Промени тема
Контакт
Нова вест Админ
site logo skopje1
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме

Најнови вести

3 нед.
media-library79fpk2vphpuh1yJHObt

Либан: Израел го прекршил примирјето со повеќе напади

Армијата на Либан соопшти дека израелските сили повеќепати го прекршиле прекинот на огнот кој стапи во сила синоќа, обвинувајќи ги Израелски одбранбени сили за нови напади и гранатирања.Во соопштението објавено рано утринава се наведува дека се регистрирани повеќе напади, како и повремено гранатирање на неколку населени места во јужниот дел на земјата. Либанската армија апелираше до граѓаните да бидат внимателни при враќањето во своите домови, и покрај тоа што примирјето формално е во сила.Десетдневниот договор за прекин на огнот меѓу Израел и Либан беше најавен од американскиот претседател Доналд Трамп и започна да важи синоќа. Либанскиот претседател Жозеф Аун го поздрави договорот, додека израелскиот премиер Бенјамин Нетанјаху го оцени како „историска можност“ за мир.И покрај договорот, Хезболах, коj има поддршка од Иран, претходно разменуваше напади со израелските сили, а ситуацијата на терен и натаму останува нестабилна. Израелската страна засега нема официјален одговор на обвинувањата, но соопшти дека нејзините сили остануваат во состојба на висока подготвеност.

Свет | пред 3 седмици

3 нед.
jsp-avtobus

ЈСП: Изменет режим на линиите 31 и 163 поради реконструкција во Кисела Вода

Поради реконструкција на улица во општина Кисела Вода, од 17 април ќе има измени во сообраќајот на автобусите на линиите 31 и 163, информира ЈСП.Реконструкцијата ќе се одвива на ул. „Киро Фетак“, кај мостот по вкрстувањето со „Герника 10“, при што улицата ќе биде затворена во двата правци во наредните шест месеци.Во зависност од динамиката на градежните активности, автобусите ќе бидат пренасочени и ќе сообраќаат по изменета траса преку бул. „Србија“, бул. „12-та Македонска Бригада“ и ул. „Горно Лисиче“, во двата правци.

Македонија | пред 3 седмици

3 нед.
media-libraryrhfnvbj6ievfeNpGhYp

Европските десничари се дистанцираат од Трамп

Американскиот претседател Доналд Трамп станува сè понепосакуван партнер за европските десничарски партии, кои почнуваат да се дистанцираат од него поради политичката тежина што ја носи, пишува Politico.Овој тренд дополнително се засили по изборниот пораз на унгарскиот премиер Виктор Орбан, кој важеше за еден од најблиските сојузници на Трамп во Европа. И покрај отворената поддршка и посетата на американскиот потпретседател Џеј Ди Венс во кампањата, резултатот беше пораз, што многумина го толкуваат како предупредување.Лидерката на француската десница Марин Ле Пен, според партиски извори, им порачала на своите соработници дека треба да се држат на дистанца од Трамп. Сличен пристап има и италијанската премиерка Џорџа Мелони, за која пресвртна точка биле нападите на Трамп кон папата Лав XIV.И во Германија, дел од десничарската Алтернатива за Германија внимателно ја преиспитува поврзаноста со Вашингтон, особено пред важни избори.Иако дел од политичарите сè уште гледаат корист од одржување врски со американската администрација, доминира ставот дека јавното приближување кон Трамп може да биде политички товар, особено во контекст на растечките тензии на Блискиот Исток и економските последици во Европа.Сепак, и покрај дистанцирањето од Трамп, моделот што го воспостави Виктор Орбан – конфронтација со ЕУ и силна националистичка агенда – останува влијателен меѓу десничарските партии низ Европа.

Свет | пред 3 седмици

3 нед.
media-libraryat0lrpmbh2bj2vc69Kd

Зеленски ја одби американската понуда: „Не сме идиоти“

Претседателот на Украина, Володимир Зеленски, остро ги отфрли предлозите според кои безбедносните гаранции од САД би биле условени со откажување од регионот Донбас.Во интервју за германскиот медиум ZDF, Зеленски изјави дека таквите предлози суштински значат капитулација.„Тие велат гаранциите ќе дојдат по крајот на војната – а војната ќе заврши кога ќе се повлечеме од Донбас. Не сме идиоти. Знаеме што значи тоа“, рече тој.Зеленски додаде дека дел од американските функционери, меѓу кои Џаред Кушнер и Стив Виткоф, сметаат дека Русија ја добива војната, но оцени дека таквата проценка е погрешна.И покрај тоа, украинскиот претседател нагласи дека дијалогот со Вашингтон продолжува, додавајќи дека Киев е подготвен на деескалација – вклучително и запирање на нападите врз руската енергетска инфраструктура, доколку Москва возврати со ист чекор.Тој повтори дека Русија ќе мора да ја плати штетата од војната, било преку договор или преку меѓународни економски механизми, нагласувајќи дека територијалните отстапки не се опција за Украина.

Свет | пред 3 седмици

3 нед.
nato-mrezi

Русија со закани кон четири НАТО членки

Секретарот на Советот за безбедност на Русија, Сергеј Шојгу, упати предупредување до Финска, Естонија, Латвија и Литванија дека Москва го задржува правото на „самоодбрана“ доколку украински дронови вршат напади врз руска територија користејќи го нивниот воздушен простор.Шојгу, кој беше министер за одбрана на почетокот на инвазијата во 2022 година, без да приложи докази, тврдеше дека нападите врз Русија сè почесто се изведуваат преку воздушниот простор на овие земји.„Постојат две можности: или западните системи за противвоздушна одбрана се неефикасни, или овие држави намерно дозволуваат користење на нивниот простор, што значи дека се активни учесници“, изјави тој, повикувајќи се на член 51 од Повелбата на ОН, кој се однесува на правото на самоодбрана.Од друга страна, од Украина доаѓаат спротивни тврдења. Заменик-министерот за надворешни работи Андриј Сибига изјави дека постојат разузнавачки информации оти Русија намерно пренасочува дронови кон балтичките земји и Финска со цел да предизвика тензии.Балтичките држави ги отфрлија руските обвинувања, оценувајќи ги како неосновани и дел од пропаганда, додека НАТО внимателно ги следи случувањата.Ова е уште едно во серијата предупредувања од Москва кон европските земји, во време кога расте загриженоста дека конфликтот може дополнително да се прошири надвор од границите на Украина.

Свет | пред 3 седмици

3 нед.
Screenshot-2025-01-21-at-14.34.06

Уште еден бренд му забрани на Трамп да ја користи „Forever Young“: „Се гнасиме од неговите политички ставови“

Германскиот поп/синт-поп состав „Алфавил“ најави дека ќе преземе правни чекори против американскиот претседател Доналд Трамп поради користење на нивниот култен хит „Forever Young“ во промотивно видео објавено на социјалната мрежа Truth Social.Спорниот материјал, објавен пред два дена, го прикажува животот на Трамп од детството до денес низ низа анимации генерирани со вештачка интелигенција. Видеото започнува со наводна слика од него на четиригодишна возраст и го следи низ периодот од 1950 до 2025 година, додека во заднина се слуша песната што со децении важи за симбол на една генерација.Реакцијата на бендот дојде преку нивните официјални канали, со остра порака од фронтменот Маријан Голд. Во изјавата се нагласува дека бендот не се согласува со политичките ставови на Трамп и бара објавата веднаш да биде тргната од интернет.„Бидејќи ние, бендот ‘Алфавил’, на никаков начин не се согласуваме со политичките ставови на Доналд Трамп – напротив, се гнасиме од нив – ќе се погрижиме оваа објава веднаш да биде отстранета од интернет.“Во продолжение, од „Алфавил“ додаваат дека забрануваат каква било понатамошна употреба на нивната музика од страна на Републиканската партија и нејзиниот претседател, потпишувајќи ја пораката со „пријателски поздрави од стара Европа“ и името на Голд.„Алфавил“ се еден од најпрепознатливите синт-поп бендови од почетокот на 1980-тите, формиран во Минстер. Освен „Forever Young“, светска слава стекнаа и со „Big in Japan“. Од оригиналната поставa, денес во бендот останува токму Маријан Голд, а групата зад себе има повеќе од четири децении кариера.Овој случај не е изолиран. Во последните години повеќе познати музичари јавно реагираа и побараа нивните песни да не се користат на политички настани и кампањи поврзани со Трамп, особено за време на изборни митинзи.

Свет | пред 3 седмици

3 нед.
media-librarybbq9dv554n957jlc7Y6

(Видео) Трамп тврди дека папата поддржал нуклеарно оружје за Иран – новинарка го демантира

Американскиот претседател Доналд Трамп предизвика нова контроверзија откако изјави дека папата Лав XIV поддржува Иран да има нуклеарно оружје – тврдење кое веднаш беше оспорено од новинарите.Во разговор со медиуми, Трамп рече дека „папата дал изјава дека Иран може да има нуклеарно оружје“, по што новинарка го прекина и посочи дека таква изјава никогаш не била дадена.На прашањата зошто „се кара со папата“, Трамп одговори дека нема ништо против него и дека не станува збор за конфликт, туку за, како што тврди, став што папата го изразил.Сепак, нема потврда дека папата Лав XIV некогаш дал изјава во која поддржува нуклеарно вооружување на Иран, што дополнително ја отвора дилемата за точноста на изнесените тврдења од страна на американскиот претседател.

Свет | пред 3 седмици

3 нед.
media-libraryit4682i4548j11F1nU1

Трамп: Иран ќе го предаде ураниумот, крајот на војната е блиску

Американскиот претседател Доналд Трамп изјави дека Иран се согласил да го предаде збогатениот ураниум – едно од најспорните прашања во преговорите – оценувајќи дека војната може наскоро да заврши.Говорејќи на настан во Лас Вегас, Трамп истакна дека конфликтот се одвива „одлично“ и најави дека нова рунда разговори би можела да започне веќе овој викенд.Претходно, од Белата куќа, тој рече дека Техеран прифатил да не развива нуклеарно оружје и да го предаде она што го нарече „нуклеарен прав“, односно збогатен ураниум кој, според него, бил складиран под земја по минатогодишните американско-израелски напади.Официјален Иран засега не се огласи по овие тврдења. Трамп додаде дека не е сигурен дали ќе има потреба од продолжување на примирјето, кое истекува за пет дена, што остава неизвесност околу конечниот исход на преговорите.

Свет | пред 3 седмици

3 нед.
media-librarybnj6a4fjvvkua7zCKpX

Кинеските астронаути остануваат во орбита уште еден месец

Кинеската посада на вселенската мисија Шенџоу-21 ќе остане во орбита уште еден месец, откако властите одлучија да го продолжат нивниот престој со цел дополнително тестирање на технологии за долгорочен лет.Леталото беше лансирано на 31 октомври со ракета Лонг Марч-2Ф од центарот Џиукван во северозападна Кина, а мисијата ја сочинуваат тројца астронаути – Жанг Хонгжанг, Ву Феи и командантот Жанг Лу.Тие веќе поминале повеќе од пет месеци во вселената и, според кинеските власти, се во добра физичка и работна состојба. Во текот на мисијата успешно реализирале повеќе задачи, меѓу кои поставување опрема за заштита од вселенски отпад и проверки на надворешни системи на леталото.Првично беше планирано враќање во април, по завршување на шестмесечниот престој, но сега мисијата се продолжува за околу еден месец. Во тој период астронаутите ќе продолжат со научни и технолошки експерименти, со фокус на одржливост на долгорочен престој во орбита.

Свет | пред 3 седмици

3 нед.
media-librarytbm78i18dil36pMjVzr

САД објавија снимка од блокадата во Оманскиот Залив: Американска морнарица пресретнува бродови кон Иран

Американското воено заповедништво CENTCOM објави снимка од Омански Залив, на која се гледа како воен хеликоптер следи трговски брод во рамки на поморската блокада поврзана со Иран.Покрај видеото, објавена е и аудио комуникација со бродот „Мали“, во која американски воен брод информира дека ќе го придружува до следното пристаниште и ќе остане на комуникација.Од CENTCOM соопштија дека американската морнарица активно ги пренасочува трговските бродови кои пловат кон иранските пристаништа или излегуваат од нив, нагласувајќи дека операцијата ќе продолжи „колку што е потребно“.Ова доаѓа откако Иран практично го затвори Ормутски теснец на почетокот на конфликтот со САД и Израел – една од најважните светски рути за транспорт на нафта.Како одговор, САД воведоа сопствена поморска блокада на иранските пристаништа, со цел да го ограничат извозот на нафта и да извршат дополнителен притисок врз Техеран во услови на ескалација на конфликтот.

Свет | пред 3 седмици

3 нед.
media-libraryjc3bsvsqpnai3K2G1Fn

Руски дрон влезе во воздушниот простор на Романија

Романските радарски системи детектирале дрон кој го нарушил националниот воздушен простор за време на руски ноќен напад врз Украина, соопшти Министерството за одбрана на Романија.Дронот бил следен сè додека не бил изгубен од радарите југоисточно од пограничното село Килија Веке, кое се наоѓа во близина на границата со Украина.Романија, како членка на НАТО и Европската унија, има копнена граница од околу 650 километри со Украина. Откако Русија започна напади врз украинските пристаништа долж реката Дунав, ваквите инциденти зачестија.Во изминатиот период, повеќепати беа регистрирани нарушувања на романскиот воздушен простор, како и пад на делови од дронови на нејзина територија, што дополнително ја зголемува загриженоста за безбедноста во регионот.

Свет | пред 3 седмици

3 нед.
onkologija-41

Онколошка пациентка прашува: Колкумина нема да ја дочекаат терапијата, која ја нема два месеци?

Онколошката пациентка Катерина Цаневска реагира дека во последните два месеци недостасуваат клучни терапии – Palbociclib, Fulvestrant и Nivolumab – предупредувајќи дека за пациентите тоа не е административен проблем, туку директна закана по живот.„За некого ова се само имиња на лекови. За онколошките пациенти ова е време што не смее да се изгуби. Долгото одложување се смета за висок ризик бидејќи му дава шанса на туморот да напредува“, посочува таа.Нејзината реакција доаѓа откако министерот за здравство пред две недели во „Претрес“ уверуваше дека „никој не е оставен без терапија“ и дека пациентите добиваат заменска терапија. Цаневска го доведува во прашање овој став, прашувајќи како изгледа „заменска терапија“ кога, како што вели, недостасуваат сите клучни лекови.„Онкологијата не е супермаркет па ако нема едно, да земеш друго од рафт. Секој пациент има протокол, дијагноза, фаза, шанса“, наведува таа.Дополнителна дилема, според неа, отвора и новата изјава од Министерството дека се анализира „каде завршуваат лековите“, што, како што оценува, е директен показател за нефункционалност на системот.„Тоа не е недоследност – тоа е признание дека системот не знае што прави. Каде се лековите? Кој потфрлил? Кој ќе одговара?“, прашува Цаневска.Таа потенцира дека секој ден без терапија значи намалени шанси за преживување и додава дека прашањето веќе не е дали пациентите ќе добијат лек, туку колкумина нема да го дочекаат.

Коментари | пред 3 седмици

3 нед.
galetanovski

Галетановски: Амстердам спасува ноќен живот, Скопје го губи

Ѓорги Галетановски, советник на СДСМ во Град Скопје, кој е познат по своите заложби за развој на ноќниот живот, реагира дека додека европските градови преземаат конкретни чекори за негово спасување, во Скопје состојбата се влошува.Како пример го посочи Амстердам, каде, според него, клубовите се договориле да субвенционираат цени на влезници и пијалаци со цел да се привлечат младите и да се одржи ноќниот живот.„Можеше и кај нас. Пред две години предложив мерки за угостителите, но денес немаме ни ноќен живот, ни млади, ниту пак газдите можат да се договорат“, наведува Галетановски.Тој посочува дека недостигот на координација и конкретни политики довел до ситуација во која ноќниот живот во главниот град постепено згаснува, а младите ја губат понудата која би ги задржала во градот.

Коментари | пред 3 седмици

3 нед.
media-libraryivvmaj7g2c9fcuyqGQf

Новата власт во Унгарија нема да ги зголеми цените на горивата

Лидерот на партијата Тиса, Петер Маѓар, која победи на парламентарните избори во Унгарија, најави дека ограничените цени на дизелот и бензинот ќе останат во сила и по преземањето на власта, без дополнително оптоварување на државниот буџет.Во објава на Фејсбук, Маѓар соопшти дека договорот е постигнат по разговори со извршниот директор на нафтено-гасната компанија МОЛ група, Жолт Хернади, во присуство на претставници на Тиса и раководството на компанијата.„МОЛ потврди дека континуираното снабдување со гориво во Унгарија ќе биде загарантирано, дури и во услови на турбуленции на глобалниот пазар“, наведе Маѓар.Со оваа одлука, новата унгарска влада сигнализира дека ќе продолжи со мерките за контрола на цените, со цел да го ублажи ударот врз граѓаните во услови на нестабилни енергетски пазари.

Свет | пред 3 седмици

3 нед.
eZy-Watermark_01-10-2023_05-04-36-4590PM

Променливо време со дожд и ветер, од вторник нов бран нестабилност

Променливо облачно со сончеви периоди. Во јужните делови ќе има услови за краткотраен локален дожд и појава на ретки грмежи. Ќе дува умерен, повремено засилен ветер од северен правец. Минималната температура ќе биде во интервал од 6 до 12, а максималната ќе достигне од 17 до 25 степени.Во Скопје, променливо облачно. Ќе дува слаб до умерен северен ветер. Минималната температура ќе се спушти до 10, а максималната ќе достигне до 23 степени.Утре и за време на викендов времето ќе биде променливо облачно со сончеви периоди. Утре и во сабота ќе дува умерен со засилен северен ветер и ќе има појава на локален дожд со услови за ретки грмежи. Од вторник повторно ќе биде нестабилно со врнежи од дожд и појава на грмежи.

Македонија | пред 3 седмици

3 нед.
eZy-Watermark_26-08-2023_12-39-30-3910PM

Прекини на струја во три општини: проверете дали сте на списокот

Дел од Скопје денеска ќе остане без електрична енергија поради планирани зафати, информира Регионалниот центар за управување со кризи, повикувајќи се на податоци од ЕВН Македонија.Во општина Карпош, од 08:30 до 15:00 часот без струја ќе бидат корисниците од улиците 1506 и 1550 во Момин Поток, како и објектите на фирмите „Електроводомонт“ и „Европа 92“.Во општина Сарај, од 09:30 до 14:00 часот без електрична енергија ќе останат селата Рашче, Копаница и Бојане, каптажата Рашче, како и дел од корисниците во Кондово.Во општина Центар, од 11:00 до 13:00 часот без струја ќе бидат дел од улицата „Рилски Конгрес“ (од број 2 до 8), како и дел од улицата „Ѓорѓи Скрижевски“, на потегот од крстосницата со „Христо Чернопеев“ до „Рилски Конгрес“.

Скопје | пред 3 седмици

3 нед.
262886969_215755700709339_3424351090063217574_n

Пожари на ѓубришта и трева низ Скопје, делови од градот денеска без струја

Регионалниот центар за управување со кризи информира дека во изминатото деноноќие на територија на Скопје имало повеќе интервенции поради запалени ѓубришта и сува трева на различни локации низ градот и околината .Од ЈП „Водовод и канализација“ информираат дека нема најави за прекини или технички зафати во водоводната мрежа .Од ЕВН соопштуваат дека имало помал број дефекти во нисконапонската мрежа, кои биле брзо санирани, но за денеска се најавени и планирани исклучувања на електрична енергија: во периодот од 08:30 до 15:00 часот делови од Момин Поток во општина Карпош, од 09:30 до 14:00 часот селата Рашче, Копаница, Бојане и дел од Кондово во Сарај, како и од 11:00 до 13:00 часот делови од Центар ..Јавниот превоз во Скопје, поради празничниот период, сообраќа по неделен возен ред, а дел од автобусите имаат изменети траси поради градежни работи .Воедно, за денеска се планирани повеќе крводарителни акции во Скопје, Битола, Лозово и Струга, додека редовното дарување крв продолжува во Домот на хуманитарни организации „Даре Џамбаз“ .

Скопје | пред 3 седмици

3 нед.
media-library1ve5ufdd63v50gpMbd8

Трамп: Иран прифати речиси сѐ, договорот е на дофат

Американскиот претседател Доналд Трамп изјави дека САД се многу блиску до постигнување договор со Иран, нагласувајќи дека Техеран веќе прифатил „речиси сѐ“, пренесуваат Reuters и BBC.„Сѐ укажува дека ќе постигнеме договор со Иран. Тоа ќе биде добар договор, договор без нуклеарно оружје“, изјави Трамп пред новинарите при заминување од Белата куќа.Според него, Иран се согласил да не развива нуклеарно оружје во период подолг од 20 години, а додаде и дека постојат сигнали дека ваквите ограничувања би можеле да важат и подолгорочно.Трамп најави дека е подготвен да отпатува во Исламабад доколку таму се финализира и потпише договорот.Засега, официјален Техеран не ги коментирал изјавите, што остава отворено прашање колку навистина е блиску финалниот договор и дали има усогласеност меѓу двете страни.

Свет | пред 3 седмици

3 нед.
media-librarybf78tj12r94fdPla1kY

Нов удар од Вашингтон: Трамп вели НАТО сам си создал проблем

Американскиот претседател Доналд Трамп упати остри критики кон НАТО, тврдејќи дека Алијансата не ги поддржала САД кога тоа било потребно.„Трошиме билиони долари за НАТО, а кога ги замолив да се вклучат во една многу помала ситуација – не застанаа зад нас. Никој од нив“, изјави Трамп од Белата куќа, пренесува The Guardian.Тој додаде дека САД во минатото стоеле зад Украина кога се соочувала со проблеми, но изрази сомнеж дека европските сојузници би возвратиле со иста поддршка во случај на сериозна криза.„Не верувам дека би застанале зад нас во големи проблеми, и затоа мислам дека самите си создадоа проблем“, рече Трамп.Паралелно со критиките, Трамп најави дипломатска иницијатива, посочувајќи дека во наредните денови очекува средба меѓу лидерите на Израел и Либан во Вашингтон.Според него, станува збор за потенцијално историски состанок, прв по повеќе од четири децении, кој би можел да отвори пат за поширок договор на Блискиот Исток.Изјавите доаѓаат во период на зголемени геополитички тензии, при што односите меѓу САД и сојузниците повторно се ставаат под лупа.

Свет | пред 3 седмици

3 нед.
media-libraryjpn6in3nq24d2DLJaVe

(Видео) Филмска кражба во Неапол: вооружени држеле заложници, па избегале низ канализација

Вооружени разбојници држеле 25 лица како заложници во банка во Неапол, по што успеале да избегаат низ дупка во подот што води кон канализацискиот систем.Тројца мажи околу 11:30 часот упаднале во филијала на Crédit Agricole, каде што ги затвориле клиентите, вработените и директорот во една просторија и ги држеле околу два часа.Полицијата интервенирала и ги ослободила сите заложници нешто по 13:30 часот, без сериозни повреди.„Благодарение на брзата реакција, сите лица се безбедни“, изјавил напулскиот префект Микеле ди Бари.Сепак, додека службите влегле во објектот, разбојниците веќе избегале. Се претпоставува дека користеле однапред подготвен канализациски премин, преку кој исчезнале под земја.Локалните служби веќе го проверуваат канализацискиот систем, а на местото бил и обвинителот Никола Гратери. Засега не е познато дали напаѓачите успеале да однесат плен, иако се верува дека цел им биле сефовите, додека во самата експозитура немало готовина.Еден од заложниците сведочел дека разбојниците биле вооружени, но не употребиле сила, туку ги држеле затворени додека го реализирале планот.Случајот потсетува на сличен грабеж во Милано во 2020 година, кога разбојници исто така користеле канализациска мрежа за влез и бегство, што отвора сомнежи за добро организирана и однапред испланирана операција.

Свет | пред 3 седмици

3 нед.
media-libraryif1oq0r658kfdHOMwCP

Европа подготвува воена мисија во Ормутскиот теснец – без САД

Европските лидери подготвуваат нова воена мисија за обезбедување на Ормутски теснец, која ќе се реализира без директно учество на САД, со цел стабилизација на еден од најкритичните енергетски коридори во светот.На видеоконференција што ќе се одржи утре, со која ќе копретседаваат Емануел Макрон и британскиот премиер Кир Стармер, ќе учествуваат околу триесетина држави. Во Париз физички ќе бидат присутни и германскиот канцелар Фридрих Мерц и италијанската премиерка Џорџа Мелони.Според француското претседателство, целта е да се понуди „трет пат“ – алтернатива меѓу политиката на максимален притисок врз Иран и директна воена ескалација.САД нема да бидат дел од мисијата, ниту од самата конференција, иако од Париз нагласуваат дека ќе има координација со Вашингтон. Образложението е дека европските држави не се директна страна во конфликтот и сакаат да задржат независна позиција.Мисијата ќе може да се реализира само под строги услови – гаранции од Иран дека нема да напаѓа бродови и обврска од САД дека нема да го блокираат поморскиот сообраќај. Во моментов, состојбата се опишува како нестабилно примирје без јасна долгорочна гаранција.Ормутскиот теснец е клучна точка за глобалната економија, преку која минуваат околу 20 проценти од светската нафта и течен гас. Затоа, европските земји размислуваат за ангажман на миноловци и други поморски капацитети, во обид да се спречи дополнителна ескалација и да се обезбеди непречен транспорт.Иницијативата сигнализира нова фаза во европската безбедносна политика – обид за самостојно дејствување во глобални кризи, без директно вклучување на САД.

Свет | пред 3 седмици

3 нед.
media-library0s99ieppvlg1dWOtv48

Дете убиено во сон: 11-годишен ученик загина во руски напад на Киев

Единаесетгодишниот Максим Веремчук е убиен ноќеска во својот дом за време на руски ракетен напад врз Киев, објави Радио Слободна Европа, пренесува Украинска Правда.Според сведоштвото на неговиот татко, Ихор Веремчук, семејството воопшто не слушнало сирена за воздушна опасност.„Ракетата удри и ми го уби синот во оваа соба. Другиот син, кој спиеше покрај прозорецот, остана жив. Немавме време да реагираме и да избегаме“, изјавил таткото.Дедото на момчето раскажал дека последен пат го видел за време на викендот, кога семејството се собрало за Велигден.Од училиштето информираат дека Максим бил ученик во петто одделение во Детската инженерска академија.Во нападот, што се случил ноќта меѓу 15 и 16 април, погодена била станбена зграда во киевската населба Подилски. Според официјалните информации, загинале четири лица, а повеќе од 60 се повредени.Нападот повторно ја отвори темата за ефикасноста на системите за предупредување и безбедноста на цивилното население во услови на интензивирани напади врз урбани подрачја.

Свет | пред 3 седмици

3 нед.
media-libraryssrcquqp4hg87L3h35Z

Европа губи 53 милиони жители до 2100 година: алармантна прогноза на Евростат

Европа до крајот на векот ќе изгуби околу 53 милиони жители, што претставува пад од 11,7 проценти, покажуваат најновите проекции на Евростат, објавени денеска.Според анализата, населението на Европската унија ќе достигне врв од околу 453 милиони жители во 2029 година, по што ќе започне долгорочен пад, кој до 2100 година ќе го намали бројот на жители под 400 милиони, пренесува Политико.Клучниот проблем е драматичниот пад на наталитетот. Стапката на раѓања е околу 1,3 деца по жена – значително под нивото потребно за одржување на населението, што доведува до стареење на континентот и намалување на работоспособната популација.Проекциите укажуваат дека до крајот на векот бројот на лица постари од 80 години ќе се зголеми повеќе од двојно, што ќе создаде сериозен притисок врз пензиските и здравствените системи.Овој тренд веќе предизвикува политички реакции. Претседателот на Франција Емануел Макрон предупреди на потребата од „демографско вооружување“, откако во земјата за првпат по Втората светска војна бројот на починати ја надмина бројката на новородени.И покрај тоа што миграцијата делумно го ублажува падот, анализите покажуваат дека таа не може целосно да ја надомести ниската стапка на раѓања. Во исто време, политиките кон мигрантите стануваат сѐ построги, што дополнително го усложнува демографскиот баланс во Европа.Долгорочно, ова значи помалку работници, повеќе пензионери и суштинска трансформација на економските и социјалните системи на континентот.

Свет | пред 3 седмици

3 нед.
media-libraryu38oa7greq2telYjcyF

САД го пренасочуваат оружјето: Европа ќе чека поради војната во Иран

САД ги известиле европските сојузници дека дел од веќе договорените испораки на оружје ќе доцнат, поради тоа што војната во Иран значително ги празни американските воени резерви, јавуваат извори за Reuters.Според информациите, доцнењата ќе погодат повеќе европски држави, меѓу кои и земји од Балтичкиот регион и Скандинавија. Станува збор за оружје купено преку американската програма за странска воена продажба (FMS), кое сè уште не е испорачано.Токму овие пратки сега се под ризик од одложување, бидејќи приоритетот на Вашингтон се пренасочува кон тековните воени операции и потребите поврзани со конфликтот со Иран.Засега, White House, Pentagon и State Department не одговориле на барањата за коментар, што дополнително ја зголемува неизвесноста околу временската рамка за испораките.Овој развој отвора сериозни прашања за капацитетот на САД истовремено да поддржуваат повеќе безбедносни фронтови, додека европските сојузници се соочуваат со потенцијален јаз во одбранбените планови.

Свет | пред 3 седмици

3 нед.
media-libraryp8433rjj897ocPapdMc

Трамп со нова порака: По Иран, на ред и Куба? Хавана возвраќа – подготвени сме

Американскиот претседател Доналд Трамп повторно ја подигна тензијата на меѓународната сцена, откако најави дека по Иран, неговата администрација може да се фокусира и на Куба – изјава што предизвика остра реакција од Хавана.„Можеби ќе свратиме и до Куба кога ќе завршиме со ова“, изјави Трамп, нарекувајќи ја островската држава „пропадната нација“ и алудирајќи на можни понатамошни чекори против кубанската власт.На ваквите пораки директно одговори кубанскиот претседател Мигел Дијаз-Канел, кој порача дека Куба не сака воена конфронтација, но е подготвена да се брани доколку до неа дојде.„Не сакаме војна, но должност ни е да бидеме подготвени. Ако агресијата стане неизбежна – ќе се соочиме со неа“, изјави Дијаз-Канел на собир во Хавана, по повод годишнината од прогласувањето на социјалистичкиот карактер на револуцијата.Тој ја обвини американската администрација дека води „економска и енергетска блокада“ и се обидува да создаде оправдување за дополнителен притисок врз Куба.Паралелно, Вашингтон веќе воведе мерки кои го ограничуваат снабдувањето на Куба со нафта, што дополнително ја продлабочува економската и хуманитарната криза на островот. Според експертите, ваквите санкции доведуваат до сериозни последици – од недостиг на гориво до долги прекини на електричната енергија.И покрај заострената реторика, двете страни потврдуваат дека се водат разговори, но без конкретни детали, што остава простор за неизвесност околу следните чекори.Во ваков контекст, изјавите на Трамп се толкуваат како сигнал за можна геополитичка пренасоченост по кризата со Иран, додека Куба се обидува да испрати јасна порака дека нема да попушти под притисок.

Свет | пред 3 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања