(Видео) Доктор хистерично се дерел на Клиниката за урологија, директорот најави дисциплинска постапка

Снимка на која се гледа како доктор гласно се дере низ ходниците на Клиниката за урологија, додека пред и во амбулантата има пациенти беше испратена до редакцијата на „Скопје1“. Во неа, се сведочи дека доктор уролог бурно реагирал кога семејство на пациент со карцином и болки побарало да биде прегледан. За овој настан, се до денеска не бил информиран директорот на Клиниката, Башким Шабани, кој за „Скопје1“ најави дека ќе формира дисциплинска комисија бидејќи однесувањето кое е снимено е недозволиво.„Ви испраќам видео од докторот урлолог Александар Илиевски од Клиниката за урологија. Влегов да прашам дали може да влезе мојот дедо на преглед бидејќи има карцином во четврти стадиум и болки, а беше во количка во ходникот. Тој почна да вика гласно, ама да вика со сета сила прво на мојата баба, а потоа на мене. Ја туркаше вратата покрај која бев јас, а со самото тоа ме туркаше и мене. Кога реков дека нема право да се дере, тој почна без прилика да вика „Викајте обезбедување“. За кого вика обезбедување? За пациент кој е во количка со болки? Кога почна да вика, неговите колеги излегоа и ни пријдоа, ми рекоа да се смирам и рекоа дека не е нормален. Ваков, лош човек, не може да биде лекар“, пишува Ивана Ачимовиќ во дописот до „Скопје1“.Директорот на Клиниката за урологија, Шабани, посочува дека снимката утре ќе биде разгледана и на колегиум, по што ќе биде формирана комисија која ќе го испитува етичкиот дел од однесувањето на докторот.„Скопје1“ не успеа да стапи во контакт со докторот Илиевски, кој се споменува во сведоштвото на семејството на пациентот, за да добиеме негов став за ваквото однесување. Директорот Шабани пак, рече дека за една недела, би се знаел исходот од дисциплинската постапка.Според Кодексот за етика, во членот 24 стои: „Лекарите се вклучени во процесот на приемот, односно во отпуштањето на болниот, во процесот на лекувањето и на рехабилитацијата на болниот, водат сметка за нивните лични оспособености и оспособености на болеста. Кон нив треба да имаат разбирање и во најтешки случаи да влијаат смирувачки“.

Македонија | пред 1 година

Нема фотографија

СДСМ: Скандалозно е што Мицкоски го штити Изет Меџити при јасни докази

„Скандалозно и истовремено комично е што Мицкоски за „пет минути“ ги проверил доказите кои СДСМ ги достави за Изет Меџити. Повеќе од јасно е дека тој го штити Меџити и се прави слеп на докази кои се јасно потврдени од институциите на државата“, вели СДСМ и додава:Со ова јасно се потврдува дека Мицкоски е заложник на Изет Меџити и неговите политики. Прво криеше дека Меџити има планирано 3.000 партиски вработувања додека списоците за вработувањата веќе на големо се споделуваат по социјалните мрежи. Сега го крие и штити за скандал и прекршување кое го потврдил со документи Државниот управен инспекторат.Мицкоски, кој тврдеше дека ќе бара одговорност од секој функционер кој се огрешил, денеска по кој знае кој пат си го погази ова ветување. СДСМ му даде шанса да докаже на дело дека се залага за владеење на правото и почитување на процедурите и да побара одговорност од Изет Меџити, но тој реши да го штити. Со што го задолжил Меџити Мицкоски за вака да се брука? При јасни докази наведени од Државниот управен инспекторат Мицкоски се прави слеп.Непобитен факт докажан од државна институција е дека Меџити ги пречекорувал своите законски овластувања, лично потпишувајќи ги сите предмети надвор од своите надлежности. Повеќе од јасно е дека со ова сакал да воспостави контрола и да има простор за уцени кон фирмите и граѓаните кои побаруваат дозволи и лиценци од министерството кое го води.СДСМ бара ДКСК да поведе постапка и ќе ја достави целата документација. СДСМ бара обвинителството да постапи по допрен глас итно и неодложно за овој голем скандал.

Македонија | пред 1 година

Маркетите мора цените да ги објавуваат на интернет страниците - стапуваат на сила измените на Законот за заштита на потрошувачи

Маркетите ќе мора да ги објавуваат цените на сите производи, јавно, на интернет страниците. Ова го наложуваат измените на Законот за заштита на потрошувачите, кои се усвоени од пратениците.Законските измени гласат: (1) Мал, среден и голем трговец кој врши дејност трговија на мало, согласно со Националната класификација на дејностите, должен е на својата веб страница да ја објави, одделно за секој свој продажен објект, тековната продажна, односно единичната цена во моментот на објавување на секоја стока што ја нуди за продажба. (2) Ажурирањето на цените од ставот (1) на овој член се врши на дневна основа“.Законот нема да се однесува на микро и трговците-поединци, а трговците кои имаат повеќе од продажни објекти ќе треба да ги објавуваат цените поединечно за секој од нив.„Ваквото законско решение се очекува да доведе до фер конкуренција и пониски цени, особено во секторот на прехранбени производи, при што ќе може да се направат и апликации и веб-страници кои ќе им овозможат на потрошувачите да ги споредуваат цените помеѓу различните трговци на мало“, посочи Бојан Стојановски од ВМРО-ДПМНЕ.

Македонија | пред 1 година

Владата за документите на СДСМ за Меџити: Шпекулации и неточни наводи

„Владата ги провери и затоа ги отфрла шпекулациите и неточните наводи изнесени од СДСМ и ДУИ во врска со работата на Министерството за животна средина и просторно планирање“, велат од Владата и додаваат:Инспекцискиот надзор спроведен од Управниот инспекторат се однесува на аспекти на архивското работење и не утврдил незаконско постапување.Оваа административна пракса на работа е воспоставена уште во 2017 година и континуирано се применувала под раководство на министри од СДСМ и ДУИ во претходните влади.Ако по логиката на Кузевска тоа е прекшување на законите, тогаш значи дека законот бил прекршен од Владата на СДСМ и ДУИ.Владата останува посветена на транспарентноста и ги повикува сите заинтересирани страни на увид во документацијата за целосно и точно информирање на јавноста како и што повика Министерството за животна средина и просторно планирање.Oстануваме посветени на законито и професионално работење во интерес на граѓаните

Македонија | пред 1 година

Владата во ОН гласаше усогласено со САД, Филипче да не е зафатен во Дубаи снимајќи го Заев како пее?, вели ВМРО-ДПМНЕ

„Владата во ОН гласаше усогласено со САД, Претседателот Мицкоски ја унапреди соработката со САД, СДС во очај и љубоморат на сопствената држава“, реагира ВМРО-ДПМНЕ на соопштението од СДСМ и додава:Претседателот Мицкоски ја унапреди соработката на Македонија со САД, СДС во очај и љубоморат на сопствената држава.Владата гласаше целосно усогласено со САД.Жално е да се каже, но соопштението на СДС за надворешната политика на владата не е ништо друго, освен изворна љубомора и очај за сопствениот политички рејтинг.СДС лажно се претставуваше прозападна партија, а всушност е партија на комунисти.СДС лажно се претставуваше за пријател на САД, и го користеше прозападниот сентимент на народот, тоа сега го гледаат и граѓаните и нашите стратешки партнери.Владата на ВМРО-ДПМНЕ е посветена силно на зајакнување на трансатлантското партнерство му се допаѓа тоа на СДС или не, тоа ќе продолжи.П.С. Зошто прес-конференцијата на Филипче се најавува за утре, а не денес? Да не случајно е зафатен во Дубаи снимајќи го Заев како пее со Харис Џиновиќ?

Македонија | пред 1 година

„СДС да каже до каде се со Груби, му кажаа ли да се врати или му сугерираат да се крие, како што дозволија да краде?“, прашува ВМРО-ДПМНЕ

„СДС да каже до каде се со Груби, му кажаа ли да се врати или му сугерираат да се крие, како што дозволија да краде?“, прашува ВМРО-ДПМНЕ во реакцијата на прес-конференцијата на Богданка Кузеска од СДСМ и додава:„СДС не може со ништо да се испере за криминалот на Груби кој тие го дозволија.Ниту една измислена кованица за Изет Меџити, не може да направи паралела, ниту да ги ослободи од вината, дека не го апсеа Груби од страв да не им падне владата.СДС беа исплашени за своите фотелји, и од желба да крадат ден повеќе го гледаа Груби како ја краде државата.СДС се до толку потонати во криминал и корупција и не можат да исчистат зад себе со ништо што ќе исфабрикуваат“.

Македонија | пред 1 година

Извор од ЕУ за понуда за Украина: Не е наменет како конкуренција со Америка

Украинските наоѓалишта на минерали како ретки метали, титаниум, графит и литиум се повеќе се во центарот на вниманието на меѓународното внимание. Европскиот комесар за индустриска стратегија Стефан Сежурне вчера при посетата на Киев го претстави европскиот предлог за договор за критичните суровини, нагласувајќи дека станува збор за аранжман „победник“ и дека ЕУ „никогаш нема да бара договор што не е заемно корисен“.За разлика од ЕУ, Вашингтон има значително поинаков пристап. Американскиот претседател Доналд Трамп бара огромна компензација од Украина, гледајќи го тоа како начин да се отплати американската воена помош за Киев. Украинскиот претседател Володимир Зеленски досега ги отфрли ваквите барања, но се обидува да ја задржи американската поддршка.Во меѓувреме, извор од ЕУ за Би-Би-Си изјави дека европскиот предлог не бил наменет како конкуренција со САД, туку како забрзување на долгорочното партнерство, тесно поврзано со процесот на пристапување на Украина во ЕУ.

Свет | пред 1 година

Русија: Гледаме дека Америка зазема многу поизбалансиран став за конфликтот во Украина

Кремаљ го поздрави, како што го опиша, многу поурамнотежен став на САД за Украина, откако Советот за безбедност вчера усвои резолуција изготвена од САД, која зазема понеутрална позиција за конфликтот.„Гледаме дека САД заземаат многу поурамнотежена позиција, што навистина им помага на напорите насочени кон решавање на конфликтот во Украина. Ние секако го поздравуваме тоа. Веруваме дека таквата избалансирана позиција зборува за вистинска желба да се придонесе за решение“, изјави за новинарите портпаролот на Кремљ, Дмитриј Песков.На Генералното собрание на ОН, САД неуспешно се спротивставија на резолуцијата со која се бара повлекување на Русија од Украина. Но, Советот за безбедност на ОН усвои резолуција подготвена од САД, која зазема неутрален став за конфликтот, бидејќи американскиот претседател Доналд Трамп се обидува да посредува за постигнување мир.Резолуцијата изразува жалење за загубата на животи во „руско-украинскиот конфликт“, повторува дека целта на ОН е одржување на меѓународниот мир и безбедност и мирно решавање на споровите и повикува на брз прекин на конфликтот и траен мир.Резолуциите на Советот за безбедност се сметаат за обврзувачки, додека резолуциите на Генералното собрание не се. Сепак, резолуциите на Генералното собрание имаат политичка тежина, одразувајќи го глобалниот поглед на војната. Советот за безбедност ја усвои американската резолуција со 10 гласа „за“, додека Франција, Велика Британија, Данска, Грција и Словенија беа воздржани.Песков предупреди дека Европа сè уште не зазеде единствена позиција, но нејзината позиција може да се промени.„Па, што се однесува до Европејците, се разбира, изјавите од Брисел и така натаму, вклучително и вчера од Киев, сè уште не сигнализираат рамнотежа, но можеби врз основа на резултатите од контактите меѓу Европејците и Американците, Европа некако ќе гравитира кон поголема рамнотежа“, рече Песков.

Свет | пред 1 година

Дете-пешак удредно зад „Скопјанка“ од 23-годишник со мопед - однесено е во болница, има повреди

На еднонасочната улица позади трговскиот центар „Скопјанка“, постојано се вози двонасочно алармираат жителите откако дете било удрено од мотор. На улицата, бараат да има и соодветен пешаки премин.„На оваа улица позади т.ц Скопјанка која е еднонасочна, но се вози двонасочно на делот од скаличките до паркингот да се обележи пешачки премин и некој знак за пешаци. Секој дневно од тука идат и се вракаат ученици од О. У Браќа Миладиновци и е опасно за нив денес беше удрено дете од мотор а и претходно имало слични инциденти за среќа без последици како денес“, се вели во апелот на жител кој живее овде.„Скопје1“ побара детали од МВР, од каде велат дека пешакот има повреди.„На 24.02.2025 во 15.00 часот во СВР Скопје било пријавено дека на ул.„Бојмија“ во Скопје мопед „хамачи“ управуван од И.А.(23) од Скопје удрил во дете-пешак од Скопје. Во незгодата пешакот се здобил со телесни повреди констатирани во Градската општа болница „Св. Наум Охридски“. Извршен бил увид од увидна екипа од СВР Скопје“, велат од МВР за „Скопје1„.

Скопје | пред 1 година

Синот на прегазениот пешак: Возачот избегал, го управувал возилото без дозвола

Синот на повредениот 52-годишен скопјанец во кого удри „волво“, вели дека по несреќата, возачот избегал сосе возило. „Скопје1“ побара детали од МВР, од каде ни посочија дека ќе достават информација кој го управувал возилото и дали има возачка дозвола. Од извори во истрагата дознаваме дека полицијата има траги кои ги следи поврзани со избеганиот возач.„Ова се случи вчера околу 23.30 часот каде што беше прегазен татко ми, пешак, па пренесен во државна болница. Без жал, ниту застанал, ниту ништо. Избегал и го управувал возилото без возачка дозвола. Ова нема крај, ќе изгинеме како ништо во државава“, пишува синот на пешакот под објавата на „Скопје1“.Инфорацијата дека возачот немал возачка дозвола, остана непотврдена од институциите.Пешакот по укажаната помош во болница, изутринава бил пуштен на домашно лекување. Тој, според неговиот син, има набиеници на телото и трауми од вчерашната сообраќајка.Инаку, според информациите од МВР, возачот управувал возило „волво“ со кое удрил во семафор, па во пешакот.

Скопје | пред 1 година

Путин го пофали Трамп и му понуди руски минерали: „Имаме многу повеќе од Украина“

Рускиот претседател Владимир Путин вчера во телевизиско интервју го пофали американскиот претседател Доналд Трамп. Тој особено го пофали нејзиниот став кон Украина и им понуди на САД соработка во експлоатацијата на руските природни ресурси.Во интервју емитувано на руската државна телевизија, Путин рече дека политиката на Трамп не е во интерес на Русија, туку дека дејствува „во интерес на Украина, со цел да се зачува украинската државност“.Путин потоа направи изненадувачки потег, нудејќи им на САД учество во искористувањето на руските минерални ресурси, вклучително и ретки метали. Тој нагласи дека Русија има повеќе од овие ресурси отколку Украина и предложи Вашингтон и Москва да ги користат заедно.Рускиот претседател истакна дека понудата се однесува и на минералните резерви во делови на Украина под руска окупација, додека на американските компании им понуди учество во енергетски проекти во Русија. Покрај тоа, Путин ги поддржа критиките на Трамп кон Володимир Зеленски, тврдејќи дека украинскиот претседател е „фактор што ја корумпира армијата, општеството и државата“.Понудата на Путин доаѓа набргу по извештаите дека САД и Украина се блиску до договор со кој Вашингтон би добил пристап до украинските ретки метали во замена за безбедносни гаранции. Путин, сепак, му вели на Трамп дека САД можат да добијат уште повеќе ресурси ако одлучат да соработуваат со Русија наместо со Киев.Како што забележува Би-Би-Си, пораката на Путин до Трамп може да се сумира на следниов начин: „Доналде, ти и јас сме во право, а сите други грешат. Заедно би можеле да постигнеме толку многу!“.„Тоа е паралелна реалност во која Путин и Трамп веруваат дека знаат подобро од Зеленски што е добро за Украина“, заклучува Би-Би-Си.

Свет | пред 1 година

Аматеризам во надворешната политика ни донесе двојна штета за стратешките партнерства со САД и ЕУ, обвини СДСМ

„Вчерашното позиционирање на делегацијата на Северна Македонија во ОН во однос на гласањето по резолуциите на САД и ЕУ е скандалозно. Северна Македонија гласаше „воздражно“ за резолуцијата на ЕУ и беше единствена држава од Европа покрај Унгарија која не ја поддржа оваа резолуција. Дополнително, за декларацијата на САД, на која што нашата Влада и Мицкоски одлучија да бидат коспонзор, повторно Северна Македонија гласаше „воздражно“. Ваквите одлуки, укажуваат на целосен аматеризам во воедењето на надворешната политика на земјата. Со само еден потег, Владата направи двојна штета кон стратешките партнерства со ЕУ и САД“, вели СДСМ и додава:Ставот на СДСМ во однос на војната во Украина е јасен, цврст и усогласен со ЕУ: Русија е агресор и изврши неоправдана и непредизвикана инвазија врз Украина која е суверена и независна држава. Овој став е принципиелен и непроменет. СДСМ останува доследен на принципите за поддршка на независноста и територијалниот интегритет на Украина, во согласност со меѓународното право и заедничките позиции на Европската унија.За СДСМ, стратешкото партнерство со Соединетите Американски Држави е од суштинско значење и треба постојано да се гради и зајакнува. Истовремено, македонската дипломатија мора да остане фокусирана на нашиот клучен државен интерес – европската интеграција. Соединетите Американски Држави се еден од најважните страатешки партнери и тоа партнерство треба да биде во функција на забрзување и успешно завршување на евроинтегративниот процес.Мицкоски ја води меѓународната политика без поширока координација и консултации на важни прашања и прави огромни грешки. Неприфатливо е одлуки кои се од стратешко значење за иднината на земјата да се носат избрзано и своеволно. Одлуките за меѓународната позиција на државата мора да се носат транспарентно, со координација на сите релевантни институции и во согласност со нашите стратешки партнери.СДСМ инсистира на јасна, конзистентна и усогласена надворешна политика која ќе ги почитува и зајакнува нашите меѓународни партнерства, а истовремено ќе ја води државата кон нејзината примарна стратешка цел – членство во Европската унија.Најавуваме дека во текот на утрешниот ден, претседателот Филипче ќе одржи прес конференција на која ќе ги соопшти во детали ставовите на партијата по однос на овие прашања.

Македонија | пред 1 година

Прегазен пешак во Скопје - повредениот однесен во болница

Вечравечер, околу 23 часот, на булеварот „Митрополит Теодосиј Гологанов“ е прегазен пешак.„На 24.02.2025 во 23.30 часот во СВР СКопје било пријавнео дека на крстосница од ул.„Митрополит Теодосиј Гологанов“ и ул.„Њуделхиска“, патничко возило „волво“ со скопски регистарски ознаки, удрило во семафор и во пешакот Г.Ц.(52) од Скопје, по што возачот го напуштил местото. Притоа, пешакот се здобил со телесни повреди, констатирани во Комплекс клиники „Мајка Тереза“, велат од МВР.Увид на местото избвршила екипа од СВР Скопје и се работи на расчистување на случајот

Скопје | пред 1 година

Тинејџер со автомобил излетал под Кале: Бил со други малолетници, сите се во болница

Денеска (25.02.2025) во 03.30 часот во СВР Скопје било пријавено дека на ул.„Лазар Личеноски“ во Скопје, патничко возило „шевролет спарк“ со скопски регистарски ознаки, управувано од 17-годишен малолетник од Скопје, излетало надвор од коловозот.Во несреќата со тешки телесни повреди се здобиле неговите двајца малолетни сопатници, а со телесни повреди се здобиле малолетникот кој го управувал возилото и уште еден сопатник, констатирани во Градската општа болница „Св.Наум Охридски“.Извршен бил увид од увидна екипа од СВР Скопје.

Скопје | пред 1 година

Аларм низ Украина поради рускиот напад, Полска ги крена борбените авиони

Сите региони на Украина, вклучително и регионот Киев, рано утринава беа во состојба на воздушна готовност, откако локалните власти објавија дека руски проектили биле лансирани во правец на главниот град.44-годишна жена е ранета во напад во регионот на Киев, објави воената администрација на регионот на својот канал Телеграм. Повредената е пренесена во болница со расекотина на ногата.Воздушниот напад во регионот на Киев беше укинат пред помалку од половина час, но предупредувањата остануваат на сила во другите делови на Украина, вклучувајќи го и регионот Житомир на западот на земјата.Во меѓувреме, Полска ги исфрли своите борбени авиони како одговор на рускиот напад, соопштија властите, но не беа објавени дополнителни детали за можните закани за полскиот воздушен простор.

Свет | пред 1 година

Кузеска му однесе документи на Мицкоски за Меџити: Предаваме документи до самопрогласениот обвинител, кадија и врховен судија

Портпаролката на СДСМ, Богданка Кузеска, достави документи до Владата со кои тврди дека вицепремиерот и министер Изет Меџити работел незаконски. Таа го отвори и прашањето за земање мито со вакво постапување. За Мицкоски пак, рече дека постапувал и како обвинител и врховен судија.„Предаваме документи до самопрогласениот обвинител, кадија и врховен судија. Денес ќе му ги доставиме документите на премиерот Мицкоски за скандалот со вицепремиерот Меџити. Чувствуваме одговорност да реагираме веднаш откако тој јавно повика да му се достават докази за сомнежите дека постои корупција и неправилности во работата“, рече Кузеска.Според неа, документите се релевантни бидејќи се од државни институции со архивски броеви, печати и потписи.„Овде е наведено дека Државниот управен инспекторат констатирал неправилности дека Меџити ги пречекорувал своите законски овластувања, лично потпишувајќи ги сите предмети. Дали на овој начин сакал да воспостави контрола, за да има простор да ги уценува фирмите и граѓаните? Според наведеното во документите во Министерството имало систем за потпис, и одлулучување спортивно на законите и административните процедури, што отвора сомнеж за корупција и мито. Очекуваме Мицкоски да ги прчоита и разгледа и да одговори на сите сомнежи за можна корупција. Да видиме дали ќе преземе нешто Мицкоски или ќе продолжи да ги штити“, рече Кузеска.

Македонија | пред 1 година

Меџити: Не може архивска работа да се прикаже како голем скандал, СДСМ оди по паметот на ДУИ

Вицепремиерот и минситер Изет Меџити рече дека не направил ништо противзаконски, а за СДСМ кои пред Влада доставуваат документи до премиерот Христијан Мицкоски за незаконско работење вели: „сакаат да ја продолжат приказнава. Не може архивска работа да се прикаже како голем скандал. Ако сакаме да зборуваме за скандали, ги имаше доста до сега“.„СДСМ оди по паметот на ДУИ, се гледа се синхронизирани во нападите. Прво се зборуваше за одземање на ингеренции од Министерството за животна средина, па кога видоа дека инспекторатот кој бил автономен, сега е сектор во рамките на Министерството отидоа на второто обвинување дека има простор за злоупотреба и тоа тоа го констатирал административниот инспекторат. Но тука сакам да се расчистиме, се работи за редовна контрола која е во програмата на Државниот административен инспекторат. Тие имаат забелешка, опомена за воспоставена пракса а не за ингеренции. Во однос на пракса, за волја на вистината, воспоставена од ДУИ и СДСМ, од 2016 година“, рече Меџити.Меџити рече дека опомената е обжалена.„Не се работи за ингеренции, ниту ништо друго“, рече Меџити.Опозициската СДСМ вчера со документи добиени од свиркачи тврдеше дека поради злоупотреба, Државниот управен инспекторат со Решение Бр. 11-1653/2024 од 17.01.2025 година официјално ги одзел ингеренциите на вицепремиерот Изет Меџити во делот на потпишувањето на административни документи.„Документите кои до нас ги доставија свиркачи, а кои ги презентираме денес, покажуваат дека Меџити ги пречекорувал своите законски овластувања, лично потпишувајќи ги сите предмети, без законска основа и без почитување на процедурата за административно постапување. Со тоа, Изет Меџити не само што вршел злоупотреба на позицијата, туку се отвора и сериозно сомневање дали на овој начин сакал да воспостави контрола и да има простор за уцени кон фирмите и граѓаните. Поради тоа Државниот управен инспекторат ги одзел ингеренциите на Меџити во делот на потпишувањето на административни документи. Костовски додаде дека ова не бил прв скандал во кој Меџити е вмешан и ги наведе најавите за 3.000 партиски вработувања до крајот на годинава. Јавно го прашуваме Христијан Мицкоски: до кога ќе го штити Изет Меџити?“, рече организацискиот секретар на СДСМ, Мартин Костовски, на прес-конференција.

Македонија | пред 1 година

Масовни руски сили заглавени во близина на Покровск, не можејќи да се пробијат до клучниот пат: „Украинците пронајдоа смртоносно оружје!“

Додека Русија е опиена од американскиот „коперникански пресврт“ со Доналд Трамп, кој покажува широко „разбирање“ за Москва во неиспровоцираната тригодишна инвазија на Украина на неговиот близок руски колега Владимир Путин, руските сили во Украина продолжуваат да се борат на теренот.Рускиот напад врз Покровск, евакуиран град-тврдина и клучен украински логистички центар во регионот Доњецк, околу кој се протегаат цела низа урбани населби северно низ источна Украина - што започна пред речиси една година - останува во застој, објави проукраинската руска група за анализа Conflict Intelligence Team (CIT).Украинските бригади, велат од групата, неодамна извршиле контранапад на неколку километри јужно од Покровск, враќајќи го теренот околу селото Лисивка и зајакнувајќи ја одбранбената тампон зона околу самиот град. Успешната операција следеше по сличен украински контранапад претходно овој месец на западната страна на Покровскоје.Меѓутоа, руското напредување околу селото Баранивка, на 20-ина километри источно од Покровск, ги побива информациите за руски пораз на потегот меѓу Авдиивка и Покровск. Повеќе од една година оваа територија играше голема улога во руските воени планови.Откако дефинитивно ја срамни Авдиивка со земја во февруари минатата година и конечно ја протера украинската единица на која остана без муниција од градот, руската централна група на сили - на хартија, најмалку 50.000 војници плус илјадници возила - се упати кон Покровскоје, околу 30 километри на запад.Кон крајот на минатата година, Русите стигнаа до периферијата на градот, каде наидоа на „ѕид“ од украински беспилотни летала. Според CIT, руски извори „забавувањето го припишуваат на зголемената концентрација на украинските сили, особено... единиците за беспилотни летала“, како што пишува аналитичарот на Форбс, Дејвид Акс.Украина произведе 2,2 милиони експлозивни беспилотни летала FPV минатата година, а планира да произведе уште повеќе оваа година, објавија украинските медиуми претседателот Володимир Зеленски. Русија има произведено и милиони дронови, но украинските, според авторот, се со многу повисок квалитет.Исто така, ефективно украинско електронско заглавување често ги приземјува сите освен најдобрите руски дронови, модели со оптички влакна кои не се потпираат на радио сигнали. За да ги спречат руските беспилотни летала со оптички влакна - кои се контролираат со помош на долги кабли што се повлекуваат - украинските оператори со беспилотни летала околу Покровск научија да забележуваат долги влакна што го рефлектираат сонцето.Не само што украинските беспилотни летала доминираат на силите на фронтот, туку тие летаат и километри зад линијата на фронтот за да ги пресретнат руските камиони за снабдување кои се движат по патиштата кон Покровск. Овие беспилотни летала „пресретнувачи на патишта“ претворија една важна руска линија за снабдување - патот Очеретин-Прохрес - во гробишта на руски камиони, комбиња, автомобили и теренски возила.Овие беспилотни летала често ги таргетираат истите точки на сообраќајниот метеж, напаѓајќи возило по возило и создавајќи купишта остатоци што го нарушуваат сообраќајот. Нападите „значително ја искомплицираа логистиката на (руските вооружени сили)“, се посочува во извештајот на CIT.Плашејќи се од пораз, Русите се свртуваат кон други цели, според Украинскиот центар за одбранбени стратегии. „Руската команда... го фокусира своето главно внимание не на Покровск, туку на соседните правци Новопавливка и Торек.

Свет | пред 1 година

Засилени сообраќајни контроли: Вчера санкционирани 773 возачи, 73 возеле без возачка дозвола

Продолжувајќи со несмалената динамика на сообраќајни контроли низ патиштата во земјава, вчера (24.02.) полициските службеници од сите сектори за внатрешни работи, преземаjќи плански мерки, а согласно Законот за безбедност на сообраќајот на патиштата и Законот за возила, на ниво на цела држава издадоа вкупно 773 платни налози по основ на прекршоци сторени според одредбите од овие закони.„Притоа, во рамки на контролите, согласно статистичките трендови, најголем дел од прекршоците се однесуваат за возење со брзина поголема од дозволената 175, како и непрописното паркирање 252. Додека пак, веднаш зад нив следат прекршоците за возење без возачка дозвола 73, потоа некористење на сигурносен појас 48, како и 34 прекршоци за користење на мобилен телефон при возење.Инаку вчера, во шест случаи детектирани се возачи кои управувале возило под дејство на алкохол, петмина минале на црвено светло, а евидентирани се и осум прекршоци на пешаци. Согласно, пак, Законот за возила биле евидентирани шест технички неисправни, како и 17 нерегистрирани возила. Министерството за внатрешни работи продолжува со засилените мерки и активности во поглед на сообраќајната безбедност, а континуирано се реализираат и превентивни активности низ сите сектори за внатрешни работи во насока на укажувања и апелирања до сите учесници во сообраќајот за целосно почитување на сообраќајните правила и прописи“, велат од МВР.

Македонија | пред 1 година

Србија гласаше за европската резолуција за Украина; Кремљ: Вучиќ брзо се извини

Брзата реакција на српскиот претседател Александар Вучиќ на случајното гласање на неговата земја за „антируска резолуција“ во ОН ја израдува Москва, изјави портпаролот на Кремљ, Дмитриј Песков.„Русија разбира дека се работи за техничка грешка. Се разбира, го слушнавме и го забележавме“, одговори Песков на новинарот на руската државна новинска агенција Тас, кој го праша дали Кремљ го забележал извинувањето на Вучиќ.„Се случуваат технички грешки. Се разбира дека ни се допаѓа таква брза реакција од шефот на државата“, додаде тој.Да потсетиме, Србија вчера на Генералното собрание на Обединетите нации гласаше за европска резолуција за Украина. Меѓутоа, претседателот Александар Вучиќ набрзо изјави дека неговата земја направила грешка и дека требало да покаже воздржаност.„Мислам дека Србија згреши. За тоа им се извинувам на граѓаните на Србија и јас сам ја сношам вината за тоа, бидејќи веројатно сум уморен и оптоварен и не можам да направам се“, рече Вучиќ за време на гостувањето на ТВ Хепи.Тој додаде дека Србија требаше да се воздржи при гласањето за европската резолуција за Украина, исто како што беше и при гласањето за американската резолуција.

Свет | пред 1 година

„Бомбите“ за ДУИ се чуваат во сефот на Груби, тоа е терор за партиските функционери, вели Хајредини

Поранешниот прв вицепремиер Артан Груби кој е во бегство поседува „бомби“ (прислушувани разговори) за раководството на ДУИ, а тие „бомби“ му се дадени токму од поранешниот премиер Зоран Заев, тврди ексминистерот за финансии Џевдет Хајредини.„Бандата, според внатрешни извори, со поддршка на Али, е терор за поранешните и сегашните партиски функционери. Овој разумен страв произлегува од тоа што еднаш, во времето на бомбите, сите прислушувани разговори на ДУИ, вклучително и на Али, Заев му ги предаде на Артан. Како што е познато, од стотиците објавени закани за бомби, и покрај предупредувањата, не беа пронајдени бомби за челниците на ДУИ, иако сите тврдат дека ги има во изобилство, а добро се чуваат во приватниот сеф на Артан Груби. Со нив може да уценува, да влева страв и да диригира со своите кадри“, пишува Хајредини.Во нова објава, Хајредини посочува дека само со враќањето на Груби ќе може да се почне со расчстување на криминалот и корупцијата.„Само со враќањето на Груби од егзил може да започне демонтажата на првата линија на одбраната против епидемијата на криминал и корупција која долги години е неказнета“, напиша Хајредини.

Македонија | пред 1 година

Македонија воздржана за „европската“ резолуција за Украина во ОН, отфрлена е и американската, на која сме коспонзор

Во победа на Украина на тригодишнината од руската инвазија, САД денеска не успеаја да го натераат Генералното собрание на ОН да ја одобри американската резолуција со која се бара крај на војната без да се спомене агресијата на Русија, објави агенцијата „Асошиејтед прес“. Македонија, заедно со Унгарија, Грузија и Израел, e коспонзор на овaa резолуција на САД. Генералното собрание ја одобри ривалската украинска резолуција поддржана од Европа, со која се бара Русија веднаш да се повлече од Украина.Резолуции не се правно обврзувачки, но се гледаат како барометар на светското мислење. Но, тоа покажува и одредена намалена поддршка за Украина, чија резолуција беше усвоена со 93-18, со 65 воздржани. Тоа е пониско од претходните гласови, во кои над 140 земји ја осудија агресијата на Русија.Соединетите Држави се обидоа да извршат притисок врз Украинците да ја повлечат својата резолуција во корист на нивниот предлог, според американски функционер и европски дипломат кој зборуваше под услов да остане анонимен бидејќи разговорите беа приватни.Заменик-министерот за надворешни работи на Украина, Маријана Беца, изјави дека нејзината земја го користи своето „природно право на самоодбрана“ по руската инвазија, која го прекршува принципот на ОН за почитување на суверенитетот и територијалниот интегритет на државите.Премиерот Христијан Мицкоски денеска на прес-конференција не даде детален одговор зошто е одлучено Македонија да биде коспонзор на американската резолуција.„Па така одлучивме, дека ќе бидеме коспонзори на Резолуцијата што ја поднесоа Соединетите Американски Држави во Обединетите нации. Очекувам таа да биде поддржана од мнозинството во ОН“, кажа Мицкоски.

Свет | пред 1 година

ЕУ со враќањето на Трамп е ставена во ќош: какви се можните чекори

Со враќањето на Доналд Трамп на претседателството на Соединетите држави, Европската унија се соочува со низа невидени предизвици кои влијаат на нејзината безбедност, економската стабилност и геополитичкото влијание.Трансакциската надворешна политика на Трамп, скептицизмот за НАТО и заканите за трговски тарифи ги изложија ранливостите на Европа, особено нејзината зависност од САД за одбранбена и економска соработка. ЕУ сега брзо ги разгледува стратешките опции за намалување на оваа зависност, вклучително и зајакнување на воената автономија, економската отпорност и развивање на нови геополитички сојузи.Доктрината на Трамп „Америка на прво место“ уште еднаш ги продлабочи трансатлантските тензии, со непосредни последици за европската безбедност. Неподготвеноста на Трамп безусловно да ја поддржи Украина, во комбинација со заканите за повлекување од НАТО доколку европските сојузници не ги зголемат трошоците за одбрана, го дестабилизираа поредокот што ја обликуваше Европа по Студената војна.Неговото инаугуративно обраќање во 2025 година ги испушти традиционалните референци за сојузи, наместо да го нагласи економскиот национализам и изолационизам, означувајќи драстично отстапување од американското повоено раководство.Европските лидери сега се соочуваат со сè посериозна закана дека САД можеби повеќе нема да бидат гарант за безбедност. Обидите на Трамп директно да преговара со Русија за иднината на Украина, без да ја вклучи ЕУ, дополнително ја потврдија потребата од поголема стратешка автономија за Европа.Заканите на Трамп за воведување царини за европските производи кои се движат од 10% до 20% може да предизвикаат нова трансатлантска трговска војна. Трговијата меѓу ЕУ и САД, вредна 1,3 трилиони евра годишно, е најголема во светот, а извозно ориентираните економии како Германија и Холандија би можеле да претрпат сериозни нарушувања доколку се воведат царини.Дополнително, отворената соработка на Трамп со екстремно десничарските европски партии, како што се францускиот Национален митинг и германската AfD, се заканува да го поткопа единството на ЕУ за трговските и регулаторните стандарди. Ова може да ги ослаби заедничките европски политики и да доведе до внатрешно-политички поделби во Унијата.Војната во Украина го откри потпирањето на Европа на американските воени способности. Иако европските земји сочинуваат повеќе од половина од трошоците за одбрана на НАТО (не вклучувајќи ги САД), нивните војски остануваат критично зависни од американската логистика, разузнавањето и нуклеарното одвраќање.За да се намали оваа зависност, ЕУ ја започна Европската одбранбена индустриска стратегија (EDIS) во март 2024 година. Целта е да се координираат набавките на оружје, да се намали фрагментацијата и да се постигне 50% од интраевропското производство на одбранбена опрема до 2035 година.Планот вклучува формирање на фонд од 1,5 милијарди евра за поттикнување проекти за заедничко производство на оружје, обврзувачки цели за заеднички набавки од 40% до 2030 година и интеграција на украинската одбранбена индустрија во европските синџири на снабдување, вклучително и предложениот центар за иновации во Киев.Исто така, Постојаната структурна соработка (ПЕСКО), која сега вклучува 54 заеднички одбранбени проекти, беше проширена во 2025 година. Но, напредокот останува ограничен од националните вето и финансиските ограничувања.Франција, единствената нуклеарна сила во ЕУ, предложи да го прошири својот нуклеарен чадор на европските партнери според член 42.7 од Лисабонскиот договор. Сепак, источноевропските земји сè уште претпочитаат заштита од САД.Што се однесува до Германија, идниот канцелар на земјата и победник на неодамнешните избори, Фридрих Мерц, неодамна сугерираше дека би сакал Германија да се најде под француско-британската нуклеарна чадор.Уделот на еврото во глобалните резерви (20%) заостанува далеку зад доларот (58%), што ја прави ЕУ ранлива на американската финансиска принуда. За да ја намали оваа ранливост, ЕУ го забрзува развојот на дигитално евро, што би овозможило поголема монетарна независност и намалување на зависноста од долариизираните платежни системи и американските санкции.Дигиталното евро би било централизирана дигитална валута контролирана од Европската централна банка, што ќе овозможи побезбедни и ефикасни трансакции во рамките на европскиот финансиски систем.Во исто време, ЕУ инвестира многу во планот REPowerEU вреден околу 300 милијарди евра, кој има за цел да ја елиминира зависноста од руските фосилни горива до 2027 година. Планот вклучува зголемување на инвестициите во обновливи извори на енергија, развој на нови нуклеарни капацитети и проширување на инфраструктурата за складирање на гас и водород. Со овие мерки ЕУ сака да обезбеди стабилност во снабдувањето со енергија и да го намали влијанието на геополитичките закани врз европската економија.ЕУ бара нови трговски партнери за да ги диверзифицира своите економски врски и да ја намали зависноста од традиционалните пазари. Еден од клучните чекори во оваа насока е обновувањето на преговорите за трговски договор со Меркосур, трговски блок составен од Бразил, Аргентина, Парагвај и Уругвај.Овој потег доаѓа откако ЕУ се обидува да го намали ризикот од можни американски царини, особено во инженерскиот и фармацевтскиот сектор, и да обезбеди постабилен пристап до пазарот кој се проценува на 90 милијарди евра.И покрај економските придобивки, преговорите не се без предизвици. Главните пречки ги вклучуваат еколошките грижи, првенствено поврзани со уништувањето на шумите на Амазон, што е клучно прашање за европските еколошки политики и зелената транзиција.Дополнително, европските земјоделци изразуваат отпор кон можниот прилив на поевтини земјоделски производи од Јужна Америка, што може да ја загрози нивната конкурентност.Свесна за интензивирањето на ривалството меѓу САД и Кина, ЕУ се обидува да ги зајакне односите со индо-пацифичките демократии за да обезбеди стабилност и технолошки напредок во регионот. Во овој контекст, Европската унија ги продлабочува партнерствата со Јапонија, Јужна Кореја и Индија, потпирајќи се на заедничките интереси во областа на технологијата, одбраната и стратешките ресурси.Јапонија и Јужна Кореја се земји со кои ЕУ интензивно соработува во клучните индустрии како што се производството на полупроводници и стратешките минерали. Посебен акцент е ставен на партнерствата кои овозможуваат зајакнување на европската технолошка автономија во производството на чипови, што е од витално значење за намалување на зависноста од кинескиот и американскиот синџир на снабдување.По долг период на стагнација, преговорите за трговски договор меѓу ЕУ и Индија се рестартирани. Целта е да се овозможи полесен трансфер на технологија, да се поттикне соработката во развојот на одбранбените способности и да се обезбеди стабилен пристап до суровините потребни за европската индустрија.Индија се повеќе се појавува како клучен стратешки партнер на Европската унија во индо-пацифичкиот регион, не само поради нејзиниот економски потенцијал, туку и поради нејзината геополитичка важност во задржувањето на кинеското влијание.Војната во Украина не само што ја преобликува европската безбедносна архитектура, туку и поттикна подлабока интеграција на Украина во европските одбранбени и индустриски структури. Овој процес има двојна цел.ЕУ и Украина соработуваат на заедничко производство на воена опрема, вклучувајќи беспилотни летала и артилерија, зајакнување на источниот одбранбен ѕид на Европа. Покрај тоа, украинската воена индустрија постепено се интегрира во европските синџири за снабдување со одбрана, што може да го подобри капацитетот на ЕУ за производство на воена опрема.Иако потенцијалното членство на Украина во НАТО останува многу сомнително, Европската унија обезбедува безбедносни гаранции кои би можеле значително да ги зголемат нејзините одбранбени способности. Ова вклучува долгорочна воена и финансиска поддршка и интеграција на Украина во европските безбедносни механизми.Администрацијата на Трамп предизвика пресврт во европската стратегија, принудувајќи ја ЕУ повторно да размисли за децениското потпирање на САД. Патот до автономија ќе бара големи инвестиции и тешки одлуки. Според зборовите на неодамнешниот шеф за надворешна политика на ЕУ, Жозеп Борел: „Европа мора конечно да стане геополитички актер или ризикува да стане бојно поле“.

Свет | пред 1 година

Папата добро се одмори преку ноќ, вели Ватикан

Папата Фрањо, кој се наоѓа во болница во критична состојба поради двојно воспаление на белите дробови, „добро се одмори“ во текот на ноќта, соопшти Ватикан.„Папата добро се одмори, цела ноќ“, се вели во кратката изјава во една реченица на Светата столица, на 12-тиот ден од неговата хоспитализација.Ова е најдолг престој во болница од почетокот на неговото папство во 2013 година.Ватикан вчера вечерта соопшти дека здравствената состојба на папата Франциско (88) покажува „благо подобрување“, иако и понатаму е „критична“.88-годишниот папа беше примен во римската болница „Гемели“ на 14 февруари, откако неколку дена имаше проблеми со дишењето, а потоа му беше дијагностицирано воспаление на двете бели дробови.Френсис, во последните две години страда од лоша здравствена состојба. Тој е особено склон кон инфекции на белите дробови бидејќи кога бил млад заболел од плеврит и му бил отстранет дел од едното белодробно крило.

Свет | пред 1 година

СДСМ денеска ќе му достави документи на премиерот Мицкоски за скандалот со Меџити

„Ве известуваме дека денеска, во 11.00 часот, во Владата на Република Северна Македонија СДСМ ќе му достави документи на премиерот Мицкоски за скандалот со Меџити“, велат од СДСМ и додаваат:„СДСМ чувствува одговорност да реагира веднаш откако премиерот Мицкоски јавно повика да му се достават докази за сомнежите дека постои корупција и неправилности во работата“.Опозициската СДСМ со документи добиени од свиркачи тврдеше дека поради злоупотреба, Државниот управен инспекторат со Решение Бр. 11-1653/2024 од 17.01.2025 година официјално ги одзел ингеренциите на вицепремиерот Изет Меџити во делот на потпишувањето на административни документи.„Документите кои до нас ги доставија свиркачи, а кои ги презентираме денес, покажуваат дека Меџити ги пречекорувал своите законски овластувања, лично потпишувајќи ги сите предмети, без законска основа и без почитување на процедурата за административно постапување. Со тоа, Изет Меџити не само што вршел злоупотреба на позицијата, туку се отвора и сериозно сомневање дали на овој начин сакал да воспостави контрола и да има простор за уцени кон фирмите и граѓаните. Поради тоа Државниот управен инспекторат ги одзел ингеренциите на Меџити во делот на потпишувањето на административни документи. Костовски додаде дека ова не бил прв скандал во кој Меџити е вмешан и ги наведе најавите за 3.000 партиски вработувања до крајот на годинава. Јавно го прашуваме Христијан Мицкоски: до кога ќе го штити Изет Меџити?“, рече организацискиот секретар на СДСМ, Мартин Костовски, на прес-конференција.

Македонија | пред 1 година