Промени тема
За нас
Нова вест Админ
site logo skopje1
иран
Претрес во кочанската болница и противпожарна бригада - разговор со обвинетиот обезбедувач Захариев
Претрес во кочанската болница и противпожарна бригада - разговор со обвинетиот обезбедувач Захариев

Најнови вести

3 нед.
media-librarygvogudadguku5RFvRyH

(Видео) Експлозии во упориштето на Хезболах, густ чад над либанската престолнина

Неколку воздушни удари ги погодија јужните предградија на Бејрут, откако израелската армија најави нов бран напади врз цели поврзани со Хезболах и издаде предупредувања за евакуација.Според снимки објавени на социјалните мрежи, од погодените подрачја се издигнува густ чад, додека либанската државна телевизија јави за четири израелски напади врз јужните делови на главниот град. Ударите следуваа по ракетирањето на Израел од страна на Хезболах во раните утрински часови.Допишничка на Би-Би-Си од Бејрут известува дека во градот одекнала силна експлозија во квартот Дахие, кој се смета за упориште на Хезболах. Според нејзините наводи, детонацијата била толку силна што создава впечаток дека се случила во самиот центар на престолнината.Во исто време, преку разглас од американската амбасада во Авкар биле упатени предупредувања до вработените да побараат засолниште и да се оддалечат од прозорците. Засега нема официјални податоци за евентуални жртви.

Свет | пред 3 седмици

3 нед.
media-librarycjukibmir0203P1caeM

Тешки загуби за американските сили во Кувајт

Централна команда на САД соопшти дека четворица припадници на американските вооружени сили загинале во борбени дејствија поврзани со операциите против Иран, додека 18 се водат како тешко ранети.Портпаролот на Центком, капетан Тим Хокинс, информира дека бројот на жртви е ажуриран, откако првично беше соопштено дека тројца војници загинале, а петмина биле тешко повредени. Според најновите податоци, вкупно четворица американски војници го загубиле животот.Според информации објавени од американски медиуми, сите четворица загинале во ист напад во Кувајт. Во текот на операциите, 18 припадници на американските сили се регистрирани како тешко ранети.Надлежните институции продолжуваат со истрагата за околностите под кои се случил нападот.

Свет | пред 3 седмици

3 нед.
rute1

Ќе се вклучи ли НАТО во војната против Иран

Главниот секретар на НАТО, Марк Руте, изјави дека Алијансата нема да учествува во воените операции против Иран и дека станува збор за кампања предводена од САД и Израел.На прашање на BBC дали силите на НАТО ќе бидат вклучени во операциите, Руте одговори:Не, јасно е дека ова е кампања што ја предводат Американците и Израелците.“Тој додаде дека сојузниците на НАТО и „пријателите во регионот“ моментално се изложени на „неселективни напади“ од Иран и дека во тие околности прават сè што можат.Руте истакна дека Европа „апсолутно ги поддржува“ американските акции, нагласувајќи дека Иран претставува „закана“ за Европа, Израел и поширокиот регион, и дека Европа „навистина го засилува ангажманот“ по операциите спроведени за време на викендот во Иран.Изјавата следува во време кога конфликтот помеѓу Иран, од една страна, и Израел и САД, од друга, се интензивира. По почетните американско-израелски удари врз цели во Иран, Техеран возврати со ракетни и дронски напади кон израелски и американски цели во регионот.Во конфликтот се вклучи и Хезболах, кој од јужен Либан изврши напади врз Израел, на што Израел возврати со удари врз цели на таа група. Поради влошувањето на безбедносната ситуација, повеќе западни држави, вклучувајќи ги САД, ги повикаа своите граѓани да го напуштат Либан.

Свет | пред 3 седмици

3 нед.
media-libraryu9qhh7i8erkr3rFyKcB

Тошковски – Хани: Зајакнување на антикорупциските механизми и унапредување на регионалната соработка

Министерот за внатрешни работи Панче Тошковски денеска оствари работна средба со директорот на Секретаријатот на Регионалната антикорупциска иницијатива (РАИ), Алберт Хани, на која беа разгледани можностите за продлабочување на соработката во насока на зајакнување на институционалните капацитети за спречување на корупцијата.Во фокусот на разговорите беа обуките за изработка на Национална проценка на ризик од корупција и антикорупциската проверка на законодавството во областа на внатрешните работи, при што беше истакната активната улога на Македонија како потписничка на Меѓународниот договор за размена на податоци за проверка на изјавите за имотна состојба. На средбата беше нагласено дека нашата држава претставува водечки пример и референтна точка за земјите кои сè уште не пристапиле кон овој механизам.Министерот Тошковски ја потенцираше важноста од системски пристап во детектирањето и намалувањето на ризиците од корупција во безбедносниот сектор, како и значењето на регионалната соработка и размената на искуства.Борбата против корупцијата е еден од нашите врвни приоритети. Преку зајакнување на интегритетот на институциите, унапредување на законодавната рамка и користење на современи механизми за проценка на ризици, создаваме систем во кој корупцијата станува сè потешка, поскапа и неисплатлива. Поддршката и експертизата на РАИ во овој процес имаат значајна улога, а Министерството за внатрешни работи останува силно посветено на развој на ефикасни и одржливи антикорупциски политики“, истакна министерот Тошковски.На средбата беа разгледани и конкретни можности за идна соработка преку заеднички активности, обуки и проекти насочени кон јакнење на превентивните и репресивните механизми во справувањето со корупцијата.

Македонија | пред 3 седмици

3 нед.
media-librarytgn08td9u4gp7vNZ1KF

Стотици Иранци ја преминаа границата кон Турција

Стотици Иранци денес ја преминале границата кон Турција, додека американско-израелската војна против Иран се проширува, потврди еден од нив за Reuters. Другите кои постепено пристигнуваат раскажуваат за стравот што владее во Техеран и за редиците на бензинските станици.Утрово турските власти соопштија дека еднодневните премини на трите турско-ирански гранични премини се привремено прекинати во двете насоки и дека Турција дозволува влез само на своите државјани и на државјани на трети земји кои патуваат кон Турција.Дел од патниците вчера рекле за Reuters дека некои ирански граѓани биле спречени да ја преминат границата. Но, до денеска попладне, Иранците почнале да преминуваат на граничниот премин Капикој во турската провинција Ван, еден од главните копнени премини меѓу Турција и Иран.Во Техеран ситуацијата веќе е тешка. Се случуваат сериозни работи, бомбардирања, сите се исплашени“, раскажува маж што пристигнал од иранската престолнина, додавајќи дека неговата сопруга и деца се во Истанбул. Тој посочи дека на првиот ден од војната купил основни прехранбени производи, но продавниците биле преполни со луѓе.Бинали Килич, Азербејџанец од областа Казвин близу турската граница, раскажа дека животот таму продолжува, но дека постојаното бомбардирање на воени објекти влијае на секојдневието.Сите се во своите домови. Слушаат звуци на бомбардирање од блиските погодени области“, истакна тој. Нема проблеми со снабдување со храна и други потреби, единствено луѓето се загрижени како да обезбедат гориво за возење, без разлика дали станува збор за долг или краток пат. На бензинските станици се формираат редици“, додаде Килич.Турскиот министер за трговија, Омер Болат, изјави дека Иран дозволува на своите граѓани влез во Турција, а комерцијалниот товарен транзит на сите три премини продолжува под контролирани услови.Сите наши единици се во состојба на висока подготвеност за да се обезбеди непречено функционирање на турските гранични премини и трговските текови“, рече Болат.

Свет | пред 3 седмици

3 нед.
media-librarydljk50sle7ft2tzfBHj

(Фото) Автомобил „сплескан“ меѓу камион: сообраќајка на влезот од Скопје кај Автокоманда

Сообраќајна несреќа се случи пред 10 минути на влезот на Скопје кај бензинската пумпа „Лукоил“.Според фотографиите на социјалните мрежи, автомобилот е свртен во спротивен правец и заглавен меѓу жардиниера и камион.Нема информации за повредени лица.

Скопје | пред 3 седмици

3 нед.
rabotnik-600x404

СДСМ: Владата на Мицкоски ги изигра работниците, срамни 1.600 денари наместо 600 евра минимална плата

Нема ништо од зголемување на минималната плата, само законско усогласување од срамни 1.660 денари, велат од опозициската СДСМ.„Владата на Мицкоски ги изигра работниците кои едвај врзвуваат крај со крај.Со волку ниско ниво на минимална плата работниците се доведени на раб, бидејќи не можат да ги покријат трошоците за основни потреби на своите семејства, за храната и сметки.Владата на Мицкоски нема пари за минимална плата од 600 евра има за лукзсузирање со владиниот авион, за мебел и возила за функционерите, има за криминални тендери.Дури и авионот не сакаат да го тргнат, се уште стои во Буџетот сумата од 124 милиони денари, доволен за рата. Ќе измислат и лизинг поради колената.Само за работниците нема пари.Очигледно работниците не се вклопуваат во бизнистот на Мицкоски, кој времето го мери на скапи часовници од 60 илјади евра кои вредат колку 150 минимални плати.Не сака Мицкоски поголеми плати за работниците, сака само тендери“, се вели во соопштението.

Македонија | пред 3 седмици

3 нед.
napad-liban

САД ги повика своите граѓани веднаш да го напуштат Либан

САД ги повикаа своите граѓани кои се наоѓаат во Либан веднаш да ја напуштат земјата.Ги повикуваме американските граѓани да не патуваат во Либан. Ако сте во земјата, напуштете го Либан веднаш додека сè уште се достапни комерцијалните летови“, соопшти американската амбасада во Бејрут на социјалната мрежа X.Сигурносната ситуација во Либан е нестабилна и непредвидлива. Воздушни напади се забележани низ целата земја, особено на југот, во долината Бека и во делови од Бејрут“, се наведува во соопштението.

Свет | пред 3 седмици

3 нед.
media-librarylp6uptlh5m71f9q3exO

(Видео) Објавени снимки од уништување на ирански балистички лансери

Американското Централно командување (US Central Command) објави на социјалната мрежа X снимки за кои тврди дека прикажуваат уништување на ирански лансери на балистички проектили.Во објавата се наведува дека Иран „продолжува злонамерно да лансира балистички проектили, без селекција погодувајќи воени и цивилни локации низ целиот регион“.Американските сили продолжуваат да ја следат оваа закана за да ја отстранат. Како што кажа претседателот, нашата решеност никогаш не била посилна“, соопштија од Американското Централно командување.Објавата следува во период на ескалација на конфликтот помеѓу Иран, од една страна, и Израел и САД, од друга.

Свет | пред 3 седмици

3 нед.
media-library46qi4jo4gihb8mPnR8E

Почина сопругата на ајатолахот Али Хамнеи

Мансуре Ходжастех, сопругата на иранскиот врховен лидер, ајатолахот Али Хамнеи, почина поради повредите што ги здоби во неодамнешните американско-израелски напади, објавија иранските државни медиуми.Потсетуваме, Хамнеи беше убиен во заедничките американско-израелски напади насочени кон повеќе локации во Техеран и околината. Иранските државни медиуми наведуваат дека Ходжастех била повредена во истиот бран напади и денес подлегнала на повредите.Хамнеи, заедно со неколку членови на своето семејство, вклучувајќи ќерка, зет и внука, загинал во американско-израелските акции против Иран.Смртта на ајатолахот беше потврдена и од американскиот претседател Доналд Трамп, како и од иранските официјални извори. Американските и израелските официјални лица порачаа дека нападите биле насочени кон стратешката воена и безбедносна инфраструктура на Иран.

Свет | пред 3 седмици

3 нед.
milanovic-zoran-hrvatsak

Милановиќ ги повлекува хрватските војници од Ирак и Либан

Претседателот на Хрватска, Зоран Милановиќ, се огласи поради ескалацијата на ситуацијата на Блискиот Исток.Секое еднострано користење на воена сила што го крши меѓународното право и поредокот е опасно, бидејќи го загрозува мирот и глобалната безбедност не само денес, туку и во иднина. Воена интервенција без мандат на Обединетите нации, како што денес сведочиме во Иран, нема да придонесе за решавање на кризата, туку предизвикува дополнителна ескалација на конфликтот и долгорочна нестабилност“, истакна Милановиќ.Тој посебно го осуди военото насилство врз цивили, без разлика од која страна доаѓа.Очигледната цел на воената интервенција, односно промена на власта во Иран, може да има сериозни и долгорочни последици и за граѓаните на Европа, вклучувајќи ги и граѓаните на Хрватска. Искуството од претходните интервенции во регионот на Блискиот Исток и Медитеранот покажува дека последиците ги трпи токму Европа“, додаде тој.Милановиќ нагласи дека при секој понатамошен чекор Хрватска мора да води сметка првенствено за своите граѓани и нивната безбедност. Тој истакна загриженост поради можни економски штети од поскапување на нафта и нафтени деривати, ризик од нов бран бегалци кон европските земји, како и опасности од терористички закани.Со оглед на безбедноста на хрватските војници на мисиите во земјите на Блискиот Исток, претседателот донел одлука за повлекување на седум хрватски војници од Ирак и еден војник од Либан, и го задолжил началникот на Главниот штаб на Оружаните сили да ги започне активностите за нивно повлекување.Ја повикувам Владата на Хрватска да преземе сите потребни мерки за заштита и повраток на хрватските граѓани кои се наоѓаат на подрачјето на воени активности“, додаде Милановиќ.

Свет | пред 3 седмици

3 нед.
kina

Кина ја поддржува одбраната на Иран и повикува на прекин на воените акции

Кинескиот министер за надворешни работи, Ванг И, во телефонски разговор со својот ирански колега искажа дека Пекинг ја поддржува одбраната на Иран од американско-израелските напади, во време на ширење на конфликтот на Блискиот Исток. Преку серија разговори со колеги од Иран, Оман и Франција, Ванг го презентирал ставот на Кина околу ескалацијата на конфликтот, јавува AFP.Во разговорот со иранскиот министер Абас Арагчи, Ванг истакнал дека Пекинг „го негува традиционалното пријателство со Иран“. Според извештајот на државната телевизија CCTV, тој додал:Ја поддржуваме одбраната на суверенитетот, безбедноста, територијалниот интегритет и националното достоинство на Иран, како и заштитата на неговите легитимни права и интереси“.Ванг исто така упатил повик до Соединетите Држави и Израел веднаш да ги прекинат воените операции.Ја повикуваме САД и Израел веднаш да ги запрат воените акции, да избегнат понатамошна ескалација и да спречат ширење на конфликтот низ целиот Блиски Исток“, изјавил Ванг, пренесува CCTV.Во посебен разговор со оманскиот министер за надворешни работи, Бадр Албусаиди, Ванг ги обвинил САД и Израел дека „намерно поттикнуваат војна против Иран“, со што се „кршат целите и принципите на Повелбата на Обединетите нации“. Тој истакнал дека Кина е подготвена активно да учествува во решавање на кризата.Кина е подготвена да одигра конструктивна улога, застапувајќи правда, мир и запирање на војната преку платформата на Советот за безбедност на ОН“, рекол Ванг.За време на разговорот со францускиот колега Жан-Ноел Баро, кинескиот министер предупредил дека светот се соочува со „враќање на законот на џунглата“.Големите сили не можат самоволно да напаѓаат други земји врз основа на својата воена моќ“, истакнал тој, додавајќи дека иранското нуклеарно прашање „мора да се врати на патот на политичко и дипломатско решение“.

Свет | пред 3 седмици

3 нед.
media-library464v8a7tuhsc3KlDE3X

Американски авиони масовно го напуштаат југот на Шпанија

Петнаесет американски авиони ги напуштиле базите Рота и Морон на југот на Шпанија откако САД и Израел преку викендот започнаа напади врз Иран, покажуваат податоците и картите на страницата за следење летови FlightRadar24.Шпанскиот министер за надворешни работи, Хозе Мануел Албарес, изјави дека Шпанија нема да дозволи користење на своите воени бази за напади врз Иран. Базите се под заедничка управа на САД и Шпанија, но се наоѓаат под шпански суверенитет.Велика Британија исто така првично одбила дозвола за користење на своите бази за напад врз Иран, но вчера премиерот Кир Стармер ги одобрил за операции во рамки на „колективна самоодбрана“.Ова може дополнително да ги оптерети односите меѓу Мадрид и Вашингтон. Ставот на Шпанија, како и силната осуда на американско-израелските акции во Иран од страна на социјалистичкиот премиер Педро Санчез, ја издвојува земјата од другите во регионот.Шпанските бази не се користат за оваа операција и нема да се користат за ништо што не е опфатено со договорот со Соединетите Држави или што не е во согласност со Повелбата на Обединетите нации“, изјави Албарес за шпанската телевизија Telecinco.Министерката за одбрана, Маргарита Роблес, додаде дека авиони, главно резервоари за гориво во воздух, вклучувајќи Boeing KC-135 Stratotanker, постојано се стационирани во Шпанија.Според податоците од FlightRadar24, девет танкери вчера полетале од базата Морон и се упатиле кон Германија. Два лета полетале од Рота кон југот на Франција, додека патот на уште четири лета од Рота не бил прикажан.

Свет | пред 3 седмици

3 нед.
media-library1o0benahr62b5ENI9vG

Иранскиот шеф за безбедност: Спремни сме за долгогодишнa војна

Иранскиот шеф за безбедност Али Ларијани, изјави денеска дека Иран е спремен за долгогодишна војна во објава на X. Тој додаде дека иранските вооружени сили „не учествувале во никакви напади, освен во самоодбрана“.Како и во последните 300 години, Иран не ја започна оваа војна и нашите храбри вооружени сили не учествувале во никакви напади, освен во одбрана. Жестоко ќе се браниме себеси и нашата цивилизација стара шест илјади години, без разлика на цената, и ќе ги натераме непријателите да зажалат за својата погрешна проценка“, напиша тој.Ларијани претходно истакна и дека Исламската Република нема да преговара со САД.Ден претходно претседателот на САД, Доналд Трамп, изјави дека новото иранско раководство сака да разговара со него и дека тој се согласил на тоа.

Свет | пред 3 седмици

3 нед.
media-libraryiho10o6vj6m68OBE6oe

СДСМ: Прегреа кујната на ВМРО пред доаѓањето на генералниот секретар на НАТО

ВМРО вели за членовите на СДСМ дека се истурени играчи на руската политика? Дали сте свесни што напишавте? Кој им ги пишува овие соопштенија и прес конференции? Дали Мицкоски во бес, лично, или пак Ивона, или нејзиниот соработник од српските служби Латас?Дали знаете што е НАТО? Изгледа дека не знаете, вели СДСМ.„НАТО е најмоќниот воен сојуз во светот и го сочинуваат 32 земји (претежно Европа, САД и Канада).Сите овие земји воведоа санкции против Русија, освен Турција и вашиот Орбан (оној кому му дадовте енергетика, телекомуникации и преку кого контролирате 40% од медиумите во Македонија, кои ги објавуваат вашите глупости)!СДСМ ја внесе Македонија во НАТО, преку еден од најкратките постапки во споредба со мнозинството членки – за помалку од две години.Што направиве вие од ВМРО по прашањето на евроинтеграциите во овие две години катастрофална, криминално-коруптивна власт, освен изолација на земјата и пад на економијата?Треба ли уште нешто да се каже за вашиот наслов „играчи на руската политика“?По Дубаи, зграда од 42 ката, Харис Џиновиќ, скокови во далечина, Венеција, Сен Мориц, др. Жан, модуларни болници (ова и да не го спомнуваме што ги навредувате семејствата на загинатите), сега и ова.Сето ова за помалку од два месеца.Па зарем не ви е јасно дека веќе не поминува ни во Северна Кореја или во некои далечни земји од третиот свет, на чија листа ја ставивте Македонија за американски визи.Дали вие навистина мислите дека Македонците се слепи и глуви?Станува сè посмешно.Ви прегреа кујната.Утре доаѓа Марк Руте, генералениот секретар на НАТО, сојуз во кој е Македонија благодарение на сериозната државничка политика што се водеше во времето на мандатот на СДСМ.Благодарение на таа сериозна посветеност и сериозна политика што ја води СДСМ, денес во овие тешки времиња што го погодија светот, граѓаните на Македонија и нивните деца се помирни, побезбедни и побезгрижни.А Мицкоски нека смисли што ќе му каже на генералот секретар на НАТО за своите најблиски – вицепремиерот  Стоиљковиќ и почесниот конзул Адамовиќ, како и за нивните врски со Русија и нивната служба за безбедност“, се вели во соопштението.

Македонија | пред 3 седмици

3 нед.
Skopje_-_Ministry_of_Foreign_Affairs_of_Macedonia

МНР апелира: Граѓаните да се воздржат од патувања на Блискиот Исток и Кипар

Министерството за надворешни работи и надворешна трговија со внимание и загриженост ги следи случувањата во поширокиот регион на Блискиот Исток, кои имаат директно влијание врз регионалната и меѓународната стабилност. „Со оглед на очигледните обиди на Иран да таргетира, покрај Израел, и повеќе арапски држави, вклучително и Обединетите Арапски Емирати, Катар, Кувајт, Бахреин, Саудиска Арабија, Либан и Ирак, како и британската воена база на територијата на Република Кипар, Министерството повторно апелира до сите државјани на Република Северна Македонија да се воздржат од непотребни патувања во поширокиот регион на Блискиот Исток. Недвосмислено ги осудуваме сите напади врз нашите пријатели и партнери. Повредата на суверенитетот и таргетирањето цивилни цели се неприфатливи и се во директна спротивност со основните принципи на меѓународното право. Мирот, безбедноста и стабилноста на Блискиот Исток не се апстрактни категории, туку суштински предуслови за глобалната стабилност.Приоритет на Владата останува безбедноста и поддршката на македонските државјани кои по различни основи се наоѓаат во овој регион. Во текот на изминатиот период, надлежните дипломатско-конзуларни претставништва се во континуирана комуникација со нив.Министерството, во координација со дипломатско-конзуларните претставништва, разгледува повеќе можни сценарија за репатриација и евакуација, кои ќе бидат активирани кога тоа ќе го дозволат условите на терен и/или по повторно воспоставување на воздушниот сообраќај“, велат од МНР.

Македонија | пред 3 седмици

3 нед.
media-libraryvvodr8n2odu8fJzF2xF

Цените на дизелот достигнаа највисоко ниво во последните две години

Цените на дизелот денеска скокнаа за речиси 20 отсто, достигнувајќи највисоко ниво во последните две години поради нарушувањата во транзитот на енергетски суровини од Блискиот исток преку Ормутскиот теснец. Дизелот со низок удел на сулфур и рок на испорака во март утрово на отворањето на Интерконтиненталната берза (ICE) изнесуваше 877,25 долари за барел и беше за 17 отсто поскап отколку на затворањето на тргувањето минатиот викенд, пишува Индекс.хр.Попладне цената се зголеми за 19,2 отсто и достигна 897,5 долари. Цените на горивата се зголемија поради запирањето на транзитот преку Ормутскиот теснец на почетокот на неделата, откако во саботата се случија американско-израелски напади врз Иран. Техеран возврати со напади врз цели во Израел и американски бази во земјите околу Персискиот Залив, вклучувајќи ги Обединетите Арапски Емирати, Катар, Кувајт и Бахреин.Иран засега не планира да го затвори Ормутскиот теснец, изјави министерот за надворешни работи Абас Аракчи во неделата во разговор за Ал Џезира. Меѓутоа, бродските компании застанаа со испораките поради извештаите за оштетување на неколку танкери во регионот, а група осигурителни компании соопшти дека од средината на неделата повеќе нема да го покриваат ризикот од воени дејствија.Аналитичарите предупредуваат дека дизелот во блиска иднина ќе биде под „најакутен физички притисок“, бидејќи е главно гориво за воената логистика, доаѓа од само неколку региони и е нафтен производ кој најтешко може да се замени со испораки од други извори во краток рок.

Свет | пред 3 седмици

3 нед.
media-librarylrg6u3agv1fh3MqplpE

Даунинг стрит со одговор до Трамп по изјавата дека е разочаран од Стармер

Претседателот на САД, Доналд Трамп, изјави дека е „многу разочаран“ во премиерот Кир Стармер затоа што не дозволил веднаш САД да користат британски воени бази за покренување офанзивни напади врз Иран.Службен портпарол на премиерот изјави дека Обединетото Кралство донело внимателна одлука да не се вклучува во офанзивни акции, бидејќи сака да придонесе кон решавање на ситуацијата во регионот.Портпаролот појасни дека барањето на САД за користење на базите во одбранбени цели се совпаднало со иранските напади врз британските интереси и загрозувањето на британските граѓани. На тоа барање, додаде, Обединетото Кралство „одговорило во согласност со ситуацијата“.Подсетуваме, Трамп денеска изјави дека на Стармер му требало „преолго“ да се предомисли.„Веројатно никогаш порано тоа не се случило помеѓу нашите земји“, рече американскиот претседател за Telegraph. „Звучи како да бил загрижен за легалноста“, додаде Трамп.Премиерот на Велика Британија подоцна сепак го прифати американското барање за користење на британските бази за одбранбени напади против складиштата на ирански ракети и лансери.

Свет | пред 3 седмици

3 нед.
media-librarymdcluv3pub9p1XeLRfK

Пентагон: Нема американски војници во Иран, но не откриваме што следува

Американскиот министер за одбрана Пит Хегсет изјави дека во моментов нема распоредени американски војници на територијата на Иран, но одби да коментира за можните идни потези на Вашингтон.Одговарајќи на прашање на новинар во Пентагон дали има „американски војници на територијата на Иран“, Хегсет кусо одговори дека нема, по што додаде дека администрацијата на претседателот Доналд Трамп нема јавно да ги соопштува своите планови.„Нема да навлегуваме во тоа што ќе направиме или нема да направиме. Погрешно е да се мисли дека треба однапред да му кажуваме на американскиот народ, но и на нашите непријатели, точно што ќе преземеме, колку долго и до каде ќе одиме“, изјави Хегсет.Тој порача дека Трамп сака противниците на САД да знаат оти Вашингтон ќе оди „онолку далеку колку што е потребно“ за заштита на американските интереси, но без, како што рече, непромислени потези.Министерот посочи дека за постигнување на целите не е нужно испраќање масовни копнени сили и долгорочно воено присуство, алудирајќи на претходните американски ангажмани во Ирак и Авганистан.„Ќе бидеме решителни и подготвени. Работиме со месеци на планирање на ефектите што сакаме да ги постигнеме“, нагласи Хегсет, додавајќи дека САД нема однапред да ги откриваат своите воени планови.„Зошто би му кажале на непријателот што ќе направиме? Се бориме за да победиме и да ги оствариме целите поставени од претседателот на Соединетите Држави. И тоа ќе го направиме без извинување“, заклучи американскиот министер за одбрана.

Свет | пред 3 седмици

3 нед.
media-libraryuorm5rg4lhh68fwu8X9

Скопје лидер по прекршоците од „Безбеден град“: регистрирани 12.073 казни

Во периодот од 01.02.2026 до 28.02.2026 од страна на системот „Безбеден град“ на подрачјата на градовите и Коридорите каде се поставени камери, регистрирани се вкупно 19.066 прекршоци. Од вкупниот број на регистрирани прекршоци најголемиот број се за управување на возило со брзина поголема од дозволената 18.172, потоа за минување на затворен сигнал (црвено светло) 220 прекршоци, а за управување со возило со измината важност на сообраќајната дозвола констатирани се 674 прекршоци.Исто така, изречени се вкупно 653 мерки „забрана за управување со возило“, од кои 220 се за „минување на црвено светло“, а 433 се за „брзо возење“.Гледано по седмици, најголем број на прекршоци се регистрирани во периодот од 02 до 08 февруари-4.991, а најмал во периодот од 09 до 15 февруари - 4.490, додека по денови најмногу на 28 февруари, а најмалку на 11 февруари – 377. Изминатиот месец дневниот просек изнесува 706 прекршоци.Најголем дел од прекршоците се регистрирани на подрачје на град Скопје-12.073 или 63,3% од вкупниот број на регистрирани прекршоци. Значаен дел од прекршоците се регистрирани и на патните правци долж Коридорите 8 и 10-вкупно 5.702, а најмал број на подрачјето на СВР Тетово – 370 и останати локации-17 прекршоци.Апелираме до сите учесници во сообраќајот да се почитуваат сообраќајните правила и прописи и сите заедно да придонесеме за посигурни и побезбедни патишта.

Македонија | пред 3 седмици

3 нед.
Screenshot-2024-10-26-at-11.07.13

Началникот на Заедничкиот штаб на САД: Очекуваме дополнителни загуби во операциите против Иран

Претседателот на Заедничкиот штаб на американските вооружени сили, Ден Кајн, изнесе нови детали за досегашните воени акции на САД против Иран.Кајн изрази сочувство до американските војници кои загинале или биле ранети во операцијата. Американското Централно командување претходно потврди дека четврти американски војник „подлегнал на повредите“ добиени за време на почетните ирански напади.Очекуваме дополнителни загуби и, како и секогаш, ќе работиме на тоа да ги сведеме американските загуби на најмало можно ниво“, рече тој.Кајн посочи дека во саботата во 01:15 по источноамериканско време започнала „Операција Епски бес“, додавајќи дека не станува збор за еднократна ноќна мисија.Тој истакна дека во операцијата учествуваат морнарицата, маринците, воздухопловните сили и крајбрежната стража, во соработка со израелската армија.Процесот на распоредување на силите продолжува и денес“, рече тој, додавајќи дека пристигнуваат дополнителни сили.

Свет | пред 3 седмици

3 нед.
media-libraryfcbo9161blm9cNMmFC7

Трајко ја убил Марија од Куманово покажа истрагата откако телото беше откопано, ќе се ексхумира телото на уште една жена

Кумановката Марија Мартиновска (35) била убиена од Трајко Бојковски, потврдила ДНК анализата, откако телото беше ексхумирано. Нејзината смрт била насилна, потврдила обдукцијата.Обвинителството посочува дека меѓу 16 и 17 јануари осомничениот влегол во домот на жртвата и со удари по главата ѝ го одзел животот. Обвинителот Љубомир Лапе кој ја води истрагата изјави дека форензичките траги упатуваат оти делото е извршено од истото лице кое се поврзува и со друг случај.Паралелно е издадена наредба за ексхумација на тело на постара жена која, според првичните информации, одговара на профилот на првата жртва.Бојковски веќе е осомничен дека во периодот од 27 јануари до 12 февруари, на засега точно неутврден датум, во селото Челопек, Општина Старо Нагоричане, со умисла и на свиреп и подмолен начин ја убил 78-годишната Мира С.Обвинителството издаде наредби за психијатриско вештачење на осомничениот, како и за проверка на евентуална вмешаност на други лица, иако во овој момент тој е единствениот осомничен. Се испитува и евентуална одговорност на полициски службеници.Истрагата започна по пријава од преживеана жртва, 83-годишната Слободанка Арсовска од Куманово, која пред шест месеци успеала да се спаси. По нејзината пријава, истражителите започнале проверка и на претходни сомнителни случаи.Мотивот на сторителот засега не е утврден. Се очекуваат наоди од повеќе стручни лица кои треба да ја проценат неговата психичка состојба. Осомничениот во моментов е изолиран во притвор во кумановскиот затвор „К’шање“.Во фокусот на истрагата се и околностите под кои првично кај една од жртвите била констатирана природна смрт. Адвокатот на семејствата, Александар Симоновски од Куманово, изјави дека во случајот со помладата жртва првично било утврдено дека станува збор за природна смрт, но последното вештачење покажало постоење на повреди.Ќе се проверува и одговорноста на полициски службенци во делот на евентуални пропусти.

Македонија | пред 3 седмици

3 нед.
media-librarys0cd5gpk11jraBNKnz9

Американски сенатор: Куба е следна

Американскиот сенатор и сојузник на поранешниот претседател Доналд Трамп, Линдзи Греам, гостуваше во емисијата „Sunday Night in America“ на телевизијата Fox News, каде ја изнесе својата проценка за тоа што би можело да следи по американскиот напад врз Иран.Сè што можам да кажам е дека претседателот Трамп ja заврши работата што претседателот Рејган не успеа да ја доврши. Јас сум голем обожавател на Роналд Рејган, но тука сум да ви кажам дека Доналд Трамп, според моето мислење, е златен стандард за републиканците, можеби и за секој претседател кога станува збор за надворешна политика“, нагласи Греам.Тој додаде:Мадуро, сите зборуваа за него. Па, Доналд Трамп го стави во затвор. Куба е следна. Тие ќе паднат. Оваа комунистичка диктатура на Куба има броени денови.Греам исто така изјави дека иранскиот режим, кој го нарекува „матичното пловило на меѓународниот тероризам“, е на работ на колапсот, откако највисокиот водач, ајатолахот, бил убиен во нападите. Тој изрази благодарност за жртвата на американските војници кои загинале и повика на „завршување на работата“.Според некои процени, ситуацијата на Куба се влошила откако падна режимот во соседната Венецуела и кога американската војска го уапси поранешниот претседател Николас Мадуро, што доведе до прекини во снабдувањето со нафта и енергетска криза на островот. Истовремено, САД ја зголемија својата политичка и економска политика кон Куба, што дополнително ги зголеми тензиите меѓу двете земји.

Свет | пред 3 седмици

3 нед.
media-libraryin8s2pk7vhcqbymrOIB

Дурмиши: Новата минимална плата е 26.046 денари

Премиерот Христијан Мицкоски по денешната седница на Економско-социјалниот совет порача дека Владата се однесува одговорно и не сака да создава лажни очекувања за периодот по завршувањето на сегашниот мандат во 2028 година. Тој потврди дека зголемената минимална плата ќе започне да се исплатува веќе со мартовската плата.Се однесуваме одговорно во рамките на мандатот кој го добивме. Не преземаме обврски за периодот после 2028 година, како што бил случајот во минатото. Сакаме да сме одговорна влада која ќе ги реши напластените и наследени проблеми од нестручното менаџирање“, истакна Мицкоски.Премиерот нагласи дека во изминатиот период се регулирани односите со над 95% од гранковите синдикати преку Колективни договори. Тој посочи дека е постигнат значаен договор и со синдикатите УПОЗ и САДУ, во кој се вклучени и други организации, со што се затвориле долгогодишни отворени прашања во администрацијата.Новата минимална плата е 26.046 денари во нето-износ, односно 38.507 денари во бруто-износ, заедно со придонесите и данокот. Ова го објави министерот за економија Бесар Дурмиши, на прес-конференција по завршување на Економско-социјалниот совет.Министерот рече дека во нето-износ минималната плата се зголемила за 1.667 денари и дека зголемувањето веќе важи за мартовската плата што ќе се исплаќа во април.Растот на минималната плата е резултат на системско и законско решение за раст на минималнатa плата штитејќи го стандардот на населението, но истовремено водејќи сметка за одржливоста на економијата – рече Дурмиши.Претседателот на ССМ, Слободан Трендафилов ја напушти седницата на Економско-социјалниот советДенеска, на мала врата пробаа да утврдат усогласување на минималната плата за околу 1.600 денари во што ССМ нема мандат да учествува и ја напушти седницата на ЕСС. Жалосно е тоа што Владата, работодавачите и другите синдикати се на истиот став, а тоа е минималната плата само законски да се усогласи и да не се зголеми. Борбата продолжува повторно на улица на средината на март – соопшти Трендафилов.

Македонија | пред 3 седмици

3 нед.
media-libraryhu2k4voo6gk4er5LtNE

Министерот Љутков во Брисел на средба со Нела Рајхл: Фокус на младите, дигитализацијата и развојот на креативните индустрии  

Министерот за култура и туризам Зоран Љутков, во рамките на посетата на Брисел, денеска оствари работна средба со Нела Рајхл, претседателка на Комитетот за култура и образование при Европскиот парламент.На средбата, Љутков ја истакна цврстата заложба на Министерството за култура и туризам за унапредување на културните политики, со акцент на младите, дигитализацијата и современата промоција на културното наследство, како и на системски развој на креативните индустрии.Министерот ја потенцираше активната вклученост на Македонија во користењето на европските инструменти за помош и програмите за соработка со земјите членки на Европската Унија, вклучително и ТАЕКС (TAIEX) и другите ИПА-инструменти за претпристапна помош. Тој рече дека Министерството за култура и туризам ги имплементира програмите „Креативна Европа – Култура и Медиа“, кои овозможуваат поддршка за копродукции, мобилност на уметници, европски мрежи и градење институционални капацитети, додека Министерството за образование и наука ги спроведува програмите „Хоризонт“ (Horizon) – за истражувања во технологиите за дигитално наследство и „Еразмус +“ (Erasmus+) – насочена кон образовна и младинска мобилност.Љутков нагласи дека Македонија ја препознава сѐ поголемата економска и општествена вредност на креативните индустрии, кои претставуваат стратегиски двигател на економскиот раст, иновациите и меѓународната видливост. Во таа смисла, ќе се интензивира соработката со европските земји кои ги препознаваат културните и креативни индустрии како приоритетен сектор.Според министерот Љутков, акцент е ставен врз дигитализацијата и дигиталната трансформација, особено во заштитата и промоцијата на културното наследство. Тој рече дека како земја со исклучително богато културно наследство, Македонија посветува големо внимание на зачувувањето на јазикот, фолклорот, традиционалните занаети, фестивалите и музиката како континуитет на културниот идентитет.Дополнително, тој информираше дека Министерството за култура неодамна го презеде и секторот туризам во својата институционална структура, со што се отвораат нови стратегиски цели за развој на културниот туризам и за воспоставување рамнотежа меѓу заштитата на наследството и современиот креативен развој.На средбата соговорниците ја потврдија заедничката заложба за понатамошно продлабочување на соработката, со цел унапредување на европските културни политики и зајакнување на улогата на културата во процесите за европска интеграција.

Македонија | пред 3 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања