Промени тема
За нас
Нова вест Админ
site logo skopje1
иран
Претрес во кочанската болница и противпожарна бригада - разговор со обвинетиот обезбедувач Захариев
Претрес во кочанската болница и противпожарна бригада - разговор со обвинетиот обезбедувач Захариев

Најнови вести

3 нед.
media-librarys0cd5gpk11jraBNKnz9

Американски сенатор: Куба е следна

Американскиот сенатор и сојузник на поранешниот претседател Доналд Трамп, Линдзи Греам, гостуваше во емисијата „Sunday Night in America“ на телевизијата Fox News, каде ја изнесе својата проценка за тоа што би можело да следи по американскиот напад врз Иран.Сè што можам да кажам е дека претседателот Трамп ja заврши работата што претседателот Рејган не успеа да ја доврши. Јас сум голем обожавател на Роналд Рејган, но тука сум да ви кажам дека Доналд Трамп, според моето мислење, е златен стандард за републиканците, можеби и за секој претседател кога станува збор за надворешна политика“, нагласи Греам.Тој додаде:Мадуро, сите зборуваа за него. Па, Доналд Трамп го стави во затвор. Куба е следна. Тие ќе паднат. Оваа комунистичка диктатура на Куба има броени денови.Греам исто така изјави дека иранскиот режим, кој го нарекува „матичното пловило на меѓународниот тероризам“, е на работ на колапсот, откако највисокиот водач, ајатолахот, бил убиен во нападите. Тој изрази благодарност за жртвата на американските војници кои загинале и повика на „завршување на работата“.Според некои процени, ситуацијата на Куба се влошила откако падна режимот во соседната Венецуела и кога американската војска го уапси поранешниот претседател Николас Мадуро, што доведе до прекини во снабдувањето со нафта и енергетска криза на островот. Истовремено, САД ја зголемија својата политичка и економска политика кон Куба, што дополнително ги зголеми тензиите меѓу двете земји.

Свет | пред 3 седмици

3 нед.
media-libraryin8s2pk7vhcqbymrOIB

Дурмиши: Новата минимална плата е 26.046 денари

Премиерот Христијан Мицкоски по денешната седница на Економско-социјалниот совет порача дека Владата се однесува одговорно и не сака да создава лажни очекувања за периодот по завршувањето на сегашниот мандат во 2028 година. Тој потврди дека зголемената минимална плата ќе започне да се исплатува веќе со мартовската плата.Се однесуваме одговорно во рамките на мандатот кој го добивме. Не преземаме обврски за периодот после 2028 година, како што бил случајот во минатото. Сакаме да сме одговорна влада која ќе ги реши напластените и наследени проблеми од нестручното менаџирање“, истакна Мицкоски.Премиерот нагласи дека во изминатиот период се регулирани односите со над 95% од гранковите синдикати преку Колективни договори. Тој посочи дека е постигнат значаен договор и со синдикатите УПОЗ и САДУ, во кој се вклучени и други организации, со што се затвориле долгогодишни отворени прашања во администрацијата.Новата минимална плата е 26.046 денари во нето-износ, односно 38.507 денари во бруто-износ, заедно со придонесите и данокот. Ова го објави министерот за економија Бесар Дурмиши, на прес-конференција по завршување на Економско-социјалниот совет.Министерот рече дека во нето-износ минималната плата се зголемила за 1.667 денари и дека зголемувањето веќе важи за мартовската плата што ќе се исплаќа во април.Растот на минималната плата е резултат на системско и законско решение за раст на минималнатa плата штитејќи го стандардот на населението, но истовремено водејќи сметка за одржливоста на економијата – рече Дурмиши.Претседателот на ССМ, Слободан Трендафилов ја напушти седницата на Економско-социјалниот советДенеска, на мала врата пробаа да утврдат усогласување на минималната плата за околу 1.600 денари во што ССМ нема мандат да учествува и ја напушти седницата на ЕСС. Жалосно е тоа што Владата, работодавачите и другите синдикати се на истиот став, а тоа е минималната плата само законски да се усогласи и да не се зголеми. Борбата продолжува повторно на улица на средината на март – соопшти Трендафилов.

Македонија | пред 3 седмици

3 нед.
media-libraryhu2k4voo6gk4er5LtNE

Министерот Љутков во Брисел на средба со Нела Рајхл: Фокус на младите, дигитализацијата и развојот на креативните индустрии  

Министерот за култура и туризам Зоран Љутков, во рамките на посетата на Брисел, денеска оствари работна средба со Нела Рајхл, претседателка на Комитетот за култура и образование при Европскиот парламент.На средбата, Љутков ја истакна цврстата заложба на Министерството за култура и туризам за унапредување на културните политики, со акцент на младите, дигитализацијата и современата промоција на културното наследство, како и на системски развој на креативните индустрии.Министерот ја потенцираше активната вклученост на Македонија во користењето на европските инструменти за помош и програмите за соработка со земјите членки на Европската Унија, вклучително и ТАЕКС (TAIEX) и другите ИПА-инструменти за претпристапна помош. Тој рече дека Министерството за култура и туризам ги имплементира програмите „Креативна Европа – Култура и Медиа“, кои овозможуваат поддршка за копродукции, мобилност на уметници, европски мрежи и градење институционални капацитети, додека Министерството за образование и наука ги спроведува програмите „Хоризонт“ (Horizon) – за истражувања во технологиите за дигитално наследство и „Еразмус +“ (Erasmus+) – насочена кон образовна и младинска мобилност.Љутков нагласи дека Македонија ја препознава сѐ поголемата економска и општествена вредност на креативните индустрии, кои претставуваат стратегиски двигател на економскиот раст, иновациите и меѓународната видливост. Во таа смисла, ќе се интензивира соработката со европските земји кои ги препознаваат културните и креативни индустрии како приоритетен сектор.Според министерот Љутков, акцент е ставен врз дигитализацијата и дигиталната трансформација, особено во заштитата и промоцијата на културното наследство. Тој рече дека како земја со исклучително богато културно наследство, Македонија посветува големо внимание на зачувувањето на јазикот, фолклорот, традиционалните занаети, фестивалите и музиката како континуитет на културниот идентитет.Дополнително, тој информираше дека Министерството за култура неодамна го презеде и секторот туризам во својата институционална структура, со што се отвораат нови стратегиски цели за развој на културниот туризам и за воспоставување рамнотежа меѓу заштитата на наследството и современиот креативен развој.На средбата соговорниците ја потврдија заедничката заложба за понатамошно продлабочување на соработката, со цел унапредување на европските културни политики и зајакнување на улогата на културата во процесите за европска интеграција.

Македонија | пред 3 седмици

3 нед.
media-librarygm7jb0egts6j1eq1obZ

Американскиот министер за одбрана: Нападите врз Иран не се за промена на режимот

Американскиот министер за одбрана, Пит Хегсет, се обрати до јавноста и изјави дека американските напади врз Иран не се насочени кон „промена на режимот“, иако призна дека лидерството во таа земја се променило.Ова не е таканаречена војна за промена на режимот, но режимот навистина се промени и светот поради тоа е подобар“, рече Хегсет на конференција за новинари во Пентагон.Министерот исто така нагласи дека САД не ја започнале војната, истакнувајќи дека Иран со децении извршувал напади во, како што рече, „едностраната војна против Америка“.Не ние ја започнавме оваа војна, но под претседателот Трамп ја завршуваме“, додаде Хегсет.Хегсет истакна дека војната против Иран не може да се спореди со војната во Ирак и дека САД нема повторно да се најдат во долготраен процес на градење држава како пред две децении.Ова не е Ирак“, рече Хегсет од Пентагон. „Ова не е бескрајно. Јас бев таму во двата случаи. Нашата генерација знае подобро, а знае и овој претседател. Последните 20 години војни за градење држави ги нарече глупави и е во право.“Ова е сосема спротивно“, додаде тој. „Оваа операција е јасна, разорна и одлучна мисија: уништување на заканата од проектили, уништување на морнарицата, без нуклеарно оружје.

Свет | пред 3 седмици

3 нед.
uciliste

Се затвораат сите училишта во Иран

Сите образовни установи во Иран ќе останат затворени до крајот на март, а наставата ќе се одвива онлајн, објави денеска новинската агенција Тасним.Портпаролот на министерството за образование за агенцијата изјави дека оваа мерка е воведена како одговор на „војната агресија на ционистичкиот режим, со поддршка на САД“.Мерката ќе важи до 21 март.

Свет | пред 3 седмици

3 нед.
zelenski-putin

Зеленски: Настаните во Иран му покажуваат на Путин како завршува диктатурата

Претседателот на Украина, Володимир Зеленски, изјави дека настаните во Иран ја покажале бесмисленоста на Русија како сојузник и му демонстрирале на претседателот на Русија, Владимир Путин, како завршува диктатурата.Зеленски го изјави тоа одговарајќи на прашања на новинарите за последиците од настаните во Иран врз Русија.Ми се чини дека Путин веќе покажа каков сојузник е во Сирија, кога, во суштина, Русите не можеа да му помогнат на режимот на Башар Асад. Исто така, според мое мислење, сега исто така ја покажаа својата слабост. Тоа е, како сојузници се бескорисни“, рече Зеленски.Тој истакна дека Русија ја концентрирала целата своја воена моќ во Украина.А она што се случува во Иран, ми се чини, е добра порака за Путин да види како завршува диктатурата“, додаде Зеленски.САД и Израел на 28 февруари фрлија десетици авиониски бомби врз резиденцијата на врховниот водач на Иран, ајатолах Али Хамнеи, при што тој загина заедно со врвот на командниот кадар на земјата.

Свет | пред 3 седмици

3 нед.
IMG_4929

Здружението на судии бара одмрзнување на платите и нови вработувања во судовите

Здружение на судии на Република Македонија побара итно одмрзнување на платите на судиите, зголемување на примањата на судската администрација и распишување огласи за нови вработувања во судовите, со цел, како што наведуваат, обезбедување ефикасно и независно функционирање на судскиот систем.Здружението информира дека до Уставен суд на Република Северна Македонија поднело дополнување на иницијативата за оценување на уставноста и законитоста на измените на Законот за плати на судиите, при што се опфатени и последните измени донесени на 25 февруари 2026 година. Со иницијативата се бара поништување, односно укинување на измените со кои, според Здружението, платите на судиите остануваат замрзнати веќе трета година по ред.Во соопштението се оценува дека начинот на донесување на измените бил брз и неуставен, со популистички карактер, и дека тоа има далекусежни последици врз владеењето на правото. Според Здружението, ваквиот пристап е во спротивност со член 32 од Уставот и директно го нарушува достоинството на судиската функција.Судиите посочуваат дека пратениците треба да престанат со носење законски решенија што, како што велат, имаат за цел купување социјален и политички мир, наместо да се насочат кон обезбедување независно и непристрасно судство како гарант на владеењето на правото и предуслов за европски напредок на земјата.Во соопштението се наведува дека, по зголемувањето на функционерските плати од 78 проценти, платите на судиите во прв степен достигнале просечно околу 86.000 денари, а без тоа зголемување би изнесувале околу 50.000 денари. Дополнителен проблем, според Здружението, претставуваат ниските примања и одливот на кадар од судската администрација, како и неисплаќањето на додатоците, што, како што наведуваат, директно се одразува врз граѓаните како странки во постапките.Здружението предупредува дека доколку продолжи, како што го нарекуваат, „уривањето“ на судскиот систем и доколку измените останат во сила, судиите ќе разгледаат други форми на изразување незадоволство и видлив протест, при што ја поддржуваат и судската администрација во преземање законски чекори за изразување на незадоволство.

Македонија | пред 3 седмици

3 нед.
avion-krilo

Авиокомпаниите масовно откажуваат летови

Воените напади низ Блискиот исток предизвикаа големи нарушувања во воздушниот сообраќај, а бројни авиокомпании продолжуваат со одложување и откажување на летови.Авиокомпанијата EasyJet ги откажа сите летови кон и од Кипар, по нападите со ирански дронови врз британската воена база на островот. Air India ги откажа летовите помеѓу Индија и Цирих, Копенхаген и Бирмингем, како и летовите кон Обединетите Арапски Емирати, Саудиска Арабија, Израел и Катар.Etihad Airways најави суспензија на летовите кон и од Абу Даби до 14 часот по локално време, но дел од летовите во меѓувреме се продолжени, покажуваат податоците на аеродромот Зајед и сервисите за следење летови. Аеродромот Бен Гурион кај Тел Авив објави дека израелските превозници постепено ќе ги обновуваат летовите од утре, во зависност од безбедносната ситуација.Јордан најави делумно затворање на воздушниот простор како привремена мерка додека траат нападите. Според одлуката на јорданската агенција за цивилно воздухопловство, воздушниот простор ќе биде затворен секојдневно од 18 до 7 часот до понатамошно известување.Катар, Иран и Ирак веќе го затвориле својот воздушен простор, а Qatar Airways потврди дека ја прекинал авијацијата, со план за продолжување на летовите утре наутро.Поради овие мерки, илјадници патници останаа блокирани во регионот, додека летовите се откажуваат, а аеродромите се затвораат.

Свет | пред 3 седмици

3 нед.
lovecka-puska

14-годишен тинејџер со воздушна пушка ранил 16-годишник во нога кај Нова Градишка

Во областа на Нова Градишка, 16-годишно момче се здобило со повреда во ногата откако, според утврденото, врз него пукал 14-годишен тинејџер со воздушна пушка. Повреденото момче добило лекарска помош во саботата, на 28 февруари, околу 10 часот во болницата во Нова Градишка, по што за случајот била известена полицијата, јавува ПУ Бродско-посавска.Иако полицијата ја добила пријавата во саботата, истрагата покажала дека самиот инцидент се случил два дена претходно. Според полицискиот извештај, 14-годишното дете, поради нестручно ракување со воздушната пушка, испукало куршум кој го погодил 16-годишникот во ногата. Повредите во болницата биле оценети како полесни.Полицијата ја одзела воздушната пушка од 57-годишниот татко на момчето кое пукало, кој го поседувал оружјето со соодветна пријава. Од полицијата соопштиле дека продолжува работата на утврдување на сите факти и околности поврзани со овој настан. По завршувањето на истрагата, ќе следува поднесување на соодветна пријава до надлежниот суд.

Свет | пред 3 седмици

3 нед.
gasovod

Катар го прекинува производството на течен природен гас

Катарската државна енергетска компанија QatarEnergy објави дека го прекинала производството на течен природен гас (ЛНГ) поради иранските напади врз дел од нејзините постројки.Се наведува дека погодени се Рас Лафан, копнена база за преработка на гас, како и Месаид, уште една клучна постројка за производство на природен гас во Катар.Катар е една од водечките светски земји производители на течен природен гас, заедно со Соединетите Американски Држави, Австралија и Русија.

Свет | пред 3 седмици

3 нед.
media-library60hs7b3r9hcdbOjaEpm

ИДФ: Во прецизен напад во Бејрут убиен шефот на разузнавачкиот штаб на Хезболах

Израелските одбранбени сили (ИДФ) објавија дека синоќа, во прецизен напад во Бејрут, е убиен Хусеин Маклед, за кого тврдат дека бил на чело на разузнавачкиот штаб на Хезболах.ИДФ сега потврдува дека во прецизен напад во Бејрут синоќа (недела) е елиминиран терористот Хусеин Маклед, кој служеше како шеф на разузнавачкиот штаб на Хезболах“, се наведува во соопштението на израелската војска.Нападот се случува во момент кога Хезболах официјално се вклучи во војната меѓу Иран од една страна и Израел и Соединетите Американски Држави од друга, отворајќи нов фронт со ракетни и беспилотни напади од јужен Либан кон израелски цели. Израел потоа започна возвратни удари врз цели на оваа група во Либан.Хезболах е шиитска исламска организација основана во 1980-тите години, тесно поврзана со Иран, кој со децении ја финансира, обучува и вооружува. Се смета за една од најмоќните вооружени групи во регионот.

Свет | пред 3 седмици

3 нед.
media-library538njb4aomvtbSP1zYy

Хрватска им препорача на граѓаните одложување на патувањата на Кипар

Министерството за надворешни и европски работи на Хрварска, предводено од Гордан Грлиќ Радман, денеска им препорача на хрватските државјани да ги одложат патувањата на Кипар, откако британската воздухопловна база Акротири на островот беше погодена со дрон.Поради влошената безбедносна состојба на подрачјето на Блискиот Исток, како и нападите со балистичко оружје и беспилотни летала врз британските воени бази на островот Кипар, на хрватските државјани им се советува да го одложат патувањето на Кипар, освен ако станува збор за патување од крајна нужност“, се наведува во препораката на Министерството, објавена на неговата официјална веб-страница.„Во случај на итност и загрозеност“, хрватските државјани можат да се обратат до Амбасадата на Република Хрватска во Атина, која е надлежна и за Кипар, а по потреба и до дипломатско-конзуларните претставништва на други земји членки на Европската Унија на Кипар.

Свет | пред 3 седмици

3 нед.
media-librarynr7fhqjqelb4cGvGBDK

Израелскиот амбасадор во Германија: Иран се обидува да ја вовлече Европа во војна

Израелскиот амбасадор во Германија, Рон Просор, денеска го обвини Иран дека се обидува да ја вовлече Европа во војна на Блискиот Исток.Нападот со дрон врз британската воена база на Кипар покажува дека Иран се обидува да ја вовлече Европа во борбите“, изјави Просор во Берлин за германската новинска агенција ДПА.Тој изрази надеж дека „Европа ќе го регистрира овој напад“ и соодветно ќе реагира.Како и во која мера ќе реагира Европа – тоа е одлука што мора да ја донесат европските држави“, рече Просор.Посочи на член 42 од Договорот за Европската Унија, кој предвидува поддршка од сите земји-членки во случај на напад врз една од нив.Кипар е дел од Европа и затоа постои одговорност да се брани Кипар“, нагласи тој.Просор рече дека Европа предолго се потпирала на преговорите со Иран.Режимот на мулите 47 години преговараше со Европа, раскажуваше приказни од ‘Илјада и една ноќ’ и ја влечеше Европа за нос. На крајот од тоа не произлезе ништо“, заклучи Просор.

Свет | пред 3 седмици

3 нед.
media-libraryjp9gn5rfd7al3P9I4hg

По 70 години реконструкција на спортската сала во ОУ „Панајот Гиновски” во Бутел

Градоначалникот на Општина Бутел, Дарко Костовски денеска информираше дека започната била целосна реконструкција на спортската училишна сала во основното училиште „Панајот Гиновски”.Тој посочи дека со поддршка на Министерството за образование и наука, заеднички ќе го реализираат овој значаен проект за учениците од ООУ „Панајот Гиновски”.„По 70 години старата дотраена спортска сала ќе замине во историја. Со реконструкцијата ќе биде поставен целосно нов под со нова подлога. Ќе се добијат и нови соблекувални, а ќе се реконструираат и санитарните јазли. Со оваа реконструкција ќе обезбедиме квалитетни услови за сите училишни спортови и непречено одвивање на наставата по физичко и здравствено образование“, истакна градоначалникот.Костовски исто така најави дека наскоро ќе започне и доградбата на ова општинско основно училиште, со што би се овозможило одвивање на наставата во една смена.

Скопје | пред 3 седмици

3 нед.
media-library82hmsi09og2l8XFBOWP

(Видео) Експлозија на танкер во Ормускиот Теснец: „Нападнат со беспилотно летало“

Нафтен танкер е погоден во напад во близина на Ормускиот Теснец, при што загина еден член на екипажот. Инцидентот, последен во низата напади во оваа стратешки важна област, предизвикал експлозија на бродот и речиси целосен прекин на поморскиот сообраќај.Според Оманскиот центар за поморска безбедност (MSC), танкерот MKD VYOM, кој пловел под знамето на Маршаловите Острови, бил нападнат со беспилотно летало на 52 наутички милји (околу 96 километри) од брегот на Мускат. Бродот превезувал приближно 59.500 метрички тони товар. Во нападот дошло до експлозија во главната машинска просторија, по што избувнал пожар. Загинал еден член на екипажот, државјанин на Индија.На бродот имало 21 лице – 16 индиски државјани, четворица од Бангладеш и еден Украинец. Екипажот бил евакуиран од трговскиот брод MV SAND, кој плови под знамето на Панама.Засега не е познато кој стои зад нападот.

Свет | пред 3 седмици

3 нед.
media-library1mi2n94v9sfv9Tg5K8m

Иран: Не планираме затворање на Ормускиот Теснец

Иран засега не планира да го затвори Ормускиот Теснец по нападите од САД и Израел, изјави иранскиот министер за надворешни работи Абас Арагачи во разговор за Ал Џезира.Во оваа фаза не планираме да го затвориме Ормускиот Теснец, ниту да преземеме какви било мерки што би ја нарушиле пловидбата“, изјави шефот на иранската дипломатија.Иран произведува околу 3,3 милиони барели нафта дневно и околу 1,3 милиони барели кондензат и други течни јаглеводороди. Во саботата беа регистрирани експлозии и на иранскиот остров Харг, на северот од Персискиот Залив, каде се наоѓаат терминалите преку кои се извезуваат околу 90 проценти од иранската нафта. Најголем купувач на иранската нафта е Кина.Тензиите на Блискиот Исток нагло ескалираа откако американските и израелските сили во саботата извршија напади врз Иран. Техеран возврати со напади врз Израел и врз американски бази во земјите долж Персискиот Залив, вклучително и во големите производители на нафта и гас – Катар, Кувајт и Обединетите Арапски Емирати.Во меѓувреме, повеќе сопственици на танкери, нафтени компании и трговски куќи го прекинаа транзитот на нафта, гориво и течен природен гас низ теснецот, кој во голем дел се наоѓа во иранските територијални води.Сателитските податоци покажаа зголемен број бродови закотвени во близина на клучните пристаништа на Обединетите Арапски Емирати, како што е Фуџајра. Група поморски осигурителни компании, меѓу кои и Gard, Skuld, NorthStandard, London P&I Club и American Club, соопштија дека поради конфликтот го откажуваат покритието за воени ризици за бродовите во регионот на Персискиот Залив.Низ Ормускиот Теснец дневно минуваат околу 20 милиони барели нафта и приближно една петтина од испораките на течен природен гас, главно од Катар, според податоците на Меѓународната агенција за енергија од 2024 година.

Свет | пред 3 седмици

3 нед.
media-libraryq8kd7cf4684mfd6mYkY

Зеленски: Преговорите во Абу Даби не се откажани

Претседателот на Украина, Володимир Зеленски, изјави дека и покрај тешката безбедносна состојба во Обединетите Арапски Емирати, средбата на делегациите на Украина, Соединетите Американски Држави и Русија, планирана за 5 и 8 март во Абу Даби, засега не е откажана.Средбата беше закажана за периодот од 5 до 8 март, поточно за 5 и 6 март. Таа беше планирана да се одржи во Абу Даби. Засега, поради овие непријателства, не можеме да потврдиме дека состанокот конкретно ќе се одржи во Абу Даби, но никој не го откажал. Средбата мора да се одржи, таа е важна за нас. Ние ја поддржуваме“, изјави Зеленски одговарајќи на новинарски прашања.Тој додаде дека доколку се покаже невозможно разговорите да се одржат во Абу Даби поради безбедносната ситуација, постојат и други локации каде што претходно биле организирани слични преговори.Ако има потешкотии со Абу Даби поради ракетите и беспилотните летала, тогаш мислам дека ги имаме Турција и Швајцарија – места кои веќе функционираа и ни овозможија на сите да се сретнеме. Секако ќе поддржиме кое било од овие три места за средба. Го очекуваме одговорот од нашите партнери“, рече тој.

Свет | пред 3 седмици

3 нед.
media-libraryoilhi33moenp3cStO1e

Трамп: Разочаран сум од Стармер

Доналд Трамп „многу е разочаран“ од британскиот премиер Кир Стармер затоа што не дозволил веднаш САД да ја користат воздушната база Диего Гарсија за изведување напади врз Иран, изјави американскиот претседател во интервју за Телеграф.Обединетото Кралство првично го одбило барањето на САД за користење на своите бази, но Стармер во недела навечер соопштил дека го прифаќа барањето за нивна употреба во „одбранбени напади“ на американските сили врз иранските цели.Трамп за британските дневни весници изјавил дека Стармер „предолго се двоумел“.Веројатно тоа никогаш порано не се случило помеѓу нашите земји“, рекол Трамп за Телеграф.Звучи како да бил загрижен за законитоста“, додал тој.Премиерот на Обединетото Кралство соопштил дека го прифаќа американското барање за користење на британските бази за одбранбени напади против складишта на ирански ракети или лансери.Ние не бевме вклучени во почетните напади врз Иран... и нема да се придружиме сега“, рекол Стармер, но додал дека Иран сега „спроведува стратегија на запалена земја, па Обединетото Кралство ги поддржува колективните мерки за самоодбрана на нашите сојузници и нашиот народ во регионот“

Свет | пред 3 седмици

3 нед.
kokain

Во пратка за осуденик пронајден кокаин

ОВР Прилеп поднесе кривична пријава против К.Н.(65) од Прилеп поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.На 15.03.2025 во Казнено - поправна установа Прилеп, затворската полиција извршила претрес на пратка наменета за еден осуденик , при што пронашле и одзеле кокаин.

Македонија | пред 3 седмици

3 нед.
292782990_437177755127439_1412855896591445171_n

Уапсен возач во Кавадарци: Превезувал дрва без документација и направил повеќе сообраќајни прекршоци

На 01.03.2026 во 22:10 часот, полициски службеници од ОВР Кавадарци го лишиле од слобода В.Ј.(38) од село Дреново, кавадаречко.Претходно, тој управувајќи патничко возило „лада“ со кавадаречки регистарски ознаки, во кое сопатник бил М.И.(25) од село Возарци и уште едно лице, а во кое превезувал и огревно дрво, на крстосница од булевар „Македонија“ и „Никола Минчев“ во Кавадарци, не застанал на знак за запирање, продолжил со движење и на крстосница од улиците „Гоце Делчев“ и „Цветан Димов“ во Кавадарци поминал на црвено светло на семафор.По преземени мерки, полициските службеници ги пронашле возачот и возилото во село Возарци и по извршена контрола било констатирано дека возилото било нерегистрирано, В.Ј. го управувал пред да се стекне со право за управување од „Б“ категорија и поминал на црвено светло на семафор.Дрвата, кои биле без соодветна документација, со потврда биле одземени и предадени на шумска полиција.Со сопатникот М.И. бил извршен службен разговор, а по насоки на јавен обвинител В.Ј. бил приведен во полициска станица, возилото било привремено одземено и по документирање на настаните ќе бидат поднесени соодветни пријави.

Македонија | пред 3 седмици

3 нед.
ubistvo-noz

Му нанел убодни рани со нож поради недоразбирање во сообраќајот

На 01.03.2026 во 12:50 часот, полициски службеници од Единицата за интервентна полиција при СВР Скопје лишија од слобода 25-годишниот С.Х. од с.Семениште, општина Сарај.Според пријавата, на стариот пат Тетово – Скопје, поради недоразбирање во сообраќајот, тој физички го нападнал 34-годишниот Е.Е. од с.Арнакија, скопско, при што употребил остар предмет и му нанел убодни рани.По целосно документирање на случајот, против С.Х. ќе следува соодветна кривична пријава.

Македонија | пред 3 седмици

3 нед.
pistol_001

Ја тепал, ја удирал со тврд предмет и и се заканувал со оружје, жена со тешки повреди примена на клиника

На 01.03.2026 во 21:20 часот, полициски службеници од СВР Скопје лишија од слобода 40-годишниот Ц.Н. од скопско село, по претходна пријава за семејно насилство.Според пријавата, тој во текот на претходната недела физички ја нападнал неговата 35-годишна сопруга, при што употребил и тврд предмет, нанесувајќи ѝ тешки телесни повреди, констатирани во Комплекс клиники „Мајка Тереза“ во Скопје, а ѝ се заканувал и со огнено оружје.По целосно документирање на случајот, против Ц.Н. ќе следува соодветна кривична пријава.

Скопје | пред 3 седмици

3 нед.
media-libraryjlmrdiutfofd23SxeA5

28-годишник ja следел и и се заканувал на поранешната девојка и нејзиното семејство

На 01.03.2026 во 20:50 часот, СВР Скопје регистрираше пријава за вознемирување и закани. 23-годишна девојка од Скопје пријавила дека во периодот од октомври 2025 година до 01.03.2026 била следена и вознемирувана на различни локации од нејзиниот поранешен партнер, 28-годишниот С.Н.Според пријавата, тој ѝ упатувал закани и кон неа, но и кон нејзиното семејство. Полицијата презема мерки за расчистување на случајот и обезбедување заштита за пријавителката.

Скопје | пред 3 седмици

3 нед.
Screenshot-2024-04-01-at-18.59.23

Пукање во Чаир, нема повредени

На 01.03.2026 во 22:52 часот, СВР Скопје регистрираше инцидент на подрачјето на Чаир во Скопје, каде од патничко возило во движење биле испукани неколку куршуми.Според пријавата, нема повредени лица, а полициските службеници на местото на настанот подигнале осум чаури.Се преземаат мерки за целосно расчистување на случајот и утврдување на сторителот.

Скопје | пред 3 седмици

3 нед.
media-librarypinaq9vv1e5u3Ce2AG3

Жена лажно пријавила дека лице и понудило пари на малолетната ќерка во замена за сексуални услуги

СВР Тетово поднесе кривична пријава против 45-годишна жена од Тетово, поради постоење основи на сомнение за сторено кривично дело „лажно пријавување на кривично дело“.Според пријавата, на 30.10.2025 година, таа лажно тврдела дека на 26.10.2025 во Тетово едно лице ѝ понудило пари во замена за сексуални услуги на нејзината малолетна ќерка. По целосно документирање на случајот, против жената ќе следува соодветна пријава за лажно пријавување.

Македонија | пред 3 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања