КУЗЕСКА

Тендер коалицијата ВМРО-ЗНАМ е најголемиот бугарофилски колектив во историјата на Македонија, вели Кузеска

Богданка Кузеска, портпаролка и членка на Извршниот одбор на СДСМ, на прес-конференција обвини дека актуелната власт предводена од ВМРО-ДПМНЕ и ЗНАМ, како што велат, ја блокира европската иднина на државата и води политика на изолација и конфликти.Кузеска изјави дека „тендер коалицијата ВМРО-ЗНАМ е најголемиот бугарофилски колектив во историјата на Македонија“.Таа тврдеше дека дел од функционерите во власта, како и членови на нивните семејства, поседуваат бугарски пасоши, а истовремено се против внесување на малцинствата во Уставот и продолжување на евроинтеграциите.Кузеска оцени дека Владата намерно ја држи државата надвор од Европска Унија, со цел, како што рече, да се зачува корумпиран и нефункционален систем.Во обраќањето таа порача дека СДСМ останува на позициите за европска интеграција, реформи и продолжување на патот кон ЕУ.„Реформи. Правда. Европа. Тоа е единствениот пат напред за Македонија“, рече Кузеска.

Македонија | пред 3 дена

Вметнувањето на малцинствата во Уставот го зајакнува македонскиот национален идентитет и го отвора патот кон ЕУ, вели Кузеска

Социјалдемократски сојуз на Македонија денеска преку прес-конференција на портпаролката и членка на Извршниот одбор Богданка Кузеска порача дека вметнувањето на малцинствата во Уставот не го загрозува македонскиот идентитет, туку го зајакнува и ја отвора државата кон членство во Европска Унија.Кузеска обвини дека ВМРО-ДПМНЕ и премиерот Христијан Мицкоски „продолжуваат да лажат“ дека уставните измени претставуваат закана за македонскиот идентитет.„Вистината е спротивна. Вклучувањето на малцинствата во Уставот го зајакнува македонскиот национален идентитет, а не го слабее“, истакна Кузеска.Таа посочи дека кога сите граѓани, без разлика на етничката припадност, се дефинирани и заштитени со највисокиот правен акт, тоа придонесува за поголема кохезија и посилна државност.Како пример ги наведе Србите во Македонија, за кои рече дека се побројни од Бугарите и Хрватите, но никој не ги доживува како закана за идентитетот.„Ако се внесат Бугарите, Хрватите или други малцинства во Уставот, како тоа го слабее македонскиот идентитет? Напротив – го зајакнува“, рече Кузеска.Според неа, вистинската причина за противењето на уставните измени е блокирањето на евроинтеграциите и стравот од европските механизми за борба против корупцијата.„Отворањето на вратата кон Европската Унија истовремено значи отворање на вратата за Европското јавно обвинителство. А токму тоа Мицкоски и неговата криминална група најмногу го стравуваат“, изјави таа.Кузеска порача дека СДСМ останува на ставот за „силен македонски идентитет во силна европска Македонија“ и оцени дека државата се наоѓа пред избор меѓу „европска Македонија или криминална изолација“.

Македонија | пред 5 дена

Со шефот на бандата Мицкоски економијата тоне: Инфлација 5,7%, празни фрижидери, празни џебови, сиромаштија , вели Кузеска

На прес-конференција, портпаролката и членка на Извршниот одбор на СДСМ, Богданка Кузеска, обвини дека економската состојба во државата се влошува, а граѓаните се соочуваат со раст на цените, сиромаштија и пад на животниот стандард.На прес-конференција, портпаролката и членка на Извршниот одбор на СДСМ, Богданка Кузеска, изјави дека инфлацијата достигнала 5,7 проценти, што според неа е значително повисоко од просекот во еврозоната.„Најголем удар трпат граѓаните преку поскапувањето на храната. Трошоците за храна се зголемени за 8 проценти, а народот едвај врзува крај со крај“, рече Кузеска.Таа посочи дека синдикалната потрошувачка кошничка во април достигнала речиси 69.000 денари, додека, според неа, владата не презема соодветни мерки за заштита на животниот стандард.Од СДСМ обвинија дека владата на Христијан Мицкоски одбила да го намали ДДВ за храната и горивата, како и да ја зголеми минималната плата на 600 евра.Кузеска изјави и дека нема доволна поддршка за ранливите категории, пензионерите, студентите и земјоделците, како и дека владата доцни со исплатите за социјално и здравствено.Според податоците што ги презентираше, стапката на сиромаштија изнесува 21,9 проценти, а најпогодени се многучлените семејства, самохраните родители и децата.„Ова се поразителни податоци и директна последица на неспособната власт“, порача Кузеска.Од СДСМ обвинија и за ново задолжување на државата, тврдејќи дека во изминатите две години граѓаните биле задолжени за дополнителни 2,3 милијарди евра.

Македонија | пред 1 седмица

Кузеска: Само ВМРО-ОКГ се богати, додека граѓаните едвај преживуваат

Портпаролката на СДСМ и членка на Извршниот одбор, Богданка Кузеска, во гостување во емисијата „24 Анализа“ упати остри критики кон власта, обвинувајќи ја за економска неефикасност, зголемување на јавниот долг и оддалеченост од реалните проблеми на граѓаните.Таа истакна дека, според неа, власта свесно создава политички наративи поврзани со европските интеграции за да го пренасочи вниманието од економската состојба во државата и секојдневните тешкотии на населението.Кузеска наведе дека во краток период е создаден нов јавен долг од околу 700 милиони евра, оценувајќи дека државниот буџет се соочува со сериозен притисок и недостиг на средства за реализација на обврските. Според неа, тоа се одразува и врз инвестициите и тендерските постапки.Таа се осврна и на претходните политички ветувања на владејачката гарнитура, наведувајќи дека дел од најавените политики останале неисполнети или се менуваат во однос на првичните изјави. Во тој контекст, рече дека власта ја менува реториката за клучни државни прашања поврзани со меѓународните договори и евроинтеграциите.Во делот на европскиот процес, Кузеска оцени дека земјата формално има утврдена преговарачка рамка, но дека власта создава нови политички тензии наместо да се фокусира на реформите.Таа упати критики и кон економските политики, тврдејќи дека граѓаните се соочуваат со влошен животен стандард, додека, како што рече, официјалните податоци не ја одразуваат реалната состојба на терен. Според неа, постои голема разлика меѓу статистичките показатели и секојдневната финансиска состојба на домаќинствата.Кузеска заклучи дека власта е отуѓена од реалноста и дека недостасуваат мерки што би донеле видливо подобрување на животниот стандард на граѓаните.

Македонија | пред 1 седмица

Кузеска: Груевски мора да одговара пред законот, Мицкоски и неговата банда ги чека иста судбина

На денешната прес-конференција, портпаролката и членка на Извршниот одбор на СДСМ, Богданка Кузеска, упати остри критики кон поранешниот премиер Никола Груевски и актуелното раководство на ВМРО-ДПМНЕ.Таа истакна дека Груевски, кого го нарече „осуден криминалец во бегство“, повторно се огласува од Унгарија и, како што рече, се обидува да влијае врз институциите и истрагите во државата.Кузеска оцени дека, според СДСМ, истиот модел на политичко делување продолжува и денес, обвинувајќи дека ВМРО-ДПМНЕ врши партизација на институциите и воспоставува контрола врз правосудниот систем.Таа нагласи дека корупцијата и злоупотребите од минатото, како што рече, сè уште имаат последици врз економијата, институциите и младите во државата.Во обраќањето беше посочено и дека СДСМ останува на ставот дека Македонија мора да продолжи по европскиот пат, со зајакнување на владеењето на правото и борбата против криминалот и корупцијата.Кузеска додаде дека, според партијата, потребна е независна и непристрасна работа на институциите, без политички влијанија, како услов за враќање на довербата на граѓаните.

Македонија | пред 1 седмица

Кузеска: 700 милиони евра нов долг за три месеци, дилетантот Мицкоски ја турка државата во финансиска бездна

Економскиот диелтант, Христијан Мицкоски и неговата ВМРО-ОКГ ја задолжува државата со невидено темпо и ја турка во финансиска бездна, вели Богданка Кузеска – портпаролка и членка на ИО на СДСМ.„Само за првите три месеци од оваа година, направен е нов долг од 700 милиони евра.Врз грбот на народот, врз грбот на идните млади генерации.За две години откако Мицкоски е на власт, јавниот долг е зголемен за огромни 2,3 милијарди евра и сега изнесува 10 милијарди и 774 милиони евра, историски највисоко.Да биде јасно: ова е чист, нов долг. Сè што е вратено е веќе одземено од пресметките – станува збор за нето задолжување, директно создадено од оваа неспособна и расипничка власт.2,3 милијарди евра нови долгови а во исто време: нема пари за повисоки плати за работниците, Владата одбива да ја покачи минимална плата од 600 евра, нема мерки за поскапувањата, граѓаните се оставени сами да се справуваат со сиромаштијата во криза.Задолжувања само за криминални тендери и богатење на ВМРО-ОКГ.Задолжувања за нивните организирани шеми за извлекување пари. За авиони, часовници, бизнис мрежи.Ова е криминална власт која не работи за граѓаните, туку за сопствениот бизнис интерес и богатење на грбот на народот.Граѓаните денес плаќаат со својот стандард, а утре ќе плаќаат и нивните деца. Овој долг ќе го враќаат идните генерации.Дополнително, буџетскиот дефицит за само три месеци изнесува 408 милиони евра – уште еден доказ за целосниот распад на јавните финансии.Приходите се реализирани со едвај 20%, што значи дека Владата не создава вредност, туку само троши и задолжува.Ова е директен демант на лажните тврдења на Мицкоски дека Македонија е „трета економија во Европа“. Реалноста е спротивна – економијата тоне, а граѓаните осиромашуваат.Економските политики на оваа Влада се промашени, а економскиот дилетантизам на Христијан Мицкоски ја чини државата милијарди евра.СДСМ предупредува: ова е опасен и неодржлив пат кој води кон финансиска бездна и неизвесност“, вели Кузеска.

Македонија | пред 1 седмица

Кузеска: По најавите на Петер Маѓар, Обвинителството да отвори истрага за кинеските пари од Унгарскиот кредит

Од СДСМ на денешната прес-конференција побараа Јавното обвинителство да отвори истрага за, како што велат, нетранспарентните финансиски договори поврзани со унгарскиот кредит и евентуалните врски со кинески финансиски институции.Портпаролката Богданка Кузеска изјави дека најавите и информациите кои доаѓаат од Унгарија отвораат прашања за начинот на кој се склучуваат меѓународни договори и за условите под кои се задолжуваат државите.Од СДСМ тврдат дека ваквите финансиски аранжмани имаат директно влијание врз јавниот долг и граѓаните, кои, според нив, ќе ги сносат последиците од задолжувањето.Тие посочија дека постојат, како што велат, неразјаснети елементи околу трошоците и провизиите поврзани со кредитните договори, за кои бараат целосна транспарентност и институционална проверка.СДСМ повика Јавното обвинителство да постапи и да утврди дали постојат неправилности во процесот на склучување и реализација на овие финансиски аранжмани.

Македонија | пред 2 седмици

Кузеска: ВМРО-ОКГ и Мицкоски во паника ги ангажираа „Black Cube“ - Орбановата фабрика за валкани афери

Портпаролката на СДСМ, Богданка Кузеска, на прес-конференцијата изјави дека во јавноста се води, како што наведе, организирана кампања против претседателот на партијата Венко Филипче, во која се вклучени одредени медиуми и меѓународни структури.Таа посочи дека последните објави на одредени телевизии се дел од поширока, како што рече, „операција за дискредитација“, зад која стои приватна израелска компанија „Black Cube“, која во јавноста често се поврзува со разузнавачки и истражувачки активности.Според Кузеска, станува збор за модел на политичко делување кој, како што тврди, бил користен и во други земји, вклучително и во Унгарија и Словенија, преку тајни операции и медиумски кампањи насочени кон политички противници.Таа на прес-конференцијата оцени дека ВМРО-ДПМНЕ се обидува да го прикрие сопствениот неуспех преку, како што наведе, дефокусирање на јавноста и создавање афери против опозицијата.СДСМ побара од надлежните институции да ја истражат евентуалната вклученост на странски компании во политичкиот живот во државата, како и сите околности поврзани со овие наводи.Од партијата порачаа дека, како што велат, „јавноста треба да ја знае вистината“, а политичките битки треба да се водат со аргументи, а не преку, како што наведуваат, тајни операции и медиумски конструкции.

Македонија | пред 2 седмици

Кузеска: 9 години од крвавиот 27 април – ги гледаме истите тенденции на заробената држава

Девет години по настаните во Собранието, овој датум сè уште се смета за еден од најцрните во поновата историја на македонската демократија, ова, меѓу другото, беше истакнато на денешната прес-конференција на СДСМ од страна на портпаролката и членка на Извршниот одбор, Богданка Кузеска.Според политички оценки што ги изнесе таа на прес конференцијата, станува збор за организиран обид за насилно загрозување на уставниот поредок, во кој, како што се наведува, учествувале поддржувачи и структури блиски до тогашното раководство на ВМРО-ДПМНЕ и Никола Груевски.Кузеска на прес конференцијата изјави дека во Собранието тој ден влегоа групи кои, според тие оценки, имале намера да ги нападнат пратениците, новинарите и собраниските службеници, при што дојде до сериозно насилство, повреди и уништување на имот.Сликите од 27 април и денес остануваат симбол на тој ден – повредени пратеници, хаотични сцени и насилство во институцијата што ја претставува демократијата, оцени Кузеска.Во политичкиот контекст Кузеска посочуви и дека тогашниот опозициски лидер Христијан Мицкоски бил присутен пред Собранието во текот на случувањата.Девет години подоцна, според Кузеска, сè уште постојат обиди за релативизирање на настаните и недостиг од целосна институционална правда.Таа отвори и прашања за судските процеси, амнестиите и постапувањето со осудените лица поврзани со случајот, како и за нивната понатамошна улога во јавниот и политичкиот живот.Паралелно, Кузеска на прес конфренцијата изнесе и тврдења за континуитет на одредени политички и медиумски структури и нивното влијание врз јавниот дискурс.Од СДСМ се наведува дека 27 април и понатаму претставува опомена за потребата од заштита на демократските институции, владеењето на правото и политичката стабилност, стои во соопштението.

Македонија | пред 2 седмици

„Нова бомба: Зад рудникoт за антимон во Крива Паланка стојат донатори на ВМРО-ОКГ“ , вели Кузеска

Прес-конференцијата на портпаролката и членка на Извршниот одбор на СДСМ, Богданка Кузеска, се одржа во рамки на која партијата изнесе обвинувања поврзани со концесијата за рудник за антимон во Крива Паланка, се наведува во соопштението.СДСМ тврди дека зад компаниите кои се носители на концесијата за рудникот стојат донатори на ВМРО-ОКГ, оценувајќи дека станува збор за „бизнис интереси“ поврзани со владејачката структура, стои во соопштението.„Официјалните податоци од Министерството за енергетика откриваат дека моментален концесионер на локалитетот Луке е компанијата ‘РИ Енергетика Пела ДОО Скопје’“, се наведува во изјавата.Во соопштението од СДСМ тврдат дека сопственик на компанијата е Ѓорѓе Качурков, кого го опишуваат како донатор на ВМРО-ДПМНЕ, при што посочуваат дека тоа е поткрепено со финансиски извештаи и документи.Во соопштението се наведува и дека договорите поврзани со проектот се поврзуваат со повеќе фирми и лица, за кои СДСМ тврди дека се дел од „мрежа на деловни и политички врски“.„Ова е уште една причина зошто мора да има референдум во Крива Паланка и да се прашаат граѓаните“, стои во соопштението.СДСМ додава дека здравјето на граѓаните мора да биде приоритет пред, како што наведуваат, „профитни интереси“.

Македонија | пред 3 седмици

Портпаролката на СДСМ, Богданка Кузеска :Со празни фижидери најдобро знаат за бајките на Мицкоски за 3-та економија во Европа

На прес-конференција, портпаролката на СДСМ, Богданка Кузеска, изнесе ставови за економската состојба во земјата и политиките на Владата, при што, како што се наведува во партиското соопштение, се критикуваат најавите за „трета економија во Европа“.Од СДСМ, како што беше истакнато на прес-конференцијата, оценија дека граѓаните се соочуваат со зголемени цени и намален животен стандард, при што тврдат дека секојдневието за домаќинствата е отежнато поради поскапувања на основните производи и стагнација на платите.Во изјавата се наведува дека СДСМ уште пред неколку недели предложила мерки за заштита на стандардот, но дека, според нив, Владата не презела соодветни активности, туку дел од мерките биле укинати или променети.Од партијата, како што беше соопштено, се посочува и дека економските прогнози на европските институции укажуваат на можни ризици од забавување на растот и висока инфлација во наредниот период.СДСМ тврди дека, според нивната оценка, цените на храната значително се зголемени, додека платите остануваат на ниско ниво во споредба со европските земји.Во изјавата се упатуваат и критики кон економските политики на Владата, при што се наведува дека, според СДСМ, нема доволно мерки за подобрување на стандардот и за поддршка на работниците и стопанството.Од СДСМ, како што беше истакнато, се бараат итни мерки, меѓу кои замрзнување на цените на основните производи, намалување на ДДВ за храна и енергија, директна поддршка за ранливите категории и мерки за зачувување на работните места.На крајот од прес-конференцијата се оценува дека економијата треба да се гледа низ призма на реалниот живот на граѓаните, а не само преку статистички показатели.

Македонија | пред 3 седмици

Кузеска: Фирма на Дака од црната листа на САД во мрежата на Мицкоски-потонаа сите лаги на Николовски

Огромен скандал е доделувањето бизнис на компанија чиј сопственик е на црната листа на САД, вели Богданка Кузеска – портпаролка и членка на Извршниот одбор на СДСМ.„Компанијата на Миодраг Давидовиќ-Дака „Хронос сум“ од јануари годинава Божновска ја ставила во Годишниот план за изградба на енергетски објекти за 2026 година.За ВМРО-ОКГ сѐ е бизнис и ниту црната листа на САД не е пречка.Сега кога јавно ги фати живи Антикорупцискиот тим на СДСМ како спремаат бизниси со човек кој се поврзува со перење пари, криминални структури и е на црната листа на САД ВМРО -ОКГ пробува да се испере.Не поминува, живи сте фатени.Панама, офшор мрежи и сомнителен капитал.Скандалот е уште поголем ако се знае дека станува збор за истиот субјект кој со години стоел без реализација, а сега одеднаш, со ВМРО-ОКГ на власт, повторно оживува.Потонаа сите лаги на Александар Николовски и ВМРО-ОКГ.Во опозиција го напаѓаа Миодраг Дака Давидовиќ а денес – кога се на власт – Божиновска му отвори врата во бизнис мрежата на македонската енергетика.Ќе им се извинат ли денеска на граѓаните за сите лаги?Ова е класичен пример како функционира ВМРО-ОКГ: додека граѓаните плаќаат скапа струја, ЕЛЕМ има загуби од 100 милиони евра годишни тие договараат бизниси со сомнителни партнери.СДСМ бара:Владата на Мицкоски веднаш да ја повлече одлуката и да го стопира овој сомнителен проект.Јавното обвинителство итно да отвори предмет и да ја истражи целата шема, вклучително и потеклото на капиталот“, вели Кузеска.

Македонија | пред 1 месец

Кузеска: Цените растат, платите не - Мицкоски е дилетант кој нема капацитет да води Влада

Се потврди сѐ она што СДСМ го говореше и за што предупредуваше – за жал, на директна штета на стандардот на граѓаните. Мерката на Мицкоски не даде ефект. Само еден ден по прес-конференцијата на Мицкоски има ново покачување на цената на дизелот, кој сега изнесува 95,5 денари за литар, вели Богданка Кузеска - портпаролка на СДСМ.„Мицкоски е дилетант кој нема капацитет да ја води Владата. Или ова го прави намерно заради заштита на приватни бизниси. Или можеби и едното и другото.Проблемот за граѓаните е веќе тука – активирана е спиралата на раст на цените на храната.Маслото за јадење е над 100 денари, јајцата над 300 денари, овошјето и зеленчукот над 100 денари за килограм, месото е веќе покачено.Сѐ е поскапено, цените растат, а платите не мрдаат.Мицкоски одби да ја покачи минималната плата на 600 евра. Сега ниту 600 евра плата нема да бидат доволни за да се преживее месецот.Наместо мерки – Мицкоски прави дефокус, Дубаи, Зграда 42 спрата, Харис Џиновиќ, Башановиќ, што ли не измислија.„Началникот“ Латас е повторно во акција – дефокус наместо леб.Граѓаните не можат да живеат од дефокус. Дефокусот не ги полни фрижидерите, не носи храна на масата, не носи пари во семејните буџети.Дури Мицкоски зборува дека граѓаните „станале милионери“ и дека заштедиле, 200 илјади дневно, 1,5 милиони евра неделно.Епа граѓаните нека ги отворат своите паричници и нека ги пронајдат тие пари. Дали се внатре.Срамота е однесувањето на Мицкоски. Тој се однесува како уредник на жолт печат, со навреди и дефокус, наместо со решенија.Мицкоски треба да престане да штити бизнис интереси и да ги прифати мерките на СДСМ.Намалување на ДДВ на горивата на 5%. Намалување на акцизите за 4 денари. 0% ДДВ за основните прехранбени производи. Преполовување на патарините.Законите се поднесени, мерките се реални и издржани – применете ги.Станува збор за најважното – за лебот, за џебот на народот, за тоа дали граѓаните ќе имаат храна да го преживеат месецот“, вели Кузеска.

Македонија | пред 1 месец

Кузеска: СДСМ бара итна истрага - зошто Славески незаконски го кочи изборот на вицегувернери на НБМ?

Скандалот со блокираниот изборот на вицегувернери во Народната банка отвора сериозни прашања за работењето на Трајко Славески и за состојбите во оваа клучна институција. Зошто се кочи изборот на вицегувернери? Дали Трајко Славески намерно ја блокира постапката? Мандатот на двете вицегувернерки е истечен уште од лани, изборот е законски регулиран со прецизни рокови кои се истечени а се уште нема избор, вели Богданка Кузеска – портпаролка на СДСМ.„Прекршен е член 55 став 1 од Законот за Народна банка и рокот од 22 декември 2025 година е изминат.Ова доцнење отвора и дополнителна дилема:Дали одлуките на Советот на Народната банка во вакви услови се целосно легитимни и функционални?Кога клучни позиции не се пополнети, се доведува во прашање фукционирањето на Народната банка.Трајко Славески има директна одговорност за оваа состојба.Ова не е првпат Славески да носи политики на штета на граѓаните.Да потсетиме:Славески беше против зголемување на минималната плата, директно спротивставувајќи се на интересите на работницитеКако претседавач на Советот на Град Скопје во изминатите четири години, беше дел од хаосот во главниот град – нефункционалност, застој на проекти и целосен институционален распад.Истиот тој човек денес управува со Народната банка.Дали ова доцнење е резултат на неспособност или на свесно партиско калкулирање?Народна банка е место за професионалци а не за партиски кадри на Славевски.СДСМ бара, итна истрага за причините.  Финансиската стабилност не смее да биде жртва на политички игри и на неспособноста на Славески“, вели Кузеска.

Македонија | пред 1 месец

Кузеска: Мицкоски лаже, како што лажеше за името, сега лаже и за ЕУ!

Политиките на Мицкоски може да се опишат само со еден збор: ЛАГА! Ветуваше дека ќе го врати името, дека ќе го поништи Преспанскиот договор, дека никогаш нема да изговори Северна. Излажа, вели Богданка Кузеска – портпаролка на СДСМ.„Јавно кажа дека доколку се открие поврзаност помеѓу ВМРО и агенцијата за обезбедување од дискотеката „Пулс“, ќе си даде оставка.И затоа излажа.Велеше дека како советник на Никола Груевски работел „про боно“.Уште една лага.Рече дека трајно ќе се повлече од политиката ако се појават мигранти, односно „економски работници“.Излажа. Ветуваше поголеми плати и подобар живот за граѓаните. Сè е лага до лага. Зборовите на Мицкоски не значат ништо. Како што лажете за името, сега лаже и за ЕУ! Неговата измислена приказна за „влез во ЕУ без право на глас“ пропадна. Христијан Мицкоски многу лаже.Еврокомесарката за проширување Марта Кос предупреди за „токсичните влијанија на Русија и други“ и испрати јасна порака во името на ЕУ – нема место за тројански коњи.За жал, Македонија денес има токму таков пример со ВМРО, со нивниот вицепремиер кој има средби со „Ноќните волци“ на Путин, со врските со Москва, со нивната сестринска партија СНС и со кинеските пари.Европа не прифаќа тројански коњи во своите редови.Граѓаните знаат: европската перспектива на државата е реална и достижна, но Мицкоски ја турка Македонија во изолација.Само лаже дека сака членство во ЕУ, не сака во Европа, сака изолација за да продолжат криминалните тендери. Сè кај Мицкоски е лага, вели Кузеска.

Македонија | пред 2 месеци

Кузеска: ВМРО ги излажа граѓаните и за платите и за акцизите за гориво

ВМРО за се лаже. Погледнете ја оваа вест зад мене. Кога ВМРО беше опозиција бараа, ветуваа намалување на акцизите за горивата. Ја добија довербата од граѓаните, и ги излажаа граѓаните, вели Богданка Кузеска - портпаролка на СДСМ.„Денеска кога се власт, кога можат да ја намалат акцизата, да ги намалт цените, одбиваат.Иако на светските берзи цената на нафтата се намалува граѓаните на Македонија плаќаат поскапо гориво.Сите земји во регионот воведоа мерки за ограничување на цените на бензините само владата на Мицкоски не.Очигледно Мицкоски намерно профитира на грбот на народот.Мицкоски вели најефитно гориво имало во Макеоднија.А што е со платите? Па проблем е што платите се најниски во Европа и куповната моќ на македонските граѓани е на дното.Тоа е проблемот, нискиот стандард и ниските плати.Да слушнеме сега уште еден став од ВМРО како опозиција.Значи, иако признаваат дека СДСМ ја покачи минималната плата, за ВМРО тоа не било доволно, продуктивноста била проблем.Повторно излажаа.Сега се власт, владата на Мицкоски одбива да ја покачи минималната плата на 600 евра.Излегува Мицкоски и вели хистерија е барањето за поголема плата.Со часовници од 60.000 евра, вредни колку 150 минимални плати, Мицкоски ги прави хистерични работниците затоа што бараат 600 евра плата.Не е хистерија да се бара достоинствена плата, тоа е борба за достоинствен животЧасовници од 60.000 евра, е тоа е хистерија.Сега граѓаните многу добро знаат, Мицкоски и ВМРО лажат за се“, вели Кузеска.

Македонија | пред 2 месеци

Кузеска: Мицкоски лаже, многу, многу лаже!

Христијан Мицкоски лаже, многу лаже. Со лага дојде на власт. Со лаги владее. Ветуваше дека ќе го врати името, дека ќе го поништи Преспанскиот договор, дека никогаш нема изговори Северна.  Излажа. Мицкоски ги измами граѓаните, додека интензивно водеше црна кампања против СДСМ и против сите нас дека сме предавници, вели Боданка Кузеска – портпаролка на СДСМ„Не им кажа на граѓаните дека поништување на Преспанскиот договор ќе значи враќање на ПЈРМ и ФИРОМ, губење на членството во НАТО и загрозување на безбедноста.Денеска на сите им е јасно дека зборот не му вреди.Јавно Мицкоски изјави дека доколку се открие поврзаност помеѓу ВМРО и агенцијата за обезбедување од дискотеката „Пулс“, ќе си даде оставка.Излажа.Велеше дека како советник на Никола Груевски работел „про боно“.Излажа.Рече дека трајно ќе се повлече од политиката ако се појават мигранти, односно „економски работници“. На плоштадот до него беа на Нова Година а во Прилеп на автобуска станица ги виде цела Македонија.Ветуваше одговорност и правда. Денеска го штити Тошковски. Криминалците се во врвот на власта, одговорност нема, правдата е погребана.За поставувањето на Душан Адамовиќ, за почесен конзул во Србија рече дека стои македонскиот амбасадор.И за ова излажа.Сè е лага до лага. Граѓаните веќе гледаат дека зборовите на Мицкоски не значат ништо.40% од медиумите се под контрола преку мрежата на Орбан и тоа се злоупотребува за манипулации со граѓаните.ВМРО лаже! Мицкоски, многу, многу лаже! Граѓани, не дозволувајте повеќе да не лаже“, додава Кузеска.

Македонија | пред 2 месеци

Кузеска: Што праиме сега Мицкоски, кој од власта ќе одговара за нарко скандалот со 5 тони дрога?

Над 30 дена, повеќе од еден месец, нема одговори за најголемиот нарко скандал во регионот со заплена на 5 тони дрога од Македонија во соседна Србија, вели Богданка Кузеска - портпаролка на СДСМ „Како 5 тони дрога поминале граница? И кој од врвот на власта ќе одговара? Од сите информации кои досега се достапни јасно е дека станува збор за високо организирана криминална група која не можела да функционира без поддршка од лица на највисоки позииции во власта. Медиумската магла којашто власта се обиде да се пласира со лажна кампања после оваа акција, за пренасочување на вниманието на претходни влади се расчити. Кампања со обиди да се вмеша СДСМ и опозицијата за да се амнестира актуелната власт не успеа. Сега е време за одговорност во врвот на актуелната власт. Кои се трите клучните аспекти за одговорност за овој нарко скандал? 1. Околината на Свети Николе се јавува како клучна точка каде што се правел претовар на дрогата. Од фабриката на кругот на ОХИС “Алфафарм“ дрогата била натоварена и транспортирана до Свети Николе. Внимавајте, без полициска придржуба како што налагата законите. Кој ова го дозволил е првото клучно прашање? Зошто не е правена конрола во фабриката? Оваа фирма, која работи во просториите на ОХИС, е основана во мај 2024, во време на ВМРО. Дрогата била свежа, одгледана во време на актуелната власт. А пакувањето во кругот на Охрис започнало во средината на декември 2025 година. Од втора фабрика, Грин лајф имало исто така пратка со дрога. Сите овие пратки ја поминале слободно половина Македонија. На 65 илјади камери, на патроли, контроли никој ништо не проверил. Случајно? Значи одговорни во македонската полиција и бебзедносните служби мора да бидат први кои ќе бидат опфатени со барањето одговорност. Одиме понатаму. 2.Дрогата била препекувана како перници и на тој начин се пренесувала преку македонската граница. На толку скенери, контроли, никој ништо не презел. Случајно? Значи одоворни во македонската царина исто така мора да бидат опфатени со барањето  поврзаност. 3. Конечо, целата пратка од 5 тони завршила во магацин на локални функционери на СНС во Србија, сестринска партија на ВМРО. Бил близок со српскиот министер за одбрана Гашиќ и изјавил дека станува збор „за државна работа“. Ова е третиот аспект на поврзаност со блиска политичка структура во двете земји. Што правиме сега Мицкоски? Пак дефокус со Харис Џиновиќ, Дубаи ил имате нови идеи? СДСМ нема да дозволи овој случај да се заташка. Не може да има уапсени се магационери, превозници и сопственици на фирми, а главните организатори на овој шверц да се кријат. Кој од власта ќе одговара“, вели Кузеска.

Македонија | пред 2 месеци

Кузеска: Српска или руска странски служби за Груби кажале, па ова е веќе циркус

Сè што досега кажа Мицкоски и ВМРО-ОКГ се покажа дека е голема лага. Тетарот и режираното сцанарио со Груби веќе стана циркус. Обвинителството под контрола на Мицкоски го правдаше скандалозното одредување куќен притвор за Груби со безбедносна проценка дадена од МВР и АНБ, вели Богданка Кузеска – портпаролка на СДСМ.„Не бил безбеден и затоа морале да одредат куќен притвор.Истиот ден, директорот на затворот Шутка, инаку кадар на ВМРО-ОКГ, го демнатираше обвинителството. Според него ниту АНБ ниту МВР не дошле и не направиле проценка.Мицкоски вчера, јавно, на телевизија рече дека тоа биле класифицирани информации, доверливи и не може да се соопшти.Имал чувство.Сега излегуваат информации дека „странски служби“ јавиле и тоа уште пред една година и дека безбедносна проценка воопшто не била направена од АНБ и МВР.Само не кажаа која, дали српска или руска странска служба?Ако нема проценка од АНБ и МВР како Обвинителството донело одлука за куќен притвор?Ако нема проценка од АНБ и МВР како Мицкоски вели дека „тоа било класифицирано“.Или неговите лаги почна да ги третира како класифицрани?Циркус.Нема посилна потврда од ова дека сè е договорено и смислено.Се измислуваат нови лаги, се прави дефокус за да се покрие сценариото, дилот којшто го направиле.Претстава на граница, доаѓање со наочари, со насмевка, само уште црвен килим недостасуваше.Пречек со камери, со медиумска поддршка на 40% од медиумите под контрола на ВМРО преку Орбан.Одредувањето куќен притвор од обвинителство и судство по контрола на ВМРО ОКГ.Има, па нема безбедносна проценка. Дале проценка АНБ и МВР па не дале.Сега странски служби. Недостастуваат уште „жолтите комбиња“ и сликата да била комплетна. Циркус Медрано како што велеше Гордана Јанкуловска.Ова почитувани го разобличува целото режирано сценарио, целокупниот театар.Мицкоски прво разрешува и поставува нови обвинители на телевизија, во живо во емисија, а сега повторно во емисија најавува што ќе зборува Груби и што ќе прави обвинителството.Кому веќе не му е јасно дека Мицкоски, покрај тоа што ги уредува 40% од медиумите што преку Орбан ги има под контрола, управува и со обвинителството?Сè е договорено.Граѓаните не се глуви и не се слепи, гледаат и знаат се.Имаме чувство Мицкоски“, вели Кузеска.

Македонија | пред 2 месеци

Кузеска: Обвинителството се заплетка со притворот за Груби, се покажа дилот, сè е договорено

Политичкиот дил ВМРО-ДУИ со Груби веќе на сите им è јасен, граѓаните знаат што се случува. Разоткриенo е секое делче од ова договорено сценарио. Од режираната претстава на границата, со наочари и насмевка. Преку пречекот со камери, со медиумска поддршка на 40% од медиумите под контрола ВМРО преку Орбан, па се до одредувањето на куќен притвор од обвинителството и сдуството под контрола на ВМРО-ОКГ, вели Богданка Кузеска - портпаролка на СДСМ„Сакајќи да се исперат од скандалозна одлука за одредување куќен притвор Обвинителството директно го закопа Христијан Мицкоски.Вчера, Обвинителството соопшти дека МВР на Тошковски и АНБ на Христовски дале проценка дека Груби „не бил безбеден“ во „Шутка“, па затоа предложиле куќен притвор.Истиот ден, излезе директорот на затворот Шутка, Бобан Утковски, го демантираше Обвинителството и рече дека ниту МВР ниту АНБ „не се обратиле ниту усно ниту писмено до затворот за да побараат мислење за безбедноста“.Епа како донеле одлука во Обвинителството?Има ли подобра потврда од ова тврдење дека сè е договорено и дека јавноста само се лаже и се замајува?Сè е јасно.Затоа обвинителството и судството беа ставени под директна контрола на Мицкоски и ВМРО-ОКГ, за што СДСМ со месеци говори.Тоа го имаме како потврда и за овој случај. Кои обвинители постапуваа во предметот и кој го предложи куќниот притвор за Груби?  Предметен обвинител е Даниел Коцев, а негов шеф на Скопското Обвинителство е Анел Фидоски, кој беше избран на оваа функција на 20 јануари 2026 година.Сè е јасно, сè е договорено, смислено сценарио.Можеби ваквите сценарија им поминуваа со години наназад, но повеќе не поминуваат – разоткриени се.Граѓаните гледаат и знаат сè. Одговорност ќе има“, вели Кузеска.

Македонија | пред 2 месеци

Кузеска за Груби: Како што се договорија да го пуштат, така се договорија да се врати, кој се смее кога го апсат?

ДУИ го спасува Мицкоски, му фрлија гума за спасување. После денешниот театар на македонската граница, веќе на сите им е јасно дека бегството на Артан Груби беше политички договор. За да само ова го најави, уште во декември 2024 година, сега само се потврди пред очите на македонската јавност, вели Богданка Кузеска од СДСМ.„Како што се договорија да го пуштат, така сега се договорија да се врати. На овој начин, ВМРО со поддршка од ДУИ сака да го покрие најголемиот наркоскандал со 5 тони дрога, кој води до врвот на владата на Мицкоски. Но и бројни скандали со криминални тендери за кои повеќе од 80 дена нема никакви одговори. 161 тендер за семејна фирма на директорот на Созара, 51 тендер за пирамид билдинг, 74 тендери за Ленди Груп, 9 милиони евра за фирма со двајца вработени, 1,2 милиони евра тендер преку пошта за фирма блиска до "Знам".Сите тендери почитувани водат до најтесниот круг околу Мицкоски, а повеќе од 80 дена нема реакција од обвинителството. Повеќе од 20 дена нема одговори за 5 тони дрога, нема одговори за сликите со Симе, за Адамовиќ.Граѓаните нема да добијат одговори на прашањата, но ќе добијат театар како денеска. Нема борба против криминалот и корупцијата. Станува збор само за договорена кампања поради падот на рејтингот на Мицкоски. Сакаше да се претставува како чесен, но по бројните скандали скапите часовници и луксузирањата на грбот на народот со авион веќе е прочитан од граѓаните. Копи-пејст по рецепт на Вучиќ, кој секогаш кога е под пад најавува некоја апсење.Немаат одговор на скандалите, веднаш прават дефокус. Нема одговор за 5 тони дрога, веднаш 100 тони запленета марихуана од Струмица. Лесни македонски перници, на овој начин 5 тони дрога била пренесена преку границата. Значи, замешани се и од царината и од полицијата и од други институции под контрола на владеачката структура и на Мицкоски. Се отвори прашањето кој од актуелните функционери во владата на Мицкоски ќе одговара. Затоа почитувани им е потребен Артан Груби.Целта е повторно да се поврзе СДСМ со ДУИ. Како што се поврзуваше кампањата со марихуаната од Струмица, како што имавме можност да видиме и со оваа најава на Жан со купишта натписи пред неколку недели за наводна поврзаност меѓу СДСМ и ДУИ. А вистината, почитувани, е дека ВМРО-ОКГ се во договор со ДУИ.Власта го презема судството и обвинителството под своја контрола, се рушат предметите на СЈО, сега е вистинско време Груби да се предаде. Кој се смее кога го апсат?“, вели Кузеска.

Македонија | пред 2 месеци

Кузеска: Криминалната власт веднаш да се откаже од намерата за купување на нов авион, државата не е приватна компанија

Се уште нема одговори колку чинеше луксузирањето на Мицкоски со владиниот авион и кој бил со него. Но, луксузирањето на Христијан Мицкоски врз грбот на граѓаните и летањето со владин авион на Јадранско море го откри неговото вистинското лице и лицето на неговата расипничка власт, вели Богданка Кузеска - портпаролка на СДСМ„До толку се опиени од моќта, од аздисаноста, државата ја сметаат за нивна приватна сопственост, шанса за бизнис и уживање, а граѓаните за поданици кои се тука да им го плаќаат луксузот.Додека народот брои денари до крајот на месецот, работниците се на улиците за поголеми плати, премиерот лета на одмор со владин авион.Владата вели нема пари за плати, одбива да ја покачи минималната плата на 600 евра.Им кратат 40 милиони евра на земјоделците за субвенции, 5 милиони евра од поддршката во спортот.Дури и на лицата со ретки болести им скатија 3 милиони евра!А истовремено планираат да купат нов владин авион вреден околу сто милиони евра.Како со тендерите, 161, 51, 72, вредни милиони евра, како да се колачи.Со сума од околу 100 милиони евра се обезбедува половина од потребните пари за зголемување на минималната плата на 600 евра за работниците.Може да се изградат најмалку 20 нови современи училишта низ државата, 25 градинки, 10 студентски домови со што илјадници студенти би добиле достоинствени услови за живот и студирање.Со парите за еден луксузен авион може да се изградат 3 нови модерни болници или целосно да се реконструираат повеќе постоечки здравствени центри.Може да се изградат 20 згради за социјални станови, десетици километри водоводи и канализации во рурални и урбани средини каде граѓаните со години чекаат основни услови за живот.Но наместо пари за плати, за пензии, за училишта, болници, Владата сака луксузот на Мицкоски да го платат граѓаните.Тоа е приоритетот на оваа тендер коалиција ВМРО-ЗНАМ.Ова е безобразие без граници.Бараме криминалната власт веднаш да се откаже од намерата за купување на нов авион.Државата не е приватна компанија, а народните пари не се играчка за опиена, аздисана и криминална власт“, вели Кузеска

Македонија | пред 2 месеци

Кузеска: ВМРО-ДПМНЕ подготвува враќање на Груевски и уривање на правниот систем

Во тек е координирана политичка операција чија цел е враќање на Никола Груевски и целосно уривање на правниот систем во државата., вели Богданка Кузеска - портпаролка на СДСМ. „Откако ги видовме резултатите од истражувањата во Унгарија, станува извесно е дека блискиот пријател на Мицкоски, Орбан може да се соочи со пораз на изборите. Тоа го виде и Никола Груевски. Наместо во Идризово, ВМРО му планира враќање во Белата палата. Така изгледаат „реформите“ во ВМРО. Нема повеќе потпретседатели, нема внатрешна конкуренција – се расчистува патот за единствениот претседател на ВМРО, Груевски. Мицкоски е само чувар на фотелјата. Клучниот чекор во ова сценарио е нападот врз СЈО и пресудите што произлегоа од неговата работа. Преку орбановите медиуми во Македонија, пред сè преку Алфа, веќе се води црна кампања со наратив за „политички прогон“ и „монтирани случаи“. Целта е јасна – дискредитација на предметите, релативизирање на пресудите и подготовка на терен за нивно поништување. Ова не е случајна медиумска офанзива. Ова е организиран обид да се избрише одговорноста за криминалот на поранешната власт и да се претстави бегалецот Груевски како жртва. Истовремено се носат решенија во правосудството спротивни на европските препораки, се поставуваат партиски луѓе на клучни позиции и се слабее институционалната независност. Сè со една цел – да се обезбеди безбеден терен за враќање на „газдата“. Ова не е внатрепартиска работа на ВМРО. Ова е директен напад врз владеењето на правото и европската перспектива на државата“, вели Кузеска.

Македонија | пред 3 месеци

Кузеска: Време е за одговорност – граѓаните се трујат, а власта лаже и потфрла во справување со пожарите

На денешната прес-конференција, портпаролката на СДСМ, Богданка Кузеска, остро ја критикуваше актуелната влада, обвинувајќи ја за неспособност, лаги и свесно загрозување на здравјето на граѓаните во услови на сериозна еколошка криза.Кузеска истакна дека Владата го потврди скандалот што СДСМ претходно го објави, односно дека 400 пожарникари, кои беа најавени со голем ПР, сè уште не ја добиле првата плата, иако активно работат на терен среде разгорени пожари. Таа го нарече ова "празно оправдување и потценување на граѓаните".„Млади луѓе со месеци се ангажирани во општините, останаа без денар, а граѓаните без вистинска заштита од пожари и еколошки катастрофи,“ рече таа.Според Кузеска, власта на Христијан Мицкоски и ВМРО-ДПМНЕ не само што е неспособна, туку и ги манипулира граѓаните со лажни приказни и изговори за наводни хибридни напади, додека, како што рече, „народот се гуши во канцерогени честички“, депониите и понатаму горат, а 20% од територијата е изгорена.Таа предупреди дека повеќе не станува збор само за неспособност и лаги, туку за свесно загрозување на здравјето и животот на луѓето. Според СДСМ, по пожарот во Трубарево, граѓаните на Скопје дишеле олово, арсен и кадмиум, а власта, наместо да реагира итно, молчела и уверувала дека опасност нема.„Лично Христијан Мицкоски тврдеше дека загадувањето на воздухот не е големо,“ рече Кузеска, оценувајќи ја власта како „неспособна, измамничка и без чувство за одговорност.“СДСМ бара итна одговорност од владата за справување со пожарите, за еколошката катастрофа и за, како што велат, лагите со кои се излажани и граѓаните и пожарникарите.

Македонија | пред 7 месеци

Кузеска: Имаме циркузантска влада која прави театар додека горат депонии и фабрики, одговорност мора да има

Портпаролката на СДСМ, Богданка Кузеска на денешната прес-конференција предупреди дека пожарот во Трубарево отвора многу прашања на кои институциите мора да одговорат, граѓаните мора да бидат информирани за загаденоста на воздухот и повика на одговорност за еколошката катастрофа.Како што кажа Кузеска, остануваат отворени прашањата за тоа колкаво количество токсичен отпад изгоре вчера, колкава беше концентрацијата на отровни, корозивни и опасни материи за здравјето на луѓето кои се шират низ воздухот.„Дали денеска воздухот во Скопје во кој се уште се чувствува мирис на изгорена пластика содржи отровни и канцерогени честички? Дали е целосно безбедно да се биде на отворено во одредени делови на Скопје и околината, за деца, бремени жени, возрасни, болни?“, изјави Кузеска.Таа посочи дека ова што се случува со пожарите во Трубарево, Дрисла и Вардариште е врв на неодговорност и незаинтересираност, а клучните луѓе во државата наместо да преземат одговорност и решенија измислуваат изговори и се обидуваат својата неспособност да ја префрлат на други.„Премиерот Мицкоски вели дека „воздухот во Скопје само изгледа загаден ама не е алармантен“. Стојанче Ангелов зборува за хибриден напад, како да сме во шпионски филм, а не во реална еколошка катастрофа. Панче Тошковски е целосно загубен помеѓу измислените приказни и префрлање на одговорноста на некој друг и исто како да не постои.Орце Ѓорѓиевски не гледа чад, туку „политички пожари за политички поени“. Граѓаните се гушат а не гледаат институционален одговор на оваа еколошка катастрофа“, рече Кузеска додавајќи дека нема ниту еден институционален план, ниту една мерка, ниту едно решение.На прес-конференцијата Кузеска потенцираше дека целата состојба е резултат на некадарност, безобразие и криминална рамнодушност. Затоа како што кажа Кузеска, СДСМ бара итна и темелна истрага за сите овие случаи и одговорност.„Политичка и кривична одговорност за сите што го прекршиле законот но и за оние од институциите кои не постапиле навреме а имале обврска да го сторат тоа. Одговорност за овој екоцид мора да има. Наместо држава, имаме шатор на циркузантска влада која прави шоу додека горат депонии и фабрики“, изјави портпаролката на СДСМ, Богданка Кузеска.

Скопје | пред 8 месеци