МВР

Полицијата утрово со акција за детска порнографија: Претреси на седум локации, во три градови

Секторот за компјутерски криминал при Бирото за јавна безбедност на Министерството за внатрешни работи, во координација со одделенијата при СВР Битола, СВР Охрид и СВР Струмица, спроведува координирана акција на повеќе локации низ државата, дознава „Скопје1“ од извори во истрагата.Во рамки на операцијата се вршат претреси на вкупно седум локации, со цел обезбедување докази за кривично дело „производство и дистрибуција на детска порнографија“, предвидено во Кривичниот законик. Еден од претресите е кај лице кое се поврзува со бугарско здружение во државава.Според неофицијални информации, едно од лицата опфатени со акцијата се поврзува, медиумски ангажмани односно поткасти.Од институциите засега не откриваат дополнителни детали за акцијата бидејќи е во тек.Се очекува по завршување на акцијата да бидат соопштени повеќе информации за резултатите.

Свет | пред 1 месец

Камерите казнија над 26 илјади прекршоци: Доминираат казните за брзо возење, помалку се поминува на црвено светло

Во текот на март, преку системот „Безбеден град“, полицијата евидентирала вкупно 26.241 сообраќаен прекршок на подрачјата каде што се поставени камери.Најголем дел од прекршоците, дури 25.230, се однесуваат на пречекорување на дозволената брзина, што повторно ја потврдува брзината како најчест ризик на патиштата.Истовремено, забележан е значителен пад кај прекршоците за минување на црвено светло. Во март се регистрирани 70 вакви случаи, што претставува намалување од 68,2 проценти во однос на февруари.Покрај тоа, евидентирани се и 941 прекршок за управување возило со истечена важност на сообраќајната дозвола.Во истиот период, изречени се 544 мерки забрана за управување со возило, што е намалување од 16,7 проценти споредено со претходниот месец. Од нив, 474 се изречени поради брзо возење, при што 362 се за надминување на брзината за повеќе од 80 километри на час во населено место, 70 за надминување на ограничувањето за повеќе од 10 километри на час кај возила со сопствено ограничување, а 42 за возење со брзина над 170 километри на час надвор од населено место.Од МВР апелираат до сите учесници во сообраќајот да ги почитуваат правилата и прописите, со цел зголемување на безбедноста на патиштата.

Македонија | пред 1 месец

Приведен вработен во МВР: Во центарот на Скопје возел во спротивна насока и се заканувал на службеник

Вработен во Министерството за внатрешни работи е приведен во Скопје откако бил затекнат како управува возило во спротивна насока и агресивно се однесувал кон полициски службеник кој го запрел.Инцидентот се случил на 1 април на крстосницата меѓу улиците „Јордан Мијалков“ и „Димче Мирчев“, каде полициски службеник вршел физичка регулација на сообраќајот. При контролата било запрено патничко возило „мерцедес“ управувано од С.Р. (45), кој, според информациите, се движел во спротивна насока и претекнувал колона возила.Откако му бил побаран документ за идентификација, возачот се претставил како вработен во МВР и изјавил дека нема лична карта, по што започнал агресивно да се однесува и да му се заканува на полицискиот службеник.Од страна на полицијата, лицето било лишено од слобода, а за случајот бил известен Одделот за внатрешна контрола, криминалистички истраги и професионални стандарди.Против него се поднесени соодветни поднесоци за повеќе прекршоци, меѓу кои за прекршување на правилата во сообраќајот, нарушување на јавниот ред и мир и непоседување личен документ.

Скопје | пред 1 месец

Уапсени 16 возачи, 12 од нив возеле без возачка

Во текот на изминатото деноноќие на целата територија на државата, полициските службеници лишија од слобода 16 возачи за безобѕирно управување возило. Од нив 12 возеле без возачка дозвола, од кои четири во Тетово, меѓу кои и еден малолетник и двајца во Гостивар. Исто така, по едно лице во Скопје, Велес, Штип, Свети Николе, Делчево и Битола возеле без дозвола. По еден возач во Кочани и Струга управувале возило под дејство на алкохол, а по еден возач во Куманово и Охрид управувале возило со активна забрана за управување патничко возило. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 2 месеци

Вработени во ловечко друштво давале дозволи за лов на ловишта иако немале договор за концесија - поднесена кривична пријава

ОВР Неготино, до Основното јавно обвинителство Кавадарци, поднесе кривична пријава против Д.М.(56) од Неготино поради постоење основано сомнение за сторени кривични дела „проневера во службата“ и „несовесно работење во службата“ и против К.М.(33) од Неготино поради постоење основано сомнение за сторени кривични дела „проневера во службата“, „несовесно работење во службата“, „уцена“ и „попречување на правдата“.Имено, во периодот од 2021 до 2025 година, двајцата како вработени во ловечко друштво „ЗЛД Вардар“ Неготино, издавале дневни дозволи за лов за ловишта „Корешница“ и „Бесвица“, иако немале договор за концесија за тие ловишта, односно направиле договор „закуп под закуп“ спротивно на законските одредби. Паричните средства од гости ловци, странски државјани ловци и членарината од членовите , пак ги земале во готовина без да издадат соодветен документ. Дел од парите ги внесувале на сметката на друштвото како донација, а останатиот дел го задржувале за себе. Тоа го правеле на тој начин што кога на камерите од видео надзорот забележувале лица што вршат незаконит лов им барале одреден паричен надомест да уплатат на сметката на ловечкото друштво како донација за да не ги пријават во полиција. Потоа, Д.М. во својство на претседател на друштво, и К.М., без оправданост подигнувале пари од сметката на друштвото и ги задржувале за себе. Дополнително, К.М. вршел уцена кон лица што вршеле незаконит лов и влијаел на сведоци во постапката за докажување на кривичното дело „уцена“ , наведувајќи ги на давање лажен исказ.Со извршените дела, пријавените се стекнале со противправна имотна корист во износ од 2.573.655 денари. Со судски наредби биле извршени претреси во дом и помошни простории кај двете лица, како и во просториите на ловечкото друштво, при што биле пронајдени и одземени документи поврзани со работата на друштвото. За време на тој период, дел од членовите на управниот одбор на друштвото, согледувајќи ги ваквите дејствија си поднеле оставка.

Македонија | пред 2 месеци

Бегал од полиција и од возилото фрлил ловечка пушка - полицијата ја пронајде и одзема

ОВР Прилеп поднесе кривична пријава против С.С.(39) од с.Десово, општина Долнени, поради постоење основи за сомнение за сторено кривично дело „неовластено изработување, држење, посредување и тргување со оружје или распрскувачки материјали“.На ул.„Карпалак“ во Прилеп, полициски службеници дале знак за запирање на патничко возило, кое го управувал пријавениот, но тој продолжил со движење, при што неговиот совозач од возилото фрлил ловечка пушка, која е пронајдена и одземена.

Македонија | пред 2 месеци

Пред кафеана, на импровизирана тезга продавал пиротехника

ОВР Кичево поднесе кривична пријава против Р.Х.(29) од Кичево поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“.На 25.12.2025 пред угостителски објект на ул.„Василе Николоски“ во Кичево, полициски службеници го затекнале пријавениот како на импровизирана тезга продава пиротехнички средства, по што е извршен претрес во неговиот ранец и биле пронајдени и одземени пиротехнички средства.

Македонија | пред 2 месеци

57-годишен маж се заканувал на градоначалникот на Кичево

Надворешната канцеларија за криминалистички работи Кичево поднесе кривична пријава против Н.Ј.(57) од с.Раштани, кичевско, поради постоење основи на сомнение за сторено кривично дело „загрозување на сигурноста“.На 20.02.2026 во угостителски објект во Кичево, пријавениот упатил закани на градоначалникот на општина Кичево.

Македонија | пред 2 месеци

Охриѓанец нападнат од обезбедување на казино

На 01.04.2026 во 01:01 часот во СВР Охрид, Г.Б.(45) од Охрид пријави дека на 31.03.2026 околу 23:00 часот пред казино во Охрид бил физички нападнат од Д.Н.-вработен како обезбедување во објектот.По целосно документирање на случајот ќе следува соодветен поднесок.

Македонија | пред 2 месеци

Со нож им се заканувал на жена му и нејзините родители, па ги нападнал - нов случај на семејно насилство во Скопје

На 31.03.2026 во 23:20 часот во скопско, полициски службеници од СВР Скопје го лишија од слобода М.С.(24), постапувајќи по претходна пријава од неговата 24-годишна сопруга дека околу 20:30 часот во домот, додека била со нејзините родители, со остар предмет им упатувал закани, а потоа ги нападнал неа и нејзиниот татко.По целосно документирање на случајот ќе следува соодветен поднесок.

Скопје | пред 2 месеци

Тепале малолетничка па видеото го објавиле на социјални мрежи, реагираше полицијата

На 31.03.2026 во 20:55 часот во СВР Скопје, В.П.(50) од Скопје пријави дека на 30.03.2026 околу 12:30 часот во паркот во Ѓорче Петров, нејзината малолетна ќерка била физички нападната од две малолетнички кои ги познавала, а подоцна едната малолетничка објавила слика од настанот на социјална мрежа.Се преземаат мерки за расчистување на случајот.

Скопје | пред 2 месеци

Тепачка среде угостителски објект во Скопје, оштетен дел од инвентарот

На 31.03.2026 во 23:30 часот во СВР Скопје е пријавено дека во угостителски објект на подрачјето на Карпош дошло до физичка пресметка помеѓу Е.С.(30) и И.Д.(33) од една страна и П.Т.(50) и Н.Ѓ.(43) од друга страна, сите од Скопје, а Е.С. бил удрен со тврд предмет и бил оштетен дел од инвентарот во објектот.Се преземаат мерки за расчистување на случајот.

Скопје | пред 2 месеци

Онлајн измамници украле 44.000 евра од фирма од Свети Николе

Фирма од Свети Николе била мета на компјутерска измама. Штетата е 44.222 евра, а средствата биле уплатени за набавка на репроматеријали. Но, парите не пристигнале на банкарска сметка на фирмата во Италија, туку трансакцијата била пресретната и средствата стигнале на непозната сметка во Португалија.Секторот за внатрешни работи (СВР)-Штип  информира дека на 27.03.2026 во 22:25 часот во Полициската станица Свети Николе, 24-годишна жена од Свети Николе пријавила дека со компјутерска измама нејзината фирма била оштетена за сума од 44.222 евра.-Имено, на 18.03.2026 вработена во фирмата направила нарачка на репроматеријали од фирма од Италија, а на 24.03.2026 добиле известување на електронска пошта од фирмата од Италија за промена на банкарска сметка со профактура во прилог, соопштуваат од СВР-Штип.Посочуваат и дека на 27.03.2026 се извршиле девизно плаќање на новата сметка на италијанскиот добавувач, а подоцна добиле известување од банката дека  плаќањето било извршено пред да се изврши проверка и одобрение на девизното плаќање од нејзината фирма, по што биле известени од фирмата од Италија дека  комуникацијата била пресретната, односно трансферот на паричните средства не бил направен на нивната сметка, туку стигнале на непозната сметка Португалија.Од СВР-Штип  велат дека се преземаат мерки за расчистување на случајот.

Македонија | пред 2 месеци

Уапсена Германка во Гостивар, осомничена за тепачка лани во декември

На 31.03.2026 во 15:20 часот во Полициската станица Гостивар е приведена Ј.Ж.(24) од Германија, со престој во Гостивар, поради сомнение за нејзина вмешаност во претходно пријавен физички напад, случен на 13.12.2025.

Македонија | пред 2 месеци

73-годишен маж пронајден починат во куќа во Гостивар

На 31.03.2026 во 17:37 часот во ОВР Гостивар е пријавено дека во куќа на ул.„Браќа Ѓиновски“ е пронајден починат С.Т.(73) од Гостивар, кој живеел сам.Лекар од Итна медицинска помош констатирал смрт без видливи траги на насилство, а по наредба на јавен обвинител телото е дадено на обдукција.

Македонија | пред 2 месеци

Давала пари на заем со висока камата и упатувала закани – пријава против 53-годишна струмичанка

Жена од Струмица е осомничена за лихварство, откако со години давала пари на заем со несразмерно високи камати, а на должниците им упатувала и сериозни закани.Од Министерство за внатрешни работи информираат дека СВР Струмица поднела кривична пријава против Ј.Т.(53) од Струмица поради постоење основи на сомнение за сторено кривично дело „лихварство“.Според полицијата, во периодот од 2023 до 2025 година, пријавената ја искористила тешката финансиска состојба на лица од Струмица, на кои им давала пари на заем, при што за себе договарала и наплатувала несразмерно висока камата, со што стекнала противправна имотна корист.Еден од оштетените, како што се наведува, во неколку наврати позајмувал пари од неа, но откако не можел да ја исплати каматата, пријавената почнала да му упатува закани по неговиот живот и животот на неговото потесно семејство.На 26 февруари 2026 година, пријавената се договорила со оштетениот да се сретнат во близина на нејзината куќа, по што полициски службеници од СВР Струмица кај неа пронашле банкнота од 100 евра, која претходно била криминалистичко-технички обработена.

Македонија | пред 2 месеци

Жена уценувала газда во Куманово: „Врати ме на работа или ќе објавам фотографии“

Поранешна вработена во угостителски објект во Куманово, заедно со уште едно лице, го уценувала сопственикот со закани за објавување компромитирачки фотографии, барајќи пари или враќање на работа.„СВР Куманово поднесе кривична пријава против Б.Т.(40) и М.Д.(43), двајцата од Куманово, поради постоење основи на сомнение за сторено кривично дело „уцена“. На 07.02.2026, првопријавената, поранешна вработена во угостителски објект во Куманово, го уценувала сопственикот дека ако не ја врати на работа или не ѝ даде 5.000 евра, на социјална мрежа ќе објави фотографии како доказ за несоодветно ракување со храната во објектот, со цел создавање негативна слика за угостителскиот објект.Во извршување на делото ѝ помагал второпријавениот“, велат од МВР.

Македонија | пред 2 месеци

Уапсени лица кои избегале од затвор

Две лица од Струмица, кои биле во бегство од затвор, се лишени од слобода во полициска акција спроведена во раните утрински часови, информира Министерство за внатрешни работи.Акцијата била реализирана денеска околу 03:30 часот од страна на полициски службеници од Секторот за меѓународна полициска соработка и СВР Струмица.„Денеска (01.04.2026) околу 03:30 часот полициски службеници од Секторот за меѓународна полициска соработка и СВР Струмица ги лишија од слобода С.М.(31) осуден на казна затвор од пет години и М.М.(38) осуден на казна затвор од четири години, двајцата од Струмица“, соопшти МВР.Станува збор за лица кои биле во бегство од Казнено-поправната установа Затвор Струмица, каде издржувале казна затвор поради сторено кривично дело „тешка кражба“.„Лицата беа во бегство од КПУ Затвор Струмица, а претходно осудени поради сторено кривично дело по чл.236 ст. вв чл.45 од Кривичниот законик“, соопшти МВР.По лишувањето од слобода, двајцата се спроведени назад во затворот за доиздржување на казната.„Лицата се спроведени во КПУ Затвор Струмица за доиздржување на казната“, соопшти МВР.

Македонија | пред 2 месеци

Денес во Скопје: Посебен сообраќаен режим поради посетата на Милатовиќ

Претседателот на Црна Гора, Јаков Милатовиќ, денеска престојува во официјална посета на Македонија, поради што во Скопје е воведен посебен режим на сообраќај.Од Министерството за внатрешни работи информираат дека Единицата за безбедност на патниот сообраќај ќе спроведе мерки за регулирање на движењето во централното градско подрачје, што ќе значи повремени ограничувања и пренасочувања на сообраќајот.Надлежните апелираат до граѓаните да се придржуваат до насоките и наредбите на полициските службеници, со цел непречено одвивање на посетата и безбедност на сите учесници во сообраќајот.

Скопје | пред 2 месеци

Лажни повици за „операции“: разбиена измамничка шема, жртви се повозрасни лица

ОВР Неготино поднесе кривична пријава до Основното јавно обвинителство Кавадарци против две лица осомничени за серија измами врз повозрасни граѓани, при што една 81-годишна жена била оштетена за околу 5.000 евра.Станува збор за К.Н.(29) од Велес и Г.М.(54) со престој во Скопје, кои се товарат за вкупно 11 кривични дела, од кои едно „измама“ и десет „измама во обид“, согласно член 247 од Кривичниот законик.Според информациите од полицијата, измамата се одвивала преку телефонски повици од лице од странство, кое се претставувало лажно и доведувало во заблуда повозрасни лица дека нивни блиски се повредени во несреќа и дека итно се потребни пари за операција.Осомничените К.Н. и Г.М. имале задача да ги подигнат парите од жртвите, по што Г.М. ги носел и ги предавал на лице во Софија, Република Бугарија.На овој начин успеале да измамат 81-годишна жена од Неготино за сума од 314.600 денари, додека се обиделе да измамат уште десет други лица.К.Н. бил лишен од слобода на 19 февруари 2026 година и во службен разговор ги признал делата, додека два дена подоцна, на граничниот премин Деве Баир, бил уапсен и Г.М. Кај него биле пронајдени и одземени 4.400 евра, а кај неговата сопруга, која била со него во возилото, уште 4.350 евра.Се преземаат понатамошни мерки за целосно расчистување на случајот.

Македонија | пред 2 месеци

На бизарен начин, велешанец остана без 4.000 евра

ОВР Неготино поднесе кривична пријава до Основното јавно обвинителство Кавадарци против 67-годишен велешанец, осомничен за кривично дело „измама“.Според информациите од Министерството за внатрешни работи, случајот се случил на 19 февруари годинава во Неготино, кога пријавениот побарал од 76-годишен неготинец сума од 4.000 евра, со образложение дека треба да му ги покаже на друго лице за да докаже дека еврото е валидна валута во земјава.Откако ги зел парите, осомничениот не му ги вратил на оштетениот.По преземени мерки од страна на полицијата, тој бил пронајден и лишен од слобода. Во службен разговор во полициска станица го признал делото, а било извршено и препознавање од страна на оштетениот.Против него е поднесена соодветна кривична пријава.

Македонија | пред 2 месеци

Напад врз полицаец во Шутка: Приведен скопјанец откако оштетил полициско возило

Полициски службеници од СВР Скопје лишиле од слобода 49-годишен скопјанец по инцидент што се случил доцна синоќа на подрачјето на Шуто Оризари.Како што информираат од Министерството за внатрешни работи, лицето најпрвин со тврд предмет оштетило полициско возило, по што физички нападнало полициски службеник кој во тој момент извршувал службени дејствија.Настанот бил пријавен на 30 март околу 23 часот, по што полицијата веднаш реагирала и го привела осомничениот.По целосно документирање на случајот, против него ќе биде поднесена кривична пријава по брза постапка за кривично дело „напад врз службено лице при вршење работи на безбедноста“, согласно член 383 од Кривичниот законик.

Македонија | пред 2 месеци

Насилен инцидент зад решетки: Осуденик повреден во Затвор Прилеп

Во отворениот дел од Казнено-поправната установа Затвор Прилеп, осуденик физички нападнал друг осуденик и му нанел повреди со остар предмет, информираат од Министерство за внатрешни работи.Настанот бил пријавен на 30 март 2026 година во 10:00 часот во ОВР Прилеп. Според информациите, осуденикот А.Ф.(34) од прилепско го нападнал Ф.С.(45) од Прилеп.Повредениот бил пренесен во Општата болница во Прилеп, каде што му биле констатирани повредите.Надлежните институции преземаат мерки за целосно расчистување на настанот.

Македонија | пред 2 месеци

Жена пронајдена почината во стан во Битола

Во Битола, на улицата „Мирка Гинова“, во стан била пронајдена почината 74-годишната В.Д., информираат од Министерство за внатрешни работи.Настанот бил пријавен на 30 март 2026 година во 11:35 часот во СВР Битола, по што на местото излегле полициски екипи и лекар кој констатирал смрт.По наредба на јавен обвинител, телото било дадено на обдукција, при што е утврдено дека станува збор за природна смрт.Увид на местото извршила екипа од СВР Битола.

Македонија | пред 2 месеци

Трагедија во семеен дом: Син осомничен за убиство на татко во Гостивар

34-годишен жител на Гостивар е лишен од слобода под сомнение дека го убил својот татко во семејниот дом, информираа од Министерството за внатрешни работи.Според информациите, на 31 март околу 01:30 часот во Полициската станица Гостивар било пријавено сомневање за убиство во семејство. Полициски службеници веднаш излегле на местото на настанот, каде во куќа бил пронајден починатиот К.Д. (63) со видливи повреди и траги од насилство во пределот на главата.Поради основано сомнение за сторено кривично дело „убиство“, од слобода бил лишен неговиот син М.Д. (34).Според првичните изјави на осомничениот, татко му починал претходниот ден околу 14:50 часот по пад во купатило, но случајот не бил пријавен кај надлежните институции.За настанот е известен јавен обвинител и се преземаат мерки за целосно расчистување на случајот, по што ќе следува соодветна кривична пријава.

Македонија | пред 2 месеци