство Мартин и Стефан. За жал со оваа битка не се избори.Гоца, почивај во мир“, напиша Катерина Цаневска.„Гордана беше врвна новинарка и секогаш спремна да им помогне на помладите колеги. Не беше од оние што гледаат од височина. Луѓето со големо искуство и свест за својата вредност се такви. Тажната вест ме потсети на заедничко службено патување во Нови Сад, на средби во Собрание, на нејзината питомост кон колегите. Сочувство до нејзините најблиски и нека биде светлина и во таа некоја друга димензија“, напиша новинарот Александар Методијев.„Голема тага одекна утрово. Замина една прекрасна личност и голем професионалец, секогаш подготвена да сподели и знаење и добрина. Замина Гордана Дувњак. Тешко е да се најдат зборови кога си оди човек кој оставил толку многу зад себе, не само како новинар, туку и како личност со интегритет, глас што знаеше да постави важни прашања и да остане доследен на вистината. Нејзиниот труд, посветеност и професионалност со сигурност ќе останат запаметени, но ќе остане и голема празнината во медиумите и меѓу сите што ја познаваа и почитуваа. Почивај во мир Гоцо. Горди се твоите Stefan и Martin што имаа таква мајка, но знам колку и ти беше горда на нив. Ним длабоко сочуство, а тебе вечен светол помен“, напиша Бранка Костиќ Марковиќ, етномузиколог и музички публицист.„Многу учевме од тебе. Но, не само за професијата, туку и за тоа како да останеш човек со душа и принципи во овој суров свет. Ми беше посебна чест да те познавам. Нека ти е светол патот. Сочувство до твоите прекрасни синови и целата фамилија..“, напиша Богданка Кузеска, ексновинарка, портпаролка на СДСМ.„Гордана Дувњак си змина една прекрасница, топла, умна, посебна и значајна жена.Многу ми е жали не пропушташе да ми пише и да ми дде поддршка за се, Слава ти храброст наша“, напиша Весна Бејби Петрушевска, актерка.„Во срцето ќе ми останеш само вака- насмеана! А, ти и јас се простивме со музика… и знаевме дека друг пат, во друго време … некаде… пак ќе пееме ,,Као какао”! Светол да ти е патот и вјечнаја памет“, напиша напиша новинарката Силвана Бркуљан.

Коментари | пред 2 седмици

2 нед.

Иран демантира: Нема испратена делегација во Пакистан

Иранската државна телевизија објави дека засега ниту една иранска делегација не отпатувала во Исламабад за преговори, ниту главна, ниту помошна, ниту пак претходна или дополнителна, со што ги отфрла тврдењата за нивно пристигнување во Пакистан.Во објавата на Телеграм се наведува дека станува збор за „гласини“ пласирани од меѓународни медиуми и регионални извори, кои шпекулирале со времето на пристигнување или заминување на иранската преговарачка екипа.Истовремено се повторува официјалниот став на Техеран дека Иран нема да прифати разговори што се водат „под закана“, став кој претходно го истакнаа и високи ирански функционери, меѓу кои и претседателот на парламентот и главниот преговарач Мохамад Багер Галибаф.Оваа порака доаѓа во момент на засилена дипломатска неизвесност околу евентуалниот нов круг преговори меѓу Иран и САД, за кој посредници од Пакистан претходно сигнализираа можен напредок.

Свет | пред 2 седмици

2 нед.

(Видео) Снег и минусни температури повторно во Србија

На Копаоник утрово повторно има зимска атмосфера, иако календарски не е зима. Од раните часови паѓа умерен снег кој веќе формирал снежна покривка, а планината е целосно побелена при температура околу минус еден степен.Снегот предизвика радост кај љубителите на зимските спортови, кои повторно добија услови како во шпицот на зимската сезона. Според снимки објавени на социјалните мрежи, видливоста е намалена, а снегот продолжува да паѓа со променлив интензитет.Според прогнозата на Републичкиот хидрометеоролошки завод, врнежите на Копаоник ќе продолжат и во текот на денот, како и утре, додека во пониските предели се очекуваат краткотрајни дождови и локални врнежи попладне.Во текот на четврток се очекува стабилизирање на времето и престанок на снегот во планинските подрачја.

Свет | пред 2 седмици

2 нед.

Филипче: Оваа влада создава вештачки непријатели од соседите

Во интервју претседателот на СДСМ, Венко Филипче, оцени дека актуелната влада со, како што рече, неодговорна и националистичка реторика создава тензии во односите со соседните земји и придонесува за влошување на регионалната атмосфера.Како што изјави Филипче во интервјуто, владејачките политики, според него, не придонеле за заштита на националните интереси, туку довеле до забавување на европските процеси и политички застој на државата.Тој наведе дека, според неговата оценка изнесена во интервјуто, во изминатиот период се забележува влошување на односите со соседите и создавање на, како што ги нарече, „вештачки непријатели“, што, според него, не е во интерес на државата.Филипче додаде дека, како што рече, на Македонија ѝ е потребна политика на дијалог и добрососедство, наместо, како што оцени, провокации и зголемување на тензиите во регионот.Во завршниот дел од интервјуто, тој порача дека европската интеграција останува клучна цел, истакнувајќи дека, според неговите ставови, без напредок кон Европската Унија нема економски и институционален развој.

Македонија | пред 2 седмици

2 нед.

Израелскиот министер за одбрана се закани: „Шефот на Хезболах ќе плати со живот“

Израелскиот министер за одбрана Израел Кац упати остри закани кон раководството на Хезболах, наведувајќи дека неговиот врховен лидер „ќе плати со својот живот“, во контекст на тековните тензии на границата со Либан и кревкото примирје.Говорејќи на државната комеморација на гробиштата на планината Херцел во Ерусалим, Кац истакна дека Израел ќе продолжи со воените операции во Либан доколку тоа биде неопходно, со цел, како што рече, да се обезбеди безбедноста на северната граница и жителите на пограничните населби.Тој нагласи дека Хезболах одлучил да дејствува против Израел во служба на, како што ги нарече, иранските интереси, и дека поради тоа ќе сноси тешки последици. Во својата изјава додаде дека секој што ќе крене рака врз Израел ќе биде казнет и дека државата нема да се врати на состојбата пред нападите од 7 октомври.Кац изјави дека војската добила наредба да продолжи со дејствување со полна сила, како на копно, така и во воздух, со цел да се елиминираат заканите и да се уништи инфраструктурата на Хезболах во јужен Либан. Според него, израелските сили се распоредени во безбедносна зона во близина на границата и имаат задача да спречат прекугранични напади и други форми на воено дејствување.Како главна цел на операцијата ја наведе разоружувањето на Хезболах и воспоставување демилитаризирана зона во јужен Либан, сè до реката Литани. Додаде дека доколку либанската влада не ги исполни своите обврски, израелската војска ќе продолжи со воени активности.Изјавите доаѓаат во период кога Израел го одбележува Денот на сеќавање на паднатите војници, при што низ целата држава се одржуваат комеморации за илјадници жртви. Државниот врв порача дека земјата останува решена да продолжи со борбата и покрај големите загуби.

Свет | пред 2 седмици