ТЕТОВО

ВМРО-ДПМНЕ: На ден по изборот на Владата во 2020 година, коалицијата СДС-ДУИ донесоа нов ДУП во Тетово со кој на Давидовиќ-Дака му овозможиле бизнис во вредност од 200 милиони евра

Поврзаноста на Владата на СДС, предводена од Зоран Заев со контроверзниот проруски бизнисмен Миодраг Давидовиќ – Дака е неспорна и се потврдува со секој изминат дел, вели ВМРО-ДПМНЕ.„СДС и ДУИ како тогаш најдобри владини коалициски партнери, делувале заеднички за да му удоволат на Давидовиќ – Дака, кој на Заев, според објавените аудиоснимки, му дал 300 илјади денари и земјиште од 2.000 метри квадратни.Таков е и примерот од 2020 година, кога Заев и Ахмети сложно, на само еден ден по изборот на новата нивна влада, во Тетово донесе измени во ДУП со кои директно на прорускиот бизнисмен Дака, му се овозможи бизнис од 200 милиони евра.Јавноста добро го памети овој случај, но уште едно потсетување не е на одмет. Станува збор за просторот на некогашниот гигант ШИК Јелак, кој тогаш е откупен од страна на Миодраг Давидовиќ – Дака, преку фирмата „Јелак Градба“.Токму за овој простор криминалната коалиција СДС-ДУИ, во 2020 година во Тетово донесе нов детален урбанистички план само еден ден по изборот на владата.Според тогаш освоениот ДУП, на просторот на некогашниот ШИК Јелак било планирано да никне нова урбана џунгла со над 2.000 станбени едници, илјадници метри квадратни деловни простории и трговски центри, во вредност од 200 милиони евра.Како што граѓаните добро се сеќаваат на овој случај, исто така добро се сеќаваат дека ако не беше ВМРО-ДПМНЕ да го открие и да алармира за овој предмет, заради бизнис интересите на тогашната власт на Заев и Ахмети, на местото на некогашниот гигант во Тетово ќе никнеше планираната бетонска џунгла со над 2.000 станбени единици.Оттука може да се види дека голема е разликата меѓу ВМРО-ДПМНЕ и СДС. ВМРО-ДПМНЕ се бори против криминалот и корупцијата, додека СДС се корупцијата и криминалот“, се вели во соопштението,

Македонија | пред 1 ден

Полицијата приведе 17-годишник со пет паковки марихуана во Тетовo

Полициски службеници од ПС Тетово лишиле од слобода 17-годишник од Тетово, откако кај него била пронајдена дрога, информира СВР Тетово.Настанот се случил на 02.04.2026 година во 22:15 часот на улицата „155“ во населбата Дреновец, каде при извршен преглед кај малолетникот биле пронајдени и одземени пет паковки со зелена тревкаста материја.Тој е задржан во полициска станица за понатамошна постапка, а по целосно документирање на случајот, против него ќе биде поднесена соодветна пријава по член 215 од Кривичниот законик.

Македонија | пред 2 дена

Пешак тешко повреден во сообраќајка во Тетово

На 1 април околу 20:35 часот во СВР Тетово е пријавено дека на булеварот „Илинденска“ во Тетово патничко возило „фолксваген голф“ со тетовски регистарски ознаки, управувано од Н.Т. (65) од Тетово, удрило во пешакот С.М. (52) од Тетово.Во несреќата, 52-годишната пешачка се здобила со тешки телесни повреди, констатирани во Клиничката болница во Тетово.Извршен е увид од увидна екипа на СВР Тетово.

Македонија | пред 3 дена

Приведен гостиварец по пријава за семејно насилство

Полициски службеници од ОВР Гостивар на 1 април во 15:00 часот го лишиле од слобода М.М. од Гостивар, по претходна пријава од неговата 48-годишна сопруга дека физички ја нападнал во семејниот дом.Од СВР Тетово информираат дека лицето е задржано во полициска станица, а по целосно документирање на случајот против него ќе следува соодветна пријава.

Македонија | пред 3 дена

Пронајдена малолетничка од Скопје во стан во Гостивар - била пријавена за исчезната

Шеснаесетгодишна девојка од Скопје, која претходно била пријавена за исчезната, е пронајдена во стан во Гостивар, информираат од СВР Тетово.Според полицијата, на 30 март во 02:20 часот, полициски службеници од ОВР Гостивар ја пронашле малолетничката М.Ј.(16) во стан на Р.Ш.(19).Девојката, која се оддалечила од својот дом во Скопје, по пронаоѓањето е предадена на нејзината мајка, додека лицето кај кое била пронајдена е лишено од слобода и ќе биде предмет на понатамошна постапка.

Македонија | пред 6 дена

Тетовец измамен: Му го позајмил „бмв“, завршило на отпад

Триесет и петгодишен жител на Тетово пријавил дека бил измамен од негов познаник, кој по позајмување на неговото возило го однел на отпад и го продал.Како што информираат од СВР Тетово, случајот бил пријавен на 29 март во 12:00 часот. Според пријавеното, лицето А.Х. побарало да го позајми патничкото моторно возило „бмв“, по што го известил сопственикот дека автомобилот има дефект и дека е оставен кај механичар.По неколкудневни безуспешни обиди да стапи во контакт и да си го врати возилото, оштетениот на 28 март се сретнал со механичарот, кој признал дека автомобилот бил однесен на отпад во селото Слатино.Според пријавата, сопственикот подоцна го пронашол возилото оштетено на отпадот, при што од лицето кое го купило дознал дека автомобилот бил продаден од механичарот.Од полицијата информираат дека се преземаат мерки за целосно расчистување на случајот.

Македонија | пред 6 дена

Двајца возачи приведени – возеле без дозвола во Гостивар и Тетово

Двајца возачи се лишени од слобода во одделни случаи во Гостивар и Тетово, поради управување возила без возачка дозвола и со прекршувања на сообраќајните прописи.Како што информираат од Министерство за внатрешни работи, на 29 март во 19:00 часот, кај Здуњска крстосница, полициски службеници од Полициското одделение за безбедност на патниот сообраќај Гостивар го лишиле од слобода Е.Р. (26) од Гостивар. Тој бил затекнат како управува патничко моторно возило „бмв“ со гостиварски регистарски ознаки без да поседува возачка дозвола.Истиот ден, во 21:50 часот, на улицата „Благоја Тоска“ во Тетово, полициски службеници од СВР Тетово го лишиле од слобода С.Д. (25) од Тетово, кој управувал мотоцикл „трува“ без возачка дозвола и без соодветна документација.Мотоциклот е одземен, а по целосно документирање на случаите, против двајцата ќе бидат поднесени соодветни пријави по член 297-а од Кривичниот законик, за „безобѕирно управување со моторно возило“.

Македонија | пред 6 дена

Пешак тешко повреден во сообраќајна несреќа во Долно Седларце, возачот избегал

Министерството за внатрешни работи информира дека на 28 март 2026 година во 20:50 часот во село Долно Седларце, општина Брвеница, патничко возило удрило во 70-годишниот пешак З.С. од Тетово, по што возачот го напуштил местото на настанот.Во несреќата пешакот се здобил со тешки телесни повреди, кои биле констатирани во Клиничката болница Тетово. Увид на местото на настанот извршила увидна екипа од СВР Тетово, а полициските службеници преземаат мерки за целосно расчистување на случајот.

Македонија | пред 1 седмица

„Ти кажавме да си земеш преведувач“ кон министерката Јаневска - однесување што ја „тресе“ фелата

Новинар од Тетово предизвика лавина реакции во јавноста и во новинарската фела, откако на министерката за образование ѝ се обрати без персирање, користејќи „ти“, и ѝ постави прашање со зборовите: „Си зема преведувач министерке?“. Откако таа одговори „Не“, новинарот возврати: „ти кажавме кога ќе дојдеш во Тетово да си земеш преведувач“.По овој настап, следуваа низа остри реакции од новинари и јавни личности, кои го осудија однесувањето.„Коректно е медиумски организации, како што оправдано реагираат на однесување на институции и поединци кон новинарите, еднаш да излезат и осудат однесување на новинари. На страна и да им дадат совети и обуки, ако не им ги дале во редакција или на факултет. На што личи обраќање на ТИ кон повозрасно лице или лице на функција? Тоа што не се согласувате со нечија политика може да го манифестирате дома, во приватен живот и зад гласачки параван. Никако во медиумскиот простор. Тоа што некој земал микрофон, а се однесува без основна култура и со некаква политичка агенда, не значи дека е новинар, туку значи дека е активист. „Ти рековме да си земеш преведувач“ - кои сте тоа Вие што сте рекле и како случајно минатиот пат во исто време спуштивте микрофони? Замислете обратна сцена - да тргнат новинарки и новинари Македонци да делат лекции на ТИ на политичари македонски Албанци. Ни тоа не го бива, ама само замислете го пред следен пат да прашате и наредите нешто на ТИ“, напиша новинарот Александар Методијев.Остра реакција упати и новинарката Емилија Лазаревска:„Простак и кретен! Срам да ти е. Па мисли кој знае што направил. Која е оваа будала, што е овој? Срамота и овие околу него што си молчат. Затуцан еден, невоспитан. Па со „ти“ ѝ се обраќа на министерката, жена, веројатно е и повозрасна од него. Уф! Е во наше време ќе го „изедевме“ и немаше да му текне другпат да се појави, а не да изигрува шериф“.Фоторепортерката Арбнора Мемети оцени дека ваквото однесување не доликува на новинар:„Ова однесување „ти кажавме“ најмалку наликува на некој што себеси се нарекува новинар. Новинарството не е нешто локално и не може да се извршува само во маало. Сакал некој или не, македонскиот јазик е повеќе од неопходен за вршење на оваа професија“.Сличен став изрази и професорката и новинарка Искра Коровешовска:„Факти: Тетово е во Македонија, точка. Во Тетово официјален јазик е македонски, точка. „Ти кажавме министерке кога ќе дојдеш во Тетово да си земеш преведувач“ е чаршиски муабет, за пред кооперација, не за јавен настап на новинар пред камера, точка“.На темата се огласи и новинарката Милка Смилевска:„Дел од новинариве не разбираат дека се пример во општеството и креатори на јавно мислење и не мислат што зборуваат. Зборот на новинарот има тежина. Не разбираат дека мирот нема цена. Дека само во мир и демократија можеме да имаме живот во Македонија. Не ширете омраза и нетрпеливост. Не личи на новинари да се ограничени и заостанати во некои националистички наративи. Ги сакам и почитувам сите јазици и граѓани и граѓанки“.Со реакција излезе и новинарот Кристијан Ландов:„Она што се случи во Тетово не е ништо поврзано со новинарство, туку со некултура. Прво обраќањето на „ти“ кон носител на јавна функција, личност која е години и години повозрасна од Вас... И втора работа „ти кажавме да си земеш преведувач“ во најмала рака е спорно бидејќи нема што новинар да и кажува на било која личност, на било кој функционер што и како да прави. Туку може да праша и може да констатира дали дошол или не дошол со преведувач. Мислам дека ако ние сме тие кои треба да бидеме коректив на општеството, тоа што се случи во Тетово во најмала рака е недозволиво и заслужува извинување“.Реакциите продолжуваат, а случајот повторно ја отвори дебатата за професионалните стандарди и однесувањето во новинарството.

Македонија | пред 1 седмица

Малолетник затекнат зад волан во Тетово: полицијата го приведе, возилото одземено

Седумнаесетгодишен малолетник од тетовското село Милетино бил лишен од слобода откако полицијата го затекнала како управува возило без положен возачки испит.Од СВР Тетово информираат дека на 22 март 2026 година во 04:12 часот, на булевар „Илинденска“ во Тетово, полициски службеници сопреле патничко возило „опел корса“ со тетовски регистарски ознаки, управувано од малолетникот.По извршените проверки било утврдено дека лицето е малолетно и нема положено возачки испит. По наредба на јавен обвинител, малолетникот бил лишен од слобода.Возилото е одземено, а по целосно документирање на случајот ќе биде поднесена соодветна пријава.

Македонија | пред 2 седмици

Возач без дозвола приведен на патот Тетово–Гостивар, возел и покрај активна забрана

Полицијата приведе 44-годишен жител на прилепското село Дебреште, откако бил затекнат како управува возило и покрај тоа што имал активна забрана за управување.Од СВР Тетово информираат дека на 22 март 2026 година во 04:05 часот, на патниот правец Тетово–Гостивар, полициски службеници сопреле патничко возило „голф“ со прилепски регистарски ознаки, управувано од Ј.И. (44).При контролата било утврдено дека возачот управувал моторно возило иако имал изречена активна забрана за управување со возила од Б категорија.Возилото било одземено, а по целосно документирање на случајот против него ќе биде поднесена соодветна пријава.

Македонија | пред 2 седмици

Апсење во гостиварско: маж осомничен за уцена од 5.000 евра, кој сакал да ги изнуди со закани за објава на снимка

Полициски службеници од СВР Тетово го лишиле од слобода Г.Г. (34) од гостиварското село Чегране, под сомнение дека уценувал лице од тетовско село и му барал 5.000 евра.Како што информираат од полицијата, приведувањето се случило на 21 март 2026 година во 21:55 часот во Гостивар, по претходна пријава од оштетениот. Според пријавеното, осомничениот испраќал заканувачки пораки преку телефон и барал пари, тврдејќи дека лицето му должи сума од 5.000 евра.Воедно, тој се заканувал дека ќе објави снимка од разговор меѓу нив доколку не му бидат исплатени парите.Од СВР Тетово велат дека по целосно документирање на случајот против осомничениот ќе биде поднесена соодветна кривична пријава.

Македонија | пред 2 седмици

Додека питачела и текнало да украде злато во Тетово

Полицијата во Тетово уапси 27-годишна државјанка на Црна Гора, осомничена за кражба на златен накит од продавница во градот.Според информациите од МВР, на 19 март околу 16:00 часот на улицата „Страшо Пинџур“, полициски службеници ја лишиле од слобода Л.И. (27), постапувајќи по пријава од 31-годишен тетовец.Тој пријавил дека женско лице, кое претходно питачело, од неговата продавница за златен накит одзело златни предмети.По целосно документирање на случајот, против осомничената ќе биде поднесена соодветна пријава.

Македонија | пред 2 седмици

„Водата не е бизнис“, „Зелен хуман град“ против приватизацијата на водоводот во Тетово

Граѓанската иницијатива „Зелен хуман град“ реагираше по најавите за приватизација на водоводот во Тетово, повикувајќи на заштита на јавниот интерес и предупредувајќи дека водата станува сè понедостапен ресурс. Според нив, пристапот до вода е основно човеково право, а не можност за профитирање на поединци.„Сакаат да го приватизираат водоводот во Тетово исто како што ги уништуваат планинските реки за мали хидроцентрали давајќи ги на поединци да профитираат од субвенции.Во услови кога водата сè повеќе станува ограничен ресурс и до 2050 година околу пет милијарди луѓе во светот ќе живеат во области со сериозен недостиг на вода!Поддршка за тетовчани, пристапот до вода е основно човеково право, не приватен бизнис“, велат од Зелен хуман град.

Македонија | пред 2 седмици

Засилени контроли во тетовско: казнети 85 прекршоци за еден ден

Во текот на 17 март 2026 година на подрачјето на СВР Тетово била спроведена засилена контрола на возила и возачи.При контролата биле санкционирани вкупно 18 возачи за непрописно паркирање, од кои 14 во Тетово и 4 во Гостивар, додека 12 возила во Тетово биле подигнати со специјално возило „пајак“.Дополнително, биле евидентирани и 67 други видови сообраќајни прекршоци, од кои 43 во Тетово и 24 во Гостивар.

Македонија | пред 2 седмици

Возило барано од Интерпол Австрија откриено на Јажинце

На 17 март 2026 година во 17:15 часот на Граничниот премин Јажинце, полициски службеници го лишиле од слобода А.Т. (41) од селото Горно Седларце, општина Боговиње.При гранична и пасошка контрола било утврдено дека патничкото возило „шкода октавија“, кое го управувал, било барано по Интерпол Австрија.Возилото е одземено, а по документирање на случајот ќе следува соодветна пријава.

Македонија | пред 2 седмици

Уапсен 65-годишник за кражба во џамија

На 17 март 2026 година во 21:55 часот во селото Боговиње, полициски службеници од СВР Тетово го лишиле од слобода З.М. (65) од истото село.Тој се сомничи дека на 14 март извршил кражба во џамија во селото Врапчиште, гостиварско.По целосно документирање на случајот против него ќе следува соодветна пријава.

Македонија | пред 2 седмици

Малолетници нападнати во тетовско, полицијата трага по напаѓачот

На 17 март 2026 година во 20:00 часот во СВР Тетово, Р.Р. (55) од селото Пирок пријавил дека неговиот малолетен син и негов другар биле физички нападнати од 20-годишник.Се преземаат мерки за расчистување на случајот.

Македонија | пред 2 седмици

Тепачка меѓу жени во продавница во Тетово, оштетен инвентар

На 17 март 2026 година во 12:00 часот во СВР Тетово, 47-годишната Н.А. од Тетово пријавила дека во продажен објект била физички нападната од нејзината другарка З.К., која при тоа оштетила дел од инвентарот.Полицијата презема мерки за расчистување на случајот, а по целосно документирање ќе следува соодветен поднесок.

Македонија | пред 2 седмици

Се претставил како претставник на фирма за мебел, земал капар и исчезнал

Четириесет и седумгодишна жена од тетовско пријавила во полиција дека била измамена за 550 евра од лице кое се претставило како претставник на фирма за мебел.Според пријавата, на 16 март во 13:00 часот во СВР Тетово таа навела дека во текот на февруари преку социјална мрежа стапила во контакт со С.С. од скопското село Арачиново, со кого се договорила за нарачка на мебел.Откако се сретнале, му ги дала парите како капар, но услугата не била извршена, а лицето подоцна станало недостапно на телефон. Полицијата презема мерки за расчистување на случајот.

Македонија | пред 2 седмици

Тетовец пријавен за насилство по напад по судско рочиште

СВР Тетово поднела кривична пријава против М.З. (46) поради сомнение за кривично дело „насилство“.Според информациите, на 11 март 2026 година на улицата „Илинденска“ во Тетово, по завршување на судско рочиште во Основниот суд во Тетово, на кое присуствувал заедно со Б.Џ., пријавениот физички го нападнал Б.Џ..

Македонија | пред 2 седмици

Девојката што падна од балкон во Тетово била малтретирана од таткото, тврди полицијата

Во истрагата за случајот со 19-годишната девојка од Тетово, која на 14 март падна од балкон од куќата на нејзиниот дедо и со повреди беше пренесена во Комплексот клиники „Мајка Тереза“ во Скопје, полицијата дошла до сознанија дека таа подолг период била психички и физички малтретирана од нејзиниот татко.Како што соопшти МВР, на 16 март во 21:20 часот во СВР Тетово сам се пријавил А.А. (47) од Тетово, по што со него бил извршен службен разговор.По насока на јавен обвинител, тој е пуштен, а по целосно документирање на случајот против него ќе биде поднесена соодветна пријава.

Македонија | пред 2 седмици

Приведени двајца млади возачи во Гостивар, им ги одзедоа возилата оти немале возачки

Во две одвоени сообраќајни контроли во Гостивар на 14 март 2026 година, полициски службеници привеле двајца млади возачи кои управувале автомобили без возачка дозвола.Во 17:40 часот на улицата „Илинденска“ била запрена М.М. (19) од селото Чајле, која управувала патничко возило „шкода“ со гостиварски регистарски ознаки. По проверката било утврдено дека нема возачка дозвола, по што возилото било одземено.Два часа подоцна, во 19:40 часот на улицата „ЈНА“, полицијата го лишила од слобода Т.М. (21) од селото Равен, кој управувал „опел корса“ со гостиварски регистарски ознаки. И во овој случај било утврдено дека возел без возачка дозвола, а возилото било одземено.По целосно документирање на случаите против двајцата ќе следуваат соодветни пријави.

Македонија | пред 3 седмици

Претреси во Тетово: уапсени четири лица, пронајдени предмети од кривични дела

Полициски службеници од СВР Тетово на 14 март 2026 година извршиле два одвоени претреса со судска наредба, при што биле пронајдени предмети за кои постои сомнение дека потекнуваат од кривични дела, а приведени се вкупно четири лица.Во 11:45 часот бил извршен претрес во автомобилска работилница на Б.И. (35) од Тетово. При претресот биле пронајдени предмети за кои постои сомнение дека потекнуваат од кривично дело, по што биле лишени од слобода Б.И., Д.А. (27) од селото Мала Речица и С.Р. (30) од селото Долно Палчиште. Како што информира МВР, на овој случај му претходела пријава дека ноќта меѓу 12 и 13 март во Тетово било опожарено патничко возило „фолксваген туарег“.Подоцна, во 15:55 часот, со судска наредба бил извршен претрес во дом и помошни простории кај И.Б. (43) од Тетово. И таму биле пронајдени предмети за кои постои сомнение дека потекнуваат од кривично дело, по што И.Б. бил лишен од слобода. На овој случај му претходела пријава дека во Ургентниот центар во Тетово бил примен пациент со убодни рани од остар предмет.По целосно документирање на случаите ќе следуваат соодветни пријави.

Македонија | пред 3 седмици

Закани со нож во автобус и вооружен напад на пат во тетовско: интервенирано при два сериозни инциденти

Во текот на 14 март 2026 година во СВР Тетово биле пријавени два одвоени инциденти со елементи на закани и насилство.Во 20:00 часот, И.У. (66) од селото Желино пријавила дека во автобус Н.Ќ. од истото село ѝ се заканувал со остар предмет.Половина час подоцна, во 20:30 часот, Џ.В. (26) од Тетово пријавил дека додека управувал патничко возило „голф“ на локалниот пат од Тетово кон селото Брвеница, бил престигнат од друго возило кое му го блокирало патот. Според пријавата, од возилото излегле неколку лица кои со тврд предмет му го оштетиле автомобилот, а кај себе имале и оружје.Полицијата презема мерки за расчистување на двата случаи.

Македонија | пред 3 седмици